Post: #1 Title: مذكراتي لـ 08|03|04 حصريا علي الاقل Author: خدر Date: 03-04-2008, 06:38 PM Parent: #0
الساعة الان السادسة و النصف افترنوون بداء اليوم بتلفون مزعج و مبكر من صديق عزيز التلفون كان بايخ .. ممل .. مكرر .. مقدمات بديهة وتكرار سوداني يصاحب السلام وفي نهاية التلفون .. لم افهم سبب الاتصال
السلام بياخد وكت طويل عند اخوانا السودانيين ما عارف ليه ؟
______________ لحسن الحظ صديقي ليس من هواة سودانيزاونلاين
Post: #2 Title: Re: مذكراتي لـ 08|03|04 حصريا علي الاقل Author: aml gadora Date: 03-04-2008, 06:49 PM Parent: #1
قبل اسبوعين ركبت تاكسي ......سواقو من دولة عربية .......قال لينا انا في حاجة واحدة محتار فيها في السودانيين ليه لما يتلاقو بقعدو عشرة دقايق يسلموا على بعض .......... ماجاوبتو بس بيني وبين نفسي قلت ده نوع من الحنية .........اهلنا السودانيين ناس حنينين .......وقلما تجد مثلهم في الشعوب التانية وده يمكن سبب كترة السلام كل شعب بيتميز بي صفة معينة خلينا احنا نتميز على اقل بي كتر السلام ولا مامعاي
Post: #4 Title: Re: مذكراتي لـ 08|03|04 حصريا علي الاقل Author: خدر Date: 03-04-2008, 06:58 PM Parent: #2
امل قدورة لقاء بتي (سنتين) ربيتها علي الحنية حقتكـ دي خالتها جات زيارة من امريكا اول يومين لقاء رفضت تتعامل معاها بعد اسبوع بقو اصدقاء واصدقاء لقاء لازم يشيلوها طول اليوم طبعا نزولا علي طلبها الاسبوع التاني سمعت خالتها بتنقنق وهي شايلاها يا لقاء غايتو لايوقة لمن تصاحبي الزول
__________ الحنية مهمة كمان يا امل لكن بتقطع ضهر الخالات
Post: #18 Title: Re: مذكراتي لـ 08|03|04 حصريا علي الاقل Author: aml gadora Date: 03-04-2008, 10:26 PM Parent: #4
حنية الخالات هينة انا ولدي مركز حنيتو كلها علي انا من دون خلق الله قدرت ماحاولت اخليهو يركز على ناس تانية مافي جدوى......... الا في غيابي
Post: #195 Title: Re: مذكراتي لـ 08|03|04 حصريا علي الاقل Author: abubakr Date: 03-11-2008, 01:37 PM Parent: #2
Quote: وفي نهاية التلفون .. لم افهم سبب الاتصال
يا خدر الجميل ...قبائل تعاني مناطفها من بطء في التنمية والتعليم ما زالت تقضي وقتا طويلا في السلام والسؤال واقرب هؤلاء الي السودانيين هم قبائل البتان والبشتو في باكستان وافغانستان وبعض القبائل في شمال الصين ودويلات الاتحاد السوفيتي السابقة ...وكذلك يشتركون مع السودانيين في التزاحم عند المطارات عند سفر او قدوم احد وكذلك يتزاحمون عند من ياتي من سفر او مسافر وكذلك عند المستشفيات ...واجازاتهم دائما طويلة ...والوقت ليس مهم لديهم كثيرا ادارة الوقت امر مهم فالوقت هو العمر واساءة او ضعف في ادارة الوقت هو هدر للعمر....
_______ حاشية: ارجو ان يكون اخيك قد بلغ تمام الصحة ...
Post: #3 Title: Re: مذكراتي لـ 08|03|04 حصريا علي الاقل Author: خدر Date: 03-04-2008, 06:51 PM Parent: #1
تلفون يصحيكـ من النوم لا ايدكـ لا كراعكـ بدري و يقول ليكـ صوتكـ شكلو نايم تقول ليهو لا والله ابدا يقول ليكـ لا ياخي صوتكـ نايم زول يغالطكـ في صوتكـ ؟
- بعد شربت الشاي و تناسيت التلفون سئي الذكر وصلتني رسالة من الزميل نزار الخواض تحمل اخبار غير سارة حاولت الاتصال بيهو و فشلت .. رسلت ليهو ايميل و قعدت انتظر
- اتصلت زوجتي و تحدثت عن أشياء كتيره جدا مافهمت منها حاجة زوجتي مغرمة بمتابعة الفواتير و البريد عموما وانا في ذلكـ لا خيل لي اهديها و لا مال قال الشاعر يا الكارة شعركـ بالواطــة .. كيتاَ علي تمشي و تطاء
_______ القافية طـة
Post: #5 Title: Re: مذكراتي لـ 08|03|04 حصريا علي الاقل Author: خدر Date: 03-04-2008, 07:04 PM Parent: #3
مشغول انا هذه الايام بالفلم المرتقب المسئ للقرآن علي صفحات اليو تيوب بحثت و لم اجد شيئا اغلغت الكمبيوتر و انشغلت بالتفكير في الامر و انا اهئي نفسي لنظافة و ترتيب البيت لدي ضيوف في الوييكـ اند يجب ان استقبلهم بشكل مختلف
عادة ما تضحك زوجتي حين تقراء حديثي اعلاة و تردد غير آبهة بمجهوداتي (ياها نضافتكـ البعرفها ولا شي جديد)
يجب ان لا تثنيني تلكـ التعليقات عن الاحتفاء بضيوفي كما يجب قمت بالنظافة و غسيل الملابس البيضاء و انا افكر في الفلم
__________ قديما كان في الناس الحسد
Post: #10 Title: Re: مذكراتي لـ 08|03|04 حصريا علي الاقل Author: Emad Abdulla Date: 03-04-2008, 07:36 PM Parent: #5
Quote: اتصلت زوجتي و تحدثت عن أشياء كتيره جدا مافهمت منها حاجة زوجتي مغرمة بمتابعة الفواتير و البريد عموما وانا في ذلكـ لا خيل لي اهديها و لا مال قال الشاعر يا الكارة شعركـ بالواطــة .. كيتاَ علي تمشي و تطاء
قامت قالت : هممممممممم هممممؤم .. قات لها : مالك يُمّه تقولي هممممممممم هممممؤم .. ؟؟؟ قات لها : فيشان سجمك و رمادك و خبوبك .. و فيشان ضنبك داك السليتيهو لزيتي بيهو النار .
قال الشاعر : الخوّه قوه .
..... القافية طناش .
Post: #13 Title: Re: مذكراتي لـ 08|03|04 حصريا علي الاقل Author: خدر Date: 03-04-2008, 08:02 PM Parent: #10
Quote: ..... القافية طناش .
ود التوم عُلم و يُنفذ توا
____ ان كيدهم.. لـ عظيم ومافيش حد احسن من حد
Post: #6 Title: Re: مذكراتي لـ 08|03|04 حصريا علي الاقل Author: تيسير عووضة Date: 03-04-2008, 07:22 PM Parent: #1
أنا هسة قلتا يوم (عيد المرأة) تمنية تلاتة ألفين وأربعة حصل شنو
كل زول في همو
Post: #7 Title: Re: مذكراتي لـ 08|03|04 حصريا علي الاقل Author: خدر Date: 03-04-2008, 07:29 PM Parent: #6
Quote: كل زول في همو
هو انا يا تيسير غير ضيوف يوم المرأة ديل شنو المقوم نفسي
_______ حكمة 8 مارس ضيوف يوم المراة لو بقو مراة قطع شكـ نفسكـ حا ينقطع يا الرجل في النضافة.
Post: #8 Title: Re: مذكراتي لـ 08|03|04 حصريا علي الاقل Author: خدر Date: 03-04-2008, 07:34 PM Parent: #7
تلفون تاني بايخ من مديري في الشغل بسأل عن سبب اجازتي العارضه رغما عن اني اتصلت و استأذنت شمشرة بس منو
ختيت السماعة منو وتزكرت امي عاشة الله يرحمها كانت تهمهم في هكذا مواقف مردده .. ( بِس )
____________ شكلي حا اترفد قريب كالعادة
Post: #9 Title: Re: مذكراتي لـ 08|03|04 حصريا علي الاقل Author: رامي يوسف الصديق Date: 03-04-2008, 07:34 PM Parent: #6
طارق سلامات, الفلم حيظهر الجمعة غالبا.. شفت ال tegen film في ال youtube?
Post: #11 Title: Re: مذكراتي لـ 08|03|04 حصريا علي الاقل Author: خدر Date: 03-04-2008, 07:41 PM Parent: #9
رامي مشتاقين يا ساكن بعيد شفت التيخن و انا لسه مراهن علي انو الفلم حا يتأجل تاني لحدي الـ vacantie لانو تجمع المنظمات المغربية حا يكون في الاجازات و بي كده حايضمن (فيلدرز) عدم وجود عنف في نفس زمن اصدار الفلم
غايتو لو عرضو يوم الجمعة يكون اغبي سياسي يمر علي تاريخ هولندا الجمعة 25 يناير ( التاريخ المؤجل لصدور الفلم) كانت كل الجوامع فاتحة للرد علي الفلم
________ فيلدرو ده قايل روحو تنقا ؟
Post: #12 Title: Re: مذكراتي لـ 08|03|04 حصريا علي الاقل Author: Muna Khugali Date: 03-04-2008, 07:42 PM Parent: #9
Quote: السلام بياخد وكت طويل عند اخوانا السودانيين ما عارف ليه ؟
والعجب سلام الرجال بالأحضان...جنس لبيع في الظهر!
Post: #14 Title: Re: مذكراتي لـ 08|03|04 حصريا علي الاقل Author: خدر Date: 03-04-2008, 08:05 PM Parent: #12
Quote: والعجب سلام الرجال بالأحضان...جنس لبيع في الظهر!
_____________ اعذرني يا عصام الان فقط فهمت سبب رفضكـ الذهاب لصلاة العيد
Post: #15 Title: Re: مذكراتي لـ 08|03|04 حصريا علي الاقل Author: خدر Date: 03-04-2008, 08:20 PM Parent: #14
اندمجت في النضافة كمدمن نضافة عريق و لم انتبه للزمن تاني تلفون من صديقي هولندي بستأذن انو يمر علي اتحججت انو انا مشغول بالنضافة .. امام اصراره قبلت
حضر الصديق و شرب القهوة و حكي عن سبب زيارتو قراء كتابا لمؤلف امريكي يحكي قصة نزوح شاب سوداني من الجنوب السودان اثيوبيا امريكا القصه كانت مسيطرة عليه تماما و كان التعاطف معنا ضد انظمتنا باد علي وجهة حتي خلته سيتبرع بألف يورو دعما للصليب الاحمر ذهب تطارده تشكراتي و عدت غير مأسوفا علي الي القرايه ام دق
______ جني و جن اقطع حاجة انا شغال فيها
Post: #16 Title: Re: مذكراتي لـ 08|03|04 حصريا علي الاقل Author: خدر Date: 03-04-2008, 08:32 PM Parent: #15
فطرت و حاولت اجهز الغداء و خلال 5 دقائق كانت (القطر قام) ترفل تحت نار هادئة مُذدانه بالصلصة و البهار و طيبات ما رزقناكم
النساء يهدرن وقتا ثمينا في متابعة اسامة السيد و منال العالم ولا نري طحينا .
_________________ تعجبني كلمة (صاحي) لوصف الخضار او البهار عند النساء.
Post: #17 Title: Re: مذكراتي لـ 08|03|04 حصريا علي الاقل Author: خدر Date: 03-04-2008, 10:21 PM Parent: #16
يوم تافه ماعندي مزاج اتمو
___________ تصبحوا علي خير
Post: #19 Title: Re: مذكراتي لـ 08|03|04 حصريا علي الاقل Author: Ishraga Mustafa Date: 03-04-2008, 10:31 PM Parent: #17
بالله انا مدورة بهنا وماجايبة خبر!!
ياخ انا اول مرة اعرف نفسى مهمة وبينضفوا البيت عشانى
اوعى بس تردم الهدوم كلها فى الدولاب- كيدنا ده بينفجر فى الحتة دى والله حتى اسأل بارعة
---------------- بارعة لازم تقولى لى قصص الفواتير دى ومنكن نستفيد
Post: #20 Title: Re: مذكراتي لـ 08|03|04 حصريا علي الاقل Author: Ishraga Mustafa Date: 03-04-2008, 10:37 PM Parent: #19
Quote: حكمة 8 مارس ضيوف يوم المراة لو بقو مراة قطع شكـ نفسكـ حا ينقطع يا الرجل في النضافة.
نان كان مامرا يبقوا شنو ياخدر؟
يازول انت مالك داير تجيب الهواء لروحك ياخى النضافة خليها بتمها انا بس انت عليك بالغناء ومنعمشوف بالتمثيل وسمية خالد وانا وبارعة ولحين الحصول على الجوز اللذيذ- عاوزين نفضنفض خلى لقاء معانا مافى مشكلة
فول من غير زيت سمسم زى 8 مارس من غير راجل- كيف دى؟
Post: #22 Title: Re: مذكراتي لـ 08|03|04 حصريا علي الاقل Author: خدر Date: 03-05-2008, 12:31 PM Parent: #20
Quote: اوعى بس تردم الهدوم كلها فى الدولاب
بعد تعليقكـ ده رجعت غيرت مكانها والله تفتشوا مليون سنه ما تلقوها المهم البيت انتهيت منو تحت بس مافي زول يطلع فوق
Quote: نان كان مامرا يبقوا شنو ياخدر؟ يازول انت مالك داير تجيب الهواء لروحك
المشكلة انو كمية الرجال المواظبين علي 8 مارس اكبر بسنيين ضوئيه من النساء المواظبات
Post: #25 Title: Re: مذكراتي لـ 08|03|04 حصريا علي الاقل Author: Ishraga Mustafa Date: 03-05-2008, 01:20 PM Parent: #22
Post: #21 Title: Re: مذكراتي لـ 08|03|04 حصريا علي الاقل Author: aml gadora Date: 03-04-2008, 10:45 PM Parent: #16
طيب وقولك شنو في زول يضرب ليك ساعة كاملة ويقول ليك عرفتني ؟؟؟...........وتنتهي الساعة ويخليك بس بتفكر الثقيل ده مايورينا هو منو ولا يدينا عرض اكتافو قبل اسبوعين جاني تلفون من شخص يزعم انو بعرفني ومصر انو بعرفني _امل؟ _ايوه المعاي منو؟؟ _ماعرفتيني؟؟ _ابدا والله ماعرفتك _طيب بتعرفي منو في مصراته _بعرف بس ناس فلان وفلان؟؟........انت منو فيهم؟ _ لالا انا لامن ناس فلان ولا من ناس فلان التناين......انا من ناس علان ....عرفتيهم؟؟ _ابدا والله ماعرفتهم ....شكلك ضارب غلط _لالا.....ماضارب غلط انت مش امل؟ _ايوه انا امل طولت بالي كتير وكان ممكن بي بساطة اقفل التلفون في وشو بس اخلاقي ماسمحت ......قلت اللهم طولك ياروح _خلاص انتي ياكي امل القاصدها مش بتقري في الجامعة الفلانية..الكلية العلانية؟ _لالا......انا خريجة......وماقريت في الكلية العلانية....مش قلت ليك انت ضارب غلط _انتي مش ساكنة في المنطقه الفلانية؟ _ايوه _مش بت فلان _لا...لا انا بت علان _خلاص سلمي على ابوك وبعدين المساء حاجيكم وحتعرفيني _مع السلامة _مع السلامة طبعا مع السلامة دي قلتها وتنفست الصعداء
Post: #23 Title: Re: مذكراتي لـ 08|03|04 حصريا علي الاقل Author: خدر Date: 03-05-2008, 12:37 PM Parent: #21
زمان ياامل لمن كنا اطفال كانو بودونا الشمالية في الاجازات اخوكـ جلابي اصيل طبعا اكتر حاجة كانت بتشدني للسفر و بتدغدغ احلامي هي (ركوب الحمير) واكتر شي كان بنفرني من السفر الرجال الكبار البسألوني كل سنه نفس السؤالين البايخين - عرفتني ؟؟ - احسن هنا ولا الخرطوم ؟
غايتو يا امل اجارنا الله في مصيباتنا
__________ يبدو ان ود الموج و دكين ما شافو صورة و بروفايل امل قدورة لسه
Post: #24 Title: Re: مذكراتي لـ 08|03|04 حصريا علي الاقل Author: خدر Date: 03-05-2008, 12:41 PM Parent: #23
الاخوة قراء المذكرات انتهي يوم امس اليوم الساعة السادسة صباحا .. ليله طويلة من الارق والقلق في تمام الساعة 11:30 صباحا ايقظني صوت الهاتف و جائني صوت السيدة Guldemond ذات الصوت دافئا و ناعما كعادته (مبروكـ الادارة وافقت)
وابتداء يوم جميل اخر في حياتي فشكرا علي تكبدكم المشاق و بالطبع علي طولة بالكم
________ تجربة قاسية جدا انكـ تكتب مذكراتكـ حتي ولو ليوم واحد الناس دي بتعمل الحركة دي كيف ؟
Post: #26 Title: Re: مذكراتي لـ 08|03|04 حصريا علي الاقل Author: aml gadora Date: 03-05-2008, 05:30 PM Parent: #24
Quote: تجربة قاسية جدا انكـ تكتب مذكراتكـ حتي ولو ليوم واحد الناس دي بتعمل الحركة دي كيف ؟
مساء الخير والغريبة في ناس عندهم مقدرة على كتابة مذكراتهم يوميا ...........زي الفروض الخمسة ..........والواحد مابقدر ينوم لو ماكتب مذكراته بالتفصيل
طبعا الجميل في العملية دي انو الواحد بالكتابة بيكون فرغ كل الشحنات ..........وابتدا يوم جديد ....... حاولت كم مرة اعمل مذكراتي ............بس الكسل كان سيد الموقف تحياتي
Post: #27 Title: Re: مذكراتي لـ 08|03|04 حصريا علي الاقل Author: Gazaloat Date: 03-05-2008, 06:33 PM Parent: #26
Quote: واكتر شي كان بنفرني من السفر الرجال الكبار البسألوني كل سنه نفس السؤالين البايخين - عرفتني ؟؟
اما انا فان اكثر سؤال كان يغيظنى فى العطلة الصيفية هو:- - طلعت الكم فى الامتحان؟
وكانت اجابتى دائما وابدا:-
- الطيش!!
فقد كنت ومنذ صغرى استثمر فى (كم) اللئامة التى رزقنى بها المولى الكريم وهو رزق لوتعلمون ثمين!!
