رحلتنا للقاهره-أسوان

رحلتنا للقاهره-أسوان


02-11-2008, 11:15 AM


  » http://sudaneseonline.com/cgi-bin/sdb/2bb.cgi?seq=msg&board=150&msg=1202724930&rn=26


Post: #1
Title: رحلتنا للقاهره-أسوان
Author: Muna Khugali
Date: 02-11-2008, 11:15 AM
Parent: #0

هذا هو الجزء التاني من مشروع الرحله الذي بدأناه قبل الأرشفه..
وكانت البدايه هنا..

مشروح رحله لكل البورداب..

Post: #2
Title: Re: رحلتنا للقاهره-أسوان
Author: عادل جبارة
Date: 02-11-2008, 11:28 AM
Parent: #1

الحبوبة منى
أولا والله العظيم حاولت الأتصال عليك عدة مرات لكن في كل مرة تجيني الرسالة العجيبة إياها مرندم برنمبم مش عارف شنو ؟
ثانياألف مليون مبروك مولود الأبنة آيه وحمدا لله على سلامتها .. وكنت عايز أبارك بالدرب لكن ده الحصل والله .. كل أفراد الأسرة برضو بيباركو ليك
يلا نشوف موضوع الرحلة بعد كده .....

Post: #3
Title: Re: رحلتنا للقاهره-أسوان
Author: Muna Khugali
Date: 02-11-2008, 11:52 AM
Parent: #2

شكرا عادل جباره..ما محتاج تحل..احنا اهل وانت عمرك ما بتقصر..
اليام الفاتت فعلا فيها مشغوليه رهيبه ومازالت..بس خفت شويه..

..............
..............

الرحله ستكون باذن الله في أبريل..
قرار مصر أصبح ناتج من الأقتراحات في الجزء الأول...
كذلك لمعقولية تكاليف السفر لأغلبيه وخاصه أهل الخرطوم..
ابريل هو أنسب شهر من ناحية جو..بعد كده الصيف بيكون سخن جدا وصعب فيه التواجد بمصر..

الأقتراح أن تكون الرحله اسبوعين...
اسبوع في القاهره ومعها اسكندريه..واسبوع بين اسوان والأقصر..

الباب مفتوح لأفراد وللأسر..

Post: #4
Title: Re: رحلتنا للقاهره-أسوان
Author: baha eassa
Date: 02-11-2008, 12:05 PM
Parent: #3

الاخت مني .. تحية طيبة :

مشروع الرحلة جميلة ولازم تكون مقرونة بي برنامج هادف .. ونحن
بصفتنا في القاهرة نرحب بيكم من الان .. واي خدمة هنا جاهزين

Post: #5
Title: Re: رحلتنا للقاهره-أسوان
Author: عبد العظيم احمد
Date: 02-11-2008, 12:14 PM
Parent: #4

سلام مني
وبها


فكرة جميلة

ونحن في القاهرة

Post: #15
Title: Re: رحلتنا للقاهره-أسوان
Author: Muna Khugali
Date: 02-11-2008, 09:54 PM
Parent: #5

Quote: سلام مني
وبها


فكرة جميلة

ونحن في القاهرة


كيف حالك عبدالعظيم..

نرجو ان تشاركنا باقتراحاتك..

Post: #6
Title: Re: رحلتنا للقاهره-أسوان
Author: هاشم أحمد خلف الله
Date: 02-11-2008, 12:15 PM
Parent: #4

حبوبة مني سلامات الرحلة للقاهرة - أسوان - السودان ولا كيف ؟؟؟
عموماً كان نفسي اشارك معاكم لكن الظروف حكمت علينا بعدم السفر !!
أتمني لكم رحلة سعيدة وموفقة إنشاء الله .

Post: #7
Title: Re: رحلتنا للقاهره-أسوان
Author: سلمى الشيخ سلامة
Date: 02-11-2008, 12:31 PM
Parent: #6

الحبيبة منى
مطلوب تورينا متين الرحلة
لانى مشتاقة امشى مصر
مشتاقة لمصر على صعيد خاص
لانى بحبها جدا وانتى عارفة
لك محبتى

Post: #18
Title: Re: رحلتنا للقاهره-أسوان
Author: Muna Khugali
Date: 02-12-2008, 11:44 AM
Parent: #7

Quote: الحبيبة منى
مطلوب تورينا متين الرحلة
لانى مشتاقة امشى مصر
مشتاقة لمصر على صعيد خاص
لانى بحبها جدا وانتى عارفة
لك محبتى



سلمي..اتخيلي كيف نتلما كلنا في أم الدنيا..
نسهر في الحسين ومانخلي الفياوي ولا نجيب الريحاني..
نحوم كلنا في خان الخليلي وناكل مهلبيه وبليله..
ياسلام نمشي جامع عمر بن العاص وبعدين نمشي نحوم في حي اليهود
ونغني مع عبد الحليم واحنا معلقين الكاسيت علي الكتف..زي زمان ناس ليبيا لما يرجعوا
السودان..
نغني بصوت عالي انا وانت والعايز معانا..

