الى خريجي معهد الموسيقى والمسرح ( عم حسن توتو والعم يوسف ) مع التحايا توجد صور

الاعزاء خريجي معهد الموسيقى والمسرح في هذا المنبر
وفي اي مكان ....
اتقدم اليكم بعاطر التحايا ....
كنت قد كتبت في اول ايام اشتراكي في هذا المنبر في العام 2003
عن معاناة العمال العاملين في المعهد العالي للموسيقى سابقا ( كلية الدراما والموسيقى )
وبحكم معرفتي بعمق علاقة هولاء العمال بالطلبة كانوا لنا اباء واعمام وقفوا معنا ووقفنا
معهم في كل الظروف ....
فهم ما زالوا هناك في ذلك المكان الحميم عمالا يفرحوا لفرحنا ونحن معهم في كل شي
من منا لم تزغرد له الخاله مقبولـــــه عند انتهاء عرض تخرجـــه موسيقي او مسرحي
اتصلت قبل يومين باحد الزملاء الخريجين وهو مساعد تدريس في المعهد ... قال لي
يا معتصم الاعمام ديل بسالوا منك بالتحديد عم حسن توتو والعم يوسف .... قلت ليه
بتصل عليك واديني اسلم عليهم .... وكان السلام والسؤال عن الحال ...
فالاحوال يا اصدقاء سيئه للغايه ... قد هدهم التعب والمرض ...
وما زال العم يوسف يعاني من تضخم في الطوحال يؤلمه كل يوم ....
ولكن هناك خريجين في السودان متواصلون معهم ... ومتابعين حالتهم الصحيه
وباستمرار ولكن الناس عارفه الحاصل كلــــه ....
المهم يا اصدقاء
حابب ان اطرح هذه الفكره بينكم
لماذا لا نكون لجنة من خريجي المعهد او جمعية لدعمهم من خريجي المعهد في
الداخل والخارج ومتابعة حالاتهم الصحية والمادية وحال اسرهم .....
والله يا شباب انا ما عاوز احكي عنهم ساكنين كيف ولا بصرفوا كم ولا ولا ...
بس متمني لو نقدر نقيف معاهم ....
كلهم دون فرز وبطريقة منظمة ...
ونكون على اتصال بيهم
رايكم شنو ....
اسجل اسمي في اول قائمة الجمعية ومن وافق على الفكرة فل يفعل
ومقترحاتكم طوالي ....

1/ معتصم سيد احمد
2/
3/
4/
ونواصل

العم حسن توتو يتوسط خريجي المعهد حمد النيل خليفه وعضو البورد محمد حنفي ( كابو )

صورة لعدد من عمال المعهد
جلوس عم عبد الرحيم الخاله مقبوله العم يوسف الخاله صفيه
وقوف الخاله خميسه العم حسن توتو وفي الخلف المرحوم العم خميس
ومعهم الخريج عبد العظيم حمدنا الله وزهير

العم المهل

سلامات يا ود الجمام ..

والله دا مشروع عظيم جدا الإهتمام بالعاملين في المعهد ..

وأنا كنت سعيد جدا إنو قبل عامين تقريباً قامت فرقة من الدارسين في المعهد قسم الدراما وأسمت نفسها (فرقة عم توتو) وقامت بتصويره ووضعه في شعاراتها ، وذلك له أبلغ الاثر في تخليد كل من إرتبط بذلك الصرح الهام ..

عم يوسف شفاه الله لا يمكن لأحد من دارسين المعهد أن ينسى فضله في تحضير جميع المعينات للنشاطات الأساسية وقد كان يقابل الجميع ببسمة هادئة وترحاب بالغ ..

والخالة مقبولة وأيضاً أميرة ..

أثني الفكرة بشدة يا معتصم فالحقيقة أن هؤلاء يستحقون الكثير ..

وشكرا لك للمبادرة ...

ياسلا يا معتصم

معك قلبا وقالبا

شكرا ناذر
شكر استاذنا موصلي متوقعنك اساسي معانا وبافكارك
ولكم الحب والكل يطرح مقترحاته اخونا عضو المنبر عبد المنعم حسن
هو المتابع وبشكل دقيق لحالة العم يوسف الصحية ....
ونواصل

يااااامعتصم...

اشكرك بحرارة لقد عبرت تماما عما بخاطري

ياااحليلهم...

انا معك حتي النصر..

معتصم سيدأحمد
تحياتي
عمال المعهد( المعهد) لهم دين كبير على كل من مرعلى المعهد
جاء دور الخريجين ليردوا بعض الدين الذي عليهم.
ظروف العمال صعبة جداً.
العم يوسف أتابع معه منذ أكثر من خمس سنوات بما تيسر ومساهمات الأصدقاء من الأطباء لكن كما تعرف أنا أنقطع عن الخرطوم لفترة
لا يستطيع العم يوسف لعزة نفسه سؤال أحد إذا إنتهي الدواء. وليس هناك من يسأل.
عليه فكرة الدعم من الخريجين فكرة جميلة تغني عن حرج السؤال

استاذة مريم الطيب
تحايا وود
سعيد جدا ان اكون قد عبرت عما بخاطرك
وكفاية جدا انك معانا ... عشان نقيف مع ناس
هم جزء اصيل مننا كلنــا...
راجين افكارك برضو معانا نعمل ليهم شنو
منعم يا جميل
حدثني العم يوسف عن متابعتك معاهو موضوع علاجه
الذي بداءه شباب قبلنا في المعهد وواصلنا فيه
بدون كلل ولا ملل ...
اقدم اقتراح يا منعم انو تكون انت حلقة وصل بينا وبينهم
ومعاك الاستاذ عماد ببو لوجوده في الكلية وعماد معروف بحسه الانساني
ولكم جميعا الحب
ونواصل
راجين كل اولادهم يمروا من هنا

الاخ العزيز معتصم
شكرا لك على هذه اللفتة
وتجدنا معك قلبا وقالبا
وهى لفتة تستحق عليها كل الشكر
ولك ان تتصور ما يمكن ان تحسه
وانت تدخل المعهد بعد طول غياب
ويناديك عم توتو ويوسف باسمك
كان يوما تاريخيا حين دخلت المعهد بعد كل تلك السنوات
ووجدتهم لهفة على السؤال عنى واخبارى واخبار ابنتى
التى كانوا ي(شيلهوها)ايام الدراسة حتى اكمل محاضراتى
ولك ان ترى حسرتى على ما ال اليه حالهم
وجدت يوسف الذى كان شابا حين وجدناه بيننا فى المعهد
والمهل اعتراه الكبر
وعم احمد الترزى
ويوم خطوت اولى خطواتى بعد كل ذاك الغياب كانت
الدموع هى اوى شاهد على حب هؤلاء الناس لكل خريج
وكان الطلاب يسالون عن سر البكاء واللهفة
لكننا كنا متحابين فى الله والمعهد
اخى وصديقى معتصم
معك فى هذا المشروع وهم يستحقون اكثر من هذا المشروع حيث افنوا زهرة الشباب فى مبانيه
ترحلوا معه اينما هبط
ورحم الله عم كومينوست
فهو ايضا تحتاج اسرته ان نتفقدها
ولا انسى الفنان على بابور عليه كل الرحمة
لنمد اليد بيضاء اخوتى واخواتى لجميع هؤلاء الذين قدموا لنا كل ما استطاعوا اليه

الزملاء والاساتذة

سلام

الاخ معتصم تحياتى وشكرا جزيلا على المبادرة

سجل عاصم الطيب قرشى

[email protected]

أتمنى أن تكون هذه ضربة البداية لتكوين إتحاد

خريجى المعهد العالى للموسيقى والمسرح.

أنا فى إنتظار إيميل منك.

شكرا

معتصم سلامات

انا معك

[email protected]

تحياتي

استاذة سلمي
مثيانق شريلو

يطلب منك مراسلته علي الايميل

[email protected]

لانه ينوي مراسلتك

-----------------------

معتصم :
مثيانق يشكرك علي المبادرة الجميلة

وهو احد طلاب كلية الموسيقا والدراما - قسم الدراما - شعبة النقد - المستوي الرابع

يا معتصم ديل أبهاتنا وأمهاتنا وفضلهم محفوظ فى القلب
وأكيد معاك ايد على ايد, وين عجلة عمك توتو؟
ونفسى اعرف اخبار عم احمد عمر السواق واحمد عمر النجار ايضا
وعم خيرى وعمى حسين .

