Post: #1
Title: من المسؤل عن تغيب محمد احمد يادومة وجنى ؟
Author: MAHJOOP ALI
Date: 12-31-2007, 08:21 AM
كلما يرد مصطلح جلابة بمنبرنا هذا تتعالى الاصوات , واعلاها صوت المستنيرين
هل هو اقرار بان عشيرة محمد احمد كلها جلابة؟
ام ان حصيلة محمد احمد التاريخية تقتصر على ارث الجلابة؟
لماذا يتوحد الليبراليون والعلمانيون والظلاميون والانفصاليون ويحتشدون دفاعا عن
مصطلح الجلابة ؟ الا يفصح ذلك عن عنصرية منكورة؟
الم يكن استهداف د/ منصور خالد من قبل د/ عبدالله على ابراهيم ومعه الانتباهة,
يرمى لتجريد منصور خالد من انتمائيه لمحمد احمد؟فدكتور ع .ع.ا يحتفى بايحاء
رمزى لعضو الحزب الشيوعى فى اول برلمان بعد الاستقلال , ويبخس اسهام منصور خالد
فهل المطلوب ان ننتظر حتى يبعث فينا نبيا يرضى عنه د/ع.ع.ا , الذى صرف بعض جهده
فى سرد تراث الجعليين واكتفى بالصمت عن الحال المائل.
ام تمثيل محمد احمد ينحصر فى البشير وخاله الانفصالى؟
اقيدونا من المسؤل عن تغيب محمد احمد ؟
|
Post: #2
Title: Re: من المسؤل عن تغيب محمد احمد يادومة وجنى ؟
Author: Tragie Mustafa
Date: 12-31-2007, 08:32 AM
Parent: #1
منور يا بلدياتنا
وكل عام وانت بخير
سؤال في الصميم
وجيدا انك منتبه لورطة دوما و جني وبتادل الادوار التي لا تليق بتاريخهم
(لماذا يتوحد الليبراليون و العلمانيون و الظلاميون و الانفصاليون ويحتشدون دفاعا عن
مطلح جلابه؟الا يفصح ذلك عن عنصريه منكورة؟) القادر يقول البغله في الابريق منو؟؟؟؟يا محجوب يا اخوي؟؟؟
| Quote: من المسؤل عن تغيب محمد احمد يادومة وجنى ؟ |
انا لا اعرف السمؤل عن غياب محمد احمد لكني اعرف المتضرر عن غياب محمد احمد.
شكرا لك اخي محجوب علي.
تخريمه:
الماوس بطلت تشتغل كويس عشان كده الاقتباس الاول لم انجح في جعله يبدو كاقتباس.
|
Post: #3
Title: Re: من المسؤل عن تغيب محمد احمد يادومة وجنى ؟
Author: MAHJOOP ALI
Date: 12-31-2007, 08:55 AM
Parent: #2
عليك نور ياتراجى
كان عرفنا منو المسؤل من تغيب محمد احمد
تلقائيا حانستدل على منو المستفيد من تغيبوا
|
Post: #4
Title: Re: من المسؤل عن تغيب محمد احمد يادومة وجنى ؟
Author: رأفت ميلاد
Date: 12-31-2007, 09:32 AM
Parent: #3
محجوب
كل سنة وأنت طيب
كان محمد أحمد جدو إسمو عبدالله وبقى مهدى .. يبقى جلابى
والجلابى بالنسبة لى أنا معنى وااااحد .. وما عندها دخل بالعروبة وقبائل الشمال زى ما سايطننا هنا
جلابى = نخاس
والتاريخ قدامنا .. أعتنق النخاسة الأشراف والناقلة
يعنى المهدى والمرغنى ومن لف لفهم .. جلاااااااااابية مكوية
وتحياتى لدومة وجنى
|
Post: #5
Title: Re: من المسؤل عن تغيب محمد احمد يادومة وجنى ؟
Author: Mohamed Suleiman
Date: 12-31-2007, 03:22 PM
Parent: #4
فوق .... للزايغين و الزايغات ....
