فصيل من مسلحي دارفور مكون من 50 مركبة يقاتل المعارضة التشادية الآن بجانب قوات ديبي..

لم أستغرب الأمر عندما سمعته على لسان الناطق الرسمي باسم المعارضة التشادية عبدالرحمن غلام الله..
ولن أفعل ذلك .. بل كنت أتوقع ذلك .. واستغرب أن يكون تدخلهم قد جاء متأخرا بهذا الشكل..
لعلمي السابق بمقرات قيادة الحركات المسلحة في أزقة مباني رئاسة الجمهورية القديمة في أنجمينا..
ولمعرفتي أيضا بالمكاتب التي لا تحمل اليافطات في الـ Camp de 27 وتستغلها تلك الحركات..
وكيف أنهاتسخر وسائل الجيش التشادي لتفعل ما تريد في طول البلاد وعرضها..
ولأنني على علم بأكثر من حادث سخرت فيه فصائل دارفور مقومات الجيش التشادي ..
ليس أولها حادثة اقتحام السفارة السودانية بأنجمينا وإهانة دبلوماسييها وضربهم في نص نهارات تشاد..
وليس آخرها حرية حركة المقربين من ديبي من حركات دارفور ضد الآخرين من زملاء السلاح ..
تهديدات وإختطافات وتصفيات تحت سمع وبصر السلطات التشادية ...
لكل ذلك لست مستغربا من أن تحارب حركات دارفور إلى جانب ديبي..
بنفس القدر الذي لا أستغرب فيه مواقف بعض مثقفي دارفور وأقلامها هنا في المنب
كيف يعقل أن يدين البعض تدخل الجبهة الإسلامية في الشأن التشادي ..
ويرغي ويزيد مدينا ذلك ورافضا له في محاولة لإقناعنا أن ديبي هو الأفضل..



إنه فعلا زمن ازدواج معايير الثورة ..
وتبدل قيم العدالة ..
وانقلاب موازين المصداقية..


























----------------------------
كان الله في عوننا نحن التشاديين .. نلقاها من الجبهة الإسلامية ولا من حركات دارفور..
كل واحد عامل فيها وصي علينا..

محمد نور تلقاها من نفسك اولا:

يا محمد نور هله هله على الجد و الجد هله هله عليه

السؤل
لماذا تكتب انت ما تكتب؟؟؟؟



اها نحن من تدعونا بمثقفي دارفور و الادعيت زورا وبهتنا باننا نناصر الدكتاتور ادريس دبي
نقول لك نعم نناصره لانه فاتح لينا البوابه الخلفيه.



لكن انت واقف مع المعارضة دي ليه؟؟؟
اوع تقنعنا بانها ستحقق الديمقراطيه لتشاد؟؟؟؟؟



ابد هذه اوهام تبيعها للغافلين
وضح لينا مصالحك الشخصيه في الامر
وصدقني لن نجاملك ولن نسكت
وبعدين منبر بكري ده خليه يديه عضوية لكل اطراف الصراع في تشاد نسمع منهم
اما ان تعتقد بانك التشادي الوحيد وتفتكر انه ممكن نعتبر كلامك يا علاقة له بمصالح شخصيه فلا.

Quote: بنفس القدر الذي لا أستغرب فيه مواقف بعض مثقفي دارفور وأقلامها هنا في المنب كيف يعقل أن يدين البعض تدخل الجبهة الإسلامية في الشأن التشادي .. ويرغي ويزيد مدينا ذلك ورافضا له في محاولة لإقناعنا أن ديبي هو الأفضل.. إنه فعلا زمن ازدواج معايير الثورة .. وتبدل قيم العدالة .. وانقلاب موازين المصداقية.. ---------------------------- كان الله في عوننا نحن التشاديين .. نلقاها من الجبهة الإسلامية ولا من حركات دارفور.. كل واحد عامل فيها وصي علينا..

نتمنى بدل هذه السكلبة ان تنشر منفستو واحد لهذه الحركات
حتى نوثق لاكاذيبها
لاننا نعلم حتى لو صاغت منفستو جيد فهي نموذج آخر لدبي آخر


لن اتقنعتا بفزاني الذي يقاتل الي جانب موسى هلال ان امثاله يمكن ان يحققوا شيئا يذكر لتشاد
لن تقنعنا بيتماني اردمتا او غيره بانهم يملكون فكر من اساسه يمكن ان يحقق شيئا
الجميع من ساستكم للاسف يبحثون عن مصالحهم وهذه مأساة تشاد وليس ثوار دارفور.

