وزير دفاع الولاية الشماليه فى زيارة للرياض..مش ياهو وزير العمارة المنهارة شخصيا..

وصل الرياض وزير دفاع الولاية الشماليه فى زيارة مخصصة لسد كجبار..
طبعا هو ناسى انو وزير دفاع السودان...
وقال جاى شخصيا بخصوص سد كجبار...
الجدير بالذكر هو نفس الوزير الذى صرح لمندوب قناة الجزيرة ايام الحريق
الذى اندلع بمحطة برى الحراريه وقال سعادته:
اصلو العامل كان شغال فى البتاعة قام الهناى ضرب فى الهناية وبوظ الشغلانه
ولا جملة مفيده واحده..دايرين منو تنوير ؟؟سبحان الله
وبعدين بعد قصف امريكا لمصنع الشفاء،وكان حينها وزيرا للداخليه
عندما سال عن الضربه قال:
شوهدت طائرتين بمحاذاة النيل بالقرب من بربر وقد رصدت
بواسطة راداراتنا..ياخى طائرات شنو ..طيارة تريحنا منكم
وبعد ان بلع سيادته الداخليه الان اقترب من الدفاع،
حكومة ما بتختشى وبعد ان اثبت تحقيق اللجنة المكونه من قبلهم
ان نفس الشركة التى شيدت العمارة المنهارة ،هى ذات الشركة
التى نفذت بيت السيد الوزير ،كوفى السيد الوزير بان عين وزيرا للدفاع..
مكانكم الذين سيتجشمون مشاق الذهاب للسفارة
وحاتكم ده لا تطلعوا منو بحق لا باطل،،

Quote: وصل الرياض وزير دفاع الولاية الشماليه فى زيارة مخصصة لسد كجبار.. طبعا هو ناسى انو وزير دفاع السودان... وقال جاى شخصيا بخصوص سد كجبار... الجدير بالذكر هو نفس الوزير الذى صرح لمندوب قناة الجزيرة ايام الحريق الذى اندلع بمحطة برى الحراريه وقال سعادته: اصلو العامل كان شغال فى البتاعة قام الهناى ضرب فى الهناية وبوظ الشغلانه ولا جملة مفيده واحده..دايرين منو تنوير ؟؟سبحان الله وبعدين بعد قصف امريكا لمصنع الشفاء،وكان حينها وزيرا للداخليه عندما سال عن الضربه قال: شوهدت طائرتين بمحاذاة النيل بالقرب من بربر وقد رصدت بواسطة راداراتنا..ياخى طائرات شنو ..طيارة تريحنا منكم وبعد ان بلع سيادته الداخليه الان اقترب من الدفاع، حكومة ما بتختشى وبعد ان اثبت تحقيق اللجنة المكونه من قبلهم ان نفس الشركة التى شيدت العمارة المنهارة ،هى ذات الشركة التى نفذت بيت السيد الوزير ،كوفى السيد الوزير بان عين وزيرا للدفاع.. مكانكم الذين سيتجشمون مشاق الذهاب للسفارة وحاتكم ده لا تطلعوا منو بحق لا باطل،،

نعم هو..
وقبل ذلك هو قاتل ضباط ابريل رمضان..حكم عليهم ومن معه بالأعدام..
ثم حضر أعداماتهم ليتأكد ومن معه من تنفيذها..

مجرم محترف ينتمي لعصابة الأنقاذ الأجراميه!
ومنفذ لسياسات المجلس الأربعيني للجبهه الأسلاميه..
سارق قوت الشعب وقاتل لأبنائه!

يئس الزائر وبئس المستقبلين لهوبئس التنوير!

Quote: شوهدت طائرتين بمحاذاة النيل بالقرب من بربر وقد رصدت بواسطة راداراتنا..ياخى طائرات شنو ..طيارة تريحنا منكم

يا موج ..

صاحبك دا .. انا ما عارف قرأ هندسة وين ..

بربر شنو دي الفيها رادارات ...

يرد فيهو باب حديد .. يطير بزاغو المالي خشمو دا

والله جنس عوارة

Quote: يا موج .. صاحبك دا .. انا ما عارف قرأ هندسة وين .. بربر شنو دي الفيها رادارات ... يرد فيهو باب حديد .. يطير بزاغو المالي خشمو دا والله جنس عوارة

احمد حنين
قالوا قرأ هندسه عامة بتخصص دقيق سف ولغف..
فى جامعة المؤتمر الوطنى البلعيه ..
بعدين ما شفت العمارة الكلها قزاز الفى شارع 15 العمارات
دى بتاعت سعادتو ونسيبو زوج ابنته..
وطبعا قطع شك بناها من راتب عميد ...
يعنى الراجل نضيف وشفاف بدليل انه بنى العمارة من زجاج،،،

.... وزير الـدفاع ده لو جـاء الـي الـمانيا ويـود لقاء باعـضاء الـجالية السـودانية... الا يقابلـهم وهـو جـوه دبابـة!!!