|
Post: #8
Title: Re: من المسؤل عن تغيب محمد احمد يادومة وجنى ؟
Author: doma
Date: 12-31-2007, 03:30 PM
Parent: #5
| Quote: فوق .... للزايغين و الزايغات .... |
منو الزايغ ؟؟؟
خلونا نحتفل بعام 2008 روق يا ود سليمان قسمتك بتجيك السايقه واصله ماتستعجل .  :
|
Post: #6
Title: Re: من المسؤل عن تغيب محمد احمد يادومة وجنى ؟
Author: doma
Date: 12-31-2007, 03:22 PM
Parent: #4
اسم الله الف مره محمد احمد دا تعبت تعب شديد لما سجلتوا مالوا غائب ؟؟؟
اقيف اضرب ليهو تلفون اشوف الغيبو شنو جعل الله المانع خير
امانه جاتك يا محجوب ولدي دا بوست تفتحوا لي في راس السنه؟؟؟؟  .
وكل عام وانتم ومحمد احمد بخير
|
Post: #7
Title: Re: من المسؤل عن تغيب محمد احمد يادومة وجنى ؟
Author: Tragie Mustafa
Date: 12-31-2007, 03:26 PM
Parent: #6
يا محجوب آمانه في زمتك كان رخيت لخالتك دوما دي شوف جنس الاستهبال ده جايه تكتل قلبك بالمتين الحلوات ديل:
| Quote: امانه جاتك يا محجوب ولدي دا بوست تفتحوا لي في راس السنه؟؟؟؟ . |
يا دوما من الشفافيه ان يحاسب الابناء الاباء و الامهات اها شدي حيلك.
|
Post: #9
Title: Re: من المسؤل عن تغيب محمد احمد يادومة وجنى ؟
Author: MAHJOOP ALI
Date: 12-31-2007, 07:41 PM
Parent: #7
الاخ رافت
كل سنة وانت طيب
شايف محمد احمد دا كلهم متبرين منو
تجيب سيرة الجلاية كلهم يسلوا سيوفهم
ويتخذوا محمد وسيلة لانكار وجود الجلابة
عاوزين نفض الاشتباك بين الاتنين , ونعرف محمد احمد دا ناسو وين
|
Post: #10
Title: Re: من المسؤل عن تغيب محمد احمد يادومة وجنى ؟
Author: Tragie Mustafa
Date: 12-31-2007, 09:32 PM
Parent: #9
لما بعد العيد....منتظرنك.
|
Post: #34
Title: Re: من المسؤل عن تغيب محمد احمد يادومة وجنى ؟
Author: doma
Date: 01-04-2008, 08:35 AM
Parent: #2
| Quote: الماوس بطلت تشتغل كويس عشان كده الاقتباس الاول لم انجح في جعله يبدو كاقتباس. |
تراجي يا ا ختي انت ماوسك دا انتايه ؟؟؟
انا ماوسي ما عنده جندر غايتو
|
Post: #11
Title: Re: من المسؤل عن تغيب محمد احمد يادومة وجنى ؟
Author: AMNA MUKHTAR
Date: 01-01-2008, 00:27 AM
Parent: #1
Quote: منو الزايغ ؟؟؟
خلونا نحتفل بعام 2008 |
المحتفلة ليها شنو يا دومة..!!
نحنا بطلنا نحتفل لسنا سنين ..
الأخ محجوب على..
شكرا على الصور الروعة..
استأذنك فى صورة واحدة لمدونتى.
كل سنة وانت وأسرتك الكريمة ألف خير.
|
Post: #12
Title: Re: من المسؤل عن تغيب محمد احمد يادومة وجنى ؟
Author: MAHJOOP ALI
Date: 01-01-2008, 06:54 AM
Parent: #11
دومة
عندك راس السنة , ولغاية 7يناير عيد المسيحيين الشرقيين
امنة مختار
قشة ماتعتر ليك , الصورة صورتك
|
Post: #16
Title: Re: من المسؤل عن تغيب محمد احمد يادومة وجنى ؟
Author: doma
Date: 01-03-2008, 03:53 AM
Parent: #11
Quote: المحتفلة ليها شنو يا دومة..!!
