خطوبة الاستاذ/عباس فتح الرحمن المحامى -تهانينا - انهيار قلعة من اعتى قلاع العذوبية

انا قادم لتوى من السودان ، ازف لاصدقاء الاستاذعباس فتح الرحمن رحمة الله المحامى خبر

خطوبتة للانسة الاستاذه عبير المحامى .

تهانينا الحارة ...وبعض شماته خفية-لاترضى النساء بالقطع- منا نحن جمهرة المتزوجين

حملة لسان الحال(السبقنى ما سمعت كلامه والبعدى ما سمع كلامى ).

عباس ظل ردحامن الزمن متمترسا بقلعةعذوبيته،ينافح عنها بضراوة، يستخدم حنكته المعهودة

فى الحوار صدا لمن يحاول اختراق تحصيناته ولوجستيا يستظل بشجرة اصدقائه الوارفه ودفء

الوالده -امدالله فى عمرها- والاخوان والعشيرة الممتده ،ومشغوليات الخدمة المبذوله

للناس دون من او اذى .

وغايتو بلهجة الشوايقه.."امانى ما وقع راجل" والكلام موصول للصديق عبد الرحمن مدنى.

مرة اخرى مبروك لعباس وعبير ،وربنايتم بالعافية والسلامة

العزيز دفع الله خطاب , تحياتى
ياخى دا أجمل خبر الواحد يسمعو فى مطلع هذا العام , الصديق عباس فتح الرحمن
رجل مميز , وصديق قل أن يجود الزمان بمثله , يحمل هموم الناس بين جوانحه , يقضى
حوائجهم قبل خصوصياته, كأنه نبى فى هذا الزمان الأجدب , جد العروسة محظوظة , ألف مبروك
لها وللصديق عباس , وربنا يتمم ليهم على خير, ويكلل حياتهم بالمحبة والرحمة , طبعا المال
آخر اهتمامات عبس عشان كدة ما جبنا سيرته . بلغه عنى يا خطاب كثير التحايا والحب , وان كان
لديك هاتفه أرجو أن توافينى به , هاتفى موجود على البروفايل .
شكرى وتقديرى لهذا الخبر المفرح .

حقاً انها مفاجأة العام 2008
يا لسعادة الحاجة نورة اولا
ويا لسعادة عبير ثانيافامثال عباس نادرون
ويا لسعادتنا جمعيا
ويا خطاب يبدو انو لى مكانة عالية عند عباس حتى تنال هذاالشرف

الف الف مبروك ومن الان فلنبدأ الاحتفالات

Up

مليون دشليون مبروك للصديق العزيز الأستاذ عباس فتح الرحمن
بس يا دفع الزول ده يدخل تووش طوالي وبدون أي إجراءات
قبل مايفوت فيه الفوات
قال خطوبة قال

إرس أدييييل

إذن ف الديوم الشرقية موعودة بكرنفالات وإحتفالات لاتنتهي

ابو ساندرا

انت الصادق

إرس أدييييل

يا هو البحلنا

ومن الان رتبو حالكم للمشاركة

والله يا ابو ساندرا إنت راجل متفائل خلاص...
يعنى هو لسة ما فات فيهو الفوات..


سعيد أنا حتى الثمالة بهذا الخبر الجميل..

تهانى الحارة والشديدة لصديقى وزميلى الأخ الحبيب الأستاذ عباس
وإنشاء الله ربنا يتمو على خير..

فى إنتظار بقية التفاصيل..


لصاحب الدار ولكل من مر/ت من هنا محبتى
أزهرى

التعديل لحذف حرف الياء التى وردت خطأ فى كلمة إنت فى السطر الأول

الف مبروك صديقي عباس ..
والله الزول ده كان ساجورو عاااااصي ...
الحمد لله انهد آخر اركان العزابة ..


مدونا بتلفونو سريع بالله

علاء الدين حيموره

00966509285299

الاعزاء :

فيصل عثمان.

ابوبكرعثمان.

ابوساندرا.

ازهري .

علاء .

لكم التحيات الطيبات ..واسفين على التاخير عليكم ..مايزال المرء منا مصاب بالجهجهات

بعد العودة .

الاستاذ عباس كما اوردتم حفى بالاحتفال ..وان كنت اعرف انه ينكره على نفسه فى خلق صوفى

متبتل ،اختار لنفسه مغارة ليخلو بها الى ربه.

