أي بت شديده ماحقو تحب ليها واحد جبان/مع التحيه لناذر الخليفه وطارق جبريل

أي بت شديده ماحقو تحب ليها واحد جبان/مع التحيه لناذر الخليفه وطارق جبريل


03-06-2008, 04:04 PM


  » http://sudaneseonline.com/cgi-bin/sdb/2bb.cgi?seq=msg&board=150&msg=1204815894&rn=0


Post: #1
Title: أي بت شديده ماحقو تحب ليها واحد جبان/مع التحيه لناذر الخليفه وطارق جبريل
Author: صلاح الأحمر
Date: 03-06-2008, 04:04 PM

أهديها إالى الأخ العزيز /ناذر الخليفه
وإلى الحبيب الصديق/د. طارق جبريل


فهما من ألهماني هذه الحكايه : ناذر من خلال قطعته الفريده( أي بت شديده أخوها
لازم يكون أسد). وطارق عبر رائعته التي مازالت تقطر ابداعا( أي بت شديده لازم
تحب ليها طلبه ـ صبي بناي)
كل ماأتمناه أن اكون ضيفا خفيفا على قلوبكم وآمل ألا تقارنوا نصي المتواضع
بجمال حكيهما .سخرية ناذر وعلو كعب طارق .لقد أمتعانا فلهما التقدير والإعجاب.

هيا تعالوا

قبل دشليون سنه كده وامكن بعد بداية التاريخ على طول،كنت مره في حفلة عرس.كنا مهججين آخر هجيج والعجاجه رابطه للسما.
شي رقيص هورس وشي كاروشه وكمان حاجه مسخره من الزمن داك اسمها تطش( touch) ودي ياأولاد الزمن ده رقصه مطوره من رقصة
الجيرك ،بس فيها لصيق أفخاد على خفيف ومره ومره كده ضربا ت جنابيه بالصلب لا مؤاخذه.
وأنا في عز الكبسيبه بتاعة الحاجات المنقرضه دي ، فجأه قربت مني وقالت لي:
-أنا عاوزه اشوفك.
- الله اكبر،انا؟
اتسمرت في محلي زي الضربتني كهربا.ياربي انا في حلم ولاعلم؟
معقول سلوى هي الإتكلمت معاي وكمان عاوزه تشوفني؟
وقفت محنط زي العوير فاتح خشمي ما مصدق الحصل. وهي عملت روحها مندمجه في الرقيص وجات جنبي تاني ولكزتني:
ـ هيي شنو ياصلاح مالك متلش كده؟ وبعدين ياخي خليك طبيعي عشان ماتلفت انتباه الناس الجنبنا ديل.
في الحقيقه كنت محتاج واحد يديني كف ولايرشني بي مويه بارده عشان اصحي من التنيحه الأنا فيها دي. وصدقوني
الحصل بعد داك انا ما مستحضرو،لاكين غايتو بتذكر أني بعد كلامها داك قعدت اتهوزز يمين وشمال زي بندول الساعه،
بسوي في شنو ؟الله اعلم.لمن جا صاحبي ابو السره قال لي:
- ياابو صلاح الغنيه دي ماانتهت، الموقفك شنو ومقهي كدي مالك ؟
المهم يا سيد الأمنتي ليك مشيت قعدت في الطربيزه مع شلتي مسهي ساكت زي البوم وماعارف الحاصل لي شنو.
وبي صراحه يا شباب ،اليوم داك كنت ضارب لي عبارين لزوم الشجاعه الأدبيه في الحفلات، يعني شباب زمان يمكن افهموني
بقول في شنو.لاكين وحاتكم بعد الحصل داك طارت النعنشه جنس طيره زي الأدوني حقنة كرومين. ودي بلاش أحسن تنسوها لأنكم
ماحتعرفوها وحتعبوني معاكم ساكت بالشرح . المهم اخوكم عليك أمان الله بقى صاحي التقول حكم كورة تنس ، وراسي
بقى زي مروحة الطربيزه. مره اتلفت بي هنا اشوف البنيه ومره اقبل جهة اصحابي واقول ياربي مايكون في زول كشف حركتنا.


