Post: #1 Title: تعالو نعمل share ونجمع كل الـLyrics بتاعت مصطفي سيد احمد Author: امنة عبد الكريم Date: 02-09-2008, 07:04 PM Parent: #0
تعالو نجمع كلمات الاغاني الغناها الراحل المميز مصطفي سيد احمد ويا ريت اي واحد يكتب القصيدة واسم الشاعر ويا ريت الملحن كمان
لكم الود..
وهاكم دي مني كبداية لوحة وطن في عيون طفلة - قاسم ابوزيد
لوحة وطن فى عيون طفلة طفلة حلوة وشايلة لونة .. ترسم الوطن الشباب كل خط فى اللوحة باين .. من دموع الطفلة يحكى النفوس تبقى السحاب القلوب تبقى الأراضى .. نزرع الوطن اليباب راسمة فى اللوحة القمارى .. فيها وش النيل حزين الضفاف كان لونا أحمر . الشجر كان لونو أخضر الجباه عرقة بيضارى .. حمرة النيل واصفرارو ********** راسمة جوه اللوحة طفلة .. الفرح فى رموشة صفق ادت الامواج بسيمة غير النيل إنحدارو لابسة من السعدة قرقاب . شايلة فى الأيد الطوارى مارقة قمحة من اليباب ********** شلة من أطفال مدارس ..فى نظام ماشين سوا رددوا الخير بالوتر الزمن فى اللوحة بشر الجروف فتحت مداها الغيوم شايلة المطر الترابلة هناك كبار شتتوا العيش للمواسم العيون شايلات بطر من بعيد فى اللوحة عامل الآيادى على السنابل ودع الليل والفتر .. خدرالوطن اليباب
Post: #2 Title: Re: تعالو نعمل share ونجمع كل الـLyrics بتاعت مصطفي سيد احمد Author: امنة عبد الكريم Date: 02-09-2008, 09:53 PM Parent: #1
ابداكى من وين-ازهري محمد علي
ابداكى من وين.. وفينى منك لسة حاجات من مخاوف ومن شجن أبداك من وين وظنى إنك فكرة إعلان الحيـاة وانتهاءات العوارض والمحن نفسى ألقاكى وأكون انا كلى من بعضك أو بعضى من كلك بدن داير ألقاك وأوحد دايرة الدم المقسمة بينى بينك والشجن أبداك من وين ابداكى منى .. ولا منك أبتديك محل محل من ياتو منفذ بدخلك كل الدروب الفيكى سداها المحل من ياتو شارع بوصلك كل الدروب معطونة لآخر الوحل بستبيح كل المنافذ وادخلك من بين كلامك بدخلك من ابتسامك بدخلك من بين مسامك بدخلك من أى قاسم مشترك أو شبه التشابه بدخلك نتلاقى نهرين من تسامى وإشتهاء أبداك من حيث انتهت عندك خواطر الإنتهاء أبداك من وين
Post: #106 Title: Re: تعالو نعمل share ونجمع كل الـLyrics بتاعت مصطفي سيد احمد Author: محمد المعتز Date: 03-01-2008, 06:55 PM Parent: #2
نصوص الأغاني الموجودة في البوست مجموعها 55 نص علي المشاركين مرجعتها حتى لا يتم تكرارها وهي:- 1. رجع ليك قليبي المهضلم (مكررة). 2. أظنك عرفتي. 3. عينيك مدن. 4. بقول غنوات. 5. طيبة. 6. قلت ليها(مكررة). 7. ضليت. 8. صابرين(مكررة). 9. ألقاك وين. 10. وهج الشعاع. 11. زمن بروح. 12. سافر(مكررة). 13. نشوة ريد . 14. مع الطيور. 15. سيناريو اليابسة. 16. ادفقي (مكررة). 17. عباد الشمس. 18. فات أوانك. 19. أسئلة ليست للإجابة. 20. وضاحة. 21. يا مطر عز الحريق. 22. من بعد ما عز المزار. 23. عم عبد الرحيم...جزء من النص مفقود...! 24. واقف براك. 25. علمي عيوني السفر. 26. يا ضوء شبابيك البيوت. 27. مشرع الحلم الفسيح(مكررة). 28. إحساس بالأمل. 29. شهيق. 30. أبداكي من وين(مكررة).
Post: #107 Title: Re: تعالو نعمل share ونجمع كل الـLyrics بتاعت مصطفي سيد احمد Author: محمد المعتز Date: 03-01-2008, 06:58 PM Parent: #106
31. لوحة وطن في عيون طفلة. 32. جالوص. 33. سحابات الهموم. 34. هردت لهاتي بالغنوات. 35. المسافة. 36. كوني النجمة. 37. علميني الاحتمال. 38. مريم الاخري. 39. الرسالة الحلوة. 40. جمعنا قدر. 41. الدنيا ليل. 42. عشرة مقاطع للحياة. 43. أقراك مرة صاح. 44. كيف أنساك. 45. حكاوي الشوق. 46. زهرة الصبار. 47. لمحتك. 48. علي بابك. 49. زى ما يكون. 50. الرحيل في الليل. 51. غناء العزلة ضد العزلة. 52. مزيكة الحواري. 53. جفاف. 54. الجبال قالت غروب. 55. في صحة الوطن.
Post: #110 Title: Re: تعالو نعمل share ونجمع كل الـLyrics بتاعت مصطفي سيد احمد Author: محمد المعتز Date: 03-04-2008, 09:23 AM Parent: #107
من جديـــد من جديد جيت تانى تكسر صمتى .. بالنظرة الخجولة يا أمل عمرى القبيل .. ويا سنين عامرات فصولة ما قدرت أنساك من زمان بس ضاعت أحلام الطفولة ******** الحنين الجيتنى بيهو جانى فى لحظات ندم فى زمان ضيع صبانا وكل اشتات العشم من جديد جيت تانى كيف تبنى فينى الإنهدم وما قدرت أنساك من زمان بس ضاعت أحلام الطفولة ********* ما بفيد انا لو ألملم من عيونك .. ذكريات أو أصحى الماضى فيهن وأنسى حزن الأمسيات برضو زمن البهجة عدّى وعمرى فات فيهو الفوات ما قدرت انساك من زمان بس ضاعت احلام الطفولة
Post: #3 Title: Re: تعالو نعمل share ونجمع كل الـLyrics بتاعت مصطفي سيد احمد Author: mahdy alamin Date: 02-10-2008, 08:48 AM Parent: #1
العزيزه آمنه سأكون ونكون عك في دعم هذا البوست ولنجعله بوستآ توثيقيآ للراحل المقيم مصطفى سيد احمد بمناسبة الذكرى ال 12 لرحيلة وقد كانت لنا احتفاليه جميله نحن اصدقاء الراحل هنا في الأمارات ونتواصل
Post: #4 Title: Re: تعالو نعمل share ونجمع كل الـLyrics بتاعت مصطفي سيد احمد Author: امنة عبد الكريم Date: 02-11-2008, 12:30 PM Parent: #3
مهدي اخوي كيفنك
ياها الحارينها فيك
ودمتم لنا..
لك الود
Post: #5 Title: Re: تعالو نعمل share ونجمع كل الـLyrics بتاعت مصطفي سيد احمد Author: بابكر التوم Date: 02-11-2008, 01:43 PM Parent: #4
الاخت أمنة تحياتى بداية شفافة تعنى بانك تحملى الكثير . يلا معا نخلد للراحل المقيم ونحنا ناس الامتداد المفترض ان يكون لنا اسهامات كثر لانة كان بيينا قبل مغادرتة الوطن والرحيل. لحظة شهيق لعاطف خيرى نكــــر صــوتك صـــداك ... غــالــطــني الـزمن فيك رجــع فاضـي الكــلام مليان ... معــاك إتــبـرجـت غـيـمة وشهق جوايا صوت جدول ... مـرقت على المطر حفيان لـقـيـتــك والــرذاذ مــدخـل ... ونـاديـتـك … أقـيـفـي مـعاي نشيل كتف الغنى الميل .. ونتخيل ... ونتخيل حلم دونك بيتحقق .. وقبلك خيل دماي واقفة علي شرياني تتشهق .. وبرق صوتك صداك غنيتي ...
رشحت حلقك لي إذاعات الشجر ... والمنتظر من عودة المدعو المطر .. وللمسادير و الطنابير .. واللسة في رحم القصيد ... والدابو هسة وفي سوق عكاظ بين مزادات الحروف غيبت رسمك وإحتكرتك للظروف للزمان الجاي واللحظة الفاتت مني هسة .. يا واقفه بين جرح السحاب وبين شهقة الأرض البكر .. ما كان ده ريد .. كان إحتمال تغيير قوانين حركتك .. ما بين حديثنا ولحظة الفعل الحقيقي .. وإنتباهك إنت للشارع البيرجع تاني لي نقطة بدايتو .. و إنحيازك إنت للشارع البيرشح في مسام رمل التوقع .. وما إتعرف قانون نهايتو ... غايتوا أمشى في الدرب البطابق .. فيه خطوك صوت حوافرك ... يا فرس كل القبيلة تلجموا .. ويكسر قناعاتا .. ويفر يسكن مع البدو في الخلا .. ما برضى غير الريح تجادلهُ وتقنعهُ ..
إفترضتك لون أساسي ... يمنح اللوحة إزدواجية القراية .. ويفتح الضوء بين خطوط الريشة والخط الإضافي .. الجاي من شبكية الزول البشاهد .. وإكتشفنا الرسمك وأنا برضو التوارد في الخواطر .. نفس أرقام التذاكر .. البيها سافرنا وشهدنا ... إنفجارك في الأرض .. يا سمرة يا واضحة ..
ما غنيت يوم جيتك صدفة .. قبل أبداك كان غصنك بشر .. يوم ما كان إحساسك مسى .. عرج غيمك فيني ومطر .. لحظة طار عصفور من صدرك .. رتب فينا إحساس بالإلفة .. ودوزن عصب الزمن الأشتر .. وإتوكلت عليك وقلت .. المارق منك داخل جرح الوردة .. وراسم فوقه غناوي الطل .. المارق منك ... رجع للغابات العرب العاربة .. وللعتمور الزنج الهاربة .. وأدى الكون مفتاح الحل .. المارق منك ... شادد عصب الورقة وحرفي وراصد .. في اللاوعي سكون مواعيد .. صحوة ... وحلمه... ولونه .. وشاري يقينك في زندي ... وسارق لحظة إني أفكر .. المارق منك ... مارق منك .. أو مت شهيد ...
ما تتضاري ورى الدعوات ... وما تتلبسي فرح الفات يسكن فيك النغم الزايف ... ويسرق حاسة شوفنا الواقفة على رجلين جوانا .. ونحن الهاويه والمطامن من الأرض .. آه من نحلك ساعة يرحل .. ولمن يكتب فينا الحنضل .. ويختم عمره بفعل الشهد ..
قال الجدول : طلوع النخلة مرور الريح واحد لاكين الريح بتعانق حقل .. ونحنا بنطلع نخلة وننزل .. ونكتب في ذاكرة الصفق الأخضر .. سجنا الريح في الورق الأبيض .. وجهناها ضد التمر الناعس .. يسقط زي قبعة الحارس .. زي الكان بيناتنا وفات ..
قالت غيمة (غيمة لئيمة) : أولاد الشارع فهرس لي كل المدن .. التهرس جوفك بالأسمنت .. قالت ريح : شوف الناس قنديل .. لو ما نور يحرق كوخ ... وباقي الحلة تنور .. أو جبة جوخ أو ينزل بوخ ... يقول للنسمة الزايفة أقيفي .. لو تتفرد ريح ... تتشرد ريح ... ريح الخوف ... لو تتفرد ريح تبدأ تفرتق ضفائر المدن الكاذبة ... تعيد تسريحتك ..
يوم سمايتك شكل قامتك .. كيف تموتي وتحي تاني .. ويوم قيامتك .. هو البيدينا الثبات .. يا مجلوبه في قافلة رق .. ما بستحمل صدرك رصاصة ظلم .. يا صابت رحم الفال يا قطعت حبل الحلم .. يا كنا نبيعك يا نسرق .. إخترنا النار الضلها بيحرق .. طمناك إنو الدنيا بخشها ضو .. يجرح جلد العتمة .. لما الليل قربان فجرك ..
يا بت يا نيل ... يا بت يا نيل .. لو نامت قمحة على الأبيض ... تتشرد زيه .. وزاد الأبيض في غية .. ومدد رجلة اليسرى .. ما كان الكسرة جاتك من بره .... صفرا ومنكسرة
زوجناك الشهداء أولاد الكد .. الماتو عشان الشعب .. زوجناك ما عندك ضرة .. زوجناك ما جاتك ضرة .. ما إنشاف ماعونك ... في الحلة يساسق ويلقى فتات ...
قال الأبيض للأزرق : يبقى ضد الانتباه .. وضد تواريخ التمازج .. بيني بينك .. وده البشوفك في مراهقة الخرائط .. وفينا من وجع المسافرين .. واطه مالاقت هوية ..
رد الأزرق : مطر الحبش لو كان نبش ... جواك سقف وهد حيلك في الدواخل ... وشد عصبك في المداخل صوت مراكبي ويد بتسأل في القمح .. وفينا من فرح المسافرين .. قصة الشمس القضية ..
يا أعشاب النيل الأبيض .. ماتتضاري ورى الدعوات .. أقرا تاريخك ... أخاف .. أقرا تاريخي … أخاف .. أسأل جبين الفجر ... ألقى الفجر مطعون في القفا .. هل سافرت في دمعك المحقون جفا .. حبة غضب .. ما شلنا جمرك وإنطفا .. جوانا نارك والمطر .. جايين بالكتابة .. وضربة الناس المهابة .. لو هز نخلك باشبزق .. ما فارق التمر السبيط .. وما سارو الطورية شك .. إنو الأرض أنثي ... وبتحمل بالحلال مين القال إنو المسافة .. البينا بين الشمس طاقة .. أو مياه النيل بتدخل .. في عروق السنبلة .. المسقية بي عرق .. الجعانين والمساهرين بالبطاقة ..
أقرى تاريخي وأقيف .. أقرا تاريخك وأقيف .. جواك والزمن النضيف .. جواي من جواك غضب .. سلم مفاتيح السؤال .. جيل الشمس موكب حريق .. واقف على باب الدخول .. بيناتو بينات الوصول ... لحظة شهيق ... لحظة شهيق
Post: #6 Title: Re: تعالو نعمل share ونجمع كل الـLyrics بتاعت مصطفي سيد احمد Author: هاشم أحمد خلف الله Date: 02-11-2008, 01:58 PM Parent: #5
الأخت آمنه ما عارف كيف أشكرك ده تاني بوست ليك ادخله خلال عشرة دقائق , شكراً
Post: #8 Title: Re: تعالو نعمل share ونجمع كل الـLyrics بتاعت مصطفي سيد احمد Author: امنة عبد الكريم Date: 02-11-2008, 09:14 PM Parent: #6
هاشم اخوي كيفنك
انا المفروض اشكرك انك دخلت وشرفت البوست بتوقيعك
ابقي واصل..
لك الود..
Post: #7 Title: Re: تعالو نعمل share ونجمع كل الـLyrics بتاعت مصطفي سيد احمد Author: امنة عبد الكريم Date: 02-11-2008, 09:08 PM Parent: #5
بابكر اخوي كيفنك
ناس الامتداد دائما هم السباقين
فلندعو من يهتم منهم لاثراء هذا البوست بكل ما جادت به قريحت الشعراء الذين تغني لهم المبدع الراحل ودمتم
لك الود..
Post: #9 Title: Re: تعالو نعمل share ونجمع كل الـLyrics بتاعت مصطفي سيد احمد Author: امنة عبد الكريم Date: 02-11-2008, 09:39 PM Parent: #1
مشرع الحلم الفسيح للشاعر المبدع دوما ازهري محمد علي ود العمدة
يا مشرع الحلم الفسيح أنا بينى مابينك جزر تترامى .. والموج اللّديح القدرة والزاد الشحيح كملتو .. ما كِمل الصبر نتلاقى فى الزمن المريح ميعادنا فى وش الفجر يا مشرع الحلم الفسيح *************** يا مشرع الحلم الفسيح يا بعض منى .. وفينى ساكن أنا أصلى منك ومشتهيك وبيناتنا ليل الغربة ... داكِنْ هبّة هبوبك.. أفتح شبابيك المساكن وسـِّع دروبك .. ولـِّع مصابيح الأماكن يا مشرع الحلم الفسيح يومنا النـّهِـبْ .. أسلِبنا خوفنا كبـِّرنا قدرك .. مرتين وطـِّول قدر كتفك .. كتوفنا يا رغبة الرعد البيسكن .. بين غناوينا وحروفنا ضوِّى الدساكر والضفاف عبِّى الحناجر بالهتاف سدِّد مسامات الرِّعاف نوِّر مغاراتنا وكهوفنا ******************* يا مشرع الحلم الفسيح أنا وإنت .. والمطر الفصيح حنطوِّع الزمن القبيح ناخد بعض .. شكل السما حدِّثنى دايماً .. كلما تنشف على البر الضفادع يهجر الضو المواضع وتسقط من الكف .. الأصابع حدثنى دايماً كلما تحرد مراسيك السفن تسكن مرافيك الزعامات .. الدُمى حدثنى لو تاهت خطانا .. على الدروب المبهمة أو ربما.. تهدم آلات الشوارع .. وترجمْ العُزّى الصواقِع حدثنى لو مطرك همى .. حدثنى لو صادف الكى المواجع وضلك على الساحل رمى حدثنى لو مطرك همى علمنا دايماً كلما نبذر على أرضك شهيد يطلع شمس .. يبهر بأنوارو السما يا مشرع الحلم الفسيح
Post: #10 Title: Re: تعالو نعمل share ونجمع كل الـLyrics بتاعت مصطفي سيد احمد Author: mahdy alamin Date: 02-12-2008, 08:23 AM Parent: #1
حــاوره هـاشـم كـرار تـوطـئـة : هو ثروة قومية مثله مثل حقول (الذهب الأبيض) في الجزيرة الخضراء... مثل حزام الصمغ العربي في كردفان (الغرة أم خيراً برة)... مثله مثل حقول الذهب الأسود في بانتيو والمجلد ومدرسة الغناء والتطريب يلتف حولها- الآن- جيل من شعراء الأغنية في السودان، ويلتف حولها الملايين... الملايين من متذوقي الأغنية المتقدمة على امتداد أرض المليون ميل صوته فرد... وصوته جماعة... وصوته أمة، فيه في صوته كل كبرياء الجرح وجرح جيل بأكمله، أشواقه، همومه، عذاباته تطلعاته، نداءاته، دقات قلبه، ودقات قلب الكون.
ما سبق جزء من مقدمة الحوار الذي أجراه الأستاذ هاشم كرار ونشر بصحيفة الوطن القطرية قبيل رحيل الفنان مصطفى سيد أحمد كآخر حديث صحافي... نعيد وبمناسبة الذكرى السادس لرحيل مصفى سيد أحمد مقتطفات من ذلك الحوار الهام جداً والذي أجاب خلاله على السؤال الفلسفي الهام الذي يواجه كل مطرب لمن يغني مصطفى سيد أحمد؟ وتساؤلات أخرى ولأهمية الحوار نعيد نشر جزء منه: أنت هكذا، يا أستاذ مصطفى معطوب الكليتين لسنوات وسنوات... لكن رغم ذلك مازلت تغني... بل مازلت تبدع.... تضيف مجداً- في كل يوم جديد- للأغنية السودانية، أريد الآن أن أسالك عن هذه التجربة الاستثنائية تجربة الغناء في خضم الألم؟ صمت لفترة خلتها قد طالت أخيراً جاءني صوته الرحيب من وراء شاربه الأبيض الكثيف المميز: الألم شعور ذاتي خاص، والتعامل معه ومعايشته يومياً يورث المرء قدراً من الجرأة، وقدراً كبيراً من الشفافية والألم، من خلال معايشتي اللصيقة له يلون الطاقة الإبداعية... يشحذ همتها من خلال عملية الإسقاط هذه ، ومن خلال الجرأة المكتسبة، والشفافية تتفجر الطاقة الإبداعية بشكل أو بآخر. أيضا ومن خلال معايشتي للألم، يمكنني أن أقول أن الألم قد يجعلك تنكفئ على ذاتك أو تنفلت منها وفي حالة الإنكفاء على الذات تتوارى كوامن الإبداع وتندثر وتموت... وفي الحالة الثانية... حالة الانفلات تكتسب قدرة أكبر في الإحساس بألم الأخرين ويستميل هذا الإحساس إلى مشاركة أعمق وأرحب، وبشكل موضوعي. المسألة في ظني أشبه بالتربية في الصوم إحساسك بالجوع في الصوم يجعلك تحس بجوع الآخرين تلتفت إليهم... تتعاطف معهم تنحاز إليهم وتتبنى– في الغابة- موقفاً معارضاً للجوع حيث وجد وأنى كان.
إذن... من هنا يمكن أن نقول أن انحيازك للنصوص وليد تجربتك مع الألم؟ إلى حدٍ ما.
وإلى حد أبعد؟ لقد كانت معرفتي بالشعر وتذوقه وإدراك الصادق منه وراء ذلك ثم كانت تجربتي مع فن الدراما وقبل ذلك كانت تجربتي مع الرسم والشعر والدراما والتي كانت وراء وضوح رؤيتي في اختيار النصوص التي تتفق مع موقفي من الدنيا والواقع وجملة الأشياء.
أعود وأسألك لماذا إلتمعت فيك موهبة الغناء واندثرت أو كادت موهبة كتابة الشعر وموهبة الرسم؟ بمعنى لماذا أصبح الغناء سيد الموقف الإبداعي فيك؟ الطاقة الإبداعية واحدة وأن تعددت أشكالها هذه حقيقة غير أن هذه الطاقة تعبر عن نفسها في المجال الذي تمتلك أنت فيه، أدواته، ومفاتيحه، لا تندهش إذا قلت لك إن الطاقة ذاتها التي كنت أكتب بها الشعر هي الطاقة نفسها التي كنت أرسم بها وهي ذاتها التي أنشيء بها الآن أعمالي الغنائية الموسيقية، بعد أن امتلكت أكثر أدوات ومفاتيح الغناء من خلال دراستي الجادة في معهد الموسيقى والمسرح، والذي تخصصت فيه في علم الصوت تكنيك الأداء الصوتي... الصوت البشري قديمة وحديثه... إلى جانب المواد الأخرى من الدراسات الموسيقية.
