شكراً باشمهندس بكرى على قبولي في المنبر الكبير وبغير واسطة

شكرا لك أخي الباشمهندس بكري على قبولى في هذه الساحة الواسعة الوارفة

ولم تحوجني إلى واسطة

وأرجو أن أكون كما وعدتك


والتحية لكل الأعضاء

تحية ليك ياكمال

ومرحبا بك فى المنبر

مشكور أخي حيدر وأنت أول من رحب بي فمكافأتك هي نقش اسمك على الذاكرة فلا ينسى ما بقيت بالمنتدى


شكرا شكرا شكرا

مرحب بك الأخ كمال عكود
والبكان ليك ترحاب
وبرضو بنحيك وبدون واسطة

حبابك عشرة ياكمال

الأخوة الأفاضل وضاح ، خالد، أبو بكر أشكركم شكرا جزيلا على الترحيب الحار

ترحيب حار بك يا عكودابى







اضافة نوعية للمنبر


عليكم عزتن كانت زمن زينكم
ودنياكم لبن معسول وتشربوا فيها بى هينكم
جدى سعيد ولد بادى العكودابى دحين يا ابواتى كان بينكم؟
قالوا اتربى فوق خيلكم ويوم الحارة شايل شيلتو من شيلكم
وقالوا الهيلو، كانت في العرف، هيلكم
يخالطكم قداحة الخير ويتحزم وكت شينكم
قالوا أماتو مو دابن
عقاب التيه ما بهابن
حناضل المره شرّابن
وشكاراتو سمعن قولى قالن سى بدن شكرو
وقالن لى يمين ما قلت فى جدك كلام قدرو
وكل القلتو فيه قليل وما قارب عشر عشرو
الصهالة والوقالة والرقالة وام غره هو ركابن
الجهنية والقطنية والمحوية وام درة الباريها حلابن
العشاية والشاشاية والسباية وام ضرة لى ضيفانو بسخابن
المزروعة والمقروعة والمفدوعة لا برة متمسح ديمة قيسابن
المفزوعة والمقلوعة والممنوعة بالمرة كان من مافى جيابن
راكب الفصلوا انسابن ودايما قدمو فى ركابن
اسود الغابة غلابن وبعرف يكسر انيابن
حلفوا الشافوا قدحو الحار وشافو كتار وماهو كضب
قالوا وساعو مركب زان يشيل اطنان وخرسو هلب
جفير سكينو دمو ينز وداك برادو واسكت كب
اهل السايحة والمتراوحة خاتمة وعاقبة بى قدامو سوا درب
ده ماهو كتير على ولدا مربى على ضفاف النيل
ويوم ولدوه دفنو ابواتو صرتو فوف مراقد الخيل
عكود الكان بعبر الكيل
جاتو الدنيا هينة ولينة بالخيرات مشيلة شيل
سواقى تسوق تلوت الليل
ونخلوا متنى شايل العجوة والقنديل
عيوشو مصوبرات كيمان
وعيش الريف ولد تيمان وخاتى البودة والعسيل
ده شيتا كم دقون شافنو
بين شفقة وحرص عبدنو
والعقال لعابن يسيل
الا سعيد الطلق الزايلة وخطب بى مالو دارا خالدة كان عزام وباعو طويل
بساطو الاحمدى المحضور
غدا وعشيات ملاقية فطور
وديمة ضيوفو ديل فوق ديل
يختف من مطايب الدكة لى ضيفانو مو ضباح حميل وسخيل
طحاناتو ما نامن
جبال اللقمة كم عامن
فوق سمنا مصفى تقيل
ويومو الودع الحبان
ونورو الضاو تحت التراب ما بان
كان الفقد فيهو كبير
وكان اليوم ده ما خاتنو فى الحسبان
وكان ميراثو كل ميراثو
قدحا ناز وسيف فولاذ وفروة ناس اصال وعزاز
وسبحة ملانة يا حنان ويا منان









عودة الدراويش

مرحب بيك كتير يا عكود

مرحب بيك بيننا..

