Post: #1
Title: خواطر وتأملات واعترافات من أرشيف (قلب) عاشقة قبل الاحتضار !!
Author: نادية عثمان
Date: 02-14-2008, 01:53 PM
في تمام ساعة اكتمال الحب كان اعترافك ..!!
بهمسة فعلت ذات فعل اللمسة من حيث ارتعاش القلب شبقا والمفاصل رعشة والوجدان شهقة دون ارتداد بالزفير !!
ذات الكلمة (أحبك) سمعتها الآف المرات من عدد لا يحصي ولا يعد من رجال بمختلف السحنات واللهجات والمفاهيم والطرائق والرؤي .. سمعتها بشتي الوسائل والأساليب !!
ولكن
لم تدخل قلبي وتتغلغل في أنسجة الشرايين وتتخلل الأوعية الا عندما سمعتها منك في ذات مساء وردي الملامح ..مخملي المزاج !!
تفاعل العقل للمرة الأولي وفعل ذات فعل القلب من نبض وضخ للفرح من المخ الي أنحاء الجسد المتفرقة والعكس صحيح !!
لا أدري لماذا كان لوقع ذات الكلمة (أحبك) هذه فعل السحر في روحي منك انت .. برغم تكرارها الممل علي مسامعي من غيرك ؟!!
الست رجلا مثلهم ؟!!
نعم بل أنت رجل كامل الرجولة ولست بكائن سماوي أخر ..هي ملامح الرجال وتكوينهم ..!!
لك شارب وبعض لحّية (سكسوكة) ولك ذات رائحة العرق التي لا يغطي عليها عطر الأورقنزا الرجالية !!
لا ..
لست برجل مثلهم والا ماكنت وحدك الذي استطعت (دك ) حصوني المنيعات لتحتل القلب وتعلن الاستيلاء عليه بمجرد همسة بكلمة منك لم تهز شعرة من رأسي من الف فرسان أتوا الي مملكتي من قبلك مدججين بجميل الكلمات ، ومتشحين دثارات الثوار العاشقين !!
آواه يارجلا أحرقتني كلمة منه وأحالتني الي كومة رماد تنثر نفسها علي جسدك لتهب روحك الاستمرارية عمرا أضافيا خصما علي سنواتي في الحياة !!
آواه لكم تدهشني مقدرتك علي احتواء شتاتي وبعثرة عمري بمجرد كلمة (أحبك) !!
قلها وكررها فهي التي قد جعلت المعجزة امكانا وقربا للتحقق !!
وهلموا ياحواسي الستة وتذوقوا طعم هذه العبارة الأنيقة بنكهة الجنزبيل ..واستنشقوها برائحة ورود الحب الحمراء فهي المعجزة قد حدثت وامتلكني رجل بكلمة كان وقعها ذو اثارة بالغة وميقاتها ساعة استجابة قلب وباب عشق مفتوح علي مصراعيه !!
حق لك ان تسعد أيها الفارس فقلب مثل هذا لا تفتح أبوابه ولا يتلقي طلبات استجابة الدعوات الا مرة كل الف عام !!
|
Post: #2
Title: Re: خواطر وتأملات واعترافات من أرشيف (قلب) عاشقة قبل الاحتضار !!
Author: نادية عثمان
Date: 02-14-2008, 02:14 PM
Parent: #1
عندما التقيتك صدفة في ممرات مطار العاصمة البريطانية لم أكن أظن ان القدر تعمّد ان يفعل فعلته هذه ويرسم لنا الخطوات محسوبة باتجاه بعضنا البعض للأبد حيث لا مجال (للتوهان) ثانية في دهاليز العالم الملتوية كممر الثعابين !!
|
Post: #5
Title: Re: خواطر وتأملات واعترافات من أرشيف (قلب) عاشقة قبل الاحتضار !!
Author: نادية عثمان
Date: 02-14-2008, 02:27 PM
Parent: #2
فتحت حقيبة يدي وهدفي اخراج النقود ثمن تذكرة الباص فاذا بيدي تخرج بورقة مطوية هممت بالقائها من نافذة الباص ولكن فضولي جعلني أفتحها أولا لأجد الأتي : (حبيبتي عفوا اشتريت هذا الباص خصيصا لانقلك به يوميا من والي مكان عملك لاتدفعي ثمن التذكرة للكمساري وبايماءة رمش عينك اليسري ستسعدني منك التحية انظري لي من مرأة الباص الجانبية ) !!
|
Post: #9
Title: Re: خواطر وتأملات واعترافات من أرشيف (قلب) عاشقة قبل الاحتضار !!
Author: نادية عثمان
Date: 02-14-2008, 03:45 PM
Parent: #5
كانت الليلة ذات شتاء قارس.. وقفت تنتظره من علي (بلكونة) الغرفة الخلفية وراء غرفة نومها ..تأخر علي غير عادته !!
وبينما أرهقها الانتظار وهمّت بالعودة لاستكماله من علي الأريكة في الصالة الخارجية اذ بعربة تشق ظلام ليل الخرطوم الدامس خاصة في منطقة منزلهم الراقية التي لا يسمع فيها صوتا لانس ولا جان الا فيما ندر !!
استعدلت نفسها لتري من بالعربة التي وقفت قبالة باب منزلهم في هذا الوقت المتأخر من الليل ..خرج من بالعربة رجل وامرأة لم تستبن ملامح المرأة ولم تعرف انها امرأة الا بثوبها وعطر صندلها الذي فاحت رائحته بمجرد نزول السيدة من السيارة ليعبّق الاجواء وصولا للدور الثالث حيث تقف وفاء في انتظار رجلها المتأخر !!
وبنظرة لم تحتاج فيها الي كثير تدقيق عرفت ان الرجل الذي يقف مع المرأة خارج السيارة هو عاطف زوجها فمعرفته لاتحتاج الي نور جاهر ويكفي احساسها به !!
وقفا يتحدثان ووفاء تتابعهما من خلف زجاج البلكونة المظلمة دون ان ينتبه اليها زوجها ..ثم حانت لحظة الوداع فاذا بعاطف يحتضن تلك التي معه ويقبّلها قبلة طويلة رأتها وفاء بعيون غضبها وغيرتها واستغرابها فهرعت الي داخل غرفتها دون ان تكمل مشاهدة ذلك المنظر الذي افقدها صوابها !!
لم تستطع البكاء ولم تفعل سوي الوجوم والصمت .. وماهي الا دقائق حتي سمعت صرير مفتاح الباب وبسرعة دخلت وفاء تحت الاغطية متظاهرة بالنوم !!
ودخل عاطف علي أطراف قدميه الي الغرفة وقد سمعت تنفسه الصعداء راحة عندما وجدها
(متكومة) تحت الأغطية !!
بسرعة استبدل ملابسه وبأطراف أقدامه ذهب باتجاه السرير وسحب الغطاء وتدثّر به !!
مرت دقائق ثقيلة ووفاء تحت الأغطية حتي وجهها وهي تتصبب عرقا وقد شل تفكيرها تماما !!
أحست به يتقلب علي الفراش .. ثم اقترب منها واحتضنها من وراء ظهرها وأحست بانتصاب أشيائه.. وتهدج أنفاسه .. وكأنه كان يداعبها قبلها بساعة!!
لم تحرك ساكنا فبدأ بالهمس في اذنها بكلمات مثيرة لم تصبها الا بالشعور بالغثيان !!
هي شهوة الأخري التي قبّلها خارجا فأثارت رجولته ولكنها لم توصله الي منتهي نشوته .. هكذا كانت تتسارع الأفكار في رأس وفاء وهي تغلي كالمرجل من تحت الأغطية وهو يلتصق بها ويداعب بكلتا يديه اجزاء جسدها .. وهي لا تحرك ساكنا وهو يناديها باسمها وفاء وفاء في همس أحسته كفحيح الثعابين في أذنها !!
مرت دقائق لا تعرف عددها ..ثم ..وفي حركة فجائية ازاحت الأغطية عنها وعنه وأبعدته عنها .. ثم أنارت النور لتري وجهه الملطخ باحمر شفاه ليست شفاهها ..وكانت رائحة صندل الأخري تفوح من جسد زوجها بعد ان اخترقته من فوق الملابس !!
لم تحدثه وفقط ظلت تنظر الي وجهه بعينيين جاحظتين ..فقال لها (مشتاق ليك شديد ياوفاء) !!
فوضعت يدها علي شفتيه تأخذ بهما مالصق من أحمر شفاه تلك التي قبّلها توا بالخارج .. ومدت أصابعها تريه فعلته وقبل ان ينطق كانت قد صفعته بكل ماتملك من قوة علي وجهه وهي تنفجر باكية ..وتصرخ في وجهه(شهوة مرا ماتكملها عند مرا تانية حتي لو كانت زوجتك ) !!
|
Post: #3
Title: Re: خواطر وتأملات واعترافات من أرشيف (قلب) عاشقة قبل الاحتضار !!
Author: Sahar Yousif
Date: 02-14-2008, 02:15 PM
Parent: #1
| Quote: آواه لكم تدهشني مقدرتك علي احتواء شتاتي وبعثرة عمري بمجرد كلمة (أحبك) !! |
نادية ابكيتني
سعدته لك و لقلبك الملئ باجترارات الزمان
انه قلب عاشقة احيته دماء جديدة من الحب
|
Post: #4
Title: Re: خواطر وتأملات واعترافات من أرشيف (قلب) عاشقة قبل الاحتضار !!
Author: المر
Date: 02-14-2008, 02:23 PM
Parent: #3
ودى بمناسبة المناسبة
المتيم المر
|
Post: #10
Title: Re: خواطر وتأملات واعترافات من أرشيف (قلب) عاشقة قبل الاحتضار !!
Author: نادية عثمان
Date: 02-14-2008, 03:51 PM
Parent: #4
المر اخوي الغالي
كل لحظة وانت بالف عافية يارب
تبري من (التأتم) ان شاء الله قول امين   
|
Post: #6
Title: Re: خواطر وتأملات واعترافات من أرشيف (قلب) عاشقة قبل الاحتضار !!
Author: نادية عثمان
Date: 02-14-2008, 02:42 PM
Parent: #3
Sahar Yousif
شكرا علي المرور الطاعم حيث لا مجال هنا الا للفرح والفرح وحده !!
كل عيد حب وانتي بالف خير
|
Post: #7
Title: Re: خواطر وتأملات واعترافات من أرشيف (قلب) عاشقة قبل الاحتضار !!
