الحزب الشيوعي يرد على محترفي الكذب .. كل وثائق المؤتمر في يد أمينة

أكد لي قبل قليل أحد قادة حزبنا بان الخبر الذي يروج له المدعو "هجو الاقرع " عار تماما من الصحة
وان وثائق المؤتمر الاخير في يد امينة.
واكد المصدر انه ذهب بنفسه الى كل الصحف التي تصدر بالخرطوم وسلمها بيده ما دار في المؤتمر الصحفي بعد انعقاد المؤتمر ، واضاف ان الكذابون لن ينالوا من حزبنا مهما روجو من اشاعات وادعاءات كاذبة، وسخر المصدر من القائمين بامر جريدة آخر لحظة متحديا ان ينشرو سطرا واحدا مما تحصلوا عليه.

خالد العبيد ، وسع صدرك شويه ، المدعو دى ما بتشبهك .... جماعتك براهم فى الخرطوم فى مؤتمر صحفى قالوا الكلام دى .... والصحيفة موجودة ، ثم عليك بما كتبه ايضا عثمان مبرغنى ، موجود فى البوست .... يا خوى خفف شويه .... دى كلام ناس الخرطوم وجرائدها ما جبت شى من عندى . وبعدين يا خالد فى داعى لكل هذا مفروض تخلو الامور واضحة امام الصحافة انتو خايفين من شنو ؟

اتصل بي زميل قيادي من الخرطوم ليبلغني بخبر رحيل زميلنا فاروق
وسألته انا عن صحة ما جاء في سودانيز اون لاين عن تهريب وثائق المؤتمر
وانا الذي قلت له ان الخبر منشور باسم هجو الاقرع
قال انه لم يسمع بهذه الكذبة على الاطلاق واكد لي ان صحف الخرطوم بما فيها آخر لحظة لم تنشر اي خبر عن وثائق تم تهريبها عن مؤتمر الخرطوم.

{ ورغم أننا لسنا في حاجة إلى جهد كبير، أو قسم مغلّظ، لنثبت للسادة في الحزب الشيوعي السوداني، أن جهاز الأمن لا علاقة له (بآليات) -لاحظ آليات- حصولنا على الوثائق موضوع (الرجفة)، والاضطراب التي تعبر عن حالة مرضية لدى معظم الشيوعيين القدامى والجدد تسمى (فوبيا الأمن)..! فإننا رغم ذلك نقسم بالله العظيم ثلاثاً.. (ومن حلف بالله ما خلى شيء).. أن جهاز الأمن والمخابرات الذي يرأسه الفريق صلاح عبد الله «قوش» لم يكن له أية علاقة بنشرنا لوثائق مؤتمر ما يسمى في هياكل الشيوعيين بـ(مدينة الخرطوم)، بل ربما كان «الأمن» يتقاسم الدهشة مع الشيوعيين وهو يتساءل: من أين حصلت (آخر لحظة) على تلك الوثائق السرية.

اها يا خوى خالد هذا ما كتبته اخر لحظة .... خلى جماعتك يرفعوا عليها قضيه لو كلامها غلط

الشيوعيون عادة لا يلتفتون ولا يردون على مثل هذه الامور التي لا تتعدى ان تكون لعب عيال
اتحدى مرة اخرى آخر لحظة ان تنشر سطرا واحدا مما تحصلت عليه من مؤتمر الخرطوم الاخير !!
الجدير بالذكر ان هذه الصحيفة نشرت قبل فترة خبرا ملفقا عن وثائق حزبية لم يلتفت الحزب له ولم يعيره اهتمام.
وعلى هجو ان يعلم ان امن الجبهة الاسلامية له اجهزة متخصصة في نشر الاشاعات ضد الحزب الشيوعي
لكنهم يحلمون!!

بالنسبة للحزب الشيوعي ....

