Post: #1
Title: كاتبي لهذا الاسبوع - امنة احمد مختار
Author: اساسي
Date: 12-29-2007, 05:19 PM
هذه الايام تلبستني حالة (الشمار الدامر) ولا مكان لي لتفريغ هذه الحالة الا المطالعة في بورفايلات الاعضاء . لذا معظم ساعات وجودي في سودانيز اون لاين اقضيها متصفحا لبروفايلات الاعضاء .. اختار البروفايلات بالترتيب حسب الصفحة الاولي بالامس وصلت الي بروفايل الزميلة امنة مختار بحروفها اللاتينية الكابتال وضغط علي البروفايل وطالعته حتي وصلت الي الخانة معلومات اضافية وجدت فيها عنوان مدونة للاخت امنة مختار وكان ان طالعتها .
وجدت في المدونة كتابات شتي واشعار عربي وانجليزي ومجموعة من الاراء المتفرقة في الموضوعات المختلفة وقفت كثيرا في اخر قصدتين في المدونة اعجبتاني جدا وكان لهما الفضل في اعادة قرأتي لكتابات الاخت امنة مختار فقمت بعمل بحث لموضوعاتها في المنبر واصبحت اختار منها عشوائيا
وجدت الكثير من الكتابات التي يمكن ان نطلق عليها مفيدة جدا الا ان غبار (حدة اعصاب الحوار ) تغطيها الا ان الكاتبة ادهشتني كثيرا ولي الكثير لاقوله في هذا الامر الا اني الان اكتفي بنقل بعض الاشعار للكاتبة هذا بعد اذنها طبعا
|
Post: #2
Title: Re: كاتبي لهذا الاسبوع - امنة احمد مختار
Author: اساسي
Date: 12-29-2007, 05:21 PM
Parent: #1
برتقالى كلون الغروب
تلكأت حروف ..
على طرف الشفاه
..............
توكأت نبضى..
وأسدلت رموشى
على حيرتى
...........
تلعثمت كلماتى
وحارت وتاهت ..
توضأت بالنور
واغتسلت بفرحى
وزفت الى ...بشرى
عزيزة ...
بلون النضار
.............
قال يهوانى ...!
زغرد ليلى
وغرد فجرى
...........
برتقالى كلون الغروب
..........
كوهج الأصيل
كشمس الضحا
كفجر كسول
يزيح الدياجى
..............
كلون حلم ..
توسد حزنى
قبل....
لقياه
|
Post: #3
Title: Re: كاتبي لهذا الاسبوع - امنة احمد مختار
Author: اساسي
Date: 12-29-2007, 05:22 PM
Parent: #2
من غير لغة...
أبحث عن رجل يفهمنى
من غير كلام ....
ويكلمنى من غير لغة
كشعاع الشمس يغمرنى
يغسل أعماقى يدفينى
يكسو بالنور كيانى
ينداح كفيضان كاسح
يروى سهولى الجدبة
يقرأ أفكارى قبل البوح
يسبر أغوارى...
يقرأنى
كالدرويش يعشقنى...
ويهلل بى
رجل تحنان ....
رجل انسان
رجل كلمة
يدرك نفطة ضعفى ...
يشفينى
يجوس خلالى....
يلبسنى
يحنو على ...
كلهف الأم
يراعينى بدفء....الأب
بحنان الجد...يدللنى
كالسلوى ...يعزينى
من حب دافق يطعمنى...
يغذينى
***
رجل كالوهم..
.رجل كالحلم..
كأفضل آمالى.....
وما لا تدركه أوهامى
بروح شفاف كالبللور
يزيل أحزانى...
والنقمة
يكفكف دموعى ....
يمسحها
يقهر آلامى ....
ينسفها
ومعه أنسى وجع الغربة
رجل معنى......