بحبها بحبها..بحبها...
وفي قلبي ساكن حبها..

وبعد شويه كده نشغل عفاف راضي..والمسجل لسه علي كتفنا..بس مره علي كتفك ومره علي كتفي..
علشان ما نتعب..سمح؟؟
عفاف راضي بقي تغني..
يا حبيبتي يا مصر يا مصر..ولما تخلص المقطع..أنا وانتي نرد..
يا مصر!
وأحسن حاجه الواحد يمشي علشان يضحك مع شعب مصر الطيب..
ولا شنو؟؟
ونشوف أهلنا في اسوان..النوبه المصريين..
وهناك نتخيل حياة حراجي القط وفاطمه عبدالغفار وحياتهم البسيطه..

.............
.............

علي هذا البوست تحديد الزمن في أبريل..
شم النسيم متين بالضبط؟؟
الاسبوع الاول من ابريل هو الافضل للبدايه علشان نتفادي السخانه الشديده..
وده اقتراح..

لغايه دلوقتي احنا عددنا بين 15-20
نرجو الاسراع علشان نقفل الباب والناس تقدر تشتري تذاكرها قبل الموسم..

Post: #16
Title: Re: رحلتنا للقاهره-أسوان
Author: Muna Khugali
Date: 02-11-2008, 10:29 PM
Parent: #6

Quote: حبوبة مني سلامات الرحلة للقاهرة - أسوان - السودان ولا كيف ؟؟؟
عموماً كان نفسي اشارك معاكم لكن الظروف حكمت علينا بعدم السفر !!
أتمني لكم رحلة سعيدة وموفقة إنشاء الله .


كيف حالك هشومي..

ايوه زي ما قلت ان شاء الله..القاهره اسكندريه اسوان الخرطوم..
ربنا يسهل وتتنظم الرحله كويس..
طبعا كنت تكون انت وهويدا معانا..
امكن الرحله البعدها باذن الله..
ولا حصلونا في الخرطوم..

خليك متابع معانا..علي الأقل تشجعنا
..

Post: #14
Title: Re: رحلتنا للقاهره-أسوان
Author: Muna Khugali
Date: 02-11-2008, 07:03 PM
Parent: #4

Quote: الاخت مني .. تحية طيبة :

مشروع الرحلة جميلة ولازم تكون مقرونة بي برنامج هادف .. ونحن
بصفتنا في القاهرة نرحب بيكم من الان .. واي خدمة هنا جاهزين


أهلا يا بهاء ..
أيوه كلنا مع بعض ننظمها..
انت ووعبدالعظيم وكل بورداب القاهره عليكم تقديم الأقتراحات للمشاركين في الرحله..
ايدكم معانا..
من ناحية سكن.. نفضل هوتيل يجمعنا جميعا في مركز واحد علي اساس غرف فرديه وغرف مشاركه
حتي تستطيع من ترغب أن تشارك زميلتها الغرفه أن تشارك..وكذلك من يود ان يشارك زميله..والحمام
داخل الغرفه..
نفضل هوتيل في السنتر حتي يسهل التحرك..
بالطبع مازال امامنا اسبوعين حتي نحدد العدد..
نرجو منكم فقط امدادنا بالأسعار المختلفه للهوتيلات مع مقترحاتكم...
مع البرامج المقترحه..

ستسعد أوقاتنا معكم بقاهرة المعز..

Post: #25
Title: Re: رحلتنا للقاهره-أسوان
Author: Muna Khugali
Date: 02-13-2008, 12:23 PM
Parent: #4

Quote: الاخت مني .. تحية طيبة :

مشروع الرحلة جميلة ولازم تكون مقرونة بي برنامج هادف .. ونحن
بصفتنا في القاهرة نرحب بيكم من الان .. واي خدمة هنا جاهزين


الأخ يهاء..

أرجو ان أمكن ارسال رقم اتلفونك علي الميل الخاص بي (في البروفايل)

تحياتي وتقديري..