---------------
اخوك، صحتو كيف؟
Post: #28 Title: Re: مذكراتي لـ 08|03|04 حصريا علي الاقل Author: رامي يوسف الصديق Date: 03-05-2008, 06:50 PM Parent: #27
Post: #29 Title: Re: مذكراتي لـ 08|03|04 حصريا علي الاقل Author: aml gadora Date: 03-05-2008, 07:09 PM Parent: #23
والثقيلة كمان نوع الناس المابتربطو بيك علاقة قوية ومع ذلك يحشر انفو في خصوصياتك يقعد جنبك ويتناول التلفون بتاعك زي البتناول ليهو سفة وهاك ياsearch......... تقول رايحة ليهو/ها حاجة ......... وت/يفلي الموبايل بتاعك وانت تقعد بس تعاين ليهو/ ها ساكت .محتار ..وادبك يمنعك من احراجو/ا
.............اها النوع ده نتعامل معاهو كيف ونسميهو شنو؟؟؟!!!
Post: #30 Title: Re: مذكراتي لـ 08|03|04 حصريا علي الاقل Author: Gazaloat Date: 03-05-2008, 08:23 PM Parent: #29
Quote: .............اها النوع ده نتعامل معاهو كيف ونسميهو شنو؟؟؟!!!
امد يدى بهدوء ..و( بكل ادب واحترام) آخذ تلفونى من يده ثم اقوده ...و( بكل ادب واحترام) الى باب الشارع ثم ...و..( بكل ادب واحترام ) اديهو ( شلوت محترم) واقول له و..( بكل ادب واحترام) تانى ماتجى هنا. ساهلة موش!؟
Post: #31 Title: Re: مذكراتي لـ 08|03|04 حصريا علي الاقل Author: Ishraga Mustafa Date: 03-05-2008, 08:35 PM Parent: #30
Quote: (مبروكـ الادارة وافقت)
ياتو ادارة ياخدر؟ الادارة العليا ولا الدنيا؟
-----------
اها شفتى كيف يا امل الحشير ده
Post: #32 Title: Re: مذكراتي لـ 08|03|04 حصريا علي الاقل Author: Gazaloat Date: 03-05-2008, 08:40 PM Parent: #31
Quote: اها شفتى كيف يا امل الحشير ده
أهو دا البجيب الادب والاحترام زاتو
------------ كيفك ياسُكَّرة
Post: #33 Title: Re: مذكراتي لـ 08|03|04 حصريا علي الاقل Author: Ishraga Mustafa Date: 03-05-2008, 08:49 PM Parent: #32
Quote: كيفك ياسُكَّرة
دى منى يامنعم؟ خليتنى اتلفت شمال فى شمال اصلى انا اليمين ده ما واقع لى
------------- فى مساحة وداد متاحة لنوع الحشير ده حتى اسأل لقاء بت خدر
Post: #34 Title: Re: مذكراتي لـ 08|03|04 حصريا علي الاقل Author: Gazaloat Date: 03-05-2008, 08:59 PM Parent: #33
Quote: فى مساحة وداد متاحة لنوع الحشير ده حتى اسأل لقاء بت خدر
وبرضو تقولى لى اليمين ماواقع ليك!!
Post: #35 Title: Re: مذكراتي لـ 08|03|04 حصريا علي الاقل Author: خدر Date: 03-05-2008, 09:02 PM Parent: #33
امل سلامات وفي ناس تانيين قالوا براجعوا يومهم كان كيف انا غايتو ما براجع اي شي
جازولوت اخوكـ احسن كتير اسه .. عندي قريبتي كانت صغيرة و لسانها الجن وكانت بتجي الطيش دائما و برضو كانوا بسألوها في البيت يوم النتائج
رامي سلامات ما اظن انو البلوق ده بتاع فيلدرز .. شكلو تبع المقالب بتاعت الشباب لانو فيلدرز عاوز اكبر عدد من الناس يشوفوا الفلك و ده ما بتوفر إلا في يوتيوب تابع مصدر اللنكـ في قوقول و حا تلقي كلامي يازول صاحبكـ حا يأجل حا يأجل .. ماعندو خيار
اشراقة الدنيا طبعا
____________ امل رامي جزولي اشراقة .. اللياقه بتفرض علي اجاوب كل زول في رد منفصل لكن بزهج من صورتي بعد كل مداخلة اعذروني (وش خجلان منكم)
Post: #36 Title: Re: مذكراتي لـ 08|03|04 حصريا علي الاقل Author: Emad Abdulla Date: 03-05-2008, 09:10 PM Parent: #33
Quote: فقد كنت ومنذ صغرى استثمر فى ( كم) اللئامة
غايتو بس .. حامدينو ما جاحدينو .
..... ود التوم .. حوّط مذكراتك يا خينا .. ثمة هوريكين في الطريق .. مساء الخير يا ود الجنرال .
Post: #37 Title: Re: مذكراتي لـ 08|03|04 حصريا علي الاقل Author: Gazaloat Date: 03-05-2008, 09:21 PM Parent: #36
Quote: غايتو بس .. حامدينو ما جاحدينو .
خلاس ياولد عبد الله !!! جيت مارق!!
اللئامة ذاتها درجات وخشم بيوت لئامتكم انتو تُعتبر ادناها درجة!! لئامة ناس البوليس المكتسبة على كبر بفعل الوظيفة اما نحن فأصحاب اللئامة الاصلية مش التقليد وصناعة تايوان!!
------------ قال الشاعر:- كُر يايُمـَّة
Post: #38 Title: Re: مذكراتي لـ 08|03|04 حصريا علي الاقل Author: معتصم ود الجمام Date: 03-05-2008, 09:40 PM Parent: #37
طارق كيف حالك و ( العيال ) في ناس كتار بلغوا كيان ناس تانين في القوسين ديل .. في قصة السفر للشماليه دي عندي قصه مره مراره ... واول ما اعمل لي مذكرات بذكر الموضوع ده وش .. كان والدي موظف في شرق السودان ... ( من هنا جاء اسم ادروب ) تعرف وين الازمه كنا في الشرق في المدارس نقفل المدرسه وناخد اجازه الشماليه تفتح الوالد الله يديهو العافيه ناقش القصه ... كل ما نجي في مرحله حرجه يعني شهاده ... سادسه تالته متوسطه ... يقوم الشفت يعمل شنو مسابقه البجيب درجات عليا شديد بسافر الشماليه ... نقوم شنو نقدد عيونا في القرايه ونطلع شنو اول اول اول ... يقوم يودينا الشماليه .. لكن اي واحد شايل عاهو جواب لخالنا الناظر في الشماليه يقوم شنو يدخلنا ليك المدرسه هناك في الشماليه وتسميع وجلد وامتحانات والاجازه اتلحست ... مره من المرات مسكوني من طرف النيل قهر كده ساكت ... اسف للاطاله ... وعيد المراه القادم يا طارق انت اكثر ( اشراقا) ونظافه لكل ودي وللاسرة معتصم
Post: #39 Title: Re: مذكراتي لـ 08|03|04 حصريا علي الاقل Author: Ishraga Mustafa Date: 03-05-2008, 09:46 PM Parent: #37
Quote: بزهج من صورتي
بالله انا كنت قايلاها حالة خاصة بى
اها ده نوع وداد تانى بس والله مايمينى ياجازلوت..
بعدين الصورة ممكن تتغير لكن لمن تزهج من روحك تعمل شنو؟ غايتو فكرة انك تقلعها وتعلقها فى الشماعة وتنهمد وبكرة تدرعها تانى وتلهث لحدى ما الادارة تديك الاذن
-------------- عندك صورة ابيض - اسود ياخدر؟ ولا انت مادفعة ناس منعم؟ النفتش لى واحدة لمن كان الزمن زين والشعر مغطة الاضنين { يغطيهم ليه؟} انا غايتو من زمن الرقبة قزاز ياقول ناس الحقيبة
Post: #42 Title: Re: مذكراتي لـ 08|03|04 حصريا علي الاقل Author: Ishraga Mustafa Date: 03-05-2008, 10:01 PM Parent: #39
كبرتى وليك تسعتاشر حلم... لمن اشوف نفسى زمان تجينى رغبة اسمع احمد المصطفى ولا حبيبى عثمان حسين، الجابرى ولا خليل عثمان ويانسيم وياكل كل الغناء الذيذ داك البيزكرك البزيانوس ووسط الزهور نتصور، جينا محل الزهور الصحى واتصورنا والوش مكرضم زى يوم الانقلاب!!
ابيض- اسود تخليك تفرهد بى يانافر الغزلان/ ارحم ياسميرى/ ناعس الاجفان بالله حسع مع الصور الملونه انكشطت ليك ابو الغزلان ذاتو ولا بقى فيها جفن نعسان ولا سمير ولامجلة سمر- بس المرض البيمسك الجداد داك، اسمه شنو ياخدر اوعى تعمل فيها حنكوش
----------------- ياحنونى {دى بالمناسبة فرمالتى- من حسع كلمتك ياخدر}
Post: #46 Title: Re: مذكراتي لـ 08|03|04 حصريا علي الاقل Author: خدر Date: 03-05-2008, 10:27 PM Parent: #42
_________ لا لا الليله يا قروية
Post: #43 Title: Re: مذكراتي لـ 08|03|04 حصريا علي الاقل Author: خدر Date: 03-05-2008, 10:05 PM Parent: #39
Quote: لكن اي واحد شايل عاهو جواب لخالنا الناظر في الشماليه يقوم شنو يدخلنا ليك المدرسه هناك في الشماليه وتسميع وجلد وامتحانات والاجازه اتلحست
عمك سيداحمد الله يمد في ايامو لكن حريف والله يا معتصم عجبتني الفكرة و ضحكت جد كيف اخبار ولدنا ياخي ؟ عمل ليهو شُله ولا لسه مستوحش
اشراقة شلتها خالص ,, اي صورة تجمعني بمنعمشوف تعتبر ادانة ضدي ينتظرها الكثيرين رجاء عدم النشر (وش بحنس)
Post: #41 Title: Re: مذكراتي لـ 08|03|04 حصريا علي الاقل Author: خدر Date: 03-05-2008, 09:59 PM Parent: #37
Quote: غايتو بس .. حامدينو ما جاحدينو .
Quote: قال الشاعر:- كُر يايُمـَّة
___________ وصول الخبراء الاجانب
Post: #53 Title: Re: مذكراتي لـ 08|03|04 حصريا علي الاقل Author: Emad Abdulla Date: 03-06-2008, 00:20 AM Parent: #37
Quote: اما نحن فأصحاب اللئامة الاصلية مش التقليد وصناعة تايوان!!
أها يا فو تانغ سو رباطابو .. شوف التجدع ده بهناك ..
Post: #49 Title: Re: مذكراتي لـ 08|03|04 حصريا علي الاقل Author: aml gadora Date: 03-05-2008, 11:17 PM Parent: #32
بيني وبينك كده انا برضو الشمار كاتلني بثني على سؤالك.......وبزيد عليهو ..................الادارة وافقت على شنو (كمية من علامات التعجب والاستفهام )
Post: #48 Title: Re: مذكراتي لـ 08|03|04 حصريا علي الاقل Author: aml gadora Date: 03-05-2008, 11:13 PM Parent: #31
Quote: اها شفتى كيف يا امل الحشير ده
نوع الحشير ده لذيذ جدا .....عارفة ليييه؟؟؟ لانوح يحس انو الشمار كاتلك ............ويتغاتت عليك ومايوريك
------------------------------------------------------------------------------------------------------------------- بيني وبينك كده انا برضو الشمار كاتلني بثني على سؤالك.......وبزيد عليهو ..................الادارة وافقت على شنو (كمية من علامات التعجب والاستفهام )
Post: #47 Title: Re: مذكراتي لـ 08|03|04 حصريا علي الاقل Author: aml gadora Date: 03-05-2008, 11:07 PM Parent: #30
Quote: امد يدى بهدوء ..و( بكل ادب واحترام) آخذ تلفونى من يده ثم اقوده ...و( بكل ادب واحترام) الى باب الشارع ثم ...و..( بكل ادب واحترام ) اديهو ( شلوت محترم) واقول له و..( بكل ادب واحترام) تانى ماتجى هنا. ساهلة موش!؟
كلام جميــــــــــل .....لكن مامعقول
اها كان طلع نوع الناس الغليسييييييين ..........الدمهم بااااااااارد.......واعتبرني بهزر معاهو ........اها النوع ده رجعتو حتكون كيف؟؟؟؟
Post: #40 Title: Re: مذكراتي لـ 08|03|04 حصريا علي الاقل Author: Elmosley Date: 03-05-2008, 09:49 PM Parent: #1
عشان كده ابيت تتصل بي مع انو تلفوني في البروفايل
Post: #44 Title: Re: مذكراتي لـ 08|03|04 حصريا علي الاقل Author: خدر Date: 03-05-2008, 10:11 PM Parent: #40
يا كجونكا خلي السلبطة و راجع الانسرماشين بتاعتكـ خليت ليكـ رسالتين ابوعركي برجع السودان و تلفونكـ ما بنشغل
Post: #45 Title: Re: مذكراتي لـ 08|03|04 حصريا علي الاقل Author: Ishraga Mustafa Date: 03-05-2008, 10:15 PM Parent: #44
Quote: خلي السلبطة و راجع الانسرماشين بتاعتكـ
بطل الشكل ياخدر وامشى نوم الله يهديك عشان ماتزعل الادارة منك
وبعدين الضيوف عاوزين لياقة برضو
---------- يوم المرأة العالمى نستمتع فيهو بالطعام الشهى من ايادى اخوانا {فى الله} الذين يجيدون طبخ الكمونية
Post: #51 Title: Re: مذكراتي لـ 08|03|04 حصريا علي الاقل Author: mohamed osman bakry Date: 03-05-2008, 11:46 PM Parent: #45
Quote: .. عندي قريبتي كانت صغيرة و لسانها الجن وكانت بتجي الطيش دائما و برضو كانوا بسألوها في البيت يوم النتائج
Post: #50 Title: Re: مذكراتي لـ 08|03|04 حصريا علي الاقل Author: esam gabralla Date: 03-05-2008, 11:41 PM Parent: #1
السلااااام عليكم
يا ابن العم قصتك بقت صعبة خلاس، يوم مراسيل و يوم مديح و يوم مزرزر بين البوردات و تتساسق، و يوم تتراشق في المطار لما يرجعوك .. جابت ليها مذكرات كمان؟
اللخو ناوى يموت؟ لو ناوى بالله اعملا في ويك اند ... عارفنا ما بنحب البروقرام بتاعنا يتلخبط...
اها بمناسبة قصتك البايظة دى حقو تعمل قروب (بالعربي جروب) بتاع مديح ... الحكاية دى سوقا كويس اليومين ديل، كان احتجت شيالين (شيالين المداحين اسمهم شنو بالمناسبة دى) اهو جوك براهم في محلك يتراشقو برضو، خليهم يشيلو و بالجنبة كده يرسمو لوحة لوحتين ... نقاطة ... عندهم اصحابهم واحد اسمو الكراون ده صوار جدا، والتانى كان في الحج ـ رغم انو عيونو باظن لكن عندو خبرة في المديح و حاجات تانية احتمال تنفع معاكم...
القروب ممكن تسموهو عصافير الجنة .... او حمام سلسبيل
او غربان جهنم... ما فارقة ....
اخييييي يا زمن اخييييي
اشراقة اعملى حسابك ... قروشك ـ لو عندك يعنى - دسيها كويس باقي الود ده يدو خفيفة ....
نحن بخير و لا تنقصنا رؤياكم الغالية
Post: #52 Title: Re: مذكراتي لـ 08|03|04 حصريا علي الاقل Author: Emad Abdulla Date: 03-06-2008, 00:00 AM Parent: #50
Quote: اها بمناسبة قصتك البايظة دى حقو تعمل قروب (بالعربي جروب) بتاع مديح ... الحكاية دى سوقا كويس اليومين ديل، كان احتجت شيالين (شيالين المداحين اسمهم شنو بالمناسبة دى) اهو جوك براهم في محلك يتراشقو برضو، خليهم يشيلو و بالجنبة كده يرسمو لوحة لوحتين ... نقاطة ... عندهم اصحابهم واحد اسمو الكراون ده صوار جدا ، والتانى كان في الحج ـ رغم انو عيونو باظن لكن عندو خبرة في المديح و حاجات تانية احتمال تنفع معاكم ...
القروب ممكن تسموهو عصافير الجنة .... او حمام سلسبيل
.... مذكرات الخميس الصباااااح دغش : أب سنة : مرفعين عقاب نُقّاره ؟؟ قال : بلى .
Post: #54 Title: Re: مذكراتي لـ 08|03|04 حصريا علي الاقل Author: Gazaloat Date: 03-06-2008, 01:06 AM Parent: #52
Quote: قال : بلى .
فقال لهم:
جَلَـسْـتـُم ليلةً، وقد انْسـَجَمْنَ. وعند الصُّبحِ صِحـْنَ... واسجمنا!!!
Post: #55 Title: Re: مذكراتي لـ 08|03|04 حصريا علي الاقل Author: Gazaloat Date: 03-06-2008, 01:16 AM Parent: #54
Post: #56 Title: Re: مذكراتي لـ 08|03|04 حصريا علي الاقل Author: خدر Date: 03-06-2008, 09:18 AM Parent: #50
صباح الخير يا شباب
امل قدزرة والله تقعدي تسألي في ود الجزولي ده لمن يعلمكـ ضرب الرصاص و قيل سيهديكـ طبنجة لو استطاع اليكـ سبيلا قال ليكـ شلوت وما ادراكـ ما شلوت منعم
اشراقة غايتو انا معتمد علي مني في مسألة الكمونية دي
محمد عثمان بكري شكلكـ الوحيد الكنت مركز في الشباب ديل امس بالليل
ودجبرالله حلجتها و قعدت ؟
Post: #57 Title: Re: مذكراتي لـ 08|03|04 حصريا علي الاقل Author: خدر Date: 03-06-2008, 10:16 AM Parent: #50
Quote: (شيالين المداحين اسمهم شنو بالمناسبة دى) اهو جوك براهم في محلك يتراشقو برضو، خليهم يشيلو و بالجنبة كده يرسمو لوحة لوحتين ... نقاطة ... عندهم اصحابهم واحد اسمو الكراون ده صوار جدا، والتانى كان في الحج ـ رغم انو عيونو باظن لكن عندو خبرة في المديح و حاجات تانية احتمال تنفع معاكم...
ادارة البوست تلفت عناية السادة الوارد اسمائهم اعلاة ان لا يلتفتوا للمغرضين
Post: #58 Title: Re: مذكراتي لـ 08|03|04 حصريا علي الاقل Author: المسافر Date: 03-06-2008, 11:08 AM Parent: #57
أمل قدورة انتو ساكنين في القوشي
بتعرفي عبد القادر قدورة وزوجته أمل..
بتعرفي منو تاني في يدر..
يا أخوانا خدر ده ده الجابو شنو بي هنا..
