الاخت انعام عبد الحفيظ - الاخ فرح - والحيموريتان ( اشراقة وانعام)

الاخت انعام عبد الحفيظ - الاخ فرح - والحيموريتان ( اشراقة وانعام)


01-05-2008, 11:52 AM


  » http://sudaneseonline.com/cgi-bin/sdb/2bb.cgi?seq=msg&board=150&msg=1199530327&rn=0


Post: #1
Title: الاخت انعام عبد الحفيظ - الاخ فرح - والحيموريتان ( اشراقة وانعام)
Author: الطيب شيقوق
Date: 01-05-2008, 11:52 AM

لدى وصولي مطار الخرطوم في رحلة العودة الى مدينة مسقط في اليوم الثالث من شهر يناير 2008 م كانت قمة سعادتى ان التقي الاخت الفاضلة انعام عبد الحفيظ والاخ الفاضل فرح (محمد) ومجموعة من الزميلات الفضليات اذكر فيهن واحدة حلبية كده دمها خيف وظريفة تشبه نانسي عجاج عديل كده بس اسمها ما بتذكرو من اسماء ناس الخرطوم 2 والرياض والطائف . كانت ايضا الاخت الرائعة اميمة التي لم تخف دهشتها من حميمية اللقاء بيننا كاشخاص لم يتقابلوا من قبل الا من خلال هذه المساحة الاسفيرية.

كانت حسرتي اننى لم التقى بالاختين اشراقة وانعام ( الحيموريتين) رغم تكبدهن مشاق الرحلة الى المطار في ساعات الذروة المرورية فلهن منى خالص شكري وعميق امتناني .

التقيت الاخ فرح والاخت انعام وكاننا قد تربينا في اسرة واحدة . المدهش حقا ان اعضاء المنبر العام حينما يلتقوا يكونوا عادة شغوفين للتحدث عن مواضيع المنبر واعضاء المنبر . وحتما هنالك اسماء لها حضور دائم في جميع تلك اللقاءات مثلا :

منى خوجلي واخوتها ( ربنا يكفيهن عين الحسود)
الاخت عواطف اسماعيل بمواضيعها المثيرة للجدل
الاخوة اهل البطانة بقيادة سمية بت الحسن ود طلحة
الاخوة والاخوات الحيموراب ( يحفظهم الله)
الاخ هاشم ود خلف الله بنرجسيتو المعهودة
الاخت سلمى الشيخ سلامة والاخت سلمى حسن عباس صبحي .
الاخ حادى ركب المنبر العام الباشمهندس ابو بكر سيد احمد - ده برضه بناسو ناس ابو جهينة وولياب وغيرهم من الرطانة
الاخ محمد المرتضى حامد الحاضر الغائب في جميع لقاءات الاعضاء لا سيما ان كانت المسائل فيها خلط وتكييس فالملتقون هنا لا يسمعون صفارة الانذار ولا حتى يأبهون الى اشارات المرور الحمراء لان الحب في المنبر العام هو بوست التزود بالجرعات الجابت خبر كلنتون .

الاخوة منصور المفتاح وجماعتو خالد ود المنسي ومحمد على طه المك
الاخوة ناس طوكيو - ميرغني وحيدر

الاخت تراجي هيييييييييييييع في ناس ذاكرنها بالخير وناس بالشر انا من الاوائل يا تراجي وما يمهمك قولي الزارعنا غير الله اليجي يقلعنا .

الاخ الجميل احمد القرشي والصديق احمد طراوة .

جاييييييييييكم اصلو بكري ابو بكر خرب طبعنا الواحد يكون في الاجازة مع ام اولادو ويكون بالو في المنبر العام.

انقل اليكم احر التحايا الودية من الاخ الشقيق والعضو السابق احمد حماد ادريس الذى لم يفارقني طيلة ايام الاجازة مجاملا في احتفالات زواج ابنائي بالدندر .




Post: #2
Title: Re: الاخت انعام عبد الحفيظ - الاخ فرح - والحيموريتان ( اشراقة وانعام)
Author: انعام حيمورة
Date: 01-05-2008, 11:58 AM
Parent: #1

الف حمد لله على السلامة ...

والف مبروك للعرسان .. والله يجيب يوم شوفتك ..

تحياتي .. الظروف المارة بينا الايام دي هي السبب والله ..


الف الف حمد لله على السلامة وتحياتي لناس مسقط كلهم وخاصة بيضاب والاسرة وسمية الحسن طلحة واسرتها

Post: #3
Title: Re: الاخت انعام عبد الحفيظ - الاخ فرح - والحيموريتان ( اشراقة وانعام)
Author: هاشم أحمد خلف الله
Date: 01-05-2008, 12:00 PM
Parent: #1

حبيبنا ابو العرسان حمداً لله علي سلامة الوصول
والله إفتقدناك كتير ونعلم ظروف الزواج وعبرك
ارسل تحياتي لبورداب الخرطوم وناس الخرطوم بالجد بتحبو

Post: #5
Title: Re: الاخت انعام عبد الحفيظ - الاخ فرح - والحيموريتان ( اشراقة وانعام)
Author: الطيب شيقوق
Date: 01-05-2008, 12:13 PM
Parent: #3

هشومى الحلو كيفك

والله يا هاشم غايتو ما عارف دى نعمة ولا نغمة بقينا في الدنيا دى ما بنحب غيركم والواحد بقى يمشى ويجلس وسط اهله زى الابله يعاينو ليك ويتفرجوا في هبالتك وانت بتتفرج فيهم هم ذاتهم الما طاقوا طعم المنبر العام - انا يا هاشم اخوى بقيت اشفق واحن لاى حد ما ود فرصة يدخل هذا العالم الجميل بناسو والجميل بمواضيعو والجميل بحنانو والجميل بكل حاجة في هذه الدنيا .

تخيل ان ياتيك اخوة واخوات في مطار الخرطوم ويكونوا جايين مشوار خاااااااااااص ليك انت الشقيق الاسفيري الما شافوك اصلا وتخيل حميمية اللقاء .

انا غايتو حاسي بعد شوية تكون من شروط زواج العضو للبنت او العكس ان يكون الطرف الاخر عضو في المنبر العام وديل لو تزاوجوا ما بكون عندهم ونسه وشمارات غير تراجي قالت ومنى خوجلي كتبت وهشام هباني قال واخر الليييييييييييل يقلبوا ليك الحكي في بوست الحب في المنبر العام .

الاخت الجميلة انعام حيمورة .

الله يحفظك ويديك العافية وكم كنت متشوق للقاء بك والاخت اشراقة الاميرة لكن ربنا يلزمكم الصبر في فقيدكم يا انعام وستبلغ تحاياك للاخوة بيضاب وسوسن .

عميق مودتى

Post: #39
Title: Re: الاخت انعام عبد الحفيظ - الاخ فرح - والحيموريتان ( اشراقة وانعام)
Author: انعام عبد الحفيظ
Date: 01-08-2008, 11:12 AM
Parent: #5

Quote: تخيل ان ياتيك اخوة واخوات في مطار الخرطوم ويكونوا جايين مشوار خاااااااااااص ليك انت الشقيق الاسفيري الما شافوك اصلا وتخيل حميمية اللقاء .


الطيب شيقوق

من الأصدقاء الجميلين الكانو في انتظارك

اسماعيل حميم واشراقة حيمورة ولإرتباطهم بمواعيد مسبقة

اضطروا للذهاب واكتفوا بمقابلتك عبر الهاتف فقط

واعتذرت انعام حيمورة عن الحضور لظرف طارئ

اتمنى ان نلتقي ثانية وفي وقت أرحب

Post: #115
Title: Re: الاخت انعام عبد الحفيظ - الاخ فرح - والحيموريتان ( اشراقة وانعام)
Author: انعام عبد الحفيظ
Date: 01-15-2008, 11:29 AM
Parent: #3

Quote: ارسل تحياتي لبورداب الخرطوم وناس الخرطوم بالجد بتحبو


شكراً يا هاشم وتحياتنا للمدام

وفي انتظارك في الإجازة بـ توب تمبس

Post: #4
Title: Re: الاخت انعام عبد الحفيظ - الاخ فرح - والحيموريتان ( اشراقة وانعام)
Author: مجاهد عبدالله
Date: 01-05-2008, 12:08 PM
Parent: #1

أستاذنا العظيم ودشيقوق

حمدلله على السلامة ومبروك زواج جنياتك..

ومنتظرين كل الأخبار ..

الود ..

Post: #6
Title: Re: الاخت انعام عبد الحفيظ - الاخ فرح - والحيموريتان ( اشراقة وانعام)
Author: الطيب شيقوق
Date: 01-05-2008, 12:24 PM
Parent: #4

الاخ العظيم مجاهد ود عبد الله - الدنقلاوي

كيفنك ياخى

والله يا مجاهد اخوى جنس هيصة وحت عجيب انا والسمحة ام ولدى خاصة ساعة الفنان صديق سرحان غنى لينا عصار المفازة اخوك مسك السيف وعرض في ام العرسان ورايحة دابلاني بشبال هواهو عصار بس .

وبعد شوية اخوك طلع فوووق مع الفنان حت رهيييييييييب ومسكت ليك المايك وحييت اول ما حيين اعضاء المنبر العام حتى العرب استغربوا قايلين في ضيوف اسمهم اعضاء المنبر العام وسألوني قالوا لى انت اعضاء المنبر العام الحييتهم بالمايك ديل شنو ؟قلت ليهم ديل منكر ونكير مالكم ومالهم خليكم غاتسين في غفلتكم دى .

جايييييييييييك تاني يا مجاهد

Post: #7
Title: Re: الاخت انعام عبد الحفيظ - الاخ فرح - والحيموريتان ( اشراقة وانعام)
Author: ابو جهينة
Date: 01-05-2008, 12:30 PM
Parent: #6

عزيزي الطيب

كل عام و أنتم بخير
و ألف حمد لله على السلامة

بصراحة بوردابيات و بورداب الخرطوم بيرفعوا الراس ... خصوصا ال ذكرتهم ديل

دمتم

Post: #35
Title: Re: الاخت انعام عبد الحفيظ - الاخ فرح - والحيموريتان ( اشراقة وانعام)
Author: انعام عبد الحفيظ
Date: 01-08-2008, 10:43 AM
Parent: #7

أستاذنا أبو جهينة

تسلم انشاء الله وأرجو ان نكون دوماً عند حسن ظنكم

Post: #8
Title: Re: الاخت انعام عبد الحفيظ - الاخ فرح - والحيموريتان ( اشراقة وانعام)
Author: خالد علي محجوب المنسي
Date: 01-05-2008, 12:35 PM
Parent: #6

جد العول العريبي الجميل
الطيــــــب ود شيقوق
تحية مباركة وسلااام
ألف حمدالله على سلامة العودة بعد أن قضيت أجمل الأيام فرحة وبهجة بين أهلك. زواج الأبناء وعيد الأضحى وكل كوم الاعياد التي جاءت من بعده وصولاً لعيد لقاء أعضاء المنبر في مطار الخرتوم.

جداول الشوق لك نزلت جليد وسال تدفق في الوديان يا جميل
لك التحية وتحياتنا لكل أهل مسقط

خالد

Post: #9
Title: Re: الاخت انعام عبد الحفيظ - الاخ فرح - والحيموريتان ( اشراقة وانعام)
Author: الطيب شيقوق
Date: 01-05-2008, 03:41 PM
Parent: #8

الاخ الاستاذ ابو جهينة

كل عام وانت والاولاد بالف خير

انها الحقيقة بورداب الخرطوم وخاصة الوارد ذكرهم لم تعد العلاقات الاسفيرية لديهم صداقة او ملاطفة من نمط عارض وإنما علاقة لا تقل باى حال من الاحوال من العلاقات التقليدية .

