Post: #1
Title: مضوي الترابي؟ يفتي يورخ ينظر ! من يكون هذا الهسبر؟
Author: عبد المنعم عبدالله
Date: 01-02-2008, 03:02 AM
سلام اخوه المنبر
كثيرون منا يتابعون القناه الفضائيه ال السودانيه اوال... م او الجزيره
وكثيرون صارو ينظرو للسودان
من ........ الي ......
بس يا اخوه المنبر
من يكون هذا المضوي الترابي ليفتي لنا
لا اقول اين ابليس؟
بل اين الترابي؟
وكيف يكون للرجل وجهين!
وكيف يلزم اخلاق الحوار في تلفزيون السودان!
وان يفشل ان يكون خلوق معنا!
لماذا؟ لماذا؟
لو القصه مال حلال عليك كل مال الدنيا.
بس لو القصه مبدا
التوحيد يجمعنا يا دييييييك توووور
وكل ما قيل هو من اضابير النسيان!
بس التوحيد شى اساسي!
|
Post: #2
Title: Re: مضوي الترابي؟ يفتي يورخ ينظر ! من يكون هذا الهسبر؟
Author: عبد المنعم عبدالله
Date: 01-02-2008, 03:09 AM
Parent: #1
مضوي الترابي سرطان فاتك في جسد الوطن السودان
ان كان رئيس للجنه الا من والدفاع والا من في البرلمان
او ..........
لا مبدا له
حلو الحديث
وبليد الفهم
|
Post: #3
Title: Re: مضوي الترابي؟ يفتي يورخ ينظر ! من يكون هذا الهسبر؟
Author: نورالدين بابكر بدري
Date: 01-02-2008, 08:18 AM
Parent: #2
سلام الأخ عبدالمنعم
وكل عام وانت بألف خير
ياخي أنا المحيرني الزول دا ( مضوي) زي المافي غيرو
في السودان
مكرر كتير وبي الذات في البرنامج بتاع أمس
ياخ الموضوع الظاهر فيهو حاجات نا مفهومة
تحياتي
|
Post: #4
Title: Re: مضوي الترابي؟ يفتي يورخ ينظر ! من يكون هذا الهسبر؟
Author: عوض محمد احمد
Date: 01-02-2008, 09:37 AM
Parent: #3
حضرت لفاء الامس و كانت اراءه معقولة ومقبولة
و فى النهاية هو يعرض تنظيراته و تحليلاته فى سوق اللة اكبر و لا يجب ان نحاسبه كصاحب منصب تنفيذى فى الحكومة يحاول فرض اراءه بقوة السلطان
كما انه كخبير استراتيجى متمكن و ملم بخفايا المشهد السياسى المحلى و الاقليمى اضافة الى خبراته الطويلة (بالمناسبة هو فى ال 60 من عمره (و ليس كما يوحى شكله)
|
Post: #5
Title: Re: مضوي الترابي؟ يفتي يورخ ينظر ! من يكون هذا الهسبر؟
Author: محمد حسن العمدة
Date: 01-02-2008, 11:44 AM
Parent: #4
الحبيب عبد المنعم
اولا الف حمد لله على السلامة
ثانيا كل سنة وانت طيب بتاعت العيد وبتاعت العام
عارف ناس مضوي الترابي ديل الخط التالت بتاع الجبهة الاسلاموية
زمان كان عارضين حسن مكي الخبير في شئون القرن الافريقي !!
وناس قريعتي راحت امين حسن عمر والاقتصادي الشيخ عبد الباسط
حسع بقى في الصف الخلفي بتاع ناس مضوي الترابي وجمال الوالي
ديل العاوزين يقدموهم للشعب السوداني بعد حرق كل الصفوف الامامية
حلقة امس بالصدفة شاهدتها وقمة البؤس
لا المحاور عارف عاوز يقدم شنو لا المتحاورين عارفين نفسهم بقولو شنو
!!!!!!!!!!!!!
|
Post: #6
Title: Re: مضوي الترابي؟ يفتي يورخ ينظر ! من يكون هذا الهسبر؟
Author: Abureesh
Date: 01-02-2008, 12:01 PM
Parent: #5
حاجـة غريبـة..
مافى زول من الأخوة الفوق ديل الله فتح عليه وذكر جملـة واحـدة فقـط مما قاله مضوى
الترابى، حتى نكون فى الصورة ونأخـذ وندى.
