Post: #1
Title: حــاله خــــــــاصــه ...
Author: عبدالله داش
Date: 01-08-2008, 01:32 PM
أنا حاله خاصه من الجنون
مُســتثني منكِ
ناويه تدّيني الظنون
توب عِـفه يكْسـيني ويفضِّل
مُـدّخر للموت كفن
كيف نسجتكِ من خيوط العنكبوت
خط رهان لوحات رسمتكِ
بين مشاوير المحنْ
يبقى إحـتدامك إحترام
مين علمك يا عاريه تديني الخجل
مضروبه من عرب السهول .؟
إمكن ..!
مسروقه من مستنقعات النيل شلوخ
مخلوطه من كل السِّحن ..؟
ما داير أفضح خوفي
إمكن يعرفوك
محقونه في جوه الوريد
خايف عليك ما يسرقوك
وندهّتلِك ..
حجِــيني في الليل البراي
خُشــي البراح
بالراحه قبال يســألوك
إني أُمارس عادتي البلهاء
ألعب حين تُدركني النهارات العصيبه
ألف معذرةً ...
عليك الآن
أن تنأي بعيداً عن فلاة السِــر واللعب المجون
يا تـون غُــنا اللحن الشجي
( خصـمّتِك النبي ...
الرصــول ...
ورينى من وين البدايات
والدخول للعالم التاني الهناك )
ما الدنيا أفيون الجراح
منْتبهه للزمن الوِقف
فى نص محطــات الحنين
أصلو الحلم غاوي ومجرتق إرتباك
كل المعاك
من صنف هذا الزيف
وعصلجة إبتلآتي
وكارثة الهلاك
الليل هذا الكائن المسحور
يسمع إبتهالاتي
يرددني الصدي
من تلك قدّ آتي
وقدّ لا يسمعوك
أو يسمعوك المجرمون
وانا في مجال لقياك
مسكون بالجنون
|
Post: #2
Title: Re: حــاله خــــــــاصــه ...
Author: د.محمد حسن
Date: 01-08-2008, 01:50 PM
Parent: #1
حقيقة
|
Post: #3
Title: Re: حــاله خــــــــاصــه ...
Author: مجدي عبدالرحيم فضل
Date: 01-08-2008, 02:18 PM
Parent: #2
داش،،، خصمتك بالنبي الرصــــــــــــــــــــــول تبوح فات زمن الجنون وأنت الفيك ساكنك ملاك يسبح غناك ولهانه في رجاك
بدْر تعال ياالكلك جمال.
ذي الفيك ده مسْ سامي والجنون أنواع بس الفيك مافقدان العقل وكلماتك دي ذات بتركب سماك وتحلق معاك .
،،،،أبوقصى،،،،
|
Post: #12
Title: Re: حــاله خــــــــاصــه ...
Author: عبدالله داش
Date: 01-08-2008, 10:42 PM
Parent: #3
أواجه كل خصومي
وفى خضم هذا العراك الرهيب
أؤكد لك حتمية خسارتى قبل بدء الرهان
ولكن .. لا بأس من المواجهه
والكر والفر من حينٍ لآخر
أبوقصى
لك ما أقدر على حمله من نوايا
تساعدنى فى العبور
إلى عالمى بسلام
ــــــــــ
والحرب خدعه
|
Post: #4
Title: Re: حــاله خــــــــاصــه ...
Author: ابو جهينة
Date: 01-08-2008, 02:25 PM
Parent: #2
Quote: إمكن ..!
مسروقه من مستنقعات النيل شلوخ
مخلوطه من كل السِّحن ..؟
ما داير أفضح خوفي
إمكن يعرفوك
محقونه في جوه الوريد
خايف عليك ما يسرقوك |
مخلوطة من كل السحن
دي براها عاوزة قصيدة مملوحة زي النضمي السمح ال فوق دة ..
و تستحق يحقنوها جوة الوريد ... و يضخوها في أنبوبة أوكسيجين ...
|
Post: #11
Title: Re: حــاله خــــــــاصــه ...
Author: عبدالله داش
Date: 01-08-2008, 10:34 PM
Parent: #4
سِــحنات
وشُحنات لا تنتمي إلى جهات الوصف
إلى اليمين
إلى اليسار
مخلّقةٌ من بقايا رماد
وماءٍ من دمع جملودٍ مسحور
أخاف أن أسلك غاية تنفذ إلى شكٍ قديم
هو أن ..
