Post: #1 Title: الكمونية النية: أكلها تخلف أم ثقافة! الوجه المخفى للسودانى خلف قناع الأكلات الشعبية (توجد صور) Author: Biraima M Adam Date: 02-14-2008, 03:24 AM Parent: #0
وجدت هذه الصورة فى النت .. وقد تسربل فمى باللعاب .. لا أدرى من ماذا؟ فتح شهية أم تقزز!
Post: #2 Title: Re: الكمونية النية: أكلها تخلف أم ثقافة! الوجه المخفى للسودانى خلف قناع الأكلات الشعبية (توجد ص Author: Biraima M Adam Date: 02-14-2008, 03:36 AM Parent: #1
صورة للتأمل !
أفجغ فى اللنك التالى .. شوف بنفسك .. هل بشبهنا هذا الوجه !!
Post: #48 Title: Re: الكمونية النية: أكلها تخلف أم ثقافة! الوجه المخفى للسودانى خلف قناع الأكلات الشعبية (توجد ص Author: doma Date: 02-15-2008, 07:55 AM Parent: #2
Quote: شراب بول الجمال ..
شفنا شراب لبن البل وبي اكل الكبد الا شراب البول ما شفناه
Post: #3 Title: Re: الكمونية النية: أكلها تخلف أم ثقافة! الوجه المخفى للسودانى خلف قناع الأكلات الشعبية (توجد ص Author: Elmoiz Abunura Date: 02-14-2008, 03:45 AM Parent: #1
Dear Biraima The Sudanese are not the only ones to eat raw meat. While I was doing my graduate studies at the ISS in Den Haag, the Netherlands during 1980s, I have been introduced to the Dutch cuisine. One of the faviourte dish is the raw herring fish. In Holland every year thousand tons of raw herring get eaten in one of the most developed, and civilized nation in earth
Post: #4 Title: Re: الكمونية النية: أكلها تخلف أم ثقافة! الوجه المخفى للسودانى خلف قناع الأكلات الشعبية (توجد ص Author: shammashi Date: 02-14-2008, 05:16 AM Parent: #3
Quote: الكمونية النية
أحي أنا من حناكيش أمريكا ديل. منو القال ليك اسمها الكمونية النية؟؟؟؟
Post: #5 Title: Re: الكمونية النية: أكلها تخلف أم ثقافة! الوجه المخفى للسودانى خلف قناع الأكلات الشعبية (توجد ص Author: معتصم محمد صالح Date: 02-14-2008, 08:21 AM Parent: #4
الكوارع يا بريمة .. يا اخ ما ممكن تنساها ...
Post: #9 Title: Re: الكمونية النية: أكلها تخلف أم ثقافة! الوجه المخفى للسودانى خلف قناع الأكلات الشعبية (توجد ص Author: Biraima M Adam Date: 02-14-2008, 12:41 PM Parent: #3
شماسى
Quote: منو القال ليك اسمها الكمونية النية؟؟؟؟
طيب أسمها شنو؟ يا أخى فى أمريكا نشتروا الكمونية ذى جماعة المخدرات بالدس .. وتحت الطاولة ومناولات داخل أكياس بلاستيكة .. وكلمات صفراء مثل الموضوع التانى!
شعب عجييب .. الشعب السودانى!!
بريمة
Post: #47 Title: Re: الكمونية النية: أكلها تخلف أم ثقافة! الوجه المخفى للسودانى خلف قناع الأكلات الشعبية (توجد ص Author: doma Date: 02-15-2008, 07:53 AM Parent: #9
Quote: طيب أسمها شنو؟
لول لو من البقر اسمها ام فت فت بكسر الفاء وتسكين التاء ( الكرشه فقط ) وحق الضان والماعز اسما المراره ( الكرشه الفشفاش بي قصبته الهوائيه والكبد ) الكمونيه تطبخ يا ولدي او تحمر
Post: #10 Title: Re: الكمونية النية: أكلها تخلف أم ثقافة! الوجه المخفى للسودانى خلف قناع الأكلات الشعبية (توجد ص Author: Biraima M Adam Date: 02-14-2008, 12:41 PM Parent: #3
أبونوره يا أخى أنت أثبت حالة قائمة .. ولم تقل هى تخلف أم ثقافة؟ أنا عايز الثقافة الأوصلتنا لأكل تلك الخزعبلات جات من وين؟
بريمة
Post: #11 Title: Re: الكمونية النية: أكلها تخلف أم ثقافة! الوجه المخفى للسودانى خلف قناع الأكلات الشعبية (توجد ص Author: Biraima M Adam Date: 02-14-2008, 12:58 PM Parent: #10
معتصم
Quote: الكوارع يا بريمة .. يا اخ ما ممكن تنساها ...
صدق نسيتا تب ..!! ما أحلى الكوارع
بريمة
Post: #6 Title: Re: الكمونية النية: أكلها تخلف أم ثقافة! الوجه المخفى للسودانى خلف قناع الأكلات الشعبية (توجد ص Author: بكري الخير Date: 02-14-2008, 08:46 AM Parent: #1
يا بريمة الشعب السوداني زيو وزي بقية شعوب العالم لكل ثقافته التي يتميز بها عن الاخر ومالو أكل الكمونية؟؟ فللكمونية وام فتفت رواد لدرجة انهم وفي قمة انتشار مرض الحمي النزفية لم يتخلو عنها!!!! فالسوداني ربما بأكله للكمونية ومثل هذه الاكلات الشعبية عن شئ في نفسه زي الزول البيشرب السيجارة بس عشان يطلع الاهات هو مش كويس انو يلقي حاجة يطلع فيها
مع تحياتي بكري الخير
Post: #12 Title: Re: الكمونية النية: أكلها تخلف أم ثقافة! الوجه المخفى للسودانى خلف قناع الأكلات الشعبية (توجد ص Author: Biraima M Adam Date: 02-14-2008, 01:02 PM Parent: #6
كدي قوم من كرسيك ده وأمشي أدخل ليك مطعم ياباني بتلقى السمك الني أشكال وألوان !!! وأغشى المطعم الصيني لعابك ماشي يجري جنس جري مع وجبات الحشرات والديدان؟؟؟؟
وكان لقيت ليك مطعم فلبيني أكيد أغلى وجبه فيه ستكون لحوم الكلاب؟؟؟
واللفه طويلة وبتوريك العجب...
