(ابو ساندرا)....و(ملاسي) في .....سرج واحد !!

عارفنه ياتو سرج؟؟؟؟؟؟؟؟





سرج البكايين.

ملاسي مسيكن كشفت حاله روايه العابسي في بوست طويل عريض
لما قلب الهوبه في سوركتي........








اخونا ابو ساندرا راجل مسالم وماداسي انه بكاي نمرة واحد
الا بكيته دي بالغ فيها عديل!!
بكيه ظلاميه بت مليون كلب.

Quote: (ابو ساندرا)....و(ملاسي) في .....سرج واحد !!

هلا يا تراجي
وفي مثل بقول
ابنقدح بعرف محل ببكي مع اخوهو

نسأل الله السلامة

الله جميل يحب الجمال

ومعناها عريض جدا

(ليس الخلقة فحسب)

Quote: الا بكيته دي بالغ فيها عديل!! بكيه ظلاميه بت مليون كلب.

ده ياتا دى يا تراجى ..
عليكى الله جيبى لينا اقتباس
عشان نشمت فيهو

آمونه
وكيك
وحيدر



وحياتكم دي بكيه تاريخيه
الا الحقونا بالصور اول

ويا البتعرفوا تحملوا الصور ختوا لينا الصورة بتاعت بروفايل ملكة سبأ
في وسط البوست ده وبعدين بنجيب سيرة البحر بمزاج.

ويا يعترف ابو ساندرا انه قال شنو في الصورة دي والاطرف انه اعتقدها منو؟؟؟؟


واول النكت يا يا ابو ساندرا انه هذه الصورة ليست لملكة سبأ لعلمك وباقي الفيلم بتمنه لكم

زولي داك الفيهو واتعرفت
ولكن خالي ابوساندرا ده(بطافي نورو) ده
برضو لسع بكابس في البروفايلات

أنا غايتو بحكم شغلي في الصور بجيب ليك رابط الصورة بس
الصورة دي بجيب الهوا وانا زول أبو عيال وحريمي كتار
مين البربيهم لما اروح شمار في مرقة

وكان نكر بجيب ليك المداخلة

أحسن تعترف يا ابوساندرا..

طبعا هو قايل دي صورة ملكة سبأ
وما عارف انها صورة زوجة (هناي)

اضغط لمشاهدة الصورة التي بكى فيها ابوساندرا

Quote: أبو عيال وحريمي كتار مين البربيهم لما اروح شمار في مرقة

قشة ماتعتر ليك يا أبوالظلام
انت بس كيف تنقشع وتروح شمار في مرقة
و وليداتك بربيهن
يللا ورينا هناي ده منو ؟


اما الارامل مقطوعات الطاري
ديل بجيهن بي رواقة

اطالب بعضوية لاختنا الفاضلة رشيدة عشان تدافع عن بعلها ...... و تشاكل تراجي

هو يا حيدر...وانت( ملاسي) بلديتنا داك لم استفردتوا بيه قايلنه ماعنده (رشيدة ايضا)
كان ممكن تجيكم وتوريكم المكشن بلا بصل؟؟؟؟؟

Quote: اطالب بعضوية لاختنا الفاضلة رشيدة عشان تدافع عن بعلها ...... و تشاكل تراجي

اها الليله ابو ساندرا ده انا رشيدته هنا
I'm going to fix him
هذا تعبير امريكي قالوا بتقوله الامريكيه لزوجها البكاي
انها حتستعدله وتوضبه.


اها الليه يا ابو ساندرا جاك الموت يا تارك الصلاة.

اها وقبل ما استرسل


دعوني اثبت رايا
ان اخينا ملاسي مسيكن وتعليقه ذلك لا يدخله في خانة البكاين
ولكن اعداءه كثر في المنبر فسلختوا الرجل وهو حيا وشويته ايضا
وشبعتوا( شيه).




