الصورة الأخيرة دي يا خضر مهداة ليك (شفت الحندكة الجد)
أولاً : عشان هنادي دي صاحبتك إنت (أنا أول مرة ألاقيها اليوم ده) وتانياً : عشان تعرف إنو ناس الخارج ديل إلا نتكل بيهم خيمة الخامس (من بره) !!! أها , هنادي جات البلد دي , عشان كده عزمناها !!!
Quote: شنو الحكاية ياخ .. ما تخت الصور دى كلها مرة واحده
الصور دي أخوك بقالعا من عيون (التأمين), وأبحت عيوني أشوف في زول (ما دايرنو) يظهر !! ما تنسى إنو حزبنا ده برلوم في الحاجات دي !! بعدين تضرب لكل زول تسألو موافق صورتو تنزل ولا لأ. وأخوك موظف, الزمن مجابدة للحاجات دي.
Quote: بعدين كلامك عن الناس البره دا بالله اسحبوا
ما دام مصر, نحكي ليك الحكاية : زماااااااان, في الجامعة, (تحت) الأندرلاب لو تتذكر (أكيد بتتذكر !!) , كنا بنرجى (قضايا سودانية), عشان نعرف منها الشيوعيين ديل بفكروا في شنو. نحن كان الفينا مكفينا, ما بين ركن..... وجريدة ..... وحبيبة..... وإجتماع ......و(سليقة), زي ما عارف !!! نقرا قضايا سودانية, نلقى ليك ناس فرع بولندا كاتبين عن (الإشتراكية بالطعمية), و(الطبقة العاملة بالجبنة), ونقة كتيرة خلاص. نقوم نشيل هم, نقول ياخ نحن جاريين هنا ليلنا بنهارنا, وناس بولندا ديل يقروا ... ويتناقشوا .... ويكتبوا. نحن...... كان قرينا, وإتناقشنا...... ما بنكتب. وفكرنا إنو بعدين .... في الخامس ..... بجوك ناس بولندا وهولندا , وسكسونيا السفلى, نضااااف, ومذاكريييين, ويقعدوا قدااااام. ونحن نكون في جرينا داك ذاتو. وإحتمال كبير نشتغل (حماية) !!! ياخ أنا كنت مغيوظ من ناس فرع بولندا ديل شديد خلاص !!جنس حقد طبقي يا إنسان من الوكت داك, أخينا محمد أحمد كوستي قرر إنو حيمشي يقعد في المنصة بتاعت المؤتمر الخامس, وإنو حيمنع ناس الخارج من الدخول, ولو خشوا, ما حيديهم فرص نقاش !!! مرت الأيام يا قريبك, وسافروا الناس, أمير ثم حسبو, وإلتحق بهم بكري ومحمد إسماعيل, كوستي ذاااتو أخد ليهو طفشة. والأيام دي أخوك تحدثوا نفسو بالغزو !!!! وكل من عليها فان .
ما تزعل يا بيكو, وكلم ناس الخارج ما يزعلوا, قول ليهم معتز إحتمال يلحقكم, وخليهم بس يحجزوا لي مكان معاهم في المقاعد الأمامية !!!
أما و قد ترجّل حاج الزاكي، أها كدة واحد * أفخر بأبوّته في هذه الحزب (و مالو؟) قد أدّى الأمانة و لو بعد حين، و قيل، و لو بعد لأي.
بلّغه سلامي يا معتز، و تهنئتي له بهذا الإنجاز، و قل له الآن نحن أبناؤك في السراء و الضراء، بعد أن زالت مرارات الاحتكار و احتكمتم إلى سنن الحياة، و ستزول معها تزلّفات المتسلِّقين فبسيماهم ستعرفونهم، غداً تتحوّل بوصلة ولائهم، التي تشير دائما إلى القيادة.
هذا الذي حدث هو بلا شك، في مصلحة الحزب و مصلحة هؤلاء الآباء، و نستطيع الآن أن نبرّهم بلا شائبة، و نحبّهم بلا مدسّة. هؤلاء رجال عظماء، و هبوا حياتهم للآخرين، و حق علينا أن نهبهم ما يستحقون من ثناء و تقدير، و سنفعل بحياتهم بحول الله. و سيعرف الجلاوزة اليوم من يحترم و يجل هؤلاء الآباء، و من يتكسّب من الذود عنهم بالحق و الباطل، أنا سعيد و محزون، و ربما ليس المقام المناسب، لكنها و الحق لحظة انتظرتها طويلا، ليعرف كل إنسان مقامه، و يعرف صليحه ممن يزيّن له سوء عمله، و إن كان من واجب علينا، فهو شيء من رد الجميل إلى هؤلاء، حتى نرسخ أدباً للتقدير و التواصل في هذه المؤسسة، و لكم يا معتز أن تروا كيف تنتظم مثل هذه الأفكار بما يضمن لكل من يقدم على هذه التضحيات، أنّ هذه المؤسسة تربينا على الاعتراف بها، بكل سبيل.
تفاكروا يا شم حول آلية تضمن لهؤلاء الآباء حياة كريمة، و يحفظ لنا إحساسهم بأنّ معروفهم الذي قدّموه قد صادف أهله. - حاج الزاكي يا كرفس خليهو ياخد نفس شوية، و نحكي حكايتو كلها، و بعدين وكت هو كلّمك مالك ما جيت؟؟؟؟؟ - *عقبال ناس لالا، و لي جنى الجنى ديك.
لكن عشان نقول كلام ملان .... نزلوا لينا ما تيسر من المناقشات ...
