والنعمة حيرتنا يا فوزى المرضي .. (الف علامة تعجب وإستفهام ) ..

يا ربي يكون دا سر إنتصارات الهلال الغامضة علي المريخ في عهدك كمدرب صريح للهلال واللا شنو ..
فوزي المرض كان مدرب الهلال أيام صلاح الضى وود الجنيد وحمد كمال ومحمد حمدان (الراجل ) والسادة وهلملاعبين..
تفاصيل أوفي لاحقا ..

أمس وخلال مباراة العين والجزيرة في الدوري الإماراتي لكرة القدم قال الكوتش فوزي المرض لصديقي عاطف صيام ..
العين ح يغلب الجزيرة ..مافي اي عجب في الكلام بمدلولاته الظاهرة لكن :
تقدم فريق الجزيرة علي العين 3-1 بنهاية الشوط الأول .
في الشوط الثاني كاد الجزيرة ان يعزز تقدمه الثلاثي بالهدف الرابع لكن تسديدة الإيفواري توني إصطدمت بالقائم .
وبعد مضي ربع الساعة من الشوط الثاني للمقابلة كشر الزعيم العيناوي عن أنيابه واحال المستطيل الأخضر إلى لهب احمر وبدأت امواجه في الإرتفاع إلى حد مخيف قبل أن تغمر الجزيرة بالهدف الثاني والثالث (هدف التعادل) .. وفي الدقيقة الأخيرة لنهاية المباراة وبينما قنع الجميع بنتيجة التعادل 3-3 وبدا جمهور الفريقين في الخروج من الأستاد موقنين بان صافرة النهاية ستنطلق لا محال لتعلن التعادل رسميا , في هذه الأثناء تحديدا أرتكبت مخالفة خارج المنطقة لصالح العين و....
إذا بمدفعجي الزعيم العيناوي وقاذفة اللهب سبيت خاطر يتصدي للركلة الحرة ويحكم التصويب والتنشين ويسدد صاروخ لم يره أحد إلا وهو ينفجر في المرمي الجزراوي ليفجر معه الفرحة العيناوية و..
وشظايا صاروخ سبيت أصابتني ببعض الدهشة فيما بعد عندما قال لي صديقي عاطف ما قاله له فوزي المرضي قبل المباراة وصدق بعدها وفاز العين بالأربعة ..
والقصة لم تنته بعد ..
فلقد جلست شخصيا مع فوزي الأسد بعد نهاية اللقاء ومعي آخرون وكانت المفآجات المذهلة تنهمر من لسانه كسيل من الغرابة والأساطير.
يتبع ..

هلا يا طلحة
وحباب الصهاينة
وفوزي خبير كبير وزول بعرف يقراء الكورة من مخزون خبرة عالية
وحس كروي شفاف
لذا عندما كان في تدريب الهلال اذاقكم الويل والسعير
لذا لا تندهش عندما تصدق تنبؤابته فانه فوزي الاسد

قبل الإسترسال في سرد ما قاله لي فوزي أمس وحتى لا يذهب البعض بعيدا أرجو ان أؤكد بانه ليس مستغربا أبدا أن يفوز العين الزعيم الإماراتي أكبر نادي في آسيا علي الجزيرة أو علي اي فريق آخر بالأربعة والخمسة فهو الفريق صاحب نصيب الأسد في الصعود لمنصات التتويج بالدوري الإماراتي (تسع مرات ) مقابل خمس لأقرب ملاحقيه كما وفاز كثيرا بكاس رئيس الدولة وحصل علي أكثر من لقب خليجي كما حصل علي لقب كأس الأندية الآسيوية في نسختها الأولي 2003 ولم يسبق له أن تخلف ابدا عن نهائيات أكبر بطولات الإتحاد الآسيوي لكرة القدم إلا في الموسم السابق وأختير أفضل نادي باسيا ثلاث مرات متتالية وحصل لاعبه سبيت خاطر منصة الصورايخ المتحركة علي لقب أستاذ في الضربات الثابتة وهو اللقب الذي منحه فيفا لبيكهام وغيره وقد أختير النجم (سبوت) كما يحلو لمعجيبه ضمن أفضل ثمانية في العالم منهم بيكهام وزيدان ورنالدينهو وغيرهم للتباري عالميا في التسديد من خارج المنطقة .
ليس غريبا أن يفوز العين علي الجزيرة الذي لم يسبق له أن حقق الفوز علي الزعيم طيلة السبع مواسم الاخيرة وربما اكثر ولذلك فربما كان فوزي إستعان ببعض هذه الملعومات وتأسيسا عليها تنبأ بما تنبأ به اعلاه .
ولكن ما قاله لي بعد ذلك كان مثيرا بحق ..
ومذهلا .

