Post: #1
Title: ماذا لو.........؟؟؟
Author: Soumeta
Date: 02-25-2008, 05:41 PM
كعادة صباح كل يوم من زمان،،
احتسي نصف كوب الشاي الآن والقهوة سابقاً
في صالة الجلوس حيث التقي بماما صباحاً قبل ذهابها إلي العمل،،
و ذهابي للجامعة او الشغل،،
و امام التلفزيون الموجه علي قناة ال سي إن إن
لمعرفة قليل مما يدور حول العالم الكبير و حول العالم المصغر،، بلدنا دي،،
المِهِم؛
اليوم صباحاً و بما إني خليت القهوة بعدم رضاي،،
لكن لأنها اصبحت تتحكم في مزاجي بشكل عالي،،
و بعدين في السودان تقوم من الصباح تكابس العدة
و المطبخ و تجي مريوم تنق في وسيخك لي ستين ماعون،،
ما جايبة تعبها زاتو،،
فتبدل حالها بالشاي الذي لا فرق كبير بينه
و بين سجارة الصباح إن لم يُشرب،،
دي ورطة دي؟!
يعني الزول يبقي زول سااااي كدة لا قهوة لا شاي لا اي شي؟
أها السي إن إن CNN؛
لي التكربني من الصاح جابو اوزاج فازو بال Power Ball Lottery
سأل المذيع زوجها؛
ماهو اول شي ستفعله بعد ان اصبحت ملتيمليونير(Multi-millionair)؟
هل ستترك عملك الغير بروفشينال؟
فكانت إجابته بالامس عند لحظة الفوز:
بالطبع لا،،
اليوم و بعد ان إستلمو الشيك اليهز و يرز ابو 165.000000مليون تقريباً
سألته المذيعة ما هو إحساسك،،
فأجابها ان اول شيء فعله هذا الصباح هو الاتصال بالمصنع الذي كان يعمل به و اخبرهم انه لن يعود للعمل ثانية،، 
و سألت الزوجة ما هو اول شيء خطر ببالها عندما فازت؟
فأجابت؛
اشتري عربية مارسيدس.
يبدو ان Mercedes عربية الحلم العالمي ليس السوداني و العربي فقط.
___
سألت نفسي،، ماذا لو فزت انا بال164.0000000
ماذا سأفعل؟
لقيتني ح اسوط الدنيا دي بي عود،، 
____
السؤال موجه لكم: ماذا انت فاعل إذا كسبت اللوتري
أو
اصبحت فاحش الثراء بين ليلة و صباحها؟
|
Post: #2
Title: Re: ماذا لو.........؟؟؟
Author: Soumeta
Date: 02-25-2008, 05:45 PM
Parent: #1
بي مناسبة الموضوع ده،،
خطر ببالي برضو;
عماد عبدالله المسكين الفقران ده،،
اها إنشاءالله غنيت؟؟!
|
Post: #3
Title: Re: ماذا لو.........؟؟؟
Author: المر
Date: 02-25-2008, 05:49 PM
Parent: #2
اشترى دستة (شرابات)
واخت المبلغ دة تحت (المخدة) وانوم بدون هضربة وهلاويس بتاعت الكل يوم دى
|
Post: #8
Title: Re: ماذا لو.........؟؟؟
Author: Soumeta
Date: 02-25-2008, 06:02 PM
Parent: #3
المُر سجمك!
قالو القروش بي شيطانها،،
احسن ختها في البنك بدل ما بعدين نفرزعها كلها فُقرا،،
|
Post: #5
Title: Re: ماذا لو.........؟؟؟
Author: غادة عبدالعزيز خالد
Date: 02-25-2008, 05:58 PM
Parent: #2
سوميتا الظريفة
إزيك ومشتاقين...