وملاسي راجل راسي ورزين
لكن ركبته السرج ده فقط من باب المداعبه وباب انه
ممكن المختلفين فكريا ممكن يتفقوا سلوكيا....ويركبوا سرج واحد.





وبعدين ظلامية مسلاي انا ما مقتنعه بيها لانه بيبكي احيانا بطريقه خفيه
في المستنيرات...مش زي اخونا ابو ساندرا....يفكر باستناره ويبكي في الظلاميات!!

كتب معتز القريش

Quote: طبعا هو قايل دي صورة ملكة سبأ

هذا تصحيح لمعلوماتك يا ود القريش
سنة الفين وتلاتة في لقاء لي مع بورداب الخرطوم كان ان التقيت بالاخت الفاضلة ملكة سبأ والتي عرفتني علي الاخ ابو ساندرا وكانت جلسة بورداب علي الهواء الطلق في حدائق القصراذكر منهم فتحي البحيري ودريم وابو يسرا وكريمات ابو ساندرا وحبيب الكل و مجموعة من البورداب وصديقي ابو الشوش من خارج المجموعة ليلتها علق صديقي ان بركات دا زول ظريف لكن (ختري) وبكاي

Quote: يللا ورينا هناي ده منو ؟

اضغط لمشاهدة هناي

الخواف ربى عيالو

Quote: اها الليله ابو ساندرا ده انا رشيدته هنا

هسع نقوم نطالبك بالحقوق
بتقومي تجقلبي أو تجغلبي

خليك جاهزة
انت والأرملة الأخرى

أصلي اليومين ديل عندي جن ارامل

ابو ساندرا
منور يا ايها البعل الاسفيري
حقوق اسفيريه مافي
فقط انضباط خطاب....ومساككه في البوستات شد حيلك.

Quote: هسع نقوم نطالبك بالحقوق بتقومي تجقلبي أو تجغلبي

وبعدين يازول ده زواج كندي يعني قوانين بتسري هنا انت قايلها قوانين قرط المتخلفه
اعمل حسابك



تعال ورينا الاقتباس لبكيتك التاريخيه في مرة الرئيس الكوز؟؟؟؟


انا من قبيل كايسه في الاراشيف سلقط ملقط ما عرفتها
و البوست اعتقد بتاع ملكة سبأ الكتبتها عن محبة الرسول(ص) بعد حادثة الدب و المعلمه جليان جيبونز.





انكت الفيلم يا كابتن وبعدين نشوف كيفية استعدالك اسفيريا.
مطششين بناس رشيده من المنابر وما عارفين انه كتمت النفس دي وراكم وراكم
والجندريات اخوات رشيده مفتحات عيونهم زي الريال ابو عشرة
و الحساب كمان باثر رجعي.شفته (الكنديات ديل كيف و الاجر على الله؟؟)

Quote: ويركبوا سرج واحد.

اول حاجة السروج البركبها انا
ملاسي مابيقدر عليها ولو بقى زغبير*
أو بقى ديفيد بولاند**
او ارنوبولو
أو سعيد حركات

------------------
* زغبير: أشهر جوكي سوداني
** الثلاثة ديل اسألوا عنهم هاروزون دياب

Quote: سنة الفين وتلاتة في لقاء لي مع بورداب الخرطوم كان ان التقيت بالاخت الفاضلة ملكة سبأ والتي عرفتني علي الاخ ابو ساندرا

يعني يا داقسين أساسي الكان رومانسي
قال ليكم انا بعرف العزيزة بلقيس ملكة سبأ
حق المعرفة والعرفة ومن زمان
يعني مافي أي إحتمال للدقسة في شكلها وصورتها

رشيدة الأخرى
خليك جاهزة
أنا جاييك يا فاطمة السمحة

الكلام ده ما ببرأك يا كوتش

Quote: يعني يا داقسين أساسي الكان رومانسي قال ليكم انا بعرف العزيزة بلقيس ملكة سبأ حق المعرفة والعرفة ومن زمان يعني مافي أي إحتمال للدقسة في شكلها وصورتها

وبعدين نحن عارفين العيون وما لحقها....
ويمكن ملكة سبأ الاصليه ذاتها مبكياك من زمان
او بتشبه زولتنا دي..المهم الكلام الاتكتب كان بكيه بت كلب....
حسه جيب الكلام وبطل هروب......