الصور ما بناباها... لكن المهم الاراء
يا معتز ما "تتلائم" على ناس بره... بولندا و لا "يوغسلوفاكيا" ... كلنا حسب لائحة اهل الكهف دى وااااحد, و فايتنكم بال"بشكة" كمان.... اذا عاوز تكاوى حسبو احسن تقولا ليهو عديل ... انا غايتو مرحلة المكاواة دى فتها زمان و قول لى محمد كوستى "ومن لف لفه" ناس كتيرة جاية ناس قلع و ملاواة في الدخول و الكلام ... هو حق زول؟
يا حسبو, إنت فرحان كده مالك !!! لسسسسسه يا قريبك , دي الشوته الأولى , والفورة مليون !! والصراع ما إتجاه واحد لازم كل طرف يفرفر , ويحاول يتمدد في فرقة يلقاها والهجين هو أول مراحل النقاء وفي فمي ماء !!!
Quote: لكنها و الحق لحظة انتظرتها طويلا، ليعرف كل إنسان مقامه، و يعرف صليحه ممن يزيّن له سوء عمله
باقي كلامك ده قلناهو, والإحترام والود , والريدة اللمن الدمع يطفر من العيون للقدموا, والصمدوا, والحافظوا (على جسد الحزب) , بدون ما يجبرنا ده على التغاضي عن نقد الأخطاء أو ما نعتقد إنو أخطاء !! بتذكر كلامك قبل سفرك إنو الناس ديل تعبوا , وخلوهم يتخارجوا براحة وبدون مشاكل تصدق من الوقت داك , نسيت أسالك , الخلاك تغير رايك شنو وتفتح نار ؟
Quote: و لكم يا معتز أن تروا كيف تنتظم مثل هذه الأفكار بما يضمن لكل من يقدم على هذه التضحيات، أنّ هذه المؤسسة تربينا على الاعتراف بها، بكل سبيل.
علم ..... وسينفذ !!!! كنت بتكلم أمبارح مع بعض من شلة البلاي إستيشن عن فكرة تانية بتشبهها, إنو كيف نحاول نفهم ونتفهم ونلم الأطراف المتناقضة في المؤسسة دي, الجلاوزة,
Quote: ومن يتكسّب من الذود عنهم بالحق و الباطل
والذين تشير بوصلتهم إلى القيادة, والذين توقفت ساعتهم عند عقود إنصرمت, والذين لا تشير بوصلتهم إطلاقاً!! لو الله مد في العمر, وأداني لياقة (فورست جامبلية), بعملا قبل ما أطش. وأنا جاييكم وما ندمان !!!
Post: #54 Title: Re: نحــو الخــامس الحــزب الشــيوعي بالعـاصمة القـومية يعـقد مؤتـمره Author: محمد أحمد محمود Date: 01-28-2008, 02:18 PM Parent: #51
التحيه لكل من ساهم واسهم في قيام هذا المؤتمر بداية الطريق الصاح .....اجيال البطولات والتضحيات ومواكب الشهداء... والتحيه لشعبنا من قبل ومن بعد.. فكل هذا لوجهه الكريم.. تاني حاجه ياعصام جبرالله ، الكلام ده كان بدري، اييييييك من زمن قفا نبك وكده ما سمعتا معتز قال ليك اخدتا لي طفشه لمن وصلت لاعندك ، ولو عارف كنت (قديت معاكم) وكان بقى بينا عيش وملح، عليه المنصه دي انا بمسكا بمسكا ولكن بعد الواحد فارق المحليه الضيقه، انا بقعدكم ناصيه وجنب الشباك كمان، بتسفوا سعوط؟؟؟ وبخصوص المناقشات ، المساهمات ، ومشاريع القرارات ... الخ ، يامعتز نزلا ولو داير مساعده قول عوووك حسبو الحي بيك؟؟!! كرفس شنو العقد الليك في المنعطف التاريخي ده مافي كمون سينس
يا عصام جبر الله إنت سويسرا دي نستك العربي !!! راجع ردي لبكري في موضوع الخارج , لكن عليك الله, ناس فرع بولندا ديل ما بغيظو !!!
Quote: اخبار ما بطالة, مع الظروف الصعبة المعروفة
دي أخبار ممتازة موز , تصدق ونستنا كلها الأيام القبلها, ويوم الجمعة وفجر السبت : (آخرلحظة قالت حاجة, ألوان نشرت) !!
Quote: كلنا حسب لائحة اهل الكهف دى وااااحد, و فايتنكم بال"بشكة" كمان
كضباً كاضب يا رفيق, نحن لو ما الشفيع وفاروق زكريا عيانين, كان قلنا جاتنا اللجنة المركزية جت عليها (أو البنعرفوا منهم !!!) لسه بننزل ليك صور يوسف حسين وعمك عبد الحميد علي. حسي فروع الخارج دي, رغم (نقاطاتها) دي, بعملو ليها كده!!! دي مديرية الخرطوم يا إنسان !!!
Quote: نزلوا لينا ما تيسر من المناقشات ... الصور ما بناباها... لكن المهم الاراء
علم ..... وسينفذ برضو !!! بس خلينا ننوم شوية, نحن ما نمنا من يوم الجمعة ياخ, وأيام قبلها. بعديها البيان الصحفي, وقبل شوية إنتهى المؤتمر الصحفي, ما ممكن كده ياخ !! ننوووووم, وناخد (الإذن) , وننزل ليك (ما تيسر) من المناقشات, القرارات , والتوصيات . حسي, نديك الصور.
غني يا خرطوم و غني .. شدي أوتار المغني .. ضوي من جبهة شهيدك .. أمسياتك و أطمئني .. ما نحنا منك ريح و هبت .. نار و شبت .. في وجوه الخانوا إسمك .. يا .. جمييلة ..