مثل أعلى
كرجولة آدم فى الفردوس
قبل النكبة
****
ملحوظة : هذا البحث وجدانى محض...ولا يتضمن البحث عبر محركات البحث فى الشبكة العالمية
|
Post: #4
Title: Re: كاتبي لهذا الاسبوع - امنة احمد مختار
Author: abubakr
Date: 12-29-2007, 05:32 PM
Parent: #1
شكرا اساسي للتنبيه ...بعدان هئ لي ان اقرء بعض من كتابات امنة قبل عام ونيف كتبت عنها الي منبر اخر اقدمها للمنتديين هنالك واشرت الي امكاناتها الادبية ...تشغلها هموم كثيرة تجعلها حادة احيانا ولكنها بحق قادرة علي انتاج ادبي رقيق رائع .. وامنة رسامة اضافة الي ذلك
مودتي
ابوبكر
|
Post: #5
Title: Re: كاتبي لهذا الاسبوع - امنة احمد مختار
Author: Tragie Mustafa
Date: 12-29-2007, 05:38 PM
Parent: #4
آمنه مختار قلم مميز
وكنت اعي قدراتها الكتابيه المميزه
ومحزن ما تعرضت له في منابر الحوار
والتقيم العرقي حتى للابداع.
وفي هذا لا تقف آمنه مختار وحيدة
وانما اقلام كثيره من الهامش ظلمت.
آتمنى ان يتجرد الرفاق عن عنصريتهم ويقرأون
لآمنه مختار بقلب مفتوح فان احرفها معجونة بالصدق.
آمنه امكانيات مهلوه لم تجد التقييم الحقيقي كمعظم قدرات ابناء/بنات الهامش
وقد قرأنا عن تجربتها حينما رغبت في الاقتراب من عالم الصحافه.....
لو توجد صحافه حقيقيه لتقلفت موهبتها باكر وتبنتها.....لكن
يبدو ان رؤساء الصحف انفسهم ومدراء التحرير ممن وصل للصفاة بالصدفه
لذلك لا يعرفون الوصول لحقائق بسيطه مثل التي توصلت لها اليوم يا اساسي.
وشكرا لك ان توصلت لحقيقيتها وعقبال البقيه.
|
Post: #6
Title: Re: كاتبي لهذا الاسبوع - امنة احمد مختار
Author: AMNA MUKHTAR
Date: 12-29-2007, 05:39 PM
Parent: #1
الليلة سجمنا ووووووووووب 
الدباب السابق..
وعدو نساء المنبر رقم واحد
ابقى انا كاتبته المفضلة لهذا الأسبوع..!!
أكييييد انا طبزته فى حاجة كده ولا كده...ياربى شنو 
دايما بقول لأصحابى لو أعجبوا الكيزان بكتاباتكم..راجعوا نفسكم.
أساسى الأساسى ..
كل سنة وانت طيب انت وأسرتك الكريمة.
عليك الله صلح اسمى ده وأكتبوا كويس ( آمنة أحمد مختار) بألف المد والهمزة.
بعدين مالك لصقت عناوين المنظومات مع الأبيات.
تنويه: أنا لا اكتب شعرا..,ولكن أحيانا تتفلت من خواطرى فى صورة شعرية..
فاللشعر فرسانه ..ولست منهم
تحياتى..
.
|
Post: #7
Title: Re: كاتبي لهذا الاسبوع - امنة احمد مختار
Author: Tragie Mustafa
Date: 12-29-2007, 05:42 PM
Parent: #6
يازوله بطلي تواضع.....
Quote:
تنويه: أنا لا اكتب شعرا..أحيانا أكتب خواطرى فى صورة شعرية..
فاللشعر فرسانه ..ولست منهم.
|
الشعر افكار عميقه قبل ان تكون كلام منظوم....
افكارك جميله وعميقه وجريئه وهذا ما يعبر عنا..وليس انماط ناس روضه الحاج....
|
Post: #8
Title: Re: كاتبي لهذا الاسبوع - امنة احمد مختار
Author: AMNA MUKHTAR
Date: 12-29-2007, 05:51 PM
Parent: #1
أصلح كلمة الضحى هذه وأكتبها صحيحة قبل ما يجو ناطين لينا ناس اللغة العربية..