كيكي منور يا فرده.....
وكل عام وانت بخير.....





اليوم قررنا استعدال العمده اسفيريا فاستعد وانتبه وخليك معنا:

Quote: هلا يا تراجي وفي مثل بقول ابنقدح بعرف محل ببكي مع اخوهو

يازول هو حجنس بكى؟؟؟؟
بكى ببيانته لاحق حركات الهامش البتنشأ منبريا فقط .

ابو ساندرا......المثل بقول السواي ما حداث
وبطل حركات سجيمان واخوه المر عاملين لينا فيها انهم فحول المنبر.....

Quote: اول حاجة السروج البركبها انا ملاسي مابيقدر عليها ولو بقى زغبير* أو بقى ديفيد بولاند** او ارنوبولو أو سعيد حركات ------------------ * زغبير: أشهر جوكي سوداني ** الثلاثة ديل اسألوا عنهم هاروزون دياب

بعدين اوع تتفسح في اخونا ملاسي ده عشان تفتكره ما بيخش البوست ده.....
ملاسي ولدنا ولد بورتسودان متغذي سمك وزرنباك اوع تهوب عليه وتفتي.....


وبعدين ما تقلب البوست لمستوى الاستادات
وبعدين اولاد الهامش ما بيحبوا كلام الجلابه ده بكره
تلقاهم شغالين لي تراجي بتهظر مع اولاد الجلابه.....

فخلينا في حدود هظارنا ما ناقصين هواء....

معتز قريش
منور يا راجل النسوان

Quote: أنا غايتو بحكم شغلي في الصور بجيب ليك رابط الصورة بس الصورة دي بجيب الهوا وانا زول أبو عيال وحريمي كتار مين البربيهم لما اروح شمار في مرقة وكان نكر بجيب ليك المداخلة أحسن تعترف يا ابوساندرا.. طبعا هو قايل دي صورة ملكة سبأ وما عارف انها صورة زوجة (هناي)

سا سمتهبل
عارفاك بتخاف من عمك الجعلي هجو الاقرع......


لكن بلقى لي زول ينزل لي الصورة وش........

كدي شوف لينا اغنيه مناسه للبوست ده عن البكايين.

لكن بلقى لي زول ينزل لي الصورة وش........







by the way trajie who is she???

شكرا يا د.مصطفى محمود


ويا بريء انت ما عارف انها زوجة عمر البشير حاليا وارملة ابراهيم شمس الدين؟؟؟؟






وهذه هي سيدتنا الاولى..التي امدت التهميش لداخل القصر الجمهوري
وخلت اختنا فاطمه خالد من احق من يفترض يلتحقوا بجيوش المهشين
ونها صارت اكبر ضحايا الاقصاء و الاستبعاد عن ماركز القرار.....
يازول ديل قربوا يخترعوا وزارة آخر للثروة الحيوانيه وشؤن الاسماك يمسكوها
لفاطمة خالد ادخل القصر الجمهوري.



يازول ما تشوف الزولة الكاتله حيلها دي
دي اخطر امرأة الآن في بلادنا.....