بس جيت عند شغلتنا دي وداير تسويها تخلف....
يعني الخواجة كان زفت نصفق ليه وكان أكلنا مرارة ولا أم فتفت نبقى متخلفين؟؟؟؟
والله حقوا أمريكا دي تخليها كلو كلو ترجع لي البلد...
الشايقي
Post: #8 Title: Re: الكمونية النية: أكلها تخلف أم ثقافة! الوجه المخفى للسودانى خلف قناع الأكلات الشعبية (توجد ص Author: رأفت ميلاد Date: 02-14-2008, 10:06 AM Parent: #7
تعرف يا بريمة نفسى أتذكر أول يوم قويت قلبى ومديت يدى للكمونية دى كانت بداية الإباحية زى ما قالت إشراقة شعب يقول متسامح وياكل اللحمة النية شعب مجرم ياخ
ما شفت المقابر الجماعية كيف .. ما بدت كدة
Post: #13 Title: Re: الكمونية النية: أكلها تخلف أم ثقافة! الوجه المخفى للسودانى خلف قناع الأكلات الشعبية (توجد ص Author: Biraima M Adam Date: 02-14-2008, 01:06 PM Parent: #7
الشايقى
Quote: والله حقوا أمريكا دي تخليها كلو كلو ترجع لي البلد...
الشايقي
بالله أنت متعصب لهذه الخبزعلات للدرجة دى!! ..
أنا واحد من الناس أختانى إلا من الحاجات الحرام .. الباقى كله ردمته ردم بلا هواده.
لكن يجب أن نتركوا كل هذه الخزعبلات .. أمراض ساكت
والأهم السواح الذين يزورونا فى المستقبل يمشوا لأهلهم يقولوا شنو؟
بريمة
Post: #14 Title: Re: الكمونية النية: أكلها تخلف أم ثقافة! الوجه المخفى للسودانى خلف قناع الأكلات الشعبية (توجد ص Author: Biraima M Adam Date: 02-14-2008, 01:14 PM Parent: #13
رأفت
Quote: تعرف يا بريمة نفسى أتذكر أول يوم قويت قلبى ومديت يدى للكمونية دى كانت بداية الإباحية زى ما قالت إشراقة شعب يقول متسامح وياكل اللحمة النية شعب مجرم ياخ
ما شفت المقابر الجماعية كيف .. ما بدت كدة
كأنك تريد أن تقول عشان قاعدين نأكل لحمة نية عشان كده أستهوتنا مسألة تعذيب وتقطيع لحم البشر فى المسالخ البشرية ولا شنو؟
رأفت ما فى سياسة فى الأكل .. قول الموضوع ثقافة كسبناها من جدنا الأفريقى البعيد .. أكل لحم الصيد الني كان إفريقياً هواه!!
بريمة
Post: #15 Title: Re: الكمونية النية: أكلها تخلف أم ثقافة! الوجه المخفى للسودانى خلف قناع الأكلات الشعبية (توجد ص Author: حيدر حسن ميرغني Date: 02-14-2008, 01:19 PM Parent: #13
بريمة اب عبار
والله أنا شربت شوربة ضنب تمساح فى تايلند وضربت وعيالي الاخطبوط كاملا ... زوجتي القت بحلة الطبخ خارج البيت ده غير كل الاكلات البحرية ... اي حاجة عايشة فى البحر لكني لم اجرب فى حياتي المرارة النية وللا التركين رغم كوني رطاني
Post: #16 Title: Re: الكمونية النية: أكلها تخلف أم ثقافة! الوجه المخفى للسودانى خلف قناع الأكلات الشعبية (توجد ص Author: Biraima M Adam Date: 02-14-2008, 02:27 PM Parent: #15
حيدر يا حبوب
Quote: والله أنا شربت شوربة ضنب تمساح فى تايلند
والله دى لقطة الموسم عدييييييييل
لكن أفضل من المرارة النية .. على الأقل مطبوخه ..
بريمة
Post: #17 Title: Re: الكمونية النية: أكلها تخلف أم ثقافة! الوجه المخفى للسودانى خلف قناع الأكلات الشعبية (توجد ص Author: jini Date: 02-14-2008, 02:37 PM Parent: #16
طبعا يا بريمة اى بوست انت بتفتحو لشئ فى نفس يعقوب! بجيط دينج هسة وبوريك الاستحمام ببول البقر! جنى غايتو ام فتفت دى خير شر انا من عشاقها! دي يعنى كان مرضت واتسجمت! ما يحلك الا الكدتور البيطرى عادل سجيمان! جنى
Post: #18 Title: Re: الكمونية النية: أكلها تخلف أم ثقافة! الوجه المخفى للسودانى خلف قناع الأكلات الشعبية (توجد ص Author: Biraima M Adam Date: 02-14-2008, 03:56 PM Parent: #17
التداوى بلبن الحير من السعال الديكى نحن جانا سعال لكن ما ديكي so N/A
بريمة أنا عازمك على أكلة تركين قلت شنو ?
تحياتي
صلاح واسبه
Post: #25 Title: Re: الكمونية النية: أكلها تخلف أم ثقافة! الوجه المخفى للسودانى خلف قناع الأكلات الشعبية (توجد ص Author: Biraima M Adam Date: 02-14-2008, 07:33 PM Parent: #22
صلاح وسبه
Quote: بريمة أنا عازمك على أكلة تركين قلت شنو ?
تحياتي
عيييك .. أول مرة أكلت تركين العفانة سوت لى مرض .. بقيت ذى الزول السافى تمباك أول مرة .. راسى داخ وعيونى زغللن ..
Quote: أكل الكول .. أسمع عنه
نص عمرك ضايع .. أحلى واحد فى الأكلات العفنة!
