مرحبا بالعم و الاستاذ أرنست أرجانوس جبران فى اريزونا

يزور الاستاذ أرنست أرجانوس جبران فنكس فى الفترة ما بين March 8th-10 فى زيارة عمل قادما من تكساس و على شرف تشريفه اريزونا تقيم سودانيزاونلاين دوت كم حفلة عشاء يوم السبت الموافق 8 مارس الساعة السادسة مساءا بمنزلنا فى العنوان ادناه
وهذه دعوة لكل بورداب وقراء سودانيزاونلاين دوت كم باريزونا
8713
w.tonopah dr
peoria az 85382

مكتبة أرنست أرجانوس جبران
http://www.sudaneseonline.com/cgi-bin/sdb/2bb.cgi?board=23

Quote: وهذه دعوة لكل بورداب وقراء سودانيزاونلاين

دعوة مقبولة يا ريس

أها

مافي تذاكر وكدا يعني .. نظام مساعدة
ولا نجي كدااري





_،_،_،_،_،_،_،_،_،_،_،_،_،_،_،_،_،_،_،
غايتو جنس غايتو!!! <<<< بكتبا براااااي يا بكري

كتر من الكسرة والمفاريك يا ريس
اليوم داك احتمال نحصل لينا لقمة معاكم
.....

العم ارنست بستان محبة متجول
يجد القبول اينما حل
رافقته السلامة

الفاضل بكري ابوبكر
الف شكر لك وانت تكرم صديقنا ارنست جبران
وعلى فكرة الزول ده شباب بس مكبر نفسه ساكت.


واتمنى فعلا ان يلبى اكبر عدد من بورداب اريزونا دعوة بكري
لان الغالي ارنست جبران فعلا هو ما قاله عنه الاخ هوبفل :

Quote: العم ارنست بستان محبة متجول

وبالله يا بكري اعملوا ليه عصيدة بملاح روب اصلا كاتبها اكلته المفضله في بروفايله.
ولو في اريزونا في ناس محوشين لهم باقي حلمو بالله برضوا ضوقوه له اصلا بيحبه.
وياريت
تسمعوا ليه يحكي لكم عن تجواه في كل اصقاع السودان
وعن السودان ايام زمان.


محبتنا لك يا غالي يا ارنست
ووين الحي بيك منقطع كده ليه؟؟؟

سوداني عجوز..
بختكـ..
بس..

تبش (فقوس) نيالا هناك مافي..

العشا حيكون شنو ..!!

Quote: وعلى فكرة الزول ده شباب بس مكبر نفسه ساكت.

صدقتي يا تراجي..
الزول دا ما عارف ليه مكبر نفسه والناس شابكنه عم إرنست.

ويا بكري.. عاطف إرنست فنانه المفضل الراحل إبراهيم عوض
وصية مني.. بالله كتروا ليه من أغانيه وحيسمعها بمزاج..
وبالله خلوا لينا بالكم منه كويس الزول دا حكاي بشدة أصله
ما تتخيلها.. طاف معظم أقاليم السودان يعني ما خلا شبر واحد
جميل وظريف لأبعد الحدود.. وأكيد حتستمتعوا بوقت ممتع معه.

صحبتك السلامة يا عاطف.

الأحباب بكري وأرنست وناس أريزونا..

هنيالكم بالزيارة المباركة..

وهنيالكم مقدما بالعشاء (الفاخر) أكيد..

مش قالو:
على قدر اهل العزم تاتي العزائم

أتمنى ان تلتقي يا أرنست بأل جلاب (عبدالله وسعاد تاج السر)..
وأتمنى ليك رحلة عمل وزيارة ناجحة بعون الله..


ودي الوافر

الأستاذ الفاضل
والأخ الحبيب بكرى أبو بكر ..

حقيقة .. أنا فوجئت بهذا البوست الخاص ..

قد أخجلتم تواضعى .. بكرم فائض وكلمات لا أستحقها ..

قلت لكم أننى أود مقابلتكم فقط .. ولا يمكن أن يطاوعنى

ضميرى بأن أكون فى فينكس ولا أراكم ..