Author: Sahar Abdelrahman
Date: 02-14-2008, 03:08 PM
Parent: #6
حبيبتي نادية...نورتي كتير
كل عيد حب وأنت ممتلئة بالحب والحنين....
|
Post: #12
Title: Re: خواطر وتأملات واعترافات من أرشيف (قلب) عاشقة قبل الاحتضار !!
Author: نادية عثمان
Date: 02-14-2008, 04:18 PM
Parent: #7
سحورة حبيبوووووو
سلامات ياعسسسسل صافي
Quote: حبيبتي نادية...نورتي كتير
كل عيد حب وأنت ممتلئة بالحب والحنين.... |
المكان منوّر بيك ياجميلة وكل عيد حب وانتي رائعة كما انتي دوما
|
Post: #8
Title: Re: خواطر وتأملات واعترافات من أرشيف (قلب) عاشقة قبل الاحتضار !!
Author: Sahar Yousif
Date: 02-14-2008, 03:38 PM
Parent: #1
عزيزتي نادية اتذكر لقاتنا القليلة الكثيرة ...
اتذكر انك قد اعطيتني حالة و دفعة من المشاعر الغريبة .. اتذكر لقانا الاول كنتي بتقولي خواطرك كما اسميتها و لكم اعجبتني
سعدت بمعرفتي بك
لم اندهش و انا بقرأ كلماتك فلقد تعودت احرفك و كلماتك بالدخول الي قلبي من غير اي استئذان فهذا هو قلبي و هذه دقاته
و ما زلت في انتظار المزيد منك
تخريمة
Sahar Abdelrahman
صادفتك اليوم و لكم سعدت بوجودك ... صادفتك في بوست العزيزة اشراقة ...علمت انك بتكتبي ارجوا ان تسمحي لنا بالدخول اليك
شاركينا بما تحبي ... ولا تبخلي علينا 
|
Post: #21
Title: Re: خواطر وتأملات واعترافات من أرشيف (قلب) عاشقة قبل الاحتضار !!
Author: نادية عثمان
Date: 02-14-2008, 07:39 PM
Parent: #8
الغالية سحورة
Quote: عزيزتي نادية اتذكر لقاتنا القليلة الكثيرة ...
اتذكر انك قد اعطيتني حالة و دفعة من المشاعر الغريبة .. اتذكر لقانا الاول كنتي بتقولي خواطرك كما اسميتها و لكم اعجبتني
سعدت بمعرفتي بك
لم اندهش و انا بقرأ كلماتك فلقد تعودت احرفك و كلماتك بالدخول الي قلبي من غير اي استئذان فهذا هو قلبي و هذه دقاته
و ما زلت في انتظار المزيد منك |
شكرا لكلماتك الرقيقة وشكرا لهذا الصرح الذي جعل المستحيل ممكنا بتلاقينا وتواصلنا الحميم هذا والذي هو نعمة من الله في زمن الشتات والفرقة المقيتة !!
|
Post: #43
Title: Re: خواطر وتأملات واعترافات من أرشيف (قلب) عاشقة قبل الاحتضار !!
Author: Sahar Abdelrahman
Date: 02-15-2008, 11:08 AM
Parent: #8
الولوفة نادية....سلامات
هناك خيط ضوء يربط بيننا...لقد تلقيت جميع مراحلي الدراسيّة في الإنجيليّة بحري...نفس المدرسة التي درستي بها...
من حسن حظي وحظك أننا إلتقينا الأستاذ الفاضل سعد الدين إبراهيم...لقد تعلمت منه الكثير ...لم يكن معلما فقط...كان أخا...أبا...صديقا...راعيا وموجها...
لقد علمني أن أعبر عن مشاعري بالكتابة...أقول كل ما افكر فيه واكتب كل ما أحسّه...
أتمنى له الصحة والسعادة وان يبارك الله في عمره...
قبلاتي للصغيرة إيمان
الحبيبة سحر يوسف....سلامي ومودتي
Quote: صادفتك اليوم و لكم سعدت بوجودك ... صادفتك في بوست العزيزة اشراقة ...علمت انك بتكتبي ارجوا ان تسمحي لنا بالدخول اليك
شاركينا بما تحبي ... ولا تبخلي علينا |
تسلمي كتير على كلماتك الحلوة...نورتي المنبر
مرحبا بك صديقة
أعتذر كثيرا لأنني نادرا ما أدخل للمنبر لدي عوالمي التي تأخذني دوما بعيدا...
أجمل ما منحني له هذا المكان صديقات في قامة نادية عثمان وإشراقة مصطفي...
حتما سوف نتواصل
كل الحب لك
|
Post: #44
Title: Re: خواطر وتأملات واعترافات من أرشيف (قلب) عاشقة قبل الاحتضار !!
Author: نادية عثمان
Date: 02-15-2008, 03:42 PM
Parent: #43
سحورة العسسسل وانا اتاريني اقول الوجه الصبوح ده ماغريب علي اتاريك بت الانجلية ؟؟
| Quote: هناك خيط ضوء يربط بيننا...لقد تلقيت جميع مراحلي الدراسيّة في الإنجيليّة بحري...نفس المدرسة التي درستي بها... |
أروع أيامي هي تلك التي قضيتها في الانجلية بحري وبحب أبلة نعيمة ..هي ماتت ولا حية الناظرة دي ؟؟
Quote: من حسن حظي وحظك أننا إلتقينا الأستاذ الفاضل سعد الدين إبراهيم...لقد تعلمت منه الكثير ...لم يكن معلما فقط...كان أخا...أبا...صديقا...راعيا وموجها...
لقد علمني أن أعبر عن مشاعري بالكتابة...أقول كل ما افكر فيه واكتب كل ما أحسّه... |
الله عليك ياااااااااااخ ده اروع زول علي وجه الارض والله
|
Post: #117
Title: Re: خواطر وتأملات واعترافات من أرشيف (قلب) عاشقة قبل الاحتضار !!
Author: نادية عثمان
Date: 03-05-2008, 08:17 PM
Parent: #43
اعد لي قلبي الذي بين ضلوعك فأنت لا تستحق نبضي في روحك !!
|
Post: #11
Title: Re: خواطر وتأملات واعترافات من أرشيف (قلب) عاشقة قبل الاحتضار !!
Author: emad altaib
Date: 02-14-2008, 03:59 PM
Parent: #1
ـــــــــــــــــــــ
اللطيفة: نادية عثمان... عودتك للمنبر بحرفك الشجي ..وطلتك البهية هي الحب ..
ولك الحب
|
Post: #13
Title: Re: خواطر وتأملات واعترافات من أرشيف (قلب) عاشقة قبل الاحتضار !!
Author: كمال الدين بخيت اسماعيل
Date: 02-14-2008, 04:32 PM
Parent: #11
ناديه عثمان.....القلم الطري....عودأ احمد....نورتي البورد.....
لك الحب والود
|
Post: #15
Title: Re: خواطر وتأملات واعترافات من أرشيف (قلب) عاشقة قبل الاحتضار !!
Author: نادية عثمان
Date: 02-14-2008, 05:03 PM
Parent: #13
الاخ الاكرم كمال الدين
Quote: ناديه عثمان.....القلم الطري....عودأ احمد....نورتي البورد.....
لك الحب والود |
شكرا لتشجيعك والبورد منور بنبل اخلاقك وروعة كلماتك ياراقي ..
|
Post: #17
Title: Re: خواطر وتأملات واعترافات من أرشيف (قلب) عاشقة قبل الاحتضار !!
Author: نادية عثمان
Date: 02-14-2008, 05:56 PM
Parent: #11
emad altaib
Quote: اللطيفة: نادية عثمان... عودتك للمنبر بحرفك الشجي ..وطلتك البهية هي الحب ..
ولك الحب |
شكرا للحب الذي جمعنا هاهنا أخوة وأصدقاء وعشيرة ودمت ابدا رائعا ايها الرجل اللطيف العبارة ..
|
Post: #119
Title: Re: خواطر وتأملات واعترافات من أرشيف (قلب) عاشقة قبل الاحتضار !!
Author: نادية عثمان
Date: 03-06-2008, 06:01 PM
Parent: #17
أهديت ليك هواي والشوق
و
صدودك كان لغة تعبير
و
مابتستاهل التفكير !!
|
Post: #109
Title: Re: خواطر وتأملات واعترافات من أرشيف (قلب) عاشقة قبل الاحتضار !!
Author: نادية عثمان
Date: 03-04-2008, 08:21 PM
Parent: #11
ليس أسوأ من أن تكون في حالة حب عاصفة ورغم ذلك يقتلك الفراغ العاطفي !!!!
|
Post: #14
Title: Re: خواطر وتأملات واعترافات من أرشيف (قلب) عاشقة قبل الاحتضار !!
Author: abubakr
Date: 02-14-2008, 04:37 PM
Parent: #1
يا قريبتي ....بين رجليين متناقضيين ... ادهشتيني ...
ليس للحب يوم واحد ليحتفل به وتاتي انتي معه الحب يشرق مع شمس كل يوم لمن يراه ....
واصلي ...املئ المكان حبا وحكاوي عشق وعشاق حتي لا يصيب الوجدان الجفاف ...
وهكذا اكيد غدا سيكون اجمل
|
Post: #29
Title: Re: خواطر وتأملات واعترافات من أرشيف (قلب) عاشقة قبل الاحتضار !!
Author: نادية عثمان
Date: 02-15-2008, 01:40 AM
Parent: #14
ابو بكر ياقريبي الغالي
سلامات كده
نعم ساواصل وستجد كل مافي ذاكرة القلب وأرشيفه فرحا وحزنا (مكبوبا) هاهنا فقط انت كن في الجوار ولا تبتعد ..
|
Post: #16
Title: Re: خواطر وتأملات واعترافات من أرشيف (قلب) عاشقة قبل الاحتضار !!
Author: Soumeta
Date: 02-14-2008, 05:11 PM
Parent: #1
هي يا ناااااااااااادية،،
حمدالله علي السلامة،،
و كل عيد حُب إنتي و الحنونة السغيرونة،،
بالف حُب،،
و بركة الشوفة،،
|
Post: #18
Title: Re: خواطر وتأملات واعترافات من أرشيف (قلب) عاشقة قبل الاحتضار !!
Author: زوربا
Date: 02-14-2008, 07:02 PM
Parent: #16
نادية الأنيقة حرفا
حين لم يكن في الملكوت سوي رائحة الحب الأكيد
كانت حينها
كل الكائنات تجيد الحياة
أما الخيانة
التجرد المنتهي من الانسان فينا
ولا عزاء للخطاب الذكوري
والريد نيلين
همسة / كوني آمتـــــــــــة
|
Post: #30
Title: Re: خواطر وتأملات واعترافات من أرشيف (قلب) عاشقة قبل الاحتضار !!
