إلى حين هبوط الطائرة يرجى من جميع المسافرين ( البغاء) في أماكنهم .. حاجة عجيبة , ليه نحنا كدا ؟

اليوم نرفع راية استغلالنا .. !!

ويسطر التأريخ مولد شعبنا !!

أخواتي ... إخوتي أعضاء وقراء سودانيز أون لاين جمعتكم سعيدة وأعماركم مديدة ,,,

في الحقيقة أنا اللليلة مستغربة شديد وعندي حالة بتاعة هيستيريا ومعاها شيزو كمان ..من أمبارح بسأل في تفسي وما لقيت إجابة ليه نحن كدا ؟

كلامنا مشاتر :

يعني صوتنا من دون خلق الله خشن وكلامنا ناشف زي الحطب ما فيه أي نبرة حنية تئبرو ألبي ومخارج حروفنا نصها غلط يعني لمن نغني ونقول

اليوم نرفع راية استغلانا أو نقول الليلة عيد الاستغلال البسمع كدة يقول علينا ناس استغلاليين جدا وقمة في الإنتهازية الواعية حكومة وشعبا لذا أصبحنا

نحتفل بعيد الاستغلال ..

ولما المضيف الجميل يطلب من جميع المسافرين البغاء في أماكنهم تفتكروا لو في مسافر غير سوداني حيقول علينا شنو ؟؟ طبعا ما في داعي أجيب سيرة

لطيارتنا صاحبة المواعيد العجيبة ولا مضيفاتنا الرقيقات وظريفات فالضرب على الميت حرام !!

بعدين ليه نحنا الوحيدين البنقول تزعة وتزعين لتسعة وتسعين رغم أن كل الأجناس الأخرى بتضحك على تزعة دى وبتضحك أكتر لمن نقول تزعة

ونزعين ومع ذلك بنصر على كلمة تزعة مع إنه تسعة أسهل وأشيك بكثير ,, لله في خلقه شئون !!!

لبسنا مشاتر :

ليس من الضروري أن نلبس من بيير كاردان ولا لاكروا أو نيناريتشي ولا كريستيان ديور ولا جياني فيرساتشي ,, من سوق الله أكبر إتشاء الله

سعد قشرة ولا سوق الشهدا أو حتى من سوق المرحوم مقاسك ( سوق لبيع ملابس الميتين ) بس المهم أن يكون اللبس نضيف ومتناسق ومرتب . مش

القميص أصفر والشراب أخضر والجزمة لا مؤاخذة بنية والبنطلون أبيض أو التوب بنفسجي والروج أحمر والشبشب بصلي .. أنا طبعا ما خبيرة

ألوان ولا أزياء لكن بحاول أجتهد شوية لذلك بقدر أعرف شنو الماشي وشنو الما ماشي مع بعض ,, وقبل ما ينط واحد أو واحدة من ناس الحرية

الشخصية أقول ليكم المثل بيقول أكل ما يعجبك وألبس ما يعجب الناس عشان البتاكلو دة جوة بطنك ما في زول شايفو وما بيأذي أحد لكن البتلبسو

دة ممكن يؤذي الآخرين إذا كان غير متناسق ولا شنو رايكم يا جماعة ؟؟

سلوكنا أشتر :

ما حأتعرض لكل السلوكيات الخاطئة لأنها كثيرة ومسيخة لكن حأتكلم عن سلوكنا في المناسبات الأفراح والأتراح بصرف النظر عن البذخ والخمج

في حكاية كمان جايبة لي الجلطة ,, وهي أصطحاب جميع الأطفال إلى مكان الفرح رغم التحذير الواضح على كرت الدعوة ممنوع اصطحاب الأطفال

أو نوما هنئيا لأطفالكم أو جنة الأطفال بيتهم ومع ذلك نقوم نهيج ونميج ونزعل ليه يكتبو كدة والله الماعايز أطفالنا معناتو ما عايزنا يا نحنا وأولادنا

يا بلاش ! بلاش يا ستي يعني لو ما جيتي إنت وعيالك الستة وزوجك بقيتو تمانية و أقل طبق اليوم في أرخص فندق بي 150 درهم شوفي إنت

وعيالك وزوجك بتكلفو كم ؟ فلو ما جيتي يعني العرس حيتبطل ولا العريس حيطلق العروس ولا المعازيم حيطلعو في مظاهرة ولا الفندق حيغلق

أبوابه احتجاجا على عدم جيتك ؟ ولا حسين شندي حيغير إسمه ويبقى حسين بابنوسة ؟ ولا سيف الجامعة حيبقى سيف الابتدائي ؟ بتصدقوا أغلب

الفنادق لا ترغب في التعامل مع أفراح السودانيين لعدة أسباب أولها المعازيم بيكونو 200 والحضور 800 و موعد الدعوة المكتوب في الكارت بيكون

الساعة 8 لكن أول زول بيجي بتكون الساعة بقت عشرة وموعد إنتهاء الحفل كما هو معروف الساعة 12 لكن الفنادق كلها بتدي السودانيين إذن خاص

للساعة 2 صباحا وبعد دة كله لو ما طفوا ليهم النور وهم في عز العرك والفرك والكشف أو الحت زي ما بقول ود شيقوق ما بطلعوا من الفندق

أما الأطفال فحدث ولا حرج هيجان وغليان ودوشة والحمامات بتاعة الفندق الكانت زي المراية يخلوها زي الطين !! يا جماعة والله عيب نحنا

في القرن الواحد وعشرين وما زلنا نمارس سلوك القرن السادس عشر أو العصر الحجري بالأحرى ؟

ذكاؤنا أشتر :

لا شك إننا أذكياْء ,, شاطرين ومؤهلين ,, ولكن لا نعرف كيف نروج لأنفسنا ,, ولا كيف نعمل لروحنا سعر , لذلك نتنفط من أول معاينة رغم أن

المنافسين لنا شهاداتهم أقل ومؤهلاتهم مش ولابد وخبرتهم ( نهي ) زي ما بقولو الهنود ومع ذلك بكسبو الجولة بالشطارة في الكلام وفي الفهلوة

و سرعة البديهة التي تجعل الشخص الأمامك يؤمن إيمانا تاما أنك الشخص الذي يريده من طقط طق للسلام عليكم فنخرج نحنا من المولد بدون حمص

أو من الحمص بدون مولد وكمان آخر احتجاج دة زول ما بفهم والله أنا معاي دكتوراة وسوداني يقوم يزحلقني ويعين ليهو حتة لبناني ولا مصري ؟

شفتو ثقتنا في نفسنا زايدة عن حدها كيف ؟ طبعا لسة ما عرفنا ليس بالثقة أو الشهادة وحدها يوظف الإنسان ؟ عموما طولت عليكم عشان كدة أخلي

باقي الحاجات لمرات قادمة وفتكم بعافية ,,,

خارج النص :

طبعا لو كان ذلك المضيف الجميل بيعرف معنى كلمة بغاء لما طلب من جميع المسافرين البغاء داخل الطائرة حتى ولو كانت على ارتفاع عشرة ألف

قدم من سطح البحر ( في واحد إمام مسجد بختم خطبة الجمعة دائما بقوله إن الصلاة تنهي عن الفحشاء والمنكر (فل أوستب ) والبغي يعظكم لعلكم

تذكرون ؟؟؟

الاخت عواطف.

بكل بساطة لأن السودانين غير عرب.

وعلشان العرووبين ما يزعلوا.

المصرين برضو عندهم مشكلة مع حرف الجيم.



دينق.

بكل بساطة لأن السودانين غير عرب.

صدقت يا سيبويه ..



ود الباوقة

يعنتي يا ود الباوقة من البوست الطويل وعريض دة ما لقيت تعليق غير صدقت يا سيبويه ؟؟

عايتو كان جيت يوم ولقيت التمر الفي شجرتك دة مافي ما تسألني يا الجاحظ !!

الأخ العزيز ديتق !!!

مودة ,,,

الله لا جاب يوم الزعل ,,,

عرب !! ما عرب !! لغاية الليلة ما عرفنا التيجة شنو ياأخونا أرسو لينا على بر غايتو أنا شخصيا ما بقدر أقول عربية !!!

عطوووووووووووووفة


جمعة مباركة
حقيقة أدهشني العنوان وقلتا يمكن عطوفة الليلة بردانة
وغلطت في كتابة ( البغاء ) عوضاً عن ( البقاء ) ولكن
بعد مطالعتي للموضوع سكتا وصميت خشمي علي .

بس يا عواطف دي لغتنا الدارجة يعني نعمل شنو ؟؟؟
وما كل الأجناس بتتكلم لغة عربية صرفة يعني لو تابعتي
كل جنسية عربية او تدعي العربية يا ما تشوفي العجب !!
خدي مثلاً دول شمال إفريقيا واحكمي .

هشومي !!!

صباحك سعيد ,,,

بالفعل هي لهجتنا الدراجة ولكن برضه غلط أن نتحدث اللغة العربية بطلاقة وفي الوقت نفسه نغلط في

مخارج الحروف أما لهجات شمال إفريقيا فدي حاجة تانية ليس لها علاقة بالموضوع ,, شكرا هاشم على

المرور ..

Quote: الاخت عواطف. بكل بساطة لأن السودانين غير عرب. وعلشان العرووبين ما يزعلوا. المصرين برضو عندهم مشكلة مع حرف الجيم. دينق.

عطوفه القاليه...

انابرضو شايف زي ماشايف دينق....مش بيقولو اعجمي فالعب به...
جمعتك مباركه

كيمو العزيز !!!

مشتاغة ,,,

قالو العربي ولا المتعورب !!!

عموما أستقل هذه الفرصة لأشكرك جدا ,,,

العزيزة عواطف .. .. تحية عطرة :

الليلة مالك قايمة علي السودانيين شديد ؟ هم من احسن الناس رغم
السلبيات الكتيرة .. واكتر حاجة مخجلانا برة سودانير بمواعيها ..
ورحلاتها الاسوأ بين طيران العالم وعدم النظام في مكاتب سودانير في
الخارج دون كل الخطوط التي تتعامل بنظام حضاري راقي ؟
والمخجل ثانيا هي كورتنا التي غنوا لها ( شينة كورتنا) وهي فعلا
اكثر من شينة فدون كل الدول الافريقية والعربية لانتطور بل نرجع
للخلف وبسرعة وصلنا الي (ليس بالامكان اسوا مما كان) ..
وغير كدة نحن السودانيين في احسن حال .. ولك اختي عواطف كل الود

بهاء !!!

يسعد صباحك ,,,

لا أختلف معك في أننا كويسين ولكن هذا الشعور خلانا نقيف محلك سر والزمن ماشي والدليل آلولو مش

كدة بالله قف تأمل وشوف حالنا وحال غيرنا ,,,شوف الدول الأخرى وشوفنا ! شوف الشعوب الأخرى وشوفنا

عارف يا بهاء أعلى نسبة أمية في الوطن العرب السودان ومصر رغم العلماء الفيها طبعا دة أخر تقرير

لهيئة اليونسكو تقول لي قال ؟؟؟ شكرا عزيزي وجودك معنا يسعدني ,,,

Quote: ليه نحنا كدا ؟

أختنا عواطف

الموضوع ـ كما لا يخفى عليك ـ طويل وملولو.
وبعيداً عن التحليل، أعتقد أن شيئاً في تكويننا مبرمج على أن الاهتمام بالشكل هو في أحسن أحواله "فراغ" (الفراغ مرض) وربما يبلغ درجة العيب.
والبعض يسميه "شكليّات"!
وإذا حاولتِ تصويب شخص ما في نطق كلمة "البـِغاء"، فالأرجح أنه سينظر إليك شذراً بما معناه أن الأمر لا يستحق.
ونحن أكثر من يستخدم عبارة (عجميٌّ فالعب به) لتبرير شتارة كلامنا.

Quote: ( في واحد إمام مسجد بختم خطبة الجمعة دائما بقوله إن الصلاة تنهي عن الفحشاء والمنكر (فل أوستب) والبغي يعظكم لعلكم تذكرون ؟؟؟

الآية تقول:
"إن الله يأمر بالعدل والاحسان وإيتاء ذي القربى وينهى عن الفحشاء والمنكر والبغي يعظكم لعلكم تذكرون".
متأكدة إنه إمام جامع؟

محجوب !!!

سلامات ,,,

أسعدتني مداخلتك وكلامك المدوزن الجميل بالفعل إذا حاولت تصحح أي شخص ممكن تسمع كلام ما يعجبك

أما حكاية تزعة وتزعين دي خليها ساكت حتى حملة الدكتوراة وحكاية المظهر يعكس الجوهر دي معدومة

و ما تحاول تناقش فيها أي زول عشان يقول أنت زول فارغ أو المظاهر كدابة ,,,

شكرا محجوب أبق معنا ربنا يسعدك ,,,

ود البيلي !!!

نسيت أقول ليك متأكدة أنه إمام جامع لكن نوع البقول الطشاش في بلد العمي شوف داك !!!