وتاني ..تاني..لسه راجعين مره تاني للقديم اللي تنسى

ومودات تبش من:
ود اللحمر أب زادا مابخمر

Post: #2
Title: Re: أي بت شديده ماحقو تحب ليها واحد جبان/مع التحيه لناذر الخليفه وطارق جبريل
Author: صلاح الأحمر
Date: 03-06-2008, 06:56 PM
Parent: #1

ياخوانا هوي الحقونا البوست ده عاوز ليهو عتاله
ولا حيمشي شمار في مرقه. يعني دايرننا نعتل
برانا من اللول.
يلا ياشباب البصلي علي النبي دفره ولالزه ولا ان
شاءالله قحه، برضو اخير من صمة الخشم.


ومودات تبش من:
ود اللحمر اب زادا مابخمر

Post: #3
Title: Re: أي بت شديده ماحقو تحب ليها واحد جبان/مع التحيه لناذر الخليفه وطارق جبريل
Author: محمد عادل
Date: 03-06-2008, 07:03 PM
Parent: #2

طيب انا جيتك ياصلاح الاحمر
وينا البت الشديده عشان نشوفها
فى الاول حتى بعدين نحبها

Post: #4
Title: Re: أي بت شديده ماحقو تحب ليها واحد جبان/مع التحيه لناذر الخليفه وطارق جبريل
Author: noon
Date: 03-06-2008, 07:07 PM
Parent: #3

بوست شكلو لذيذ متابعين

نون

Post: #5
Title: Re: أي بت شديده ماحقو تحب ليها واحد جبان/مع التحيه لناذر الخليفه وطارق جبريل
Author: صلاح الأحمر
Date: 03-06-2008, 07:20 PM
Parent: #4

Quote: طيب انا جيتك ياصلاح الاحمر
وينا البت الشديده عشان نشوفها
فى الاول حتى بعدين نحبها


يعني يامحمد عادل ياخوي صبرا يبل
الآبري ماعندك؟ شكلك كده عاوز تقطع
الرحط قبل العريس. روق ياحماده
انا لسه جاييك.
شكرا لمرورك.


ومودات تبش من:
ود اللحمر أب زادا ماببخمر

Post: #6
Title: Re: أي بت شديده ماحقو تحب ليها واحد جبان/مع التحيه لناذر الخليفه وطارق جبريل
Author: صلاح الأحمر
Date: 03-06-2008, 07:27 PM
Parent: #5

Quote: بوست شكلو لذيذ متابعين


شكرا يانون وانشاء الله ظنك مايخيب.
وخليك معانا.


ومودات تبش من:
ود اللحمر أب زادا مابخمر

Post: #16
Title: Re: أي بت شديده ماحقو تحب ليها واحد جبان/مع التحيه لناذر الخليفه وطارق جبريل
Author: Mohamed Foto7li
Date: 03-08-2008, 05:04 AM
Parent: #2

السلام عليكم ورحمة الله وبركاته

والله ياصلاح اسلوبك جميل فئ الكتابه

Post: #7
Title: Re: أي بت شديده ماحقو تحب ليها واحد جبان/مع التحيه لناذر الخليفه وطارق جبريل
Author: طارق جبريل
Date: 03-06-2008, 11:43 PM
Parent: #1

ود اللحمر دي سوات شنو دي
انا كنت قايلك بي عقلك
ماك زينا تجقلب
وشابكني انا الجعلي
انا الكلس
انا تمساح الدميرة
اتاريهو فسو ساكت



متابعين يا حبيب

Post: #8
Title: Re: أي بت شديده ماحقو تحب ليها واحد جبان/مع التحيه لناذر الخليفه وطارق جبريل
Author: Hatim Yousif
Date: 03-07-2008, 08:27 AM
Parent: #1

أبو رضا ... إذا شك القميص ... فكأنما شك قلوب الدائشات بأسهم ..
__________
Quote:
شي رقيص هورس وشي كاروشه وكمان حاجه مسخره من الزمن داك اسمها تطش( touch) ودي ياأولاد الزمن ده رقصه مطوره من رقصة
الجيرك ،بس فيها لصيق أفخاد على خفيف ومره ومره كده ضربا ت جنابيه بالصلب لا مؤاخذه.