أنت تخصصت كما قلت- في علم الصوت... وأنت بالطبع- من المؤمنين بالمقولة التاريخية التي تقول (أعرف نفسك) الآن انطلاقاً من كل هذا دعني أضع صوتك في طبلة أذنك كيف تسمعه... ما هي ملامحه... في أية خانة من الخانات الصوتية يمكن أن تضعه لنا؟ ابتسم الأستاذ مصطفى سيد أحمد صمت قليلاً ثم قال: إني أمرؤ أتنفس بالغناء وباستمرار أحاول أن أعبر عن المعاني التي تغيب وتظهر في النصوص الشعرية بمعادل موسيقى وصوتي! أي بُعد في صوتي أو ارتفاع فيه أو انخفاض في درجاته السفلى هو تعبير أصيل عن تلك المعاني التي تبين وتختفي! ليس هناك صوت زائد أو ناقص عن الضرورة التعبيرية. يبدو أن السؤال مازال قائماً أين تضع صوتك في أية خانة من الخانات الصوتية.؟ صوتي من فصيلة (باص بريتون) وهي الدرجة الأولى من الأصوات الغليظة عند الرجال. من من المغنين السودانيين يشاركك الانتماء لهذه الفصيلة؟ صديقي الفنان محمد ميرغني وأيضا جلال الصحافة
قلت الآن دعني أسألك لمن يغني مصطفى سيد أحمد؟ الفنان أي فنان حقيقي- عبر التاريخ كان، وسيظل له موقفه الصارم من العالم الذي يعيش فيه كان الفنان وسيظل ناقداً مبيناً لقيم الخير والحق والجمال... كاشفاً لكل أقنعة القبح ومظاهره... محرضاً على الثورة والتغيير... راسماً معالم الحلم والظلم والظلام وأنا مثلي مثل أي فنان حقيقي آخر كان لي موقف صارم قبولاً ورفضاً ونقداً وتعرية... لذلك فإنني أغني لجملة الناس بما يعبر عن هذا الموقف أنني أتعطل أولاً... أتنفس بما أغني نصاً وموسيقى ثم أعيد تقديمه مرة أخرى لمنبت غناي: جملة الناس الذين ما انفصل غناي عنهم وعن همومهم، وقضاياهم في يوم من الأيام أنني أؤمن إيماناً لا يشوبه أي نوع من التزعزع بضرورية الالتزام بأرضي وأمتي ومن هنا يجئ اختياري للنصوص الشعرية التي تمجد هذه الأرض وهذه الأمة بأية صورة من الصور ومن هنا يجئ الالتفاف الكثيف من أبناء أمتي حول إسهاماتي! حقيقة أنني لا أجد في نفسي مساحة لذلك النوع من الغناء الذي يعطي الناس (التعسيلة) و(الغمدة) لا أجد غناء يعطي الآخرين وسائد الخدر اللذيذ والطرب فواقعي من واقع أمتي وأمتي واقعها أليم ومفجع ويبقى بالضرورة أن نلمس هذا الواقع، ندق على أبوابه لشحذ الهمم والتحريض على التماسك لقد سقطت- بالطبع- فكرة الفن للفن، وبقيت وستبقي إلى الآن مقولة الفن للإنسان... والحياة. أنت الآن فنان جيل بأكمله في السودان... هذا اعتراف من الكثيرين... كيف تأتى لك ذلك؟ منذ وقت مبكر أدركت دور الفنان عبر التاريخ، مثلي مثل غيري خرجت من صلب شعبي غير أنني رأيت في الأغنية شيئاً مبتذلاً إذا لم تحمل هذه الأغنية هموم هذا الشعب... عذاباته، أمانيه وتطلعاته... ومنذ البداية، أيضا وضعت نفسي تلميذاً في مدرسة هذا الشعب: أتعلم فيه... أشاركه همومه اليومية قضاياه... انفعالاته... تشوقه للمستقبل... رفضت أن ابتعد أو أتعالى في برج عاجي وهمي عن سواد الناس، فتعلمت منهم كيف أغني الغناء الذي يعبر عنهم، وكيف أعيش إحساس المشاركة العامة، وكيف أكون برقاً بانتمائي لشعبي العظيم. لقد رفضت أن استدعي الماضي لأعبر به عن قضايانا الآنية أو المستقبلية من زاوية أنني الأقدر على التعبير عن واقعي وآفاق مستقبلي من السابقين... وكان ذلك بالطبع تجاوزاً لكل أدبيات الركود والردة حدثت الأغنية السودانية في فترات ما تغنيت به كان خروجاً عن (المتواضع) و(المألوف) وكان خروجاً عن النص السائد غير أنه كان يعبر بإيمان عميق... عن الواقع. لقد طرحت مشروعي من خلال جلسات استماع في بداية الثمانينات... تعلمت من خلال الحوار الذي كان يدور في هذه الجلسات الكثير، الكثير مما يعتمل في نفوس الناس من هموم ومشاكل وقضايا ملحة فيخرج غنائي من بهو روحي معبراً عن المشاكل والقضايا حين امتنعت الأجهزة الرسمية (بلجان نصوصها وألحانها) الخائبة التي ساهمت في ركود الأغنية السودانية كثيراً حتى صارت شيئاً مكرراً ومسخاً مشوهاً يحاولون تجديده وتزيينه باستدعاء (أغنية الحقيبة) التي لا تعبر عن زمانها وهمومها، في الوقت الذي كان قد تغيرت بالتالي المضامين الشعرية.... وتغيرت النصوص إلى نصوص جديدة لشعراء شباب يكبرون ويكبرون بنصوصهم الجديد في كل يوم جديد. ويصمت فناننا مصطفى سيد أحمد لفترة ثم من مكان ما في أعماقه يجيئني صوته أخيراً ليقول المسألة مسألة تشكيل جيل جديد متذوق للأغنية السودانية لم تكن سهلة، ولم تكن قفزة فوق المراحل وإنما كانت توخي أمانة شاهد العصر الذي قرأ الواقع قراءة متأنية عراه برؤية واضحة، وبشر بكل احتمالات المستقبل.
الآن كيف ترى مستقبل هذه التجربة.؟ أتوقع أن يصير هذا توجهاً عاماً وكاملاً عند أبناء الجيل القادم.... سواء كانوا شعراء أو مغنين فالأغنية لم تعد ترفاً لم تعد أرجوحة تخدر... الأغنية صارت هماً قناة لنشر الوعي الذي تعجز عنه كل برامج محو الأمية.
كيف يمكن لنا أن نعبر بأغنيتنا السودانية حدودنا الوطنية... إلى العالم من حولنا؟ أغنيتنا- دون أي نوع من التحيز- يمكن أن تشكل إسهاماً نشارك به الآخرين فنصوصنا الشعرية الغنائية متقدمة إلى حدٍ بعيد، ومقامنا الموسيقى- رغم خصوصيته- ليس غريباً عما هو موجود في العالم، غير أن ما يميزه هو أنه يعبر عن وجداننا نحن عبر التاريخ فقط، يبقى علينا أن نسبغ هذه الأغنية باللون العالمي الذي يشكل قاسماً مشتركاً بين كل شعوب الدنيا يبقى علينا ما يعرف بالتوظيف الآلي والتقنية المتقدمة في فن التسجيل الصوتي ومتى ما تعرفنا على ذلك توافرت لأغنيتنا الشروط اللازمة التي ستجبر الآخرين للاستماع إليها.
Post: #19 Title: Re: تعالو نعمل share ونجمع كل الـLyrics بتاعت مصطفي سيد احمد Author: امنة عبد الكريم Date: 02-12-2008, 04:42 PM Parent: #10
مهدي اخوي كيفنك
انت بتجيب الحاجات السمحة دي من وين
تسلم اخوي
ابقي واصل..
لك الود..
Post: #11 Title: Re: تعالو نعمل share ونجمع كل الـLyrics بتاعت مصطفي سيد احمد Author: mahdy alamin Date: 02-12-2008, 08:27 AM Parent: #1
إحساس بالأمل مدني يوسف النخلي
أديني إحساس بالأمل .. مع كل رحلة شوق تطول .. وأدي الخطاوي الراجعة ليك .. في سكتك وهم الوصول .. ما الدنيا كلها إنتظار .. والإرتحال قدر الفصول .. الموجة تحلم بالضفاف .. والغيمة تحلم بالهطول .. راحل معاي ضي الأماني .. وذكرى للأيام هناك .. لحظات بتذخر بالمعاني .. وكيف أنسى تذكارات هواك .. تتخلل الغربة ونعاني .. ونصبر عشان نكسب رضاك .. ونغني لو زار الحنين .. يا ريتو كان سفراً معاك .. شايف مداينك في البعيد .. وبيناتنا ممدود الطريق .. كيف الخيول بدت الرحيل .. جوانا كم جرحك عميق .. جفت حدايق الروح وراك .. والزهرة عدمانة الرحيق .. أدينا إحساس بالندى .. في سكة الضنا والحريق .. وأدي الخطاوي الراجعة ليك .. في سكتك عشم الوصول
Post: #83 Title: Re: تعالو نعمل share ونجمع كل الـLyrics بتاعت مصطفي سيد احمد Author: محمد المعتز Date: 02-25-2008, 10:58 PM Parent: #11
مشروع الحلم الفسيح
يا مشرع الحلم الفسيح أنا بينى مابينك جزر تترامى .. والموج اللّديح القدرة والزاد الشحيح كملتو .. ما كِمل الصبر نتلاقى فى الزمن المريح ميعادنا فى وش الفجر يا مشرع الحلم الفسيح *************** يا مشرع الحلم الفسيح يا بعض منى .. وفينى ساكن أنا أصلى منك ومشتهيك وبيناتنا ليل الغربة ... داكِنْ هبّة هبوبك.. أفتح شبابيك المساكن وسـِّع دروبك .. ولـِّع مصابيح الأماكن يا مشرع الحلم الفسيح يومنا النـّهِـبْ .. أسلِبنا خوفنا كبـِّرنا قدرك .. مرتين وطـِّول قدر كتفك .. كتوفنا يا رغبة الرعد البيسكن .. بين غناوينا وحروفنا ضوِّى الدساكر والضفاف عبِّى الحناجر بالهتاف سدِّد مسامات الرِّعاف نوِّر مغاراتنا وكهوفنا ******************* يا مشرع الحلم الفسيح أنا وإنت .. والمطر الفصيح حنطوِّع الزمن القبيح ناخد بعض .. شكل السما حدِّثنى دايماً .. كلما تنشف على البر الضفادع يهجر الضو المواضع وتسقط من الكف .. الأصابع حدثنى دايماً كلما تحرد مراسيك السفن تسكن مرافيك الزعامات .. الدُمى حدثنى لو تاهت خطانا .. على الدروب المبهمة أو ربما.. تهدم آلات الشوارع .. وترجمْ العُزّى الصواقِع حدثنى لو مطرك همى .. حدثنى لو صادف الكى المواجع وضلك على الساحل رمى حدثنى لو مطرك همى علمنا دايماً كلما نبذر على أرضك شهيد يطلع شمس .. يبهر بأنوارو السما يا مشرع الحلم الفسيح
Post: #85 Title: Re: تعالو نعمل share ونجمع كل الـLyrics بتاعت مصطفي سيد احمد Author: محمد المعتز Date: 02-25-2008, 11:09 PM Parent: #83
امونة سلامات
ياريت نحاول نعمل فهرس للاغاني المكتوبة عشان : عدم تكرار الاغاني. المادة الموجودة تكون مفيد.. تسهيل عملية البحث ...
ــــــــــــــــــــــــــــــــــــــــــ يا مشرع الحلم الفسيح يا بعض منى .. وفينى ساكن أنا أصلى منك ومشتهيك وبيناتنا ليل الغربة ... داكِنْ
Post: #86 Title: Re: تعالو نعمل share ونجمع كل الـLyrics بتاعت مصطفي سيد احمد Author: امنة عبد الكريم Date: 02-27-2008, 05:11 PM Parent: #85
Quote: ياريت نحاول نعمل فهرس للاغاني المكتوبة عشان : عدم تكرار الاغاني. المادة الموجودة تكون مفيد.. تسهيل عملية البحث ...
كلام جميل يا محمد نبدا
Post: #84 Title: Re: تعالو نعمل share ونجمع كل الـLyrics بتاعت مصطفي سيد احمد Author: محمد المعتز Date: 02-25-2008, 11:00 PM Parent: #11
ضوء شبابيك البيوت يا ضو شبابيك .. البيوت بين التوهج .. و الخفوت بسرح معاك .. و اسألك قبال ما يخنقنا الرماد ... و يعلم العقل الحياد قبّـال لهب حلمك يفوت وجذوتك تبهت ... تموت بسرح معاك و استفسرك عن ظلمة تمتد و تطول وإتلخبطت فيها الفصول عن كلمة ضاعت في الفراغ بين البزيـِّف و البقول عن سر يباس البذرة .. في طين الحقول عن كل أحلام .. الصغار الما لقت ... غير الذبول
Post: #12 Title: Re: تعالو نعمل share ونجمع كل الـLyrics بتاعت مصطفي سيد احمد Author: mahdy alamin Date: 02-12-2008, 09:13 AM Parent: #1
علِّـمي عيوني السفر مدني يوسف النخلي علمي عيوني السفر .. ما البسافر في عيونك .. سكتو تبقى السلامة .. بنسى أحزانو .. وبعرف الدنيا جنبك إبتسامة .. ضللي الناس بي حنانك .. أبقي ليهم ضُل غمامة .. الشقا اللازمني مدة .. يوم إفوت ، والفرحة تبدأ .. ما بقول فارقني عدَّا .. عشان بخاف ترحل عيونك .. وتنهزم فيني الأماني .. وبي أساهو وبي شقاهو .. تاني إتوشح زماني .. أصلو غير عينيك وحاتك .. ما في للأفراح معاني .. جينا ليك .. شوق في عيونا .. وفي عيونك شوق إناغم .. الشجون باكر بترحل .. والزمن يصحى ويسالم .. الحلم يصبح حقيقة .. وتنسجم في الحب ظروفه .. والحنين تزهر غصونه .. والعشم دانيات قطوفه .. شوفي كيف يوم بكرة عامر .. هاتي إيدك شان نشوفه
Post: #13 Title: Re: تعالو نعمل share ونجمع كل الـLyrics بتاعت مصطفي سيد احمد Author: mahdy alamin Date: 02-12-2008, 09:17 AM Parent: #1
----------------------------------- عم عبدالرحيم ( 1 ) كلمات : محمد الحسن سالم حميد فتاح يا عليم .. ورزاق يا كريم صلي علي عجل ..همهم همهمية وحصن للعباد وهزز سبحتو دنقر للتراب .. هم فوق هم هما صنقع للسماء .. وكان في الجو في غيم وكم نجمات بعاد ، وكان الدنيا صيف لا قالتلو كيف .. كيف اصبحت كيف لا لمسة حنان .. لا لمسة وداد لا رمشة طريف من قلبا وفي زي ايام زمان.. ايام الدفي وكانت ماها في .. كانت في المراح شدتلو الحمار .. تحلب في الغنم لي شاي الصباح والطير ما نضم.. ما رسل نغم عم عبد الرحيم اتوكل نزل في المشرع لقا .. زملان الشقا الجا من الجريف .. الجا من الجبل عل الناس بخير صبح هاظرم .. نقنق ناقرم .. غاظوه ونعل عم عبد الرحيم ما بيخبر زعل تزعل من منو.. وتزعل في شنو ؟ كل الناس هنا .. كل الناس صحاب .. كل الناس اهل والماهم قراب .. قربم العمل الطاق اليطق .. عشت ابو الزمل بالحال العليك .. بالفال الامل عم عبد الرحيم كت فلاح في يوم في ايدك تنوم .. علي كيفك تقوم لا دفتر حضور .. لا حصة فطور تقرع بالقمر .. تزرع بالنجوم لكن الزمن دوارآ بدوم *** وعم عبد الرحيم ماشي علي الشغل .. في البال القديم اتعارض تكل تتشايح جراح يا .. كيف الغسل الدنيي ام صلاح .. تبدا من التكل من حجة صباح .. في حق الملاح في اللبس الجديد .. في القصد القديم وبيناتن عشم .. في الفج البعيد امونة الصباح قالتلو النعال والطرق انهرن .. ما قالتلو جيب شيلن يا الحبيب غشهن النقلتي .. والترزي القريب بس يا ام الحسن .. طقهن آ بفيد .. طقهن آ بزيد وانطقن الزمن وانطق الزمن لازمك توب جديد وباية تمن .. غصبا للظروف والحال الحرن شان يأم الرحوم .. ما تتكسفي يوم لو جاراتنا جن .. ما رقات لي صفاح او بيريك نجاح .. دا الواجب اذن وايه الدنيي غير .. لمة ناس في خير ، او ساعة حزن
Post: #14 Title: Re: تعالو نعمل share ونجمع كل الـLyrics بتاعت مصطفي سيد احمد Author: mahdy alamin Date: 02-12-2008, 09:24 AM Parent: #1
مـــن بعــد مـــا عــز المـــــار الأستاذ/ عبد العال السيد من بعد ما عز المزار والليل سها وملت نجومو الإنتظار والشوق شرب حزن المواويل وانجرح خاطر النهار.. من بعد ما عز المزار *ــ*ــ*ــ* وبقيت أعين في الوجوه وأسال عليك وسط الزحام قبال أتوه إمكن ألاقى البشبهك ما الليل براح والشوق تعالى بيندهك *ــ*ــ*ــ* شايلاهو وين النيل معاك عصفورة جنحاتا النجوم وأنا بوراك… بسأل عليك مدن … مدن .. وأعصرسلافة الليل حزن بسأل عليل في المنفى في مرفا السفن يمكن طيوفك أخريات الليل تمر تملأ البراحات للحزين طول العمر *ــ*ــ*ــ* ما نحن بينا الأمنيات والتضحية بينا المعزات والعذابات في الحياة بينا الهوى إخلاص على قلبي إنكوى وكلام كتير قلناه آخر الليل سوى أنو راح نتلاقى … لو طال النوى … لكن كلامنا الكان وكان خايف يكون شالو الهواء..
Post: #15 Title: Re: تعالو نعمل share ونجمع كل الـLyrics بتاعت مصطفي سيد احمد Author: mahdy alamin Date: 02-12-2008, 09:25 AM Parent: #1
يا مطر عز الحريق الأستاذ/ حميد من الواسوق أبت تطلع من الأبرول أبت تطلع من الأقلام أبت تطلع من المدفع .. طلع خازوق خوازيق البلد زادت يفيض النيل نحيض نحنا يظل حال البلد واقف تقع محنة .. ولا النيل القديم يا هو ولا يانا … نعاين في الجروف تنهد ولا يانا .. رقاب تمر الجدود تنهد ولا يانا .. بتين أيد الغبش تتمد لا قدام .. ولأقدام تفش عين الظلام بالضوء تفرهد شتلة .. لا هدام ولا فيضا يفوت الحد.. عقب يا نيل تكون يا كا .. عقب يا نيل تكون يا كا … ونكون أهل البلد بالجد .. يا مطر عز الحريق ..يا مصابيح الطريق يا المراكبيه البتجبد من فك الموج الغريق يا المحطات الحنينة القصرت مشوار سفرنا ياما شايلك فيني حايم لا الليالي المخملية ..لا العمارات السوامق لا الأسامي الأجنبية تمحي من عيني ملامحك ونت جاية المغربية .. داقسة .. داقشة المغربية وشك المكبوت مكندك سمسونايتك زمزميه كوم شبر طوريه .. منجل .. سبحه فانوساً مد ردح قلت بيهن لي زمانك .. يا زمان الحاجة عندك.. يا زمان الآهة حدك .. لا تطأ الوردة الصبية ..ــــــــــ
Post: #16 Title: Re: تعالو نعمل share ونجمع كل الـLyrics بتاعت مصطفي سيد احمد Author: بدرالدين يعقوب Date: 02-12-2008, 10:49 AM Parent: #1
درة حسان الامتداد امنة .. فعلا سوف يكون توثق جميل للرائع مصطفي سيد احمد
الصباح الباهى لونك وضاحه يافجر المشارق غابة الابنوس عيونك يبنيه من خبزالفنادق غابة الابنوس عيونك شيدتى فى جواى صوامع للفرح وفتحتى فى دنياى مسارح للمرح وبقيتى لى سكه وعيون لاقدرت اطولك شان اجيك لاقدرت من غيرك اكون وانا بيك مالينى الكلام حركت بيك عصب السكون جلبت ليك الغيم رحط طرزت ليك النيل زفاف حرقت ليك الشوق بخور فرشت ليك الريد لحاف لا السكه بيك بتنتهى ولا معاك مليت طواف ياريتنى لو بقدر اكونك (ياريتنــــــــــــــــــــــــــــى) ياريتنى لو بقدر اكونك وضاحه يا فجرالمشارق غابة الابنوس عيونك يبنيه من خبز الفنادق غابة الابنوس عيونك ..... ..... .... .....
تعدل للتصحيح
Post: #17 Title: Re: تعالو نعمل share ونجمع كل الـLyrics بتاعت مصطفي سيد احمد Author: محمد صباحى Date: 02-12-2008, 11:19 AM Parent: #16
اسئلة ليست للاجابة
يحيي فضل الله
ما معنى أن نحيا .. ولا ندرى بأن العشق قد يبقى سجيناً فى الخلايا.... ما معنى أن نشهد موات الأغنيات ما معنى هذا الصمت الذى لا ينتهى وبرغم حوجتنا الصراخ *************** هل يختفى الظل الذى لا ينتمى إلا لمعرفتى وجهلى ؟ هل نودع بعضنا ونذهب فى سراب الذكريات؟ كيف تبدو الذكريات ؟ كيف يبدو طعم أيام الشجن ؟ من يعلم ذكرياتى كل اشكال التداعى والرحيل المر دوماً حين يختلط المدى بالمآسى .. والمخاوف وأحتضار الأمنيات ؟ **************** تعِبٌ هو البرق الذى لا يضيءُ أقبية الخبايا لا ينتمى للسحبِ .. والعشبُ الذى لا يرتوى إلاّ بطعمك يا عصيراً من خليط الدهشةِ الأولى وأحتراف الأغنيات
Post: #18 Title: Re: تعالو نعمل share ونجمع كل الـLyrics بتاعت مصطفي سيد احمد Author: محمد صباحى Date: 02-12-2008, 11:38 AM Parent: #17
فات اوانــك فات اوانك وعدى من وشك صهيل الاغنيات ياتو فى كفك صبح غير انغماسك فى الشتات يا بشوش المعنى ما صادك بشوش وصحيت على حلم الفتات فات اوانك ******** الليلة فجا; من زحام الخلق زول صحا القوافي الفيك من الزمن القبيل وكتبت فى صدر السما السابع غموض المسالة اشمعنا ما قادرين تكونو وكيف تجيبو الاسئلة فات اوانك
Post: #21 Title: Re: تعالو نعمل share ونجمع كل الـLyrics بتاعت مصطفي سيد احمد Author: امنة عبد الكريم Date: 02-12-2008, 04:57 PM Parent: #18
صباحي اخوي كيفنك
ايوة كدا
اتحفنا يا رائع
لك الود..
Post: #20 Title: Re: تعالو نعمل share ونجمع كل الـLyrics بتاعت مصطفي سيد احمد Author: امنة عبد الكريم Date: 02-12-2008, 04:49 PM Parent: #16
بدر الدين اخوي كيفنك
يا زول اقوم اصدق انا الكلام الزي ده ما بستحملوا **************
يكتمل التوثيق بمشاركاتكم
شكرا جميلا
لك الود..
