Post: #1
Title: اعضاء المنبر وافتراض الكمال للعضويه .......يا اخوانا الناس ديل ما عارفننا سودانيين؟
Author: العوض المسلمي
Date: 01-31-2008, 02:41 PM
اذا تحدث عضو بالمنبر عن النساء وقال انهن اقل من الرجال ولو علي سبيل الجهل منه
او علي سبيل المزح
او حتي هو قال هذا الحديث باعتقاد صحته
قامت عليه الدنيا من اعضاء وعضوات المنبر
ووصف بالظلامي وعدو المرأه وبانه ينقص من قدرها
تناسي هؤلاء القوم نسبة الاميه المرتفعه وتناسوا الجهل الذي يمر به
السودان بكل ولاياته
ويتحدثون وكان السودان اصبح الوعي به مصاف القمر او الدول الكبري
|
Post: #2
Title: Re: اعضاء المنبر وافتراض الكمال للعضويه .......يا اخوانا الناس ديل ما عارفننا سودانيين؟
Author: Safia Mohamed
Date: 01-31-2008, 03:13 PM
Parent: #1
Quote: اذا تحدث عضو بالمنبر عن النساء وقال انهن اقل من الرجال ولو علي سبيل الجهل منه
او علي سبيل المزح
او حتي هو قال هذا الحديث باعتقاد صحته
قامت عليه الدنيا من اعضاء وعضوات المنبر
ووصف بالظلامي وعدو المرأه وبانه ينقص من قدرها
تناسي هؤلاء القوم نسبة الاميه المرتفعه وتناسوا الجهل الذي يمر به
السودان بكل ولاياته
ويتحدثون وكان السودان اصبح الوعي به مصاف القمر او الدول الكبري
|
ممكن توضح شوية ما فهمت حاجة يا ربي قاصد انه النساء جاهلات ولا الشعب السوداني كلو جاهل ولا شنو ،
غايتو انا ما بعرف انه زول يطلق احكام كدة ساي من غير مبرر او أدلة ولا رايك شنو
صفية
|
Post: #3
Title: Re: اعضاء المنبر وافتراض الكمال للعضويه .......يا اخوانا الناس ديل ما عارفننا سودانيين؟
Author: العوض المسلمي
Date: 01-31-2008, 03:22 PM
Parent: #2
اختي الكريمه صفيه
قصدي ان نسبة الاميه والوعي بين افراد الشعب السوداني كبيره
وليس كنت من تحدث عن المرأه فهو ضدها
او ان من ذكر المرأة في مداخله او نقاش هو ضد النساء
ارجو ان اكون اوضحت
ومنتظر المشاركه
|
Post: #4
Title: Re: اعضاء المنبر وافتراض الكمال للعضويه .......يا اخوانا الناس ديل ما عارفننا سودانيين؟
Author: emad altaib
Date: 01-31-2008, 06:46 PM
Parent: #3
ـــــــــــــــــــ
الاخ : العوض المسلمي
| Quote: قصدي ان نسبة الاميه والوعي بين افراد الشعب السوداني كبيره |
شكرا لك وواجب علينا جميعا اشاعة و تنوير المجتمع ومحاربة التخلف والامية وكفاية تخلف وامية في كل نسيج المجتمع وبفئأته العمريه المختلفة ولم يحدث هذا مالم تكن هنالك ثوره ثقافيه شامله وفكريه تاتي بالديمقراطية كخيار استراتيجي لتفعيل جميع انشطة المجتمع
ولك كل الود
|
Post: #5
Title: Re: اعضاء المنبر وافتراض الكمال للعضويه .......يا اخوانا الناس ديل ما عارفننا سودانيين؟
Author: العوض المسلمي
Date: 02-01-2008, 11:31 AM
Parent: #4
الحبيب عماد
لك تحيه وود خاص
وتستمر الاشكاليه اذا تحدث احد منا نحن الشماليين
بحق احد الجنوبيين او اهلنا من غرب السودان
فالدنيا تقوم والقيامه لايبقي منها شئ
ليه؟
كيف نتحدث عن الجنوبيين اذن نحن عنصريين
ونحن ضد الجنوبين وضد الغرابه
في حين ان من يتحدث من الجنوبيين واهل دارفور
وانتصارهم علي الشماليين فهذا من حقهم لانهم مهمشون
مالكم كيف تحكمون
