Post: #1 Title: وردة حمراء، بيت شعر ورسالة رقيقة.. هل تكفي للتعبير عن الحب..؟! Author: Raja Date: 02-14-2008, 09:25 PM Parent: #0
الأحباب جميعا.. زملاء وقراء..
كل عيد حب وأنتم بخير وفي حب
تعودنا أن نعبًر للمحبوب بالورود وأبيات الشعر والرسائل الشجية التي نحمًلها مشاعرنا في شكل لغة رقيقة.. ولكننا نخجل أو نرفض أن نعبًر عن الحب بطريقة حسًية.. وقليلون من اعترفوا بأن (أحضان الحبايب) هي ادفء وأأمن مكان لهم..
.. بالنسبة للفتيات. لا يمكن أن نتجرأ ونعبًر عن هذا القرب الحسًي وإلا أصبحنا في قائمة الفتيات (سيئات السمعة).. والرجال كذلك لا يبوحون من أجل خاطر المحبوبة ووضعها في تلك القائمة..
في اي علاقة حب. هناك إنجذاب حسًي.. ولكنه من (المسكوتات عنها) فهل هي عيوب لنخفيها؟ أم إننا نريد ان يبدو حبنا عذريا ليتقبله المجتمع؟
القاعدة: محظور على الفتيات أن يحببن أو يعبًرن باي طريقة غير الوردة والقصيدة والرسالة.. عااااارفة
فهل الحب العذري أم الحب الحسًًي هو الأبقى؟
مع وافر الحب
Post: #2 Title: Re: وردة حمراء، بيت شعر ورسالة رقيقة.. هل تكفي للتعبير عن الحب..؟! Author: Raja Date: 02-14-2008, 09:32 PM Parent: #1
لو في زول قال لي أجيب غنية من اليوتوب كيف.. حأجيب ليكم هدية بجد عاجباني..
بس ربك يستر من رد الفعل ..
Post: #76 Title: Re: وردة حمراء، بيت شعر ورسالة رقيقة.. هل تكفي للتعبير عن الحب..؟! Author: وصال عالم Date: 02-20-2008, 09:02 AM Parent: #2
العزيزة رجاء
سلام ،،،
Quote: فهل الحب العذري أم الحب الحسًًي هو الأبقى؟
سؤال منطقي جداَ !
نحن هنا في السودان لدينا أزمة ثقافة .. ولدينا موروثات
يصعب التخلص منها بسهولة .. والمسألة تترتب عليها أشياء أخرى كثيرة ساعدت على إلتباس
المعاني إن لم يكن لدينا جميعاَ.. فلدى معظمنا !
ولي عودة .. الموضوع شيق .. وموضوعي جداَ!
تسلمي ياستي ..
Post: #3 Title: Re: وردة حمراء، بيت شعر ورسالة رقيقة.. هل تكفي للتعبير عن الحب..؟! Author: نصار Date: 02-14-2008, 09:36 PM Parent: #1
العزيزة رجاء الحب سوفت وير القلب و الجسد ربنا يظبط برمجتنا جميعا
Post: #4 Title: Re: وردة حمراء، بيت شعر ورسالة رقيقة.. هل تكفي للتعبير عن الحب..؟! Author: الطيب شيقوق Date: 02-14-2008, 09:43 PM Parent: #3
عزيزتى بت العباسي
خليني ارمي لى درابة كدة واختفي ده بوست خطيييييييييييييييييييييير شديد انا متاكد بعد شوية بتتضاري منو انت ذاتك .
Quote: فهل الحب العذري أم الحب الحسًًي هو الأبقى؟
افهمي الاتي بدون تغطية رؤسنا على الرمال يا رجاء
اول بالتبادي الحب الحقيقي لا يعرف اى حدود وثاني التبادي البنت اذا احبت اعطت - يبقى السؤال ما هي طبيعة ذلك العطاء . الرأي عندى تبقى المسالة مرة اخري مستصحبة بمفهوم اندثار الحدود ولك ما شئت من تفاسير .
لك مح ......................تيييييييي ( بخاف رجوية )
Post: #8 Title: Re: وردة حمراء، بيت شعر ورسالة رقيقة.. هل تكفي للتعبير عن الحب..؟! Author: Raja Date: 02-14-2008, 10:23 PM Parent: #4
ود شيقوق الغالي..
سلامات ومحبة..
وأنا بكتب في البوست ده.. خطوة قدام وخطوتين ورا.. تخيلت كل الإحتمالات الممكن يمشي عليها.. وفي النهاية نويت وكتبت.. وربك يسهًل.. أيدكم معانا بالله
..
Quote: اول بالتبادي الحب الحقيقي لا يعرف اى حدود
ده القصدته.. هل بالحدود القاعد يختها لينا المجتمع ونختها لنفسنا بندي الحب فرصته؟ أم إن كل المحبين الحقيقين إضطروا يكذبوا على المجتمع ويحبوا بقناعاتهم ويديوه قناعاته؟
Quote: وثاني التبادي البنت اذا احبت اعطت
ما البت براها.. الراجل زاتو كمان. طبيعة العطاء بتكون بريئة للغاية.. لمسة ايد او ضغطه في السلام، حتى القبل المسروقة البنات ما بيكون عندهم فيها ايد ودايما هن المتفاجئات (شفنا كده في الأفلام العربية ) هسع عليك الله في درابة أكبر من دي؟
وفي إنتظارك..
وكل عيد حب وانت بخير
Post: #7 Title: Re: وردة حمراء، بيت شعر ورسالة رقيقة.. هل تكفي للتعبير عن الحب..؟! Author: Raja Date: 02-14-2008, 10:08 PM Parent: #3
نصار يا غالي..
شايفة تأثير التكنولوجيا عليك.. الحب زي ما قلت.. وأكتر كمان
كل عيد حب وانت بخير
Post: #5 Title: Re: وردة حمراء، بيت شعر ورسالة رقيقة.. هل تكفي للتعبير عن الحب..؟! Author: محمد البشرى الخضر Date: 02-14-2008, 09:56 PM Parent: #1
Quote: لو في زول قال لي أجيب غنية من اليوتوب كيف.
كل سنة وانت طيبة يا رجاء خليني في الحتة التيكنيكال دي - الباقي لبعدين إن ربنا هون
شوفي امي تلقي في صفحة اليوتيوب ختنة مكتوب عليها Embed انسخي الكود الفيها كلو و ألصقيه في مداخلتك دا كل ما في الأمر
في الإنتظار
Post: #11 Title: Re: وردة حمراء، بيت شعر ورسالة رقيقة.. هل تكفي للتعبير عن الحب..؟! Author: Raja Date: 02-14-2008, 10:42 PM Parent: #5
ود البشرى يا غالي..
تكرم يا ذوق
للأسف قال ليك Embedding disabled by request إلا اجيب ليكم الرابط واي زول يسمع على مسئوليته
كل عيد حب وانت بخير
Post: #6 Title: Re: وردة حمراء، بيت شعر ورسالة رقيقة.. هل تكفي للتعبير عن الحب..؟! Author: wd al geran Date: 02-14-2008, 09:59 PM Parent: #1
مُتابعين معاكم يا رجاء .. دا شكلو ح يكون موضوع ظريف ..
وبلاي كمان شوفو لينا معاكم بالمرّة مفهوم "السُمعة الإسفيرية" .. كمفهوم عولمي ما بعد حداثي داخل في مجموع قيمنا الإجتماعية الرشيدة.
تحياتي
Post: #9 Title: Re: وردة حمراء، بيت شعر ورسالة رقيقة.. هل تكفي للتعبير عن الحب..؟! Author: Rawia Date: 02-14-2008, 10:26 PM Parent: #6
كل عيد حب وأنت بخير وفي حب
Post: #10 Title: Re: وردة حمراء، بيت شعر ورسالة رقيقة.. هل تكفي للتعبير عن الحب..؟! Author: الطيب شيقوق Date: 02-14-2008, 10:35 PM Parent: #9
إن كل المحبين الحقيقين إضطروا يكذبوا على المجتمع ويحبوا بقناعاتهم ويديوه قناعاته؟
هنا بسسسسسسسسسسسسسسسسسسسسسسس يا جوجو تاني ما تكتري كلامك فاهماني ؟ اخوك مجرب ما تتعبي ساى ممكن تواصلي في فرشاتك وورودك وباقات ورود العاشقين لكن الباقي هييييييييييييييع قولي اخوى بس
Post: #14 Title: Re: وردة حمراء، بيت شعر ورسالة رقيقة.. هل تكفي للتعبير عن الحب..؟! Author: Raja Date: 02-14-2008, 11:03 PM Parent: #10
الطيب يا عزيز..
