Post: #1
Title: من تشجع اليوم.. اولاد الخالة .. ام ابناء العمومة ..
Author: ود الباوقة
Date: 02-10-2008, 05:44 PM
والله محتارين نشجع مين ..
المنتحب المصري عشرة على عشرة ..
اتحادو العام تمام...
الجهاز الفني ما يحتاج ...
الجهاز الاداري ولا اروع ...
الاعبين بسم الله ماشاء الله عيني باردة عليهم ..
الكاميرون برضو فريق مافيهو كلام ..
لحدى الان مش عارفين نشجع منو والمبارة لم يتبقى لها الا دقائق معدودة ..
عموما نخليها للميل القلبي والباقي على الله...
ود الباوقة
|
Post: #2
Title: Re: من تشجع اليوم.. اولاد الخالة .. ام ابناء العمومة ..
Author: ود الباوقة
Date: 02-10-2008, 05:56 PM
Parent: #1
ابوتريكة
عمرو زكي
زيدان
عماد متعب ..
ربنا يستر ويلطف ..
ود الباوقة
|
Post: #3
Title: Re: من تشجع اليوم.. اولاد الخالة .. ام ابناء العمومة ..
Author: ود الباوقة
Date: 02-10-2008, 09:56 PM
Parent: #2
الف الف مبروك ابناء العم ..
قمة المتعة والفن ..
ابوتريكة تركهم يبكون ويتباكون ..
ود الباوقة
|
Post: #4
Title: Re: من تشجع اليوم.. اولاد الخالة .. ام ابناء العمومة ..
Author: Sabri Elshareef
Date: 02-11-2008, 05:55 AM
Parent: #1
منو اولاد الخالة ومنو اولاد العمومة
مبروك لمصر الكاس
لكن اي خال هذا او اي عم هذا
|
Post: #5
Title: Re: من تشجع اليوم.. اولاد الخالة .. ام ابناء العمومة ..
Author: doma
Date: 02-11-2008, 05:58 AM
Parent: #4
شجع اللعبه الحلوه سيبك من حكايه اولاد الخال ولا اولاد العم .
مبروك الكاس للمصريين وعقبال فريقنا كمان
|
Post: #6
Title: Re: من تشجع اليوم.. اولاد الخالة .. ام ابناء العمومة ..
Author: عادل محجوب المكي
Date: 02-11-2008, 07:32 AM
Parent: #5
الاخ ود الباوقة ...
بنحبك يا ابو تريكة ، كلمات تلفظ بها اطفال الحجارة لانه لاعب حساس يحس بما يدور في العالم من حوله مثقف متعلم وجميع اللعيبة المصريين على قدر من العلم والمعرفة ، فلا سبيل للمقارنة ..
عندما كان اللعيبة السودانيين على قدر من التعليم والمعرفة كنا بنلعب كورة صاح على سبيل المثال قاقارين اللية سفير وفوزي موظف كبير ببنك الخرطوم واحمد عافية خريج هندسة جامعة الخرطوم محمد حسين كسلا والقائمة تطول ، بس تعال الليلة شوف الواحد من لعيبتنا is من was ما بعرفها وعايزنا نلعب كورة ونحرز بطولات وحتى الواحد فيهم لو اتكلم لغته الام تلقى كلامو كله (يعنى وانشالله والاستعداد تمام التمام وانشالله) .. في ريال مدريد هناك معهد لتعليم اللغات في اوقات الفراغ بالنسبة للعيبة الفريق تخيل هذا الامر .. وعندنا اللاعب في اوقات الفراغ تلقاه في سوق الناقة او متكل بالقرب من جامعة الاحفاد او الاهلية ام درمان وما فيهم واحد يستاهل قرش .. الفرق كبير ما بيننا والفريق المصري ، على حد علمي ان الرئيس مبارك كان يومي يتصل بلعيبة الفريق المصري اكثر من مرة ويتونس معاهم ، اما المخرف شداد سلم على لعيبة الفريق السوداني في الطائرة وهم مغادرين الي السودان.
يا ود الباوقة عاوزنا نمشي لقدام كيف (مرة قاعد بحضر مع جماعة كورة هلال مريخ واحرز الهلال هدف واذا بالحضور قومة وقعدة وتصفيق وتهليل وزغاريد والعجاجة ما تديك الدرب واثناء فرحتهم تم اعادة الهدف واذا بهم من جديد كواريك وكترابة واحدهم يصرخ أأأأأي التاني التاني التاني) .
مبروك لمصر لانهم بستاهلوا . سكتن ليه سكتن ليه سكتن ليه .. ايام لها ايقاع .
ود المكي ..
|
Post: #8
Title: Re: من تشجع اليوم.. اولاد الخالة .. ام ابناء العمومة ..
Author: ود الباوقة
Date: 02-11-2008, 10:48 AM
Parent: #5
شجع اللعبه الحلوه سيبك من حكايه اولاد الخال ولا اولاد العم .
دوما .
يعني قصدك نشجع بدون انتماء يعني ( هوبلي ) اولاد الخالة لهم نصيب من الدماء التي تجري في عروقنا
وهي ربما زادت النسبة قليلا عنهم بالنسبة للمصريين ..
ود الباوقة
|
Post: #7
Title: Re: من تشجع اليوم.. اولاد الخالة .. ام ابناء العمومة ..
Author: ود الباوقة
Date: 02-11-2008, 10:43 AM
Parent: #4
منو اولاد الخالة ومنو اولاد العمومة
شنو يا صبري الليلة مالك غبيان ولا شنو ..
اولاد خالتنا ناس الكاميرون واولاد عمومتنا اولاد بمبا ( المصريين )
ود الباوقة
|
|