1/ هو غير ديمقراطي
لأن اخر مؤتمر له تم قبل 41 عاما والاعضاء لا دور لهم اطلاقا في قيادته

2/ هو غير مؤسسي
لأن قيادته المنتخبة قد استقال اغلبها او فصلت او ماتت وجل القيادة الحالية معينة
ومن انتخب منهم في اخر مؤتمر انتهت مدة تفويضهم قبل 39 عاما

3/ حزب غير جندري
لأن قيادته العليا - سكرتارية اللجنة المركزية او المكتب السياسي سابقا -
لا توجد فيها أمراة واحدة .

4/ حزب مركزي
لأنه يدار من قبل المركز ولأن قياداته من مركز السودان ويحكمه مبدا يسمى بالمركزية الديمقراطية

5/ لا يعمل وفق برنامج
لأن اخر برنامج له اجازه قبل 41 عاما وقد اكل عليه الدهر وشرب وفعل عليه اشياء اخرى

6/ حزب لا شعبي
لأن عضويته شرذمة اغلبها من وسط الطلبة والافندية (يعني برجوازية صغيرة)

7/ حزب غير تنموي
لأنه لا يطرح مشاريعا تنموية محددة ولم ينجز مشروعا تنمويا واحدا في السودان ..

لكنه مع ذلك حزب عكليت ؛ اي بمفهوم العكلتة التقليدي في سوق ام دفسو السياسي ..

مبروك ليكم
(عدل بواسطة Abdel Aati on 01-02-2008, 08:05 م

الاخ خالد العبيد هذا ما كتبه اخونا عادل عبدالعاطي فى بوست العكاليت الاصلى و لم يرد عليه احد .... اها انا بقد عين الشيطان وبقول ليهو ان حزبكم اجتمع الايام الفاتت ... والباقى عليك .... معقول ما تردوا على هذه الاسئلة الواضحة و الفاضحة و تصفونى بالمدعو ، غايتو لو كنت مكانك جعليه ساكت ارد عليهو.

ياخ فقعتنا من الضحك!!!
مضحك ان يكون احد مراجعك عادل عبدالعاطي!!!!
اضف الى معلوماتك ان عادل ده مؤسس ورئيس وجماهير حزب خيالي اسمو ليبرو!!

يا خوى ردوا عليهو بس ؟

يا هجو يا الأقرع


ما تم الحديث عنه في المؤتمر الصحفي من وثائق نشرتها أخر لحظة ليست وثائق

مؤتمرالمديرية


أنما حادثة حدثت فيل فترة بعيدة بتسريب وثائق لأخر لحظة عن طريق جهاز الأمن


ونشرتها الصحيفة وفرحت بيها


أما مؤتمر المديرية


فصلاح قوش لم يعلم به إلا بعد أن نزل البيان في سودانيز أون لاين أولا(أول جهة

نشر فيها) ثم بقية الصحف


وسطر واحد من وثيقة أتسرب مافي


يا ربي يا هجو منو فيكم البكون ضرب لصلاح قوش


معليش التعديل عشان الرصة كانت ما عاجباني

الاخت نهال الطيب ، عليك الله الكلام بتاعك صاح ..... لا يا خى صلاح قوش ضربت ليهو انا ، الغواصات بتاعتكم اتخرن عليهو ، الظاهر انك قاصدة الوثيقة القديمة بتاعت خط اليد ، والله محن ، كدى راجعوا الهندى عزالدين مرة تانيه .

Quote: والله أنا أخر لحظة دي لو شايلة لي عيش حار حيحرق يديني ما بلفوا بيها خليك أقرأها انا ماعارفة الناس ديل بقرؤها كيف؟؟

ياالأخ هجو

دي كلامي تحت لكن يبدو أنك مع الإنفعال ما قريته

يازول هندي شنو وعز الدين منو

البرجع ليهو

ياخ كلام واحد عشان ماتتعب كتير

مافي وثائق اتسربت

وكلام أخر كذبة ده ما أكتر من جوطة إعلامية عشان صحيفة الأمن تشوش بيه على المؤتمر

الناجح إجرائياً وتنظيماًوتوري أنو ناس الأمن مفتحين وكده


قلت لي ضربت أنت

صراحة هو مش ضرب تلفون ، اصلو عندى هوت لاين بس اعمل ريز للتلفون هو يعمل بيك بك اب وكده!

