Post: #1
Title: و مجـدي بحـر كمـان بقـي عضـو سودانيزأونلاين
Author: معاوية كرفس
Date: 02-27-2008, 00:18 AM
.
إلتقيته أولاً في العام 1992 و هو برلوم
في الجناح الغربي من جامعة السودان
و برعاية الجبهة الديمقراطية بها ،
لم نحتاج لكثير من الزمن
حتي يصنفنا الأصدقاء المشتركون
بأننا ( حميمين ) ..
ساعدتنا كثيراً ( ج د ) ومن ثم ( الحزب )
في ذلك ، إذ أتاحا لنا العمل المشترك اليومي
و الرفقة الدائمة ، للدرجة التي جعلت البعض
يخلطون بيننا في الأسماء و حتي الآن ،
و أعتقلنا معاً في سبتمبر 1995 لمدة تجاوزت الأربعة أشهر ،
و هذا مما ذاد في أسباب الخلط بيننا .
و لكن قبل هذا وذاك يبقي ماهو أعمق من ذلك ،
ذلك الذي يجذبنا و يقربنا دائماً إلي بعض
و نعجز عن تسميته و توصيفه ( أو علي الأقل أنا ) ،
لم و لن أتخيل نفسي دون وجوده معي دوماً ...
و دوماً هنا أتذكر مصطفي و محمد المهدي عبد الوهاب
حين قالا :
| Quote: ما أحلاهم .. ما أحلاهم . شالوا معاي الهم بالجملة . |
ـــــ
كتبت في رسالتي لبكري لتثنيته
Quote: .
( مجدي بحر )
إذا عملت سيرش في المنبر لهذا الإسم ( مجدي بحر ) سوف
تندهش لدرجة تكراره لأنه صديق وفي
لمجموعة كبيرة من عضوية هذا المنبر
هو أحد طليعة الشباب الديموقراطيين
السودانيين المتواجدين في الخرطوم
وهو بالنسبة لي ( خلي الوفي )
|
و
Quote: و لاكني أعرف مدي تقييمه للمنبر
إذ هو يدخل مكتبه الصباح و يتلقي أخبار
السودان الجديدة من المنبر .
وبيني و بينه حوارات مفتوحة دوماً عن المنبر
و علي حسب عمق علاقتي به أعرف أنا مدي
إفادته للمنبر لأنه مثقف و مطّلع و موسوعي الثقافة
و ذو أفق متفتح جداً .
|
ـــــــــــــــــــ
كم أنا سعيد لسودانيزأونلاين
بإنضمام ( مجدي بحر ) إليه .
|
Post: #2
Title: Re: و مجـدي بحـر كمـان بقـي عضـو سودانيزأونلاين
Author: مصطفي سري
Date: 02-27-2008, 00:32 AM
Parent: #1
شكرا كرفس
وانا سعيد بالصديق من الزمن الصعب مجدي بحر انشاء الله البسورد يشتركوا معاك النسابة
اهلا مجدي واعلم انك من المثقفين الديموقراطيين والذين سيرفدون المنبر العام .. وسلام
|
Post: #3
Title: Re: و مجـدي بحـر كمـان بقـي عضـو سودانيزأونلاين
Author: Muna Khugali
Date: 02-27-2008, 00:42 AM
Parent: #2
مرحب مجدي بحر...
ازيك يا معاويه..
|
Post: #4
Title: Re: و مجـدي بحـر كمـان بقـي عضـو سودانيزأونلاين
Author: نهال الطيب
Date: 02-27-2008, 00:47 AM
Parent: #2
Quote: كم أنا سعيد لسودانيزأونلاين
بإنضمام ( مجدي بحر ) إليه
|
وتزداد أسرة سودانيز أون لاين
بهاءاً بوجود
الصديق العزيز مجدي بحر
كرفس
مودتي
|
Post: #5
Title: Re: و مجـدي بحـر كمـان بقـي عضـو سودانيزأونلاين
Author: عدلان أحمد عبدالعزيز
Date: 02-27-2008, 01:09 AM
Parent: #1
طال ما بحرك في مي ...