بريمة
Post: #24 Title: Re: الكمونية النية: أكلها تخلف أم ثقافة! الوجه المخفى للسودانى خلف قناع الأكلات الشعبية (توجد ص Author: jini Date: 02-14-2008, 07:18 PM
يا بريمة بول البعارين دا فخ ولغم انا نطيتو! شوف ليك واحدن بوم غيرى!
Quote: نص حديث بول الابل
أن قوماً من عكل – أو قال من عرينة – قدموا على رسول الله صلى الله عليه وسلم ، فاجتووا المدينة، فأمر لهم رسول الله صلى الله عليه وسلم بلقاح وأمرهم أن يشربوا من أبوالها وألبانها، فانطلقوا، فلما صحوا قتلوا راعي رسول الله صلى الله عليه وسلم ، واستاقوا الغنم، فبلغ النبي صلى الله عليه وسلم خبرهم من أول النهار، فأرسل النبي صلى الله عليه وسلم ، في آثارهم، فما ارتفع النهار حتى جيء بهم، فأمر بهم فقطعت أيديهم وأرجلهم وسمر أعينهم، وألقوا في الحرة يستسقون فلا يسقون
صحيح أبي داود
فأمرهم رسول الله أن يكونوا في ابل الصدقة ، وان يشربوا من ألبانها وابوالها ، فقتلوا الراعى ، وارتدوا عن الإسلام ، واستاقوا الإبل ، فبعث رسول الله في آثارهم فجئ با فقطع أيديهم وارجلهم،وسمر أعينهم ، وألقاهم في الحرة . قال انس : فلقد رأيت أحدهم يكدم الأرض بفيه عطشا ، حتى ماتوا صحيح النسائي
Post: #26 Title: Re: الكمونية النية: أكلها تخلف أم ثقافة! الوجه المخفى للسودانى خلف قناع الأكلات الشعبية (توجد ص Author: Biraima M Adam Date: 02-14-2008, 07:39 PM Parent: #24
جنى
Quote: التداوى بلبن الحمير من السعال الديكى
رأيك شنو فى دى .. لما كنا صغار عادى يقشطوا ليك فنجان فنجانين لبن حمير .. للتداوى من الكحة .. طعمه ذى طعم دوى الكحه الأحمر
بريمة
Post: #29 Title: Re: الكمونية النية: أكلها تخلف أم ثقافة! الوجه المخفى للسودانى خلف قناع الأكلات الشعبية (توجد ص Author: jini Date: 02-14-2008, 07:47 PM Parent: #26
لبن الحمير دا اسال منو محمد سليمان ابو بردعة! يكون اخد منه خمسة رضعات مشبعة واستحم بالباقى! جنى
Post: #57 Title: Re: الكمونية النية: أكلها تخلف أم ثقافة! الوجه المخفى للسودانى خلف قناع الأكلات الشعبية (توجد ص Author: doma Date: 02-15-2008, 03:21 PM Parent: #29
Quote: لبن الحمير دا اسال منو محمد سليمان ابو بردعة! يكون اخد منه خمسة رضعات مشبعة واستحم بالباقى! جنى
هههههههههههههههههههههههههه يجازي محنك يا جني ! 5رضعات مشبعات لووول لزوم الاختلاء بالحماره ههههههههههههههه يوم يتفقع ليك زول بالضحك
Post: #50 Title: Re: الكمونية النية: أكلها تخلف أم ثقافة! الوجه المخفى للسودانى خلف قناع الأكلات الشعبية (توجد ص Author: doma Date: 02-15-2008, 08:22 AM Parent: #24
Post: #51 Title: Re: الكمونية النية: أكلها تخلف أم ثقافة! الوجه المخفى للسودانى خلف قناع الأكلات الشعبية (توجد ص Author: doma Date: 02-15-2008, 08:23 AM Parent: #24
لا حوله يا جني انت بتبحت القصص دي من وين ؟؟؟ (لا تسالوا عن اشياء ان تبد لكم تسؤكم )
Post: #53 Title: Re: الكمونية النية: أكلها تخلف أم ثقافة! الوجه المخفى للسودانى خلف قناع الأكلات الشعبية (توجد ص Author: Biraima M Adam Date: 02-15-2008, 02:27 PM Parent: #51
دومه
Quote: (لا تسالوا عن اشياء ان تبد لكم تسؤكم )
قولتى لى خليها مغطية!
بريمة
Post: #49 Title: Re: الكمونية النية: أكلها تخلف أم ثقافة! الوجه المخفى للسودانى خلف قناع الأكلات الشعبية (توجد ص Author: doma Date: 02-15-2008, 08:09 AM Parent: #15
Quote: وللا التركين رغم كوني رطاني
يا حيدر نص عمرك ضائع يا اخي تركين بي قراصه وبصله بيضاء شطتها تقول يا غربيتي . وحالتو ما رطانيه الا اموت في التركين . الخواجات بياكلو اللحم المفروم نئ شوف عيني يوم في المانيا في وجبه العشاء كان لحم بقري مفروم احمر اصلو ا النار لا شافها ولا شماها. شفت الخواجات يردمو في صحانتهم اها قبل اردم صحني سالت الزول الجنبي قلت ليه بنجضوا لينا قال لي لا دا بيؤكل كدا Delikatessen .
Post: #21 Title: Re: الكمونية النية: أكلها تخلف أم ثقافة! الوجه المخفى للسودانى خلف قناع الأكلات الشعبية (توجد ص Author: عبدالرحمن عوض عبيشي Date: 02-14-2008, 06:43 PM Parent: #1
يابريمة ياخوي ماتشرط عينَا
حالتك من جنوب كردفان !!!
ما أسمو فار .... اسمو حمام الشقوق
Post: #27 Title: Re: الكمونية النية: أكلها تخلف أم ثقافة! الوجه المخفى للسودانى خلف قناع الأكلات الشعبية (توجد ص Author: Biraima M Adam Date: 02-14-2008, 07:45 PM Parent: #21
عبدالرحمن
Quote: ما أسمو فار .... اسمو حمام الشقوق
أنت من جنوب كردفان ولا شنو!
الفأر هناك قيامته تقوم لما المطر ينزل والشقوق تتقفل ..
بعد داك تشوف الشية ..
