مصر والسودان (ستين هِتة)

أوصيكم خيراً بالمصريين ولا تلعنوهم ولا تسبوهم ولا تنعتو...امية (وهاكم التجربة)



العنوان هدية لى أم وضاح

كنت أمس برفقة أولادى نشترى بعض أغراض من بنى مالك ودخلنا دكان فيه سودانى خلوق كان يبايع فى المدام وأنا واقف قريبا منها وأبنائى الصغار حوالينا ، وكنت ساعتها سارح بعيد وجل فكرى يدور فى البوست المشار إليه فوق وهو يدور حول المصريين والأراء المتباينة فيه ، وكلام أم وضاح وما إلى ذلك ، وفجأة قطع تفكيرى دخول شاب (لطيف) من (دارفور) ملقياً التحية عليناكعادتنا السودانية السمحة ، فما كان منى إلا أن رددت عليه السلام بسرعة (فظيعة) ودون تفكير قائلاً:

(أهلاً يا إبن النيل)

فلم يغضب (الرجل) ولم يعاتبنى على هذا الرد ، بل إبتسم وخرج

بعدها سألنى أبنائى ، لماذا قلت له يا إبن النيل؟ ظناً منهم أن إبن النيل تقال (فقط للمصريين) لأن المصريين يقولونها (فقط للسودانيين)

فقلت لهم (مبرراً) ، وطبعا مشكلتنا نحن الاباء السودانيين دائماً (نبرر) لأولادنا (سوء تصرفاتنا) حتى ولو أخطأنا،

قلت لهم: هو من السودان والنيل حقنا وكل من إنتمى للسودان فهو (إبن النيل) ،

علماً أن النيل لا يمر بدارفور ، فهل أخطأت فى حق الرجل بهذا الرد البايخ ؟ وهل تبريرى لأولادى كان (كويس) ؟ إذ يمكن أن يقولونها من الآن فصاعداً لكل الدارفوريين؟؟؟؟

حاجة تحير

بصراحة يا هشام دارفور دي المكان الوحيد في السودان الما عنده علاقة بالنيل كل الولايات التانية عندها علاقة مباشرة بالنيل ان كان الازرق او الابيض او النيل الرئيسي او علاقة غير مباشرة مثل الروافد الصغيرة كالقاش وبحر الغزال والزراف والسوباط وحتي خور ابو حبل يصب في النيل من كردفان او بحر العرب .. يعني السودانين كلهم يشتركوا في انهم ابناء النيل بالرضاعة الا الاخوة في دارفور مفطومين

ولكن يا أساسى إنتماءهم للسودان يجعل منهم فعلا (أبناء النيل)

والمصرى حينما ينعت السودانى بإبن النيل لا يفرز بين الدارفورى والبيجاوى بل يقولها لكل سودانى

ألم أقل لكم أن المصريين أهل حكمة؟

ذكرتني الفلم الامريكي بتاع جاكي شان ومعاهو واحد اسود مرة دخلوا بار بتاع زنوج فقام الزنجي بتكلم مع واحد قال ليهو ( ازيك يا نقر) اها داك سلم عليهو وعادي الموضوع قام جاكي شان طبعا هو صيني اتلفت علي الجمبو وقال ليهو ازيك يا نقر قام الاسود صرصر ليهو وشو كدا وقرب يختها ليهو الا لحقو صحبو اها اسع بقيت شايفك زي جاكي شان

لقد تأكد لى بما لا يدع مجالا للشك أنى أنا وأنت يا أساسى (فقريين) شديد



تحياتى

العزيز هاشم شيخ الدين
عارف المصريين لما ابتدعوا عبارة (ابن النيل) دي...اصلا لان مصر صحراء
وكل الحياة فيها تتركز حول النيل لذا يعتقدون ان للنيل اهميته لنا مثلهم.


الاقتصاد السوداني الزراعي لا يقوم على النيل فقط
اراضينا المعتمدة على الزراعة المطرية اكبر.


لذا السودانين لا يعني لهم النيل الكثير.
حتى اهل الشمال الذين يعني النيل لهم الحياة تجدهم هاجروا
من تلك البقاع باعداد كبيرة....لبقاع النشاط الاقتصادي فيها لا يعتمد على النيل.


لذا النيل في السودان عموما يعني للقلة فقط الحياة.


وكلام اساسي ليس صحيحا ورغبة منه فقط لعنصريته الكامنة ان يوضح ان اهل درافور مختلفين
ولكن يا اساسي هل تعلم ان لا جبال النوبة لا الانقسنا لا البحر الاحمر لا سهول البطانة
لا درافور لا كردفان بشمالها وجنوبها ولا الجنوب النيل لا يعني لهم شيئا. لانه الجنوب
غني بامطاره الآخرى لذا لا توجد سواقي و لا احد يعرف ثقافة الساقية الا في الشمال.


كل هؤلاء مزارعين ولهم طرق ري مختلفة فلما الدعاء و الدجل يا اساسي ؟؟؟

طراجي

تصدقي وتامني بالله وما طالباني حليفة كنت اناء كتابة المداخلة حقت فروع النيل بصدد القول ان اهل دارفور يستسقون من الامطار اي انهم علي علاقة مباشرة بماء السماء لكن قدرت انه الكلام دا قد يتفسر في غير محله وقد يعتبره بعض التراجيين نوعا من النزق العنصري فسكت , سوى اني ويازول كما اعتقد قد اخذنا الموضوع (funny) لكن كمان يا تراجي ما بترتاحي لو ما ورمتينا ونجضتينا وعنصرتينا

اساسي عاد كا ما ورمتك انت اورم منو؟؟؟؟

Quote: ما ورمتينا ونجضتينا وعنصرتينا

يازول خليك من الورم
كي ورينيا الناس دي النيل بيمثل لها شنو؟؟
1)كردفان
2) سهول البطانة
3)تلال البحر الاحمر
4)الانقسنا
5)جبال النوبة
6)جنوب السودان

الناس دي كلها لا بتعرف الساقية ولا لزراعتها علاقة بالنيل
النيل ده بالكثير يصطادوا منه السمك ويعتبر وسيلة مواصلات.


لكن عاد انت من حبنا ما الا تحشر دارفور دي حشر.
تكون مشتاقل لشوفتنا في بوست لاعبين معاك رأس مش كده؟؟

هشام يا الفقري. ياريت يا ناس النيل إنتو إستفدتو منه??!.

ما كل الأمريكيين بشربو من المسيسيبي ولا كلهم بيشربوا من البحيرات العظمى لكنهم أمريكيين?!!.

المشروعات الكبيرة الأقيمت بالشمالية مخطط لها تسقى من أبار جوفية
مش من النيل تخيل!!?.
ودارفور يا الفقري إنت ما حاقدة عليك لأنك تشرب من النيل ويا ريت شراب الهنا, بس إنت وأساسى ومن لف لفكم تعملوا ليكم همة وتستفيدوا من النيل لمن تجيكم جمهورية حمدي!!?.

ستين هته و جيران الهيتة بالهيتة ولكنهم شعب لا .........