Author: نادية عثمان
Date: 02-15-2008, 01:56 AM
Parent: #18
زوربااااااا
تحياتي
Quote: نادية الأنيقة حرفا
حين لم يكن في الملكوت سوي رائحة الحب الأكيد
كانت حينها
كل الكائنات تجيد الحياة |
هذه تكفي فلو عادت رائحة الحب الأكيد سنجد أنفسنا جميعنا من الأحياء بحق وليس وهما دون شك !!
فلنجعل الحب شعار حياتنا دوما وأبدا ..
|
Post: #19
Title: Re: خواطر وتأملات واعترافات من أرشيف (قلب) عاشقة قبل الاحتضار !!
Author: نادية عثمان
Date: 02-14-2008, 07:10 PM
Parent: #16
سوميتا الحلوووووووووووة ام سنون بيضا عيني باااردة تلج بس
تسلمي علي الطلة الحلوة ياعروس وربنا يحقق احلامك كلهااا يارب
|
Post: #20
Title: Re: خواطر وتأملات واعترافات من أرشيف (قلب) عاشقة قبل الاحتضار !!
Author: Salah Waspa
Date: 02-14-2008, 07:21 PM
Parent: #19
نادية
عاش من شافك وأنت ترفلين بثوب السعادة والحب
سعيدين بطلتك بعد غياب
كل سنه وأنت محبوبة
صلاح واسبه
|
Post: #31
Title: Re: خواطر وتأملات واعترافات من أرشيف (قلب) عاشقة قبل الاحتضار !!
Author: نادية عثمان
Date: 02-15-2008, 02:05 AM
Parent: #20
النبيل صلاح وأسبة
وعشت رافلا في دثارات العافية وتمام الصحة وهدؤ البال دوما يارب
|
Post: #22
Title: Re: خواطر وتأملات واعترافات من أرشيف (قلب) عاشقة قبل الاحتضار !!
Author: elameen
Date: 02-14-2008, 09:41 PM
Parent: #1
الاخت نادية احوالك انشاء الله تكوني بخير ... اها ما في جديد ليك فترة ما بنتى
العرب هنا بقولوا شنو (طول الغيبات جاب الغنائم) منتظرين منك
تحياتي
الامين
|
Post: #23
Title: Re: خواطر وتأملات واعترافات من أرشيف (قلب) عاشقة قبل الاحتضار !!
Author: دينا خالد
Date: 02-14-2008, 10:12 PM
Parent: #22
ندوية كل عيد حب وانت احلى وانضر وابهى
الحكوة دى طويلة .... بس قولى لى
ــــــــــــــــــ
الزول دا انا بعرفو ؟؟؟؟؟؟؟؟؟؟؟؟
|
Post: #24
Title: Re: خواطر وتأملات واعترافات من أرشيف (قلب) عاشقة قبل الاحتضار !!
Author: Rawia
Date: 02-14-2008, 10:32 PM
Parent: #23
كل عيد حب وأنت بخير وفي حب
|
Post: #38
Title: Re: خواطر وتأملات واعترافات من أرشيف (قلب) عاشقة قبل الاحتضار !!
Author: نادية عثمان
Date: 02-15-2008, 03:24 AM
Parent: #24
راوية ياحبية قساي
كل لحظة وانتي بالف خير وفي حالة حب لا ينقطع الا ليتواصل وبشدّة قولي آآمين يارب
|
Post: #35
Title: Re: خواطر وتأملات واعترافات من أرشيف (قلب) عاشقة قبل الاحتضار !!
Author: نادية عثمان
Date: 02-15-2008, 02:52 AM
Parent: #23
دندونة بت عمو خالد
| Quote: الحكوة دى طويلة .... بس قولى لى |
صدقي لا طويلة ولا حاجة ولو ماقريتها نص عمرك ضائع وقد (جنزر من بنزر) عديل كدي
| Quote: الزول دا انا بعرفو ؟؟؟؟؟؟؟؟؟؟؟؟ |
لما تقري القصة الأول حايخالجك (حلوة يخالجك دي عجبتني) يخالجك احساس انو ده تامر ولما تقري القصة التانية وتعرفي لون الروج الكان في شفايف عاطف طوالي حاتتأكدي انو الزول ده وائل .. وتغني معاي ده كلو من وائل .. وائل لطش الموبايل ..الموبايل ان 70 و......اقري ياخ (العلم نورررررون) !!
|
Post: #32
Title: Re: خواطر وتأملات واعترافات من أرشيف (قلب) عاشقة قبل الاحتضار !!
Author: نادية عثمان
Date: 02-15-2008, 02:16 AM
Parent: #22
الأمين أخوي الغالي
| Quote: طول الغيبات جاب الغنائم |
والمصريين بقولوا (من بقك لباب السماء ) ان شااااااااء الله يارب
|
Post: #25
Title: Re: خواطر وتأملات واعترافات من أرشيف (قلب) عاشقة قبل الاحتضار !!
Author: ناهد بشير الطيب
Date: 02-14-2008, 10:59 PM
Parent: #1
ناديه عثمان مختار الزوله الرقيقه ازيك
كل سنه وانتى طيبه ....ودائما سعيده يارب
ازيك مشتاقين والله .....
بجيك وبلقاك تانى اكيد ....يلا كل سنه وانتى بالف خير
وقلبك عامر بالحب لكل الناس ....تحياتى للاولاد
|
Post: #36
Title: Re: خواطر وتأملات واعترافات من أرشيف (قلب) عاشقة قبل الاحتضار !!
Author: نادية عثمان
Date: 02-15-2008, 03:02 AM
Parent: #25
ناهد بشير الطيب زااااااااتها ؟؟
يآآآآآآآآه هي عودة للزمن الجميل بحق اذن !!
سعيدة بوجودك ايتها النسمة الرقيقة جدا
و
عودتك تسعدني وانا في انتظارها دوما
جاية مصر قريب ولا انتي وين هسة ؟؟
|
Post: #26
Title: Re: خواطر وتأملات واعترافات من أرشيف (قلب) عاشقة قبل الاحتضار !!
Author: Alsa7afa_30
Date: 02-14-2008, 11:01 PM
Parent: #1
|
Post: #37
Title: Re: خواطر وتأملات واعترافات من أرشيف (قلب) عاشقة قبل الاحتضار !!
Author: نادية عثمان
Date: 02-15-2008, 03:17 AM
Parent: #26
الصحافة امبس تلاتين تود
ياخي اللهي ايكي باريكريو ياربينا
اي دسن متشكرة ليك ان بنجد دسن تونجل سكر كري ..!!
وبالنسبة للفنان الجميل الله يرحمو وحقا (دنيات فايدة كومنو )!!
|
Post: #27
Title: Re: خواطر وتأملات واعترافات من أرشيف (قلب) عاشقة قبل الاحتضار !!
Author: Raja
Date: 02-14-2008, 11:08 PM
Parent: #1
نادية يا حبيبة..
كل عيد حب وإنتي بخير..
* نفسي قصص الحب في الواقع تبقى زي بتاعت الأفلام العربي..
منى تلاقي احمد ويجروا لبعض ويتجوًزوا ويعيشوا في تبات ونبات ويخلًفوا صبيان وبنات..
دي صعبة عليك الله؟
|
Post: #28
Title: Re: خواطر وتأملات واعترافات من أرشيف (قلب) عاشقة قبل الاحتضار !!
Author: HAYDER GASIM
Date: 02-15-2008, 00:07 AM
Parent: #27
نادية عثمان ... تسلمي,
متى تحضري ...
تحضر الطيبوبة ويتعاظم الإحساس بالسلم
والمحبة ... فشكرا أيتها الرسولة.
|
Post: #33
Title: Re: خواطر وتأملات واعترافات من أرشيف (قلب) عاشقة قبل الاحتضار !!
Author: Seif Elyazal Burae
Date: 02-15-2008, 02:36 AM
Parent: #28
و يزدان الوجدان بروعة حروفك, في هذا العالم الذي يقسو يوما بعد يوم.
عالم الأرقام الذي كادت أن تتحول فيه أعصابنا إلي أسلاك...
و ترنح الحب و أنحسر علي وطأة عصرنا المادي هذا.
و لقدام نادية
مودتي
سيف اليزل
|
Post: #34
Title: Re: خواطر وتأملات واعترافات من أرشيف (قلب) عاشقة قبل الاحتضار !!
Author: عاطف محمد أحمد زكريا
Date: 02-15-2008, 02:45 AM
Parent: #33
| Quote: خواطر وتأملات واعترافات من أرشيف (قلب) عاشقة قبل الاحتضار !! |
نادية عثمان
كلام جميل وكله تفائل
من قلب عمران بالحب
بس الاحتضار ده الجابو هنا شنو؟؟
عودا حميدا
وهبى فلنتاين
مع ودى
|
Post: #51
Title: Re: خواطر وتأملات واعترافات من أرشيف (قلب) عاشقة قبل الاحتضار !!
Author: نادية عثمان
Date: 02-15-2008, 07:07 PM
Parent: #34
عاطف محمد أحمد زكريا
سلامات كده ووينك الغيبة الطويلة دي علك بالف خير يارب
| Quote: بس الاحتضار ده الجابو هنا شنو؟؟ |
والله ماتشاؤم لكن واقعية لانو اصلا الحياة هي كده حب وخير وشر وأمل وموت وووو..شفت كيف
|
Post: #47
Title: Re: خواطر وتأملات واعترافات من أرشيف (قلب) عاشقة قبل الاحتضار !!
Author: نادية عثمان
Date: 02-15-2008, 06:39 PM
Parent: #33
Seif Elyazal Burae
Quote: و يزدان الوجدان بروعة حروفك, في هذا العالم الذي يقسو يوما بعد يوم.
عالم الأرقام الذي كادت أن تتحول فيه أعصابنا إلي أسلاك...
و ترنح الحب و أنحسر علي وطأة عصرنا المادي هذا.
و لقدام نادية |
تراجع لغة الحب في مقابل لغة الأرقام هي مايؤرقنّي ويضج مضجعي !!
هل تعتقد بأنه يمكن أن يأتي يوما يكون فيه الحب كائن غريب علي دنيانا ذات القلب المتحجر هذه ؟؟
|
Post: #52
Title: Re: خواطر وتأملات واعترافات من أرشيف (قلب) عاشقة قبل الاحتضار !!
Author: Seif Elyazal Burae
Date: 02-15-2008, 07:27 PM
Parent: #47
كما زمن الفوارس غار, فقد تكون نهاية الحب كذلك..
لا بديل للأنسانية سوي الرجوع للحب كترياق لكل أدوائها و أمراضها المستعصية..