وكمان تخيل يجي ابو ساندرا يبكي لينا فيها؟؟؟؟
التقول الفيلم ناقص

ام حازم وضيوفه
مساء الخير
حبيبي ابو نضارات ده قال:

Quote: اول حاجة السروج البركبها انا ملاسي مابيقدر عليها ولو بقى زغبير* أو بقى ديفيد بولاند** او ارنوبولو أو سعيد حركات ------------------ * زغبير: أشهر جوكي سوداني ** الثلاثة ديل اسألوا عنهم هارون دياب

انا التلاتة ديل بعرفم احسن جوكية في قطر والخليج
وكمان بعرف بتاع الاعلام المسئول عنهم .... رائك شنو اعرفكم بيه ....؟
الايام دول ياماااااان ولو انت نسيت ****انا مانسيت
قعدتنا الجميلة في المدرج .ده طبعا شمار تقيييييييل
المهم....
حاسب من بنات خالاتي ديل .....!اكان عرفوا الا طنبورك ينقر.
لك ولهم التحايا
هارون دياب

العزيز هارون دياب شكرا للمرور
واليوم صحبك ده قول لرشيده تراجي مبرمجه بيه هنا.

Quote: ابنقدح بعرف محل ببكي مع اخوهو

لكن يا عبد الكريم ما بالغت..

ويا د.مصطفى محمود عليك الله...اخطف رجلك لمنبر السودان الجديد وجيب لينا الصورة الثنيه مع اليارهوات
لسيدتنا الاولى وداد...تلقاه في بوست لخالد الطيب اسمه وداد وكان جبنا اللينك بكري بيتجنن.
فكدي جيب لينا الصورة بلا لينك يا دكتور مصطفى ينوبك ثواب.

Quote: وهذه هي سيدتنا الاولى..التي امدت التهميش لداخل القصر الجمهوري وخلت اختنا فاطمه خالد من احق من يفترض يلتحقوا بجيوش المهشين ونها صارت اكبر ضحايا الاقصاء و الاستبعاد عن ماركز القرار..... يازول ديل قربوا يخترعوا وزارة آخر للثروة الحيوانيه وشؤن الاسماك يمسكوها لفاطمة خالد ادخل القصر الجمهوري. يازول ما تشوف الزولة الكاتله حيلها دي دي اخطر امرأة الآن في بلادنا.....

تراجي

كده حاتخرجي البوست عن موضوعه

ياريت لو تم سحب الصورة
ونترك باقي البوست لسلخ ابوساندرا

what is the problem with

what is the problem with

Quote: هو يا حيدر...وانت( ملاسي) بلديتنا داك لم استفردتوا بيه قايلنه ماعنده (رشيدة ايضا)

بس كلامو ما كان فى (سيدتنا)











انا حا اجيب ليك البوليس

يا تراجى... واللهى انت كدة احلى .. زولة... ياخى دة بوست رائع جدآ.... وبعدين يا..ياسيكو عليك الله ما تدخل البوست دة.. الا لو داير تقوق كلام حلو.....

قد جئنا لنشمت فى ....ميمون و....النضارة

هوي يا حيدر اظنك راكب في سرج الجعليه مع هجو الاقرع....!!

Quote: تراجي كده حاتخرجي البوست عن موضوعه ياريت لو تم سحب الصورة

نسرين سوركتي دي ما عنده كان وجيهع ولا وليان ...,الا فليه سكتوا عن
التلاعب بصورتها؟؟؟؟؟؟ ولمن راجل كمان ختوها في بروفايلاتهم؟؟؟

سيف جبريل يا لذيذ يا رايق انت
اصلا طلقنا النضال وعدنا لوقاعدنا سمالين.
يناير على الابواب.....وان شاء الله القوات الدوليه تدخل ونتفرغ للفارغه الزي دي.
خلي الراجل العاملين لينا فيها رجال يمشوا يبنوا الاتهدم داك
انا شخصيا فترت وقلت الروب.

Quote: يا تراجى... واللهى انت كدة احلى .. زولة... ياخى دة بوست رائع جدآ.... وبعدين يا..ياسيكو عليك الله ما تدخل البوست دة.. الا لو داير تقوق كلام حلو.....

ايو بالله ياسيكو ده امسكوا مني......صورة بروفايله العسل ما مابينها
الا طبيظه ...بيرفع ضغطي طوالي.




