بحبك ... بحر ..

يا قمر دنياي الأبيض

يا ضئ ايامي العتمة

يا ست كل البنيات

يا قلب كل الحسان

يا ست كل الناس

يا

يا

يا

إنتي

بهمس ليك .. دوما

وبقول

بحبك بحر

معاي وغشيتك اسلم عليكي
واتكل قصادك هموم الحراز
اطمن طيوف الخريف الوشيك
وابشر دواخلك بوعد الرزاز
مـودر مـلامـحك غبـيتك
لقيتك بتلفظ شوارعك بيوتك
تصادر خطـاي وتكاجر مشـيك
تغالط حواسك ملامحك
وتحرد عيونك مقاطع وشييك
سالتك خبارك؟خبارك مسوكر لسانك وصمتك يشفق
خبارك بتغرب شموسك.. زمان الشموس البتشرق
تضيع الملاح التعطن وجيهك ومنك تدفق
خبارك غريبة؟
بقلب دواخلك بكوس الحبيبةال لعللك بتفرق
بتفرق حبيبتي البتلبس فصول الخصوبة
بتضحك اغاني وتدفق عزوبة وبتنزل مطر
عشقتك لانك ..لانك حبيبتي و بحبك بحر

* * *

عشقتك لانك خواتم الحقيقة وطريق الوصول
لانك بداية الخليقة واساس القبول
بحي الغيوم البتفطم زبولك ترضع سهولك مواسم الهطول
واحي المداين البتفتح حدودها وتمنح عيونك جواز الدخول

يزيد خيرك ولا طابت بلاك عيشة
مقسمة انتي في غيرك مقسمة فيكي ما فيشة
ومخيم ليللك العسعس
لا برقن بروق صحوك ولا صبحك رضى اتنفس
يحندك في العطش غيمك تمطري انتي في الخاطر
وتنفضي من دواخلي العس
بديت اتسامى للآخررميت توب البيات الرس
قويت .. وإتيقنت روحي
وسقط من الكلام الغتس
دنا الداخرك بصيرة وشوف
يا بقع الضو في عتمة قلبي المحفوف
ومسربل في الشتا والليل والخوف
فارعة ومليان بكى ضيقةعليك البشرة
انا غيبتك بيني وكنتك زملتك في الخاطر بشرى
نزلتي ستار الجلد الهـش وطلعتي من الجسد القشرة
تاوقت لقيتك ..لقيتك فيني النفس الكاملة
تتوقي اليابسة والنهر
يتسارق ضوك خافت متهافت نحوك اجري واهرول راكض
سابقت خطاي وحدقتي الغيمة وضل وبحيرة
ضاربتك بيني وضاريتك من الحزن القابض نفسي وروحي و رابض عارض
ستفت عيونك بالمطرة وقررعتك ضد الزمن الراكض
وحدقتك حبيبتي البتلبس فصول الخصوبة
بتضحك اغاني وتدفق عزوبةوبتنزل مطر
عشقتك لانك.. لانك حبيبتي وبحبك بحر








خربشة : هذا البوست حصريا مهداء الي الحبيبة ناهد علي

لاني ما عندي كتير في موضوع الشعر والخواطر
خالص التحايا لك وللانسانة ناهد علي

سودانية
خارج نطاق الخربشة
شكرا عى البوست
والتحيات عبرك لجميع الرائعين

Quote: خربشة : هذا البوست حصريا مهداء الي الحبيبة ناهد علي

وعبرك التحية للشاعر الجميل أزهري محمد علي والمطرب هشام كمال .

الزولة الرائعة ناهد لمتنا جمعية الأيتام

ووقعت في غرامها من شدة الذوق والتعامل الراقي المتسامح

الذي يحوي كل الحب والعطاء ..ويجعلك ترجع تقول :

والله يا أخوانا الدنيا بخير

وبالجد آمنت ان السودان بخير

رغم كل الدوامات

رغم كل العثرات

ورغم كل الاحباطات في دنيا البنات

والاحباطات في دنيا المصالح

وحب الناس البقي قدر قروشك

وقدر المصلحة المرجوة منك/او منك (بنوتة)

الدنيا بخير

وست البنيات

اضيفت الي قوائم مشرقة

مرت علي صحيفة تجاربي في هذه الحياة

والروعة انك أجمل من التصور

وأحلي من الممكن

وبحبك بحر









العزيز مهداوي : ممكن برضو

بس خوة الله في الله تنفع



الصحافة : شكرا جميلا يا ذوق


ولكم أعود

و

لقدام

الاخوة الكرام : الطاهر , هاشم و حسين

سلامات

خالص الشكر علي المرور

وع قول حبوبة ما افضلها عليكم

وتسلموا