سلامات تاني..
هسع عليك الله الخوف الجابو شنو؟ .. تعرف في خيط رفيع بين (التفاريح) وبين المصايب التانية. إتخيل لي اي زول بيعرف الفرق البوست بتاعنا حده التفاريح.. فما تخاف
هههههههههههههههه
Post: #13 Title: Re: وردة حمراء، بيت شعر ورسالة رقيقة.. هل تكفي للتعبير عن الحب..؟! Author: Raja Date: 02-14-2008, 10:54 PM Parent: #9
لاولا يا حبيبة..
وكل يوم وإنتي بخير وسعيدة.. وكل عيد حب وإنت في حب
Post: #12 Title: Re: وردة حمراء، بيت شعر ورسالة رقيقة.. هل تكفي للتعبير عن الحب..؟! Author: Raja Date: 02-14-2008, 10:50 PM Parent: #6
ود الجيران يا عزيز..
الموضوع بتزيد ظرافته بمشاركاتكم.. وبالله ابعدنا من الكلام كبار كبار بتاع الحداثة والمفهوم المجتمعي ..
موضوع "السمعة الأسفيرية" ده موضوع فشوش ساكت.. كم من زول عامل لينا فيها قطيم إسفيريا تلقاهو زي الأرنب في الواقع .. قدر ومكتوب نتحمل بلاوي الخلق..
كل عيد حب وانت بخير..
Post: #15 Title: Re: وردة حمراء، بيت شعر ورسالة رقيقة.. هل تكفي للتعبير عن الحب..؟! Author: Kostawi Date: 02-14-2008, 11:05 PM Parent: #12
Quote: لمسة ايد او ضغطه في السلام، حتى القبل المسروقة البنات ما بيكون عندهم فيها ايد ودايما هن المتفاجئات
ما قلتو نوبة....
Post: #16 Title: Re: وردة حمراء، بيت شعر ورسالة رقيقة.. هل تكفي للتعبير عن الحب..؟! Author: Raja Date: 02-14-2008, 11:12 PM Parent: #15
واااو الكرمبا؟
سلامات وكيفينك؟ إن شا الله الليلة العربية مليانة كلها ورود حمرا وبالونات في شكل قلب..
المصيبة إنه بعد ده كله البنات هم البيشعروا بالذنب.. شفتا كيف؟
كل عيد حب وأنت بخير
Post: #17 Title: Re: وردة حمراء، بيت شعر ورسالة رقيقة.. هل تكفي للتعبير عن الحب..؟! Author: عبد الناصر الخطيب Date: 02-14-2008, 11:30 PM Parent: #1
ياتوا فيهم الابقي !!! الحقيقة ولا واحد ... من تجربة شخصية على الأقل ...
كنت في الحالتين ....... ضائع ....ونقصاني حاجة
الحب العاش جواي ( عمر) كان ( عذري بحت ) أداني حاجات كتيرة ... فضل عذاب مقيّم سنين ............ ( خلاني أعرف أفضل ما عندي) ... وأنتهي
والحب العشتو بعدوا كان ( حسّي بحت ) (خلاني أعرف أسوءا ما عندي) و برضو......... أنتهي
من ده أتعلمته ومن ده أتعلمته ,,,
***
و(الحب البقي) حب شال من ده وده في توازن وتناغم تام .... وده الحب البوازن بين كل الاحتياجات دون ما تطغي حاجة على التانية .. فتتعامل فيهوا (كأنسان) فقط ... لا ملاك ولا ........... (حيوان) أو شي يوازن بين أحساسك وغرائزك .... وببساطة دي الحياة
Post: #19 Title: Re: وردة حمراء، بيت شعر ورسالة رقيقة.. هل تكفي للتعبير عن الحب..؟! Author: Raja Date: 02-14-2008, 11:38 PM Parent: #17
عبدالناصر يا عزيز..
يا سلااااااااااام
Quote: و(الحب البقي) حب شال من ده وده في توازن وتناغم تام .... وده الحب البوازن بين كل الاحتياجات دون ما تطغي حاجة على التانية .. فتتعامل فيهوا (كأنسان) فقط ... لا ملاك ولا ........... (حيوان) أو شي يوازن بين أحساسك وغرائزك .... وببساطة دي الحياة
ده الكلام.. إنت أعفيتني من كلام كتييييير أحيي مشاركتك لنا بتجربتينك.. ولك من التقدير الضعف
كل عيد حب وأنت بخير
Post: #18 Title: Re: وردة حمراء، بيت شعر ورسالة رقيقة.. هل تكفي للتعبير عن الحب..؟! Author: zuhair zenaty Date: 02-14-2008, 11:31 PM Parent: #1
العزيزة رجاء
ليس هنالك أدفيء من حضن الحبيب وليس هنالك أطعم من قبلة الحبيب وليس هنالك أحن من لمسة يد الحبيب
قال صديقي الشاعر المرهف بتاع الزقازيق لو تذكريه
ممارسة الحب مع من لا يهواه القلب دعارة
وقالت نبية نساء القرن العشرين نوال السعداوي أن الجنس هو أعلي مراتب الحب
وقالت الفرنجة ممارسة الحب وليس ممارسة الجنس
انا تاني ما جاي بيجاي وشيلي شيلتك
لك الود والحب ولكل المحبين في عيد حبهم
ولها هي هنا لجواري وهناك ألف قبلة
Post: #20 Title: Re: وردة حمراء، بيت شعر ورسالة رقيقة.. هل تكفي للتعبير عن الحب..؟! Author: Raja Date: 02-14-2008, 11:58 PM Parent: #18
زهير يا زناتي يا عزيز..
سلامات ومراحب..
تعرف مشاركتك دي ذكرتني حكاية: في سنة 90 كنا لسة في الجامعة. قامت جات فرقة "عقد الجلاد" وعملوا في القاهرة حفلتين خطيرتين. في الحفلة الأولى كانوا معانا ضيوف (أيرلنديين). وقامت واحدة من الصديقات بمسئولية الترجمة للأغنيات بحسب موقع جلوسها قرب الجماعة الخواجات. أها لما جات أغنية (الناس في بلدي.. يصنعون الحب..) قامت ترجمتها ليك حرفيا (People in my country making love) اللذيذ الخواجة قال ليها واااااو صاحبتنا بقت في الاعتذار وتغيير الترجمة (Make the love) لا (Do things with love)...الخ
.. الغريبة إنه في الـ (Love making) هناك شرط الحب في مفهومنا لا حب ولا يحزنون. ده براهو وده براهو
وحاقول ليك زي ما قلت لود شيقوق.. والله ما عايزين الموضوع يبقى فيه قولان.. خلينا مع لمسة الأيد .. وتعال راجع..
كل عيد حب وأنت بخير
Post: #21 Title: Re: وردة حمراء، بيت شعر ورسالة رقيقة.. هل تكفي للتعبير عن الحب..؟! Author: Kostawi Date: 02-15-2008, 00:13 AM
Quote: مليانة كلها ورود حمرا وبالونات في شكل قلب
لا نحن المعنوي ده بعناه زمااااان
Post: #34 Title: Re: وردة حمراء، بيت شعر ورسالة رقيقة.. هل تكفي للتعبير عن الحب..؟! Author: Raja Date: 02-15-2008, 03:17 PM Parent: #21
كوستاوي يا عزيز..
المعنوي ده عمره ما يتباع.. عاين كده..
Post: #48 Title: Re: وردة حمراء، بيت شعر ورسالة رقيقة.. هل تكفي للتعبير عن الحب..؟! Author: Gaafar Ismail Date: 02-16-2008, 05:07 AM
العــزيزة الفضلى رجــاء
Quote: أها لما جات أغنية (الناس في بلدي.. يصنعون الحب..) قامت ترجمتها ليك حرفيا (People in my country making love) اللذيذ الخواجة قال ليها واااااو صاحبتنا بقت في الاعتذار وتغيير الترجمة (Make the love) لا (Do things with love)...الخ
قتلتيني من الضحك .. وكل ما أتصور حال المترجمة أضحك حتي تدمع عيناي. بوست لذيذ وظــريف .. ومتابعين .. وكل سنة وانت بألف خير..
تحياتي وصادق مودتي
Post: #22 Title: وردة حمراء، بيت شعر ورسالة رقيقة.. هل تكفي للتعبير عن الحب..؟! Author: دينا خالد Date: 02-15-2008, 01:21 AM Parent: #18
رجوية الحلوة !!
انا هنا على سبيل تهنئتك بعيد الحب
كل سنة وانت طيبة ........ بس وح اطمما !!