Post: #59 Title: Re: مذكراتي لـ 08|03|04 حصريا علي الاقل Author: Gazaloat Date: 03-06-2008, 12:27 PM Parent: #58
يقسِّم ( المشلِّتاتية ) الكبار الشلاليت الى ثلاثة انواع: جاز وحديث وحقيبة. اما الجاز فهو اقلها تأثيرا فى ( المشلوت ) فهو لايفعل سوى انه يقلب الرأس فتجد الشعر تحت والذقن فوق. واشهر انواعه التويست. واما الحديث وغالبه من النوع ( تايسون ) واثره لايظهر فورا ويبدأ بصداع خفيف وينتهى قطع شك اما بالشلل الرعاش او بشلل الاطفال انا شخصيا اميل الى شلوت الحقيبة. وأشهر انواعه يسمى ( رِجـْل الفيلة ) والسائد منه يسمى ( القيامة قامت ) اما اخطر الشلاليت عموما فهو ( السَّقـِف وقع ) وقد ناله طالب فى الجامعة ايام المظاهرات وكان يدرس فى كلية القانون فتخرج طبييب اسنان.... كيف؟ والله ماعارف.
---------------
قال ابونا ابراهيم العبادى رضى الله عنه
من كُتر الدلال تنشاف عويرة عويرة
Post: #61 Title: Re: مذكراتي لـ 08|03|04 حصريا علي الاقل Author: Ishraga Mustafa Date: 03-06-2008, 01:40 PM Parent: #59
Quote: من كُتر الدلال تنشاف عويرة عويرة
حسع ده شكر ولا شلوت ياربى؟
Post: #63 Title: Re: مذكراتي لـ 08|03|04 حصريا علي الاقل Author: aml gadora Date: 03-06-2008, 02:42 PM Parent: #59
Quote: يقسِّم ( المشلِّتاتية ) الكبار الشلاليت الى ثلاثة انواع: جاز وحديث وحقيبة.
Gazaloat
على ذكر الشلايليت ..........هسه اخونا خدر ده ماحتلنا ليهو عديييييل كده في البوست بتاعو الخوف يقوم علينا شلاليت ......
============================================================================================================== Gazaloat يعني شنو ؟؟؟؟...........عدم المواخسة!!!!!!!!
Post: #62 Title: Re: مذكراتي لـ 08|03|04 حصريا علي الاقل Author: aml gadora Date: 03-06-2008, 02:37 PM Parent: #58
Quote: أمل قدورة انتو ساكنين في القوشي
بتعرفي عبد القادر قدورة وزوجته أمل..
بتعرفي منو تاني في يدر....
المسافر
انا مامن قدادير القوشى..............انا من قدادير (نــــــــوري)
بالجد مابعرف حد في يدر لا القوشي ..........ممكن تشابه اسماء
تحياتي
Post: #60 Title: Re: مذكراتي لـ 08|03|04 حصريا علي الاقل Author: Ishraga Mustafa Date: 03-06-2008, 01:38 PM Parent: #50
Quote: اشراقة اعملى حسابك ... قروشك ـ لو عندك يعنى - دسيها كويس باقي الود ده يدو خفيفة ....
لكن ده خبر محبط !! كنت قابلاه مريش كان لطشت لى منو 500 يرو {بتفك الزنقة لمدة اسبوع} وبعدها ندور عليكم فى سويسرا شكلك كدى بقيت غنيان على آخر عمرك ياعصام انا فى فلسى وذدت فلسا والحمدلله- قروش الاوربين دى يدوك ليها بالشمال ويشيلوها باليمين
احىىىىىىىىىىىى من الفواتير!!
--------- نطفت الطابق الفوق ياخدر؟
Post: #64 Title: Re: مذكراتي لـ 08|03|04 حصريا علي الاقل Author: Emad Abdulla Date: 03-06-2008, 03:09 PM Parent: #60
أين تذهب هذا المساء ؟ :
- سارتانا لايرحم ( وطنية بحري ) - ديجانقو ذو التابوت ( النيلين ) - دماء في الغروب ( وطنية غرب ) - الكونت دي مونت كريستو ( النيل الأزرق ) - غازية من سنباط ( الحلفايا ) - إسماعين ياسين بوليس حربي ( كوليزيوم ) - تسري منزل ( الصافية ) - من أجل حفنة دولارات ( وطنية أم درمان )
....... عاليه ورقة صفراء مطبقة من مذكرات ( متضايق ) سقطت منو أثناء مشادة بالشلاليت .. مكتوب خلفها بخط تعيس راعش : " برنامج آخر الليل " : 13 - 8 يساوي 5 + 1 يبقو ستة + الـ 13 الأولى يبقو تسعتاشر .. !!! ناقصة ستة .. ناقصة ستة .. ناقصة ستااااااااااااااااااا .. ( يسدل الستار ) . ..... معليش يا ود التوم .. أنشوف آخرتا .
Post: #66 Title: Re: مذكراتي لـ 08|03|04 حصريا علي الاقل Author: Gazaloat Date: 03-06-2008, 06:06 PM Parent: #64
Quote: ناقصة ستة .. ناقصة ستة .. ناقصة ستااااااااااااااااااا ..
صحيفة دار الحياة العنف الطائفي يحصد 103 قتلى وتمديد حظر التجول الى الاثنين واجتماعات مفتوحة ...
Post: #90 Title: Re: مذكراتي لـ 08|03|04 حصريا علي الاقل Author: Sayed Bekab Date: 03-07-2008, 03:46 AM Parent: #1
Quote: النساء يهدرن وقتا ثمينا في متابعة اسامة السيد و منال العالم
2nd TV for this guy
خدر مساك الله بالخير
٦/٣/٢٠٠٨ يوم جميل يبدا بصباح الخير علي محطة البص قود مورننج بتاعت الخواجات دي يا خدر عندها نغمة جذابة ، قهوة الصباح ،الجرايد بلاش فى مترو الإنفاق، صوت ود الآمين من الاي بود، تصل الشغل و يتحول اليوم بقدرة قادر ليوم عنيف مع سوق المال ينتهي بصداع و قهوة و جرايد فى مترو الإنفاق وصوت ود الآمين غريبة ان اليوم يبدا بالقهوة والجرايد وود الآمين و ينتهي بنفس الشي و بينهما الصداع.
Post: #91 Title: Re: مذكراتي لـ 08|03|04 حصريا علي الاقل Author: aml gadora Date: 03-07-2008, 10:44 AM Parent: #90
بالجد حيرتوني يا خدر واشراقة وGazaloat
ديل تمنية كدايس !!
العتب على النظر
Post: #92 Title: Re: مذكراتي لـ 08|03|04 حصريا علي الاقل Author: Ishraga Mustafa Date: 03-07-2008, 11:58 AM Parent: #91
Quote: والله الخواجية دي أصلو ما أغسل ليها مش كفاية العدة
يبدو انو فيلدرز عاوز يستفيد من الاهتمام الكبير بالفلم لي مصلحة ويب سايت خاص بيهو او ربما حدثت خلافات مع ادارة اليوتيوب خاصة, بعد المعارضه الشديده للفلم حتي من حكومة بالكينيندا.
__________ والله الجنا ده حريفن
Post: #94 Title: Re: مذكراتي لـ 08|03|04 حصريا علي الاقل Author: خدر Date: 03-07-2008, 01:48 PM Parent: #93
ديل كم طيب ؟
______ سجن سجن غرامة غرامة
Post: #95 Title: Re: مذكراتي لـ 08|03|04 حصريا علي الاقل Author: aml gadora Date: 03-07-2008, 01:53 PM
البعرفهم انا اربعة ..................التلاتة الفوق ديل جبتهم من وين؟؟
-------------------------------------------------------------------------------- شايفاك سحبت صورتك ................خايف ولا خايف
Post: #96 Title: Re: مذكراتي لـ 08|03|04 حصريا علي الاقل Author: Gazaloat Date: 03-07-2008, 02:12 PM Parent: #95
Quote: البعرفهم انا اربعة ..................التلاتة الفوق ديل جبتهم من وين؟؟
هو حساب ولاَّ كوار!!؟؟ يا كافى البلا.... العد مابتعرفوهو!!!!
------------- جاء فى الامثال:
عين الحسود فيها عود وكمنجتين وبنقز
Post: #97 Title: Re: مذكراتي لـ 08|03|04 حصريا علي الاقل Author: خدر Date: 03-07-2008, 02:14 PM Parent: #96
Quote: البعرفهم انا اربعة ..................التلاتة الفوق ديل جبتهم من وين؟؟
___________ عاش اسامة السيد
Post: #98 Title: Re: مذكراتي لـ 08|03|04 حصريا علي الاقل Author: خدر Date: 03-07-2008, 02:41 PM Parent: #97
Quote: متين ياربى يغسلوا العدة للسودانية
اشراقة يا ستنا ،، قيل كانت هند بنت النعمان أجمل نساء العرب في زمانها فتزوجها الحجاج بن يوسف الثقفي اون جبروته و عزتة ،، عنوة. كانت هند مع جمالها ذات أدب و شعر سارت به الركبان . و دخل عليها خِلسة يوما وسمعها تقول: وما هند ألا مهرة عربية سليلة أفراس تحللها بغل فإن ولدت فحلا فـ لله درها وأن ولدت بغلا فذاكـ من البغل فأرسل لها الحجاج من يطلقها بكلمتين ويعطيها باقي صداقها مائتي ألف درهم.
وقف عندها الرسول و قال: كنت فبنت فردت : كنا فما حمدنا وبنا فما ندمنا ومائتا ألف درهم بشارة لك بخلاصي.
بلغ أمرها الخليفة الاموي عبدالملك بن مروان فطلبها لنفسه، فقالت هند: ولغ الكلب الإناء. فقال بن مروان : يغسل الاناء سبع مرات إحداهن بالتراب فيطهر. قبلت هند و اشترطت ان يسير الحجاج ممسكا بقياد بعيرها من المعرة إلى دمشق حافياً حاسر الرأس، وكان لها ما أرادت ومشى الجبار يقود بعير طليقته الي سيدة الاموي في منتصف الطريق الي دمشق رمت هند ديناراً علي الرمل و صاحت : يا جمّال لقد سقط منا درهم!! قال الحجاج : بل دينار يا مولاتي .. فقالت هند : الحمد لله الذي أبدل درهمنا بدينار.
_______ 8 مارس يوم المرأة العالمي
Post: #99 Title: Re: مذكراتي لـ 08|03|04 حصريا علي الاقل Author: Gazaloat Date: 03-07-2008, 02:56 PM Parent: #98
Post: #100 Title: Re: مذكراتي لـ 08|03|04 حصريا علي الاقل Author: esam gabralla Date: 03-07-2008, 03:15 PM Parent: #1
مرة بتونس ونسة دقاقة مع حبوبتى حرومة (واحد من اسباب علاقتنا الخاصة انها كان بترسلنى اشترى ليها تمباك، اسم التمباك الحركى كان "المعلوم"، حبوبة اجتهدت حتى وفاتها في اخفاء تعاطيها للمعلوم رغم ان كل اسرتنا و 90% من سكان سنجة كانو يعلمون)
المهم... حبوبة سالتنى - "يا ولد انت الكلمة البتقولوها دى معناتا شنو؟" - ياتو يا حبوبة؟ - كيسنى و كيستى ، كيس شنو ده يا ولد؟ - دى معناها حب، كيستى يعنى حبيبتى، كيستها يعنى حبيتا. - حكم يا ولدى، كلامكم بقي عجيب خلاس. - (بخبث عالى) الا يا حبوبة في زمنكم كنتو بتحبو برضو؟ - بري يا ولدى، قلة الادب دى ما كنت عندنا...
صمت قصير - الحب و السفاهة دى ما كانت عندنا.. الا كان عندنا الغى .....
و من الساعة ديك ولع فينى جمر الغييييي
يا حليل حبوبة حرومة .... و حليل زمن الغي ...
العاشق السئ الحظ
Post: #101 Title: Re: مذكراتي لـ 08|03|04 حصريا علي الاقل Author: Ishraga Mustafa Date: 03-07-2008, 03:45 PM Parent: #100
غايتو فى جماعة هنا بكايييييييين شديد خلاص
دكين والموج اصبح لهم منافسان وقيل اربعة
-----------
أمل يا اختى طلعتى الفيل ذاتو، اها الضل منسحب، فاياختى اتخارجى قوام شكلك كدى سوف تحظرين حظرا جما
بعدين الشمارات بجيبها ليك معايا والنشوف آخرتا ياخدر فى موضوع غسيل العدة دة غايتو انا مابيغظنى شى فى الدنيا دى الا الراجل المابحب يغسل العدة لمرتو
---- كنت دايرة اقول ياعصام بس خفت من لسانك- قلت لى شنو؟
Post: #112 Title: Re: مذكراتي لـ 08|03|04 حصريا علي الاقل Author: aml gadora Date: 03-08-2008, 00:02 AM Parent: #101
اشراقة الحظر مقدور عليهو ...........مجازفات ساي الواحدبتصرف .............اسه جابت ليها قرار رئاسي حاسم ...........غايتو بي مناسبة 8مارس عملو لي استثناء
==================================================================== يسووها الصغار ويقعو فيها الكبار
Post: #102 Title: Re: مذكراتي لـ 08|03|04 حصريا علي الاقل Author: Emad Abdulla Date: 03-07-2008, 04:05 PM Parent: #100
Quote: الحب و السفاهة دى ما كانت عندنا.. الا كان عندنا الغى .....
و نِعمَ بالله .. عانيت في شبابي الباكر من إثنين : الرمد الربيعي ( الإتوكر و ترّم عويناتي سنين ) و ذهب إلى حال سبيله مخلفاً العوينات متل قدود الجلد . أما التاني : حَب الشباب ( و ده عقد حناني و دخشم وشي و طيّر مني ياما عصافير ) .. فلما أعيت الحيلة أبوي في وش ولدو الذي صار كوجه مركوب الأصَلَة القديم و لسه عمرو 17 سنة .. رأى أن يعالجني الطبيب .. حبوبتي الزلال بت ود حامد قالت لبنتها : هي يا يُمّه دكتور شنو .. الولد غاوي !! ففضحَت بت جيراننا .
..... الغي و بعض الأمراض الماياها .. بيطفحوا .. حمانا الله و السامعين .
Post: #103 Title: Re: مذكراتي لـ 08|03|04 حصريا علي الاقل Author: خدر Date: 03-07-2008, 04:49 PM Parent: #102
Quote: والنشوف آخرتا ياخدر فى موضوع غسيل العدة دة غايتو انا مابيغظنى شى فى الدنيا دى الا الراجل المابحب يغسل العدة لمرتو
________ نحن لا ننافس .. نحن نغسل العِدة
Post: #104 Title: Re: مذكراتي لـ 08|03|04 حصريا علي الاقل Author: غادة عبدالعزيز خالد Date: 03-07-2008, 05:00 PM Parent: #103
خدر... أبو لقاء إزيك هذا من أجمل البوستات التي قرأتها على الإطلاق... دعابات أمل، ومغايظات الجزولي، وقفشات إشراقة... حولتم البوست إلى إشراقة ومدونات اليوم إلى محادثة لطيفة... ما أجملكم... وقول لبارعة مشتاقين... أظهري
معزتي غادة
Post: #105 Title: Re: مذكراتي لـ 08|03|04 حصريا علي الاقل Author: Emad Abdulla Date: 03-07-2008, 05:12 PM Parent: #104
Quote: الحمد لله الذي أبدل درهمنا بدينار
نسأل اللاهو السلامة ..
...... فاضلابي .. قرّط على اليورو , الدنيا ما معروفة .
Post: #106 Title: Re: مذكراتي لـ 08|03|04 حصريا علي الاقل Author: Gazaloat Date: 03-07-2008, 05:39 PM Parent: #105
Quote: مابيغظنى شى فى الدنيا دى الا الراجل المابحب يغسل العدة لمرتو
Post: #109 Title: Re: مذكراتي لـ 08|03|04 حصريا علي الاقل Author: خدر Date: 03-07-2008, 10:27 PM Parent: #108
عثمان مرحب بيكـ و بي تلفونكـ الطولنا منو مستنيكـ
تاج الملكـ عندنا صاحب عزيز هنا .. زمان لمن جينا البلد دي لمن نتلاقا في الوييكـ اند في بيتو بقعد يبارينا و يطفي الانوار بعدينا البدخل المطبخ و البدخل الحمام صاحبنا تعبان معانا و هايج في فاتورة الكهربا الحاتجيهو غالية ... .. صديق اخر قال معلقا صاحبكم ده بباري اللمبات يطفيهن عشان يوفر قروشو لكنو اول زول بمشي يجيب ويسكي الساعة 6 مساء
________ و الويسكي غالي هنا طبعا
Post: #110 Title: Re: مذكراتي لـ 08|03|04 حصريا علي الاقل Author: خدر Date: 03-07-2008, 11:18 PM Parent: #109
ود التوم او السجين رقم 3811
Post: #114 Title: Re: مذكراتي لـ 08|03|04 حصريا علي الاقل Author: عاطف عبدون Date: 03-08-2008, 00:44 AM Parent: #110
نسيت في مذكراتك التلفون الجاك وانت بتغني لينا في الروم
Post: #144 Title: Re: مذكراتي لـ 08|03|04 حصريا علي الاقل Author: Ishraga Mustafa Date: 03-10-2008, 05:49 PM Parent: #108
عليك الله ياتاج السر أخوى وانت داخل اتناولوا معاك وخلينا نسمع فترنا من النقة...
Post: #137 Title: Re: مذكراتي لـ 08|03|04 حصريا علي الاقل Author: خدر Date: 03-10-2008, 04:35 PM Parent: #104
غادة سلامات شفتي الشباب ديل فنانيين كيف لمتنا ناقصاكـ والله
________ بارعة قالت بقت محمولة عندها 3 اطفال
Post: #116 Title: Re: مذكراتي لـ 08|03|04 حصريا علي الاقل Author: ابراهيم عدلان Date: 03-08-2008, 01:11 AM Parent: #1
غسيل العدة هين
كعب غرف الحوض و ملي المزيرة
_________
عين الحسود فيها جيتار
خدر انت اليومين ديل عزابي؟
Post: #117 Title: Re: مذكراتي لـ 08|03|04 حصريا علي الاقل Author: Ishraga Mustafa Date: 03-08-2008, 12:21 PM Parent: #116
خدر
غسيل العدة حماك ماتسلّم
Post: #118 Title: Re: مذكراتي لـ 08|03|04 حصريا علي الاقل Author: خدر Date: 03-08-2008, 01:55 PM Parent: #117
انجي ده البوليس يا اخوي اتخيلت عرفتو
Quote: خدر انت اليومين ديل عزابي؟
ود عدلان حاسد ولا بغران ؟
والله يا ام واصل انا ما بحميني منكـ إلا الشديد القوي اها وكت الشديد القوي اختفي من امس قلت اسلم عليكـ
_____ والشديد القوي ودجبرالله طبعا
Post: #119 Title: Re: مذكراتي لـ 08|03|04 حصريا علي الاقل Author: Emad Abdulla Date: 03-08-2008, 02:14 PM Parent: #118
Quote: والشديد القوي ودجبرالله طبعا
مريح إنت يا ود التوم ياخ ..
..... فشمطت و قمطت .