نحن في حوجة للحب لكي تعود إلينا إنسانيتنا المغيبة..
مودتي
سيف اليزل
|
Post: #40
Title: Re: خواطر وتأملات واعترافات من أرشيف (قلب) عاشقة قبل الاحتضار !!
Author: نادية عثمان
Date: 02-15-2008, 03:48 AM
Parent: #28
النبيل حيدر قاسم
Quote: متى تحضري ...
تحضر الطيبوبة ويتعاظم الإحساس بالسلم
والمحبة ... فشكرا أيتها الرسولة. |
أمثالك يحرضونني دوما علي الحضور لان دواخلهم ممتلئة بحب الخير والجمال والرقة ..
وشكرا جميلا علي كلماتك الطيبات في حقي وأتمني أن أكون دوما عند حسن الظن بي ..
|
Post: #39
Title: Re: خواطر وتأملات واعترافات من أرشيف (قلب) عاشقة قبل الاحتضار !!
Author: نادية عثمان
Date: 02-15-2008, 03:39 AM
Parent: #27
رجوية ياحبيبة قساي ياصديقة الزمن الماااااابتعوض روعة وجمال ولمّة حلوة
Quote: نفسي قصص الحب في الواقع تبقى زي بتاعت الأفلام العربي..
منى تلاقي احمد ويجروا لبعض ويتجوًزوا ويعيشوا في تبات ونبات ويخلًفوا صبيان وبنات.. |
الغريبة بقولوا الأفلام تجسيد للواقع هسي عليك الله زمنك ده كلو في مصر دي شفتي ليك واحد جاري علي حبيبتو وبكورك ..مننننننننننننني وهي تكورك وتجري عليهو أأأأأأأأأأأأأأحمد ؟؟
ياخ صدق القال دي أفلام ساي علي وزن كلام جرايد مع انها لا صعبة ولا شتين !!
عايني
اوعي تعرسي لو مازولك جري وراك في شوارع الأردن النضيفة وسمحة دي وناداك رجوياااااااااا وانتي تجري عليهو وتناديهو ..ااااااااا (طبعا مابعرف اسمو عاد اسوي ليك شنو )
|
Post: #41
Title: Re: خواطر وتأملات واعترافات من أرشيف (قلب) عاشقة قبل الاحتضار !!
Author: النسر
Date: 02-15-2008, 04:32 AM
Parent: #1
حضور واسع متورد الوجنات وسيم الطلعة مبهج لدن لين
مسكون بالحنو واشراق صباحات ذاكرة دافئة
نادية كل سنة وانتى طيبة
|
Post: #45
Title: Re: خواطر وتأملات واعترافات من أرشيف (قلب) عاشقة قبل الاحتضار !!
Author: نادية عثمان
Date: 02-15-2008, 05:53 PM
Parent: #41
النسر ايها الرجل النبيل جدددددددا
كل لحظة وانت كما انت رجل بحق وملئ بالخير والنقاء والصدق والشهامة
Quote: حضور واسع متورد الوجنات وسيم الطلعة مبهج لدن لين
مسكون بالحنو واشراق صباحات ذاكرة دافئة |
شكرا جميلا لحضورك الحميم في بيوتاتي وكن بالقرب دوما فلوجودك طعم الاطمئنان والراحة ..
|
Post: #42
Title: Re: خواطر وتأملات واعترافات من أرشيف (قلب) عاشقة قبل الاحتضار !!
Author: حسين محي الدين
Date: 02-15-2008, 07:39 AM
Parent: #1
نادية
شكرا جميلا لهذه المساحات العذبة
|
Post: #46
Title: Re: خواطر وتأملات واعترافات من أرشيف (قلب) عاشقة قبل الاحتضار !!
Author: نادية عثمان
Date: 02-15-2008, 06:24 PM
Parent: #42
الكريم حسين محي الدين
تحية الطيبة والنقاء
وشكرا جميلا لمرورك المفرح
|
Post: #48
Title: Re: خواطر وتأملات واعترافات من أرشيف (قلب) عاشقة قبل الاحتضار !!
Author: WadAker
Date: 02-15-2008, 06:40 PM
Parent: #1
سلامات فى هذه الايام النديانه
حضور محضور ...>>
وكلمات رويانه... >>>
كونى بالف خير
|
Post: #50
Title: Re: خواطر وتأملات واعترافات من أرشيف (قلب) عاشقة قبل الاحتضار !!
Author: Mohamed Ahmaed Olyesh
Date: 02-15-2008, 07:04 PM
Parent: #48
عودي ..
وستجدينا بالطرقات نحمل ازهار الشتاء اليك دون زيف...
عطرينا..
وكلمينا..
وابقي عشرة علي السويعات التي تقضيها هنا..
فكم هي ناضرة ومنمقه
.....
....
....نحن نمضي بخطي بطيئه....ولكنها اكثر اناقه...
عليش
|
Post: #55
Title: Re: خواطر وتأملات واعترافات من أرشيف (قلب) عاشقة قبل الاحتضار !!
Author: نادية عثمان
Date: 02-15-2008, 08:35 PM
Parent: #50
عليييييييييييييش
شكرا جميلا علي الكلمات الندية
وتأكد ان وجودك باعث علي الفرح دوما فكن في الجوار ولا تبتعد ..
|
Post: #54
Title: Re: خواطر وتأملات واعترافات من أرشيف (قلب) عاشقة قبل الاحتضار !!
Author: نادية عثمان
Date: 02-15-2008, 08:14 PM
Parent: #48
ود عكر سلامات ياخ انت وين مطوووول الغيبة كده ليه ؟
Quote: سلامات فى هذه الايام النديانه
حضور محضور ...>>
وكلمات رويانه... >>> |
شكرا جميلا لحضورك النادي وكن في الجوار ابدا ليدوم الفرح ..
|
Post: #49
Title: Re: خواطر وتأملات واعترافات من أرشيف (قلب) عاشقة قبل الاحتضار !!
Author: haider osman
Date: 02-15-2008, 07:03 PM
Parent: #1
يا اخوانا روقوا المنقه خلونا نشوف بعد الكف الحصل شنو
|
Post: #53
Title: Re: خواطر وتأملات واعترافات من أرشيف (قلب) عاشقة قبل الاحتضار !!
Author: نادية عثمان
Date: 02-15-2008, 08:05 PM
Parent: #49
حيدر ؟؟؟؟؟؟؟
هههههههههههههههههههههههههه
| Quote: يا اخوانا روقوا المنقه خلونا نشوف بعد الكف الحصل شنو |
والله بالردود علي الاحباب طار لي زاتو ..لكن كدي انت تعال وريني متخيل يكون حصل شنو وانا بوريك صح ولا لا
|
Post: #56
Title: Re: خواطر وتأملات واعترافات من أرشيف (قلب) عاشقة قبل الاحتضار !!
Author: نادية عثمان
Date: 02-15-2008, 09:14 PM
Parent: #53
البكاء ساعة الحزن أمر لا غرابة فيه ولكن تحيرني جدا دموع الفرح !!
|
Post: #57
Title: Re: خواطر وتأملات واعترافات من أرشيف (قلب) عاشقة قبل الاحتضار !!
Author: علي سيد همد
Date: 02-16-2008, 09:54 AM
Parent: #1
حروفك عطرة وندية يا استاذة نادية واصلي فنحن في الانتظار
|
Post: #59
Title: Re: خواطر وتأملات واعترافات من أرشيف (قلب) عاشقة قبل الاحتضار !!
Author: نادية عثمان
Date: 02-16-2008, 11:04 AM
Parent: #57
الكريم علي سيد همد
تسلم وكل لحظة وانت ومن تحبهم في العالم أجمعين بالف خير يارب
وشكرا علي التشجيع والمتابعة وسأواصل باذن الله..
|
Post: #58
Title: Re: خواطر وتأملات واعترافات من أرشيف (قلب) عاشقة قبل الاحتضار !!
Author: العوض المسلمي
Date: 02-16-2008, 10:13 AM
Parent: #1
اولا حمدا لله علي السلامه
ساعود ثانيا
|
Post: #64
Title: Re: خواطر وتأملات واعترافات من أرشيف (قلب) عاشقة قبل الاحتضار !!
Author: نادية عثمان
Date: 02-16-2008, 12:56 PM
Parent: #58
العوض المسلمي الحنون
تسلم اخوي انا ووالله كلموني انك عملت بوست فقدتني فيها ان شاء الله ماتشوف شر ياغالي وشكرا كتييييييير
وانا منتظرة طلتك طوالي بي هنا سمح ؟
|
Post: #60
Title: Re: خواطر وتأملات واعترافات من أرشيف (قلب) عاشقة قبل الاحتضار !!
Author: Adil Osman
Date: 02-16-2008, 11:23 AM
Parent: #1
Quote: آواه يارجلا أحرقتني كلمة منه وأحالتني الي كومة رماد تنثر نفسها علي جسدك لتهب روحك الاستمرارية عمرا أضافيا خصما علي سنواتي في الحياة !!
|
| Quote: حق لك ان تسعد أيها الفارس فقلب مثل هذا لا تفتح أبوابه ولا يتلقي طلبات استجابة الدعوات الا مرة كل الف عام !! |
| Quote: خواطر وتأملات واعترافات من أرشيف (قلب) عاشقة قبل الاحتضار !! |
هذه كتابة ذكية وبارعة. تمويه الزمن قدرة رهيبة. هل الكتابة تعبر عن الزمن الماضى او الحاضر او المستقبل؟
الكاتبة بمهارة فائقة موهت اشارات الزمن على القارئ.
ثم اختارت عنوانآ يشى بالزمن الماضى. بالتاريخ. فهى تكتب / تنقل من ارشيف. ارشيف قلب عاشقة.
عاشقة فى الماضى. لها تاريخ عشق وحب واشتهاءات. ولكن هذا القلب مهدد بالاحتضار.
قبل الاحتضار؟
لماذا ستموت العاشقة؟ او سيموت الحب؟ هل هو حب من طرف واحد؟
أم هو حب لا تسمح به التقاليد؟
الامر غريب. وغامض. ولكنها كتابة بها طاقة من الرغبة فى الحياة لا تعادلها طاقة.
حتى لو كان الامر خيالا محضآ. وفانتازيا.
نادية الجميلة
كتابتك جميلة وذكية .
|
Post: #62
Title: Re: خواطر وتأملات واعترافات من أرشيف (قلب) عاشقة قبل الاحتضار !!