الشمايه مظلومه اكثر من غيرها
وظلم ذوي الغربي اشد وامر
|
Post: #6
Title: Re: اعضاء المنبر وافتراض الكمال للعضويه .......يا اخوانا الناس ديل ما عارفننا سودانيين؟
Author: محمد البشرى الخضر
Date: 02-01-2008, 11:54 AM
Parent: #5
العوض يا عمك
سلامات
أكتب و عبر عن نفسك مادام شايف نفسك صاح
وما دام كلامك - في تقديرك - خالي من العنصرية و التحقير و التعالي
ليس من مسؤوليتك معالجة فهم - أو طريقة فهم - الآخرين لما تكتب
لكن كمان وضح قدر ما تقدر و ابعد عن ما يثير اللبس
لأن الغرض في النهاية هو إيصال الفكرة إلا لمن ابى
يعني أسي بردك الفوق و العبارة دي | Quote: وظلم ذوي الغربي اشد وامر |
حتثير حنق كل من ينتمي للغرب
ولا ما كدة
|
Post: #7
Title: Re: اعضاء المنبر وافتراض الكمال للعضويه .......يا اخوانا الناس ديل ما عارفننا سودانيين؟
Author: حيدر حسن ميرغني
Date: 02-01-2008, 12:02 PM
Parent: #6
| Quote: وظلم ذوي الغربي اشد وامر |
خوفي تكون مقصودة
ولا ما كدة
|
Post: #8
Title: Re: اعضاء المنبر وافتراض الكمال للعضويه .......يا اخوانا الناس ديل ما عارفننا سودانيين؟
Author: العوض المسلمي
Date: 02-01-2008, 12:23 PM
Parent: #6
اخي ود البشري
جمعه مباركة انشاء الله
| Quote: |وظلم ذوي الغربي اشد وامر |
والله ما مقصوده "القربي" بضم القاف
ولكن حتي وان قلنا ذلك اليس لي حق؟
وتحياتي
|
Post: #9
Title: Re: اعضاء المنبر وافتراض الكمال للعضويه .......يا اخوانا الناس ديل ما عارفننا سودانيين؟
Author: العوض المسلمي
Date: 02-01-2008, 12:23 PM
Parent: #6
اخي حيدر حسن
جمعه مباركة انشاء الله
| Quote: |وظلم ذوي الغربي اشد وامر |
والله ما مقصوده "القربي" بضم القاف
ولكن حتي وان قلنا ذلك اليس لي حق؟
وتحياتي
|
Post: #10
Title: Re: اعضاء المنبر وافتراض الكمال للعضويه .......يا اخوانا الناس ديل ما عارفننا سودانيين؟
Author: Hafiz Bashir
Date: 02-01-2008, 12:26 PM
Parent: #1
Quote: وظلم ذوي الغربي اشد وامر
|
وظلم ذوي القربى اشد وامر
إنت قاصد كدا يا راجل يا طيب؟؟
|
Post: #11
Title: Re: اعضاء المنبر وافتراض الكمال للعضويه .......يا اخوانا الناس ديل ما عارفننا سودانيين؟
Author: العوض المسلمي
Date: 02-01-2008, 01:25 PM
Parent: #10
نعم اخي حافظ
فما ذكرته هو الصحيح
غلطة قلم يعني مامقصوده
وتحياتي
|
Post: #12
Title: Re: اعضاء المنبر وافتراض الكمال للعضويه .......يا اخوانا الناس ديل ما عارفننا سودانيين؟
Author: د.أحمد الحسين
Date: 02-01-2008, 07:36 PM
Parent: #11
Quote: اذا تحدث عضو بالمنبر عن النساء وقال انهن اقل من الرجال ولو علي سبيل الجهل منه
او علي سبيل المزح
او حتي هو قال هذا الحديث باعتقاد صحته
قامت عليه الدنيا من اعضاء وعضوات المنبر
ووصف بالظلامي وعدو المرأه وبانه ينقص من قدرها
تناسي هؤلاء القوم نسبة الاميه المرتفعه وتناسوا الجهل الذي يمر به
السودان بكل ولاياته
ويتحدثون وكان السودان اصبح الوعي به مصاف القمر او الدول الكبري
|
ولكن من المؤكد ان الذين يكتبون في المنبر أشخاص نالوا حظا من التعليم ولذلك يتوقع منهم احترام كما كثير من الذين يكتبون مثل العبارات التي ذكرتها يعنون ما يقولون