كل شتائم ونبز فقـط لا غير!! بل تعدى الى جـده الشيـخ والولى الصالح حمـد الترابى.
Quote: من يكون هذا المضوي الترابي ليفتي لنا
لا اقول اين ابليس؟
بل اين الترابي؟ |
يا عبد المنعـم ياخى مضوى دا ما ود حسن الترابى، الشيطان بتاعك دا! حسن الترابى
ذاته يصح فيه المثل "النار تلد الرمـاد". فلا تسخـر ممن هـم فى القبور.
هل تصـادر حق مضوى الترابى فى التحليل والبحث مهما كان رأيك فيما يقول؟ واين
حريـة الرأى عندك؟
|
Post: #7
Title: Re: مضوي الترابي؟ يفتي يورخ ينظر ! من يكون هذا الهسبر؟
Author: عبد المنعم عبدالله
Date: 01-02-2008, 02:07 PM
Parent: #6
سلام عليكم
وشكرا للاخوه
نور الدين بابكر بدري
| Quote: ياخ الموضوع الظاهر فيهو حاجات نا مفهومة |
فعلا يا اخ نور الدين الموضوع فيه شي غير مفهوم
عوض محمد احمد
| Quote: كما انه كخبير استراتيجى متمكن و ملم بخفايا المشهد السياسى المحلى و الاقليمى اضافة الى خبراته الطويلة (بالمناسبة هو فى ال 60 من عمره (و ليس كما يوحى شكله) |
يا اخ عوض تلفزيون السودان يسوق لاطروحات الموتمر الوطني
وعن خبراته الطويله نرجوك ان تنورنا
سلام محمد حسن العمده
والسنه الجايه زي ما داير
Quote:
عارف ناس مضوي الترابي ديل الخط التالت بتاع الجبهة الاسلاموية
!! كان عارضين حسن مكي الخبير في شئون القرن الافريقي زمان
وناس قريعتي راحت امين حسن عمر والاقتصادي الشيخ عبد الباسط
حسع بقى في الصف الخلفي بتاع ناس مضوي الترابي وجمال الوالي
ديل العاوزين يقدموهم للشعب السوداني بعد حرق كل الصفوف الاماميه
|
اتفق معك اخي محمد حسن
وكل هذه المساحات الاعلاميه المفرده له في الاجهزه الاعلاميه
توكد ماذهبت اليه من تحليل
ولك مودتي
الاخ ابو الريش
الموضوع ليس حلقه الامس التي عرضت بتلفزيون السودان
ولكن سطوع نجم هذا المضوي فجاه في الايام والشهور الماضيه
وتفرده في التنظير والتاطير لاطروحات الموتمر الوطني
واستماتته في تاطير وتغليف خط الموتمر الوطني
فاذا كان للموتمر الوطني منظريه وطرحهم تمتلي به الساحه
اذا من حقي ان اتسائل
هل هو م.ن؟
ام يودي واجب المنصب؟
ام؟ ام؟ كثيره جدا
بعدين يا ابو الريش كيف اصادر حقه! انا مدير التلفزيون
انت ال ما تحاول تصادر حقنا في التسائل من يكون هذا المضوي
|
Post: #8
Title: Re: مضوي الترابي؟ يفتي يورخ ينظر ! من يكون هذا الهسبر؟
Author: عبد المنعم عبدالله
Date: 01-02-2008, 02:21 PM
Parent: #7
سلام محمد حسن العمده
اسف للخطاء في الاقتباس الذي حدث اثناء التنزيل
وهذا تصحيح:
Quote:
عارف ناس مضوي الترابي ديل الخط التالت بتاع الجبهة الاسلاموية
زمان كان عارضين حسن مكي الخبير في شئون القرن الافريقي !!
وناس قريعتي راحت امين حسن عمر والاقتصادي الشيخ عبد الباسط
حسع بقى في الصف الخلفي بتاع ناس مضوي الترابي وجمال الوالي
ديل العاوزين يقدموهم للشعب السوداني بعد حرق كل الصفوف الامامية |
اتفق معك اخي محمد حسن
وكل هذه المساحات الاعلاميه المفرده له في الاجهزه الاعلاميه
توكد ماذهبت اليه من تحليل
ولك مودتي
|
|