خالد العبيد انتا بتحب الكذب ليه
وبتورط نفسك في حتت ضيقة ليه ؟؟

Quote: اضف الى معلوماتك ان عادل ده مؤسس ورئيس وجماهير حزب خيالي اسمو ليبرو!!

اولا لست رئيس اي حزب سياسي في السودان
ثانيا ليس هناك حزب اسمه ليبرو ..
ثالثا: هل هذا رد على حقائقي في حق حزبكم ؟؟؟

انت عبيط كده من ولدوك يا خالد ولا مرضت وانت كبير ؟؟

يا عادل عبد العاطى

سلامات

انت القدرة على الشتائم دى ولدوك بيها و لا اتعلمتها كبير؟

بكري علوم

Quote: انت القدرة على الشتائم دى ولدوك بيها و لا اتعلمتها كبير؟

اتعلمتها كبير .. في الحزب الشيوعي ..

ملحوظة:
ارجو الحرص على العلاقة الطيبة بيننا ...

عادل عبد العاطى

يا اخى ما تراعى العلاقات الطيبة انت اول! ولا شنو، شايفك معتبرنا شرزمة

و تقول راعى العلاقات الطيبة. ما عندك ناس اصحابك كتار شيوعيين و تسميهم شرزمة

و خالد العبيد عبيط و اتعلم العبط متين. اذا انت عارف انو عندك علاقات طيبة بى

ناس من الشيوعيين ترمى الكلام ساى مالك يا عادل؟

ابو بكر صالح

Quote: يا اخى ما تراعى العلاقات الطيبة انت اول! ولا شنو، شايفك معتبرنا شرزمة و تقول راعى العلاقات الطيبة. ما عندك ناس اصحابك كتار شيوعيين و تسميهم شرزمة و خالد العبيد عبيط و اتعلم العبط متين. اذا انت عارف انو عندك علاقات طيبة بى ناس من الشيوعيين ترمى الكلام ساى مالك يا عادل؟

اولا يا سيد هي شرذمة ما شرزمة ..
ثانيا يا محترم هل شرذمة شتيمة ؟؟ امشي راجع معناها في القاموس وتعال راجع لي
ثالثا هل ذكرت اسمك يا زول ؛ ام ذكرت اسم احد في مداخلتي ؟؟ لتأتي وتتداخل بالشخصانيات؛ ام هي العصبية القبلية لشرذمة تبقت من حزب قد كان؛ انا اناقش في قضية عامة وانت تناقش في قضية خاصة ؛ وكانك تريد ان تكون فردا من غزية ان غوت غويت؛ وناس خالد العبيد لا يرشدوا..

اها خالد عبيدك دا انت المحامي بتاعو ؟؟ يا سيد هذا العبيط همه الاساسي في هذا البورد الاساءة الي والكذب بحقي؛ ولو كنت تملك مصداقية وصدقا مع النفس واخلاقا لكنت قد نهيته عن كذبته؛ لا وقفت معه ظالما ؛ وفي رايك هل كذبه تجاهي مبرر واتهامي له بالعبط غير مبرر ؟؟ يا اخي دا عبيط وريالتو سايلة؛ حماك الله او ماركس من التشبه به..

