Post: #1 Title: كل يوم نكتة......... Author: بابكر التوم Date: 02-28-2008, 01:04 PM Parent: #0
الضحك هو شكل من اشكال التعبير الذى يوصف بانة رد فعل فسيولوجى نتيجة للمرور بخبرة ما مثل سماع نكتة أو عند مداعبة . قد تتسبب نوبات الضحك القوية فى ان تخرج دمعة من العين . او تحدث الم فى بعض عضلات الجسم. والضحك هو جذء من السلوك الانسانى الذى ينظمة المخ . وتساعد هذة العاطفة الشعورية الايجابية من الدرجة الاولى الانسان على ان يوضح نواياة فى اطار التفاعل الايجابى . كما يتبلور بالضحك احدى جوانب الاتصال والمشاركة مع الاخرين. فهوالعلامة التى تشير الى تواجد الانسان فى المجموعة الاجتماعية كما أنة اشارة الى قبولة للتفاعل الايجابى بين والاخرين . وكشفت الدراسات بانة توجدللضحك اثار مفيدة لجسم الانسان يسمى بعلم (Gelotology) . وضحك شخص قد يحفز ضحك الاخرين من حولة ناسف للاطالةهذة دعوة للجميع بان يشارك معنابالكتابة باى نكتة سمعها بالبوست دا لتكون واحة نستريح بها. ومهما كانت النكتة لها وقع للمتلقى وذلك لتباين الناس للاستجابة والنكتة وحتى الطرفة والموقف . ونبدا بنكتة فى موظف بتاع سيجارات (مسطول) شغال احدى الوزارات المطلة على شارع النيل زميلة لاحظ بان المسطول دا كل يوم الصباح بجى مصلح صاح بس فى حاجة غريبة بكون الجذء السفلى لبنطلونة وجزمتة اليمنى مبللولة موية . حرقوا الشمار وقال يلا يشوف المسطول دا مويتة شنو قام يوم تابع ليك زولنا اتضح بان صاحبك بلف بابورة(سيجارتة) وبولعة وبمشى على حافة النيل مع همربيب الصباح الحلو داك وبعد ما يخلص السيجار برميها فى الموية و ويطفيها فى الموية برجلة اليمين
Post: #2 Title: Re: كل يوم نكتة......... Author: بابكر التوم Date: 02-28-2008, 01:08 PM Parent: #1
نجوم الهيلا هوب
Post: #3 Title: Re: كل يوم نكتة......... Author: بابكر التوم Date: 02-28-2008, 02:16 PM Parent: #2
نواصل مع المساطيل مسطول ضرب سجارتة وشبكت معاة عندة قدام بيتم شجرة حنة جاب ليك خرطوش الموية وشغال رش ساى مرا مع الريحة قال دى حنة المسطول رد (لا دوخلة)
Post: #5 Title: Re: كل يوم نكتة......... Author: مرتضي عباس Date: 02-28-2008, 02:43 PM Parent: #3
الاخ بابكر التوم. مع المساطيل واحد اشتري سجاره بنقو و لمن شربها قال دي سجاره فشنك لازم امشي اشاكل بتاع البنقو لبس الاسكيرت و البلوزه و جزمه اخته و مشي لبتاع البنقو قال ليه دي سجاره تديني ليها ؟ قال لو اديتك اقوي منها كان جاتك الد......ه
Post: #6 Title: Re: كل يوم نكتة......... Author: بابكر التوم Date: 02-28-2008, 03:06 PM Parent: #5
مرتضى دى سجارة شديدة شدة الحرام ال سرق التلفزيون والناس بتتفرج فى هاك دى كمان مسطور حسب السطلة اتخيل لية باب البيت بدق مشى فتح الباب ما لقة زول قال دا (مس دور) ولا شنو؟؟؟؟؟؟؟ شكرا للطلة وكثر من بيت الكلاوى يالذيذ
Post: #4 Title: Re: كل يوم نكتة......... Author: العوض المسلمي Date: 02-28-2008, 02:38 PM Parent: #1
بابكر اخوي تحياتي انت عليك قول النكت وانا علي الضحك
Post: #7 Title: Re: كل يوم نكتة......... Author: Shamael Elnoor Date: 02-28-2008, 03:09 PM Parent: #4
قاليك مسطول سالوه فى حصة علوم قالو ليه أذكر 3 من ذوات الثدي؟
فكر كداااااااااااااااااااا وقال:
البلابل
Post: #10 Title: Re: كل يوم نكتة......... Author: مرتضي عباس Date: 02-28-2008, 03:23 PM Parent: #7
Quote: فكر كداااااااااااااااااااا وقال:
البلابل
ها ها ها ها ينصر دينك يا Shamael و لله روعة
Post: #11 Title: Re: كل يوم نكتة......... Author: مرتضي عباس Date: 02-28-2008, 09:36 PM Parent: #7
والله Shamael انتي عندك نكات حاجة تجنن عليك الله واحدة تانية
Post: #8 Title: Re: كل يوم نكتة......... Author: بابكر التوم Date: 02-28-2008, 03:15 PM Parent: #4
المسلمى سلامات يازول ياطيب ياخى مافى اى مشكلة نحنا شعب بحب الطرفة والنكتة وانت على ماعتفد موجود فى السودان وزول سوق برغم معانات الناس بس الضحكة ما بتفارق وجوة الناس الطبين احكى يازول اى حاجة هاك دى طيب
واحد مسطول ضرب لية بابور كارب شبكت فى راسة مشى سلاح المظلات وقال ليهم داير اعمل مظلة الوالد وكدة !!!!