ونخلك مفدع بالجريد ...
وشدرك امد حد السمي ...
وطينك معتق بالطمي ...
مرحب بيك أكيد.. مجدي بحر، ولو كان منبر بكري ده فيهو مايك، كمان أكيد كنا سلمناهو ليك، تقرالنا القصايد في اللوال وبعدين.. نبدأ
وشكراً صديقنا معاوية.
|
Post: #6
Title: Re: و مجـدي بحـر كمـان بقـي عضـو سودانيزأونلاين
Author: Farahat Sayed
Date: 02-27-2008, 01:54 AM
Parent: #5
حباب اخو اخونا مجدي بحر
شكرا اخو اخونا كرفس
|
Post: #7
Title: Re: و مجـدي بحـر كمـان بقـي عضـو سودانيزأونلاين
Author: hanouf56
Date: 02-27-2008, 02:06 AM
Parent: #6
Quote: ساعدتنا كثيراً ( ج د ) ومن ثم ( الحزب )
في ذلك ، إذ أتاحا لنا العمل المشترك اليومي
و الرفقة الدائمة ، للدرجة التي جعلت البعض
يخلطون بيننا في الأسماء و حتي الآن ،
و أعتقلنا معاً في سبتمبر 1995 لمدة تجاوزت الأربعة أشهر ،
و هذا مما ذاد في أسباب الخلط بيننا .
و لكن قبل هذا وذاك يبقي ماهو أعمق من ذلك ،
|
كرفس .. جبتو محرقو ...
مرحب بالعزيز مجدي عثمان (بحر)
مكانك الطبيعي هنا .. اكتب لنا وسوف نقرأ ..
شكرا كرفس .. شكرا بكري ابو بكر
تحياتي
محمد ادريس
|
Post: #8
Title: Re: و مجـدي بحـر كمـان بقـي عضـو سودانيزأونلاين
Author: Ahmed Omer
Date: 02-27-2008, 06:26 AM
Parent: #7
الحبيب والزميل والصديق الغالي مجدي بحر..
مرحب بيك في منبر سودانيز اون لاين ،
وزي ما قال كرفس انت عضو هنا من زمان
في عام 1994 انا كنت برلوم يا معاويةوفي الجبهة الديمقراطية
الجميع يتحدث عن معاوية ومجدي المعتقلين من شهور
لسه متذكر الطيب شريف وهو يحكي عنكم ويعلق ضاحكاً(احسن ناس واللز ناس وأطول ناس..!!)
التقيتك يا معاوية لاول مره في مسيرة تابين الراحل مصطفى سيد أحمد،ذهلنا لاننا كنا قايلنكم لسه في المعتقل
مجدي...:
قبل ايام قلائل كنت احكي لصديق عن اليوم الكنت عازمنا فيهو غدا..او علي الاصح عزمنا روحنا عندك غدا غصبا عنك
انت قايل بيتك دا بيتك براك..؟؟!!...
بعد الغدا فرشنا في الحوش وقعدنا لمة جميلة نسمع فيروز ومارسيل
كالعاده...الديناصور معاويةبذكرنا بي ايام قديمة وجميلة ويستفز ناس جميلين للظهور والكتابة
محمد ادريس ..ايوة قاصدك انت ما تنطط لي عيونك ديل
ليك اجمل التحايا ويلا خلوا المنبر احلى
|
Post: #9
Title: Re: و مجـدي بحـر كمـان بقـي عضـو سودانيزأونلاين
Author: محمد عبدالرحمن
Date: 02-27-2008, 07:28 AM
Parent: #8
وشكراً جزيلاً
يابحر ..
رغم الكساد..
بحتلنا العفن المكندك
من عهد عاد ..
الف مرحب مجدى اضافة ثرة وحقيقية لهذا الفضاء...
مرحب بيك والدار دارك ..