من الأرشيف

متابعين أبو رضا ... مع التمنيات بعدم إنتقال البوست الي (مغاربةأونلاين)


-

Post: #9
Title: Re: أي بت شديده ماحقو تحب ليها واحد جبان/مع التحيه لناذر الخليفه وطارق جبريل
Author: صلاح الأحمر
Date: 03-07-2008, 09:54 AM
Parent: #8

Quote: ود اللحمر دي سوات شنو دي؟ انا كنت قايلك بي عقلك ماك زينا تجقلب.
وشابكني انا الجعلي انا الكلس انا تمساح الدميرة،اتاريهو فسو ساكت


العزيز تاريح وليد جبريل

الرجاله ان شاء الله تطير يايابا،وبعدين
قبل كده ماقلت ليك انا( جايقي).غايتو
خليك معانا لحدي مانلقى لينا مخارجه
من الورطه الدخلنا فيها دي.صدقني ديل
حيبقو عوضين.

Post: #10
Title: Re: أي بت شديده ماحقو تحب ليها واحد جبان/مع التحيه لناذر الخليفه وطارق جبريل
Author: صلاح الأحمر
Date: 03-07-2008, 01:03 PM
Parent: #9

Quote: المهم اخوكم عليك أمان الله بقى صاحي التقول حكم كورة تنس ، وراسي
بقى زي مروحة الطربيزه. مره اتلفت بي هنا اشوف البنيه ومره اقبل
جهة اصحابي واقول ياربي مايكون في زول كشف حركتنا.


ونواصل الحكي

وانا بفكر في الحصل مريت بي لحظات فراغ عجيبه مابتتوصف ،
حاجه كده مابقدراحددها بين الإندراوه وانعدام الوزن. قعدت اقول لروحي
هسه سلوى دي تكون عاوزاني في شنو ياربي؟ طبعا سرحت بعيد واتخيلت
حاجات كده ماليها لا أول ولا آخر.لاكين مالقيت أي راس خيت يدلني علي
سكه يمكن الواحد يقول تقدر توصلك لي حته معينه.واول شي خلاني استبعد
الجانب الشخصي انو سلوى اكبر مني بي سنتين وتاني في الوكت داك كنا
بنعتبر بنات الجيران ـ حتى لو عاجباتننا ـ زي اخواتنا ، رغم انو
ناس سلوى جيران بعاد شويه وبيتهم جبده من بيتنا.
المهم وانا بضرب اخماس في اسداس اشوف ليك سلوى جايه قاصده طربيزتنا
عديل.الطوله والقدله والطله المهيبه ماعارف لييه خلوني اتخيل في
اللحظه ديك قائد الأسطول.والله ياخوانا لما قربت علينا فكت ليك واحد
بسمه لما برقها شلع.والله الساعه ديك حسيت بي قلبي عمل تاح تاح تتاح ،
زي ال انفجر فيهو لغم وشعرت بي دمي كأنو سخن وبقى يطاير في عروقي
زي عربات الفورميولا ون.يمينا بالله لما خلاص وقفت قدام الطربيزه اسمع
ليك اضنيني شاغلات زي حلة البوب كورن طاخ طراخ طرطاخ. حالتي بقت تصعب
علي العدو .ماعرفت اقوم ولااقعد ولااقيف ولااضحك ولا ابكي.
سلوى كان معاها صاحبتها أمل .فجتنا ليك وقعدت بيني وبين أبو السره ،
وامل قعدت جنب ود خالتها أمين . بعد السلام وكلمه من هنا وكلمه من
هناك ، سلوى انتهزت الفرصه لما الجماعه كلهم كانوا بضحكوا علي نكته
حكاها أمين،وميلت علي عشان تتكلم. والله ياخوانا لما اتكت علي كده بي
كتفها اتكبكبت جنس كبكبه لي حدي ما دفقت كبابي العصير المكبوبه قدامنا.
واتخيلت ليك ناس الحفله كلهم قاعدين يشوفو فينا ويصفرو ويكوركو.
قالت لي بالمناسبه الموضوع بهمنا انحنا الإتنين. ومافي داعي نتكلم كتير
عشان ماحاقدر اطول القعده معاكم.وطبعا ليها حق خصوصا انو الحفله ماكانت
مختلطه للاخر. وصدقوني لما كانت بتتكلم اخوكم كان ماسكاهو ام رجفيبه
وركبي تحت الطربيزه شغالات يكركبن ساكت زي عربية الكارو لما تكون شايله
ليها صفايح فاضيه وماشيه في الدقداق. غايتو حالتي خلوها على الله.