Post: #9 Title: كل يوم نكتة......... Author: بابكر التوم Date: 02-28-2008, 03:23 PM Parent: #1
الاخت شمايل تسلمى
Quote: قاليك مسطول سالوه فى حصة علوم قالو ليه أذكر 3 من ذوات الثدي؟
فكر كداااااااااااااااااااا وقال:
البلابل
دى سطلة مع ترطيبة كمان وكسل وبخصوص الكسل دا الخليجيين شايلين حالنا شكرا للمرور وكل ما يظهر جديد اتحفونا
Post: #12 Title: Re: كل يوم نكتة......... Author: عمر التنى Date: 02-29-2008, 06:43 AM Parent: #9
الاخ بابكر لك التحية
بمناسبة كسل السودانيين ,احد الاخوة السعوديين ارسل لي هذه النكته وخلوا بالكم مافي اخطاء املائية بس مكتوبة حسب نطقنا: بتقول النكته
( بيان من الديوان السوداني )
لقد تم تقيير الاجازة في السودان على النحو التالي ---
الخميس والجمعة تقليدن للسعوديين
السبت والاحد تقليدن للدول المتقدمة
وكمان
الاتنين والتلاتاء عشان دايرين نتميزعن باغي الامم
اما الاربعاء
باذن الله الريس داير يدينا ليهو مكرمه
--------------------------------------
Post: #13 Title: Re: كل يوم نكتة......... Author: بابكر التوم Date: 02-29-2008, 10:42 AM Parent: #12
عمر التنى سلامات شكرا للمرور شوف اكسل من الناس ديل مافى عايشناهم غير جادين وما ملتزمين ولو نحنا السودانيين ديل بنجتهد ونتفانى فى عملنا كما نحن فى الغربة . فى السودان كان بلدنا بقت جنة
Post: #14 Title: كل يوم نكتة......... Author: بابكر التوم Date: 02-29-2008, 11:04 AM Parent: #1
هيلا هوب 2
Post: #15 Title: Re: كل يوم نكتة......... Author: العوض المسلمي Date: 03-01-2008, 08:52 AM Parent: #1
واحد رباطابي كان مغترب وزهجان من ناس الجوازات في السعوديه رجع السودان ويوم مشي المستشفي فقابله بتاع الهدف في الباب وساله : الاخ زياره فرد اخونا الرباطابي لا عمره
ابوتسابيح
Post: #16 Title: كل يوم نكتة......... Author: بابكر التوم Date: 03-01-2008, 10:21 AM Parent: #1
المسلمى ايوة كدا عند المرور نكتة التحية للرباطاب وكل قبائلنا واحد من شفع الرباطاب ديل ببكى بكاء فى الشارع جنب بيتم . مر واحد بتاع شمارات من ناس الحلة سال الشافع مالك بتبكى ياولد؟ رد الشافع ... ابوى دقانى رد بتاع الشمارات وقال لية اكيد قليت الادب عملت شنو.....؟ رد الشافع دقانى فى التحشر المتل تحشرك دا
Post: #17 Title: Re: كل يوم نكتة......... Author: العوض المسلمي Date: 03-01-2008, 10:48 AM Parent: #1
الاخ بابكر تحيه اخري
رباطابي مركبة غرقت مشى يعمل بلاغ العسكري قال ليهو غرقت وين قال ليو في شارع الظلط
جماعة رباطاب شايلين ليهم زول تعبان مودنو المستشفى لاقهم واحد قال ليهم خير يا جماعة ان شاء الله عوجة مافي قالو ليهو خير بس فلان دا عيان شوية اها وهسي مودنو وين العيان رفع راسو وقال ليهو مودني الطاحونة
اها ياخوي ديل اتنين وتاني بجيك راجع
ابوتسابيح
Post: #18 Title: Re: كل يوم نكتة......... Author: عبدالله كع Date: 03-01-2008, 12:26 PM Parent: #1
قدرة تسلم قومته علي السودانين
عموما انا بديك حاجات من البدو المواهيم ديل
هاك ياحبا..........
سوداني جالس مع لبنانيات سألوه وش جلسك مع الورد قال والورد ماداير سماد ؟
======
سوداني جاله ولد أبيض عيونه زرق شعره أشقر سماه... المستحيل بزاتو ========== سوداني جاه شلل مادرى إلا عقب ثلاث أيام =========== سوداني كسلان شاف ولده يغرق قال إنقذني قال له أبوه ماداير تموت شهيد ؟ ========== سوداني مات ليش ماله خلق يتنفس ========== سودانين سرقوا بنك تعيجزوا عند عد الفلوس قالو آآي بكره نعرف من الجرايد ============= سودانين قاعدين يفكرون قال واحد ياليت في زر يجيب العالم كله قال الي معه بس مين يضغط الزر ========== سودانين يبون يسون فريق كرة قدم تطاقوا على الإحتياط
Post: #20 Title: Re: كل يوم نكتة......... Author: بابكر التوم Date: 03-01-2008, 09:23 PM Parent: #18
عبدالله كع كيفنك يازول انت مرورك نكتة شنو ياحبة وين نكاتنا السمحة ديك يازول الناس ديل مارضننا مرض . الله يفكنا منهم بالسلامة اة ياخوى المرة تعال نكت لينا فيهم بما انهم براهم نكتة . شكرا على المرور فى كل الاحوال مرة واحدعربى من اخوان العوض راكب حمارة وهو زول شين شنا مرة(بضم الميم) شاف رباطابية شديدة . قرب منها وقال ليها اول مرة اشوف لى رباطابية حلوة؟ قبلت على وقالت لية اول مرة اشوف لى حمار بطابقين
Post: #19 Title: Re: كل يوم نكتة......... Author: محمد البشرى الخضر Date: 03-01-2008, 02:05 PM Parent: #1
يا شباب رجاءاً النكات البتسخر من السودانيين مالية المنتديات العربية بنمر عليها و بنمتعض و نقلب الصفحة مافي داعي عليكم الله تهرونا بيها هنا
Post: #21 Title: كل يوم نكتة......... Author: بابكر التوم Date: 03-02-2008, 09:17 AM Parent: #1
ودالبشرى سلامات شكرا على المرور صدقت لكن ماتنكت فيهم برضوا لكى نرد الصاع ياعمنا .