ان شاء الله حفلتكم تكون تمام
نحن حلفتنا ب(ابوساندرا) ومعيدين هنا بس.

عبد المنعم الجزولي كل عام وانت بخير
لقيتك فقري لكن وبتصحى بدري

Quote: قد جئنا لنشمت فى ....ميمون و....النضارة

ميمون لكن باقي لك ما بالغ عديل كده؟؟؟؟
بالله دي بكيه يبكيها مستنير؟؟؟؟؟
اتاري التنظير ده حد المنبر.....اما الود فممكن يكون لظلاميات برضو

Quote: كل عام وانت بخير

Happy Hanukkah يابت اخوى

انا منذ زمن ابحث عن فرصة للتشفى فى اى واحد من ( عصابة الاربعة )
فشكرا لك ان قد مكنتينى من واحد
الله يمكننى من الباقين
منعم

Quote: ان اخينا ملاسي مسيكن وتعليقه ذلك لا يدخله في خانة البكاين

تراجى هوى خلى الجهوية دى..
عشان ملاسى طلع من بورسودان عايزة تغمضى عينك عن بكيته العينة


لكن هى كانت بكية نصاح

غايتو انا فى بوست راوية داك ضحكت لمن بكيت.

Quote: اما الود فممكن يكون لظلاميات برضو

هسع عليك الله اللمبة المنورة دي بتطفيها أي ظلاميات
مهما حلك ظلامها وتطاول في الرتب
بطلو الحسادة

اما جزلوت ده فأمره عجب
بنتظرو لغاية ماتفك منو
وبعدين بسألو
بعدين يا نعوم يا فنان
كيف فات عليك أن لا تلحظ شبكة الأصابع الزي بلح الشام ونجد
أقعد بس باري لي في القرود ديلك وفوت على نفسك الجمال
الحارسات الليبيات ذاتهن قهن في الرتينة لغاية ما إنجهرن

هلا يا ابوساندرا
ولو (العمي ) حصل يا خال
قول لينا عوووك
فانا جاهز (للسواقة) وح اقصر العصاية
وبرضو جاهز اقول ليك واشاور عندما نصل بالقرب من الاشياء التي يجب ان تضرب
وتعمل فيها عميان ( علي طريقة صحبك بتاع مصر داك)

Quote: (للسواقة)

باللاهي انت بقيت بتاع كده
يا ود أختي
يعني ح تبقى عليك
الخال خالي وانا ود أختو ؟

Quote: وملاسي راجل راسي ورزين لكن ركبته السرج ده فقط من باب المداعبه وباب انه

الخواف ربى عيالو

رافت ميلاد منور

Quote: الخواف ربى عيالو

تلميذتك يا شاب....

اها ،جانا البكاي الأعظم
قال:

Quote: الخواف ربى عيالو

أهلآ يا رأفت
أنا عارفك ذواقة
من زمن الحبش

البوست دة شماره اكتر من الفول والزيت

طارق جبريل
كل عام وانت بخير يا اخي....

Quote: البوست دة شماره اكتر من الفول والزيت

و(جبنته) كيف؟؟؟؟

Quote: والزيت

أهم حاجة و الزيت يا طارق
القرود دي مابتتبلع إلا بالزيت
لكن ماشفت فلانة ديك مهضومة كيف
أنكر إنها مزيونة بالزاف

غايتو صاحبنا الفطس داك ما اظنو ح يجد حورية مثلها هناك
إلا يلم في راكيل وولش

Usataza Tragie
How are you ?
This post almost cracked my head wide, I have not laughed that much in a long time. So, that is Wadad, eh ! Ma sha Allah

Malaria kills 4,000 people in Sudan each month

ووووووب علينا الحق يا هجو ابو ساندرا قرض البطحانيه :

Quote: بعدين يا نعوم يا فنان كيف فات عليك أن لا تلحظ شبكة الأصابع الزي بلح الشام

الله اكبر عليك يا ابو ساندرا يا اخي حرام عليك
قول ماشاء الله...بالله الراجل التقول رباطابي!!
التشبيه ده جبته من وين مستلفه من سجيمان؟؟!!