Quote: وردة حمراء، بيت شعر ورسالة رقيقة.. هل تكفي للتعبير عن الحب..؟!
والله يا رجوية لو جيتى للحق ديل ذاتن كتار ،، حقو تبقصيهن
Post: #23 Title: Re: وردة حمراء، بيت شعر ورسالة رقيقة.. هل تكفي للتعبير عن الحب..؟! Author: نادية عثمان Date: 02-15-2008, 04:07 AM Parent: #22
Quote: القاعدة: محظور على الفتيات أن يحببن أو يعبًرن باي طريقة غير الوردة والقصيدة والرسالة..
رجوياااااااااا
كل عيد حب وانتي بالف خير يارب
عايني القاعدة دي مقصورة علي (الفتيات) أي العذراوات الزيكن ديل موش ؟
الحمممممممممممد لله انا لا(فتيات) ولا يحظرون (أرملة) بي بتي .. أعبر كما يحلو لي التعبير صح ؟!!
رجويا
منو القال المقولة بتاعة
المرأة عندما تتزوج تفقد نصف حياؤها وعندما تنجب تفقد كل حياؤها .. وليه قال كده وانتي رأيك شنو كده ..والله بنعبر لكن بنخجل وأي شئ ياخ
Post: #25 Title: Re: وردة حمراء، بيت شعر ورسالة رقيقة.. هل تكفي للتعبير عن الحب..؟! Author: Emad Abdulla Date: 02-15-2008, 04:57 AM Parent: #23
هسه يا رجاء رومانسية الفالنتاين البرااااااحه دي .. الدخل فيها اللف ميكينق شنو ؟؟ ما تلخبتي الكيمان و نبقى في الجري بعدين .
بعدين في حاجة إسمها الخطوات الإستباقية مباشرة قبل حكاية الميكينق المجوبقة بخطوطنا الحمرا ديك . و الخطوات دي هي المعنية - أظن - . لو ما تداخلت كل قنوات تعبيرك للمحبوب/ة عن مشاعرك تجاهو يبقى : قُمْ و اعتلف تِبناً .... فأنت حمارُ . البني آدم ( الإنسان ) بيحب - لما يحب - كـ " ون بيق باكيج " .. جوا الباكج ده مفروض الرسايل كلها تكون باتجاه أوحد : إنو يوصل الشحنة المؤنسنة دي بصمة خشمها للمواطن الشريك داك .. و كما يجب . ( بما فيها الرسايل الجسدية ) .. لو ما كلها إتوحدت و همست للمحبوب/ة : بريدك .. تبقى ام الحسين زغردت .
هذا .. و الله أعلم .
Post: #42 Title: Re: وردة حمراء، بيت شعر ورسالة رقيقة.. هل تكفي للتعبير عن الحب..؟! Author: Raja Date: 02-15-2008, 10:38 PM Parent: #25
عماد العزيز.. وفي رواية أخرى: عماد الغنيان ..
كلامك مية مية.. وحقيقة أنا لا لخبطتا كيمان ولا دياولو. أنا قلتا التفاريح البريئة ..
بالضبط. هي الـ (ون باكيج) دي المهمة. يعني ما ناخد حقوق المحب وواجبات الزميل عايزين: حقوق المحب وواجبات المحب..
تحياتي
Post: #38 Title: Re: وردة حمراء، بيت شعر ورسالة رقيقة.. هل تكفي للتعبير عن الحب..؟! Author: Raja Date: 02-15-2008, 09:40 PM Parent: #23
نادية يا حبيبة.. أولا بالتبادي مشتا(غ)قووون ليك وللقاهرة الساحرة
القاعدة أي نعم للفتيات. لكن الزيكم ديل عندهم قاعدة أكعب واشد من قاعدتنا دي.. ده إنتو المفروض تنسوا إنكم أحياء.. وقائمة المحظورات أطول من قائمتنا.. دي العين عليكم في الطلعة وفي النزلة يا ستي..
Quote: المرأة عندما تتزوج تفقد نصف حياؤها وعندما تنجب تفقد كل حياؤها .. وليه قال كده وانتي رأيك شنو كده ..والله بنعبر لكن بنخجل وأي شئ ياخ
الغريبة مطلوب من المرأة (بين يوم وليلة) أن تتغير 180 درجة . يعني البت الأمبارح كانت عينيها ما بتترفع من الواطة والمفروض إنها ما بتعرف اي شئ في أي شئ. تلاقيها وبقدرة قادر بعد الزواج (أسطى) .. كييف؟ الله أعلم وبالمناسبة دي في نكتة في الجزئية دي.. الرقابة تمنعني من حكايتها .. لما نتلاقى أكيد حأقولها ليك
وما يفوتني أن أحيي تعبيرك عن الجانب الحسًي في الحب في قصايدك وكتاباتك الأدبية
* الله يخلي لينا الأفلام العربي ومنى وأحمد ..
وكل يوم حب وإنتي وإيمان بنتي في حب وخير
صلًحتا إسم إيمان..
Post: #35 Title: Re: وردة حمراء، بيت شعر ورسالة رقيقة.. هل تكفي للتعبير عن الحب..؟! Author: Raja Date: 02-15-2008, 03:24 PM Parent: #22
عندي صديقات واصدقاء من ثقافات مختلفة.. لما نتكلم عن الحب تسمعي العجب.. مرات اقول: يا العندهم ده الحب يا البنعرفو داك هو الحب.. الاتنين اصلهم ما يشبهو بعض ..
سبحان الله
وكل عيد حب وإنتي بخير
Post: #24 Title: Re: وردة حمراء، بيت شعر ورسالة رقيقة.. هل تكفي للتعبير عن الحب..؟! Author: يوسف الولى Date: 02-15-2008, 04:52 AM Parent: #1
Quote: الحب العاش جواي ( عمر) كان ( عذري بحت ) أداني حاجات كتيرة ... فضل عذاب مقيّم سنين ............ ( خلاني أعرف أفضل ما عندي) ... وأنتهي
والحب العشتو بعدوا كان ( حسّي بحت ) (خلاني أعرف أسوءا ما عندي) و برضو......... أنتهي
يا معلم الاول لسه قاااعد جواك على بالطلاق انا شايفو بين سطورك بس انته براك مكابر وعاوز تنسى لكن مافى طريقه التانى ما حلو ما عندو طعمو عاااادى .... الحب مربط الفرس فيهو هو انك تفضل حاسس بيهو طوالى , حتى لو لو ماعاوز ( زى مثالك ) برضو بيكون عايش وللابد .. التانى برضو ممن تفضل حاسس بيهو للابد لكن لا زم تكون ( superman وهى برضو تكون superwoman )
و ازيك يا رجاء وتحياتى
Post: #26 Title: Re: وردة حمراء، بيت شعر ورسالة رقيقة.. هل تكفي للتعبير عن الحب..؟! Author: yumna guta Date: 02-15-2008, 06:46 AM Parent: #24
الحبيبة رجوية كل عام و انت بخير يا رجاء الحب ما بينفع يكون انواع ....واحد حسي و و احد عذري و واحد بالويكة الحب هو الحب و كفي
و كل سنة و الجميع في حالة حب
Post: #57 Title: Re: وردة حمراء، بيت شعر ورسالة رقيقة.. هل تكفي للتعبير عن الحب..؟! Author: Raja Date: 02-16-2008, 07:43 PM Parent: #26
يمنى يا حبيبة..
بداية بجد مفتقدينك قدر طن كده.. وين هلولة؟ ايميلي معاكم..
عجبني شديد تعبيرك إنه الحب ما بينفع يكون أنواع.. أيوا كده حب أو لا حب
* بالمناسبة الويكة عشان تلايق النوعين وكده
حبي الأكيد والوافر
Post: #43 Title: Re: وردة حمراء، بيت شعر ورسالة رقيقة.. هل تكفي للتعبير عن الحب..؟! Author: Raja Date: 02-15-2008, 10:55 PM Parent: #24
العزيز يوسف الولي..
سلام وتحية
مشاركة عبدالناصر دي من أجمل المشاركات القريتها في المنبر ده.. لأنها صادقة ومن تجربة شخصية.. وبين الحروف زي ما بتلاقي الحب.. تلاقي في شجن
الله يسامح الناس البتكسر قلوب ناس..