Author: مجاهد عبد الرحمن
Date: 02-16-2008, 11:55 AM
Parent: #60
الجميلة نادية
القصة دي ما إنتهت
متألقة دوما
عشان كدا لا تغيبيً
كل الود وأجمل الورد
|
Post: #63
Title: Re: خواطر وتأملات واعترافات من أرشيف (قلب) عاشقة قبل الاحتضار !!
Author: نادية عثمان
Date: 02-16-2008, 12:34 PM
Parent: #62
مجاهد عبد الرحمن كييييييييييفك
القصة ياتها تقصد ؟؟
بتاعة عاطف ووفاء والكف الصاموتي ؟؟
|
Post: #75
Title: Re: خواطر وتأملات واعترافات من أرشيف (قلب) عاشقة قبل الاحتضار !!
Author: مجاهد عبد الرحمن
Date: 02-17-2008, 05:56 AM
Parent: #63
لا يا جميل أعني الخاطرة الأولى التي في إفتتاحية البوست
فيها بوح جميل وصادق
لكن صاحبنا الأخد (قلم) يستاهل لأنو أهبل
الزول كان أكل ليهو تسالي (بنضف خشمو) خليك من ياكل ليهو......
|
Post: #84
Title: Re: خواطر وتأملات واعترافات من أرشيف (قلب) عاشقة قبل الاحتضار !!
Author: نادية عثمان
Date: 02-25-2008, 05:08 PM
Parent: #75
مجاهد عبد الرحمن ؟؟؟؟؟؟!!
Quote: لكن صاحبنا الأخد (قلم) يستاهل لأنو أهبل
الزول كان أكل ليهو تسالي (بنضف خشمو) خليك من ياكل ليهو...... |
هههههههههههه
اقايتو كتلتني بالضحك ..يعني عاطف العملتو (أهبل) ده لو كان قشا خشمو من التسالي ..اقصد الروج كان الموضوع عدا عاااادي علي وفاء قايل ؟!!
طيب وريحة الصندل الفي هدومو نسيتها ؟!!
|
Post: #65
Title: Re: خواطر وتأملات واعترافات من أرشيف (قلب) عاشقة قبل الاحتضار !!
Author: نادية عثمان
Date: 02-16-2008, 01:58 PM
Parent: #60
عادل عثمان ياود أبوي ياغالي جدا
Quote: هذه كتابة ذكية وبارعة. تمويه الزمن قدرة رهيبة. هل الكتابة تعبر عن الزمن الماضى او الحاضر او المستقبل؟
الكاتبة بمهارة فائقة موهت اشارات الزمن على القارئ. |
عارف ؟
ولأنني أتعاطي فعل الكتابة منذ بواكير صباي وجدت كثير من الناس يعتقدون بيقين واصرار شديد ان مايخطه يراعي هو تجربتي الشخصية وليست كتابة من وحي الخيال ولا من تجارب اخرين عايشتها .. !!
فبدأت أندهش أولا ثم وجدت انه من الأفضل أن اكتب فقط وأترك للقارئ حقه في ان يسرح بخياله كيفما شاء ليرسم خطوط وصور وملامح لنادية التي تكتب وهي تحكي قصتها كما يظن !!
وقال لي بعض اصدقائي النقاد ان القارئ اذا ظن ان القصة او القصيدة تحكي عنه شخصيا بلسان غيره أو انها قصةحقيقية تحكي فصول من قصة حياة كاتبها فذلك يعني أن في النص كم من الصدق والقرب من المتلقي وهذا دليل نجاح الكاتب في ملامسة وجدان القارئ ..!
ولكن حقا هي تداخلات مواقيت الكتابة بشكل قد يتعمده الكاتب أو لا يعيه حيث يقع زمن الحاضر في تفاصيل الماضي وكل المستقبل فلا نعرف لأي زمن ولا في أي زمن خرجت هذه الكتابة !!
ويبقي روعة الأمر في انه بالفعل كما قلت :
|
Post: #61
Title: Re: خواطر وتأملات واعترافات من أرشيف (قلب) عاشقة قبل الاحتضار !!
Author: abookyassarra
Date: 02-16-2008, 11:40 AM
Parent: #1
الليلة ذات شتاء قارس ..
سطرت رعشات القلب بين هامش (المباح والمتاح)
واستنساخ المشاعر مابين الرغبة والروح ..والهفوة والجنوح
أظننى ألمح أوراق الزمان النادية قد أورقت من جديد
وطيور الحب الشفافة الجميلة عادت كطيور ( الرهو ) البيضاء
تعاود أعشاشها فوق شجيرات العمر الخضراء
عودى فنحن الواقفين على بوابة الإنتظار
|
Post: #69
Title: Re: خواطر وتأملات واعترافات من أرشيف (قلب) عاشقة قبل الاحتضار !!
Author: نادية عثمان
Date: 02-17-2008, 00:48 AM
Parent: #61
صديقي للزمن الجميل أبوك يا السارة
شكرا جميلا لاطلالتك التي تسعد قلبي ايّما سعادة والله ..
Quote: الليلة ذات شتاء قارس ..
سطرت رعشات القلب بين هامش (المباح والمتاح)
واستنساخ المشاعر مابين الرغبة والروح ..والهفوة والجنوح
أظننى ألمح أوراق الزمان النادية قد أورقت من جديد
وطيور الحب الشفافة الجميلة عادت كطيور ( الرهو ) البيضاء
تعاود أعشاشها فوق شجيرات العمر الخضراء
عودى فنحن الواقفين على بوابة الإنتظار |
قبس من نور روحك الوضاءة هذا الذي سكبته بمداد قلمك العاطر هاهنا ياصديقي الغالي ..وهذا هو أنت كما أعرفك صاحب مقدرة عجيبة في تطويع الحروف وترويضها ..لله درك يا أيها الرجل النبيل ..
كن دوما مارا من بيوتاتي فلوجودك طعم الفرحة ..
|
Post: #66
Title: Re: خواطر وتأملات واعترافات من أرشيف (قلب) عاشقة قبل الاحتضار !!
Author: معتصم دفع الله
Date: 02-16-2008, 04:36 PM
Parent: #1
يمكن لكلمة (بحبك) بفتح الباء الثانية وكسرها تجمع شتات الآخر وتبعثره ..
وأحياناً يكون في صمت الشفاه أكثر تعبيراً لما بداخلها من إحساس ..
وكلامها له فعل السحر في نفس المحبوب ..
كتابة راقية ومعبرة يا ندوية ..
وكل سنة وأنتِ طيبة ..
|
Post: #72
Title: Re: خواطر وتأملات واعترافات من أرشيف (قلب) عاشقة قبل الاحتضار !!
Author: نادية عثمان
Date: 02-17-2008, 01:26 AM
Parent: #66
صديقي وشقيقي الغالي معتصم دفع الله
Quote: يمكن لكلمة (بحبك) بفتح الباء الثانية وكسرها تجمع شتات الآخر وتبعثره ..
وأحياناً يكون في صمت الشفاه أكثر تعبيراً لما بداخلها من إحساس ..
وكلامها له فعل السحر في نفس المحبوب .. |
شكرا لهذا البوح الحميم ولانطلاقة قلمك الذي اعرفه وهاجا مشتعلا محبا لأناقة الحرف ونعومة الاحساس بالكتابة ..
كن بالقرب ياصديقي ولا تبتعد أبدا ..
ملحوظة :
بتجي بهناك متين ياخ ؟!!
|
Post: #67
Title: Re: خواطر وتأملات واعترافات من أرشيف (قلب) عاشقة قبل الاحتضار !!
Author: ناهد بشير الطيب
Date: 02-17-2008, 00:14 AM
Parent: #1
نااااااااااااااديه ازيك..... جد ماتتخيلى كيف مشتاقين
وفى البوست الجميل ده لايسعنى الا ان احيك على هذا
الجمال الذى ينبع من داخلك...كعادتك دائما ....
كميه طبعا من الاشواق .....ومتابعاك هنا من بدرى
بل بالاحرى متابعاكم كلكم .....رجاء ومنى خوجلى
والحلوه خالص
سلمى الشيخ...... سلامى الحار ليها .....
وانا بمشى مصر اجازات ....لكنى مازلت مقيمه
فى السعوديه ....والله يرجعنا بالسلامه
ندو .....جد بكرر شوقى ليك
وحااشيل تلفونك من ود الباشا
واهو حااسك سلمى فى بوست من البوستات
عشان اسلم عليها
لكم كلكم كل اعتزازى
اوع اكون خرمجت ليك البوست الحلو ده
بجيك راجعه اعدلوا ليك
|
Post: #73
Title: Re: خواطر وتأملات واعترافات من أرشيف (قلب) عاشقة قبل الاحتضار !!
Author: نادية عثمان
Date: 02-17-2008, 01:52 AM
Parent: #67
ناهد بشير الطيب ياعسسسسسسسل
الشوق بحر في حالة فيضان طول السنة ياخ
اها صلاح الباشا مااداك تلفوني ولا شنو ؟
انا منتظرة منك مكالمة طوووووووووويلة عايزة اتونس معاك ونسة كتيرة وذكريات حميمة وكلام دقاقة لاني مشتاقة ليك شديد والله ..
وياااااااااريت تجي السودان اليومين ديل سمح ؟
|
Post: #68
Title: Re: خواطر وتأملات واعترافات من أرشيف (قلب) عاشقة قبل الاحتضار !!
Author: كمال سالم
Date: 02-17-2008, 00:18 AM
Parent: #1
ناديه عثمان ,, تحياتى ,,
كده بقيتو ثلاثه ,,
عماد عبدالله
شاهين شاهين
أجد متعه كبيره فى قراْءة كل مايكتبون ,, حتى المداخلات ,,
بالنص الذى قرأته لك الان فانا سعيد لانك سوف تكونين الكاتبه الثالثه المفضله لى ,,
بس ساعدينا بعدم الغياب الكثير .
من وحى نص عاطف ووفاء :
ــــــــــــــــــــــ
والسؤال لك اختى ناديه كأمراه وليس كاتبه ,, بعد كل الذى حدث بين عاطف ووفاء
كزوجين ,,, تدخل الاجاويد بعد شهر , سنه , سنوات , وعادا لعش الزوجيه وأستمرت الحياه
وأنجبوا البنين والبنات , هل من الممكن ان تصطصحب وفاء تفاصيل تلك الليله معهابقية
عمرها ,, هل ( لحواء ) أن تغفر ( لادم) وتنسى , أم سيكون العقل والقلب مختزنا ذلك
الجرح , وتكون العلاقه متوتره بقيه العمر .
وهل يمكن أن يحدث العكس ,,, ويغفر أدم ,, اسئله يمكن تكون محتاجه لبوست منفصل , لكن
مارأئكم أن نخوض فيها .