ما ترتب من قيام فى ثلث الليل
دون الذكر
يوشك لإنتماء/ت الهلاك
إلى ما يسمي ..
نقط ... نقط ... نقط ...
تف ...تف ... تف ...
أحبها جداً
عندما تشرع فى غسل الحزن
أبو جهينه
نقط
نقط
نقط
|
Post: #9
Title: Re: حــاله خــــــــاصــه ...
Author: عبدالله داش
Date: 01-08-2008, 10:27 PM
Parent: #2
المحاذير
والقضايا العالقه
والخطوط الفاصله
بيني وبين العالم البــ هناك
تتلاشي وتتصدي
لتجبرني على سلك الصواب
أتحسس دفء الجمر
ولا أقوي على ملامسة المسمي إشتعال
هى هكذا إلى أن يُطوي البساط
على إتجاه خامسٍ
حينها قد أفلت مرةً أخرى
لأبدو كما تراني الآن
وبرضو مجنون ...؟
بومحميد
لك دفء هذا العام
|
Post: #10
Title: Re: حــاله خــــــــاصــه ...
Author: عبدالله داش
Date: 01-08-2008, 10:30 PM
Parent: #2
لجنونٍ ما تم التعديل
|
Post: #5
Title: Re: حــاله خــــــــاصــه ...
Author: هند محمد
Date: 01-08-2008, 04:34 PM
Parent: #1
دائماً ..متألق ياداش ..
وحروفك تنطق روعة ..
تسلم مشاعرك ..
|
Post: #6
Title: Re: حــاله خــــــــاصــه ...
Author: salma subhi
Date: 01-08-2008, 04:43 PM
Parent: #5
Quote: ورينى من وين البدايات
والدخول للعالم التاني الهناك )
|
كده حالة الجنون حتزيد...
كل سنة وانت طيب أخ عبدالله.....
كل التقدير
|
Post: #7
Title: Re: حــاله خــــــــاصــه ...
Author: Emad Abdulla
Date: 01-08-2008, 05:06 PM
Parent: #6
Quote: أنا حاله خاصه من الجنون
مُســتثني منكِ |
تُستثنيَ يوت ؟!
يا بختها ..
يا بختني ..
يا بختك المستثنى في خاص المحنْ ..
خاص البيستثنيكَ قادل في الشجنْ ..
مُستَثنىَ من نار المجوس ..
نارك براك ..
وقّادة في روحك مَحَكْ .
شوشاوة وين قبّلت وشك .. تلفحك .
و عليك تكون برد و سلام .
.. يا بختها .
|
Post: #8
Title: Re: حــاله خــــــــاصــه ...
Author: مدثر محمد ادم
Date: 01-08-2008, 06:00 PM
Parent: #7
ويسلم جنونك الرائع غبدالله داش
|
Post: #24
Title: Re: حــاله خــــــــاصــه ...
Author: عبدالله داش
Date: 01-10-2008, 00:07 AM
Parent: #8
من الممكن جداً
أن تكون روعة المذكور ( ... )
فى الشقلبات والهضربه
والتمتمات والهمهمه
خوطتين للأمام
ومثلها للخلف دون الإصغاء
لهمسات الماره وإشاراتهم
( ياخ دا مجنون ســـاى )
مدثر
( حركة الأسهم كيف اليله .... انشاء الله مرتفعه )
|
Post: #16
Title: Re: حــاله خــــــــاصــه ...
Author: عبدالله داش
Date: 01-08-2008, 11:17 PM
Parent: #7
ألو ..
مرحب ...
في شنو ...؟ يا مدير الجن
فى نص الليل أو لباساته التى نعرف
يجيك تلفون يعكر مزاج صحوك
قِرقِر ... قِرقِر ... قِرقِر
لاب لاب ... لاب لاب ...لاب لاب
أيوا بكره سوى كدا وأعمل كدا
يخليك مختل عقلياً
ولافى حوالين روحك وما لاقى روحك
تبدأ تهبّش هنا وهناك ...
يلعن أبو كدا زاتوووو ياخ
لاكين نسوى شنو
مخير الله علينا على قول حبوبا
وحليل الرقدو ما قامو
وبراى سويتا فى روحى
وحَيا.... يا
وكلمنى الساعه كم
كلمنى
عمده يا بلد
الشوق صف رغيف فى حقبة ما ..
|
Post: #14
Title: Re: حــاله خــــــــاصــه ...