بكري لقد دعوت لدخولك هذا البورد احتراما لمن حكوا عنك ؛ وتبادلنا رسائل جميلة عبر الايميل؛ واكبرت مداخلاتك في منبر الليبرالي؛ وقد وضعتك في مكان عالي مع شرفاء الشيوعيين ممن احترمهم واخاطبهم بالاحترام اللائق بهم؛ فلا تهبط بنفسك لدرك اوباش الشيوعيين وسفهائهم ؛ مع ان الخيار لك في النهاية ..

Quote: يا خوى ردوا عليهو بس ؟

نحن يا المحنة!!
نحن بنعرف شغلنا كويس جدا
وبنعرف نرد على منو ومتين وكيف!

الزميل الهميم

خالد العبيد

والله أنا أخر لحظة دي لو شايلة لي عيش حار حيحرق يديني ما بلفوا بيها خليك أقرأها

انا ماعارفة الناس ديل بقرؤها كيف؟؟

مودتي وتحياتي العميقة

يازميل

طريقنا انت تدري شوك ووعر وعسير

موت على جانبيه ولكننا سنسير ونسير

أخوى هجو
أزيك يا راجل يا طيب
كلام أختنا أو (ابنتنا) نهال الطيب
هو الصحيح وحتي زفت الطين علي قول دينق
كان يقصد تلك الوثيقة والتي وقعت في أياديهم العام السابق
ورد زفت الطين كان علي قول أحد الجالسين بمنصة المؤتمر الصحفي
عندما قال أن بعض الصحف لا تعمل بمهنية صحفية بل بعقلية أمنية
وذلك ضمن رد عن لماذا السرية في اقامة المؤتمر.
وأعتقد أنه ذكر تلك الحادثة التي حدثت العام الفائت
ومن جانبك قد تسرعت بفتح ذاك البوست والذى سألتك فيه
وقلت أنني لم أجد رد للسؤال...ماذا يريد أخونا هجو قوله؟
ولكن أعتقد أنك لم تنتبه لما أقصده حينها.

ترى لماذا يهتم الكيزان واعداء الحزب بوثائقنا الى درجة الهوس ؟!!!

يا هجو إزيك
عليك الله هو آخر لحظة دي فيها زول واحد صادق وألا عندو ذمة؟
وكمان معاك تستشهد بالكلب شاتم الأمّهات دا!؟ (صحفيك بتاع آخر لحظة دا)!!

------------
كيفنّك يا خالد وأريتك بألف خير

سوالين للاخ هجو الاقرع

1. الاخ عضو سابق بجهاز الامن و لا حاجة
اذا كانت الاجابة بلا
2. ما الفائدة التي يمكن تجنيها من كشف وثائق مزعومة للحزب الشيوعي او خلافه

طارح نفسك ارسين لوبين المنبر العام مثلا

الزملاء الاعــــــزاء
لا تتوقعوا منهم ان يستقبلوا نجاح مؤتمراتكم بغير هكذا اسلوب
فواصلوا نضالكم ولا تنتبهوا الى فقاعاتهم .....

محمد اشرف كيفك اخى الكريم ، يا اخى الموضوع راى عام هذا حزب لأبد من الخوض فى خباياه ، ضابط امن كيف زول ترك البلد من اكثر من ربع قرن بعد ان طارده الشيوعيون فى رزقه فترك لهم الجمل بما حمل . ربما لا تعرف خبث هؤلاء القوم حكموا ثلاث ليال فسال الدم من قصر الضيافة الى نهر النيل .

Quote: ليال فسال الدم من قصر الضيافة الى نهر النيل .

الاقرع هجو

انتا بيك الدم، ماهو الدم سيلوه اخوانك فى الله حلفا لى نمولى و من تشاد حتى ساحل البحر الاحمر
على مدى عقد و اكثر من نصف العقد من الزمان. مالك ماقلتا حاجة؟ يا اخى اخوانك فى الله لهم عصابات
تقل الطلاب بالمدى و السواطير و تحرق القرى فوق راس العجزه و الاطفال كل يوم.