تسلم
Post: #27 Title: Re: وردة حمراء، بيت شعر ورسالة رقيقة.. هل تكفي للتعبير عن الحب..؟! Author: Sabri Elshareef Date: 02-15-2008, 06:58 AM Parent: #1
رجاء سلام
ويمني لك السلام اخبارك مقطوعه يا يمني
Post: #28 Title: Re: وردة حمراء، بيت شعر ورسالة رقيقة.. هل تكفي للتعبير عن الحب..؟! Author: yumna guta Date: 02-15-2008, 07:20 AM Parent: #27
العزيز صبري سلاماتي....تحياتي حزمة مشغوليات اضف اليها موسم بيات نفسي مفيد جدا للعقل و الروح راسلني علي ايميلي الذي بطرفك
Post: #29 Title: Re: وردة حمراء، بيت شعر ورسالة رقيقة.. هل تكفي للتعبير عن الحب..؟! Author: HAYDER GASIM Date: 02-15-2008, 07:55 AM Parent: #28
والله يا ناس الحب ... أبقوا حابين ومحبوبين,
نحن بقينا ناس معايش ومعاشات, ليس من بينها { عشة صغيرة }
رجوية ... تسلمي ... ما شاء الله, اللياقة عالية والبوست مفرهد, ونستونا واللهي ... وعلى كعوب خيلك يا رجاء تقافت منظومة طيبة ممن { أحب }
فحبوا ... وأدونا الفاضي
مع مودتي
Post: #30 Title: Re: وردة حمراء، بيت شعر ورسالة رقيقة.. هل تكفي للتعبير عن الحب..؟! Author: الطيب شيقوق Date: 02-15-2008, 09:08 AM Parent: #29
Quote: خلينا مع لمسة الأيد ..
رجاء انت اطلقت ليك بوست خطير وشيلي شيلتك بس واوعاك تلجمي الالسن والاقلام الناس ديل لمسة اليد بيجوا دايسين فيها ابنص عديييييييييييل كده وما عارف برفرملوا وين انت بس خليك في باب بوستيك للقربلة بس مع احتمال فلتان بعض الشظايا الحارقة اليك .
Post: #62 Title: Re: وردة حمراء، بيت شعر ورسالة رقيقة.. هل تكفي للتعبير عن الحب..؟! Author: Raja Date: 02-17-2008, 02:28 PM Parent: #30
يا الطيب يا عزيز البوست ماشي عال العال..
قول ماشا الله
Post: #31 Title: Re: وردة حمراء، بيت شعر ورسالة رقيقة.. هل تكفي للتعبير عن الحب..؟! Author: ثروت سوار الدهب Date: 02-15-2008, 09:18 AM Parent: #29
رجاء الفالنتاين يتبارك عليك.
الحب واحد. لكن التاطير الثقافي مختلف. كل بيئة تكيف الحب بطريقتها. فيخرج بمسميات مختلفة و تفسير لحدود التعبير ايضا متباينة.
لكن، الثابت ان لا مفر من الحب اي كان.
تحاياي
Post: #32 Title: Re: وردة حمراء، بيت شعر ورسالة رقيقة.. هل تكفي للتعبير عن الحب..؟! Author: الطيب شيقوق Date: 02-15-2008, 09:27 AM Parent: #31
Quote: أها لما جات أغنية (الناس في بلدي.. يصنعون الحب..) قامت ترجمتها ليك حرفيا (People in my country making love) اللذيذ الخواجة قال ليها واااااو صاحبتنا بقت في الاعتذار وتغيير الترجمة (Make the love) لا (Do things with love)...الخ
يجازي محنك يا رجاء ضحكتيني لحدى وقعت من السرير
Post: #33 Title: Re: وردة حمراء، بيت شعر ورسالة رقيقة.. هل تكفي للتعبير عن الحب..؟! Author: Sahar Abdelrahman Date: 02-15-2008, 10:12 AM Parent: #32
الحبيبة رجاء....سلامات
كل عيد حب وأنت في حب وهناء
الحب الحقيقي يجعلنا نتحرر من العقد....نتحرر من المشاعر السلبيّة والخوف
التعبير عن الحب والمشاعر الصادقة بصورة حسيّة راقيّة مثل اللمسات الحانيّة ...النظرات العطوفّة والإبتسامات العذبة يجعلنا نوصل أحاسيسنا للطرف الآخر بصورة أعمق من الكلمات...
محبتي
Post: #70 Title: Re: وردة حمراء، بيت شعر ورسالة رقيقة.. هل تكفي للتعبير عن الحب..؟! Author: Raja Date: 02-19-2008, 07:54 PM Parent: #33
الحبيبة سحر..
ألف مرحب بيك هنا.. وهناك
تجديني متفقة معاك في كل ما قلتيه..
أتخيل أن أي couple يعرف تماما مساحة حبه وطريقة تعبيره. ولكن ما نريد تثبيته هنا أن من حقنا أن نعبًر عما نحسه. فهو ليس عيبا. لأن الأحاسيس الجميلة والدافئة لا يمكن أبدا ان تكون غلط
كل يوم حب وأنت بخير وفي حب
Post: #64 Title: Re: وردة حمراء، بيت شعر ورسالة رقيقة.. هل تكفي للتعبير عن الحب..؟! Author: Raja Date: 02-17-2008, 05:49 PM Parent: #31
ثروت يا ملك..
كلامك صحيح.. نعم البيئات تكيًف الحب كما يناسبها. لكن يبقى الشعور هو الشعور والإنجذاب هو الإنجذاب.. في أوسلو أو كاب الجداد
كل عيد حب وانت بخير وفي حب
Post: #59 Title: Re: وردة حمراء، بيت شعر ورسالة رقيقة.. هل تكفي للتعبير عن الحب..؟! Author: Raja Date: 02-16-2008, 08:35 PM Parent: #29
حيدر يا غالي..
Quote: نحن بقينا ناس معايش ومعاشات, ليس من بينها { عشة صغيرة }
تعرف حاجة؟ الحب ده الشئ الوحيد الما بيعترف لا بعمر ولا جنس ولا دين.. عشان كده مافي سن معاش عنده..
Quote: فحبوا ... وأدونا الفاضي
حنحب ونديكم تحبوا معانا
كل عيد حب وأنت بخير
Post: #58 Title: Re: وردة حمراء، بيت شعر ورسالة رقيقة.. هل تكفي للتعبير عن الحب..؟! Author: Raja Date: 02-16-2008, 07:47 PM Parent: #27
صبري العزيز..
كل عيد حب وانت بخير..
* بالمناسبة التخريمات في اي بوست عندي بـ 40 دولار.. زماان كانت بـ 20 بس
Post: #36 Title: Re: وردة حمراء، بيت شعر ورسالة رقيقة.. هل تكفي للتعبير عن الحب..؟! Author: الق هاشم Date: 02-15-2008, 05:40 PM Parent: #1
رجويه العسل كل عيد حب وانتي بخير
Post: #73 Title: Re: وردة حمراء، بيت شعر ورسالة رقيقة.. هل تكفي للتعبير عن الحب..؟! Author: Raja Date: 02-19-2008, 11:02 PM Parent: #36
الحبيبة ألق..
شكرا كتير على الهدية الرقيقة..
وكل يوم وإنت في حب
Post: #37 Title: Re: وردة حمراء، بيت شعر ورسالة رقيقة.. هل تكفي للتعبير عن الحب..؟! Author: عبد الناصر الخطيب Date: 02-15-2008, 07:23 PM Parent: #1
المكرم/ يوسف والى
طيب الله أوقاتك بكل خير _________________________________________________________
Quote: يا معلم الاول لسه قاااعد جواك على بالطلاق انا شايفو بين سطورك بس انته براك مكابر وعاوز تنسى لكن مافى طريقه التانى ما حلو ما عندو طعمو عاااادى .... الحب مربط الفرس فيهو هو انك تفضل حاسس بيهو طوالى , حتى لو لو ماعاوز ( زى مثالك ) برضو بيكون عايش وللابد .. التانى برضو ممن تفضل حاسس بيهو للابد لكن لا زم تكون ( superman وهى برضو تكون superwoman )
ما توزع (طلاقاتك) ساى يايوسف ...
البفضل ذكري ما اكتر ... ومن النوع الاول أما التاني ده بتمحي سريع وببقي بعد كده حبك وولاك الكامل للزولة الفي حياتك ...
محل أتفاق أنك تفضل حاسي بالحب طوالي بختلاف الحبيبات وبختلاف المراحل البتمر في حياتك لكل حب خصوصيتوا و حاجاتوا وروعتوا ..... أروع حب (أخر حب )الاكيد بيجي بحاجات ناضجة ورأسخة وده الحب البفضل وبستديم
ولك خالص ودي ,,,
Post: #39 Title: Re: وردة حمراء، بيت شعر ورسالة رقيقة.. هل تكفي للتعبير عن الحب..؟! Author: محمد البشرى الخضر Date: 02-15-2008, 09:47 PM Parent: #1
Quote: إلا اجيب ليكم الرابط واي زول يسمع على مسئوليته
حتخلينا على الـ Hold كدة كتير
Post: #40 Title: Re: وردة حمراء، بيت شعر ورسالة رقيقة.. هل تكفي للتعبير عن الحب..؟! Author: Raja Date: 02-15-2008, 10:07 PM Parent: #39
أها يا ود البشرى.. ده اللينك.. الكليب ما حصل.. الغنية إسمها: If I Was Your Man المغني إسمه: Joe http://www.youtube.com/watch?v=sWNGf3d-tI8&feature=related بس يا شباب بالله ركًزوا معانا في الكلمات والأحاسيس النبيلة.. خليكم من الحاجات التانية
Enjoy It ..
