Post: #1
Title: زمبارة مــــامــــــان
Author: Al-Shaygi
Date: 01-05-2008, 11:11 PM
صديق عمري وعضوو البورد MAMAN
الشايقي
|
Post: #2
Title: Re: زمبارة مــــامــــــان
Author: abdulhalim altilib
Date: 01-05-2008, 11:36 PM
Parent: #1
صديقي العزيز الشايقي ،
كل سنة وإنت طيب ،
وكل عام وإنت بخير ،
وكل عام وصديقك العزيز
وزميلنا مامان بألف خير .
و .. فهِّـِّـمني بلا زعل !!؟؟
مودتي ،
( ليمو )
|
Post: #3
Title: Re: زمبارة مــــامــــــان
Author: Muna Khugali
Date: 01-06-2008, 02:00 AM
Parent: #2
ماله مامان؟
خير ان شاء الله..
كل سنه وانت طيب..
|
Post: #4
Title: Re: زمبارة مــــامــــــان
Author: Al-Shaygi
Date: 01-06-2008, 02:10 PM
Parent: #1
ماله مامان
كوييييس وما عنده عوجة
الحكاية كلها جابته بت بدس
وخلتني أكتشف أكتشاف خطير
بجيكم بالتفاصيل بعدين.
شكراَ الأميرة بت عوض خوجلي
دايماَ سباقه للسؤال وما تشفقي مامان كويس
صديقي وزميل غربتي ليمو
كيفك يا جدو
إنشاء الله كويس والعيال كويسين
تحياتي
برجع ليكم بس أرتاح لي شوي من الشغل أصلي دابي راجع وداير أنوم.
ألعن أبو الإدمان.....
الشايقي
|
Post: #6
Title: Re: زمبارة مــــامــــــان
Author: Al-Shaygi
Date: 01-06-2008, 05:40 PM
Parent: #1
مامان أخي وصديقي
تخيلت أنني أعرف كل ما يتمتع به من مميزات وما يملك من أبداع...!!!!
أعرفه شاعراَ،، ملحناَ،، عازفاَ محترفاَ للطمبور ،،، وقالوا زمان كان قاعد يغني.....
حفظاَ لكم هائل من الأشعار الفصحى والعامية والكثير الكثير من المدائح النبوية خاصة لحاج الماحي.
نكاد نلتقي يومياَ ورغم ذلك لا ينام أحدنا قبل أن يرفع سماعة الهاتف لعشرة ونسه قبل النوم.
ومثلها عندما نصحو لدرجة أن هاتفي بمجرد ما أعاين ليه يرن لي ماما نمامان مامان!!!
مساء الأمس كان موضوعنا البورد وبت بدس ثم إنحرف الحديث إلى المزمار أو الزمباره ،، شكلها وتركيبتها ونغماتها الدادفئة والفرق بينها وبين الناي!!!
فجأة قال لي دقيقة.....
أنتظرت دقائق ....
حتى جائني صوت الزمبارة يتدفق عبر الهاتف فيبعث في دفئاَ في زمهرير شتاء الرياض وصوت الهواء يزمجر خارج النوافز ويطرقها وكأنه يتهددني بكسر الزجاج ومعاجمتي ويعرف مدي جبني وخوفي منه (البريد).
أحترت هل قام مامان بنكت كراتين الشرائط وأخرج تسجيلاَ قديماَ لعزف على الزمبارة؟؟؟؟
أنتظرت حتى إنتهت المقطوعة وزاد أستغرابي أنه لم ينطق بكلمة أثناء العزف...
يا زول مشيت وين والشريط لميت فيه وين...
جائني صدى ضحكته المجلجة وقال: الزمبارة هادي معاي...
مش معقول وكمان بتعزف عليها؟؟؟؟
وضعت السماعة وأستعدلت الكي بورد وفتح البوست...
الغريب في الأمر ويبدوا أن توارد الخواطر فعل فعله اليوم بتصفح في المنبر لقيت موضوع بت بدس على الصفحة الأولى لم يقل لي أنه سيكتب عنها ولكن حدث وهذه هي قصة زمبارة مامان.
حكاويه لا تنتهي بس الله يقدرني وأحاول أجيب البقدر عليه ...
فتكم بي عافيى
الشايقي
|
Post: #7
Title: Re: زمبارة مــــامــــــان
Author: اسعد الريفى
Date: 01-06-2008, 05:48 PM
Parent: #1
الشايقى
تحياتى و اشواقى
ياخى انتو زى جراب الحاوى
هسع مامان دا .. كوم مواهب مدفونة و فى الاركان منسية ..
و انت يا الشايقى ..
منو البعرف انك راجل فنان و رسام .. أخطاء الطريق للادارة و الحسابات ..
منو البعرف جمعك للكتب التاريخية واهتمامك بالتراث ..
انفضوا عنكم الغبار ..
و أدهشونا..
فى هذا الزمان العادى !
لكم ودى و تقديرى
|
Post: #8
Title: Re: زمبارة مــــامــــــان
Author: Al-Shaygi
Date: 01-06-2008, 05:55 PM
Parent: #1
أبو السعود
مرحب بيك في قبيلة بت بدس !!!
قلت لي في الزمن العادي
حليل الرسم وحليل البال الرايق
باقي ليك زول مربوط في ساقية ليل نهار بكون عنده يد يمسك بيها ريشه ولا حتى قلم رصاص؟؟؟
حضارات سادت ثم بادت....
الشايقي
|
Post: #9
Title: Re: زمبارة مــــامــــــان
Author: Al-Shaygi
Date: 01-06-2008, 11:24 PM
Parent: #1
يا بت بدس
تلحقنا وتفزعنا
الشايقي
|
Post: #10
Title: Re: زمبارة مــــامــــــان
Author: محمد مكى محمد
Date: 01-07-2008, 00:47 AM
Parent: #1
جينا نزمبر معاك وكل سنه وانت طيب...
......
لسه محندكنا بملاح الخدره ده?
|
Post: #11
Title: Re: زمبارة مــــامــــــان
Author: Al-Shaygi
Date: 01-07-2008, 05:55 AM
Parent: #1
Quote: جينا نزمبر معاك وكل سنه وانت طيب...
......
لسه محندكنا بملاح الخدره ده? |
الأخ محمد مكي
صباحك خير
ومرحب بيك مع زمبارة مامان
أدخل جاي وأتوهط
في الأول مد يدك على القراصة والملاح الأخدر
وبعدين نسمع ونطرب لنخرج من غابات الأسمنت والغرف التي حدت من أبصارنا وجمدت عقولنا
إلى بوادينا الجميلة نستمع للزمبارة وونملأ عيوننا بالفضاء الشاسع ونستنشق عبير زهور الربيع المتفتحة...
ياخ مالك دايرني ما أمشي الشغل الصباح ده
كدي خلينا لامن نرجع بعدين
فتك بي عافية
الشايقي
|
|