الحلوين
سلمى الشسيخ
عاصم الطيب
هادية بدر الدين

جميل ان تكونوا حضورا معنا هنا
وبجيكم راجع بالتفصيل بعدين ...
وسنتواصل صديقي عــــاصم

وراجين باقي خريجين المعهد

عزيزنا معتصم
احيي مبادرتك واحيي الشباب اللي ما توقفوا عن الوقوف الي جانب اعمامنا وخالاتنا بالمعهد
ورجاء ارفعوا البوست حتى يتمكن الجميع من قراءته والمساهمه فيه واوجه نداء للاطباء اعضاء البورد للادلاء بدلائهم
مودتي
حنفي

العزيز كـــأبو
تحايا وود
اتمنى كل الشباب يمروا على هذا البوست
كما اتمنى ان تطرح افكار عملية حول ماذا نفعل لنقف بجانب اعمامنا
وخالتنا عمال المعهد ...
العزيزة سلمى الشيخ ....
لك الود
عندما زرت المعهد في اخر اجازة لي رايت تلك الدموع وحسيت ذلك
العناق الحار من الجميع وها انا موعود بذلك في شهر ابريل القادم
سازور السودان وسازور المعهد ...
في عهدنا في المعهد وهو ليس بالبعيد التسعينات ياسلمى انا وجدت
احد طلاب السنه الخامسة هو المسؤل من علاج العم يوسف لانه يعاني من
تضخم في الطوحال بشكل كبير ... في يوم تخريجهم وفي ختام عروض شعبة
الموسيقى غنا الجميع وبكى طلاب عمال وضيوف احتضني ذلك الصديق وقال
لي يا معتصم عم يوسف مسئوليتك لحدي ما تتخرج وكنت وقتها في السنه الاولى
وصرنا منذ ذلك اليوم انا والعم يوسف ابن واب ... الا ان تخرجت وهكذا جاء الدور
علي غيري ..... والى هذا اليوم هناك طالب او خريج مسئول من عم يوسف

للحق في المعهد ده انا شفتا حالات انسانية نادرة ...
لكم جميعا الحب

ياسلام يا سلام يا سلام يامعتصم
قطع شكـ معاكم
سجلني و وروني قررتو شنو وجاهزين

العزيز طارق
مرحب بيك معانا
مشارك في الفكرة وراجين ايضا مقترحاتك
وتحية حلوه من مرهف ابني لصغارك البت و الولد
معتصم

وينك يا السني
راجنــــكـ يا اخو الانسانية
وراجين كل الباقين

الاخ معتصم

أقترح الاتى:

1) خطة إسعافية سريعة أهم أجندتها

* توفير مبلغ مالى فى مدة شهر على الاكثر:

أقترح أن يتولى أستاذ الموصلى وأستاذة سلمى الشيخ الاتصال بخريجى أمريكا

طارق أبو لقاء هولندا, أزهرى عبدالقادر بريطانيا وهكذا.

بإمكانى تولى مسألة الخريجين بأستراليا:

عاطف خيرى, عباس عمر, ناجى حسن قاسم, بدرالدين كمال, فايزة سليمان وشخصى.

* تزويدنا بتليفونات الزملاء بالسودان عبر هذا المنبر

* من خلال هذه الخطة السريعة يمكن الحصول على كشف بأسماء الخريجين خارج السودان, ثم إكمال

الكشف بحصر الخريجين داخل السودان لتأسيس الاتحاد.

* مبدئيا أقترح رسوم قدرها 10 دولار شهريا أو 100 دولار دفعة واحدة رسوم سنوية للخريجين بالخارج

و10 جنيه شهريا أو 100جنيه دفعة واحدة لمدة سنة للمقيمين بالداخل. على أن تورد لحساب

بنك يتم فتحه بإسم صندوق إتحاد خريجين المعهد العالى للموسيقى والمسرح.

*خطة متوسطة المدى: تأسيس موقع إلكترونى بسعة كبيرة تسمح مستقبلا بعرض التجارب الموسيقية

الدرامية بالاضافة للمنتديات على الاقل لضمان لم هذا الشتات.

* أخيرا تأسيس الاتحاد الاثيرى لخريجى المعهد العالى للموسيقى والمسرح كنواة لتأسيس مكتب أو دار

بالسودان.

شكرا

تحياتى

عاصم الطيب

Quote: الاخ معتصم أقترح الاتى: 1) خطة إسعافية سريعة أهم أجندتها * توفير مبلغ مالى فى مدة شهر على الاكثر: أقترح أن يتولى أستاذ الموصلى وأستاذة سلمى الشيخ الاتصال بخريجى أمريكا طارق أبو لقاء هولندا, أزهرى عبدالقادر بريطانيا وهكذا. بإمكانى تولى مسألة الخريجين بأستراليا: عاطف خيرى, عباس عمر, ناجى حسن قاسم, بدرالدين كمال, فايزة سليمان وشخصى. * تزويدنا بتليفونات الزملاء بالسودان عبر هذا المنبر * من خلال هذه الخطة السريعة يمكن الحصول على كشف بأسماء الخريجين خارج السودان, ثم إكمال الكشف بحصر الخريجين داخل السودان لتأسيس الاتحاد. * مبدئيا أقترح رسوم قدرها 10 دولار شهريا أو 100 دولار دفعة واحدة رسوم سنوية للخريجين بالخارج و10 جنيه شهريا أو 100جنيه دفعة واحدة لمدة سنة للمقيمين بالداخل. على أن تورد لحساب بنك يتم فتحه بإسم صندوق إتحاد خريجين المعهد العالى للموسيقى والمسرح. *خطة متوسطة المدى: تأسيس موقع إلكترونى بسعة كبيرة تسمح مستقبلا بعرض التجارب الموسيقية الدرامية بالاضافة للمنتديات على الاقل لضمان لم هذا الشتات. * أخيرا تأسيس الاتحاد الاثيرى لخريجى المعهد العالى للموسيقى والمسرح كنواة لتأسيس مكتب أو دار بالسودان. شكرا تحياتى عاصم الطيب

العزيز الصديق عاصم الطيب تحايا وود
جميلا جدا يا عاصم ان نقترح خطوات عملية
واشكرك كثيرا ....
لدي ايميل لك في الهوت ميل هل يعمل
لنتقابل في المسنجر لنبداء خطواتنا العملية
فل نحاول ان يكون هذا البوست عاليا
ولكم الشكر

الاحباء اولاد المعهد وبنات المعهد
قائمة الخريجين فى امريكا وكندا
يوسف الموصلى
خطاب حسن احمد
عثمان مبارك
خالدة الجنيد
ماهر تاج السر
عبد الله محمد عبد الله
مريم محمد الطيب
محمد العليش
سلمى الشيخ سلامة
مريم محمد الطيب
تماضر شيخ الدين
ميرغنى الزين
هادية طلسم
امال طلسم
عبد الله عبد الوهاب (كارلوس )
ميكائيل الضو
محمد عثمان ساطور
اسماعيل محمد الحسن
احمد باص
مجدى العاقب
عبد المنعم الجزولى
نادر محمد عبد الله (نادر السودانى )
كندا
تحية زروق
يحى فضل الله
هادية بدر الدين
السمانى لوال
الفاتح يسن
ولو نسيت زول حقو على
لكن على الاقل ديل المتذكراهم
لو كل واحد مننا دفع عشرين دولار بتدفع جزء من الدين العلينا
لهؤلاء لجنود الذين افنوا زهرة العمر فى تلك المؤسسة
نتفق على ميقات وامكانية التحويل لهم بصورة مباشرة دون وسيط

أدروب...
انت ود اصيل
لتبقي الهمة عاليا ومنتظرنك في ابريل...