وخلاص، من لقى أحبابه نسى أصحابه ولا شنو؟ 
جماعتك ديل إستضافهم برنامج Today's show
فقال الرجل:
"زوجتي تريد عربة ليكساس"
فردت عليه بسرعة:
"لا، أريد عربة مارسيدس"
وضحك الناس على ردها المنفعل السريع
أنا عندي قائمة طويلة، أبداها ليكي من وين
محبتي، وما تطولي الغيبة
غادة
|
Post: #9
Title: Re: ماذا لو.........؟؟؟
Author: Soumeta
Date: 02-25-2008, 06:08 PM
Parent: #5
غادة إزييييييييك،،
والله مشتهية كتابتك و قرايتي ليها،،
مبروك لي سيودة الوليد،، في عزهم وعزكم يتربي،،
إذا كانت مية خمسة و ستين مليون تقريبا ما غيرت رأيها في العربية ال ليقزس،،
تاني اليغيرها شنو؟
غايتو اللهم لا حسد شديد،،
كدي يا غادة ابدي من اي حتة،،
إنتي عارفة انا اظني كان كسبت المبلغ ده،،
بخت القروش في السرير قدامي،،
و اجعر قدرتي،،
ده ك إنفعال اولي،،
|
Post: #4
Title: Re: ماذا لو.........؟؟؟
Author: عبدالله داش
Date: 02-25-2008, 05:51 PM
Parent: #1
والله العظيم لو فُزت
أقسم ليك معاى النص بالنص
وبعدين أفكر أسوى شنو
أسو شنو يا يالله
أمشى أعيش لى فى حِته براااااى
وفى حال يصتصعب الأمـــر ( خالس خالس ) أتزوج لاكين ما البت ديِك
خلى بالك يا عزه جبتى طارى القروش ح يطير منى النوم
ولا اقول ليك مالو ياااخ ما نحلم
لا قروش لا حلم
|
Post: #6
Title: Re: ماذا لو.........؟؟؟
Author: زوربا
Date: 02-25-2008, 06:01 PM
Parent: #4
سوميتا
والشوق الجاري عليك
طقس القهوة الصباحية جدا الاستغراق في حلم بنكهة الشاي المقنن
عربية مرسيدس .. عمل غير مضني .. امراة جميلة للامسيات ولا باس ان تكون زوجة
أما طقس الشاي المغارب
وجع في كل الجسم جراء الجري طول اليوم .. بقاية كتاحة اسفل الرقبة وبالتاكيد طين اسفل الحذاء
هذه هي طقوس الحلم في المدائن المفرغة من احلامها
وحتى حلم قادم
الريد نيلين
همسة / كوني آمنـــــــــة
|
Post: #12
Title: Re: ماذا لو.........؟؟؟
Author: Soumeta
Date: 02-25-2008, 06:31 PM
Parent: #6
هي يا زووربا كيف حالك،،
تصور معي يا زوربة،،
عربية مارسيديس،، او كما قلت لا بأس بها،،
و إمرأة جميلة إلي جانبك،، زوجة عمل غير مضني ابداً ابداً،،
تلبس عقداً من الماس الرقيق،،
و إنتو الإتنين علي حافة نهر
تودعون شمس ذلك اليوم،،
و علي يدك كوب من شيء،،
ما غنيان إنت كمان،، اشرب البريحك،،
و جنبك كدي كتاب سممممح لماركيز،،
(زي المشيت اشتريه من البسطة قال لي الولد بي خمسين الف و انا ما كان معاي غير تلتين،،و زمني ضايق علي السفر،،)
يعني تاني الناقصك شنو لحظتها بكون؟
محبة.. عند حلم،،
|
Post: #37
Title: Re: ماذا لو.........؟؟؟
Author: زوربا
Date: 02-26-2008, 03:36 PM
Parent: #12
سوميتا الخيّالة شدييييد ( خيالة / الأنثي التي تجيد التخيل كما لم يقل مختار الصحيح )
والشوق الجاري عليك
اتخيل ان علي ذات الشط الذي اقترحتيني فيه
وبذات التفاصيل
عدا أني نسيت ان اصطحب مئة عام من العزلة واكتفيت بدومة ود حامد
والمراة التي بجانبي واقع الامر انها نسيت ان ترتدي عقدها الماسي الرقيق حين كنا نتجادل من منا سيدفع حق الموصلات
اما الشي الذي نرتشفة فكان شاي بي لبن لا لون له ولا رائحة والغريب انه بذات الاداء الوظيفي لكوب من النسكافية في الشانزليزيه
حينها فقط يا سوميتا لم يكن ينقصنا شي
اما عن الولد الذي رفض رفض ان يبيعك ماركيز بثلاثينك وانت علي حافة السفر
فلا يسعنا إلا ( شكيته علي الله )
والريد نيلين
همسة / كوني أمنــــــــة
|
Post: #10
Title: Re: ماذا لو.........؟؟؟