وتاني ..تاني ..تاني راجعين مره تاني للقديم اللي اتنسى

وومودات تبش من|
ود اللحمر أب زادا مابخمر


Post: #11
Title: Re: أي بت شديده ماحقو تحب ليها واحد جبان/مع التحيه لناذر الخليفه وطارق جبريل
Author: صلاح الأحمر
Date: 03-07-2008, 03:28 PM
Parent: #10

Quote: أبو رضا ... إذا شك القميص ... فكأنما شك قلوب الدائشات بأسهم ..

حاتم ودعمتي فاطنه
ولييه بس الدايشات ياحاتم
والله اخوك كان لما يقشر ويشق
ليك الحله كده( كانت قلوب
العذارى تكاد تقفز من صدورهن).
بس لاكين مامن وسامتي، من تعبن
وهن متشععبطات في الحيط
بتاوقن للزول المكلوج ده
البتقوم وراه العجاجه وهو ماشي.

Post: #12
Title: Re: أي بت شديده ماحقو تحب ليها واحد جبان/مع التحيه لناذر الخليفه وطارق جبريل
Author: ناذر محمد الخليفة
Date: 03-07-2008, 04:13 PM
Parent: #1

ود الأحمر ..

يا حبيب تراكم في المغرب ما هينين ، حقو نعمل سلسلة نسميها (أي بت شديدة ....) عشان أي زول يجي يفت مصايبو وجلكساتو وماضيهو أكان أسود أو أبيض هنا

بس عليك الله ما تسل روحنا زي صحبك طارق جبريل ، ماطي لينا قصتو قريب السنتين وشلهتنا معاهو ، وأنا المسيكين قصتي مع حبيب الغزالة أخو الاسد كشحتها في ربع ساعة في ليل بهيم بعد ما الناس نامو وإحلوت القعدة والراس ظبط

Quote: وركبي تحت الطربيزه شغالات يكركبن ساكت زي عربية الكارو لما تكون شايله
ليها صفايح فاضيه وماشيه في الدقداق.


تشبيهك دا فلت مني ومن طارق !!كنت مخزنو وين

Post: #13
Title: Re: أي بت شديده ماحقو تحب ليها واحد جبان/مع التحيه لناذر الخليفه وطارق جبريل
Author: محمد الطيب يوسف
Date: 03-07-2008, 07:50 PM
Parent: #1

أها

منتظرين

Post: #14
Title: Re: أي بت شديده ماحقو تحب ليها واحد جبان/مع التحيه لناذر الخليفه وطارق جبريل
Author: امنة عبد الكريم
Date: 03-07-2008, 11:25 PM
Parent: #1

لقيتك ختري يا ابو صلاح
متابعين
بس لوع تلحق صاحبك طارق

Post: #15
Title: Re: أي بت شديده ماحقو تحب ليها واحد جبان/مع التحيه لناذر الخليفه وطارق جبريل
Author: امنة عبد الكريم
Date: 03-07-2008, 11:25 PM
Parent: #1

ابو صلاح
ده يا هو درب ناس ناذر وطارق ذاتو
تبدا وانت ما طرف في القصة
لامن بعد شوية تبقي سيدا

....
متابعين ايها الرائع

امنة

Post: #17
Title: Re: أي بت شديده ماحقو تحب ليها واحد جبان/مع التحيه لناذر الخليفه وطارق جبريل
Author: Mohamed Foto7li
Date: 03-08-2008, 05:10 AM
Parent: #1

منتظرين

Post: #18
Title: Re: أي بت شديده ماحقو تحب ليها واحد جبان/مع التحيه لناذر الخليفه وطارق جبريل
Author: Walid Safwat
Date: 03-08-2008, 05:21 AM
Parent: #1

الشحتفة شنو يابو رضا؟؟
ماكفاية كبكبتك وجرستك
كمل الحكاية طوالي بلا "البقية في العدد القادم"

Post: #19
Title: Re: أي بت شديده ماحقو تحب ليها واحد جبان/مع التحيه لناذر الخليفه وطارق جبريل
Author: شهاب الفاتح عثمان
Date: 03-08-2008, 06:12 AM
Parent: #1

Quote: المهم اخوكم عليك أمان الله بقى صاحي التقول حكم كورة تنس ، وراسي
بقى زي مروحة الطربيزه.

