Post: #1
Title: نيفاشا خاصة بهشام هباني بوساطة ليبية
Author: malamih
Date: 02-12-2008, 11:53 PM
علمت مصادر سودانية مطلعة بالولايات المتحدة الأمريكية بأن الحكومة السودانية ممثلة في المؤتمر الوطني قد ضاقت ذرعآ بكتابات هشام هباني في
منبر سودانيزأونلاين دوت كوم خاصة بعد الإنتشار الذي تجده بوستاته في أوساط الشعب السوداني خاصة تلك التي تتحدث عن فساد المؤتمر المالي و الإجتماعي والتي أصبح تدوالها بعد طباعة نسخ منها.. ومن مصدر موثوق علمنا بأن الوساطة يقوم بها جانب ليبي سوداني بعد أن فشلت من قبل وساطات
أسرية.. وشمل العرض مبلغ يسيل له اللعاب في مقابل أن يتوقف هشام هباني
من هجومه على المؤتمر الوطني و قياداته في مقدمته رئيس الحزب و رئيس الجمهورية.. ولهشام هباني مطلق الحرية في أية كتابات أخرى ضد من يشاء
في السودان أو خارجه .( أنتهى الخبر).
الملاحظ بعد أن علمنا بهذا الخبر أن أصبح العمدة ودهباني( مونساتي)
لاحظ بوست الفيلم الهندي(غرام في طوكيو) و الذي جاء بعد بوست ساخن جدآ
(شعب بيش و كورة طيش) فتح فيه هشام هباني النار في كل الإتجاهات ..
فيا ترى ماذا حدث في أقل من 12 ساعة وأتساءل هل المعلومات التي وردت
في هذا الشأن صحيحة..!! فإلى نيفاشا خاصة بهباني.
|
Post: #2
Title: Re: نيفاشا خاصة بهشام هباني بوساطة ليبية
Author: هشام هباني
Date: 02-13-2008, 03:56 AM
Parent: #1
صديقي عادل نجيلة
يااااااخي انت بدعاياتك المغرضة دي حتكبر لينا راسنا الغليد ده ونحن تكاسة يعني سواقين ريسينا خفيفة وتقوم تخلينا نصدق انو الحكاية بالجد بالجد ونقوم نعمل لناس الحيكومة ( قام اتعزز الليمون) ونقوم بالجد بالجد نطالب لينا نحن معشر السواقين بالوطن بعشرة وزارات ما دام فيها( نيفاشا) وانا( نيفاشا) من زمان قايلة( تندة) تنفع للتاكسي بتاعي من قدام ..فنقوم نطلب بوزيزيرة لاخوانا ناس الركشة ووزارة غليدة لاهلناناس القطارات وواحدة لناس البواخر وواحدة لناس الغندرانيات وواحدة لناس اللواري وواحدة للتكاسة وواحدة للدفارات وواحدة للبصات والا كمان لو ما حققوا مطالبنا نقوم نعمل اكبر اضراب سواقين في البلد والله البلد دي ما تمشي ساعة والحكومة ممكن تقع في ساعة..يعني تخيل وقفت كل حركة الشحن والمواصلات والنقل في السودان لمدة اربعة وعشرين ساعة..تخيل الحال كيفن!
غايتو انا من كلامك ده من بكره حاتصل باهلنا السواقين في كل انحاء السودان وهم اهم قطاع مهمش وهو القطاع الحر الوحيد الما واقع تحت سطوة الدولة لو شلنا ناس السكة حديد والبواخر عشان كده اذا عملنا اي تنظيم واضرابات انا متاكد الدولة بكرة كلها بتبرك في الارض!
فاعمل حسابك ياعادل وكلم الوسطاء اكبروا الشغلانية اشوفوا لينا حاجة اكبر من نيفاشا
وانا من بكرة عندي مشورة مع اهلي السواقين وبعد دااااك تشوف ( شكنتكة)!
|
Post: #3
Title: Re: نيفاشا خاصة بهشام هباني بوساطة ليبية
Author: malamih
Date: 02-13-2008, 04:58 AM
Parent: #2
العزيز هشام هباني
أرجو أن لاتنسى ملاحي البنطونات .. خاصة من ضفة أبوحبيرة لشاطئ الدويم!
و أحيي الوزير السابق في العهد الديموقراطي الدكتور إسماعيل أبكر
في تغييره للمعديات القديمة بأخرى حديثة و كبيرة و قوية..
|
|