تحياتى للجميع ,,
|
Post: #90
Title: Re: خواطر وتأملات واعترافات من أرشيف (قلب) عاشقة قبل الاحتضار !!
Author: نادية عثمان
Date: 02-25-2008, 06:08 PM
Parent: #68
الخلوق كمال سالم تحياتي
Quote: ناديه عثمان ,, تحياتى ,,
كده بقيتو ثلاثه ,,
عماد عبدالله
شاهين شاهين
أجد متعه كبيره فى قراْءة كل مايكتبون ,, حتى المداخلات ,,
بالنص الذى قرأته لك الان فانا سعيد لانك سوف تكونين الكاتبه الثالثه المفضله لى ,, |
سعيدة ويملؤني الفخر بأن يكون لحروفي وقع القبول في نفسك الرقيقة هذا أولا ..
وسعيدة وفخورة حد الزهو بأن تضعني في مرتبة أقلام سامقة كقلمي الشاعر المرهف شاهين والأديب المبدع عماد عبد الله ..فشكرا جزيلا علي منحي هذا الوسام الرفيع ..
Quote: والسؤال لك اختى ناديه كأمراه وليس كاتبه ,, بعد كل الذى حدث بين عاطف ووفاء
كزوجين ,,, تدخل الاجاويد بعد شهر , سنه , سنوات , وعادا لعش الزوجيه وأستمرت الحياه
وأنجبوا البنين والبنات , هل من الممكن ان تصطصحب وفاء تفاصيل تلك الليله معهابقية
عمرها ,, هل ( لحواء ) أن تغفر ( لادم) وتنسى , أم سيكون العقل والقلب مختزنا ذلك
الجرح , وتكون العلاقه متوتره بقيه العمر .
وهل يمكن أن يحدث العكس ,,, ويغفر أدم ,, اسئله يمكن تكون محتاجه لبوست منفصل , لكن
مارأئكم أن نخوض فيها . |
هي حقا أسئلة صعبة جدا أتمني ان يدلو كل بدلوه بحسب رؤيته للأمور ومساحة السماح بداخله ..ولنبدأ بك أنت هل تري من وجهة نظرك الشخصية ان مسامحة وفاء لعاطف بكلمة (مسامحك) يمكنها أن تغسل مابداخل روحها من جرح وتوقف النزيف الحاد ؟!!
|
Post: #70
Title: Re: خواطر وتأملات واعترافات من أرشيف (قلب) عاشقة قبل الاحتضار !!
Author: ماجدة عوض خوجلى
Date: 02-17-2008, 01:15 AM
Parent: #1
ندو حبيبه
سلامات وكل سنه وانتى اجمل والحمدلله على الرجعه
اها جايه متين على الاقل تلمى القريشات حقت البص ..
تسلمى حبيبه كتير ...
|
Post: #89
Title: Re: خواطر وتأملات واعترافات من أرشيف (قلب) عاشقة قبل الاحتضار !!
Author: نادية عثمان
Date: 02-25-2008, 05:41 PM
Parent: #70
ماجدة بت الخليفة عوض خوجلي ياحبيبة
| Quote: اها جايه متين على الاقل تلمى القريشات حقت البص .. |
اها نطيتي من كلامك ولا شنو موش قلتي رحلتي لي لندن علي حسابك من الألف للياء ياصديقة ؟!! 
|
Post: #71
Title: Re: خواطر وتأملات واعترافات من أرشيف (قلب) عاشقة قبل الاحتضار !!
Author: wd al geran
Date: 02-17-2008, 01:20 AM
Parent: #1
| Quote: فقلب مثل هذا لا تفتح أبوابه ولا يتلقي طلبات استجابة الدعوات الا مرة كل الف عام !! |
قلِب دا والا مغارة علي بابا
كيفِك يا نادية .. ووين صورتِك القنبلة ديك
|
Post: #74
Title: Re: خواطر وتأملات واعترافات من أرشيف (قلب) عاشقة قبل الاحتضار !!
Author: عواطف ادريس اسماعيل
Date: 02-17-2008, 05:51 AM
Parent: #71
ندوية الحلوة !!!
أنت من صاغ عتمتي في جبيني ..
فلماذا عن قصتي تسأليني
علميني و لا تزيدي غموضي ..
لغة العشق والصفا علميني
علميني إذا سألت لماذا ..
نسمة الحب في سهام العيون
علميني حبيبتي كيف تحيا ..
قصص الحب في سبات القرون
علميني فغربتي جرعتني ..
في ربيع الحياة كأس المنون
كل عيد حب وأنت ومن تحبين بألف خير يارب !!
|
Post: #87
Title: Re: خواطر وتأملات واعترافات من أرشيف (قلب) عاشقة قبل الاحتضار !!
Author: نادية عثمان
Date: 02-25-2008, 05:32 PM
Parent: #74
عطووووووفة الحنونة
Quote: ندوية الحلوة !!!
أنت من صاغ عتمتي في جبيني ..
فلماذا عن قصتي تسأليني
علميني و لا تزيدي غموضي ..
لغة العشق والصفا علميني
علميني إذا سألت لماذا ..
نسمة الحب في سهام العيون
علميني حبيبتي كيف تحيا ..
قصص الحب في سبات القرون
علميني فغربتي جرعتني ..
في ربيع الحياة كأس المنون
كل عيد حب وأنت ومن تحبين بألف خير يارب !! |
شكرا جميلا لكلماتك البلسم
سعيدة جدا بمرورك الذي عبّق بيتي هذا بأريج الياسمين عبر كلماتك الرحيق !!
كوني بالقرب دوما فلوجودك طعم الفرحة الكبرى ..
|
Post: #88
Title: Re: خواطر وتأملات واعترافات من أرشيف (قلب) عاشقة قبل الاحتضار !!
Author: نادية عثمان
Date: 02-25-2008, 05:37 PM
Parent: #71
ود الجيران كيفك ومرحب بيك كتير
| Quote: كيفِك يا نادية .. ووين صورتِك القنبلة ديك |
أنا كويسة لكن بالنسبة للصورة التي أسميتها قنبلة فقد نسفت نفسها بنفسها اذ انها أختفت في ظروف غامضة !!!
شلتها انت ؟!!
|
Post: #76
Title: Re: خواطر وتأملات واعترافات من أرشيف (قلب) عاشقة قبل الاحتضار !!
Author: محمد البشرى الخضر
Date: 02-21-2008, 06:27 AM
Parent: #1
إذا ما جيتي كملتي الحكاية ووريتينا عاطف عمل شنو بعد الكف
حا أضطر اكملها براي
وحا اكملها لصالح عاطف بالمناسبة دي
|
Post: #81
Title: Re: خواطر وتأملات واعترافات من أرشيف (قلب) عاشقة قبل الاحتضار !!
Author: انعام حيمورة
Date: 02-25-2008, 09:38 AM
Parent: #76
Quote: إذا ما جيتي كملتي الحكاية ووريتينا عاطف عمل شنو بعد الكف
حا أضطر اكملها براي
وحا اكملها لصالح عاطف بالمناسبة دي |
محمد البشرى
كدي تعال احتل البوست ودا كمل القصة .. وبعدين نشوف راي ندوية ..
|
Post: #86
Title: Re: خواطر وتأملات واعترافات من أرشيف (قلب) عاشقة قبل الاحتضار !!
Author: نادية عثمان
Date: 02-25-2008, 05:20 PM
Parent: #76
محمد البشري الخضر سلامات
Quote: إذا ما جيتي كملتي الحكاية ووريتينا عاطف عمل شنو بعد الكف
حا أضطر اكملها براي
وحا اكملها لصالح عاطف بالمناسبة دي |
شوف ياابو حتحوت أقولك ليك شئ ؟
أنا أصلا عايزاك تجي تسرح هنا بخيالك الخصب ده وتوريني يكون حصل شنو بعد الكف لاني شخصيا ماعارفة رأيك شنو ؟!!
لااااااااااازم ترجع سمح ؟
|
Post: #77
Title: Re: خواطر وتأملات واعترافات من أرشيف (قلب) عاشقة قبل الاحتضار !!
Author: انعام حيمورة
Date: 02-21-2008, 02:52 PM
Parent: #1
ندوية كل سنة وانتي طيبة ..
وقلبك عامر بالحب ..
|
Post: #78
Title: Re: خواطر وتأملات واعترافات من أرشيف (قلب) عاشقة قبل الاحتضار !!
Author: وصال عالم
Date: 02-21-2008, 03:03 PM
Parent: #77
Quote: لم تدخل قلبي وتتغلغل في أنسجة الشرايين وتتخلل الأوعية الا عندما سمعتها منك في ذات مساء وردي الملامح ..مخملي المزاج !!
|
نادية عثمان
سلام ،،، ياآآآآآه كنت بفتش ليك تفتيش لمن قلبي إنقطع وبالصدفة لقيتك هنا !
وووووينك يازولة يارائعة ! مبالغة لكن !
دخلت هذا المنبر وكل أمل دنيتي أن ألتقيك .. لكن لم يحدث !
وأنا اليوم سمحة المزاج !
وبجيك برواقة لموضوع البوست ..
أنا سعيدة جداَ .. لا أعرفك إلا من خلال كتاباتك والتي وجدتها عند أصدقائي !
|
Post: #85
Title: Re: خواطر وتأملات واعترافات من أرشيف (قلب) عاشقة قبل الاحتضار !!
Author: نادية عثمان
Date: 02-25-2008, 05:15 PM
Parent: #78
الرقيقة جدا وصال عالم
Quote: سلام ،،، ياآآآآآه كنت بفتش ليك تفتيش لمن قلبي إنقطع وبالصدفة لقيتك هنا !
وووووينك يازولة يارائعة ! مبالغة لكن !
دخلت هذا المنبر وكل أمل دنيتي أن ألتقيك .. لكن لم يحدث !
وأنا اليوم سمحة المزاج !
وبجيك برواقة لموضوع البوست ..
أنا سعيدة جداَ .. لا أعرفك إلا من خلال كتاباتك والتي وجدتها عند أصدقائي ! |
و
سعيدة أنا جدا لأنني التقيت واحد من القلوب التي تحبني من خلال حرفي لتزداد ثروتي بهذا الحب الجميل من قلبك الرقيق ..
شكرا برائحة الياسمين وكوني بالقرب دوما ياصديقتي الجديدة العزيزة سمح ؟!!
|
Post: #102
Title: Re: خواطر وتأملات واعترافات من أرشيف (قلب) عاشقة قبل الاحتضار !!
Author: نادية عثمان
Date: 02-29-2008, 03:15 PM
Parent: #78
جاية .. سمح ؟!!
|
Post: #107
Title: Re: خواطر وتأملات واعترافات من أرشيف (قلب) عاشقة قبل الاحتضار !!