Quote: الله الساعه ديك حسيت بي قلبي عمل تاح تاح تتاح ،
زي ال انفجر فيهو لغم وشعرت بي دمي كأنو سخن وبقى يطاير في عروقي
زي عربات الفورميولا ون.يمينا بالله لما خلاص وقفت قدام الطربيزه اسمع
ليك اضنيني شاغلات زي حلة البوب كورن طاخ طراخ طرطاخ.


تشبيهــاتك عجيبـه و غــريبــه
و غــارقه في الـــظرافه ..

و مع سلـــوى نـواصــل .


_______________________________________________

ليتهم يعلمون ان عمر اللحظـه في بعـدك يا خـرطـوم سنين طـوال
د شهـاب الفاتح ـ كوالالمبـور

Post: #20
Title: Re: أي بت شديده ماحقو تحب ليها واحد جبان/مع التحيه لناذر الخليفه وطارق جبريل
Author: صلاح الأحمر
Date: 03-08-2008, 09:45 AM
Parent: #19

Quote: والله ياصلاح اسلوبك جميل فئ الكتابه

Quote: منتظرين

اخوي محمد
شكرا لمرورك وللالاطراء.وان شاء الله مايطول
انتظارك. خميرة الحكايه موجوده، بس اتمنى
الواحد يلقى مزاج الكتابه والوكت مع
دواهي الدنيا والشغل وحاجات الشفع.


ومودات تبش من:
ود اللحمر اب زادا مابخمر

Post: #21
Title: Re: أي بت شديده ماحقو تحب ليها واحد جبان/مع التحيه لناذر الخليفه وطارق جبريل
Author: omer abdelsalam
Date: 03-08-2008, 12:46 PM
Parent: #1

ياابا رضا
الكبكبة قدام الجميلات مشكلة عموم الرجال ولكن تتفاوت من موقف الى آخر
هاك آخر { الكبكبات } التى قرأتها هذا الصباح
وشوف كيف بتخلى الرجالة مجرد العوبة مضحكة
Quote: الــمـَـقـْـلـب

بعد مسافة طويلة من السير، توقفت الحافلة أخيرا في محطة للاستراحة. نزل الركاب تباعا بعد أن أكد عليهم السائق بألا يتجاوزا أكثر من ربع ساعة.
هو كان دائخا. توجه إلى مرحاض عمومي فغسل وجهه وقضى حاجته، ثم أقفل عائدا نحو المطعم ليأكل شيئا يسد به الرمق.
كانت كراسي المطعم كلها مليئة بالناس، فُرادى ومثنى وثلاث ورباع. بحث طويلا عن مقعد شاغر دون جدوى. فجأة سمع صوتا يناديه من خلفه:
- «بس بس.. واسي محمد..».
التفت خلفه ليتبين صوت من ينادي عليه، فإذا هي فتاة تجلس وحيدة في ركن من أركان المطعم. اعتقد في البداية أنها ربما نادت عليه خطأ، لأنه لا يعرفها.. وسرعان ما ولى وجهه عنها باحثا عن مقعد، لكنها نادت عليه مرة أخرى، فتوقف وأخذ يقلب وجهه يمينه ويساره.. قبل أن تشير إليه بيدها أن يحضر ويجلس إلى طاولتها.
- تفضل.. أرى أنك وحيد مثلي.
أجابها بالإيجاب وعلامات الدهشة والاستغراب بادية على وجهه، قبل أن تبادره بالدعوة إلى الجلوس أمامها.
- هل تمانع أن نتشارك الطعام؟
سألته عن اسمه، مهنته، عمره، من أين أتى وإلى أين وجهته، فأجاب عن أسئلتها بعفوية وطلاقة. لكنه بدا مستغربا من جرأتها عندما سألته إن كانت له حبيبة، فاحمرت وجنتاه وتلعثم لسانه وهو يجيب بالنفي.
- طيب، إن لم تكن لك رغبة في الإجابة فلا بأس.
- لا، لقد قلت لك الحقيقة.. ليست لدي حبيبة، لكن لماذا هذا السؤال؟
- مجرد اهتمام فحسب. أنا أيضا وحيدة، لا حبيب لي ولا صديق.
- لا. أنا لا أصدق هذا. لا تقولي لي إن هذا الجمال كله لم يحظ باهتمام الرجال؟!
- تريد أن تقول إنني كذابة، صح؟ في الحقيقة لقد عشتُ تجارب عاطفية كثيرة، لكنها فاشلة.. وأنا لا أحب الفشل.
ولكي تغير مجرى الحديث، بدأت تنظر إليه باهتمام وأخذت تغازله..
- عيناك جميلتان. سبحان الله.. الذي خلق هذا الوجه.. كل شيء فيه جميل.. عيناك.. أنفك.. شفتاك.. شعرك.. يداك.. كل شيء فيك رائع...سبحان الله...
وكان يهم بقول شيء ما لولا أن قاطعهما النادل، وقد جاء ليعرض عليهما ما يوفره المطعم من وجبات. اختار هو «سندويتشا» عاديا، أما هي فقد اختارت وجبة دسمة و»متخمة»، تضم من كل طعام نوع.
واسترسلا في الحديث وهما يتناولان وجبتيهما، وكانت عينا الفتاة لا تفارقان وجه الرجل دون أن تتوقف أسنانها عن مضغ الصلاطة واللحم والأرز، وشرب العصير.. وفي كل مرة تطرح عليه سؤالا وتتركه يخوض في حديث مطول.. كان يتحدث أكثر مما يأكل. فجأة قاطعته طالبة منه أن يكمل طعامه.
- خذ هذه القطعة من يدي يا حلو..
وفتح فمه في خجل فألقمته ما حوت أصابع يدها من لحم. ثم سألته ويدها ممتدة إلى الكأس التي كان يشرب منها «المونادا»:
- أيمكنني أن اشرب من كأسك؟
- تفضلي.
وشربت من كأسه بتمهل وعيناها مرصودتان على عينيه.. ثم وضعت الكأس بعجالة وقامت من مقعدها مسرعة، وغادرت بعد أن استأذنته في الذهاب إلى المرحاض.. وظل فمه فاغرا ولسانه معقودا وهي تمر بجانبه ورائحة عطرها النفاذ تخترق أنفه... فلم يعد يدري ما يقول ولا ما يفعل.
انتظرها طويلا لكنها لم تأت، وبعد مدة، جاءه النادل مطالبا إياه بأداه الفاتورة، فهب إذ ذاك من مقعده ضاربا باطن كفه بجبهته، وخرج مسرعا نحو الحافلة فلم يجد غير أثر عجلاتها...