Post: #22 Title: Re: تعالو نعمل share ونجمع كل الـLyrics بتاعت مصطفي سيد احمد Author: امنة عبد الكريم Date: 02-12-2008, 05:07 PM Parent: #1
عباد الشمس لقاسم ابوزيد
عباد الشمس شافك .. مشاك ساقِك جبيرة وجد تيار الظلام غطاك غياب البهجة ما هزّاك هواك هز العهود .. بى الصد تذوب يوم الشموس ضوّت عباد الشمس يوم جاك .. سألنا الغيم عِنادِك ردْ .. أسف بُعدِك حروف جفّت جِدار الماضى .. دمعة خد غَفل طرفِك .. صَرَخْ ياليل سرق عِشقِك صباحاتى شتيل إحساسنا ما فرهَد *******************
رحل صوت المغنى .. حزين ولسّة الصوت .. صِراع زمنى مواعيد عِشقِى ما بتِنـْهـَد
Post: #23 Title: Author: امنة عبد الكريم Date: 02-12-2008, 10:41 PM Parent: #1
ادفــقى لقاسم ابوزيد
إدفقى ما تبقى رقراق أبقى يا ضُل .. يا شموس غطى المساحات بالوضوح إستنهضى الشوق .. الجروس وهجك شوارع ذاتى فى ليل اليباب ما تشفقى العطش .. الرحيل النيل ركيزة ودمعة الأحباب سِحاب ما تخافى من دم الغروب لو رتّش الّلوحة الضباب مادام ضمير الفينا .. حى مادام عِريق العِشق .. حى ملحوقة يا مدن السراب نديانة بى فرح التساب ***************** أدفقى فيضان عمار أتربعى .. وفجّى الوجع دمع الألم .. ما يدفّقك ما خاب غناك فارسك رجع إتوهجى وإنتى الشمس إتلهجى نورك سطع نوّر بوادينا الكساح رقصت مزامير الصباح مبكية قرية وقنبلة متكية دمعة .. وسنبلة الليلة فى إيدنا السلاح ريشة وكدنكة .. ومطرقة نبنيكى أحسن يا ظروف مخضرة .. دانية القطوف نطوى المسافات .. نسبقا **************** أدّفقى بلدك فِداك إتوهطى ورّى البنيات العديل *********** محمية بى عرق الترابلة ونغمتك مسقية بى الريد العتيق أنغام رباباتك تشيل معزوفة الليل .. والرفيق ما تصغرى تكبر أمانى السنبلة هَىْ أكبرى تصغر معانى القنبلة ما ترجعى الصد لى المداين .. والقرى شيلى الشحوب والإصفرار أدى البويتات منظرا إدفقى فى كل شارع .. وكل بيت فى روابينا المحنّة وفى ضمايرنا السهول إدفقى فى كل حتة .. وكل زول أبقى .. شان تحيا الفصول
حقيقى لك كل التحايا وانت تقفى وراء هذا العمل الرائع والذى هو واجب دولة كاملة ان تقوم بالتوثيق لمبدعيها من الفنانين وغيرهم فى شتى المجالات لتتوارثه الاجيال جيلا بعد جيل
وسوف ابداء بماقاله لى صديقى الشاعر الشاب / عاطف خيرى بعد رحيل مصطفى
مصطفى ايها البحار الصلد .. كلنا بعلم ان السفينة لم تغرق ..فقط ! توارت عن الانظار
مع تحياتى ياسر السبد -- ميرلاند
Post: #25 Title: Re: Author: احمد العربي Date: 02-13-2008, 03:13 AM Parent: #24
البت الخريف ريحة الوطن امونه حب كبير لك والمقيم بيننا
Post: #27 Title: Re: Author: امنة عبد الكريم Date: 02-14-2008, 08:42 AM Parent: #25
احمد اخوي كيفنك
عاجزة عن التعبير
لك محبتي الاكيدة..
Post: #26 Title: Re: Author: امنة عبد الكريم Date: 02-14-2008, 08:30 AM Parent: #24
Quote: مصطفى ايها البحار الصلد .. كلنا بعلم ان السفينة لم تغرق ..فقط ! توارت عن الانظار
سيناريو اليابسة(الهدهد) لعاطف خيري
مخدوش الفضا.. طويل الحزن .. مفتول الحنين مصاب بالديانات والشرود نوح: يبلغ من الطول مسافة يشتهى الغرقان .. شهيق لونو زى سرك .. تكلمبو الصديق أمو تتوحـّم على طين البحر قبال تقابل والدو .. صدفة على الطريق عمرو ستة شهور حِلِم إنو الأرض مسجونة فى موية .. وكل الناس مراكبية اليابسة ... فِركة .. مدخورة لى يوم فيهو ساير النيل قطـّاع رحط كل الجزاير والبنات البفتحوا الباب للمطر وأنا جدولك شارف على كل الجداول الصاحية فيك والغباش فى دمى منك لو كسر ضلعين عذرتو لكن نهر كل العصافير البتلعب فى الوريد وفنـّاكى جواى زى حجر والبينـّا ما فات الدوائر الليل خِمار القمرة .. مجدوع فى الفراغ والرقصة لى البت فينا .. فوق كل المسامير الندقها فى البساط والرياح حكـّامة بى دلوكة مرّقت الشياطين .. المنها
إتجنن فقير الحلة دقيناهو بى نفس السياط كل المجرات .. النيازك والشُهُب ودع راميهو الله على السما والدنيا زار يا هدهد هنا مرت مراكب نوح محملة بالبخور مين اللى شال من طاقة الطين البعيدة قنديل حبيبتى وطيـّب الجرح المثير مين السرق من بابا مفتاحو الملون .. والصرير منهوبة مقبرة الفواكه فيكى قولى معاى شرف القبايل .. جر الشاف تباريح الطلح فى النار شافنى مرقت من عندك ضرير أنا ليه تجينى الموية حفيانة .. وأدنقر ألبِّسا فى شبط أخضر وأبيت مبلول .. وأصلِّح فى الرباط أنا ليه شبابيك البيوت الواجمة .. والناس البُساط وليه يرجانى النخل فى السكة يفتح قلبى خمارة .. وخلاوى ..وبيت بكا تعبت من المساسقة والهتاف .. ياغيمة أتبنى جبهة القمرة السهر والحمى طول الليل تهضرب ويا هدهد لقيت أمك ترشرش فى السعف من عينها وتجبر خاطرا المكسور عليك ينكسر خاطر السعف فى إيدا يا هدهد قيام من السما الأول قيام من السما السابع قيام وأنزل مسافة تهبشك غنوة .. وأناولك كاس ومرت مراكب نوح محملة بالملوك ركعت على الموج الجنود من كل جندى تفوح ضحية ودم مشتت فى الأبد دسيت جبهتى من السجود بكى فى مخاض الخوف .. ولد إشتبهوا فينى ورا الجبل شافونى دسيت الهداهد والزبد صفا ! إنتباه ! وقعت من الهدهد بلد نهبوها .. وإتقسموا الحدود ومرت مراكب نوح محملة بالطيور واقف مع نوح الغراب ينضم ويأشر فى إتجاه باقى الطيور يتوسوسوا إلاّ الحمام .. إتوضا مارق للصلاة القانقرد فى حزنو يغزل شالة من صوف الطواويس شارّة قمصانا المزركشة فى الضحى الزرازير بى عراريقا المغبشة ..جات على أرجينى يا صالحة ! ومشيت فى الموج يا النبى نوح أصل سالم يا النبى نوح أصل ......... حجر الدُّغُش فى الموية يقلع ضُفرى يادم ! ده ما وكت الرسم واللون وجات المغارب حننت إيدا .. ومشت سبحانك الأديتنا من حزنك فوانيس الغراب يا نوح طفش واليابسة وين ...؟ يا الله ما يابس سوى حلقى المجرح بالدعا طير يا حمام ! والحمام يا نوح يجامل فى السما وبيّاع مناديل خضرا فى كل العصور ارفع سوالك بوصل ليه الفجر مهجور تحت حاجب حبيب النايمة فى الجبل المشلخ بالرمال أنا ما خلقتك يا ظنون شان تبيتى الليل معاى وتجرى من فوقى الغُطا ما تشُرّى فى حبلى الوساوس والمعانى الداكنة .. والليل والشتا الهدهد تميمة الموت معلّق فى بيوت الناس .. نعش من خرافاتهم تعال من دياناتهم تعال نفّض نعاسك من كل بيت من كل حجوة حكوها عنك فى الليالى الباردة والأطفال نيام مين يشترينى من الملوك الخاينة فى الدم القديم مين يوصف للنحل ريق الحبيبة وحبة القمحة التقوم فوق محفضة حبوبة فى الزمن اللئيم مين اليوصف بيتنا لى هدهد يتيم مين النبى القادم؟ من مكة ! أو من دكة ! فى شارع حميم مزيداً من الطين يا إله أبنى خوفى عليك .. ومنك أبنى آخر بيت .. حرام ومرت مراكب نوح محملة بالحجيج ــ وين ولدك ؟ ــ تركتو على الجبل . ــ وين بلدك ؟ ــ ضربتها فى مثل . ــ وين نحن ؟ ــ مرقت على عجل . ــ يا نوح تخلينا زيتونك مخلل بالشمس نار الله والرِجل الغريبة نحن البلاد الشاكية جرحها للصديد جاتنا القوافل بالضجيج جرتنا من حلبة رقيص ورتنا كيف صلبوا المسيح ورتنا كيف كتلوا الحسين وبكينا أكتر منها ساقتنا فى الآخر .. عبيد مين يشترينى من الملوك الخايدة فى الدم القديم مين البوصِّف بيتنا لى هدهد يتيم يا هدهدى المهدود مين هدهدك .. نمت كل الطيور غنت .. منك يجينى سكوت مين الهداك للناس أو هدّ فيك الموت؟ يا أوسم الجايين .. أنا قلبى حِلّة حنين والشوق فتحنى بيوت يا صالحة لا جنبك .. لا فتّ منك فوت دايماً معلق بين .. بين الحياة والموت أدخل ضلام الناس نورك يجينى خيوط وقبّال أقع فى الضو جوّاك سندنى خِفوت أنا برضى حلة شوق لكنى فى التابوت ومرت مراكب نوح محملة بالعبيد الجنة .. زى هدهد معلقة فى الكتاب ونحن العبيد باب الحياة السرِّى حرير فى فكرة الدودة الموجعة .. بالنسيج وصيوان عزا نوح المكفّن بالوعود الهدهد يرك فوق دفـّة المركب .. يدندن الريح سكن خيمة حريمو الأربعة النيل رجع فى اللوحة للوادى القديم البحار مكتوفة الأيدى .. الشموس فاقت ونوح بعاين فى مفاتن اليابسة تغسل فى حصا .. ومتبرجة سبحانك الأديتنا من ملكك سلاطين .. وإختفيت هاك أنبياءك سالمين وأنزل مسافة توجعك .. غابة رقيصنا الحى طبولنا... وليك شبال من اليابسة الممشّطة بالملح ... وهدهد
Post: #28 Title: Re: تعالو نعمل share ونجمع كل الـLyrics بتاعت مصطفي سيد احمد Author: Sahar Yousif Date: 02-14-2008, 12:53 PM Parent: #1
اعزاء المنبر العزاز كل عام و انتم الحب ... الامنيات كثيرة في عيد الحب .. تتلخص في كلمة واحدةة نتمني اننا فعلا نحب الاخر (اي بعضنا البعض ) بس
العزيزة امونة تسلمي يارائعة علي البوست الجميل دة كل عام و انتي تنثري لنا عطرا في هذا البيت
انا بحب الاغنية دي جدا ولي معها ذكريات خاصة
والله نحنّ مع الطيور..
الما بتعرف ليها خرطة
ولا فى إيدا جواز سفر
نمشى فى كل المدائن
نبنى عشنا بالغناوى
.. وننثر الأفراح .. درر
والربيع يسكن جوارنا
والسنابل تملا دارنا
والرياحين .. والمطر
*********
والحبيبة تغنى لينا
لا هموم تسكن دروبنا
.. ولا يلاقينا الخطر
*********
إلاّ باكر يا حليوة
لمـّا أولادنا السمر
يبقوا أفراحنا البنمسح بيها .. أحزان الزمن
نمشى فى كل الدروب الواسعة .. ديك
والرواكيب الصغيرة .. تبقى أكبر من مدن
إيدى فى إيدك نغنى
والله نحنّ .. مع الطيور
الما بتعرف ليها خرطة
ولا فى إيدا جواز سفر
Post: #30 Title: Re: تعالو نعمل share ونجمع كل الـLyrics بتاعت مصطفي سيد احمد Author: امنة عبد الكريم Date: 02-15-2008, 10:19 PM Parent: #28
سحورة ياعسل ازيك
كلنا بنحبها وبنحبك
يا سمرا يا واضحة
استمري بامتاعنا
لكي ودي الاكيد
Post: #29 Title: Re: تعالو نعمل share ونجمع كل الـLyrics بتاعت مصطفي سيد احمد Author: Sahar Yousif Date: 02-14-2008, 12:55 PM Parent: #1
بهذا التساؤل كنت قد أنهيت قصيدة وأرسلتها فى عام 1994 إلى ( هبابة عرق الجباه الشم ) مصطفى سيد أحمد ــــ كما يصفه صديقى خطاب حسن أحمد ، وقتها أدخلنى هذا التساؤل ..فى منطقة خوف لا أستطيع أن أصفه ، خوف ميتافيزيقى يستعصم بغموض التفاسير ، وحين إتكأ مصطفى سيدأحمد إتكاءته الأخيرة مغادراً هذه الحياة معلناً وجوده الشفيف فى ذاكرة كل الذين إلتفوا حوله ،،،،، عرفت بعدها أن آخر حفلاته الغنائية إستهلها بأغنية ( عازة ) لخليل فرح ،،،، وقد ختم الحفل بها أيضاً.. وقتها عرفت أن مصطفى سيد أحمد كان هو تساؤلى هذا الذى أدخلنى منطقة خوفى الميتافيزيقى.
جالت فى ذهنى هذه الخاطرة فى نهار الجمعة 21 يونيو 1996 ونحن نستمع إلى صوت مصطفى سيد أحمد وهو يتحدث من خلال الكاست إلى بثينة والأولاد ، يعلن عن هواجسه تلك التى عادة ما تتحول إلى أوتار لها قدرة أن تمتص كلمات شعرائه ،،،، يوصى سيدأحمد ويحرضه على الرسم ، يسأل سامر عن أحلامه ويوصى بشير بمواصلة تعلم الكمبيوتر ........ ولأن كل الذى إليه نستمع هو عبارة عن رسالة عبر الكاست ومن فنان لا يستطيع أن يتخلى عن صفته الفنية ... تكون هذه الرسالة أشبه بخطاب فنى رفيع يعلن فيه عن قلقه فى أنه لم ينجز عملاً جديداً لأن هنالك بعض إحباطات حتماً سيتجاوزها ويعلن عن آخر أعماله ... وتدخل أوتار العود فى نسيج هذا الخطاب ، ويفاجئنى مصطفى وهو يغنى تلك القصيدة والتى لأول مرة أسمعها وهو يهبهاعذوبته المعهودة ..
( سافرى فىّ شموساً ووتر
لأغنيك التماسك
أبتغى منك الوصول
أمنحى القمح الخصوبة
أمنحينى نفسى دون خوف .. دون همس
وأمنحى المدن الدليل
فيا طفلة
... ظلت تفتش عن ضفيرتها،،، بين دمع ورحيل
هل يكون الموت نوعاً من تآلف
فى غيابات الخليل؟ )
فى هذا النهار ، نهار 21/6/96 أستمع إلى مصطفى وهو يدخل منطقة خوفى الميتافيزيقى ويغنى هذا السؤال: "هل يكون الموت نوعاً من تآلف........فى غيابات الخليل ؟"
ترى هل أملك المقدرة على أن أحيل كل ذلك إلى عمق التواصل الذى يجعل من الموت نوعاً من تآلف ... ذلك التآلف المجازى بين الموت وبين غيابات الخليل ؟.....
ـــ كنا نستمع ــ خطاب حسن أحمد ، بثينة محمد نصر التى خصتنا بهذا الإستماع إلى صوت خليلها الذى غاب ،، بشير لا يملك إلاّ أن يهرب من الغرفة خائفاً من دموعه .. كل ذلك كان بالإسكندرية ، حى الإبراهيمية حيث تسكن الأخت الحميمة بثينة محمد نصر زوجة مصطفى سيد أحمد ــ وولديه سامر وسيد أحمد ... بعدها غنى مصطفى قصيدة العميرى،،،،،،،،ذلك الذى تآلف مع الموت من قبل ....
" مكتوبة فى الممشى العريض... شيلة خطوتك لى البنية "
ــــ لا أستطيع أن أصف ذلك الفرح الذى تداخل مع الحزن فى وجه خطاب حسن أحمد حين إكتمل غناء مصطفى لقصيدة العميرى كاملة لأننا كنا نبحث عن تكملتها حيث إستمعنا إليها ناقصة فى عدد من الأشرطة ـــ وأخيراً وجدنا تلك القصيدة كاملة هنا فى الإسكندرية ــ بين ثنايا خطاب مسجّل من مصطفى إلى بثينة ... أعفونا من زخم المشاعر حين كنا نستمع إلى الغائب الحاضر وهو يتحدث ،،،،،،، أعفونى من أن أصف تلك المشاعر ... حقيقةً ليست لدىّ هذه القدرة .
*من مقال بعنوان عم عبد الرحيم فى الأسكندريةجريدة الخرطوم - العدد 1225 الأربعاء 26 يونيو 1996م.
Post: #31 Title: Re: تعالو نعمل share ونجمع كل الـLyrics بتاعت مصطفي سيد احمد Author: امنة عبد الكريم Date: 02-15-2008, 10:33 PM Parent: #1
نشــوة ريد قاسم ابو زيد
نشوة ريد .. إحساس إكليل وردة وصلك .. جنـّة أصلك نجم الليل الوصل جميل ****************** نحنّا مشينا الخطوة الأولى وإنتى معاى مشوارنا بيقصر بكرة بنحكى الشوق للذكرى نار الريد الغابت .. تظهر ****************** الأطفال يافاطنة بغنوا الاطفال يا بنية بغنوا الأفراح لابد من ترجع الأحلام الدونك فاتت لو واصلنا صباحا بيطلع
Post: #32 Title: Re: تعالو نعمل share ونجمع كل الـLyrics بتاعت مصطفي سيد احمد Author: امنة عبد الكريم Date: 02-18-2008, 08:15 AM Parent: #1
ســـافر قاسم ابوزيد
سافر .. مطارات الوداع ضجت قدامك .. وراك بيضا وسماك غنـّاى مساحات الأسى الفى عيونّا تتفجر مدينة وناى بطاقات دعوة الرجعة .. تساب عينين من الفرحة دموع للحاضرين فجت زغاريد غطت الدنيا وعاد .. فرح الرجوع منية صداك الريح .. ومن السنبل الغناى ************ كتير بنعاتب الحاضر ولا أسفاً على الماضى صدق الرؤية من قلبك .. بين الشوق وإنسانك نغم فنان يعيش راضى مداك إتعدى حد الشوف دخلت على الشعر .. إنسان هواك .. إتختّ جوة الجوف وإنتحر النهار .. هسـّة نغنيك لى مدن .. شاخت معاك أحلامى .. ما تنسى تغنيك القرى الراحت خلاص يا غربة .. ما ترسى غنيناك .. وبنغنى وبتحدى الزمن .. فنان ..
Post: #33 Title: Re: تعالو نعمل share ونجمع كل الـLyrics بتاعت مصطفي سيد احمد Author: امنة عبد الكريم Date: 02-19-2008, 03:11 AM Parent: #1
زمن بـــــروح قاسم ابوزيد
زمن بروح وزمن بجى لا شهرا بفوت زى شهرا بجى والصبح غوط فى ليلا بجى والليل فرح صبحا بجى والحامى تشهق للخير يجى للخير بجى
Post: #34 Title: Re: تعالو نعمل share ونجمع كل الـLyrics بتاعت مصطفي سيد احمد Author: محمد صباحى Date: 02-19-2008, 03:37 PM Parent: #33
وهج الشعــــاع زى ما بموت وهج الشعاع تمتد سحابات الغروب القاني تشرب روعتو و زى قدر المسافر لىمدن مجهولة لما تضيع خطاوى البهجة فى هم سكتو حبك صبح اطياف ظلال وأطلال خيال ما صاغت الافراح مباهج قصتو *********** برحل عشان أنساك وأسيبك ذكرى فى وجع الدروب وأمسح دموع شمس الهوى المصلوبة فى صمت الغروب وأمسح دموع قلبى التعب كان فى هواك يقدر يتوب ************ ما كان عشم قلبى الحزين مترجى من عينيك صدود كان عندو فى سفر الأمل دربا يودى عليك ويعود الليلة يا حبى اللى راح فى روعة أشراق الورود مد الغروب القاني أيدو ماتت أحلام الورود
Post: #35 Title: Re: تعالو نعمل share ونجمع كل الـLyrics بتاعت مصطفي سيد احمد Author: بابكر التوم Date: 02-19-2008, 05:14 PM Parent: #34
عم عبد الرحيم
Post: #37 Title: Re: تعالو نعمل share ونجمع كل الـLyrics بتاعت مصطفي سيد احمد Author: امنة عبد الكريم Date: 02-19-2008, 05:48 PM Parent: #35
بابكر اخوي كيفنك
نحن الليركس ما قادرين عليهو كمان تسمعنا الصوت
شكلك دايرنا نبكي عديل
تسلم يا راقي...
Post: #36 Title: Re: تعالو نعمل share ونجمع كل الـLyrics بتاعت مصطفي سيد احمد Author: امنة عبد الكريم Date: 02-19-2008, 05:43 PM Parent: #34
محمد صباحي يا رائع
Quote: ما كان عشم قلبى الحزين مترجى من عينيك صدود كان عندو فى سفر الأمل دربا يودى عليك ويعود
ابقي واصل..
Post: #38 Title: Re: تعالو نعمل share ونجمع كل الـLyrics بتاعت مصطفي سيد احمد Author: امنة عبد الكريم Date: 02-19-2008, 05:54 PM Parent: #1
الــقاكى وين ألقاكى وين... كان التعب قفـّل مسامات الضياع غناكى مزمار الزمن .. إرشيف عِشِق اصوات نغم وتر التراخى .. موشحات **************** ألقاكى وين من غبت ما شرقت شمِس والدهشة ساساق الدروب لى وين تمِش نار النضال لو تنهبِش توقِد سنون المتعبين تعقد زفاف آخر ضمير إتباع مقنّن بالقِرِش ************** ألقاكى وين قاسم ابو زيد
كان التعب ما ختّ إيدو على جبين تربال يخم رمل الشقا المليان غُلُب دقست قوافلو مع السراب ورابط جِلَيد الهم سِعِن محزوم خِشيمو من الصَبُر ختيتى فوقى الليل والليل سقانى السّمْ أنا خاطرى فى المطرة ريحة الدعاش .. والشّمْ .. ألقاكى وين
Post: #39 Title: Re: تعالو نعمل share ونجمع كل الـLyrics بتاعت مصطفي سيد احمد Author: abubakr salih Date: 02-19-2008, 09:34 PM Parent: #38
الاخت العزيزة امـــنة بت عوض الكريم
انا كتبتا لى مداخلـــــة طويلة فى البوست دا، من نوع انا قاعـــد اسميهو هترشات أواخر الليل، بس حسيت انها ما مناســـــبة لطبيعة البوست التوثيقة عشان كده سحبتها!! اذا كنتى ما قريتيها و حرّقِك الشمار و داير تعرفى انا كتبتا شنو برسلوا ليكى فى الايميل. شايفا الحنك دا كيف؟
سلام الله الواحد!