Author: Soumeta
Date: 02-25-2008, 06:15 PM
Parent: #4
ايواااااااااااا ده الكلام المفيد،،
ما تقسم لي معاك النص بي النص،،
بس شفت إشتري الجزيرة زي حقت السير الانقليزي داك،،
و ابني لي فيها بيت سغيرون،،
و اعمل لي ستوديو،، اغني براااااي و اسجل غناي،،
بعداك انا بتم الباقي براي،،
و امشي اسكن براك،،
محل ما يبقي ليك،،
ما مليونير كمان ،، في زول عندو عندك حاجة؟
مش ياخ يا داش؟
يعني يبقن علينا الإتنين عدم كترة قروش و قلة حلم؟
بعدينك البت ديك ياتا؟
|
Post: #7
Title: Re: ماذا لو.........؟؟؟
Author: مازن الجمّال
Date: 02-25-2008, 06:02 PM
Parent: #1
| Quote: اصبحت فاحش الثراء بين ليلة و صباحها؟ |
ح ارجع السودان
واشتري بيت كبير ألم فيه اهلي كلهم
واشتري لي عربية اقتصادية
وح اعمل لي مشروع تجاري واشرك فيه اخواني
واخت باقي القروش في البنك
عشان بحتاج ليها للمشروع كل ما يقع ادعمو منها
وح اشتري لي علبة سجاير مارلبورو احمر
بس
|
Post: #11
Title: Re: ماذا لو.........؟؟؟
Author: محمد عبد الماجد الصايم
Date: 02-25-2008, 06:19 PM
Parent: #7
والله ما عارف
لكن احتمال أعمل نايم
واحتمال أعمل حوليه
ياخ انتي عارفه أنا المزهجني في الدنيا
دي كلها أنو الواحد كلو يوم ماشي الشغل
جاي من الشغل .. وهكذا دواليك << دواليك دي كدا صاح؟؟
المهم عشان الزمن وكدا
أول حاجه حأشغل لي مستشار
وهو يفكر نعمل بالقروش شنو
آمال إيه
مش عندي قروش
قال قروش قال
عليك الله ده وش قروش << أنا ما إنتي
|
Post: #16
Title: Re: ماذا لو.........؟؟؟
Author: Soumeta
Date: 02-25-2008, 06:56 PM
Parent: #11
محمد عبد الماجد،،
ابشر،،
ده ما المزهجك براك،،
ده المزهجني و مزهجك و مزهج نص سكان الكُرة الارضية،،
مع إنك قربت تبدا صاح،،
لكن ابيييييييييييييت ما بسوي زيك و اشغل مستشار،،،
بستشيرني برااااااي لمن اجغمس كويييييس،،
و اسوي النفسي فيهو بعداك بشوف لي مستشار
و اشتري هيئة كاملة زاتو،،
خلي وشك اليحلم ساااااي،، ما فوكا شي،،،،
|
Post: #13
Title: Re: ماذا لو.........؟؟؟
Author: Soumeta
Date: 02-25-2008, 06:45 PM
Parent: #7
بيييييييييب ورونق آنسر،،
ترجع السودان؟؟
فكرة الشركة و اخوانك دي كويسة شديد،،
بدل ما تقول تمشي تقعد في باريس فور قوود كدة
وتسوي ليك حاجات جديدة،،
ولي المهم يعني،،
بي كريييتف،، السودان راجع راجع،،
بس إتفشّ اول،،
بعدين ياخ وسع افق احلامك حبتين كدة،،
ديل ميةخمسة و ستين مليووووون،،
|
Post: #14
Title: Re: ماذا لو.........؟؟؟
Author: مازن الجمّال
Date: 02-25-2008, 06:52 PM
Parent: #13
| Quote: ديل ميةخمسة و ستين مليووووون،، |
كمممممممممممممممممممممممممم !!!!!!!!!!!؟؟؟؟؟؟؟؟؟
طفحتيني الشاي الكنت بشرف فيو طبعا
ما كان تقولي لي كده من الاول
خليتيني هسة كلمت المحامي بتاعي في السودان
وداك ما صدق دور شغل طوالي
|
Post: #15
Title: Re: ماذا لو.........؟؟؟
Author: محمد عبد الماجد الصايم
Date: 02-25-2008, 06:56 PM
Parent: #14
| Quote: طفحتيني الشاي الكنت بشرف فيو طبعا |
قمة الشرفنه
كامبينك خستك وكدا
|
Post: #17
Title: Re: ماذا لو.........؟؟؟
Author: مازن الجمّال
Date: 02-25-2008, 07:03 PM
Parent: #15
ايوة شفتو
ما شفتني عملت انسحاب براحة وكده
بيني وبينك هي زاتا جاتا تخمة من الطلبات الكتيرة
قلت اسحن لي اشتت
|
Post: #19
Title: Re: ماذا لو.........؟؟؟
Author: Kostawi
Date: 02-25-2008, 07:06 PM
Parent: #15
أشتري لي جامع.
