مترادفات الأمثال ما بين العامية السودانية و اللغة العربية الفصحى .

أماني الخلق متباينة، وهممهم متفاوتة، وكل يغني على هواه، وينشد ليلاه،
:" الحشاش يملأ شبكتو". "الجماعة ديل وترهم مختلف" أصابع اليد مو متل بعض"، "الناس أجناس ،واحدين قمرى وواحدين دباس ،وواحدين زرزور وواحدين قرين حشاش ، وما عارف كلمة قرين حشاش دى خرجت من القافية ليه وجات بالشين بدلا من السين
ـــــــــــــــــ
ما طار طائر وإرتفع ، إلاّ كما طار وقع .
بمعنى أن " العرجاء لمراحا"
الجزاء من نوع العمل : " التسوى كريت فى القرض بتلقا فى جلدا".
ــــــــــــــــ
( إنك لم ترى من الفيل إلا أذنيه ) ، و (ما خفى أعظم ) ، ..(مثل جبل الجليد قمته أقل بكثير مما يخفيه تحت الماء.)
هذه الأمثال الثلاثة يتم أختزالها فى الجملة السودانية " أنت شفتا حاجة ؟ !!!!!!" مثلا ((الذى يحب المشكار أذا عمل تفحيطة بعربية وقلت له انت تجيد القيادة يقول ليك انتا شفت حاجة"
ــــــــــــــــــ

ونواصل.....

ان شاء الله لما اقول ليك امثالك كتيرة

تقول لي

وانت شوفتا حاجة
تحياتي الابدية

شكرا صديقى فيصل محمد خليل ، أتذكرك أخى دوما وكيفما لا وانت كنت أول المرحبين بى فى سودانيزأونلاينكم عندما جئتها برلوما.

نان ما أفاجئك جنس مفاجئه مع إنو حركتك دى ما كويسة.

كل مُيسّرٍ لما خُلق له

يعنى ما تشرب ليك موية بأضنيك ولا تأكل ليك عصيدة بنخرتك أو تمشى لبتاع عناقريب تقول ليهو داير لى عمرة لمكنة عربيتى إلا إذا كان شغال ميكانيكى فى السابق.
الشوكة بتطلع بدربا ودا كلو عشان تكون الشتارة فى وادى ونحنا فى وادى .ودا بذّكرنى بالراجل المشى أشتكى صاحبه لناس بوليس الحركة لما سألوه ليه مشتكى الراجل لناس الحركة قال لأنو حركتو دى ما كويسة.



..