بريمة
Post: #23 Title: Re: الكمونية النية: أكلها تخلف أم ثقافة! الوجه المخفى للسودانى خلف قناع الأكلات الشعبية (توجد ص Author: Ahmed Alrayah Date: 02-14-2008, 07:10 PM Parent: #1
Quote: والله أنا شربت شوربة ضنب تمساح فى تايلند
شوربة ضنب التمساح دي بيشربوها ولا بـيـقـرقـشـوهـا يا حيدر؟!
Post: #28 Title: Re: الكمونية النية: أكلها تخلف أم ثقافة! الوجه المخفى للسودانى خلف قناع الأكلات الشعبية (توجد ص Author: محمد الطيب حسن Date: 02-14-2008, 07:46 PM Parent: #23
يابريمه شوف الاكل الماخمج
تم القبض عليه متلبسا
وتم تنفيذ حكم الذبح
ومن ثم السلخ
ياجماعه قولو بسم الله ومدو يدكم
في دوله من دول الخليج العايز يكرمك قمه الكرم يعزمك العزومه دي
Post: #31 Title: Re: الكمونية النية: أكلها تخلف أم ثقافة! الوجه المخفى للسودانى خلف قناع الأكلات الشعبية (توجد ص Author: Biraima M Adam Date: 02-14-2008, 08:01 PM Parent: #28
محمد الطيب
Quote: في دوله من دول الخليج العايز يكرمك قمه الكرم يعزمك العزومه دي
ما تقول لى الورل!! دا ما تمساح الخلا ذاتو !
يا أخى أتارى نحن عرب جد جد .. فى غرب السودان ما خلينا ورل حايم
لعلمك الحيوان الوحيد لا يمكن تغرقش عظمه .. لما تصل العظم تمصه مص ..
بريمة
Post: #30 Title: Re: الكمونية النية: أكلها تخلف أم ثقافة! الوجه المخفى للسودانى خلف قناع الأكلات الشعبية (توجد ص Author: jini Date: 02-14-2008, 07:50 PM Parent: #23
يا ود الريح ود بلعبوا فوق ضهروا شطرنج ! دا شوربتو الا يحلوها بى ثينر زى البوهية! جنى
Post: #32 Title: Re: الكمونية النية: أكلها تخلف أم ثقافة! الوجه المخفى للسودانى خلف قناع الأكلات الشعبية (توجد ص Author: Biraima M Adam Date: 02-14-2008, 08:05 PM Parent: #30
Quote: دا شوربتو الا يحلوها بى ثينر زى البوهية! جنى
Post: #33 Title: Re: الكمونية النية: أكلها تخلف أم ثقافة! الوجه المخفى للسودانى خلف قناع الأكلات الشعبية (توجد ص Author: Salah Waspa Date: 02-14-2008, 08:27 PM Parent: #32
Quote: .. لما تصل العظم تمصه مص ..
باااااالغت يا بريمة هسع الغداء القدامي ده أعمل فيه شنو ?
Post: #62 Title: Re: الكمونية النية: أكلها تخلف أم ثقافة! الوجه المخفى للسودانى خلف قناع الأكلات الشعبية (توجد ص Author: Biraima M Adam Date: 02-16-2008, 01:26 AM Parent: #23
*****
بريمة
Post: #34 Title: Re: الكمونية النية: أكلها تخلف أم ثقافة! الوجه المخفى للسودانى خلف قناع الأكلات الشعبية (توجد ص Author: M A Muhagir Date: 02-14-2008, 08:54 PM Parent: #1
بريمة سلام
اسمها المرارة يا بريمة. امريكا نستك الظاهر. لو نجضوها تكون كمونية. عشان كدة ما فى زول ب قول كمونية نية. الاسماء التانية هى: الكبدة النية الكرشة النية المرارة النية
ما سمعت المثل ال بقول : الله ليا من الشية والمرارة النية?
بالمناسبة قائمتك الفوق دى سيلت لعابى. لكن ما مشكلة ال week end قرب.
تحياتى
Post: #35 Title: Re: الكمونية النية: أكلها تخلف أم ثقافة! الوجه المخفى للسودانى خلف قناع الأكلات الشعبية (توجد ص Author: محمد عادل Date: 02-14-2008, 08:58 PM Parent: #34
يخى عليك الله فى احلى من اكل المراره بشطه بليمون مع الاتى حرام عليك ياخى
Post: #36 Title: Re: الكمونية النية: أكلها تخلف أم ثقافة! الوجه المخفى للسودانى خلف قناع الأكلات الشعبية (توجد ص Author: Biraima M Adam Date: 02-14-2008, 09:55 PM Parent: #35
وسبه ومهاجر ومحمد عادل أتفرجوا فى الأكله اللذيذه دى .. هذه الأكلة تسمى البالوتى من أسيا .. الفلبين تحديدا .. يخلوا بيض الدجاج أو البط لما يعمل سوسوات .. بعد داك ينجضوا البيضه نص إستوى .. وأتخيلوا الباقى من الفيديو
بريمة
Post: #38 Title: Re: الكمونية النية: أكلها تخلف أم ثقافة! الوجه المخفى للسودانى خلف قناع الأكلات الشعبية (توجد ص Author: Biraima M Adam Date: 02-14-2008, 10:08 PM Parent: #36
البالوت
بريمة
Post: #39 Title: Re: الكمونية النية: أكلها تخلف أم ثقافة! الوجه المخفى للسودانى خلف قناع الأكلات الشعبية (توجد ص Author: Biraima M Adam Date: 02-14-2008, 10:13 PM Parent: #38
البالوت
تقول سمك يا مهاجر !!!!
بريمة
Post: #37 Title: Re: الكمونية النية: أكلها تخلف أم ثقافة! الوجه المخفى للسودانى خلف قناع الأكلات الشعبية (توجد ص Author: M A Muhagir Date: 02-14-2008, 10:04 PM Parent: #1
نحن فى هولندا ب ناكل سمك الرنجة (herring) نيئ. فى السوق يدوك لي مع البصل المقطع دقاق والمخلل. اللعاب سال مرة تانية.