مرحباً بك أخي كمال عكود

سعدت بوجودك ، و شكراً لبكري أبو بكر الذي صار يمنح العضوية بغير واسطة

و لعل كفاءتك الإعلامية قد أقنعته ، و مبروك لبورداب الدوحة عضوية كمال عكود

و عضوية عصام محمود و عضوية عادل سالم جمعة سهل ، و ننتظر دخولكم جميعاً

و دعم الموقع بأقلام حرة و نظيفة و جريئة .

مرحباً مجدداً

أخوك / عبد الرحمن الطقي

شكرا لك أخي ود محجوب على الترحيب الحار والترحيب النوعي كذلك

طبعا د. محمد بادي ود عمي وقصيدته هذه التي اخترتها انت هي من أروع ما كتب

مش عشان سعيد جدي لكن لانه كان حقيقة هكذا وتاني روعة الشعر

الاخ ناذر لك خالص تقديري على الترحيب وشكرا ليك كتير

أختي منى لك خالص تقديري على الترحيب وشكرا جزيلا

شكرا لك الأخ الطقى ونرجو أن نكون عند حسن الظن

مرحب بيك

العزيز كمال عكود
مرحباً بك.. عضوا فاعلا .. وقلما متميزا
ورصيدا لفكرة أهل السنة والجماعة.

مرحب بالاخ العزيز كمال عكود

وليك وحشه يا راجل
والف مرحب بيك فى البيت الكبير سودانيز اون لاين

اخوك المامسجل

ياشيخنا عكود
صباح الخير

Quote: مرحب بالاخ العزيز كمال عكود وليك وحشه يا راجل والف مرحب بيك فى البيت الكبير سودانيز اون لاين اخوك المامسجل

عليك الله شوف جنس ده ....
وزي ماقال حبيبنا واحد

غايتو جنس غايتو

المامسجل يديك العافية
وياريت تدينا اخبار الاحباب

تحياتي
ابو دياب

الله يبارك فيك أخ محمد وشكرا لك كتير

دكتور نزار الله يبارك فيك وشكرا لك ونرجو أن نفيد ونستفيد

الأخ المامسجل بي هناك أنت تاريك مسجل بي هنا

مشتاقين لك والله بالاكتر وفقدناك زمن طويل لك خالص تحاتي

حبابك عشرة بلا كشرة
ونتمنى لك إقامة سعيدة هنا

كمال إبراهيم عكود مشاركاً أمس الجمعة 7/3/2008م

في الليلة الخطابية بمركز أصدقاء البيئة ضمن أسبوع

نصرة النبي صلى الله عليه و سلم الذي نظمنته جمعية القرآن الكريم

بالجالية السودانية بدولة قطر و الذي سيختم اليوم بالأمسية الشعرية

و الإنشادية بالسفارة .

فمرحباً ثانية بالأخ الداعية كمال عكود رئيس قسم الإعلام بموقع الشبكة

الإسلامية التابع لوزارة الأوقاف و الشؤون الإسلامية القطرية .

حبابك عشرة

الله اكبر ولله الحمد.
الحمد لله الواحد الاحد الفرد الصمد.
معقول ان بننا الشيخ عكود يعنى الجماعة الجماعة يعنى جاهم صاروخ جديد.
اهل بك اخونا عكود ونتمنى لك اقامة طيبة.
ان شاء الله انت عكود الفى بالى وماتطلع عكود اخر وعلى كل مرحب بك .
انه عام الفتح الشيخ الطقى ومن ثم عكود لله الحمد والمنة
يا فرانكلى نصرك الله اخى واعانك

تحية ليك ياكمال

ومرحبا بك فى المنبر

الأخوة الأفاضل أسامة ، محمد نور ، هاشم ، طارق شكرا جزيلا لكم على الترحاب وبارك الله فيكم

مرحبا باخونا كمال عكود
واسم عكود هذا في شرق السودان كثير فهل انت من هنالك؟؟؟


يا بختك يا هاشم نوريت شايفاك محتفل؟؟


واتمنى يا اخي كمال انت و الشيخ الطقي ان تحركوا لنا
جماعتكم في قطر للمشاركة في علاج الاخت سناء.
تقديري.