Post: #22
Title: Re: أي بت شديده ماحقو تحب ليها واحد جبان/مع التحيه لناذر الخليفه وطارق جبريل
Author: صلاح الأحمر
Date: 03-08-2008, 03:52 PM
Parent: #21

Quote: أها منتظرين

محمد الطيب يوسف
جاييكم قريب يامحمد ،بس طولو بالكم
القصه دي من عام الفيل والواحد
عاوز ليهو منشطات عشان الذاكره
تدور.
شكرا لمرورك.

ومودات تبش من:
ود اللحمر أب زادا مابخمر

Post: #23
Title: Re: أي بت شديده ماحقو تحب ليها واحد جبان/مع التحيه لناذر الخليفه وطارق جبريل
Author: صلاح الأحمر
Date: 03-09-2008, 00:12 AM
Parent: #22

Quote: لقيتك ختري يا ابو صلاح


آمونه بنية عبد الكريم

لازم اكون ختري عشان اسمي الاحمر

Quote: متابعين بس أوعى تلحق صاحبك طارق

خليك قريبه ياآمنه لاني خايف البوست ده
يلحقني أمات ناس فاطنه.

ومودات تبش من:
ود اللحمر اب زادا مابخمر

Post: #24
Title: Re: أي بت شديده ماحقو تحب ليها واحد جبان/مع التحيه لناذر الخليفه وطارق جبريل
Author: ناذر محمد الخليفة
Date: 03-09-2008, 07:15 PM
Parent: #1

أها ...

Post: #25
Title: Re: أي بت شديده ماحقو تحب ليها واحد جبان/مع التحيه لناذر الخليفه وطارق جبريل
Author: صلاح الأحمر
Date: 03-10-2008, 12:03 PM
Parent: #24

Quote: ود الأحمر ..يا حبيب تراكم في المغرب ما هينين ، حقو نعمل سلسلة نسميها (أي بت شديدة ....) عشان أي زول يجي يفت مصايبو وجلكساتو وماضيهو أكان أسود أو أبيض هنا.