يا سيد انتو العنف و الدم و الارهاب اصيل فى فكركم المشوه المعادى للانسان و الحياة الانسانية.
يا عمى لسه اخونك شعارهم فلترق منهم دماء او ترق كل الدماء. هسة دى كلام برددوا زول نصيح

الا العتب على قلة العقل.

التحايا للجميع - بدون فرز

ندعم كل خطوة من كل حزب نحو الإصلاح المؤسسي لأنه في الآخر يصب في خانة تجويد الأداء الحزبي على اعتبار انها اداة التحول الديمقراطي المستدام .

نرفض وبشدة طريقة --- وألفاظ --- الحوار والنقاش وهذا دليل على ان عقلية اركان نقاش الجامعة ما زالت - معشعشة - في ادمغة البعض منا. وفي هذا خطر عظيم حيث ان حال السودان اليوم نتيجة طبيعية لإدارته بعقلية اتحادات الطلبة .

اما الوثائق فهذا حال الحزب الشيوعي منذ زمن اهم ما عنده - الحماية - وكادر الحماية ويا عجبي فقد اثبت التاريخ - عنف البادية لحسن الجزولي - فشلهم التام حتى في حماية الشهيد عبد الخالق محجوب

Quote: عادل كالعادة يدفعك غبنك غير المبرر الي اجترار الحديث الي ما ليس فيه و اعتماد الغوغائيه وسيلة للجوطة الموضوع ثم هووووووب كرسي في الكلوب والدنيا تجوط و العارف يشك و الما عارف يصدق قلت: 1/ هو غير ديمقراطي لأن اخر مؤتمر له تم قبل 41 عاما والاعضاء لا دور لهم اطلاقا في قيادته ياخي ؟؟بلاي عليك ؟؟؟ نحنا ما فاعدين في بولندا و الحزب مابي يعمل موتمرو قلة ادب سااي مش انت سيد العارفين بانو كان في ظرف موضوعي او غير موضوعي فرض عدم قيام الموتمر اقلاهو حكم الجبه الحالي دا و لو عايز راي انا زاتو حسع دي والحزب بيحضر للموتمر شابف انو دي ما الاولوية في ظل الحكم الشمولي النحنا عايشينو في البلد دي شفتك ليك زول قالعين منو بيتو و هو قاعد يفتش في عفش جديد للصالون و عموما كلها 3 شهور و النقة دي تخلص لكن اظل مصراً على انو الفائدة الاكبر من قيام الموامر حتكون اخراص نغمة الموتمر ما قام ليه و هو تجديد شنو الماشين نفتش ليو و نحنا القديم ذاتو يا الله و ياميين قادرين نلم فيو كسرة بالجنبة انت يا عادل لمن جيت داخل الحزب دا ما كان الموتمر برضو ما قام و لمن طلعت منو ما قلت كالع عشان الموتمر ما قام مالك يا ود ابوي اكتشفت الحكاية دي جديد 2/ هو غير مؤسسي لأن قيادته المنتخبة قد استقال اغلبها او فصلت او ماتت وجل القيادة الحالية معينة ومن انتخب منهم في اخر مؤتمر انتهت مدة تفويضهم قبل 39 عاما