اووووو الحبيب الرشاشة الكبير كيكي
ليك شوق عظيم يا راجل وعاش من شاف كلمات كيبوردك تسعي بالبورد ياخ .
قلت لي :

Quote: لذا لا تندهش عندما تصدق تنبؤابته فانه فوزي الاسد

غايتو انا ما بعرف يا كيكي لكن ح اقول ليك ما قاله فوزي المرضي وهو يعود بذكرياته للماضي البعيد واترك ليكم التفسير .
تقولوا قارىء ملعب ولعب ..
قارىء كف..
ضارب رمل ..
بتاع كرامات ..
بتاع كجور ..
غايتو ح اعلق لافتة هنا مكتوب عليها :
التعليق علي هذا البوست مسوؤلية صاحبه ..

قلت لفوزي المرضي بعد صدقت تنبؤاته (حسب كلام كيكي ) كيف تعرف ذلك ..؟؟؟؟
فقال لي من خلال ضحكة صافية لم أجد لها تفسيرا حقيقا بعد : دي كرامات .
ثم إستدرك بعد أن أصلح من وضع جلوسه وقال لي :
أيام كنت مدربا للهلال وقبل أحدي مبارياتنا مع المريخ اعلنت تشكيلتي وقد ضمت اللاعب (حنضلية) الذي جاء للهلال من الخرطوم تلاتة وقد كان لقرار ضم هذا اللاعب للتشكيلة أمرا مثيرا للإستغراب حد الذهول من الهلالاب وغيرهم بل وحتى من اللاعب نفسه إذ انه ظل بعيدا عن تشكيلة الفريق فترة طويلة نتيجة لإصابته ولكنني أصريت علي أن يلعب حنظلية أساسيا ومنذ بداية المباراة وقلت للجميع أنه سيحقق الفوز علي المريخ في هذه المباراة و..
وفاز الهلال بهدفين للاشىء سجلهما اللاعب حنظلية ..
وخرجت صحف اليوم التالي بمانشيتات من شاكلة :
المريخ يتذوق حنظل الهلال مرتين .
يتبع ..

الاخ طلحة ...........


قراة البوست ممتعة ...........

لكن شغال بالقطارة مالك ............


يا اخوي عندنا دوام ...........



لك الود ..

العزيز waw

Quote: لكن شغال بالقطارة مالك ............ يا اخوي عندنا دوام ...........

لك العتبي ياخ لكن وحاتك قاعد أسرق الدقائق البكتب فيها سرقة لص محترف .. زحمة لاعلي سبيبة في شعر راسي ياخ .
بالمناسبة فوزي المرضي ظهر في لقاءات القمة كمدرب سبع مرات فاز في خمس منها وإنتصر علي مازدا مرتين والوحيد الذي وضع حدا لإنتصارات فوزي هو مدرب المريخ الراحل صديق العمدة وكان ذلك في يوم 22 -8- 2001 عندمافاز المريخ بهدفي العجب وأبو حشيش وقد كانت تلك المباراة هي آخر عهد فوزي المرضي كمدرب للهلال قبل أن يعود ثانية ليظهر كمدير للكرة وفي عهده حقق الهلال إنتصارات متتالية بالدوري الممتاز .
اعود بعد التقاط الانفاس ..