نحنا بطلنا نحتفل لسنا سنين .. |
ودا سؤال كمان يا امونه انا ما جلابيه منغنغه ومبطره
ومختره احتفل من غير احتفال قايلني مهمشه متلكم
|
Post: #13
Title: Re: من المسؤل عن تغيب محمد احمد يادومة وجنى ؟
Author: AMNA MUKHTAR
Date: 01-02-2008, 05:01 PM
Parent: #1
UP
|
Post: #14
Title: Re: من المسؤل عن تغيب محمد احمد يادومة وجنى ؟
Author: MAHJOOP ALI
Date: 01-02-2008, 09:05 PM
Parent: #13
يديك العاقية ياامنة مختار
بالله كل ماتلقى فرصة ادفرى معاك البوست
شايف دومة خلصت احتفالات راس السنة , وبتقضى فترة نقاهة فى بوست (بشاشا) و(القريش)
|
Post: #15
Title: Re: من المسؤل عن تغيب محمد احمد يادومة وجنى ؟
Author: Tragie Mustafa
Date: 01-02-2008, 09:17 PM
Parent: #14
آمونه كيفنك
راجعي ايملك العزيز محجوب علي رسل لي صور حلوة لصغيرها الحمش
لاجلك وقد قمت بارساله لك راجعي ايملك .
مبحتي لكما معا.
وبانتظار دوما وجني لما بعد الفصح
الجماعه قلبوا مع رأفت ميلاد.
|
Post: #18
Title: Re: من المسؤل عن تغيب محمد احمد يادومة وجنى ؟
Author: doma
Date: 01-03-2008, 04:42 AM
Parent: #15
Quote: كلما يرد مصطلح جلابة بمنبرنا هذا تتعالى الاصوات , واعلاها صوت المستنيرين
هل هو اقرار بان عشيرة محمد احمد كلها جلابة؟ |
يا محجوب اذا كنت متابعا لاستعمال مصطلح الجلابه لادركت مغذي استعماله وهو استعمال خبيث يفصح عن سوء طويه من يستعمله ولقد فطنا له لانه يعني بصريح العباره كل ما هو شمالي اي انه اكتسب بعدا عرقيا ويقوم بعض دعاه نضال الهامش كامثال محمد سليمان بتوظيفه للانقضاض العرقي علي كل اهل الشمال بل يحدد قبائل الشوايقه والجعليين ومدنهم لضربها ومحاسبه اهلها علي كل اوزار الماضي والحاضر التي ارتكبتها الحكومات المتعاقبه بغض النظر عن الاحزاب التي شكلتها او الناخبون الذين جاءوا بها او العسكر ومن ساندهم من النخب انهم يريدونها حربا عرقيه لا تبقي ولا تذر كما حدث تماما بين التتسي والهوتو في روندا . لذا عندما نهب لرفض مصطلح الجلابه لاننا نرفض مبدأ العقاب الجمعي والذي سيطال محمد احمد المسكين .
السؤال الهام والمفروض يتم طرحه يا محجوب علي لماذا تم ابعاد مصطلحي الايدلوجيه الاسلاموعربيه او المركز والهامش وتم صك مصطلح الجلابه ان لم يكن هناك خبثا وشرا مبيتا يراد بمحمد احمد الذي لا يقل تهميشا عن ادروب او ابكر او مجوك ؟؟؟؟ ؟ لماذا يستبعد هامش الشمال؟؟ جاوب علي السؤالين ديل عشان تعرف لما نرفض استعمال هذا المصطلح.
| Quote: هل هو اقرار بان عشيرة محمد احمد كلها جلابة؟ |
السؤال دا اضاف لكونه تقريريا فهو مستخلص من فهم خاطئ لمصطلح جلابه المستعمل بهذا البورد و الذي يعني محمد احمد في عضم رقبتو .
|
Post: #19
Title: Re: من المسؤل عن تغيب محمد احمد يادومة وجنى ؟
Author: doma
Date: 01-03-2008, 04:49 AM
Parent: #15
Quote: وبانتظار دوما وجني لما بعد الفصح
الجماعه قلبوا مع رأفت ميلاد. |
مش قلبنا معاه وبس يا ستي تراجي انا لو في زول اقرب الي قلبي في ا هل السودان هم اقباطه
|
Post: #17
Title: Re: من المسؤل عن تغيب محمد احمد يادومة وجنى ؟
Author: jini
Date: 01-03-2008, 04:35 AM
Parent: #1
Quote: (لماذا يتوحد الليبراليون و العلمانيون و الظلاميون و الانفصاليون ويحتشدون دفاعا عن
مطلح جلابه؟الا يفصح ذلك عن عنصريه منكورة؟) |
عندما تجترح هكذا مصطلح جهوى عنصرى اقصائى فضفاض فمن يا ترى سيحتشد تحته او حوله او خلفه!