جميع المارين علي هذا البوست وبصفة خاصة محمد حسبو .. لكم تحياتي
حضرت المؤتمر الصحفي علي شرف انعقاد مؤتمر الحزب الشيوعي السوداني بالعاصمة القومية في الفترة من 25 الي 26 يناير 2008 واليكم نص الورقة التي تم توزيعهاوتلاوتها في المؤتمر بمسمي (اضاءات حول انعقاد المؤتمر) وقد جاء فيها :
الاخوة الحضور .. التحية لكم
اسمحوا لنا في بداية هذا المؤتمر أن نُحيى بكل التجلة والاحترام شهداء الحزب والحركة الوطنية والديمقراطية ، أولئك الغُر الميامين الذين ما توانوا أو ترددوا لحظة في الدفاع عن مصالح شعبهم وتقدموا الصفوف بكل بسالة ونكران للذات واهبين انفسهم مهراً للحرية والديمقراطية . الاخوة الحضور .. نرحب بكم ونشكركم علي حضوركم يأتي هذا المؤتمر الصحفي علي شرف انعقاد مؤتمر الحزب الشيوعي السوداني بالعاصمة القومية والذي يأتي كخطوة متقدمة نحو انعقاد المؤتمر العام الخامس للحزب وتتويجاً للمؤتمرات القاعدية التي إنتظمت كل فروعه ومدنه وقطاعاته وهيئاته المتخصصة والفعاليات المصاحبة لها ، واليكم فيما يلي اضاءات حول المؤتمر الذي انعقد منذ التاسعة من صباح الجمعة 25 يناير 2008 واستمر حتي الساعة الخامسة من صباح السبت 26 يناير 2008 بمشاركة أكثر من ثلاثمائة شخص ممثلين لهيئات الحزب المختلفة بالعاصمة وبمشاركة ممثلي اللجنة المركزية للحزب وهيئاته المركزية ومراقبين من المناطق الحزبية بمختلف بقاع السودان. اولاً : الاجواء التي انعقد فيها المؤتمر : لايمكن ان نتطرق الي انعقاد مؤتمر الحزب الشيوعي السوداني بالعاصمة دون التطرق للاجواء السياسية التي انعقد في ظلها هذا المؤتمر وهي : 1. الصراع من أجل التحول الديمقراطي ومحاولات المؤتمر الوطني لاعادة انتاج نظام الانقاذ من خلال هجومه الشرس والمتواصل علي الحريات ، حيث ظل المؤتمر الوطني باستمرار يحاول الالتفاف علي متطلبات التحول الديمقراطي المتفق عليها في الاتفاقيات المختلفة ، وذلك من خلال: o منع الندوات والليالي السياسية في العاصمة ومواصلة سياسة اعتقال وترهيب الناشطين سياسياً ونقابياً وجماهيرياً . o فض التظاهرات السلمية بالقوة ( مناهضة زيادة اسعار السكر والمحروقات – تظاهرة المفصولين – تظاهرة طلبة الجبهة الديمقراطية بالجامعات وغيرها ) o التأخير المتعمد لتنفيذ ما اتفق عليه حول اعادة النظر في القوانين المختلفة خاصة قانون الامن في محاولة للابقاء علي أجهزة الانقاذ القمعية دون تغيير. o المراقبة اللصيقة لدور الاحزاب وعضويتها الي حد التصنت علي مهاتفاتهم الشخصية o احتكار وسائل الاعلام الرسمية وتقييد الحريات الصحفية o افراغ مفهوم التشاور مع القوي السياسية من محتواه وتحويله الي ممارسة صورية بحيث في النهاية يكون الناتج هو مايريده المؤتمر الوطني مثلما حدث بالنسبة لقانون الاحزاب . 2. استمرار نزيف الحرب في دارفور وظهور بوادر العنف في كردفان وأبيي وغيرها من مناطق . 3. استمرار السياسات الاقتصادية التي تفاقم من الضائقة المعيشية ، ومواصلة حرمان المواطنين من الخدمات الضرورية ومن سبل كسب العيش ، هذا في ظل جهاز اداري بولاية الخرطوم تهيمن عليه عناصر المؤتمر الوطني وتُهدر موارده وامواله ، والتمادي في القاء اعباء اضافية علي عاتق الجماهير بفرض الجبايات والرسوم بمختلف انواعها ومسمياتها ، واخرها ما حدث من زيادة لضريبة القيمة المضافة بالبلاد والذي انعكس بالضرورة علي اسعار جميع السلع. 4. استمرار التوتر مع معظم دول الجوار والمجتمع الدولي . ثانياً : خطوات الاعداد والتحضير للمؤتمر : بدأت الخطوات العملية في الاعداد لعقد المؤتمر بقرار قيادة الحزب بالعاصمة بتكوين لجنة تحضيرية للمؤتمر عملت لأكثر من عام باشراف قيادة الحزب بالعاصمة وبمساعدة من مركز الحزب في متابعة خطوات التحضير وهي : 1. عقد مؤتمرات فروع الحزب : تنظيمات الحزب القاعدية بالاحياء ومواقع العمل والدراسة : والتي تم عقدها في فترات متفاوتة وانجزت مناقشة تقاريرها التنظيمية والسياسية والمالية وانتخبت قيادتها ديمقراطياً ووفقاً للائحة الحزب . 2. مؤتمرات المدن السكنية والقطاعات المهنية والطلابية التي ناقشت واجازت تقاريرها التنظيمة والسياسية والمالية وانتخبت قياداتها . 3. تنظيم سمنارات لمناقشة الاوراق المقدمة للمؤتمر والتي ناقشت قضايا دراسة الواقع والتنظيم والمنظمات الديمقراطية المهنية والفئوية والطلابية وقضايا النساء والطلاب والشباب والعمل النقابي ومنظمات المجتمع المدني . 4. تطوير الاوراق المقدمة للمؤتمر علي ضوء المناقشات والمقترحات التي خرجت بها السمنارات واعداد التقرير العام للحزب بالعاصمة وتعميمها لعضوية الحزب وكافة تنظيماته القاعدية . 5. اختيار ممثلي الفروع والمدن والقطاعات والمكاتب المتخصصة للحزب وتوزيعهم للجان مساعدة للتحضير بهدف تعميق النقاش وتركيزه في المحاور التي يتناولها المؤتمر . 6. تكوين ومتابعة اعمال لجان الجوانب الفنية واللوجستية في المؤتمر . 7. تجهيز وتأمين مقر انعقاد المؤتمر . ثالثاً : مداولات المؤتمر العام الثاني للحزب الشيوعي بالعاصمة القومية : o ناقش المؤتمر التقرير العام لنشاط الحزب بالعاصمة القومية في الفترة من 1989 حتى 2007, والتقارير السياسية والمالية, وقضايا العمل التنظيمي ودراسة الواقع بالمنطقة ، وحيا المؤتمر نضال جماهير الشعب السوداني, وبصفة خاصة جماهير دارفور لصمودهم في محرقة الحرب. وركز على ضرورة الإهتمام بالنازحين الذين شردتهم الحروب المختلفة في السودان. كما حيا جماهير العاصمة القومية, وحيا شهداء الوطن والحزب, وأسر أعضاء وأصدقاءالحزب الذين ساندوا الحزب وعضويته في ظروف العمل السري في الفترات الماضية.