قال لي فوزي الأسد :
قبل مباراة للمريخ والهلال بنهائي كأس السودان وفي التدريب الأخير للقاء قلت لمساعدي عليك بمجموعة لاعبين أذهب إلى المرمي الآخر ودربهم علي ضربات الترجيح فيما ذهبت أنا بمجموعة ثانية إلى المرمي المقابل وفعلت نفس الشىء معهم وقد ظللت أدرب اللاعبين علي ركلات الترجيح لوقت طويل وبعد نهاية المباراة سألني بعض الصحافيين (قالهم لي باسمائهم وأوصافهم وصفاتهم) لماذا تدربهم علي ركلات الترجيح هل ستعمل علي إنهاء المباراة بالتعادل في زمنها الرسمي والإضافي ..؟ وهل تريد أن تقول أنه ليس لديك ثقة في أن يحسم الهلال المباراة في زمنها الرسمي قال:
قلت لهم : المباراة ستكون مارثون طويل يمتد حتى زمنه الإضافي الثاني وسنعمل علي ان نحسمها بركلات الترجيح .
وأضاف : خرجت الصحف في اليوم التالي لتؤكد علي ان فوزي المرضي مدرب الهلال يخشي المريخ ويعمل علي التعادل واللجوء لركلات الترجيح .
ومضي فوزي بقوله : إتصل علي صحفي مريخي ( ذكر أسمه ) وقال لي أن المريخ سيذيقكم الويل اليوم ولن يتركك أن تهب بالمباراة إلى التعادل فأكدت له ان الأمور ستحسم بهذه الطريقة ولصالح الهلال.
قال فوزي المرضي : وجاءت المباراة وعندما وصلت إلى الشوط الإضافي الثاني كان يجلس بجانبي طبيب الهلال وقتها بقادي وقد هرب من جانبي وقال لي أنت زول خطير و..
وانتهت المباراة بالتعادل وحسمها الهلال بركلات الترجيح حيث سجل خمس فيما أضاع المريخ ركلة .
قالها فوزي وإنفجر ضاحكا عندما لاحظ ما اعتراني من ذهول .
يتبع ..

Quote: غايتو انا ما بعرف يا كيكي لكن ح اقول ليك ما قاله فوزي المرضي وهو يعود بذكرياته للماضي البعيد واترك ليكم التفسير . تقولوا قارىء ملعب ولعب .. قارىء كف.. ضارب رمل .. بتاع كرامات .. بتاع كجور .. غايتو ح اعلق لافتة هنا مكتوب عليها : التعليق علي هذا البوست مسوؤلية صاحبه ..

أستاذ طلحة .. تحياتي ..

دي كيـف ؟؟



ــــــــــــــــــــ

منتدى محبي المريخ

ليس بعيدا عن الموضوع
فوزي المرض تم إعفائه من منصبه كمدير لدائرة الكرة الهلالية برغم النجاح العظيم الذي أصابه في موقعه ولكن سيد الهلال الأوحد لا يعجبه لمعان اي نجم غيره فاخرجه من الباب الوراني كما اخرج قبله الأمين البرير وغيرهما ومازل الأرباب يلز في المعز محجوب ويدفره بكلتي يديه ليخرجه هو الآخر من ذات الباب .
فوزي كان أحد أشد المعارضين لتغييب الحارس المعز في مباريات الهلال الأفريقية والعربية التى لعبها الحارس أبو بكر الشريف ليخسر الفريق في وجوده مباريات قضت علي أماله في الوصول لمنصات التتويج إفريقيا والمنافسة علي لقب ابطال العرب عربيا .
لقد إنتهز صلاح إدريس فرصة ظروف وفاة والدة فوزي المرضي رحمها الله ونفذ مخططه في إبعاد المعز إبتداءا من رحلة سوريا ولو كان موجودا فوزي المرضي لما إستطاع صلاح إدريس ذلك .
اعود إلى حيث كنت ..

Quote: لقد إنتهز صلاح إدريس فرصة ظروف وفاة والدة فوزي المرضي رحمها الله ونفذ مخططه في إبعاد المعز إبتداءا من رحلة سوريا ولو كان موجودا فوزي المرضي لما إستطاع صلاح إدريس ذلك . اعود إلى حيث كنت ..

.. يا مسكين
خلاص قمت تهضرب .. جاتك الحمى أم برد
خليك من فوزي المرضي .. كدي اكتب لينا عن المدرب بتاعكم الفرحـان دا ..
بلاي الواحد يجيب قون يقوم جاري صووف .. وداخل الميدان .. الحكم زاتو يحتار ليك حيرة السنين لا يعرف يكتب اسم اللاعب الجاب القون .. واللا اسم المدرب
حقو تلبسوهو فنلة مع اللعيبه عشان لما يقوم جاري جوه الميدان الحكم ياخد الأمر بي شكل عادي ..
قلنا لعيبه مساكين اوكي
مشجعين مساكين اوكيين
لكن مدرب مسكين زي دا اصلو ما شفناهو
ما شايف أنكم ( ضغطتو) عليناشديد يا طلحة يا مسكين..؟

غايتو يا حسين يوسف زى ما قلت ليك وظللت انت بالاحمر لزوم التأكيد علي شعاري المرفوع العفش داخل التاكسي آآآقصد التعليق داخل البوست علي مسوؤلية صاحبه ..
وبلاي ما تجرجرنا ياخ ..