الاخت عواطف
سلام
مالك عايزة تبقي بتاعت نقة زى ناس كدا حارسين البورد اربع وعشرين ساعة ويوزعوا في نقتم شمال يمين في البعرفوهو والمابعرفوهو ..
كم من الناس بقولوا إستغلال بدل إستقلال وبغاء بدل بقاء عشان تجي تقولي عموم السودانيين بقولوا كدا ...؟ وكذا الحال بالنسبة لتزعة وما شابه ..؟
وبعدين ياخ (بالقتي ) في حكاية ناس الطيارة الما سودانيين الممكن يفهموا كلمة بغاء بطريقة غلط ..
طيب هم ما سودانيين ح يفهموا لهجتنا دي كيف ..؟؟ ولو فرضنا انهم زي ما قلت فهل يمكن لزول بكامل قواه العقلية والجسمية لدرجة انو يركب طيارة يطير بيها المسافات يفهم الكلمة دي بالطريقة القلتيها دي ..؟؟؟؟؟؟
ما تجيء تقولي لي يمكن يكونوا بتكلموا عربي ..
وبعدين قلت :
(القميص أصفر والشراب أخضر والجزمة لا مؤاخذة بنية والبنطلون أبيض أو التوب بنفسجي والروج أحمر والشبشب بصلي .. )
دا شفيتهو وين بإمانة كدا ..؟

العزيز طلحة !!!

محبتي ,,,

والله أنا لا أنطق عن الهوى ولا ألقي الكلام جزافا كل مل قلت عنه سمعته وشاهدته وكمان أزيدك من الشعر

بيت تزعة وتزعين في المية من السودانيين بيقولو استغلال ويغاء أما حكاية الشراب والجزمة والتوب

والله شفتهم بي عيني اللي ... والله على ما أقول شهيد بعدين ياجماعة خلونا نصصح غلطنا رغم أن الكمال

لله , عموما شكرا على العبور ,,,

للتكرار

Quote: صدقت يا سيبويه ..

ود الباوقه.

أصحى للون.



دينق.

والله يا بت إدريس ضحكت بعد قراءتي مقالك هذا لأنه ذكرني بصديق

عزيز جدا كان زميلنا في العمل ابان فترة عملنا بالرياض ودائما

كنا في حالة مزاح وتريقة هو يكيل للسودانيين وأنا أرد الصاع

صاعين ومرة قلت ليه نفسي أعرف ليه بتقولوا على القلم (ألم) وما

بتقولوا على القاهرة ( الآهرة) ليه ? بس وعينك ما تشوف إلا النور وإتفتح

أسامة أمام كل من بالمكتب يا العم روح إنتو بتتكلموا لغة عربية

طب ليه بتقولوا على ليلة القدر ليلة الغدر ? وليه بتقولوا على

البقالة البغالة ? وو جدت الراجل معاه حق و حرف القاف حكايته

حكاية معانا .



شكرا يا عواطف ونقول الكمال لله وحده




صلاح واسبه

صلاح !!!

بركة الجيت .. عسل إنت وبسكويت !!!

شفت غنانا ذاتو جاي من البغالة ,,, في الحقيقة إنت اللي ضحتني فشكرا على ذلك وأبق معنا !!!

يسعد جمعتك

يازولة يااختى كلامك دة فى الزواج المحدود الاهل والمعازيم,ممكن يكون فى العاصمة فقط


لكن القرى والحضر الاخرى لازم يشاركو دة واجب يعنى انشاء اللة كبرى الصيوان


لذلك تتوقف العملية فى مدى ارتباط الشخص بباقى البلد فتك بخير.

سيف !!!

اللي بيكرم الضيف ,,,

سلامات ,,,

إنشاء الله صيوانك دايما كبير وعريض ويجعله عامر !!!

نحنا بنتكلم في المناسبات التي تقام في فنادق خمس نجوم ولا موهيك ؟؟؟

يسعد صباحك

هيك طبعا,بالنسبة للفنادق خمسة نجوم ها دولة ناس طبقة خاصة بمواصفات معينة

مثلا عدد المدعوين بكون محدود لان الفندق اصلا لا يستوعب كثير لمذا؟لان الاكل والشرب

وعدد الطاولات محدود,مثلا فى ايضا صالات الافراح الخاصة هذة ممكن تستوعب عدد اكبر من

الخمسة نجوم وايضا ,المشكلة الحقيقية فى تحديد ساعات المناسبة,مثلا بعض الصالات

ساعتان فقط ,عندما يحضر العريس وزفتة وانتى عارفة الحريم الكوفير وشقلتهم كثيرة

واخرى,لكن باى شكل هو نظام معقول ويتمشى مع البرستيج وهاى وسريع

واللة نظام مريح خاصة لاتجيب طباخين ولا تذبح عجل وكم خروف ولارش اللبن وتسجل قون

بل الطورطات الهرميات الهندسيات سيدات المهرجان والبعض ياتى براقصات مثل دينا

او احدى خريجات مدرسة الرقص الشرقى.

باى شكل فهو ترتيب جميل.

يسعد جمعتك

يازولة يااختى كلامك دة فى الزواج المحدود الاهل والمعازيم,ممكن يكون فى العاصمة فقط


لكن القرى والحضر الاخرى لازم يشاركو دة واجب يعنى انشاء اللة كبرى الصيوان


لذلك تتوقف العملية فى مدى ارتباط الشخص بباقى البلد فتك بخير.

يسعد جمعتك

يازولة يااختى كلامك دة فى الزواج المحدود الاهل والمعازيم,ممكن يكون فى العاصمة فقط


لكن القرى والحضر الاخرى لازم يشاركو دة واجب يعنى انشاء اللة كبرى الصيوان


لذلك تتوقف العملية فى مدى ارتباط الشخص بباقى البلد فتك بخير.

ود الباوقه.

أصحى للون.

اللون مهم يا دينق في تحديد عروبة الشخص من عدمه او في تحديد النسبة في دمه . فكلما كـــان داكنا قلت او انعدمت عروبته . وتزداد نسبة الحظوة في العروبة لينالها الافتح ثم الذي يليه حتى تكتمل .

طيب اللون المنقاوي دا يكون شنو يا دينق ...


ود الباوقة

يكون لون المنقة يالشايل المنقة وما عارف كيف نحنا بنشقى !!!

أعتذر عن الرد بدل دينق أصلي حشرية جدا يا ود الباوقة فاستحملوني يستحملكم الله !!!

سيف الدين....كدا خش تاني واحزف اتنين...والا من انصار التعدديه ... ?

ما بلاش بأة يا كيمو !!!

Quote: اللون مهم يا دينق في تحديد عروبة الشخص من عدمه او في تحديد النسبة في دمه . فكلما كـــان داكنا قلت او انعدمت عروبته . وتزداد نسبة الحظوة في العروبة لينالها الافتح ثم الذي يليه حتى تكتمل . طيب اللون المنقاوي دا يكون شنو يا دينق ...

ود الباوقة.

رغم أن كلامك غير علمي ولكنه يمثل الفهم المتبع في السودان.

لكن كده خليني أسالك:

طيب الجنسيات الاخرى الغير عربية التي دخلت البلاد وأختلطت بالسودانين السود في ذلك الزمان، هل أبنائهم يعتبرون عرب أيضا لأن لونهم فاتح؟

علشان كده أنا بقول لك أصحى للون، وأنا قاصد التعبير السعودي الذي يناسب مكانك.

والمرة الجاية ح أضيف لها أصحى يا بريش.


دينق.

Quote: الفنادق لا ترغب في التعامل مع أفراح السودانيين لعدة أسباب أولها المعازيم بيكونو 200 والحضور 800 و موعد الدعوة المكتوب في الكارت بيكون الساعة 8 لكن أول زول بيجي بتكون الساعة بقت عشرة وموعد إنتهاء الحفل كما هو معروف الساعة 12 لكن الفنادق كلها بتدي السودانيين إذن خاص للساعة 2 صباحا وبعد دة كله لو ما طفوا ليهم النور وهم في عز العرك والفرك والكشف أو الحت زي ما بقول ود شيقوق ما بطلعوا من الفندق أما الأطفال فحدث ولا حرج هيجان وغليان ودوشة والحمامات بتاعة الفندق الكانت زي المراية يخلوها زي الطين !! يا جماعة والله عيب نحنا

دا كلو كوم يا عطوفه ومنظر السودانيين برا قاعة العرس {في لحظة تجلي }كوم تاني كل واحد جوا عربيتو بيديها عبار عبارين ويجيك داخل القاعه ولسان حالو يقول تاني تاني ريده... كمان....مع الاعتذار....

دينق لما الواحد يكون لونه كحلي بيكون أيه ؟؟

أبوي كان أهله بيقولو ليه الكحلي !!!

يا عواطف ... حكي لي زميلي في العمل اكثر من مرة وامام زملاء اخرين ومن غير العرب (يعد الترجمة) ما يلي:

الامير (.....) وهو معروف بحبه للسودان واهل السودان والاسبوع الماضي كان هو المتحدث الرئيسي في حفل التخرج بجامعة .... الامريكية واشار الي ان السودانيين ينطقون حروفا عربية كثيرة بصورة مختلفة وكمثال اتي بمثل سوداني فيه " ياكل كل واحد نصيبو " وهم -اي اهل السودان-ينطقونها "ياكل كل واحد نسيبو " حيث انهم ينطقون الصاد سينا ....

كيفية نطق الحروف العربية من قاف وصاد وسين وجيم وكاف بصور مختلفة امر شاع وسط الاعراب والمستعربيين والعرب ولكن لسوء حال اهل السودان فان نطقهم للقاف غينا والغين قافا تحدث اثرا سالبا اكثر من بقية الحروف ربما لما في ذلك من تغيير كبير في معاني الكلمات وبصورة اكبر مما لحرف القاف حين ينطقه المصريون والعمانيون وبعض اهل اليمن الفا وحرف الكاف والجيم عند اهل الجزيرة العربية حين تعطش وتنطق ياء....
ولكن سبهليلة في اختيار الشخص المناسب للعمل المناسب تجعل مضيفا او مضيفة لا تقوي علي نطق صحيح للغة بان تخاطب بشر من بلاد مختلفة بنطق قاصر كما هو في عنوان مداخلتك يعطي للكلمات معاني غير التي قصد منها وللاسف الشدي الشديد ففي فضائيات السودان واعلامها المرئي والمسموع والدراما السودانية عشرات ممن لم يدربو اطلاقا علي نطق صحيح وكذلك عند مغنيين ومطربيين سودانيين ....

ما يحدث الان من مذابح للغة والمعاني هو تردي واضح في مستويات تعليم لم يسنطع البرفيسور الذي اوكلت اليه وزارة الدولة للتعليم العالي وكان قبلها الوزير الاول الا بان يصمت وكان ذلك في لقاء تلفزيوني قبل يوميين عندما اشار متحدث الي ذلك وللتاثير السلبي لما سمته الانقاذ ثورة التعليم ثم اردف قائلا " الوضع لم يصل الصفر بعد ونحن نطلب من الجهات المالية في الحكومة - وزارة المالية - ورجال الاعمال لتوفيير المال اللازم " ..يعني الصفر قد قرب .. لم يسال نفسه وهو من قيادات الجهة الحاكمة "لماذا اذن عشرات الجامعات وطنطنة عن ثورة تعليمية ..الخ " .. ان الجهل حين ينتشر كوباء فهو معدي حتي للعارفيين الم يتحصنو ....

مودتي
ابوبكر

يا عواطف بغاء الطائرة مقدور عليه ولكن "البغاء" لله دي حلها كيف؟!

حمودي !!!

محبتي ,,,

بصراحة ضحكتني لمن وقعت !!!

شكرا على هذا البغاء الجميل ,,,

أبو البنات !!!

يسعد صباحك فأنت من المبشرين بالجنة ( أنجبت وعلمت وأحسنت التربية ) فجاءتك البشارة كصباح يوم

العيد ,, شكرا على هذه المداخلة الرائعة التي أثرت البوست كثيرا أما فيما يتعلق بثورة التعليم

فأنا أسميها ثورة التأليم وليس التعليم ,, كل ما ذكرته يزيدني ألما والله خصوصا إذا كان المتحدث

شخص مسئول جدا ,, حتى الآن لم نجد الرجل المناسب للمكان المناسب ,, كان الله في عوننا !!

..

عمر النقي يا أخوي (( غانا )) وليست (( قانا ))

ونحترم الجميع

مع الود

,,

شكوكو !!!

ينصر دينك ,,,

طبعا في فرق كبير بين قانا اللبنانية صاحبة المجزرة الشهيرة وغانا الإفريقية ولكن نعمل أيه مع

مجزرة اللقة العربية ما علينا سوى القول البغاء لله !!!