Post: #120 Title: Re: مذكراتي لـ 08|03|04 حصريا علي الاقل Author: عبدالكريم الامين احمد Date: 03-08-2008, 03:59 PM Parent: #119
فوووق انبساطة ساااااكت كده من الاركلوجيا الخدرية دي
Post: #121 Title: Re: مذكراتي لـ 08|03|04 حصريا علي الاقل Author: Gazaloat Date: 03-08-2008, 05:45 PM Parent: #120
Quote: غسيل العدة هين
بقيت انا فى الندَّامة مَـرَقْتَ، وراسى لــَيِّن ودَ قــَشـــْتَ المطاعم وحق الناس بـِبَيِّن لازولا يَعَزْمَــك لا دُكـَّان بـِدَيــِّن كعبة الإندِراوة غسيل العدة هين
-----------
اقترب منها وقال:
- صباح الخير ياعسل.
رَدََّت على الفور:
- أبيييييت!!!!
من اعمال المقاومة فى المهجر
Post: #122 Title: Re: مذكراتي لـ 08|03|04 حصريا علي الاقل Author: Gazaloat Date: 03-08-2008, 05:59 PM Parent: #121
نسيت ان اهنئ نفسى ب
عيد المرأة العالمى
-----------
Post: #123 Title: Re: مذكراتي لـ 08|03|04 حصريا علي الاقل Author: Emad Abdulla Date: 03-08-2008, 06:33 PM Parent: #122
Quote: كعبة الإندِراوة
بركة الجات منك يا بيت الله ..
..... ود عدلان يا صاحبي .. الزول ما عندو صوف .. تمعط شنو و تحرقو لما يدخلو عليك المآفين الجاينك ديل ؟ .. لك دعواتي بالنجاة .
Post: #124 Title: Re: مذكراتي لـ 08|03|04 حصريا علي الاقل Author: أبو ساندرا Date: 03-08-2008, 06:58 PM Parent: #1
Quote: دعوت في سري ان لا يمر دكين او ابوساندرا هنا
أوعك تكون فكيتها في نفسك وإفتكرت نفسك مستجاب الدعوات
لبيك
Post: #125 Title: Re: مذكراتي لـ 08|03|04 حصريا علي الاقل Author: أبو ساندرا Date: 03-08-2008, 07:01 PM Parent: #1
كتبت إشراقة مصطفى:
Quote: متين ياربى يغسلوا العدة للسودانية
يا دكتورة ما تسيسي الموضوع
بعدين إنتن ماخايفات على العدة ؟
Post: #126 Title: Re: مذكراتي لـ 08|03|04 حصريا علي الاقل Author: esam gabralla Date: 03-08-2008, 07:04 PM Parent: #1
و بعدين مع النزلة؟
الجو حيرنا في بطن ام راسنا زاتو .. والنخرة انبرطت ...
يا حليل الانتيبايوتيك و يا حليل الدكاترة التمام
تمشي للدكتور تقول ليهو "عندى التهاب رئوى ... ادينى بنسلين" ... يعمل ليك حركة حركتين كده، يقشطك حقنك و يوم يومين تقوم زى الحصان....
عيبوها لي الانتيبايوتيكس دى؟ شابكننا كعبة كعبة ...
انحنا بنعرفا هي و الكينا و الاسبرين
جسمنا ده تلات ارباعو من التلاتة ديل، لما يمرض بكون راجى واحد من التلاتة، اى حاجة غيرهم بمرض زياده ، ما تجوطوا لينا قصتنا الجايطة اصلا...
خلونا ياخى انحنا عندنا غناء قومى وطنى للقصة دى، عدم احترام للامم و ثقافات الشعوب
بوسع الوهم و الغوغاء و الناطحة و ما اكل السبع و ما ترك الانجمام لحين انقشاع المحنة البنسلينية
تموت الاسد...........
------------------------------------------------ ادونا بنسلينا .... ما تطلعوا ديننا
من شعارات يوم المراة العالمى
Post: #127 Title: Re: مذكراتي لـ 08|03|04 حصريا علي الاقل Author: أبو ساندرا Date: 03-08-2008, 07:06 PM Parent: #1
Quote: ابوساندرا الدفعة رقم عشرين بعدى، صغير وجاهل يايمة بس العيون باسبابهن
ما قنا ليك ما تسيسيهو
Post: #128 Title: Re: مذكراتي لـ 08|03|04 حصريا علي الاقل Author: Gazaloat Date: 03-08-2008, 07:22 PM Parent: #127
Quote: ادونا بنسلينا .... ما تطلعوا ديننا
السسترات ياتمرجى كتبو الرقاد ياتمرجى يوم التلات ياتمرجى
والبنسلين ياتمرجى نادو الحكيم يا...
---------- حليل جدى محل ماختَّ راسو ورقد
من اقوال امى الله يرحمها
Post: #129 Title: Re: مذكراتي لـ 08|03|04 حصريا علي الاقل Author: خدر Date: 03-09-2008, 03:25 AM Parent: #128
دكتور اشراقة مصطفي
يوم المرأة العالمي هولندا .. لايدن .. قبل شوية يا اوغاد.
________ تموت الاسد في الغابات جوعا و ود جبرالله يتفاصح بي وراي هنا لحقني يا ود التوم.
Post: #130 Title: Re: مذكراتي لـ 08|03|04 حصريا علي الاقل Author: خدر Date: 03-09-2008, 03:00 PM Parent: #129
ود جبرالله و عماد و خدر ديل لازم نحسمهم نحن يا امل
___________ كوجان .. اتفقنا
Post: #131 Title: Re: مذكراتي لـ 08|03|04 حصريا علي الاقل Author: خدر Date: 03-09-2008, 03:13 PM Parent: #130
الجزولي ده خلوهو لي بحسمو ليكم
Post: #132 Title: Re: مذكراتي لـ 08|03|04 حصريا علي الاقل Author: aml gadora Date: 03-09-2008, 03:34 PM Parent: #130
كريستال درة ..............
لازم .........لازم
========================================== هي ما دكتورة لكن (ما التعجيبة .............ليست ما النافية)
Post: #133 Title: Re: مذكراتي لـ 08|03|04 حصريا علي الاقل Author: aml gadora Date: 03-09-2008, 03:38 PM Parent: #132
وانااقول القمر غايب عن سماءنا ليييه؟?............اتاريهو مشغول بي قضايا مصيرية
Post: #139 Title: Re: مذكراتي لـ 08|03|04 حصريا علي الاقل Author: Emad Abdulla Date: 03-10-2008, 04:52 PM Parent: #130
Quote: ود جبرالله و عماد و خدر ديل لازم نحسمهم نحن يا امل
ما بسعلك يا خدر .. إشراقة دي لابسة خاتم أب كُرضُمّه .. و خاتم أب ما كُرضُمه . يعني هوك جنباوي منها و ننبرش .. أو طبظة في العين بالضفر و نلحق بشارة ود الحور .
..... كوجان .. قول و الله !!!
Post: #140 Title: Re: مذكراتي لـ 08|03|04 حصريا علي الاقل Author: Ishraga Mustafa Date: 03-10-2008, 05:00 PM Parent: #139
Quote: أو طبظة في العين بالضفر و نلحق بشارة ود الحور
كدايس بلدنا دى ماعندها ضفارين..... حتى اسأل خدر كان صحى من النوم
------------ خدر اوعى تجيبونا المولد تانى
Post: #156 Title: Re: مذكراتي لـ 08|03|04 حصريا علي الاقل Author: Ishraga Mustafa Date: 03-10-2008, 08:06 PM Parent: #140
Quote: إشراقة دي لابسة خاتم أب كُرضُمّه .. و خاتم أب ما كُرضُمه .
خدر كلم صاحبك ود التوم ده قول ليهو الخاتمين عندهم كرضمة بس واحدة صغرتها كميرتك الممسوخة دى
------
هذا يعنى مماتضمنوا خالس...مافى ضمانات يا اولاد امى
Post: #170 Title: Re: مذكراتي لـ 08|03|04 حصريا علي الاقل Author: ibrahim kojan Date: 03-10-2008, 10:07 PM Parent: #139
يا عمده لا...لا....
والله؟؟؟؟؟؟
.........
لكم دينكم ولي دين !
Post: #169 Title: Re: مذكراتي لـ 08|03|04 حصريا علي الاقل Author: ibrahim kojan Date: 03-10-2008, 10:05 PM Parent: #130
خدر مالك عايز تعمل لي مشكله مع عماد... وود جبرالله؟؟
والله الجماعه ديل حرفهم مانع ولواسينهم طويله وانا زول مسكين لكن لو انت واشراقه اصريتو....
Post: #134 Title: Re: مذكراتي لـ 08|03|04 حصريا علي الاقل Author: ابراهيم عدلان Date: 03-09-2008, 07:24 PM Parent: #1
خدر
حد يحتفل بعيد المرأة و هو عزابي؟
د.اشراقة
تحايا من سيد اللبن و غتاية البستلة و صحن طلس مليان محبة
___________ خدر لازم تجي نيويورك في الصيف
دي تعليمات
Post: #135 Title: Re: مذكراتي لـ 08|03|04 حصريا علي الاقل Author: Ishraga Mustafa Date: 03-10-2008, 12:34 PM Parent: #134
Quote: لازم .........لازم
------- حصريا علي الاقل
--------
ya Farda
Post: #136 Title: Re: مذكراتي لـ 08|03|04 حصريا علي الاقل Author: aml gadora Date: 03-10-2008, 01:01 PM Parent: #135
د/ اشراقة شرفتي البوست بتاعنا
اقصد بوست الزميل خدر سابقا
____________________________________________________ انتي ماسمعتي اخر الاخبار.........ماقالو عمل تنازل عن البوست (مذكراتي حصريا ) ....وتحت تحت قالو في ناس احتلوه ........غايتو الاخبار متضاربة
Post: #138 Title: Re: مذكراتي لـ 08|03|04 حصريا علي الاقل Author: Ishraga Mustafa Date: 03-10-2008, 04:42 PM Parent: #136
Quote: انتي ماسمعتي اخر الاخبار.........ماقالو عمل تنازل عن البوست (مذكراتي حصريا ) ....وتحت تحت قالو في ناس احتلوه ........غايتو الاخبار متضاربة
أمل ياعزيزتى...
وعندى الخبر اليقين
اولا واخيرا خدر فترااااااااااااااااااااااان فتران فترة عدوك.... حتى المصقعة نطّ وماعملها وعملتها بارعتنا الحلوة
حاجات كتيرة زاغ منها... الهدوم القال غطس حجرها ما عملنا اى مجهود عشان نعرف ردمها ووين لكن الحق يقال البيت نضيييييييييييييييييييف شديد {باين عليهو عنده فوبيا النطافة
اها هو هدانى البوست ده ماشايفة الجماعة زاغوا؟ فتعالى نتونس برانا.. وبعدين منو القمر ده؟ عنو خدر؟
=========== فرقتوا على فرقة شديدة يا ابولقاء...... ثم ما اجمل دميعات بارعة
Post: #141 Title: Re: مذكراتي لـ 08|03|04 حصريا علي الاقل Author: aml gadora Date: 03-10-2008, 05:26 PM Parent: #138
اها كمان غسيل العدة يوم 8 مارس تعبو خاااالس...........
بس دي ماعندها علاقة بي احتلال البوست بتاعو قالو في حركة نسوية قوية احتلت البوست بتاعو .........بقيادة الدكتورة ...........والبيان بتاعهم حينزل في غصون ساعات
Quote: وبعدين منو القمر ده؟ عنو خدر؟
لالا .................قصدي الدكتورة
Post: #142 Title: Re: مذكراتي لـ 08|03|04 حصريا علي الاقل Author: Ishraga Mustafa Date: 03-10-2008, 05:36 PM Parent: #141
Quote: لالا .................قصدي الدكتورة
لكن يا امل بالغتى؟ يازولة انا ماقلت ليك ماتكترى المحلبية
--------
تكونى قاصدة دكتورة العظام.... آى من طهرى الكبر يابت امى دخل
Post: #146 Title: Re: مذكراتي لـ 08|03|04 حصريا علي الاقل Author: خدر Date: 03-10-2008, 05:57 PM Parent: #142
يبدو اني بعد مداخلات اشراقة و امل الاخيرات ,, سأغيب كثيرا عن البوست ده
...
____________ اذكروا محاسن موتاكم يا اوغاد
Post: #143 Title: Re: مذكراتي لـ 08|03|04 حصريا علي الاقل Author: Ishraga Mustafa Date: 03-10-2008, 05:43 PM Parent: #134
Quote: تحايا من سيد اللبن و غتاية البستلة و صحن طلس مليان محبة
_____ انشاءالله تكون لميت لى فى غتاية البستلة؟ بالله اشترى ليك بستله وعمود للغداء جننوتنا ذاتو كل يوم دايرن العمود ومرة الشرقرق ومرة القهوة الخوف تقولوا بعد ده عاوزين سيد اللبن ذاتو!!
=======
قلت ليك يا امل ليه حقارة ال {النسوان} بسيد اللبن ده؟ يا اختى ده ارقّ زول الله خلقو فى الزايلة دى
=====
خدر خلاص اصحوا وتعال استلم الوردية
Post: #145 Title: Re: مذكراتي لـ 08|03|04 حصريا علي الاقل Author: Ishraga Mustafa Date: 03-10-2008, 05:55 PM Parent: #143
Quote: بارعة قالت بقت محمولة عندها 3 اطفال
بيكون!! بتوقيت الانقلاب فى منتصف الثامن والتاسع من آذار تم سحب توتو كورة
Post: #148 Title: Re: مذكراتي لـ 08|03|04 حصريا علي الاقل Author: Gazaloat Date: 03-10-2008, 06:13 PM Parent: #147
Quote: الجزولي ده خلوهو لي بحسمو ليكم
ماتتعبوا روحكم ساكت!! انا محسوم سلفا و.....بالتلاتة. قضينا فى نيويورك مع عركى ليلة... من تلكم الليالى التى لاتجدها الا فى كتب التاريخ
Post: #150 Title: Re: مذكراتي لـ 08|03|04 حصريا علي الاقل Author: Ishraga Mustafa Date: 03-10-2008, 06:20 PM Parent: #148
Quote: انا محسوم سلفا و.....بالتلاتة.
الشىء شنو اصلوا؟
-----
من دفتر تاريخ الحسم العسكرى
Post: #149 Title: Re: مذكراتي لـ 08|03|04 حصريا علي الاقل Author: aml gadora Date: 03-10-2008, 06:17 PM Parent: #147
Quote: يبدو اني بعد مداخلات اشراقة و امل الاخيرات ,, سأغيب كثيرا عن البوست ده
...
اها يااشراقة كده اتاكدالخبر اليقين
كمان اجيب ليك مزيد من الاخبار
قالو ............والعهدة على الراوي انو اتكونت جيوب مقاومة ...........take care
Post: #151 Title: Re: مذكراتي لـ 08|03|04 حصريا علي الاقل Author: aml gadora Date: 03-10-2008, 06:24 PM Parent: #149
Quote: انا محسوم سلفا و.....بالتلاتة
اها كده ضمنا سقوط احدي المناطق سلميا
Post: #154 Title: Re: مذكراتي لـ 08|03|04 حصريا علي الاقل Author: Ishraga Mustafa Date: 03-10-2008, 07:53 PM Parent: #151
Quote: اها كده ضمنا سقوط احدي المناطق سلميا
اياك يا امل تنومى قفا واياك تغمض ليك جفناية
-----
خدر عليك الآمان تعال راجع
بعدين عملت شنو.... كدى عاوزين اربعة
Post: #155 Title: Re: مذكراتي لـ 08|03|04 حصريا علي الاقل Author: aml gadora Date: 03-10-2008, 08:02 PM Parent: #154
قصدك ده انسحاب تكتيكي ؟؟
علم
Post: #152 Title: Re: مذكراتي لـ 08|03|04 حصريا علي الاقل Author: Ishraga Mustafa Date: 03-10-2008, 06:27 PM Parent: #147
Quote: لو الشفت صورتها امس ياها القمرة ....قصدي ياها الدكتورة
ده من آثار الفول بزيت السمسم
والاهم من أثار الكوارع، بارك الله فى تماضر الخنساء عملت لى كوراع- شفتى ليك زولة بتأكل كوارع واحدة صباحا يا امل؟ تقول لى قمرة يابتى انتى عندك وجع فى العيون؟
برضو احسن حالا انا عندى وجع فى القلوب وبيت الكلاوى
--------
ياحليلو سيد اللبن والراعى.... والغنماية التحت الشدرة
وبمناسبة سيد اللبن دى ياخدر ماشفت لى ولا بقراية هولندية - البقر الهولندى طلع دعاية ياجدعان
------- زيت السمسم شحدناه من تمارا- وديتو ووين بالمناسبة ياخدر انا كنت دايرة منو شوية لمهام عسكرية واستراتيجية بناءة بارعة ماتجيبى السيرة، لمن قلناها خدر كان فى سابع غضبة اكتوبرية
Post: #153 Title: Re: مذكراتي لـ 08|03|04 حصريا علي الاقل Author: aml gadora Date: 03-10-2008, 06:37 PM Parent: #152
الجواب يكفيك عنوانو
يعني يوم المرأة العالمي عندكم كان حافل بما لذ وطاب ..................... افهم من كده انو خدر كمان بعرف يظبط الفول ؟؟ كده حتخليني احن عليهو.........واقول ليك نرجعو البوست ...... قصدي نرجع ليهو البوست بتاعو ...........واهو نكسب فيهو خير ..........
Post: #157 Title: Re: مذكراتي لـ 08|03|04 حصريا علي الاقل Author: Ishraga Mustafa Date: 03-10-2008, 08:18 PM Parent: #153
Quote: الجواب يكفيك عنوانو
أمل يا اختى انتى معانا ولا مع الخيانة؟
--------
ماتكلمى بكرى يرجع الماسنجر- ان فى الماسنجر لرحمة للعالمين مثلنا يا اختى
Post: #158 Title: Re: مذكراتي لـ 08|03|04 حصريا علي الاقل Author: Ishraga Mustafa Date: 03-10-2008, 08:30 PM Parent: #157
Quote: يبدو اني بعد مداخلات اشراقة و امل الاخيرات ,, سأغيب كثيرا عن البوست ده
مالك يا يابا عاوز تعقدنا؟ مالها مداخلاتنا؟ انت مش قلت كل زول شايت براهو اها انا وامل اخيتى دى برضنا شايتين برانا بس عارفات شايتين ووين ولشنو، عشان كدى قلنا ليكم مسكونا القصر الجمهورى ده عشان تآمنوا
========= اوعى تكون اكلت الزلابيات التلاته ياخدر؟ تكون بالغت عشان كدى زايغ
وحياة الله اشتقت لونستك ولضحكة بارعتك
Post: #159 Title: Re: مذكراتي لـ 08|03|04 حصريا علي الاقل Author: Gazaloat Date: 03-10-2008, 08:34 PM Parent: #157
Quote: اها كده ضمنا سقوط احدي المناطق سلميا
لاتعتمدن على هذا النوع من التحليلات غير الاستراتيجية!!
----------
انا بحب المنقة متلجة!!!