Post: #41 Title: Re: وردة حمراء، بيت شعر ورسالة رقيقة.. هل تكفي للتعبير عن الحب..؟! Author: Raja Date: 02-15-2008, 10:27 PM Parent: #40
نسيت اقول ليك يا ود البشرى..
راجية رأيك في الكليب بالله مش قلت بتاع تكنيكال بس؟
Post: #90 Title: Re: وردة حمراء، بيت شعر ورسالة رقيقة.. هل تكفي للتعبير عن الحب..؟! Author: Raja Date: 02-25-2008, 04:17 PM Parent: #41
@
Post: #53 Title: Re: وردة حمراء، بيت شعر ورسالة رقيقة.. هل تكفي للتعبير عن الحب..؟! Author: محمد البشرى الخضر Date: 02-16-2008, 08:07 AM Parent: #40
الكليب كدا يا رجاء - صوت وصورة لكن ما بحصل دا إنجوي و دونت ووري من الحاجات التانية
Post: #44 Title: Re: وردة حمراء، بيت شعر ورسالة رقيقة.. هل تكفي للتعبير عن الحب..؟! Author: ابراهيم عدلان Date: 02-15-2008, 11:18 PM Parent: #1
هابي فالنتاين
Post: #46 Title: Re: وردة حمراء، بيت شعر ورسالة رقيقة.. هل تكفي للتعبير عن الحب..؟! Author: Raja Date: 02-15-2008, 11:38 PM Parent: #44
يا سلااام يا إبراهيم..
كده البوست بقى صورة وصوت.. تلفزيون بس ..
ليك من الشكر ألف ومن الود الآلاف يا عزيز
كل عيد حب وانت بخير
Post: #45 Title: Re: وردة حمراء، بيت شعر ورسالة رقيقة.. هل تكفي للتعبير عن الحب..؟! Author: الجيلى أحمد Date: 02-15-2008, 11:24 PM Parent: #1
سلامات يارجاء وفلانتاين سعيد
Post: #47 Title: Re: وردة حمراء، بيت شعر ورسالة رقيقة.. هل تكفي للتعبير عن الحب..؟! Author: mohamed karib Date: 02-16-2008, 00:16 AM Parent: #45
سلامات رجاء يا جارتنا وبت حارتنا وطبعا بنريدا(ها) كتيرة وتستاهل الانتباه هى الرؤى الممكن تطلع من فكرة البوست بتاعك وكلها تؤكد اهميته وجدارته بالتامل ............ ال E mail بتاعك يا رجاء ما موجود فى البروفايل هل من الممكن ارساله على my e mail which is [email protected] there is much to share ya raja سلامااااااااااااات مجدده وابقي بخير
Post: #81 Title: Re: وردة حمراء، بيت شعر ورسالة رقيقة.. هل تكفي للتعبير عن الحب..؟! Author: Raja Date: 02-20-2008, 10:11 PM Parent: #47
الغالي إبن الناس الغالين محمد الكارب..
سلامات ومحبة..
تعرف إني بحس بإطمئنان كل ما أشوف أسماءكم واي زول من حنتوب الجميلة..
في حياتنا هناك أشياء إما نمر بها مرور الكرام. او ناخذها كمسلمات دون التفكير فيها ومناقشتها.. هذه الأشياء ظاهرها بسيط. ولكن نتائجها عميقة. موضوعنا هنا نموذج لهذه الأشياء..
واسعد دوما بالتواصل معك. أنتظر عودتك مرة ثانية
وكل عيد حب وانت واسرتك بخير وحب
Post: #74 Title: Re: وردة حمراء، بيت شعر ورسالة رقيقة.. هل تكفي للتعبير عن الحب..؟! Author: Raja Date: 02-19-2008, 11:14 PM Parent: #45
العزيز الجيلي..
وكل عيد حب وأنت بخير
Post: #49 Title: Re: وردة حمراء، بيت شعر ورسالة رقيقة.. هل تكفي للتعبير عن الحب..؟! Author: ABUHUSSEIN Date: 02-16-2008, 05:56 AM Parent: #1
سين ســــؤال : وردة حمراء، بيت شعر ورسالة رقيقة.. هل تكفي للتعبير عن الحب..؟!
جيم جـواب : لا
Post: #82 Title: Re: وردة حمراء، بيت شعر ورسالة رقيقة.. هل تكفي للتعبير عن الحب..؟! Author: Raja Date: 02-21-2008, 11:48 PM Parent: #49
Post: #50 Title: Re: وردة حمراء، بيت شعر ورسالة رقيقة.. هل تكفي للتعبير عن الحب..؟! Author: abubakr Date: 02-16-2008, 06:07 AM Parent: #1
يا رجاء .. حبي قدر ما تقدري .. عبري عنه .. فالحب نبيل وخير معين لنا في الحياة .. عبري عنه قولا وفعلا ... فالحب يزدهر ويتكاثر عندما نعبر عنه ....التعبير باشياء بسيطة كالتي ذكرت انتقاص من الحب .. الحب يعبر عنه بتصرفاتنا وحديثنا ...الحب يمنع الرذيلة وليس العكس ... الاكثار من الحب تعبيرا وفعلا هو الذي سيساعدنا في بلادنا بان نخرج من كارثية ما نحن نعيشه وفي مكان اخر دعوت الي :
Post: #51 Title: Re: وردة حمراء، بيت شعر ورسالة رقيقة.. هل تكفي للتعبير عن الحب..؟! Author: ابو جهينة Date: 02-16-2008, 06:58 AM Parent: #50
رجاء
أهلـــــــــــــــــــين
Quote: في اي علاقة حب. هناك إنجذاب حسًي.. ولكنه من (المسكوتات عنها) فهل هي عيوب لنخفيها؟ أم إننا نريد ان يبدو حبنا عذريا ليتقبله المجتمع؟
الإنجذاب الحسي شيء طبيعي و إفراز بشري ... كاذب من يقول أنه يستطيع كبْح جماحه و فلتانه من عقاله. و لكن في مجتمعاتنا المحافظة أو نصف المحافظة .. يبقى النوع الحسي و كأنه إستباق لمرحلة ما بعد ( الزواج ) .. لذا فإن أي فتاة لدينا تحاول أن توازن بين الحسي و العذري. إنطلاقة الحسي علناً هي تماماً كالحب الذي كان يتغنى به شعراء البادية في التغزل بمحبوباتهم ثم يأتي والد الفتاة فيمنع زواجهما لأن الحب قد ذاع و إنتشر إنتشار النار في الهشيم.
Quote: فهل الحب العذري أم الحب الحسًًي هو الأبقى؟
الأبقى هو الحب الذي يجعل كل من طرفيه يؤمن بأن نهاية هذا الحب هو إرتباط يكرس ديمومة هذا الحب.. رغم أن البعض يؤمن بأن الحب ليس إمتلاك و لكنهم يحملون هذا الحب بين أضلعهم شمعة تنير طريق حيواتهم ...
دمت و كوني بخير
Post: #52 Title: Re: وردة حمراء، بيت شعر ورسالة رقيقة.. هل تكفي للتعبير عن الحب..؟! Author: عمر التنى Date: 02-16-2008, 08:01 AM Parent: #51
رجــــــــــوية الحبيبة دوما على قلبي كل سنة وانت طيبة وكل فلنتاين مليانة حب للجميع ومن الجميع وكما سمعت وقرأت وقالوا والكلام كتير وشكلها جبهه ما ح تتقفل قريب الكل فاقد حنان حتى ال بحب شاعر انه ما شبع ونحن شعب بطبعنا بنحب سريع كما نكره سريع ذي حبكانة القاعده جنبى في الحافلة والساكنه جنبنا وال عاينت لى في الحفلة اكيد كله هذيان -- اتذكر من قال : -
الحب الطاهر الشريف يبقى مابقي الحب ، والحب ذو الغرض ينقضي بانقضائه
إن المرأة لا تهزأ من الحب ، ولا تسخر من الوفاء الا بعد أن , يخيب الرجل آمالها
المرأةالتي تفقد حبيبها : امرأة احبت ، والمرأة التي تحتفظ بحبيبها امرأة اتقنت فن الحب
عندما تنام كل العيون ، تظل عيون الحب وحدها ساهرة
الشباب يدوم ساعة ، والجمال عمره كعمر الزهور ، أما الحب فذلك هو الجوهرة التي تومض الى الأبد
كاني مولد ثاني حين انعقد الحب بين روحي وجسدي فتزاوجا
وفي باقي ان عدتم عدنا؟؟؟
علينا اولاان نتقن فن الحب
Post: #84 Title: Re: وردة حمراء، بيت شعر ورسالة رقيقة.. هل تكفي للتعبير عن الحب..؟! Author: Raja Date: 02-22-2008, 00:17 AM Parent: #52
الحبيب إبن الأحباب عمر..