هسه انا كان غالبنى أنزل المنظومات ده هنا!!
|
Post: #9
Title: Re: كاتبي لهذا الاسبوع - امنة احمد مختار
Author: الجندرية
Date: 12-29-2007, 05:56 PM
Parent: #1
لم تتح لي علاقتي بالنت وما وسمها من استعجال وضيق الوقت فرصة التعرف على عدد غير يسير من كتاب وكاتبات المنبر بشكل جيد ، ولكن اذكر تماماً لآمنة مختار بوستها قبل عام ونيف او عامين عن العشق الألهي ، فقد كان بوستاً جميلاً.
نص برتقالي نص مغموس بالشعرية وحتى وان انكرت كاتبته معالجتها للشعر ، فهذا نص شعري مئة بالمئة ، والعبرة بألأثر كما يقول أهل النقد.
شكراً اساسي على تعريفنا على هذا النص الجميل.
وتحياتي واحترامي آمنة أحمد مختار .
|
Post: #10
Title: Re: كاتبي لهذا الاسبوع - امنة احمد مختار
Author: waleed500
Date: 12-29-2007, 06:00 PM
Parent: #9
وحات ابوى الزوله دى انا بريدها عديل كده
وهنا لا اقصد بريدها الاكترونى انما بريدها الوجدانى
وبطريقتكم حلوها متل ما تحبو
اساسى كل سنة وانت طيب
|
Post: #11
Title: Re: كاتبي لهذا الاسبوع - امنة احمد مختار
Author: عمر الفاروق
Date: 12-29-2007, 06:09 PM
Parent: #1
اساسي :
تحياتنا لي امنة مختار ..
لكن بالجد كده لو فعلاً إخترت امة عشان القصيدتين ديل تكون زول ظهرتها عاااملة ..
بالجد وانا أسة بقرا فيهم إتذكرت ليك كراسات المتوسطة بتاعت المراهقين ديلك وما رأيك في الليل والشمس وتلاتة وردات لمن تهديها ..
اتوقع إنو امنة كتبت الكلام ده أيام الصبا زمن قفا نبك عييييييييييييك ..
|
Post: #12
Title: Re: كاتبي لهذا الاسبوع - امنة احمد مختار
Author: wd al geran
Date: 12-29-2007, 06:23 PM
Parent: #1
Quote: كرجولة آدم فى الفردوس
قبل النكبة |
ودي كانت كيف 
|
Post: #13
Title: Re: كاتبي لهذا الاسبوع - امنة احمد مختار
Author: AMNA MUKHTAR
Date: 12-29-2007, 07:13 PM
Parent: #1
الأخ العزيز باشمهندس أبو بكر سيد أحمد شكرا على تشجيعك الدائم ودعمك..
عارف يا أساسى..
انا عندى مدونة تانية قديمة فى مكتوب..تحمل اسم ( سودانية )
وقد هجرتها وتركتها وصرت أكتب فى هذه المدونة الأخيرة التى أهدانى اياها
باشمهندس ابو بكر ...أبو البنات,,وأخو البنات ..
وشكرا لك يا أساسى وللباشمهندس..
وللعزيزة تراجى ( شكارتها دلاكتها)
والأخت كثيرة الغياب الجندرية ..
وللأخ العزيز الذى قام بترجمة بعض ما كتبته ويلقب نفسه بعلى بابا.
شكرا لكم جميعا على التشجيع..والدعم
وصحيح كلام عمر الفاروق الود الفتك جدا...معظم ما كتبته من نظم يعود
الى أيام الرومانسية والدنيا لمن كان لونها بمبى..
أيام كانت للحياة طراوة الزهر النضير.
|
Post: #14
Title: Re: كاتبي لهذا الاسبوع - امنة احمد مختار
Author: Abubaker Ahmed
Date: 12-29-2007, 07:27 PM
Parent: #1
Quote: أبحث عن رجل يفهمنى
|
ارسل ليك رقمي ؟
الغربة والعزوبية هدوني سنين فكان جيتي انتي عليهم حتتمي الناقصة !
________________
شهادة لله حروف جميلة جدا
|
Post: #15
Title: Re: كاتبي لهذا الاسبوع - امنة احمد مختار
Author: Saifeldin Gibreel
Date: 12-29-2007, 07:55 PM
Parent: #14
يا اساسي واللهى ... امونة دى.... اظرف شخصية فى البورد...... زى.. خرى النحل....
|
Post: #16
Title: Re: كاتبي لهذا الاسبوع - امنة احمد مختار
Author: Abdel Aati
Date: 12-29-2007, 08:15 PM
Parent: #15
آمنة مختار كاتبة متمكنة
وعندها لون من الكتابة الساخرة احبه جدا ..