بتنا الغالية عواطف
سلامات

اختلف معاكى فى اغلب كلامك. لانه الشئ الانتى شايفاهو مشاتر دا هو الشئ الحقيقى. ما بالضرورة نكون زى الناس التانين: يعنى نتكلم زيهم ونحب زى ما هم بحبوا وننطق العربى بلسانهم هم. دى ما المقصود.

يمكن انت شايفة السودان بعيون عرب الخليج او المصريين. لكن لو ختيتى السودان فى مكانو الطبيعى فى افريقيا ح تشوفى الصورة طبيعية جدا. سلوكياتنا تشبه سلوكيات جيراننا تماما. اتلفتى حواليك وشوفى الصوماليين, الاثيوبيين, لارتريين, التشاديين, الكينيين واليوغنديين. تلقى اوجه الشبه كثيرة جدا. ما عيب فى ثقافتنا دى ابدا. صحيح فى بعض الحاجات مش مقبولة زى ماذكرتى. مظاهر زى البذخ فى الافراح وعدم احترام المواعيد والعبوس الكتير. دى محتاجين ننتقدا بشدة.

اوافق على مسالة تقديم السودانى لنفسه. حدثنى اخ يعمل فى الخليج بان الهندى عندما يدخل الى معاينة يقدم نفسه على اساس انه عنده خبرة كرئيس قسم الضيافة فى قصر ملكى. فى نفس الوقت اللى فبهو خبرته ما زايدة عن كونه كان يعمل بواب فى فيللا. نحن محتشمين فى اظهار مواهبنا ودا عيب كبير. كنت اناقش هذا الشئ مع اصدقاء هولنديين لاحظوا الحاجة دى. كنت ادافععنالسودانين على اعتبار انه دا نوع من التهذيب. لكن اتضح لى بانه الناس ديل بيفهموا السلوك دا باعتباره يدل على عدم الثقة بالنفس. لكن فى النهاية الواحد بيلقى نفسه عايش فى ورطة دايمة: الهولنديين يعتبرون محتشم(او متردد), والسودانيين يعتبروك متكبر وشايف نفسك. موقف صعب مش كدا.

تحياتى

الاخت عواطف
سلامات
ورغم انك مقاطعه بوستاتي الا اني ما باقطع بوستاتك.


طيب يا ستي هذه عدة مواضيع مهمة جدا وشكرا لك لاثارتها.

اولا نحن لسنا عربا يا عواطف و الحمد لله ما اوردتيه نعتيره
نحن دعاة الهويه السودانيه ادلة لمصلحتنا يعني انا ما
جايه اناقش انا فرحانة انك وفرتي الادلة لعدم عروبتنا.

فيما يخص نقد موضوع اصطحاب الاطفال
هذا له علاقة بانه الطبقيه لم تقنن في بلادنا بعد
وان غالبيتنا من الطبقة الوسطى بكل قيمها وانماط معيشتها.
ما تطالبين به يدخل في مفاهيم الطبقات البرجوازيه و الاعتماد
على جليسة الاطفال وبالتالي ذهاب الام و الاب للسهرة لوحدهم.


وهذا ليس عندنا لوحدنا على فكرة عشت في الاردن واعرف سوريا
وعشت في مصر...لازالت غالبية هذه الشعوب ريفية مثلنا وتصطحب
اطفالها لكل مكان خاصة الافراح.وصحيح انه بدأت الآن نفس الحركات
ولكنها قليلة نسبيا وفي امكان محددة وبدأت الناس تقبلها بحجة الغلاء
وانه من باب التوفير لاهل العرس لايمكن اصطحاب هذه الاعداد الغفيرة من الاطفال.

نرجع للملابس
وهذه ايضا معروفة فروقات اهل الريف و المدن....وكل الريفين يحبون الالوان الصارخه
او ما يسمى بالزاهيه..ولاحظي اشاربات الفلاحات في كل العالم!!ولا تصدقي الافلام لكن الحقيقيه
ان كل الريفين يحبون الالوان الزاهيه الرعاة و المزارعين..نشاهدهم هنا في كندا يحيرونك
الفلاحه التركيه على الكرديه على الصوماليه على الكينيه كله واحد.

ثالثا:
كلامنا الجاف وصوتنا العالي ايضا علماء الاجتماع اوضحوا علاقة هذا بانوع السكنه
ونوع النشاط الاقتصادي و المناخ.....يعني مثلا نحن ناس قمنا في البيوت الوسيعه
و الحيشان عشان تنادي زول بتكوركي بطول حسك اها لما تسكني شقة فان درجة قوة
صوتك لن تنخفض بعد ان كنتي تلعلعي بطول حسك.كذلك اذا كان نوع النشاط الرعي او الزراعه
التواجد في الحقول و الامكان المفتوحه كله بيؤثر في طريقة استخدامنا لاصواتنا.


حبنا للملابس الواسعه وفضفاضه(عدم شك رجالنا للقمصان)كله له علاقة بحرارة الطقس.


لكن كما قلتي عندما نذهب لسوق العمل لنعرض خبرتنا فضروري ان نعلم ان المقاييس
ستكون موحدة لمواجهتنا....فلن تكون هنالك معايير لمعاينة اللبناني وآخرى للسوداني
اذن (اللحلحه )مطلوبه وطولة بالنا وايقاعنا البطيء في الحياة غير مرغوب(وهذا على فكرة
له علاقة بطيبيعة انبساط الارض راجعي ابن خلودن ووصفه لاخلاق الشعوب) فنحن ناس الاراضي
المنبسطه اخلاقنا غير عن سكان الجبال من امثال اليمنيين و الاردنيين و الفلسطيينين و
الاكراد كذلك سكان الصحاري اخلاقهم مختلفه)....وصدقيني انا واحدة من الناس يغيظني جدا
الايقاع البطيء للتفكير و التصرف.....كنت اصلا كده وابو حازم باين زاد لي العيار بتاعي.

شكرا لك لطرقك الموضوع
واتمنى فعلا ان ينتبهوا السودانين لانه ضرورة تطوير اشياء كثيرة
من باب اقحتام سوق العمل العالمي.

حمادة !!!

يسعد صباحك ,,,

الواحد دايما مفروض شوف الأحسن منه ويبتدي في تغيير نفسه وليس الأسوأ ليرى نفسه الأحسن ومع ذلك أحترم

وجهة نظرك أما فيما يتعلق بتهذيب السودانيين فأتفق معك على ذلك أما حكاية البذخ في الأفراح وحتى

الأتراح فدي لا تشاديين ولا إرتريين ولا أثيوبيين بلحقونا فيها ,, شكرا على المرور !!

Quote: في الحقيقة أنا اللليلة مستغربة شديد

اول حاجة اتكلمي عديل .. شنو مستغربة دي قول (مستقققربة). حتين بعدّاك تعالي (ناغشينا)


جاييك يا تيفا لجنس الكلامات دي .. ومعاي سوط عنج هي (بسسسّيمي اللاهي) اقصد (صوط عنج)!!!

العواطف

عشان كده اخوك وقبل الزواج لاولاده اجتمع في الخرطوم مع اهل الحل والعقد من كبار الاسرة وتقرر الاتي :

اولا ان يكون الزواج في القرية للاسباب الاتية :

اولا : ان اهلنا الغلابة اولى بالمعروف - تورين تلاتة تيران اربعة تيران يتكوها للاهل عشان ياكلو زيييييييييييين

ثانيا: ان الزواج في الفنادق او المحلات العامة مكلف جدا فالاولي ان يذهب هذا الصرف الى العريسين
ثالثا: ان الزواج في القرية يجمع الاطفال يسرحوا ويمرحوا ويعرضوا في فسحة الله اكبر لا حسيب لا رقيب
رابعا: ان الاهل غير محتاجين لصفر وانما سباتات ومفارش الاضية ولو نقصت في التراب سااااااااااى
خامسا : طالما القمر قمر 14 فانه يكفي لمواصلة الحت فيما لو انقطعت الكهرباء .
سادسا: ان القيد الزمنى غير وارد فلهم ان يحتوا حتى صيحة الديك
سابعا : ابو العريسن يكون ونيس بس لان الاهل بيقوموا بكل الواجب

Quote: يا عواطف ... حكي لي زميلي في العمل اكثر من مرة وامام زملاء اخرين ومن غير العرب (يعد الترجمة) ما يلي: الامير (.....) وهو معروف بحبه للسودان واهل السودان والاسبوع الماضي كان هو المتحدث الرئيسي في حفل التخرج بجامعة .... الامريكية واشار الي ان السودانيين ينطقون حروفا عربية كثيرة بصورة مختلفة وكمثال اتي بمثل سوداني فيه " ياكل كل واحد نصيبو " وهم -اي اهل السودان-ينطقونها "ياكل كل واحد نسيبو " حيث انهم ينطقون الصاد سينا .... كيفية نطق الحروف العربية من قاف وصاد وسين وجيم وكاف بصور مختلفة امر شاع وسط الاعراب والمستعربيين والعرب ولكن لسوء حال اهل السودان فان نطقهم للقاف غينا والغين قافا تحدث اثرا سالبا اكثر من بقية الحروف ربما لما في ذلك من تغيير كبير في معاني الكلمات وبصورة اكبر مما لحرف القاف حين ينطقه المصريون والعمانيون وبعض اهل اليمن الفا وحرف الكاف والجيم عند اهل الجزيرة العربية حين تعطش وتنطق ياء.... ولكن سبهليلة في اختيار الشخص المناسب للعمل المناسب تجعل مضيفا او مضيفة لا تقوي علي نطق صحيح للغة بان تخاطب بشر من بلاد مختلفة بنطق قاصر كما هو في عنوان مداخلتك يعطي للكلمات معاني غير التي قصد منها وللاسف الشدي الشديد ففي فضائيات السودان واعلامها المرئي والمسموع والدراما السودانية عشرات ممن لم يدربو اطلاقا علي نطق صحيح وكذلك عند مغنيين ومطربيين سودانيين .... ما يحدث الان من مذابح للغة والمعاني هو تردي واضح في مستويات تعليم لم يسنطع البرفيسور الذي اوكلت اليه وزارة الدولة للتعليم العالي وكان قبلها الوزير الاول الا بان يصمت وكان ذلك في لقاء تلفزيوني قبل يوميين عندما اشار متحدث الي ذلك وللتاثير السلبي لما سمته الانقاذ ثورة التعليم ثم اردف قائلا " الوضع لم يصل الصفر بعد ونحن نطلب من الجهات المالية في الحكومة - وزارة المالية - ورجال الاعمال لتوفيير المال اللازم " ..يعني الصفر قد قرب .. لم يسال نفسه وهو من قيادات الجهة الحاكمة "لماذا اذن عشرات الجامعات وطنطنة عن ثورة تعليمية ..الخ " .. ان الجهل حين ينتشر كوباء فهو معدي حتي للعارفيين الم يتحصنو .... مودتي ابوبكر

الرطاني ده حاسد كلامك ده بشمتوا فينا وبفرح وبغني ويقول - اصبحنا رغم البين روح واحدة في جسدين.

الله يجازي محنك يا العواطف عندك جنس محن هسع دى خلتيها من ويييييييييين ؟

أموري !!!

ضحكت ضحك شديد خلاس هسة أنا مستنية السوط وراجياك ,,,

ما تنأخر علي ,,,

هوووي يا عواطف العرب ديل كلهم عندهم لخبطة الكلام دي وانا هنا بناقش موضوع النطق بس وباقي الحاجات التانية نشوفها بعدين ..
عندك المصريين حرف الجيم غير موجود في دارجتهم وبينطقوا بدلاً عنه القاف وطبعا ينطقوا القاف في محلين قاموا بدّلوا القاف بالألف وما لقوا اي طريقة لللألف سابوهو .. يعني لو واحد عايز يعاكس او يرد بلطف على واحدة حلوة طلبت منو حاجة بيقول ليها الأمر أمر ، ويقصد (القمر أمر) ..
قالوا في واحدة قريبتنا جنها مسلسلات مصرية .. اخوها كان بشاغل فيها قالت ليهو : إيه الانت بتعمل فيه ده زهأتني .. قام كرر ليها نفس المشهد قالت ليهو : (أقي!!) يعني (أجي!!) وطبعاً من غير يا بنات امي !.
اما الخليج يا عواطف كل ناس فيهم عندهم لهجاتم العجيبة الغريييبة .. ياخي معانا هنا في السفارة دبلوماسيين بيصرّوا ويلحّوا ان اللغة العربية هي (لغة الظاد).
وعبارة (ما كده) بيقولوا (مو جدي) بكسر الجيم ام تلاتة نقاط الما بتتكتب زي ايوة حقتنا دييك.
وكتير كتير كتير ..

ويا ريت كل زول زول في دولة يجيب لينا هنا المفردات الدارجة والفيها اخطاء ..

Quote: ولما المضيف الجميل يطلب من جميع المسافرين البغاء في أماكنهم تفتكروا لو في مسافر غير سوداني حيقول علينا شنو ؟؟

ما حا يقول اي حاجة .. حا يعمل ،، وتاني طوااااااااااااالي حا يسافر بالسودانية!!!