o من ابرز القضايا السياسية والجماهيرية التي جاءت في مناقشات المؤتمر دون ترتيب : 1 - قضايا دراسة وفهم الواقع وصياغة برنامج محلي للحزب بالعاصمة وفقاً للمؤشرات التالية : - الاهمية السياسية والاقتصادية للعاصمة . - النشاط الاقتصادي وسبل كسب العيش في ولاية الخرطوم . - توفر الخدمات بالولاية – المعتمديات والمحليات - النشاط الثقافي والاجتماعي ، الروحي والطوعي بالولاية . 2- قضايا : النازحين – النساء - الخريجين - العطالة - العمال – المفصولين – المزارعين - الطلبة - العمل النقابي - التحول الديمقراطي – الشباب – الاطفال – الفقر - الضائقة المعيشية- الامية- البيئة – الثقافة 3- الاستعداد المبكر للانتخابات القادمة ( المحلية والعامة ) واالعمل علي ضمان نزاهتها . رابعاً : نتائج المؤتمر : انتخب المؤتمر قيادة جديدة للحزب الشيوعي السوداني بالعاصمة القومية ، تم انتخابها عن طريق الاقتراع السري من قائمة مرشحين للقيادة عددهم اثنين وثمانين مرشح ومرشحة ، وفي نهاية اعماله ألقي المؤتمر علي عاتق القيادة الجديدة مسئولية متابعة ما تم في المؤتمر. ختام وشكر : مرة اخري نشكر لجميع الحضور مشاركتهم لنا في هذا المؤتمر الصحفي ، ونأمل في استمرار الصلة والتواصل معكم في الفترة القادمة، وستظل دوماً ابوابنا وعقولنا وقلوبنا مفتوحة لجميع الشرفاء من ابناء هذا الشعب .. ودمتم "
لجنة المديرية الحزب الشيوعي السوداني بالعاصمة القومية 28 يناير 2008
من ابرز القضايا السياسية والجماهيرية التي جاءت في مناقشات المؤتمر دون ترتيب : 1 - قضايا دراسة وفهم الواقع وصياغة برنامج محلي للحزب بالعاصمة وفقاً للمؤشرات التالية : - الاهمية السياسية والاقتصادية للعاصمة . - النشاط الاقتصادي وسبل كسب العيش في ولاية الخرطوم . - توفر الخدمات بالولاية – المعتمديات والمحليات - النشاط الثقافي والاجتماعي ، الروحي والطوعي بالولاية . 2- قضايا : النازحين – النساء - الخريجين - العطالة - العمال – المفصولين – المزارعين - الطلبة - العمل النقابي - التحول الديمقراطي – الشباب – الاطفال – الفقر - الضائقة المعيشية- الامية- البيئة – الثقافة 3- الاستعداد المبكر للانتخابات القادمة ( المحلية والعامة ) واالعمل علي ضمان نزاهتها . رابعاً : نتائج المؤتمر : انتخب المؤتمر قيادة جديدة للحزب الشيوعي السوداني بالعاصمة القومية ، تم انتخابها عن طريق الاقتراع السري من قائمة مرشحين للقيادة عددهم اثنين وثمانين مرشح ومرشحة ، وفي نهاية اعماله ألقي المؤتمر علي عاتق القيادة الجديدة مسئولية متابعة ما تم في المؤتمر.
فوووووووووووووووووووووووووووووووووووووووق ليظل هذا الخيط عاليا.....
Post: #62 Title: Re: نحــو الخــامس الحــزب الشــيوعي بالعـاصمة القـومية يعـقد مؤتـمره Author: محمد أحمد محمود Date: 01-28-2008, 10:01 PM Parent: #61
ياخدر كيفنك يا زميل ياخ انا لمن جيت جديد سلمتا عليك لكن لقيتك رافع القزاز قلتا ما بيناتنا امكن تشابه عليه البقر ... اها بركه الفرزتا يادجانقو والله ياخدر المؤتمر كان فاقدك ... تعرف الديمقراطيه دي اتاريها فاطنه السمحه الخالق الناطق ياخ لمن تسمع مفردات على شاكلة مؤتمركم هذا ، والزملاء المؤتمرين ، والمؤتمر اعلى سلطه في الحزب والمشرع وكده ، تدي ربك العجب ، صبرنا ياخ ونولنا... اها نتلاقى في الافراح
شكراً يا معاوية على الأخبارة الجميلة و قبال إنعقاد المؤتمر العام الخامس قريباً
Quote: من ابرز القضايا السياسية والجماهيرية التي جاءت في مناقشات المؤتمر دون ترتيب : 1 - قضايا دراسة وفهم الواقع وصياغة برنامج محلي للحزب بالعاصمة وفقاً للمؤشرات التالية : - الاهمية السياسية والاقتصادية للعاصمة . - النشاط الاقتصادي وسبل كسب العيش في ولاية الخرطوم . - توفر الخدمات بالولاية – المعتمديات والمحليات - النشاط الثقافي والاجتماعي ، الروحي والطوعي بالولاية . 2- قضايا : النازحين – النساء - الخريجين - العطالة - العمال – المفصولين – المزارعين - الطلبة - العمل النقابي - التحول الديمقراطي – الشباب – الاطفال – الفقر - الضائقة المعيشية- الامية- البيئة – الثقافة 3- الاستعداد المبكر للانتخابات القادمة ( المحلية والعامة ) واالعمل علي ضمان نزاهتها . رابعاً : نتائج المؤتمر : انتخب المؤتمر قيادة جديدة للحزب الشيوعي السوداني بالعاصمة القومية ، تم انتخابها عن طريق الاقتراع السري من قائمة مرشحين للقيادة عددهم اثنين وثمانين مرشح ومرشحة ، وفي نهاية اعماله ألقي المؤتمر علي عاتق القيادة الجديدة مسئولية متابعة ما تم في المؤتمر.