|
Post: #16
Title: Re: اعضاء المنبر وافتراض الكمال للعضويه .......يا اخوانا الناس ديل ما عارفننا سودانيين؟
Author: العوض المسلمي
Date: 02-02-2008, 08:18 AM
Parent: #12
| Quote: ولكن من المؤكد ان الذين يكتبون في المنبر أشخاص نالوا حظا من التعليم ولذلك يتوقع منهم احترام كما كثير من الذين يكتبون مثل العبارات التي ذكرتها يعنون ما يقولون |
دكتور احمد تحياتي
يفترض ما ذكرت من التعليم والحظ منه الكثير
ولكن ليس كلهم نالوا هذا القسط الكبير
وكمان ليس كل من نال القسط الكبير من التعليم معصوم من الخطا
ودمتم بخير
|
Post: #13
Title: Re: اعضاء المنبر وافتراض الكمال للعضويه .......يا اخوانا الناس ديل ما عارفننا سودانيين؟
Author: Hafiz Bashir
Date: 02-01-2008, 09:20 PM
Parent: #1
| Quote: قصدي ان نسبة الاميه و الوعي بين افراد الشعب السوداني كبيره |
معليش يا العوض اخوي نسبة الامية و الوعي الإتنين مع بعض دي ما فهمتها
|
Post: #14
Title: Re: اعضاء المنبر وافتراض الكمال للعضويه .......يا اخوانا الناس ديل ما عارفننا سودانيين؟
Author: صلاح الفكي
Date: 02-01-2008, 10:23 PM
Parent: #13
المسلمي..
لك التحية والاحترام..قالوا..القلم ما بزيل بلم.. فالأمية التى تعنى(عدم فك الحرف) مقدور عليها.. ولكن ..تقول شنو في الأمية التى تحمل العلم..مودتي واحترامي
|
Post: #15
Title: Re: اعضاء المنبر وافتراض الكمال للعضويه .......يا اخوانا الناس ديل ما عارفننا سودانيين؟
Author: عبده عبدا لحميد جاد الله
Date: 02-02-2008, 08:07 AM
Parent: #14
العزيز العوض
تحية طيبة
كتبت :
Quote: اذا تحدث عضو بالمنبر عن النساء وقال انهن اقل من الرجال ولو علي سبيل الجهل منه
او علي سبيل المزح
او حتي هو قال هذا الحديث باعتقاد صحته
قامت عليه الدنيا من اعضاء وعضوات المنبر
ووصف بالظلامي وعدو المرأه وبانه ينقص من قدرها
تناسي هؤلاء القوم نسبة الاميه المرتفعه وتناسوا الجهل الذي يمر به
السودان بكل ولاياته
|
دون ايراد نماذج لذلك قفزت الى اشكاليةأخرى
Quote: وتستمر الاشكاليه اذا تحدث احد منا نحن الشماليين
بحق احد الجنوبيين او اهلنا من غرب السودان
فالدنيا تقوم والقيامه لايبقي منها شئ
ليه؟
|
يا العوض الرابط وين والعلاقة شنو بين الموضوعين اعلاه؟
بقتح عليك تغيير العنوان الى "اشكالية التحدث عن المرأة والجنوبيين والغرابة"
لكن ياربي كيف تكون الحال لو طال الحديث المرأة الغرابية والجنوبية
المسلمي رتب المواضيع برواقة
تحياتي
|
Post: #19
Title: Re: اعضاء المنبر وافتراض الكمال للعضويه .......يا اخوانا الناس ديل ما عارفننا سودانيين؟
Author: العوض المسلمي
Date: 02-02-2008, 08:34 AM
Parent: #15
اخي عبده
تحياتي وتقديري
Quote: يا العوض الرابط وين والعلاقة شنو بين الموضوعين اعلاه؟
بقتح عليك تغيير العنوان الى "اشكالية التحدث عن المرأة والجنوبيين والغرابة"
لكن ياربي كيف تكون الحال لو طال الحديث المرأة الغرابية والجنوبية
المسلمي رتب المواضيع برواقة |
اخي بعد شكري وتقديري
الموضوع المطروح هو :
نتحدث في مواضيع متنوعه ومشكله من النساء او الجنوب او الغرب
او الحقوق والواجبات