Author: نادية عثمان
Date: 03-02-2008, 06:11 PM
Parent: #78
بكرة أحلي باذن الله !!
|
Post: #121
Title: Re: خواطر وتأملات واعترافات من أرشيف (قلب) عاشقة قبل الاحتضار !!
Author: نادية عثمان
Date: 03-08-2008, 10:26 PM
Parent: #78
الحب في الأرض بعض من تخيلنا
لو
لم نجده عليها لاخترعناه !!
صدق الشاعر !
|
Post: #122
Title: Re: خواطر وتأملات واعترافات من أرشيف (قلب) عاشقة قبل الاحتضار !!
Author: نادية عثمان
Date: 03-11-2008, 00:42 AM
Parent: #78
عندما تعرف وتعترف ان للحبيبة حقوق كما عليها واجبات يمكنك ان تعود ولكن حينها لا تضمن ان تجدني أبدا .. ok ؟؟
|
Post: #80
Title: Re: خواطر وتأملات واعترافات من أرشيف (قلب) عاشقة قبل الاحتضار !!
Author: انعام حيمورة
Date: 02-24-2008, 02:53 PM
Parent: #1
Quote: والسؤال لك اختى ناديه كأمراه وليس كاتبه ,, بعد كل الذى حدث بين عاطف ووفاء
كزوجين ,,, تدخل الاجاويد بعد شهر , سنه , سنوات , وعادا لعش الزوجيه وأستمرت الحياه
وأنجبوا البنين والبنات , هل من الممكن ان تصطصحب وفاء تفاصيل تلك الليله معهابقية
عمرها ,, هل ( لحواء ) أن تغفر ( لادم) وتنسى , أم سيكون العقل والقلب مختزنا ذلك
الجرح , وتكون العلاقه متوتره بقيه العمر .
وهل يمكن أن يحدث العكس ,,, ويغفر أدم ,, اسئله يمكن تكون محتاجه لبوست منفصل , لكن
مارأئكم أن نخوض فيها . |
كمال ..
احيك وعبرك نادية لهذه الكتابات الجادة والهادفة ..
اعرف قصة واقعية اشبه بهذه وقريبة مني ..
وبالفعل كما ذكرت بعد ان تدخل الاجاويد بعد مدة من الزمن .. غفرت الزوجة لزوجها .. وعاشا في تبات ونبات وبنين وبنات ..
يبقى امكانية الغفران موجودة وهي صفة سمحة في النفس البشرية ..
ويتخليك في مكان عالى وسامي وبتكون فخور بنفسك ..
انا عن نفسي كأمراة احب سماحة الغفران والصفح وتجاوز الاخطاء ..
|
Post: #97
Title: Re: خواطر وتأملات واعترافات من أرشيف (قلب) عاشقة قبل الاحتضار !!
Author: نادية عثمان
Date: 02-26-2008, 05:21 PM
Parent: #80
ناعوووووووووووووووووووومي
| Quote: انا عن نفسي كأمراة احب سماحة الغفران والصفح وتجاوز الاخطاء .. |
موش قلت ليكم البت دي ملاك في شكل انعام حيمورة !!؟!!
|
Post: #82
Title: Re: خواطر وتأملات واعترافات من أرشيف (قلب) عاشقة قبل الاحتضار !!
Author: د.علي الكوباني
Date: 02-25-2008, 11:05 AM
Parent: #1
طوعتي حروف الكتابة في نسق جميل... الكف كان قفلة حلوة..والعبارة الأخيرة درس..تسلمي يا ناديةيا رائعة... في انتظار الجديد..لك كل الود والمنى
|
Post: #83
Title: Re: خواطر وتأملات واعترافات من أرشيف (قلب) عاشقة قبل الاحتضار !!
Author: نادية عثمان
Date: 02-25-2008, 04:56 PM
Parent: #82
استاذي الرقيق .. الشاعر الذي يسكب الكلمات الحانا ندية د. علي الكوباني
تحية تشبه نقاء قلبك الأخضر
سعيدة جدا بمرورك الباهي من بيوتاتي وأتمني أن لا تحرمني اطلالتك البهية أبدا
| Quote: طوعتي حروف الكتابة في نسق جميل... |
شهادة فخار ووسام شرف من رجل مروّض حروف وعاشق جمال مثلك سيدي النبيل
| Quote: الكف كان قفلة حلوة..والعبارة الأخيرة درس.. |
وجدت نفسي أصفعه وتخيلت انني سأواصل في السرد الا ان الحروف توقفت واستعصت علي فعل أي شئ بعد هذه الصفعة فهل ترأها كانت كافية ؟!!
| Quote: تسلمي يا ناديةيا رائعة... في انتظار الجديد..لك كل الود والمنى |
سلمت انت ياستاذي الغالي ومنتهي أملي أن التقيك في الخرطوم في رحلتي الحالية هذه فهل هذا حلم مستحيل جدا ؟!!!!
|
Post: #91
Title: Re: خواطر وتأملات واعترافات من أرشيف (قلب) عاشقة قبل الاحتضار !!
Author: محمد عبد الماجد الصايم
Date: 02-25-2008, 06:14 PM
Parent: #83
مشتاقين بس والله
|
Post: #94
Title: Re: خواطر وتأملات واعترافات من أرشيف (قلب) عاشقة قبل الاحتضار !!
Author: نادية عثمان
Date: 02-26-2008, 11:37 AM
Parent: #91
محمد ود الصايم
نحنا زاااااااااااااااتنا مشتاقين بس والله تصدق ؟!!
|
Post: #92
Title: Re: خواطر وتأملات واعترافات من أرشيف (قلب) عاشقة قبل الاحتضار !!
Author: د.علي الكوباني
Date: 02-26-2008, 08:38 AM
Parent: #83
يا ريت يتوافق حضورنا في نفس الوقت في الخرطوم... عشان قصائدك الداسها تجد طريقها لأحبابنا من الفنانين الشباب...وريني على الميل [email protected]
نتوقع منك الكثير شعرا وقصة..يا ست الروعة.. سلمتي
|
Post: #93
Title: Re: خواطر وتأملات واعترافات من أرشيف (قلب) عاشقة قبل الاحتضار !!
Author: نادية عثمان
Date: 02-26-2008, 11:28 AM
Parent: #92
دكتورنا الشاعر الرقيق الكوباني
| Quote: يا ريت يتوافق حضورنا في نفس الوقت في الخرطوم... عشان قصائدك الداسها تجد طريقها لأحبابنا من الفنانين الشباب |
تسلم من كل شر يارب ومن دواعي سروري ان تكسو كلمات قصائدي روعة الحانك المبدعة
ويلا أنا هسة موجودة في الخرطوم انت جاي متين؟
عليك الله تعال سمح ؟
وراجع ايميلك ضروري جدا شديد !
|
Post: #95
Title: Re: خواطر وتأملات واعترافات من أرشيف (قلب) عاشقة قبل الاحتضار !!
Author: نادية عثمان
Date: 02-26-2008, 12:30 PM
Parent: #93
وحده القادر على بث الفرح في روحها ووحده القادر على اغراقها في بحور البؤس واليأس والتعاسة !!
يفعل بقبلها الأفاعيل !!
لا تدري ان كان يقصد ايلامها عامدا متعمدا بتحويل قلبها الي أرجوحة يلهو بها دون اكتراث للنزيف !!
ادارت رقم هاتفه دون وعي منها
و
أقول ليك شئ يامهند ياخ مادايرة أحبك أطلع من حياتي ماناقصة عذاب !!
و
أغلقت الهاتف دون سماع كلمته وهي تردد في سرها
ملعون أبو الحب ماضروري !!
|
Post: #96
Title: Re: خواطر وتأملات واعترافات من أرشيف (قلب) عاشقة قبل الاحتضار !!
Author: نادية عثمان
Date: 02-26-2008, 01:53 PM
Parent: #95
قالت له وهي ترفع حاجب الدهشة عاليا :
نفسي أعرف أقنعتني أشاركك حياتك ليه لما انت مابتقدر علي الشراكة ؟!!
قال لها بلهجة غرور منفرّة :
أنا رجل لم أعرف الفشل في حياتي وانتي صفقة قررت أن أكسبها وفعلت بنجاح منقطع النظير وها أنتي أضافة لأرصدتي الكبيرة !!
لم تعلّق علي كلامه وانتظرت دخول الليل بفارغ الصبر وعندما خلد الي نوم عميق كان ان حولته (شخصيا) الي كومة من اللحم المتفحم بجركن جاز لم يتجاوز ثمنه الخمسة جنيهات فقط لا غير !!
وظلت ترددفي هستيريا بين البكاء والضحك وهي مقيدة الأيدي في مخفر الشرطة(الخمسة جنيه الحرقتك بيها برضو من رصيدك يافالح) !!!
|
Post: #98
Title: Re: خواطر وتأملات واعترافات من أرشيف (قلب) عاشقة قبل الاحتضار !!
Author: salma subhi
Date: 02-26-2008, 06:03 PM
Parent: #96
نتمنى لك كل السعادة نادية.....
ودي
|
Post: #103
Title: Re: خواطر وتأملات واعترافات من أرشيف (قلب) عاشقة قبل الاحتضار !!
Author: نادية عثمان
Date: 02-29-2008, 03:22 PM
Parent: #98
الغالية سلمي صبيح
| Quote: نتمنى لك كل السعادة نادية..... |
شكرا نبيلا علي تمنياتك الحلوة والتي أتمني لك مثلها أضعافا
كوني بالف خير دوما
|
Post: #99
Title: Re: خواطر وتأملات واعترافات من أرشيف (قلب) عاشقة قبل الاحتضار !!
Author: د.علي الكوباني
Date: 02-27-2008, 09:05 AM
Parent: #93
راجعت لمن فترت على [email protected]..ومافي حتى رسالة واحدة... أنا بجي الخرطوم انشاء الله في آخر ستة..
|
Post: #106
Title: Re: خواطر وتأملات واعترافات من أرشيف (قلب) عاشقة قبل الاحتضار !!
Author: نادية عثمان
Date: 02-29-2008, 06:13 PM
Parent: #99
د. علي الكوباني ياغالي سلامات
اها الرسالة برضووووووو ماوصلت ؟
عاين
شهر ستة بعييييييييييد مافي طريقة للقاء قبلو ؟
عايزاك ضروري شديد لموضوعات مهمة لكن الله غالب .. واللقاء نصيب !!
|
Post: #100
Title: Re: خواطر وتأملات واعترافات من أرشيف (قلب) عاشقة قبل الاحتضار !!