ده كله كلام جميل، لكن هل ناقش المؤتمر قرار القيادة بقبول المشاركة في برلمان الحكومة المعين؟ وهل كان قرار المشاركة، و المشاركة نفسها و تقييمها ضمن اجندة المؤتمر؟ ام ان هذه الخطوة لم تكن في اولويات اجندة مؤتمر العاصمة القومية؟
غنى ياخرطوم غنى شدى أوتار المغنى ضوى من جبهة شهيدك أمسياتك واطمئنى نحنا منك ريح وهبت نار وشبت فى وجوه الخانو اسمك ياجميلة ونحن ياست الحبايب من ثمارك فى دروب الليل نهارك وقبل مايطول انتظارك نحن جينا وديل أنحنا القالو متنا وقالوا للناس انتهينا جينا زى ما كنا حضنك... يحتوينا لما فارسك فينا هبَّ وعبَّ حجرك بالمحبة وبالأماني صحى نار الثورة تاني وجانا داخل زي شعاع الشمس من كل المداخل وهز بالمنشور وبشر ياما فرهد فى عيونك غصن أخضر وفرحة أكبر من شجونك والسلاسل يا جميلة يوم ما كان ميلاد شهيدك يلا غني ولاقي عيدك ولى ثمارك لقي ايديك جيل مكافح حلَّ قيدك فى غضبنا الحر ولافح وياما باكر وفى زنازين العساكر نبني مجدك ومهرجانك وكل قطرة دم عشانك ولى جديدك يا جميلة
ـــــــــــــــــــــــــــــــــ
المجد والخلود شهداء الحزب والوطن
المجد والخلود لملح الارض وصناع الحياه اليوماتي
Post: #70 Title: حنظلة Author: محمد حسبو Date: 01-29-2008, 08:29 AM Parent: #1
يا عصام يا جبر الله، أنا سمعت أنّك سألت من إيميلي و أدوك ليهو، غيرت رأيك يعني من المراسلة وللا شنو؟ يا زول ما تسمع إشاعات كرفس عن المساخة دي، و الله أنا زول ما بطال، و ظريف عديل بعض الأحيان، و إن جيت للحق، نحنا –ناس الخارج يعني- من ناحية ذوق حقو نتكل الخيمة من برّة، غايتو عن نفسي، و الله خجلان خجل يسحق الروح، و ما قادر اتحمّل مرأى جداد الوادي دا كلو كلو، مقطعو في حشاي و العين تدمع و القلب يدمي، بتكلم مع الحاج دا يومداك، في تلفون معتز شم صاحبي دا، قال لي ياخ ما تحضر العكّة -قصدو المؤتمر- ما تودعنا؟ يا دين النبي يا عصام، و الله عيب الشوم علينا.
حديثو دا يشبه لي لما فاز التحالف بتاعنا داك بي اتحاد طلاب جامعة الخرطوم الأول، و كان الخلقُ يفيض و الهتافات سحاب فوق الجامعة هناك، كان في واحد من أعمامنا ديل حايم بليل جنب الجامعة، بيفهم في المسائل النفسيّة دي كويس، في التلفون قصدو يهوِّن الشخصي بالعام، قال لي: أهو تفاؤلك ما خاب، و مساعيكم تكلّلت بالنجاح. بس من حيث لا يدري اكتشفت أنو زي وضعنا دا يستحق المواساة و العزاء كمان كلما أينعت في البلد فرحة. أها دي ياها الحالة القالوا فيها: احتكُّ بكلِّ الجدران، كأنّ الغربة يا قاتلتي جَرَبٌ في جسدي.
يا معتز شم أنا فرحان بالحصل، و إيه الدنيا غير لمة ناس في خير. و يفرحني أكثر، يقيني من أنو أثرك أنت بالذات، مندس في كل ما حدث، بالجد و الله أنت بالذات يا فورست جامب.
وين الحي بي يا كوستي؟ لا بالله! الحي بي في سالمة ياخ.
تحياتي برضو يا عبد العظيم يا خدن، كرفس دا كتابتو بالليل كلها من جنس سؤالو ليك عن صحبتنا دا، يا كرفس عظيم دا رفقة قديمة خلاص، شي ثانويات و شي حاج الزاكي دا ذاتو و شي جامعة الجزيرة و شي الصحافة، كرفس إنت ما نصيح؟ بعدين يا عظيم سمعنا قالوا أدوك المعاش، ههههههههههههه، تستاهل لكن، حنظلة كان أخير ليك.
سوري يا شباب يا جادين لو خربنا البوست، أهو اعتبروها هتاف أو قصيدة، هو العسل دا إلّا ينقط؟ وللا أُم العروس دي إلّا تزغرد؟
Post: #71 Title: Re: حنظلة Author: Adam Mousa Date: 01-29-2008, 09:49 AM Parent: #70
Quote: هو العسل دا إلّا ينقط؟ وللا أُم العروس دي إلّا تزغرد؟
من بين 300 شخص سوداني اجتمعوا تمكن 82 شخص من ممارسة حق الترشيح الحر المفتوح لمناصب قيادية في حزب شيوعي !
تقريبا 30 في المائة من المجتمعين ترشحوا للقيادة !