تخيل اخي العزيز كم من العنت والمشقة عانوه لاستقبال او لمقابلة اخوتهم الاعضاء في منازلهم او كما هي حالي في المطار . بالمناسبة ما ذكرتهم منهم جزء منهم طايبته هاتفيا واخطرتهم بمواعيد الاقلاع وجزر من الذين حضروا سمعوا من غيرهم . وما احلاها لحظة عندما يقدم لك كل منهم نفسه بكل حميمية وفرحة . ( انا انعام عبد الحفيظ) فعلا انت انعام المتاصلة فيها كل معاني الاصالة الاسفيرية المستوحاة من اصالة سودان رأفت ميلاد في زمن الطرواة .

الاخ خالد محجوب المنسي

هيييييييييع امان اخوك ما حتاهو حت يجنن فكانت العرضة الريفية والحتة البندرية بس اخوك لقى نفسه ما مواكب الحت الحديث . لكن لما الفنان غنى لينا اغنية سال من شعرها الذهب اخوك بقى اطرش واعمى .
طبعا كان هنالك حضور لبعض الصحفيين وسجلوا انطباعاتهم عنها في الصحف وشكرنا عبرهم جميع اعضاء المنبر العام . سوف يتم عرض صفحة الشكر في مراحل لاحقة هنا انشاء الله .

كل عام وانتم بالف خير

Post: #114
Title: Re: الاخت انعام عبد الحفيظ - الاخ فرح - والحيموريتان ( اشراقة وانعام)
Author: انعام عبد الحفيظ
Date: 01-15-2008, 10:25 AM
Parent: #8

Quote: وكل كوم الاعياد التي جاءت من بعده وصولاً لعيد لقاء أعضاء المنبر في مطار الخرتوم.



خالد محجوب

وأعيادنا تكتمل بحضوركم

Post: #10
Title: Re: الاخت انعام عبد الحفيظ - الاخ فرح - والحيموريتان ( اشراقة وانعام)
Author: Alshafea Ibrahim
Date: 01-05-2008, 04:06 PM
Parent: #1

ود شيقوق :
أيامكم كلها أعياد واحتفالات ومناسبات سعيدة متعك الله بالصحة لترى وتربى أولادهم كمان . لك ولهما (العرسان) خالص الود وأصدق التحية .. ولو بهناك بطلاق نمشي ونعزمهم وسط أهلهم وعشيرتهم عندنا ... خالص شكرنا وعودا حميدا .
أخوكم
الشفيع

Post: #11
Title: Re: الاخت انعام عبد الحفيظ - الاخ فرح - والحيموريتان ( اشراقة وانعام)
Author: الطيب شيقوق
Date: 01-05-2008, 06:55 PM
Parent: #10

ابن عمي الشفيع

الله يطول عمرك ويخليك والفرح فرحك والعرسان اولادك - والله يا الشفيع العرس جاب كترة ناس ما بعرفهم ذاتهم . في واحد من اهلك القواسمة جاء وبدأ يضرب سلام من طرف الحلة لحدى مكان العرس وكان مبسوط وهائج . سألت منو قلت ليهم ده منو ؟ قالوا لي ده صلاح محمد على (ابو نوز) كلما يسمع عرس او مناسبة قاسمى بمشى ليها بدون دعوة .

تدوم ايامك افراحا مع تحياتي على الاولاد وجميع العول هناك .

Post: #12
Title: Re: الاخت انعام عبد الحفيظ - الاخ فرح - والحيموريتان ( اشراقة وانعام)
Author: حيدر حسن ميرغني
Date: 01-05-2008, 07:00 PM
Parent: #11

شكرا ليكم جميعا

Post: #13
Title: Re: الاخت انعام عبد الحفيظ - الاخ فرح - والحيموريتان ( اشراقة وانعام)
Author: الطيب شيقوق
Date: 01-05-2008, 07:10 PM
Parent: #12

الا خ حيدر حسن ميرغني

شكرا على مرورك يا جميل وقول لفلان داااااااااك البلاقيك متشمر تلاقيهو عريان عديييييييل كده .

Post: #14
Title: Re: الاخت انعام عبد الحفيظ - الاخ فرح - والحيموريتان ( اشراقة وانعام)
Author: خالد علي محجوب المنسي
Date: 01-05-2008, 07:14 PM
Parent: #12

Quote: طبعا كان هنالك حضور لبعض الصحفيين وسجلوا انطباعاتهم عنها في الصحف وشكرنا عبرهم جميع اعضاء المنبر العام . سوف يتم عرض صفحة الشكر في مراحل لاحقة هنا انشاء الله .


ها زوووول ها ... إت عندك منو في الحِيكومة دي ؟
والله يا ود الشيقوق مشتهي لي صبحية بي دلوكي وصوتا برا ومتلف توبي والطاقية تحت الحاجب المعقود أملخ زين كريعاتي في العرضة والصوقير وإنجلدي كم صويت كدي .. الضهر باقي دبر من الكنكشا تحت البطانية من قر البرد والزيفا .. عليك أمان الله اليومين عندنا جنس زيفة إن بقى لاقيت اخوك قلدتّو شديد امكن تكسرّو زيفة تنشف وتجمد القداما كلو والله يستر متوقع في النصف الثاني من شهر يناير أن تتدنّا درجات البرودة لحدي -20

Post: #15
Title: Re: الاخت انعام عبد الحفيظ - الاخ فرح - والحيموريتان ( اشراقة وانعام)
Author: الطيب شيقوق
Date: 01-05-2008, 07:56 PM
Parent: #14

Quote: مشتهي لي صبحية بي دلوكي وصوتا برا ومتلف توبي والطاقية تحت الحاجب المعقود أملخ زين كريعاتي في العرضة والصوقير وإنجلدي كم صويت كدي ..


ود المنسي بطلاق تشوفك الخواجية بتاعتك بالحالة دى توديك المصحة تقول زولي فقد الوعي طااااااااااب .

ات تاني ماك زول دلوكي ات بس زول دلكي ساااااااااااااى

Post: #16
Title: Re: الاخت انعام عبد الحفيظ - الاخ فرح - والحيموريتان ( اشراقة وانعام)
Author: الطيب شيقوق
Date: 01-06-2008, 07:24 AM
Parent: #15

فوق بورداب الخرطوم

Post: #17
Title: Re: الاخت انعام عبد الحفيظ - الاخ فرح - والحيموريتان ( اشراقة وانعام)
Author: أبو الحسين
Date: 01-06-2008, 09:21 AM
Parent: #1

الجميل الطيب شيفوق...

قالو أصلو الفراش ماب يِتلم إلا علي جيهة الزهر والناضر كمان...

التحية عبرك للأخت إنعام والأخ فرح والحليووونة المعاهم...

وكيف كان مناي أقابل الأخت إنعام عبد الحفيظ في إجازتي الفاتت لكن الله ما أرد... نسأل الله يجمعنا في ساعة خير...

قلت لي قلت لي صاحبي ود المنسي شنو:

Quote: ات تاني ماك زول دلوكي ات بس زول دلكي ساااااااااااااى


الله يجازي محنك خليتني أفتفت من الضحك

لك ولجميع عرب مسقط قواسيب مودتي...


أبو الحُسين...

Post: #18
Title: Re: الاخت انعام عبد الحفيظ - الاخ فرح - والحيموريتان ( اشراقة وانعام)
Author: الطيب شيقوق
Date: 01-06-2008, 09:31 AM
Parent: #17

الاخ ود الحسين

Quote: قالو أصلو الفراش ماب يِتلم إلا علي جيهة الزهر والناضر كمان...


يديك العافية


Quote: التحية عبرك للأخت إنعام والأخ فرح والحليووونة المعاهم...


يجازي محنك انت ذاتك تقول عليك شغال مخابرات مع ناس الاف بي آي كيف صورت هذا المشهد الجميل


يا اخوى ود المنسي ده بلعلع سااااااااى بقديمه لكن الخواجية دى حاكراهو حكرة تمام ربنا يطول عمرها المسكت مننا بلاء .

Post: #19
Title: Re: الاخت انعام عبد الحفيظ - الاخ فرح - والحيموريتان ( اشراقة وانعام)
Author: خالد علي محجوب المنسي
Date: 01-06-2008, 11:54 AM
Parent: #18

Quote: يا اخوى ود المنسي ده بلعلع سااااااااى بقديمه لكن الخواجية دى حاكراهو حكرة تمام ربنا يطول عمرها المسكت مننا بلاء .


هيييييييييييييييييييييييييع أنا الشافو خلّو
أنا رحل الكحل ومتين إميّل
أنا المرض البخلّي العين تسيّل
أنا الدابي إن رصد لي الزول إعيقو

تقدر علي خواجية الحق كدي في بلدها قادرة علي لكن لما نمشي عاد أنجما نجام قبورا


Post: #20
Title: Re: الاخت انعام عبد الحفيظ - الاخ فرح - والحيموريتان ( اشراقة وانعام)
Author: الطيب شيقوق
Date: 01-06-2008, 12:00 PM
Parent: #19

Quote: لكن لما نمشي عاد أنجما نجام قبورا


ود املنسي الممسوخ ومسلط الله يسخطك زيادة خليتنيني اضحك في المكتب لحدى الموظفين كلهم جوا مستغربين.

Post: #21
Title: Re: الاخت انعام عبد الحفيظ - الاخ فرح - والحيموريتان ( اشراقة وانعام)
Author: خالد علي محجوب المنسي
Date: 01-06-2008, 12:00 PM
Parent: #19

Quote: قلت لي قلت لي صاحبي ود المنسي شنو:

أبوالحسين العريــــس كيفنك
تحياتنا مطر وأشواقنا هطالّه
تعرف زولك العريبي دا شديد شدّا في قبيض القبور
ما تشوف إدياتو ديل عليك أمان الله لما يوقّي اليد جب جب أقبض القبورا
شفتا كيف شغلو نضيف من الدندر أتصل بي الجماعة واحد واحد ينتظروا في المطار
وقال لي أم الوليدات مافي داعي تمشي معاي الخرتوم أقعدي شوفي مُشهادك بعد العرس
ولقا الهوى وضرا ضرا لامن ندهو في الميكرفون ( الطيب الشيقوق الطيب الشيقوق ها زول طيارتك خاترا )

Post: #22
Title: Re: الاخت انعام عبد الحفيظ - الاخ فرح - والحيموريتان ( اشراقة وانعام)
Author: الطيب شيقوق
Date: 01-06-2008, 08:13 PM
Parent: #21

Quote: Quote: لدى وصولي مطار الخرطوم في رحلة العودة الى مدينة مسقط في اليوم الثالث من شهر يناير 2008 م كانت قمة سعادتى ان التقي الاخت الفاضلة انعام عبد الحفيظ والاخ الفاضل فرح (محمد) ومجموعة من الزميلات الفضليات اذكر فيهن واحدة حلبية كده دمها خيف وظريفة تشبه نانسي عجاج عديل كده بس اسمها ما بتذكرو من اسماء ناس الخرطوم 2 والرياض والطائف . كانت ايضا الاخت الرائعة اميمة التي لم تخف دهشتها من حميمية اللقاء بيننا كاشخاص لم يتقابلوا من قبل الا من خلال هذه المساحة الاسفيري



Quote: ؟؟؟وبعدين ناس الخرطوم 2 والطائف بسمو منو كونداليزا مثلا ؟؟؟؟


ضحكتني الله يمسخك ازول والله البنية دى اسمها اصعب من كوندا اسم مزدوج ما بتنطق ليك الا تلوي لسناك بالجنبة .

Quote: بعدين الشباب الجميل دة القابلك في المطار والماقبابلتهم بنات حيمورة لولاهم حتي النيل الابيض والازرق كانت بقت انهار جافة ....