بس الحاجة الكعبة لو اتلموا مجموعة شباب هولندين فى المترو فى واحد من نهارات الصيف الحارة. وكانوا ماكلين رنجة وشاربين عليها بيرة. فى الحالة دى احسن تمشى لعربية تانية, يمكن تشم ريحة تفك ليك غمرتك.
Post: #41 Title: Re: الكمونية النية: أكلها تخلف أم ثقافة! الوجه المخفى للسودانى خلف قناع الأكلات الشعبية (توجد ص Author: Osman Musa Date: 02-14-2008, 10:58 PM Parent: #37
استاذ بريمة سلامات فى ال U K الناس ما بتاكل البطون ( مصارين كرشة فشفاش أبودمام والعرنون والشغلات ديك لا لا من السلخانه تنقل البطون وتخلط مع الاعلاف وتعود للابقار كعلف . .. لكن خرجت دراسات من مراكز دراسات الاعلاف تقول العلف المخلوط بالبطون هو الذى تسبب فى مرض جنون البقر ومنها انتقل المرض الى بلاد العالم .. دحين يا استاذ بريمة الله بستر من جنون البقر وفك الصواميل الكمونية تطير .. لبعض الاسباب لم تنشر الدراسات .. فى بعض البلدان الاشياء التى تهبش الاقتصاد الكلام فيها ممنوع
.. تحياتى
Post: #43 Title: Re: الكمونية النية: أكلها تخلف أم ثقافة! الوجه المخفى للسودانى خلف قناع الأكلات الشعبية (توجد ص Author: Biraima M Adam Date: 02-15-2008, 03:11 AM Parent: #41
عثمان
Quote: مصارين كرشة فشفاش أبودمام والعرنون والشغلات ديك لا لا من السلخانه تنقل البطون وتخلط مع الاعلاف وتعود للابقار كعلف .
ما دا القاعدين نقول فيهو ذاتو .. فى أمريكا قاعدين نشتريها بالدس ديس .. خليك من المرارة .. واحد جاء بالشرموط الناشف من السودان .. جماعة المطار شالوه منه .. حللوا الشرموط وقالوا "دا كان لحم"!
بريمة
Post: #40 Title: Re: الكمونية النية: أكلها تخلف أم ثقافة! الوجه المخفى للسودانى خلف قناع الأكلات الشعبية (توجد ص Author: ASHRAF TAHA Date: 02-14-2008, 10:32 PM Parent: #1
اسمع انا معاك تماما في النقاط: 1/ 2/ 3/ 4/ 6/ 7/ 8/
الباقي الفي السودان ميمكن يكون شغل علاج
بتاع الفلافل ديل زحو بعيد الحبش بياكلو (الكيتفو) وهو لحم تقريبا ني، التايلنديين بيكلو مخ القرد(يعني الاسيويين ديل بيعملو حاجات الكمونية دي ولا اي شي جنبها) .. الافارقة اهلنا ودافنينا سوى .. الاوربيين والامريكان ديل مصو افريقيا واسيا دي لمن اوبرا عملت ليها ارداف اعرض من كبري شمبات وبقت تقول لينا آكلو نبات .. الاكل ده يا فاهم غريزة لا داير ليهو دين لا اخلاق يعني بكرة انت ممكن كدة نننننجف تلحس اخوك وهو نايم (غير مضطر ولا باغ) فما تأسس للحاجات الاساسية للانسان وهي: 1. اللحس 2. الجكس 3. العضة
Post: #44 Title: Re: الكمونية النية: أكلها تخلف أم ثقافة! الوجه المخفى للسودانى خلف قناع الأكلات الشعبية (توجد ص Author: Biraima M Adam Date: 02-15-2008, 03:17 AM Parent: #40
*أشرف والله أنت طرحت حاجة مهمة ..
Quote: الاكل ده يا فاهم غريزة لا داير ليهو دين لا اخلاق
موقف الدين شنو من أكل اللحوم النية ؟
Quote: 3. العضة
دا المجنن بله !!!
بريمة
Post: #42 Title: Re: الكمونية النية: أكلها تخلف أم ثقافة! الوجه المخفى للسودانى خلف قناع الأكلات الشعبية (توجد ص Author: Raja Date: 02-14-2008, 11:32 PM Parent: #1
بريمة سلامات..
شايفة اليومين دي بوستاتك حاجات غميسة كده.. يوم التبحًت في النت ده بجيب اجلك.. .. زي ما قالو ليك الأعزاء الفوق.. ما برانا البناكل اللحم الني.. "الكبًة النية" أشهى طبق بريدوه الشوام. أصحاب البيت الساكنة فيه بيعملوها في المناسبات العزيزة. ويصرًوا آكل منها. جرًبتها مرة واحدة. وبينما الشوكة كانت في طريقها لخشمي. شميت ليك الريحة بتاعت اللحمة. اللقمة ما قدرت احتفظ بيها أكتر من نص ثانية وأعتذرتا. ومن يومها ما طلبوا أجربها..
غايتو باقي الحاجات الراصيها دي فيها حاجات أول مرة اسمع بيها في حياتي. هو الناس بتشرب حاجة تانية من الإبل غير حليبها؟
تحياتي
Post: #45 Title: Re: الكمونية النية: أكلها تخلف أم ثقافة! الوجه المخفى للسودانى خلف قناع الأكلات الشعبية (توجد ص Author: Biraima M Adam Date: 02-15-2008, 03:21 AM Parent: #42
رجاء سلامات
Quote: جرًبتها مرة واحدة. وبينما الشوكة كانت في طريقها لخشمي. شميت ليك الريحة بتاعت اللحمة. اللقمة ما قدرت احتفظ بيها أكتر من نص ثانية وأعتذرتا.
الكلام دا أنا أخذته إنك ما زولة مرارة نية ..
هل تصنفى أكلنا للمرارة النية ثقافة أم تخلف؟
أنا محتاج لإجابة هذا السؤال!