قال فى واحدة خليجية لاول مرة تعجبها خادمتها الجديدة. قالت ليها عيبك الوحيد لما تدخلى علينا مابدقى الباب ؟ ردت قالت ليها ما تخافى انا بشوف من خرم الباب قبل ما ادخل
Post: #22 Title: Re: كل يوم نكتة......... Author: فيصل محمد خليل Date: 03-02-2008, 09:28 AM Parent: #21
ود حلتنا بابكر
في واحد اعور امو ماتت دفن ابوه
Post: #23 Title: Re: كل يوم نكتة......... Author: على محمد على بشير Date: 03-02-2008, 09:32 AM Parent: #21
سودانى مسطول فى لبنان وبيروت تحديدا وشارب بنقو لبنانى
قاعد يتمشى فى شوارع بيروت لقى ليهو فنان لبنانى عارض لوحات فنيه للبيع ومن ضمنها لوحه المسيح مصلوب فقام سأل ليك الفنان المسطول - اللوحه دى بى كم الفنان اللبنانى - بى مية دولار المسطول - لييه .. غاليه شديد الفنان اللبنانى مازحا - اسع دى لو صورة عمر البشير ماكان بتشتريها بى مية دولار
ضحك المسطول حتى بانت نواجزه وقال للفنان اللبنانى - اصلبوهو لينا كدا وانا بشتريها منك بى مية الف دولار
Post: #24 Title: Re: كل يوم نكتة......... Author: فيصل محمد خليل Date: 03-02-2008, 10:15 AM Parent: #23
Quote: اصلبوهو لينا كدا
لو صلبو البشير يجو الكيزان يقول
ليك
وما قتلوه وما صلبوه ولكن شبه لهم
Post: #25 Title: Re: كل يوم نكتة......... Author: بابكر التوم Date: 03-02-2008, 07:21 PM Parent: #23
محمد على البشير سلامات
Quote: الفنان اللبنانى مازحا - اسع دى لو صورة عمر البشير ماكان بتشتريها بى مية دولار
ضحك المسطول حتى بانت نواجزه وقال للفنان اللبنانى - اصلبوهو لينا كدا وانا بشتريها منك بى مية الف دولار
قوية لكن غايتوا المسطول غلا فية غلاء (شوية والله) شكرا عللى المرور الراقى سعودى قال لرباطابى اية الفرق بينكم وبين البهائم ردلية الربطابى وقال لية البحر الاحمر
Post: #26 Title: كل يوم نكتة......... Author: بابكر التوم Date: 03-02-2008, 07:29 PM Parent: #1
فيصل خليل النوبى الجميل ود الحلة شكرا يا راقى هاك دى من الخفايف وكدة
امام جامع سائق حديدتة سرح فى اشارة المرور مولعة أحمر وقطعها طلع يمين الشارع وسجد سجود سهو
Post: #27 Title: Re: كل يوم نكتة......... Author: عبدالله كع Date: 03-03-2008, 10:52 AM Parent: #1
اه كدا كويس ناكل بعض...........
واخونا الرباطابى يسال دا عرق شنو؟
النيجرى يجاوب دا عرق محبة
والرباطابى يضع عرقا وياخذ آخر ويسال ودا حق شنو؟
! والنيجيرى يجاوب دا حق سلاح لوضروك السكين والرصاص ما ياكلك
والعرق الملولو دا حق شنو؟
والنيجرى دا حق بيع تختوا فى الدكان البضاعة كلها يشتروها
الراطابى نان مالو ما باع اخيانوا المفروشين معاهو!!!
تحياتي.....
Post: #31 Title: Re: كل يوم نكتة......... Author: بابكر التوم Date: 03-03-2008, 01:41 PM Parent: #27
كع ازيك التحية لنسايبى الرباطاب
واحد رباطابى مش لدكتور اسنان الدكتور قال لية احشى ليك ضرسك ؟؟ قال لية لا ختوا لى فى صحن
Post: #28 Title: Re: كل يوم نكتة......... Author: بدرالدين يعقوب Date: 03-03-2008, 12:09 PM Parent: #1
علي ذكر اخونا فيصل خليل
قالو في واحد حلفاوي عايز يشتري بيت السماسرة جابو ليه بيت ناصية وبسعر كويس وبقو يوصفو ليه البيت , مطرطش وسائفن وفاتح علي فسحة وفيه حوش واسع ,, الحلفاوي قال بيت بالسعر ده وفيه كل الاوصاف دي اكيد فيه عيب والجماعة مصرين انو مافيه عيب ولو فوته مابتلقي ذيو تاني ,, قام واحد من السمساري نطه وقال كمان البيت فاتح علي جامع ... الحلفاوي ماطيب من قبيل انا بقول فيه عيب .
