Post: #1
Title: نفس القطارات والسكك يوم مقبلة ويوم مدبرة وانا عمري 12 سنة
Author: بكري الخير
Date: 03-10-2008, 12:04 PM
رحلة العمر رحلة دائما ما تكون مليئة بالاحداث مرة حلوة ومرة مرة ،، كثير منا مرت به مثل هذه الايام، أرجو التمعن في رائعة عقد الجلاد عطبرة وقراءتها بهدوء واسترخاء لاسترجاع جزء من ذاكرة ذلك الزمن الزمان كان جميل والناس الرائعين البيقابلوك في المحطة وانت مسافر في بلاد الله اتخيل نفسك وانت مسافر طبعا السفر زمان كان ضجة وقبل اسبوع عشرة يوم انت بتعلن السفر والسفر مكتوب علي وناس الحلة كلهم بيكونو شاهدين علي سفرك زي عقد الزواج وبعد كم يوم فلان مسافر وبعد بكرة مسافر وبكرة فلان مسافر والليلة ماشين نودعو لانو مسافر ولحظات السفر والفراق المر والهروب من الوداع وجات العربية وركبت وركبو معاك نفر من الاعزاء لوداعك عند محطة الوطن الكبير الكانت تضج متحضرة ووصلت السوق مشيت علي السكة حديد صوت قطارات المناورة وضجيج الورش وهدير العمال لحظة دق الصفارة وناس ماشين علي مستشفي عطبرة لزيارة زول عزيز وبالناحية التانية ناس الفاضلاب وام الطيور جايين بي حميرهم وشايلين اللبن وعربة كارو شايلة قش وما ادراك ما القش وبي ورا بي هناك ناس الداخلة والسيالة القديمة ونادي الاهلي واولاد الداخلة لابسين الشورتات ماشين يلعبو الدافوري كل هذه المناظر تتراءي امامك وانت ماشي علي المحطة القطر جاء؟ لا لسا قالو كان متعطل في ابو حمد لكن اسا طلع من بربر ووصل دارمالي وجاء ماري بي بانت ولاقوهو شفع المحاميدشتروهو وجاء ماري بي الرواويس وعمك حبوب ود ابراهيم شافو اتزكر لما كان شغال في السكة حديد واتزكر ايام الشغل ومرورا بي كنور وخليوة لحدي ماجاء داخل عطبرة ....... ويلا يا جماعة اها في امان الله خلاص امشو انا بركب جوة ، يازول تركب كيف لو ما صفر ما بتركب وصفر القطر ونزلت الدموع وبدأ الفراق المر واللحظات الصعبة ودنيا فيها الريد محنة وكل زول حاضن وليفو ............. القطر قام والناس الجوة يلوحو باياديهم من الشبابيك لكل من في المحطة البعرفوهو والمابعرفوهو الناس ما كانو حنان شديد لي بعض ............. وتبدأ رحلة العزاب المر في بلد الغربة فالناس زمان الماشي الخرطوم بيشوفوهو متغرب ............. الليلة الحال كلو اتقلب علي قفاهو ............
الرجاء مقارنة ذلك الماضي الجميل بالحاضر الما جميل
استراحة جميلة ولكم التحية
عطبرة
اشعار : جمال عبد الرحيم
الحان : طارق جويلي
من قمت من بيتنا ومشيت
بطاقتي صورة مصغرة
شايل معاي شنطة صفيح
حزمة هموم
ولدا متين بقي للسفر والاغتراب والدردرة
كان الزمان لسة رضى
والناس ظروفها مقدرة
وانا في القطار اصغر صبي
امال تفيض متفجرة
لما القطار صفر وقف
بهرتني صورة عطبرة
دي محطة الوطن الكبير كانت تضج متحضرة
ونزلت ماشي على الرصيف
اغبش هدومي مغبرة
الهجرة من زمناً قديم زي ساقية فينا مدورة..