بريمة
Post: #46 Title: Re: الكمونية النية: أكلها تخلف أم ثقافة! الوجه المخفى للسودانى خلف قناع الأكلات الشعبية (توجد ص Author: الفاتح ميرغني Date: 02-15-2008, 05:44 AM Parent: #45
الاخ العزيز بريمة في إعتقادي إنه الثقافة الغذائية لشعب ما ليس بالضرورة أن تعبر عن مدى تقدمه أو تخلفه. في اليابان اليابانيون ياكلون السمك الني ويسمى " سوشي" وازيدك من الشعر بيت والكبدة النية عديل كده" ويطلقون عليها " ناما ليفر" وأشهر محلات يتم تقديمها فيها هي محلات الـ " ياكي نيكو " وتعني بالياباني " محلات اللحم المشوى " . ياخي إتخيل شية وكبدة نية وموية الصحة البحبها حبيبنا دينق. رأيك شنو اعزمك إنت والحبيب دينج لزيارتنا.
كبدة نية وانا بموت فيها
طبق سوشي
Post: #55 Title: Re: الكمونية النية: أكلها تخلف أم ثقافة! الوجه المخفى للسودانى خلف قناع الأكلات الشعبية (توجد ص Author: Biraima M Adam Date: 02-15-2008, 02:42 PM Parent: #46
الاخ الفاتح مساءك-صباحك خير
يا أخى .. دى أطباق من لونها تقنع الواحد بطعهما .. يبدوا أن السمك النى بتاعهم طعمه لذيد ..
المنظر والتشكيلة أهم شيئ فى ثقافة الأكل ..
Quote: كبدة نية وانا بموت فيها
ودى ترجع لأنك أكال مرارة نية .. يعنى ثقافة أكل اللحم النى موجوده قبل ما تكن فى اليابان ولذلك أحببتها.
بريمة
Post: #52 Title: Re: الكمونية النية: أكلها تخلف أم ثقافة! الوجه المخفى للسودانى خلف قناع الأكلات الشعبية (توجد ص Author: Frankly Date: 02-15-2008, 09:33 AM Parent: #1
الكمونية مهما حاولتم تنظيفها فهي وسخة وتحمل رائحة البراز المطهي
أما أم فتفتالكرشة النية فدي عادي جداً تكون مليانة ديدان وأشياء متحرّكة أخرى
تحسبونا شعيرات أم فتفت وهي ديدان تشبّعت ببراز البهيمة قبل خروجه من السبيل
لو غسلت بليفة سلك فلست بآكل منها
* الكلام الفوق دا وجهة نظر شخصية محضة
Post: #54 Title: Re: الكمونية النية: أكلها تخلف أم ثقافة! الوجه المخفى للسودانى خلف قناع الأكلات الشعبية (توجد ص Author: Biraima M Adam Date: 02-15-2008, 02:34 PM Parent: #52
دومه
Quote: يا حيدر نص عمرك ضائع يا اخي تركين بي قراصه وبصله بيضاء شطتها تقول يا غربيتي . وحالتو ما رطانيه الا اموت في التركين . الخواجات بياكلو اللحم المفروم نئ شوف عيني يوم في المانيا في وجبه العشاء كان لحم بقري مفروم احمر اصلو ا النار لا شافها ولا شماها. شفت الخواجات يردمو في صحانتهم اها قبل اردم صحني سالت الزول الجنبي قلت ليه بنجضوا لينا قال لي لا دا بيؤكل كدا Delikatessen .
التحية والمحبة لكل أهلنا فى جنوب كردفان .. وناس كلميو وتافرى .. شقيقتى وأبناء أعمامى ساكنين فى حى أم بطاح جوار الحامية ..
فتش شجرة الحميضاية الكبيرة جنوب غرب الحامية .. محل المضخة .. ونادى قول ال بخيت .. بطلع ليك زول بقارى من البيت المجاور للحميضاية .. دا أبن عمى ..
Quote: والعجب تديله حبة من الوسابي
الوسابى دا شنو؟
بريمة
Post: #60 Title: Re: الكمونية النية: أكلها تخلف أم ثقافة! الوجه المخفى للسودانى خلف قناع الأكلات الشعبية (توجد ص Author: Adam D.El-Asha Date: 02-15-2008, 07:07 PM Parent: #1
أخوي بريمة
الوسابي ده زي الرادش له طعم حراق زي الشطة كدة...شفت البتاع الاخضر الفي الصورة ياهوه ده الوسابي.
بعدين أهلك ديل ومن وصفك بتاع الحامية يمكن بعرفهم لانو الحامية كنا من زوارهاالدائمين لمن كان قائدها المرحوم بكري عمر الخليفة.
بعدين طريق الجميزة بعرفو كويس لاني كنت لفترة طويلة بسلكه للسرف حيث الأبحاث الزراعية
عموما لنا حديث وكتر خير المرارة
آدم العشا
Post: #63 Title: Re: الكمونية النية: أكلها تخلف أم ثقافة! الوجه المخفى للسودانى خلف قناع الأكلات الشعبية (توجد ص Author: Biraima M Adam Date: 02-16-2008, 03:07 AM Parent: #60
Post: #61 Title: Re: الكمونية النية: أكلها تخلف أم ثقافة! الوجه المخفى للسودانى خلف قناع الأكلات الشعبية (توجد ص Author: Raja Date: 02-15-2008, 09:51 PM Parent: #1
بريمة إزيك تاني..
Quote: الكلام دا أنا أخذته إنك ما زولة مرارة نية ..
هل تصنفى أكلنا للمرارة النية ثقافة أم تخلف؟
أنتا لو شفتا أكلتي حتعرف إني اساسا ما زولة لحمة أساسا.. نجيضة أو نيًة والسبب ببساطة لقناعتي إنه حرام إستضعاف الحيوانات الما عندها حيلة وإستحلاء لحمها. يعني الموضوع لو كان لحم أسد. مستعدة آكله بدون الشعور بالذنب القاعد يجيني كل ما آكل لحمة ..
المهم: في المرارة باكل البصل بتاعها والشطة .. وعمري ما ربطتا بينها والتخلف. لأنها أكلة كل المجتمعات (جلابة ومهمشين )
التخلف الجد جد أكل راس القرد وهو حي عند الكوريين..