(أقي!!) يا عواطف والله بالغت!! (آل مصطفى أمر آل)..

ود الجمري ,,,

الفاء للأغوى !! ولا و هيك !!!

نحنا ما قلنا حاجة عن اللهجات المحلية يا بعد عمري ,, بنتكلم عن اللغة العربية الفصحى لما ننطقها

يفترض ننطقها صاح ولا بلاش مش البغاء في أماكنهم ؟؟

ضحكتني شديد كالعادة لما قلت طوالي يسافر بالسودانية , أل دي زي الأمر والله أحلى من الأمر !!!

أقي يا ودأمي ! لا ما تجيش ؟؟؟

Quote: شك إننا أذكياْء ,, شاطرين ومؤهلين ,, ولكن لا نعرف كيف نروج لأنفسنا ,, ولا كيف نعمل لروحنا سعر , لذلك نتنفط من أول معاينة رغم أن المنافسين لنا شهاداتهم أقل ومؤهلاتهم مش ولابد وخبرتهم ( نهي ) زي ما بقولو الهنود ومع ذلك بكسبو الجولة بالشطارة في الكلام وفي الفهلوة

صدقتى فى دى

العزيزة عواطف، تحية الود والإحترام
وكل سنة وإنت طيبة، وتحياتي لك دوماً وأنت تفتحين المواضيع الإجتماعية
الهادفة.

فى الحتة بتاع إنو السوداني يرفض سوداني ويعين مصري أو لبناني
بصراحة شايفك وقفتي مع الجائر ضد المظلوم. تعرفي ياعواطف مشكلة
السودانيين لحد هسا مبعرفوا المنافسة، وبتمسكوا بحبة مباديء فى
غير محلها، كل الشعوب الناجحة بتتعنصر لبني أوطانها، فمثلاً عند اليهود
ظاهرة جداً، لكن بلعبوها حريف، وبرضوا الأمريكان السود بقيفوا مع السود
والصينيين، وحتى الهنود ركبوا الخط وبشوف دي إنها عنصرية موجبة.
عني أنا شخصياً لو طُلب مني تعيين موظفيين مابعين إلا سودانيين (
حتى ولو كان جاهل برضو بالممارسة ح يتعلم، تعلم الشغل أبداً ماصعب وكل
شيء بالممارسة بجيء). وبرضو هنا فى أمريكا، مابشتري إلا من بقالات السودانيين
ومابنفع الغرباء وأهلي أولى بقروشي، لأنو بصراحة لو فى الغربة دي
حصل لي حاجة لاقدر الله موت يعني، عليك الله غير السودانيين منو البقيف معاي؟!
والله فى الموت دي عدوك السوداني بقيف معاك.
وأتمنى إنو السودانيين يسيبوا السذاجة بتاعتهم دي فى الخليج ويلعبوها حرفاء
مع بعض، وينفعوا بعض فى الغربة، ويلملوا قروشهم ويتخارجوا

والحتة بتاع لبس السودانيين فى الخليج دي بقت ظاهرة، وأتمنى من أهلي السودانيين
يعوا الحاصل، ويعرفوا إنو خمسة وسبعين فى المائة من شخصية الإنسان، والإنطباعات
الأولى تتكون من مظهره ولبسه، وأرجو الإنتباه لها جيداً وأيضاً حلاقة الشعر إسبوعياً
إن أمكن. وبعدين ياشباب لحدي هسا شايف الشباب السوداني فى الخليج بجنصص بالبناطلين
الكُسر البناطلين اللي فيها كُسر دي جبااااااااااااااانة جداً عليكم الله
أبعدوا منها الله يرضى عليكم وواكبوا الموضة.

وأشكرك ياعواطف علشان خليتني إتفشى، كُنتا ممكون وصابر

ويا محمد إي سليمان، شيل كلامي دا وأجري بيهو فى زقاقات سودانيز أون لاين، وقول
ليهم النذير حجازي عنصري، الله يدينا خيرك ياخي عملت لي خُلعة، والزول بقى مالاقي
راحتو فى الكلام.

زوزو !!!

زي ما بقول خضر بشير الله فوق زوزو يا حلاة زوزو !!!

والله سعيدة جدا بمداخلتك وبعنصريتك مع السودانيين حتى النخاع وهذا يدل على شدة إنتماءك للوطن أما

حكاية الوقف مع الظالم ضد المظلوم دي ما صاح أنا ما بتكلم عن السودانيين لما يعملو هم المعاينة

بتكلم عن الجنسيات الأخرى ومنهم المواطنين الواحد عايز إنسان يمشي الشغل وليس شهادات وأدب وأخلاق

المعايير اختلفت يا بعد قلبي ,, عموما أشكرك بلا حدود ,, وأتمنى لك إغامة سعيدة !!!

دي بس يا المر !!!


مأبولة منك يا بعد عمري ,,,

Quote: والحتة بتاع لبس السودانيين فى الخليج دي بقت ظاهرة، وأتمنى من أهلي السودانيين يعوا الحاصل، ويعرفوا إنو خمسة وسبعين فى المائة من شخصية الإنسان، والإنطباعات الأولى تتكون من مظهره ولبسه،

دي مهمة جداً جداً جداً يا النذير

ينصر دينك ياخي .

الأخ دينق أتفق معك تماما في مسألة أننا سلنا بالعرب و كذلك لسنا بإنقليز

و لكن هل يعني ذلك أن ننطق اللغة خطأ؟

هل من سوداني (إلا قليلا منهم) ينطق ال th بإخراج اسانه إلى خارج حدود أسنانه

كم منهم ينطق كلمات بها ساكنين مع بعض صحيحا

مثلا

text, next, Stretch, ..etc

I think we should better look for the routes of the problem, it could be that we have our own formulated phonics!!!!

مالك الجاك !!!

والله مشتاقين ,,, وينك يا ريال إنشاء الله مافي عوجة ؟؟

وإنت كمان ينصر دينك يا ود القمري !!!

شرغرغ

قرقريبة

غرغرة

قنقليز

قدار دموعك

قرقراب

رقاقة
قانا( عالم الرياضة قالوها اليوم بعد الحملة دي كلها ---وراثة غالبة)

قداً

والعالم الغدير ( القدير*)

ومعاك لي بكرة

الفورة مليون

عليكم الله ابقوا لعّبين زى اخوكم ده

انت عارفة يا عطوفي اخوك في الاجتماعات بغير لكنة لسانو وبيلبس ليك حاجات هيييييييييييييع و بيحسم ليك العرب فلسطينيين ولبنانيين هيييييييييييييع وضحك مافي طاااااااااااب . موبايلان اسكرهما بس مع الاجتماع عشان يشوفوا عدييييييييل اهتمامي بالاجتماع هييييييييييييع . وعندما يكون عندنا فورم اخوك الا مع ناس معاليه وحتى ناس معاليه الا يرخوا اضانهم لي .

لقيتيني كيف؟ سرييييييييييع

الرائعة طوفه سلامات وكل عام وانت وطن
مرور علي سبيل التحية

وتسلمي

دودي الجميل !!!

سلامات ,,,

مشتاغون ,,,

آسفة لتاخير الرد فغد سغط إسمك سحوا !!!

شاقاشيقو !!!

لقيتك ختيييييييييير ,,,

وكمان ملو هدومك خليك كدا على توووول زي ما بقولن المذيعات !!!

دكتوووووووووور !!!

معك غلبا وغالبا !!!

ربنا يسعدك !!!!

المحترمة عواطف..
مسألة تنظيم الوقت لدينا فيها خلل.. كذلك مسألة تنظيم بعض افكارنا يشوبها الكثير من الخلط في الفهم.. وحكاية المثل والقيم .. أعتقد أن جدودنا زمان قد بالغوا فيها لدرجة أننا اصبحنا لا نثق في انفسنا ولا نجد طريق المنافسةفي كثير من الأشياء..من ضمنها الوظائف كما قلت..
أما مسألةالعروبة من عدمها.. فهذه مسألة لا يجب النقاش فيها كثيرا...حيث البعض ينادي بعدم العروبة وبعضنا يقول أننا عرب.. فلماذا لا نكون افارقة نتحدث العربية..، ونطق الأحرف أو بعضها بطريقة غير عربية.. ذلك لأننا منذ أن قمنا وتعلمنا لم نجد المعلم الذي ينطق الحرف بطريقة صحيحة.. ومع ذلك.. كانوا يضربوننا علي أن نتعلم بمثل ما تعلموا هم..
الآن تقريبا .. طريقة التعليم اصبحت قريبة من نطق الحروف بطريقة صحيحة نوعا ما.. ولكن.. الطبع غلاب.. لذلك تجد من يقول لك.. الاستغلال وليست الاستقلال.. في حين انه المعنى كبير جدا بين الكلمتين..ومع ذلك اقول..أنها أحسن من قولهم../
ولا الظالين..آمين..

Quote: طبعا ما في داعي أجيب سيرة لطيارتنا صاحبة المواعيد العجيبة ولا مضيفاتنا الرقيقات وظريفات فالضرب على الميت حرام !!

عندي أكثر من تعليق على موضوع يا عطوفة.. حأحاول أختهم ليك كلهم... الله المستعان
عندنا صاحبنا كان مسافر بالخطوط السودانية، وهو عايش في أمريكا.
فقال طلب من المضيفة كباية موية.. فقامت (هبت) ليك فيهو
وبتحرك في أصبعها بتحذير وزهج... وقالت
"عليك الله ما تفتح لينا باب زي ده."
لما قال ليها أنا عطشان ياخي وعاوز موية.. قامت جابت ليهو الكباية
فقال... بعد ما شربت كده.. الطيارة كلها فعلا قالت عاوزة موية
المصري في المطار برضو سألوهو الطيارة السودانية بتجي متين.. فرد ساخرا
"دي ستهم... تجي وقت ما هي عاوزة وتمشي وقت ماهي عاوزة"
أما موضوع عدم أصطحاب الأطفال... فهذا حكاية أخرى
سأعود لها

محبتي
غادة

Quote: إلى حين هبوط الطائرة يرجى من جميع المسافرين ( البغاء) في أماكنهم .. حاجة عجيبة , ليه نحنا ك

عشان كدة عدد حاملى فيروس الايدز ناهز المليون!
بقينا ارض جو!
جنى

جني !!!

يسعد صباحك ,,,

لكن ما جننت الركاب جن !!!

الحبيبة قادة عبدالعزيز خالد !!!

لا شك إني أحبك بلا حدود ومع ذلك أغول لك ..

بالفعل المضيفات في الطيارة السودانية أمرهم عجيب أول مرة وآخر مرة أولادي يسافروا بيها للسودان

كان قبل خمسة سنوات واحد منهم قال عايزة بندول لما نهرتو ليك المضيفة وقالت ليه ما عندنا قام

استغرب وخاف وقال لي ماما WHAT iS WRONG قلت ليه مافي حاجة غلط هي الغلط وليس أنت طبعا الطيارة

باردة جدا طلبنا بطانيات المضيفات اتجاهلونا والمضيفين طقعوا لينا عموما لما الحينا قالو لينا

البطانيات خلصوا يعني عدد الركاب كان 250 والبطانيات كان عشرة طبعا ما فيش نسبة وتناسب عموما

يا حبيبة كل رحلة وإنت طيبة !!!

صلاح !!!

سلامات ,,,

ما أسعدني بوجودك هنا ,,, كل ما ذكرته صحيحا تغريبا وبالفعل الطبع قلاب والحكاية عايزة جهد كبير

لذلك لابد أن نحمل معاول التغيير ولا أيه رايك تئبر ألبي ؟؟؟ شكرا على مداخلت الثرة وأبق معنا !!

العزيزة عواطف..

سلامات ومحبة..

الموضوع لا علاقة له لا بعرب ولا بعجم..
يعني في اعرب من العراقيين المشى قعد عندهم المتنبئ سنتين عشان يتعلم اصول الكلم؟
وبعد ده بينطقوا الضاد (ظاء) والكاف (جيم).
ولو سمعتي اتنين عراقيين بيتكلمو قدامك أقطع دراعي (ضراعي) لو فهمتي حاجة..
وناس الأردن البيفاخرو بلغتهم العربية السليمة وبيتباهو دايما إنهم أحسن من ينطق بها والدليل المذيعين بتاعينهم في البي بي سي والجزيرة. برضهم في الشمال بينطقوا الكاف جيم..
وناس السعودية والخليج خليهم الأول يغيًروا من الجيم البينطقوها ياء (ريًال) لـ (رجال) والدال والضاد العاملينهم (ظاء) (عبظ الله). وبعدين يجو يضحكوا علي القاف بتاعتنا
ده غير أهلنا المصريين البينطقوا الخاء (غين).. واجدعها مذيع نشرة يقول ليك: إلى هنا تنتهي نشرة الأغبار
سؤال: أغبارك ايه؟ عاااااادي عندهم
غير الجيم القالبينها دال في الصعيد (الدردل) لـ (الجردل). وبرضو الشين بتتقلب بقدرة قادر لسين (السمس)
والقاف ألف. يا ألبي

في رأيي انه اي مجتمع عنده حصوصية في لغته. يضيف ليها ويشيل منها حسب الظرف..