دا ( ومن غير مبالغة ) ما حصل من قبل في تاريخ الحركة الشيوعية العالمية !
شى ما حصل منذ عهد اجتماع بطرسبرج في 1902 ، و اللي فيهو لينين رفد 30 في المائة من عضوية الحزب ومن بعد ذلك عمل إنتخابات الهيئات القيادية !
معذور لينين فقد كانت الثورة البروليتارية و بناء هيئة اركان الطبقة العاملة هي سمة العصر .. و محظوظين شيوعيى العاصمة القومية اللي سمة عصرهم هي الديمقراطية
ظاهرة جديرة بالتامل .. ! اُفق الانعطاف الديمقراطي الحقيقي اللي كان بعيد في 1971 ، لكن برضو الجزولي سعيد شافو في تلك الظروف بالغة التعقيد !
شافو لمن رشح محمد ابراهيم نقد بصيغة الاجماع و لسان حالو بقول :
" نحنا الحزب بنحافظ عليهو .. الانتخابات ام 82 مرشح اعملوها انتو بعدين "
زورو قبر الجزولي سعيد يا جماعة . . ترحموا عليهو .. و كلموه بالحصل دا ..
Quote: ناس فرع بولندا كاتبين عن (الإشتراكية بالطعمية), و(الطبقة العاملة بالجبنة), ونقة كتيرة خلاص. نقوم نشيل هم, نقول ياخ نحن جاريين هنا ليلنا بنهارنا, وناس بولندا ديل يقروا ... ويتناقشوا .... ويكتبوا. نحن...... كان قرينا, وإتناقشنا...... ما بنكتب. وفكرنا إنو بعدين .... في الخامس ..... بجوك ناس بولندا وهولندا , وسكسونيا السفلى, نضااااف, ومذاكريييين, ويقعدوا قدااااام. ونحن نكون في جرينا داك ذاتو. وإحتمال كبير نشتغل (حماية) !!! ياخ أنا كنت مغيوظ من ناس فرع بولندا ديل شديد خلاص !!جنس حقد طبقي يا إنسان
هنا بالغت...القضايا النظريه مهمة برضو..بعدين الناس ديل اشتغلوا فى فترات عصيبه منذ مايو وما قبل ذلك.. شئ آخر مهم لفت نظرى وهو البناء وإعاده البناء ..فى ناس كتار كانوا أنشط عضويه فى الثمانينات..حاولوا أصلوهم وشوفوا الحاصل عليهم شنو..وراجعوا كذلك (التوصيلات)..خاصه بالخارج..الحزب فقد ناس بالسبب ده. لكم التحيه مره أخرى ودمتم.. ... بامانه وصل كلامى ده لعباس وبشرى وودالكوه..وسلم عليهم
الزميل محمد المكي الفوق ده قال ليك يا معتز الا عباس .. سامع الا عباس
وقال ليك كلامو ده توصلو امانة يعني صره فى خيط .. انا حارسك بهناك لمن توصلو ..
.....
لكن شايف البيان اغفل اشادة المؤتمر بالزميل السكرتير العام او السياسي للحزب والطالب بها المؤتمر رغم ( تطاول بعض الزملاء علية فى الصحف ) ولا ما كده يا معتز ...
الزميل محمد المكي محمد : ياخي كلامي عن ناس الخارج ده هظاااااار ...... هظاااااار يا جماعة. إنت زعلت ليه ؟ الأخو من ناس بولندا !!! (هظار برضو) الكنت بحكي عنو ده ونسة (طلبة) ساي, بطرفكم منهم الآن وائل عوض والأخوان خليفة. عشان تعرف بس إنو نحن ما قدر كلامنا . يعني مؤتمر خامس بدون معتز خليفة ده يسوهو كيف ؟ ياخي ده نصابو ما بيكتمل ذاتو. تعالوا كلكم, وخلونا نتكل الخيمة نحن, ولو فضلت حتة, دخلونا في طرف الخيمة كده نسمع كلامكم, ونصفق. كده كويس معاك ؟؟
Quote: القضايا النظريه مهمة برضو
ما برضو, القضايا النظرية مهمة أساساً. حسه واحدة من مشاكل (الحراك) الحالي داخل الحزب ده إنو ما مكتوب فيهو نظري, (بيتحرك) بما هو مفهوم ضمناً, وبثقل الحوجة الملحة لل(حركة) ذاتها. وده ما كفاية. لأنو ما بيدوم بدون (تأسيس).
(تحاياك الحارة) لعباس وصلت طازجة, وسألتو من ود الكوة فإتضح أنه مختار (الباقر), وبالتالي تحيتك ليهو بتصل برضو لكن الثنائي ده علاقتو شنو ببشرى ؟؟ نحن جينا لقيناهم براهم !!! طبعاً أنا (ود مهذب) زي ما إنت عارف, عشان كده وصلت الجزء الأخير من وصيتك
Quote: وسلم عليهم
الجزء الأول ده تقولو براك, نحن قلنا ما فيهو الكفاية يا دكتور !! ولو داير, نديك تلفوناتهم .
Quote: فى ناس كتار كانوا أنشط عضويه فى الثمانينات..حاولوا أصلوهم وشوفوا الحاصل عليهم شنو.. وراجعوا كذلك (التوصيلات)..خاصه بالخارج..الحزب فقد ناس بالسبب ده.
علم .... وسينفذ (ما تبقى منه) !! ولو أديتنا أسامي تكون ما قصرت.