عائلة ابوي عبد الرحيم من حلفا جات متهجرة
اديلة او والله رن فجلي
بلد نفاي اموقا كجلي نورين موقو
كن جواب كفاي
دقيتني نفص كورين لوجي
نفس القطارات والسكك
يوم مقبلة ويوم مدبرة
كان عمري 12 سنة
شايل التقيلة مبكرة
رحال بدون زاد لا متاع
كان لي كتاب ومفكرة
لميت شتات بعض الحروف
وقرايتي تبدو مكسرة
من قمت من بيتنا ومشيت
بطاقتي صورة مصغرة
شايل معاي شنطة صفيح حزمة هموم
ولدا متين بقي للسفر والاغتراب والدردرة
مع اجمل تحياتي بكري الخير
|
Post: #2
Title: Re: نفس القطارات والسكك يوم مقبلة ويوم مدبرة وانا عمري 12 سنة
Author: محمد عبد الماجد الصايم
Date: 03-10-2008, 12:29 PM
Parent: #1
بكري ود الخير كيفنك
| Quote: الهجرة من زمناً قديم زي ساقية فينا مدورة.. |
الساقية دي يا عــمــك ما أظنها تقيف زي باقي السواقي البقت من التراث!!
لكن يا مواطن .. كلامنا ده كوجنتو عديييييل
Quote: اديلة او والله رن فجلي
بلد نفاي اموقا كجلي نورين موقو
كن جواب كفاي
دقيتني نفص كورين لوجي |
عديلة وو والله وي فجيلي
بلد فأين مقوك جلي
نورين مقوكن جوابا فايي
ديقتا تيقمين كورين نلوجي
الترجمة العامة ليها
انو في حالة السفر اتذكرنا وربنا لو سهل اكتب لينا الجوابات
وبرضو ما تطول عليها وتعال شوفنا لو في العيد
.. انتظر باقي المختسين
تحايا عاطرة بعيدا عن بؤس الاغتراب
غايتو جنس غايتو!!
|
Post: #3
Title: Re: نفس القطارات والسكك يوم مقبلة ويوم مدبرة وانا عمري 12 سنة
Author: بكري الخير
Date: 03-10-2008, 12:33 PM
Parent: #1
محمد عبد الماجد الصايم ازيك وكيفنك
ساقية الهجرة مدورة وحا تظل مدورة بس ربنا يجيب العواقب سليمة اخشي ان يأتي علينا زمن السودانيين البرة يكونو اكتر من الجوة
مشكور علي الترجمة الحلفاوية الجميلة وتحية للحلفاويين اينما وجدو
|
Post: #4
Title: Re: نفس القطارات والسكك يوم مقبلة ويوم مدبرة وانا عمري 12 سنة
Author: محمد عكاشة
Date: 03-10-2008, 12:36 PM
Parent: #3
يابكرى
تسجيل حضور ومتابعة
|
Post: #6
Title: Re: نفس القطارات والسكك يوم مقبلة ويوم مدبرة وانا عمري 12 سنة
Author: محمد عبد الماجد الصايم
Date: 03-10-2008, 01:26 PM
Parent: #3
| Quote: البرة يكونو اكتر من الجوة |
يا ربي الكلام ده لسع ما حصل
|
Post: #5
Title: Re: نفس القطارات والسكك يوم مقبلة ويوم مدبرة وانا عمري 12 سنة
Author: بكري الخير
Date: 03-10-2008, 12:39 PM
Parent: #1
شكرا يا عكش
واتمني ان تتحفنا ببعض المشاركات عن رحلة من رحلاتك الغريبة
|
Post: #7
Title: Re: نفس القطارات والسكك يوم مقبلة ويوم مدبرة وانا عمري 12 سنة
Author: امنة عبد الكريم
Date: 03-10-2008, 07:00 PM
Parent: #1
بكري...سلامات
للمرور والسلام
....
بجيك صادة بعدين
....