الأخت الفاضلة تراجي شكرا لك على الترحيب

وابشري إن شاء الله ما نقصر ونكون عند حسن ظنك

كما أشكرك على اهتمامك بقضية الأخت المسكينة المظلومة سناء

بالنسبة لعكود في الشرق هم أهلي لكن انا لست من هناك بل الهناك نزحوا من عندنا من الشمالية

عندي عكودين كبرين في بورتسودان أحدهما حسين عبدالرحمن عكود هو شقيق الوالد طوالي وعبدالله عكود مساعد طبي قديم من اكتر من خمسين سنة في بورتسودان وفي جبيت وسنكات وهو ابن عمي

وبعدين ازيدك من الشعر بيت من اقاربي المشهورين الاستاذ مصطفي سيداحمد فهو خالي ود خال الوالدة طوالي والوالدة مولودة بود سلفاب أصلا مع أننا من القرير ونسكن منطقة اسمها ودحامد شمال ام درمان وإن شئتٍ قلت جنوب المتمة يعني لا لمينا جاي ولا لمينا جاي

وبالمناسبة مصطفى سيداحمد جدو في النهاية عكود

الأخ العزيز كمال عكود

ألف مرحباً بك في مكانك ومقامك ومنبرك

حللت أهلاً ونزلت سهلاً

وفي انتظار مساهماتك الطيبة بإذن الله

تحياتي كمال

وعليكم السلام ورحمة الله وبركاته اخ كمال عكود
مرحب بك إضافة للداعين إلى دين الرسل وإفراد الله بالعبادة .

يا اخوانا دا توقيع شيخ عكود
من يوم تعرفت عليه فى السايبر

وما من كاتب إلا سيفنى *** ويبقى الدهرُ ما كتبت يداه
فلا تكتب بكفك غير شئٍ *** يسرك في القيامة أن تراه

الأخوة كمال"Frankly" ، طلحةشكرا لكما على الترحيب وبارك الله فيكما

الأخ المامسجل صدقت هذا توقيعي وهي من الأبيات الحكمة التي تعجبني كثيرا

و انضم للمنبر بلا واسطة أيضاً و لبورداب الدوحة

الأستاذ عادل سالم جمعة سهل فرحبوا به على هذا الرابط :


شيخ العرب عادل سهل ,, شرف المنبر ,, يامرحب ,,

الأخ / كمال عكود

ألف مرحباً بك

حللت أهلاً ونزلت سهلاً

وفي انتظار مساهماتك الطيبة بإذن الله..................
لك خالص التحايا..

.....................................................
إسماعيل محمد احمد عباس...............................

الاخ الكريم عادل عكود مثلك لا يحتاج الى واسطة او رفع ضوء ، بالفعل انت اضافة حقيقيه للمنبر ، نامل ا ن يطب لك المقام هنا و عقبال اخوك د .احمد الفرجابى . اخى الكريم كثر الله من امثالكم بيننا، فعلا الساعة المباركة التى اتت بك .

الاخ الكريم كمال ,, تحياتى ,,

مليون مليون مرحب ,, وأنا أسعد الناس بيك هنا
لانى فى الحقيقه أفكر فى أنشاء رابطة ( الكمالاب )
فى المنبر .
ايه رأيك من البدايه تكون نلت عضويتين ,

مرة اخرى أهلا بمقدمك ,,

كمال

الأخوة اسماعيل محمد ، وهجو الأقرع ، وكمال عباس شكرا جزيلا لكم وجزاكم الله خيرا على الترحيب