Quote: التأكيد علي شعاري المرفوع العفش داخل التاكسي آآآقصد التعليق داخل البوست علي مسوؤلية صاحبه ..

حكمـة البـوسـت والله ...

هسع ما براك بتجرجر في نفسك !!!

على مسؤوليتي :

الخوف شيخ فوزي يكون شال معاه الحمار دبـي !!!
شال الحمار وخلا الدحيش ..!!

تمبس مسكنة
شايفك إتضايقت وقعدت تململ ..
اوع تكون جاءتك النقزة بتاعت الفتاق تاني ياخ ..
غايتو جري مدرب المريخ دا ما بعرفو لكن وحاة خوتك الأسد دا حيرني في حناني ذاتو .
دا يقولوا عليهو شنو دا ياخ ..

إضافة للشعار اعلاه أرفع شعار تاني مكتوب عليه:
ممنوع دخول حسين يوسف بالأسم .

Quote: ممنوع دخول حسين يوسف بالأسم .

حتى لو كان التعليق على مسؤولية صاحبه ؟؟

ما يزنقوك تقوم تجينا جاري !!!

هسع كنت بجهز ليك في لقطات فيديو لمورينهو وريكارد
وأرسين فنقر وهم بتجارو وبرقصو ..
وواحدة لريكاردو دي أرضيات ( بتاع الهلال ) وهو مش
بتجارى ؟؟ دا اتكلم عربي عديييييل ..

يا تمبس أعصر طلحة كويس وأنا معاك ..

والله بعد كدا إلا يلحقك شيخ فوزي يا طلحة !!

Quote: والله بعد كدا إلا يلحقك شيخ فوزي يا طلحة !!

ماتزعل ياحسين

وصاحبك ده شكله عامل البوست ده (طعم ) للرشاشات وعاوز يصاحبهم

سنظل نتفرج ونراقب من بعيد !! ولكن كان ازنق ما بنخليهو براهو !!

ابو عثمان

Quote: ولكن كان ازنق ما بنخليهو براهو !!

هوووى يا صهاينه كان الحكاية بقت فزع وكتره والله بتخسروا

طلحة سلامات

انت الحيرتنا دة شنو دة مالك دا ماكان هلال الساحل دة

طيب دة لوسيد البلد حتقعد تهضرب بي شنو

انت ياطلحة متاكد من متحدثك دة فوزي بتاع الهلال بس مايكون

فوزي بتاع الدفاع الشعبي

Quote: ماتزعل ياحسين وصاحبك ده شكله عامل البوست ده (طعم ) للرشاشات وعاوز يصاحبهم سنظل نتفرج ونراقب من بعيد !! ولكن كان ازنق ما بنخليهو براهو !!

يا أبو عثمان ..
أنا غايتو برد ليك وما عارف طلحة بزعل ولا لا ..!!
المهم أنا ما زعلان يا صديقي ..
لكن لو البوست طعم ( يبقى طعم ضعيف ) لأنو لسع ما قبض !!
وما عندك مشكلة ح نتفرج لغاية ما نشوف آخرتها كيف ؟؟؟

أنا عارف طلحة بالكلمة قادر عليهم ونص وخمسة ..
بس مرات الرشاشات عازين الصورة والفيديو عشان يسكتو !!!!

محبتي ..

طلحة يا عمك
صحي يموت الزمار و صوابعه بتلعب
موضوع عن فوزي و كراماته - او حماراته من الآخر كدة- لا زم تحشر فيه صلاح إدريس بدون اي مناسبة
يعني خلاص قلبك على الهلال و فوزي و زعلان من صلاح إدريس إنو طفشو
دقييييييقة يا عمك

غايتو لو شداد و صلاح إدريس اتصالحو موقفك حيبقى صعب خلاص

ويا عمك بعيدا عن التنظير دايرين نشوفك هنا
اليوم لقاء بورداب الأمارات بالشارقه-قضية سناء