.. ولكننى ..

لم أتوقع قط أن تذاع هذه المقابلة وتكون " هيلمانة "

ياسيدى .. زى ما بنقول فى السودان .. خلى البساط أحمدى ..

ومافى أجمل من البساطة فى المواضيع ..

عموميا لا أستطيع أن أضيف شيئا خلاف ,, أن أقول لكم ..

كتر خيرك يا بكرى .. والله يساعدك .. ويجعله دايما عامر ..

يارب ..

أخوك ..
أرنست

عمنا العجوز أولى بالتكريم..

السعادة عمت جمعكم
وأوراق الخريف طافت حولكم

الصديق ارنست ارجانوس
والمضيف الكريم بكرى ابوبكر
يا ريت نشوف صور للعزومة هنا... ويا ارنست اعتذر عن عدم ارسالى صور العائلة الكريمة لكم اثناء زيارتى لهم فى بحرى... ارجو الاتصال بى..

نورالدين منان

فوق لاجل العزيز ارنست.

الأخ محمد عبد الماجد،

إن شاء الله نلتقى هناك ونتعارف .. هذا هو الأهم ..
لك الشكر والى اللقاء ان شاء الله ..

الأخ هوبفل:

شكرا يا أخى هذا من زوقك وأخلاقك الحميدة ..

الأستاذة والأخت الغالية تراجى :

حقيقة أنا لا أستحق كل هذا الثناء .. من أنا .. !!! ..

أنا نكرة من النكرات .. تسعى لحب الجميع ..

فسعادتى لا توصف بهذا اللقاء .. ان شاء الرب وعشنا ..

لأننى سأقابل وأتعرف على الأحباء فى أرض الغربة ..

وما أجمل اجترار الذكريات .. فمنزل الأخ بكرى سيكون

سودانا مصغرا نشتم فيه أريجا خاصا.. وطعما ذا نكهة مميزة ..

وعند عودتى من تلك الرحلة ، سأكتب لكم .. حتى ليعرف من لم

يتعرف على الاخوة الأحباء .. سيعرفهم من خلال مساهماتهم ..

ومرة أخرى أشكرك أختى تراجى جزيل الشكر على اهتمامك

ومحبتك الفائضة ..

ودمتم جميعا فى رعاية القدير ..

والى لقاء آخر ..

أخوكم وعمكم العجوز ..
أرنست

الأخ عبد الرازق الطالب ..

تحية من الأعماق ..

تفتكر أيام نيالا دى ممكن ترجع تانى ..

لا يمكن بحال من الأحول .. ولا أظن

فى يوم من الأيام يرجع السودان القديم

بطيبة أهلة وكرم معشره ..

يا حليل الزمن الرّوّح ..
ويا حليل السودان ..


------

الأخ العزيز عبد العزيز ..

شكرا يا عبد العزيز على كلاماتك الرقيقة ..
وينك يا راجل ياطيب ..

حقيقة الحياة مشاغل ومشاكل ..
كل يوم يمر .. يمر بِهَمّه ..

يا أخى لما تكون فاضى .. أدينا ألو ..
سلامى الكثير لباقى الأسرة الكريمة
فردا فردا ..

أخوك ..
أرنست

الأستاذة والأخت الحبيبة..
رجاء ..

شكرا على شعورك الطيب ودعواتك الصالحة ..

Quote: أتمنى ان تلتقي يا أرنست بأل جلاب (عبدالله وسعاد تاج السر).. وأتمنى ليك رحلة عمل وزيارة ناجحة بعون الله.. ودي الوافر

أختاه ..

بخصوص آل جلاب ..أعتقد بأننى قد قمت بالاتصال بالأخ عبد الله والأخت سعاد تاج السر قبل عدة
سنوات ..
ولكننى فقدت أرقام تليفوناتهم .. ولا أدرى هل كان مكان اقامتهم هو فينكس أريزونا .. أم نيويورك ..