أخي كمال سالم تسلم ولنا الشرف بأن ننال العضوية التانية

العكودابى الزين
مرحب بيك ولى داخل
نرحب بيك مع سيد الحوش الحسين بكرى
بكرى الله يديهوا العافية
اكان ما اخاف الكضب اقول شايقى سر اولادى
عشان ناس ود عكود الكانوا اماتنا بدقوا عندهم الدهب ومن اشهر الصاغة فى الخرطوم شوايقة ولا شنو ؟؟
حبابك مليون
ولك الود

ام وضاح

الاخت الفاضلة أم وضاح تسلمي وشكرا لك كتير

والأمر كما ذكرتي فعلا أنا شايقى أما وأبا وبكون سر أولادك ولي الشرف بذلك

وأرجو ان تفصلى لي اكتر عشان أعرف أولادك أصولهم من وين في الشايقية باقي أنا معرفتي كويسة

بالأنساب

مرحب بيك

Quote: وبغير واسطة

شكرا لك أخي احمد عبد الله على الترحيب بوركت

اهلا يا كمال وشرفت الديار

وتحياتنا عبرك لشاعرنا الكبير/محمد ود بادي العكودابي

شكرا لك الأخ أبا حريرة على الترحيب

وتاني يا خي مارسلت لي حاجة من الأشياء الحلوة ديك ؟؟!!!!


ويبلغ سلامك للدكتور محمد بادي إن شاء الله

آلاااااااااااااااف مراحب بيك العمدة كمال آل عكود...

يا هلا بيك شرفت ونورت الديار...

كأني بك إبن عم صديقي الجميل أبو ذر الكامل عكود...

لك وله ولكل آل عكود من القرير للإمارات قواسيب مودتي...


أبو الحُسين...

الأخ الفاضل أبو الحسين حياك الله وبياك وشكرا لك

وكتلتها تب !!!!

أبو ذر الكامل ود عمي عديل زي ما قلت فهو:

أبو ذر الكامل محمد أحمد عبد الله وأنا:
كمال إبراهيم عبد الرحمن عبد الله

وأنا كنت معاه في الأمارات فترة طويلة وكنا نعمل في نفس المؤسسة

تحاتي لك وله ولجميع الأهل

الأخ كمال عكود

أنت بلا شك جدير ومستحق لهذه العضوية ، ونحن أولاد دفعة فى قبول عضويتنا بالمنبر ، وبتوفيق من الله بلا أى وساطات أيضاً ، كما هو الحال بالنسبة لك ، ولربما أن الله هيأ لنا هذه السانحة لنزيد من صدقاتنا ( فالكلمة الطيبة صدقة )

أتمنى لك إقامة طيبة بالمنتدى ، واذكر أننى ومنذ عدة سنوات عند قدومى للدوحة ، إجتزت إختبار رخصة القيادة من أول مرة ، وبمعرفتى التى أتيت بها من السودان ، فقد كان أحد الإخوة المصريين من زملائى بالجامعة أكثر الناس سعادة بذلك ، فى اللحظة التى أعتبرت فيها أن الأمر عادى ، كان يرى أننى حققت معجزة ، طبعاً أولم لنا بالكشرى وما شابه ، ثم عدت وفرحت لنجاحى بعد أن علمت أنه نال الرخصة بعد خمس محاولات إستمرت لقرابة السنة

تذكرت هذه الحادثة عندما نلت عضوية هذا المنتدى وبالطريقة التى ذكرتها لك ، وكنت قد علمت من بعض الإخوة الأعضاء أن نيل العضوية يحتاج منى الى مثابرة وحشد للجهود وربما الوساطات ، وعندما نلتها قام الاخ كمال سالم ( عضور رابطة إسمكم ) قام بذبح بعير ضيافة لشيخ العرب لإنضمامه للمنبر ، فى الرابط الذى رفعه الشيخ عبد الرحمن الطقي فى ترحيبه بكم ضمن بوستكم هذا بعنوان شيخ العرب عادل سهل شرف المنبر يامرحب ، فالشكر لهم جميعاً ، ووفقك الله أخى كمال العكودابي.