Post: #8
Title: مشاركة بورداب الخرطوم
Author: انعام حيمورة
Date: 02-11-2008, 12:35 PM
Parent: #1

سلام يا منى ..اتمنى ان نوفق انشاء الله في قيام هذه الرحلة ..

ناس الخرطوم اللذين تداخلوا في البوست هم :

1. دوت مجاك

2. سهام المجمر

3. ميادة كمال

4. نادر محمد الراضي

5. تبلدينا

6. احمد موسى

7. ناجي الملك

8. ابو عبيدة البصاص

9. انعام حيمورة

10. ملكة سبأ

11. ازهري عوض الكريم

12. فايزة محمد داؤد

13. عبد القادر عبد الرحيم

14. صفية محمد

15. عبد القادر مصطفى

Post: #23
Title: Re: مشاركة بورداب الخرطوم
Author: Muna Khugali
Date: 02-13-2008, 10:51 AM
Parent: #8

دقيقه يا شباب..

هناك امر عظيم في جماله!

الزوله دي انعام حيموره المشهوره بنعومتي؟؟

يازوله الحلاوه دي كلها شنو؟؟

والله صوره عسل..ورجعتك لعمرك الحقيقي..

يالله قدر حلاوتك دي زيدي المجهود في الرحله..


............
............

وبالنسبه لحنانه..ياريت تيجي..بس الشروط كالآتي..

أن تتنافس معنا وعلي الخصوص سلمي وانا في لحلحتنا وجرينا..
يعني آخ ضغطي بقي عالي..وامشوا انتو الليله وبمشي معاكم بكره مافي!
ولا آىىى كرعيني فترن..انتو ما بتفتروا أصلكم؟؟
ولا نركب القطر من القاهره لاسوان وافتكر مدته عشره ساعات..تقعد تسألنا كل خمسه دقايق
من بعد ما يتحرك بنص ساعه.. ..
القطر ده فضل ليه كم ويصل؟؟
ولا بعدين تقول لينا في الباخره وهي في نص النيل..
جاني دوار البحر..بطني طامه..نزلوني اسه دي!
أنا اهو وريتك..

غير كده عندنا اقتراحات تانيه للبركه حنانه..
يجي معاها عم حسن ويمشوا معانا أمكنه تسمح لهم بالأستمتاع الطويل..زي الحسين مثلا..
وممكن نعين ليهم مرافق..
ويمشوا معانا برضه رحلة اسوان..اصلو ممكن نلقي اهل هناك يرافقوهم في الأمزجه..

قلتي شنو؟؟

Post: #9
Title: Re: رحلتنا للقاهره-أسوان
Author: السمؤال بدرالدين
Date: 02-11-2008, 12:42 PM
Parent: #1

مني خوجلي
سلامات
كيف البيبي وامة وحبوبتو
ماما جارة بخير وشربنا القهوة سوا وقطعنا فيك

مشارك في الرحلة باذن الله
وحا اجيب معاي عروس مصرية
الجماعة الفي القاهرة فتشوا لي من اسي
تسلموا

Post: #10
Title: Re: رحلتنا للقاهره-أسوان
Author: انعام حيمورة
Date: 02-11-2008, 12:52 PM
Parent: #1

بالنسبة لبورداب الخرطوم اللذين أكدوا موافقتهم على المكان والزمان بعد الاتصال بهم :

1. دوت مجاك

2. ناجي الملك

3. محمد حنفي (كابو)

4. وديدي

5. ملكة سبأ

6. أزهري عوض الكريم

7. انعام حيمورة


والاتصالات ما زالت جارية ..


رايك شنو يا منى في الجدية دي .. بعدين احمد عبد الله لازم يظهر عشان الفي بالك ..!!

Post: #20
Title: Re: رحلتنا للقاهره-أسوان
Author: Muna Khugali
Date: 02-12-2008, 12:35 PM
Parent: #10

الخرطوم..



1. دوت مجاك

2. ناجي الملك

3. محمد حنفي (كابو)

4. وديدي

5. ملكة سبأ

6. أزهري عوض الكريم

7. انعام حيمورة

8. سموؤال بدر الدين

9. عبد المنعم عمران

Post: #30
Title: Re: رحلتنا للقاهره-أسوان
Author: Ahmed Abdallah
Date: 02-15-2008, 11:46 PM
Parent: #10

Quote: رايك شنو يا منى في الجدية دي .. بعدين احمد عبد الله لازم يظهر عشان الفي بالك ..!!