بنات حيمورة يا الرطاني ديل الله يخليهن وبس

Quote: اها شن سويت في النهر الجاف ما رشيتو شوية كوكا كولا وبيبسي باقي العرس ؟؟؟


ات عارف انا مشيت صورت ليك النهر الجاف عشان تشوف ربنا الجعل سره في اضعف خلقه - النهر الجاف فاض هذا العام نكاية بكم يا معشر الرطانة .

Post: #23
Title: Re: الاخت انعام عبد الحفيظ - الاخ فرح - والحيموريتان ( اشراقة وانعام)
Author: الطيب شيقوق
Date: 01-07-2008, 12:05 PM
Parent: #22

هاى

Post: #24
Title: Re: الاخت انعام عبد الحفيظ - الاخ فرح - والحيموريتان ( اشراقة وانعام)
Author: ود محجوب
Date: 01-07-2008, 01:22 PM
Parent: #23



يا عريبى لقيتا

بتنا انعام عبد الحفيظ بجلالة قدرها تجى تستقبلك



دا اخر زمن







مبروك للاولاد

ونشوفك جدو قريب

Post: #25
Title: Re: الاخت انعام عبد الحفيظ - الاخ فرح - والحيموريتان ( اشراقة وانعام)
Author: مجدي عبدالرحيم فضل
Date: 01-07-2008, 01:41 PM
Parent: #24

الأخ العزيز شيـــخ العرب ود شيقوق

أولا : مبروك للعرسان

ثانيأ : أسدك القدام الباب ده مخوفنا من الدخول الي حضرة جنابك

حمدا علي سلامة الوصول وعبرك نحي بورداب الخرطوم من علي البعد وهم وهن أكثر من الروعة ليه حدها

،،،،أبوقصى،،،،

Post: #96
Title: Re: الاخت انعام عبد الحفيظ - الاخ فرح - والحيموريتان ( اشراقة وانعام)
Author: انعام عبد الحفيظ
Date: 01-13-2008, 07:04 AM
Parent: #24

الشقيق ود محجوب

سلام وإحترام

بالله انت في البلد؟

Post: #98
Title: Re: الاخت انعام عبد الحفيظ - الاخ فرح - والحيموريتان ( اشراقة وانعام)
Author: ود محجوب
Date: 01-13-2008, 07:30 AM
Parent: #96

Quote: الشقيق ود محجوب

سلام وإحترام

بالله انت في البلد؟



الأخت الفاضلة انعام


كل سنة وانتى بخير


تحياتى للجماعة ((بغضهم وغضيضهم))


لا والله يا انعام لسه متوكر فى ديارا ما ديارى

Post: #120
Title: Re: الاخت انعام عبد الحفيظ - الاخ فرح - والحيموريتان ( اشراقة وانعام)
Author: انعام عبد الحفيظ
Date: 01-16-2008, 10:37 AM
Parent: #98

ود محجوب

سلامات


Quote: تحياتى للجماعة ((بغضهم وغضيضهم))


دا لو كنت يشوفهم !!!!!!!!!!!

بيني وبينك القرف حاصل وبقينا قاعدين بعيد شوية


ربك يلطف بينا جميعاً

Post: #28
Title: Re: الاخت انعام عبد الحفيظ - الاخ فرح - والحيموريتان ( اشراقة وانعام)
Author: abubakr
Date: 01-07-2008, 03:16 PM
Parent: #22

.
Quote: ضحكتني الله يمسخك ازول والله البنية دى اسمها اصعب من كوندا اسم مزدوج ما بتنطق ليك الا تلوي لسناك بالجنبة .


يا عرريب وبهدوء شديد انت وين مداخلتي هنا الانت بتضحك منها .. كدة فتش وين انا قت كدة ؟؟؟ ما تقول هاكر والا والا .. انا ما عندي واحد يهكر اسمي .. يسوي بي شنو ؟؟؟

Post: #37
Title: Re: الاخت انعام عبد الحفيظ - الاخ فرح - والحيموريتان ( اشراقة وانعام)
Author: انعام عبد الحفيظ
Date: 01-08-2008, 11:01 AM
Parent: #17

ابو الحسين العريس

لا حولاااااااااااا اها الليلة طلعت من وين؟

Quote: وكيف كان مناي أقابل الأخت إنعام عبد الحفيظ في إجازتي الفاتت لكن الله ما أرد... نسأل الله يجمعنا في ساعة خير...



غايتو يا ابو الحسين اتلومت فينا لمن جيت الخرطوم

لا تلفون لا سؤال والكان ممكن يجيبوك كتااااااار وانت عارف

اظنها عزومتك لينا لعرسك كانت عزومة مراكبية ساااااااااااي


تسلم يا ابو الحسين وانا كمان اتمنيت الاقيك وسنلتقي لو في العمر بقية

Post: #26
Title: Re: الاخت انعام عبد الحفيظ - الاخ فرح - والحيموريتان ( اشراقة وانعام)
Author: طارق جبريل
Date: 01-07-2008, 02:30 PM
Parent: #1

على سبيل التحية للجميع
كل عام وانتم بالف خير

Post: #42
Title: Re: الاخت انعام عبد الحفيظ - الاخ فرح - والحيموريتان ( اشراقة وانعام)
Author: انعام عبد الحفيظ
Date: 01-08-2008, 11:51 AM
Parent: #26

Quote: على سبيل التحية للجميع
كل عام وانتم بالف خير


اهلين طارق

وانت بألف خير يا عزيزي

واتمنى تكون سنة حلوة عليك

Post: #27
Title: Re: الاخت انعام عبد الحفيظ - الاخ فرح - والحيموريتان ( اشراقة وانعام)
Author: ماجدة عوض خوجلى
Date: 01-07-2008, 02:45 PM
Parent: #1

الف حمدلله على السلامة ودشيقوق ومبروك تانى عليكم
وربنا يخليهم ناس الخرطوم ناس جمليين وصافيين والخوة والمحبه لله مافى اجمل منها
ومافى اجمل من السيرة الطيبة بين الناس وعن نفسى بعرف بعض منهم معرفة شخصيه وبعض من المنبر
لكن البعرفم اساسا والعرفتهم من هنا بحبهم كتير
تسلم ودشقوق يارب انت والسمحة ام ولدك ويسلمو كل المرو من هنا وكل عام وانت وهم بخير

Post: #29
Title: Re: الاخت انعام عبد الحفيظ - الاخ فرح - والحيموريتان ( اشراقة وانعام)
Author: الطيب شيقوق
Date: 01-07-2008, 03:22 PM
Parent: #27

ود محجوب الممسوخ الله يمسخك زيادة

ات ما عارف ان الله يعز من يشاء مالك حاسدني في ها العز - انعام يا ود محجوب اخوى انسانة بكل ما تحمل هذه الكلمة من معنى ربنا يخليها منكم انتو ديل ايها الاشرار

الاخ مجدي عبد الرحيم

كتر خيرك يا ود عمي واسدى بيعرف ناسو وهم عينة ناس ود محجوب اما انت سيد بيت وبيعرف ريحتك من بعيد


الاخ طارق

شكرا على مرورك البهي

الاخت العزيزة ماجدة بت العوض

والله كلو من فيضك - اما السمحة ام ولدى بتحييكم كلكم لكن ات عارفة لما اولادها سافروا لشهر العسل غارت منهم وقالت لي ايش رايك نمشى برضو خربانة خربانة قلت ليها هييييييييييع عافي منك لكن..

Post: #97
Title: Re: الاخت انعام عبد الحفيظ - الاخ فرح - والحيموريتان ( اشراقة وانعام)
Author: انعام عبد الحفيظ
Date: 01-13-2008, 07:28 AM
Parent: #27

ماجدة العزيزة

سلامات وليك وحشة اخبارك مقطوعة ليها زمن ولا انا الغائبة؟

مشتاقة ليك يا حبيبة

Post: #30
Title: Re: الاخت انعام عبد الحفيظ - الاخ فرح - والحيموريتان ( اشراقة وانعام)
Author: ماجدة عوض خوجلى
Date: 01-07-2008, 03:54 PM
Parent: #1

Quote: والله كلو من فيضك - اما السمحة ام ولدى بتحييكم كلكم لكن ات عارفة لما اولادها سافروا لشهر العسل غارت منهم وقالت لي ايش رايك نمشى برضو خربانة خربانة قلت ليها هييييييييييع عافي منك لكن..


والله يحق ليها عارف تجديد الاحداث السعيدة البتمر فى حياتنا مهم شديد وبالنسبه ليها طالما انت ظروف عملك والمعايش خلتك
مقيم بعيد عنهم بمعنى ما محتك بيهم بصفه مباشرة يوميا تبقى هى الكانت مباشرة كل كبيرة وصغيرة مع الاولاد هسه هى حست
انها ادت دور كبير بعد مااتزوجو وشعرت انها محتاجه لراحه علشان وده السبب البتكون بيه قالت عايزة تمشى انا منك طوالى
اوافق وانفذ بدون تردد او نقاش ...
سلامى وتحياتى ليها ...

Post: #31
Title: Re: الاخت انعام عبد الحفيظ - الاخ فرح - والحيموريتان ( اشراقة وانعام)
Author: الطيب شيقوق
Date: 01-08-2008, 05:31 AM
Parent: #30

الاخت ماجدة بت العوض

Quote: والله يحق ليها عارف تجديد الاحداث السعيدة البتمر فى حياتنا مهم شديد وبالنسبه ليها طالما انت ظروف عملك والمعايش خلتك
مقيم بعيد عنهم بمعنى ما محتك بيهم بصفه مباشرة يوميا تبقى هى الكانت مباشرة كل كبيرة وصغيرة مع الاولاد هسه هى حست
انها ادت دور كبير بعد مااتزوجو وشعرت انها محتاجه لراحه علشان وده السبب البتكون بيه قالت عايزة تمشى انا منك طوالى
اوافق وانفذ بدون تردد او نقاش ...


والله حيرتيني عديييييل كده كلامك ده كلام حد قريب جدا من مشهد احداثنا - الله على حضورك الرهيب يا ماجدة وكلامك ده بيقولوهو لى اقرب واعز الناس لي على الدوام لان السمحة ام ولدى فعلا كافحت في تربيتهم وانا على الدوام بعيد منهم .

الايام دى السمحة ام ولدى بصدد الذهاب للقاهرة مع ولدها الكبير لقسط من الرحة والترفيه وعشان تعمل عمرة (بفتح العين وتسكين الميم) استعدادا لرحلة ثنائية مستقبلية معها لأثنا خلال اجازتي القادمة .

اها لقيتيني كيف؟

Post: #32
Title: Re: الاخت انعام عبد الحفيظ - الاخ فرح - والحيموريتان ( اشراقة وانعام)
Author: انعام عبد الحفيظ
Date: 01-08-2008, 10:25 AM
Parent: #1

الفاضل الطيب شيقوق

حمداً لله على سلامة وصولك لـ مسقط

وأعذرني لتأخري في الرد

لم أطلّع على المنبر العام لأيام طويلة

هاتفني أحد الأصدقاء وتحدث معي عن هذا البوست

ورغم أنني لم أكتب منذ وقت طويل إلا ان ما كتبته يعيدني

لكتابة على الأقل كلمات شكر في حقك فشكراً لكل ما كتبته هنا

وسنلتقي مرة ثانية لو أمدّ الله في الأيام

تحياتي للجميع بطرفك

Post: #34
Title: Re: الاخت انعام عبد الحفيظ - الاخ فرح - والحيموريتان ( اشراقة وانعام)
Author: الطيب شيقوق
Date: 01-08-2008, 10:33 AM
Parent: #32

Quote: لكتابة على الأقل كلمات شكر في حقك فشكراً لكل ما كتبته هنا


يا مراحب يا العزيزة وشكرا ليك كتييييييييير

حسبت تاخيرك مقصود كمقاصد العظماء في تاخير طلتهم على ضيوفهم ليزيدوا من وجدهم وشوقهم لرؤيتهم بعد نشاف روح .