طيب ديك ماتو و ديل استقالو و قلنا الموثمر ما قام مش في لائحة بتقول صعدو يبقى عدم الموسسية وين بالضبط 3/ حزب غير جندري لأن قيادته العليا - سكرتارية اللجنة المركزية او المكتب السياسي سابقا - لا توجد فيها أمراة واحدة . اول حاجو قيادته العليا دي شنو بالضيط غايتو انا قيادتي المباشرة امرأة و هي ذاتها قيادتها امرأة و حجيوة ام ضبيبنة دي مافيشها في حزبنا و بالمناسبة انت سعاد دي ما عاديها ولا شنو 4/ حزب مركزي لأنه يدار من قبل المركز ولأن قياداته من مركز السودان ويحكمه مبدا يسمى بالمركزية الديمقراطية مركز السودان دا وين بالضبط ياخي الحزب ما بقسم عضويتو بماصولهم العرقية بالمناسبة و صدقني يا عادل ما حيجي يوم الحزب يقشر بي زول من الهامش في القيادة لانو بس من الهامش لكن في كل القطاعات الحزبية بتلقى زملاء من كل اطراق السودان متميزين فكرياً و تنظيمياً و قاعدين في القيادة ( حتى بين شهداءنا) 5/ لا يعمل وفق برنامج لأن اخر برنامج له اجازه قبل 41 عاما وقد اكل عليه الدهر وشرب وفعل عليه اشياء اخرى اها و بعداك ...اجازه قبل 41 سنة و حكمة الله لو جيت الليلة ختيتو قدامك بتلفاهو برنامج عمل متقدم جداً و بيحلل الواقع السوداني بدقة بتصلح لحل اشكالته 6/ حزب لا شعبي لأن عضويته شرذمة اغلبها من وسط الطلبة والافندية (يعني برجوازية صغيرة) الطلبة و الاقندية = شرزمة = برجوازية صغيرة = اغلبية عضوية الحزب . عليك الله يا عادل رسل لي الاحصائية بتاعتك دي مغروووض فوثهاا شديد الحزب يا عادل يتكون من اللوحة الخماسية دبك زانها لي يوم الليلة على الاقل وما في زول عادي منو اكتر من منو لكن نموه وسط القطاعات المتحركة سياسياً (الطلبة و الافندية ) عالي حسب شهادتك خمسة و خميسة 7/ حزب غير تنموي لأنه لا يطرح مشاريعا تنموية محددة ولم ينجز مشروعا تنمويا واحدا في السودان .. كيف الكلام دا الغريبة انو برناكج الحزب القبل 41 سنة بيطرح مفاهيم التنمية المتوازنة (انت شكلو الماركسية و قضايا الثورة السودانية دا رايح منك ) و ينجز من متين يعني في ال35 سنة كان حاكمنو ديل ولا قصدك ال3 يوم لكنه مع ذلك حزب عكليت ؛ اي بمفهوم العكلتة التقليدي في سوق ام دفسو السياسي .. مبروك ليكم الله يبارك فيك عقبال تتعلمو زي العكلتة دي Reason has always existed, but not always in a reasonable form. Karl Marx