... غـايتو نـحـنا عـنـدنا ضـرب الوزراء بالبيـض الفاسـد والـطماطـم والـجـزم... حـاجـة عـادية جـدآ!!!

وزير الـدفاع ده لو جـانا فـي الـمانيا... انامـجـهز ليه بيـضه نعـامة!!

Quote: ولا جملة مفيده واحده..دايرين منو تنوير ؟؟سبحان الله

كان كدي الناس ديل حيمشوا ويرجعوا بضلامهم( وجه ضاحك)

تعرف يا خال في بارجة يابانية صدمت ليها مركب صيد ومات في الحادث صياد سمك وإبنه.
رئيس الوزراء الياباني بنفسه مشى وإعتذر للاسرة ده طبعا غير التعويضات التي سوف تنهال عليهم.
ملابسات إنهيار العمارة دي كفيلة بسقوط حكومة كاملة في دول الإستكبار!!!

تخريمة عاوز اضع صورتك دي في بوست الشخصيات المهمة بأثر رجعي

منى خوجلى.....تحياتى
صدقتى يا منى
ولكن يمهل ولايهمل
وسوف يرى الذين ظلموا اى منقلب ينقلبون،،،،

Quote: .... وزير الـدفاع ده لو جـاء الـي الـمانيا ويـود لقاء باعـضاء الـجالية السـودانية... الا يقابلـهم وهـو جـوه دبابـة!!! ... غـايتو نـحـنا عـنـدنا ضـرب الوزراء بالبيـض الفاسـد والـطماطـم والـجـزم... حـاجـة عـادية جـدآ!!! وزير الـدفاع ده لو جـانا فـي الـمانيا... انامـجـهز ليه بيـضه نعـامة!!

بكرى الصائغ تحياتى
كنا عايزين نعمل كده خفنا البيض يقفل نخريه
تصدق ديل افسد من البيض الذى ذكرت،،،

ونسيت حاجة يا ود الموج

القنابل الطارت من سلاح الذخيرة في الخرطوم السنة الفاتت ، هو ما كان وزير الدفاع .. قلنا دي حا تكون سبب وجيه لإستقالة هذا الثقيل وزن ، وطبعاً ما جاتو حاجة ! ودا بعزز قناعتنا بانو عبد الرحيم دا عامل للبشير حاجة - ومن حوله حاجة كدا- لا بتنعرف لينا ولا بتنقال .

الله عارف وهم الإتنين عارفين - حتى الجبهجية والمنفعجية في الحزب دا ما عارفنها - بس في زول بكون عارفها - تفتكر يكون منو؟؟؟؟

زي القنابل دي تطير فيها حكومات، وبالعدم وزراء بالكوم،،

تصدق: يوم القنابل دي زاع البيان التوضيحي حقها بتاع مرور ولاية الخرطوم - يعني الجماعة كلهم عملوا زغبير !

ياخ دا: لا بستحي لا بخلي رحمة الله تنزل !


هشام

Quote: ملابسات إنهيار العمارة دي كفيلة بسقوط حكومة كاملة في دول الإستكبار!!!

ياخى ديك حكومات محترمة..
لكن الذى يجرح الصيام هنالك لا يبطل الوضوء عند حكومتنا.
صحيح الاختشوا ماتو..
وزير ياكل من مال السحت وعلى مراى ومسمع من الناس
يغيروه من وزارة مهمة لوزارة اهم..
سبحان الله ،،،،،،،