كلامي الفوق ده أبدا ما دفاع عن البغاء في أماكننا ..
بتحرقني وتقطع قلبي. والعجب لما أشوفها مكتوبة.. بموووووووت

لو ربنا هوًن ح أرجع ليك في بيت العرس والشفًع..

ودي

رجوية !!!

سعيدة بمداخلتك ومتفاءلة جدا بابتسامتك الحلوة اللي في البروفايل ربنا يسعدك ,,,

كل ما ذكرته صحيحا ولكن أنا أقصد أننا عندما نتحدث اللغة العربية يجب أن تكون صاح ولا شنو رايك ؟

أما اللهجات المحلية فلكل بلد خصوصيته ,, يعني أنا ما تحدثت عن أهلنا ناس الغرب لما يقولو كو

لكلمة لا ولا أهنا الشوايقة لما يقولو زيعاني لكلمة مفجوعة إلى غيره من اللهجات أما ناس الخليج

فكلامهم كثر ومرات بجيب الجلطة مسلا طرش لي الجواب دة يعني رسلو لي والدياية للدجاج إلخ

شكرا رجوية وتبررررررررري من الموت إنشاء عدوينك ,,,

محبتي ,, تعالي بسراع ما تنأخري !!!

الفاضلة عواطف

دي حكاية طويلة

لسبب ما أنا طلعت بقول الحروف زي ما هي وما عندي مشكلة بس تعالوا شوفوا المشاكل دي

مرة بكافتيريا الجامعة كنا ومجموعة من الشباب في سيرة المسلسل اليومي وعندما وجدت الفرصة لأعلق وبمجرد نطقي لأسم الفنان فريد شوقي إذا بواحد من الشلة موجها كلامه لي :

الأخ شهادة عربية

أنا : أبدا والله

طيب أكيد كنت عايش برة السودان

أنا لا بس كلها زيارت خفيفة لمصر بحكم البيناتنا مركب وكم ساعة في البحيرة

طيب ياخي ما بقولوها كدة قووول (فريد شوغي) أنت ما سوداني ولا شنو

أنا طبعا خجلت اليوم داك مشيت البيت وقلت ليهم يأخونا نبهوني أي حرف غلط ما سوداني بس المشكلة ناسنا كلهم بينطقوا الحروف غلط وماعلى الطريقة السودانية المهم بقليل من التمرينات أجدت نطق القاف غينا ويا دار ما دخلك شر !

حتومي !!!

ياخي مشتاغين !!!

سلامات .. معليش ما تزعل الجاتك في لغتك سامحتك ,,,

والله سعيدة لأبعد حد بمداخلتك الغيمة والمفيدة ربنا يسعد ويكفيك شر خلقه اللي بعتغدو أن الشهادة

العربية أي كلام مع إنها من أصعب الشهادات ,, شكرا يا بعد عمري على هذا العبور البهي !!!

(حكاية كمان جايبة لي الجلطة ,, وهي أصطحاب جميع الأطفال إلى مكان الفرح رغم التحذير الواضح على كرت الدعوة ممنوع اصطحاب الأطفال

أو نوما هنئيا لأطفالكم أو جنة الأطفال بيتهم ومع ذلك نقوم نهيج ونميج ونزعل ليه يكتبو كدة والله الماعايز أطفالنا معناتو ما عايزنا يا نحنا وأولادنا

يا بلاش ! بلاش يا ستي يعني لو ما جيتي إنت وعيالك الستة وزوجك بقيتو تمانية و أقل طبق اليوم في أرخص فندق بي 150 درهم شوفي إنت

وعيالك وزوجك بتكلفو كم ؟ فلو ما جيتي يعني العرس حيتبطل ولا العريس حيطلق العروس ولا المعازيم حيطلعو في مظاهرة ولا الفندق حيغلق)

عطوفه كيفك مشتاقين والله, فكرتيني في عرسي كنت عاوزه اكتب في الكروت ممنوع اصطحاب الاطفال, لكن اي زول لمن العرس قرب قال لي اها اوعى يكون مافي اطفال اولادنا نوديهم وين؟؟؟, مره كنا في عزومه و قلت اني ما عاوزه اطفال واحده ادتني محاضره في الادب, على فكره عندها خمسه, المهم في العرس الراجل بتاع المطبعه نسى يكتب ممنوع اصطحاب الاطفال التقول امهاتهم رشوه, يوم العرس, الادتني محاضره, اولادها ماقصروا كانوا حارسين البوفيه ما فارقوه خالص, المهم واحد منهم جاب في جيوبه عربات لعب صفيره و ارضية الصاله خشب لماع, ابوهم ساعة الجرتق طار فوق و وقع اتزحلق في واحده من العربات, لكن بلعها و قام اتنفض و تاني يوم في المستشفى و انا في الصبحيه ما شايفه اخواني و لمن رجعت البيت برضه ما شايفه ابوي اتاريهم مشوا للراجل عشان اكتشفوا انه ايده و كتفه اتكسروا من الوقعه.



على فكره كله كوم و البغاء لله وحده كوم ثاني

دندون !!!

يسعد صباحك الجميل ,,,

أولا مبروك العرس بيت مال وعيال ,,, طبعا جات متأخرة أما الأطفال في الأعراس ديل مش يجيبو الجلطة

كمان معاها ارتفاع في درجة الحرارة ,, ضحكتيني بالأبو الوقع واتكسر طبعا لمن أبوكي زاروا في

المستشفى يكونو لاموكي وقالوا ليهم ليه دانية ما جات معاكم مش الراجل اتكسر في عرسها ؟؟ اللهم لا

اعتراض في حكمك ؟؟

البغاء لله دي بقولوها في كل حالة وفاء فكدي يا دندون أحسبي قالوها كم مرة ؟؟

محبتي !!!

الغالية أم مجاهد
صباحاتك خير
أضحك الله سنك
ألذ حاجة البغاء في أماكنهم
تحيات كتيرة
ونحن كدا

عطوووووووووووووووفة
صباحك خير....

Quote: يعني صوتنا من دون خلق الله خشن وكلامنا ناشف زي الحطب ما فيه أي نبرة حنية تئبرو ألبي

الموضوع عند ناس معهد الموسيقى والمسرح...وطبعاً الناس كلها ما دخلته ...مش كده !
يعني يمكن التلحين ليه تأثير... ..أديك مثال بسيط ....كلمة (شنو)
عند جنسيات كده: شووووووفيييييييي!!
يعني ملحنة ...دو ....ري...مي....

تعالي لتلحينها عند بعضنا وليس كلنا....
شننننننوووووووو!!!!!
دقة دربوكة تخلعك تقطع قلبك تخليك ما تستوعبي الحاصل....

وعشان ما أظلم ....ما كلنا كده ولا شنو يا عطوفة؟

محبتي

سلمى صبحي !!!

الجميلة التي أحببت على قول دينق ,,,

صباحاتك مشرغة !!!

لاكين ما ضحكتيني ,, عارفة عشان عايز منو ولي شنو دي خلت واحد مسئول مواطن يفنش سكرتيرة سوداني

السودانية عشان الشخص اللي كان في الخط هو المسئول المباشر عن المسئول السوداني فقام دغري قال

ليها الحين تروحين بيتكم لامن تعرفي تتكلمي عدل بعدين تعالي كمان المصيبة الأكبر قالت ليه عايز فلان

المسئول عنها باسمه بدون السيد فلان رد عليها فلان دة ريلك ( راجلك ) أخوكي ؟ قالت لا قال ليها كما

مافي احترام ؟ تصوري !!

طبعا ما كلنا كدة لكن لازم ندخل معهد الموسيقى والمسرح عشان دو ري مي فاصوليا دي والله جيعانة بشكل

يا سوسو !!

الإبن الحبيب جوجو !!!

سلامات ,,,

طبعاالمسافرين بيكونو عايزين يقتلوه لكن ما عندهم معدات القتل ,, لقد صودرت منهم حتى عكاكيزهم

صادروها دنيا !!!

استاذة / عواطف
صباحك ابيض
مشاهدات ...وملاحظات جميلة وايضا دقيقة في مشاتراتنا الماليها حد.....!
بس عاوز اعقب علي الحتة دي :

Quote: بعدين ليه نحنا الوحيدين البنقول تزعة وتزعين لتسعة وتسعين رغم أن كل الأجناس الأخرى بتضحك على تزعة دى وبتضحك أكتر لمن نقول تزعة

اخونا هيثم حامد وفي احدي الادارات الحكومية (ولكي اؤكد محاولة الاخوة في شمال الوادي استغلال كل شئ ضدنا..... )زعل جدا لما المصري قال ليه قول تزعة فرد عليه باننا بنغلط في تزعة لكن انتوا بتغلطوا في القرآن ....وذكر ليه الآية ( نون والقلم ومايسطرون) وقال ليه انتوا بتقولوا نون والالم ....وهذه حقيقة مجردة لكن لااحد ينتبه لها ....عارفه ليه ....؟
لاننا مشاترييييييييييين .
يديكي العافية
هارون دياب

الاخت العزيزة عواطف

صباحك خير وفل وياسمين وعبق كتتتتتتتتتتتير


العنوان شدنى كما كتاباتك لكن براكى ذكرتى كلمة اشتر وصدق القول من صاحبه.


يا غاليه نحن بعد الشترات دى بنفهم معنى اللغة بالموقف والحدث فى تلك الحاله


ونديها المعنى الصحيح وبما اننا من احسن العرب والافارقه ( تذكرى محمد احمد المحجوب


وارجعى لعبد الله الطيب وتعالى الى برنامج لسان العرب تجدينا ابرياء من خلط اللغة)


فنطقنا مهما انشتر نحن الاحسن ورحم الله امرى عرف قدر نفسه ولا تغرنكن الدنيا بسفاسفها


وتنعتوا ضعافنا لان الضمير فى كلمة ( البغاء ) حسب سمع الواحد لكن التفسير الصحيح كان


المكان والزمان والله من وراء القصد .


تحياتـــــــى


ســــــــــيد

سيد !!!

صباحاتك سعيدة ,,,

ميرسي على المداخلة الجميلة لكن الشتارة خشم بيوت وبعدين حكاية نحنا دايما الأحسن دي بتودينا

دايما ورا الشمس وبعدين أيه حكاية الدنيا وسفاسفها وتغركن وما تغركن ؟ نحنا في وادي والحسانية

في وادي ,, عموما شكرا ونطمنك لسنا بمقرورات فرفقا بالغوارير !!!

"إنا أنزلناه في ليلة الغدر" "وماأدراك ما ليلة الغدر" "ليلة الغدر خير من ألف شهر" ...!!!!

عصمان !!!

سلامات ,,,

خير من ألف شهر وبس ؟ والله ليلة الغدر دي بقت زي ليلة الغبض على فاطمة !!!

إبن دياب !!!

ما أجملك في الحضور وفي الغياب !!!

الألم أخف وطأة من البغاء لله أو البغاء في أماكنكم أما شتاررررررررتنا دي فما عايزة ليها ضو لمبة!!

يديك العافية !!!

العزيزة عواطف الحنينة

اسعد الله ( اوغاتك بكل خير)

والله يا عواطف حكاية الغين والقاف دي صعبة خلاص والعجب بيكون دايما معاها تكة كدا للتاكيد بالذات عند المذيعين ومقدمي البرامج
يعني مثلا كلمة ( اقاني = اغاني)

غايتو ناس تزعة وتزعين ديل بالجد بيعملوا جلطة ومعاها تزعطاشر
الحمدلله ، بالنسبة لينا كشعب غير ناطق باللغة العريبة ( رطانة الشمالية) بنخلص شديد لما نجي ننطق 99 والسين نديها حقها وزيادة

برجع ليكي تاني برواقة

لكي خالص الود

ميوية الحلوة !!!

أوغاتك سعيدة ,,,

سعيدة بمداخلت اللذيذة زيك ياحلوة ست البنات يا متعة للروح والنظر طولتي بتخبي القرام والليلة

في عيونك ظهر ,, يا ربي ظهر كيف لامن شافو ؟؟

ميوية !!!

خلاص كبرتي وليك تزعطاشر سنة عمر الزهور عمر القرام عمر الهنا !!!


مودتي ,,,

في اتنزارك يا حلوة العينين يا أنت !!!