التركمان والأكراد!!
بمعنى آخر انتم جمعتمونا واخترتم لنا اسم جلابى!
و الخراهو يخموا!
لا مؤاخذة!
محمد سليمان ابوبردعة مفتكرنى زايع!
دة انا اول مرة اشوف البوست يا أدع!!
جنى
|
Post: #20
Title: Re: من المسؤل عن تغيب محمد احمد يادومة وجنى ؟
Author: doma
Date: 01-03-2008, 05:19 AM
Parent: #17
| Quote: أما على مستوى استخدام اللغة، فالشماليون يستخدمون كلمات "أبيض" و"أسود" للرمز إلى الخير والشر، السعادة والتعاسة، الطهر والفساد، والتفاؤل والتشاؤم. وتجري تعبيرات مثل "اليوم الأسود" و"السوق الأسود" و"قلب فلان أبيض أو أسود" على ألسنة الشماليين بصورة عادية، دون أي إحساس أو شعور بازدراء الذات الكامن في هذا الاستخدام للغة. ولا جدال في أن هذا "التناقض" الصريح يؤدي إلى استبطان الدونية وتخفيض قيمة الفرد وإلى الكراهية المطلقة للذات. إنها لمخاتلة مذهلة أن يقوم الشماليون، بدلاً من تعديل اللغة العربية لتتناسب مع سيمائهم، بتخيل سيماءات أخرى لأنفسهم حتى يتسقوا مع اللغة. |
ما عارفه لقيت الكلام دا في بوست الهويه بتاع خالد كمتور بالمناسبه بوست كارب الرجاء مطالعته يا محجوب ما عارف الكاتب لكن شئ محير حقا حتي اللغه بتاعت اسود وابيض بقت لغه الشماليين لوووووووووول اها كلام االله فيه الاسود والابيض وفي اللغه الانجليزيه في البلاك ماركت ؟؟؟بعدين في حاجات كدا لما نقول عليها سوداء معناته استحسان متل سواد العيون وسواد الشعر اها دي كيف ؟؟؟ياكاتب المقال وبرضو الجماعه البيض يفضلون اللون الاسود في السهرات ونحن عندنا لون الحداد هو الابيض اها دي يفسروها كيف انتوا ما بتحسوا انه موضوع اسود وابيض دي شئ مضحك ridiculous or laecherlich كدا وبفسر اننا ما راضين بسواد بشرتنا دا عشان كدا مدخلين العالم في كستبانه
بعدين يطرشني ما سمعت شمالي بيقول لسواد البشره اسود بيقولوا ليهو ازرق عديل كدا اها دي طبعا لو كاتب البحث ترجمها بالانجليزيه كان بتكون ورطتو ورطه
والليل لونه اسود اها دي نصلحها لغويا كيف ؟؟؟
ولا نقول والله الليل لونه ا خدر ولا نقول ما عنده لون يا امه ضحكت من جهلها الامم الله يكفي شر العقد .
يعني تاني تشوف فنيله لونها اسود تقول بالله ناولي الفنيله البمبيه دي .
|
Post: #21
Title: Re: من المسؤل عن تغيب محمد احمد يادومة وجنى ؟
Author: MAHJOOP ALI
Date: 01-03-2008, 07:02 AM
Parent: #20
| Quote: بمعنى آخر انتم جمعتمونا واخترتم لنا اسم جلابى! |
اذا انت ياجنى تدفعك الحمية القبلية ليس الا ؟
والذين جمعوك (لفظا , او صياغة) دون ان يقذفوك بالانتنوف
او يشردوا 2مليون من اهلك , مجرد الجمع يجعل اثمهم لاتغسله انهار الجنة
لذلك يستحقون ان تشهر عليهم سيف عصبيتك وان يتماهى موقف جنى الليبرالى
مع اى ظلامى او انفصالى لانهم ينتمون لعرق رفيع ولطيف تخدشه التعابير المرسلة .