Author: عبدالله داش
Date: 01-08-2008, 11:04 PM
Parent: #6
العالم البـ هناك
دا عالم عجيب ورهيب
أتمنى أن أري تفاصيله بعين الحقيقه
( بس ما يتشــربك فيني )
لأنى أجهل تبعات ما يحدث والفكاك أمر بعيد
إذا إتسعت رؤيتى بمقياسٍ يســاوي البحر
وأنا فى أمان ...
كان لى أن أكون كما أشتهى
ربما قد أكون سعيداً بما يكفى لوقف
ضوضاء هذا العالم المخيف
سلمى صبحى
لولا الخوف الظاهر عياناً
لدخلته راجلاً دون خوف
كبسوله
ـــــــــــ
لو زادت بتنتهى ليك من شئ إسمو عذر
يعاينو ليك كدابى حدرا ويقولو ( مسكين دا معذور ياخى )
|
Post: #13
Title: Re: حــاله خــــــــاصــه ...
Author: عبدالله داش
Date: 01-08-2008, 10:55 PM
Parent: #5
حالٍ ..
كسائر الأحوال ...
تتكسر أحلامه فى منعطف الشروق ...
لتبدأ مع إطلالة الحلكه الوحشة القاتمه ...
كل ما آل نحو الفرح
ينتهى لمداه البعيد
ثم ماذا ...؟
وبعد ..
ففى أغلب الظن
إنها فعل خيبات وهمى الجسيم
عليه :-
لا شئ يذكر سوى الإنهزام
والتماثل إلى حالة أخرى
تذوب فى فجرر غد
هند ..
كثيراً
تعالى
لأنطق بالشكر لك
|
Post: #17
Title: Re: حــاله خــــــــاصــه ...
Author: Ishraga Mustafa
Date: 01-08-2008, 11:30 PM
Parent: #13
| Quote: كيف نسجتكِ من خيوط العنكبوت |
بآخر طلقة هواء على حجر مرمى.....
سكن تحته نمل ماإ ستطاع ان يدخر لفصول بياتى
صحوت والامنيات خيوط عنكبوت
غزلتها ثم غزلتها ثم رميته شالا على جسد الصمت
تكاثر حوله العنكبوت
تراص العشاق المأزومين لينسجوا من عنكبوت وهمى فستاين ملونة - او هكذا خيل لهم ذات صرخة روح فى ليل اشتعل بدبيب الأرض،اشجارها، انهارها، حكاويها وأحاجى البحار
عنكبوتة لصقت بروحى
فقست اسئلة من حريق
تضىء درب الاجابات المعلقة بخيوط هى اقدام المستحيل....
_________________________________
شكرا ياداش....
|
Post: #25
Title: Re: حــاله خــــــــاصــه ...
Author: عبدالله داش
Date: 01-10-2008, 00:38 AM
Parent: #17
أودع كل أحزانه ومشى بعيداً يتأمل
طول المسافه بين وضوح الرؤيه
وبين زوايا الظل ...
كان حلمه أن يعرف كم مضى من الوقت وهو على حاله ..
وقبل أن تمسح الريح درب خطواته المتعبه ..
أغمض عينيه واقفاً من فرط ما به من وحيح
فجأه ...
غرق فى ساحل اليم وهو يعبر نحو الفنار
إشراقه
كان النسيج
من خلايا الروح
ومن عصب البصر
|
Post: #15
Title: Re: حــاله خــــــــاصــه ...
Author: محمد عثمان
Date: 01-08-2008, 11:10 PM
Parent: #1
Quote: ما داير أفضح خوفي
إمكن يعرفوك
محقونه في جوه الوريد
خايف عليك ما يسرقوك |
داااش...
يا سلااااام
سلمت الاناامل..
يديك العاافية
|
Post: #26
Title: Re: حــاله خــــــــاصــه ...
Author: عبدالله داش
Date: 01-10-2008, 00:49 AM
Parent: #15
بوحميد بن عثمان
لك يا صديقى ما تود
ويا سلام عليك
يا سلام ...
بدونكم ..
هذا العالم لا يساوى شيئاً
فكن فى تفاصيلنا لنرى ما بنا
لك اود
|
Post: #18
Title: Re: حــاله خــــــــاصــه ...