العزيز/ناذر الخليفه
أثني ، بس انحنا ماضينا بالألون وكمان LCD تقول لي اسود وابيض، باين عليك دقه قديمه

Quote: بس عليك الله ما تسل روحنا زي صحبك طارق جبريل ، ماطي لينا قصتو قريب السنتين وشلهتنا معاهو ، وأنا المسيكين قصتي مع حبيب الغزالة أخو الاسد كشحتها في ربع ساعة في ليل بهيم بعد ما الناس نامو وإحلوت القعدة والراس ظبط

انت ماسمعت انو في شركه اتصلت بي طارق عشان يشترو منو حقوق (اي بت شديده..) و يعملوها
مسلسل.والله ياخوي حقك راح وانا كان طارق عمل 50 حلقه ، ياني العامل 60 وشيلو شيلتكم
.:
ومودات تبش من :
ود اللحمر أب زادا مابخمر

Post: #26
Title: Re: أي بت شديده ماحقو تحب ليها واحد جبان/مع التحيه لناذر الخليفه وطارق جبريل
Author: صلاح الأحمر
Date: 03-10-2008, 12:16 PM
Parent: #25

Quote: الشحتفة شنو يابو رضا؟؟

وليد..وليد صفوت
يادوب قلنا بسم الله.ولو عاوز تجي وتركلس في البوست ده
إلى ماشاء االه ، مرحبا، وإ لا بطل المتاوقه والحركات
الأرعه بتاعتك دي.
والله اشتقنالك يا ابوحليب ..شِنو ياخي محاربنا ولا شنو؟

ومودات تبش من :
ود اللحمر أب زادا مابخمر

Post: #27
Title: Re: أي بت شديده ماحقو تحب ليها واحد جبان/مع التحيه لناذر الخليفه وطارق جبريل
Author: صلاح الأحمر
Date: 03-10-2008, 12:36 PM
Parent: #26

Quote: ياابا رضا
الكبكبة قدام الجميلات مشكلة عموم الرجال ولكن تتفاوت من موقف الى آخر

شوف ياأبا انس/صلح كلامك واسحبو واعتذر، القاليك منو انحنا قاعدين
نتكبكب؟
انحنا بس بكايين من بعيد لي بعيد


ومودات تبش من:
ود اللحمر أب زادا ما بخمر

Post: #28
Title: Re: أي بت شديده ماحقو تحب ليها واحد جبان/مع التحيه لناذر الخليفه وطارق جبريل
Author: صلاح الأحمر
Date: 03-10-2008, 12:44 PM
Parent: #27

Quote: تشبيهــاتك عجيبـه و غــريبــه
و غــارقه في الـــظرافه ..


دشهاب الفاتح الزول الرصين الأنيق
الحبوب واب لسانا حلو


سعيد بمرورك الجميل، واخجلتني بهذا
الثناء.وانت الأظرف.. وعين الرضا...

ومودات تبش من :
ود اللحمر أب زادا مابخمر

Post: #29
Title: Re: أي بت شديده ماحقو تحب ليها واحد جبان/مع التحيه لناذر الخليفه وطارق جبريل
Author: صلاح الأحمر
Date: 03-10-2008, 01:01 PM
Parent: #28

Quote: أها ...


ناذر وليد امحمد ود الخليفه

اها ..شنو..؟شفقتكم ال...
بعدين ياناذر.. طارق قال لي انت سرنا،
طيب مالك ماتصبر ياخي ،ده الجعلي بيقضي
يومو خنق، وانت ماقادرتصبر يومين؟
أها ..السبت والأحد ديل عطلة نهاية الأسبوع
عندنا ومابنفرط فيهن ، هن أصلن ماحايقات
بين حاجات الشفع ومتطلبات البيت والواجبات
الإجتماعيه.بعدين مستعجل لاحق شنو ؟ اهلنا
المغاربه بيقولو ( بالمهل تيتكال بودنجال)
يعني الباذنجان بياكلوه بي رواقه).
ده انا حاخليكم تترحمو علي طارق وكمان عوض.


Post: #30
Title: Re: أي بت شديده ماحقو تحب ليها واحد جبان/مع التحيه لناذر الخليفه وطارق جبريل
Author: صلاح الأحمر
Date: 03-10-2008, 01:46 PM
Parent: #29

Quote: وصدقوني لما كانت بتتكلم اخوكم كان ماسكاهو ام رجفيبه
وركبي تحت الطربيزه شغالات يكركبن ساكت زي عربية الكارو لما تكون شايله ليها صفايح فاضيه وماشيه في الدقداق. غايتو حالتي خلوها على الله.