Post: #42 Title: Re: تعالو نعمل share ونجمع كل الـLyrics بتاعت مصطفي سيد احمد Author: امنة عبد الكريم Date: 02-21-2008, 08:41 AM Parent: #39
بكري كيفنك
Quote: برسلوا ليكى فى الايميل.
طبعا الشمار حرقني شديد
في الانتظار
وما تطول الغيبة..
Post: #40 Title: Re: تعالو نعمل share ونجمع كل الـLyrics بتاعت مصطفي سيد احمد Author: mahdy alamin Date: 02-20-2008, 09:49 AM Parent: #1
Post: #44 Title: Re: تعالو نعمل share ونجمع كل الـLyrics بتاعت مصطفي سيد احمد Author: امنة عبد الكريم Date: 02-21-2008, 08:54 AM Parent: #40
سلامات يا زول يا ذوق
دائما تتحفنا بالروائع
شكرا لك
استمر دوما
Post: #41 Title: Re: تعالو نعمل share ونجمع كل الـLyrics بتاعت مصطفي سيد احمد Author: M A Muhagir Date: 02-20-2008, 03:52 PM Parent: #1
صابرين محمد طه القدال
يا حزن الغنى ... صابرين .. من بعد الضنى ... صابرين .. على وعد المنى ... صابرين .. برجاك يا وعد الحبيبة .. بلقاك في الفرحة القريبة .. بشراك يا أم الثنى ... صابرين .. يا حزن الغنى ... صابرين .. من بعد الضنى ... صابرين .. على وعد المنى ... صابرين .. D D D D D لا ليل ولا حزن طايل .. لا صد ولا دمع سايل .. لا هم جاك يا أم نفايل .. النيل فاض وإنحنا .. نيلين وحزنك وحلمك أنا .. فرعين شايلين جنى ... صابرين .. ســـــــــــــلامات .. عشرات حبابك ... سلامات .. يسلم شبابك ... سلامات .. شايل سحابك ... سلامات .. القبلي شابك ... سلامات .. وهواك هنا ... صابـــــــــرين .. عاشقين ترابك ... سلامـــات .. يا حزن الغنى … صابـــــــــرين ..
====
تحياتى
محمد مهاجر
Post: #43 Title: Re: تعالو نعمل share ونجمع كل الـLyrics بتاعت مصطفي سيد احمد Author: امنة عبد الكريم Date: 02-21-2008, 08:47 AM Parent: #41
مهاجر اخوي
قمة الروعة
ودي من القصائد الكنت بفتش ليها
ودي الجميل...
Post: #45 Title: Re: تعالو نعمل share ونجمع كل الـLyrics بتاعت مصطفي سيد احمد Author: abubakr salih Date: 02-21-2008, 10:03 PM Parent: #43
اظـــنك عرفتى
اظـــنك عرفتى عواصفــــك مهبى أبارى فى خيالك يسوقــنى و يودى و نهـــرك يعدى يجهــــــل مصبى هواجســى البتزرع و ظنى البربى ******* بديتِك خواطــــــر بتصحى و تساور و طيفـــك يزاور و روحـــك تحاور تجيبنى فى زمانك موشح اســــــاور اقول بس نسيتِك و جرحــــــك يتاور ******* اظنك عرفتى عذاب المــــــغنى و طبلو المجدّاع شظايا التمـنى حروفوا البتجذع فى لـحظة تجنى خطاهوه البتهــرع بتين تطمئنِى ******* مسرّج خيالك حصانى القــــــبيل معربد غبارو و خلا الصــــــهيل مسافر... مسافر و فاقد دلـــــــيل اظنك عرفتى هموم الرحـــــــيل
اها يا امنه طال ما الشمار حارقك بتلقى ايميلى فى البروفايل ليك علي ارسل ليك الهترشة، ان شاء الله تعجبك.ما تطولى الغيبة سلام الله الواحد
Post: #46 Title: Re: تعالو نعمل share ونجمع كل الـLyrics بتاعت مصطفي سيد احمد Author: امنة عبد الكريم Date: 02-21-2008, 10:35 PM Parent: #45
ضـــــليت ضليت .. هرب منى الأمل .. جنيت جافانى الشروق .. حنيت كنتى معايا .. فى لمـّة دليب .. شاشاى فى إيقاع حشا المردوم فى جيد الزمن .. سوميت ************ مرقت .. على محطات السفر .. غربة وما لقيتك .. أمل شارد مع إنك معاى فى زحمة المشوار وحتى يقينى عاد من تانى صحـّاك من حنين ذاتى .. نجم الفرحة يا عايد ********* تعالى معاى.... من زفة نفس مسدار وما جرتق فرح .. كانت ولا طعم الشقا الروّح خطاى هانت وإنتى معانى شايلاها القوافى معزة فى عمق الفرح .. دوبيت وكت ضليت ... قعدتّ براى .. وحسيتك بتطلعى من نفس طورية ضامـّة الطين ومن دمعة وجع طوّل ندا العرق البنادى .. حنين
Post: #47 Title: Re: تعالو نعمل share ونجمع كل الـLyrics بتاعت مصطفي سيد احمد Author: محمد المعتز Date: 02-21-2008, 10:48 PM Parent: #46
الدنيا عمرابك تظل وان كان رحيلك فرتقا ـــــــــــــــــــــــــــــــ الرائعون في بلادي يبدعون دوما ويفتحون لنا افاق جديدة ...لك التحية امنة علي البوست...الحقيقة دي فكرة مدهشة كنت منذ فترة بدات بفرز و بنسخ اغاني مصطفي في اسطوانات العود والاوركسترا كل علي حدة.. فانا مستعد ..والي الامام... ـــــــــــــــــــــــــــــــــــــــــــــ ياكنا نبيعيك يانسرق اخترنا النار الضلها يحرق... ــــــــــــــــــــــــــــــــــ
كل التحايا امنة
Post: #48 Title: Re: تعالو نعمل share ونجمع كل الـLyrics بتاعت مصطفي سيد احمد Author: امنة عبد الكريم Date: 02-22-2008, 07:51 AM Parent: #47
محمد المعتز كيفنك
Quote: فانا مستعد ..والي الامام...
نعتبر ده وعد بانتاج غزير
Quote: ياكنا نبيعيك يانسرق اخترنا النار الضلها يحرق...
الكلام ده باقيهو عندك
لك الود وفي انتظارك..
Post: #49 Title: Re: تعالو نعمل share ونجمع كل الـLyrics بتاعت مصطفي سيد احمد Author: ابو طويلة Date: 02-22-2008, 09:17 AM Parent: #1
عندنا في البلد الاسمها امنة بيقولو ليها امـــونة والاستاذ هاشم صديق قال ( امـــونة يــا خـرطوم)
لكي مني كل التحايا العطرة لشخص انسان ندي كشخصك بهذا المنبر فعلتي في دواخلنا شجن وشجن ( وشيدتي في جواي صوامع للفرح وفتحتي في جواي مسارح للمرح ... الرجاء التصويب اذا اخطات)
وتحية خاصة لاسرة ومحبي الاستاذ مصطفى سيد احمد طيب الله سراه ...
ودمتم
جالوصلعاطف خيري
معتوهة .. معتقة .. ومنعتقة
نوافير إنتشاء .. وحشمة وحمار العين تنقـِّى من القبور السكلبة ومن بيت بكاك .. زيف المعزين تضحك كل ما وقعت مصيبة تمشى على العجين وتلخبطو ترطن إذا جاها الحنين
يا بت بيوت الهجعة كيف وغبار شوارعك ماشى وين زقاق يفتش فى زقاق كتمة وضلمة .. وإنعتاق أنا فيكى لامونى المساجين
سكاتك منازل حلال الحرام سكاتك على حين أهش الحمام سكاتك عليك لما تصحى المسام وسكاتك عليهم .. سكوت والسلام
صوتك وكت قطع البحر قُبـّال مراكب العمدة .. ضهر النيل عـِرِق والشمس فوق حبل الغيوم شرت جلاليب النعاس ناشف غرب .. مبلول شرق والمطرة زى شِفّع العيد .. تدخل غرف كل البيوت حكمة الجوع الشرح للأرضة كيف تقرا المِرِق وقبال يقع فوقك سقف .. يتنحنح الجالوص أمرق على مهلك .. مروق الحنة من ضُفر العروس وأصعد على مهلك .. صعود البذرة والروح .. والشموس
مبنية مدن الخوف .. من طينة آخر الليل وأنا فى سقالة الشوف .. قدح البصيرة تقيل فاتح زريبة الجوف تمرق تخش الخيل على كيفا .. كيف معلوف ..ضهر المظنة يشيل وأنا ظنى ظنيتو .. لا النيل غريق فى النيل والليل ولا فى بالو ليل
ساكت يغنوا على القمر واجعنى فى البحر السكات وسكتنى فى الوجع البحر يا بِت صباح الطير .. وين البلد ركّت؟ ما عاد هواك يفتح فى الكتمة شباك النزيف ريف الجسد ــ صدرك ــ سبلوقة اللبن الحريف داسينى فيكى نَدُر .. والأنبياء فاتوا وأنبياء بين بين .. قاعدين فى ضل النار داسينى فيكى نَدُر وفى غفلة جوا الكفار .. وطارت حمامة الغار لاقونى ناشف .. ومـُر ماذنب جلد الطار .. لو غنوا بيهو شـُتـُر ما تخافى الله معاك .. وكل الملايكة .. سـُمـُر
Post: #53 Title: Re: تعالو نعمل share ونجمع كل الـLyrics بتاعت مصطفي سيد احمد Author: امنة عبد الكريم Date: 02-22-2008, 12:27 PM Parent: #49
Quote: عندنا في البلد الاسمها امنة بيقولو ليها امـــونة والاستاذ هاشم صديق قال ( امـــونة يــا خـرطوم)
ابو طويلة يارائع
كيفنك
كل البنات امونة ياخرطوم
Quote: وشيدتي في جواي صوامع للفرح وفتحتي في جواي مسارح للمرح
لا قدرت اطولك شان اجيك لاقدرت من غيرك اكون
والله دي ود العمدة بالغ فيها عديل
وانا بيك ماليني الكلام
في انتظار عودتك يا زول يا رائع..
Post: #50 Title: Re: تعالو نعمل share ونجمع كل الـLyrics بتاعت مصطفي سيد احمد Author: ابو طويلة Date: 02-22-2008, 09:23 AM Parent: #1
صلاح حاج سعيد
قلت ليها وإيدى فى أيديها دمعة حزن سالت .. جاى منك ... وماشى ليك يا مداين غربة طالت لو مدارات نجمي ضلت .. وسكة السفر استحالت .. كوني فى دربي الحقيقة الديمة ليها مشاعري مالت.. قلت ليها .. وكنت راجع لي عينيها من أسى الزمن المسافر فى المشاوير .. العصيبة من متاهات الأماني فى مدار الحسن ضماها وحبيبه .. بيني لا بينك مزار .. لا محطات إنتظار .. لا مواعيدك قريبة إنتى يا الفرح .. الحقيقة المستحيل .. هدهدي الصبر الجميل وامسحي الألم المخيم .. فى المدارات الرحيبة قلت ليها الحقيقة الضايعة بين .. قلبي وعيونك أنى لا قادر أفوتك لا أجيك وأنى ما عارف بدونك .. أبقى كلمة حب تزف البشرى فى ساعة مجيك وأنتي عارفة .. وقلت ليك يانى أكثر زول بريدك ... يانى صفوة عاشقيك .. يانى راكز الخيل عليك ولسه بى حبك متيم ومبتلى ألا ريدك زادني حيرة .. على العلي لا مراكب البشرى ختن.. قلبي عندك وأنتي لاقلبك نساني ولاخليل
Post: #51 Title: Re: تعالو نعمل share ونجمع كل الـLyrics بتاعت مصطفي سيد احمد Author: ابو طويلة Date: 02-22-2008, 09:34 AM Parent: #1
طـــــــــــــــــــــــــــــــيبــــــــــــــــــــــــــــــــــــــــــــــــــــة محمد الحسن سالم حميد كل ما تباعد بيننا عوارض .. كل ما هواك يا طيبة مكني تلد الغربة القرب الواحد .. بيك أسمي الشوق وأكنّي لما أفوتك من دون خاطر .. أو دون خاطر مني تفوتي بلقى حبايب في كل حتة .. وكل بيوت الفقراء بيوتي لا غيرت وراك الجتة .. لا بدلـت ملامح صوتى لا غافلنى وهادن فنى .. رمل المدن الما عرفتنى تبن الشوق الصبرو مصوبر .. للارياف الكم وفتنى وللاطفال الناشفة ضلوعها .. ونازفة بغنى أطّمن روعها واهدّى دموعها .. ببسمة بكرة الماها تمنى ولا مصنوعة أغنى لشعبى ومين يمنعنى .. أغنى لقلبى إذا لوعنى مخير دربى اللي ما رجعنى .. إذا طلعنى نخلة القر ولا الغربة الكد رومية .. تنزل غنوتى بقمرية أو وقعنى في بطن الجب .. يطلع يوسف بألاغنية أغنى الناس الما بتسمعنى .. المنى بعيده المبعد عنى النادى نشيدها وكنت المعنى .. الأيدى في إيدها.. وإيدها بتبنى في دنيا جديده اليوم راح تبنى .. واريت غنواتى في ناس شغالة .. تكون سندالة وعود طورية .. ضراع رجالة .. كتاب أطفالها .. وجملة فالها الما مكرية سدة مالها وبقة فالها .. في ليلة الدخلة على أسمى قضية حبيبة قلبى يا سودانية .. يا أسمى معاني في زول بيعاني يا ود ضكران يا بت دغرية .. وأنا إن سامعانى فضلت أغانى غبش فقرية وروح ماليانى .. هويتك منك يا دافعانى ..براحة يدي كما الأشواق ويا جابدانى برفق على وما بتحير بين الفوق .. وبين الناس التحتانية إلا مغير ولا عقوق .. ولا كفيف الإنسانية .. ومنك وين يا كاشفة عيني .. بنور الإلفة ضي الحنية وحلم العالم ناس تتسالم .. والبني آدم صافي النية للاطفال الناشفة ضلوعها .. بطمن روعها وتبدا تغنى غناوى البكرة الكم مسموعة .. حسيس طنبارة مع نقارة صفقة حارة ودارة تغنى .. فيا حلتنا عليك ترابك وأنت شبابك زينة الجنه .. أحلى عروس البلد إلتنا ولا الغبش الرابة تهني .. ولاهدير المدن التصحا وتمحى ظلام الحاصل عنى
بقول غنوات .. واقول غنوات في البلد البسير جنياتها لي قدام .. بقول غنوات وفى الولد البتل ضرعاتو في العرضة ويطير في الدارة صقرية .. ولو السمحة تلت إيد ومدت جيد يقوم شايلاه هاشمية يشيل شبالو وختفة ريد وفرحة عيد .. وريدة روح وحمرة عين وإيدية بقول غنوات .. بقول غنوات وفى الولد البشيل مدقاقو قولة خير على القمرة يقابل الجاية متحزم ويدارك الجاية متلزم كلام فاسك على أرضك يبقى عديلة يا بيضا ويبقى زفاف تزغرد ليه قمرية و قبال حول تغيم غيمة قبلية ترش الدارة والحدبة الصعيد الحلة يا فرحه بتطارد الصفقة في النسمة الصعيدية وياجهرة نهار الليلة بدرية رحيح جنياتنا في الحدبة الصعيد الحلة يا قمحاتنا هو لبلب ... يا سمحاتنا هو لبلب و يا اللوز الفتق في الوادي هو لبلب ويا البحر الطمح مدادى هو لبلب .. ويا حجواتنا يا دعواتنا هو لبلب سألتك بالذي ركز الأرض معبد وسوى الناس عليها مقام سألتك بي حجا الأمات ودعواتنا .. سألتك بي كبيداتن و دمعاتنا شليل وين راح .. يكون ضل الخريف فاتنا وشليل وين راح وزي برق السماك الجابها دغشية وزي زغرودة البطن الكبارية مرق من شامة القمرة مهيقت بي وداعة الله ومقدم بالعديل يبرا تعالوا ابشروا ياجنيات شليل ما راح .. شليل ما فات شليل عند المسورو حرق بقالو حصاد شليل فوق التقانت قام خدار وبلاد شليل مشوار.. شليل مسدار شليلنا أرضنا يا جنيات شليل قائم نصاصي الليل يتمتم ليلو وردية حرازنا شليل .. شليلنا دليب شليلنا دليل على البلدات بعد درب التبلدية شليل ما راح .. شليل ما فات مزارع بات على عشقين تراب بلدو وسماح فوق بت مزارعية
Post: #52 Title: Re: تعالو نعمل share ونجمع كل الـLyrics بتاعت مصطفي سيد احمد Author: ابو طويلة Date: 02-22-2008, 09:38 AM Parent: #1
لنا عودة انشاء الله
Post: #54 Title: Re: تعالو نعمل share ونجمع كل الـLyrics بتاعت مصطفي سيد احمد Author: ابو طويلة Date: 02-22-2008, 02:21 PM Parent: #1
عينيك مـــدن صلاح حاج سعيد عينيك مدن منسية فى كتب التواريخ والزمن
عينيك وطن مشدود على وتر التباريح والشجن
ممدود على حروف الكتابة
مكدود عنا ومكتول صبابة
وفيه حط النيل سكن
عينيك سفر مكتوب اعيش فى غربتو
واعشق عذابو وحرقتو وليلو الطويل
واتخيلك يا حلوة زى نسمة سحر
جيتى ومعاك حلمى المطول
منتظر وعدو الجميل
عشقك زمان جواى رحل
وإتناه فى الأعماق أمل
ضمَّخ رؤاى إحساس نبيل
اذهل طيوف خاطرى القبيل
جاشت ملامح روعتو
ضج السكون فى وحشتو
والكان أمل فى عيونى لاح
ذوب مدارات فرحة الوهج النضير
والمزدهر بالإرتياح
فجأة انحصد قبضة رياح
وسكت الكلام يا حلوة فى القول المباح
وغاب الصباح بعدك رحل
والكان أمل فى غيم سماك
ايقنت إنو عدم بلاك
وإنك قدر
وإنو البيحلم بى علاك
بختار ظروف أحلاها مر
عينيك لو تصدق معاى الأمنية
عينيك لو أعرف ختام الاغنيه
بدء الكلام والمنتهى
والمستطاب والمشتهى
كل المباهج فى المواويل والغنى
والعاشقين قلبى وأنا
هزتنا فى عينيك تصاوير المنى
يا امنيات من كم سنة
يا اغنيات كل الأماسى المستحيلة وممكنة
يا المستحيل عينيك تهون
والمستحيل قلبِك يخون
ما الغدر ما طبع الوفا
والصدق ما شرط إنتفى
وانا حالى من بعدك كفى
وأنا حالى فى بعدك
كفاهو المغنى والحب والشجن
والوحشة والشوق للوطن
ما العمر قبلك ضاع سدىً
والعمر بعدك ايه يكون..........