Author: Alsa7afa_30
Date: 01-08-2008, 11:39 PM
Parent: #1
| Quote: أنا حاله خاصه من الجنون |
شفاك الله ..
و عافانا ..
.
.
|
Post: #19
Title: Re: حــاله خــــــــاصــه ...
Author: ابوعسل السيد احمد
Date: 01-09-2008, 01:50 AM
Parent: #18
لم لا تزداد جنونا يا هذا؟
..
داش..
فلترحل في الأوردة متصيدا
المواسم و تلك الحبيبة
تمخر في الروح-روحك- سرا
ثم فلتنثل شعرا...
ودادي الأكيد
|
Post: #28
Title: Re: حــاله خــــــــاصــه ...
Author: عبدالله داش
Date: 01-10-2008, 01:06 AM
Parent: #19
ياسِــيدِى مديت للهواء
وشركت للمويه الوحل
كان طارفة الليل تعترف
ترسم على الحاجبين كُحــل
ويبقى الكلام من وين ,,؟
إذا اكتمل الوصف
فيهن سوا
بو عسيل بن سي أحمد
لك مزاج
بروح الياسمين
كن كما أود
|
Post: #20
Title: Re: حــاله خــــــــاصــه ...
Author: ابوعسل السيد احمد
Date: 01-09-2008, 01:51 AM
Parent: #18
لم لا تزداد جنونا يا هذا؟
..
داش..
فلترحل في الأوردة متصيدا
المواسم و تلك الحبيبة
تمخر في الروح-روحك- سرا
ثم فلتنثل شعرا...
ودادي الأكيد
|
Post: #27
Title: Re: حــاله خــــــــاصــه ...
Author: عبدالله داش
Date: 01-10-2008, 00:55 AM
Parent: #18
حسام الدين العزيز
آمين ...
|
Post: #21
Title: Re: حــاله خــــــــاصــه ...
Author: معتصم دفع الله
Date: 01-09-2008, 07:26 AM
Parent: #1
الحالة جزء من تفاصيلنا البليدة ..
يتلبسنا الخوف فيها ..
ويضرب عصب الحنين فينا ..
يا ها أنتِ ..
يا هذا ..
ندهتلك والسكون ..
مالي الحتة جواي ..
دفق أنيني الشوق ..
وردد صوتي الصدى ..
( قالو علي شقي ومجنون ..
ما انتو جنوني يا حلوين .. )
داش يا حالة خاصة من الإبداع ..
صحيح شقي ومجنون ..
|
Post: #29
Title: Re: حــاله خــــــــاصــه ...
Author: عبدالله داش
Date: 01-10-2008, 01:26 AM
Parent: #21
يا وريف
أصارع النعاس
أغالب الصحو عنوةً
ولكن ...
تسارع الوقت يحرجنى ويحشرنى
فى قالب لا يسمح بإمتاع النفس بما تحب
الأزمات تتسكع فى الطرقات بتسارعها الرهيب
فإذا تجاوزنا مضمارها بمهارة فائقه
قد نحتفل فرحاً بالفرح
معتصم
ما زلت أتنفس
إذن أنا ( كويس )
|
Post: #22
Title: Re: حــاله خــــــــاصــه ...
Author: منى على الحسن
Date: 01-09-2008, 08:33 AM
Parent: #1
دستورنا يا سيد الغنــــــا
من ياتو منفذ
أدخل عليك
والبس حروفك
توب زفاف
أترك لـ ضفاف النيل
غناي....
أصلك تباريحي
وشجن لحظاتي
في الدنيا الخراب
سامعني !!!
جد...سرحانه فيك
وما تسألني ليه؟؟
وآنا نازرا
أغزل من خيوط الضوء
منديل هدية ليك
وارسم في نهايتو
قليب ...
شالك
منى وأحلام صغار
برسلو
بين عصرا جميل
ماشي على الغروب
وبالله خت فيهو
انفاسك آمان
من ريحتو تعرف
أني جلبتو ليك
من ظفري في الزمن العدم
ومن حضرتك ونوبة غناك
داش الجميل الحالة ما عندك بتلبش عديل ...بي دستونا يا اولاد ماما
ومالك الحبش
|
Post: #23
Title: Re: حــاله خــــــــاصــه ...