سلام كرفس ..
|
Post: #10
Title: Re: و مجـدي بحـر كمـان بقـي عضـو سودانيزأونلاين
Author: GamarBoBa
Date: 02-27-2008, 07:29 AM
Parent: #8
هلا ابو واصل وحباب الاحباب
شكرا كرفس
|
Post: #11
Title: Re: و مجـدي بحـر كمـان بقـي عضـو سودانيزأونلاين
Author: مجدي بحر
Date: 02-27-2008, 11:56 AM
Parent: #1
شكرا جزيلاً لكل من رحب. بل شكراً جزيلاً لكل الاعضاء. وانا اسعد منكم بقبول عضويتي
العمل العام هو افضل ما نبرع فيه ونسعد ببذل الجهد لرفعة الوطن و خير شعبه. وما من طريق أفضل لفعل ذاك من وضع الأكف معاً في ماعون يسع الجميع. و انا مقتنع تمام القناعة ان المنبر العام بسودانيز اونلاين واحد من اهمها.
و يا مصطفي سري بيني وبينك النسابة مش بيستاهلو يشاركوني؟؟
|
Post: #12
Title: Re: و مجـدي بحـر كمـان بقـي عضـو سودانيزأونلاين
Author: Amjed
Date: 02-27-2008, 02:18 PM
Parent: #1
ادخل مخير ماك غريب
سلامات يا مجدي
|
Post: #13
Title: Re: و مجـدي بحـر كمـان بقـي عضـو سودانيزأونلاين
Author: نهال الطيب
Date: 02-27-2008, 06:01 PM
Parent: #12
حبابك مجدي
إضافة نوعية للمنبر
ببصمات جلية وواثقة كما أرفدت العمل العام
|
Post: #14
Title: Re: و مجـدي بحـر كمـان بقـي عضـو سودانيزأونلاين
Author: معتصم ود الجمام
Date: 02-27-2008, 06:25 PM
Parent: #13
اها انا جيت
وفـــــــــــــــــرحان شديد
مرحب حباب مجدي بحر صديق تجده اينما تريد
كيف اصف روحي كيف اتحدث عن نفسي
( كرفس ما تغير )
مجدي بحر صديق تعشق ان تنام انت وهو تحت قبة السماء
في حوش واسع يسع الجميع وتتناجه معاهو كانك بتكلم في روحك
ومرات مرات تلقى الدموع في وسط الحكي لمن يكون القلب موجوع وكايس
ليك يمرق الحرقه في قلبك ...
مجدي ...
دائما ما يوريك كتاب جديد
او قصيده جديده ,,,
او اغنيه ,,, ممكن تكون عاديه وانت سمعتها مليون مره
ممكن يخليك تغير رائك فيها وتسمعا كانك لاول مره تسمعا
اقول ليك مثال يا بحر فاكر لمن جبتا شريط عمار السنوسي
وكان بغني اغنيه لسيد خليفه ... افتكرتا ...
ولا اقول ليك ...
فاكر قرايتنا سوى لقصيدة الهندي الاحمر لمحمود درويش
يــــــــــــــــــــــــــــاه يا كرفس ...
انت الصديق ... المنك تجينا ريحة البحر والدعاش
ولا ما كده ..... ابريل القادم في الخرطوم وحنسهر الليل ذاتو
لمن عويناتو يوقعن ...
تسلموا كلكم
|
Post: #15
Title: Re: و مجـدي بحـر كمـان بقـي عضـو سودانيزأونلاين
Author: معاوية كرفس
Date: 02-28-2008, 00:17 AM
Parent: #1
.
الأعزاء جميعاً / سلامات
تعلمون جيداً أن مجتمعنا السوداني
هذا لا يقبل بتاتاً إظهار أياً من
مظاهر الحب ، إن كان للحبيبة أو للصديق .
ونحن دونما ندري و بوفق عقلنا الإجتماعي
نمارس نفس الدور .
لكني ( و إنتباهاً إلي ذلك ) كنت و دوماً
أحدث غيري عني و مجدي بحر .
( أكيد مجدي ما بيعرف ولا سمع عن الكلام دا )
لكن يكفيني أنه يعرف مقياس نفسه عندي .