تحياتي
Post: #64 Title: Re: الكمونية النية: أكلها تخلف أم ثقافة! الوجه المخفى للسودانى خلف قناع الأكلات الشعبية (توجد ص Author: Biraima M Adam Date: 02-16-2008, 03:39 AM Parent: #61
رجاء
Quote: أنتا لو شفتا أكلتي حتعرف إني اساسا ما زولة لحمة أساسا.. نجيضة أو نيًة والسبب ببساطة لقناعتي إنه حرام إستضعاف الحيوانات الما عندها حيلة وإستحلاء لحمها. يعني الموضوع لو كان لحم أسد. مستعدة آكله بدون الشعور بالذنب القاعد يجيني كل ما آكل لحمة
Vegetarian يا رجاء .. أها .. طيب .. بنفس المنطق يا رجاء ما مفروض تأكلى حتى الخضروات .. لأنها أيضاً لها أرواح ذى الحيوانات وهى يتم قطعها قبل أن تثمر أو قبل أن تزهر .. وأنت عارفه النباتات يصيبها المرض، والبرد والحر .. ولها نفس الأحساس بتاع الأنسان .. لكن نحن ما عارفين هى كيف تحس أو تتألم!
Quote: المهم: في المرارة باكل البصل بتاعها والشطة
يا زولة أردمى المرارة ذاتا وخلى المباراه جاى جاى مع البصل والباقى على الله ..
Quote: وعمري ما ربطتا بينها والتخلف. لأنها أكلة كل المجتمعات (جلابة ومهمشين )
رأيك شنو أن كل الشعب متخلف فى هذه المحلة .. مهمشين وغير مهمشين!
Quote: التخلف الجد جد أكل راس القرد وهو حي عند الكوريين..
تحياتي
رأيك شنو فى ناس فى السودان مش بأكلوا مخ القرد بأكلوا ضنب القرد عديييل ..
بريمة
Post: #65 Title: Re: الكمونية النية: أكلها تخلف أم ثقافة! الوجه المخفى للسودانى خلف قناع الأكلات الشعبية (توجد ص Author: Biraima M Adam Date: 02-17-2008, 02:41 AM Parent: #64
الكمونية الجد الجد
وهذا حدث فى بلد عربى أتخيل أن مرارته النية تكون لذيذه أم كعبه؟.. عفوووووووو .. خربانة أم بناية قش !!
بريمة
Post: #66 Title: Re: الكمونية النية: أكلها تخلف أم ثقافة! الوجه المخفى للسودانى خلف قناع الأكلات الشعبية (توجد ص Author: شهاب الفاتح عثمان Date: 02-17-2008, 05:40 AM Parent: #1
Quote: [يخى عليك الله فى احلى من اكل المراره بشطه بليمون مع الاتى حرام عليك ياخى
Post: #67 Title: Re: الكمونية النية: أكلها تخلف أم ثقافة! الوجه المخفى للسودانى خلف قناع الأكلات الشعبية (توجد ص Author: Biraima M Adam Date: 02-17-2008, 05:56 AM Parent: #66
دكتور شهاب
كن كده يا دكتور .. أن نخلى أم الأولاد تسوى شلغها ساكت!!
بريمة
Post: #68 Title: Re: الكمونية النية: أكلها تخلف أم ثقافة! الوجه المخفى للسودانى خلف قناع الأكلات الشعبية (توجد ص Author: معتصم محمد صالح Date: 02-17-2008, 09:01 AM Parent: #67
صباح الخير يا بريمة ..
بوست ممتع .. خصوصاقبل الفطور ..
الشئ الفوق السلخوهو وشووه ده ما ورل ... ده ( ضب ) ..
والله امبارح كانت عندنا معركة بتاعت كوارع مبالغة ...
Post: #69 Title: Re: الكمونية النية: أكلها تخلف أم ثقافة! الوجه المخفى للسودانى خلف قناع الأكلات الشعبية (توجد ص Author: A.Razek Althalib Date: 02-17-2008, 10:05 AM Parent: #68
بريمة: الصاقعة شنو..؟
Quote: لقناعتي إنه حرام إستضعاف الحيوانات الما عندها حيلة وإستحلاء لحمها.
وبعدين إنتو الإفتاء ده بتجيبوهو من وين يا بريمة..؟
يا زول الأكل الصحي صحي وكمان بسيل ليهو اللعاب جداول (الأجبان القديمة )عند أخوانا المصريين.. يا زول دي الحاجة بتنشل من الطشت وبتكور فيها والدود مارق بين أصابعينها.. على وزن أُكل مٍشك بدودو.. [ما تقول أخ تُف]..
غايتو مسألة الأكل دي بيقولوا ثقافات.. والأم فتفت والمرارة النية ليها مترادفات وجماعات.. يستلذون بأكلها وهم غائبون عن الوعي..
غايتو..
ثقافتنا جذورها ضاربة في القدم.. وقديمك نديمكـ بس طورو ولا تجافي ثقافة جدودنا القدماء طالما سودانية المنشأ.. وما تدي فرقه لبشاشا..
يباهي بيك الأمم..
يا بريمة..
هل من الممكن نطورها ونصدرها..
Post: #70 Title: Re: الكمونية النية: أكلها تخلف أم ثقافة! الوجه المخفى للسودانى خلف قناع الأكلات الشعبية (توجد ص Author: Biraima M Adam Date: 02-17-2008, 02:45 PM Parent: #68
معتصم سلامات ..
Quote: الشئ الفوق السلخوهو وشووه ده ما ورل ... ده ( ضب ) ..
أنت هنا تدافع عن أكل الورل ولا شنو؟
Quote: والله امبارح كانت عندنا معركة بتاعت كوارع مبالغة ...
أتخيل فى أمريكا يمنعوا الكمونية ويسمحوا بأكل الكوارع!
بريمة
Post: #71 Title: Re: الكمونية النية: أكلها تخلف أم ثقافة! الوجه المخفى للسودانى خلف قناع الأكلات الشعبية (توجد ص Author: Biraima M Adam Date: 02-17-2008, 03:02 PM Parent: #70
عبدالرازق
Quote: يا زول الأكل الصحي صحي وكمان بسيل ليهو اللعاب جداول (الأجبان القديمة )عند أخوانا المصريين.. يا زول دي الحاجة بتنشل من الطشت وبتكور فيها والدود مارق بين أصابعينها..