هي ايضا شاعرة متميزة
وعندما لا تشاكل شخصا بعينه تكون من افضل الكاتبات
لها التحية والاحترام ..
|
Post: #18
Title: Re: كاتبي لهذا الاسبوع - امنة احمد مختار
Author: HAYDER GASIM
Date: 12-30-2007, 02:03 AM
Parent: #16
Quote: وعندما لا تشاكل شخصا بعينه تكون من افضل الكاتبات
|
وأنت ... كذلك ... ياعادل.
آمنة مختار ... كيفنك,
واليومين ديل لامي فينا
أساسي شكير ساكت, ظنيتوا
داير إموت ول شينو؟
آمنة ... إمرأة سودانية غير
عادية لجهة عمق أحاسيسها الإجتماعية
والسياسية ومرفوداتها فى التعبير
نثرا وشعرا ... أعتقد أنها وبقليل
من المراجعه لتواقيع أحوالها حول
الهامش فسوف تكون رقما قوميا ضالعا
فى مناخنا السياسي, بل سوف تقود نواصي
البديل الديمقراطي الذي أحلم به مشروعا
لأقالة عثرات السودان وصون وحدته وإستعادة
سلامه المفقود وعبوره إلى بر الديمقراطية
وإلى مصاف العصر.
حفظ الله آمنة ... وشكرا أساسي ... الأساسي
|
Post: #20
Title: Re: كاتبي لهذا الاسبوع - امنة احمد مختار
Author: AnwarKing
Date: 12-30-2007, 02:16 AM
Parent: #16
| Quote: وعندما لا تشاكل شخصا بعينه تكون من افضل الكاتبات |
وأنت كذلك
هوي يا أساسي...كلم بكري ده يرجع ليك أسمك (الرومانسي) بدلاً من أسمك الملطخ بالدبابات ده
ياخي انت طلعت جميل جمال!
|
Post: #17
Title: Re: كاتبي لهذا الاسبوع - امنة احمد مختار
Author: AMNA MUKHTAR
Date: 12-30-2007, 01:54 AM
Parent: #1
Quote: Quote: كرجولة آدم فى الفردوس
قبل النكبة
ودي كانت كيف |
تفتكر كانت كيف ؟
يا ود الجيران الخيران .
وليد نصف الألف..ششكرا على كلماتك يا أخى
أنت أظرف ظلامى فى المنبر ده.
سيف الدين جبريل شكا على خرى العسل ( ده المدح بما يشبه الذم ذااااتو )..
أبو بكر أخمد..نهى نهى نهى...بالهندى..
عادل عبد العاطى شكرا لك ولدعمك لى دائما.
|
Post: #19
Title: Re: كاتبي لهذا الاسبوع - امنة احمد مختار
Author: Saifeldin Gibreel
Date: 12-30-2007, 02:09 AM
Parent: #17
| Quote: سيف الدين جبريل شكا على خرى العسل ( ده المدح بما يشبه الذم ذااااتو ).. |
يا امونة.... ياخى كل سنة وانت طيبة... وبعدين.... واللهى بريدك زى وهاج العييييييين... ما تزعلى منى.... صافية لبن...
|
Post: #21
Title: Re: كاتبي لهذا الاسبوع - امنة احمد مختار
Author: Mohamed Omer
Date: 12-30-2007, 03:37 AM
Parent: #1
Malaria kills 4,000 people in Sudan each month
|
Post: #22
Title: Re: كاتبي لهذا الاسبوع - امنة احمد مختار
Author: Mohamed Suleiman
Date: 12-30-2007, 03:57 AM
Parent: #21
عزيزتنا آمنة مختار كتبت إسمها هنا بأحرف من نار .... و رغما عن أنف الكثيرين و الكثيرات سطعت موهبتها ...
أحرفها تفرض نفسها ... فتنزع الإعجاب و الإحترام من الخصم و الصديق علي السواء ...