كنت متأكد أن سيرة مجدي بحر
سوف تخرج أعزاء كثر من كوامنهم من أمتال :ً
الصديق العزيز/ مصطفي سري
و زي ما قاليك مجدي
Quote: و يا مصطفي سري بيني وبينك النسابة
مش بيستاهلو يشاركوني؟؟ |
و أنا أقول ليك كمان
لو نسابة مجدي ديل عندهم بنت رابعة
كان أنا بقيت ( عديل ) مجدي .
ــــــــــــــــــــــــــــ
الأستاذة العزيزة/ Muna Khugali
لدي رغبة قديمة جداً
أن أستطيع في حياتي
أن أجمع كل من أحبهم في مكان واحد و زمن واحد .
لو إلتقيتي بي مجدي بحر فسوف يكون صديقك من المرة الأولي .
أتمني أن تعودي مرة أخري
و تجمعينا كما تلك المرة في حديقة
منزلكم العامر .
ـــــــــــــــــــــــــــ
فراشة المنبر أو كما قال ( خضر حسين ) / نهال الطيب
Quote: وتزداد أسرة سودانيز أون لاين
بهاءاً بوجود
الصديق العزيز مجدي بحر |
و أنت أدري
ـــــــــــــــــــــــــــ
أستاذ كبير/عدلان أحمد عبدالعزيز
و صديقنا الحبيب
و ( أستاذ كبير) دي ما بيعرفا هنا في المنبر
غيري أنا و عدلان ذاتو و مجدي بحر .
و نحن معاً الثلاثة و آخرون في المعتقل في سبتمبر 1995
درج عناصر الأمن في الإشارة لي عدلان بأنه ( أستاذ كبير )
من ناحية تخيلهم لموقعه في قيادة مكتب طلاب الجامعات
للحزب الشيوعي السوداني ..
و من ناحية إرهاقه لهم في عمليات المراقبة و الترصد
المستمرة التي كانت مفروضة عليه ذلك الزمن .
خير من يحكي عن مجدي بحر
في الإعتقال ( 2/9/1995 - 20-1-1996 )
هو عدلان أحمد عبد العزيز .
ــــــــــــــــــــــــــــــ
حباب صديق أخونا/ Farahat Sayed
و علاقات التناسب هي ممتدة في السودان .
تحياتي يجب أن توصلها لشقيقي / طارق كرفس بطرفكم
ــــــــــــــــــــــــــــــــ
محمد إدريس
Quote: كرفس .. جبتو محرقو ...
مرحب بالعزيز مجدي عثمان (بحر)
|
لكن هو مجدي محتاج يحرقوهو ؟
ما هو بيعمل في العايزو بي إرادتو
شوقي الشديد .
ـــــــــــــــــــــــــــــــ
Ahmed Omer
و هل يمكن الأكتفاء بهذه الحروف اللاتينية و فقط .
أحمد أسود ( كما الجميع يعرفون )
صفدي ( كما يقول صديقنا شبشة )
و فرفور ( كما يقول أبناء أخواتي )
أتذكر يا أحمد ( فرفور ) ؟؟
دوماً يسألني أبنا أخواتي عن صديقي فرفور .
......................
إنت وين يازول
لسع معلق و طاير بين مدن العالم ؟؟؟
من ما لاقيتك قبل سنتين كنت متوقع منك تلفون أو إيميل ...
ـــــــــــــــــــــــــــــ
الحبيب ( الرفيق ) / محمد عبد الرحمن
كاهن أربجي .
قليلون هم الذين يعرفون أن مجدي
ليس في أسماء عائلته ( بحر ) .
و إنما أتي إسم( بحر ) منذ أيام الجامعة
إذ كان يلقي علي مسامعنا قصيدة حميد :
Quote: شكراً جزيلاً
يابحر ..
رغم الكساد..
بحتلنا العفن المكندك
من عهد عاد ..
|
ـــــــــــــــــــــــــــ
العزيز / GamarBoBa
أو كما يحلو لمجدي أن يناديك
( موسي عظيم النوبة )
( واصل ) هو إبني كما هو ( واصل مجدي بحر ) .
ــــــــــــــــــــــــــ
الصديق د/ Amjed
دوماً هو مجدي يخطو واثقاً .
