هل يجوز أن ننعت شخص من دارفور ب (إبن النيل)؟؟؟؟

مصر والسودان (ستين هِتة)



تابع الرابط

تجد الإجابة

والله ياهشام ذكرتنى

زمان كان فى مجلة اسمها ( كابتن ماجد)

فيها حاجة اسمها ابحث عن ( فضولى )




اها الواحد بقى يدخل ليك البوست بجاى

تقول ليهو ( ابحث عن فضولى ) بجاى




مودتى بلا حدود ياخى

أحمد العمار

حجاوي ام ضبيبينه بتاعت هشام شيخ الدين دي
وبوستاتها بتاعت الجخانين دي من لينك للينك يفسحنا
عشان كده نقلنا مداخلاتنا للكسالى هنا:

Quote: العزيز هاشم شيخ الدين عارف المصريين لما ابتدعوا عبارة (ابن النيل) دي...اصلا لان مصر صحراء وكل الحياة فيها تتركز حول النيل لذا يعتقدون ان للنيل اهميته لنا مثلهم. الاقتصاد السوداني الزراعي لا يقوم على النيل فقط اراضينا المعتمدة على الزراعة المطرية اكبر. لذا السودانين لا يعني لهم النيل الكثير. حتى اهل الشمال الذين يعني النيل لهم الحياة تجدهم هاجروا من تلك البقاع باعداد كبيرة....لبقاع النشاط الاقتصادي فيها لا يعتمد على النيل. لذا النيل في السودان عموما يعني للقلة فقط الحياة. وكلام اساسي ليس صحيحا ورغبة منه فقط لعنصريته الكامنة ان يوضح ان اهل درافور مختلفين ولكن يا اساسي هل تعلم ان لا جبال النوبة لا الانقسنا لا البحر الاحمر لا سهول البطانة لا درافور لا كردفان بشمالها وجنوبها ولا الجنوب النيل لا يعني لهم شيئا. لانه الجنوب غني بامطاره الآخرى لذا لا توجد سواقي و لا احد يعرف ثقافة الساقية الا في الشمال.

ويا هشام صدقني لم تكن محتاج لان تقول للرجل اياه المن دارفور اي حاجة
سوى مرحبا وكيفك يا زول وبس
ولكن هذه نفسها تدل انه في عقلك الباطني انت اردت تمييزه
يعني لا اعتقد في سوداني بحي اخاه بيا ابن النيل؟؟؟
يطرشنا يا ود شيخ الدين الا اليوم.


يعن ماركتنا الشايلة وحايم بيها دي (الزول) قايلها حقت ناس الشمال كمان بس ولا شنو؟؟؟


غايتو جنس غايتو!!

الحبيبة تراجى

والله إن قلوبنا عامرة بالحب لأهلنا فى دارفور ، ولم أكن أقصد الإساءة للرجل بحال من الأحوال ، حتى أننى ربطته بالنيل مباشرة (مع الكراهة) كما قال ود الموج ن لكن خلى بالك يا تراجى مشكلة دارفور جعلت أهلنا فى دارفور (حساسين) تجاه أى شىء ، ويحسبون كل صيحة عليهم ، ويا تراجى ما يمس دارفور وأهلها يمسنى شخصيا

تحياتى

الأخ أحمد العمار

وهل وجدت فضولى؟



لوووووووووووووووووووووول

تسلم على المشاركة

أولا: من الذي يطلق كلمة إبن النيل وعلى من?!.

ثانيا: النيل دا حده عرفناه البحر الأبيض المتوسط, تقدر تقول اللقب الفرحان بيه دا أختصروا عليك إنت بس دون الإثيوبيين والإريتريين واليوغنديين والكينيين والبورنديين والراونديين ليه?!!.


لأن المصريين يستعبطو الناس الما عبطى فما بالك بالعبيط من يومه يا إبن....النيل.

لا ما تطلق عليه إبن النيل اللقب دا لايق عليك إنت وبس!!!.

الأخ أبوالقاسم أبراهيم الحاج

تحية طيبة

ليس لى أى نوايا سيئة تجاه الرجل أو تجاه أهلى فى دارفور ولم أقصد الإساءة للرجل بأى حال من الأحوال ،

أرجو إعادة القراءة فقد ذكرت أن بالى وقتها كان مشغولا بالبوست الذى كتبته عن الأخوة المصريين ولما دخل علينا الرجل بغتة وألقى السلام رددت عليه على عجل وقلت له أهلا يا إبن النيل ، ولم يغضب الرجل ولم يتذمر ولم يصر وجهه بل على العكس إبتسم الرجل إبتسامة كبيرة ربما ظنا منه (أننى مصرى) كما ظننت أنت

على العموم وكما قال الحبيب المصطفى عليه الصلاة والسلام(إنما الأعمال بالنيات) ويشهد الله على ما تخفى الصدور

وتقبل وافر تحياتى وتقديرى

أخوك هشام
أحد مريدى الشيخ أبوالقاسم (الكبير) فى دارفور

النيل نيل السودان كله و دارفور سودانية من الطبيعي ان ندعو ابناء دارفور بابناء النيل