ونواصل الحكي


غايتو بلعت ريقي وحاولت اثبت واوريها أني ما متكبكب لاكين وحاتكم من الكبكبه ريقي
زاتو مالقيتو ، بقى ناشف زي البودره مافيهو حاجه بتتبلع.
كان لازم اجاوبها علي كلامها .
اها طلعت الكلام من آخر حلقي ونفسي قايم وحسي مقروش .
قلت ليها ان شاء الله خير؟ أو انا اتخيل لي أني قلت الجمله دي، لاكين الحقيقه انو كلماتي
طلعت هوا ساكت ، يعني زي الرصاص الفشنك.
قامت قالت لي مالك بتفتح في خشمك وتقفل فيهو ،عاوز تقول حاجه؟
ههوززت راسي زي الدلمه يعني آآآي.
قالت لي خلي كلامك لي يوم الخميس الجاي تلقاني مستنياك الساعه سبعه ونص مسا
في بيت ناس حبوبتي بتول.
والله ياخوانا من المفاجأه لمن اضنيني صنو وعيني طششو.
وبي سرعه لمت فستانها ووقفت وبي جديه معاها صرة
وشي فيها حبة حنيه ، طنطنت بي شويش:
ـ خليك حريص لأنو الموضوع مهم جدا.
بعد مامشت بقيت امكن نص ساعه داخل في حاله كده غريبه خلاص ، لأني ماكنت عارف روحي
منو ولااناوين ولا الحاصل شنو.
معقول ياجماعه سلوى السمحه الموقفه الحله كلها على كراع واحده عاوزاني انا من دون
الخلق دي كلها؟
ـ يارب تستر واللهم اجعله خير.
قلتها بي صوت عالي بدون ما اشعر، وصاحبي ابو السره يبحلق فيني ساكت وعيونو بتقول
انتو ياخوانا صلاح ده الليله انسطل ولامالو ياربي؟


وتاني..تاني.. تاني راجعين مره تاني للقديم اللي تنسى

ومودات تبش من:
وداللحمر اب زادا مابخمر

Post: #31
Title: Re: أي بت شديده ماحقو تحب ليها واحد جبان/مع التحيه لناذر الخليفه وطارق جبريل
Author: ناذر محمد الخليفة
Date: 03-10-2008, 10:09 PM
Parent: #1

يا ود الاحمر ..

Quote: انت ماسمعت انو في شركه اتصلت بي طارق عشان يشترو منو حقوق (اي بت شديده..) و يعملوها
مسلسل.


عليك الله خلي ناس الشركة يجو يشترو مني حقوق قصتي عشان يعملوها إسكتش ربع ساعة

Post: #32
Title: Re: أي بت شديده ماحقو تحب ليها واحد جبان/مع التحيه لناذر الخليفه وطارق جبريل
Author: Hatim Yousif
Date: 03-11-2008, 10:08 AM
Parent: #1

ود الخال ..
راجع الماسنجر ..سررررررررررررررررريع


-

Post: #33
Title: Re: أي بت شديده ماحقو تحب ليها واحد جبان/مع التحيه لناذر الخليفه وطارق جبريل
Author: صلاح الأحمر
Date: 03-11-2008, 11:57 AM
Parent: #32

شكرا ياحاتم ، علم، والرد بي هناك.

Post: #34
Title: Re: أي بت شديده ماحقو تحب ليها واحد جبان/مع التحيه لناذر الخليفه وطارق جبريل
Author: sami Alzubair
Date: 03-12-2008, 09:21 PM
Parent: #33

ود الاحمر
متابعين
واصل يا رائع

*****
سامي عوض السيد

Post: #35
Title: Re: أي بت شديده ماحقو تحب ليها واحد جبان/مع التحيه لناذر الخليفه وطارق جبريل
Author: Walid Safwat
Date: 03-12-2008, 11:15 PM
Parent: #1

Quote: الباذنجان بياكلوه بي رواقه

والكوسة بزربو بيها؟؟
اما عن الخيار فحدثنا ود النخيل عن ميزاته
(ونواصل في بوست تاني....)
ياخي ده الكرهنا مجلة الوطواط والبرق
فاكتفينا بميكي وسمير وسوبرمان واحيانا سمر...