...............
إنت وين يا أخينا
و سلامي الشديد لي صحبتك .
ـــــــــــــــــــــــــــ
معتصم سيد أحمد
العزيز
سلامات ،
تعرف يا أدروب
أنا في مجدي دا بغير شديد خلاص
و ما بدي فرصة كمان .
لكنك إنت ثالثنا ...
لذلك أنا و بحر في إنتظار أبريل .
ــــــــــــــــــــــــــــــــــــــــــــــــــــ
أعزائي مرة أخري ،
دوماً هنا أتذكر مصطفي و محمد المهدي عبد الوهاب
حين قالا :
Quote: ما أحلاهم .. ما أحلاهم . شالوا معاي الهم بالجملة .
|
لكم كل الشكر
و لبحر كل الحب
ودي
م .كرفس
|
Post: #16
Title: Re: و مجـدي بحـر كمـان بقـي عضـو سودانيزأونلاين
Author: Abuobaida Elmahi
Date: 02-28-2008, 01:37 AM
Parent: #1
سلامات يا مجدي
Abuobaida
|
Post: #17
Title: Re: و مجـدي بحـر كمـان بقـي عضـو سودانيزأونلاين
Author: Farahat Sayed
Date: 02-28-2008, 04:45 AM
Parent: #16
حباب صديق أخونا/ Farahat Sayed
و علاقات التناسب هي ممتدة في السودان .
تحياتي يجب أن توصلها لشقيقي / طارق كرفس بطرفكم
كرفس اخوك في ايدي امينه
|
Post: #18
Title: Re: و مجـدي بحـر كمـان بقـي عضـو سودانيزأونلاين
Author: خضر حسين خليل
Date: 02-28-2008, 09:43 AM
Parent: #1
بحر
والله شكراً عديل يابكري
وكتر خيرك يامعاوية للخبر السمح دة
ويابحر معليش يادوب شفت البوست وبالصح يادوب شفت النت
طوال الاسبوع أخوك حايم بين الارقام من الصفر حتي التسعة
والله أنا سعيد بي شوفتك هنا ويابحر المكان دة جد كان فاقدك
مرحباً بالصديق العزيز مجدي بحر
نورت المنبر يا أبو واصل
تحياتي لمعاوية وناس........
|
Post: #19
Title: Re: و مجـدي بحـر كمـان بقـي عضـو سودانيزأونلاين
Author: hanouf56
Date: 02-28-2008, 11:11 AM
Parent: #18
Quote: طوال الاسبوع أخوك حايم بين الارقام من الصفر حتي التسعة
|
؟؟؟؟؟؟؟؟؟؟؟
|
Post: #20
Title: Re: و مجـدي بحـر كمـان بقـي عضـو سودانيزأونلاين
Author: معتصم ود الجمام
Date: 02-29-2008, 06:01 PM
Parent: #19
وينك
يا بحر اظهر وبان
|
Post: #21
Title: Re: و مجـدي بحـر كمـان بقـي عضـو سودانيزأونلاين
Author: الملك
Date: 02-29-2008, 06:19 PM
Parent: #1
كل دعمى
لقبول مجدى بحر هنا
..
..
|
Post: #22
Title: Re: و مجـدي بحـر كمـان بقـي عضـو سودانيزأونلاين
Author: عاصم محمد شريف
Date: 02-29-2008, 08:51 PM
Parent: #21
كما عرفناكما دوما ...اوفياء للطيش
كدى شوفوا كم نفر..طولنا منهم قدر شنو؟ اهو الليلة بانوا
احمد عمر ...اىىىىىىىىىىى انت
ود يابس وخضر وابوعبيدة(المعانا ف البلد وما لاقينه لى هسة)
تحياتى ليكم كرفس وبحر
واوعكم (صبا) تطلعوها من مهرجان التكريم ده من غير حمص
مستنى الاقى عاطف بكرة....واعذبه ليك بالاسئلة عذاب الهدهد
|
Post: #23
Title: Re: و مجـدي بحـر كمـان بقـي عضـو سودانيزأونلاين
Author: hanouf56
Date: 02-29-2008, 08:56 PM
Parent: #21
Quote: كل دعمى
لقبول مجدى بحر هنا
..