شغل نظيف يابابكر والله لينا زمن الواحد ماضحك من جو( كتر من ده طوالي )
Post: #29 Title: Re: كل يوم نكتة......... Author: Shamael Elnoor Date: 03-03-2008, 12:17 PM Parent: #28
ياجماعة عايزين نكت مساطيل وهاكم دي بمناسبة تغيير العملة السودانية قليك مسطول ركب الحافلة ، الكمساري طقطق ، المسطول طلع الخمسمية القديمة ، الكمساري قاليه يا بن العم العملة دي انتهت ، المسطول رفع راسه وقال للكمساري : كم لبسنا؟؟؟
Post: #30 Title: Re: كل يوم نكتة......... Author: فيصل محمد خليل Date: 03-03-2008, 12:24 PM Parent: #29
Quote: قالو في واحد حلفاوي عايز يشتري بيت السماسرة جابو ليه بيت ناصية وبسعر كويس وبقو يوصفو ليه البيت , مطرطش وسائفن وفاتح علي فسحة وفيه حوش واسع ,, الحلفاوي قال بيت بالسعر ده وفيه كل الاوصاف دي اكيد فيه عيب والجماعة مصرين انو مافيه عيب ولو فوته مابتلقي ذيو تاني ,, قام واحد من السمساري نطه وقال كمان البيت فاتح علي جامع ... الحلفاوي ماطيب من قبيل انا بقول فيه عيب .
شوفت يا بدر الدين يعقوب
الحلفاوي تفتيحة كيف
نقش ليك اللعبة من قولت تيت
Post: #32 Title: Re: كل يوم نكتة......... Author: بابكر التوم Date: 03-03-2008, 01:55 PM Parent: #29
شمائل سلامات المساطيل ديل حكاية هاك دى
فى واحد مسطول مشى لبتاع دكان قال لية ادينى سجارة وعلبة امواس طلع بتاع الدكان اضانة تقيلة جاب لية قلم وكراس وقال لية اديك بالباقى شنو؟؟ نط المسطول وقال لية ادينى املاء
Post: #33 Title: كل يوم نكتة......... Author: بابكر التوم Date: 03-03-2008, 02:06 PM Parent: #1
الاعزاء بدر الدين وفيصل سلامات التحية للحلفاويين وكل قبائلنا السودانية هاكم دى
مسطول ساكنين معاهو اتنين بتاعين سنة و عندهم عنز بحلبوها لشاي الصباح و كدا يوم بالليل بتاعين السنة جو طاشمين لدرجة الدهشة مسكو العنز ضبحوها و جهبزوها و ناموا الصباح صحوا ماشين الشغل والمسطول راقد في السرير سجارتو قصبة قال ليهم وين الشاي؟ قالوا ليهو مافي لبن قال ليهم احلبوا العنز قالوا ليهو ضبحناها امبارح قال ليهم ضبحتوها كلها؟؟
Post: #34 Title: Re: كل يوم نكتة......... Author: على محمد على بشير Date: 03-03-2008, 03:56 PM Parent: #33
Quote: مسطول حاقد على احوص الاحوص بعمل لقيمات جلس المسطول جنب الأحول يرمى القيمات برا الزيت والمسطول يقول تشششش تشششش
Post: #35 Title: Re: كل يوم نكتة......... Author: بابكر التوم Date: 03-03-2008, 04:39 PM Parent: #34
على بشير ما عارف غايتوا دى نكتة عجبتنى برضوا
واحـد شين عندو ارنب عاوز يبيعــــو جاهو واحـد مسطـــــــــول قال ليه القرد ده بي كم ؟
رد الراجـل : دا ارنب ما قــــــرد
المسطول قال ليه يا ابو الشباب انا سألت الارنب ما سألتك انت ..
Post: #36 Title: Re: كل يوم نكتة......... Author: Shamael Elnoor Date: 03-04-2008, 02:18 PM Parent: #1
مسطول اتشاكل مع امه مشى جاب ليه كرتونة لبن بدرة وقاليها : دا كل البناتنا!!!
Post: #38 Title: Re: كل يوم نكتة......... Author: مرتضي عباس Date: 03-04-2008, 02:37 PM Parent: #36
تحياتي الي الاحبه هاكم دي
مسطول خصموا من مرتبوا 5%لمساعده فلسطين زعل اتبرع بالباقي لاءسرائيل
Post: #37 Title: Re: كل يوم نكتة......... Author: العوض المسلمي Date: 03-04-2008, 02:33 PM Parent: #1
1-مسطول حلق شنبوه ودخل على اهله وقال تصدقون ماعرفتكم.