الجزء بتاع (ود مهذب) ده (أعتقد) فيهو رد كافي على النقطتين بتاعات الزميل
Quote: من ابرز القضايا السياسية والجماهيرية التي جاءت في مناقشات المؤتمر دون ترتيب : 1 - قضايا دراسة وفهم الواقع وصياغة برنامج محلي للحزب بالعاصمة وفقاً للمؤشرات التالية : - الاهمية السياسية والاقتصادية للعاصمة . - النشاط الاقتصادي وسبل كسب العيش في ولاية الخرطوم . - توفر الخدمات بالولاية – المعتمديات والمحليات - النشاط الثقافي والاجتماعي ، الروحي والطوعي بالولاية . 2- قضايا : النازحين – النساء - الخريجين - العطالة - العمال – المفصولين – المزارعين - الطلبة - العمل النقابي - التحول الديمقراطي – الشباب – الاطفال – الفقر - الضائقة المعيشية- الامية- البيئة – الثقافة 3- الاستعداد المبكر للانتخابات القادمة ( المحلية والعامة ) واالعمل علي ضمان نزاهتها . رابعاً : نتائج المؤتمر : انتخب المؤتمر قيادة جديدة للحزب الشيوعي السوداني بالعاصمة القومية ، تم انتخابها عن طريق الاقتراع السري من قائمة مرشحين للقيادة عددهم اثنين وثمانين مرشح ومرشحة ، وفي نهاية اعماله ألقي المؤتمر علي عاتق القيادة الجديدة مسئولية متابعة ما تم في المؤتمر.
مرة اخرى اكرر سؤآلي للزملاء الذين كان لهم شرف حضور مؤتمر العاصمة القومية .. هل تمت مناقشة قرار قبول قيادة الحزب بالمشاركة في برلمان حكومة الخرطوم؟ يا جماعة القرار ده اخطر قرار تتخذه قيادة الحزب منذ 71 وقاعدة الحزب غير موحدة حوله بل هناك قطاع عريض داخل الحزب يرى ان قرار المشاركة كان قرارا خاطئا على المستويين النظري والسياسي .. اعلم جيدا ان 20 ساعة قد لا تكون كافية لبحث كل القضايا المطروحة في ظل الكثافة العددية للمؤتمرين ولكن قرار المشاركة في البرلمان له من الأهمية ما يكفي لأن يكون في صدر اجندة المؤتمر .. افيدونا يرحمكم الله
والله انبسطت ليكم يالزملاء في الحزب الشيوعي ودوما تبسطني فكرة المؤتمرات احتمال لانو في فترة من حياتي الحزبية غياب المؤتمر العام كان عامل عندي وعند العديدين عقدة لمن واحد فينا يلاقي الناس ملمومة في حتة تلقاهو لاراديا بيقول ملمومين انشالله في المؤتمر، او لمن تتذكر ليك زول وفجاة تلاقيه تبادرو بالكلام وتقول وياريتني لو اتذكرت مؤتمر !!
لذا بتبسطني فكرة قيام مؤتمر لحزب او حتي الشروع في قيامه او حتي التمني وهو اضعف الايمان وكم نحن(الضمير راجع للاحزاب السودانية بلا استثناء) في حوجة لمؤتمرات...
احيكم يا معاوية واحي فيكم النضال من اجل المؤسسية والتجديد ..
والله انبسطت ليكم يالزملاء في الحزب الشيوعي ودوما تبسطني فكرة المؤتمرات احتمال لانو في فترة من حياتي الحزبية غياب المؤتمر العام كان عامل عندي وعند العديدين عقدة لمن واحد فينا يلاقي الناس ملمومة في حتة تلقاهو لاراديا بيقول ملمومين انشالله في المؤتمر، او لمن تتذكر ليك زول وفجاة تلاقيه تبادرو بالكلام وتقول وياريتني لو اتذكرت مؤتمر !!
لذا بتبسطني فكرة قيام مؤتمر لحزب او حتي الشروع في قيامه او حتي التمني وهو اضعف الايمان وكم نحن(الضمير راجع للاحزاب السودانية بلا استثناء) في حوجة لمؤتمرات...
احيكم يا معاوية واحي فيكم النضال من اجل المؤسسية والتجديد ..
ما عارف ليه يا ريهان
أعدت الإستماع لمداخلتك دي كمين
مرة وبصوتك العميق الدافئ ؟؟؟؟
نحن يا ريهان إرتضينا عن قناعة مطلقة
بأن نكون أعضاء في حزب ، الذين سبقونا
فيه ( و نسميهم أعمامك أمثال الفي الصورة التحت دي )
Quote: يعني مؤتمر خامس بدون معتز خليفة ده يسوهو كيف ؟
معليش يا شبيبه دخلت بره الصف... بكلم معتز يعمل لافته وىرسلها بس شوفوا ليكم زول قناعنين منو يشيلها .لافتات معتز بتودى المديريه التانيه(كوبر)....أقترح تشيليوها لعباس أكرب:....
Quote: الأخو من ناس بولندا !!!
طبعا...من بيت المال لبولندا...اها شن قولك...
Quote: (تحاياك الحارة) لعباس وصلت طازجة, وسألتو من ود الكوة فإتضح أنه مختار (الباقر), وبالتالي تحيتك ليهو بتصل برضو لكن الثنائي ده علاقتو شنو ببشرى ؟؟
ماعارف التغير شنو لكن زمان لما خليناهم كانو(فرد)وتالتهم المرحوم معاذ ابراهيم...(د.معاذ ده كلما أتذكره أحس بأشد الأسى..ياله من رائع له الرحمه...)
Quote: الجزء الأول ده تقولو براك, نحن قلنا ما فيهو الكفاية
يعنى ما براى.. أتخيل أنا كنت بقابله كل يوم لمده سته ساعاتعلى الاقل ولمده ثلاثه سنوات ما لى حق أهج آخر الدنيا...لكن كلمااتذكر إنو يوسف حسين كان بيقابلوا على الاقل 12ساعه...تهون على مصيبتى لكن مهما كان له الف تحيه
Quote: ولو أديتنا أسامي تكون ما قصرت.
ستصلكم قريبا
يلا همتكم يا معتز وكل الشباب الواسع المدارك... ......... شكرا يا عادل عثمان على الفديو..والذكريات الجميله ..فى الصوره الثابته قبل التشغيل ,أول واحد من اليمين ده انا ..شايف كنا شباب مبدع كيف?والجزء الأول +الخط الأساسى لقاسم أمين كانت برضو من ألحانى وكذلك عدد من الثوريات بعضها مسجل والآخر جار عليه الزمن والنسيان..حقيقه كان زمن جميل..ورفاق أجمل وأبدع...