.. |
الملك
لولولولولولولولو
ما تصحصح معانا ..
هو اصلا بقي عضو قبل البوست دة وعندو مداخلة فوق كمان ..
|
Post: #24
Title: Re: و مجـدي بحـر كمـان بقـي عضـو سودانيزأونلاين
Author: Raja
Date: 02-29-2008, 09:02 PM
Parent: #23
مرحبتين حباب مجدي بحر..
ونتظلع لقراءة المزيد من مشاركاته..
معاوية سلامات..
يا محمد إدريس الملك لغاية ما يرجع المسينجر.. معذور 
ودي للكل
|
Post: #25
Title: Re: و مجـدي بحـر كمـان بقـي عضـو سودانيزأونلاين
Author: طارق جبريل
Date: 02-29-2008, 11:08 PM
Parent: #1
حبابو الف
كرفس كيفنك
|
Post: #26
Title: Re: و مجـدي بحـر كمـان بقـي عضـو سودانيزأونلاين
Author: معاوية كرفس
Date: 03-01-2008, 00:01 AM
Parent: #1
.
و كماذكرت عاليه
Quote: كنت متأكد أن سيرة مجدي بحر
سوف تخرج أعزاء كثر من كوامنهم |
ــــــــــــــــــــــ
Abuobaida Elmahi
عبيدة الماحي سلامات
تتذكر أيامنا في القاهرة ؟ .
كانت أيام عجيبة
تحياتي ليك
و أتمناك بخير .
ــــــــــــــــــــــــ
تعرف أنا إتأخرت يوم و نص
في الرد علي البيكتبو في البوست دا
من لحظة إنت كتبت مداخلتك فيهو .
كنت و لا ذلت محتار أكتب أردليك شنو أنا ؟؟؟؟
خضر حسين خليل
حأقول ليك إنو نجحت أخيراً أنا في إني أجيب بحر هنا
و الباقي علينا و عليك و عليهو ..
ــــــــــــــــــــــــــــ
الملك ،الملك
إنت بس ما صاحبت بحر !!
ـــــــــــــــــــــــــــــ
عاصم محمد شريف
أو في مقولة الأصحاب/عاصم كتة
شفت كيف :
مجدي نكتّلنا السمح المدسي من زمن الجامعات .
| Quote: كدى شوفوا كم نفر..طولنا منهم قدر شنو؟ اهو الليلة بانوا |
و أنا من قبيل في البوست دا كنت بقول في الكلام دا !!
..........
تحياتي يا كتة لـ
للحبيبة هاجر
و البنيات ملاذ و ريماذ
و نتلاقي .
ــــــــــــــــــــــــ
Raja
حأناديك زي ما إتعودت دائماً .
...........
رجاء الحبيبة
أنا مبسوط جداً و مقدر شديد
ترحيبك بصديقنا مجدي بحر
و بضحك لي هسع في شمشرتك علي الملك
| Quote: يا محمد إدريس الملك لغاية ما يرجع المسينجر.. معذور |
ــــــــــــــــــــــــــ
الجميل / طارق جبريل
سلامات و شكراً لك
هذا إيميلي ( المارقو للريب و التلاف )
KARFIS7(AT)HOTMAIL.COM
ـــــــــــــــــــــــــــــــ
|
Post: #27
Title: Re: و مجـدي بحـر كمـان بقـي عضـو سودانيزأونلاين
Author: مجدي عبدالرحيم فضل
Date: 03-01-2008, 10:12 AM
Parent: #26
حبابك مجدي ويمتد بحرك فينا صفاء
شكرا لك معاوية كرفس وأكيد مجدي إضافة لمجدكم
والمنبر أذداد نور وألق بحبركم .
بقينا أمجاد في هذا المنبر ياربي مجدي بحر رقم كم في الأمجاد والركشات أسكت ساااي عاملين زحمه سير .