العزيز زكريا
سلامات

Quote: Usataza Tragie How are you ? This post almost cracked my head wide, I have not laughed that much in a long time. So, that is Wadad, eh ! Ma sha Allah

تشكر اخي على السؤال انا بخير.


وبركه الضحكته يا اخوي هي الدنيا دي فيها شنو غير الضحك.



وهاهي هي وداد يا اخي بشحمها ولحمها



زولنا عزال مش كده؟؟؟؟


برجع بحكي لك نكته بعد شويه.

شكرا اخي محمد عمر على المرور
وفعلا الملاريا اخطر من الايدز على شعبنا.

Quote: وهذه هي سيدتنا الاولى..التي امدت التهميش لداخل القصر الجمهوري وخلت اختنا فاطمه خالد من احق من يفترض يلتحقوا بجيوش المهشين

بس شكلها بتلبس من دولاب تياب فاطمة خالد




_____
أي زول في البوست الكارثة ده ما يعشم يدخل البلد
الى ان يقضي الله امرا كان مفعولا..


تراجي دي حربية .. بتشوت في أي إتجاه.. وحارقة كباري كتيرة..
الكلام البمشوا جنب الحيطة
وناس عصاية مرفوعة وعصاية مدفونة..
أمانة ما اتبشتنتوا!




____
تعليق جاد:
البوست ده احتمال يحظر الموقع من ناس الداخل..

بس شكلها بتلبس من دولاب تياب فاطمة خالد




_____
أي زول في البوست الكارثة ده ما يعشم يدخل البلد
الى ان يقضي الله امرا كان مفعولا..


تراجي دي حربية .. بتشوت في أي إتجاه.. وحارقة كباري كتيرة..
الكلام البمشوا جنب الحيطة
وناس عصاية مرفوعة وعصاية مدفونة..
أمانة ما اتبشتنتوا!

أمال الناس الناوين يمشوا السودان خلال أيام
زى حلاتنا كده يا نجوان يعملوا شنو؟

غايتو الحافظ الله..
وجعلنا من بين ايديهم سدا ومن خلفهم سدا..
ياختى من لم يمت بالسيف مات بغيره
ما لجرح بميت ايلام

نجوان وآمونه
كيفنكم؟؟؟
ومنورات البوست....



انتو في ده ولافي ابو ساندرا الشايلن حال يعونه
طلع بخير وكمان للاصابع متفرس فيهم
وشبهم ببلح الشام


وكتلتيني بالضحك يا نجوان:

Quote: تراجي دي حربية .. بتشوت في أي إتجاه.. وحارقة كباري كتيرة.. الكلام البمشوا جنب الحيطة وناس عصاية مرفوعة وعصاية مدفونة.. أمانة ما اتبشتنتوا!

انت في ده ولافي ابو ساندرا العمل زوغبير من البوست

Quote: ياختى من لم يمت بالسيف مات بغيره ما لجرح بميت ايلام

الترجمة: الفاس وقع في الراس..

فوق ..
عشان بلح الشام ..وعنب اليمن

غايتو ياآمونه
ابو ساندرا وقع وماحد سمى عليه
يحله الحل بله من بنات بورتسودان ديل.

Quote: فوق .. عشان بلح الشام ..وعنب اليمن

ابو ساندر بالغت

يا اخي قاعدين نفتش ليك الاطباء من موسكو لحدي مكسيكو
تقول لي لفة الاصابع زي بلح الشام ..