الا وتجد من يتهمك باشياء كالعنصريه او العبوديه او ظلم النساء
وهذا هو الموضوع
|
Post: #18
Title: Re: اعضاء المنبر وافتراض الكمال للعضويه .......يا اخوانا الناس ديل ما عارفننا سودانيين؟
Author: العوض المسلمي
Date: 02-02-2008, 08:28 AM
Parent: #14
الاخ الكريم صلاح الفكي تحياتي ومروري
| Quote: لك التحية والاحترام..قالوا..القلم ما بزيل بلم.. فالأمية التى تعنى(عدم فك الحرف) مقدور عليها.. ولكن ..تقول شنو في الأمية التى تحمل العلم..مودتي واحترامي |
نعم ان الوعي هو الاهم في حياتنا
فليس المتعلم من يقرا فقط ولكن المثقف هو الذي بيده
ان يري مالايراه غيره
ودمتم بخير وعافيه
|
Post: #17
Title: Re: اعضاء المنبر وافتراض الكمال للعضويه .......يا اخوانا الناس ديل ما عارفننا سودانيين؟
Author: العوض المسلمي
Date: 02-02-2008, 08:23 AM
Parent: #13
تحياتي اخي حافظ
تقديري للمرور والمتابعه
معليش يا العوض اخوي نسبة الامية و الوعي الإتنين مع بعض دي ما فهمتها
نعم هي نسبه كبيره ومختلفه بين الاميه والوعي
نسبة الاميه كبيره جدا في اطراف السودان البعيده
ونسبة الوعي ايضا كبيره في المناطق الحضريه
اوليس ذلك
وتحياتي وتقديري اخي حافظ علي المتابعه والمرور
|
Post: #20
Title: Re: اعضاء المنبر وافتراض الكمال للعضويه .......يا اخوانا الناس ديل ما عارفننا سودانيين؟
Author: عواطف ادريس اسماعيل
Date: 02-02-2008, 08:57 AM
Parent: #17
المسلمي !!!
سلامات ,,,
قبلي كدة كتبنا عن الفتيات السائبات قامت الدنيا ولم تقعد وقالو نحنا ضد الجندر وفي ناس مشت
المكتبة وطلعت مجموعة من البوستات بتاعتي لأثبات ذلك عشان كدة أنا عندي ليك نصيحةأحسن تكتب رايك
بالحبر السري ويا دار ما دخلك شر ... أو تعمل بنظام القافة تسير والهمر تنبح !!!
ودمت ..
|
Post: #21
Title: Re: اعضاء المنبر وافتراض الكمال للعضويه .......يا اخوانا الناس ديل ما عارفننا سودانيين؟
Author: العوض المسلمي
Date: 02-02-2008, 09:10 AM
Parent: #20
اختي عواطف تحياتي
Quote: قبلي كدة كتبنا عن الفتيات السائبات قامت الدنيا ولم تقعد وقالو نحنا ضد الجندر وفي ناس مشت
المكتبة وطلعت مجموعة من البوستات بتاعتي لأثبات ذلك عشان كدة أنا عندي ليك أحسن تكتبي رايك
بالحبر السري ويا دار ما دخلك شر ... أو تعمل بنظام القافة تسير والهمر تنبح !!! |
ياختي
المفروض نحن نكتب ما نراه صحيحا
وكان نظرنا لفلان وعلان ما بنقدر نرضي اي واحد
بس في النهايه لازم نرضي ضمائرنا
وشوفي يا اختي اعضاء معانا هنا يكتبوا ويشتموا
علي كيفهم وزول يقول ليهم تلت التلاته كم مافي
يعني خلاص نحن القندول الي شنغل الريكه
أو تعمل بنظام القافة تسير والهمر تنبح
منذ متي الهمر بدات تنبح ؟
يا عزيزتي الهمر دي لاصوت ولا حس ولاخبر
انتي خائفه من الكلاب ليه ؟
عندكم قطط ولا شنو "حلوة قطط صح"
وتحياتي
|
Post: #22
Title: Re: اعضاء المنبر وافتراض الكمال للعضويه .......يا اخوانا الناس ديل ما عارفننا سودانيين؟
Author: عواطف ادريس اسماعيل
Date: 02-02-2008, 09:27 AM
Parent: #21
معليش عدلت في البوست لزوم التذكير بدل التأنيث لأني متعودة أتكلم مع السيدات أكثر من الرجال
فسامحني على الخطأ المطبعي !