قواسيب مودتي

Post: #33
Title: Re: الاخت انعام عبد الحفيظ - الاخ فرح - والحيموريتان ( اشراقة وانعام)
Author: انعام عبد الحفيظ
Date: 01-08-2008, 10:32 AM
Parent: #1

Quote: كانت قمة سعادتى ان التقي الاخت الفاضلة انعام عبد الحفيظ والاخ الفاضل فرح (محمد) ومجموعة من الزميلات الفضليات اذكر فيهن واحدة حلبية كده دمها خيف وظريفة تشبه نانسي عجاج عديل كده بس اسمها ما بتذكرو من اسماء ناس الخرطوم 2 والرياض والطائف


البنت الحليوووووونة دي أسمهان هاشم عضوة المنبر معانا

بعدين ما تشوف اسم نمرة 2 والرياض دا البنت دي ساكنة الحاج يوسف

بس على قول زول صاحبنا الله يطراه بالخير مركبة مكنة الرياض

Post: #36
Title: Re: الاخت انعام عبد الحفيظ - الاخ فرح - والحيموريتان ( اشراقة وانعام)
Author: abubakr
Date: 01-08-2008, 10:49 AM
Parent: #1

Quote: بس على قول زول صاحبنا الله يطراه بالخير مركبة مكنة الرياض


يابنات العرريب دة المركب مكنة تيمس عمو المغرزة في النهر الجاف والكان بيوزع حلاوة البلي وقراونة الطحنية من دكان عمو علي بنيات الحلة الحتات مطار شنو البتزورو فيه اها كان تركبو ركشة وترجعنو لامبدة لام ولدو اصلو مما رجع خلس قريشاتو كلهن مكالمات ليها ....الحتات دة ....

Post: #38
Title: Re: الاخت انعام عبد الحفيظ - الاخ فرح - والحيموريتان ( اشراقة وانعام)
Author: الطيب شيقوق
Date: 01-08-2008, 11:04 AM
Parent: #36

Quote: بس على قول زول صاحبنا الله يطراه بالخير مركبة مكنة الرياض


انت خلاص عملت سيارة وتعلمت مصطلحات المكننة اعملي حسابك بس من شوارع الخرطوم الكلها مدافرة دى وناس الشرطة الشغالين بالنسبة من الايرادات اليومية .

Post: #40
Title: Re: الاخت انعام عبد الحفيظ - الاخ فرح - والحيموريتان ( اشراقة وانعام)
Author: الطيب شيقوق
Date: 01-08-2008, 11:18 AM
Parent: #38

Quote: يابنات العرريب دة المركب مكنة تيمس عمو المغرزة في النهر الجاف والكان بيوزع حلاوة البلي وقراونة الطحنية من دكان عمو علي بنيات الحلة الحتات مطار شنو البتزورو فيه اها كان تركبو ركشة وترجعنو لامبدة لام ولدو اصلو مما رجع خلس قريشاتو كلهن مكالمات ليها ....الحتات دة ...


ات عارف يا الحبيب وقت الاولاد قرروا يسافروا شهر العسل ام ولدى قالت لى ولنفسك عليك حق - قلت ليها اى حق ؟ قالت لي نحن عسلنا في قطية قش زمان ولازم نتعوض - قلت ليها نتعوض كيف ؟ قالت لي نمشى انا وانت اثنا-

هيييييييييييع امانة يا الطيب ما بقيت ضحية صراع الحضارات عديل كدة .

ات عرف يا الرطاني اخوى حريمنا ديل فيهن طبع كده ما كويس لما تتصل عايز تتكلم مع اولادك تديهم الموبايل ثواني والباقي تنتكي بيهو في الحيطة عشان تشبع معاك كلام ومرات بسمع طردة الوليد عديل كدة .

هيييييييييييييع

Post: #41
Title: Re: الاخت انعام عبد الحفيظ - الاخ فرح - والحيموريتان ( اشراقة وانعام)
Author: خالد علي محجوب المنسي
Date: 01-08-2008, 11:44 AM
Parent: #40

Quote: يابنات العرريب دة المركب مكنة تيمس عمو المغرزة في النهر الجاف والكان بيوزع حلاوة البلي وقراونة الطحنية من دكان عمو علي بنيات الحلة الحتات مطار شنو البتزورو فيه اها كان تركبو ركشة وترجعنو لامبدة لام ولدو اصلو مما رجع خلس قريشاتو كلهن مكالمات ليها ....الحتات دة ....

كووووووووووووووك يا ود شيقوق
السم القدر غداك جاك
بس بتقدر علينا نحن
أها شن قولك في الحديث الفوق دا

قول رأيك وعلي كيفك

الله يخدر ضراعك يا ابوبكر

Post: #43
Title: Re: الاخت انعام عبد الحفيظ - الاخ فرح - والحيموريتان ( اشراقة وانعام)
Author: الطيب شيقوق
Date: 01-08-2008, 11:56 AM
Parent: #41

ود المنسي

Quote: كووووووووووووووك يا ود شيقوق
السم القدر غداك جاك
بس بتقدر علينا نحن
أها شن قولك في الحديث الفوق دا


هسع جاى ناطى من هناك عشان تقلب النعال بيني وبين صاحبي؟؟؟؟ . صاحبي ده نهرو ذاتوا شالوهو منو عملوا فيهو ناس الحكومة خزان تاني ما بعوم الا في احواض الساونا . ات قايل وقت الحارة غيرنا بلقى منو ؟ بعد شوية المصريين متمددين على اراضى اهله وعندنا ليهم خشم قربة في دندرنا خلى الرعد والباعوض ... اهلهم كلهم .

Post: #44
Title: Re: الاخت انعام عبد الحفيظ - الاخ فرح - والحيموريتان ( اشراقة وانعام)
Author: abubakr
Date: 01-08-2008, 12:50 PM
Parent: #41

Quote: الله يخدر ضراعك يا ابوبكر


ويخدر ضراعك يا خالد .. زولنا دة اها يفوت الخرتوم يبقي لينا في الشكية " وين ام ولدي " ..اها مدام الجنيات اتزوجو هو مخليها براها هناك ليه؟ الما سوي بيزات للحين من زمن بيع الطحينية وحلاوة سكر بيسويها متين؟؟ بس يرجع ويصاقرا هناك ويصلح تيمس عمو ويحولو بص خمس نجوم للحفلات والحت .. الحتات دة

Post: #46
Title: Re: الاخت انعام عبد الحفيظ - الاخ فرح - والحيموريتان ( اشراقة وانعام)
Author: salma subhi
Date: 01-08-2008, 01:05 PM
Parent: #44

الأستاذ الفاضل الطيب شيقوق
صباحك ومساءك خير



وهذه تحية لشخصك الكريم....عنوانها التقدير وتفاصيلها الإحترام وتوقيعها السلام



والتحية لكل أعضاء المنبر بدون فرز

ومبروك مرة تانية
الله يعمر بيتك بالأفراح



.....

Post: #100
Title: Re: الاخت انعام عبد الحفيظ - الاخ فرح - والحيموريتان ( اشراقة وانعام)
Author: انعام عبد الحفيظ
Date: 01-13-2008, 07:50 AM
Parent: #36

Quote: Quote: بس على قول زول صاحبنا الله يطراه بالخير مركبة مكنة الرياض



يابنات العرريب دة المركب مكنة تيمس عمو المغرزة في النهر الجاف والكان بيوزع حلاوة البلي وقراونة الطحنية من دكان عمو علي بنيات الحلة الحتات مطار شنو البتزورو فيه اها كان تركبو ركشة وترجعنو لامبدة لام ولدو اصلو مما رجع خلس قريشاتو كلهن مكالمات ليها ....الحتات دة ....


يا باشمهندس صباحاتك ود

العرريب دا باين عليه ما بعرف في الخرطوم التكتح

من البلد وعلى المطار طوالي

اها البطانة دي بعيدة علينا ما بنقدر نصلها قلنا نجي عليه في المطار

Post: #101
Title: Re: الاخت انعام عبد الحفيظ - الاخ فرح - والحيموريتان ( اشراقة وانعام)
Author: abubakr
Date: 01-13-2008, 08:32 AM
Parent: #100

Quote: العرريب دا باين عليه ما بعرف في الخرطوم التكتح


سلام انعام وجميع الكنداكات البطرفكن...
مش كويس انو عرف المطار وما راح الموردة واخدلو مركب وداهو النهر الجاف ؟؟؟

Post: #45
Title: Re: الاخت انعام عبد الحفيظ - الاخ فرح - والحيموريتان ( اشراقة وانعام)
Author: abubakr
Date: 01-08-2008, 12:57 PM
Parent: #1

Quote: ات قايل وقت الحارة غيرنا بلقى منو ؟ بعد شوية المصريين متمددين على اراضى اهله وعندنا ليهم خشم قربة في دندرنا خلى الرعد والباعوض ... اهلهم كلهم .


اها الحارة مالتكن عاملة اتفاقية مع البعوض والملاريا ؟؟؟ جيناكم ضيوف نص اهلنا راحو تحت الواضة من الملاريا وخلعة السما البتشق وتجي طراخ طاخ فاتحة نافورة مقلوبة ؟؟؟ انتو ما عارفيين انو النوافيير بتودي الموية فوق وبقت نوافيركم upside down ...

بعدين اراضينا استثمار سياحي تحت الماء لمملكة البلطي وهسع قريتنا بقت "Boulty Resort"

Post: #47
Title: Re: الاخت انعام عبد الحفيظ - الاخ فرح - والحيموريتان ( اشراقة وانعام)
Author: WAD ELGAALI#4
Date: 01-08-2008, 05:05 PM
Parent: #45

أخونا الطيب والله ياخى انت ماك زولا هين عشان بورداب الخرطوم ما يلاقوك والله لو بايدينا كنا جينا مخسوس نحضر عرس الوليدات كيف لا وانت تعطر سمواتنا الاسفيريه بكلامك الجميل المفصل المزوج بدعاش البطانه
ياودشيقوق هنالك اناس إختصهم الله بادخال السرور والفرح على نفوس كثير من البشر والله انت منهم وأنا على ذلك من الشاهدين
كما لا يفوتنى ان أذكر اننى استمتع بكل مناكفاتك مع الزول المحترم والراقى جدا أبوبكر فهذا الرجل ايضا تعجبنى كتاباته وموضوعيته فى انقاء الكلمات الرصينه وتمكنه من ناصية اللغتين العربيه والانجليزيه انا ماعرف الزول دا رطانى كيف لكما التحيه فى حلكما وترحالكما وتقبلا امتنانى وكل التقدير

Post: #50
Title: Re: الاخت انعام عبد الحفيظ - الاخ فرح - والحيموريتان ( اشراقة وانعام)
Author: الطيب شيقوق
Date: 01-08-2008, 07:08 PM
Parent: #47

Quote: ويخدر ضراعك يا خالد .. زولنا دة اها يفوت الخرتوم يبقي لينا في الشكية " وين ام ولدي " ..اها مدام الجنيات اتزوجو هو مخليها براها هناك ليه؟ الما سوي بيزات للحين من زمن بيع الطحينية وحلاوة سكر بيسويها متين؟؟ بس يرجع ويصاقرا هناك ويصلح تيمس عمو ويحولو بص خمس نجوم للحفلات والحت .. الحتات دة


شفتوا زولكم عايز يورطنى مع ام الوليدات عشان اجيبها هنا - انا هسع عذابي مرتااااااااااااااااح من جر عربات التسوق في اللؤلؤ وكارفور ومن لبّس الشافع ده وغير للولد ده وسوق ده الحضانة وده المدرسة وده العيادة .