|
Post: #22
Title: Re: من المسؤل عن تغيب محمد احمد يادومة وجنى ؟
Author: MAHJOOP ALI
Date: 01-03-2008, 07:07 AM
Parent: #21
دومة
سلام
جايكى , لكن كلام جنى ماعجبنى تب ( وانا حالتى طالب من الله يحشرنى معاه وكمال عباس)
|
Post: #23
Title: Re: من المسؤل عن تغيب محمد احمد يادومة وجنى ؟
Author: jini
Date: 01-03-2008, 07:20 AM
Parent: #22
| Quote: جايكى , لكن كلام جنى ماعجبنى تب ( وانا حالتى طالب من الله يحشرنى معاه وكمال عباس) |
محجوب الحبوب
وحات الله الكلام دار رد على ابو بردعة!
عشان بعتبرنى زايغ!
انا وين لقيتك لامين اباك!
جنى
|
Post: #25
Title: Re: من المسؤل عن تغيب محمد احمد يادومة وجنى ؟
Author: jini
Date: 01-03-2008, 07:34 AM
Parent: #23
Quote: اذا انت ياجنى تدفعك الحمية القبلية ليس الا ؟
والذين جمعوك (لفظا , او صياغة) دون ان يقذفوك بالانتنوف
او يشردوا 2مليون من اهلك , مجرد الجمع يجعل اثمهم لاتغسله انهار الجنة
لذلك يستحقون ان تشهر عليهم سيف عصبيتك وان يتماهى موقف جنى الليبرالى
مع اى ظلامى او انفصالى لانهم ينتمون لعرق رفيع ولطيف تخدشه التعابير المرسلة . |
الضربوا دارقور بالانتنوف هم الضربونا فى العاصمة ودخلونا بيوت الاشباح وفصلونا للصالح العام وشردونا فى القبل الاربعة وهم اقاموا لنا محاكم النص ساعة وبعدها اعدامات ودفن جماعى قبل ان تبد\ا مشكلة دارفور ظللنا نناهضهم !
ماذا تتوقع منى اذا وصفتنى ودمغتنى بجلابى لمجرد انا شمالى ! ساعتها تكون حصرتنى فى ركن اى دفعتنى ان اتصرف بغريزة البقاء وحفظ النوع!
تتوقع منى ماذا انت اصررت على انى اكلت حقوقك وفعلت بك السبعة وذمتها! ماذا تتوقع اذا اصريت انت انك المهمش وحدك الذى يعيش تحت خط الفقر وان الجلابة هم المترفين والاغنياء من دمك الذى امتصوهو مكذبا كل الاحصائيات والشواهد!
هل تتوقع منى ان احمل رشاشا واضرب اهلى الابرياء الذين باقين على قيد الحياة بسبب دراهم معدودة يرسلها لهم ابنائهم المشردون !
|
Post: #24
Title: Re: من المسؤل عن تغيب محمد احمد يادومة وجنى ؟
Author: doma
Date: 01-03-2008, 07:26 AM
Parent: #22
Quote: والذين جمعوك (لفظا , او صياغة) دون ان يقذفوك بالانتنوف
او يشردوا 2مليون من اهلك , مجرد الجمع يجعل اثمهم لاتغسله انهار الجنة
لذلك يستحقون ان تشهر عليهم سيف عصبيتك وان يتماهى موقف جنى الليبرالى
مع اى ظلامى او انفصالى لانهم ينتمون لعرق رفيع ولطيف تخدشه التعابير المرسلة . |
انت مشكلتك يا محجوب كوحدوي مستنير ومدافع عن الهامش تستهون الكلمه التي تحرض وتد عو للتفرقه علي اساس عرقي وملء النفوس بالاحقاد والضغائن لنصبح بعدها كرواندا تماما يا محجوب الكلمه امضي من السيف . هتلر قبل ينفذ برنامجه كتب كتابه . التعبئه الكلاميه التي يقوم بها بعض المتحدثون باسم اهل الهامش بهذا البورد ستؤدي الي نفس المحصله التي مهد لها هتلر في كتابه ماين كامف وانت في وانا في والايام بيينا ولو مت تذكر كلامي دا وقول دومه كاذبه
|
Post: #26
Title: Re: من المسؤل عن تغيب محمد احمد يادومة وجنى ؟
Author: jini
Date: 01-03-2008, 07:53 AM
Parent: #24
وقناعة راسخة لم تتزحزح يا محجوب
انا وحدوى وليبرالى وعلمانى قناعتى ان محمد احمد لا يمثل اهل السودان وزيه لا يمثل اهل السودان ودينه لا يمثل اهل السودان واستاء جدا ان ارى مذيع نشرة الاخبار السودانىوهو يقرا النشرة بذلك الزى العبيط الذى لايرتديه السودانيون فى اماكن العمل الرسمية ولا يرتدونه الا ايام الجمع وفى الاتراح والافراح يظهر به المذيع وكانه الزى القومى لاهل السودان!