|
Post: #21
Title: Re: ماذا لو.........؟؟؟
Author: Soumeta
Date: 02-25-2008, 07:11 PM
Parent: #19
No Comment.
|
Post: #18
Title: Re: ماذا لو.........؟؟؟
Author: Soumeta
Date: 02-25-2008, 07:03 PM
Parent: #14
انا قُتّ،،
بعدين ياخ مارلبورو؟!!
اخجل ياخ،،
قول سجاير بي الكافيار،،
مارلبورو!
|
Post: #20
Title: Re: ماذا لو.........؟؟؟
Author: مازن الجمّال
Date: 02-25-2008, 07:09 PM
Parent: #18
| Quote: قول سجاير بي الكافيار،، |
ده سجاير ولا سندوتشات
وبعدين لازم ابقى حضرمي في البداية
عشان استثمر القروش بقدر الامكان
لكن كدي في البداية عاوزك توضحي لي حاجة
القروش دي ح اشيلا كاش ولا شيك ؟؟
|
Post: #22
Title: Re: ماذا لو.........؟؟؟
Author: Soumeta
Date: 02-26-2008, 04:09 AM
Parent: #1
لالالا،،
إنت تتلم عي المية و بتاعين مليون ديل،،
و عيني مديرة اعمالك،،
و ارقد قفا،،
|
Post: #28
Title: Re: ماذا لو.........؟؟؟
Author: مازن الجمّال
Date: 02-26-2008, 11:12 AM
Parent: #22
| Quote: و عيني مديرة اعمالك،، |
اكون بيلو
|
Post: #32
Title: Re: ماذا لو.........؟؟؟
Author: Soumeta
Date: 02-26-2008, 12:44 PM
Parent: #28
بيلو ميــــــــن؟
|
Post: #40
Title: Re: ماذا لو.........؟؟؟
Author: مازن الجمّال
Date: 02-27-2008, 12:42 PM
Parent: #32
بيلو ناجي الملك
كدي اتصلي عليو وقولي ليو المبلغ ده
كان ما وقع من السقالة ما ابقى انا
|
Post: #23
Title: Re: ماذا لو.........؟؟؟
Author: abubakr
Date: 02-26-2008, 05:59 AM
Parent: #1
ياسوميتا الظريفة ... من كترة مصاغرتنا في الغربة للناس المريشيين خالص والاتريشو امام اعيننا وكانو بلا ريش الكلام البيقلو دة كلو في الهوا ... اها بعد البرنامج طوالي بيكونو الفريلانس بيرسونال فاينانس ادفايزرز عملو زييرهووم ويرك وقررو انو الفلوس دي تمسشي وين وهم الحيقررو بطريتم انو الزوجة حتركب ياتو عربية لانم بيكونو دبروا مع شركات العربيات البتعاملو معاها ومقدرتهم علي الاقناع خرافية واكيد لو قابلتي الزوجة حتلقيها اماسايقة بورش اسبورتس او فيراري .. الشغلة فيها عمولات وبلاوي ..... واهم حاجة في الشغلة والهي بتخلي الزوجيين سعيديين انو ال 165 مليون ما بتتهبش وانو بس الارباح هي الحيصرفو منها وعلي هذا الاساس تبقي تحت تصرف الانفيسترز والبنوك . وتاني ما بيشوفوها تب الا في الورق
|
Post: #31
Title: Re: ماذا لو.........؟؟؟
Author: Soumeta
Date: 02-26-2008, 12:43 PM
Parent: #23
قااااااادر الله ياخواني!
ما بتتهبش كلو كلو؟
اتاري القروش دي بت لذين كيف؟!!
كان ما عندك تصم خشمك و تسكت،،
و كان عندك كتيرة تصرف حتي من غير ما تهبشها؟!