سلامات ومودة وسؤال عن حالك في البلد البعيد..
كلامك ذكرني حاجات حلوة.. حكاية الزول يقعد يفكر في العاينت ليه في الحفلة ويعمل منها فيلم (سبيلبيرج) نفسه ما يقدر يعمل زيه..
والحكم الجبتها فعلا تعبر عن الحب والفرق في الفهم بينه وبين الوهم..
ومنتظرة عودتك..
وأتمنى التواصل عبر الإيميل
وكل يوم حب وأنت زي ما إنت.. حبيب وقريب
Post: #86 Title: Re: وردة حمراء، بيت شعر ورسالة رقيقة.. هل تكفي للتعبير عن الحب..؟! Author: Raja Date: 02-22-2008, 00:22 AM Parent: #51
الغالي أبو جهينة..
أهليييييييييين..
دايما ما أعتبرتك أروع من كتب في الحب والتعبير عنه بكلمات وتعابير كما الحسي.. ولذلك لا أجد ما أضيفه لتعليقك هنا سوى سؤال: هل يجب أن يكون الحب من أجل الزواج ام الحب من أجل الحب..؟
وكل يوم حب وأنت على وفي حب
Post: #83 Title: Re: وردة حمراء، بيت شعر ورسالة رقيقة.. هل تكفي للتعبير عن الحب..؟! Author: Raja Date: 02-22-2008, 00:05 AM Parent: #50
أبو بكر يا عزيز..
سلامات ومحبة..
لو ترك لقلوبنا أن تفعل ما تراه. لحصلنا على أجمل الأشياء وأروعها أشياء لا تخضع لقانون المجتمع الذي يدين كل أفعال القلوب..
Quote: الحب يعبر عنه بتصرفاتنا وحديثنا ...الحب يمنع الرذيلة وليس العكس
وهذا هو الدليل..
وكل يوم حب وأن ومن حولك في حب
Post: #54 Title: Re: وردة حمراء، بيت شعر ورسالة رقيقة.. هل تكفي للتعبير عن الحب..؟! Author: haroon diyab Date: 02-16-2008, 08:15 AM Parent: #1
رجويه صباح الخير
التحايا هارون دياب
Post: #85 Title: Re: وردة حمراء، بيت شعر ورسالة رقيقة.. هل تكفي للتعبير عن الحب..؟! Author: Raja Date: 02-22-2008, 00:17 AM Parent: #54
هارون العزيز..
ألف شكر على باقة الورود الجميلة..
وكل عيد حب وأنت بألف خير
Post: #55 Title: Re: وردة حمراء، بيت شعر ورسالة رقيقة.. هل تكفي للتعبير عن الحب..؟! Author: Raja Date: 02-16-2008, 03:21 PM Parent: #1
الأحباب الفوق جميعا..
راجعة ليكم مسا لو ربنا مد في العمر..
فتكم على خير وفي حب
Post: #56 Title: Re: وردة حمراء، بيت شعر ورسالة رقيقة.. هل تكفي للتعبير عن الحب..؟! Author: طارق جبريل Date: 02-16-2008, 03:39 PM Parent: #1
رجاء كيفنك
انا غايتو عندي كوريق احمر موديهو العمارات
Post: #60 Title: Re: وردة حمراء، بيت شعر ورسالة رقيقة.. هل تكفي للتعبير عن الحب..؟! Author: عواطف ادريس اسماعيل Date: 02-17-2008, 05:27 AM Parent: #56
رجوية !!!
كل عيد حب وأنت طيبة يا رائعة ,,,
Post: #61 Title: Re: وردة حمراء، بيت شعر ورسالة رقيقة.. هل تكفي للتعبير عن الحب..؟! Author: أبوذر بابكر Date: 02-17-2008, 06:30 AM Parent: #1
ما بتكفى يا رجاء
ما بتكفى والله
وكل لحظة وإنتى طيبة
Post: #63 Title: Re: وردة حمراء، بيت شعر ورسالة رقيقة.. هل تكفي للتعبير عن الحب..؟! Author: Ishraga Mustafa Date: 02-17-2008, 05:43 PM Parent: #61
Quote: وردة حمراء، بيت شعر ورسالة رقيقة.. هل تكفي للتعبير عن الحب..
ابدا وحاتك يارجاء؟
--------------- عايزه اقول دفقة الحب البتجىء دى الزول يعيشها كما هى وكما ينبغى لانها مابتتكرر
Post: #65 Title: Re: وردة حمراء، بيت شعر ورسالة رقيقة.. هل تكفي للتعبير عن الحب..؟! Author: الطيب برير يوسف Date: 02-17-2008, 06:55 PM Parent: #1
كانت مختلفة (جدًّا) عن كل بنات قريته في منظور إعجابه تتزّين بلا مناسبة كثمرة شهية في شجرة مغبرّة كئيبة جاءت بها الأقدار إلى (هنا) مع والدها المعلّم.. و(هو) مستوطن هنا في مسرح الزراعة والرعي لكنه كان (طموحًا) إلى حدّ الجرأة و(المبااااااالغة)! و(جموحًا) إلى غاية ازدراء غيرها من (المطمئنّات) في حركة (الاعتياد) زعزعة موطن قناعاته الهشّة والمتماسكة (أحبّها) بصمت ثرثار.. شاغبها بنظرات غير (مدرّبة).. فلم تزد قلبه إلا وخزًا بابتساماتها المرسلات في فضاء تيّاه ساقته الجرأة إلى عالم الكتابة بـ(الأحمر).. زرع بياض الورق (قلوبًا) مخترقة بالسّهام.. يكتب الـ(أنا).. ويبقي فراغًا لفضاء التأويل عندها في نقاط متتاليات هكذا.. (أنا... نقط نقط بـ... نقط نقط)! يدس الخطاب برجفة مقياسها (رختر) النبضات.. وينتظر الصباح.. لا يجد إلا ذات النّظرات المبهمة وابتسامات مرسلات في فضاء تيّاه.. لم يطوّر (أسلوبه) و(أدواته).. إلا قليلا تعلّم إيراد بعض الأغنيات الضالعات في (الهيام) طي السّطور البائسات وزاد على القلوب مع السهام قطرات متساقطة بما يشبه الدّماء لكن الـ(نقط ... نقط) ظلت محبوسة في محطّة (الاستفزاز)! كانت سعيدة بـ(اللعبة)! وكان صادقًا في (الشعور)! أعيته المناورة عزم على استبدال التلميح بالإفصاح.. والتأويل بالشرح الوضّاح جاءها.. وما درى أنّ في المغيب يستوطن (الحزن) قبّة السماء كانت كـ(أشهى) ما تكون ابنة الخمسة عشر ربيعًا وكان (أقلق) ما يكون ابن العشرين جلس قبالتها (يهرطق).. عرض كل ما لديه من مخزون (الكلام) بلا ترتيب أو نظام وهي كما هي.. قبالته (تفتّر) عينيها بكسل مغناج وتوزّع ابتسامته عليه (صدقة) في معرض المجاملة البئيسة هل كان عليها أن تضع هذا (الأحمر) على شفتيها.. طفح الكيل.. (الأحمر) عذّبه الركض في الفراغ أرهقه.. استجمع ما بقي من قوى جرأته.. وقف بلا سبب.. وجلس بلا معنى.. كانت (الكلمات) وقتها قد صارت دخانًا كثيفًا في جوفه.. قالها.. كالباحث عن خلاص: [ بريدك.. أديني قدّووووم!!] اتّسعت عيناها فأزاحتا حاجبيها إلى الأعلى بسمتها انسحبت إلى الخلف في وضع يشبه (الغضب)! لم تقل شيئًا البتة! صمتها زاد من نسبة الارتباك في رئتيه زفر حيث كان يجب أن يشهق السكون غيّر من وضعية تقاسيم وجهه باتجاه يخصّ الإحساس بـ(الخطأ).. شيء ما رفع مؤخرته من الكرسي وحرّك قدميه بآلية ديناميكية بطيئة نحو الباب / الخلاص خطا خارجًا.. وأغلق الباب دونه.. الطرقات أما ناظريه بدت أضيق من حرجه.. لكنّ ضحكتها المجلجلة من خلف الباب وسّعت الطريق بأرحب ممّا توقّع ومنحت قدميه ديناميكية الهروب السّريع! ------- يا الله.. في المغيب يستوطن (الحزن) قبّة السماء