Quote: أيام كنت مدربا للهلال وقبل أحدي مبارياتنا مع المريخ اعلنت تشكيلتي وقد ضمت اللاعب (حنضلية) الذي جاء للهلال من الخرطوم تلاتة وقد كان لقرار ضم هذا اللاعب للتشكيلة أمرا مثيرا للإستغراب حد الذهول من الهلالاب وغيرهم بل وحتى من اللاعب نفسه إذ انه ظل بعيدا عن تشكيلة الفريق فترة طويلة نتيجة لإصابته ولكنني أصريت علي أن يلعب حنظلية أساسيا ومنذ بداية المباراة وقلت للجميع أنه سيحقق الفوز علي المريخ في هذه المباراة و.. وفاز الهلال بهدفين للاشىء سجلهما اللاعب حنظلية .. وخرجت صحف اليوم التالي بمانشيتات من شاكلة : المريخ يتذوق حنظل الهلال مرتين

سلامات يا طلحة

... الهلال فاز يومها على المريخ 2/0، بهدفي حنظلية وصلاح الضي، وكان ذلك عام 2000.
جاء الهدفان في أول 20 دقيقة للمباراة، في المرمى الجنوبي، وكان مدرب المريخ مازدا.

إما تكون إنت نسيت، أو يكون فوزي نسى، لكن بالغت في حكاية "وخرجت صحف اليوم التالي
بمانشيتات من شاكلة: المريخ يتذوق حنظل الهلال مرتين"!!

Quote: غايتو لو شداد و صلاح إدريس اتصالحو موقفك حيبقى صعب خلاص

ذي كـدا يا ود البشـرى :

الأخ/ طلحة عبدالله .............. تحية طيبة

بمناسبة :

Quote: موضوع عن فوزي و كراماته -

يأخى ما بتكون سألتوا لينا عن موضوع ( كمال عبدالوهاب ) الشهير وعزومته مع شوقى ( أدخل إنت ....لا أدخل إنت ...)
ما ورّاك حسى شنو فى اليوم القبلوا؟

ودالبشرى ممكن ترد.

ود الريّح :

Quote: إما تكون إنت نسيت، أو يكون فوزي نسى، لكن بالغت في حكاية "وخرجت صحف اليوم التالي بمانشيتات من شاكلة: المريخ يتذوق حنظل الهلال مرتين"!!

ياخ انا نحتّ راسي وبحّتّ لمن قلت الروب و أصلو هدفين لي حنضلية ديل ما جوني !!!
غايتو إلا يكون قون حنضلية ده قون مؤمنين مع كفّار والمئة يغلبوا المئتين والواحد بي إتنين !!
سيب طلحة يهضرب بي كضباتو دي وخلّيهو يتجدّع هو الكلام بي قروش ؟
المداخلة الجاية حا يقول لمّا الهلال فاز على المريخ 4-1 فوزي قال ليهم انا أصرّيت إنو طارق احمد ادم يكون قشاش وليس إستوبر ويمها خرجت الصحف تقول :
فوزي يخاف من المريخ ..
مع العم إنو يومها طارق انا خايفو يكون ماسك جزيرة الفيل والوقت داك كان الفيل كان ارنب

دا شيخ العجب



شيخ = (عمراً )

يا طلحة كان ترضى كان تزعل ..
الحديث وصل للملك ..
وحين يتحدثون عن الملك لا ننتظر اذنا ..
لنرى ماذا فعل هذا الشيخ بهؤلاء الشباب ؟؟
الشباب القاعدين شـباب !!!

Quote: ياخ انا نحتّ راسي وبحّتّ لمن قلت الروب و أصلو هدفين لي حنضلية ديل ما جوني

حنظلية -يا أبو عمير- لم يحرز سوى هدف وحيد في (ما يعرف بمباريات القمة)،
وكان هذا الهدف في المباراة الشهيرة (*) ضمن منافسة رباعية ضمت -فيما أذكر-
الهلال والمريخ والموردة والأهلي الخرطوم، وأعتقد أن اسمها كان بطولة النخبة.

أعتقد أن طلحة يتحدث عن مباراة أخرى أحرزت فيها الخرطوم (3 سابقا) هدفين
في المريخ نالهما حنظلية (محمد المصطفى) قبل انتقاله للهلال، فيما أذكر.
_________________________________________

(*) المباراة دي حضرناها في بيت ناس محمد الشيخ فضل الباري، ولم يستطع
عباس الجيلي إكمالها رغم رجاءاتي المتكررة ... ووعدي له بأن الهلال سيوقف
سيل الأهداف الذي انهمر في أول 20 دقيقة

سته سنين دي غربة لامال انجمع ولا حل كربه



6 اقوان كل واحدا" منهم يحكي عن عظمة الملك المتوج رغم انف الدبابين

شكرا يا حسين !!!!!!!!!