وللمرة الثانية أهنيك بنيل هذه العضوية وآمل أن نوفق فى تأدية الأمانة كاملة.

ولك تحياتى ، ، ،

أخوك عادل سالم جمعة سهل

الأخ كمال عكود

تحياتي ومرحب بيك وبالأخ عادل سهل

كما ذكر عادل فنحن أولاد دفعة واحدة في قبولنا بالمنبر وبنفس الكيفية، بدون واسطة
وربما تكون الكفاءة الإعلامية التي تتمتعون بها سببا لقبلوكم، وعادل سهل من أعيان قبيلة المجانين وهو كاتب وشاعر صاحب اسلوب راقي وجميل.
أما عني فما زلت ابحث عن سر قبولي، عليه فإن شكري لبكري أبوبكر يكون مضاعفا

بالمناسبة اصولي من ود حامد شمال أمدرمان - جنوب المتمة لكني مولود في أبوروف

تحياتي مرة ثانية لك وللأخ عادل واتمني أن نوفق جميعاً لما فيه الخير

وتذكرو أن :
ما من كاتب إلا سيفنى *** ويبقى الدهرُ ما كتبت يداه

Quote: بالمناسبة اصولي من ود حامد شمال أمدرمان - جنوب المتمة لكني مولود في أبوروف

أخي وقريبي ود كدفور لك خالص شكري وتقديري وأتشرف بزمالتك

والغريبة أول ما شفت اسمك في المنتدى كنت أود أن أقول لك أيش علاقتك بالكدافير في منطقة ودحامد خاصة الجزيرة نقزو

طبعا هم أهلى وأصهاري ونعيش مع بعض منذ أجدادنا

فقل لي من تعرف من الكدافير ؟؟؟؟؟

طبعا عندك أو الحسن أبو عجاج كدفور وأولاد الكابس كدفور

ومعاي هنا في قطر عز الدين ومحمد أبناء العوض الكابس كدفور

ولو اطلعت على البروفايل تجدني من مواليد ودحامد


لك تحياتي


ونتواصل

Quote: ونحن أولاد دفعة فى قبول عضويتنا بالمنبر ، وبتوفيق من الله بلا أى وساطات أيضاً ، كما هو الحال بالنسبة لك ، ولربما أن الله هيأ لنا هذه السانحة لنزيد من صدقاتنا ( فالكلمة الطيبة صدقة )

أخي العزيز شيخ العرب عادل شكرا جزيلا لك وبارك الله فيك على هذا الكلمات الطيبات

وسبحان الله أراد الله لك أن تسبقني والا يعلم الله بالامس لما عملت رد لأكتب لك في البوست تبعك هناك الذي تفضل به الأخ كمال سال وكان الذي أود كتابته هو مضمون ما ذكرته أنت هنا فجاءني صارف صرفني عن إكمال الرد

فلك خالص شكري وتقديري ونتواصل إن شاء الله

إذن حتى الآن يأخ كمال فأنت عضو بثلاث جمعيات فى هذا المنتدى ، الأولى جمعية بورداب الدوحة ، والثانية جمعية الكمالاب التى أسسها الأخ كمال سالم ، والثالثة جمعية( دفعة فبراير - مارس 2008 بالمنتدى ) والتى تضم بالإضافة الى شخصى وشخصكم الكريم كل من الأخوين مصطفى كدفور والأخ آدم صيام ، ولربما نتعرف على آخرين قريبا.ً

وفقنا الله وإياكم لما يحبه ويرضاه

لكم جميعاً تحيتى ومودتى

أخوك شيخ العرب عادل سهل

شكرا اخي كما عكود
وجميل ان عرفتني بتفاصيل اكثر عنك:

Quote: بالنسبة لعكود في الشرق هم أهلي لكن انا لست من هناك بل الهناك نزحوا من عندنا من الشمالية عندي عكودين كبرين في بورتسودان أحدهما حسين عبدالرحمن عكود هو شقيق الوالد طوالي وعبدالله عكود مساعد طبي قديم من اكتر من خمسين سنة في بورتسودان وفي جبيت وسنكات وهو ابن عمي وبعدين ازيدك من الشعر بيت من اقاربي المشهورين الاستاذ مصطفي سيداحمد فهو خالي ود خال الوالدة طوالي والوالدة مولودة بود سلفاب أصلا مع أننا من القرير ونسكن منطقة اسمها ودحامد شمال ام درمان وإن شئتٍ قلت جنوب المتمة يعني لا لمينا جاي ولا لمينا جاي

عبد الله عكود هذا هو الذي كنت اسمع اسمه كثيرا يتردد في بيتنا من ناس ابوي يبدو ان ناشط سياسيا او في نقابة ما.عساه يكون بخير .

والف رحمة على المبدع مصطفى سيد احمد العكودابي.


لا تسنوا سناء.


معزتي وتقديري.

Quote: والثالثة جمعية( دفعة فبراير - مارس 2008 بالمنتدى ) والتى تضم بالإضافة الى شخصى وشخصكم الكريم كل من الأخوين مصطفى كدفور والأخ آدم صيام ، ولربما نتعرف على آخرين قريبا.ً

أخي الكريم شيخ العرب عادل تشرفت أن كنت دفعة معك ومع الأخوين الكريمين ود كدفور وآدم صيام في آخرين

وزي ما قلت سنتعرف على آخوة آخرين في هذا المنبر الكبير وقديما قيل "معرفة الرجال كنز"

لك مودتي أخي عادل

أخي كمال عكود
لك التحية والسلام
أود أن أشاركك في شكر الأستاذ بكري بالبكر لأنني أيضاً من الذين تم تسجيلهم مؤخراً بواسطة هذا الرجل الرائع وممن غي واسطة
واسطتي كانت فقط محاواة شعرية قام بنشرها في باب قصة وشعر بعنوان فريضة الحج إلى الوطن ثم أرسل لي لقبي ورقمي السري
فله منا كل الحب والاحترام ونتمنى له دوام التوفيق والسداد
صديق أبوفواز

Quote: عبد الله عكود هذا هو الذي كنت اسمع اسمه كثيرا يتردد في بيتنا من ناس ابوي يبدو ان ناشط سياسيا او في نقابة ما.عساه يكون بخير

أختي تراجي عبد الله عكود اكيد هو الذي كنت تسمعي عنه واكيد يكون صديق لوالدك وهو كان مساعد طبي قديم ومشهور وطاف كل مناطق الشرق وزوجته من هناك وأكان ما اخاف الكضب أقول أنها من طوكر أو سكنات

لك جزيل شكري

الاخ / كمال عكود
مساء الخير

اتمني ان تكون الشخص الذي في ذاكرتي...
واتذكر مفرفش ...وابجقادو ....والجن الكلكي ....والهوي يستحيل....
فهل انت من اقصد
الف مراحب



هارون دياب

Quote: أود أن أشاركك في شكر الأستاذ بكري بالبكر لأنني أيضاً من الذين تم تسجيلهم مؤخراً بواسطة هذا الرجل الرائع وممن غي واسطة واسطتي كانت فقط محاواة شعرية قام بنشرها في باب قصة وشعر بعنوان فريضة الحج إلى الوطن

الأخ صديق كيفك يادفعة ولك مودتي والظاهر أننا أمام شاعر سنستفيد منه

بالتوفيق إن شاء الله

Quote: اتمني ان تكون الشخص الذي في ذاكرتي... واتذكر مفرفش ...وابجقادو ....والجن الكلكي ....والهوي يستحيل.... فهل انت من اقصد الف مراحب

أخي هارون حبابك عشرة ياهو زاتو الشخص الذي في ذاكرتك "عكود"

وقد ذكرتنا بمن نحب تلك الكوكبة الرائعة ولهم تحياتي من هنا


بس ما قلت لي أخي هارون ايش كان اسمك هناك ؟؟؟؟؟؟؟

وبعدين مباركة السيارة وربنا يديك خيرها ويكفيك شرها

ونتواصل

ألف مرحب بيك كمال عكود معنا في المنبر..