شي عجيب!
|
Post: #24
Title: Re: ماذا لو.........؟؟؟
Author: sama7
Date: 02-26-2008, 07:02 AM
Parent: #1
غايتو يا مازن جنس كضبك ما لاقانى قال تلم أهلك كلهم
بعدين يا مازن إذا ناوى تستثمر فى السودان فاعمل حساب 65 بس عشان المية حتنتهى ضريبة (جاتك قروش) !!
الإجابة الفائزة:
ود الصايم (أعمل نايم) هاهاهاها والله جنس نوم حيكون دا
سوميتا جهجهتى الجماعة السرح سرح والنام وحلم نام غايتو
مودتى
سماح
|
Post: #29
Title: Re: ماذا لو.........؟؟؟
Author: مازن الجمّال
Date: 02-26-2008, 11:17 AM
Parent: #24
Quote: غايتو يا مازن جنس كضبك ما لاقانى قال تلم أهلك كلهم
|
هي لكن يا سماح اذا عندي تلاتة عوارض من ناس بيتنا
يوميا بيدخلو يتصفحو لازم اقول كده
وبعدين هسة غيرت نشاطي زاتو
عاوز استثمرا في ممنوعات
|
Post: #33
Title: Re: ماذا لو.........؟؟؟
Author: Soumeta
Date: 02-26-2008, 12:50 PM
Parent: #24
سماح يختي خليهم يحلمو،،
هو حد واخد منها حاجة،،
اسع خلي مازن ده يجي و اسأليهو،،
ح تلقي واحد من إتنين؛
يا إمة حلم و صاحي و فكر و فكر و فكر،، لامن نام،،
و صحي مرتاااااااااااح،،،
و يا إمة حلم و حلم و برضو صاحي و لي اسع ما نام،، بس برضو مرتاح،،
|
Post: #42
Title: Re: ماذا لو.........؟؟؟
Author: مازن الجمّال
Date: 02-27-2008, 12:46 PM
Parent: #33
| Quote: اسع خلي مازن ده يجي و اسأليهو،، |
سوميتا لما حاولت اتخيل انو عندي المبلغ ده
مخي علّق
واضطريت اعمل ليو رستارت
|
Post: #25
Title: Re: ماذا لو.........؟؟؟
Author: Adil Osman
Date: 02-26-2008, 10:10 AM
Parent: #1
| Quote: إستلمو الشيك اليهز و يرز ابو 165.000000مليون تقريباً |
| Quote: سألت نفسي،، ماذا لو فزت انا بال164.0000000 |
سوميتا وعمار ديار:
المليون الفارقة دى مشت وين؟ اوعا يكون اشتريتى بيها حلاوة حربة؟
|
Post: #34
Title: Re: ماذا لو.........؟؟؟
Author: Soumeta
Date: 02-26-2008, 12:54 PM
Parent: #25
ضريبة حلم ساي يا عمو عثمان،،
الكسبوها الكبل،، مية اربعة و ستين مليون و كمكمية الف كدة،،
فعشان ما متذكرة الرقم بالتحديد قربناها لي الخسة و ستين،،
لما سألتني ماذا لو كسبتها،، قلت في نفسي لا بأس
ابداً في إستعمال الرقم إيفن،،
و اهو بنحلم،،
|
Post: #26
Title: Re: ماذا لو.........؟؟؟
Author: معتصم دفع الله
Date: 02-26-2008, 10:38 AM
Parent: #1
هسي يا عزة لو الواحد ما دخل البوست دا ..
يعرف كيف أنو في ناس محظوظين قدر دا ..
وانك في صباح كده مع كباية شاي صاموتية ..
تقومي تفوزي ليك بي كمية ملايين قدر دا ..
وقاعده تسوطي في الدنيا بي عـــــود ..
|
Post: #39
Title: Re: ماذا لو.........؟؟؟
Author: Soumeta
Date: 02-27-2008, 12:35 PM
Parent: #26
أريتو يا معتصم دفع الله حظي و حظ اليريدني بعد الحال،، قول يامين،،
اسمع إنتو سعوديتكم دي ما فيها لوتري؟
غايتو يا عصوم لو حدث بالفعل و فزت ليكم بي البهلميتين مليون ديل،،
اول شي،،
بسوي حلة كدة كاملة،،
التفاصيل لاحقاً،،
|
Post: #27
Title: Re: ماذا لو.........؟؟؟
Author: محمد عبد الماجد الصايم
Date: 02-26-2008, 11:09 AM
Parent: #1
| Quote: وقاعده تسوطي في الدنيا بي عـــــود .. |
عارف يا عــمــك
دي ما سواطة عـــــــــود
دي دندنه سااااااااااي بث!!