طلحة

قبال ما تسرح على راحتك

اتذكر انو احمد الريح عضو في المنبر دة...

ايه رايك..اخد راحتك مع صاحبك الفرحان بالفوتو شوب دة في منتدى المريخ؟؟

مجرد اقتراح

بس النقطة دي أرد عليها سريع وأرجع للباقين لو سمحتم .
يا أحمد الريح (فوزى هو من قال لي ) (ولم أقل أنا) ان حنظلية هو احرز هدفين ولان الفترة طالت فلم تسعفني الذاكرة في إستجلاء الحقيقة كما هي لكنني كنت في قرارة نفسي غير مقتنع ولم أرد ان احاجج فوزي في ذلك لكن المهم يا أحمد الريح وود البشري ..
حنظلية كما قال لي فوزي كان بعيدا عن المباريات قبل لقاء المريخ الشهير وقد أشركه برغم إعتراضات اعضاء بقية الجهاز الفني وعدد من اللاعبين الكبار حينها (كما قال فوزي ) وقد اوضح لي أنه قال لهم أشركته لانه هو من (سيخلص المباراة ) وبالفعل ظهر بمستوي جيد وسجل .
دا المهم في القصة يا ود الريح وود البشري .

يا سلام يا احمد الريح ياخ

Quote: المباراة دي حضرناها في بيت ناس محمد الشيخ فضل الباري، ولم يستطع عباس الجيلي إكمالها رغم رجاءاتي المتكررة ... ووعدي له بأن الهلال سيوقف سيل الأهداف الذي انهمر في أول 20 دقيقة

وين الأسماء دي أسة ؟
اخر عهدي بمحمد الشيخ وهو يعافر في كلية الطب جامعة الخرطوم ..
اما هذا (العباث) فله وحشة والله ..
إتخلعت لأنو انا زمان ناس محمد الشيخ ديل ما قرّب منهم وبقول المولانات ديل ما ليهم في الكورة ونحن ناس سبهللية ساي
حنضلية فعلاً جاب قونين في المريخ لمن كان لاعب في 3 !!!

صديقي وديوسف

Quote: يا تمبس أعصر طلحة كويس وأنا معاك .. والله بعد كدا إلا يلحقك شيخ فوزي يا طلحة !!

مساكين شنو البعرفوا يعصروا يا حسين ياخ ..
ديل ناس كما هو معروف وثابت رايح ليهم الدرب وهم ذاتم القالوا فيهم المقولة بتاعت (ناس قريعتي راحت )..
خليهم أول يلقوا قريعتم الرايحة دي وبعدين عندنا ليهم الف حل وحل .
انا ماعايز تروس تقيلة زيكم تدور في الموضوع بالطريقة القاصدا نت لانو ياخ الزول دا كان بحكي لي بي حسن نية ونقاء وكان لما أقول ليهو دا كجور منك يضحك ويموت بالضحك لكن كان بعد ما يكمل ضحكتو يقول لي دا والله احساس ما أكتر وانا واثق من احاسيسي وما قاعدة تخيب .
اها قمت عملت البوست دا لناس الهلال عشان برضو يجوا يصدقوا فوزي المرضي زي ما انا صدقتو من باب المؤمن صديق ياخ .
لكن برضو لا باس من التناقش بمنطقية حول ظاهرة الاحاسيس القاعدة تلفق علي طول دي .
للمساعدة كمان مرفق كمية من الوشوش المستغربة والفاتحة خشما مترين دهشة وذهول من احساس الأسد دا .

لعثمان وابوهو التحية والود
ياخ ما بتصل للزعل أكيد وكل الكلام القالوا حسين دا ما شايف فيهو زعل بل العكس تماما .
أما دي :

Quote: سنظل نتفرج ونراقب من بعيد !! ولكن كان ازنق ما بنخليهو براهو !!

بس عايزكم تأكدوا لي انو انا كنت محق في إستغرابي من أساطير الأسد القالا لي دي وياحبذا لو ساعدتوني بالإستغراب .
وعايزك كمان تكون لي واسطة لحسين عشان يبطل حركات السينما دي ياخ الموضوع ما بستحق قدر دا .
قول ليهو أول حاجة شيل الحمار دا من التاكسي لانو..
كدا بقتل لي موضوع البوست الأساسي وبدل ما الناس تجىء تستغرب من حركات فوزي ح يشغلم الإستغراب من حركات الحمار دا .