من اقوال المتهم فى يومية التحرى
Post: #162 Title: Re: مذكراتي لـ 08|03|04 حصريا علي الاقل Author: Ishraga Mustafa Date: 03-10-2008, 08:46 PM Parent: #159
Quote: لاتعتمدن على هذا النوع من التحليلات غير الاستراتيجية!!
Quote: اياك يا امل تنومى قفا واياك تغمض ليك جفناية
شفت كيف نحنا شايتين صاح ياخدر؟
-----
انتوا ياجماعة ماعندكم خوة، ماتشوفوا خدر ده مشى ووين
Post: #160 Title: Re: مذكراتي لـ 08|03|04 حصريا علي الاقل Author: aml gadora Date: 03-10-2008, 08:35 PM Parent: #157
مع الخيانة.....................(مش احنا الخيانة؟!)
Quote: ماتكلمى بكرى يرجع الماسنجر- ان فى الماسنجر لرحمة للعالمين مثلنا يا اختى
نكلمو ليه احنا لو استمرينا في برنانمجنا ده صااااح ............الماسنجر زاااااااتوو حيبقى حقنا
------------------------------------------------------------------------------------------------------------------ مسطول طالع من الدكتور بيتكلم مع روحو: ضب في صحن؟ لا لا سحلية في جك؟.. لا لا قعونجة في جردل؟ لا لا تمساح في بانيو؟ رجع للدكتور تاني وقال ليهو: انت يا دكتور قلت عندي
شنو؟! قال ليهو: عندك سرطان في الحوض!
Post: #161 Title: Re: مذكراتي لـ 08|03|04 حصريا علي الاقل Author: Ishraga Mustafa Date: 03-10-2008, 08:43 PM Parent: #160
Quote: الجواب يكفيك عنوانو
الاجابة الصحيحة:
العنوان فى الرمرمة
--------
انتى امل استراتيجى للدفاع المدنى يا امل!!
Post: #163 Title: Re: مذكراتي لـ 08|03|04 حصريا علي الاقل Author: Emad Abdulla Date: 03-10-2008, 08:49 PM Parent: #161
ود الجنرال .. شفت الون توو المتدلع ده ؟؟ حليل دار الرياضة يا طه حمدتو ..
Post: #164 Title: Re: مذكراتي لـ 08|03|04 حصريا علي الاقل Author: Gazaloat Date: 03-10-2008, 08:53 PM Parent: #163
لا انت وين ياعماد للباص الاسكرو دا
Quote: انتى امل استراتيجى للدفاع المدنى يا امل!!
------------ قال الشاعر
شكَّارتها........
Post: #165 Title: Re: مذكراتي لـ 08|03|04 حصريا علي الاقل Author: Ishraga Mustafa Date: 03-10-2008, 09:05 PM Parent: #164
وامسنجراااااااااااااااااااااه
---------
عاد يابت امى كان عاوزين نرفع معنوياتنا خلق الله ماتخليك- قلت ليك يا امل ...... لا عشان بقول الجماعة متربصين تقوم خطتنا تبوص ونضطر نمشى للدكتور ونبرطم قعونج ثم نحلم بالسمك
-------------
القصر الجمهورى لدانى ايها العماد فتدرب على فلم كابوى على سينما النيلين
-------
Quote: قال الشاعر
شكَّارتها........
وزارة المرأة ستقوم بشطب مايقوله هؤلاء الشعراء ولو تعسفيا
Post: #166 Title: Re: مذكراتي لـ 08|03|04 حصريا علي الاقل Author: elsawi Date: 03-10-2008, 09:23 PM Parent: #165
Quote: والاهم من أثار الكوارع، بارك الله فى تماضر الخنساء عملت لى كوراع- شفتى ليك زولة بتأكل كوارع واحدة صباحا يا امل؟ تقول لى قمرة يابتى انتى عندك وجع فى العيون؟
اها والكوارع دي هضمتنها بي شنو؟
Post: #167 Title: Re: مذكراتي لـ 08|03|04 حصريا علي الاقل Author: Ishraga Mustafa Date: 03-10-2008, 09:31 PM Parent: #166
Quote: اها والكوارع دي هضمتنها بي شنو؟
والداير يهضمها منو يا الصاوى؟
----------- الكوارع دى كانت مفاجأة كبيرة كأنها بالله فسيخ
Post: #168 Title: Re: مذكراتي لـ 08|03|04 حصريا علي الاقل Author: Emad Abdulla Date: 03-10-2008, 09:44 PM Parent: #167
Quote: الكوارع دى كانت مفاجأة كبيرة كأنها بالله فسيخ
..... تصريحات مجوبقة زي الورد .. تنفعوا تبقو حكومة .
Post: #172 Title: Re: مذكراتي لـ 08|03|04 حصريا علي الاقل Author: ibrahim kojan Date: 03-10-2008, 10:11 PM Parent: #157
تكون الكوارع بتاعتكم دي محننه ولا شنو.....؟؟؟؟؟
اشراقه كوارع في هولندا دا علي مين ياجبريل؟؟؟؟؟
ya farda
Post: #171 Title: Re: مذكراتي لـ 08|03|04 حصريا علي الاقل Author: esam gabralla Date: 03-10-2008, 10:09 PM Parent: #1
ده يوم الخواتم العالمى و لا شنو؟
Post: #173 Title: Re: مذكراتي لـ 08|03|04 حصريا علي الاقل Author: esam gabralla Date: 03-10-2008, 10:14 PM Parent: #1
Quote: شفتى ليك زولة بتأكل كوارع واحدة صباحا يا امل؟
عمرى ده كلو... ما اكلت لى كوارع قبل واحده صباحا
يدى الكوارع للي ما يعرف بياكلوها متين
اها .... اوعا تكونى بتفطرى بالصير؟
-----------------------
كوارع ماشه كوارع جايه
وانا قاعد ابيع في التبش
Post: #174 Title: Re: مذكراتي لـ 08|03|04 حصريا علي الاقل Author: Emad Abdulla Date: 03-10-2008, 10:36 PM Parent: #173
Quote: عمرى ده كلو... ما اكلت لى كوارع قبل واحده صباحا
أصيل يا عصام ..
بعد واحدة صباحا من صباحات البلاد , و نحنا قوم كتيرون و " كويسون " .. قام جاب لينا حلة الكوارع .. فالضلافين ما كفتنا .. أخونا حلف إنو دي كوارع خروف ( كامل ) .. عديناهم لقيناهم ستة ضلوفا !!! .. قلنا يا يكون ضبح ( كلب أجب ) .. يا كمان " الموية " سمحة .
..... التبش بالشطة ما كويس .. بيعمل بورومبوفيه لو أجهزة الطرد المركزي ما ستاندر .. حاول الكبدة النية .
Post: #178 Title: Re: مذكراتي لـ 08|03|04 حصريا علي الاقل Author: خدر Date: 03-10-2008, 11:14 PM Parent: #173
كعب نوم النهار أمس العصير كت نايمه رأيت قدام فريقنا اشوف صقـوراً حايمه كبيرن غـار على من نـومي تبّيت قـايمه صحيت مهجومه لا مفصل ولا في قايمه
_____________ ريا .. الطيب ود ضحوية
Post: #175 Title: Re: مذكراتي لـ 08|03|04 حصريا علي الاقل Author: esam gabralla Date: 03-10-2008, 10:51 PM Parent: #1
تعرف يا صاحب الكوارع عندها عيب واحد، لو القعده جاطت و دورت شكلة بتتحول لسلاح خطير جدا ... واحد عكليت معانا هنا مشا بحت في "دكاكين" الخواجات المتمره و نضيفه ... لقا فيها كوارع.... ايوه حقتنا زاتا ... واخرى ...
افضل كوارع و عكو كان بجيبا لينا صداح صابونى ـ لانه يحب الحياة و يعيشها بمثل جماله ...غادرها بسرعه ـ
كان الطبيب البيطرى لسلخانة امدرمان ... ياتى لنا بالاطايب
نتقنطر ـ مجموعة من الخريجين العطالى قهرا ـ و موظفين نحن افضل حالا منهم ، قدام بيت صديفنا جبرونا بالملازمين ..
حكى لا شبيه له... خيرات مجوده ...
رفقه و بشر عجيب
.....
Quote: التبش بالشطة ما كويس .. بيعمل بورومبوفيه لو المسائل ما ستاندر .
شكرا على النصيحة يا "دكتور" بس متاخره شوية ... 24 سنة بس
اخوك مع الانتفاضه مطاراتو انضربت .... شغالين بالاسبيرات
النسوان ديل مشن وين؟
Post: #176 Title: Re: مذكراتي لـ 08|03|04 حصريا علي الاقل Author: Emad Abdulla Date: 03-10-2008, 11:05 PM Parent: #175
Quote: الكوارع عندها عيب واحد، لو القعده جاطت و دورت شكلة بتتحول لسلاح خطير جدا
يا سلام يا صاحبي .. كلامك حِكم .
مرة واحد أخونا لهط كوارع من نوع أبو لستك .. و نام .. تاني يوم صحى و شلاليفو شابكة .. إلا وديناهو لعمك يوسف الطهّار .
.... هسه ما شا الله بي أولادو و الله .
Post: #185 Title: Re: مذكراتي لـ 08|03|04 حصريا علي الاقل Author: Ishraga Mustafa Date: 03-11-2008, 10:59 AM Parent: #176
تعالى يا امل شوفى الجماعة اتفسحوا كيف من ورانا؟
عماد وعصام خبرات تقيلة فى شأن الكوارع
-----
الكوارع عملتها لى تماضر الخنساء بعد تقديم طلبات سابقة، لهطتها ليكم وراحلها كان مخلوع من شوقى ولهفتى على الضلافين.. فضلت شوية من الخلة وكنت ناوية اجيبها معاى فييينا ونسيت وجعفر زوج تمارا قام بالواجب ونص وكمل الباقى بس نهاريا
=====
اما خدر اكلنى مصائب اشك انها مبهرة با العناكب المفرحة ده انا مماجيبت ماسكانى ام فريحانة... خدر بالله فول الوصفات بتاعة اللحمة- ياطباخ انت
Post: #190 Title: Re: مذكراتي لـ 08|03|04 حصريا علي الاقل Author: aml gadora Date: 03-11-2008, 11:51 AM Parent: #185
Quote: تعالى يا امل شوفى الجماعة اتفسحوا كيف من ورانا؟
Post: #189 Title: Re: مذكراتي لـ 08|03|04 حصريا علي الاقل Author: خدر Date: 03-11-2008, 11:33 AM Parent: #188
ملحق مذكراتي 08-03-10 ____
اعود الان للتعرف علي غرف منزلي من جديد بعد ان غادرت زوجتي و صديقتها آثارهما في كل مكان .. للمرأة قدرة عالية جدا في تركـ بصمتها خلفها .. حين تذهب لا ادري ان كان ذلكـ عن عمد ام هي الكروموسومات مشبكـ شعر - منديل ورق به آثار كُحل- باندا حمراء ... بنات لطيفات لكن .. جملن لي (وييكـ اندي) وتركن خلفهن فوضي عارمه في المطبخ و في قلبي
_______ شكرا اشراقة - بارعة
Post: #199 Title: Re: مذكراتي لـ 08|03|04 حصريا علي الاقل Author: Ishraga Mustafa Date: 03-11-2008, 02:00 PM Parent: #189
Quote: ملحق مذكراتي 08-03-10 ____
اعود الان للتعرف علي غرف منزلي من جديد بعد ان غادرت زوجتي و صديقتها آثارهما في كل مكان .. للمرأة قدرة عالية جدا في تركـ بصمتها خلفها .. حين تذهب لا ادري ان كان ذلكـ عن عمد ام هي الكروموسومات مشبكـ شعر - منديل ورق به آثار كُحل- باندا حمراء ... بنات لطيفات لكن .. جملن لي (وييكـ اندي) وتركن خلفهن فوضي عارمه في المطبخ و في قلبي
_______ شكرا اشراقة - بارعة
_______________ لكن .. What?
Post: #192 Title: Re: مذكراتي لـ 08|03|04 حصريا علي الاقل Author: aml gadora Date: 03-11-2008, 11:56 AM Parent: #187
بعمل لي في كوارع بدل الاكلوها ناس ...........كوجان وعدلان وخدر وجزولي وعماد و جبر الله والكديسة
Post: #191 Title: Re: مذكراتي لـ 08|03|04 حصريا علي الاقل Author: aml gadora Date: 03-11-2008, 11:53 AM Parent: #183
Quote: اشك فى ان أمل قد تم حظرها!!!
ده ماحظر ............ده
Quote: انسحاب تكتيكي
بنحضر للهجمة القادمة
Post: #193 Title: Re: مذكراتي لـ 08|03|04 حصريا علي الاقل Author: Ishraga Mustafa Date: 03-11-2008, 01:16 PM Parent: #191
Quote: ابدا وحاتك
بعمل لي في كوارع بدل الاكلوها ناس ...........كوجان وعدلان وخدر وجزولي وعماد و جبر الله والكديسة
والكديسة
الكديسة الكديسة الكديسة الكديسة
5+5= حصريا علي الاقل
Post: #194 Title: Re: مذكراتي لـ 08|03|04 حصريا علي الاقل Author: Emad Abdulla Date: 03-11-2008, 01:23 PM Parent: #191
Quote: بنحضر للهجمة القادمة
حليل أبوي ..
..... ( فلما مر بجيفةٍ لثعالة , راودته شهوة الغول القمّامة فيه على التهامها , تذكر ما تذكر من كلمات الساحرة : لا تقرب الجيف حتى غياب الشمس لئلا يذهب عنك صوت أخاها الصياد و يرتد إليك صوت الغول . لكنه ما استطاع صبرا , فالتهم الجيفة بكاملها .. ثم طفق يغمغم بصوتٍ كقبيح الهزيم : منو السكن في قوزنا .. انا محمد أخو روز انا .. سيفي ضبّاح .. و كلبي نبّاح .. و ناري توقد للصباح .. أنا محمد اخو روز أنا ) .
** من حكايات الشعوب **
Post: #196 Title: Re: مذكراتي لـ 08|03|04 حصريا علي الاقل Author: Ishraga Mustafa Date: 03-11-2008, 01:49 PM Parent: #194
لكم دينكم ولى دين
Post: #201 Title: Re: مذكراتي لـ 08|03|04 حصريا علي الاقل Author: Ishraga Mustafa Date: 03-11-2008, 02:13 PM Parent: #194
Quote: و ناري توقد للصباح ..
0000000000
من حكاياتي
Post: #198 Title: Re: مذكراتي لـ 08|03|04 حصريا علي الاقل Author: esam gabralla Date: 03-11-2008, 01:57 PM Parent: #1
Quote: غادرت زوجتي
انتو الزوجات البغادرو ديل بتلقوهم وين؟
و بغادرو بمشو وين؟
--------------------------
Quote: بنات لطيفات لكن .. جملن لي (وييكـ اندي)
انا زاتى لو جونى بس في الويك اند و غادروا ... برضي بقول كده ----------------
اشراقة: اسه دى جضوم كوارع ؟
دى كلها kartoffelstock و Kuchen
-----------------------
Quote: من حكايات الشعوب
شعوب قليلة شغلة ... قاعدة للكلام
Post: #200 Title: Re: مذكراتي لـ 08|03|04 حصريا علي الاقل Author: Ishraga Mustafa Date: 03-11-2008, 02:10 PM Parent: #198
Quote: انتو الزوجات البغادرو ديل بتلقوهم وين؟
Kidir hat Glueck, eine so wunderschoene, ernsthafte und bewusste Frau
Quote: اشراقة: اسه دى جضوم كوارع ؟
دى كلها kartoffelstock و Kuchen
Quote: انا زاتى لو جونى بس في الويك اند و غادروا ... برضي بقول كده
Ich sage es Dir, wenn wir das kommende Wochende bei Dir verbringen
Bitte kein Angst
Post: #202 Title: Re: مذكراتي لـ 08|03|04 حصريا علي الاقل Author: خدر Date: 03-11-2008, 02:24 PM Parent: #200
Quote: Ich sage es Dir, wenn wir das kommende Wochende bei Dir verbringen
________________ الليلة وووووب اسود عليكـ يا سٌُعاد
Post: #203 Title: Re: مذكراتي لـ 08|03|04 حصريا علي الاقل Author: Ishraga Mustafa Date: 03-11-2008, 02:28 PM Parent: #202
Who is he?
Post: #204 Title: Re: مذكراتي لـ 08|03|04 حصريا علي الاقل Author: خدر Date: 03-11-2008, 02:37 PM Parent: #203
كلكم خاتين صوركم اشمعني انا
____________ يا كيكي .. شفت الفنكهة كيف ؟ ماتغيب مننا ياخي
Post: #205 Title: Re: مذكراتي لـ 08|03|04 حصريا علي الاقل Author: Emad Abdulla Date: 03-11-2008, 02:39 PM Parent: #203
Quote: Quote: Ich sage es Dir, wenn wir das kommende Wochende bei Dir verbringen
ترجمة : [ إيش سيق إس دير, وين وير داس كوميندي و شندي بي دير فيربيرنقن ] .
.... و الليلة و الليلة .. يا سعاد .. ( كوميندي و شندي ) الإتنين ؟؟ و كلو بي ( دير ) واحد بس ؟ إيش سيق إس دير ياخي .. ؟ تستاهلي ( الفيربيرنقن ) بعمايلك دي و الله .
Post: #206 Title: Re: مذكراتي لـ 08|03|04 حصريا علي الاقل Author: Ishraga Mustafa Date: 03-11-2008, 02:45 PM Parent: #205
Quote: ترجمة : [ إيش سيق إس دير, وين وير داس كوميندي و شندي بي دير فيربيرنقن ] .
Quote: تستاهلي ( الفيربيرنقن ) بعمايلك دي و الله .
Emad hat mit uns uebereinstimmt und bestimmt.....bist Du damit einverstanden?
و الليلة و الليلة
Post: #207 Title: Re: مذكراتي لـ 08|03|04 حصريا علي الاقل Author: Emad Abdulla Date: 03-11-2008, 02:54 PM Parent: #206
Quote: Emad hat mit uns uebereinstimmt und bestimmt.....bist Du damit einverstanden
مافي .. ما هات ولا حاجة .
.... غايتو بالميت كده نقول ستة .. كده كيف ؟؟
Post: #209 Title: Re: مذكراتي لـ 08|03|04 حصريا علي الاقل Author: خدر Date: 03-11-2008, 03:06 PM Parent: #207
Quote: Emad hat mit uns uebereinstimmt und bestimmt.....bist Du damit einverstanden?
ود التوم .. السم في الدسم اعمل ساتر
_____________ كده لسه ناقصين
Post: #208 Title: Re: مذكراتي لـ 08|03|04 حصريا علي الاقل Author: خدر Date: 03-11-2008, 02:59 PM Parent: #200
Quote: Kidir hat Glueck, eine so wunderschoene, ernsthafte und bewusste Frau
شكرا يا شباب والله
_________ بس هي لو خلت الـ ernsthafte شوية تكون ماقصرت
Post: #210 Title: Re: مذكراتي لـ 08|03|04 حصريا علي الاقل Author: خدر Date: 03-11-2008, 03:11 PM Parent: #208
Quote: Ich sage es Dir, wenn wir das kommende Wochende bei Dir verbringen
Quote: تستاهلي ( الفيربيرنقن ) بعمايلك دي و الله .