يا اخي والله انتو خطيرين جدا
نحن لو الشام ذاتا ختوها جنبنا خليك من بلحا ما بنشوفا

وبرضو تقول لي عيونك باظت ؟؟

ما جنس التبحلق دا هو البوظا

دى حالتك انتى ياأمنه ماقلتى ماشه السودان ,, وشايفك بترفعى فى البوست

غايتو اللسته مشت واستلمها صلاح قوش شخصيا , ناس تراجى ديل كلهم عندهم

جوازات كنديه وامريكيه , الكلام ناس قريعتى راحت ,,

Quote: يا اخي والله انتو خطيرين جدا نحن لو الشام ذاتا ختوها جنبنا خليك من بلحا ما بنشوفا

عبد العاطى يا أخوى انت زول جادى شديد وماخد الحكاية جد ..زى حلاتنا كده
لكن الكوامر ديل خليهم ساكت ...ديل من زمن ( .....)

تراجى..
بلح الشام ده أبو ساندرا
وعنب اليمن..ملاسى

افووووو ياابوساندرا الديامي ، ما قايلك بتقع طاااااااخ كدة

لمن فيك جدعوووك في سوق الديم وعديت الخور ورجعت (بعبارين )

ويا كيكي الحق (السواقة ) عمك ( طارتو ) وقعت ، بردلب ...

تراجي ... وامنة مختار ، سلامات ، ابو ساندرا كان تداوسهو براحة

وحبة حبة ... لانو نحن الديامة ما بنقدر نشوف زولنا يقع زي دة

يا ابو ... ننادي ناس ( لبط وحنان جني ) للمساعدة وللا مستمتع كدة!

شفته يا عادل طلعت بريء كيف؟؟؟



وابو ساندرا مفتح وقاعد
وانتو تجوا فوق صور الجكس دي مارين مرور الكرام





الكوامر ديل يا آمونه اخطر ناس:

Quote: عبد العاطى يا أخوى انت زول جادى شديد وماخد الحكاية جد ..زى حلاتنا كده لكن الكوامر ديل خليهم ساكت ...ديل من زمن ( .....)

ملاسي
تتذكر كلمة كومر في راندوك اسكندريه؟؟؟؟
وعكسها كان زوسوكي
ايام السزوكي جديده.
طبعا انا متأكده يا آمنه ان ملاسي بتاوق
عشان كده بخاطبه بقلب قوي.

سلام امنة وتراجي

تعرفن في قصة الهكر سوركتي
انا ساكي ليك حزب الامة ومعاي اخوي الكاشف
وشايف البوست بس ما دخلتو لانو ما عارف الزولة ذاتا منو
بعدين لمن راوية فتحت بوست ملاسي ووقعتو لحد نص البوست انا مسطح ..

حالة صعبة
حقو ناخد دروس بعد دا من ابو ساندر ا وملاسي
الاتنين اصحابي

Quote: انت في ده ولافي ابو ساندرا العمل زوغبير من البوست

للأسف ثقتك في بعلك الأسفيري منتهية خالص
أفو ،،، نحن ما بنعمل زغبير
نحن بتاعين غزبير بس

Quote: الاتنين اصحابي

أها قمنا على السلبطة يا عادل
غايتو صحبتك ما بنابها
لكن لازم نوقع معاك ميثاق
إنو لو حصل إختلفنا تحفظ لسانك عندك
وماتجي تقول لي فايقة وبتاع

وش عامل كده

Quote: فايقة وبتاع

وبتاع

ممكن يكون عبدالمنعم سليمان
وممكن بهاء بكري
وممكن ياسر عرمان ذاتو

ماشين ننوم يا جماعه
اضبطوا لينا هذا المتفسح اسفيريا ابو ساندرا لحين عودتنا.

Quote: ماشين ننوم يا جماعه اضبطوا لينا هذا المتفسح اسفيريا ابو ساندرا لحين عودتنا.