وكل المنى أن يطيب لك المكان

مرحب بك الأخ كمال عكود
كودابى مكسب ثمين واسطة شنو ياخ

مجربنهم تمام .. بس أعفينا من القراصة

مرحب بيك

الأخت رجاء شكرا جزيلا على الترحيب تسلمى وحبابك عشرة وحياك وبياك

Quote: مرحب بك الأخ كمال عكود كودابى مكسب ثمين واسطة شنو ياخ مجربنهم تمام .. بس أعفينا من القراصة مرحب بيك

ألأخ رأفت شكرا جزيلا لك

وبعدين بس إلا القراصة دي طبعا ما في طريقة لي العفو منها

الأيام دي جماعة المستشفى هنا جابوا لي خبر سكري ، وأي شي قالوا لي خليه خليتو طوالي إلا القراصة دي

قلت لهم يا قول الراجل القالوا لو ولدك دا ما يجي شارب المريسة لما يجي المدرسة قال "يعني ما يفطر والا شنو؟؟؟" كمان نحن القراصة دي نخليها "يعني ما ناكل والا شنو؟؟"

Quote: قلت لهم يا قول الراجل القالوا لو ولدك دا ما يجي شارب المريسة لما يجي المدرسة قال "يعني ما يفطر والا شنو؟؟؟" كمان نحن القراصة دي نخليها "يعني ما ناكل والا شنو؟؟"

ياخى ألف سلامة ليك .. ومصدقك فى القراصة وعشقها قريت قصيدة القراصة وترجمتها
لكن كان بقت على ومسكت الحكومة بمنعا ليكم فى قانون الطوارى

Quote: محمد الحسن محمد سعيد (حسون) كتب عن تاريخ إختراع القراصة فقال: إنتي السمي هول أبوكي؟ مهيرة وزينة قريرا كانت قاعدي القيافة تعوس في الكسري الرهافة جدنا بالطاقة شافا تدودر في القرقريبة تسوقا هناكا وتجيبا ومرة تعوسا مغرافة ..... جدنا قال لي مهيرة وختا حكمتو الشهيرة "أردمي الدوكي . . أرجوكي . . إنتي السمي هول أبوكي؟" ومن يوم داك العواسة بقت طوالي قراصة ولمّا كان الشاعر أبراهيم الكامل آل عكود من محبي القرّاصة والترجمة الشعرية، فقد ترجمها للإنجليزية كما يلي: ]sonnet ]THE ( GURRASA ) DISK "IS THE SKY YOUR FATHER'S ESTATE " Mihaira , the icon of her Gureir domicile... Was sitting on a fiber stool discreet and docile, Baking (dura kisra) of the transparent style: Elegant, but kept famine at only one mile. Through an adobe window grandpa saw her... Urging the "Gargareeba" as a flaking tool. Persuading it towards the rim and far. Other times, she uses a pot in the paste pool. Grandpa addressed Mihaira with a hum, Fitting in a firm proverbial wisdom: "Pile up, please, on the hot iron slate! Hey! Is the sky space your father's estate? " From then onwards the standard baking pick, Took the ' Gurrasa ' disk as one inch's thick. The arabic ' shaigia ' poem by Mohammad El_ Hassan Mohammad Said Translated by Dr. Ibrahim Al Kamil Mohd. Ahmed

دى قراصة ولا إختراع نووى

Quote: ولمّا كان الشاعر أبراهيم الكامل آل عكود من محبي القرّاصة

بالمناسبة يا رأفت إبراهيم الكامل دا ودعمي طوالي أبوه الكامل محمدأحمد عبدالله وابوي انا