Quote: غايتو بالميت كده نقول ستة .. كده كيف ؟؟
___________ بين الجبلين فقدنا رجال والله
Post: #212 Title: Re: مذكراتي لـ 08|03|04 حصريا علي الاقل Author: Ishraga Mustafa Date: 03-11-2008, 03:21 PM Parent: #210
Quote: غايتو بالميت كده نقول ستة ..
والله
------------------
Sei Gebefreudig und grosszugig
Post: #211 Title: Re: مذكراتي لـ 08|03|04 حصريا علي الاقل Author: Emad Abdulla Date: 03-11-2008, 03:14 PM Parent: #208
Quote: كده لسه ناقصين
دينننننننننننننننك !!!!!!؟ بتتكلم جد ؟
.... كلو من الكوارع .. ينتقم منك يا عصام .. رجيت الله عليك .
Post: #213 Title: Re: مذكراتي لـ 08|03|04 حصريا علي الاقل Author: esam gabralla Date: 03-11-2008, 03:38 PM Parent: #1
بالطريقة دى بكندقونا عدييييل كده
اسه افهم الخواجة كيف انو الكلام ده فارغ و ما مهم لكن لذيييييذ
--------------
والكندقة في لغة هذه الجبال تعنى الشلح ...
قطعتو رزقنا
اشراقة ما تشتمى اصحابي .... اسه عماد ده شكلو einverstanden ؟ دى بالغتى فيها
اعتذري ليهو قدامى... يلا فالحة
Post: #214 Title: Re: مذكراتي لـ 08|03|04 حصريا علي الاقل Author: خدر Date: 03-11-2008, 03:39 PM Parent: #213
Quote: Sei Gebefreudig und grosszugig
فرصة شامية
_______ وشامية .. شابه لا حظ لها من الجمال او التعليم. اجلسها اهلها لـ مهام ترتيب المنزل دوناَعن شقيقاتها الاخريات. الشقيقات حصلن علي وظائف تكفي للمساهمة في أعباء المنزل و اكتظاظ ارفف دواليبهن بالكريمات و العطور او قل مستحضرات المرأة. و كلما سألتهن (شامية) مستحضراَ .. قالن .. كريم شنو عليكـ انتي كمان اختار المولي والدتهن في مساء صيفي حزين .. والشقيقات يهلن التراب و ينحن بالحي ووب كانت شامية منهمكة حينها في (جلبطة) شعرها و زندها وقدها بمحتويات الدواليب وهي تتمتم فرصتكـ يا شامية
Post: #215 Title: Re: مذكراتي لـ 08|03|04 حصريا علي الاقل Author: Ishraga Mustafa Date: 03-11-2008, 03:51 PM Parent: #213
Quote: اشراقة ما تشتمى اصحابي .... اسه عماد ده شكلو einverstanden ؟ دى بالغتى فيها
mische nicht zwischen uns ein: Einverstanden ya Esam
Quote: اعتذري ليهو قدامى... يلا فالحة
Entschuldige ya Emad, wirklich, ich werde es NIE wiederholen ich wuerde dich darum bitten, Esam zu sagen, dass Du meine Entschuldigung akzeptiert hast: BITTE
----------- Das ist das Problem ya Esam
--------- Apfel und Zwiebel
Post: #216 Title: Re: مذكراتي لـ 08|03|04 حصريا علي الاقل Author: saif basheer Date: 03-11-2008, 04:38 PM Parent: #215
شلت "quote" من الصفحة الاولى...
لما وصلت هنا (انا احب اخت مداخلاتي - على قلتها - في آخر البوستات).. نسيت العايز اكتبو!!
فضححكت... وسكت(ت) أو سكتُّ...
تحيات لخدر واسمهان ولقاء وخالد
Post: #217 Title: Re: مذكراتي لـ 08|03|04 حصريا علي الاقل Author: Emad Abdulla Date: 03-11-2008, 05:02 PM Parent: #216
عصام .. أنا داير einverstanden مع شامية .. إشراقة خاينة , طلعتني إرنقتنق .. لولا خوّة ود التوم الفنجري .
إنت يا عصام عشان صاحبي ظبِط einverstanden مع يوسف الطهار .
.... ( حبشي جارنا , عمنا ( ح ) و ولدو ( ع ) أتطافقو و هم طاشين .. عمنا الحبشي شالتو الهاشمية و دخل يفض الإشتباك , الأبو و ولدو مسكو الزول دقو دقة . بقى بعد داك تجي السيرة يقول ليك : ما يعملم إحترام ولّلاي .. إتنينكم الخاينين .. إنتكم و ألولد و ألأبو , ساح ولّلاي ؟ ) .
نحنا قلنا ليهو ساح .
Post: #218 Title: Re: مذكراتي لـ 08|03|04 حصريا علي الاقل Author: معتصم دفع الله Date: 03-11-2008, 06:10 PM Parent: #1
انت يا طارق ما تعملو ايقونة تنبيه للبوستات السمحة الزي دي .. ترسل اوتوماتيك للناس الزينا البجو يتاقو للمنبر كل شوية .. تاريخ فتح البوست دا والأيام التي تلته درجة الزهجة كانت ألـ1000ـف .. لكن أن تأتي متأخراً أحسن من تفوتك حاجة حلوة زي دي ..
بعدين في شمشرة زي النوع البقول ليك .. أها العرس متين طبعاً مع مراعاة فارق التوقيت .. والحالة الانت فيها ..
أبقو طيبين كلكم ..
Post: #219 Title: Re: مذكراتي لـ 08|03|04 حصريا علي الاقل Author: خدر Date: 03-11-2008, 07:45 PM Parent: #218
Quote: Apfel und Zwiebel
حرجة
سيفو احمدوا الله آناء الليل و اطراف النهار علي نعمة النسيان
معتصم يا زول ما تشوف شر الزهج تداويهو بالمذكرات الشباب ديل متكسرين في البوست ده قايل فوق شنو ؟ ما عشان القشر ده زاتو .. اها اتفضل .. ارمي بياضكـ
______ معتصم جرح تمبس ما طاب لسه ؟
Post: #220 Title: Re: مذكراتي لـ 08|03|04 حصريا علي الاقل Author: Ishraga Mustafa Date: 03-11-2008, 07:57 PM Parent: #219
Quote: معتصم جرح تمبس ما طاب لسه ؟
Post: #221 Title: Re: مذكراتي لـ 08|03|04 حصريا علي الاقل Author: Emad Abdulla Date: 03-11-2008, 07:59 PM Parent: #219
Quote: Apfel und Zwiebel
نحنا : يا الداخل بين البصلة و قشرتا . الشوام : يا الداخل بين التفاحة و قشرتا . الهولنديين : يا الداخل بين الوردة و ريحتا .
..... القافية حرجة .
Post: #222 Title: Re: مذكراتي لـ 08|03|04 حصريا علي الاقل Author: fadlabi Date: 03-11-2008, 08:17 PM Parent: #221
يقولوا ليكم عدة ونستكم كلها تبقى عدة
يقولوا ليكم كوارع تحكوها مع البوست لمن يآمن
أها تاني شنو
دفس بدون نفس
Post: #223 Title: Re: مذكراتي لـ 08|03|04 حصريا علي الاقل Author: Gazaloat Date: 03-11-2008, 09:00 PM Parent: #222
Quote: نحنا : يا الداخل بين البصلة و قشرتا . الشوام : يا الداخل بين التفاحة و قشرتا . الهولنديين : يا الداخل بين الوردة و ريحتا .
ناس فلانة الفوق دى : ياداخل هذا الدار... صلى على النبى المختار
----------------
قالت مـُشتاقــَة وماعـِرفــَتْ معنى الاشواق الدفــَّاقة ولا ضَاقــَتْ فى الحلقوم طعم الروح الحرَّاقة ولا شافت دمعة بتسلخ نفسها من عيناً رقراقة ولا سِمـْعَـتْ قلبا تتلخبط نبضاتو الدَقــَّاقة ولاحتى قــَرَتْ عن جسماً تمرُق منو العافية عـَلـَى اطلاقها ولا حَســَّتْ بى عقلا تِنْشـَلَّ خلاياهو وتتفتفت تبقى دُقاقة
فقال الشاعر: استغفرتك يامالك روحى
Post: #224 Title: Re: مذكراتي لـ 08|03|04 حصريا علي الاقل Author: Emad Abdulla Date: 03-11-2008, 10:08 PM Parent: #223
Quote: ياداخل هذا الدار... صلى على النبى المختار
To Fadlabi ... with love
..... الفكي صلي .. ما بصلي .. جيبو السوط : اللهُ أكبر .
Post: #225 Title: Re: مذكراتي لـ 08|03|04 حصريا علي الاقل Author: fadlabi Date: 03-11-2008, 10:10 PM Parent: #224
التقول أول زول يغسل عدة
عماد قالوا: خدرا و طويلة.. فريع البان قايمة من الوطا.. كيف الدخان تقول ما خلكا الله سوها ألمان
Post: #226 Title: Re: مذكراتي لـ 08|03|04 حصريا علي الاقل Author: خدر Date: 03-11-2008, 10:22 PM Parent: #225
Quote: To Fadlabi ... with love
Quote: التقول أول زول يغسل عدة
____________ البوست ده بقا لذيذ
Post: #227 Title: Re: مذكراتي لـ 08|03|04 حصريا علي الاقل Author: ibrahim kojan Date: 03-11-2008, 11:09 PM Parent: #226
كوجان عليك بمراجعة الدرس الاول فى المطالعة- عامل لى فيها امرؤ القيس- فى زول ينطق القاف دى لمن يعمل لكوجانه وجع حلقوم
----
ماتدخل بين البصلة وقشرتها حتى كان ماعندها قشرة- او فى قشرة والبصلة مافى
------
عشان الكوجنة دى بقينا نرد صباحى
------ البصلة: شامية رضى الله عنها لعنادها الميمون- عجبنى ليك يا المنطط عينيك قال شامية قال
Post: #234 Title: Re: مذكراتي لـ 08|03|04 حصريا علي الاقل Author: Ishraga Mustafa Date: 03-12-2008, 08:07 AM Parent: #225
فاضلابى
تصدق انت الفيهم
----
غسل وعين الله ترعاك من الحاسدين
------
اما السودانية فالتغسل لمن قلبها ينقطع ماهى خلقوها اصلا لغسيل العدة وتوابعها {النقة}- غسلوا العدة بنبطل النقة
Post: #233 Title: Re: مذكراتي لـ 08|03|04 حصريا علي الاقل Author: Ishraga Mustafa Date: 03-12-2008, 08:04 AM Parent: #223
Quote: قالت مـُشتاقــَة وماعـِرفــَتْ معنى الاشواق الدفــَّاقة ولا ضَاقــَتْ فى الحلقوم طعم الروح الحرَّاقة ولا شافت دمعة بتسلخ نفسها من عيناً رقراقة ولا سِمـْعَـتْ قلبا تتلخبط نبضاتو الدَقــَّاقة ولاحتى قــَرَتْ عن جسماً تمرُق منو العافية عـَلـَى اطلاقها ولا حَســَّتْ بى عقلا تِنْشـَلَّ خلاياهو وتتفتفت تبقى دُقاقة
ماعندها دم وحاة النبى
-------
بل دمها تقيل
Post: #228 Title: Re: مذكراتي لـ 08|03|04 حصريا علي الاقل Author: ابراهيم عدلان Date: 03-11-2008, 11:30 PM Parent: #1
Quote: ____________ البوست ده بقا لذيذ
___________ يقوم بكري يلغي الماسنجر
Post: #229 Title: Re: مذكراتي لـ 08|03|04 حصريا علي الاقل Author: Emad Abdulla Date: 03-12-2008, 04:59 AM Parent: #228
Quote: خدرا و طويلة.. فريع البان قايمة من الوطا.. كيف الدخان تقول ما خلكا الله سووها ألمان
ماشفتو بيتحرش بي خدوري كيف قال أيه ؟ قال : عارفني داير أقول ليه شنو ؟
الفيك بادر بي يا جزولوت
يا عماد البت شروق دي ساكنة غرب محطة الشجرات على تخوم ابريش على بعد خطوات من آل ابوالعزائم والفكي محمد أحمد وإبنه شيخ سيف يعني فيها مسحة ديامية متأخرة فأعمل حسابك
Post: #236 Title: Re: مذكراتي لـ 08|03|04 حصريا علي الاقل Author: Ishraga Mustafa Date: 03-12-2008, 08:12 AM Parent: #231
Quote: فأعمل حسابك
وقال ابوساندرا القول الفصل- من اين لك بهذه الخبرات يا بركات رشيدة
Post: #232 Title: Re: مذكراتي لـ 08|03|04 حصريا علي الاقل Author: معتصم دفع الله Date: 03-12-2008, 07:40 AM Parent: #1
Quote: معتصم جرح تمبس ما طاب لسه ؟
شديد الحمد لله ..
غايتو أنا من ما قريت البوست دا أمس .. جريت لي عنقريب هباب وإتكيت ..
Post: #237 Title: Re: مذكراتي لـ 08|03|04 حصريا علي الاقل Author: Ishraga Mustafa Date: 03-12-2008, 08:16 AM Parent: #232
Quote: شديد الحمد لله ..
والله يامعتصم انت برىء بشكل
==== زول يكون قاعد وسط ناس كوجان وجماعة كدى - محمد معانا ماتغشانا- يكون بالبراءة دى
Post: #241 Title: Re: مذكراتي لـ 08|03|04 حصريا علي الاقل Author: معتصم دفع الله Date: 03-12-2008, 08:34 AM Parent: #237
Quote: والله يامعتصم انت برىء بشكل ==== زول يكون قاعد وسط ناس كوجان وجماعة كدى - محمد معانا ماتغشانا- يكون بالبراءة دى
والله يا إشراقة خفت أفلّت .. الزول دا جرحو يزيد وتجي فيني أنا المسكين دا ..
Post: #254 Title: Re: مذكراتي لـ 08|03|04 حصريا علي الاقل Author: Ishraga Mustafa Date: 03-12-2008, 09:44 PM Parent: #241
Quote: والله يا إشراقة خفت أفلّت ..
يامعتصم يا اخوى قول قولك كل زول هنا شايت براهو فى اتجاه مايخدم الوحدة الوطنية التاريخ ممكن تسأل منو عماد- كان مانسى وسهى- اصلو الكبر دخل عليهو { كدى خليهو ينكر}
ولتمبس بمناسبة الشفاء اهديهو باسم جمعكم الكريم يا اخوانى الاعزاء اغنية بصوت رخيم نطف اضنيننا من تراب الحزن...فى ندوة هولندا- بارك الله فى اخونا خالد الحاج ماقصر مايقصرن ايامك يابابا
Post: #240 Title: Re: مذكراتي لـ 08|03|04 حصريا علي الاقل Author: اساسي Date: 03-12-2008, 08:34 AM Parent: #232
غايتو الشيوعين ديل وناسين جنس ونسة
شكيتكم علي الله
حاجاتكم عندكم طاعمة خلاص ..
يوم ضيوف المراة العالمي ويوم تحرير عدة المطبخ ...
ونفس الحاجات دي لما يتكلموا عنها اخوانا في الله
تجيك روح معنوية تقرب تأخد ليك (سيخة) ما تخلي اسكيرت حايم
ياخي والله الموضوع بسيط
انتو غسلوا العدة واخوانا يغسلوا وراكم
ياخي والله البوست جاب لي شجاعة ادبية مستعد اغسل بيها عدة سمايتين وعرس او كما قال عصام ولا منو ما متذكر
ــــــــ
قالوا المراة الحوامة يدها طاعمة ( مثل اسفيري) بمناسبة 8/ مارس
Post: #242 Title: Re: مذكراتي لـ 08|03|04 حصريا علي الاقل Author: Ishraga Mustafa Date: 03-12-2008, 08:41 AM Parent: #240
هللوا يارجالة بوستينا جاب لينا اساسى الاساسى
Quote: غايتو الشيوعين ديل وناسين جنس ونسة
اليسارين واليمنين يتفقون فى عدم غسيل العدة عاشت قوى التغيير نحو البداية الصاح
--------- عرس الملك قرب وهناية قربت تلد مادام جابت ليها شجاعة ادبية- مثل اساسى
Post: #243 Title: Re: مذكراتي لـ 08|03|04 حصريا علي الاقل Author: اساسي Date: 03-12-2008, 08:59 AM Parent: #242
اشراقتنا
صباحات الله بي خيرن
Quote: اليسارين واليمنين يتفقون فى عدم غسيل العدة
ياخي انا القدامك موش معدود يمينين لكن وحاة الخوة من يوم عرست العدة الغسلتها في سنتين وانا عزابي خمسة سنين ما غسلت ربعها
ــــــــ
اعذريني لحظات اطلع الهدوم من الغسالة واواصل
Post: #244 Title: Re: مذكراتي لـ 08|03|04 حصريا علي الاقل Author: Emad Abdulla Date: 03-12-2008, 09:01 AM Parent: #242
Quote: واخوانا يغسلوا وراكم
أساسي .. أساااااااسي .. سامعني ؟؟ .. لو سامعني هِز راسك .. أساسي !!!.. إحم إحم .. إحمممممممم .. إحمممممم ..
.... الله يفضحك .. عامل أضانك التقيلة دي .
Post: #245 Title: Re: مذكراتي لـ 08|03|04 حصريا علي الاقل Author: اساسي Date: 03-12-2008, 09:04 AM Parent: #244
لقطها يا مكار
Post: #246 Title: Re: مذكراتي لـ 08|03|04 حصريا علي الاقل Author: خدر Date: 03-12-2008, 11:23 AM Parent: #245
Quote: وبتنور الوجه.....
عليكم بها يامعشر المتداخلين...
____________ كوجان .. افرز
Post: #247 Title: Re: مذكراتي لـ 08|03|04 حصريا علي الاقل Author: Ishraga Mustafa Date: 03-12-2008, 12:36 PM Parent: #246
Quote: كوجان .. افرز
Post: #248 Title: Re: مذكراتي لـ 08|03|04 حصريا علي الاقل Author: fadlabi Date: 03-12-2008, 12:44 PM Parent: #1
أفرز أفرز..
انتوا بس أقعدوا لجنس ده
مرة كان في واحد..
Post: #249 Title: Re: مذكراتي لـ 08|03|04 حصريا علي الاقل Author: ibrahim kojan Date: 03-12-2008, 01:35 PM Parent: #248
فاضلابي ...
مره كان في واحد ما فرز......................