سلام لمرهف والعائلة

ها هي سلمى بت الشيخ الاصيلة
ختت حجر تاني لقدام
شكرا كثيرا
وفي امريكا ايضا صديقنا الموسيقي حسن مبارك خليفة ( ككو )
وراجين باقي الشباب يقدموا المقترحات ونبداء الخطوات العملية

العزيز موسى النوبي
تسلم يا صديقي ونحنا ما عملنا حاجه
غير بنفتش يا دوب في طريقة تخلينا نقوم بالواجب
ولا ما كده ... وجاييييييييييييييييييييك في ابريل
ابشر

الإخوة الخريجين
يا ها المحرية فيكم
عاصم الطيب
دايماً جاهز بالحلول
وده تلفوني
00249912446507
الأستاذة/سلمى الشيخ
عندك حسن مبارك
يا معتصم
لو بتتذكر مك الأمين البواب ذاك الرجل الصامت
علمت في اليومين الماضيين إنو رحل عنا منذ شهور له الرحمة
هادية بدر الدين كيفك
عمك أحمد عمر بخير
هو الآن بجامعة السودان
نفي إليها هو والعم محمد حمد في عهد الإمبراطور أحمد عبدالعال

العم الامين
لك الرحمه
شكرا يا منعم

محمد السني دفع الله
بكلمك
مودتي ومحبتي

السني
انا بدق عليك
عليك الله ما تدق لي عشان انت عقدتني
بكره انا بدق ليك يا السني ....

تعظيم سلام لموسيقى ومسرح

محمد السنى, واحشانا روحك السمحةياخ.

عبدالمنعم حأكلمك عن قرب إنشاءالله.

معتصم الهوت ميل ممكن أنشطه لكن تبقى المسألة

فرق الزمن والتنسيق.

سلمى الشيخ زيادة خريجين بكندا عبداللطيف حامد ضرار

أمريكا على السقيد ,عبداللطيف عبد الغنى, صداح, سلوم

نجوى خيرى, إبراهيم.

ود رفاعة مسرح

التحية لهم

وربنا يحفظهم

سلام للجميع

Up

تحياتي معتصم ود الجمام
انا بحب المسرح شديد واكاد اكون شاهدت معظم تخاريخ معهد الموسيقي والمسرح واعتبر دي اشاره لاي مساهمه من خارج المعهد

حمزة سليمان تحياتى ليك والعقد الفريد

حضورك ذكرنى الفنان عمر بانقا فى مجموعة امريكا

الاخ زميل المسرح إبراهيم حمودة ولعله فى كندا

عمر منصور عازف الكمان الفنان فى مجموعة كندا .

بكرى احمد المصطفى بالنرويج

أحمد الكردى, عبد الحفيظ عبد الباقى, أزهري عبدالقادر, عبدالمجيد
حسن عبد المجيد, عثمان محى الدين ببريطانيا. منعم شوف, طارق أبو عبيدة
محمد تروس هولندا. الصادق شيخ الدين بلجيكا. أحمد طه أمفريب, وليد مامون
وليد يوسف, هنادى العبيدى, معتصم محمد أحمد ألمانيا.الوافر شيخ الدين, سليمان
العب أسبانيا. أشطر عازف ساكس حمودة سلطان لا أدر هل هو فى كندا أم إيطاليا.
محمد يعقوب دياب, مختار عازف الشيلوجمال سوزى وجعفر التيجانى لا أدر هل هم فى
تشاد أم ما زالوا فى ليبيا؟؟؟؟؟
والله كمية الجمال المكنوز فى هذه الجواهر شحنة من الفرح وشعلة من الضوء النبيل
تكفى لإنارة ظلمات بلادى.
تحياتى لهم

عاصم الطيب

العزيز معتصم
يوم الخميس الفات وانا امتطى عربتى الفارهه واثناء مرورى بالشارع الغاصل بين العشرة و السوق الشعبى لمحت رجل قاعد تحت عمود كهرباء وشكيت فى انو يكون عم ااااا ياذول رجعت للخلف وسط اللعنات والسباب من السادة السائقين لأنو ما كانت حته يرجع فيها ذول نصيح، المهم لقيتو ليك عمك اااااا بعد التحية والسلام وسؤالوا عن حرمنا وتولا قلت ليهو المقعدك هنا شنو فى الشمس دى؟ وكان ما قاله لى مريعاتخيل قال لى انو منتظر عربية الاوساخ بتاعة البلدية لأنو بيلقط حاجات للاولاد.
حسيت بغصة مريرة وقدر ما حاولت انو اقنعه بتوصيلو وحاولت اديهو العشرين الف الحيلة فرفض رفضا باتا بحجة انو "انت محتاج للعشرين جنيهزى زيك" وانو انا محتاج لعربية الوساخة جدا وبالتالى لازم انتظرها، يا اخوانا الذول دا كنت شايف فيهو انفة وشموخ ما عاديين وكان هذا درسا جديدا علمه لى هذا الرجل العظيم.
عموما معاكم يا شباب للنهاية
[email protected]

سلام يا شباب

يا سلمى فى كندا تماضر حبيب الله
وحمودة وعبد اللطيف ضرار
معاكم فى امريكا سمية قسم واحمد عبد الله( احمد العربى ),
كيفك يا عاصم وشكرا ليك.

اولا العزيز نيازي مرحب بيك
معانا في هذا الهم الانساني
والشباب ابناء المعهد
حمزة سليمان
عبد الباقي محمد مختار ( بقه )
مرحب بقدومكم الى البوست
عاصم الطيب وهادية بدر الدين
احي فيكم نشاطكم الجميل في هذا البوست
الموضوع ماشي كويس اتصل علي بعض من خريجي الداخل
مرحبين بالفكرة ....
تحدثت الى السني عبر الهاتف عبر عن مسنادته للفكره
كل ما عدد المشاركين في البوست بقوا كتار بكون افيد
لمن نطرح الافكار العملية والتي يمكن ان تضيف الى المساعي
المفتوح من اجلها هذا البوست وكما يمكننا توفير بعض
ارقام التلفونات للتواصل مع العمال في المعهد اذا هناك
من يريد السلام والسؤال عن الاحوال ...
ولكم مني جميعا الود
معتصم

الأخت الفاضلة هادية,,

نعم معانا في أريزونا.. من معهد الموسيقى

سمية قسم و زوجها عبدالمنعم أبراهيم الحاج ..

و خالد عبدالله و أحمد أنجليزي الشهير بأحمد العربي ,,

من اجل الاعمام والخالات
فل يبقى هذا البوست عاليا
ولســــــــــــــــه راجين باقي الشباب

وينكم يا شباب المعهد

منتظر تلفونك
اليوم عندنا
منتدى الشعر
المكتب الثقافي بالجاليه
للتقارب بين الجاليات العربية والأجنبية
عملنا منتدى للشعر
كل شهر ليلةتحت شعار
الشعر يجمعنا
اليوم ليلة بها العديد من الشعراء
بجيك بالتفاصيل
عشان كده بنتظرك بعد العاشرة
بأذن الله
ما تنسى عندنا احتفالات المسرح عندنا
1/4 /2008
ما تعدو علينا
مودتي

العزيز السني
توقع مني الاتصال اليوم
ومبروك عليكم منتدياتكم كان شعر
وكان مسرح ايامكم والله ....
اليوم ساتصل عليك
معتصم

شنو يا اخوانا واخواتنا ؟
وين الافكار وين المقترحات ؟
والله لسه راجين منكم مقترحات عملية
وما قنعانين منكم خالص
لكم الود
معتصم

معتصم
أفتكر عشان نكون عمليين
كل زول في حتة عارف الناس المعاهو
يتفقوا يتلاقوا ويتفاكروا وتجي مقترحات عملية عشان نشوف بعد ده التنفيذ كيف.
إتحاد الخريجين
والموضوع الإتفتح من أجلو البوست.