Quote: لانو النيل نيلنا و نحنا اهلو و بنستاهلو

الأخ الحبيب سيد بيكاب

يسلم بؤ أك



فالنيل نيلنا ولننعت كل شعبنا بأبناء النيل



شفت إزاى بأ ؟؟؟؟

الحبيب سيد بيكاب

كل يوم يمر بيثبت لى أنك أحلى مما أتصور



تسلم يا سيدى

Quote: هل يجوز أن ننعت شخص من دارفور ب (إبن النيل)؟؟؟؟

يجوز ولكن مع الكراهة..لووووووووووووول
تراجى و ادم الهلباوى ومحمد حلا وبقال انا بهظر ساكت
ودى اخر مرة..
والتوبه لى حبوبه..
وسافى التراب..
وما بكررها تانى...
وان شاء الله كان كررتها اغرق فى النيل
زاتو وجنازتى فى الاسكندرية ما تمرق..
وهشام بتاع المشاكل ده زاتو ان شاء الله يغرق معاى
وتماضر شيخ الدين زاتا تغرق معانا فى النيل
زى ما غرقانين فى حبكم..
والرووووووووووووووب..
اها مسامحنى والا ما مسامحنى عشان اكررها واشوف
لى حته اندس فيها..
ماذا انتم فاعلون؟؟؟؟

صديق الموج قال الروب وأنا كمان قلت الروب ولماذا يا صديق ناسنا فى دارفور حساسين لهذه الدرجة؟؟؟

وأكرر


الروب
الروب
الروب



الروب مع الكراهة

Quote: النيل نيل السودان كله و دارفور سودانية من الطبيعي أن ندعو أبناء دارفور بأبناء النيل

مدام السودان واحد كلنا اولاد النيل ..الكان لصقنا مسمى اولاد نيل على المناطق الفي الشريط

العلى النيل الزي علبة الكبريت دي يبقى السودان اغلبوا ما ليهو دخل بالنيل

لكن النيل العظيم ده شاقي السودان من قدمو لي راسو يبقى الكل اولاد نيل بالله دي نعمة من الله ونحن احق

نحافظ عليها وناخد المسمى ولينا الاولوية لانو النيل ماشي مننا الى اهل الكنانة

لكن هم معظمين حاجاتهم ونحن بتخلى من حاجاتنا سريع

Quote: يجوز ولكن مع الكراهة..لووووووووووووول تراجى و ادم الهلباوى ومحمد حلا وبقال انا بهظر ساكت ودى اخر مرة.. والتوبه لى حبوبه.. وسافى التراب.. وما بكررها تانى... وان شاء الله كان كررتها اغرق فى النيل زاتو وجنازتى فى الاسكندرية ما تمرق.. وهشام بتاع المشاكل ده زاتو ان شاء الله يغرق معاى وتماضر شيخ الدين زاتا تغرق معانا فى النيل زى ما غرقانين فى حبكم.. والرووووووووووووووب.. اها مسامحنى والا ما مسامحنى عشان اكررها واشوف لى حته اندس فيها.. ماذا انتم فاعلون؟؟؟؟

الاخ صديق الموج الله يديك العافية انت ضربت الجرسة عديل

والله ضحكتني لما قطعت مصاريني اهاااا بعد الجرسة والتوبة للحبوبة دي تجي تقول يجوز

الأخت منى على الحسن

أشكرك جزيل الشكر على الرد الكافى الوافى

تحياتى

لي صديقة عزيزة تحمل درجة الدكتوراة وكمان رئيسة احدى الشركات الكبرى سافرت الى ماليزيا لمؤتمر والتقت احد السودانيين حكت لي كيف انها خلقت علاقة زمالة معه ابان المؤتمر لكنها لاحظت انه زعل في مرة لانها نادته بابن النيل، وجاءت وهي متأسفة جدة لانها اعتبرت الكلمة تقليل من حق السودانيين الذين تحبهم ولها صداقات عديدة معهم وكامل مجموعتها تعمل بهم.
ولما سألتني عن مدى الخطأ قلت لها اذا ناديتينا بابو النيل لكان افضل ، لان للنيل ابناء كثر وأب واحد فقط هو السودان.

ايه رأيك يازول.... يا ابو النيل

الأخ كمال إدريس

وقديما قال الفرجونى

نحن النيل ابونا والأصل سودانى



تسلم يا كمال والحقيقة (أبو النيل) حلوة وفيها رفعة كمان



تسلم يا رجل

دي سر الليل يا هشام

Quote: أخوك هشام أحد مريدى الشيخ أبوالقاسم (الكبير) فى دارفور

طيب لو عبّ الكلاش طق طراراق...حا تقول ليه ...

انا الشيخ ابوالقاسم الكبير من دارفور...


جنس حساسيات هي...تمرق الزول من زوليتو

يا نزار

حتى (الحجاب) الذى أتيت به لم يشفع لى عند أبو القاسم



ربنا كريم

سؤال ليكم كلكم .

ممكن أقول للشايقي وللجعلي وليد دارفور بمشي معاك الليلة ...؟؟؟؟؟؟؟؟!

عثمان دغيس



يجوز (مع الكراهة)



لوووووووووووووووووووووول

اول حاجة قبل السلام نقول الرررررررروب وما اظنها تفكك انت الوداك تهبش جحرة الدبايب شنو....

الروب ما تفكك اصبر جاينك بى راجمات كتيرة من فلولهم...

تحياتي

الامين

صديقى الأمين

ربك يستر ،

والحكاية لا تعدو مزحة برئية لكن أخوانا فى دارفور الله يهديهم ويهدى سرهم ويفرج كربهم ويحل معضلتهم بقوا ما بيستحملوا الهظار والفيهم مكفيهم، وصديق الموج أخوى زى ما شايف (سافى التراب)

تحياتى

ذكرتنى النكتة بتاعت (الكاشف أخوى) (سافى التراب)