Quote: وين الأسماء دي أسة ؟

محمد الشيخ فضل الباري وعباس الجيلي موجودان بالسودان، وكنت
أحادثهما هاتفيا -ومعهما حسن صلاح- يوم الإثنين قبل الماضي.

عباس يكتب باسمه الرباعي في منتدى محبي المريخ -هو وغاندي ومحمد
عبد الرحمن-، وقد بعث لي قبل أيام text message، هذا نصها حرفيا:
( لا تجهل صفرهم، في العرضة مقرهم ) ، بالإنجليزي.

ضرب لي (عباس) تلفون بعد مباراة المريخ ونيل الحصاحيصا، وقال لي:
(أوبينا لـعـاب). فقلت له: (وضارب لي بى خبر زي ده ليه؟)، فضحك
ضحكته الما مجلجة ديك، وفقلت له -في سري-: (أخيييرا لقيتو ليكم
لاعب ارتكاز؟! بالغت ياعلاء الدين يوسف!).

Quote: (فوزى هو من قال لي ) (ولم أقل أنا) ان حنظلية هو احرز هدفين ولان الفترة طالت فلم تسعفني الذاكرة في إستجلاء الحقيقة كما هي لكنني كنت في قرارة نفسي غير مقتنع ولم أرد ان احاجج فوزي في ذلك

شكرا يا طلحة للتوضيح، وأنا كنت عارف الموضوع مجرد نسيان، منك أو من فوزي المرضي.
للتأكيد أكثر، المباراة كانت عقب ما يعرف الآن لدى المريخاب بكأس الشارقة.

يللا، نخليك تواصل.

خالد عبد العاطى

Quote: يا صهاينه كان الحكاية بقت فزع وكتره والله بتخسروا

ما تراهن علي الكترة البتغلب الشجاعة يا خالد لأنو المبدأ دا هنا تحديدا ما بياكلكم عيش .. عارف كيف ..؟
أيوااا قلت لي كيف ..
طيب يعني انتو مثلا عندكم احمد الريح شايل ارشيفو وحايم بيهو هنا لكن المشكلة التاريخ الشايلو دا ذاتو لونو احمر وزي ما عارف مافي زول بدين روحو أو بعبارة اكثر شعبية وتداولا الفي يدو القلم ما بكتب نفسو شقي .. شفت كيف ..
تانيا ممكن يجيكم حسين يوسف بكاميرتو السحرية دي يوريكم فلم (أكشن ملون) لراسيات شيخ العجب لما راسكم يقعد ينتح وتربطوهو بي عمة قديما واللا اية حاجة .. دا لو ما جاب ليكم افلام كوميدية بتاعت حمير والذى منو , واظن الموضوع ما بستاهل .
وكان علي الباقين ممكن ياخ اي زول منهم يتناول ليهو كتاب من كتب الف ليلة وليلة بتاعت بطولات المريخ المالية مكتبات التاريخ ويقعد يحكي ليكم لما تنوموا للصباح وبرضو ما ح يسكت عن الكلام المباح ..
أها عشان كدوا لموا عليكم عكاكيز العشر بتاعتكم دي بلا تمبس بلا ملاح خدرة معاكم .
وانت عامل كيف بلاي يا خالد ..

Quote: حتقعد تهضرب بي شنو انت ياطلحة متاكد من متحدثك دة فوزي بتاع الهلال

متاكد يا بدر الدين زي ما متأكد انك قاصد انو فوزي المرضي هو القاعد يهضرب لأنو هو اللي كان بحكي لي الكلام الفوق دا .

يا طلحة

شفت الجماعة خلوا الموضوع الاساسي ( فوزي ) وبقوا شغالين في موضوع حنظلية وجاب قون ولا قونين لصرف النظر عن شيخ فوزي وعمايل الفقراء والدنبوشي..
كلام فوزي خطير ويحتاج لافتاء من جهة محايده ...

مدد يا شيخ فوزي مدد ............

عودة ..

بتاع الجرجير ( من جرجرة )..

Quote: غايتو لو شداد و صلاح إدريس اتصالحو موقفك حيبقى صعب خلاص

ولا صعب ولا حاجة لانو يا دابك كدا بكون اخونا الأرباب دا عاد لرشدو وبقي إداري فاهم .
وعليه ح يكون زيو وزي شداد .

ما عارف المكتفني من البوست دا شنو ياخ ..