- عواطف كدي خلي المتنبي يحضر جلسة في لقاءات شاعر المليون!!!
أقطع دراعي زي ماقالت رجاء لو طلع بحاجة،،
=
- إمامنا(سعودي) كان يقرأ لنا (القارعة ما القارعة) زي (القلع ماالقلع)،،
(القلع عبد الحفيظ) مافي واحد يجي يقول ليك البسوت بتاعك دا (يمارس) السفر
على الخطوط السودانية،،
==
- غلطنا في اللغة شنيع لأن الحروف التي نقلبها تودي في ستين داهية
يعني واحد أردني قال لي : سألت سوداني : ليش متأخر عمو؟؟ (عاوز يهزئو
قدام الموظفين والموظفات) : السوداني قاليهو : والله أسباب كتيرة (وقال كدا وقلب السين زاياًً،،
فأنفض سامر المكتب لا يلوووون على شيء كل في إتجاه)،،
==
أسوة بالخطوط السودانية ، فطيران اليمن لا يقل عنها سفاهة فقد جعلوا
الslogan في حملتهم الدعائية لمنافسة الأماراتية : (إركب اليمنية)،،
==
تحذير رسمي لصديقي العزيز ،، (دير بالك من اليوم) : كان دائما يتباهى
بقلة شعر رأسه ويعوج خشمو في خيلاء ((البغاء للأصلع))،، (شوفو العوارة)،،
==
عذراً طلابي الإعزاء ، اليوم أول سبت (ويكند) في تاريخ السودان ،،

عطوفة سلامات


نطق خطأ ده شئ عام في السودان ومـاصل كمان..عند عامة الناس..
لكن المشكلة لما يكون عند المتعلمين وقادة البلد..
والأسوأ المذيعين..
إذاعة امدرمان يندر فيها من يتحدث وينطق الحروف صحيحة

الأخت عواطف

سلام و تحية

في عام 2003 كتبتُ هنا بعنوان ( القاف و الغين .. على الراس و العين ) :


كثيرة هي تعليقات الناس علينا كسودانيين حينما ننطق القاف غينا و الغين قافا.
كأمثلة على تعليق الناس عند النطق :
( ليلة الغدر ) : و نقصد تلك الليلة العظيمة ليلة القدر ، و لكننا نقلبها ليلة سوداء يلفها الغدر.
( عيد الإستغلال ) : و كأننا نحتفل بإستغلال الحكومات المتعاقبة علينا منذ الإستقلال.
( أنتظره بفارق الصبر ) : و كأن الصبر نقاط ترجح كفة الإنتظار ، و الصحيح هو بفروغ الصبر و ليس فارغ الصبر.
( إستمتعت بالنقمات ) : لا حول الله ، و كأننا نستمتع بالنقمات و المصائب و اللعنات.
و الأمثلة كثيرة ، و المؤسف أنها تنطق من شخصيات في محافل رسمية.

و بما أن حرف الغين عند النطق يتطلب حركة حلقية لا يتطلب غلق نهاية الحلق مع ترك اللهاة ( تتراقص قليلا كبندول الساعة ) و مع ترك الهواء ينساب عبر فتحة صغيرة بين الشفتين والأنف ، فإنه عندما تفاجيء هذه الأعضاء في منظومة الجهاز التنفسي بحرف الغين ، فإن هذه الأعضاء المذكورة تكون ربما غير جاهزة لأداء مهمتها ، ربما بفعل مكونات غذائية عملت عمائلها في تكوين أعضاءنا التنفسية فجعلتها ( سايبة ) لا تقوى على مفاجئتها بهذا الحرف ( الغتيت ). و هي مكونات غذائية توارثنا أكلها بإختلاف مناطقنا تجعل أداء هذه الأعضاء تعمل بشكل إنزلاقي تماما كالتروس في المحركات عندما نعطنها بالزيت ( سوبر شل ).
فقد قال أحد العارفين لا فض فوه أنه جرب أن يقول كلمة ( غنوة ) بعد أن إبتلع لقمة
( ماكنة ) من ملاح أم رقيقة ملفوفة بعناية في طرقة كسرة ، فنطقها ( قنوة ) فحاول عدة مرات و لكن محاولاته باءت بالفشل ، فسأم من المحاولات و قال ( يلا ما علينا ، كلو من أم رقيقة ).

الخلاصة هنا أن المائدة السودانية منذ قديم الأزمان و المكونة في أساسياتها من مشتقات البامية المجففة و الخضروات المفروكة و العصائد المتنوعة و سوائل ما قبل و ما بعد الأكل و أم فتفت و مكوناتها ، كل هذا و ذاك مسئول عن إنفلات منظوماتنا التنفسية المتحكمة في إخراج الحرف الغتيت.

أما حرف القاف ، فيحتاج عند النطق به إلى إغلاق البوابة المؤدية للفم عن طريق رفع نهاية اللسان و ترك سقف الحلق لملاقاة هذا الجزء من اللسان حتى ( يتقلقل القاف قلقلة ).
و لكن بفعل العقدة المتركبة في قاع أذهاننا من عدم نطق الغين إلا قافا ، فإننا ما أن نجد القاف ملفوفة في كلمة ( كحبة الشطة الحارة في ساندويتش دون أن ندري ) حتى يتفاجأ الحلق ، و يتحشرج فيخرج القاف غينا.
فالمزاج السوداني هذا ، حتى في الجهاز التنفسي صار جزءا من هويتنا و تغلغل فينا و حدد أحماضنا النووية.
و لكننا أحسن حالا من بعض ذوي القربي الذين يقولون أنهم عربا مائة بالمائة.
فالمصري يقول : الدنيا كلها مآسي.
فيرد عليه واحد مبسوط خبتين ( و إنت مآسك كام ؟ )
المصريون ينطقون كل حروف القاف ألفا ، و لو إضطر لقراءة نص باللغة العربية الفصحى ، يعاني بقية يومه من ( أكولة ) في حلقه ، و نشفان لسان.
يقول بعض المصريين أن الذي إكتشف مصر أساسا كان راجل حلواني. حيث كان يأكل الكنافة و الباسطة و يسيل لعابه مع السكر الذائب فيقول ( يا سلام على البألاوة ).
و أنا أقول أن كل السودانيين هم أحفاد جد ( ود السافل ) صاحب أشهر ويكة في الجزيرة و صاحب هذا الإسم غير التجاري الذي إنتشر و عم القرى و الحضر و لف بلاد العالم.
( هناك أمير سعودي أدمن الويكة بطريقة تجعلك تشك بأنه ربما كان يمت لود السافل بصلة قربى ).
يقال أن جدنا ود السافل بعد أول لقمة من ملاح أم رقيقة ، حاول نطق كلمات بها القاف و الغين ، فأنزلق الحرفان نزولا و طلوعا ، فقال لزوجته رقية بعد أن لحس أصابعه ( رغية عليك الله بعد القدوة السمحة دي ، قني لي قنوة بي صوتك الرغيغ ).
فقالت له رقية ( سجمي ، حلقك مالو ؟ ) فقال لها ( ما تخافي ، من هنا ورايح حرم مافي زول ينعدلن معاهو ).
و سار كلامه بين القبائل مثلا ملموسا و معاشا.
و من يومها ظل الحرفان في حالة إشتباك ( حلقي ) إلى يومنا هذا.

القاف و الغين ... على الراس و العين

و هو موضوع ذو صلة بموضوعك هنا.

دمت

الأخ الحبيب أبو جهينة !!!

سلامات ,,,

دائما عندك الخبر اليغين ,, شكرا على هالمداخلة القنية وهي بالفعل عالراس والعين .. أما حكاية

الأكلات السودانية وأثرها على النطق فدي حكاية تانية في واحد مصري قال لي عندكو أكلة بتتعمل من

اللحم الناشف والويكة إسمها وحش أوي فطوالي قلت لنفسي يمكن هي سبب نطق كلمة البغاء في أماكنكم

بعدين حكاية ود السافل دي عجيبة خلاس قالو مرة المزيع على عصمان عمل لقاء في التلفزيون مع ودالسافل

وقام سأله قا ليه إنت ما بتزعل لما الناس تقول عليك ود السافل ؟؟؟ هسة السافل دي زاتها لزومها

شنو؟

سلمت ,,,

عزو !!!

سلامات ,,,

مزيعينا الله يعذهم حلوين وظريفين وشاطرين في كل شيء وبيعرفو كل شيء حتى أدب الحوار وما بقاطعو

الضيف ولا بيعاينو للورقة لما يسألوا ولا أصواتهم نشاز كلهم تمام وعال العال ,,

نعيب زماننا والعيب فينا ...

و ما لزماننا عيب سوانا !!!

مودتي ,,,

عبودي !!!

شاعر المليون دي حكاية تانية خالص ,,, لكن مش مهم الكلام ,,, المهم المليون ,,,

تقطع دراعك ليه يا بعد عمري ماهي الغارعة ما الغارعة وما أدراك ما الغارعة زي الفل !!!

أما حكاية صاحبك الأردني دة فليه ألف حق يفك البيرك وحكاية اليمنية دي خليها ساكت عندنا في سباق

الهجن بيقولو ليك السودانيات ومن يرغب من القبائل ( بقصد الإبل السودانية ) !!

البغاء للأصلع دي كارثة حقيقية !!!

الاخت عواطف بعد التحية....

Quote: كلامنا مشاتر

رسالتي الرسلتها ليك على الموبايل... اسف ان لا تكون مشاترة..


تحياتي

الامين

اللمين !!!

سلامات ,,,

حاشاك من الشتارة ,,, رسالتك على القاف والغين أقصد الراس والعين !!!

ألأخت/عواطف

لكى التحية وللمتداخلين..

اتل ما اوحي اليك من الكتاب واقم الصلاة ان الصلاة تنهى عن الفحشاء والمنكر ولذكر الله اكبر والله يعلم ما تصنعون
صدق الله العظيم آية من سورة العنكبوت..

عادة ما يقوله ألأمام عند إنتهاء الخطبة..

نحن شعب جميل الدواخل لا نهتم بالمظاهر..وهذا له كثير من السلبيات أمام كثير من الشعوب..

قليل منا من يتعامل بالبرستيج أو ألأوتوكيت..
والحمدلله تداخلنا مع الشعوب قد اثر كثيرآ فينا إيجابآ...لتداخلنا معهم ثقافيآ.

إلى ألأن ينقصنا الكثير ولكن بحمد الله أحسن من غيرنا أيضآ بكثير..

متى نرتقى بتصرفاتنا وتعاملنا ولغتنا وفى كل شىء ..عندما ينزاح شبح الفقر وننعم بالرفاهية..

مودتى..

إسماعيل محمد احمد عباس.........

يا عواطف:
إسمك طبعا ما فيه مشكلة .. ما بتنطق خطأ... لا فيه غ...ق...ث...ظ
إنت عارفا أنا إسمي في اليمن ... الجنني فيه حرف الثاء والذي كنت أنطقه سينا أميل للصاد "عسـ(صـ)مان ...
أبو يمن خلاني أستعدل من أول أسبوع وأركز على الأحرف اللسانية ...والسبب طفل كنت أظنة لم يتعلم الكلام
حينما حضرت أقصد بيت المدير وحال بيني وبين وصول لبوابته مزرعة فتوقفت وحين حضر ذلك الطفل
قال لي ... من تشتي؟ فذكرت له .. عايز أبوك .. من أقوله ... عس(ص)مان ..فقال لي عثمان ولا عسمان؟
وكلنا في الأيام الأولى جاتنا كحة لأننا كنا بنطلع لسانا لدرجة العشراقة ...
عرفنا بعد ذلك كيف ننطقها ...

واحدة خريجة جديدة لنج جات من السودان ... وهي خريجة عربي ...
ومن أجل التعاقد الداخلي عليها المرور بلجنة المعاينة ...
لموا ليك الجماعة الاقدم .. يا أخت نحن لا نشك في الكفاءة وأكيد ما بيغلبك شئ ...
بس ركزي على مخارج الألفاظ والأحرف اللسانية ....
كل واحد يخمها ليك آخر توصيات ... غ ..ق ...ظ ...ث وهلمجرا ...
جننوا الأستاذة جن ...
مجرد ما دخلت: الممتحن يمني سألها عن :
إسم الأستاذة الكريمة:
أجابت: بسينة حثن ...

للأسف العشراقة كانت في إسم حسن ... وإسم بثينة مرَّ مرور الكرام...

وبفضل أهلي الكران صار اليمنيون ينطقون مثلهم إسم البعثة السودانية "البعسة السودانية" ... فالمصطلح جديد على البدو ... لإلتباس الأمر عليهم ظانين أن إسمها "البعسة حقا" "و أن الله يبعث من في القبور "

أحيي شعبي الكريم برقم زلاته اللقوية والتي لا يخلو شعب منها إلا أنني أحببته كثيرا وعرفت غيمته واصائله حينما تقربت وفي الدول العربية بالظات .. وأحن إلى وطني كسيرا... آملين أن يكتب الله لنا الاستغـ(قـ)ـرار ويجمع شعبنا على ق(غـ)ـلب واحد ..

العواطف

Quote: مشتاغين !!!