Post: #250 Title: Re: مذكراتي لـ 08|03|04 حصريا علي الاقل Author: Gazaloat Date: 03-12-2008, 06:38 PM Parent: #249
Quote: يقوم بكري يلغي الماسنجر
لم اكن قد علمت بان الماسنجر قد عاد. وقد اصبح عندنا من المألوف ان نفتح الصفحة وننزل مباشرة الى عناوين البوستات دون ان نلتفت الى المساحة المخصصة للتنبيه بأن لديك رسالة ماسنجر. وقعت عيناى على طرف عنوان للتهنئة بعودة الماسنجر دون ان اشعر تدحرجت الى اعلى الصفحة فاذا بى افاجأ بالايقونة اياها!! قلت لنفسى هلاَّ.. هلاَّ.. عاد الماسنجر وعادت معه رياح المراسلات الطاعمة ... ورحت امنى النفس بماسنجرات من ناس فلانة و..فلانة .. وفلانة.. خصوصا وانا اعانى هذه الايام .. والايام السابقة.. بل والسنوات السابقة كلها من حرمان عاطفى مزمن.. وهيأت نفسى لاستقبال افواج الفرح المنهمرة بإّذن الله من بين اصابع الموز..( حقوق النشر محفوظة للاعمى ابوساندرا) ورحت اتخيلهن وهن جالسات الى كيبورداتهن... بل ووالله.. اكاد اجزم بأنى قد سمعت بعضا من طقطقة الكيبوردات!!
اول ماسنجر كان من هذا
وتانى ماسنجر كان من..
وثالث ماسنجر كان ...
لاحول ولا قوة الا بالله العظيم....
والله شنباتهم اغلقت على منافذ الشوف والسمع ... يابكرى ... بالله شيل الماسنجر دة وتانى ماترجعو زاتو!! ماعايزينو..
الشى كدايس!!!!
---------- قال الشاعر التسوى بى ايدك... شنو كدا ماعارف
Post: #251 Title: Re: مذكراتي لـ 08|03|04 حصريا علي الاقل Author: Ishraga Mustafa Date: 03-12-2008, 07:12 PM Parent: #250
Quote: والله شنباتهم اغلقت على منافذ الشوف والسمع ...
كامل تضامنى معك .... لكن هن ياتن؟ الكدايس
------ فى ناس جنهم وجن الكدايس اها الحل شنو ياربى الا بكرى يقفل الماسنجر
Post: #252 Title: Re: مذكراتي لـ 08|03|04 حصريا علي الاقل Author: Gazaloat Date: 03-12-2008, 09:06 PM Parent: #251
Quote: فى ناس جنهم وجن الكدايس
وفى كدايس جنهم وجن الناس!!!
[قال الشاعر ياناس... شوفو لى حَلَلْ
Post: #253 Title: Re: مذكراتي لـ 08|03|04 حصريا علي الاقل Author: Ishraga Mustafa Date: 03-12-2008, 09:35 PM Parent: #252
Quote: وفى كدايس جنهم وجن الناس!!!
نضحك بس
--------
بركة سيدى الحسن يضحكم ربى الكريم ويرفع عنك كل الشقا- ياخى اضحكوا حسع الضحكة دى مع الزولة الحلوة دى- مهيرتنا- صاحبة المهيرات مش بمئة كديسة اقصد بمئة درهم/ يرو ---------
مش قلت ليك فى ناس بتخاف من الكدايس
--------
حقوق التصوير محفوظة لتمرتى القيافة وفايتة الناس مسافة
Post: #255 Title: Re: مذكراتي لـ 08|03|04 حصريا علي الاقل Author: Gazaloat Date: 03-12-2008, 10:09 PM Parent: #253
Quote: حقوق التصوير محفوظة
وحقوق الضحك.... برضو محفوظة؟؟!! ولاَّ نسرق؟
------- قال الشاعر
... ياربى هو قال شنو بالضبط؟ نسيت
Post: #256 Title: Re: مذكراتي لـ 08|03|04 حصريا علي الاقل Author: aml gadora Date: 03-12-2008, 10:19 PM Parent: #255
Post: #268 Title: Re: مذكراتي لـ 08|03|04 حصريا علي الاقل Author: aml gadora Date: 03-13-2008, 00:03 AM Parent: #259
نحن ضد الكدايس
...........................وبنحلم بي وطن خالي من الكوارع
Post: #260 Title: Re: مذكراتي لـ 08|03|04 حصريا علي الاقل Author: Emad Abdulla Date: 03-12-2008, 10:36 PM Parent: #256
كدايس و كوارع .. فسيخ .. و شامية .. و سكج بكج ..
في شنو ؟
..... مذكراتك يا ود التوم بقت سوق الديم .
Post: #271 Title: Re: مذكراتي لـ 08|03|04 حصريا علي الاقل Author: aml gadora Date: 03-13-2008, 00:46 AM Parent: #260
Quote: كدايس و كوارع .. فسيخ .. و شامية .. و سكج بكج ..
وحجلة
Post: #257 Title: Re: مذكراتي لـ 08|03|04 حصريا علي الاقل Author: Ishraga Mustafa Date: 03-12-2008, 10:28 PM Parent: #255
Quote: وحقوق الضحك....
محفوظة فى بوست البنات الاحلى والوحش الكاسر
======== الكديسة دى بترمرم فى شنو؟
---
Quote: ... ياربى هو قال شنو بالضبط؟
هو منو؟
Post: #261 Title: Re: مذكراتي لـ 08|03|04 حصريا علي الاقل Author: ibrahim kojan Date: 03-12-2008, 11:04 PM Parent: #257
البوست دا حيرمي بلابيط الكمبيوتر عديل كدا....
كنت بقرا في مداخلة عماد شميت ريحة اللحمه والمراره.......
قمت جبت قزازة الواين وهاك ... علي الريحه.............
_________________________
ومن الروائح ما هق....... هق ابشهيق
الموضوع ما مشي البطن.... طلع في الراس عديل كده
كوارع .. هق هق ...
يا مدد
Post: #262 Title: Re: مذكراتي لـ 08|03|04 حصريا علي الاقل Author: خدر Date: 03-12-2008, 11:09 PM Parent: #257
كالعاده دلفت الي kl.hout weg 16 في تمام الرابعه و 60 دقيقه ياربي ماهذه الفوضي !! كرسي معلق فوق الاشجار صندوق البريد مرمي علي قارعه الطريق الكثير جدا من جثث العناكب تملاء المكان قبعه شرطي لكنها مقاس صغير جدا و غريب حذاء سيدة عجوز كيس تمباك لابد ان (كوا_لفا) قد مر من هنا الليلة الماضية و كوا_لفا يا سادتي قط منحرف .. يدخن البنقو و يسف تمباك و يشرب الخمر و يمارس العمل السياسي و ملتزم باللائحه و البرنامج وكان ايضاء يعشق (مممم_ سي) الجميلة و (مممم_سي) هي اجمل الكديسونات علي الاطلاق . فازت بلقب جميلة هارم للسنه الـ72 علي التوالي ( يقال انها تفوز بالغش و مساعده (كوا_لفا) انها قطه ساخنه جدا و معبوده (كوا_لفا) الشرس و (كوا_لفا) كان شديد البطش و يحسب له العفاريت 1453875 حساب فهو لا يتورع عن عمل شي في سبيل (مممم_سي) و قناعاته السياسيه يعتمد في كل هذا علي ثراء فاحش ورثه من جده الاكبر مؤسس هارلم القديمة هارلم مدينة يرجع تاريخ تاسيسها الي حرب القراصنة التانية بعد التحرير و استيلاء (سمو_لا) علي ميناء روتردام و انفراده بالقيادة و انحرافه عن البرنامج .عندها عسكر جد كوا_لفا في ميناء هارلم الصغير و استولي عليه معلومه جاده جدا هارلم كانت من اكبر اسواق الرقيق في اوربا حينذاك و كان الرقيق وقتها ابيض يجلب من مختلف انحاء اوربا و العالم و اهل هارلم مشهورون بالتجاره و البخل وقراه الصحف اليوميه.
___________ صفحة من (هارلم مدينة الكدايس و العفاريت).
Post: #263 Title: Re: مذكراتي لـ 08|03|04 حصريا علي الاقل Author: خدر Date: 03-12-2008, 11:16 PM Parent: #262
كان لابد من ان اعبر مسافة 3 كيلو مترات بالدراجه الهوائيه حتي اصل الي charta_vart 70 و بالطبع لابد من المرور ب Hannie schaft st و هاني هذا هو بطل معارك التحرير العظيم .. حييت الشارع يتلويحه من يدي فردت العناكب باحسن منها و انشدت انشوده lang lang leve فضبط نفسي و انا في حاله انتشاء و خستكه اؤدي التحيه العسكريه للقائد العظيم .. قالت لي احدي العناكب الغير جاده .. مثلت فينا فصول والله يا انسان قالتها و هي تقلب الهوبا.. رافعه لاحدي ارجلها الخلفيه .. استطراد ضروري .. كانت تلك هي الطريقه العنكبوتيه في المغازله. لاحقا و عند سؤالي عن هذه العنكبه المغناجه عرفت انها تعرضت للاغتصاب في سن مبكره و منذئذ و هي لا تفارق هذه العاده توحدت العناكب في شرائط مستطيله بمحاذاة الشارع .. تماسكت ايديها و هي تنشد بطول حياه البطل هاني و ايضا تغني ياقائد الاسطول.. تخضع لك الفرسان ياذو الفخار و الطول ارحم بني الاسبان وبداء الحفل ياخذ ملامحه في Hannie schaft st
تكلت العجله .. ووقفت بجانب الجدار فاغرا فاهي فرحاَ .. هاهي العناكب ترد الاعتبار احتفاليا للبطل الذي دحر الاسبان في معارك التحرير .. بعض المندسين هتفو بحياة (كوا_لفا) المعتقل.. النشيد يتعالي حانت مني التفاته.. بعض العفاريت متكئه علي صناديق القمامه متفرجه اووووبس .. لقد ضاعت مني دقيقه و 31 ثانيه بسبب هذا الاحتفال اللعين .. يجب ان اواصل عملي قدت دراجتي و كلما ابتعدت عن مكان الفوضي تعلق صوت الغناء باذني اكثر و كانني لم اغادر .. تلفت خلفي فوجدت الاحتفال يسير خلفي حتي استحال الي مظاهره عارمه
الاحتفال يسير خلفي الاحتفال يسير خلفي
رن جرس محمولي كانت زوجتي علي الطرف الاخر ما تنسي الحليب حاضر .. دي شنو الازعاج الجنبك ده ّّ!! ده احتفال بعيد ميلادي لكن عيدميلادكـ في اغسطس !! ايوه بس ناس الشغل اصروا الا يحتفلو بي انت جادي ؟؟ طبعا .. انت نسيتي اني حسن السير و السلوك
_____________ صفحة تانيه
Post: #264 Title: Re: مذكراتي لـ 08|03|04 حصريا علي الاقل Author: ibrahim kojan Date: 03-12-2008, 11:31 PM Parent: #263
ديييييييييييييييييييييييينك.................
خدوري
Post: #266 Title: Re: مذكراتي لـ 08|03|04 حصريا علي الاقل Author: Ishraga Mustafa Date: 03-12-2008, 11:55 PM Parent: #264
Quote: اما الكديسة ....................فقد كانت الرأس المدبر
كدى سمعتى النصيحة وقللتى المحلبية- قلتى لى قمرة؟
أمل مشتاقيين ياختى... بانت سعاد الحلوة فى سوق الديم
اختراق أمنى بالله حدث؟ ده غايتو من زول كدى لو جبنا اسمه الهواء بقسموا= ياحليل زمن الصبا الاول
Post: #273 Title: Re: مذكراتي لـ 08|03|04 حصريا علي الاقل Author: خدر Date: 03-13-2008, 12:27 PM Parent: #272
Quote: منى الممسوخة لمن نتشاكل بتهددنا انها بالليل حاتتقلب كديسة وتخربشنا وتشرب لبن ابوى....
هدف (مني) واضح ولا ذنب للكدايس هنا
______________ اللبن المستهدف قطع شكـ
Post: #274 Title: Re: مذكراتي لـ 08|03|04 حصريا علي الاقل Author: fadlabi Date: 03-13-2008, 01:32 PM Parent: #273
اللبن مستهدف شنو يا طارق ياخ؟ مستهدف الزول الأبو ليه بيه يا اللبن أبو ليه بيه
أريته بالخلخال
Post: #275 Title: Re: مذكراتي لـ 08|03|04 حصريا علي الاقل Author: ابراهيم عدلان Date: 03-13-2008, 01:56 PM Parent: #1
Quote: وتخربشنا وتشرب لبن ابوى....
لبن ابوك كان في بستلة؟
_____________ واللا ابوك كان سيد اللبن.....
Post: #276 Title: Re: مذكراتي لـ 08|03|04 حصريا علي الاقل Author: Emad Abdulla Date: 03-13-2008, 02:26 PM Parent: #275
Quote: وتشرب لبن ابوى
أبو .. و يشرب لبن ؟؟
...... إشراقة بت الفكي ..
Post: #277 Title: Re: مذكراتي لـ 08|03|04 حصريا علي الاقل Author: aml gadora Date: 03-13-2008, 05:58 PM Parent: #276
Quote: اختراق أمنى بالله حدث؟
يعني عارفة وساااااااكته
الظاهر عليك بعتي القضية
Post: #278 Title: Re: مذكراتي لـ 08|03|04 حصريا علي الاقل Author: elsawi Date: 03-13-2008, 06:56 PM Parent: #277
Quote: لبن ابوك كان في بستلة؟ واللا ابوك كان سيد اللبن.....
ارجح الأخيرة يا ابراهيم عدلان لأنو الأبوات ديل كلهم بقرطعوا لبنهم ويفضوا بستلاتهم ويمسحوا شنباتهم قبال ما ينوموا، ده غير النوع البقوم يلف في البيت بالليل عشان يتأكد من انه العيال اتخمدوا ناموا واتغطوا كويس وغير النوع البقوم مع الأذان يفتح ليك الدش شووووو في راسو عشان يلحق الصبح في الجامع فما اظن انه الكدايس ممكن تلقى ليها في لبنهم فرقة ..
Post: #279 Title: Re: مذكراتي لـ 08|03|04 حصريا علي الاقل Author: أبو ساندرا Date: 03-13-2008, 07:23 PM Parent: #1
Quote: إذن سابقى كديسة....
تااااني يا إشراقة ؟ سوف نعدل عنوان البورد ليصير { كديستان زثلاث فارات }
أكتر حاجة عاجباني هنا الإنقلاب الناجح المنفذ من قبل الكدبستين شروق واملوفا وبموجبه إستوليا على ما كان يعرف بمذكرات خدوري
Post: #280 Title: Re: مذكراتي لـ 08|03|04 حصريا علي الاقل Author: aml gadora Date: 03-13-2008, 07:59 PM Parent: #279
Quote: أكتر حاجة عاجباني هنا الإنقلاب الناجح المنفذ من قبل الكدبستين شروق واملوفا وبموجبه إستوليا على ما كان يعرف بمذكرات خدوري
الانقلاب ده الخطة الاولى
مشروعنا اكبر من كده...................
Post: #281 Title: Re: مذكراتي لـ 08|03|04 حصريا علي الاقل Author: Gazaloat Date: 03-13-2008, 08:30 PM Parent: #280
Quote: لبن ابوك كان في بستلة؟ واللا ابوك كان سيد اللبن.....
تعرف يالصاوى ود عدلان ذا ليس اقل خبثا من الحبرتجية ( ود عبد الله وود جبر الله) لكى تعرف اصل الموضوع راجع اللنك هذا
Post: #282 Title: Re: مذكراتي لـ 08|03|04 حصريا علي الاقل Author: خضر حسين خليل Date: 03-13-2008, 10:56 PM Parent: #1
ألا بزكر الكوارع تطمئن الــ
غايتو ناس يمرقوك من دينك ويدخلوك دين الكوارع
..................
قال (الشارع)
أنا ىهسي باكل في كوارع
Post: #283 Title: Re: مذكراتي لـ 08|03|04 حصريا علي الاقل Author: ibrahim kojan Date: 03-13-2008, 11:03 PM Parent: #282
جيت يا خضر هسع بعد من الكوارع خلصت والعضام تحولت الي اسلحة دمار شامل
قول احم الهبشك ما ضراك...
امسك الخشب
هنا في تكتلات رهيبه ومكايد بس ما يصيبك الرزاز من .. الضرب تحت الركب واشياء من هذا القبيل..
ووووووووبس!!!!!
Post: #284 Title: Re: مذكراتي لـ 08|03|04 حصريا علي الاقل Author: Ishraga Mustafa Date: 03-13-2008, 11:19 PM Parent: #283
ياسلااااام
ظهرت ياخدر الساهى!!
اشواق مطر ياود بطنى
--------
امل كيفنك مع العصابة يادوب جاية البيت من ندوة دايرة ليها كلام براه
اكلوا واكلن على حسى من بوفية اريتو يايمة فى حشا الحبيب زى مابقولن البنات البيحبن
Post: #285 Title: Re: مذكراتي لـ 08|03|04 حصريا علي الاقل Author: Ishraga Mustafa Date: 03-13-2008, 11:30 PM Parent: #284
Quote: الشىء كدايس؟
بلى....
Post: #286 Title: Re: مذكراتي لـ 08|03|04 حصريا علي الاقل Author: طارق جبريل Date: 03-13-2008, 11:52 PM Parent: #1
تعرف يا خدر بوستاتك بحب اقراها من غير ما اكتب لانه بحس انه كتابتي كلها خرمجة
بس حبيت اقوليك انا بحب الزول الحكاي شديد وبتذكر التفاصيل*
محبتي الاكيدة
________________________ * كنت بحب حبوبتي جدا عشان بتحكي تاريخ ما مكتوب
Post: #287 Title: Re: مذكراتي لـ 08|03|04 حصريا علي الاقل Author: Emad Abdulla Date: 03-14-2008, 00:30 AM Parent: #286
( أقبلَ الليلُ و صمتُ الليلِ طالَ و ضياءُ البدرِ في الأفقِ تلالا و الربىَ ألقتْ حوالينا الظلالَ ثم ذابَ الموجُ في الشطِ و سالَ قلتُ و الكأسُ لديكَ و يديَ في خصلتيكَ هاتها من مقلتيكَ و اسقني من شفتيكَ خمرةً منها ارتوينا ) ..
..... الغياب عزّ العرب يا صاحب .. لا كلام يقال .