ثانيا يا أخوي هنا في خيار وفقوس ,, في ناس تكتب زي ما عايزة مافي زول بقول ليها تلت التلاتة كام؟
من منطلق ذنب الجميل مغفوروفي ناس قندولها مشنقل الريكة بس أغلط وأكتب ليك كلمة وعينك ماتشوف
إلا النور تلقى القيامة قامت وما قعجت والهدف كله تشويه صورتك أمام القراء وهز شخصيتك وتدميرك
ما أمكن ذلك ..
أما حكاية الهمر دي لأنه قبل كدة ضربت مثل بالكلب وتعال شوف ناس حقوق الإنسان هبوا فيني كيف ؟
العوض أخوي ما تذكرني الماضي ما خلاس الماضي ولى وراح !!!
|
Post: #23
Title: Re: اعضاء المنبر وافتراض الكمال للعضويه .......يا اخوانا الناس ديل ما عارفننا سودانيين؟
Author: العوض المسلمي
Date: 02-03-2008, 07:43 AM
Parent: #22
عطوفه تحياتي وثقديري
| Quote: العوض أخوي ما تذكرني الماضي ما خلاس الماضي ولى وراح !!! |
شكرا لمرورك الكريم
وشفتي الماضي ده انا ما دائر زول ينساه ابدا
عارفه لماذا؟
لان الماضي ده بخلي العيون فاتحه زي الريال ابوعشره
وبخلي الزول/ه حاسب خطواته صاااااح
وتسلمي علي المرور والمشاركه
عطوفه
خليك قريبه
|
Post: #24
Title: Re: اعضاء المنبر وافتراض الكمال للعضويه .......يا اخوانا الناس ديل ما عارفننا سودانيين؟
Author: العوض المسلمي
Date: 02-05-2008, 12:30 PM
Parent: #1
يا اخوانا الموضوع الهادف يحتاج الي دعمكم
والمواضيع الوقتيه تذهب بذهاب الحاله الانيه
شايفين
اليوم الحديث فلسفه
انتوا فاهمين حاجه ؟
|
Post: #25
Title: Re: اعضاء المنبر وافتراض الكمال للعضويه .......يا اخوانا الناس ديل ما عارفننا سودانيين؟
Author: العوض المسلمي
Date: 02-06-2008, 09:33 AM
Parent: #1
وكمان اخوتي
تقوم قيامتك اذا تحدثت عن اجناس او قبائل
او عن اللون هذا اسود او هذا احمر
يقوموا عليك الجماعه اسود شنو يعني
تقصد عب انت عنصري وجلابي ووووووووووووووو
اما قلت احمر او ابيض
يعني تقصد الحلب اها
ديل اعز منك ومن اهلك ديل عرب ودل ووووووووووووووو
يعني الكلام في المنبر ده مش عفوي
لا
مع كل كلمه تعمل حسابك
واوعك تدقس وتكتب كلمه ما في محلها
والله لو مشيت اهلك يحصلوك هناك
|
Post: #26
Title: Re: اعضاء المنبر وافتراض الكمال للعضويه .......يا اخوانا الناس ديل ما عارفننا سودانيين؟
Author: محمد البشرى الخضر
Date: 02-06-2008, 11:26 AM
Parent: #25
العوض يا عمكQuote: مع كل كلمه تعمل حسابك
واوعك تدقس وتكتب كلمه ما في محلها |
ياخي دا شي بديهي
ومش في البورد بس بل على نطاق الحياة الحقيقية نفسها
لازم تعمل حساب أي كلمة تقولها و خوفك من الكلمة المافي محلها
مفروض يكون نابع منك مش من الآخرين
ولا كيف ياعمك
اهو جينا نعاونك في الموضوع الهادف دا
وكدا
|
Post: #27
Title: Re: اعضاء المنبر وافتراض الكمال للعضويه .......يا اخوانا الناس ديل ما عارفننا سودانيين؟
Author: العوض المسلمي
Date: 02-06-2008, 04:46 PM
Parent: #26
ودالبشري اخوي
يعني اللسان ده مطاوعنا وعلي كيفنا
وجل من لا يسهو او يخطا
يعني حتي ولو الزول غلط نخت ليه عذر
ولا عندك راي تاني اخوي ؟
وتحياتي وودي وتقديري
|
Post: #28
Title: Re: اعضاء المنبر وافتراض الكمال للعضويه .......يا اخوانا الناس ديل ما عارفننا سودانيين؟
Author: محمد البشرى الخضر
Date: 02-06-2008, 05:32 PM
Parent: #27
قيل قديما
"من كثر لغطه كثر غلطه"
"ولسانك حصانك....."