انت مالك ليك تلاتين سنة وبقيت متروس فلوس شيلها امشى بيها السودان بدل تدخل في حسابات ستي قروب وHSBC الجايات لاعمار .

Post: #48
Title: Re: الاخت انعام عبد الحفيظ - الاخ فرح - والحيموريتان ( اشراقة وانعام)
Author: abubakr
Date: 01-08-2008, 06:58 PM
Parent: #1

Quote: انا ماعرف الزول دا رطانى كيف


ياود الغالي ( وان تعذرت علينا اللغة فترجمناها هكذا وهي جعلي فانت جعلي غالي ).. اللغتيين العربية والانجليزية مكتسبتان بالدراسة ولذا نحاول المذاكرة دائما لنتعلمهما ودة السبب؟ وللمعلومة ما درسونا عربي بطانة ودوبيت ونم عشان كدة العرريب ودشيقوق بيقوم بترجمة قصائد الملكة بت طلحة للعبدلله واحيانا يبدو انو بيستغل جهلي ويزيد من عندو اصلو حتات وبتاع حفلات وسوق الناقة وخلافو...
لك شكري ومودتي

Post: #49
Title: Re: الاخت انعام عبد الحفيظ - الاخ فرح - والحيموريتان ( اشراقة وانعام)
Author: abubakr
Date: 01-08-2008, 07:04 PM
Parent: #1

Quote: الله يعمر بيتك بالأفراح


ويجعل بيتك ذاتو افراح ...انتي كنتي وين ؟؟؟

Post: #51
Title: Re: الاخت انعام عبد الحفيظ - الاخ فرح - والحيموريتان ( اشراقة وانعام)
Author: الطيب شيقوق
Date: 01-08-2008, 07:15 PM
Parent: #49

Quote: وخلعة السما البتشق وتجي طراخ طاخ فاتحة نافورة مقلوبة ؟؟؟


ضحكتني لحدى وقعت من السرير يا الرطاني
كمان المرة الجاية مافي ليكم ارض فاضية الا داخل حظيرة الدندر ؟؟؟؟؟؟؟؟؟؟ عشان الاسد يعلمكم لعب العاجكو يا سيدي .

Post: #52
Title: Re: الاخت انعام عبد الحفيظ - الاخ فرح - والحيموريتان ( اشراقة وانعام)
Author: الطيب شيقوق
Date: 01-08-2008, 07:20 PM
Parent: #51

Quote: ويزيد من عندو اصلو حتات وبتاع حفلات وسوق الناقة وخلافو...


وخلافوووووووووووووووووووو قال افصح عشان افتح فيك بلاغ .

Post: #53
Title: Re: الاخت انعام عبد الحفيظ - الاخ فرح - والحيموريتان ( اشراقة وانعام)
Author: الطيب شيقوق
Date: 01-08-2008, 07:25 PM
Parent: #52

الاخت الانيقة والجميلة والراقية سلمى بت صبحي

Quote: وهذه تحية لشخصك الكريم....عنوانها التقدير وتفاصيلها الإحترام وتوقيعها السلام


ولغتها العربية بالضرورة يا سلمى عشان الحسّاد ما يقروها معاى

Post: #54
Title: Re: الاخت انعام عبد الحفيظ - الاخ فرح - والحيموريتان ( اشراقة وانعام)
Author: الطيب شيقوق
Date: 01-08-2008, 07:34 PM
Parent: #53

WAD AlGALLI

الرطاني

Quote: أخونا الطيب والله ياخى انت ماك زولا هين عشان بورداب الخرطوم ما يلاقوك والله لو بايدينا كنا جينا مخسوس نحضر عرس الوليدات كيف لا وانت تعطر سمواتنا الاسفيريه بكلامك الجميل المفصل المزوج بدعاش البطانه
ياودشيقوق هنالك اناس إختصهم الله بادخال السرور والفرح على نفوس كثير من البشر والله انت منهم وأنا على ذلك من الشاهدين
كما لا يفوتنى ان أذكر اننى استمتع بكل مناكفاتك مع الزول المحترم والراقى جدا أبوبكر فهذا الرجل ايضا تعجبنى كتاباته وموضوعيته فى انقاء الكلمات الرصينه وتمكنه من ناصية اللغتين العربيه والانجليزيه انا ماعرف الزول دا رطانى كيف لكما التحيه فى حلكما وترحالكما وتقبلا امتنانى وكل التقدير


لك اخي العزيز عميق شكري وامتناني

لدى الكثير عن الرطاني العالم ولكن قطعا شهادتي عنه مجروحة - يسعدنى فقط ان اسمع منكم عنه .

لك اخي ود الجعلي قواسيب مودتي

ونامل ان يتواصل وجودك معنا في هذه المساحة الاسفيرية

Post: #66
Title: Re: الاخت انعام عبد الحفيظ - الاخ فرح - والحيموريتان ( اشراقة وانعام)
Author: salma subhi
Date: 01-09-2008, 02:44 PM
Parent: #49

الأستاذ الفاضل ....أبوبكر

وندعو لك كما دعوت لنابالفرح في كل حين...

نحن كما الطيور المهاجرة ..حتى وان ابتعدت تحنّ دوماً لأرضها الأم....تأبى الغربة وتهوى الإلفة...فها قد عدنا....

كل سنة وانت طيب...

Post: #55
Title: Re: الاخت انعام عبد الحفيظ - الاخ فرح - والحيموريتان ( اشراقة وانعام)
Author: abubakr
Date: 01-08-2008, 07:51 PM
Parent: #1

Quote: وخلافوووووووووووووووووووو قال افصح عشان افتح فيك بلاغ


اولا اللغة العربية لغة افريقية حيث هي في افريقيا لاكثر من 2000 عام واكثر من بلاد تسمي عربية اليوم في الشام وخلافو ولذا كوني رطان افريقي فهي لغتي اسوي فيها الفي مزاجي ... ثانيا اول مرة اسمع بمحامي يفتح بلاغات دائما وكيل الافوكاتو هو البيفتح البلاغات .. الواحد احسن يرسلك تدرب عندالافوكاتو عادل امام ....

Post: #56
Title: Re: الاخت انعام عبد الحفيظ - الاخ فرح - والحيموريتان ( اشراقة وانعام)
Author: خالد علي محجوب المنسي
Date: 01-08-2008, 08:20 PM
Parent: #55

Quote: هسع جاى ناطى من هناك عشان تقلب النعال بيني وبين صاحبي؟؟؟؟ . صاحبي ده نهرو ذاتوا شالوهو منو عملوا فيهو ناس الحكومة خزان تاني ما بعوم الا في احواض الساونا . ات قايل وقت الحارة غيرنا بلقى منو ؟ بعد شوية المصريين متمددين على اراضى اهله وعندنا ليهم خشم قربة في دندرنا خلى الرعد والباعوض ... اهلهم كلهم .


أقلب النعال ساكت
انا جايب لي قبضة تراب وبسوي المديدة حرقتني ( المديدة الحارة )
السويتا رقدت .. تبيعني بالرخيص يا عشا البايتات يا حليل الشاعر ودجماع الجميل والله لو سمع بي خبرك دا ألا يقع فيك محطي بي بسطونا مو فارز.
ها زول ها ناس أبكر ديل كلن ما جابو بي ضراعهم بحفرو ليهم نهر براهم من أول وجديد

Quote: وعندنا ليهم خشم قربة في دندرنا خلى الرعد والباعوض ... اهلهم كلهم


شكيتك علي الله يا ودشيقوق الممسوخ

تحياتي ابوبكر وودشيقوق الجميل

Post: #57
Title: Re: الاخت انعام عبد الحفيظ - الاخ فرح - والحيموريتان ( اشراقة وانعام)
Author: الطيب شيقوق
Date: 01-08-2008, 09:26 PM
Parent: #56

Quote: فهي لغتي اسوي فيها الفي مزاجي ...


اكتر من خمجك الهسع ده؟ والله جنيت عليها وعلينا يا عشاى

Post: #58
Title: Re: الاخت انعام عبد الحفيظ - الاخ فرح - والحيموريتان ( اشراقة وانعام)
Author: الطيب شيقوق
Date: 01-08-2008, 09:47 PM
Parent: #57

Quote: شكيتك علي الله يا ودشيقوق الممسوخ


ود المنسي

شكيت انت ده على الله ما بتفوت لا شاردة ولا واردة الله يغطسك في بئر

Post: #59
Title: Re: الاخت انعام عبد الحفيظ - الاخ فرح - والحيموريتان ( اشراقة وانعام)
Author: محمد على طه الملك
Date: 01-08-2008, 11:20 PM
Parent: #58

لا حول إلا بالله ..
معليش يا شيخ العرب العتب علي النظر ..
الأيام الفاتت مروري كان متقطع ..
راجع إي ميلك كتبته قبل أشوف البوست دا..
حمد الله علي السلامة والتحية عبرك للبورداب الحلوين ناس الخرتوم ..
عارفك نمت ..
بس قلت لازم اسجل بالفحمه حضور تقراه الصباح ..
راجع ليك..

Post: #60
Title: Re: الاخت انعام عبد الحفيظ - الاخ فرح - والحيموريتان ( اشراقة وانعام)
Author: Osman Musa
Date: 01-08-2008, 11:43 PM
Parent: #59


الطيب .. عفارم عليك عرستلن الوليدات ؟
انشاءالله بخيت وزين على الجنيات
على بالحلف لو كت هناك كت باخد لى صوتين تلاته
يازول كيف ؟
اجرتق ولاد اخوى ..
الشىء التانى الهامبيرقر حقت امريكا دى بتكتر
الدم . اها البطان بخفف علينا الدم شويتين .
...
سعلت صاحبك طراوة عن العرس قال لى يازول هبك
الدلاليك يجيب الرايح .
تلاته يوم والدلاليك والشبابيل ما تديك الدرب
والضبايح هيع اسكت ساكت .
تقول لى الحمه النزفيه .. اول نحنا الحمه النزفيه
بتسوى لينا شنو؟
على بى الحلف ولا ساعلين فى الحمه النزفيه ولا حتى
أبو نينى ..
...
أخى الطيب الف مبروك الف مبروك
تحياتى

Post: #61
Title: Re: الاخت انعام عبد الحفيظ - الاخ فرح - والحيموريتان ( اشراقة وانعام)
Author: الطيب شيقوق
Date: 01-09-2008, 05:15 AM
Parent: #60

ود الملك

Quote: معليش يا شيخ العرب العتب علي النظر ..
الأيام الفاتت مروري كان متقطع ..
راجع إي ميلك كتبته قبل أشوف البوست دا..
حمد الله علي السلامة والتحية عبرك للبورداب الحلوين ناس الخرتوم ..
عارفك نمت ..
بس قلت لازم اسجل بالفحمه حضور تقراه الصباح ..


فعلا الايام دى واحشنا بالحيل والله وافتقدناك والصباح لقيتك كاتب بالفحمة حضرت ولم اجدكم المهم اعمل حسابك اللوم بجي بالغفلات .

Post: #62
Title: Re: الاخت انعام عبد الحفيظ - الاخ فرح - والحيموريتان ( اشراقة وانعام)
Author: الطيب شيقوق
Date: 01-09-2008, 05:21 AM
Parent: #61

عثمان ود موسى - جنى الذيداب


آ زول كيفنك لينا منك طولة بالحيل وكتر خيرك على الطلة

Quote: على بالحلف لو كت هناك كت باخد لى صوتين تلاته
يازول كيف ؟
اجرتق ولاد اخوى ..
الشىء التانى الهامبيرقر حقت امريكا دى بتكتر
الدم . اها البطان بخفف علينا الدم شويتين .