ايرادك لمعومات مبتورة لن يفيدك
فايضا معارضتكم صفت بعضها في سهول دارفور فاكرنا حنكون فاضين ونجي نوثق لهذا؟؟؟مثل
ما تفعل انت؟؟؟

جقلبي ساكت لمن أجيك راجع..
عربيتي مدورة بره .. ماشي الشغل..
اسهبي لس شوية في حكاية مصالحي الشخصية دي على بال ما أجيك راجع..
شايفك قبل كدا رددتيها برضو .. عفصت ليك سكتي وما جيتي راجعة..
إنتي أكتر واحدة عارفاني في المنبر .. مقارنة بالآخرين الإتعرفت عليهم مؤخرا..

أصلوا كان احتلفت معاك بتكيلي اتهامات المصالح الشخصية.. ياهو الفرتكنا الخوة من الليلة..
بجيك صادي لو لقيت فرقة في كمبيوتر الشغل..





















----------------
سامغك في بوست بغادي قلتي مسافرة وتجي راجعة بالليل؟ الحصل شنو؟ الهاي وي قفلوا؟

والله يا تراجي حكايتك عجيبة؟!!!!!!!!!!!!

الزول بلدو... حاكاها معاهو كده زي التقول قاسمها معاهو؟

أسلوبك مرفوض تماماً يا ستي... وصلت بيك الجراءة انت تتهمي كل السودانيين بالجبن!

عاد ده كلام ده؟؟؟

يا بت الشيخ، انا مثلاً أقراء وأقييم مواقف الجميع هنا، على الصعيد الشخصي، ما عارف أي تبرير لعدم إرتياحك ودفاعك عن تشاد في مقابل إدانتك للسودان والسودانيين على الإطلاق كده!!!

هله هله على الجد، قلتا ليك وجهة نظري كسوداني من الشارع كده، أشعر بإهانة بالغة لوطني السودان من قبل الموهوم الأسمو إدريس ديبي ده.. تهديدات وكلام فارغ كتير، ليس لشخص بعينو...وانما للسودان كلو ، وفي هذه الحالة، أصبح انا كمواطن عادي، متحسساً للبندقية طوالي!

فهمتي نظرتي كيفنها...ما تقولي لي ما فاهم وما عارف...شتايمك وصلت لشريحة كبيرة من السودانيين عبر هذا المنفذ، لذلك فأنت سودانية متشودة، وعليه من حقك مغالطة محمد نور في بلدو، أو تشادية متسودنة وفي هذه الحالة أحسن ليك ترجعي لتشاديتك لأننا جبناء على حد وصفك لينا!

مرتزقة في بلد الناس ؟

أعتقد انها بداية النهاية لموضوع دارفور، سيجف حطب شعللة النيران

الأخ محمد نور...سلّم الله بلادكم من كل سوء

البوست دا أكد لى أن السـودان وتشـاد بلد واحـد.

العزيز محمد نور
تظل العزيز و الاخ العاصي مهما تفردب
بكره الجلابة ديل بيفكوك عسك الهواء
وبتلقنا نحن المؤمنين باخوتك الحقة ديل قاعدين
طيب نبدأ من الآخر:

Quote: ---------------- سامغك في بوست بغادي قلتي مسافرة وتجي راجعة بالليل؟ الحصل شنو؟ الهاي وي قفلوا؟

وحياتك كنت معزومة للاتقاط صور مع زعيم حزبنا ال NDP ولكني القيت كل
شيئ وظليت هنا ماسكة النبطشية.

Quote: جقلبي ساكت لمن أجيك راجع.. عربيتي مدورة بره .. ماشي الشغل.. اسهبي لس شوية في حكاية مصالحي الشخصية دي على بال ما أجيك راجع.. شايفك قبل كدا رددتيها برضو .. عفصت ليك سكتي وما جيتي راجعة.. إنتي أكتر واحدة عارفاني في المنبر .. مقارنة بالآخرين الإتعرفت عليهم مؤخرا.. أصلوا كان احتلفت معاك بتكيلي اتهامات المصالح الشخصية.. ياهو الفرتكنا الخوة من الليلة.. بجيك صادي لو لقيت فرقة في كمبيوتر الشغل..

طيب يا عزيز وعشان عيون تشاد بس بشرح لك بادب
اولا لما نقول ماهي مصلحتك او اجندتك ليس معنى ذلك قروش بتصب في جيبك
ولكنك مستفيد بشكل ولو بآخر من الامر موضع السؤال,يعني قد يكون يخدم خطك الفكري.