Post: #66 Title: Re: وردة حمراء، بيت شعر ورسالة رقيقة.. هل تكفي للتعبير عن الحب..؟! Author: Raja Date: 02-18-2008, 07:50 PM Parent: #1
Quote: كانت مختلفة (جدًّا) عن كل بنات قريته في منظور إعجابه تتزّين بلا مناسبة كثمرة شهية في شجرة مغبرّة كئيبة جاءت بها الأقدار إلى (هنا) مع والدها المعلّم.. و(هو) مستوطن هنا في مسرح الزراعة والرعي لكنه كان (طموحًا) إلى حدّ الجرأة و(المبااااااالغة)! و(جموحًا) إلى غاية ازدراء غيرها من (المطمئنّات) في حركة (الاعتياد) زعزعة موطن قناعاته الهشّة والمتماسكة (أحبّها) بصمت ثرثار.. شاغبها بنظرات غير (مدرّبة).. فلم تزد قلبه إلا وخزًا بابتساماتها المرسلات في فضاء تيّاه ساقته الجرأة إلى عالم الكتابة بـ(الأحمر).. زرع بياض الورق (قلوبًا) مخترقة بالسّهام.. يكتب الـ(أنا).. ويبقي فراغًا لفضاء التأويل عندها في نقاط متتاليات هكذا.. (أنا... نقط نقط بـ... نقط نقط)! يدس الخطاب برجفة مقياسها (رختر) النبضات.. وينتظر الصباح.. لا يجد إلا ذات النّظرات المبهمة وابتسامات مرسلات في فضاء تيّاه.. لم يطوّر (أسلوبه) و(أدواته).. إلا قليلا تعلّم إيراد بعض الأغنيات الضالعات في (الهيام) طي السّطور البائسات وزاد على القلوب مع السهام قطرات متساقطة بما يشبه الدّماء لكن الـ(نقط ... نقط) ظلت محبوسة في محطّة (الاستفزاز)! كانت سعيدة بـ(اللعبة)! وكان صادقًا في (الشعور)! أعيته المناورة عزم على استبدال التلميح بالإفصاح.. والتأويل بالشرح الوضّاح جاءها.. وما درى أنّ في المغيب يستوطن (الحزن) قبّة السماء كانت كـ(أشهى) ما تكون ابنة الخمسة عشر ربيعًا وكان (أقلق) ما يكون ابن العشرين جلس قبالتها (يهرطق).. عرض كل ما لديه من مخزون (الكلام) بلا ترتيب أو نظام وهي كما هي.. قبالته (تفتّر) عينيها بكسل مغناج وتوزّع ابتسامته عليه (صدقة) في معرض المجاملة البئيسة هل كان عليها أن تضع هذا (الأحمر) على شفتيها.. طفح الكيل.. (الأحمر) عذّبه الركض في الفراغ أرهقه.. استجمع ما بقي من قوى جرأته.. وقف بلا سبب.. وجلس بلا معنى.. كانت (الكلمات) وقتها قد صارت دخانًا كثيفًا في جوفه.. قالها.. كالباحث عن خلاص: [ بريدك.. أديني قدّووووم!!] اتّسعت عيناها فأزاحتا حاجبيها إلى الأعلى بسمتها انسحبت إلى الخلف في وضع يشبه (الغضب)! لم تقل شيئًا البتة! صمتها زاد من نسبة الارتباك في رئتيه زفر حيث كان يجب أن يشهق السكون غيّر من وضعية تقاسيم وجهه باتجاه يخصّ الإحساس بـ(الخطأ).. شيء ما رفع مؤخرته من الكرسي وحرّك قدميه بآلية ديناميكية بطيئة نحو الباب / الخلاص خطا خارجًا.. وأغلق الباب دونه.. الطرقات أما ناظريه بدت أضيق من حرجه.. لكنّ ضحكتها المجلجلة من خلف الباب وسّعت الطريق بأرحب ممّا توقّع ومنحت قدميه ديناميكية الهروب السّريع!
Post: #67 Title: Re: وردة حمراء، بيت شعر ورسالة رقيقة.. هل تكفي للتعبير عن الحب..؟! Author: Halema2 Date: 02-18-2008, 09:02 PM Parent: #1
العزيزه رجاء كل عيد حب وانتى حبيبه ولذيذه والله يا رجاء لو سألتينى سؤالك دا زمن لمن كنت اتدفق حبا ( طبعا قبل الزواج ) لقلت لك لالالالالالالا لا تكفى لكن اليوم بقول لك والله ما عارفه ما فارقه وردددده . وين دى مع راجل سودانى والله يعايين ليها بقعر عينوا ويقول لك الليله الاكل شنو ......... شفت الاحباط دا المهم قصة البنات هم المزنبات والسؤال والاتهام بتوجه ليهم لو حصل لمسه او غيرها . دا كان زماااان يا صحبتى الزمن النحنا فيهوا دا البنات يحبن حب جد جد ( يعنى حسى وكدا ) وما يشتغلن ليك باجعص جعيص انتى قديمه والله شنو . ما مشيتى السودان قريب. الشباب بقى واعى ومفتح وزمن الخوف انتهى وبالمناسبه انا ما بقصد البنات وبس الاولاد وكله عايش يا ستى وحتى ما عندهم زمن يناقشوا الكلام دا زينا كدا فى النت .. فهمتينى
تحياتى ملحوظه : وصيتى لك استمتعى وحبى قبل ما تتدبسى ههههههه حلوم
Post: #68 Title: Re: وردة حمراء، بيت شعر ورسالة رقيقة.. هل تكفي للتعبير عن الحب..؟! Author: AMNA MUKHTAR Date: 02-19-2008, 02:27 AM Parent: #1
Quote: ولكننا نخجل أو نرفض أن نعبًر عن الحب بطريقة حسًية.. وقليلون من اعترفوا بأن (أحضان الحبايب) هي ادفء وأأمن مكان لهم..
..
Quote: بالنسبة للفتيات. لا يمكن أن نتجرأ ونعبًر عن هذا القرب الحسًي وإلا أصبحنا في قائمة الفتيات (سيئات السمعة).. والرجال كذلك لا يبوحون من أجل خاطر المحبوبة ووضعها في تلك القائمة
..
Quote: في اي علاقة حب. هناك إنجذاب حسًي.. ولكنه من (المسكوتات عنها) فهل هي عيوب لنخفيها؟ أم إننا نريد ان يبدو حبنا عذريا ليتقبله المجتمع؟
العزيزة رجوية...ده كلااااام خطييييير..وبجيب ال...
أسئلتك فى محلها..وفى زمنها..وتحتاج لنقاش حاااار بودن محاذير..ولا كرابيج لذلك أتمنى أن يمتد النقاش حتى نعرف حاجة
بالمناسبة يبدو انو زوقنا فى الأغانى ( وفى حاجات تانية )متشابه.. الأغنية الجبتيها هى رنة موبايلى
Post: #69 Title: Re: وردة حمراء، بيت شعر ورسالة رقيقة.. هل تكفي للتعبير عن الحب..؟! Author: Raja Date: 02-19-2008, 04:42 PM Parent: #1
وردة حمراء، بيت شعر ورسالة رقيقة.. هل تكفي للتعبير عن الحب..؟!
Be back later,
love
Post: #71 Title: Re: وردة حمراء، بيت شعر ورسالة رقيقة.. هل تكفي للتعبير عن الحب..؟! Author: محمدين محمد اسحق Date: 02-19-2008, 08:15 PM Parent: #69
عفوأ رجاء حولت موضع المداخلة نسبة للفراغ الواسع الذي ظهر في صندوق مداخلتي ..
Post: #72 Title: Re: وردة حمراء، بيت شعر ورسالة رقيقة.. هل تكفي للتعبير عن الحب..؟! Author: محمدين محمد اسحق Date: 02-19-2008, 08:33 PM Parent: #71
رجاء العزيزة ..
Quote: وردة حمراء، بيت شعر ورسالة رقيقة.. هل تكفي للتعبير عن الحب..؟!