_،_،_،_،_،_،_،_،_،_،_
غايتو جنس غايتو!!!
|
Post: #30
Title: Re: ماذا لو.........؟؟؟
Author: العوض المسلمي
Date: 02-26-2008, 11:29 AM
Parent: #1
سوميته ياراقيه تحياتي
| Quote: اصبحت فاحش الثراء بين ليلة و صباحها؟ |
عارفه بحصل شنو
ده انا حا اعمل عمائل
واخلي اللي ما يشتري يتفرج
|
Post: #41
Title: Re: ماذا لو.........؟؟؟
Author: Soumeta
Date: 02-27-2008, 12:43 PM
Parent: #30
لي ما تعمل،،
ما مليونير بالدولار كمان،،
يا زول ضنب حصانك حننو،،
في زول يقدر يسألك؟
|
Post: #45
Title: Re: ماذا لو.........؟؟؟
Author: العوض المسلمي
Date: 02-27-2008, 01:22 PM
Parent: #41
سوميته يا رائعه تحياتي
شغالين في الضرائب ولا ايه
انتي قلتي تمنوا
ولو
والحنه للحصان لش التبذير 
|
Post: #35
Title: Re: ماذا لو.........؟؟؟
Author: sama7
Date: 02-26-2008, 01:01 PM
Parent: #1
Quote: هي لكن يا سماح اذا عندي تلاتة عوارض من ناس بيتنا
يوميا بيدخلو يتصفحو لازم اقول كده |
فى الحالة دى ليك حق هاهاها حلوة منك
سوميتا نزيد للجماعة والاحتال احتال
|
Post: #43
Title: Re: ماذا لو.........؟؟؟
Author: مازن الجمّال
Date: 02-27-2008, 12:49 PM
Parent: #35
| Quote: فى الحالة دى ليك حق |
في واحد منهم لقيتو قاعد يخش الموقع ده
قبل ما بكري ابو بكر يأسسو زاتو
|
Post: #36
Title: Re: ماذا لو.........؟؟؟
Author: بدرالدين يعقوب
Date: 02-26-2008, 01:24 PM
Parent: #1
| Quote: سألت نفسي،، ماذا لو فزت انا بال164.0000000 |
( اول حاجة رجعي لي المليون الخسمتيه ده عشان الحسبة تظبط وبعد داك اشوف اعمل شنو )
اولا امشي جزر الوقواق وابني لي فيها قصر كبير واكون انا الملك وبي جواري كمية من الحسان
والحسناوات والخدم والحشم وجالس علي كرسي ضخم ولابس لي تاج مرصع بالياقوت ,,,,,,,,, واكورك
واقول انا الملك
انا الملك مش دي مملكتي وانا عملتها بقروشي وافضل احلم واحلم واحلم لمن قروشي كملت وفجا صحيت
من النوم وتذكرت المليون الانتي خسمتيه مني.
|
Post: #46
Title: Re: ماذا لو.........؟؟؟
Author: Soumeta
Date: 02-27-2008, 03:36 PM
Parent: #36
يا بدر الدين يعقو لو سمحت احلم لينا حلم تقدمي حبة،،
ملك و خدم و حشم؟؟؟!!!
شفتو عشان احلامكم الزي دي الضريبة إرتفعت وصلت السماء،،
وبعدين يعي بقت عي مليوني الخسمتها منك؟
حق اتعاب ساااااااااي إعتبرو،،
|
Post: #38
Title: Re: ماذا لو.........؟؟؟
Author: Soumeta
Date: 02-27-2008, 12:28 PM
Parent: #1
I think I better Stop watching TV shows.