ما تقول لى بردموا الجبنة بدودها الحي .. أحسن التركين والكول على الأقل ما بتشوف دوده حيه مع أنو الشيئ الفيهو الدود يبدو لى أفضل !
Quote: على وزن أُكل مٍشك بدودو..
Quote: ما تقول أخ تف ..
ول أبا الشيئ يبدو عليهو قرف شديد .. أفضل الكمونية كن كده
بريمة
Post: #72 Title: Re: الكمونية النية: أكلها تخلف أم ثقافة! الوجه المخفى للسودانى خلف قناع الأكلات الشعبية (توجد ص Author: Biraima M Adam Date: 02-19-2008, 07:30 PM Parent: #71
****
بريمة
Post: #73 Title: Re: الكمونية النية: أكلها تخلف أم ثقافة! الوجه المخفى للسودانى خلف قناع الأكلات الشعبية (توجد ص Author: Biraima M Adam Date: 03-15-2008, 00:34 AM Parent: #72
*******
بريمة
Post: #74 Title: Re: الكمونية النية: أكلها تخلف أم ثقافة! الوجه المخفى للسودانى خلف قناع الأكلات الشعبية (توجد ص Author: Kabar Date: 03-15-2008, 03:11 AM Parent: #1
ول ابا بريمة.. حبابك
ياخي البوست ده.. جاب لي تلفونات و سؤالات ما ليها حد..المهم كتر خيرك..
Quote: لعلمك الحيوان الوحيد لا يمكن تغرقش عظمه .. لما تصل العظم تمصه مص ..
اها مالك زايغ من السبب؟..و لا الأسطورة عنو ما جايه هنا..
بعدين ما تنسى.. دود مانيه العرد القصار..
الصديقة.. دوما..حبابك
نحن لغاية عمر متقدم.. كنا مفتكرين العبالينج (مفرده عبلانج.. و هو القرد الأصفر.. او قرد الطلح كما يقولون) هي عبارة عن ناس من اقوام بعينها..و استحمت بلبن الجمال فصارت ما صارت اليه..
الصديق ادم العشا.. حبابك
ياخي الشافك شاف السرف اللحمر..اما لوفو.. فهي وهج الذاكرة من ايام الصبا..
اخر الوصية يا بريمة.. الثقافة و التخلف خلهن غادي..و اسمع كلام اهلك الحكيم.. اكل البعجبك..و ألبس البعجب الناس..
و كن لقيت لي فرقة بجي اكتب ليك عن ام سباغة (صباغة) عصاة الشيطان..
بالمناسبة الورل ياهو ابو الحسل.. الضب عند اخوانا عربان امجزيرة العربية..و في السودان ثلاثة انواع.. اب عاج (الورل الأصفر)..و حماري..و بريتلو النفاخ ..
كان والدي له تفسير عجيب لأغنية البلابل ( تسلم يا اب عاج اخوي دارج المحن)..و كنت اقول له اب عاج تعني النمر ابو عاجات..و كان يقول.. النمر من اكثر خلق الله ضيقة اخلاق (يعني ما عندو الصبر الببل الآبريه)..لكن الورل مشهور البصبر .زو منها قولهم (الصبر الكتل الورل)..و قطع شك تدريج المحن محتاج صبر كتير..يعني بكلام ابوي.. البلابل كانن بتريقن على النميري..و بيقولن ليهو يا ورل هوي..و الله اعلم..
كبر
Post: #75 Title: Re: الكمونية النية: أكلها تخلف أم ثقافة! الوجه المخفى للسودانى خلف قناع الأكلات الشعبية (توجد ص Author: Biraima M Adam Date: 03-15-2008, 10:48 PM Parent: #74
كبر
Quote: بالمناسبة الورل ياهو ابو الحسل.. الضب عند اخوانا عربان امجزيرة العربية..و في السودان ثلاثة انواع.. اب عاج (الورل الأصفر)..و حماري..و بريتلو النفاخ ..
ول أبا يبدو عليك مدافع عن أكل الورل .. لكن الغريبة أهل الغرب بأكلوا الورل أب عاج ويتركوا بريتلو .. تقدر أنت تفسر لى ليه؟
Quote: و كن لقيت لي فرقة بجي اكتب ليك عن ام سباغة (صباغة) عصاة الشيطان..
كبر لازم تكتب عن هذه النقطة قبل ما يذهب البوست للأرشفة .. هل هى أكلة .. غريبة لم أسمع بها؟؟
Quote: كان والدي له تفسير عجيب لأغنية البلابل ( تسلم يا اب عاج اخوي دارج المحن)..و كنت اقول له اب عاج تعني النمر ابو عاجات..و كان يقول.. النمر من اكثر خلق الله ضيقة اخلاق (يعني ما عندو الصبر الببل الآبريه)..لكن الورل مشهور البصبر .زو منها قولهم (الصبر الكتل الورل)..و قطع شك تدريج المحن محتاج صبر كتير..يعني بكلام ابوي.. البلابل كانن بتريقن على النميري..و بيقولن ليهو يا ورل هوي..و الله اعلم..
أيوه .. الورل مشهور بالصبر .. على الأقل وسط البقارة .. الغريبة الورل بفتكر نفسه أن الأنسان لم يراه لذلك يظل قابع فى مكانه حتى يخبطه الصياد.
بريمة
Post: #76 Title: Re: الكمونية النية: أكلها تخلف أم ثقافة! الوجه المخفى للسودانى خلف قناع الأكلات الشعبية (توجد ص Author: Biraima M Adam Date: 03-15-2008, 10:52 PM Parent: #75
خلاصة البوست: ليس هناك تخلف أو ثقافة فى نوعية الأكل كما تفضل المتداخلون .. يعنى أردموا أى نوع من الأكل!
لكن مينو البقدر يقارن بين الكسكليته بتاعت الضان .. وأم لخوخة بتاعت البقارة!