انا علمانى لان قناعتى الراسخة ان الاديان تفرق ولا توحد حتى بين اهل الدين الواحد!
اما جلابى هذه ليست صفة تعريف لى ولا اتشبث بها كصفة اجتماعية او مهنية ولا نصف بها بعضنا البعض ازيك يا جلابى وصباح الخير يا جلابى! بل للاسف يصمنا بها اخوتنا فى الوطن حتى الباقان الثورى!
فاذا وصمنى احد بالجلبنة فلا شك ان يضمر لى شرا ويتربص بى!
اهل السودان يجبوا ان يفرقوا بين عنف الدولة الذى عانى منه كل اهل السودان وبين دولة العنف التى يؤججون فتنة نيرانها والتى لن ينجوا منها احد!
جنى
|
Post: #27
Title: Re: من المسؤل عن تغيب محمد احمد يادومة وجنى ؟
Author: doma
Date: 01-03-2008, 08:21 AM
Parent: #26
لماذا يتوحد الليبراليون و العلمانيون و الظلاميون و الانفصاليون ويحتشدون دفاعا عن
مطلح جلابه؟الا يفصح ذلك عن عنصريه منكورة؟)
لول العنصريه المنكوره دي اشراقات دكتور الباقر اللهم زد وبارك في مثقفي الجلابه .
|
Post: #28
Title: Re: من المسؤل عن تغيب محمد احمد يادومة وجنى ؟
Author: Tragie Mustafa
Date: 01-03-2008, 11:03 AM
Parent: #27
دوما اقباط السودان ليتك تلعمتي منهم لفظ المحبة فقط
لفكرتي ان ضم اخوتك محمد سليمان ومنعم يقود للتعافي اكثر من مطاردتهم.
دوما لا اعرف ان كنتي تعي ام لا ماحدث لي من بعض ابناء دارفور هنا
واسالي جني لاني اعرفه شاهدا واسالي محجوب علي ايضا..حتى الوصول لمستوى
الاتصال بسارة منصور وتاليف قصص لها فعلوه.....شكوني للشرطة وسعوا لنزع
اطفالي عني وبمعاونة نور تاور و...و...الخ....
هل شتمت درافور لاجلهم؟؟؟
هل شتمت قبائلهم لاجلهم؟؟؟
هل توقفت عن دعم جبال النوبة لان نور تاور آذتني؟؟؟
لا يا سيدتي..وهنا يتضح مدى عدم العنصريه وعدم خالط الكيمان.
يا دوما محمد سليمان يحاورك فقط
لم يبحث يوم عن حياتك الشخصيه ولم ينبش خلفك
لم يسأل من هو زوجك وكم طفلا لك وهل هو معك او هجرك؟؟!!
يحاروك بكل احترام لآدميتك حتى لم يسفه يوما رايك ويقول لك يا جاهله او غيرها
من سخافات (ذكور المنابر)!!
انا فعل معي جلابة المنابر كل هذا؟؟؟
وشنقوني في اليوم الف مرة.... وجردوني حتى من انسانيتي
ولكني لازلت اضع يدي بايد الشرفاء من اهل الشمال و كل السودان للعمل معا لاسقاط هذا النظام
فلماذا لم اعمم؟؟؟ولماذا قادرة على فرز الكيمان؟؟؟
مشكلة خطابك يا دوما تجاوز محمد سليمان ووصل حتى لتسفيه د. الباقر العفيف
وغيره.....وأصدقائك الذين اعرفهم هم اكثر تطرفا من د. الباقر العفيف في مثل هذه القضايا.
