Post: #1
Title: هكـذا أحلــــــــــــــــــــــــــــم .
Author: الرشيد البصيلى
Date: 02-09-2008, 04:08 PM
غفوة أولى ...... الإتحاد الأوربى يطبق التجربة السودانية
فى التعايش السلمى والتكافل الإجتماعى.
صحيان ...... آهــــــــــــــــــ يالله ... تقبل...
غفوة ثانية....... السودان يرسل مركبة مأهولة للفضاء الخارجى بهدف
المساعدة فى دراسة أثر التقلبات الكونية فى إرتفاع
درجة الحرارة فى العاصمة الخرطوم.
صحيان ...... الله يحقق الأمانى ...
قناة السودان الثامنة ... والى حالة الطقس ..... تساقط الجليد بغزارة فى أواسط
السودان ... وفى برنامج صور من العالم لقناة الجزيرة
... رياضة التزلج على الجليد ، رياضة أبدع فيها السودانييون
وتفننوا ... والى جبال المرخيات غرب العاصمة الوطنية أم درمان
لمشاهدة بعض اللقطات الفريدة و المثيرة.
صحيان ...... من خشمك لله ... يا عياض....
غفوة ثالثة... ..... الفريق السودان يتأهل الى نهائيات كاس العالم 2018 م
وسيلعب مباراته النهائية بأستاد أمستردام أمام نظيره
الفريق البرازيلي .
صحيان ...... يا جماعة الفول بالجبنة وين لسا ما وصل ؟؟؟؟..... العرجاء لمراحا....
إن شدينا حيلنا بنمشى ..... لكن لنتفق أولا.
|
Post: #2
Title: Re: هكـذا أحلــــــــــــــــــــــــــــم .
Author: العوض المسلمي
Date: 02-09-2008, 07:26 PM
Parent: #1
الرشيد صباح الخير
يا اخوي شربوتك القوي ده جبتو من ويييييييييين
بسرعه لانه بتاعنا ده مفعوله ضعييييييف
قلت شنوووووووو
|
Post: #3
Title: Re: هكـذا أحلــــــــــــــــــــــــــــم .
Author: الرشيد البصيلى
Date: 02-09-2008, 08:27 PM
Parent: #2
Quote: يا اخوي شربوتك القوي ده جبتو من ويييييييييين
بسرعه لانه بتاعنا ده مفعوله ضعييييييف
قلت شنوووووووو |
أها أعمل شنو يا خوى عوض ..... دى كوجو مورو بتاع حاجة مسرة بت أم دورين
تخريمة : نلوش على البزنيس .... لو الزول داير ليهو تلفزيون ابن كلب (( كمتيرة)) LG يعنى سينما بكلف كم ..... وتحياتى الى أولاد خيرى طرفكم ..... والعبد لله أخونا الريح حيدوب
|
Post: #4
Title: Re: هكـذا أحلــــــــــــــــــــــــــــم .
Author: العوض المسلمي
Date: 02-09-2008, 08:35 PM
Parent: #3
خلاص فكينا الشفره وعرفنا شربوتكم بتجيبوه من وين
والشباب يسلمو عليك
ستصلهم تحيتك
وسلامي خاص لك
|
Post: #5
Title: Re: هكـذا أحلــــــــــــــــــــــــــــم .
Author: Deng
Date: 02-09-2008, 10:58 PM
Parent: #1
العوض.
البنزين البنزين لو سمحت.
دينق.
|
Post: #6
Title: Re: هكـذا أحلــــــــــــــــــــــــــــم .
Author: الرشيد البصيلى
Date: 02-10-2008, 05:49 AM
Parent: #5
.....
ويييييييييييين ياخى السلسيون ......... بنزين شنو؟
مع خالص مودتى دينق
|
Post: #7
Title: Re: هكـذا أحلــــــــــــــــــــــــــــم .
Author: doma
Date: 02-10-2008, 07:43 AM
Parent: #6
الرشيد انت في ؟؟؟
والله لو سافرت من غير تودعني بزعل منك شديد
|
Post: #8
Title: Re: هكـذا أحلــــــــــــــــــــــــــــم .
Author: الرشيد البصيلى
Date: 02-10-2008, 09:07 AM
Parent: #7
دومة حمد لله بشوفتك وطلتك ....
يبدو ان تلفونكم دا منظم ورأسمالى .... أن لقا المتصل زولا كارب بمرر ليكم المكالمة وان لقاه إغيبش متلنا كدا بسد دى بطينة ودى بعجينة وبخت مخدتو فوق راسو وبعمل نايم .... الجماعة تعبونا ... ياخى ديل جايين من وين .... ولا يكون التلفون دا مهبب ما بعرف الناس عشان كدا أحسن تعمل ليناCOOKies وتديهو العلامة تقول ليهو ان جاك زول ليهو سنّان وطويل وأسود ولابس جزمة بدون شراب مرر مكالمتو... ولا تكونو يا ربى عاملين انتو ما ناس التقنية بتعملوها ....وبكون عملوها الجماعة انتى عارفك اصيلة ما بتعمليها .... الكلام وقع لى تب .... نرجع للموضوع ان شاء الله خير ...
عفوا للتخريمة المهببة و الطويلة.
|
Post: #9
Title: Re: هكـذا أحلــــــــــــــــــــــــــــم .
Author: doma
Date: 02-10-2008, 11:00 AM
Parent: #8
حرم تلفوني يسد دي بي طينه ودي بي عجينه من الغبش الا اكسره حته حته واديهو الزباله يا زول الا تكون انت نمرتي ما حافظها كويس انا بضرب ليك .
|
|