Author: Mohamed Abdelgaleel
Date: 01-09-2008, 11:32 AM
Parent: #22
والله يا عبدالله انا مما شفتك
وقبال ما أنضم معاك قلت في
قلبي الزول ده: يا شاعر يا
مجنون يا بحب .. لقيتك:
كلهن
|
Post: #32
Title: Re: حــاله خــــــــاصــه ...
Author: عبدالله داش
Date: 01-12-2008, 01:56 PM
Parent: #23
جميل الروح
محمد ع الجليل
يا رجل أذكر جيداً حفاوتك التى فى القلب
أذكر جيداً مصافحتك لى فى لقاؤنا الأول ودعمك الذى لا ينتهى
ولما ( إتكلمنا وإتونسنا زين ) وشرعنا المسير
تاهت بنا الأنحاء وتركتنا للوعاتنا
نتمنى المزيد ..
مشتاق ليك من هنا لهناك
وخليك فى المسام
|
Post: #30
Title: Re: حــاله خــــــــاصــه ...
Author: عبدالله داش
Date: 01-11-2008, 11:52 PM
Parent: #22
الصديقه العجيبه
منى ..
يا صاحبة البهاء
هذا الإشعاع يغمرنى بالحلم
بالإحساس نحو غاية لا أعرف لها سبيل
ولكن ...
سلمتُ أمرى له وإتجهت نحو الإشارة بالبدء
إذ أنه الإبصار المعرّف من قبل بالإنبهار
لك الإحترام الأكيد
|
Post: #31
Title: Re: حــاله خــــــــاصــه ...
Author: سلمى الشيخ سلامة
Date: 01-12-2008, 02:28 AM
Parent: #30
حالة خاصة
وانت دايما حالة خاصة
شعرك
انسانيتك
وحبيبة احسدها
اتمنى ان تظل حبيبتك
دائما الى جانبك
لتزين لنا هذا العالم المهترئ جمالا
ما اجمل حالتك
ما ابدع الجنون لو كان مثل جنونك
كن مجنونا دائما
وعاشقا الى الابد
|
Post: #35
Title: Re: حــاله خــــــــاصــه ...
Author: عبدالله داش
Date: 01-12-2008, 10:56 PM
Parent: #31
وأنى أستلذ مذاقها المعسول
يشدهنى العجب ..
كالمنْْ والسلوى
فأطرب غاية الإشراق
إذ عُزفت مزامير الهوى
وعلا مسامعنا الهسيس
ورزم إيقاع الدفوف ..
طلع البدر وناصف للسماء
الحال يشبهنى ...
أنا فى الحال
كنت أمارس التحديق
ينخسفُ البصر ..
أبكى ...
فتهزمنى تضاريس النجوم ... صراحةً
علّي أصادفها ..
والحسنُ يخترق الجمال
لا تسلني ...
إذ تواري الليل عن سبر الهدؤء
وعن سقوط نيازك الضوء البعيدة فى الفضاء
سملى الشيخ ..
ما عارف أقول ليك شنو
( غايتو .....!! )
موده
بحجم اليابسه والماء
|
Post: #33
Title: Re: حــاله خــــــــاصــه ...
Author: أم سهى
Date: 01-12-2008, 03:14 PM
Parent: #1
صديقي الجميل عبد الله
الصمت في حرم الجمال ....
وكفى
دم كما عهدتك هاش باش ( مش داش)
ونحن في انتظار القادمات من الليالي السمحة
|
Post: #37
Title: Re: حــاله خــــــــاصــه ...
Author: عبدالله داش
Date: 01-13-2008, 04:35 PM
Parent: #33
ما لاقي ليك جِـيهه
وما لاقي ليك فِـجه
أصلوو الحـتتْ محجوزه ليك
من يوم خفق وقلبي وعرفتكِ
إتهمتكِ
حاجه خارجه عن الإراده
عن الوصف ...
يا زوله فوج من العزيمه
وموج من البحر الحِداك
انا ما وصفتك
دا المرق من جوفى عدا
وكان رهان الناس عليك
ربحان وممنوع يتكسف
وربحانِك ..
العزيزه الغاليه
أم سهى ...
فرحان بيك
|
Post: #34
Title: Re: حــاله خــــــــاصــه ...