Quote: العزيز جداً عاصم تحيات زاكيات يا صديقى سعدت جداً بالمبادرة التى أطلقها الفنان معتصم ود الجمام وتبناها الجميع من خريجين، طلاب ومحبين للمعهد وناسه، ولأنى بعيد عن البورد لأسباب كثيرة منها بشكل أساسى عدم توفر الوقت الكافى للمتابعة والإسهام بجدية، لذلك رأيت تبليغك عبر هذا الميل القصير مساندتى ودعمى للمبادرة الكريمة، وإميل ولا صمة الخشم بين يديك الآن كل العناوين وارقام التلفونات وخذ راحتك فى تعميمها بين أصحاب المبادرة والأصدقاء تحياتى للجميع بالبوست المجيد ولمعتصم بشكل خاص بالمناسبة تحصلت على عنوان الميل من البوست نفسه، وهى فرصة شحمانة لإطلاعك هلى هذا الرابط http://www.youtube.com/watch?v=N-JuJ44U5AM تحياتى للجميع بطرفكم وللاسرة الكريمة ____________________________________________________________________ Moniem Ibrahim Lichterstraat 93 1034 HN Amsterdam Netherlands +31207760039 +31619796400

الرسالة من عبدالمنعم شوف المقيم بهولندا
الاخ معتصم أرجو أن تضع النقاط فى الاحرف
ونبدأ العمل الاول بجمع التبرعات وإرسالها
للشخص الذى تراه مناسبا.
تليفون المستلم وإسمه بالكامل مهم جدا حتى
يتم الارسال من أمريكا واستراليا.الارسال غالبا
عن طريق الويسترن يونيون أو الصوماليين.

شكرا

اللهم أرحم هذا الانسان الصادق
لا أنسى مزاحه اللطيف مع أحمد عمر نجار
المعهد وفاكهته فى كل المواسم
اللهم أرحم عبد الله أميقو

الله يرحم اميقو,

معاك يا معتصم ورونا ننثق مع منو استاذ موصلى فى امريكا ولا مع السودان ولا عاصم الطيب؟

انا على اتصال بى تماضر حبيب الله وماجدة فوتى نيكولا بامريكاوما تنسو حسن مبارك يا

ناس امريكا.

تعظيم سلام ياود الجمام جاهزين وتقدير للشباب الحلوين

لك التحية ودالجمام على هذه المبادرة الانسانية الرائعة .. وكامل تقديرى لمواقف كل المتداخلين هنا من خريجى المعهد( الكلية).
وهذا ابسط ما يمكن تقديمه لهؤلاء الرائعين من اهلنا وعشيرتنا فى اسرة المعهد .. وارى انه من العملى تشكيل لجنة من بورداب الداخل من الخريجين لتكون حلقة وصل مع الخريجين فى مختلف مهاجرهم وتتولى عملية ادارة ما يجمع من تبرعات وتوظيفها بما يكفل تقديم افضل اشكال المساعدة والدعم لهم 0

ولابد لى بهذه المناسبة ان اسأل عن اسماء ربطتنى بها علاقة ود حميم وصداقة حقيقية.. فى الداخلية عم حامد واسحاق ومحمد صالح ( اخ غير شقيق لانس العاقب) فى المعهد اين عم بختان وكمونست بيننا وبين الاخيرين ذكريات حيث كنا نصر على النوم فى سطح قسم الدراما بشارع 57 بعد ان اسس الصديق حاتم محمد صالح غرفة عرفت بالجخنون وصارت مقرا لجماعة السديم .. اين سعد السواق واين نفيسة وشادية وليلى وعبدالمجيد عم الامين التزرى وكرم الله اين كل هؤلاء الاهل وماذا فعل الزمان بهم 0


عادل السعيد

كل الشباب تحايا وود
الاعـــــزاء
عاصم هادية ومنعم حسن
شكرا لوقوفكم مع البوست وحضوركم الكثيف
الجميل منعم شوف وينك يا راجل مختفي وكما عرفناك
دائما سباق راجنك هنا .....
الاعزاء الفاتح يس وعادل السعيد
شكرا لحضوركم وتايدكم للفكرة
اطلب من الاخ منعم حسن يجيب اخبار الاعمام من المعهد

اقتراحــــــــــــــــــــــــــات
اولا .... اقترح ان يتابع الامر في الداخل ....

1/ عبد المنعم حسن موبايل 00249912446507
2/ عماد الدين محي الدين ( ببو ) 00249912230788

منعم خريج دراما وببو خريج موسيقى وهو متاح الان في المعهد لانه
يعمل مساعد تدريس بقسم الموسيقى وجميعهم يمتلك علاقة مميزة مع العمال
منذ اعوام الدراسة ....

اقتراح تاني ....
نبداء اولا في جمع تبرع بحد ادنى 20 دولار ....
فليتفق ناس امريكا على شخص محدد يجمع المبلغ ويحول على السودان
وعاصم انت مع استراليا ومنعم وطارق ابوعبيدة في هولندا ....
والشباب يقترحوا ناس في مناطق اخرى ,,,,
هادية يبدو لي انت ممكن تعملي اتصالاتك في هذا الاتجاه وتقومي بالتشاور
مع الاصدقاء هناك وتختاروا اكتر شخص نشيط ومتابع ...
وكمان ناس امريكا عندهم حفلات عركي بتبقى مناسبة الناس تتلاقى فيها ....
ونواصل
الشباب الرجاء تحديد امكانكم في المهاجر

العزيز عثمان عجبين
يا صديقي اعتذر لعدم ردي لك وذلك لاني لم ارى مشاركتك
انت كتبت قدام وانا من شدة الضغط بجي جاري تحت اشوف الكتب
جديد في البوست منو ياخي معليش ليك ولميثانق ومرحب بيكم معانا في
هذه المبادرة ولك الود
معتصم

معتصم
الآن الأمور تسير بشكل جيد
والأفكار بقت عملية جداً
بكرة حيكون عرض الجمام وقراءة عفيف حتكون في مجموعة من الخريجين حنحاول نطلع بمقترحات إيجابية
في مجموعة كبيرة إطّلعت على البوست وداعمين الفكرة
بعض العمال بكى لمبادرة أبنائه.
أين أنت يا منعم إبراهيم؟؟؟؟؟؟؟؟
الإخوة الخريجين

منعم
تسلم ودعم الشباب في السودان مهم جدا للفكرة
والتحايا عبرك ليهم كلهم وللاعمام والخالات في المعهد

فوق وبس
وين يا جماعة

up

عليش
وينك يا رجل
في إنتظار مساهماتك
- خارج النص - اليوم قدمت الجمام ليلة الكروان احتفاءً بعفيف اسماعيل
الحماس متزايد بمواصلة نشاط الجماعة وموعودين بأخبار كويسة
تحياتي

دي كيف يا عمك...






الشارع قفل لقيت نفسي قدام البوابة اتذكرت بوستك ده لقطتها ليك لكن جات من بعيد

Quote: وبعد عذرا لاقتحامى ايميلك الشخصى بدون حتى سابق معرفة فيما يتعلق بالموضوع اعلاه و الخاص بدعم رموز معهد الموسيقى و المسرح .. او منكم ان تعتمدونى معكم على (لم اتخرج من المعهد لكنه احد مكونات وجودى الاصيله) صديقى اسمح لى بمراسلة الشباب عن طريقك لانى ما عضو فى المنبر ارجو افادتى عندما يبدا التنفيذ الفعلى لما ستتفقون عليه ثم التحايا عبرك للجميلين كابو و معتصم امجد العطا Amjad

الاعزاء الافاضل

تحياتى

كما يبدو من الايميل, أن للمعهد أكثر من وجيع

لن أشكرك أخى أمجد على هذا الموقف فالشكر فى هذا المقام

أشد إيلاما من وجع المعهد ونزف العاملين عليه.

إتصلت اليوم بالاخ ناجى حسن قاسم فى مدينة ملبورن

وقد أبدى حماسا واضحا, ملخصه أنه سيرسل دفعته بالمضاعف

مباشرة للأخ عماد محى الدين والله يضاعف لمن يشاء.

ــــــــــــــــــــــــــــــــــــــــــــــــــــــ
هتاف من صوت مبحوح:

فليعد المعهد حرا مستقلا ولا نامت أعين الجبناء.