Post: #55 Title: Re: تعالو نعمل share ونجمع كل الـLyrics بتاعت مصطفي سيد احمد Author: ابو طويلة Date: 02-22-2008, 02:53 PM Parent: #1
سحابات الهموم .. ياليل بكن بين السكات والقول وباقات النجوم الجّن .. يعزن فى المطر فاتن عزاك .. رجعن وشوق رؤياك دوام مشدود على أكتاف خيول... هجعن وصوت ذكراك .. مكان يجرى يلاقى السيل ... وسر مدفون بصدر النيل ********** ولولا الذكرى مافى أسف ولا كان التجنى ... وقف ********** وصوت ذكراك رزاز صفق على خطوات بنات .. سجعن وصوت ذكراك .. حنين لى غيبة فى المجهول ولولا الذكرى مافى ..وصول ولولا الذكرى مافى .. إصول ولولا الذكرى مافى شجن ******** سحابات الهموم ياليل .. بكن
********************************************************************************************** هردت لهاتى محمد الحسن سالم حميد
سني على النضال .. أيدي سوكي بالهتاف فمي شوارعك لي دويها على .. إذا ما آخر العلاج الكي مراويدك حمر يا أمي .. هردت لهاتى بالغنوات وقت يبرد حشاك يا أمي .. من التعب البلا صالح تفوقى تروقي تنجمي تسوى مكانسك المطره تضوي البيت وتنجمي .. تمرقي صبوحة للجيران قدح فوق ايد وفى ايد المى يلاقوك شفع الكتاب نضاف وظراف بلا النسمى يغنولك غناوى الساب وفى بيوضة مافى سراب .. جبال كجبى وفيافى الكاب تفيض بالخضرة منقسمه .. فيافي الصى وبيوضة .. البراسيم فيها مطلوقة.. خضارها يرارى شوف عينى على الأبواب طواريها .. وحواريها .. وقماريها.. بقت روضة .. بقت تشرب من الحامداب .. تشوفوا رهاب بعد نجمي .. اشوفو قريب .. قرب نضمى واشوف العالم التحتاني .. هيلا هوب وقف ناهض وهد عمايد الفوقاني .. جوه الجب رمى العارض وفى السابو الدمار افراد .. عريق الحب نبض قابض متل قبض الحروف اسمى .. غناوينا القبيل رقراق علينا تصب برد قارص .. وادوبى لهاتى بالغنوات عقب يبرد حشاك يا امى .. وطنى ولا ملى بطنى سكاتى ولا الكلام الني .. بليلتي ولاضبايح صي قليلتي ولا كتر سمي .. سلام يا امي سلام يا امي سلام لا هكمي لا دكمي .. سلام يا امي سلام يا امي
********************************************************************************************* المسافة صلاح حاج سعيد لسـّة بيناتنا المسافة .. والعيون .. واللهفة والخوف .. والسكوت ورنة الحزن البخافا تعدّى بى الفرحة ... وتفوت وأمشى بى الحسرة .. وأموت ********* الأمانى الفى سفر قبل الزمن .. كايسة الموانى يوم تجيبنى عليك .. بصدّق إنو مرة الحظ طرانى وإحتوانى معاك شجن .. عذبنى قبلك ولسـّة منك .. جايى تانى تمشى وين الخطوة عنك ما الزمن بى الحب بلاكا .. وإبتلانى ************ لى عيونك يا مداين الفرحة والحب .. والجسارة عندى ليك مليون بشارة وألف خير ... والكلمة شارة وإنتى لمـّا الحب يهـوّم بى عيونى وفى عيونك بى قى حائر .. بالأمارة الفرح منك .. يجينى يعترينى الخوف عليك خطوة منك .. خطوة ليك راجى منك بس إشارة وكلمة تدينى البشارة ولاّ بيناتنا المسافة ؟
أبداكى من وين .. وفينى منك لسة حاجات من مخاوف ومن شجن أبداكى من وين .. وظنى إنك فكرة إعلان الحياة الحياة وإنتهاءات العوارض والمحن نفسى ألقاكى وأكون أنا كلى من بعضك أو .. بعضى من كلك بدن وداير أبقاكى وأوحد دورة الدم المقسمة بينى .. بينك .. والسحن .......... أبداكى منى .. ولاّ منِّك أبتديكى محل .. محل من ياتو منفذ أدخلك وكل المنافذ فيكى سدّاها النحل من ياتو شارع أوصلك وكل الدروب معطونة لى آخر الوحل .. أستبيح كل الحواجز .. وأدخلك من كلامك بدخلك من بين مسامك بدخلك من أى قاسم مشترك وشبهة تشابه .. ادخلك ونتلاقى نهرين من تسامى .. وإشتها وأبداكى من حيث أنتهت عندك خواتم الإنتها أبداكى .. وأخلع خيام عمرى المضى وألقاكى مبسوطة اليدين مفتوحة أبواب الرضا أبداكى من لحظة أنستِكْ نار وأخدت من قبسك .. هُدى وأنا ضُمـّة زاهد فى الدروب الما بتجيك .. ولا بترجِّع ليا من تالاك صدى أبداكى من وين
Post: #56 Title: Re: تعالو نعمل share ونجمع كل الـLyrics بتاعت مصطفي سيد احمد Author: ابو طويلة Date: 02-22-2008, 03:02 PM Parent: #1
نبذة عن الاستاذ مصطفى سيد احمد
مايرضى غير الريح تجادلو وتقنعو
مصطفى سيد أحمد المقبول مختار عمر الأمين سلفاب. من قرية ود سلفاب ـ الجزيرة ـ عام 1953 م. قدم جده الأمين سلفاب من شمال السودان ، منطقة الشايقية وأستقر جنوب غرب الحصاحيصا على بعد 7 كيلومتر منها ، وغرب أربجى بحوالي 13 كيلومتر " أربجى القديمة " والتي تقع آثارها على النيل مباشرة ، ثم تأسست أربجى الحديثة بحيث تكون القديمة بينها وبين النيل ، وكان قدوم الأمين ود سلفاب للمنطقة حوالي عام 1700 م. وأستقر في مكان قرية ود سلفاب الحالية والتي كانت أصلاً قرية للدينكا ، أبادهم وباء الجدرى وما زالت هياكلهم العظمية ترقد تحت تراب القرية ، إلاّ إذا أخرجها حفر المطامير أو أساسات المبانى العميقة المعاصرة فتخرج مع حفنات من السكسك والخرز . عمل سكان ود سلفاب بالزراعة المطرية لبعدهم عن النيل ولوفرة الأمطار وكان ذلك قبل مشروع الجزيرة ، وبعد قيام المشروع توفر الرى الصناعى والموروث من المعرفة بالزراعة القادمة معهم من شمال السودان لذلك كان والده فلاحاً بالفطرة ، إحتقنت دماؤه بعاطفة الأرض والزراعة فكان محصلة لها بمصطلحاتها النوبية القديمة فيعتقد فى إرتباط الحياة فى الأرض بالنجوم وحركاتها وبالرغم من أنه كان يتمرد كثيراً على التعاليم الرسمية والجدولة الزمنية التى كان مفتشو الغيط يطلبون تطبيقها ، إلاّ أنه كان دائماً وقت الحصاد يكون من أوفر الناس إنتاجاً .. ولكن كان إعتقاده دائماً أن ذلك يتم فى إطار قاموس الطبيعة .. وتكملة لهذا القاموس وإلتزاماً به كليةً كان ينفق فائض الإنتاج على المحتاجين حتى لا يتبقى منه ما يقابل إنتاج العام الجديد .. لم يتخرج فى كلية غردون التذكارية بل كان أمياً ولكنه علمنا ما ما لا نجده فى دور العلم . ويقول مصطفى : بل أحمل فى داخلى منه الزاد الذى لا ينفذ فى كل مراحل عمرى .. ويقول : لدى سبع شقيقات وأخ شقيق واحد توفى فى عام 1970 م ، وكان عمره سبعة وعشرين عاماً وكان يكتب الشعر ويغنى وتنبأ منذ وقت مبكر بأنى سأكتب الشعر أيضاً وأغنى أفضل مما كان يغنى .. وكان صوته جميلاً .. وفى حوالى عام 1965 وفى مناسبة زواج أحد أبناء القرية من فتاة فى قرية " العيكورة " وفى الحفل الذى أقيم فى هذا الزواج سمعت مغنياً من القرية شارك فى الحفل يشدو بأغنية شعبية ميزت منها فى ذلك الوقت " الفريق أصبح خلا .. جانى الخبر جانى البلا .." وملامح اللحن كانت مشحونة بالعاطفة .. وفى لحظة صفا ذكرت لشقيقى المقبول ملامح اللحن والمعانى التى تدور حولها القصيدة وأخبرته أن هناك إحساساً قوياً يهزنى فى هذا اللحن وهذه المعانى وقد وافق ذلك فيه ظرفاً نفسياً خاصاً فكتب نص أغنية " السمحة قالو مرحّلة ". أثبت هذه المعلومة إحقاقاً للحق وتوضيحاً للغموض الذى قد يحسه من لهم صلة بالأغنية القديمة عندما فاجأتهم الأغنية الجديدة .. كانت أول كتاباتى بعد أن توفى شقيقى " المقبول " وأول قصيدة مكتملة كانت فى رثائه . درس الأولية والمتوسطة " المدارس الصناعية " وكان مبرزاً حيث جاء ثانى السودان على مستوى الشهادة الفنية ... لم يواصل فى المدارس الفنية حيث إلتحق بمدرسة " بورتسودان الثانوية " ومنها لمعهد إعداد المعلمين بأم درمان ، حيث تخرج فيه وأصبح مدرساً بالمدارس الثانوية العامة . إلى جانب ما أشتهر عنه من ممارسته لهواية الغناء ، أيام دراسته بمدينة بورتسودان ، كان موهوباً فى مجال الرسم وفنون التشكيل ...عندما لم يسمح له أثناء عمله بالتدريس بالإلتحاق بمعهد الموسيقى والمسرح قدم إستقالته وعمل فترة مصمماً للأقمشة بمصنع النسيج ببحرى . إلتحق بمعهد الموسيقى والمسرح وأكمل خمس سنوات بقسم الموسيقى " قسم الصوت " إلاّ أنه لم ينتظر حتى ينال شهادته الأكاديمية . متزوج وله طفلان " سامر وسيد أحمد " له من الأخوات سبع وشقيق توفى عام 1970 م " المقبول " وهو شاعر غنى له مصطفى . عانى من المرض كثيراً فقد لازمه الفشل الكلوى مدة طويلة " 15 عاماً" أجرى خلالها عملية زراعة كلى بروسيا أواخر الثمانينات إلاّ أنه تعرض لإنتكاسة جديدة بداية عام 1993 بالقاهرة وإنتقل منها للعلاج بالدوحة حيث ظل هناك يباشر عملية الغسيل الكلوى ثلاث مرات فى الإسبوع إلى أن توفاه الله مساء الأربعاء 17 يناير 1996م
Post: #57 Title: Re: تعالو نعمل share ونجمع كل الـLyrics بتاعت مصطفي سيد احمد Author: امنة عبد الكريم Date: 02-22-2008, 05:21 PM Parent: #56
لك الود يا من تنشر علينا هذه الدرر
***** ابوطويلة اخوي
نحن مطرك دي آآبنحملها
نحن ناس شكشاكة ساكت
الكلام ده بعدين بحمينا النوم
بشويش علينا ******
لك الود يازول يا رائع
Post: #58 Title: Re: تعالو نعمل share ونجمع كل الـLyrics بتاعت مصطفي سيد احمد Author: عامر تيتاوى Date: 02-22-2008, 11:36 PM Parent: #57
Post: #59 Title: Re: تعالو نعمل share ونجمع كل الـLyrics بتاعت مصطفي سيد احمد Author: امنة عبد الكريم Date: 02-23-2008, 00:27 AM Parent: #58
عامر تيتاوي ياود الامتداد يا رائع
تسلم ...وانشاء الله يوم شكرك مايجي
Post: #60 Title: Re: تعالو نعمل share ونجمع كل الـLyrics بتاعت مصطفي سيد احمد Author: بابكر التوم Date: 02-23-2008, 01:09 AM Parent: #59
امنة الحفلة انشاء الله كانت ب عاطف انيس لانو الايام دى فى السودان
Post: #61 Title: Re: تعالو نعمل share ونجمع كل الـLyrics بتاعت مصطفي سيد احمد Author: امنة عبد الكريم Date: 02-23-2008, 01:38 AM Parent: #60
Quote: امنة الحفلة انشاء الله كانت ب عاطف انيس لانو الايام دى فى السودان
لكن يا بابكر ما بسالك الجاب ونسة الحفلة دي بيجاي شنو كان الشمار حارقك تعال بي غادي بوريك كانت بي منو كان مشيت بي هناك اعمل حركة بي حركتين عشان اجيك
شديد اخوي..
Post: #62 Title: Re: تعالو نعمل share ونجمع كل الـLyrics بتاعت مصطفي سيد احمد Author: بابكر التوم Date: 02-23-2008, 09:53 AM Parent: #61
Quote: كان الشمار حارقك تعال بي غادي بوريك كانت بي منو كان مشيت بي هناك اعمل حركة بي حركتين عشان اجيك
فى بوست الوصف داك ما كلنا من الامتداد وبنعرف بيوت بعض بس ركن جحا دا عرفنا لكن بتكم دا يعنى . امكن طولنا شوية غايتوا خليها على البركة ووين فى بوست الاهلية القديم والجديد
Post: #63 Title: Re: تعالو نعمل share ونجمع كل الـLyrics بتاعت مصطفي سيد احمد Author: امنة عبد الكريم Date: 02-23-2008, 11:13 AM Parent: #62
ما بعرفو كيفن بي سببو مرة اخدنالنا زنقة كدي من الجماعة في مسرح جامعة النيلين
Quote: فى بوست الوصف داك ما كلنا من الامتداد وبنعرف بيوت بعض بس ركن جحا دا عرفنا لكن بتكم دا يعنى . امكن طولنا شوية
انت اصل ركن جحا تاني مافي مشاكل اقرب زول بوصلك في انتظارك
Quote: ووين فى بوست الاهلية القديم وا
بالنسبة للقديم قلنا نجمدوا عشان ما مجهود الجماعة يتشتت بعدين الجديد ماشة عليهو وقلنا نخلي ناس مصطفي سري يفتوا الجماعة بعدين نجي نشوف الحاصل...خليك قريب
لك الود الاكيد...
Post: #64 Title: Re: تعالو نعمل share ونجمع كل الـLyrics بتاعت مصطفي سيد احمد Author: امنة عبد الكريم Date: 02-24-2008, 08:59 AM Parent: #1
كونى النجمة قولى الكلمة لصمت الليل وطولى النجمة وامشى معانا درب طويل وكونى النجمة وادى الفرح امتد مساحة نادى الامل الجوة عيونة شوق الشوق اتجدد تانى باقى احلامنا جدار من كونة نار الالفة البينا سنين صحت فينا احلام يوم باكر غيم الامل الشارد يوصل وانت معانا فى عمق الخاطر ايد مبسوطة تقابل الحنة نغم الليل السال شبال نخلة تغازل فى عيون طفلة طفلة وحفلة ورقصة فال
Post: #65 Title: Re: تعالو نعمل share ونجمع كل الـLyrics بتاعت مصطفي سيد احمد Author: mohanad haimoura Date: 02-24-2008, 12:32 PM Parent: #64
سافر مطارات الوداع قاسم ابو زيد
سافر .. مطارات الوداع ضجت قدامك .. وراك بيضا وسماك غنـّاى مساحات الأسى الفى عيونّا تتفجر مدينة وناى بطاقات دعوة الرجعة .. تساب عينين من الفرحة دموع للحاضرين فجت زغاريد غطت الدنيا وعاد .. فرح الرجوع منية صداك الريح .. ومن السنبل الغناى ************ كتير بنعاتب الحاضر ولا أسفاً على الماضى صدق الرؤية من قلبك .. بين الشوق وإنسانك نغم فنان يعيش راضى مداك إتعدى حد الشوف دخلت على الشعر .. إنسان هواك .. إتختّ جوة الجوف وإنتحر النهار .. هسـّة نغنيك لى مدن .. شاخت معاك أحلامى .. ما تنسى تغنيك القرى الراحت خلاص يا غربة .. ما ترسى غنيناك .. وبنغنى وبتحدى الزمن .. فنان ..
كل الود مهند حيمورة
Post: #66 Title: Re: تعالو نعمل share ونجمع كل الـLyrics بتاعت مصطفي سيد احمد Author: امنة عبد الكريم Date: 02-24-2008, 04:28 PM Parent: #65
مهند كيفنك
رغم تكرار النص الا انني احيي جهدك في المشاركة..
لك الود..
وفي انتظار الجديد...
Post: #67 Title: Re: تعالو نعمل share ونجمع كل الـLyrics بتاعت مصطفي سيد احمد Author: امنة عبد الكريم Date: 02-25-2008, 12:03 PM Parent: #1
علمينى الاحتمال علمينى الإحتمال وكيف أجاوب عن هواك لما يغلبنى السؤال لما يتأرجح منانا بين مظنة وإحتمال ما بحسِّـك دونك .. إنتى ما الحقايق .. ما الظلال والحرِف بِعرِفْ مداهو حتى لو جفّ الخيال **************** علمينى الإحتمال ونحنا كيف نقدر نقاوم فى بلد ملّ الحِوار صرخة بتموت فى المزارع وزيف مشتّت فى الشوارع بين مداينّـا الكُتار علمينى الإحتمال ونحن كيف نقدر نقاوم هجمة الزمن التتار وكيف نحصِّل ومضة الأمل البيشرِد كل مرة وفى إنتظارى إنتى والشوق فى المجرّة برق خفّق من خدودك ورعد يفتح لىحروفك وغيث يخدر فى سهولك ************** علمينى الأحتمال ونحن كيف نقدر نجمّع لى ملامح الليل بنوصل من مدار علمينى الإحتمال وكيف قواى تقدر تقاوم فى بلد ملّيت صِفوفة ولاّ أمشى على المزالِق فى بلد نقرت دِفوفة ولاّ أشيلِك وإحتِمالِك إمّا أدّيك فى إحتمالى يا أشيل منِّك ظروفك ولاّ أرجّع ليك حروفِك غنية تمرُق من جروفك برجا هجعة ليل طيوفك *********** علمينى الإحتمال ولاّ نتعاهد نواصِل .. فى الدروب القاسية .. نمشى وفرحة الأطفال نشوفة ومضة تمحوها الظلال ولا نتعاهد نواصل ونظرة تغنيك عن سؤال فى خيالك .. وغيم ظلالك بين ظلالك واحتمالى لمّا يتجاوب سؤالك ترفع الأحزان ظروفة وتنقر الأفراح دفوفة لمّا نتقابل نحقّق فى وجودى .. وفى وجودِك أحلى شوفة
Post: #81 Title: Re: تعالو نعمل share ونجمع كل الـLyrics بتاعت مصطفي سيد احمد Author: محمد المعتز Date: 02-25-2008, 10:48 PM Parent: #67
ادفــقى إدفقى ما تبقى رقراق أبقى يا ضُل .. يا شموس غطى المساحات بالوضوح إستنهضى الشوق .. الجروس وهجك شوارع ذاتى فى ليل اليباب ما تشفقى العطش .. الرحيل النيل ركيزة ودمعة الأحباب سِحاب ما تخافى من دم الغروب لو رتّش الّلوحة الضباب مادام ضمير الفينا .. حى مادام عِريق العِشق .. حى ملحوقة يا مدن السراب نديانة بى فرح التساب ***************** أدفقى فيضان عمار أتربعى .. وفجّى الوجع دمع الألم .. ما يدفّقك ما خاب غناك فارسك رجع إتوهجى وإنتى الشمس إتلهجى نورك سطع نوّر بوادينا الكساح رقصت مزامير الصباح مبكية قرية وقنبلة متكية دمعة .. وسنبلة الليلة فى إيدنا السلاح ريشة وكدنكة .. ومطرقة نبنيكى أحسن يا ظروف مخضرة .. دانية القطوف نطوى المسافات .. نسبقا **************** أدّفقى بلدك فِداك إتوهطى ورّى البنيات العديل *********** محمية بى عرق الترابلة ونغمتك مسقية بى الريد العتيق أنغام رباباتك تشيل معزوفة الليل .. والرفيق ما تصغرى تكبر أمانى السنبلة هَىْ أكبرى تصغر معانى القنبلة ما ترجعى الصد لى المداين .. والقرى شيلى الشحوب والإصفرار أدى البويتات منظرا إدفقى فى كل شارع .. وكل بيت فى روابينا المحنّة وفى ضمايرنا السهول إدفقى فى كل حتة .. وكل زول أبقى .. شان تحيا الفصول
Post: #82 Title: Re: تعالو نعمل share ونجمع كل الـLyrics بتاعت مصطفي سيد احمد Author: محمد المعتز Date: 02-25-2008, 10:55 PM Parent: #81
الدنيا ليـل غـربة ومـطر *************************** الدنيا ليل غربة ومطر ..
وطرب حزين..
وجع تقاسيم الوتر
شرب الزمن فرح السنين ..
والباقى هداهو السهر
يا روح غناى ..
الغربة ملت من شقاى وغربتى وبقيت براى .. حاضن أساى
الوحشة ملت من أساى .. ووحدتى
لاغنوة لا موال يبدد حسرتى ..
غير الدموع يا ملهمة..
الغربة مرة و مؤلمة
الغربة مرة ومظلمة
*******
قولى للنيل ضفة .. ضفة
و العشيات لما تصفى..
والنسيمات البتاخد
من عفاف ريدتنا عفة
إنو شوقى يفيض بحر
شوقى شوق إنسان معذب
ضيعو الليلو السفر
لا ينابيع ريدى جفت
لا ولا أشواقى خفت
كل يوم فى غربة زايدة
و بيها كل الدنيا عرفت
Post: #71 Title: Re: تعالو نعمل share ونجمع كل الـLyrics بتاعت مصطفي سيد احمد Author: ابو طويلة Date: 02-25-2008, 04:10 PM Parent: #1
عشرة مقاطع للحيـاة محجوب شريف **********
( 1 )
غطى الجبال الليل لكن هدير السيل لكن صهيل الخيل نار الغضب والجوع تحت الجبل مسموع يضووا عز الليل
( 2 )
والموج شديد الظلام غطى الشهيد الهمام لكن دماهو بتقيد لكن طريقو المجيد ابداً شديد الزحام رايات ترفرف غمام ينزل رزاز النشيد والنجمة تلمع هناك رغم المكان البعيد
( 3 )
والنهر عبر السنين يزحف بعنف وبلين في الليل بيلمع يبين فارس بسيفو السنين يحمينا حضنو الامين نطلع بكتفوا الشمال ننزل بكتفوا اليمين لكنو مين يقدر يقول أنا سيدو مين
( 4 )
في منحنى الدرب الطويل الحبة تفلت من جراب عابر سبيل مسكين هزيل عطشان يموت في السكة ما يتم الرحيل تكبر تشيل تلبس جميل تصبح مقيل عابر سبيل
( 5 )
عصفورة من أخر بلاد في رحلة لي أخر بلاد تعرف مواعيد الحصاد وكل دورات الفصول وأنضر ايام الحقول وتعادي أسراب الجراد وتنادي لوكركب زناد صياد على العش والولاد
( 6 )
أنسانة ابسط ما يقال لو صاح اعز من النساوين الرجال أنثى ولا دستة رجال تمشي وما بتطأطي ما بين بير وشاطي تطلع عالي واطي نهارها مع السواقي وليلها مع الطواقي وعمرها للجهال
( 7 )
والنملة في الصف العجيب وعلى انفراد نفس النشاط والأنضباط نفس الحماس تسعى وتجيب ولا من رقيب ولا حتي في الأمر التباس ولا في اختلاس أحسن كتير من بعض ناس ولا في اختلاس وهيلا .. وهيلا هيلا .. هيلا تلقى تفسها في سفينة وهيلا .. وهيلا هيلا .. هيلا تاني في شارع مدينة والحكمة بنفس الحماس تلقاها في الصف العجيب كم مرة تهرب من مداس من طفل عابث ومن لهيب بالحبة تمسك في عناد الحبة ملك الاتحاد
( 8 )
والحكمة في مر السحاب والعلاقة البينو ما بين الجذور واللسة في الباطن بذور وغنا الطيور والمعركة الدارت تصلصل بسيوفها وبالحراب والعلاقة البينو بين الغابة والهبابة والربابة والمنديل ومجرى النيل وضلفة باب وبكية طفلة في الكتّاب تفتش عن قلم رصاص وقع في الباص وحس رصاص هدر في ناحية فيها العيش حكر للجيش بتاكل من زمن مافيش وتشرب من زمن مافيش وكان اضراب
( 9 )
والشمس تطلع يبين ادق ما في الجبال تبدأ الموانئ العظيمة الهدور وتصحى المصانه بيهمة وتدور ووتملأ الشوارع وكل الجسور وتشفى الصدور جموع الشغيله خطاها ثقيلة تخلى القصور تحس بالفتور وحمى الزوال
( 10 )
تصحى المدينة تقوم تستحم وتولع سيجارة تدخن تسخن بشاى الصباح وحق الملاح وسيد الجزارة وتقعد تدندن تخيط زرارة ترتق هدوما وتفتق هموما وتسب الحكومة وتفن الريال وتنفض سريعاً غبار النعال وتنزل تواجه مشاكل عويصه تشرّط قميصا وتدق العيال ليه العيال يعيش النضال يخلى الحكومة تدخن تسخن بنار الكفاح وتقعد تطنطن لحدي الصباح بتطلع بتطلع حزينة وكتومة تشرّط هدوما وتحش المصحة يعيش الأصح يعيش النضال وضروري النضال
Post: #72 Title: Re: تعالو نعمل share ونجمع كل الـLyrics بتاعت مصطفي سيد احمد Author: ابو طويلة Date: 02-25-2008, 04:32 PM Parent: #1
عاطف خيري
اقراك مرة صاح
خلينى أقراك مرّة صاح..
عكس إحتشادك فى الحضور
هل غاب معاك وعى الطريق
أم بيكى زكـّانى الزمن
ماشيك .. وعارفك يا حريق ..
فى يوم غماماتك .. بجن
فرهد غيابك .. أغنيات
ظلت أراضى اللقيا بور
بلقاكى يا كل الطيور ..
مسجونة والحرية .. سور
وبلقاكى بيناتنا الثبات
وبيناتنا شمس البكرة
فى لحظة .. مخاض
***********
طول الوجع رشـّح
مواطن العافية .. فيك
خلانى أرجع وأبتديك
وأقراكى من كل الجهات
ومابين أقابلك .. ومشتهيك
كان حلمك الأول ترفْ
وكنتى الصبية الغايبة
فى زحمة حجا .. وكلمة شرف
كنتى الزوايا الميتة ..