Post: #288 Title: Re: مذكراتي لـ 08|03|04 حصريا علي الاقل Author: خضر حسين خليل Date: 03-14-2008, 10:36 AM Parent: #1
أخبار الكديسة الفي النص
شنو ياخوانة
إشراقة : واحشاني وحاتك
Post: #289 Title: Re: مذكراتي لـ 08|03|04 حصريا علي الاقل Author: aml gadora Date: 03-14-2008, 12:53 PM Parent: #288
Quote: امل كيفنك مع العصابة يادوب جاية البيت من ندوة دايرة ليها كلام براه
الكلام البراء ده مش اتفقنا نقولو هناك ؟؟؟
انا مابفسر ..................وانتي ماتقصري
Bitte keine Panik
Post: #291 Title: Re: مذكراتي لـ 08|03|04 حصريا علي الاقل Author: Ishraga Mustafa Date: 03-14-2008, 01:13 PM Parent: #289
Quote: Bitte keine Panik
Esam komm schnell ya Farda
Aml kann Deutsch
Es ist schon eine Panik und sogar Heikl
Aml, wo hast Du Deutsch gelernt? In -where are you from ya honig
Post: #293 Title: Re: مذكراتي لـ 08|03|04 حصريا علي الاقل Author: aml gadora Date: 03-14-2008, 01:32 PM Parent: #291
Sie fragen, warum haben
I stammen aus dem Sudan
Post: #295 Title: Re: مذكراتي لـ 08|03|04 حصريا علي الاقل Author: Ishraga Mustafa Date: 03-14-2008, 01:37 PM Parent: #293
Quote: I stammen aus dem Sudan
=====
paß auf mit dem Wort "Stammen" ich mag es überhaupt nicht das ist eine andere Geschichte. Wir sollen unsere eigene Sprache entwicklen ya Frada
Post: #297 Title: Re: مذكراتي لـ 08|03|04 حصريا علي الاقل Author: aml gadora Date: 03-14-2008, 01:56 PM Parent: #295
ich bin in der Stufe eines
------------------------------------------------------------------------------------- اهم اسباب النجاحات العسكرية ..........اخترق مواقع العدو
Post: #290 Title: Re: مذكراتي لـ 08|03|04 حصريا علي الاقل Author: Ishraga Mustafa Date: 03-14-2008, 12:59 PM Parent: #288
Quote: إشراقة : واحشاني وحاتك
وحاتي!!!!
Post: #292 Title: Re: مذكراتي لـ 08|03|04 حصريا علي الاقل Author: عبدالكريم الامين احمد Date: 03-14-2008, 01:19 PM Parent: #290
Quote: Gazaloat
Quote: الكدايس
الفارات 1-عماد 2- عصام جبرالله... (شرحو)
Post: #294 Title: Re: مذكراتي لـ 08|03|04 حصريا علي الاقل Author: Gazaloat Date: 03-14-2008, 01:36 PM Parent: #292
ياعبدالكريم ياخى لا اراك الله فى عزبز لديك
Post: #296 Title: Re: مذكراتي لـ 08|03|04 حصريا علي الاقل Author: Ishraga Mustafa Date: 03-14-2008, 01:47 PM Parent: #292
ياكريم بالله قل خيرا فى امر الكدايس او فالصمت خيرا
0000000000000000 اذ انى وربما نوعيا انتمى لهذه الفصيلة ذات الشنكبة والعنكبة
00000000000 والتبش
Post: #298 Title: Re: مذكراتي لـ 08|03|04 حصريا علي الاقل Author: Ishraga Mustafa Date: 03-14-2008, 02:09 PM Parent: #296
00000000000000 موسيقى الروح Ludwig Van Beethoven
Post: #299 Title: Re: مذكراتي لـ 08|03|04 حصريا علي الاقل Author: aml gadora Date: 03-14-2008, 02:49 PM Parent: #298
Post: #301 Title: Re: مذكراتي لـ 08|03|04 حصريا علي الاقل Author: Ishraga Mustafa Date: 03-14-2008, 06:30 PM Parent: #300
Quote: iang fon zoa itlansou is'h GAZALOT !! ongalo bona .. tolansikan onu Ishraga ?!! Amal .. tonabisat onga toan'e!! Sajami .. Sajami
------ ماعندك عوجة ماتحصل دكين فى سويسرا
Post: #302 Title: Re: مذكراتي لـ 08|03|04 حصريا علي الاقل Author: Emad Abdulla Date: 03-14-2008, 07:03 PM Parent: #301
هو بالله ده سويسري ؟؟
Quote: دكين فى سويسرا
الأدونا ليهو : قريتشن في سويسرا .. !!!! الحيكومة غاشانا الزمن ده كلو ؟؟؟ .
..... روزنامة الخلق : في اليوم السابع .. نام آدم .
Post: #305 Title: Re: مذكراتي لـ 08|03|04 حصريا علي الاقل Author: Ishraga Mustafa Date: 03-14-2008, 08:16 PM Parent: #302
Quote: هو بالله ده سويسري ؟؟
Quote: في اليوم السابع .. نام آدم .
النائم ليها شنو؟ العمر ده كم عشان ينوم
Post: #303 Title: Re: مذكراتي لـ 08|03|04 حصريا علي الاقل Author: aml gadora Date: 03-14-2008, 07:32 PM Parent: #301
Quote: ماعندك عوجة ماتحصل دكين فى سويسرا
وقيل غوانتانامو
Post: #304 Title: Re: مذكراتي لـ 08|03|04 حصريا علي الاقل Author: Gazaloat Date: 03-14-2008, 07:52 PM Parent: #303
Quote: يقال ان بتهوفن استوحى موسيقاه من الابيات دي
قيل ان المرحوم (برخت) كان يداوم على الجلوس مع المرحوم ( بتهوفن) على النيل امام الاذاعة يضربان (الواو) وصدف ان مرت امامهما حسناء كانت تسبح من كوستى فى طريقها الى حلفا وفاء لنذر قديم.
فأنشد برخت: بت العرْكشَابْ فى الموية كيف اوصافها تـَدْبـِتْ للنـَّدُر خلت وراها مسافة دعكت قلبى بى شَعَراً سبيبتو قيافة تلمع ذى سبيك دهب الجمار اردافها
قيل ان هذه الابيات هى التى استلهم منها بتهوفن موسيقاه والله اعلم
----------- قال الشاعر
سكن الجزيرة.. الله لى من ديل
Post: #311 Title: Re: مذكراتي لـ 08|03|04 حصريا علي الاقل Author: Ishraga Mustafa Date: 03-14-2008, 08:41 PM Parent: #304
------
امل انت لساك صغيرة يا اختى الغناء ده للناس الفوق ديل الله يدينا خيرهم
Post: #306 Title: Re: مذكراتي لـ 08|03|04 حصريا علي الاقل Author: Ishraga Mustafa Date: 03-14-2008, 08:21 PM Parent: #303
Post: #314 Title: Re: مذكراتي لـ 08|03|04 حصريا علي الاقل Author: aml gadora Date: 03-14-2008, 08:56 PM Parent: #313
اللحظة ديك ...............طوالي تخشي اقرب صينية وتلفي حولها لمن الله يغفر ليك
======================================================================================= واحد من المساطيل متعود يمشي جنب البحر يدخن سجارتو ... ومتعود يشيل صديقه الفار في جيبه ؟ في السكه صادف ليهو بنت جميله قام شاغلا ... البت زعلت قالت ليهو بكلم ليك ابوي ؟؟واخوي ::: الفار طلع راسو من الجيب وقال ليها لو عندكم كديس برضو كليمهو
Post: #315 Title: Re: مذكراتي لـ 08|03|04 حصريا علي الاقل Author: aml gadora Date: 03-14-2008, 09:06 PM Parent: #312
Quote: المسطول كان فى فيينا؟
خش ترانزيت...........
بس كان ماشي حتة تانية
Post: #316 Title: Re: مذكراتي لـ 08|03|04 حصريا علي الاقل Author: Ishraga Mustafa Date: 03-14-2008, 10:55 PM Parent: #315
Quote: الفار طلع راسو من الجيب وقال ليها لو عندكم كديس برضو كليمهو
قوية لكن يا امل
--------- اولاد حلتنا كان تلاتة منهم بيسطل، ريحة البتاعة دى بتضايقنى لكن ماينتج عنها من ونسات ومعاها صرة العين ويكونن الشلاليف تخنن {مامتنا لكن شقينا المقابر} وتبدأ الونسة لكن قصة المساطيل مع البحر ده شنو؟ اكون بريدهم ياربى عشان هم بريدو البحر
Post: #317 Title: Re: مذكراتي لـ 08|03|04 حصريا علي الاقل Author: Ishraga Mustafa Date: 03-14-2008, 10:57 PM Parent: #315
Quote: خش ترانزيت...........
الحالة!!!!!
Post: #318 Title: Re: مذكراتي لـ 08|03|04 حصريا علي الاقل Author: Ishraga Mustafa Date: 03-14-2008, 10:59 PM Parent: #310
عزرا
Post: #319 Title: Re: مذكراتي لـ 08|03|04 حصريا علي الاقل Author: Ishraga Mustafa Date: 03-14-2008, 11:31 PM Parent: #318
بسم الله والمحبة
وبهذا أعلن انا شقيقة خدر ان المركرات وصلت لمبتغاها ثم جانى مزاج اعمل تحليل لماطرح من ونسات تحمل فى طيأتها عددا من الرسائل الجادة وان جاءت مغلفه بمرح ومزاح بين المشاركين والمشاركات...
الاطار الدلالى المتعارف عليه فى علوم الاتصال ونظرية حارس البوابة ممكن تكون مدخل ايجابى للتحليل مابين المرسل والمستقبل.. مرات المرسل بتحول لمستقبل والمستقبل بيتحول الى مرسل والرسالة مختلفه وتتغير حسب المرسل رجع الصدى واثره فى تقريب المسافة مابين المرسل والمستقبل الشىء الذى يتيح للمرسل تغيير رسالته بما يتيح من اتساع رقعة الاطار الدلالى والذى يعرف بانه مجموع القيم الثقافية التى تربط بين المرسل والمستقبل {مالو الكلام بقى دمو تقيل كدى؟}
دى كانت فكرة.. حبيت اقول ومن خلال مشاركتى النشطة فى هذا البوست حافزى فى ذلك معرفتى اللصيقة بخدر على المستوى الشخصى- صديق واخو جد جد- حمسنى على {الانبهالة}- وساعد على ذلك بعض المداخلات المبهره لناس اعتقد بانى اعرف طريقة تفكيرهم ورؤيتهم للاشياء وموقفهم من الدنيا.. اذ اننى وعموما ومن خلال مشاركاتى نادرا ما اشارك فى بوستات طابعها الونسة الا ان مزكرات خدر حرضتنى خاصة وانى بحب الونسة زى عيونى {العمن} ديل.. شجعنى ان استعداد خدر لاستقبالى ابان زيارتى لهولندا كان حافزا للاستمرار فى الونسة التى اخذت طابعا لطيفا فى العموم وساهمت فى كثير منها من اخراجى من حالة السأم العامة رغم ان شجر فيينا بدأ يلبس فساتينه المزركشة..
النتيجة العامة تقول حسب وجهة نظرى المتواضعة ان النفوس لو تطايبت بتكون اكثر قدرة على معرفة الآخر بطريقة ايجابية تساهم فى ترسيخ مشاعرنا الانسانية كبشر تواق للمحبة والاخاء..
اها ياخدر... لمن تكمل مزكراتك رسل لى منها نسخة وسلم لى على بيتكم الدافىء ومن قبل لروحك الطيبة ولبارعة الحلوة وبارع انسانها...تلك الليلة ونصف اليوم الذى قضيته ببيتكم اعاد الكثير من خضرة الحياة فى قلبى... شكرا لانتزاعكم ضحكاتى واثارتكم المرح فى روحى...
وللاصحاب والاخوان المروا من هنا وتداخلت معهم يبقى بيننا عميق الاحترام وكثير من الود
ومحبة وافية لامل ونتلاقى فى براح انسانى آخر...
Post: #320 Title: Re: مذكراتي لـ 08|03|04 حصريا علي الاقل Author: Hussein Mallasi Date: 03-14-2008, 11:43 PM Parent: #319
الحمد لله.
Post: #321 Title: Re: مذكراتي لـ 08|03|04 حصريا علي الاقل Author: aml gadora Date: 03-15-2008, 02:05 PM Parent: #320
اشراقة
انتي جادة ..؟؟
Quote: اها ياخدر... لمن تكمل مزكراتك رسل لى منها نسخة وسلم لى على بيتكم الدافىء ومن قبل لروحك الطيبة ولبارعة الحلوة وبارع انسانها...تلك الليلة ونصف اليوم الذى قضيته ببيتكم اعاد الكثير من خضرة الحياة فى قلبى... شكرا لانتزاعكم ضحكاتى واثارتكم المرح فى روحى...
وللاصحاب والاخوان المروا من هنا وتداخلت معهم يبقى بيننا عميق الاحترام وكثير من الود
ومحبة وافية لامل ونتلاقى فى براح انسانى آخر...
معقولة بس .............خطبة الوداع دي شنو ؟؟
مااتفقنا على كده
ياترى ده انسحاب معلن من الساحة .........ولا اضراب ؟؟.......ولا ولا
Post: #322 Title: Re: مذكراتي لـ 08|03|04 حصريا علي الاقل Author: Ishraga Mustafa Date: 03-15-2008, 03:45 PM Parent: #321
Quote: معقولة بس .............خطبة الوداع دي شنو ؟؟
مااتفقنا على كده
ياترى ده انسحاب معلن من الساحة .........ولا اضراب ؟؟.......ولا ولا
الامر لاهذا ولاذاك فقط ماذكرت اعلاها
------------
عارفة احلى مافى البوست ده شنو؟ المعلومة اللى عرفتها فقط قبل عشرة دقائق...
انك تطلعى امل قدورة البت الصغيييييرة الكان بيحكى لى عنك شقيقك فى فيينا فى عام 1993 يااااه العالم ده ضيق وصغير بشكل غريب والعولمة دى لو قرضت على التواصل ده بتكون ماقصرت- متين كبرتى وعرستى وولدتى كمان؟ ياربى تحفظك واسرتك وسلمى لى على اسرتك فردا فردا وكيف والدتك- جمالها مدهش- طبعا شفت صوركم كلكم- والحى بيلاقى يابتى- طبعا بعد المعلومة دى بتكونى بتى ونص وخمسة
شكرا عشان عرفتك وخلى بالك من نفسك الحلوة
Post: #323 Title: Re: مذكراتي لـ 08|03|04 حصريا علي الاقل Author: aml gadora Date: 03-15-2008, 04:32 PM Parent: #322
ست الناس
اشرقة
كده الحزن لانسحابك المعلن .........اصبح مختلط بي فرحة تعارفنا
بحترم رغبتك في الابتعاد............بس ياريت تعملي شوية استثناءات
Quote: تطلعى امل قدورة البت الصغيييييرة الكان بيحكى لى عنك شقيقك فى فيينا فى عام 1993
Quote: ومحبة وافية لامل ونتلاقى فى براح انسانى آخر...
زيدي للحسبة فرق السنوات من 93 لي 2008 حتلاقي الحسبة ماشاءالله
Post: #324 Title: Re: مذكراتي لـ 08|03|04 حصريا علي الاقل Author: خدر Date: 03-15-2008, 09:47 PM Parent: #323
- اعتذار عن الغياب القسري والله
- دكين ان صح خبر زواجة فهي اذن غوانتنامو ولا اراكم الله مكروها في (عزيز ) لديكم - ود التوم ابتساماتك بتحكي ابن افصح ? - البوست لسه صامد ولم تسقط سوي بعض الحاميات القصية - امل فكي المسجون - راعي البوست يحيي اللاعبين الجدد
_______ الراعي واعي
Post: #326 Title: Re: مذكراتي لـ 08|03|04 حصريا علي الاقل Author: aml gadora Date: 03-15-2008, 09:55 PM Parent: #324
البيت محروس وستو تكوس
Post: #325 Title: Re: مذكراتي لـ 08|03|04 حصريا علي الاقل Author: حسين محي الدين Date: 03-15-2008, 09:53 PM Parent: #1
Quote: لحسن الحظ صديقي ليس من هواة سودانيزاونلاين
دي تبقى قطيعة خدر تحيات طيبات
Post: #327 Title: Re: مذكراتي لـ 08|03|04 حصريا علي الاقل Author: fadlabi Date: 03-15-2008, 10:07 PM Parent: #1
Quote: البيت محروس
شن الحراسة يا يمة
Post: #328 Title: Re: مذكراتي لـ 08|03|04 حصريا علي الاقل Author: aml gadora Date: 03-15-2008, 10:23 PM Parent: #327
Quote: شن الحراسة يا يمة
الحراسة انواع ...........(ابتسامة باهتة.........وربما صفراء)
Post: #329 Title: Re: مذكراتي لـ 08|03|04 حصريا علي الاقل Author: aml gadora Date: 03-15-2008, 10:44 PM Parent: #328
في حراسة بتكون كده ...........
Post: #330 Title: Re: مذكراتي لـ 08|03|04 حصريا علي الاقل Author: aml gadora Date: 03-15-2008, 10:51 PM Parent: #329
وفي نوع حراسة بالشكل ده
والنوعين ديل بيتسمو الحراسة المنطقية
Post: #331 Title: Re: مذكراتي لـ 08|03|04 حصريا علي الاقل Author: aml gadora Date: 03-15-2008, 10:57 PM Parent: #330
النوع الثالث بيتسمى الحراسة الغير ممنطقة وفيها مابتعرف منو الحارس ومنو المحروس
مثال
Post: #332 Title: Re: مذكراتي لـ 08|03|04 حصريا علي الاقل Author: Gazaloat Date: 03-15-2008, 11:02 PM Parent: #331
كدا كيف؟
Post: #333 Title: Re: مذكراتي لـ 08|03|04 حصريا علي الاقل Author: aml gadora Date: 03-15-2008, 11:13 PM Parent: #332
ده اسمو تخطيط عسكري بعيد المدى
Post: #334 Title: Re: مذكراتي لـ 08|03|04 حصريا علي الاقل Author: Gazaloat Date: 03-16-2008, 00:23 AM Parent: #333
ودا اسمو شنو؟
Post: #335 Title: Re: مذكراتي لـ 08|03|04 حصريا علي الاقل Author: aml gadora Date: 03-16-2008, 09:50 AM Parent: #334
ده اسمو البحث عن هدف؟؟؟؟
Post: #336 Title: Re: مذكراتي لـ 08|03|04 حصريا علي الاقل Author: خدر Date: 03-16-2008, 11:31 AM Parent: #335
Quote: النتيجة العامة تقول حسب وجهة نظرى المتواضعة ان النفوس لو تطايبت بتكون اكثر قدرة على معرفة الآخر بطريقة ايجابية تساهم فى ترسيخ مشاعرنا الانسانية كبشر تواق للمحبة والاخاء..
جنك تلخصي الونسه من زماااااان ياربي ده عندو علاقة بالنوع (انتو وين الجندرية بالمناسبة )
ام واصل انا الكنت سعيد بي مروركم اللطيف عليكم الله كرروها كتير الحركة دي لذيذه
منتظر تحليلك و اعد بالمساهمة في رفد النقاش
تمنياتي الشديده انك تواصلي رحلتك بنفس الطاقة التي غادرتنا بها فقط كي يطئن قلبنا
كوني بخير يا شقيقتنا
_______ لا املك كيبورد عربي و اعتمد علي التنقير بالماوس
Post: #337 Title: Re: مذكراتي لـ 08|03|04 حصريا علي الاقل Author: خدر Date: 03-16-2008, 07:18 PM Parent: #336
امل محروس بي اسيادو .. انا خليني ساي اليومين ديل شغل حتي في الوييك اند
... نقاطة ... عندهم اصحابهم واحد اسمو الكراون ده صوار جدا 
...