امنة
|
Post: #9
Title: Re: نفس القطارات والسكك يوم مقبلة ويوم مدبرة وانا عمري 12 سنة
Author: Mohamed Ahmaed Olyesh
Date: 03-10-2008, 07:49 PM
Parent: #8
متابع
لك الود
عليش
|
Post: #10
Title: Re: نفس القطارات والسكك يوم مقبلة ويوم مدبرة وانا عمري 12 سنة
Author: GamarBoBa
Date: 03-10-2008, 08:30 PM
Parent: #9
Quote: اديلة او والله رن فجلي
بلد نفاي اموقا كجلي نورين موقو
كن جواب كفاي
دقيتني نفص كورين لوجي
|
الاحباب هنا
النص اعلاه لا يمت بصلة في الكثير مع النص المطلوب
بالعربي كتابة تقريبية:
أديله وو ولو ارين فجلي
بلدتا فااا إن مقكا جلي
نورين مقوكان جوابا فاي
ديقدتا تيقمون كريل نلوجي
وبالانجليزي يمكن الكتابة اسهل شويةفي النطق :
Adeela woo walo irin faglia
Beldta fa in mogaka jlai
Norin mogokan Jowaba fai
Degta tegmen kir own nalowgai
تترجم بدون احترافية للعربي بشكل تقريبي:
1.أديله وو ولو ارين فجلي (عديلة... ويتحدث عن شوق بكرة)
(كلمة الجلالة (الله) ليست في النص.. ادخلت خاطئة...تداخل بين كلمة الغد في النوبية( ولو) والكتابة بالعربية الدراجة ( ولّه))
2.بلدتا فااا إن مقكا جلي (يذكره بالرحيل عن البلد)
3.نورين مقوكان جوابا فاي (مع تساهيل الرب اكتب لينا الجواب)
4.ديقدتا تيقمون كريل نلوجي( ما تطول الغياب اقلاها زورنا في العيد)
حتي عندما يغنيها الاخوة في عقد الجلاد تخرج اغلب الكلمات بشكل خاطئ تماما
بالرجوع الي الموضوع
الغربة والهجرة...نرجو الله ان يعود كل مهاجرينا سالمين غانمين...وننعم بوطن يتسع للجميع...نعالج قضاياه كما يحب الجميع
لكم تحياتي
|
Post: #14
Title: Re: نفس القطارات والسكك يوم مقبلة ويوم مدبرة وانا عمري 12 سنة
Author: Mohamed Ahmaed Olyesh
Date: 03-12-2008, 02:14 PM
Parent: #9
up
|
Post: #11
Title: Re: نفس القطارات والسكك يوم مقبلة ويوم مدبرة وانا عمري 12 سنة
Author: بكري الخير
Date: 03-11-2008, 08:09 AM
Parent: #1
شكرا لكل الاحبة.......
وزمان طبعا الرحلة تعتبر شاقة بكل المقاييس فالزول لما يركب القطر ويتحرك بيكون ملاوز شديد وخايف من السفر والرحلة الطويلة والظروف ما معروفة كيف لي قدام، بس شيئا فشيئا الزول بيتعود علي جو القطر ويبدأ في موالفة الاشياء الحواليهو ويبدأ يسلم علي دا ويجي واحد يتعرف بيهو ويعرف جارو المعاهو وينظر نظرات تفحصية حواليهو وعينو تقع في عين حسناء من حسناوات القطار ويبدأ يتحين الفرص لالتقاط اكبر عدد من النظرات بعد شوية يجيك بتاع الشاي يكسر قليل من الحاجز البينك وبين الحواليك بعد شوية كمان يجيك الكمساري وتبدأ رحلة الناس المسطحين مع العذاب وواحدين يدسو تحت الكنبة لما يفوت وواحدين يدخلو الحمام ويقفلو نفسهم هناك ويلا يا زول تزكرتك ولا لو عندك تسريح (تصريح) طبعا انا شخصيا ما عرفتها بالصاد بدلا من السين الا قريب والتساريح دي كمان قصتا تانية تبدأ قبل السفر بي عشرة يوم ابوك يطلع ليك تسريح سفر مجاني لانو شغال في السكة حديد ويا زول تبدأ انت تتفاعل مع الجو الحواليك ............. أتم ليكم بعد ما أعرف رايكم وسفرياتكم
|
Post: #12
Title: Re: نفس القطارات والسكك يوم مقبلة ويوم مدبرة وانا عمري 12 سنة
Author: بكري الخير
Date: 03-11-2008, 12:11 PM
Parent: #1
طيب نواصل
قلنا خلاص الزول بدأ تدريجيا يكسر الحاجز البينو وبين ناس القطر وهم طبعا بيكونو جايين من يا الشمالية بي قطر حلفا اهلنا الحلفاويين بي لغتهم الجميلة ديك ناس من اندينا ورطانتهم الجميلة وهو طبعا شعب مرح وبيحب النكتة لكن مع بعضهم بس يعني تلقاهم يتكلمو لما تحاول تخش بيناتم ما بجيبو ليك خبر وهم طبعا بيكونو ماشين الخرتوم ولا حلفا الجديدة ولا جايين عطبرة لاغراض هامة يعني الحاجة لو ما مهمة شديد ما بيسافرو ليها .............