قرقرقرقرررر
بت حيمورة الله يجازي محنك
صورتك الجديدة شرط عدييييييييل

منوية .....
أنا أول ألحاضرين ....
بنلقى بغاشة يا منى في مصر
ولى بت حيمورة بتجيبها معاها !!

Post: #11
Title: Re: رحلتنا للقاهره-أسوان
Author: ملكة سبأ
Date: 02-11-2008, 01:01 PM
Parent: #1

Quote: 10. ملكة سبأ


تمام معاي طبعا

لأني حأكون متواجدة حينها بالقاهرة بإذن الله تعالى

وياريت يكون الأسبوعين الأوائل من الشهر

Post: #12
Title: Re: رحلتنا للقاهره-أسوان
Author: محمد عادل
Date: 02-11-2008, 02:07 PM
Parent: #11

ونحنا جاهزين
ياميره مونه

Post: #13
Title: Re: رحلتنا للقاهره-أسوان
Author: انعام حيمورة
Date: 02-11-2008, 02:18 PM
Parent: #1

Quote: الباب مفتوح لأفراد وللأسر..



غالبا يا منى أجيب معاي (حنانة)


______________________

لكن بي شروط مش

Post: #17
Title: Re: رحلتنا للقاهره-أسوان
Author: Salah Waspa
Date: 02-11-2008, 11:26 PM
Parent: #13

أم آآآية كيفنك


حبذا لو كان توقيت الرحلة في end of may كان حيكون لينا نصيب كدي ورونا مدى إمكانية ذلك مع إنه أنا من رأيي حتى

التوقيت يجب التصويت عليه (دي عشاني أنا)


في إنتظار النتائج




صلاح واسبه

Post: #19
Title: Re: رحلتنا للقاهره-أسوان
Author: kamal ali
Date: 02-12-2008, 11:47 AM
Parent: #1



ممكن اسجل ,,

Post: #21
Title: Re: رحلتنا للقاهره-أسوان
Author: osman righeem
Date: 02-13-2008, 07:37 AM
Parent: #1

و انا كمان
ممكن اسجل :-
رجل و إمرأتان

Post: #22
Title: Re: رحلتنا للقاهره-أسوان
Author: عماد محمود علي
Date: 02-13-2008, 07:48 AM
Parent: #21

هووووووي يا حبوبه هوووووووي

إبريل شنو البنسوي فيهو الرحلة ، يعني ده طرد بالبارد عديل كده ...

إجازة المدارس بالمملكة العربية السعودية شهر ( 6 ) يعني بعد شهرين من رحلتكم دي ، يا تأجلوها يا بخربها ليكم ، يعني تمشوا وتخلوني يا منو ......


مودتي


عماد

Post: #24
Title: Re: رحلتنا للقاهره-أسوان
Author: ماجدة عوض خوجلى
Date: 02-13-2008, 11:28 AM
Parent: #1

توجــد صــور



Post: #26
Title: Re: رحلتنا للقاهره-أسوان
Author: مجدي عبدالرحيم فضل
Date: 02-13-2008, 02:08 PM
Parent: #24

الموافقه متوقفه علي الكفيل

وتوقيع مجلس الأمن ومصادقه من مجلس الشيوخ

وأستخراج الشيكات السياحية من وزارة المالية

وبعد داك الباقي هين ، وفي العدم نركب سمبوك

ياخابت وياصابت قلوبنا معكم ورحلة موفقه بينا ولا بلانا

أنتو الأنضمااام ليكم مكسب كبير شكر مني في الخرتوووم تلاقينا لو سمح الكفيل بالسفر من أساسوا؟

ديل دايريين يقفلوها عشرة ولا كيف !

،،،،أبوقصى،،،،

Post: #27
Title: Re: رحلتنا للقاهره-أسوان
Author: Mohamed Ahmaed Olyesh
Date: 02-13-2008, 03:09 PM