طيب انا مثلا ممكن تسالني انت متحمسة ليه وبتدافعي؟؟؟وتعلم جيدا انني لست زغاويه؟؟؟
فاقول لك ببساطة مصحلة القضايا التي وقفت لاجلها تتعارض مع ذهب دبي الآن ولو ذهاب
دبي فعلا يعني مجيء حكومة ديمقراطيه لما كان هنالك تعارض...ولكن الواضح هي دكتاتورية
آخر فقط مساندة لحكومة الخرطوم.


اها انت نوع طرحك كان من نوع البيشرك وبيحاحي
رفضت دبي وقلنا من حقك...لكن ان تناصر لينا هؤلاء الكلاب وكمان نسكت
ونبارك لمرجد الابقاء على خوة البورد لا يا حبيب.

اعطني اي اثباتات انهم ديمقراطيين او اي حاجة ايجابيه تثبت اختلافهم مع دبي
ولك علي افتح لك مليون بوست تهليل وتكبير.


النقطة الاخيرة

يا محمد نور انت بشر مثلنا يخطي ويصيب
فما الذي ممكن ان يجعل كلامك قرآنا منزل وعلينا تصديقه؟؟؟

Quote: يا محمد نور انت بشر مثلنا يخطي ويصيب فما الذي ممكن ان يجعل كلامك قرآنا منزل وعلينا تصديقه؟؟؟

العزيزة تراجي

حقيقة الكتابات البتكتبوها في ناس تشاد بدل تماما انو مافي فرق بينكم وبين الكيزان (بينكم دة ليكي انت وللاشتر صاحبك بشاشا) وامونة شكلها ماشة تكون شترا ذيكم ...

علي العموم من حق شعب تشاد تحديد مصيره وعمرها الدعم الخارجي ما اسقط ليه نظام ... كانت بغداد سقطت علي يد الشيعة والاكراد .. كانت ايران سقطت علي يد المعارضين الايرانيين ... كانت الخرطوم حررت علي يد ثوار الشرق والغرب وقبلهم ثوار الحركة الشعبية وقوات التجمع الوطني الديمقراطي .. . ما كانت الجبهة الاسلامية قعدت في راسنا لليلة والتجمع اتفرتق ذي سبحة واتقطعت ....

اهل تشاد ادري بقضاياهم ... والدعم للمعارضيين للنظامين الدكتاتورين متبادل في الخرطوم وانجمينا ..

انا ضد اي تدخل في قضايا الاخرين خاصة من يربطنا بهم صلة الجيرة والقبائل الحدودية المشتركة ...

روقي المنقة واتفرجو علي الحاصل في تشاد مع الامنيات الصادقة لشعب التشاد بالاستقرار وعودة الهدوء والطمانينة لهم ...

فكرو في كيفية اسقاط نظام الخرطوم واتركو التشادين يحددو مصير بلادهم ...

فكرو في ما يخصكم ... وما تحولي قضية تشاد قضيتك الخاصة .. لتشاد شعب يحميه ...

محمد

الاخ hanouf56
انت تشاد قايلها حقت منو عشان يمنعنا واحد و لا عشرة حتى من تناول شأنها؟؟؟؟
وحياتك نحن ادريس دبي ذاته ما يقدر يقول لينا اكتبوا وله ما تكتبوا
نحن بنكتبما نراه حقا,واوع تفتكر فلان عشان عشان تشادي او غيره ممكن يكون الوحيد العنده
حق الافتاء هنا او مناقشة الامر.
كل زول له مصالحه واجندته.



يعني بسألك سؤال
افرض العكه دي كانت في بلاد النوبين بمصر
ومعنا عضو مصري هنا...ترى من حقه ان يقول للحفاوين ماتفتوش في النوبة
دي بلادي وانا بعرفها؟؟؟؟؟؟ما حيقولا له طظ فيك بلادك ايه وبطيخ ايه
ده احنا بنعرف ارض النوبة احسن منك.وله ما كده؟؟؟؟

يبقى حكاية تتمنى الخير لتشاد هذه من حقك
اما ان تعتقد بانك من تصادر حق اي انسان في الكتابة فلا.

Quote: اها نحن من تدعونا بمثقفي دارفور و الادعيت زورا وبهتنا باننا نناصر الدكتاتور ادريس دبي نقول لك نعم نناصره لانه فاتح لينا البوابه الخلفيه.

سمك ، لبن ، تمر هندي
عفيت منك يا تراجي
والبزعل منك زاتو مو عاقل !!