،،،،أبوقصى،،،،
|
Post: #28
Title: Re: و مجـدي بحـر كمـان بقـي عضـو سودانيزأونلاين
Author: طارق عبد اللطيف نقد
Date: 03-01-2008, 10:16 AM
Parent: #1
مجدي بحر
ود حلتنا
عديل كدة
شكرا بكري
شكرا كرفس
وانا سعيد جدا بي بحر
واكيد اضافه حقيقيه وثرة للمنبر
|
Post: #29
Title: Re: و مجـدي بحـر كمـان بقـي عضـو سودانيزأونلاين
Author: Motaz Ahmed
Date: 03-01-2008, 12:37 PM
Parent: #28
| Quote: و مجـدي بحـر كمـان بقـي عضـو سودانيزأونلاين |
في إنتظار مساهماته
وإن شاء الله ما يزهج من المناقشات والمناقشات الدائرية , (زي زهجك يا كرفس)
|
Post: #30
Title: Re: و مجـدي بحـر كمـان بقـي عضـو سودانيزأونلاين
Author: محمد المرتضى حامد
Date: 03-01-2008, 12:43 PM
Parent: #29
تحايا مترفه يا مجدي البحر..
شكرا يا كرفس,
مودتي .
|
Post: #31
Title: Re: و مجـدي بحـر كمـان بقـي عضـو سودانيزأونلاين
Author: مجدي بحر
Date: 03-01-2008, 03:03 PM
Parent: #1
شكرا يا شباب وانا اسف جدا عل التأخر في الكتابة. انا بكتب من المكتب والايام دي مزحوم شوية.
انا من زمان كنت متردد في طلب عضوية المنبر . لكن لو كنت عارف انها حتوريني مدي حب الاصدقاء لي . كنت طلبتها من سنين.
لا اجد ما اقول غير ترديد ما قال محمود درويش في ديوانه " لماذا تركتَ الحصانَ وحيداً "
أَصدقائي يرفّون ليلاً , ولا يتركونْ
خَلْفَهُمْ أَثَراً . هل أَقولُ لأُمِّي الحقيقةَ :
لِي إخوةٌ آخرونْ
إخوةٌ يَضَعُونَ على شرفتي قمراً
إخوةٌ ينسجون بإبرتهم معطفَ الأُقحوانْ
أَسْرَجُوا الخيلَ
لا يعرفون لماذا ,
ولكنهم أَسرجوا الخيل في آخر الليلِ
سَبْعُ سنابلَ تكفي لمائدة الصَيْف .
أَبيض يَسْحَبُ الماءَ من بئرِهِ ويقولُ
لهُ : لا تجفَّ . ويأَخذني من يَدي
لأَرى كيف أكبُرُ كالفَرْفَحِينَة...
أَمشي على حافَّة البئر : لِيَ قَمَرانْ
واحدٌ في الأعالي
وآخرُ في الماء يسبَحُ ... لِي قمرانْ
واثَقيْن , كأسلافهِمْ , من صَوَابِ
الشرائع ... سَكُّوا حديدَ السيوفِ
محاريثَ . لن يُصْلِحَ السيوفِ ما
أفْسَدَ الصَّيْفُ – قالوا وصَلُّوا
طويلاً . وغَنّوا مدائحَهمْ للطبيعةِ ...
لكنهم أَسرجوا الخيل ,
كي يَرْقُصُوا رَقْصَةَ الخيلِ ,
في فضَّة الليل ...
سلام الي ان نتلاقي في اول مشاركة
|
Post: #32
Title: Re: و مجـدي بحـر كمـان بقـي عضـو سودانيزأونلاين
Author: elnadeif
Date: 03-01-2008, 03:18 PM
Parent: #1
[B]شكرا كرفس
قبل دا ارسلت اشواقي علي العلن وما لاقت وجيع اعلنهاثانية مشتهيك يا كرفس شديد
بحر..
بحر... ياااااااااااااااااااهـ
فقدتها ..........