(اظنها)( ربما)( قد) تكفي (و لو) الي (حين) (اذا) كانت وردة حمراء ورسالة رقيقة من نوعية قصيدة فاروق جويدة هذه ..
إذا دارت بنا الدنيا وخانتنا أمانينا وأحرقنا قصائدَنا وأسكتنا أغانينا... ولم نعرف لنا بيتا من الأحزان يؤوينا وصار العمر أشلاء ودمّر كلّ مافينا ... وصار عبيرنا كأسا محطّمةً بأيدينا سيبقى الحب واحَتنا إذا ضاقت ليالينا إذا دارت بنا الدنيا ولاحَ الصيف خفّاقا وعادَ الشعرُ عصفورا إلى دنيايَ مشتاقا... وقالَ بأننا ذبنا ..مع الأيام أشواقا وأن هواكِ في قلبي يُضئ العمرَ إشراقا ... سيبقى حُبُنا أبدا برغم البعدِ عملاقا وإن دارت بنا الدنيا وأعيتنا مآسيها... وصرنا كالمنى قَصصا مَعَ العُشّاقِ ترويها وعشنا نشتهي أملا فنُسمِعُها ..ونُرضيها... فلم تسمع ..ولم ترحم ..وزادت في تجافيها ولم نعرف لنا وطنا وضاع زمانُنا فيها... وأجدَب غصنُ أيكتِنا وعاد اليأسُ يسقيها عشقنا عطرها نغما فكيف يموت شاديها ؟ وإن دارت بنا الدنيا وخانتنا أمانينا .. وجاء الموت في صمتٍ وكالأنقاض يُلقينا ... وفي غضبٍ سيسألنا على أخطاء ماضينا فقولي : ذنبنا أنا جعلنا حُبنا دينا سأبحث عنك في زهرٍ ترعرع في مآقينا وأسأل عنك في غصن سيكبر بين أيدينا وثغرك سوف يذكُرني ..إذا تاهت أغانينا وعطرُك سوف يبعثنا ويُحيي عمرنا فينا
Post: #75 Title: Re: وردة حمراء، بيت شعر ورسالة رقيقة.. هل تكفي للتعبير عن الحب..؟! Author: الطيب برير يوسف Date: 02-20-2008, 08:33 AM Parent: #1
رجاء يا صديقة.. لِمَ لم أبادرك بالتحية حين الزورة الأولى.. يا الله.. (الشوق) ينسي شروط الزيارة وواجبات المقام خذيها متقدمة كما يجب ومتأخرة كما أحب ثم اقرئي
Quote: في الحفل.. راقصته (هي).. تحدّت قدرته البارعة في (الرقص).. (هو).. استفزّ (مخبوءاتها) للمحاورة والمجاراة.. كانا بارعين حدّ الانسجام يتحرّكان في تناغم اتّسق مع تشجيع الجمهور الذي تحلّق حولهما المُغنّي ركّز صوته باتّجاه الدّائرة الموسيقى عملت جهدها في إبقاء (الجسدين) نشطين في (الصّراع) انتهى الدّور.. بين آهة وإعجاب .. وطلب الاستزادة ضحكت له بعفويّة اللّقاءات العابرة في لحظة الانصراف برقت عيناه بـ(شهوة) تخّطت سور المستحيل إلى الممكن.. (المغامرة) قادته إلى طريق الجرأة المجنون.. في الزّحام.. (شحن) يده بكهرباء (النّزق الدافئ).. وضغط على يدها اليمنى بالتّحديد.. التفتت كالمصعوقة.. صادفت وجه (مُراقصها) راسمًا ابتسامة ممسوكة الطرفين بمشجبين من حذر.. ابتسامة لها خاصية (التّراجع) الذّاتي في حال الخيبة والنتائج المضروبة.. ارتبكت في معرض (التفسير) المباشر.. (الأسف) من صالة قلبها تدحرج إلى أصابع يدها.. والدهشة! لذا.. لم يكن لنصيب (النّزق الدافئ) منه غير (صقيع الأسف) في أصابعها.. سحب يده.. أدار ظهره منصرفًا.. لكنّها أدركت مؤخّرته بسوط الغبن وطاقة الغضب في قولها: عوير!!
------ لأمر يخص مبدعة في عمان تجدين رقم هاتفي في البروفايل أو على [email protected] انتظر تواصلك دمت
Post: #77 Title: Re: وردة حمراء، بيت شعر ورسالة رقيقة.. هل تكفي للتعبير عن الحب..؟! Author: انعام حيمورة Date: 02-20-2008, 01:09 PM Parent: #1
رجوية ..
انا حاسة بانه السنة دي حلوة من بدايتها تعالوا نعمل فيها حركة !!
كل عام وانتي في حب
حبييييي الاكيد
Post: #78 Title: Re: وردة حمراء، بيت شعر ورسالة رقيقة.. هل تكفي للتعبير عن الحب..؟! Author: Kabar Date: 02-20-2008, 05:06 PM Parent: #1
صديقتي رجاء.. حبابك كل سنة و انتي طيبة.. كتر خيرك على كل الحاجات يا رجاء.. من باب التفاريح جيت..و كنت ناوي اجي زي جية صديقنا عبد الناصر..ولكن..! يوم الوقفة كنا متشاكلين.. (بالجد يا رجاء).. عشان كده فاتت علي عادة كنت متعودها هنا في المنتديات.. في كل فالنتيان اكتب فالنتيان..
تحية ليك و لكل الأصدقاء و الصديقات هنا..و المزيكا مرات بتعبر كتير..و رغم انو الأصدقاء و الصديقات هنا ما قصروا.. لكن العيدية واجبة (زي قصتنا زمان لمن نطلب عيدية و يدونا ليها)..
اخترت غنية .. ترجمتها و سميتها (حب ما اعتيادي)..و المغنية اسمها (Sade )..و ينطق (Sha'day )..و فيها حاجات لذيذة متمنى اكتب عنها و اعرفها لينا كسودانيين و سودانيات.. في المسرح دايما بتغني و هي حفيانة.. و عندها بعض الأعمال الغنائية للمرأة الصومالية..وفي بعض من اخر اعمالها تناولت مأساة دارفور..
اها لو كان باقي فيني عرقي لسع ما انقطع كان ح ينقطع فيها..لكن العروق اتقطعت من زمان..
ود الجيران.. الواو سغنتوتة عشان تمشي مع التوقيع وكدا ..
و.. ..
Post: #91 Title: Re: وردة حمراء، بيت شعر ورسالة رقيقة.. هل تكفي للتعبير عن الحب..؟! Author: Abdelfatah Saeed Arman Date: 02-25-2008, 08:21 PM Parent: #1
رجوية يابنت العباسى
انته الوردة الحمراء و بيت الشعر و رسالة رقيقة قاعدين يعملوها الناس فى السودان؟ ما ظنيت ... فى ناس لو قلتليها( فالنتاين ديى) حايفتكروا فطير مشلتت!!؟؟
على كل جميل ان يتم تخصيص يوم للحب و الراجل يستاهل الناس تذكره ولكن الاهم الموضوع ما يكون قشره وكده... وربنا يجعل ايامنا كل باسطه اقصد حب وكده
اما المفاجات لازم واحد يبتدى وكده و الماعايزه تتفاجأ التبادر هى!! هو نحنا لاقيين! بس ما تكون زى مبادرة جمع الصف الوطنى وكده... ولا شنو لك التحية وكدى مايلينى هنا وادينى اميلك لانى بدورك فى سعال [email protected] فتاح
Post: #92 Title: Re: وردة حمراء، بيت شعر ورسالة رقيقة.. هل تكفي للتعبير عن الحب..؟! Author: wd al geran Date: 03-05-2008, 07:27 PM Parent: #1
عودوا .. فبِكم تعود الحياة
Post: #93 Title: Re: وردة حمراء، بيت شعر ورسالة رقيقة.. هل تكفي للتعبير عن الحب..؟! Author: amir jabir Date: 03-05-2008, 07:50 PM Parent: #92
العزيرة رجاء العباسى كل عام وانتى كيف الاحوال ومشاويرك الاعلامية كيف؟؟
غايتو عيد الحب عندى مناسبة اجتر فيها الزكريات الجميل (( والدبدوب بتاعى قاعد من سنة 2002 لحدى هسى))
المهم القسمة زى الزفت نقول شنوا غايتو المهم
__________________________________________________ الاغنية خطرة لكن من شخصية خطرة جدا
Post: #94 Title: Re: وردة حمراء، بيت شعر ورسالة رقيقة.. هل تكفي للتعبير عن الحب..؟! Author: Raja Date: 03-06-2008, 00:20 AM Parent: #1
.
