Post: #1
Title: Mazda
Author: Ashraf el-Halabi
Date: 01-27-2008, 10:58 AM
بالصدفة قدرت أتابع مبارة السودان ومصر الليلة وبعدها فتحت المنبر لقيت كمية من البوستات تحمل مازدا النتائج السيئة!!
قررت لما أجي من الشغل أنزل بوست أبين فيه من وجهة نظري أساب النائج السيئة، لكن جيت لقيت الشباب ما قصروا لذلك حا أحاول ما أكرر ما قالوه، مع التأمين على نقاط كثيرة منه.
أشار معلق المبارة أن "الكابتن هيثم مصطفى تسلم شارة الكابتنية في نهائيات أفريقيا بعد الكابتن علي قاقرين"!!! فانتبهت لعدد السنوات الغبنا فيها عن النهائيات لغاية ما جا مازدا ووصلنا ليها!! يا ناس خافوا الله في مازدا المسكين دا!! ياخي الراجل طلعكم من حفرة واقعين فيها كم وتلاتين سنة!!
مازدا حا يعمل ليكم شنو؟
يغلب ليكم زامبيا ومصر والكاميرون الما بيغيبوا عن النهائيات وعندهم عدد مقدر من اللعيبة المحترفين في أقوى الأندية العالمية!؟
يعني احتكاك مستمر 24 ساعة!!
واحنا لأول مرة (تقريباً) نعسكر في أوربا!!
وعاوزين مازدا ما يخسر!!
ياخي إنتو قطاع ناشئين ذي الناس ما عندكم وعاوزين تفوزوا!!
والله مازدا دا إلا يبقى حاوي!!
اليابان لغاية التمانينات ما كانت تعرف الكتير عن كرة القدم، واتحاد كرة القدم الياباني للمحترفين أنشئ في التسعينات!! بالتخطيط (وتركز أغلبه على قطاع الناشئين) خلال سنوات قليلة بقت أقوى الفرق العالمية تعمل ألف حساب لما يرميها حظها العاثر في مجموعة ضمنها الساموراي.
عاوزين تفوزوا وتفرحوا زي بقية خلق الله أقعدوا خططوا
خططوا
خططوا
لكن مصرين على العشوائية بتاعتكم دي وقاعدين تحلموا بس!! النهائيات دي ذاتها ما حا تصلوها تاني!!
التحية للكابتن مازدا والتيم الفني واللاعبين على انجاز الوصول للنهائيات.
|
Post: #2
Title: Re: Mazda
Author: Ashraf el-Halabi
Date: 01-27-2008, 07:00 PM
Parent: #1
العربية الجات في الإعلان نهاية البوست دي شنو!؟
يكون الهاكر قرا العنوان افتكروا عن عربات المازدا!!؟
تحية تانية لمازدا واللاعبين
|
|