............ أقبال ...مالك على ناس الخارج ,وانتى برضك منهم وزوله رائعه شديد..الحاصل شنو? تلفونى فى البروفايل وسلمى على زهير وأسامه مامون...
أما و قد ترجّل حاج الزاكي، أها كدة واحد * أفخر بأبوّته في هذه الحزب (و مالو؟) قد أدّى الأمانة و لو بعد حين، و قيل، و لو بعد لأي.
بلّغه سلامي يا معتز، و تهنئتي له بهذا الإنجاز، و قل له الآن نحن أبناؤك في السراء و الضراء، بعد أن زالت مرارات الاحتكار و احتكمتم إلى سنن الحياة، و ستزول معها تزلّفات المتسلِّقين فبسيماهم ستعرفونهم، غداً تتحوّل بوصلة ولائهم، التي تشير دائما إلى القيادة.
هذا الذي حدث هو بلا شك، في مصلحة الحزب و مصلحة هؤلاء الآباء، و نستطيع الآن أن نبرّهم بلا شائبة، و نحبّهم بلا مدسّة. هؤلاء رجال عظماء، و هبوا حياتهم للآخرين، و حق علينا أن نهبهم ما يستحقون من ثناء و تقدير، و سنفعل بحياتهم بحول الله. و سيعرف الجلاوزة اليوم من يحترم و يجل هؤلاء الآباء، و من يتكسّب من الذود عنهم بالحق و الباطل، أنا سعيد و محزون، و ربما ليس المقام المناسب، لكنها و الحق لحظة انتظرتها طويلا، ليعرف كل إنسان مقامه، و يعرف صليحه ممن يزيّن له سوء عمله، و إن كان من واجب علينا، فهو شيء من رد الجميل إلى هؤلاء، حتى نرسخ أدباً للتقدير و التواصل في هذه المؤسسة، و لكم يا معتز أن تروا كيف تنتظم مثل هذه الأفكار بما يضمن لكل من يقدم على هذه التضحيات، أنّ هذه المؤسسة تربينا على الاعتراف بها، بكل سبيل.
تفاكروا يا شم حول آلية تضمن لهؤلاء الآباء حياة كريمة، و يحفظ لنا إحساسهم بأنّ معروفهم الذي قدّموه قد صادف أهله .
العزيز معاوية والزملاء الكرام ما انجز يرفع عنا وعن كثير من زملاء الشتات الكم الهائل من الاحباط ... وراجين خطوات كثيرة لقدام ... يا ريت لو كنت معاكم كنت بقيت النوباويه .... وبخستكـــه يا معتز كنت بقيت ( عمود في الصيوان ) يا راجل ما تتحسس معتصم سيد احمد
غنى يا خرطوم غنى وغنى شدى اوتار المغنى شوى من جبهة شهيدك امسياتك واطمئنى نحن منك ريح وهبت نار وشبت ونحن ياست الحبائب من ثمارك وقبل ما يطول انتظارك نحن جينا ديل انحنا القالو فتنا وقالوا متنا وقالوا للناس انتهينا جينا زى ماكنا حضنك يحتوينا لما فارسك فينا هب وعب حجرك بالمحبة الاستاذ محجوب شريف
ايتها الشمس الحمراء فى قلب الخرطوم ، ايها الاعزاء ارتضيم تكونوا متارس للحزب داخل الوطن لانملك الا ان نهناكم اولا وثانيا وثالثا ومن ثم نهئ انفسنا وكاعدتنا صرنا نبارك من على البعد ، دون ان يكون لنا دور طليعى يذكر
كرفس يا صديقي متلوم معاك وجد فرحت .. وياريت لو كنا معاكم نقاسم الفرحة ووجوه الناس يلي سريع الخامس ومشتاقين كسرة الواحد عاوز يتونس معاك كتير بس اليوم هنا ممحوق فجاءة تلقاهو كمل يا ريت نتواصل
Quote: بجوك ناس بولندا وهولندا , وسكسونيا السفلى, نضااااف, ومذاكريييين, ويقعدوا قدااااام. ونحن نكون في جرينا داك ذاتو. وإحتمال كبير نشتغل (حماية) !!! ياخ أنا كنت مغيوظ من ناس فرع بولندا ديل شديد خلاص !!جنس حقد طبقي يا إنسان
My friend, pls don't take hard on us Nas Alkharig... from Pland to new England...!You wouldn't say this if you know how concerned and busy minded with this Fifth Congress...We aconfirmed in many discussions that all we want is to have the new generations of the party, since we left, to be the actual new leadership... we wanted you and your generation to be there at the Podium and not as cadre Himaya... Apparently our prayers were answered ...!
I have few questions to you, and your generation:
* What happened to the issue of participating in the Bashir government? I hope it was discussed since Nas Alkharig, most of them, against this participation.
* I did not see any mention to the human rights issues and the concept of accountability. What happened to this important item? I see Hassan Osman, my cellmate @ Citybank Ghost House at the table.
* I did ot see any mention to the representation of the actual poor people of the slums in Khartoum. I'm worried that the party is getting more and more to be only for the lower middle class...I hope I was wrong.
Quote: جلس في المنصة كل من الأساتذة التوم النتيفه، حاتم قطان، مختار عبد الله، عباس الطاهر، فيصل بشير، حسن عثمان أعضاء لجنة المديرية، وتحدث باسم اللجنة في المؤتمر الصحفي كل من الأساتذة عباس الطاهر ومختار محمود وفيصل بشير وحسن عثمان
. كتيبة فتاكة رجال حارة عرفتهم السجون وسخروا من زنازين العساكر حملوا هم الحزب ليل نهار التحية لكم يا رفاقي وبكرة نبني مهرجان حزبنا الكبير