يجازي محنك لكن حلوة ولذيذة . دحين في طريقة تسجليهالصديقك نغمة موبايل؟

الأخت عواطف
تحية طيبه
كما تعودنا منك بوستات من صاحبه منظور فاحص و مدقق و مسجل لأمور حياتيه نمر فيها مرور الكرام

وأعتقد رغم الثقافه العامه والتعليم إلا أننا كسودانيين لسنا حضاريين فى بعض سلوكياتنا، كعلو الصوت وعدم اللباقه فى الحديث والنفس الحار فى النقاش.

مسألة الحفلات والفنادق والعدد المبالغة الزائد عن المتفق عليه هو عشوائيه و خلط الأمور والمسؤليات والأتكاليه التى نمارسها عندنا فى السودان. للأسف تعاملنا يها فى الخارج. ويفسرها غيرنا تخلف وعدم أمانه من منظم المناسبه.

موضوع الأطفال فى المناسبات يبدو أن فى الجينات السودانيه تمرد الأطفال وعدم السماع لتوجيهات الكبار فى المناسبات التى تجمعهم. وإن كنت أعتقد فى الغربه (وخاصة فى دول الغرب) من أهم الأشياء أن يحرص الكبار على حضور الأطفال لهذه الفعاليات الإجتماعيه، لربطهم بثقافه الوطن، والإنتماء والإفتخار بأصولهم. وذلك يحتاج لتخصيص برنامج لهم فى الحفل، لا التعامل معهم ككم مهمل ويا ود أقعد ساكت ويابت أسكتى! كما أن لا تلهى مشاغل الكبار الترفيه عن الصغار بإخراجهم من حبسه الشقق والبيوت لأماكن اللعب والملاهى والجو الطلق.

أما عن النطق الخطا لبعض الحروف أرى أن من أسبابه الكسل فى النطق الصحيح خاصه لكلمات لا (نبغى) أن (تبقى) فى مسامع المتلقى يمعنى مخالف وشاذ عن ما (نبغى) قوله.

[

Quote: B] إلى حين هبوط الطائرة يرجى من جميع المسافرين ( البغاء) في أماكنهم .. حاجة عجيبة , ليه نحنا ك طبعا لو كان ذلك المضيف الجميل بيعرف معنى كلمة بغاء لما طلب من جميع المسافرين البغاء داخل الطائرة حتى ولو كانت على ارتفاع عشرة ألف

الحمد لله ما كان ركاب الطائره ذاهبين أو عائدين من مؤتمر نسائى عالمى وإحتمال كلهم نساء
ليخاطبهم المضيف : يرجى من جميع المسافرات (البغاء) فى أماكنهم!

الأخت عواطف ..لاحظت أنك ذكرتى المضيف وليس المضيفة، هل ذلك يقودنا لنظريه أن النساء يجدن نطق اللغه أفضل من الرجال؟

مع ودى وتقديرى

في مواقف كثيرة احس باننا نجيد جلد الذات
والا فبالله خبروني هؤلاء الذين كتبوا في هذا اللينك اليسوا سعودين وعرب اقحاح:
http://www.alriyadh.com/2008/01/11/article308225.html
لاحظوا المعلقين وكم واحد منهم كتب عن ( البنغال) بانهم( بنقال)؟؟؟!!!

الجميلة أم حازم !!!

الله يجازي محنك ,, لكن ما حكاية ختييييييرة شديد بنقالي يتغمس شخسية مأذون تو متش ,, والله لو شفتي

الإجرام بتاع الآسيويين في دول الخليج تدي ربك العجب وتقولي علينا غنم الله في بلد الله ,, أسعدتينا

يسعد صباحك ...

ندوري !!!

سلامات يا ود الفضلي ,,,

مداخلتك ثمحة شديد ربنا يديك العافية إنشاء الله ,, أما حكاية العيال والمناسبات دي أول ما تجي

السيرة بتجيني حساسية , وطوالي بتذكر العرس العمل هنا لبت أختي كل واحدة جايبة معاها سبعة حجزوا

كل الكراسي وكل دقيقة نطلب كراسي جديدة يتم تسجيلها على أثاث إنها معزوم جديد يعني بدل ندفع 30

ألف عليك أمان الله دفعنا ستين ورغم أن العرس كان قبل أربعة سنوات لي هثة بندفع في الثلفية أما

فيما يتعلغ بمسألة مؤتمر المرأة العالمي في بكين وغد طلب من لمسافرات البغاء في أماكنهن فهذه

كارسة كبيرة جدا وفيما يتعلغ بلمضيفة وليس المضيف فأطمنك قد يكون مضيفة ولكن تتشابه علينا البغر

عشان مضيفاتنا برضه بعادلن ستين راجل ولعن الله الأنوسة أقصد الأنوثة !!!

الأستاذة عواطف لك التحية :هذا "بوست " مهم جدا، أتمنى أن يتعاطى معه القراء بمستوى أهميته.المسكوت عنه فى ثقافتنا يتجاوز النطق الخطأ والسلوكيات الخرقاء ولايمكن حصره . مهم أن نعترف بذالك صراحة ثم نشخص مثل هذه السلوكيات السالبة ونحاول معالجتها ليس باضرورة الآن ولكن ربما يستغرق الأمر عقودا .ماذا نقول عندما يحلف مثقفون كبار فى إجتماعات على مستوى بالطلاق ! ويقول مثقفون آخرون فى التلفزيون "نقوم نقول " إستخدام لغة الجسد وهم يمنعون إستخدامها فى الجامعة !بمناسبة التلفزيون الذى أشاهده لماماً،فى إحدى سهرات برنامج (مراسى الشوق)تصورى ضمن الديكور وضعوا سبت من البلاستيك الرخيص يستخدم فى المطبخ ل.... ماذا نقول لوزير يرتدى حذاء من جلد النمر مع بدلة !بالمناسبة أحذية جلد النمر والأصلة يمنع لابسوها من دخول بلدان العالم الراقى !
عندما امر لشراء الخبز من المخبز اللبنانى فى طريق العودة من المكتب تخاطبنى البائعة( يااستاذ ) وعندماامر عليهايوم الجمعة بالجلابية تخاطبنى ( ياحاج ) المسالة اكبر من بوست هنا، لأن الأمر يتعلق بسلوكيات البدو والزراع والرحل الذين يشكلون غالب أهل السودان . ممكن ننطق صاح ونلبس صاح ونأكل صاح على الأقل المتعلمون أما اهلنا البسطاء فلا تثريب عليهم .بالمناسبة هذه السلوكيات الخطأ لاتمت للتواضع أو البساطة بصلة .عندى عودة لأن هذه المنغصات يجب التصدى لها فى شجاعة دون أن نصف من يتصدى لها بأنه "متفلسف ومضيقة حبة " كما تقول العامة !

يا عطوووووووووووووووفة..

لغة الضاد تخص ناس الضاد هنااااااااك فى بلاد العرب. عربى شمال السودان + عربى جوبا + عربينا المكسر المخلوط مع الرطانة..ألخ دة عربى السودان ! الداير يفهمو يبذل مجهود يتعلمو كما نتجهجه نحن فى فهم كلام الخلايجة والمغاربة لأنو بلدنا" فغرانة" ونحن مضطرين وراكبين صعب العرب.

بالله عليك الله الصعب فرز فهم الكلمات التى كتبت قافها غينا أو العكس أم فهم مغربية تتحدث العربية يا ناس العرب النحن خايفين تفهمونا غلط ? أم يا ترى الحاجة أم الإجتهاد والفهم.


لمن نكبر شويةعلى حكاية العرب دى دايرين نكتب ونتكلم بى طريقتنا ذى الأمريكان و مثلهم نمنع أونتجاهل رأى الإنجليز/العرب فى كلامنا وطريقة كتابتنا , والثقة بالنفس فى شطب الحروف غير المهمة أو المكررة مثل ز/ذ. فى النهاية ممكن يكون عربى/ سودانى مثلما حصل إنجليزى/ أمريكى فى المعاجم العربية والإنجليزية على التوالي,

معليش لو كان شغلك الكتابة فاللغة لابد أن تستوفى الشروط وكلامى دة بيكون لك "هرطغة" ساكت .

وسلام يا عطوووووووووفة وكل عام وإنتى تمام

عدولي !!!!

سلامات ,,,

هسة بالذمة دي هرطرغة ساي ولا أضقاس أحلام ,, عموما أشكرك على كلامك المهم وأتفغ معك غلبا وغالبا وهكذا حال الدنيا يو قالب ويوم مقلوب !!!

الأخت العزيزة عواطف
سلام على روحك الطيبة

في الحغيغة قلنا الكلام دة مليون مرة.. عموما نلتقي عنغريب ( عن قريب)!!! ونرجو من الجميع البغاء
في أماكنهم وإلتزام الدوء فالليل ما زال طفلاً أرجو الإلتزام حتى لا يأتينا التعب ةالشغاء!!!

أخي الحبيب أبوبكر !!!

يا ثلام عليك ! كم أنا ثعيدة بطلتك القالية جدا وبغلبك الكبير وبزوغك الرفيع !!

دايما بيقالطوني ويغولوا البغاء للأصلع وأنا أصلحهم وأغول ليهم البغاء للأصلح ,, علم قريبة فعلا !

الليل مازال طفلا يحبو لذا سوف نلتزم الهدوء التام ...

في انتظار عودتك ثالما معافى بإذن الله ,,,

الأخت العزيزة عواطف
سلام على روحك الطيبة

في الحغيغة قلنا الكلام دة مليون مرة.. عموما نلتقي عنغريب ( عن قريب)!!! ونرجو من الجميع البغاء
في أماكنهم وإلتزام الدوء فالليل ما زال طفلاً أرجو الإلتزام حتى لا يأتينا التعب ةالشغاء!!!

والله يا عواطق إحنا كده ليه؟ مش عارف !! لكن لو سألتنا عن بعض المواقف مع الغين والقاف (نطقا) وبين الذاي والزين (رسما) فهي كثيرة ومخجلة للغاية
لو المذيعين ومقدمي البرامج في الفضائيات السودانية .على كترتهم الايامات دي وكذلك ضيوفهم في كل قنواتنا وبدون فرز لا يتحرجون بل لا ينتبهون مطلقا.. بان هنالك اخطاء !!
. في الحقيقة انا اخجل اتفرج عليهم في حضرة ضيوف اجانب!!

تخريمة...
بصراحة انا ما قرأت كل المداخلات.
لكن عندي كلام في تعليق أخونا ديق وتأييد ود الباوقه
يعني لو فلنا ما عرب ... ماشي ..مقبوله
المصريين عندهم مشكلة في الجيم .. تمام .. وكمان في القاف !
بس المشكلة عندنا احنا السودانيين مختلفة تماما
ليست المشكلة في عدم المقدرة على النطق .
يعني بنعرف ننطق القاف والغين!! بس بنبدل . (القاف غين والغين قاف )!!. ليه مش عارف ..

ولياب !!!

ياه ... حمد لله على السلامة ,,, بركة الجيت !!!

لكن وا ويلياب ما بالغت عديل كدة قبلي ما نعرف سبب مشكلتنا مع الغين والقاف تقوم تقلب لينا الفاء

قاف وتقوللي عواطق !!! كويس إنك ما قلت عواتف زي الحناكيش ما بنادوني ( خالتو عواتف ) مثلا

تلاقيني واحدة تقوم تقول لي خالتو عواتف أنا زيزي بت تمادر !!! المصريين لما يتكلمو في التلفزيون

كمذيعين بتكلمو صاح عشان عارفين الجمهور حيشرشحهم ولكن مذيعينا الله يطراهم بالخير ضاربين

بالمستمعين عرض الحائط مع غلطهم الشنيع تلقى الواحد شايل معاه ورقة عشان يسأل الضيف ولو ضاع منه

حرف يضيع في شربة مية عالم عجيب وقريب !!! آل مذيع لامع آل !!!

ود شيغوغ !!!

سلامات ,,,

كان المفترض تقول سجليها لصديغك نقمة موبايل !!! أيه الألفاظ السوغية دي ؟؟ حاجة قريبة ؟؟؟

عواطف... واللهى انت عسل... ينقط......سمعتى بي مكيفات الزامل.... اسألي اي مغربي عن كلمة زامل معناه شنو عند المغاربة.. ولا اقول ليك اسألي طارق جبريل.. لانو عايش فى المغرب....

سيف !!!

والله إنت العسل وبسكويت وبركة الجيت ,,,

قلت لي مكيفات الذامل وأسال واحد مقربي فيشان يوريني كلمة الذامل هي شنو عند المقاربة ,, خلاص

ما تزعل .. بسعل طارغ جبريل هسي دي لأنه عايش في المقرب بس أوعى يكون بيصلي في الوقت دة صلاة

المقرب !!! شكرا على المداخلة الجميلة وآسفة على الرد السغيل دة !!!

العواطف

Quote: كان المفترض تقول سجليها لصديغك نقمة موبايل !!! أيه الألفاظ السوغية دي ؟؟ حاجة قريبة ؟؟؟

الله يجازيك بتسوى في محن .