أرجو اعطائى أرقام تليفوناتهم على عنوان بريدى الاتى :
[email protected]

حقيقة .. انه لشرف كبير أن أقابل عائلة آل جلاب ..
بل وأن الأخ محمد تاج السر وأخاه فى أمدرمان -
هما من أعز أصدقائى عندما كنت بالخرطوم ..

أنا بانتظار ردك الكريم يا أختى رجاء ..

أخوك ..
أرنست

العم ارنست

انت رجل فاضل مرحب بيك اينما حللت ...

رحلة سعيدة وكل الود لناس اريزونا ..

محمد ادريس

العزيز بكري
سلام
ونعم الزائر
عمنا ارنست ده بكاي وعنده نوستالجيا شديدة للسودان زمان
حضر المناديل
ونحن كمان
كم تمنينا وكم من امل مر الخداع
ان ترجع بلادنا الي سيرتها الاولى بيضاء من غير سوء

بس نتعزى بالنسمات التي تعبر بحر القلزم وتاتينا في اليمن وانتم خلف بحر الظلمات
ويا نسمة يا جاية من الوطن بتقولي لي ايام زمان ما برجعن

والاغنية في هذا البوست للفنان الذري ابراهيم عوض
مهداة للعم ارنست والزوار

الأخ الفاضل المسافر ..

شكرا على المرور الكريم .. ودمت أخى ..
ولا أدرى فى سفرياتك دى ما تغشانا بيجاى ..
ولكن .. زى ما بنقول .. الحى بيتلاقى ..
الله يطول فى أعماركم وأعماركم ..ومن يدرى
قد تتلاقى الوجوه فى يوم ما ..

الأخ الحبيب منان ..
شكرا على التعليق .. وأشكركم على الاتصال ..
وقلوبنا معكم وبالتوفيق باذن الله .. والرب قادر
أن ينصف المغلوبين على أمرهم .. يارب ..

أخوكم أرنست

الأخت تراجى ..

شكرا مرة أخرى لرفعك البوست ..


الأخ الكريم محمد ادريس (هنوف)

Quote: العم ارنست انت رجل فاضل مرحب بيك اينما حللت ... رحلة سعيدة وكل الود لناس اريزونا .. محمد ادريس

أنت يا أخى أكثر فضلا لتفضلك بهذه الكلمات الرقيقة
وعلى الرغم من وجودك فى مكان آخر ..الا أن جودك أجاد
بكلمات ترحاب أجود من الجود نفسه ..
أطال الله فى عمرك منعما عليك بوافر الصحة والعافية ..
ولنا لقاءآت أخر عبر هذه الساحة العامرة باذن الله ..

ولكم منى أسمى مودة ومحبة ..

أخوكم المخلص..
أرنست

الأستاذ العادل والأمين

والأخ عادل أمين ..

شكرا على كلماتك وشكرا لاهدائك أغنية الفنان
ابراهيم عوض ..

فعلا أيام زمان ما بترجع تانى ..
لكن البركة فى الباقى منها ..
وعلينا اجترار الذكريات القديمة ..
مرة ومرات ومرات .. واتمنى الا
تندثر مع كبر السن .. ومع الفراق الطويل
الأليم ..

ولكن أتمنى من الأجيال الحديثة الأخذ ولو القليل
من الأجيال القديمة .. والا نقول على السودان
السلام ..

وأخيرا تقبلوا شكرى وتقديرى مرة أخرى ..

عمك العجوز ..
أرنست

الاخ العزيز بكري.

شكرا لك وللدكتورة هالة وأنتم تحتفون بشخص مثل سوداني عجوز فالرجل يستحق مننا جميعا كل الاهتمام والتكريم ومكانته عزيزة لدينا.

الاخ العزيز سوداني عجوز أرجو أن تسجل زيارة الى أميرنا الكوشي بشاشا وتبلغه تحياتنا له. سوف أتصل بكم في يوم الاحتفال نفسه أو سوف أحصل على

رقم هاتفك من الاخ بكري أو الاستاذ منان.


دينق.