و لقدام يا أمونة ..
|
Post: #23
Title: Re: كاتبي لهذا الاسبوع - امنة احمد مختار
Author: Kostawi
Date: 12-30-2007, 04:56 AM
Parent: #22
في إجتماعات لو عملت شنو و شنو ما بتكون خايلة
برضو بتكون صارة و شها!!!
أقصد الإجتماعات.
آمنة
قلتي لي إسمك فيه
مد و جذر و له جزرة
الدباب
أساسي....الدب المقابل الحر
ليكم كلكم
أمبارك الأعياد...حتى ناس واحد يناير
زولكم كوستاوي...جاو
|
Post: #24
Title: Re: كاتبي لهذا الاسبوع - امنة احمد مختار
Author: tmbis
Date: 12-30-2007, 11:00 AM
Parent: #23
| Quote: كاتبي لهذا الاسبوع - امنة احمد مختار |
لهذا الأسبوع بس يا اساسي ..؟
ياخي دي مفترض تكتب طوالي . كلما لقت ليها فرصة تكتب إن شاء الله تكتب في الحيط .. تكتب في السماء الواسع دا والناس تصنقع عشان تقرا وتقول:
دييييييك آمنة مختــار في السماء في السماء وهي تعطي من صحا
صحة وعافية ..
صحة ... صحتن .. صحتن وعافية..
آمنة مختــار .. لا يسعني إلا وأن اعطيك وردتيني .. كالعادة ..
وكل ورود الدنيا دي .. إلا وردة واحده بس كان قربتي عليها ح ترشك بي عبيره .. وح تعمل فيك عمايل .. .. إنت قايلاها ورده زي كل الورود الفي الدنيا دي ..؟
اتفضلي يا آمنة ياخ .. اتفضلي .. 
|
Post: #25
Title: Re: كاتبي لهذا الاسبوع - امنة احمد مختار
Author: AMNA MUKHTAR
Date: 12-30-2007, 02:39 PM
Parent: #1
| Quote: حفظ الله آمنة ... وشكرا أساسي ... الأساسي |
حفظك الله اخى حيدر قاسم..
وشكرا على مدحك الفائق..
شكرا العزيز أنور كنغ
الأخ محمد عمر شكرا على التنبيه لخطر الملاريا( شغلك نضيف)
|
Post: #26
Title: Re: كاتبي لهذا الاسبوع - امنة احمد مختار
Author: معتز القريش
Date: 12-30-2007, 03:27 PM
Parent: #25
Quote: 29-12-2007, 06:27 م
Abubaker Ahmed
.
تاريخ التسجيل: 14-06-2007
مجموع المشاركات: 1678
Re: كاتبي لهذا الاسبوع - امنة احمد مختار (Re: اساسي)
Quote: أبحث عن رجل يفهمنى
ارسل ليك رقمي ؟
الغربة والعزوبية هدوني سنين فكان جيتي انتي عليهم حتتمي الناقصة !
________________
شهادة لله حروف جميلة جدا
|
يا أبوبكر أحمد
ما في داعي نقطّع على بعض ثمح ...
|
Post: #28
Title: Re: كاتبي لهذا الاسبوع - امنة احمد مختار
Author: احمد التجانى احمد
Date: 12-30-2007, 03:43 PM
Parent: #26
امنة مختار رقم يصعب تجاوزه
بمعنى انه لو وقعت اسيرة فى يد الجلابة
ممكن يساوموا بيها المهمشين ويطلقوا سراحها
مقابل عشرة عشرين جلابية اسيرة
لكن التهميش ماعندكم!
|
Post: #29
Title: Re: كاتبي لهذا الاسبوع - امنة احمد مختار
Author: Abubaker Ahmed
Date: 12-30-2007, 04:06 PM
Parent: #26
Quote: يا أبوبكر أحمد
ما في داعي نقطّع على بعض ثمح ...
|
ود عمي معتز القريش الظلامي ارعى بي قيدك !