ثلاثه شايقي ومحسي ورباطابي حكم عليهم بالأعدام قالو للشايقي تريد تعدم بالسيف والا بالمنشار قال بالمنشار شغلو المنشار مااشتغل قالوبراءه قالو للرباطابي قال بالمنشار شغلوالمنشار مااشتغل قالو براءه قالو للمحسي وانت قال بالسيف الناس الحاضرين قالو ليه لا لا وقل بالمنشار رد عليهم قاليهم منشار شنو المنشار ده ما شغال مساطيل سااااااااااااااي
Post: #39 Title: Re: كل يوم نكتة......... Author: مرتضي عباس Date: 03-04-2008, 02:56 PM Parent: #37
العزيزة شمايل هاكي المسطول ده
واحد مسطول متجرس من رمضان سالو واحد رمضان كيف قل ليهو والله رمضان حقو يسوهو ذي كاس العالم كل اربعه سنه في دوله .
و نواصل معكم
Post: #40 Title: Re: كل يوم نكتة......... Author: مرتضي عباس Date: 03-04-2008, 03:25 PM Parent: #39
وينك يا عمر هاك انت كمان دي
مسطول مرتو قالت ليهو جارنا داخل مارق ماخد من مرتو بوسة انت ليه ما تعمل زيو ... قال ليها حاولت لكن مرتو ادتنى كف
قصرنا معكم
Post: #41 Title: Re: كل يوم نكتة......... Author: ممدوح أبارو Date: 03-04-2008, 03:35 PM Parent: #40
ود التوم سلام وهاك ديل
مسطول بحب نفسو... كتب ليها جواب
مسطول دخل يدو في مويه نار مرقا لقاها مافي.. دخل رأسو يشوفا مشت وين
Post: #42 Title: Re: كل يوم نكتة......... Author: مرتضي عباس Date: 03-04-2008, 03:35 PM Parent: #40
يا جماعة انتو وين طيب هاكم دي برضو المساطيل
عريس ساطل سطلة جامدة، يوم عرسو وبعد الناس مشو دخل البيت لقي العروس قاعده منتظره قال : والله انا كنت عارف بي جوطتم دى حينسو ليهم زول .
Post: #43 Title: Re: كل يوم نكتة......... Author: aml gadora Date: 03-04-2008, 03:35 PM Parent: #40
فى واحد مسطول شايل تلفزيون فوق راسه شاف قشرة موزه على الارض قال القشرة دى حتزلقنى قام خت التلفزيون فى الارض ومشى وانزلق ورجع شال التلفزيون ومشى!
Post: #44 Title: Re: كل يوم نكتة......... Author: ممدوح أبارو Date: 03-04-2008, 03:39 PM Parent: #43
مسطول في المدرسة سمع الاستاذ بقول المثابرة تولّد النجاح قال لى زميلوا : مــــــــتين هي المثابرة بقت دايه؟؟
Post: #45 Title: Re: كل يوم نكتة......... Author: مرتضي عباس Date: 03-04-2008, 03:43 PM Parent: #43
غايتو احتمال اخر نكته عن المساطيل حتي رجوع صاحب البوست
مسطول ماشي لقى ليهو مايوه بت مرمي في الشارع قام قلبو بي رجلو قال يلعن ديشو فااااااااضي .
Post: #46 Title: Re: كل يوم نكتة......... Author: ممدوح أبارو Date: 03-04-2008, 03:55 PM Parent: #45
مسطول؟؟؟ لقي اثنين في المقابر بفتشو علي قبر ابوهم وهم بتغالطوا: ياهو ده لا ماياهو، ياهو ده لا ماياهو، قاليهم: انتو دايرين تدو هو فاتحه ولامصاريف سألو مسطولة سودانية ترشحي مين لقيادة حماس؟ اجابت: راغب علامة
Post: #47 Title: Re: كل يوم نكتة......... Author: مرتضي عباس Date: 03-04-2008, 04:32 PM Parent: #46
تعالوا نسمع دي
كديسة مسطولة وقعت من الحيطة قعدت خمس دقائق تفكر «يا ربي ناااو ولا هووو !!
Post: #48 Title: Re: كل يوم نكتة......... Author: بابكر التوم Date: 03-05-2008, 11:13 AM Parent: #45
اخونا مرتضى سلامات
Quote: رجوع صاحب البوست
ياخوى دا بوست كل الناس الجميلين كل يوم ادخل براحتك واجدع ليك نكتة واضحك معانا لبداية حلوة . كلكم اصحاب الوست
Post: #50 Title: Re: كل يوم نكتة......... Author: مرتضي عباس Date: 03-05-2008, 11:39 AM Parent: #48
Quote: ادخل براحتك واجدع ليك نكتة
تشكر يا ود التوم.
مسطول دخل علي مرتو شايل كديسة قال ليها رأيك شنو في الغوريلا دي . مرتو قالت ليوهو دي ما غوريلا دي كديسة . قال ليهالا انا بتكلم مع الكديسة
Post: #49 Title: كل يوم نكتة......... Author: بابكر التوم Date: 03-05-2008, 11:27 AM Parent: #1
هيلا هوب 3
Post: #51 Title: كل يوم نكتة......... Author: بابكر التوم Date: 03-05-2008, 12:26 PM Parent: #1
سندوتشات على الطاير كمبيوتر قال لكمبيوتر انتى طالق ..... قالت يالهوى والسى دى اللى فى بطنى
_ _ _ _ _
فيه نمله تصارخ بالحمام ليش ؟ شافت صرصور سكران
_ _ _ _ _
مسطول جاء ينزل من السيارة شاف الدنيا تمطر رجع ونزل من الباب الثاني
_ _ _ _ _
في اثنين مساطيل في سيارة وقفهم شرطي قال ممكن الرخصة مد السايق إيده على جيبه قال الثاني والله ما تحاسب
Post: #52 Title: Re: كل يوم نكتة......... Author: بدرالدين يعقوب Date: 03-05-2008, 01:15 PM Parent: #1
مسطول بحب الكورة اتصل بخطوط الطيران يحجز تذكرة ، قال ليه الموظف: ذهاب واياب ؟؟؟؟ رد
المسطول لا خروج المغلوب .