فى متحف خزف
كنتى الوصايا العشرة
واللون الشحيح
********
سميت مساحاتتك حكر
كل البيحلمو بى الشمس
فجـّرت من واقعك .. عبث
سكـّنت فيك ..ضد السكون
كل اللى كان ممكن .. يكون
وطارت ضفيرتك ليل غنا
جدلة صبُر .. وطولة نفس
ومابين أقابلك ومشتهيك
ومابين أقابلك وجيت عليك
كان عندى ليك بس نحنّ
والجرح الثرى
وخيبة أمل أم الشهيد
دى الكلمة .. والوجه الجديد
وكان إحتقان نبض الزمن
نومة طفل .. فوق الدّمن
يا صاحية بى الحاصل علىْ
يا نايمة عن فقرى البليد
سميت مرافيك الوطن
صبحت مناحاتك .. نشيد
Post: #73 Title: Re: تعالو نعمل share ونجمع كل الـLyrics بتاعت مصطفي سيد احمد Author: ابو طويلة Date: 02-25-2008, 04:36 PM Parent: #1
كيف أنساك
كيف انساك وانت الجرح
النازف منو خريف العتة
خريف المحل الما بتدارك
نجم الطالع شيل وختّة
رحل الديرة وهج وديرة
فرع الحنة النور حتة
جرحك نيلة وسيرة طويلة
وشافى البلسم ابى يتختة
***************
سبر العاشق كتر الليمة
ولم الشمل الروح شتة
سبر الروح الكلمة الزينة
ونفساً طيب مالى الجتة
غلب الراوى تملى حكاوى
غلباً زى ما اتعودت
آهة حزينة وأنة دفينة
تخفف عنى لماماً حتى
*************
كيف انساكِ وليل الشارع
رمى ستايرو وقفل الحتة
برج التالى إنشر بدالى
وحوش ليك ايامى الستة
يوم الليلة يمر بى صبرو
احلام باكر كيف تـتأتى
يامغلوبة وغالبة زمانك
كيف أنساك محال البتة
Post: #74 Title: Re: تعالو نعمل share ونجمع كل الـLyrics بتاعت مصطفي سيد احمد Author: ابو طويلة Date: 02-25-2008, 04:43 PM Parent: #1
حكاوى الشوق لمدني النخلي
أملنا الباقى يسرح بى
واهاجر لى زمن تانى ..
تبقى الدنيا فى عينى ..
هداة موجة فى بحر
الأسى الممدود..
رجعة غنوة من
درب الضنى المهدود
هجعة خطوة فى
سكة فرح مفقود
وأفتش ليك ..
أفتش ليك حنينى معاى
أمانى تصارع المكتوب
عشانك لامسافة تطول
ولا تصعب معاك دروب
وقلبى معاك
وعلى الوعد الحزين مصدود
وراجع ليك ..
راجع ليك ..
أجوب الدنيا و أرجع ليك ..
أجيك فارسا يشق صمت
المتاهة الطال...
مواعدك بى حكاوى الشوق
وبى شمسا وراها منال
وبى فرحا يغرد فى سماك اللحان
ويجيب البهجة للأطفال ..
Post: #75 Title: Re: تعالو نعمل share ونجمع كل الـLyrics بتاعت مصطفي سيد احمد Author: ابو طويلة Date: 02-25-2008, 04:48 PM Parent: #1
زهرة الصبار(فى طريق الليل) للشاعر العراقي مظفر النواب وتغنى بها الراحل مصطفى
Post: #80 Title: Re: Re Author: امنة عبد الكريم Date: 02-25-2008, 09:20 PM Parent: #76
Quote: عاوز اشارك معاكم بس ما عرفت Lyrics دى معناها شنو
Lyrics معناها ليركس ولا شنو؟؟
Post: #77 Title: Re: تعالو نعمل share ونجمع كل الـLyrics بتاعت مصطفي سيد احمد Author: امنة عبد الكريم Date: 02-25-2008, 04:52 PM Parent: #1
ابو طويلة ما قصرت تب معانا والله ما عارفة اشكرك كيف المزيد
المزيد
المزيد
المزيد
المزيد
ايها الرائع دوما
Post: #78 Title: Re: تعالو نعمل share ونجمع كل الـLyrics بتاعت مصطفي سيد احمد Author: ابو طويلة Date: 02-25-2008, 04:53 PM Parent: #1
لمحتك وعلى بابك للكتيابي
لمــحتــك
لمحتك
قلت بر آمن ..بديت أحلم
ألملم قدرتى الباقية
وأشد ساعد على المجداف
تلوّح لى .. مدن عينيك
وترفع لى منارة بسمتك .. سارية
وبديت أحلم
***********
كل ما الريح .. تطارد الموج
أزيد إصرار وأحلف بيك
أغير سكة التيار
وأقول يا إنتى .. يا أغرق
الوح لى مدن عينيك تلوح لى
أخاف الضفة ترجع
بيك قبل اتلحق
أخاف غيم المنىالشايل
تسوقو الريح .. ويتفرق
اخاف واخاف ..
*************
وأشد ساعد على المجداف
وأجيك بى قدرتى الباقية
حطام إنسان..
موسّم بى شقا الدنيا
ومقسّم قلبو فى الأحزان
أجيك فنان..
أشد أوتارى .. وأحكيلك
حكاية إنسان ..
وهب لى سكتك نفسو
ورسم صورتك على حسّو
وربط ساعد على المجداف
وقال يا إنتى يا أغرق
أخاف الضفة ترجع بيك ..
قَبـُل ألحق
أخاف غيم المنى الشايل
تسوقو الريح وإتفرق
وألاقيك يا أمانى سراب
مواهبى عليهو تتدفـّق
اخاف واخاف
على بابك
على بابك نهارات الصبر واقفات بداية الدنيا هن واقفات وكم ولهان وكم طائر بعد نتف جناحو وراك لملم حر ندامتوا وفات قطع شامة هواك من قلبوا إلا هواك نبت تانى وعلى بابك وقف تانى..... الغمائم شآكىغبن الليل مسافر فيها وحدانى وبدون جنحين.... يغنيك الهناء المافى يغنيك رهافة حسو.... يفنى على جليد آمالو ويحلم بالشتاء الدافى وقدر مايمشى فى سور الزمن خطوات.. يلاقى خطى السنين واقفات يلاقى هواك نبت تانى وملا الساحــات... على بابك.. .............نهارات الصبر واقفات
Post: #79 Title: Re: تعالو نعمل share ونجمع كل الـLyrics بتاعت مصطفي سيد احمد Author: امنة عبد الكريم Date: 02-25-2008, 09:19 PM Parent: #78
ابو طويلة يا اساسي شوق الشوق
Quote: كل ما الريح .. تطارد الموج
أزيد إصرار وأحلف بيك
أغير سكة التيار
وأقول يا إنتى .. يا أغرق
ده قمة الاصرار ولا رايك شنو؟؟
واصل يا رائع..
Post: #87 Title: Re: تعالو نعمل share ونجمع كل الـLyrics بتاعت مصطفي سيد احمد Author: امنة عبد الكريم Date: 02-27-2008, 05:13 PM Parent: #1
زى ما يكون برغم ذبول نجيماتك سماك معقول وشارع الشوق .. بدونك .. تمْ بحِسْ بى القول .. على حدّ السيوف مجدول ورغم الفات ورغم الحاصِل المسلول فوق عمقك قدل جوّاى على لقيا .. وبياض خاطر وزى مايكون ***** وعلى عمقك مشيت متلفّحك .. خاطر لا الشبورة .. لا ريحة الدُعاش مشبوبة بى ندّكْ .. صبابة وصوت ولا برقت شموس منّك ولا دخلت شموس فينى ولا أظنّك بتدّى شموس ويطلع من عيونك ضى ولا لِمِس الجفاف خدّك ولا ركّ الندى المحروق فراشات فى شذاك .. دخان شعاعات من بريق لحظك فهل يرجع زمن جيتك حضور تانى ؟ على ذكراك أمل ممتد أنا وإنت .. وهدير الكون على لقيا .. وبياض خاطر وزى ما يكون ************** ولا رجعت طيور بتنم ولا زيفا نشف مفضوح ولا زِيف العِشِق مفضوح ولا لمـّة فرح .. بتلم ولا الرقدة .. التعب بتجم ولا الصمت القبيل .. مفتوح ولا الفرح البِتِم القول صدى الغنوات ... يرقِّص حول ولا وجّت رياض أطفال ولا الموّال مركّب بى نسيج الجيـّة بى أنغام طبول شدوك عشان أضحى الفرح مسحور وإيقاع الرقيص .. مكسور نسيب الليل البلد ... ينجَمْ نطوى الشوق منام نتوسد الأحلام على صحيان هبـّة نسيم باكر لأننا نحن متواعدين انا وانت وهدير الكون ومن جوّة الضجيج مارقين بصوت واحد لأننا نحن متواعدين على لقيا وبياض خاطر
Post: #88 Title: Re: تعالو نعمل share ونجمع كل الـLyrics بتاعت مصطفي سيد احمد Author: غباشي Date: 02-27-2008, 05:13 PM Parent: #1
أها الـ share بتاعكم ماشي كيف؟
Post: #92 Title: Re: تعالو نعمل share ونجمع كل الـLyrics بتاعت مصطفي سيد احمد Author: امنة عبد الكريم Date: 02-27-2008, 09:59 PM Parent: #88
Quote: أها الـ share بتاعكم ماشي كيف؟
يا غباشي ازيك ماشي تمام كمان لو منك شوية ببقي احلي في انتظار( ليركسك) الود الاكيد..
Post: #89 Title: Re: تعالو نعمل share ونجمع كل الـLyrics بتاعت مصطفي سيد احمد Author: ابو طويلة Date: 02-27-2008, 08:53 PM Parent: #1
حين زارتنى بواكير الخريف كان طيفى جامدا وجبينى باردا و سكوتى رابضا خلف البيوت الخشبية ... مخفياً حيرته فى الشجر .
وغروب الأنهر .. وانحسار البصر لوحت لى ساعة حين انصرفنا ..
ثم عادت لى بواكير الخريف حين عادت وثب الريح
على أشرعتى المنفعلة سطعت شمس الفراديس
على اروقتى المنعزلة ومضت تحضننى شمس ندية والتى ما حضنتنى فى الزمان الأول
فى الزمان الغائب المرتحل أيها الراحل فى الليل وحيدا
ضائعاً منفردا .. إنتظرنى ..إنتظرنى فأنا أرحل فى الليل وحيدا
موغلا .. منفردا فى الدهاليز القصيات إنتظرنى
فى العتامير وفى البحر ..
إنتظزنى .. أنتظرنى انتظرنى فى حفيف الأجنحة
و سماوات الطيور النازحة حين تنهد المدارات و تسود
سماء البارحة.. إنتظرنى..إنتظرنى
Post: #90 Title: Re: تعالو نعمل share ونجمع كل الـLyrics بتاعت مصطفي سيد احمد Author: ابو طويلة Date: 02-27-2008, 09:14 PM Parent: #1
غناء العزلة ضد العزلة
للراءع الصادق الرضي ,,,
كما يتسرّب الضوء شفيفاً
صوب سطح البحر
وهو محمّل’’ بروائحِ القمر
النبيِّ خلاصة السحر
غناء النشوةِ الكبرى.
وهفهفة العناصر في تراكيب الضياء
تتصاعدُ الأرواحُ في الأمواجِ
وهي ترتّلُ الغصِّة شيئاً من
خواص الماء
خيطاً من دُخان الرغو
في همسِ المزاميرِ
وَوَشوشة الغناء على شفاه الحورِ
إذ يسبحن بين القاع والسطحِ
فضاء الرهبة الصدفيةِ، اللالونَ
حيث الصمتُ فاتحة الوجودِ الداخليّ
لدولةِ البحرِ وقانون المياه
خذ من شعاع الشمس نافذةً
وحلّق في فضاءات الغيابِ
إلى رحيل أبدي
لا مكان الآنَ لكْ
والله يسكن بالأماكنِ كلّها
وجهاً يضوِّء بالأزقّةِ
شارعاً يمتدُّ في كسرةِ
الخبز - الطعام
المستحيل - إالى ثياب الفقراء
! ماذا يلوّحُ بالنوافذ؟
هل ترى منديل عاشقةٍ
بلون البحرِ
دمع صبابة في نهد عاشقةٍ
بطعم النارِ
يقطرُ ...
والعصافيرُ اكتمال للندى
في شرفة الحلمِ
تسدُّ الأفقَ
تبحثُ عن طفولتها بذاكرةِ
الفضاء الرحبِ
والفجر المعلّب في رفوف الصمتِ
واللغة الخفية للغناء على
مسام العشبِ
والشجر المخبّأ في تماثيلِ الشجرْ
**********************
الحزن لا يتخير الدمع ثيابا
كى يسمى بالقواميس بكاء
هو شىء يتعرى من فتات الروح
يعبر من نوافير الدم الكبرى
ويخرج من حدود المادة السوداء
شىء’’ ليس يفنى فى محيط اللون
أو يبدو هلاماً فى مساحات العدم
الحُزن فينا كائن
يمشى على ساقين
دائرة’’ تطّوف فى فراغ الكون
تمحو من شعاع الصمت
ذاكرة السكون المطمئنه
كيف ترفضُّ الجدائل
فضة فى الضوء
ترفضُّ الفقاقيع
ما بين إمرأة الرزاز
إشارة للريح فى المطرالصبى
إضاءة فى الماء
خيطاً من حبيبات الندى
سحراً..صلاةً..هيكلاً..قوسَ قزح
ذلك سر الكون
أن تبصر فى كل حسن آية لله
أنواراً من الملكوت والسحر
الإلهى المهيب
ذلك سر العدل
أن تتفجر الأشياء تُفصحُ
عن قداستها
ترى فىالشىء ما كان احتمالا
ثم تنفتح الكنوز
الأرض كانت تدخر القمح لأطفال لها
فقراء لا يتوسدون سوى التراب
قل للذين يوزعون الظلم
باسم الله فى الطرقات
الله فى نار الدموع
الله فى نار الدموع
وفى صفوف الخبز
والعربات والأسواق
والغرف الدمار
البحر يا صوت النساء الأُمهات
القحط يا صمت الرجال الأُمهات
الله حى’’ لا يموت
الله حى’’ لا يموت
الله حى’’ لا يموت
**********
كيف استوى ما كان
بالأمس هواءاً نتناً
ريحاً بغيضاً
بما كان هواءاً طيباً
ريحاً يؤسس معـطيات
الشارع الكبرى
عبيراً ضد تلك الرائحة
ما أشبه الليلة بالبارحة
كل ما كنا نغنيه على
شاطىء النيل تغّيب
وانطوى فى الموج منسيا
حطاما فى المرافىء
أو طعاماً للطحالب
فى إنزلاق الصوت للقاع
وفى صمت المسافات القصية
نحن في ساعة الحزن
اختر مكانك واحترق حيث انتهيت
أنت منسوب الدم الآنَ
وأنت الإشتعال - النارُ
مجمرة الغضب
أنت - إذن - ضي;اء اللحظة الآتي
أنا / أنت : ونحن الناسُ
والشارعُ
والعواميد التى تمتد بالإسفلتِ
صوتي / صوتكَ : المشروخ
في صدأ المقاعدِ
وانهيار البراكين
لم أقل : إن الفضيحة قد ترآءت
في تلافيف العمامةِ
وامتداد اللحية - الزيفِ
لماذا لم تقل ؟
إن العماراتِ استطالت
أفرغت أطفالك الجوعى
على وسخ الرصيفْ
ومقيات الفيجعة ، والفراغ
العاطفيِّ الوطنيِّ
الآن لن نبكي
ولكن مَنْ يساوم بالغدِ الآتي
!وماذا سوف نخسرُ؟
نحن بالغربة رتبنا بلاداً
لا تشابه غير وجه الذات بالمرآةِ-امرأة’’هى اللغة - الرماد
لا تثق بالقلب : إن العشق يؤذي
بينما يجدي التحرك في السكون
وفي مساحات الأنا
وعي التكّون
وابتكار الفرد مجموعاً
يوازي سلطة الإطلاق ،
تحديد المواضعِ
بالإشارة نحوها بالاسم
تفتيت الهلامِ
واختراق السرّ ،
فتح نوافذ الأشياء
تكريس التفاصيل الدقيقةِ
قوةَ تنسف الأحلام والذكرى
وأشباه الحبيباتِ –
الدمى ، والأصدقاء.
لا تثق بالقلب : كي يتصاعد
الضوء على كل المساحاتِ
وحدّق جيّداً
أنت تعرف أنهم يقفون
ضدّك .. ضدّنا ..ضدِّي
و أعرفُ أنني سأظلّ
السلطة - الاوعي
نحن الآن في عمق القضيةِ ،
مركز النارِ
وبالهامش تبقى سلطةُ اللغةِ الخفيفةِ
كي تُعلَّقَ في الفراغِ
نعم ، سننسى كل ما يأتون
من فعلٍ وقولٍ
سوف نصلبهم عرايا بالمساميرِ
على بوابةِ التاريخ
ثمَّ نعِّبىء الأيام في الصمت
الخرافيّ الرهيب
****************
لست من نورٍ لِتغفِر
أنتَ من طينٍ لتبنى
فابنى لي بيتاَ
لنا .. لكَ
للصغارِ القادمينْ.
إن يكُ للعدلِ في الأرضِ وجود’’
فليكن دمنا هو المقياسُ
إن تكُ السماء مقابلاً للأرضِ
فلتكنِ الدماء مقابلاً للعدلِ
قال الله كونوا ، ثم كنَّا
هل تحققنا تماماً من وجود
الذات في أرواحنا
! ضوء التكون وانطلاق الكائنات؟
نحن نخرج عن غناء العزلة الكبرى
لنكتب عن غناء العزلة الكبرى
ولكنا نصاب بضربة الحزن
أوان خروجنا من داخل الصمتِ
وفى جوف السؤال
Post: #91 Title: Re: تعالو نعمل share ونجمع كل الـLyrics بتاعت مصطفي سيد احمد Author: امنة عبد الكريم Date: 02-27-2008, 09:58 PM Parent: #90
يا ابو طويلة ما قلنا ليك ما تخت الورق وتمشي دايراااااااااااااااااااااااااااااك
Post: #93 Title: Re: تعالو نعمل share ونجمع كل الـLyrics بتاعت مصطفي سيد احمد Author: ابو طويلة Date: 02-28-2008, 12:18 PM Parent: #1
اها يا امونة جيتك عديل وقاعد مستني حضرتك انشاءالله خير الورق ذاتو كا ختيتو....
Post: #94 Title: Re: تعالو نعمل share ونجمع كل الـLyrics بتاعت مصطفي سيد احمد Author: ادهم عبد الرحمن نصر Date: 02-28-2008, 03:43 PM Parent: #93
امونة الجميلة شكرا علي البوست الجميل
ابوطويلة اخوي
قومت نفسنا بس ....
هل البوست للاغاني خاصة مصطفي اما اي اغنية غني بها مصطفي حتي لو لم تكن خاصته؟؟؟؟
الجاب الكلام:
عشرة مقاطع للحياة حسب علمي (ورغم الجهد البارز في اللحن والمشاركة بالغناء فيهالمصطفي) الا انها تتبع لكورال الحزب الشيوعي السوداني الذي كان مصطفي احد اعضاءه.