فقدتها وجدت كل شئ
وابتعدت عن مدي عيونها واستدرت
فقدتها استرحت
والان في المداين يدعونني انسان
تائه علي لحاظ البحر
واخوتي الجوع الفاقة
كان يصدح بصوته بها فترتج الجامعة
ووردة كسوتها بريشتي
نثرت فوقها تحية ودمعة
رجوت ان تتوب
عمدتها بالماء
فيومنا احول وشمسنا عمياء
من منكم بلا خطيئة
فاليصعد الي السماء
تجدونها في 1 و 2 و 3 وعمال في شقوق مباني الغربي
في نقوش التماثيل المزروع علي طول الجامعة
سبعة اشياء من التاريخ اذكرها
سبع اشياء
ساعة دعيت فيها للهبوط علي جناح البرق كي تقبلني قريبة
ويومي الذي بلغت فيه السابعة
وصوت والدي
وحقيبتي
والقاطرات
والحقول
والحبيبة
بحر صديق المسافة لن اعلن هنا كم انتمي لك ولكن تشهد كل الليالي علي نجماتها كنت هناك
تجدوني في عيون ستهم .. ومصعب العب .. ومعاوية الجميل .. و الخادم اللطيفة ..والله من لندا لازال غيابها يتقاطع في داخلي وبشكل جارح لندا اأأأأأأأأأأأاهـ . ما عدت بعدها اتواصل مع الجميع بلا استثناء بشكل جيد
تجدوني هناك في ملوحة يوم الجمعة في قعده وانيس ويغني لنا نلوك معه الهم نتدثر ببكره وعيوننا مشرقة .. في محشي حبوبه تذكره يابحر لم نجد النار سمش الظهيرة ادت الغرض ..
فاغمضوا عيونكم
كي لا تروني احرق وصموا اذانكم
ولكنم ستحسون النار علي الجباه
ولاننا سفائن ربانها اللسان
فحكمة الزمان اننا اثنان
الحق ابن النار
والنار بنت الشمس
اين انت يا مجدي احتاج كي تماسكني .. اتصلت اكثر من مرة لازلت علي خط وهاتفك يرن
فهل اغتال الشمس بماء الوجه فتهوي
ام ارتاد الموت علي شرفات الوطن الوعد
فابقي لكم شمسان
وامد لكم جسر التواصل سيف فتدعونني انسان
لما تهشوا رفات من صانوا شرافتكم
ليذان جيد المقابر بالدموع
وتبيعوا صكوك الله في الحانات سرا
لعل الخيل تاوي في قلائدها الجياع
وميض نار
لعل السحب تمطر من جدب الثواني
بعضا من قلوب ملئ بنار الكيد من زند الحديد
فالشمس لا ترضي بغير الطير في حضن الغدير
انا ما عدت سارقك الكلام
او الشعار المر في اقصي الغروب
بحر الغربة خصما علي في كل شئ فقط منحتني نازك و رزاز والحسن ولكن فقدت التفاصيل الصغيرة يا مجدي ونسة ومشاوير وقرايات وتواصل ..فقدت التواصل .. اتمني لو سمعت كلامك .. وانتظرت كانت كل الاشياء اختلفت
يهوذا الان في كل المدائن يا مسيح
يهوذا الان في كل المدائن
فإما ان نرتوي من السقيا دماء
او نصلب كرامتنا علي باب اليهود
ثم نقول فالنهادن من اجل ان تبقي المسرة
او نصافهم دهاءا
كي يسود العدل ارض الرب
حين لا يجدي الغضب
ف بالحيلة ترد الحرب
هكذا نحيا علي ارض السلام
ثم ننسي انه كان انسانا
فـــــــمات .....
والله يا جماعة بحر دا منبر براهو .. ابقي داخل يا بحر في رجاك
اباذر النضيف
|
Post: #33
Title: Re: و مجـدي بحـر كمـان بقـي عضـو سودانيزأونلاين
Author: Abdelmoniem ALHAJ
Date: 03-01-2008, 07:26 PM
Parent: #32
حباب بحر
الديار نورت
|
Post: #34
Title: Re: و مجـدي بحـر كمـان بقـي عضـو سودانيزأونلاين
Author: فيصل محمد خليل
Date: 03-01-2008, 07:39 PM
Parent: #33
يا هلا
|
|