|
Post: #27
Title: Re: كاتبي لهذا الاسبوع - امنة احمد مختار
Author: عاطف عمر
Date: 12-30-2007, 03:41 PM
Parent: #1
شهادتي في حق آمنة حتماً مجروحة
فهى أخت أعتز بها وصديقة أفاخر بصداقتها
تعرف الأصول وتعمل بها ولي في ذلك تجارب
قوية توصل رسالتها كما تريد للقارئ أن يفهمها
واضحة لا تعرف أن تمسك ( العصا ) من وسطها
لا تلحن في كلمتها ولا تختبئ خلف المعاني المتشابهة
لا تخشى المواجهة إن رأت صحة رأيها وبطلان حجة مناظرها
ثم بعد ذلك هي صاحبة مفردة لا يضلها القارئ الحصيف
شكراً أساسي إن أتحت لنا سانحة لنقول كلمة في حق آمنة أحمد مختار
|
Post: #30
Title: Re: كاتبي لهذا الاسبوع - امنة احمد مختار
Author: AMNA MUKHTAR
Date: 12-30-2007, 05:53 PM
Parent: #1
أخجلتم تواضعنا يا ناس..
|
Post: #31
Title: Re: كاتبي لهذا الاسبوع - امنة احمد مختار
Author: دينا خالد
Date: 12-30-2007, 07:45 PM
Parent: #1
اساسى ؟؟
ما عارفه لى حاسه انو فى شرك ؟؟
قلت الكلام وجريت وين ؟؟؟
على العموم امنة دى ولااااااااا على كيفك ،،
ــــــــــــــــــــــ
بينى وبينك يا افورقى عجبوك القصيدتين ولا الصوره بوظت اعصابك ؟؟؟
|
Post: #32
Title: Re: كاتبي لهذا الاسبوع - امنة احمد مختار
Author: Emad Abdulla
Date: 12-30-2007, 07:55 PM
Parent: #31
| Quote: على العموم امنة دى ولااااااااا على كيفك |
... و على ذلك نبصم بالعشرة ..
إستنرت يا أساسي و أيم الحق ..
مرحى .. مرحى .
|
Post: #33
Title: Re: كاتبي لهذا الاسبوع - امنة احمد مختار
Author: Gazaloat
Date: 12-30-2007, 08:08 PM
Parent: #32
| Quote: ولا الصوره بوظت اعصابك ؟؟؟ |
ومع ذلك... فان اقل القليل من الناس من يعرف أُنس الكتابة وغالب الناس نُسَّاخ يضعون الحرف جنب الحرف والكلمة حزاء الكلمة ويرصونها كالسكسك المنضوم... جميل ولكنه بلا روح.
واحلف بالله مثنى وثلاث ورباع.. آمنة ليست من غالب الناس.
الله قادر
منعم الجزولى
|
Post: #34
Title: Re: كاتبي لهذا الاسبوع - امنة احمد مختار
Author: Nasr
Date: 12-30-2007, 08:18 PM
Parent: #1
الفهم قسم والملافظ سعد
وأنا غايتو سعيد بقسمتها (قسمة بس، دهب الشرق كلو وبدون وزن)
ويبدوا انو كثيرين معاي (قبالي وبعدي) سعيدين بملافظها
Happy New Year
|
Post: #35
Title: Re: كاتبي لهذا الاسبوع - امنة احمد مختار
Author: AMNA MUKHTAR
Date: 12-30-2007, 10:35 PM
Parent: #1
شكرا للجميع على كلماتكم الطيبة..
بصراحة الواحد راسو بقى قدر المنطاد..
كل سنة وانتو طيبين
Quote: اساسى ؟؟
ما عارفه لى حاسه انو فى شرك ؟؟
قلت الكلام وجريت وين ؟؟؟ |
أساسى باين عليهو يا دينا اتهرش هرشة عدوك ..
غايتو يا حيدر قاسم انا زاتى
بقيت ملاوزة من شكر أساسى ده..
ربنا يدينا خيره.
|
Post: #36
Title: Re: كاتبي لهذا الاسبوع - امنة احمد مختار
Author: hanouf56
Date: 12-31-2007, 00:34 AM
Parent: #35
هووووووووووووووووووووووووووووووووي
اعملي حسابك ....
................................
محمد
|
|