اوبرا،،
من اغني اغنياء العالم الاميركي،،
و من اكثرهم عطاء و إنسانية في نظري،،
امس السيدة اوبرا مستضيفة مستر William Shatner
في حلقتها،،
القصة;
إثناء اداء عمله في حلقة من حلقات Boston Legal
حس بألم مزعج جداً،، نقل بعدها إلي المستشفي
و إتضح انه مصاب بحصوي في الكلي و لابد من إزالتها في الحال،،
بعد ان تم اخراجها a gambling website contacted
وطلبو منو إنو يشترو الاستون الطلعوه من كليتو ده بي $15,000
هو إستمر في محاججتهم إلي ان وصل القم إلي$75,000
و قرر إنو يعمل حاجة كويسة بي المبلغ ده،،
ف زملاءه في الشو ختو معاهو $20,000
هو بي دورو شال $95,000
بي صتها و مشي لHabitat for Humanity
هابيتات منظمة تساعد ذوي الدخل المحدود
في بناء منازل لهم بأقساط مريحة جداً،،
ف إشتري بالمبلغ بيت في نيوأورليانس لاسرة
كان قد شردها إعصار كاترينا العنيف.
إنتهت القصة،،
|
Post: #44
Title: Re: ماذا لو.........؟؟؟
Author: عبدالله كع
Date: 02-27-2008, 01:12 PM
Parent: #1
سوميتا حراااااااااام عليك
تعملي فيني كدا بعد ما خلاص حتي احلام اليقظه شتت مني
واقتنعته انو انا فقر (ضم الفاء) والفقر ملازمني محل
مامشيت. جيتي انتي وفتحي باب احلام اليقظه تاني بالرغم
من اني لا بفوز بي لوتري ولازفت .
عموما بشتري لي خروف كبير كرامه لعودة احلام اليقظه
كم المبلغ قلتي لي؟
|
Post: #47
Title: Re: ماذا لو.........؟؟؟
Author: Kostawi
Date: 02-27-2008, 07:48 PM
Parent: #44
|
Post: #51
Title: Re: ماذا لو.........؟؟؟
Author: Soumeta
Date: 02-27-2008, 09:51 PM
Parent: #47
عن يمينو و عن شمالا،،
مالو مالو الحبيب ده مالو،،
صورة عمو عركي عجيبة،،
و العجب صورة سلمي الشيخ،،
|
Post: #50
Title: Re: ماذا لو.........؟؟؟
Author: Soumeta
Date: 02-27-2008, 09:46 PM
Parent: #44
عبد الله كع،،
نأسف علي الإيغاظ من الاحلام المزعجة،،
عليك الله لمن إتخيلت كدي،،
ما بقيت تتبسم براك؟
|
Post: #48
Title: Re: ماذا لو.........؟؟؟
Author: صديق الموج
Date: 02-27-2008, 07:59 PM
Parent: #1
سوميتا العرس طار ليك فى راسك والا شنو؟
انا حا اعمل واحده من اتنين:
1/ عندى صاحبى اسمه علوبه فى حايل بديهم ليه..
او
2/ اشترى لى لورى طوب واجر عمال عاتين يكسروا ليك فى راسك.
هسع ده كلام تقوليه وسط ناس اغنى واحد فيهم راجى بدل السكن بفارق الصبر،،،
|
Post: #52
Title: Re: ماذا لو.........؟؟؟
Author: Soumeta
Date: 02-27-2008, 09:58 PM
Parent: #48
أوووووو،، عمو صديق الموج..
أول شي اللفحي العليك شنو؟
صحبك علي ما في حايل ولا شغلتو،،
اما لوري طوبك ده،، ادينا ليهو نتم بيهو مسطبة الشارع،،
تااااااالتا و ده الاهم طبعاً،،
وهو الحلم لي منو غير الناس القلتها دي،،
ناس نحن طبعاً.
و دي منو البت السمحة البتفرتقك و تمرق دي؟
|
Post: #49
Title: Re: ماذا لو.........؟؟؟
Author: حسين محي الدين
Date: 02-27-2008, 08:32 PM
Parent: #1
حأشتري بيتزا .. وكتشب كميات
وأجيب عربية آخر موديل
وأعرس لي بت تكون بتحب ليها شاب مفلس.. وما عندو موضوع.
|
Post: #55
Title: Re: ماذا لو.........؟؟؟
Author: Soumeta
Date: 02-28-2008, 03:17 PM
Parent: #49
بس كدة؟
ياخ دي ساهلة ساي ولا محتاجة البهلمية مليون ديل،،
يعي بي كرييتف كدي،،
إشتري بيتزا رسترانت،، بي شف إيطالي،،
و إتفسح في البيتزا و انواعها،،
اعمل ليك نهر صناعي قدام المطعم،،
و اشتري اجعص عربية،،
إنشاءالله الهمر الشينة دي،،
و مالك تحلم و تبشتن لي البحبو حلمهم؟
ما تعرس البتحبها إنت براك!!