إبراهيم عبد الرحمن عبدالله

وهو طبعا شاعر مسلط ياخي عنده ديوان شعر نفس المعنى بالعربي الفصيح وبالانجليزي وبالشايقى

شيخنا عكود
صباح الخير

Quote: عندي عكودين كبرين في بورتسودان أحدهما حسين عبدالرحمن عكود هو شقيق الوالد طوالي وعبدالله عكود مساعد طبي قديم من اكتر من خمسين سنة في بورتسودان وفي جبيت وسنكات وهو ابن عمي

عمنا الغالي وحبيب الجميع بالديوم الجنوبية المساعد الطبي عبد الله عكود ....وهل هناك اح لايتذكر هذا الاسم الذي لازال يصدح ذكر .
عارف ياكمال لو جيت بورسودان وسالت عن مركز صحي الديوم الجنوبية مافي اي زول بعرفه .....
لكن لو قلته عيادة عكود مليون واحد يدلوك .

رجل بقامة وطن .

هارون دياب

مرحباً بك أخي كمال عكود
نتمنى أن يطيب لك البقاء بيننا..
شرفت الديار..

Quote: مرحباً بك أخي كمال عكود نتمنى أن يطيب لك البقاء بيننا.. شرفت الديار..

شكرا الأخ والزميل نصرالدين على الترحيب وبارك الله فيك

Quote: عمنا الغالي وحبيب الجميع بالديوم الجنوبية المساعد الطبي عبد الله عكود ....وهل هناك اح لايتذكر هذا الاسم الذي لازال يصدح ذكر . عارف ياكمال لو جيت بورسودان وسالت عن مركز صحي الديوم الجنوبية مافي اي زول بعرفه ..... لكن لو قلته عيادة عكود مليون واحد يدلوك . رجل بقامة وطن .

صدقت أخي الكريم هارون عبد الله عكود علم في بورتسودان الله يديه الصحة والعافية

جنا عكود لعلك طيبه..
نعل مافى توك..كتير قليل.. ما تدس شى
معاك اخوك صديق الموج من اهلك ناس الصلعاب
وحرم نص ود حامد ديل اهلنا تب..
بالاخص الجعليين فيهم...
دحين انت من ود حامد والا من الجزيرة عبدالله..جزيرة الله
يازول عموما حبابك الف...
ادخل لاجوه..
وحرم تستاهل الضبيحه،،،

اخونا صديق الموج

تحياتي

باقي أنا عرفتك طولت من خلال منتدانا بتاع ودحامد السجلت فيه ورحبنابك وعييييييييييييك تاني ما شفناك

أنا طبعا من ود حامد لكن ناس الجزيرة عبد الله وناس البواليد كلهم أهلى ومنهم طبعا ابن عمي الشاعر الدكتور محمد بادي

بس تعرف نحن كلنا ماجينا من لا غادي من القرير وما حولها لكن عندنا ناس استقروا في ودحامد وناس استقروا في البواليد وسلوى

نحن حليلتنا اسمها حلة الشايقية ومنها طبعا من المشهورين أبو الفيض التاجر المعروف

أهلك الجعليين ياهن اهلنا ومتداخلين معانا وانا زوجتي نصفها منهم ونصفها مننا وبقينا حاجة واحدة

ومعاكم في الرياض ناس اسامة بابكر و الشباب

ونتواصل

مرحب بيك وحبابك مليون يا كمال عكود، لطالما أعجبني من بقول ها انذا...
أتمنى ان يطيب بك المقام هنا...

أنور

شكرا لك أخي أنور وبارك الله فيك على الترحيب وحسن الاستقبال

الشايقى سلام
انا اولادى من الزومة يا السنجك
كان دكتور بادى قريبك معناها اولادى اهلك لانه فى ابو ظبى
ابو وضاح له الرحمة والمغفرة علاقته قوية شديد بالدكتور بادى
سلامى ولى عودة
ام وضاح