مع انو ما كنت متابع لي فترة لكن مبرووووك يا مني....
وبعدين الناس ديل كبرروك شديد ولا شنو ؟؟ حكايه حبوبه مني دي ما جايبه حقها....البقول ليك حبوبه مني مفروض تقول ليهو (تحج بي جمل اعور )
المهم
انا جيتكم من تاني وكنت ملخوم شويه
وكان عندكم تذكرة ذايده وماعندها مده صلاحيه انا زاتي بمشي معاكم القاهرة دي(علي الاقل الواحد يفك زهجتو دي في الحسين وحي عابدين وقهوة التحرير
وقهوة البستان
ونتمشي في شارع 6اكتوبر وسينما ميامي وكشري الزعيم نقعد لينا حبه وناكل واحد كشري ابو شطه حاارة داك
نركب مترو المرج وننزل عين شمس...
ونرجع تاني بالمترو وننزل الجيزة شقه ناس سلمي سلامه الزمان ديك وبالمرة نقعد في كافتيريا اكاديمية الفنون بالهرم ونشوف مجانيين الفنون بسوو شنو ؟
المهم
لغاية الان انا ماشي بي نسبه %93 زي نسبه اوباما في الانتخابات
الكاميرا جاهزة غايتو...
الف مبرو البنية يامني ومعليش جات متأخرة
عليش

Post: #28
Title: Re: رحلتنا للقاهره-أسوان
Author: قاسم المهداوى
Date: 02-13-2008, 08:23 PM
Parent: #27

سلااااام
مرحبا بكم فى ضيافة بورداب القاهرة
و.... فى انتظاركم






Qasi

Post: #29
Title: Re: رحلتنا للقاهره-أسوان
Author: Muna Khugali
Date: 02-15-2008, 11:28 PM
Parent: #28

علشان تشوفوا البوست رفعناه..

Post: #31
Title: Re: رحلتنا للقاهره-أسوان
Author: عاطف محمد أحمد زكريا
Date: 02-16-2008, 02:55 AM
Parent: #29

الاخت منى خوجلى
مرحبا بكم فى ضيافة بورداب القاهرة
جيتينا فى مجالنا (وحرم للاخرين بنحاسبهم بالدولار لكن عشان خاطركم بنديك معلومات ملح ودى كدفعة مبدئية ولما تبقوا على الجد ما بنقصر معاكم)
فكرتكم طيبة ولكنها تحتاج الى التخطيط الباكر نظرا لان شهر ابريل يشهد اقبالا من السواح السودانيين على القاهرة حيث انه يتزامن مع بداية اجازة المدارس الصيفية فى السودان
ابتعدوا عن فنادق وسط البلد فهى كثيرة الازدحام وسيئة الخدمات وافضل الاماكن المقترحة هى فنادق احياء – الدقى والزمالك والمهندسين ذلك لان هذه الاحياء تتخذ موقعا وسطا ويسهل التحرك منها الى اى مكان داخل القاهرة
من الفنادق المقترحة
المهندسين: فندق كارولينا بشارع سوريا، فندق هافانا ايضا بشارع سوريا، فندق فيروجيت بشارع احمد عرابى فندق انكل سام بشارع الفالوجا
الدقى: فندق الفراعنة بشارع نبيل الوقاد، فندق راجا بشارع محى الدين ابوالعز،
الزمالك: فندق ام كلثوم بشارع ابوالفدا، فندق فلامنكو بشارع الجزيرة الوسطى
هذه الفنادق تتفاوت بشكل او اخر من حيث النظافة وجودة الخدمات وتتدرج من نجمتين الى ثلاث واسعارها تتراوح ما بين 40 الى 90 دولار للفرد فى الليلة الواحدة وربما تتضمن وجبة الافطار
هنالك فنادق اخرى كثيرة بقاهرة المعز رخيصة الثمن ولكنها سيئة فى خدماتها ونظافتها وربما سمعتها ايضا (هنالك فنادق سعر الليلة الواحدة 10 جنيهات مصرية فقط وطبعا ليس بها وجبة افطار وانما يكون النزلاء وجبة للبراغيث والعتت)
فيما يختص بالفنادق الخمس نجوم فهى متوفرة فى كافة انحاء القاهرة وتتراوح قيمة الحجز لليلة الواحدة ما بين 90 دولار الى اكثر من 250 دولار
فى جميع الفنادق يستحسن الحجز عن طريق الشركات السياحية وذلك لتسهيل عملية الحجز وفى نفس الوقت تقليل التكلفة (فعلى سبيل المثال الحجز فى فندق رمسيس هيلتون من الكاونتر فى حدود 120 دولار ولكن عن طريق الشركة السياحية تنزل هذه القيمة الى حدود ال 90 دولار فقط)
وقطعا لن تجدوا فندقا واحدا لكل افراد المجموع اذا كان كبيرا ولكن بامكان كل مجموعة ان تنزل فى فندق ليس بالبعيد من المجموعة الاخرى
بالنسبة الى السفر من القاهرة الى اسوان فهو متعدد الوسائل ولكن افضلها القطر وتتراوح تذكرة القطر من 60 الى 150 حسب نوع القطار وحسب الدرجة
- يستحسن فى التنقلات التعاقد مع شركة سياحية من والى المزارات السياحية تتراوح قيمة العربة (الهياكس 9 افراد - والاتش وان 7 افراد ما بين 200 الى 400 جنيها مصريا) وهى مريحة ومكيفة
- من الاماكن التى يتردد عليها السياح السودانين ( بالطبع الاهرامات فى حى الهرم بالجيزة وملاهى دريم لاند بمدينة السادس من اكتوبر والمتحف القومى بميدان التحرير وبرج القاهرة بالقرب من النادى الاهلى وسور الازبكية (للكتب القديمة) ، القرية الفرعونية بشارع البحر الاعظم بالجيزة ، قهوة الفيشاوى بالحسين، والبواخر النيلية واقترح منها اكواريوس لانها معقولة الاسعار وافريكان كوين
- من الاسواق المقترحة والتى يرتادها السودانين ايضا ( سيتى استار –كل شئ متوفر وماركات عالمية- ولكن غالى الثمن – للملابس والاحذية شارع شهاب بالمهندسين وسور نادى الزمالك وشارع 26 يوليو بوسط البلد بالاضافة الى سوق كرداسة بالجيزة –للمشغولات اليدوية خاصة للجلاليب النسائية المنزلية
-