لا يا ابوبكر عباس فاجأنا فى جلسة بمكتبه فى حضور الاصدقاء عبد الرحمن مدنى ونجيله-

الذى كان يعلم مسبقا-والاستاذ تاج الدين ادريس .فانكرت عليه الامر بان هذا الموضوع

لايعلن هكذا ،بل انه لابد ان يعلن فى بلاغ صحفى.

لكم التحايا مجددا ولعباس والخطيبة البيت الذى يليق بهم .

حطاب....

إزيك شديد .. وأين أنت يا رجل؟؟؟؟


والف مبروك لصاحبك .. وربنا يتمم بخير....


لك الود


عبد الرحمن قوى

الف مبروووووك للأخ عباس فتح الرحمن
وان شاء الله بيت عيال، وأكيد أخونا عباس بيكون كان الزمن دا كلوا بيجمع في المال...


أخوك ورفيق الأيام الجميلة
عبدالجليل عبدالحليم

ناشدنا أبوبكر عثمان :

Quote: ومن الان رتبو حالكم للمشاركة

مرتبين وجاهزين
بس ورونا المطلوب شنو تحديدآ
وحرم قصر الملح

صيوانات عادل شروم جاهزة
وكراسي أزهري توش مزبطة
وبنات الديم سمحات ومتمرات
وكذلك أولاد العمارات
والفنانين شعبي وحفيبة ووتري وجاز ، جاهزين
ولو مالقينا واحد فاضي فإن طارق الأمين ملاذ

ابو ساندرا

يا ها المحرية فيكم

ستبدأ الترتيبات من الآن وسنوافيكمبالتفاصيل اولاً بأول

واولى المشاركات هى حضورالجميع للاحتفالات

الف مبروك للاستاذ

الزميل المحترم

ونقول ليك ياعبس


ربنا يهدم قلعة صاحبنا


عز الدين كونكا كمان.

كلام كبير والله
وخبر شحماااااااااااااااااااااان ومليان
ما عايز أقول مبروك الخطوبة
لأنو مفروض نبارك للخطوبة عباس

مبرووووووك

لك أحضان ممتدة من ذلك الزمن الجميل
إلى حين هذا الحوش الذي يسع هذه اللّمة الجميلة
من الحلوين
مؤكداً أننا سنكون بخير..

مبروك يا عباس.. وشكراً لك على أن كنت سبباً في هذا الفرح جوّانا.. و
تهانينا للمرأة التي اقتحمت قلبك الكبير.. فقد..
ظفرت حقاً

أبوبكر ودفع الله.. منتظرين التكاليف

محبتي وتحيّاتي لكل من فرح لفرح عباس

حمدالله على سلامة الوصول بالسلامه يا خطاب

بعد التهام اللحوم السودانيه وسط انباء الحمى النزفيه والف مبروك لشقيقك الدكتور الصادق بزواجه وانشاء الله بالرفاء والبنين

والف الف مبروك للاستاذ المحامى القدير عباس فتح الرحمن سليل ملوك الكرو وشقيق الشاعر الرقيق الياس فتح الرحمن وعباس من نوع من الناس اختصهم الله بقضاء حوائج الناس فحبب الناس فيه وهو دائما سريع عند الفزع وثقيل عند الطمع والف مبروك للعروسه التى ظفرت بقلب هذا الرجل وربنا يتمه على خير وانشاء الله بيت مال وعيال .

هو عباس فتح الرحمن قاعد فى الصقيعه لغلية اسى؟؟؟؟سنين طويله لم اسمع عنه. على العموم الف مبروك

Quote: وعباس من نوع من الناس اختصهم الله بقضاء حوائج الناس فحبب الناس فيه وهو دائما سريع عند الفزع وثقيل عند الطمع والف مبروك للعروسه التى ظفرت بقلب هذا الرجل وربنا يتمه على خير وانشاء الله بيت مال وعيال .

نعم.. ولن نجد ما نوصفه به افضل مما قاله ودالزين

والله .. كم سعدت بذلك

وربنا يتمم على خير





دفع الله..

عباس بيشتكى من التلفونات قال الناس ما مصدقين

هو ذاتو ما بكون مصدق!!!








على عجب..

عزالدين براهو....

شوف كيمان المحامين العزابة باليل فى الدار بس


ديل دايرين انهيارات جليدية عديل

كتار الما مصدقين

واحد إتصل بى عايز يستوثق من الخبر عشان يمشى يبارك للحاجة فى البيت

مشاركة الجميع تكون بتدبير اجازاتهم من الان والحضور لمهرجان الاحتفالات وبس