الايام دى مزحوووووووووووم حرمونى من الشبع في البوست اللظيظ ده - لكن انا حاف اكان مرغ في سغط لغط اجيبو راجع

الطيب شيغوغ !!!

سلامات ,,,

كيف عامل مع سوغ الأوراغ المالية ,,,

عموما ما تقيب كتير عشان ما نضطر نهدي ليك ٌقنوة قيب وتعال تلغانا نحنا يا نحنا !!!

شوغ بلا نهاية !!!

الأستاذة عواطف لك التحية :
بالمناسبة هذا "بوست " مهم جدا ، ينبغى التعاطى معه بما يستحقه من جدية .ليست المسالة قاصرة على النطق الخطأ الموضوع اكبر من ذالك ماذا نقول عندما يحلف مثقفون كبار فى إجتماعات على مستوى بالطلاق ! أو يتحدث مثقفون آخرون فى التلفزيون بلغة الجسد مثلا يقول ( نقوم نقول ! )وماذا عن لبس مركوب النمر مع البدلة؟ بالمناسبة فى العالم الراقى لايسمح لك بدخول المطار وأنت مرتدي حذاء من جلد الأصلة أو النمر أو غيره ! لماذا فات عليك علاقتنا الرديئة بالوقت !الأسبوع قبل الفائت كنا نناقش قضية الوقت عند السودانيين فى منتدى السودان الفكرى فى النادى السودانى . الأسبوع التالى للمحاضرة جاء أغلب الحضور بعد موعد المحاضرة بنصف ساعة !ماذا تنتظرين من مجتمع يشكل البدو والزراع والرحل تاريخياً سواده الأعظم ؟ بالمناسبة فى إحدى السهرات التلفزيونية وحتى أكون دقيقا فى برنامج (مراسى الشوق ) معروض ضمن الديكور سبت من البلاستيك يستخم لأدوات المطبخ تصورى !
كل هذا يندرج تحت المسكوت عنه فى ثقافتنا السودانية وكل تلك السلوكيات والمظاهر لاتمت بصلة للتواضع ولا للبساطة بصلة ! إنها السبهللية وضرب من السذاجة ودرجة من درجات التخلف ! إذا تجرات بالنقد يقال "هذا مضيقة! " عنما أذهب لشراء الخبز من المخبز اللبنانى وانا عائد من المكتب تخاطبنى البائعة ( يا أستاذ) وعندما أجىء يوم الجمعة بالجلابية تخاطبنى ( يا حاج ) ! سأعود ثانية لأننى ممكون من هذه السلبيات الخطيرة .

د. جعفر !!!

يسعد مساك ,,,

منور المنبر ,,

كلما أقرأ أسمك أتذكر برنامج مرافئ الغربة فياريت تخليه مشاكل الغربة ,, في بوست سابق تحدثت عن

المواعيد السودانية وعن البهدلة بتاعتنا ( بدلة ومركوب وبنطلون وشبشب وتوب وسفنجة) فوجدت من ينبري

لي ويصف موضوعاتي بالموضوعات المعادية للإنسانية والمناوئة للحرية الشخصية , أما ديكوراتنا فحدس

( حدث) ولا حرج مرة جردل ومرة حلة بدل فاظة وزفة ألوان قايتو الله يكون في العون !!!

ناديت إذ ناديت حيا

ولكن لاحياة لمن تنادي !!!

عصمان !!!

سلامات ,,,

ياسلام عليك ذكرتني الليلة اليمن وبنت الصحن والقات والجلسات النسائية بس كلامك ليس بغريب فقد قالو

من لم يؤدبه الزمن فستؤدبه اليمن لكن بعد مداخلتك دي أقول من يعلمه الزمن ستعلمه اليمن عموما سعدت

بهذه المداخلة القالية على غلبي وبمن تشتي الحلوة على السمع وربنا يديك العافية يا عسمان ويطول

عمرك ... أما بسينة حثن فإنشاء الله تكون نجحت في الإمتحان مع تحياتي لفنانة الكبيرة ثمية حثن !!!

سمعة !!!

معزتي ,,,

غدري ما ننسى العلينا برضه مشتاغون !!!

عارف يا سمعة وصدقا لكلامك نحنا أكتر ناس بنستعمل عبارة المظاهر خداعة عشان نبرر بيها بشتنتناوهلم

جرا عموما سعيدة بؤريتك إسفيريا مرة تانية وربنا يسعدك وما تحرمنا من طلاتك الجميلة التي لا تشبه

في نورها وبهائها سوى ليلة الغدر !!!

أستاذتنا العزيزة

صباح الخير وأشواق كميااااااااااات

والله الموضوع كبير بس المشكلة الأكبر ما عنده حل

مرات الواحد فى التلفزيون بحب يتفلسف ويتكلم بالفصحى فبنطق ال(غ) (ق)

يعنى يقول قير أن كذا وكذا

أها عرفنا الناس بتبسط ال (ق) وتنطقها (غ)

ال(غ) البقلبوها (ق) دى يقولو عليها شنو



كونى بألف خير

مودتى

سماح

ثماح !!!

أشواغ بلا حدود ,,,

غال سم من ؟ غال أمك !!!

غال سم من ؟ غال أمك !!!

غال سم من ؟ غال أمك !!!

غال سم من ؟ غال أبوك !!!

بالفعل يا سموحة اقتالو اللقة العربية الجميلة وبهدلوها فماتت قيلة وقدرا !!! وليس لدينا سوى

الغول البغاء لله !!!

عارفة يا أستا(ز)ة

حتى فى التنوين مشاترين

أكتر حاجة برددوها السودانيون (فى كل) بضم ال(ل) المشددة

حتى ترباس عنده أغنية جميلة اسمها بتخيلك .. لما يقول بتخيلك فى كل (كلو) شئ تقولى إن شاء الله أكون بحلم

لووووووووووول


مودتى

سماح

ثماح !!!

أكيد بتحلمي ,,,

لوووووووووول أحلام ثعيدة !!!

سلامات يا عواطف...

قبل سنوات كنت في مسقط وسالتني عمانية وزوجها مازحين! ليه انتم السودانيون تقولون (تزعة ولا تعطون الحروف حقها وذكروا أمثله كثيرة كما أسلفت) ، رغم أن أفضل معلمي اللغة العربية عندنا هم السودانيين! عاد أقول شنو؟ صديقتي اسمها ثناء وعندما تعرف نفسها تقول سناء وذات يوم ارسلت لها رسالة كتبت عزيزتي سناء ردت لكن يا نون انا اسمي ثناء قلت ليها انتي بعد فصاحتك دي تنطقي اسمك خطأ قالت لي (بلا كده الناس شايفني متطنقعة كمان أردد الصباح الصباح واطلع لساني ثناء ثناء)!! وفعلاً لدي عم يحرص على (اعطاء الحروف حقها ومستحقها)! وفي الونسه عندما تأتي سيرة (السورة)! ينطقها (الثورة)ويكتم كثيرين ضحكتهم!! وبصراحةناوية اتحدث عن دعايات الراديو التلفزيون المحشوة بالاخطاء البايخة من شاكلة (من زاغ وتزوغ)!! مافي زول يصحح الاعلان ويطلب من اصحابه تصويبه ولا عشان بدفعوا قروش ممكن يقولوا أي حاجة... شكراًعلى الموضوع

نون سري !!!

سلامات ,,,

قايتو صاحبتك سناء دي يكاد سناء ضؤها يختف الأبصار ,,,

أنا قايتو عندي صحبتي بتجيب لي الجلطة لمن أسأل من رغم تلفون وتقوم تقول لي سفر خمسة سفر, تلاتة

سفر تلاتة, تزعة خمسة تزعة ولا لمن تقول لي من سنة تزعة وتزعين ما قيرت الغيم والمسل بتاعتي ورقم

أنه كل صاحباتي أجانب لاكين مرات بشعر يغصور تجاه السودانيين لكن أعمل أيه دي ضريبة القربة !!!

يضربك الضريب إنشاء الله قولي آمين يا... ولا ما في داعي أعمل ليك فضيحة منبرية !!!

الله يجازي محنكم يا ناس المنبر !!!

عندي تحقيق عن المرأة المثقفة هل هي مكروهة من بنات جنسها .. ومرهوبة من الرجال ؟

قمت كتبت المرأة المسغفة غطعا هي امرأة متميزة ما يجعلها تبرذ وتسطع وقالبا ما تكون المسغفة

مكروهة من بنات جنسها وعرضة لكل أشكال القيرة والحغد ومحاولات التحغير من شأنها وغد تكون منبوزة

لأنها اختارت أن تقرد خارج السرب !!!

آه منكم المدير أداني لفت نظر وقطع يومين من مرتبي أعمل فيكو أيه ؟؟ داهية تاخد البوست وسنينو

قايتو حأقعد أبكي من هسة لين المقرب وبعدين استقفر وأمشي بيتنا, والجاتك في مرتبك سامحتك ..

أقعد كلو مرة أباري فيكم وأقول كدة لامن ألقى روحي في مطار الخرتوم الدولي .. آل دولي آل !!

عزيزتنا : عطوفة

السلام كيمان : استوقفني الموضوع كثيرا وهاك دي :

بالمناسبة دي واحد مهووس بالعربية منذ صغره .. في أحد المساجد كان الامام سوادني .. فما أن بدأ هذا الامام في قراءة قائلا :

( ان انزلناه في ليلة الغدر.. وما أدراك ما ليلة الغدر ....الخ ) .. حتى خرج صاحبنا من بين المصلين

منزعجا وراح يصلي منفردا في أحد أركان المسجد.. تعجب بعض المصلين وسألوه عن تصرفه هذا فماكان من صاحبنا الا أن قال لهم كيف تصلون

خلف امام حول ( بفتح الحاء وتشديد الواو مع فتحها ) ليلة القدر الى ليلة الغدر ؟؟..

انها مأساة يا رفيقتي .. حتى القرآن الكريم لم يحل دون ارتكاب مثل هذا الخطأ الفادح الذي يؤدي الى تغيير المعنى تماما!!!..


ودمت يا سيدتي ..

خضرعطاالمنان
[email protected]

خدر !!!

لكن ما ضحكتني لمن قلت بس ,,, غايتو وكله ولا ليلة الغدر دي زي ما قلت قبل كدة أخير منها ليلة الغبض على فاطنة !! دحين الموضوع الحدستني

بيه اسمو شنو قدر ما بحست ما لقيتو !!!

العزيزة عواتف

سباح الخير

( دي طبعا اللغة الجديدة المتحدثة عن جيل كامل من البنات
السين محل الصاد والتاء محل الطاء ) واي انا نق تربيع
نظام شنو ما تفهمي

دلع ، حنكشة ، لفت انتباه

واسعد الله اوغاتكم بكل خير

الأزتازة ماية !!!

أوغات سعيدة ,,,

صاحباتك ديل لمن الحكنشة على الفنكشة فجاءت النتيجة حنفشة ,,,

مداخلتك تشرح الغلب !!!

نسلمي ,, يا ست البنات ,,,

ألأخت/عواطف...

ثلامى وشوغى

أغفلى البوثت ده عذبتينا وغلبتى لثانا

الله يثامحك

مودتى................

إثماعيل محمد احمد عباث

ثمعة !!!

ثلامات ,,,

الشوغ متر !!!

ما غادرة أغفله معليش ثامحوني !!!

بلق تحياتي إلى كل من يسعل عني ,,,

تثلم ,,,

عطوفي

نعاين ونضحك بس يجازي محنك

فين الاولاد الحناكيش ديل ناس المنسي وامير الجمري والود الدلوعة الاسمه ابو بكر سيد احمد قولي ليهم قالوا ليكم اجمعوا سرييييييييييع .

ود شيغوغ !!!

سلامات ,,,

الحناكيش ديل دخلو معهد بتاع لغات عشان يفرقوا بين القاف والغين !!!

استاذة عواطف
ازيك
معليش جيت متاخرة
ما قدرت اقرا كل المداخلات امكن يكون راي دة اتقال كتيير بس قلنا نقولو برضو ما يضير شيء

اصلا هو الموضوع ليه علاقة بهويتنا اللي لحسع ما اتحسمت شوية عربي على شوية افريقي زيدي عليها استمعار انجليزي وقراية في مصر وهجيج لكل بلدان العالم بعد ان ضاق زرعا بنا سوداننا

اها قلتي لي شننو يبقى عدم تحريناللدقة في النطق الصحيح لبعض الحروف العربية معناه نحن ماشين مع المثل السوداني اللي بيقول جلدا ما جلدك جر فيه الشوك اها لغة ما" لغتك" (مع التحفظ احتراما لآراء أخرون) قولها زي ما داير.

نقطة تانية تعرفي نحن بنطقنا دة اخير من ناس تانيي حالتم قال عرب مية في المية
انتي ما شفتي ناس دول المغرب العربي بعملوا في اللغة دي شنو غايتو نحن بعذرنا هم مالهم ولا يجوا يقولو برابرة.

فتك بعافية
صفية