فلما الذي حدث لك واين قواسمكم المشتركه التي جعلتهم يحدثوني عنك بكل ذاك الفخر؟؟؟؟
انتبهي لنفسك يا دوما
فانت لم تعدي تدري لاي ناحية اخذك الغضب.
|
Post: #29
Title: Re: من المسؤل عن تغيب محمد احمد يادومة وجنى ؟
Author: doma
Date: 01-03-2008, 02:51 PM
Parent: #28
| Quote: لفكرتي ان ضم اخوتك محمد سليمان ومنعم يقود للتعافي اكثر من مطاردتهم |
بالغتي فوكا دي بالجد
هو محمد سليمان راضي بينا يا ختي ؟؟؟
يعلن تبرؤه منا في كل سانحه . سلام الله دا فيه شئ محمد سليمان لا يرده ولا يبدأنا به
محمد سليمان من تطرفه لو اشدنا بدارفوري اخر بيعلن الحرب عليه ويتفه مواقفه .
يا زوله نوع محمد دا غير راغب في التعايش السلمي ابدا يهدد ويتوعد يعمم احكامه ويتعمد الخلط بين اهل السلطه والابرياء الذين لا ناقه لهم فيها ولا حمل .
|
Post: #30
Title: Re: من المسؤل عن تغيب محمد احمد يادومة وجنى ؟
Author: doma
Date: 01-03-2008, 03:11 PM
Parent: #29
Quote: هل شتمت درافور لاجلهم؟؟؟
هل شتمت قبائلهم لاجلهم؟؟؟
هل توقفت عن دعم جبال النوبة لان نور تاور آذتني؟؟؟
لا يا سيدتي..وهنا يتضح مدى عدم العنصريه وعدم خالط الكيمان.
|
وهل شتمت انا دومه دارفور او قبائلها ؟؟؟
وهل توقفت عن دعم القضايا العادله او عن دعم اي مشروع لاهل دارفور او اي فرد من دارفور اسالي يا تراجي ؟ يشتم اهلنا بصوره يوميه وقبائلنا بانها مصاصه للدماء وظالمه وثعالب تاكل نصيب الاسود ولم نحرك ساكنا لكين كتر علينا .
تهدد قبائلنا باستمرار وبصوره ممنهجه ومدروسه من محمد سليمان ورهطه توجه لنا الاتهامات بصوره مستديمه باننا مستفيدون من تهميش اهل دارفور بل اننا قتله ومجرمون . دا حرام يا تراجي الساكت عن الحق شيطان اخرس.
بدلا عن توجيه النقد للايدلوجيه الاسلاموعربيه والنخب الحاكمه والتي حكمت اتجه التجريم للبسطاء المسحوقين من اهل الشمال والوسط دون غيرهم لو لم ينتبه اصدقائي لهذا المخطط النازي فقد تنبهت له ويسعدني ان اكون صوتا مدافعا عنهم بينما يرميهم ابناؤهم المثقفون بكل السواءات ويعلقون عليهم كل خيباتهم .