انت يا ود اعمي بعد اتمرمغت في تراب امريكا دى تاني السوط يدخل في ضهرك زى السكين في ودكة والبطان مش يخخك دمك والله تاني كان هبشوك بزعفة تتورم .

Post: #63
Title: Re: الاخت انعام عبد الحفيظ - الاخ فرح - والحيموريتان ( اشراقة وانعام)
Author: سمية الحسن طلحة
Date: 01-09-2008, 07:59 AM
Parent: #62

سلام كتير وشوق شديد لبورداب الخرطوم
سلامك وصل يا انعام حيمورة يسلمك الله
مشتاقة للبت إشراقة دي بالحيل
سلام يابت عبد الحفيظ
كيفن تكوني من أهل ودمحجوب ومابتشربي الروب
حالتي دي جايبالك فرخ سمن هدية من لبن بقر البطانة
أخوناأبوبكر سيد أحمد
ياخ مامعقول يشرح ليك شيقوق ماك عارفو غتيت
قال لي كيف يكونوا الرطانة من ناسك
وهم مابعرفوا النشوق
مرفق صورة من إبل ناسنا على ضفاف النهر الجاف

أبوعبدالله كيفنك أريتك طيب
لك التحايا ولناسك السمحين



Post: #64
Title: Re: الاخت انعام عبد الحفيظ - الاخ فرح - والحيموريتان ( اشراقة وانعام)
Author: الطيب شيقوق
Date: 01-09-2008, 08:51 AM
Parent: #63

ياسمية بت الحسن البنات ديل ما بيعرفن الابل ولا وردن ليهن لموية في البحر بالجردل مالك عليهن هسع خليهن ما تنفريهن مننا انت ما سمعت شاعر الحلمنتيش قال فيهن شنو :

وجمب الباب وقفت شوية في الشارع
وباب جيرانا كان مفتوح وظاهر انو زول طالع

وخلف الباب لمحت التوب
بلعت الريق .. لأني كتير بعرف التوب
وجوة التوب لقيت الزول
وظاهر انو دة المحبوب
معاه الجردل المليان
أكيد الموية مقطوعة
***
حرام والله ألف حرام
حرام الزول يشيل جردل
ويقطع ميل عشان حمام
حرام والله الف حرام
****
عليكم الله شوفوها
وعشان عينيها ساعدوها
وعشان محبوبتي مابتقدر
تشي الموية في جردل
*****
عليكم الله شوفوها
مبهدلة كيف مع الجردل

تشيل حبة وتخت نفسا
وتخت حبة وتشيل نفسا

وتخاف من توبا يتبلبل
وتاخد لفة الشارع
وكل الشافا يتبهدل

عليكم الله شوفوها
معذبة كيف مع الجردل

****
حرام ياموية الف حرام
**
كرهت الموية من البلف حتي الدش
ومن بابور مياه الحلة
حتي الهيئة
والماسورة
والناقورة
والصهريج
وموية النيل
وموية الزير
وخرطوش كابي في برميل
وحتي الغيمة لما تشيل

****

عليكم الله شوفوها
معذبة كيف مع الجردل
**
تشيل حبة وتخت نفسا
وتخت حبة وتشيل نفسا
وبلدنا النايمة ليها سنين
تشبع فينا من بالمغصة
وعيون نيلنا النبع من فوق
بتتفرج علي المغصة
وغيوم بلدي المشت من فوق
بتنزل وين ؟؟؟
بتنزل في كروش نجسا
ومطر بلدي النزل من فوق
بينزل وين ؟؟
بينزل فوق جناين سيدي يسقيها
وبينزل فوق عصافير الهوي السكنت
جناين سيدي يرويها
ومطر بلدي النزل من فوق
حينزل يوم ...
ونيل بلدي المرق من ضو
حيمرح يوم
وغيم بلدي الشرد ياناس
حيرجع يوم

وبت بلدي البكت في يوم
وضاقت وجعة الجردل
حتملأ الدنيا بالزغرود
وتنسي حكاية الجردل

Post: #65
Title: Re: الاخت انعام عبد الحفيظ - الاخ فرح - والحيموريتان ( اشراقة وانعام)
Author: سمية الحسن طلحة
Date: 01-09-2008, 02:05 PM
Parent: #64

Quote: البنات ديل ما بيعرفن الابل ولا وردن ليهن لموية في البحر بالجردل مالك عليهن هسع خليهن ما تنفريهن

ياخوي أنا صورة ألبل جبتها لي ناسي عشان يشوفوا النهر الجاف سال ببركة قدم إبلنا عليكم
وناسك أنت مهداة لهم لقطة من حفلة العرس
عندماحلس العرسان و شدا الفنان صديق سرحان : لما رأيتك بالقرب مني بسعد أظني
بفرح كتير وحينها كاد شيقوق أن يطير من الفرح
وأنهمرت دموع الفرح ... بسعد الأبناء






]

Post: #67
Title: Re: الاخت انعام عبد الحفيظ - الاخ فرح - والحيموريتان ( اشراقة وانعام)
Author: salma subhi
Date: 01-09-2008, 02:50 PM
Parent: #65

الأستاذ الفاضل ....أبوبكر

وندعو لك كما دعوت لنابالفرح في كل حين...

نحن كما الطيور المهاجرة ..حتى وان ابتعدت تحنّ دوماً لأرضها الأم....تأبى الغربة وتهوى الإلفة...فها قد عدنا....

كل سنة وانت طيب...

Post: #69
Title: Re: الاخت انعام عبد الحفيظ - الاخ فرح - والحيموريتان ( اشراقة وانعام)
Author: الطيب شيقوق
Date: 01-09-2008, 03:08 PM
Parent: #65

Quote: لما رأيتك بالقرب مني بسعد أظني
بفرح كتير وحينها كاد شيقوق أن يطير من الفرح
وأنهمرت دموع الفرح ... بسعد الأبناء


الله يخليك يا بت طلحة وربنا يوريك جديد اولادك عشان تعرفي الاحساس الحقيقي بالفرحة والبهجة والسعادة

كانت بحق اجمل لحظات حياتي لا سيما عندما يكون الفرح وسط اهلك وتجد الوقور منهم تنازل عن وقاره وراح يرقص بلا حسيب او رقيب . كانت الوالدة والعمات والخالات حتى اللائي اعمارهن تجاوز الستين نزلن في حلقة الرقص وكانهن شابات .

Post: #105
Title: Re: الاخت انعام عبد الحفيظ - الاخ فرح - والحيموريتان ( اشراقة وانعام)
Author: انعام عبد الحفيظ
Date: 01-13-2008, 09:11 AM
Parent: #63

Quote: سلام يابت عبد الحفيظ
كيفن تكوني من أهل ودمحجوب ومابتشربي الروب
حالتي دي جايبالك فرخ سمن هدية من لبن بقر البطانة


يا سمسمة بكون قصدك الغباشة ما الروب

Post: #68
Title: Re: الاخت انعام عبد الحفيظ - الاخ فرح - والحيموريتان ( اشراقة وانعام)
Author: abubakr
Date: 01-09-2008, 03:02 PM
Parent: #1

Quote: مرفق صورة من إبل ناسنا على ضفاف النهر الجاف


الابل ياهم ابل ناسنا لكن النهر "مزور" ؟؟؟ داك جاف وجنبو غابة فيها اصحابو القرود .. اها وينا الغابة ووين اصحابو القرود ... الحتات دة ....

Post: #70
Title: Re: الاخت انعام عبد الحفيظ - الاخ فرح - والحيموريتان ( اشراقة وانعام)
Author: عبده عبدا لحميد جاد الله
Date: 01-09-2008, 04:56 PM
Parent: #68

العزيز ودشيقوق
تحية طيبة
الف حمداً لله على السلامة،ومبروك للعرسان
والتحية عبرك للأخوات اشراقة وانعام وانعام والأخ فرح
ومجاهد عبدالله

Post: #71
Title: Re: الاخت انعام عبد الحفيظ - الاخ فرح - والحيموريتان ( اشراقة وانعام)
Author: خالد علي محجوب المنسي
Date: 01-09-2008, 06:17 PM
Parent: #70

Quote: ياخوي أنا صورة ألبل جبتها لي ناسي عشان يشوفوا النهر الجاف سال ببركة قدم إبلنا عليكم
وناسك أنت مهداة لهم لقطة من حفلة العرس

الأخت الفاضلة / سمية الحسن طلحة
تحية طيبة وسلام قد طال الخِصام يا ملكة وريحانة البطانة

بدور أسعلك دحين ناس الدندر ديل ما لقوا ليهم حجر كًحل يمجرو ( الجيم مطشا ) في عيونات العريبي دا
بعدين صديق سرحان ياتو فيهم ؟؟؟

تحياتي لك وللأمير شيخ وعقيد الدندر
ودشيقوق

خالد

Post: #72
Title: Re: الاخت انعام عبد الحفيظ - الاخ فرح - والحيموريتان ( اشراقة وانعام)
Author: سمية الحسن طلحة
Date: 01-09-2008, 06:49 PM
Parent: #71

خالد عام هجري مبارك عليك
معقولة لو خاصمت أخاصم أبو أحمد
الله لاجاب الخصام ياخوي والله مشغولة بس
أنت عرفت الطيب سرحان ياهو الجمبو
الزول عويناتو زرزرن من دموع الفرح

Post: #73
Title: Re: الاخت انعام عبد الحفيظ - الاخ فرح - والحيموريتان ( اشراقة وانعام)
Author: ود محجوب
Date: 01-09-2008, 08:51 PM
Parent: #72



انت عارف يا ود شيقوق المشكلة وين؟؟



انك بعد سنة حاتكون جد باذن الله.

وهنا مافى مشكلة.

المشكلة أنك حاتكون معرسلك حبوبة.

((بس أوع يكون فى زول قرأ الكلام دا))

Post: #74
Title: Re: الاخت انعام عبد الحفيظ - الاخ فرح - والحيموريتان ( اشراقة وانعام)
Author: abubakr
Date: 01-09-2008, 09:03 PM
Parent: #1

عامكم مبارك يا ودمحجوب

Quote: انك بعد سنة حاتكون جد باذن الله.


انت ما عارف انو العرريب دة جد قديييييم
ما عارف انو حفيدو سامي لاعب كرة زي جدو بيلعب بالكورة بعدما تطرشق :
اها اقرا هنا :

ودشيقوق وفريق "الاحفاد"

وبعدين "ام ولدو" هي المتزوجا ليها "جدو" وما يغشك قميصو الاسود( التقول جاي من النجف ؟ الحتات دة )

Post: #75
Title: Re: الاخت انعام عبد الحفيظ - الاخ فرح - والحيموريتان ( اشراقة وانعام)
Author: ود محجوب
Date: 01-09-2008, 09:13 PM
Parent: #74

Quote: ]عامكم مبارك يا ودمحجوب


Quote: انك بعد سنة حاتكون جد باذن الله.



انت ما عارف انو العرريب دة جد قديييييم
ما عارف انو حفيدو سامي لاعب كرة زي جدو بيلعب بالكورة بعدما تطرشق :
اها اقرا هنا :
ودشيقوق وفريق "الاحفاد"

وبعدين "ام ولدو" هي المتزوجا ليها "جدو" وما يغشك قميصو الاسود( التقول جاي من النجف ؟ الحتات دة



الأخ ابو بكر كل سنة وانت والعائلة بخير



الظاهر العريبى دا أقدم من (الكسرة) طيب بيحت فى شنو بعد دا

والله قاصد بيحت شيبو كل سنة زى (الضأن)

Post: #76
Title: Re: الاخت انعام عبد الحفيظ - الاخ فرح - والحيموريتان ( اشراقة وانعام)
Author: انعام حيمورة
Date: 01-09-2008, 09:33 PM
Parent: #1

ود محجوب

تعال هنا ...