Post: #53 Title: Re: كل يوم نكتة......... Author: على بدرى حاج Date: 03-05-2008, 01:51 PM Parent: #1
واحد دخل السوبر ماركت
سأل كيلو اللحمة بكام قال له الجزار 30جنيه قعد يدعى:
"الله يخرب بيتك يا محسن ياللى مغلي العيشة علينا"
سأل كيلو السمك بكام قال له بتاع السمك 15 جنيه قعد يدعى:
"الله يخرب بيتك يا محسن ياللى مغلي العيشة علينا"
سأل بكام الفرخة قال له بتاع الفراخ 10 جنيه قعد يدعى:
"الله يخرب بيتك يا محسن ياللى مغلي العيشة علينا"
واحد مخبر سمعه قبض عليه وراح واخده على القسم ودخل على الظابط قال له: تمام يا فندم
الظابط سأله: ماسك الراجل ده ليه ؟؟
قال له: الراجل ده مش عارف اسم الريس يا فندم
Post: #54 Title: Re: كل يوم نكتة......... Author: على بدرى حاج Date: 03-05-2008, 02:05 PM Parent: #1
واحد مسطول متجرس من رمضان سالو واحد رمضان كيف قل ليهو والله رمضان حقو يسوهو ذي كاس العالم كل اربعه سنه في دوله
زوجة اشترت موبايل جديد وحبت تعمل مفاجاة لزوجها دخلت الحمام واتصلت بزوجها وقالتله بصوت ناعم الو حبيبى قالها اتصلى بعدين البقرة فى الحمام
زوج بيقول لزوجته الدنيا بقت زى حديقة الحيوان سالته ليه قال اقوم من النوم زى الحصان واشتغل زى الحمار واخر الليل انام مع جاموسه
ولد بيسأل ابوه هي الحمير بتتجوز قاله يا ابني اصلا مابيتجوزش الا الحمير
حشاش راجع متأخر مراته قالت له كنت فين يا سوبرمان؟ رد كنت بلعب كوتشينة ! قالت له وكسبت يا سوبرمان؟ قال لها إيه حكاية سوبرمان ! قالت له هو الوحيد اللي بيلبس اللباس فوق البنطلون .!
Post: #55 Title: Re: كل يوم نكتة......... Author: مرتضي عباس Date: 03-05-2008, 04:52 PM Parent: #54
هاكم نكتة المساء.
واحدمسطول مرتو ولدت جابت ليهو ولد بعد ستة بنات سماهو بدري.......
Post: #56 Title: Re: كل يوم نكتة......... Author: بابكر التوم Date: 03-06-2008, 03:07 PM Parent: #55
الاخوان على بدرى ومرتضى شكرا على التواصل الجميل
Post: #57 Title: كل يوم نكتة......... Author: بابكر التوم Date: 03-07-2008, 04:01 AM Parent: #1
هيلا هوب4
Post: #58 Title: Re: كل يوم نكتة......... Author: حسن الطيب يس Date: 03-07-2008, 05:13 AM Parent: #57
*__1__ * واحد بيلعب كوشتينة مع حمار انتقدوه الناس قالو له : فى زول يلعب مع حمار؟ قالهم: الحمار الماعاجبكم دة غلبنى مرتين
*__2__ * محشش بيسافر مع مرتو وطول الطريق للمطار وهو يردد: ياريتنى جبت التلفزيون ياريتنى جبت التلفزيون.. ويوم وصلوا للمطار قالوا مرتو قالت ليهو ازعجتنا داير شنو بالتلفزيون ؟ قال: الجوازات فوقه ..!!
*__3__ * محشش اشترى لأمه عصفورين!! واحد يغرد والثاني ساكت سألته أمه ليه الثاني ساكت؟! قاليها دة الملحن!!
*__4__ * محشش راح يزور صديقه الياباني المريض في الانعاش ..وفجأه صرخ الياباني وقال : " تشين يون تشان " ومات !إستغرب المحشش وراح السفاره يسأل عن معنى كلام صديقه فكان المعنى : شيل رجليك عن لي الأوكسجين ياثور !!
Post: #60 Title: Re: كل يوم نكتة......... Author: البيجاوى Date: 03-07-2008, 02:43 PM Parent: #1
اولا احبابنا الحلوين بعد غياب دام لعدة سنين اول ما اط لعت عليه اليوم فى هذه الواحة الجميلة هذه الكمية من النكات الحلوة واظن الجماعة قاعدين فى خانه ولا حاجه ولا غرزه وما شاء الله الحرية عندكم كاملة ما ناقصة حتى البنات بتعرف المساطيل والحشاشين وعموما يا حبايب انا لى فترة طويلة جدا ما خشيت المنتدى حتى انه من شدة طول الفترة ظنيت انو بكرى ادانى كرت احمر ولا سيجارة خضراء المهم اليوم جلست امام النت واىول شى عملتو فتحته المنتدى وعجبنى البوست ده وقعدت اضحك وكنت فاكر نفسى ما زول يقدر يجارينى فى النكات وحبيت ان اشارك فى هذا البوست وهاكم ديل
تمساح متعود يلف سيجارتو ويشرب منها نفس وياخذ غطسه فى المويه ويرجع تانى ياخذ نفس وينزل المويه جا كديس لقى السيجارة اخذ نفس عجبتو السيجارة كملها جا التمساح طلع لقى الكديس مبسوط بسطه شديده قال ليه يا كديس كان هنا فى سيجاره وينها رد عليهو الكديس انت ضب عواليق ولا شنو .......