Post: #32
Title: Re: رحلتنا للقاهره-أسوان
Author: عبدالمنعم الرزوقي
Date: 02-16-2008, 03:40 AM
Parent: #31

سلام الاستاذة مـني خوجلي

حاجزين معاكم انا والمدام

وحدنا القاهرة لظروف امن إقتصادية

Post: #33
Title: Re: رحلتنا للقاهره-أسوان
Author: Muna Khugali
Date: 02-16-2008, 08:33 AM
Parent: #31

هنالك فنادق اخرى كثيرة بقاهرة المعز رخيصة الثمن ولكنها سيئة فى خدماتها ونظافتها وربما سمعتها ايضا (هنالك فنادق سعر الليلة الواحدة 10 جنيهات مصرية فقط وطبعا ليس بها وجبة افطار وانما يكون النزلاء وجبة للبراغيث والعتت)

شكرا يا عاطف يا هميم..

طبعا مجموعة الخرطوم هي الأكبر عددا..عليهم تقرير مايودون..وكذلك ميزانياتهم..
فنادق نص البلد زي ما انت قلت..واحنا عايزين نرجع بدمنا..ناقص كمان البراغيث تتلمي علينا!
هو احنا ناقصين؟؟!

أما بقي فنادق الدولارات هي غاليه جدا في تقديري..ولكن كما قلت الأمر في يد مجموعة الخرطوم..

الأقتراحات الأخري..
اما ايجار شقق..وفي شقق بتتأجر بالشهر أو الأسبوع أو اليوم..
أو كل واحد يأجر بطريقته ويكون الأتفاق يوميا علي التلاقي..

الطريقه الأخيره عيوبها فقط في عدم الألتزام بالمواعيد وتأخير المجموعه أو تخريب البرنامج..

شهر أبريل هو الأنسب للمجموعات من ناحية جو..ربما كان أحسن نوفمبر..لكن الصيف مستبعد تماما علي الرغم من انه موسم اجازات المدارس لأن مصر لا تتطاق في الصيف..واسوان كمان بتكون محرقه!
المهندسين والدقي والجيزه عامه ما بعيدين من بعض ومن البلد..علي الرغم من أنهم في رأيي زحمه أكتر من مدينة نصر وبعض أحياء مصر الجديده..لكنهم يصلحون ايضا كبدائل..

أنا لا اثق كثيرا بالرحلات المرتبه بواكالات السفر من ناحية السكن..و في الأمكان مراجعتهاان لم تتفق معي في ذلك..
كذلك أرجو من مجموعة الخرطوم أن تتحرك وفق ميزانيتها وتحدد ماتريد بالضبط وفقا لميزانياتهم..

طيب يا عاطف تقدر تدينا صوره عن الأوتيلات أو السكن في أسوان؟؟
طبعا بالنسبه للمواصلات مافي مشكله وشكرا لأتيان بأسعار القطارات..أعتقد أغلاها هي مقصورة النوم..موش؟؟

شكرا كتير ليك عاطف وعلي مجهودك الكبير المقدر..