معتصم معليش ماكان عندي عربي لما دخلت المرة الفاتت
لكن لاتعرف مدي سعادتي بهذه الفكرة
العم توتو ولعم يوسف اباءنا بالجد
كم وقفوا معنا في دبرستنا او مشاكلنا وحرق اعصابنا مع حاج ابا ولا غيرو من الناس ...........بالمعهد
المهم نشوف الحاصل وانا معاكم




عاصم الطيب ليك اكتر من وحشه
[email protected]
[email protected]
عجبيين الايميلات قدامك وبرضو ليك وحشه




ناس امريكا ورونا الخطه كيف؟ 7034857907
عليش

شكراً لصديقنا أمجد العطا
ويا شباب لسة منتظرين
البوست رجع الصفحة التالتة

الشباب الحلوين
عليش
عاصم
امجد العطا
منعم
موسى ود النوبه
اعتذر عن الانقطاع عن البوست
وذلك لعطل اصاب النت في البيت ولحدي الان ما اشتغل
لكن احاول اتابع معاكم ... واعالج مشكلة النت عندي
عاصم الطيب اشكر ليك اهتمامك العظيم بهذا الامر
عليش شكرا على حضورك هنا ارجو منك ان تتابع الشباب في امريكا
لو انت على اتصال بعدد منهم
موسى ود النوبة
شكرا على الصورة وشكرا كتير ليك في وقوفك معانا في هذا البوست
منعم اواصل انت اكتر زول مهم في الحملة دي لوجودك قريب من الاعمام
ديل
امجد العطا كيف حالك وين اراضيك يا رجل
ده رقم الموبايل بتاعي
00966567338919
ارجو الاتصال او ارسالة رساله على هذا الرقم

عزيزى عادل لك التحية من عاى بعد غير معروف و مساحة غير محددة, عنك اسال نفسى كثيرا جدا, فانت الوفاء الذى اتسمت به السديم التى عندما اذكرها تطفر الدموع دون اذن او جدوى , لك الحب الخالص كما كان و لامنا الرؤوم ذات الصدر الدافىء معهد الموسيقى , انا ايضا اسال عن من سالت عنهم و زيادة الفاتح القاش و كمال طه و عشيرى و جلال بلال, محمد المصطفى شريف عبد الحميد حسن و كل تلك الزهور الرائعة التى كانت من حولناو اين انت و كيفك.....التحيه لمن كتب هذا البوست و اهميته نحن على استعداد للوفاء باى قدر ارجو ان تكتب لى دائما على [email protected] و هذه دعوة للجميع لمكاتبتى على هذا البرد

العزيز
حاتم محمد صالح
التحايا والود
شكرا لمرورك من هنا
ولسه راجين المقترحات العمليه

معتصم
البوست بقى زي الشافع الحوام كل يوم يفتشو فيه في الحلة
أها الليلة جبتو ليكم من الصفحة التانية
أخشى يا معتصم القصة تبقى زي حلمنابالديمقراطيةوكلو زول راجي الباقين يجيبوها ليه وهو عليه بالحلم
الجميع أثنى على الفكرة بس لسة المسائل بطيئة جدا. والناس كلها منتظرة يوروها الحيحصل شنو
اليوم فقط تذكرت مقل سيف عثمان " مافي مشكلةبس الناس تقوم تقعد"
يا خريجي المعهد: رجاءً نعمل حاجاتنا واقفين عشان ما تبقى علينا حكاية لجنة تنبثق عنها لجنة

لك التحية يا ود الجمام ، وامنياتي ان يسرع ايقاع هذا المشروع ويضم الي جانب هم رد الجميل لناس العم توتو "الشاب" ان يضم هم تكوين رابطة أو اتحاد للخريجين اللي احتوتهم ارجاء العالم السبعة لاسعاف فكرة وجود الموسيقي والمسرح هنا ..
الكثير من المشاريع المهمة يمكن ان تقام بالتأكيد لو تم هذا ..
من فترة بعث الاستاذ سيد احمد ـ من الشارقة ـ مجموعة من الاصدارات المسرحية للمكتبة لا يمكنكم تصور الفرق ..

قبل هذه المجموعة من الكتب التي بعثها .. لم تكن بالمكتبة الا تلك الكتب القديمة التي عليها ختم اتحاد المعهد ؟
هنالك مشكلات عديدة بمقدور اتحاد كهذا ان يسهم في حلها ..
لنقل مثلا فكرة انه لا توجد ولا اصدارة واحدة متخصصة في المسرح أو الموسيقي .. وناس المعهد في امريكا واستراليا وغيرها من دول العالم لم نسمع عنهم انهم عملوا حاجة انشاء الله مجلة الاكترونية في هذا الصدد ..
تحياتي لك يا معتصم واتمني الصحة والعافية لكل عمال الكلية والي الامام

Quote: العزيز معتصم يوم الخميس الفات وانا امتطى عربتى الفارهه واثناء مرورى بالشارع الغاصل بين العشرة و السوق الشعبى لمحت رجل قاعد تحت عمود كهرباء وشكيت فى انو يكون عم ااااا ياذول رجعت للخلف وسط اللعنات والسباب من السادة السائقين لأنو ما كانت حته يرجع فيها ذول نصيح، المهم لقيتو ليك عمك اااااا بعد التحية والسلام وسؤالوا عن حرمنا وتولا قلت ليهو المقعدك هنا شنو فى الشمس دى؟ وكان ما قاله لى مريعاتخيل قال لى انو منتظر عربية الاوساخ بتاعة البلدية لأنو بيلقط حاجات للاولاد. حسيت بغصة مريرة وقدر ما حاولت انو اقنعه بتوصيلو وحاولت اديهو العشرين الف الحيلة فرفض رفضا باتا بحجة انو "انت محتاج للعشرين جنيهزى زيك" وانو انا محتاج لعربية الوساخة جدا وبالتالى لازم انتظرها، يا اخوانا الذول دا كنت شايف فيهو انفة وشموخ ما عاديين وكان هذا درسا جديدا علمه لى هذا الرجل العظيم. عموما معاكم يا شباب للنهاية

يا جماعه هشام كمال كتب الكلام ده بس كتبوا فوق شويه ....
هشام لو تقصد ان هذا العم هو احد عمال المعهد خليني اقول انو نحنا ما فينا اي خير
لقد اوجعتني يا هشام كنت ايما وجع

العزيز منعم
تحايا وود
اقدم اقتراح في الاتجاه العملي
هل هناك امكانية للتحويل في السودان على حساب بنكي
اذا كان هذا ممكنا نطلب من الجميع تحويل مبلغ تبرعه على حساب بنكي
يخصك او يخص اي واحد من الخريجين في الداخل واذا لا يوجد تحويل علي حساب بنكي
اطلب مثلا من احد الخريجين في امريكا ان يضع رقم حسابه هنا ليقوم الخريجين من كل
انحاء امريكا بوضع ما يتبرعون به في ذلك الحساب ثم يقوم بالتحويل على السودان
يا شباب كلنا نعلم عميق المشاعر ولكن نريد تحرك عملي في ذلك
العزيز عصام ابوالقاسم
تحايا وود
افكارك جميله جدا
ولكنا ما زلنا نحبو في انجاز فكرة صغيرة
الخطوه الصغيره بتوصل مشاوير بعيده شكرا ليك كتير
معتصم

هشام كمال
تحياتي إتوقع إنك ممكن تكون مفيد جداً في المشروع ده
الإخوة الخريجين منذ فترة وأنا أحاول تجميع معلومات عن عمال المعهد وظروفهم
عموماً المعلومات العندي ما بطالة وفي اليومين الجايات ديل حأنزل كل المعلومات دي عشان الناس على ضوءها تشوف حتعمل شنو
معتصم
إذا في تحويل ممكن حيتحول على الصافي مهدي وهو برضو ممكن يكون مفيد بإعتبار إنو شغال في المعهد وممكن يكون قريب من العمال

معتصم
تلفونى
00249911922000
هشام

يلا نثني
فكرة
عاصم الطيب
ونؤسس لكيان
عريض ممتد في
طول الكون وعرضو
ننجز المشروع الصغير
بتاع اعمامننا وعماتنا
ونضع الخطوات العملية
من لوائح ودستور
وبرامج
ونتواصل ايسفييريا
مودتي

العزيز هشام
تحايا وود تسلم يا صديق
تلفونك وصل وبينا اتصال
العزيز السني
تحايا وود
الافكار جميلة ولكنها متعسره شديده
ونحنا راجين الناس تمشي خطوه لقدام
هاتفني اليوم من بريطانيا
صديقنا العزيز الخريج عبد المجيد حسن عبد المجيد
( مجيد ) شاب جميل قراء البوست ورحب بالفكره شديد
وقال هو مع الناس في كل ما يتفقوا عليه
شكرا مجيد وشكرا لكل خريجي المعهد المهتمين بالموضوع
في كل انحاء العالم
معتصم

العزيز هشام كمال
اوجعتني رسالتك جدا

يا شباب الوضع اصعب مما نتصور
هيا بادروا او فليذهب هذا البوست ادراج الرياح

*

الاعزاء

تحياتى

معتصم

هذا هو الاسبوع الثانى لعمر هذا النداء.