Quote: يـا ســـــــــــاجــدة يا ساجدة .. يا ساجدة يا عمارة لله صلت مائدة ويحهم كلاب السوء والاوغاد أسموك جهرا ساجدة بل قالوا عنك مجاهدة؟؟ يا خورنق* البلد المعهر جهرة عنك ايضا قالوا عابدة وقالوا لله سجدت تبتلا وما كنت صرحا بخيسا كاسدا وكنت رمزا للنقاء والتقى ولا حرام في جيب بانيك ارتقى وأمام الله انت الشاهدة؟ أسهوا يا ترى كان السجود أم كنت عمدا للتراب قاصدة؟؟ لتشهدي ان الفساد مذاهب وحق الشعب صار مهددا ألله كان السجود يا ترى وها انت واروك الثرى وهل كنت حقا هاجدة؟؟ أم لغير الله كان السجود وهو طبع ملاحدة؟؟ وبماذا انت امام الله شاهدة؟ هل كان (عبده) عبدا تقيا زاهدا أم كان لصا ثريا فاسدا؟؟ سجودك كان شارة النهب (المصلح) صادحا ليبقى درسا للناظرين وشاهدا وتبقين قبرا للسارقين الاتقياء والقبر ايضا يحتاج شواهد أشهد الله ان من بناك يا ساجدة كان نهابا يطلب مغنما وفوائد وكان لصا ومواربا ومضاربا وللحق ابدا ما اهتدى وظل يسعي للثراء بخسة نهبا وسلبا وفتكا ومكائد بالله كيف يلاقي ربه ونبيه وقد ظل ابليسا إنسان رخيصا لابدا؟؟ وهو التقي المنتقى ولامن البلاد كان المرتضى واليوم يمدحه الامير المفتدى اذ قال عنه شيخا تقيا زاهدا بل كان يدعو للهدى وسيبقي جنديا عزيزا رائدا وما كان ابدا لمال العباد مهددا وما حدوه ما قطعوه اهل التقى بشرع قد ظل دينا قميئا بائدا والجرم صار مؤكدا مثل الاف التيوس اللصوص شادوا بالافك معابدا ومساجد وشادوا باسم الله مصارفا ومصائد لنهب اموال العباد (دقنية وقبانة وعوائد) وبلغوا التريات الحرام باثمهم من مال شعب للفقر ظل مكابدا والرضع الاطفال بالجوع اهتروا ما وجدوا حليبا بل نحيبا وابواب الرزق ظلت موصدة والتيوس الاتقياء بالحرام شادوا موائد وامتلأت كروشهم سحتا وحراما زائدا والله لو سرقت بنتك ياخير الورى لقطعت يدها وستظل ابدا محمدا محمد ماكان سمسارا وزنارا مثلكم وما كان نهابا وسلابا حاقدا كان التطهر والعفاف سيرة وسريرة وكان بشيرا امينا مقتدى وبشير المصائب بشرنا بنهبه يحمي اللصوص جهرة مستأسدا ومجدي شنقوه بغير رحمة وما نهب اموال العباد عامدا فلا ضير ان ضاعت بيننا ساجدة فالساجدات العابدات القانتات ملأن الافق عزا وسؤددا وليس مهما وليس امرا باهظا ان يضيع مال الشعب سهوا مبددا فالمال ليس مال ابيك يا قاتلي فالمال مال الشعب ولا زال الشعب حيا صامدا ولن يضيع الحق في زمن المطالب فالحق حق سيظل صوتا صاعدا لك الله يا وطنا تخطفه اللصوص ( الاتقياء) ويا شعبا يعيش ذلا وقهرا وشدائد اصبروا وصابروا فالظلم حتما ينجلي والنصر حتما عائدا ليس هذا الوطن ارضاللمساخر ولسنا شعبا مستكيناهامدا نحن ميراث الفوارس وذخرهم قد صاغوا مجدا تليداوارثا خالدا لاجل سودان لنا سيبقى اسما ماجدا فما لا نوا ابدا هناك في وجه العدا بل كانوا شعبا وارضا وروحا واحدة سنظل درعك يا بلادي يا موطني وعقدنا مع النصر ايضا موعدا وسندك اركان الضلال بعزمنا ونحن شعب ظل دوما مكافحا وقائدا ساجدة: هي عمارة مستشفي الشرطة التي هوت يوم افتتاحها وعلى اثرها من هول الفضيحة استقال الفاسد الوزير عبد الرحيم احمد حسين الخورنق: قصر مشهور لاحد الملوك العرب المناذرة هشام هباني

Quote: زي القنابل دي تطير فيها حكومات، وبالعدم وزراء بالكوم،، تصدق: يوم القنابل دي زاع البيان التوضيحي حقها بتاع مرور ولاية الخرطوم - يعني الجماعة كلهم عملوا زغبير ! ياخ دا: لا بستحي لا بخلي رحمة الله تنزل ! هشام

هشام الزول البوم ده ..لو تذكر بعد المشاكل الاخيرة مع تشاد
قال للناس سوف تسمعون اخبار سارة بعد ايام،
تصدق الاخبار السارة الكان قاصدها شنو؟ هى المحاولة الانقلابيه
الفاشله بتشاد ،مما حدا بتشاد ان تتهم السودان هو من قام بتدبير
محاولة الانقلاب..وحشر مصطفى عثمان فى اظافره..ويقال انهم تشاجرو
قال اخبار سارة!!
الخبر السار يوم تختانا انت وباقى الجلادين ديل،،،

Quote: Quote: يـا ســـــــــــاجــدة يا ساجدة .. يا ساجدة يا عمارة لله صلت مائدة

ادريس لافض فوك ولا فو خالك،،

Quote: الخبر السار يوم تختانا انت وباقى الجلادين ديل،،،

ابوحاكم... سلام تربيع
وادعو معى لكى يخلصنا الله منه ومن امثاله
شكرا للمرور،،،،

Quote: ..مش ياهو وزير العمارة المنهارة شخصيا

ياهو ذاتو شمسيا

يا أخى الراجل "ده بنى مئات العمارات غيرها... ما تقع واحدة المشكلة شنو "....تصريح سابق لعمر البشكير بعد إنهيار العمارة

لعشاق عبدالرحيم ده أظرف منظر ليهو لمن يكون البشير راكب فى عربية مكشوفةلانكروزر ...
و الراجل ده يكون خاتى الكاب بتاعو فى أباضو ...
و جارى قدام العربية ...

منظر فى أفلام الكرتون مافى