وأقول حديثا:
"فرامل اليد يا المسلمي
فرامل اليد"
|
Post: #29
Title: Re: اعضاء المنبر وافتراض الكمال للعضويه .......يا اخوانا الناس ديل ما عارفننا سودانيين؟
Author: Tragie Mustafa
Date: 02-06-2008, 06:21 PM
Parent: #1
الاخ العوض المسلمي
السؤال اولا هو لماذا يكتب الناس؟؟؟؟
انت يا اخوي شكلك جاي تتونس ونسة الله و الرسول
المكان ده ما للونسه.
وهذا ما يجننا مفروض بكري يعرف قيمة منبره ولا يمنح البباس ورد من اساسه
للناس العايزة تتونس...و الونسة راقدة يا اخوي....لكن هذا منبر يعتر من
منابر الوعي السوداني..ويفترض ان تفرح وتفتخر بانك تكتب مع قادة العمل
التنويري السوداني...هنا اناس نذرت نفسها من اجل التغيير ومعك فاطاحلة علم
وفطاحلة مواقف...وضحايا تعذيب واناس دفعوا ثمنا باهظا لاجل الا تسود مفاهيم
مثل التي تعتبر انك ممكن ترردها بحسن نيه كما ادعيت.
هذا المنبر قوته اكبر من الصحف..عارف ليه لان القراء من زملائك الاعضاء لهم حق الرد.
الصحفي بيكت كلامه وينسى...وقد لا يعرف راي الجمهور فيما كتب لكن هنا وقبل ان تذهب خطوة
من مداخلتك تجيك الردود زي القنابل.
بعدين يا العوض في ناس كثر هنا مهتمين جدا بما يسمى تصحيح التناول الاعلامي لمفاهيم كثيرة.
وهذه لن تفهمها ربما يا اخي,ولكنك لو انتبهت لمعركة الانتخابات الامريكيه لفهمت الكثير
مثلا...هيلاري تجد دعما نسبة لانها تمثل وقت الحصاد لكل من اهتم بتصحيح مفاهيم مغلوطة عن النساء
واوباما يمثل ايضا وقت قطاف المعركة ضد العنصريين في امريكا.
هيلاري تمثل هزيمة العنصريه ( النوعيه)
واوباما يمثل هزيمة العنصريه (العرقيه).
شوف الناس نضالاتها وصلت لوين
وانت عايز تجي تتفسح هنا وتكتب كلام خارم بارم وتهبش النساءء بناحيه
وتهبش الاعراق بناحيه ويسكتوا لك ؟؟؟من البسكت ده يا زول؟؟؟
انت من كم يوم خضت مع الخائضين بحجة تراجي هبشت قيمة (الشجاعه)عندكم كرجال سودانين!!
ومريت على كل البذائات الاتكتبت بحقي ورفضت حتى ادانتها وعامل فيها حقاني وبتاع الله و
الرسول يلا اثبت ان تراجي كانت سكرانه كما ادعى العبيط المدعو دكين؟؟؟؟
واثبت ان تراجي مموس كما ادعى التافه المدعو الشيخ الصاح احمد؟؟؟
مرة آخيرة يا العوض المسلمي
الما بيعرف ابجديات حقوق الانسان ولا بيعرف كيف يتخاطب العالم في عام 2008
اخير يقعد متفرج وما يخلينا نقول انه التحف ديل بكري ابوبكر بيجيبهم من وين.