وتتواصل رحلة القطار فاصل ونواصل
|
Post: #13
Title: Re: نفس القطارات والسكك يوم مقبلة ويوم مدبرة وانا عمري 12 سنة
Author: بكري الخير
Date: 03-12-2008, 08:20 AM
Parent: #1
وتتواصل الرحلة
|
Post: #15
Title: Re: نفس القطارات والسكك يوم مقبلة ويوم مدبرة وانا عمري 12 سنة
Author: بكري الخير
Date: 03-15-2008, 09:59 AM
Parent: #1
Up Up
|
Post: #16
Title: Re: نفس القطارات والسكك يوم مقبلة ويوم مدبرة وانا عمري 12 سنة
Author: mahmed alhassan
Date: 03-15-2008, 10:39 AM
Parent: #15
القطــــــر
شكل الكثير في الوجــدان الســـوداني
ارتبط بألم فــراق الاحبـــة وفرح اللقياء
شــوف ديــل مسطحين كيف 0استسلام للنوم بعدتوكلهم علي الله0
0
 \
شكــرا بكري الخيــر
|
Post: #17
Title: Re: نفس القطارات والسكك يوم مقبلة ويوم مدبرة وانا عمري 12 سنة
Author: بكري الخير
Date: 03-16-2008, 12:22 PM
Parent: #1
صورة معبرة وتحكي عن نفسها
شكرا استاذ محمد الحسن
|
Post: #18
Title: Re: نفس القطارات والسكك يوم مقبلة ويوم مدبرة وانا عمري 12 سنة
Author: بكري الخير
Date: 03-17-2008, 07:20 AM
Parent: #1
نواصل ............
لانو يا جماعة السفر عند الحلفاويين والمحس بيزكرهم الرحيل والتهجير وطبعا في الزمن داك الحلفاويين رحلوهم لي حلفا الجديدة جزء منهم رحلو وبقي عدد ليس بالقليل في حلفا القديمة حتي لما غرقت رفضوا الرحيل عنها وتمسكو بيها وبقو ساكنين في المناطق العالية شغالين سماكة وبعض منهم مزارعين واشغال تانية حامياني .... اها ديل بقي يا انتو هم ما بقدرو يفارقو حلقا القديمة لانو ولائهم لها شديد ومبالغ فيهو وعندهم حلفا دغيم ولا باريس فالسفر عندهم مكروه شديد عشان كدا لما يكونو في القطر بتلقاهم متلفين حول بعض الناس بيعتبروهم عنصريين لكن ما منهم من العليهم فهم قد كرهو التسفار والترحال الي بلد السجم والرماد بعد ان فرضتها عليهم الظروف بعد التهجير .......... نرجع لي قطرنا طيب في الجانب الاخر بتلقي اهلنا الشوايقة بي دغالتهم المعروفة ديك وكلامهم اللذيذ طبعا هم حناكين شديد الواحد لو داير منك حاجة بيشيلا منك بيشيلا بس انت لا تلاوي وخليك واعي وهم عندهم حساسية شديدة مع اهلي الجعليين لانهم بيعتبروهم مكارين ........... اهلي الجعلييين هع ديل طبعا اسياد البلد ومافيهم اي قول حرم ان نقصت حاجة يتموها رجالة ساي وناس حارة ............ وبي هناك الرباطاب ناس المساخة وانا شخصيا ما بعتبرهم مسيخين لانو الانسان وليد البيئة العايش فيها هم طبعا بلدهم شوية سخنة وطبيعتهم قاسية بعض الشئ عشان كدا هم حادين في الوصف وهم طبعا اذكياء شديد والوصف السريع وسرعة البديهة اكبر دليل علي ذكاؤهم ونظرتهم البعيدة للاشياء ........... يا زول قطرنا طبعا مليان اجناس من جميع اهل السودان ............ ونواصل
|
|