ادروب مشى للدكتور الدكتور قال ليهو افحص لينا الدم واداهو ورقة مشى المعمل لقى ممرضه قاعدة اداها الورقة شالت الابره وجات طعنتو فى ايدو الدم ابى يطلع قامت مصت اصبع ادروب لما الدم طلع وادروب طالع جاها راجع تانى قال ليها يا دكتوره فحص بول ما دايرين
Post: #61 Title: Re: كل يوم نكتة......... Author: على محمد على بشير Date: 03-07-2008, 03:03 PM Parent: #60
اتنين مساطيل قاعدين يطقوا فى الحنك الاول سأل التانى
- انتا الثعلب بيلد والا بيبيض التانى رد عليهو - الثعلب دا مكار وممكن تتوقع منو اى شئ
Post: #62 Title: كل يوم نكتة......... Author: بابكر التوم Date: 03-07-2008, 06:27 PM Parent: #1
الاعزاء حسن الطيب
وائل السيد
البيجاوى
شكرا على المرور الجميل
ونتمنى ان تدوم البسمة فى هذا الزمن الردى
Post: #63 Title: Re: كل يوم نكتة......... Author: Aymen Tabir Date: 03-07-2008, 07:00 PM Parent: #62
يا قدره انته النكت دي شالتك مننا .. يااخ اظهر .. انشاء الله جنب المسرح!
Post: #65 Title: Re: كل يوم نكتة......... Author: بابكر التوم Date: 03-08-2008, 09:59 AM Parent: #63
ايمن السر يازول انت المختفى ومواصلين بهناك لحين الانتهاء من المراحل الاولى للشباب نتمنى انو تكون اخت ليك انجمامة عندن ا هنا لمواصلة المشوار ببسمة .
Post: #64 Title: Re: كل يوم نكتة......... Author: طارق جبريل Date: 03-07-2008, 07:06 PM Parent: #1
ود التوم ماك نصيح
Post: #66 Title: Re: كل يوم نكتة......... Author: بابكر التوم Date: 03-08-2008, 10:03 AM Parent: #64
ود جبريل سلامات
Quote: ود التوم ماك نصيح
يازول مالك جاى وادينك فاضية النصاحة دى ياخوى الغربة انتهت منها زمان قربنا نركب الزلط
Post: #67 Title: كل يوم نكتة......... Author: بابكر التوم Date: 03-09-2008, 11:44 PM Parent: #1
فى اتنين اصحاب كل واحد اكذاب من الثانى يوم كدا ما لقوا ليهم اى واحد يفكوها فية المهم قاعدين مع بعض . الاول : قال للكذاب الثانى تعرف يا حبة امبارح جيت بعد نص الليل لقيت باب البيت مقفول ومافى اى طريقة لدخول البيت . المهم مافى الا خرم المفتاح بتاع باب الشارع قمت اتمطيت ليك كدا وجازفت ودخلت ليك
نط التانى وقال صدق يا فردة انا برضوا حصل معاى نفس الفلم لكن تعرف لما جيت اخش بنفس الفتحة لقيت الجماعة خلوا المفتاح فى وكرة الباب ............ لكن برضوا فكرت وما لقيت طريقة الا اتزلق جوة واحدة من المواسير بتاعة الموية المهم جازفت ودخلت فى جوة الماسورة واسحبت شوية شوية لما وصلت لفتحة الحنفية واحد كان فاتح الحنفية لما وصلت ياحبة قام قفل الماسورة نط صاحبة وقال دخلت كيف ؟؟؟؟؟؟؟؟؟ رد ....... دخلت نقطة .. نقطة .... نقطة
Post: #68 Title: Re: كل يوم نكتة......... Author: مرتضي عباس Date: 03-11-2008, 04:38 PM Parent: #67
خلونا من السياسه حبه و هاكم الن......