وضح بما لا يدع مجال للشك ان احلام الخرطوم قد تبددت تماما
فشلت سياستها باحداث تغيير نظام الحكم في تشاد او في اسوأ الفروض زعزعة استقرارها لمنع
انتشار القوات الاوربية في شرقي تشاد وافريقيا الوسطى . والخرطوم رغم انها تعلم علم اليقين
ان المعارضيين التشاديين يختلفون هدفا وغاية وانهم يستحيل جمعهم تحت امرة قائد واحد منهم
الا انها ارادت ان تزج بهم في محرقة مؤكدة لا محال بغية تحقيق بعض الثمار من دعمها غير المحدود لهم.
ورغم التطبيل التي تقوم به قناة الجزيرة مدفوعة الاجر من ان المعارضيين التشاديين احكموا سيطرتهم على المدينة
وبعيد امتار من القصر الرئاسي بقوة قوامها 2000 جندي الا ان الصحيح لم يفلح المعارضون اقتحام المدينة وحتى السيارات
التي دخلت (10 سيارة) دخلت بمساعدة بعض العساكر الذين تمردوا بل في الاصل انهم كانوا طابور خامس والمدهش كما ذكر السفير
محمود بشير سفير تشاد لدى واشنطن ان الذي يسطير على العاصمة باسرها لا يغلبه ان يقتحم مبنى الرئاسة الذي يعد بمثابة منزلا واحدا ضمن
الاف المنازل بالمدينة، ما يؤكد الحرب الاعلامية التي قادتها قناة الجزيرة لدعم المعارضين معنويا، والاكثر غرابة ان القناة نفسها عادت في وقت لاحق
لتذكر ان المعارضة استطاعت السيطرة على مدينة أدري الحدودية والتي تبعد اكثر من 700 ميلا عن العاصمة انجمينا ويتساءل المرء عن اسباب السيطرة على
مدينة حدودية في وقت تسيطر خلاله المعارضة على العاصمة وتحاصر رئيس الدولة للاستسلام او الهروب
يقيني ان من حق الشعب التشادي تحديد مصيره بنفسه وان يختار من شاء من الناس ليحكمه ومن حقه ايضا اختيار نمط وطريقة الحكم في دولتهم دون وصاية من احد.
ولكن ان توظف الخرطوم بعضا من التشاديين لخدمة مصالحها الخاصة ، لتستخدمهم غطاءا لاعمالهاالشريرة في المنطقة فهذا مرفوض.
الخرطوم تريد تغيير النظام في كل من تشاد وافريقيا الوسطى وربما دولا اخرى لتقيم فيها نسخا لنموذجها السيء ولتديم امد المعاناة في دارفور وتمنع القوات
الدولية من الانتشار في المنطقة حماية للمدنيين في دارفور وشرق تشاد وخوفا من ان تطال يد هؤلاء الجنود مجرمي الحرب ومهندسوها وربما امتد الامر ليصل بهؤلاء
الي المحكمة الدولية..
الان وقد اعلنت حكومة ادريس دبي قهر التمرد الداخلي وهزيمة المعارضة التي ادعت نيابة عنها قناة الجزيرة والخرطوم انها استولت على حكم تشاد. وعلنت حكومة دبي ايضا عن كسر شوكة معارضيه وتدمير عتادهاوادواتها القتالية وقتل من قتل وهروب الاحياء منهم والذين ما زالوا يولون الدبر تلاحقهم المروحيات الحكومية.
بعد كل هذا يجب على الخرطوم اعادة حساباتها من جديد وتغيير سياستها العسكرية التي اثبتت فشلها داخليا وخارجيا وكلفت الشعب السوداني كل شئ حتى لقمة عيشه، فاموال البترول بدلا من توظف لتنمية البلاد وتحسين حياة الانسان السوداني تستخدم لتشريد المواطنيين وقتلهم ولاسقاط حكومات دولا اخرى وقتل مواطنيها ، وبحساب بسيط نجد ان الحكومة خسرت اكثر من الفي سيارة لاندكروزر في حربها ضد اهل دارفور والحكومة التشادية بقيمة لا تقل عن مئة مليون دولار ، منها اكثر من الف سيارة لدعم اسقاط ادريس دبي . هذه السيارات اما استولت عليها الحركات الدارفورية او الحكومة التشادية او تم تدميرها،هذا فضلا عن الاسلحة والذخيرة والرشاوي وخلافهاوما زالت الخرطوم في طيشها.
اما آن الاوان للخرطوم ان تستخدم عقلها؟.......................

الأخ الكريم/ أنور كنج.. حبابك

Quote: والله يا تراجي حكايتك عجيبة؟!!!!!!!!!!!! الزول بلدو... حاكاها معاهو كده زي التقول قاسمها معاهو؟ أسلوبك مرفوض تماماً يا ستي... وصلت بيك الجراءة انت تتهمي كل السودانيين بالجبن! الأخ محمد نور...سلّم الله بلادكم من كل سوء

آمين يا رب العالمين .. شكرا على الدعم والمساندة يا أنور ..