Author: انعام حيمورة
Date: 02-28-2008, 09:51 AM
Parent: #1
| Quote: موش قلت ليكم البت دي ملاك في شكل انعام حيمورة !!؟!! |
لا حولة .. ما قدر دا .. انتي كمان ما تبالغي !!!
شكرا لاحساسك النبيل دا ..
|
Post: #101
Title: Re: خواطر وتأملات واعترافات من أرشيف (قلب) عاشقة قبل الاحتضار !!
Author: haroon diyab
Date: 02-28-2008, 10:20 AM
Parent: #1
ناديه عثمان
اخبار منابو
عودا ....حميدا ....مستطاب
التحايا
هارون دياب
|
Post: #104
Title: Re: خواطر وتأملات واعترافات من أرشيف (قلب) عاشقة قبل الاحتضار !!
Author: نادية عثمان
Date: 02-29-2008, 04:36 PM
Parent: #101
انتظرته بصبر وهي تحتمل معاكسات الشباب لها علي ناصية الشارع الذي ازدحم بالمارة ذهابا وايابا !!
تأخر أكثر من ساعة وكلما هاتفته يؤكد لها انه بالقرب منها جدا وفي ظرف ثلاثة دقائق سيكون معها !!
امتدت الساعات لثلاثة وهي مازالت تنتظر وقد ضاق صدرها من المعاكسات السخيفة التي وصلت الي حد محاولة البعض التحرش بها علي قارعة الطريق وهي تلوك الصبر ودموعها تغرق وجهها وتحاول ان تخفيها من عيون المتطفلين !!
وعند الساعة الرابعة وصل من كانت تنظره.. ولم تقابله ساخطة !!
فقط .. قالت له بهدؤ مصنع :
هل تري ذلك الرجل ذو الشارب الأسود الذي يقف بالقرب من محل (كنتاكي) ؟!!
قال لها متجاهلا سؤالها :
أنا أسف ياسميرة والله بس كنت ......
قاطعته بحدة ..!!
قلت لك هل تري ذلك الرجل ؟!!
حوّل نظره باتجاه يدها ليري الرجل الذي تشير اليه ..
أيوة شفتو مالو شاغالك موش ؟!! معليش انا .......!!
قاطعته وهي تلقي بالدبلة في وجهه
وقالت له :
الراجل ده بي سبب وقفتي البايخة في انتظارك اعتقد اني بت شوارع ساي وطلب يديني الف دولار في مقابل ليلة أقضيها معاه ولأنك السبب في الحصل لي ده يبقي مستحيل تكون انسان مسئول يقدر يحميني ويخاف علي عرضي !!
غور في ستين داهية أنا بكرهك يا ........!!
|
Post: #105
Title: Re: خواطر وتأملات واعترافات من أرشيف (قلب) عاشقة قبل الاحتضار !!
Author: نادية عثمان
Date: 02-29-2008, 05:31 PM
Parent: #104
كعادته يظن نفسه دون جوانا وهو يدخل من مكتب لأخر يوزع الابتسامات البلهاء للموظفات الحسناوات ..!!
يؤكد لنفسه في كل لحظة انه وحده المالك قلوب الجميلات بيمينه دون سواه من رجال الأرض !!
وقد أحبته كوثر بالفعل ولكن !!
رن جرس هاتفها الجوال ونظرت للطالب ورفضت الرد !
تكرر الأمر بشكل يومي ..بل أكثر من مائة مرة في الساعة وهي لا ترد !!
بعد مرور اسبوع بالكامل ردت علي هاتفه وكاد قلبه ان يطير من الفرحة ورغم ذلك قال في لهجة غروره المعتاد :
كنت بخلي تلفوني واكتشفت انو أحمد صحبي بتعاور ويرن عليك دشليون مرة في اليوم ..لكن أنا مااتصلت بيك خالص عشان ماتفتكري انك مهمة شديد يعني !!
ضحكت ضحكة مكتومة وقالت له :
يازول ولا يهمك ..اها عايزاك في موضوع ضروري يوم الخميس الساعة خمسة مساءا بتقدر تجي ؟!!
ورغم تهلل أساريره لطلبها الا انه ادّعي التمنع كبرياءا وغرورا وقال في صلف عجيب :لا مابقدر اجي
ظروفي مابتسمح ويلا انا مشغول هسي باي !!
اغلقت هي الهاتف
و
انتظر هو مرور ساعات الثلاثاء والأربعاء بفارغ الصبر وفي الخامسة تماما دخل الي شارع منزل كوثر
قابله شقيقها أمام الصيوان الذي امتلأ بالمعازيم والزينات!!
و
بينما هو واجم لا يدري ماذا يحدث اطلق والدها الأعيرة النارية ايذانا بدخولها للقفص الذهبي !!
و
رن جرس هاتفه ليفتحه دون وعي فيسمع صوتها شامتا
ماقلت ظروفك مابتسمح بالجية ..؟!!
اتفضل الصيوان شيل بلح وفول حجات لحدي مايجيبوني من الكوافير أنا وعريسي يا............وهــــــــــــــــــــــــــــــم !!
|
Post: #108
Title: Re: خواطر وتأملات واعترافات من أرشيف (قلب) عاشقة قبل الاحتضار !!
Author: نادية عثمان
Date: 03-02-2008, 06:16 PM
Parent: #101
هارون دياب تود
ان هال مندي
كمبو شديد ان شاء الله
اي ويبوري الهمدو لله رب العالمين
جيت بالعربية الجديدة ؟
|
Post: #110
Title: Re: خواطر وتأملات واعترافات من أرشيف (قلب) عاشقة قبل الاحتضار !!
Author: نادية عثمان
Date: 03-04-2008, 08:24 PM
Parent: #108
عفوا..
هذا القلب لا يمكن الوصول اليه حاليا !!
|
Post: #111
Title: Re: خواطر وتأملات واعترافات من أرشيف (قلب) عاشقة قبل الاحتضار !!
Author: wd al geran
Date: 03-04-2008, 08:37 PM
Parent: #110
Quote: عفوا..
هذا القلب لا يمكن الوصول اليه حاليا !! |
اخخخخخخ ..
دا منو شقي الحال دا؟
|
Post: #112
Title: Re: خواطر وتأملات واعترافات من أرشيف (قلب) عاشقة قبل الاحتضار !!
Author: نادية عثمان
Date: 03-04-2008, 08:41 PM
Parent: #111
| Quote: دا منو شقي الحال دا؟ |
عفوا
الدوائر مشغولة الان !!!
|
Post: #113
Title: Re: خواطر وتأملات واعترافات من أرشيف (قلب) عاشقة قبل الاحتضار !!
Author: محمد البشرى الخضر
Date: 03-04-2008, 09:00 PM
Parent: #1
Quote: عفوا..
هذا القلب لا يمكن الوصول اليه حاليا !! |
Deja Vu
ام ايمان كيفك و مشتاقين بشدة وكدا
لا زلنا في انتظار رد فعل عاطف على الكف , كان ما دايرة تتميها بتمها براي زي ما قلت ليك
|
Post: #114
Title: Re: خواطر وتأملات واعترافات من أرشيف (قلب) عاشقة قبل الاحتضار !!
Author: نادية عثمان
Date: 03-04-2008, 09:20 PM
Parent: #113
| Quote: لا زلنا في انتظار رد فعل عاطف على الكف , كان ما دايرة تتميها بتمها براي زي ما قلت ليك |
بالنسبة لي نهايتي مافيها غير الكف كلقطة أخيرة ..لكن ماقلت ليك تمها انت ان شاء الله موية وابيت ياخ !!
|
Post: #115
Title: Re: خواطر وتأملات واعترافات من أرشيف (قلب) عاشقة قبل الاحتضار !!
Author: نادية عثمان
Date: 03-04-2008, 09:46 PM
Parent: #114
صب ماء النار علي وجهها الجميل لكي لا يرأه غيره طالما رفضته هو فكانت النتيجة أن رأي العالم بأثره جمال وجه سناء.. وقبح قلب ذلك المعدوم الضمير..وقبح اخلاقه ذلك المافون عديم النخوة !!
سناء ياصديقة النساء اجمعين جمال قلبك وقوة ايمانك وروعة صبرك ستعيد البهاء الي عينيك فلا تقلقي حبيبتي !
|
Post: #116
Title: Re: خواطر وتأملات واعترافات من أرشيف (قلب) عاشقة قبل الاحتضار !!
Author: انعام حيمورة
Date: 03-05-2008, 11:07 AM
Parent: #1
| Quote: سناء ياصديقة النساء اجمعين جمال قلبك وقوة ايمانك وروعة صبرك ستعيد البهاء الي عينيك فلا تقلقي حبيبتي |
|
Post: #118
Title: Re: خواطر وتأملات واعترافات من أرشيف (قلب) عاشقة قبل الاحتضار !!
Author: نادية عثمان
Date: 03-05-2008, 08:18 PM
Parent: #116
انعام ياصديقة المظلومين
كم انتي رائعة يافتاة معجونة من الطيبة والصفاء والنقاء الروحي !!
|
Post: #120
Title: Re: خواطر وتأملات واعترافات من أرشيف (قلب) عاشقة قبل الاحتضار !!
Author: نادية عثمان
Date: 03-07-2008, 01:47 PM
Parent: #118
من يوم رأيتك ياجميل
و
أنا جد كتلني الاندهاش !!
|
Post: #123
Title: Re: خواطر وتأملات واعترافات من أرشيف (قلب) عاشقة قبل الاحتضار !!
Author: نادية عثمان
Date: 03-11-2008, 00:48 AM
Parent: #120
عليك بالذهاب الي أقرب طبيب قلوب فأنت مصاب بالجفاف العاطفي وتحتاج الي مليون عبوة من (جلكوز) المحنة !!
بلا يخمك ياخ !!
|
Post: #124
Title: Re: خواطر وتأملات واعترافات من أرشيف (قلب) عاشقة قبل الاحتضار !!
Author: نادية عثمان
Date: 03-11-2008, 01:09 AM
Parent: #123
لا تظن ان حبك لعنة لن تخرج من جسدي للأبد !!
لو جيت حلتنا تاني بكلم الشفع يفلعوك بالحصحاص .. فاهم ؟!!
|
Post: #125
Title: Re: خواطر وتأملات واعترافات من أرشيف (قلب) عاشقة قبل الاحتضار !!
Author: انعام حيمورة
Date: 03-11-2008, 07:07 AM
Parent: #1
| Quote: لو جيت حلتنا تاني بكلم الشفع يفلعوك بالحصحاص .. فاهم ؟!! |
|
|