امجد يا صديق

والله ما عارف دا ردك ولا رد خالد العبيد نقلتو لي من حتة تانية ..

غايتو كان ردك ما بشبهك اصلا

يكونوا عادوك ولا حاجة يا اخوي ؟؟؟؟

...
عموما خسارة الشباب يدمروا نفسهم وامكانياتهم في الموضع السييء

Quote: عادل كالعادة يدفعك غبنك غير المبرر الي اجترار الحديث الي ما ليس فيه و اعتماد الغوغائيه وسيلة للجوطة الموضوع ثم هووووووب كرسي في الكلوب والدنيا تجوط و العارف يشك و الما عارف يصدق قلت: 1/ هو غير ديمقراطي لأن اخر مؤتمر له تم قبل 41 عاما والاعضاء لا دور لهم اطلاقا في قيادته ياخي ؟؟بلاي عليك ؟؟؟ نحنا ما فاعدين في بولندا و الحزب مابي يعمل موتمرو قلة ادب سااي مش انت سيد العارفين بانو كان في ظرف موضوعي او غير موضوعي فرض عدم قيام الموتمر اقلاهو حكم الجبه الحالي دا و لو عايز راي انا زاتو حسع دي والحزب بيحضر للموتمر شابف انو دي ما الاولوية في ظل الحكم الشمولي النحنا عايشينو في البلد دي شفتك ليك زول قالعين منو بيتو و هو قاعد يفتش في عفش جديد للصالون و عموما كلها 3 شهور و النقة دي تخلص لكن اظل مصراً على انو الفائدة الاكبر من قيام الموامر حتكون اخراص نغمة الموتمر ما قام ليه و هو تجديد شنو الماشين نفتش ليو و نحنا القديم ذاتو يا الله و ياميين قادرين نلم فيو كسرة بالجنبة انت يا عادل لمن جيت داخل الحزب دا ما كان الموتمر برضو ما قام و لمن طلعت منو ما قلت كالع عشان الموتمر ما قام مالك يا ود ابوي اكتشفت الحكاية دي جديد 2/ هو غير مؤسسي لأن قيادته المنتخبة قد استقال اغلبها او فصلت او ماتت وجل القيادة الحالية معينة ومن انتخب منهم في اخر مؤتمر انتهت مدة تفويضهم قبل 39 عاما طيب ديك ماتو و ديل استقالو و قلنا الموثمر ما قام مش في لائحة بتقول صعدو يبقى عدم الموسسية وين بالضبط 3/ حزب غير جندري لأن قيادته العليا - سكرتارية اللجنة المركزية او المكتب السياسي سابقا - لا توجد فيها أمراة واحدة . اول حاجو قيادته العليا دي شنو بالضيط غايتو انا قيادتي المباشرة امرأة و هي ذاتها قيادتها امرأة و حجيوة ام ضبيبنة دي مافيشها في حزبنا و بالمناسبة انت سعاد دي ما عاديها ولا شنو 4/ حزب مركزي لأنه يدار من قبل المركز ولأن قياداته من مركز السودان ويحكمه مبدا يسمى بالمركزية الديمقراطية مركز السودان دا وين بالضبط ياخي الحزب ما بقسم عضويتو بماصولهم العرقية بالمناسبة و صدقني يا عادل ما حيجي يوم الحزب يقشر بي زول من الهامش في القيادة لانو بس من الهامش لكن في كل القطاعات الحزبية بتلقى زملاء من كل اطراق السودان متميزين فكرياً و تنظيمياً و قاعدين في القيادة ( حتى بين شهداءنا) 5/ لا يعمل وفق برنامج لأن اخر برنامج له اجازه قبل 41 عاما وقد اكل عليه الدهر وشرب وفعل عليه اشياء اخرى اها و بعداك ...اجازه قبل 41 سنة و حكمة الله لو جيت الليلة ختيتو قدامك بتلفاهو برنامج عمل متقدم جداً و بيحلل الواقع السوداني بدقة بتصلح لحل اشكالته 6/ حزب لا شعبي لأن عضويته شرذمة اغلبها من وسط الطلبة والافندية (يعني برجوازية صغيرة) الطلبة و الاقندية = شرزمة = برجوازية صغيرة = اغلبية عضوية الحزب . عليك الله يا عادل رسل لي الاحصائية بتاعتك دي مغروووض فوثهاا شديد الحزب يا عادل يتكون من اللوحة الخماسية دبك زانها لي يوم الليلة على الاقل وما في زول عادي منو اكتر من منو لكن نموه وسط القطاعات المتحركة سياسياً (الطلبة و الافندية ) عالي حسب شهادتك خمسة و خميسة 7/ حزب غير تنموي لأنه لا يطرح مشاريعا تنموية محددة ولم ينجز مشروعا تنمويا واحدا في السودان .. كيف الكلام دا الغريبة انو برناكج الحزب القبل 41 سنة بيطرح مفاهيم التنمية المتوازنة (انت شكلو الماركسية و قضايا الثورة السودانية دا رايح منك ) و ينجز من متين يعني في ال35 سنة كان حاكمنو ديل ولا قصدك ال3 يوم لكنه مع ذلك حزب عكليت ؛ اي بمفهوم العكلتة التقليدي في سوق ام دفسو السياسي .. مبروك ليكم الله يبارك فيك عقبال تتعلمو زي العكلتة دي