نصيحه في شكل شرط لكل من يسافر هذه الرحله..
مافيش أكل فسيخ!

لأنه لو طلعتوا من البراغيث وروحتوا في الفسيخ..يكون مفيش فايده!

Post: #34
Title: Re: رحلتنا للقاهره-أسوان
Author: DKEEN
Date: 02-16-2008, 09:24 AM
Parent: #1

انتو ماعندكم موضوع

Post: #35
Title: Re: رحلتنا للقاهره-أسوان
Author: Muna Khugali
Date: 02-16-2008, 10:19 AM
Parent: #34

سلام يا قاسم..

ان شاء الله نتلاقي كلنا هناك...

Post: #36
Title: Re: رحلتنا للقاهره-أسوان
Author: نادية عثمان
Date: 02-16-2008, 12:05 PM
Parent: #35

منيييييييييييييي

دايرة امشي معاكم ممكن ؟

Post: #37
Title: Re: رحلتنا للقاهره-أسوان
Author: كمال سالم
Date: 02-16-2008, 12:15 PM
Parent: #36


وين الغياب ياناديه ,, انتى بس أقطعى الزلط ,, ومافى زول بمسكك ,,

أطنان من التحايا ,,,

Post: #38
Title: Re: رحلتنا للقاهره-أسوان
Author: عاطف محمد أحمد زكريا
Date: 02-16-2008, 11:26 PM
Parent: #37

تسلمى اخت منى
فيما يختص بالشقق المفروشة متوفرة بكثرة فى كافة انحاء القاهرة وبكافة الاسعار وتبدا من 50 جنيه مصرى لغاية 500 جنيه لليلة الواحدة حسب امكانيات الشقة ....اعتقد ان اسعار الشقق المعقولة خلال شهر اربعة تنحصر بين 150 الى 300 جنيه مصرى لليلة الواحدة ومعقوليتها يقصد بها النظافة وتوفر معظم الاجهزة من تكييف وستلايت ...الخ ، والشقة تتكون من غرفتين او ثلاث وعلى الاقل يوجد بها عدد 2 حمام واذا افترضنا مثلا مجموعة مكونة من خمسة افراد قامت بتأجير شقة فى حدود المئاتى جنيها مصريا يكون نصيب الفرد لليلة الواحدة 40 جنيه اى ما يعادل سبعة دولارات ونصف تقريبا (سعر الدولار اليوم 5,55 جيها مصريا)
- اوتيلات اسوان ليس لدى اسعار محددة خاصة بها ولكن بالامكان الاستفسار عنها عند اللزوم ولكن حسب علمى فهى رخيصة وجيدة وتتراوح المعقولة منها ما بين (20 الى 70 جنيها)
ختاما كل شئ ممكن فى القاهرة وهى مدينة كل الاسعار (يعنى بخمسة جنيهات بتقضى يومك وبالف جنيه برضو بتقضى نفس اليوم) المهم الناس يكونوا منظمين ومنسقين امورهم وعلى قدر العندهم ح يستمتعوا برحلتهم
وما ح نقصر معاكم
وأى خدمة

Post: #39
Title: Re: رحلتنا للقاهره-أسوان
Author: Muna Khugali
Date: 02-20-2008, 12:30 PM
Parent: #38

شكرا يا عاطف وشكرا للجميع..

أوافق معك يا عاطف أنه الزمن ضيق..وانا ليس في امكاني أن افعل أكثر مما فعلت..
لذلك يكون من الأفضل نسيان المشروع أو تنسيق الأعضاء بما بينهم بخصوص رحلتهم..
بالنسبه لي انتهت مهمتي هنا..

سأتصل بكم علي المستوي الشخصي باذن الله عند وصولي القاهره مع الأسره في أبريل..

مع تحياتي وتقديري للجميع..

Post: #40
Title: Re: رحلتنا للقاهره-أسوان
Author: قاسم المهداوى
Date: 02-20-2008, 12:39 PM
Parent: #39

اقتراح بتاجيل الرحلة حتى بدايات اغسطس
وليالى دار الاوبرا المصرية والامسيات السوداناوية

رايكم شنو !!!


قاسم المهداوى

Post: #41
Title: Re: رحلتنا للقاهره-أسوان
Author: Muna Khugali
Date: 02-20-2008, 01:07 PM
Parent: #40

قاسم ازيك..

أنا خارج الموضوع في الحالتين..