بالنسبة للإخوة بأستراليا, لقد تم اتصال

بينى والاخ ناجى حسن قاسم كما ذكرت فى مداخلة

سابقة تم الاتفاق على إرسال دفعة أولى قد تتجاوز

الضعف لما اقترحته من كل مجموعة استراليا.

لم أتحصل على تليفونات عباس عمر و بدرالدين

كمال وعاطف خيرى وسأجتهد فى البحث.

عموما المتابع منهم لسودانيز أون لاين لا بد سيعثر

على هذا البوست.

أرجو أخى معتصم أن تطول بالك فالناس ظروف وأولوياتها

تختلف حد إختلاف بصماتها.

أخيرا كلنا أمل وتفاؤل والقصد عظيم.

شكرا

عاصم الطيب

يا ود الجمام
انت دايما بتجيب مواضيع جميله وأصيله
طبعا أنا أستاذ بالمعهد
وأعرف تماما أهمية هذا المشروع
على الطلاق أنا معاك ليوم الدين
بالله شوف لى الود ناذر دا طار وين
بقى ما بجى المعهد
*****
موضوع آخر يا معتصم عاوزك تهتم بيهو
وهو : فى مجموعة طبعت 4000 نسخة من كتاب :أبيى مستقبل السلم والنزاع
وهو من تأليفى بعد أن تحصلت المجموعة على تبرعى بهذه النسخ لصالح الزميلة رابحة حماد
المطبعة هى مطبعة (نيو ستار) بالسوق العربى
يا معتصم أنا ما عارف هل الزميلة رابحة متابعة لهذا الموضوع ؟؟
عموما أنا لدى ملاحظة ...فى الموضوع

اولا شكرا كثيرا
المهندس الانسان بكري ابوبكر لوضع البوست في المقدمه
وسيظل هذا المنبر سند لكل ضعفاء بلادي ....
العزيز عاصم الطيب
تسلم يا صديقي انا طولتا بالي خالص
واتمنى انو الفكره تلقى صدى اوسع وتجيب فائده وهو المراد
من كل ذلك ... اظنك صديقي عاصم قريت رسالة هشام كمال هنا
هذا ما وصل اليه عمال الكلية الحنان الطيبين ديلك ونحنا في
يدنا نساعد ولو بالقليل في حل مشاكلهم...
استاذ قور
تحايا وود
شكرا لمرورك من هنا
وراجين ملاحظاتك وراجين افكارك

طالبوا معي بكري لحضور مجيد هنا في هذا المنبر
ولدعم الفكره .....

المسرحي (عبد المجيد حسن عبد المجيد ) يطرق ابوابك يا بكري سنوا يا اهل المسرح

سلامات كميات للناس المدهشة

فتحوا ليكم الدم وسبحتوا في عمق الوريد .... وين طيب الذكر المبدع عصامي بالمناسبة دي.

مشتاقين والله

ليكم كلكم

ولاولاد اعمامكم زاتو



عسًة كان دايرين نجتمع نتلاقى وين؟؟؟ في المحيط الهادي..؟؟


انا غايتو معاكم... كيف ما عارف لكن معاكم

أنا معاي هنا استاذة وداد عبدالحميد

كان دايريننا ابقوا رجال وتعالوا لينا

عشان تشوفوا..... نجوم الليل السودانية محلقة في سماء بلجيكا.. بس ابقوا رجال ونساء وتعالن..


سلام
ًصادق شيخ الدين
[email protected]

الاخ معاوية وكل الذين شاركوا من اساتذتى وزملائى لكم التحايا ...... والله وو الله و و الله .. ده اجمل موضوع واحسن مشروع اسمعه فى حياتى كلنا ربطتنا بهم زكريات منذ ان كنا طلاباً --- رحم الله هؤلاء -بابور الشخصية المرحة ، وعم جاد الله و وديع رحمهم الله اتتذكرون هؤلاء العمال الذين كانوا نعم الاصحاب والاصدقاء للطلاب بالمعهد ش 59 العمارات؟؟؟؟؟؟؟؟؟؟؟؟؟؟
من هؤلاء تبقى لنا المهل ، وحسن توتو ، و يوسف ، وعبدالرحيم مد الله فى ايامهم ،،،، كثيراً من الاوقات وحتى الان تكون هنالك لحظة هزار بينى والعم توتو واقول له وبالهزار ياعم حسن انت مفروض تكون العميد الان ويظل يضحك كثيرا من اعماقة ويبدأ يتذكر لحظات جميلة لاتنسى ايام كنت طالبا بمعهد الموسيقى والمسرح بالعمارات ش 59
نعم هم يعانون من متطلبات الحياة ومشاكلها ولكنهم هم اغنياء ابداعيا فى دواخلهم وحياتهم ،،، هم كانوا جنب الى جنب مع كل المبدعين الذين درسوا المعهد منذ بداياتهم وتجاربهم الاولى --هم ارشيف ذكرياتى مخفى لا يعرفهم الا من درس بكلية الموسيقى والدراما منذ ان كان معهداً فى نهاية الستينات

تعالوا ومع بعض ونتكاتف من اجل انجاح هذا المشروع ... ولا مانع لدى وبكل شرف ان اكون المسئول وممثلكم فى هذا المشروع الانسانى الناجحوفقنا الله

شكلو الناس بتكتب بس
يامعتصم انا جاهز وممن عبد المنعم يرسل لي بياناتو انا ارسل مساهمتي بالوسترن يونيون او دهب شل في الخرطوم
المهم
ياناس امريكا العايز يقدم خير في الناس ديل كلمونا
25 دولار مابتعنل حاجه
وانا بقول ليكم لو دايرين تجمعوها ممكن لو كلو زول عايز يرسل عن طرقو برضو ممكن لانها ماصعبه
ولا شنو؟
يلا منتظركم
عليش

الصادق شيخ الدين
يا فنان تسلم
ديل ناس المعهد المنتشرين في كل انحاء العالم
وساكنين في خواطر بعض ....
راجنك تكون اساسي في هذا المشروع
د/ الفاتح
تحايا وود
جميل ان تكون هنا ...
انت وناس كتار المفروض يكونوا هنا
عشت انت معهم طالبا واستاذا ... وشهدت ذلك الاحترام والمودة
في عيونهم عمال المعهد .... يستاهلوا اكثر من كده ...
فلتنثق مع الاصدقاء عبد المنعم حسن وعماد ببو ود قسم جيتارك
عليش
تحايا وود
احسن ما فعلت
نحنا حقيقي محتاجين لفعل
وايد على ايد تجدع بعيد
معتصم

تسلم يا عليش
الموضوع ما أكترمن كدة

ويلا فوق

انا معاكم
شفتوا الا تطردوني من البورد ده

فوق
فوق
فوق
سودنا فوق ذاتو

أنا برضو معاك يا معتصم وبرضو
فوووووووووووووووووق.
الناس ديل ناموا ولا شنو.
المشغوليلت مقدرة لكن حقو الموضوع ده برضو يبقى واحدة من المشغوليلت

بكره يا بوستي الحزين تلقى السعادة

*

*
ودي مني انا يا هشام كمال

فرحان للطيش
وانا بشوف بوستك جاب
الضاحك البشوش
صادق شيخ الدين
ابومريمولاميريام
محبتي ليهم وليكم
ومتواصلين
من اجل تجمع للخريجين في الشتات
دام صفانا