امونة: بجيكم صادي للمشاركة لو ابوطويلة ما خلصها
Post: #95 Title: Re: تعالو نعمل share ونجمع كل الـLyrics بتاعت مصطفي سيد احمد Author: امنة عبد الكريم Date: 02-28-2008, 06:38 PM Parent: #94
ادهم صبري ازيك يا رجل المستحيل
Quote: هل البوست للاغاني خاصة مصطفي اما اي اغنية غني بها مصطفي حتي لو لم تكن خاصته؟؟؟؟
هو لجميع الاغاني التي غناها مصطفي
يا ادهم عليك الله تعال راجع
بالمناسبة انت ساكن وين؟؟؟؟
Post: #96 Title: Re: تعالو نعمل share ونجمع كل الـLyrics بتاعت مصطفي سيد احمد Author: ابو طويلة Date: 02-28-2008, 08:54 PM Parent: #1
مزيكة الحوارى كلمات محمدالمهدى عبدالوهاب
مانى غرقان فى التمنى ولانى سارح بالأمانى زارنى خاطراً ... بلّ شوقى .. وإحتوانى النخل إتلاقى .. غنى وردد النيل الأغانى النجوم لامع بريقة الورود النايمة .. فاقت عطرت كل الجزاير بى رحيقة الندى الراقد بفوقــا صفّقت جنحاتو غنت .. لى هواي ********** دقوا مزيكة الحوارى رقصوا البنوت .. أعرضوا النخل زايد فى عرضو .. وفى علاهو.. البيوت غرقت وراهو وبرضو زايد فى علاهو يحكى للدنيا الجميلة سر ثباتو .. وسر بهاهو ***************** ضى عيونك يا بنية يضوى من بلداً بعيدة تحملك لينا الغمامة وتكتمل للروح .. نشيدة وفى الدروب اللّيك تودى بنسرج الخيل العنيدة والحزن من نور عيونك يلبس الفرحة الجديدة **************** وأنا راكب يا مراكب لا الرياح توقف خطايا لا الجبال .. تحجب رؤايا ست شموس الكون منايا ليك مسافر ... ومن كتير الزاد .. مسافر بى غنايـا نوصل الشمس البعيدة نبقى عيدة ... نزرع الحب البيوقد لى النهاية للنهاية للنهاية
************ اخوان الانسانية كلمات محمد المهدى عبد الوهاب
مابين زمناً متمنيهو وزمناً منك زادنى أسيـّة طفت الدنيا عشان أنساكِ وأنسى الحزن الطارد .. ليـّا كان البحر الما خـلاّنى . . أعيش برانى.. كانوا أخوان فى الإنسانية قعدت معاهم .. وإتفاكرنا كم لفـّينا .. وكم ساهرنا وكم مازحنا ليالى الصيف وكم غنينا لى الحرية وكم دارينا الحزن الأكبر بين الصيف .. وجمال المنظر ********************** كنتِ بتطلعى من عينيهم وكتين يفرحوا .. أو يندهشوا أو يفترشوا سواعد بعض أو يتكلموا عن الأرض .. وسلام العالم.. وكنت غريب الوجهِ .. معذب ************************* ما أحلاهم .. شالوا معاى الهم بى الجملة وهتفوا .. البحر .. البحر جوة المركب .. فِضلوا يغنوا .. يغنوا شوية .. شوية .. وسكتْ المركب كل الناس إتنين .. إتنين فرح إتكلم بى لغتين كنت برايا... وجانى حنين الكون .. إتكوّم غوّر .. غوّر .. جوة فى صدرى وإتمنيت لو كنتى .. معايا
Post: #97 Title: Re: تعالو نعمل share ونجمع كل الـLyrics بتاعت مصطفي سيد احمد Author: ابو طويلة Date: 02-28-2008, 08:58 PM Parent: #1
محمد مدنى *************** فى صحة الوطن المداوم ان يقاوم كاس وكاس نخب عشق تلتقى فيه الحبيبة بالخريطة ساكتب الآن كلى وبعضك حتى تذوب الحدود وتنمو المساحات سعفاً وحباً لتجدل عينيك سجادة كرى نبقى طليـقين رغم القيود *************** اسفى نسيت الآن طعم القبلة الاولى وكيف تطاولت عيناى كالضوء انتشرت على المسافة بيننا والناس .. الآن لكن لا يهم .. يبننا والناس ما عادت مسافة والمسافة بيننا والارض تختزل الطريق بكت تودعنى تدافعت العناصر نحونا اهواك كن يقظاً تمهل فى مسيرك واتجـه فالارض تنضح بالمقادير الدفينة اهواك لا امشى على راس الاصابع لا أتـاتئ حرف اسمك فارفعى رأسى ورأسك ينتهى عهد المناحات الحزينة لن اشتريك باغنية فالاغنيات تكاثرت .. وتناثرت كالدمع او كالخمر ثم تبوات سيل الطريق هل من مقايض للحبيبة بالخريطة هل من مساوم للغريق ؟ لا غير قبضته وصدر الموج يغرزها فيلتحفان تقترب المسافات البعيدة ثم يشتعل الحريق والارض تحضن بذرة الانسان يا ربـاه .. ما ابهاكى يا ارض انتخبتك مغزلاً للحب والاشعار والحقب الجديدة اهواك يا فرح التقائى بالسهول بالحقول وبالقطيع يا رجعة صرخة اهل وادينا الوجيع ما دام فى الغابات والوديان ينتشر الربيع لا العشق لا الانسان فى بلدى يدجن او يضيع
Post: #98 Title: Re: تعالو نعمل share ونجمع كل الـLyrics بتاعت مصطفي سيد احمد Author: ابو طويلة Date: 02-28-2008, 09:12 PM Parent: #1
Post: #99 Title: Re: تعالو نعمل share ونجمع كل الـLyrics بتاعت مصطفي سيد احمد Author: ابو طويلة Date: 02-28-2008, 09:25 PM Parent: #1
جفاف مصطفى سيد احمد +صلاح حاج سعيد **********************
حتى الفصول صابة الجفاف لا غيمة لا زفة هرع والسمبر البفرح صفيرو غشانا واتقاطر رجع وشجرنا من لفح السموم غصنو الرقص رويان وقع لا شابا لى ريح الدعاش لا هش لى برقا لمع *********** انت الخريف يرسم معالم الخضرة والخير والعشم انت الربيع يغزل شباك الريدة يا روح الطعم اتعب بيادرنا الجفاف والخضرة لفاها العدم ابسم عليك احلى الكلام خلى المواسم تبتسم
Post: #100 Title: Re: تعالو نعمل share ونجمع كل الـLyrics بتاعت مصطفي سيد احمد Author: ابو طويلة Date: 02-28-2008, 09:33 PM Parent: #1
الجبال قالت غـروب د.بشرى الفاضل ********** الجبال قالت غروب لا المزامير راح تغنى لا الهجايع راح تذوب الحزن غطى المسارق والدروب مافى غير تلكع تسافر شيل حقايبك... وامشى بينات الشعوب ************ وينك الوحشة التزازيك يا صباح مسخو الليل بى مزازيك النباح مافى غر ترضى وتسافر شيل حقايبك... وامشى بينات الشعوب ************* وينك الصحرة التحجيك بى ام بعلو الشجر فارد يباسو وضامى ضلو والسموم تتحمى تشويك والعقارب .. حتى لو غطيت وشيك ايدك الممدودة ما بتكفيهو كلو مافى غير تسرع تسافر شيل حقايبك ... وامشى بينات الشعوب ************ الظلام حيران وحيد من غير جناح غنت القمرية فى قلب الخلا قوقى .. قوقى وايش تقول ؟؟ ليل يا صباح؟؟ الظلام حيران وحيد من غير جناح قتّ نان كيفن نسوى؟؟ جات نسايم هابة من جهة الجنوب صرخّت فيك يا مسيكين شيل سلاحك أرضى أرضى .. جوى جوى .. اللهب من غير جمر كيفن نسـّوى؟؟ مافى غير ترضى وتسافر شيل حقايبك وامشى بينات الشعوب أبقى حالم ولم كلامك لى زمن من غيرعيوب ولا سافر.. أمشى فى درب السحابة وجيبة لى أماتنا زى حطب الفزع وأرفع الفاس كسرة ينزل مطر ...
مافى غير ترضى وتسافر شيل حقايبك... وأمشى بينات الشعوب
Post: #101 Title: Re: تعالو نعمل share ونجمع كل الـLyrics بتاعت مصطفي سيد احمد Author: ابو طويلة Date: 02-28-2008, 09:38 PM Parent: #1
المناديل الوضيئة ستاتى محمد محى الدين ----------- ايها المصلوب كالنجم على الموجة يكفيك ترجل ارفض الحزن الذى ما اخترته طوعاً ستبقى نابضاً تشهد ميلاد الرياح وانظر الساحة تاتيك تمهل واغنيات ما علاها الصدأ المدفون فى قلب الزمان كلمات رفضت ان يأسر الثاقب من ايقاعها برد المكان واهجر العشق الذى .. لا يشعل الساحة انهار صخب ما يكون العشق الا .. فى اتحاد البرق بالارض التى .. تمنح القبلة فى ليل التعب ما يضى الحب الا فى عيون عرفت سر الغضب .. ************ ايها القادم من انفاس اعماق الحكايات ومن رمل القرى المهجورة السوح تجرد ما يموت النغم المحفور فى الذكرى اذا اهتز الوتر فاشدو بالاغنية الاولى وفى العشق تفرد ايها القابض جمر التوق آلالم الشبابيك تناديك فلا ترحل تاتيك المناديل الوضيئة وعلى كل العيون فى الليل تمدد ما يجئ الحب الا فجأة تهتز كل الدور ترتاح العصافيرعلى الابواب يمضى زمن الرعب وينمو فى العبارات القصور ينشر الفجر ضياء الامن فى الساحة والشط ينادى رائعاً يلتقى العشاق جهراً يمتنى الموج ويختال الشروق فاهجر العشق الذى لا يحتويك واترك الوعد الذى لا يرتويك(يشتهيك) وانظر الساحة ليلاً .. خجلاً يتدفق .. ايهتز الوتر ؟؟ يحتويك العشق صدقاً يحتوى نجمك .. تاتيك المناديل الوضيئة
Post: #102 Title: Re: تعالو نعمل share ونجمع كل الـLyrics بتاعت مصطفي سيد احمد Author: ابو طويلة Date: 02-28-2008, 09:48 PM Parent: #1
الوجد الملح خطاب حسن احمد *********** جلبت ليك من بلادالله البعيدة صنوف من الوجد .. المُلِحْ قلت ألقاك بالسّمح درت ألقاك فى السّمح كنت اصطاد فى الظهيرة من مناقير الكنار بوصل السكك .. الأغانى ومن ثُرى الليل القصيّا أنتشل عطر الأمانى ولو ألاقى اللون .. أدسّو لمّا يغرس فينى حِسّو لى ملاقاتك .. هدية واتفقد الرعشة المعبّية .. فى إيديا جلبت ليك
Post: #103 Title: Re: تعالو نعمل share ونجمع كل الـLyrics بتاعت مصطفي سيد احمد Author: ابو طويلة Date: 02-28-2008, 09:50 PM Parent: #1
تراتيل ********* كلمات حسن ساتى الحـان ناجـى القدسى ****************************************** ليه بتسأل .. ديمة بتامل عيونك ياعيونى فى عيونك باقة من ذكراى بتعطر فنونى باقة من اشراق صباى فيها حبانى النسونى فيها ليلات الفرح والاماسى الفى السنين شن اسوى غير اعاين غير اطيل النظره واتونس و اونس فى العيون فى العيون الديمة بتفتح عيونى ده البجنن شوقنا فينا انو فى عينيك زمان بى حالو ساجد والفرح الكان بعانق فينا ايام الفرح تلقاهو ساجد والبراءة الكان بتتوشح طفولتنا وتناهد والسهر آنسنا فيه الليلة فيها الليلة اتهجد ساوى فى عينيك معابد ياعيون مشتاق نعاند فيها تتلون تلونا وتعاند ياعيون وبرضو تسال وديمة بتامل عيونك ياعيونى وفى عيونك باقه من ذكراى بتقطر فنونى حلوة عينيك بى زمانه والزمان الفينا شايلنا ومسافر مرة ماضى .. ماضى غابر مرة حاضر .. حاضر ومرة باكر *********** فى عيون طفله .. صباح العيد بتملا البيت بشائر ياعيون المسافر لسة ماحط الرحال قال يشوفكن يلقى نفسو فى بحوركن .. بحوركن خلى رحلو وقال مهاجر ساب ديارو وقال مهاجر ذكرياتو وقال مهاجر وبرضو اسال وديمة بتامل عيونك ياعيونى فى عيونك باقة من ذكراى بتعطر فنونى باقة من اشراق صباى فيها حيانى النسونى فيها ليلات الفرح والاماسى بالسنين غابن وضاعن فى السنين وبرضو بسال وديمة بتامل عيونك
Post: #104 Title: Re: تعالو نعمل share ونجمع كل الـLyrics بتاعت مصطفي سيد احمد Author: ابو طويلة Date: 02-28-2008, 10:09 PM Parent: #1
يا امنة وينك استنيتك كتير على كل ده الورق صحيحيهو ... ياريت اي واحد يختار مقطع من اغنيات الرائع يكون عجبو
انا بختار ليكم ( وآجـــــعني في البحــر السكــأت و مٍـسكتني في الوجع البحر) او (امرق على مهلك مروق الحنة من ضفر العروس واطلع على مهلك طلوع البذرة والروح والشموس)
في بلاغة ما اعتيادية ...
وانا في اعتقادي الاغنيات الت تغنى بها مصطفى متفردة الكلمة اللحن وزادها تفردا بصوته الشجي الذي ما اظن ياتي مثله
Post: #105 Title: Re: تعالو نعمل share ونجمع كل الـLyrics بتاعت مصطفي سيد احمد Author: ادهم عبد الرحمن نصر Date: 03-01-2008, 04:06 PM Parent: #104
Quote: يا ادهم عليك الله تعال راجع
وانا اقدر افوتك يا امونة
جيتك ومعاي حاجة صغيرونة هدية اي حاجةوكده.....
حسنك بديع خليفة الصادق
حسنك بديع معدوم مثالك ... حير قلوبنا وصف جمالك .. يا بهجة يا فرح الحزين ... آمنت زيك ما بكون .. خطوك نغم يوحي الأغاني .. تتهادى زي الناس مكانك .. عليك قليل كلمة جميل .. وصفك تحتار فيه المعاني ... حسنك بديع معدوم مثالك ... حير قلوبنا وصف جمالك ... ******* يا بهجة يا فرح الحزين ... آمنت زيك ما بكون ... أجمل عيون فيك شفتها ... عيون المها مابتشبها ... مني الكلام بيضيع دوام ... قدامك ألقاهو إنتهى ... حسنك بديع معدوم مثالك .. حير قلوبنا وصف جمالك .. أمرك مطاع أبداً يا زينه .. إنتي الجمال والناس علينا .. بسمك سنا ولفظك غنى .. كم بيهو يا سمحة إنتشينا .. حسنك بديع معدوم مثالك .. حير قلوبنا وصف جمالك ..
Quote: بالمناسبة انت ساكن وين؟؟؟؟
ما حاقول ليك ساكن في بيتنا واتبايخ حاقول ليك بين حلتنا وحلتكم جامعة السودان كفاية ولا اوصف زيادة؟.
ابوطويلة:
Quote: ياريت اي واحد يختار مقطع من اغنيات الرائع يكون عجبو
جميع الاغاني التي تغني بها عزيزنا مصطفي تدهش لكن هاك دي فقط علي سبيل المثال:
قلت ليها .. الحقيقة الضائعة .. بين قلبي وعيونك .. إني لا قادر أفوتك .. لا أجيك .. وإني عارف بدونك .. أبقى كلمة حب تزف .. البشرى في ساعة مجيك .. وإنت عارفة .. ياني أكثر زول بريدك .. ياني صفوة عاشقيك .. ياني أكثر زول بحبك .. ولسه بحبك متيم ومبتلى .. وريدك زادني حيرة على العلي .. لا مراكب القدرة خبت قلبي عنك .. وإنت لا قلبك نساني .. ولا خلاني .. وقلت ليها ..
Post: #109 Title: Re: تعالو نعمل share ونجمع كل الـLyrics بتاعت مصطفي سيد احمد Author: امنة عبد الكريم Date: 03-03-2008, 11:20 PM Parent: #105
Quote: وانا اقدر افوتك يا امونة
جيتك ومعاي حاجة صغيرونة هدية اي حاجةوكده.....
هديتك حلوة يا ادهم تسلم ابقي واصل
اموون
Post: #108 Title: Re: تعالو نعمل share ونجمع كل الـLyrics بتاعت مصطفي سيد احمد Author: امنة عبد الكريم Date: 03-03-2008, 11:19 PM Parent: #1
الخلاص-حميد
ما طال فى بحرك فى مى وتمرك مفرع بالجريد شدرك أمد حدّ السمى طينك معتـق بالطمى نبنيك أكيد .. نبنيك هوى نبنيك أيوه سوا .. سوا من أوجديد نبنيك جديـد **************** ياإيد أبوى على إيد أخـوى على إيدى انـا على إيد و إيـد تجدع بعيد فى اللجة فى من راس ميضنة حيكومة الفقر الدمار الكضبن و الصهينة اللى نقاص أيامنا كاس اليالطيف سوس البحر نرجم قفاهو حجر حجر من ها الرصيف الما قدر قدام سريحة الموج يقيف الما انستر الارزقية وناس مو يا نسقيها كاس أسقتنا يا نوريها كيف عشق الحياة سنانا فوق حجر القصاص سوانا ناس ارض البحر جوانا احر من الرصاص ************* يا ضو حبـيبـين القسا طول ما انت غرقان فى الأسى تبت يدين ما ترمى ساس ما تبنى مجدك من جديد تفتح شبابيك الخلاص تدخل نسيمات النشيد بيت القصيد يستقبله مستقبله .. و الحاضر الماضى التليد ****************** يابلدى يافردة جناحى التانى وكت الناس تطير لى عالمه وآ وجعة الزول البيجيك ما يلقى فيك غير الهجير ناسا تواتى مسالمة كل البشاشات القبيل يلقاها ميته مسممة والجاته جاته من الأرض ما جاته من تالا السما ما أعتى غبنك يا ولد وأعدل قضيتك وأعظمة لاترجع السيف الجفير والدنيا فايره مصادمة من غير تجيب تار البلد .. ريح العوارض تهزمة تطرد مع ابليس الأخير دعة الضلال من جنتك يا آدمة تاكل من الشجر الحلال يغشاك نعاس فى ضل رمى تختاك هضاريب الصعب كربة ليالى المظلمة *********** يانيل قبل خاطرك يطيب أرضك تفزع باللهيب تكشح تواريب الغضب .. صعب المراس .. نوبة و زنوج و بجة و حلب رطانه عربان مو أشو ومولدين تلقانا أو نلقاك ضوء ظلمة لياليك العجاف رشه نهاراتنا النشاف آمنا بيك وموحدين فى إيدنا فاس وقلم رصاص شتلة و كمنجة و مسطرين و طبنجة فى خط التماس حراسة من كيد البكيد ضد الرصاص والانتكاس نبنيك هوى وأشد باس
Post: #111 Title: Re: تعالو نعمل share ونجمع كل الـLyrics بتاعت مصطفي سيد احمد Author: mahdy alamin Date: 03-04-2008, 09:30 AM Parent: #1
يا آمنه تعرفي انو عندي اكثر من 400 صوره للراحل بحاول اطلع منها النادر وبنزلوا علشان ندعم البوست بالصور
ونتواصل
Post: #112 Title: Re: تعالو نعمل share ونجمع كل الـLyrics بتاعت مصطفي سيد احمد Author: امنة عبد الكريم Date: 03-04-2008, 01:00 PM Parent: #111
د.مهدي وين الحي بيك يا راجل عليك الله تاني ما تغيب مننا كدي..
Quote: تعرفي انو عندي اكثر من 400 صوره للراحل بحاول اطلع منها النادر وبنزلوا علشان ندعم البوست بالصور
400 عديل كده.. نادر شنو يا زول نزلها لينا كلها عليك الله
ما تتاخر علينا سمح
.... اموون
Post: #113 Title: Re: تعالو نعمل share ونجمع كل الـLyrics بتاعت مصطفي سيد احمد Author: امنة عبد الكريم Date: 03-05-2008, 10:28 PM Parent: #1
بت العرب النوبــية-حميد
الشوق من حالفْ لا قاصد إتلمَّ يهز ليك .. يا نوراى يادرقة وسيف يا حضناً .. كيف من شر الصيف والشتا .. ضاراى يا شعلة عِـز .. بقـّت جوّاى عدّت بى ضلام بحراً عاصف يا بت العرب النوبية يا بت النوبة العربية بى فردة نخوة .. بجاوية أو شدر الصحوة .. الزنجية دسينى من الزمن الفارغ من ريح المتعة .. الوقتية من شر الساحق والماحق بين دبشْ المدن .. المدعيـّة والليل إتحكـّر بيناتا كحـّل بى دبشو عويناتا يا شمس الناس .. المنسية
Post: #114 Title: Re: تعالو نعمل share ونجمع كل الـLyrics بتاعت مصطفي سيد احمد Author: امنة عبد الكريم Date: 03-05-2008, 11:11 PM Parent: #1
Post: #115 Title: Re: تعالو نعمل share ونجمع كل الـLyrics بتاعت مصطفي سيد احمد Author: ابو طويلة Date: 03-07-2008, 04:26 PM Parent: #1
..............................
صحــــــــوة د.طلال دفع الله عبد العزيز ******************
لما اتلامس بينى وبينك شبق المطرة وشوق الصحرة زلزل روح السد الواقف بين الرؤية الفجر الاخضر بين الليل الجرح النازف لقيتك تغزلى فى احزانك نار اسطورتك معبد مجدك معبد مجدك فرح اكوانك لقيتك تغزلى فى احزانك اتعافيت من خدر الغفوة صحيت ناديتك انا انسانك فى جواك شهقت هواك زفرت سموم الجفوة جيتك منك جيتك من تحبال مرساك انا حطمت قواقعى الرخوة انسليت من جرحى عشانك ذاتك تلمى كمال البيعة يلا استلى سيوف اتخبت تحت اجفانك حضنى عليك الترعة الواقف زى بس حبك هو الباقى من بركانك نبض اعرانى غصنى بفرهد بين احضانك يلا ادينا خريطة السكة تمتمى لينا نشيد الغضبة حنـبدا معاك الخطوة الصعبة نحى الفرح الجاى زمانك
******************
رحــال د.طلال دفع الله عبد العزيز *****************
وصاحت جذوة الترحال نضج بالشوق مسام صدرك فيا رحال.. فتح زمن الخرافة عليك بكا الاوتار ..... وغلب قمرك شقا الاحزان من شجو الكلام المر فتلت حبال شمس غابت وغنيت آه .. على وجع الوتر تبريح غنا الاشجان سالت الريح :- علام الضل صبح مغلول يصارع صبرو فى الاحزان ويا ضل الفضا المشلول الام الخوف يشتت كل شعاعا بان فيا ريتك تفردى رضاك على افاق معاك تحلم ظلامة يزول وترجع روعة الازمان عى ولدا بريدك انتى يا الطوفان على بلدا وراك فى الليل صبح غرقان ويا شمس الغد الفتح لاحضانك حضن اشواق ترك كحمامة فى صدرك بعد ما فاض هلام الليل مسك فجرك سالنا عليك عيون الموج قبل ما تروح حواجب الدهشة فتحت قوس وكنت لينا غير ما تبوح ( بحر الريد ملان اسرار وخطواتك كتب قدرك عليها الحيرة يا انسان) قفلنا القوس ويا فارس المدى المجروح وراها ركبت متن الريح تفتش فى الهوا الضايع هوى الوجدان تشوفو ظلال يلوح فى الافق كفك يسابق فى اصابع اللهفة ليها حنان وواقع الحال ينهنه صبرك الجواك وتصرخ جذوة الترحال ..
******************* يا صباحـك د.طلال دفع الله عبد العزيز *******************
وإصطفيت جرحك براك وتر إنتباهك والنغم ضفة تزرع فى الشروق وضفة بتقاوم الألم شمعة الأمل التهِد ليل الكوابيس زمن الودار شامخة بتعاند فى صدى الليل الهياج الإحتضار ************* صاح إنتباهك فى الزمن لما أصطفاك قدر العصافير .. الرحيل غدر الشِباك … شوك المتاهات .. الدوار تحتك نسيج الليل .. طويل للأناشيد الماخدة من حـِزم الشعاع نار البدايات البتول للسحابات التلوِّح قوس قزح بُشـْرَة هطول ولى ضِيا القمر المقرّح ضد قوانين الأفول ******* وليك يا آخر الخيول فرس الرِهان الما كبا وهج الشموس الإشتعال .. وإنكسار المستحيل شقيتو بى سيل الحروف الطالعة دابا من الصدف .. مجرى البحر تيارو والموج الرجوع أديتو حيل مدّو الزمان كان إنحسر غيرت فى الزمن الملامح طعم الكلام .. لون الغُنا وطبع البذور .. كيمياء التراب طقس المطر *********** صاح إنتباهك فى المكان زهو السنابل بالقموح وإجتراحك لى لسان لغة الجموح وكتين يتوه بين السكات سيف القيود .. الإرتهان شمس الحقيقة .. الـ .. آه .. بقت منفى ونزوح.. وأقتباسك للصبر لغة اليقين بإنقسامك فى الزمن وإنصهارك .. وإقتسام الآهة بينك والمحن وإنتصارك لى صباحاً بكرة طالع من مدارات الصهيل يا صباحك.. لما تنداح ضفة جراحك .. بالشجن وتقلِد الزمن العديل يا جراحك.. لما تفرد غيم جناحك فوق عذابات الوطن
............................