Author: خضر حسين خليل
Date: 01-12-2008, 03:29 PM
Parent: #1
Quote: مسروقه من مستنقعات النيل شلوخ
مخلوطه من كل السِّحن |
شكراً لهذا اليقين
ياخ تشكر
|
Post: #36
Title: Re: حــاله خــــــــاصــه ...
Author: مامون أحمد إبراهيم
Date: 01-13-2008, 06:31 AM
Parent: #34
Quote: ما الدنيا أفيون الجراح
منْتبهه للزمن الوِقف
فى نص محطــات الحنين
أصلو الحلم غاوي ومجرتق إرتباك |
أهودى إدشدشنا معاها دشدشه !
وإتكسرت معاها ضلوعنا !
لكن برضو تسلم إنت يا داش .
|
Post: #39
Title: Re: حــاله خــــــــاصــه ...
Author: عبدالله داش
Date: 01-13-2008, 09:58 PM
Parent: #36
مامون الخليل
بكره يكون ..
ما يكون لو بقدر
يفصِــل جسدى مفارز
بينى وبينها فصيلة دم
من كم..
بتبيع ما بتخسر
تقسم كل الربح الفضّــل
أقدر أقول ...!
القاسم أكبر
لو هددنا الهم
غيّرنا مسار الفلك
الداير حولَك
وقفناهو
إنتصّل ضوّك جاهر للحاضرين
يا أجمل ضو
أجهرنى معاك
|
Post: #38
Title: Re: حــاله خــــــــاصــه ...
Author: عبدالله داش
Date: 01-13-2008, 04:59 PM
Parent: #34
ودينى وأيمانى
( يا خدِر )
إنْبَشَـك في النص قبل تم العددَ
يا خينا كيفِنك براك بتهّجسْ الروح
والمسافه الفاصله حِســنا
يا ها زاتا الودّّرت هذا اليقين
يا ساحر الممنوع ومانِعنا المدد
ما تقيف ... تفســح باقى ليلنا معاك
تعلمنا الحنين ..
وتبقى داخل للبحر
يا صديق الزمن الجميل
( كما تقول الجميله منى )
هو
لســه
الليل
بيبخل لينا بالقمره
ويصرّج فى الصباح
ياصاح ...
أحبك ومافى غير ( هذا النحيب )
|
Post: #40
Title: Re: حــاله خــــــــاصــه ...
Author: ابوبكر يوسف إبراهيم
Date: 01-14-2008, 08:54 PM
Parent: #38
اخي عبدالله
سلام علر روحك الطيبة المجنونة
جنون الشعراء والأدباء هو أسمى وأرقي وأعلى درجات العقل لأنه يرسم لوحات وكل لوحة توحي إليك مباشرة بالشموخ في في مسارب الحياة وتفاعلاتها، وكلما ارتفعت متسلقا الدرجات إلا وا قتربت نسبيا من جنون الإبداع المشع الذي لا تذيب أشعته ثلوج الجبل ، أحس حالئذِ بالدفء الذي نسجت له الروعة حايكا جمالياَ ، ينساب من القمة إلى السفح شاهدا على عمق الصلة بالمشاعر الإنسانية، مع الـنظرات إلى المعنى المجنون تنتشي , و ُتـغـرى الأيادي للمس وشي الكلمات ، في حين يشرد الخيال أمام زهاء الألوان في تصوير الحروف لتنطق . في تقليد ا لـصـنعـة زخرفة بسيطة ، تـلـبّــس الـحـسـن بالـبـسـاطــة..أفضيت علينا بالنص أناقة عالية توحي بالسر الكامن خلق الـحايك ... فُـتح النطاقان ، وبقيت الـثنيات لينة والطيات عريضة ، في سواد ظلمة الأفق ، بزغ القمر الأزرق مشعا نوره ومكسرا ضبا ب الغـبـش ليضيء الكلمات.. أشيد بالروعة
|
Post: #41
Title: Re: حــاله خــــــــاصــه ...
Author: عبدالله داش
Date: 01-15-2008, 08:52 PM
Parent: #40
لم أعد ..
بالخصوص أخصك وبالإنتباه
تواك أوجاعه
ليقطف إيناع زهر الربيع
( وقوق القماري ) المغارب
خطوط النسيج تنتهى إبتســأم
ليبارك الله خطوك نحوي
ورسمك حرف البيان
ويُلبسك الصحة ثوبا
ابوبكر الخليل
لك الود كاملاً
|
|