دام صفاك يا السني
ومرحب بيك وبابو مريم
وكل خريجي المعهد العالي للموسيقى والمسرح

انا مساهر احضر الأوسكار
وكل سنة وانت طيب
طبعا بنجضر في الموقع بتاعنا
سودانوي
لأكبر احتفال لتوزيع جائزة القناع الذهبي
والفضي والبرونزي
على تسعة جوائز في الفنون الدرامية
وسوف يكون الحفل في فبراي القادم يعني سوف
نعمل استعداتنالمدة سنة
وتوصلنا الى شكل الجائزة
والمادة المصنوعة منها
وهي تمثال من الأبنوس الأسود
وقناع الوجه بألاوان الثلاث
لك محبتي
وكل سنة وفناني الفن السابع
في كل العالم
بالف خير
دام صفانا

Hi All
Sorry for writing in English, in fact I often lose my
Arabic window. Mr Oliesh, I am really very sorry that
I didn't see your kind greeting . I keep a very special
place for you. Let's keep in touch through the e mails
Sadig Shaikh eldin, it's good to hear your voice and see Meriam
through your portrait.Mutasim, I would like to say thank you for
this post and tell you that I have paid on behalf of our
brothers in Australia. If they are not happy with that
still they have the chance to correct this fact

Asim Gorashi

شكرا
السني
شكرا عاصم

الأخ الفنان
عاصم الطيب
شكراً على مساهمتك المقدرة
جاري التنسيق مع ببو حول ما يمكن القيام به
أها يا شباب عاصم الطيب أوفى بما وعد
في انتظار مساهماتكم

العزيز
منعم
تحايا وود
يا زول بعد شهر وعشره ايام انا جاييك بالشارع عديل
ومساهمتي بجيبا معاي بس لاقيني في حوش المعهد ...
لك ولببو مليون تحية
معتصم

الصديق معتصم
الإخوة والأصدقاء الخريجين
الليلة يوم حوبتكم جاء
العم حسن توتو
آخر ماهية حياخدها من المعهد الشهر ده
وهو الآن مطالب باخلاء منزل الجامعة ( المتواضع لكنو سادي فرقة) ولا يعرف إلي أين يتجه
قابلتو اليوم يبدو عليه الأسى
قد يكون أسىً على المؤسسة التي أفنى زهرة شبابه في خدمتها وخدمة طلابها
لكن تبقى الحقيقة أن عم حسن توتو سيكون بلا مأوى من بداية مع نهاية هذا الشهر
نحاول أنا وببو وصالح قنقروش إستقطاب بعض الدعم من خريجي الداخل
ولكن أيضاً نأمل في الاستجابة السريعة منكم.
نأمل حتى لا يغشانا الخجل المر يوماً ما.
هل يأمل حسن توتو في ظلٍ كانه لنا يوماً ما؟؟.أنا آمل أن أكون هذا الظل الآن فهل (أنتم معي).

التحية يامعتصم وكل الشباب

نبهني أحد الاصدقاء لهذا البوست
الزاخر بالمبدعين من خريجين وأصدقاء
لا اعتبر نفسي خريجا ولكن هؤلاء اهلي
الذين اعرفهم ويعرفونني ..وبرضو
نسابتنا.. هذا جهد مقدر ومقتدر
يا استاذ منعم حسن ..ويامعتصم
ود الجمام جاري الشرقاوي ..بتلاع
الكلات ..حاول الاتصال بعليش
لكن الرقم بتاعو الخاتيهو في البروفايل
لاطي ..ومكوجن ..المهم نحنا عندنا الرغبة
نشارك ونساهم بالفيها النصيب ..
وياريت الناس تنتبه لكلام
عاصم الطيب عشان تنظم نفسها
وتتوحد مجهوداتها ..المهم

ياعليش ياعدل تلفونك ..ياأضرب
في التلفون ده ..

16024346301

الصديق والأخ الكبير منعم ابراهيم
فرحان بطلتك
عارفنك ما بتقصر
لو ما سوينا كده ما بنكون خريجين المعهد
تسلم يا صديقي

يا معتصم
أقولك قولة
أنا ماشي أقعد مع عمك حسن توتو في شارع الله ده.
إن بقيت جاي
برضو تعالنا في شارع الله

تنسيني يا سلمي الشيخ سلامه

كدا كويس؟

عمر بانقا

أنا ما قريت و لا كلمة و ما فاهم منو قال شنو
لكن طبعا عارفين من الطبيعي أنا أكون معاكم...
و لا شنو.....

و إنت يا ود الجمام عارف الباقي

طبعا أنحنا زمان كنا بنخوف عم أحمد النجار أنا و أميقو حتى بالأمارة كان بهرش مننا.......أسألوه كان ينكر و النو شاهد علي الكلام ده لأنه كان بيوصلوا بيتم بعد الشغل....و من الخوف كان بيلبد الشاكوش تحت البنطلون و أسألوا عم اللمين لأنه كان مفصل ليهو بنطلون بجيب خاص للشاكوش........

سلامات سلامات

السني البضحكنا...

انا طبعا متابع نشاطاتك باهتمام شديد... التقيت صلاح في المعهد (الكلية بلغة اولاد اليومين ديل) وبدينا نحكي ونضحك زي الاتفارقنا امبارح.

زمان ضحكنا معاك يا سني جنس ضحك في الدنيا دي. الشكر ليك يا ربي. كل السودان ما نحن بس.. ربنا يلمنا وتفرحنا وتدخل الضحكة الاولى دييييك في قلوبنا وقلوب الغلابة..
عملت لي شنو في البتاعات بالمناسبة دي؟ هههههههه

د, الفاتح انت وين اليومين دي؟ احتمال كبير اجي السودان في اليومين ديل.

اوووووه عاصم الطيب بالانجليزي
عامل كده زي د. عاصم ههههههههههههه الله يضراه بالخير.. وين الزول ده بالمناسبة دي؟

عساك طيب يااخوي؟ ماهر الحنون كان دايرك ضروري. اتصل بي عشان ارسل ليه تلفونك.. اكتشفت انه تلفونك غطص في ركن ما في المكتب المهم ضربت هنا وهناك ولقيته واديته ليه.. اتصل بيك؟ لو ما اتصل ارسل ايميل
[email protected]
لو اتصل برضو رسل لي هههه
سلامي للوليدات وامهم.

اها نجي للموضوع. انا عايز لي اسم زول في السودن عشان اسلمه هناك...قلنا كم؟ انا بدفع بالسوداني

معتصم ود الجمام ليك الشكر تاني على المبادرة الطيبة دي

اول مرة القي لي زول الأيميل بتاعو
صلصه ديق
بعني انت في اوربا دي بقيت بتاع خدار مش خضار
انت دحين مش في بلجيكا
البلاد دي قالو كلها شكولاته
ماسك لي عود في صورتك العسل
انت سيد الضحك وسيد القمصان البيضا
يا ابوي ابيض ضميرك طول عمرك
ولمن ترجع السودان تعمل ليك لوري ابيض ضميرك
وتركب ليهو كوز عشان القيزان ووووووكع
بعدين كوز بتاع الفروطاعشان اقفل العادم تمام خاصة الكيزان بتاعين العلب الصينية
البتجي من الصين رخيص وكبيرة يعني بالمعنى كده عقلك مااروح بعيد في ـ كلمة ـ كوز
والله وعلي البتاعة بتاعتي المصون طلقنا الساسة بالستة
من النقر بقى مدرب وسانتو سافر الأمارات بطلت السياسة
لانو كنت معروف انو انا جناح النقر
شوفت الهضربة دي كيف بس ده كلو شوق ولانو قبل شوية ضرب لي قاسم نصر من السويد فتحت النت
لقيتك في وشي
الفرحة الضربتني تقول بلعت لي حبوب هلوسة
ةالله شوق ابومريم
شوق وحنين

اذن الوجع دخل العطم الحي
هاهو حسن توتو يذهب الى الشارع ومن بعده ستدور
الدائره ....
احب الاسئله الجاده جدا ....
عزيزي الصادق شيخ الدين يا جميل
سالتني ....
ده جوابي
عماد الدين محي الدين حسب الله ... استاذ معيد في كلية اولاد اليومين دي
ده تلفونوا 00249912230788 كمان بتاع جيتار
او منعم حسن الحاج
اختار اي واحد منهم وحول الفيها النصيب ليهم وهم بدبروها مع الاعمام هناك



انا في انتظار اسئله عمليه او كلنا في انتظار هذه الاسئله
معتصم سيد احمد

النسي باصحي

يا حليلك و حليل زمبعتك الجمييلة.....
الزمبعة من زمبع يزمبع زمبعتا....
و الرجل حين يزمبع يصير رجلا زمبيعا
و من ظرافته تقع في حبة أمرأة زمبيعة
فيكونا ثنائي الزمبعة
وينجبان من الأنجال
زمبوعي و زمبعوتة ال ما بتشبه الشكالوته

النسي....