Post: #116 Title: Re: تعالو نعمل share ونجمع كل الـLyrics بتاعت مصطفي سيد احمد Author: ابو طويلة Date: 03-07-2008, 04:48 PM Parent: #1
محمد الحسن حميد
مساورة ************
محمد الحسن حميد
يا جمة حشى المغبون .. فى الزمن الهلاك من جا تكون حانت مواعيدك .. يكون وكت المطر قد جاء وشرق ضوى البلد عيدك .. وطابت نسمتو العرجاء و نكون يا طيبة تمينـا .. وبدين ولفنـا .. غنينا الغنا الراجا بدت كاس المودة تدور عشق من حلفا لى راجا حبابك ألف .. وكت جيت وياعنزنا القرجة ويا لبانة فى الزمن المراحو نشف ويا جبانة للخوانة والعوج البدور .. و ويلف دميرتنا البتسقى جرف مسيرتنا وعرش بيتـنا وتميراتنا اللىقالوا وقف أصابعين الرجال رصاص شعر راس البنية سقف تكون دارت الزمن عمرت نكون لمينا فى الفاتو تكون فاقت ملامحنا وتضاريسنا القبيل غمرت دقش ساقت بوابيرنا وندت شتلات بعد ضمرت ضراعيك يا الولد كبرت مراعيك يا البلد كترت خدار .. خدرت غزار غزرت خضارا زين برغم الصيف وصنعاتو برغم البين واناتو عصافير الجلد قدرت تباصر نسمة منتحرة تطمن غيمة مندحرة تضاير الغابة والصحرا من الغمة وظلاما شين ومنك يا دقين تنفك وتكون حلت عقدة الدين ************* عقب سيرة البلد سارت على النغمة العديل الزين بعد دة الحال بلاهم سال يجو العمال يجو المداح يجو الناس البخبرو شليل وشقيش راح وقمريتين جناح يندل فوق الصاح من الغفلة ورياح الليل ودى الدنيا الجديدة جناح صباح يندل شدة حيل فيا خيالة عدو الخيل وياالسمحة البتملا العين مدى ونفاح بحز القلب غنوة وآه حنان بلدو حنين منفاه يا بت العز يا ست الجاه يا هسع فينا يا ما ضينا يا بكرانا .. يا بعدين نكون كنا وبقينا متين متين تشرق مواعيدك مواعيدنا ونساورك وين
Post: #117 Title: Re: تعالو نعمل share ونجمع كل الـLyrics بتاعت مصطفي سيد احمد Author: ابو طويلة Date: 03-07-2008, 04:53 PM Parent: #1
مسامات الانامل ــــــــــــــ لو بتعرفي يا مسامات الانامل التايه في حر الضهيرة قيمة الفرح البعشعش في مواسمنا المطيرة و انو احزان القوافل السايرة في جوف الخواطر ما بتمنعنا المسيرة ما كنتي لملمتي الخطاوي وقفتي مديتي الاصابع للمواعيد المثيرة و الناس بقت حبات سبح لا خيط بلمها لا ترانيم العباده و اللهفه ذاتا عليها لهفه و في العيون صبحت زياده لي قطرة تنزل في جموع ضماها جوع تمسح دموع زاد ازدياده لي ضوء يغازل نغمة الامل المصارع بين مسافاتنا و بعاده يا مسامات الانامل مدي في عمقك اصابعك و شيلي من الجوف حرايقو و خلي حبك يبقي تابعك في مشيكي علي الجراحات الطويلة بين حروفك في مسامعك و خلي في املك عوالم تنشرا تغمر كل مرابعك
Post: #118 Title: Re: تعالو نعمل share ونجمع كل الـLyrics بتاعت مصطفي سيد احمد Author: ابو طويلة Date: 03-07-2008, 04:59 PM Parent: #1
السحاب يحى فضل الله *********
السحاب لو اصلو خاصمنا ... و تعب و الرياح الفي الدرب شتّتتْ فرح القوافي و بّددت حزن المنافي مددت بعد المنافى برضو ريدك فينا باقي ريدك انتى فينا باقى في الحنايا ..وفى الزوايا في عيون أطفال بتكتب بالدوايا في المشاوير والحكايا و جّوه ثابت في القلب ************ يا سمحه ما غابت مدينة يا سمحه ما بموت الفريق و لابينهش في غناوينا الحريق و الوتر دايماً بغني .. للقوافل الجاية من وجع الطريق ******************* و السحاب برضو بيعود ويجينا بي بريق البشارة بينا بينك لا موانع لا سدود بيناتنا بس تبقي الجسارة
Post: #119 Title: Re: تعالو نعمل share ونجمع كل الـLyrics بتاعت مصطفي سيد احمد Author: ابو طويلة Date: 03-07-2008, 05:09 PM Parent: #1
تعالى نشوف يحى فضل الله **********
حبالنا الجوة .. ما تخنت حبال السما الممدود حبال الصوت وكت يرجع يجيب الخاطر المردود ********* تعالى نشوف.. غنواتنا البقت فى الدنيا ما بتشوف تعالى نشوف.. حروف البكا .. الجوّاها مافى حروف تعالى نشوف .. تعالى نطوف على المدن البِقت أشباح على الجوع القعد مرتاح على الكلمة البِقت فى الجوف تفتش سكة الأفراح ********** تعالى نشوف منو البقدر يخاصم طفلة صِبحت هازلة فوق مدّ الأسى .. الحرّاق يا غنوتنا ما تفوتى ويا كلمتنا ما تموتى فتشى فوق ضمير الكلمة عن وتراً رحل ... فرّاق وعن ولداً رحل ... فرّاق وعن بلداً رحل ... فرّاق وعن عِلماً رحل ... فرّاق تعالى نشوف .. غُنانا الفينا ما بشفع حديثنا الجوّة ما بِنفع زمنا الفينا ما بشفع تعالى نشوف .. تعالى نطوف تعالى ..نعلم الشُفّع تعالى ..نعلم الشُفّع
Post: #120 Title: Re: تعالو نعمل share ونجمع كل الـLyrics بتاعت مصطفي سيد احمد Author: امنة عبد الكريم Date: 03-07-2008, 09:45 PM Parent: #1
ابو طويلة
ايها المتفجر ابداعا وفنا ما فتئت تمدنا بالدرر لك الود الابدي عساه يعبر عن بعض ما يعتمل في نفسي ونفس كل متابع لهذا البوست التوثيقي
ارجوك.. واصل تعطير سماواتنا بالابداع ودمت لنا..
امنة
Post: #121 Title: Re: تعالو نعمل share ونجمع كل الـLyrics بتاعت مصطفي سيد احمد Author: امنة عبد الكريم Date: 03-08-2008, 08:23 AM Parent: #1
شوك الشـــوق-حميد
شوك الشوق لى الشوف آ خَىْ ضارب فِطن النسج الحى يا منقاش أحزانى إنشرت وادى الفرح إتمدد صَى يا راحلين عِـنْ دُغُش الليل ما لاقيتو جناياً زى .. تكية نخل الفجُر الجاسِر فوق فى المتَرَة .. عَرَاجِنْ ضَى آ رعاوة .. العرب الرُّحّل ما لاقاكُنْ فى المطرانى ؟ فى كاويقْ الجرف الأمحل بين أسراب الرهو الراحِل ساند أكتاف الليل الميّل عِنْ ساساق الغيمة عليكُن بين رقراق الخيمة معاكُن ما أديتوهو شِوَىْ ... بى حرجل؟ ************* آ رطّانة الليلُن ليّل ما لاقاكُن فى ونساتكُن؟ بين الشادِى وبين كاساتكُن فى صلواتكن .. عِنْ دعواتكن أو .. دقساتكُن عِز خلواتكُن .. زول .. زول الله إن مِحِن .. آ .. بِسأل الهبّاد لى غُلبْ أخواتو الفرّاح عوّان الحلّىِ الفدّاع لى الليل ظُلماتو آ نجمات .. شقيش قولن لى ما لاقاك طالِع .. متدلّى ؟ المطيوب من طيبة أُمّاتو كالفجّاج .. الندّ نباتو موج البحر اللّحَمَر هوجتو وعِرق العِرِق .. اللاّوى ثباتو وش أطفالنا الليلة حلاتو وغنى معانا غنانا هويتو غنِّى العالم غنى حياتو لا ساومنا عليها قضيتو ولا فكينا من إيدنا .. وَصَاتُو ألف شليل يا نورة يفوتو عشان ما يجيك شليلك زاتو
.....
امنة
Post: #122 Title: Re: تعالو نعمل share ونجمع كل الـLyrics بتاعت مصطفي سيد احمد Author: امنة عبد الكريم Date: 03-08-2008, 01:34 PM Parent: #1
عشم باكر
فى عينيك عشم باكر ما انت العمر كلو والشمس الوشاحة ورود وزغرودة بتزف لى الناس خبر زمناً جديد مولود لقيت غيرك .. بضيع إسمى واكون أنا حى وزى مفقود *************** لاقينى يا عشقى الخرافى لاقينى قبال الزوال لاقينى فى كل المرافى زفاف ربيع .. وفرح قوافى وإنشرى فى حزن السنابل غيمة يا كل المشاعر وأمشى قبّال الصباح وزعى الطل للأزهار وأبقى يا شوقى الخرافى خير .. يضم شق البيادر ********* لاقينى يا شوقى الخرافى لاقينى قبال الزوال غنوة من أزمان بعيدة طالعة من صخب الدميرة تلقينى راجيك فى الأماسى وفى المراسى فى الملمات الخطيرة وإنشرى فى حزن السنابل غيمة يا كل المشاعر
.... آمنة
Post: #123 Title: Re: تعالو نعمل share ونجمع كل الـLyrics بتاعت مصطفي سيد احمد Author: ابو طويلة Date: 03-09-2008, 12:42 PM Parent: #1
حلوة عينيك د.بشرى الفاضل
نفسى فى داخلك أعاين وأروى روحى وأشوف منابعك يا سلام الصحرا فى عينيا تتواثب جناين ماخدة صوتك من جداول وما خدة صورتك من كهارب مولداً ميدانو حافل كلما يصبـِّح ... تجيهو الناس جحافلْ يا سلام .... يا سلام ********** لمـّا تعبرى فى الشوارع شوفى كيف الناس تصارع ناس تطفـِّر .. وناس تدفـِّر فى البشابى على نجومك وفى البخبْ .. كايس تخومِك وكل زول من عِنْ سُلافك .. لا لا .. قال دايرلُو كاسْ ******** مرّة طربان .. شلت صوتك شان أغنى.. قلت آه ياليل .. وآه إنتى أول .. وإنتى تانى .. وإنتى تالت .. وإنتى رابع نافرة زى صيد الخلا وصافية زى نبع المنابع وقلتى لى غناى .. خلاص ******* حلوة عينيك زى صحابى عنيدة كيف ... تشبه شريحتين من شبابى حلوة عينيك زى صحابى وزى عِنب .. طوّل معتـّق فى الخوابى وسمحة زى ما تقول ضيوفاً .. دقـّوا بابى .. فرحى بيهم سال .. ملا .. حتى الكبابى
Post: #124 Title: Re: تعالو نعمل share ونجمع كل الـLyrics بتاعت مصطفي سيد احمد Author: ابو طويلة Date: 03-09-2008, 12:51 PM Parent: #1
بين سجن وبيت اشباح
كلمات مصطفى سيداحمد ****************
بين سجن وبيت اشباح وعطالة ودم مباح ومزلة تودى الغربة والغربة جراحة جراح والحل فى بلدك زاتة تتحدى سلاح بسلاح تهزم خفاش العتمة ويغسل سودانا صباح ************ الخمج الماحق سوقنا من بعض وفا المحتاج والعبرة الرابطة حلوقنا من فيض كاس الدجال الوهم الداير يسوقنا اصبح مفضوح الحال ما فضل الا مروقنا وبسلاحنا نعدل الحال بسلاحنا نعدل المال ********* يا غضبة نيلنا الطامح وكتين يكسح طوفان يا سيل الشعب الجامح فى الثورة بعد عصيان يا ضراع الولد الجارح بسلاحك فى المليان الكى للالم الناتح والعبرة لكل غبيان
Post: #125 Title: Re: تعالو نعمل share ونجمع كل الـLyrics بتاعت مصطفي سيد احمد Author: امنة عبد الكريم Date: 03-09-2008, 05:00 PM Parent: #1
1. لوحة وطن في عيون طفلة - قاسم ابوزيد 2. ابداكى من وين-ازهري محمد علي 3. من جديـــد-مدني النخلي 4. لحظة شهيق-عاطف خيرى 5. مشرع الحلم الفسيح- ازهري محمد علي 6. إحساس بالأمل -مدني يوسف النخلي 7. ضوء شبابيك البيوت-يحيي فضل الله 8. علِّـمي عيوني السفر -مدني يوسف النخلي .. 9. واقف براك-الشاعر مدني النخلي 10. عم عبدالرحيم -محمد الحسن سالم حميد 11. من بعد ما عز المرار- عبد العال السيد 12. يا مطر عز الحريق-حميد 13. وضاحة-ازهري محمد علي 14. اسئلة ليست للاجابة-يحيي فضل الله 15. فات اوانــك-عبد العزيز العميري 16. عباد الشمس-لقاسم ابوزيد 17. ادفــقى-لقاسم ابوزيد 18. سيناريو اليابسة(الهدهد)-لعاطف خيري 19. والله نحنّ مع الطيور.. 20. نشــوة ريد-قاسم ابو زيد 21. ســـافر-قاسم ابوزيد 22. زمن بـــــروح-قاسم ابوزيد 23. وهج الشعــــاع-مدني النخلي
24. الــقاكى وين-قاسم ابوزيد 25. صابرين-محمد طه القدال 26. اظـــنك عرفتى-جمال حسن سعيد 27. ضـــــليت-قاسم ابوزيد 28. الجالوص-لعاطف خيري 29. صلاح حاج سعيد-قلت ليها 30. طـيبـة)-بيني وبينك -محمد الحسن سالم حميد 31. بقول غنوات الحليوة ليلة المولد -محمد طه القدال 32. عينيك مـــدن(حساب الزمن)-صلاح حاج سعيد 33. رجعلك قليبى المهضلم-القدال 34. سحابات الهموم-عمر الطيب الدوش 35. (سني علي النضال(بين الموجة والخزان (سلام يا امى)-محمد الحسن سالم حميد 36. المسافة-صلاح حاج سعيد 37. كوني النجمة-قاسم ابوزيد 38. . علميني الاحتمال-قاسم ابوزيد 39. بين مريم الاخري.والمجدلية-محمد عبد الله شمو 40. . الرسالة الحلوة.-عبد الرحمن مكاوي 41. . جمعنا قدر. .-عبد الرحمن مكاوي 42. . الدنيا ليل.غربة ومطر-عبد العال السيد 43. . عشرة مقاطع للحياة.-محجوب شريف 44. . أقراك مرة صاح.-عاطف خيري 45. . كيف أنساك.-محمد مريخا 46. . حكاوي الشوق.-مدني النخلي 47. زهرة الصبار.-مظفر النواب 48. . لمحتك-الكتيابي. 49. علي بابك-.الكتيابي 50. . زى ما يكون.-قاسم ابوزيد 51. . الرحيل في الليل.-أبو ذكري 52. غناء العزلة ضد العزلة.-الصادق الرضي 53. مزيكة الحواري.-محمد المهدي عبد الوهاب 54. اخوان الانسانية كلمات محمد المهدى عبد الوهاب 55. محمد مدنى-فى صحة الوطن المداوم 56. . جفاف.-مصطفي سيد احمد+صلاح حاج سعيد 57. . الجبال قالت غروب.-د.بشري الفاضل 58. المناديل الوضيئة ستاتى-محمد محى الدين 59. الوجد الملح -خطاب حسن احمد 60. تراتيل -كلمات حسن ساتى -الحـان ناجـى القدسى 61. حسنك بديع-خليفة الصادق 62. قلت ليها ..الحقيقة الضائعة .. 63. الخلاص-حميد 64. بت العرب النوبــية-حميد 65. صحـوة-د.طلال دفع الله عبد العزيز 66. رحــال-د.طلال دفع الله عبد العزيز 67. يا صباحـك-د.طلال دفع الله عبد العزيز 68. محمد الحسن حميد -مساورة 69. مسامات الانامل 70. السحاب-يحى فضل الله 71. تعالى نشوف-يحى فضل الله 72. شوك الشـــوق-حميد 73. عشم باكر-مدني النخلي 74. حلوة عينيك-د.بشري الفاضل 75. بين سجن وبيت اشباح-مصطفي سيد احمد
.... امنة
Post: #126 Title: Re: تعالو نعمل share ونجمع كل الـLyrics بتاعت مصطفي سيد احمد Author: امنة عبد الكريم Date: 03-09-2008, 05:14 PM Parent: #125
دي كل الاغاني الجمعناها.. ... بس الاغنية رقم 69 انا سميتها مسامات الانامل وما عارفة اسمها الحقيقي شنو ولا شاعرها منو..يا ريت العارف يورينا
ودي الاكيد
.... امنة
Post: #127 Title: Re: تعالو نعمل share ونجمع كل الـLyrics بتاعت مصطفي سيد احمد Author: ابو طويلة Date: 03-10-2008, 04:37 PM Parent: #1
الاغنية على ما اعتقد اسمها مساملت الانامل للاستاذ يحيى فضل الله
Post: #129 Title: Re: تعالو نعمل share ونجمع كل الـLyrics بتاعت مصطفي سيد احمد Author: امنة عبد الكريم Date: 03-10-2008, 06:27 PM Parent: #127
Quote: بس الاغنية رقم 69 انا سميتها مسامات الانامل وما عارفة اسمها الحقيقي شنو ولا شاعرها منو..يا ريت العارف يورينا
Quote: الاغنية على ما اعتقد اسمها مساملت الانامل للاستاذ يحيى فضل الله
شكرا ابو طويلة علي المعلومة
.... امنة
Post: #128 Title: Re: تعالو نعمل share ونجمع كل الـLyrics بتاعت مصطفي سيد احمد Author: Adam D.El-Asha Date: 03-10-2008, 05:33 PM Parent: #1
التحية لكم وانتم تفومون بهذاالعمل الرائع في جمع وتوثيق اعمال الراحل المقيم مصطفي سيد احمد..
الاغنية رقم 70
قمر الزمان لصلاح حاج سعيد لا استحضر كلماتها ولكن حتماتكون بطرف احدهم
لك التحية الاخت آمنة
آدم العشا
Post: #130 Title: Re: تعالو نعمل share ونجمع كل الـLyrics بتاعت مصطفي سيد احمد Author: امنة عبد الكريم Date: 03-10-2008, 06:28 PM Parent: #128
العزيز ..ادم سلامات يا زول يازين
Quote: الاغنية رقم 70
الاغنية رقم 70 هي السحاب ليحيي فضل الله
Quote: قمر الزمان لصلاح حاج سعيد لا استحضر كلماتها ولكن حتماتكون بطرف احدهم
فهمت من كلامك انك تريد كلمات اغنية قمر الزمان ارجو ان اكون قد فهمت قصدك واليك الاغنية مع احلي الامنيات
.... امنة
Post: #131 Title: Re: تعالو نعمل share ونجمع كل الـLyrics بتاعت مصطفي سيد احمد Author: امنة عبد الكريم Date: 03-10-2008, 06:59 PM Parent: #1
قمر الزمان-صلاح حاج سعيد
كتبت ليك ... لا بينى بينك ريدة .. لا قصة غرام إخترت ليك .... أجمل حروف وأصدق فواصل نادرة فى لغة الكلام.. لا قصدى ألهو معاكى بى كلمات غنا لا شعرى ليك مرجيحة من شعر الغمام كتبت ليك والله يا قمر الزمان شان جيتى بى زمن المحنة وشفت فى عينيكى .. حس أهلى القُدام ************* كتبت ليك وأنا جايى فى زمن الشقا المرسوم على وش الثوانى .. مظللا تتمدد الساعات سنين تتفتح الأحزان غريبة .. ومذهلة وأشتاق أفتش نسمة .. فى الزمن العذاب وأيامى من كتر الأسى وكتر العزوف .. والإغتراب صارت حروف مترهلة لحظات أسيفة .. ومهملة ***************** كتبت ليك .. ووقفت ليك .. لامن لقيتك جايه في قلب الطريق ولمحت فيك راحة المشاوير البعيدة ونفحة النسمة الحنينة الجاية من جوف المضيق حسيت عجايب الدنيا إتلمـت بقت جايـّانى من عصراً سحيق عينيكى حس أطفال بنادوا القمرة لى الغايب .. يعود وجبينك الضوّاى حجا الحبـّوبة فى الزمن السعيد يا قمرة اقلبى السنسنة الحمرة وشوفى ليه ما جا -*********** وأنا فى قساوة الموحش الزمن المكهرب .. بى الحريق أنا حيلتى أيه قولي لى يا قمر الزمان غير أتـّكى .. وأحلم معاك وأحضن أماسى الصحو .. والأمل البريق
.... امنة
Post: #132 Title: Re: تعالو نعمل share ونجمع كل الـLyrics بتاعت مصطفي سيد احمد Author: Kostawi Date: 03-10-2008, 07:08 PM Parent: #131
طوريتك مصطفى سيد أحمد صلاح حاج سعيد و محمد المهدي عبد الوهاب
Post: #133 Title: Re: تعالو نعمل share ونجمع كل الـLyrics بتاعت مصطفي سيد احمد Author: ابو طويلة Date: 03-13-2008, 07:22 AM Parent: #1
الرائع ( مصطفى ) يتغنى بكلمات الرائع( العميري ) قمة وقمة اين نحن الان من هذه القامات شعرا اداء لحنا
الممشى العريض ************** مكتوبة فى الممشى العريض
شيلة خطوتك .. لى البنيّة
مكتوبة بى الخط العنيد ...
فى ذمّة الحاضر .. وصيّة
شاهدة التواريخ ..
والسّير والإنتظار
أدونى من قبلك ..
مناديل الوصول
وفردت أجنحة العشم ..
فى ساحة الوطن البتول
وضحكت ماهمّانى شى..
وبكيت ولا همّانى شى
عندك وقفت من المشى
وغرقت فى ضو النهار
********
كانوا بتمنوكى لو ..
ترتاحى لحظة على الدرب
حبوكى حب
قدر الحروف ..
الحايمة فى بطن الكتب
قدر الخيال ..
ما مدّ إيدو على السحب
كل خاطر كان بريدك
إلاّ ريدك كان رسول الدهشة
فى كل الديار
وأنا زى عوايد الشعر فارس
شدّ خيل الكلمة .. ليك
مصلوب على ضهر البداية
القالو آخرها بين ايديك
وسرحت يامهوّن .. تهوّن
شان أجيك
كان أصل يوم لى حضور
كتْ بريدك ومشتهيك
وإنكسر فينى الترجّى
ونلت من سفرى الخسار
بس داير أقولك يا أصيلة
لو تعب فينا التمنى ..
وإنهتك وتر المغنى
لو تسدى علينا
طاقات البشاير ...
بنهزم يوم التجنّى
وأجيكى لا همّانى شى
عندك وقفت من المشى ..
وغرقت فى ضو النهار
فات اوانــك
فات اوانك وعدى من وشك
صهيل الاغنيات
ياتو فى كفك صبح
غير انغماسك فى الشتات
يا بشوش المعنى
ما صادك بشوش
وصحيت على حلم الفتات
فات اوانك
********
الليلة فجات من سحاب الخلف دور
صحا القوافل فيك من الزمن القبيل
وبكيت فى صدر السما السابع
غموض المسالة
اشمعنا ما قادرين تكونو
وكيف تجيبو الاسئلة
فات اوانك
Post: #134 Title: Re: تعالو نعمل share ونجمع كل الـLyrics بتاعت مصطفي سيد احمد Author: Tabaldina Date: 03-13-2008, 08:47 AM Parent: #1
.. .
فى عيونكـ ضجة الشوق والهواجس تسلمى يا أمونه.
____
انت اكتبو ونحن نستمتع
Post: #135 Title: Re: تعالو نعمل share ونجمع كل الـLyrics بتاعت مصطفي سيد احمد Author: ابو طويلة Date: 03-13-2008, 12:30 PM Parent: #1