غنيت و إتعن(.........)ت و غلبك التسوي ??!،،
|
Post: #54
Title: Re: ماذا لو.........؟؟؟
Author: محمد البشرى الخضر
Date: 02-28-2008, 06:23 AM
Parent: #1
سلام يا سوميتا
حلم جميل
قبل كم يوم كدا جوني الهنود الشغالين معاي
قالوا عايزين يعملوا شير و يشتروا تذاكر اللوتري اليومي بتاع مهرجان دبي
الجايزة عقبال عندك عربتين لكزس موديل السنة و ما يعادل 25000 دولار تقريبا
قيمة التذكرة 50 دولار -او اقل - و بي كانوا حيتموا عشرة
الإتفاق إنهم كل يوم يشتروا تذكرة لمدة عشرة ايام و إذا ضربت معاهم يقسموا المبلغ بالتساوي
اعتذرت ليهم وكدا
المهم كل يوم الصباح بجي داخل القاهم صانين و وشهم يلعن قفاهم اعرف انهم خسروا لغاية العشرة يوم خلصت
و الحلم على ما يبدو انتهى بالنسبة ليهم - و شماتي فيهم لا يحدها حد
معليش قديتك بالحكي و ما جاوبت على السؤال
عن نفسي لو كسبت الجاك بوت او اي نصيبة زمان
حا احاول اسعد اكتر عدد ممكن من الناس قدر ما اقدر
وطبعا انا واحد ناس فحا احاول اسعدني معاي برضك
سلامي للوالدة الغالية الأستاذة سلمى
وشكرا ليك اديتينا مساحة للحلم
و لا انسى شكر نعومة الورتني درب الحلم
|
Post: #56
Title: Re: ماذا لو.........؟؟؟
Author: زوربا
Date: 02-28-2008, 06:28 PM
Parent: #54
لالالا دقيقة بس
لي عني ما بتردي علي ؟
انا اعترض بي شدة واندد بهذه المؤامرة وكل الأطراف الواقفين خلفها
بداية من السيدة اوبرا انتهائا بستتات الشاي
واشجب واستنكر وادين واي حاجة
وبس
والريد نيلين
همسة / وني آمنة
نوت / نحنا شعب لواااااااااااااااااااااام
|
Post: #57
Title: Re: ماذا لو.........؟؟؟
Author: Soumeta
Date: 02-28-2008, 10:54 PM
Parent: #56
هي يا يابا إتّ بفطوك؟
دقيقة يا الحبان،،
كسر الخاطر في احلامنا،، حــــــــــرام،،
شان كدي النرضي علي الوليد،،
زوربا،، كيفك ابوي؟
|
Post: #58
Title: Re: ماذا لو.........؟؟؟
Author: زوربا
Date: 03-04-2008, 06:10 PM
Parent: #57
سوميتا
والشوق الجاري عليك
كسر الخاطر في احلامنا حرام
اسالك سرا وبعيدا من ( اللوووووووم )
من اينك كل هذه الحكمة ؟؟؟
احسبها فيض من ( ستات الشاي ) فاجئك ذات بينك حتي الاشراق
اجمالا
الوليد مو مكسور خاطر ولا حردان
الوليد شايلكم وطن / مليون ريد / خريف /دعاشة / كتاحة / سموم ومزاجات الشاي
والريد نيلين
|
Post: #59
Title: Re: ماذا لو.........؟؟؟
Author: العوض المسلمي
Date: 03-05-2008, 08:02 AM
Parent: #1
سوميتا تحياتي
| Quote: يعني الزول يبقي زول سااااي كدة لا قهوة لا شاي لا اي شي؟ |
زمان كانوا بقولوا الراس والكيف وقصص وامثال كده
وسئل الشيخ البرعي :ايهما افضل القهوه ولا الشاي ؟
قال :الاتنين مافيهم خير ولكن ..رماني اخير من رمتني فاهمين حاجه ؟
الشاي عرفناها والقهوه عرفناها
اي شئ دي اتعبتنا وما فهمتها
|
|