بــــورداب الخــــــرطوم ... لــقاء عــاجل

الطيب شيقوق بتشبه مرتضى شديد

كل سنة وانت طيب

Post: #77
Title: Re: الاخت انعام عبد الحفيظ - الاخ فرح - والحيموريتان ( اشراقة وانعام)
Author: خالد علي محجوب المنسي
Date: 01-09-2008, 10:24 PM
Parent: #76

Quote: خالد عام هجري مبارك عليك
معقولة لو خاصمت أخاصم أبو أحمد
الله لاجاب الخصام ياخوي والله مشغولة بس
أنت عرفت الطيب سرحان ياهو الجمبو
الزول عويناتو زرزرن من دموع الفرح

وانت بخير وسلااامة يا رب وكل الأهل والاحباب وزوار حوش عقيد الدندر ودشيقوق
خصامك يا ريحانة البطانة ماكما الخِصام لكنه خصم في عدد أيامنا في كل يوم يمر علينا ودون طلتك في المبر نفقد كلمة جميلة طيبة نزيد بها زخيرة معلوماتنا الضئيلة جداً ..

العوينات أصلا مزرزرات ولا زرزرتن دموع الفرح ؟؟

تحياتنا وبقي لا تغيبي

خالد

Post: #78
Title: Re: الاخت انعام عبد الحفيظ - الاخ فرح - والحيموريتان ( اشراقة وانعام)
Author: الطيب شيقوق
Date: 01-10-2008, 04:29 AM
Parent: #77

Quote: انت ما عارف انو العرريب دة جد قديييييم
ما عارف انو حفيدو سامي لاعب كرة زي جدو بيلعب بالكورة بعدما تطرشق :
اها اقرا هنا :
ودشيقوق وفريق "الاحفاد"

وبعدين "ام ولدو" هي المتزوجا ليها "جدو" وما يغشك قميصو الاسود( التقول جاي من النجف ؟ الحتات دة )


ات عارف ان الليلة صحيت ليك صلاة الصبح صليت وطوالي قبلت على الكلام البتجدع فيهو ساااااااااى بلا حساب ات ما عارف منى بت العوض البت الحليونة الصغيرونة دى برضها حبوبة بعد ما بتها آية ولدت اها هسع لو وقفنا البنات ديل كلهن صف ومعاهن بت العوض مش بتجي الاول بلا منازع . يلا انا برضى وقفوني صف معاك انت بس شوف لو ما الناس قالوا ده ولدو .

هييييييييييييع نحن الساس ونحن الرأس ونحن ام جركم البتأكل الف حول .

Post: #79
Title: Re: الاخت انعام عبد الحفيظ - الاخ فرح - والحيموريتان ( اشراقة وانعام)
Author: الطيب شيقوق
Date: 01-10-2008, 04:34 AM
Parent: #78

Quote: العوينات أصلا مزرزرات ولا زرزرتن دموع الفرح ؟؟


ود المنسى لا ده شراب زيت العصارة (زيت الولد) ادونى شربتو كتير ؟؟؟؟؟؟؟؟؟؟

ات ما عارف ده موسم حصاد السمسم!!!!!!!!!!!!!!!

Post: #80
Title: Re: الاخت انعام عبد الحفيظ - الاخ فرح - والحيموريتان ( اشراقة وانعام)
Author: الطيب شيقوق
Date: 01-10-2008, 04:45 AM
Parent: #79

ود محجوب

Quote: انت عارف يا ود شيقوق المشكلة وين؟؟



انك بعد سنة حاتكون جد باذن الله.

وهنا مافى مشكلة.

المشكلة أنك حاتكون معرسلك حبوبة.

((بس أوع يكون فى زول قرأ الكلام دا))


يا اخوى اى حاجة اتعولمت حتى الجدودية والحبوبية فما عاد الجدود وما عادت الحبوبات هم الذين يتوكأون على عصيهم وانما صاروا يلبسون الاسبورت ويجلسون جلسات رومانسية على شواطئ الانهار يتشاكسون ( من الجكس) ويتهامسون لا في شأن ابنائهم او احفادهم وانما في شان احاسيسهم ومشاعرهم .

هييييييييع الكثير في العمر بقية لمسجات موبايلية

Post: #81
Title: Re: الاخت انعام عبد الحفيظ - الاخ فرح - والحيموريتان ( اشراقة وانعام)
Author: محمد على طه الملك
Date: 01-10-2008, 11:02 AM
Parent: #80

رجع نالك ..

Post: #82
Title: Re: الاخت انعام عبد الحفيظ - الاخ فرح - والحيموريتان ( اشراقة وانعام)
Author: الطيب شيقوق
Date: 01-10-2008, 04:28 PM
Parent: #81

ود الملك الحبيب

ايام الاجازات مافي حد بيكتب في البوستات الا يكون عذابي
امانة يا العذوبية ما ليك حوبة

Post: #83
Title: Re: الاخت انعام عبد الحفيظ - الاخ فرح - والحيموريتان ( اشراقة وانعام)
Author: الطيب شيقوق
Date: 01-12-2008, 09:59 AM
Parent: #82

بورداب الخرطوم فوووووووووووق

Post: #84
Title: Re: الاخت انعام عبد الحفيظ - الاخ فرح - والحيموريتان ( اشراقة وانعام)
Author: عواطف ادريس اسماعيل
Date: 01-12-2008, 10:09 AM
Parent: #83

سيد الحيشان التلاتة !!!

ألف حمدلله على سلامة العودة ,,,

بيت مال وعيال إنشاء الله ...

Post: #87
Title: Re: الاخت انعام عبد الحفيظ - الاخ فرح - والحيموريتان ( اشراقة وانعام)
Author: abubakr
Date: 01-12-2008, 10:49 AM
Parent: #84

Quote: سيد الحيشان التلاتة !!!


انتي يا عواطف كلو بوست للعرريب بتعتبريه حوش... الزوول بقميصو الاسود قاعد في بناية عالية في مسقط ما عندها حيشان ولا بلكونة حتي....

Post: #85
Title: Re: الاخت انعام عبد الحفيظ - الاخ فرح - والحيموريتان ( اشراقة وانعام)
Author: abubakr
Date: 01-12-2008, 10:15 AM
Parent: #1

Quote: بورداب الخرطوم فوووووووووووق


وات مالك ومالم .... خليك في نادي الجالية في مسقط وبس ...الحتات ...

Post: #86
Title: Re: الاخت انعام عبد الحفيظ - الاخ فرح - والحيموريتان ( اشراقة وانعام)
Author: علاء الدين حيموره
Date: 01-12-2008, 10:38 AM
Parent: #85

الحبيب الطيب ود شيقوق

الف تحية والف مبروك للعرسان

اتمنى ان التقيك وبورداب الخرطوم

مودتي

Post: #88
Title: Re: الاخت انعام عبد الحفيظ - الاخ فرح - والحيموريتان ( اشراقة وانعام)
Author: الطيب شيقوق
Date: 01-12-2008, 10:59 AM
Parent: #86

علوية

ما ممكن تكون آخر واحد يبارك - افتقدناك كثرا لكن الغائب عذره معاهو .

الرطاني

Quote: بورداب الخرطوم انت مالك ومالم


ضحكتنى اتذكرت عندما اقام نادى الجالية السودانية بمسقط احتفالية بمناسبة عيد الاستقلال .
كان يجلس بجابني احد وجهاء مسقط المضحكين . عندما بدأ عاصم البنا يغني انا امدرمان اولاد امدرمان كلهم نزلوا عرضة وحت شدييييييييييد وانا بعاين ساى متكيف شديد . زولي الجالس جنبي قال انت عارف يا الطيب الناس البعرضوا ديل فيهم ناس زيك جايين لامدرمان من الريف وكمان بعض منهم عندهم اراضي فاضية في اطراف امدرمان ساااااااااى ما مبنية وبرضوا بيعرضوا لانهم بيقولوا من امدرمان . اما انت باني ليك عمارة وساكن باولادك قوم اعرض البلد بقى بلدك انت .

محمد المرتضى لانو من المسالمة قال الفوق ديل كلهم وافدين حقوا يفضوا المسرح لسياد البلد الاصليين .

Post: #89
Title: Re: الاخت انعام عبد الحفيظ - الاخ فرح - والحيموريتان ( اشراقة وانعام)
Author: علاء الدين حيموره
Date: 01-12-2008, 03:51 PM
Parent: #88

Quote: علوية

ما ممكن تكون آخر واحد يبارك - افتقدناك كثرا لكن الغائب عذره معاهو .


الحبيب / عمو الطيب

الف تحية عمو

لكن والله باركت ليك في البوست الذي فتح خصيصا لهذا الخبر السعيد ..

المرة التانية دي تأكيد المباركة وكل سنة وانت جد ...

Post: #90
Title: Re: الاخت انعام عبد الحفيظ - الاخ فرح - والحيموريتان ( اشراقة وانعام)
Author: الطيب شيقوق
Date: 01-12-2008, 05:42 PM
Parent: #89

Quote: المرة التانية دي تأكيد المباركة وكل سنة وانت جد ...


اكان بقيت كده احسن تختاني عديل كده اوع اشوفك في بوستاتي هنا عايز تبقى لي زى الرطاني كمان يا سنجك

كيف اخبار الخالة حنانة ؟

Post: #91
Title: Re: الاخت انعام عبد الحفيظ - الاخ فرح - والحيموريتان ( اشراقة وانعام)
Author: عبده عبدا لحميد جاد الله
Date: 01-12-2008, 06:19 PM
Parent: #90

Quote: ونحن ام جركم البتأكل الف حول

هوووووي يا ود شيقوق ام جركم ما تاكل درتين
ما تخم ناس البندر
تحياتي

Post: #92
Title: Re: الاخت انعام عبد الحفيظ - الاخ فرح - والحيموريتان ( اشراقة وانعام)
Author: سمية الحسن طلحة
Date: 01-12-2008, 07:09 PM
Parent: #91

قلت النجف ياأبوبكر
ولابس أسود وبصوم يوم عاشوراء
الزول دا بلعب على كل الحبال
ماقلت ليك دي دعاية إنتخابية

Post: #93
Title: Re: الاخت انعام عبد الحفيظ - الاخ فرح - والحيموريتان ( اشراقة وانعام)
Author: abubakr
Date: 01-12-2008, 08:46 PM
Parent: #92

Quote: ماقلت ليك دي دعاية إنتخابية


جدو ودشيقوق دعاية في دعاية ساااااي .....قميص اسود ونهر جاف وقرود بلا غابة وحت ....

Post: #94
Title: Re: الاخت انعام عبد الحفيظ - الاخ فرح - والحيموريتان ( اشراقة وانعام)
Author: الطيب شيقوق
Date: 01-13-2008, 06:35 AM
Parent: #93

ود جاد الله

كيفنك انت

Quote: هوووووي يا ود شيقوق ام جركم ما تاكل درتين
ما تخم ناس البندر


عند ناس البندر يا ود جاد الله بتأكل في كل الاتجاهات
طبعا الرطاني قايلها واحدة من كاسحات الالغام عيييييييييييييييييييك

Post: #95
Title: Re: الاخت انعام عبد الحفيظ - الاخ فرح - والحيموريتان ( اشراقة وانعام)
Author: الطيب شيقوق
Date: 01-13-2008, 06:38 AM
Parent: #94

Quote: جدو ودشيقوق دعاية في دعاية ساااااي .....قميص اسود ونهر جاف وقرود بلا غابة وحت ....