واحد بيسأل مسطول عن مستشفى العظام قال ليه بس غمض عيونك وأقطع الظلط هسع بتصل
Post: #69 Title: Re: كل يوم نكتة......... Author: مرتضي عباس Date: 03-11-2008, 05:35 PM Parent: #68
مسطول لقي نفسو قدام الاسد ماعارف يتخارج كيف قال ليهو
تعال اكلني تاكل السم
Post: #70 Title: Re: كل يوم نكتة......... Author: بابكر التوم Date: 03-12-2008, 01:17 PM Parent: #68
مرتضى
سلامات
ها ها ها ها ها
المسطول دا سجارتوا دى ضربها فى المقابر ولا شنو
داير ودى صاحبنا دا الاخرة
شكرا للمرور الانيق
يامعلم يازول السياسة دى فى كل شى
Post: #71 Title: Re: كل يوم نكتة......... Author: عبدالله كع Date: 03-12-2008, 01:38 PM Parent: #1
ياقدرة عذبتنا عذاب السنين
ضحكته لمن خمشي اتعوج يازول راجع
دربك اخضر ياحبا
Post: #72 Title: Re: كل يوم نكتة......... Author: محمد الطيب حسن Date: 03-12-2008, 03:18 PM Parent: #71
Quote: مسطول لقي نفسو قدام الاسد ماعارف يتخارج كيف قال ليهو
تعال اكلني تاكل السم
ولو اكلك انشا الله ماينفعو
Post: #77 Title: Re: كل يوم نكتة......... Author: بابكر التوم Date: 03-13-2008, 09:01 AM Parent: #71
Post: #73 Title: Re: كل يوم نكتة......... Author: عبد اللطيف السيدح Date: 03-12-2008, 03:55 PM Parent: #1
هاك دي ياود التوم معلمة ابتدائي سألت التلاميذ قالت ليهم عايزة واحد شاطر يديني اسم حاجة في السماء بتبدا بحرف (الطا)قام واحد من التلاميذ قاليها طيارة قاتليه غلط انا قاصدة طائر لكن عجبني تفكيرك اجلس..بعد شوية قام نفس الطالب وقاليها يااستاذه انا داير اسألك سؤال قاتليه اتفضل قاليها في حاجة في بنطلوني بتبدا بحرف (الزاي)وهنا غضبت الاستاذة وشتمت الطالب وقالت ليه اجلس يا قليل الادب لكن الطالب قاليها يا استاذه انا اقصد زرارة لكن عجبني( تفكيرك)
Post: #74 Title: Re: كل يوم نكتة......... Author: مرتضي عباس Date: 03-12-2008, 09:44 PM Parent: #73
هاك الغراب ده
غراب مسطول جالس في شجرة بياكل في قطعة جبنة الثعلب وقف تحت الشجرة وقال ليهو غني لينا ياغراب الغراب طلع الجبنة وختاها جنبو في الشجرة وقال للثعلب انت قايلني غراب سنة رابعة العوير الزمان داك
Post: #75 Title: Re: كل يوم نكتة......... Author: مرتضي عباس Date: 03-12-2008, 10:19 PM Parent: #74
والله يا احبه من اجمل الاشياء في حياتناهو ان نضحك و اقل شي الابتسامه.
من اقوال مرتضي عباس الزعيم
Post: #76 Title: Re: كل يوم نكتة......... Author: مرتضي عباس Date: 03-12-2008, 10:54 PM Parent: #75
نكتة قبل النوم
أوهاج وأدروب أشتروا قندولين بنقو ومشوا المقابر يسطلوا بعد السجارة العاشرة لفوا سجارة جديدة .. الكبريتة خلصت أدروب شاف ليه جماعة من بعيد بحفروا فى قبر فقال لأوهاج " امش شوف الجماعة البيدفنوا ديك يمكن تلقى كبريت " أوهاج مشى وأتأخر على أدروب . أدروب حصًلو هناك لقى موسنقر فى الجنازة. أدروب: شنو ياخى . وين الكبريت ؟... أوهاج: أنتا فى الكبريت ..ولا تعال شوف السيجارة دى لافنها بي كم كرت .
Post: #78 Title: Re: كل يوم نكتة......... Author: بابكر التوم Date: 03-15-2008, 04:30 PM
السديح ومرتضى
شكرا للمرور
Post: #79 Title: Re: كل يوم نكتة......... Author: اكرم عثمان عبده Date: 03-15-2008, 08:31 PM Parent: #78
التحية للأخ بابكر؛ وكل المتدالخلين واحدة سريعة
مسطول عايز يخش السينما؛ مشى توووش على شباك التذاكر؛ البقطع التذاكر قال ليه: (ياأستاذ القصة بالدور لو سمحت أمشي أقيف في آخر الصف)... المسطول مشى وجاهو راجع وقال: (يا مــان لقيت في واحــد واقــف)!!!!
Post: #80 Title: Re: كل يوم نكتة......... Author: مازن الجمّال Date: 03-15-2008, 08:52 PM Parent: #1
مسطول راكب في المواصلات جاتو واحدة بالشباك قالت ليه : وين ؟ قال ليها : قاعدين انتو الما ظاهرين
ومسطول راكب في المواصلات الكمساري جا طقطق ليو .. تف في يد الكمساري وجدع الخمسمية جنيه بالشباك
Post: #81 Title: Re: كل يوم نكتة......... Author: مازن الجمّال Date: 03-15-2008, 09:04 PM Parent: #1
واحد غصبوه علي بت عمه وهي عويرة وهو زهجان منها مشوا البحر يتفرجو قامت قالت ليه: انا محتارة البحر دا لمان حفروه التراب بتعاته ودوها وين ؟ قال ليها: ردمو بيها شلاليفك ديل
مسطوله شافت الشاحنات في طريق بورتسودان مليانه تيوس قامت سالت ديل مودينهم وين التيوس دي قالوا ليها مودينهم السعوديه ,, قالت شكيتك علي الله يالبشير الرجال وديتهم الحرب والتيوس وديتهم السعوديه نحنا والغنم نقبل وين .
مسطول موبايلو ضرب وهو بصلي قام رد عليو الزول الضارب ليو قاليو انت وين؟ المسطول قال ليو انا في التحيات لله
ولد حنكوش ابوه عايزو يترجل شويه قام جاب ليهو اشرطه دينيه بعد اسبوع لقاه اتحجب