عليك الله تمها بالطريقة القديمة

لا حوله ولا قوة الا بالله.... قاسم نصر عديييل كده.. وين الزول ده؟؟؟ بالله لمني بيه.

ٌقصة الصلصة دي عندها علاقة بالغربة والاكل الما شهي. فقررت ابقى بتاع مواشي بس ناس عمر بانقا ما ادونا فرقة.... فعملت عنواني الالكتروني صلصة مع الامل في النجاح في سوق الصلصة وهي موسيقى برضو... واول مااتخرجت لاقاني ابن خالتي عنده معاصر بتاعت زيت.. قال لي اشتغل معانا اهو في مجالك برصو.. بدل جاز ..زيت موسيك.. تقول لي لوري... وكوز.. كمان؟

انا في بلجيكا من سنة 93 وقبلها كنت في اسبانيا... المهم الشوكالاته رااقده بس انتو تجوا متين؟؟
امس او قبلها جابوا في التلفزيون من الامس حاجة من المحطة ومعاكم عمر بانقا.. عمر انت بقيت من الامس ... واخد بال سعادتك؟ انت من الامس.. طيب ناس محمود سراج ووردي يكونوا من ويين؟
عمر بانقا انت جيت من وين خليتني اهضرب زي السني.. ارسل لي ميل ضروووووووري. في الصلصة دي زيتها..
يا معتصم ازيك ياخي... تقصد عماد ببو.؟ طيب محي الدين دي جبتها من وين؟ هههههه
اوكي ح اتصل اليوم. واوع تكون زعلت من قصة اولاد اليومين ديل.. اهو عندنا دفعة بقى من الامس..عاجبك كده؟
انا واجيكم بالقرارات العملية والونسة ... اها انا بديت بيهم الاتنين.

انا منتظر..
لي قدام
صادق

الصادق شيخ الدين ابو مريم ؟
عمر بانقا؟
ازهرى عبد القادر؟
لاحولااااااااااااااا
يا معتصم اول حاجة شكرا انك لميت الناس دى كلها
تانى حاجة
اتصل الاخ صداح محمد الحسن وبيسال كما نحن
نرسل لمنو ؟
نحنا يا الناس القاعدين فى امريكا حقو نوحد جهة الارسال
ونتفق على زول معين وتوقيت معين
ونتبادل الايميلات
ومن هسى دا ايميلى
[email protected]
عشان نرتب المرسال
وبيت الشورة عامر

مرحب حبابكم
ازهري نور الهدى
عمر بانقا ...
مرحب بيكم في مشروعكم نوع من رد الجميل لناس طيبين
ويستاهلو كل الخير
بت الشيخ يا جميله
اهو ده برضو كلام عملي وخطوات لقدام
معاك عليش بهناك برضو ... يلا نكمل المشوار
الصادق شيخ الدين انا ازعل منك انت يا ابو خطوات عمليه
انا بفرح منك رايك شنو

ولسه
راجين الناس الحلوه
عاصم الطيب وينك يا جميل
عليش برضو مختفي من هنا
يلا يا شباب

معتصم
أنا لسة مصر على كلامي الفوق ده
بس خاشي عشان اقول ليك الفنان عاصم الطيب
أول من أرسل مساهمة عشرة أضعاف ما هو مقترح
عمك حسن اتضح انو عندو قطعة فاضية في اطراف الحاج يوسف بنحاول انا وببو يوم الأحد نسلمو ما تيسر من مال عشان يبدأ يبني ولو اوضة واحدة
تحياتي

تمام التمام يا منعم
عاصم وجودو في البوست مهم لانو زول نشيط
وصاحب علاقات واسعه عاوزنو عشان يحرك الركود
تمام يا منعم وقلوبنا مع العم حسن توتو وكل ما كان لمكم
في السودان كبير بكون احسن ممكن تعملوا نفير دق طوب وكده وعم حسن
حيكون عندو بيت في كم يوم شدو حيلكم اكتر التحايا ليكم كلكم...
معتصم

وننتظر الناس ( تقوم تقعد)

برضو الناس (تقوم تقعد)

كلنا راجين
الناس ذي تقوم تقعد

بين القومة والقعدة يا معتصم
ده رقم حساب الصافي مهدي
5559 بنك فيصل الاسلامي - فرع الجامعة الاسلامية الثورة
وتقوموا وتقعدو على خير

شباب
في تلفون مع الصديق عماد ببو تحدثنا عن حال العم حسن توتو
وخروجه من تلك الغرفه المبنيه من الزنك في ارض تخص جامعة السودان
ارض المعهد الزمان وبعد احالته للمعاش طلب منه الخروج من تلك العشه
ليواجه هو واسرته مصير التشرد ... تنادى عدد قليل من خريجي الداخل وجمعوا
مبلغ صغير مع المساهمه المقدمه من صديقنا الفنان عاصم الطيب ودعوا بعض الخريجين
عبر رسائل الموبايل لتحديد يوم لعمل نفير لبناء غرفه في ارض له في اطراف الحاج يوسف
ياشباب ما زالت مساهمتنا قليله جدا نرجو التحرك في موضوع ...
العم حسن توتو الان بلا بيت يلا نشد الهمه ليسكن هو واطفاله
ولكم الحب

فوق
من اجل العم حسن توتو

من اجل الهمة
والتتضامن
من اجل عام جديد للمسرح
من اجل الأخوة والصداقة الحقة
في كل معهد او كلية فنية
في كل مسرح
العلاقات لها سجر
كلنا نعرف كيف علاقة العم خالد
في بوفيه المسرح وكل من مثل على خشبة المسرح الكبير
وعبد الواحد وستارة المسرح
وبابور عليه الرحمة والطبول في كل عرض يحتاج فيه مخرج
لموسيقى مغايرة
للعم عثمان وكومنيست والعم توتو
والمهل ويوسف
عمال الديكور
عمال الفنيات
عمال الخشبة
كيف هي العلاقة؟؟
يحضرون كل ما نحتاج اليه من ادوات
يصنعونها على مهل وفي بعض المرات بسرعة وعلى عجل
يجهزون الخشبة ويشاهدون العروض يشاركونا الفرحة ويقاسموننا الأجزان
يفرحوا بعروضنا الممتدة ونجاحتنا ويتابعون مصيرنا لقد تربينا على ايديهم كانوا اباء
بكل ما تجمل الكلمة من معنى لعدد كبير من الطلاب
كلنا كنا في سفينة واحدة
ذادنا ....
.... المحبة ... المحبة ...
27 مارس يومنا....محبة

شكرا ليك يا السني
ومحبة اهل المسرح تدوم

انا حارس البوست ده
الى ما بعد لارشفه ... ا

الحراسة هينة يا معتصم
الكلام ال out put

اها يا منعم نسوي شنو
اكتر من كده ...

غايتو انت ماعارفك تسو شنو
لكن أنا علي الخدمة البضراع
ماشي جوبا أسبوع وجاي
وكان الله حيانا الأوضة بتقيف على حيلها

منعم
انا عارف البسوي ...
خدمه بالضراع وبغيرو ...
انا جاي الخرطوم بعد كم يوم وبسوي البقدرني عليهو الله

يا معتصم أقول ليك قولة
أنسى الموضوع
خلي الناس تتم ونستها
ونحاول نشوف لينا آلية تانية نساعد بيها أعمامنا ديل
وعليك الله تاني ما تعاين للبوست ده