وكمان معاها تترترة في كل الاتجاهات لو ما عاجبك

هييييييييييييييع كسّار قلم مكميك

Post: #99
Title: Re: الاخت انعام عبد الحفيظ - الاخ فرح - والحيموريتان ( اشراقة وانعام)
Author: الطيب شيقوق
Date: 01-13-2008, 07:35 AM
Parent: #95

انعام

يا ايها المحتفى بها

اسعد الله صباحك

ارجو ان تكون مداخلاتك في نهاية البوست ما تعذبينا بالبحث عنها في دياجير كتابات الرطاني

Post: #102
Title: Re: الاخت انعام عبد الحفيظ - الاخ فرح - والحيموريتان ( اشراقة وانعام)
Author: انعام عبد الحفيظ
Date: 01-13-2008, 08:53 AM
Parent: #85

Quote: Quote: بورداب الخرطوم فوووووووووووق



وات مالك ومالم .... خليك في نادي الجالية في مسقط وبس ...الحتات ...



يا باشمهندس

برااااااحة على العريبي دا ياخ

Post: #103
Title: Re: الاخت انعام عبد الحفيظ - الاخ فرح - والحيموريتان ( اشراقة وانعام)
Author: abubakr
Date: 01-13-2008, 08:58 AM
Parent: #1

Quote: ارجو ان تكون مداخلاتك في نهاية البوست ما تعذبينا بالبحث عنها في دياجير كتابات الرطاني


حاشر روحك مالك ؟ المداخلة ما بتخصك ؟ دياجيير دي جبنتها من وين ؟؟ دوبك عرفتها ؟ دي في ذمتك بيستعملوها في جملة زي دي ؟ لمتيين نعلم العرب العربي ؟؟ جاتكم اواا

Post: #104
Title: Re: الاخت انعام عبد الحفيظ - الاخ فرح - والحيموريتان ( اشراقة وانعام)
Author: abubakr
Date: 01-13-2008, 09:05 AM
Parent: #1

Quote: برااااااحة على العريبي دا ياخ


هذا حتات ويلبس قمصان سودا

Post: #106
Title: Re: الاخت انعام عبد الحفيظ - الاخ فرح - والحيموريتان ( اشراقة وانعام)
Author: الطيب شيقوق
Date: 01-13-2008, 09:16 AM
Parent: #104

Quote: حاشر روحك مالك ؟ المداخلة ما بتخصك ؟ دياجيير دي جبنتها من وين ؟؟ دوبك عرفتها ؟ دي في ذمتك بيستعملوها في جملة زي دي ؟ لمتيين نعلم العرب العربي ؟؟ جاتكم اواا


الله يمسخك ضحكتني ياخي وانا كمان مشغول للاعداد لملتقى صناديق الاستثمار المتداولة يعنى بالانجليزي
Exchanges Traded Funds

او الا ETF

راجع موقع ال ETF

العالم كلو معانا غدا في مسقط وسوف اسجل غياب لكن كان لقيت لي طريقة بنسرق منهم عشان افك الريق بكلمة كلمتين معاكم _ شايف انعام بدت تظهر عايزة تحرر البكاء هنا .

ولا شنو يا انعام مش البكاء بحرروهو اهلو ؟

Post: #107
Title: Re: الاخت انعام عبد الحفيظ - الاخ فرح - والحيموريتان ( اشراقة وانعام)
Author: abubakr
Date: 01-13-2008, 09:30 AM
Parent: #106

Quote: A security that tracks an index, a commodity or a basket of assets like an index fund, but trades like a stock on an exchange, thus experiencing price changes throughout the day as it is bought and sold.


دة معناهو شنو للمفلسيين زينا ؟؟؟


Quote: ولا شنو يا انعام مش البكاء بحرروهو اهلو ؟


مالك مبكي البنية ؟؟ انتو يا عرب ما قدرتو تحررو فلسطين بقيتو في تحرير البكا ؟؟؟ عالم جبانات

Post: #108
Title: Re: الاخت انعام عبد الحفيظ - الاخ فرح - والحيموريتان ( اشراقة وانعام)
Author: انعام عبد الحفيظ
Date: 01-13-2008, 09:45 AM
Parent: #107

Quote: Quote: ولا شنو يا انعام مش البكاء بحرروهو اهلو ؟



مالك مبكي البنية ؟؟ انتو يا عرب ما قدرتو تحررو فلسطين بقيتو في تحرير البكا ؟؟؟ عالم جبانات




بكاء شنو وحرورية شنو يا ود شيقوق

مالك على مبكيني هسه الله يسألك في داعي للبكاء من أصلو

Post: #109
Title: Re: الاخت انعام عبد الحفيظ - الاخ فرح - والحيموريتان ( اشراقة وانعام)
Author: الطيب شيقوق
Date: 01-13-2008, 09:47 AM
Parent: #107

هييييييييييع الموسوعة ما خليت لا شاردة لا واردة

Quote: دة معناهو شنو للمفلسيين زينا ؟؟؟


يلحسوا كوعهم


Quote: مالك مبكي البنية ؟؟ انتو يا عرب ما قدرتو تحررو فلسطين بقيتو في تحرير البكا ؟؟؟ عالم جبانات


دى بنية صنديدة وجاسرة ما تسحروها لينا سايقة سيارتها براها في مقالعات حركة المرور في الخرطوم . انا شفتها ليك كاسحة في مضبات الخرطوم ديك زى السايقة في شوارع مسقط . ربنا يختيها التلاتين جنيه بتاعة ناس الحركة البيدفعوها الناس بلا سبب .

يحرروها من شنو فلسطين ؟ هم بيقاوموا في ناس ببروهم بالماء والكهرباء وخانقنهم في معبر رفح .


Post: #110
Title: Re: الاخت انعام عبد الحفيظ - الاخ فرح - والحيموريتان ( اشراقة وانعام)
Author: فرح
Date: 01-13-2008, 05:50 PM
Parent: #109

الطيب اسفى لانشغالى الشديد وظروف العمل لعدم تمكنى من دخول النت
وتاخرى فى المشاركه
لك مودتى واشكرك على ارحيتك ولطفك وحرمتنا من شوفتك الا فى الدقايق الاخيره
والفضل يرجع الى الاخت انعام التى حدثتنا طويلا عنك وعن لطفك
كل سنه وانت طيب

Post: #111
Title: Re: الاخت انعام عبد الحفيظ - الاخ فرح - والحيموريتان ( اشراقة وانعام)
Author: الطيب شيقوق
Date: 01-14-2008, 03:34 PM
Parent: #110

الاخ فرح

شكر ليك وعذرا على التاخير فقد كنت منشغلا خلال هذا اليوم ومسجل غياب عن النت

الرطانـــــــــــــي

Quote: لك مودتى واشكرك على ارحيتك ولطفك وحرمتنا من شوفتك الا فى الدقايق الاخيره
والفضل يرجع الى الاخت انعام التى حدثتنا طويلا عنك وعن لطفك
كل سنه وانت طيب



الكلام ده بولع فيك نار

عليك الله يا فرح اديني تاني شكرات خلى الرطاني يرحل من المنبر خالص

Post: #112
Title: Re: الاخت انعام عبد الحفيظ - الاخ فرح - والحيموريتان ( اشراقة وانعام)
Author: abubakr
Date: 01-14-2008, 05:10 PM
Parent: #1

Quote: الكلام ده بولع فيك نار
عليك الله يا فرح اديني تاني شكرات خلى الرطاني يرحل من المنبر خالص


انا شن برحلني من بيتي الاسفيري ..انا اونلاين علي طول من زماااان ولو ما بطلت تجي البوستات بتاعت اصحابي انا بهكرك من داخل الكمبيوتر بتاعك تاني ما تقدر تطلع برة ....

Post: #113
Title: Re: الاخت انعام عبد الحفيظ - الاخ فرح - والحيموريتان ( اشراقة وانعام)
Author: الطيب شيقوق
Date: 01-14-2008, 09:38 PM
Parent: #112

Quote: انا شن برحلني من بيتي الاسفيري ..انا اونلاين علي طول


وناس اعمار شغال ليهم شنو؟

Post: #116
Title: Re: الاخت انعام عبد الحفيظ - الاخ فرح - والحيموريتان ( اشراقة وانعام)
Author: abubakr
Date: 01-15-2008, 12:23 PM
Parent: #113

Quote: وناس اعمار شغال ليهم شنو؟


دة بتشوفو هناك في الشاشة الكبيرة البتغير ارخضر كلو يوم اسهم فووووق .....اليوم فيهو 86400 ثانية اتحيل ممكن تعمل بيهم شنو لو خليت الحت ...

Post: #117
Title: Re: الاخت انعام عبد الحفيظ - الاخ فرح - والحيموريتان ( اشراقة وانعام)
Author: الطيب شيقوق
Date: 01-15-2008, 12:35 PM
Parent: #116

Quote: اتحيل ممكن تعمل بيهم شنو لو خليت الحت ...


تخيل لمّا اقدم الصحفيون على بلقيت صاحب مايكروسفت وقالوا ليهو كم هي ثروتك فاستفسرهم قبل ام بعد سؤالكم؟

Post: #118
Title: Re: الاخت انعام عبد الحفيظ - الاخ فرح - والحيموريتان ( اشراقة وانعام)
Author: abubakr
Date: 01-15-2008, 01:31 PM
Parent: #117

Quote: تخيل لمّا اقدم الصحفيون على بلقيت صاحب مايكروسفت وقالوا ليهو كم هي ثروتك فاستفسرهم قبل ام بعد سؤالكم؟


اولا اسمو بيل غيتس ...يعني دة اصعب من الشنكنكل بن حوصلة بتاعة العرب ؟؟ ثانيا بيل غيتس اكتر بني ادم بيستغفل العالم رغم انو بيغرموه كل مرة لتجاوزاتو .. اها من ويندوز95 ابتدء يطرخ منتوج ما خلص البيتا تيست ويبيعو ويخلي العالم تنتظر ال update وال upgrade من تاني يوم واهو الناس تجرب وهو يقبض .. هسع طرخ خوالي 6 من ويندوز فيستا من عام ولحد اليوم معظم الشركات المنتجة للاجهزة ما عدلت الدرايفرز ولما الناس بقت ما تشتري الفيستا عمل اتفاقيات مع مصنعي كومبيوترات زي hp بحيث تكون مقفولة علي فيستا ومن غير درايفز خارجية واذا عايز تشغل XP تتعب شديد ...الخ .. اهو بيستغل لهفة العالم علي منتوجاتو ويسوي العايزو ....

Post: #119
Title: Re: الاخت انعام عبد الحفيظ - الاخ فرح - والحيموريتان ( اشراقة وانعام)
Author: الطيب شيقوق
Date: 01-15-2008, 02:39 PM
Parent: #118

Quote: اهو بيستغل لهفة العالم علي منتوجاتو ويسوي العايزو ....


يعني يشتغل افندي زيكم ده ؟ يستاهل طالما جعل العالم كلو مغفل يسوي فيهو العايزو .

Post: #121
Title: Re: الاخت انعام عبد الحفيظ - الاخ فرح - والحيموريتان ( اشراقة وانعام)
Author: الطيب شيقوق
Date: 01-16-2008, 10:58 AM
Parent: #119

انعام
مشتاقون

Quote: البكاء بحرروهو اهله من شنو يا الطيب


انت الحفلة حفلتك والديار ديارك بتمشى وين ؟ الجماعة كلهم بهنا منتظرين الرد على استفساراتهم - إن وجدت- وتقديم عبارات اكرامية إن توفرت ( شفت كيف الصياغة القانونية المحكمة ) انت قايلاني رطاني ولا شنو ؟