وارجو ان يتمكن البورداب من اتخاذ قراراتهم وتنظيم الرحله..
وبقابلك باذن الله في أبريل لأنه مصر لو قتلوني ما بجيها بين شهر يونيو لشهر سبتمبر..

تحياتي لك وللجميع..

Post: #48
Title: Re: رحلتنا للقاهره-أسوان
Author: قاسم المهداوى
Date: 02-20-2008, 02:47 PM
Parent: #41

Quote: ..قاسم ازيك..

أنا خارج الموضوع في الحالتين..

وارجو ان يتمكن البورداب من اتخاذ قراراتهم وتنظيم الرحله..
وبقابلك باذن الله في أبريل لأنه مصر لو قتلوني ما بجيها بين شهر يونيو لشهر سبتمبر..

تحياتي لك وللجميع

منى يا منى
كـــــــيف انت
مرحب بيك فى ابريل وكل الازمنة ويا ستى عايزين نحتفل بيك كبورداب هذه المرة
وايضا مرحب بى كل الحضور
ولناس السودان شوفو لينا معاكم د الفاتح حسين وين وحبذا لو قلعتوه معاكم من هناااك


قاسم

Post: #42
Title: Re: رحلتنا للقاهره-أسوان
Author: عبدالله كع
Date: 02-20-2008, 01:29 PM
Parent: #1

مني بت العم الشهيد عوض خوجلي

انا عمري مازرتة القاهرة وبتمني اكون معاكم لو مافي مانع

ممكن انا واولادي

Post: #43
Title: Re: رحلتنا للقاهره-أسوان
Author: الزبير صالح الزبير
Date: 02-20-2008, 01:37 PM
Parent: #1

انا معاكم لكن ابريل دة ما اعتقدو مناسب عشان المدارس وكدة.

Post: #44
Title: Re: رحلتنا للقاهره-أسوان
Author: انعام حيمورة
Date: 02-20-2008, 01:52 PM
Parent: #1

Quote: وانا ليس في امكاني أن افعل أكثر مما فعلت..


دا كلام شنو يا منوية ..

انتي صاحبة الاقتراح .. وصاحبة البوست ..

يعني لازم تتابعي لحي ما نتلاقى في شهر 4 ..

اضف لانو ما بورداب الخرطوم الجايين ..

كل الناس الدخلوا البوست الفات وهم مرحبين بالفكرة والآن بدات مرحلة التنفيذ ..

يعني تشوفي زول يكون مسئول من كل بورداب دولة ..

يعني انتي الليدر .. من هسى تقولي كدة معناها شنو ؟؟


انا التزمت ببورداب الخرطوم وبالفعل اتصلت بهم وكتبت اسماء الموافقين على شهر 4 ..

وفي ناس دخلوا البوست لكن لم اجد لهم وسيلة اتصال علهم ياتوا ويوضحوا موقفهم ..

Post: #45
Title: Re: رحلتنا للقاهره-أسوان
Author: انعام حيمورة
Date: 02-20-2008, 02:01 PM
Parent: #1

و انا مجتهدة جدا في الموضوع دا ..

لاني مشيت لحدي الآن الى الخطوط الكينية وتذكرتهم بي 733 ج سوداني الجديد

والخطوط المصرية 762 ج سوداني الجديد


نتمنى نحصل الـ 25 عشان عندهم أوفر لي الفوج بالعدد دا ..


ولسة حا اشوف السودانية ..

دا بالنسبة للتذاكر ..

بالنسبة للتأشيرة بالنسبة للبنات مافي تأشيرة للقاهرة بس خروج ( ربنا فتحها علينا)

اما الاولاد مافيها مشكلة ..

كنت منتظرة اجي بي صورة كاملة وواضحة ..


ناجي الملك يدك معاي ياخ

Post: #46
Title: Re: رحلتنا للقاهره-أسوان
Author: osman righeem
Date: 02-20-2008, 02:08 PM
Parent: #1

سلام
مني
كيفك ليش الزعل

عشات تكونوا عملين
يا انعام الخير
اتصلي بوكالة اسمها دار الخرطوم للسفر و السياحة شارع الجمهورية
مديرها العام اسمه عمر مختار ممكن ينظم ليكم الرحلة بالاقامة في القاهرة و اسوان
و يمكن تكون الاسعار خيالية
و مرسل ليك التلفون

سلام

Post: #47
Title: Re: رحلتنا للقاهره-أسوان
Author: انعام حيمورة
Date: 02-20-2008, 02:23 PM
Parent: #1

اخو الخير ..

منتظراك ..