...يكون حديثه تواريخ المدن وواحدة لا يمل الحديث عنها، ساج مثل عمق الليل فى علياء كبرياءه، و هو للناس و للمدن جميعا و القرى..يشع أخضر أحمر، يحمل مصباح الحوار فى عتمة صبح الجبر كريبتونيت....عظمة تواضع الجنس البشرى.... يتبع
Post: #8 Title: Re: كريبتونيت..... Author: محمد سنى دفع الله Date: 01-15-2008, 06:29 AM Parent: #7
كونتر بوينت ولا كريبتونيت انت قاصد منو من عملت الصورة المواحهانا دي وانت ما قاعد في الواطه حدد وخليك دوغري انت قاصد منو ولي شنو وكده
Quote: يكون حديثه تواريخ المدن وواحدة لا يمل الحديث عنها، ساج مثل عمق الليل فى علياء كبرياءه، و هو للناس و للمدن جميعا و القرى..يشع أخضر أحمر، يحمل مصباح الحوار فى عتمة صبح الجبر كريبتونيت....عظمة تواضع الجنس البشرى....
Post: #13 Title: Re: كريبتونيت..... Author: محمد سنى دفع الله Date: 01-15-2008, 02:31 PM Parent: #12
كبريتو من انكربو ونت من المواقع الهوائية تخيل عقلي راح بعيد الله انعله السيجارة المعطوبة هههههه لكن لو كربيبتونيت تشظى ما على العالم السلام ومنو الحانحاول ننقذوا في مركبة لوحدو حتى يحافظ على الحضارة السابقة ويحكي لي الناس الجاية عن حاجة اسمها كربتو نيت
Quote: لكن لو كربيبتونيت تشظى ما على العالم السلام ومنو الحانحاول ننقذوا في مركبة
يا السنى المسمى على مدنى السنى أهل كريتون رحلوا مبكرا فى هذه الرواية وصلوا بحمد الله الى مجرات متعددة و معهم شنط الرصاص منغلقة على قطع الكريبتونيت سنواليك بأسماءها و مسمياتها و بعضهم حبيس مدينة ( كندور)
" في البدء قال الواهمون : يا للسعادة بيت صاحبنا القرنفل .. سقفه الغيم الحنون " . قاموا الواهمون التانيين قالو ليهم : " قومو كده بلا فقر معاكم " .
.... يا كريبتونيت يا مولِع .. يا الضُلك بقى متشلِع .. رقراق و كمان بيفلّع .. فلِعنا و كسر راسنا .. قبلك كم غرضاً داسنا .. أوغاد من ساسنا لراسنا .. راسنا الساكناهو قبيلة .. و جهات من " باو " " لهبيلة " .. و بطون و أفخاد شاراتك .. شاراتك هُم تاراتك .. تارات أعراق , يا حزبك .. حزبك يا الرافعو هوية .. يا الجهة ساويها قضية .. سجم أمك يا كريبتون شقاك ولدك كم لون .. شظاك خلاك كُسّار .. كسار تتباع بالكوم .. كومك ما أبخس تمنو .. يا فلتة و يا فريد زمنو .. زمنك فارِق إيقاعو .. في عرضك سامو و باعو .. رقصك مضبوح يا طير .. يا طير يا رُخ يا خطير .. يا زلابية هوينة فطيرة .. و شووك قايلنك طيرة .. يا الصقر عشا البايتات .. يا الدود حارس الجِنيات .. باعوك بالتمنٍ الأبخس .. البت و الولد الأرخس .. أبخس من حق السفة .. يا الغادرك ولداً أتفه .. و حسابو براهو الألفة .. في فصل المليون ألفة .. و المدرسة للألفات .. يا هواك البقى فتفات .. و نشيدنا الوطني عشاننا .. خليهو الفات الفات .. سجم أمك يا كريبتون .
جانى هاتف فى المنام قال لى اكتب عن عيونك صحيت لقيت دوايتى فى يدى اليمين و الريشة معطونة فى حبر مليان كلام كلام ..تمام..تمام..تمام و كتبت فى الورق الكبار طلعت قصيده بتشيهك الخالق الناطق تمام
Quote: جانى هاتف فى المنام قال لى اكتب عن عيونك صحيت لقيت دوايتى فى يدى اليمين و الريشة معطونة فى حبر مليان كلام كلام ..تمام..تمام..تمام و كتبت فى الورق الكبار طلعت قصيده بتشيهك الخالق الناطق تمام
غنيتا فى وسط الصغار حلوا المسائل فى المدارس باهتمام غنيتا للناس الكبار ضحكوا بوقار و قالوا لى انتى حددتى المسار غنيتا للوطن الحزين و المحرزمين قالوا المعارك لازم تتحسم بالجد و بحد عقول العرفين.
Post: #44 Title: Re: كريبتونيت..... Author: عبد المنعم ابراهيم الحاج Date: 01-25-2008, 06:47 AM Parent: #43
وكرب كرب تنيت وجيت... تونين مسافة وغنيتين مسدار مسولف بيتو بيت.. فاتح مسار بحر الخجيج والدنيا زار هيصة وضجيج.. نجامة تكرد في السنين كجامة قدام العرين..
بين بيت وبيت سلك الدرب.. تبانتو مشلة وخيت كرب..
عقد النجيمة الصاحية ضو فانوس مشحتف في الكوو..
شريانو من زيتك طلع لا قبلي فالت يوم شلع..
الشرعي من تالاك يفور الفرعي نايم في قصور والشارع المجنون طلع..