|
Post: #31
Title: Re: من المسؤل عن تغيب محمد احمد يادومة وجنى ؟
Author: doma
Date: 01-03-2008, 03:21 PM
Parent: #28
| Quote: مشكلة خطابك يا دوما تجاوز محمد سليمان ووصل حتى لتسفيه د. الباقر العفيف |
ومن هو دكتور العفيف يا تراجي؟؟؟ لا قداسه للاشخاص ولا اقدره اكثر من محمد سليمان ولا اقيم كتاباته اكثر من اي كاتب اخر بهذاالبورد قرات بعضا من كتاباته فوجدتها مضحكه بالنسبه لي كما يجد اي شخص اخر ان كلامي مضحكا او تافها
|
Post: #32
Title: Re: من المسؤل عن تغيب محمد احمد يادومة وجنى ؟
Author: MAHJOOP ALI
Date: 01-04-2008, 07:07 AM
Parent: #31
| Quote: مصطلح الجلابه لادركت مغذي استعماله وهو استعمال خبيث يفصح عن سوء طويه من يستعمله ولقد فطنا له لانه يعني بصريح العباره كل ما هو شمالي اي انه اكتسب بعدا عرقيا ويقوم بعض دعاه نضال الهامش كامثال محمد سليمان بتوظيفه للانقضاض العرقي علي كل اهل الشمال بل يحدد قبائل الشوايقه والجعليين |
يادومة
كدى واحدة واحدة
مصطلح جلابة كمصطلح حقبقة ام متوهم ؟
وهل موقفك من الوضع العام ( السياسى) مبنى على رؤية معارضة لموقف فرد واحد
محمد سليمان او منعم سليمان ( مامتكاد بالضبط يا تو فيهم )؟
|
Post: #33
Title: Re: من المسؤل عن تغيب محمد احمد يادومة وجنى ؟
Author: doma
Date: 01-04-2008, 08:31 AM
Parent: #32
اها واحده واحده انت عرف لي مفهومك لمصطلح الجلابه ؟؟؟
|
Post: #35
Title: Re: من المسؤل عن تغيب محمد احمد يادومة وجنى ؟
Author: doma
Date: 01-04-2008, 09:45 AM
Parent: #32
Quote: وهل موقفك من الوضع العام ( السياسى) مبنى على رؤية معارضة لموقف فرد واحد
محمد سليمان |
اولا ما هو موقفي من الوضع السياسي العام في فهمك ؟؟
ثانيا انا اعارض محمد سليمان في طرحه وبؤمن جدا ان النار من مستصغر الشرر ولا استهين بخطه العنصري قط
|
Post: #36
Title: Re: من المسؤل عن تغيب محمد احمد يادومة وجنى ؟
Author: jini
Date: 01-04-2008, 09:55 AM
Parent: #35
Quote: بالغتي فوكا دي بالجد
هو محمد سليمان راضي بينا يا ختي ؟؟؟
يعلن تبرؤه منا في كل سانحه . سلام الله دا فيه شئ محمد سليمان لا يرده ولا يبدأنا به
محمد سليمان من تطرفه لو اشدنا بدارفوري اخر بيعلن الحرب عليه ويتفه مواقفه .
يا زوله نوع محمد دا غير راغب في التعايش السلمي ابدا يهدد ويتوعد يعمم احكامه ويتعمد الخلط بين اهل السلطه والابرياء الذين لا ناقه لهم فيها ولا حمل . |
دى عدة النضال حقتوا المسكين معذور!
جنى
|
Post: #37
Title: Re: من المسؤل عن تغيب محمد احمد يادومة وجنى ؟
Author: MAHJOOP ALI
Date: 01-04-2008, 05:25 PM
Parent: #36
| Quote: ماذا تتوقع منى اذا وصفتنى ودمغتنى بجلابى لمجرد انا شمالى ! |
دومة
دا كلام حبيبنا جنى
يعنى اى واحد يتاوق هنا ويكون (حاج الماحى ) او من مواليد 72 (على رايك)
يطلع بانطباع انو الشمالى ( على الاطلاق كده ) جلابي , ومن منو ؟ من اهل مكة ذاتم !!!
لذلك نحن هنا لتبيان ان محمد احمد مغيب .... ومغيب بوعى ,او بدونه, من اولاده
|
Post: #38
Title: Re: من المسؤل عن تغيب محمد احمد يادومة وجنى ؟
Author: doma
Date: 01-07-2008, 01:17 AM
Parent: #37
Quote: دومة
دا كلام حبيبنا جنى
يعنى اى واحد يتاوق هنا ويكون (حاج الماحى ) او من مواليد 72 (على رايك)
يطلع بانطباع انو الشمالى ( على الاطلاق كده ) جلابي , ومن منو ؟ من اهل مكة ذاتم !!!
لذلك نحن هنا لتبيان ان محمد احمد مغيب .... ومغيب بوعى ,او بدونه, من اولاده |
عاد يا محجوب ودعلي الليلك دا غلبني تب .
انت سالتني وانا رديت عليك وجهت ليك اسئله تزوغ من الاجابه وتسعلني من كلام جني وجني قاعد بهنوك في بوست البنوت السمحات ناس هايدي بارك ولا منو ما بخبر اسمها .
|
|