|
Post: #30
Title: Re: اعضاء المنبر وافتراض الكمال للعضويه .......يا اخوانا الناس ديل ما عارفننا سودانيين؟
Author: العوض المسلمي
Date: 02-07-2008, 08:31 AM
Parent: #29
علي سفر الان
سارد علي مشاركاتكم احبتي يوم السبت باذن الله
وسلامي للجميع
|
Post: #31
Title: Re: اعضاء المنبر وافتراض الكمال للعضويه .......يا اخوانا الناس ديل ما عارفننا سودانيين؟
Author: العوض المسلمي
Date: 02-08-2008, 04:06 PM
Parent: #29
تراجي الاخت الكريمه تحياتي
معليش تاخرت في الرد لاني لم اكن بالسودان ولم اعد حتي الان
| Quote: السؤال اولا هو لماذا يكتب الناس؟؟؟؟ |
اختي الكريمه لو لم اكن اعرف اجابة هذا السؤال لكنت مع اناس اخرين وفي امور احلي والذ
وكفايه اجابه علي سؤالك صح؟
Quote: انت يا اخوي شكلك جاي تتونس ونسة الله و الرسول
المكان ده ما للونسه. |
لا والله ما جاي اتونس
وانتي عارفه شكل ونسة منتداكم ده شكلها كيف
كلها سب ولعن
اذا الهدف ونسه فالمنتديات العربيه فيها ما يسد عين الشمس
Quote: وهذا ما يجننا مفروض بكري يعرف قيمة منبره ولا يمنح البباس ورد من اساسه
للناس العايزة تتونس...و الونسة راقدة يا اخوي |
اختي حديثك ده لبكري انا دخلي فيه شنو
واذا بكري رضيياااااااان بذلك فما قولك
ولا بتعتقدي بكري ومنداه الكبير ده ما عارف بسوي في شنو
وهل بكري محتاج لوصي يقول له اترك هذا واعمل هذا؟
Quote: ....لكن هذا منبر يعتر من
منابر الوعي السوداني..ويفترض ان تفرح وتفتخر بانك تكتب مع قادة العمل
التنويري السوداني... |
وهل جاء في احد كتاباتي ما يدل علي غير ذلك ؟
انا افتخر بكم كعضويه متنوره وواعيه
Quote: ...هنا اناس نذرت نفسها من اجل التغيير ومعك فاطاحلة علم
وفطاحلة مواقف...وضحايا تعذيب واناس دفعوا ثمنا باهظا لاجل الا تسود مفاهيم |
ربنا يجعل النجاح لكل مناضل او مجتهد او ساعي للخير
| Quote: مثل التي تعتبر انك ممكن ترردها بحسن نيه كما ادعيت. |
وهذا لايمنع من ان يظل حسن النيه اساس ثابت
للعلاقات بين الناس
Quote: هذا المنبر قوته اكبر من الصحف..عارف ليه لان القراء من زملائك الاعضاء لهم حق الرد.
الصحفي بيكت كلامه وينسى...وقد لا يعرف راي الجمهور فيما كتب لكن هنا وقبل ان تذهب خطوة
من مداخلتك تجيك الردود زي القنابل. |
اوافقك تماما
Quote: بعدين يا العوض في ناس كثر هنا مهتمين جدا بما يسمى تصحيح التناول الاعلامي لمفاهيم كثيرة.
وهذه لن تفهمها ربما يا اخي |
اماذا لا افهمها ؟
علشان جديد في المنبر ؟
علشان ما ساكن امريكا ؟
التقليل من الشان ليس بالامر الجيد
Quote: ولكنك لو انتبهت لمعركة الانتخابات الامريكيه لفهمت الكثير
مثلا...هيلاري تجد دعما نسبة لانها تمثل وقت الحصاد لكل من اهتم بتصحيح مفاهيم مغلوطة عن النساء
واوباما يمثل ايضا وقت قطاف المعركة ضد العنصريين في امريكا. |
سمعتي اختي بالشهر الماعنك فيه نفقه
وسمعتي بالقرايه ام دق
اختي اسال الله ان يجعل الخلاص للمواطن بالخير والطمانينه
وان يوسع صدورنا لقبول اراء بعضنا
ودمتم بخير
|
|