اخي الحبيب ارنست لك اجمل تحياتي واتمني لكم وقتا ممتعا مع اهلك وعشيرتك ابناء وطنك ايها الجميل

صديقي الحبيب إرنست..

كل الأمنيات بقضاء يومين جميلين مع أهل فينكس..

وأتمنى أن تطمئن الحبيبة سعاد على صحة والدها الجليل. وإن شا الله تلتقي ود. جلاب..

تحياتي لكل أهل فينكس..
ولأصحاب الدار د. هالة وبكري وأنجالهم

الأخ الحبيب دينق

شكرا جزيلا على ترحابك الرقيق ..

تجدنى آسف للتأخير عن الردود .. فاننى أعتذر للجميع .. لارتحال أحد أصدقائى عن
هذا العالم .. حيث كنت مشغولا قليلا فى الفترة الماضية .. أكرر اعتذارى ..

Quote: الاخ العزيز بكري. شكرا لك وللدكتورة هالة وأنتم تحتفون بشخص مثل سوداني عجوز فالرجل يستحق مننا جميعا كل الاهتمام والتكريم ومكانته عزيزة لدينا. الاخ العزيز سوداني عجوز أرجو أن تسجل زيارة الى أميرنا الكوشي بشاشا وتبلغه تحياتنا له. سوف أتصل بكم في يوم الاحتفال نفسه أو سوف أحصل على رقم هاتفك من الاخ بكري أو الاستاذ منان. دينق.

فعلا أنا شاكر للأخ بكرى وللدكتورة هالة حسن ضيافتهما مقدما .. بل أننى أشكر مقدما كل من
سيحضر حفل التعارف .. فى الحقيقة اننى أتوق شوقا لمقابلة أكبر كمّا من الاخوة بفينكس .. لأن
أمثال هذه اللحظات لا يمكن أن تتكرر ..

أما بخصوص تليفونى فهو 7132086563 واننى بانتظار مكالمتكم .. وأيضا عنوان بريدى الالكترونى
[email protected]
أيضا ليت الأخ بشاشا يكون حاضرا الحفل .. بل يمكنكم اعطاءه رقم تليفونى مع الشكر الجزيل ..
وفى نفس الوقت أحاول أخذ رقمه من الأخ منان ..

شكرا مرة أخرى أخى دينق ..

أخوكم ..
أرنست

الأخت الغالية دوما ..

Quote: اخي الحبيب ارنست لك اجمل تحياتي واتمني لكم وقتا ممتعا مع اهلك وعشيرتك ابناء وطنك ايها الجميل

كلمات قليلة الا ان معانيها تصل الى أعماق النفس -
شكرا أختى - بالفعل أتمنى أن أقضى وقتا طيبا
بين أهلى وعشيرتى .. وأننى شاعر بأن هذه الزيارة -
كأنما هى زيارة الى السودان ..
لك جزيل شكرى ومعزتى ..

أخوك ..
أرنست

الى الحبيبة
الأخت رجاء ..

Quote: صديقي الحبيب إرنست.. كل الأمنيات بقضاء يومين جميلين مع أهل فينكس.. وأتمنى أن تطمئن الحبيبة سعاد على صحة والدها الجليل. وإن شا الله تلتقي ود. جلاب.. تحياتي لكل أهل فينكس.. ولأصحاب الدار د. هالة وبكري وأنجالهم

فعلا نتمنى بل نضرع الى الله عز وجل أن يشفى والدة دكتورة سعاد - وان شاء الله
عندما أقابل السيد عبد الله سأوافيكم بأخبار صحتها وباذن الله ستكون عال العال ..
يارب ..

وبالطبع سأبلغ تحياتك الى كل من الأخ عبد الله والأخ بكرى والأخت هالة ..

مرة أخرى شكرا رجاء على اهتمامك الذى ينم على شخصية محبة وفيّة ..
الرب قادر أن يقدرنا أن نرد خدماتك فى الأوقات السعيدة .. ان شاء الله ..

ودمت أختى رجاء ..

أخوك ..
أرنست

today at 7 pm