يا عيب الشوم
تنومي كيف
والبعل الاسفيري صاحي
ومصحصح


بالمناسبة إنتو أبوحليب وين
طمنوهو إنو البوست ده مافيهو أخو عماد واللا أخو كيكي

ولا اخو كودي وانت الصادق:

Quote: بالمناسبة إنتو أبوحليب وينطمنوهو إنو البوست ده مافيهو أخو عماد واللا أخو كيكي

ابو حليب ده اعارفه احسن واحد يعمل زغبير في البورد ده.

Quote: أي زول في البوست الكارثة ده ما يعشم يدخل البلد الى ان يقضي الله امرا كان مفعولا..

نجوان
كل سنة وانتي طيبة

أنا اتسمي مكتوب ؟؟؟

Quote: أنا اتسمي مكتوب ؟؟؟

أنت بس أرجى توسنامي الجاياك
كمان جايب هناي بي صورتو وقديديمو
والله تاني غلآ الإجازة في لاهاي

Quote: أي زول في البوست الكارثة ده ما يعشم يدخل البلد الى ان يقضي الله امرا كان مفعولا..

انا غايتو بررره يا نجوان
لاني لمن خشيت كنت عارف سرج ملاسي وين
لكن سرج ابوساندرا ما عرفتو الا تاني يوم

عيب يا خال
ده ما كان الاتفاق

Quote: عيب يا خال

غايتو انا عندي إتنين أولاد أخت
واحد مات
والتاني كد

انت ياتو فيهم ؟

Quote: انت ياتو فيهم ؟

تخيل بعد المداخلة كنت خايف علي حتة (السرج)
لكن ما دام جابت ليها موت والتانية (شنو)؟؟
انا متتتتت زمان يا ابوساندرا

عزيزى فيصل ....مسكاقنا
فرغت قبل قليل من قراية رزمانة الاستاذ كمال الجزولى
وبعدها دخلت على البورد فوجدت هذا البورد عن ملاسى وصاحبك
ابو ساندرا الذى ابكانى فى بوست الديوم. وبماان الحكاية
بقت كشف حال فأرجو ان تنقل هذا الجزء الى هذا البوست
و(تعالو شوفو حالة القاضى دة

أمام محكمة بإحدى مدن الجنوب الامريكي الصغيرة وقف محامي الاتهام يستجوب شاهدته الأولى، وكانت سيدة عجوز، محنيَّة الظهر، تتوكأ على عصا، وتلهث بفم تساقطت منه الأسنان، ولولا مساعدة الحاجب لما استطاعت أن تصعد إلى منصَّة الشهود، وهي تتلفت، وتحدِّق في القاضي والمحامين والجمهور، من وراء نظاراتها السميكة. وكما يفعل المحامون، أحياناً، أراد الأستاذ أن يبدأ معها ببعض الاسئلة التمهيديَّة:

ـ "سيِّدة جونز .. هل تعرفينني"؟!

غضَّنت وجهها، هنيهة، وتلفتت تبحث عن مصدر الصوت، وهي تحرِّك فكَّيها المترهِّلين تمضغ الهواء، وتضيِّق ما بين عينيها باسطة كفها فوقهما تدقق النظر، ثمَّ ما لبثت أن صاحت بصوت متحشرج:

ـ "منو؟! وليامز؟! أمانة ما بعرفك عِرفة .. منذ أن كنت ولداً صغيراً إلى أن كبرت وأصبحت، بصراحة، خايب، عايب، كذاب، تخون زوجتك، وتغتاب الناس! أنت يا وليامز تظن أنك شئ .. لكنك لا تملك حتى المُخ الذي يجعل منك شيئاً! عاد كيفن ما بعرفك"؟!

صعق محامي الاتهام تماماً! وفجأة، في غمرة ارتباكه، ألفى نفسه، دون أن يقصد، يمدُّ ذراعه يشير إلى زميله الجالس على الطرف الآخر، ويسأل:

ـ "سيِّدة جونز .. هل تعرفين محامي الدفاع"؟!

عادت العجوز تمضغ الهواء بفكيها المترهِّلين، وهي تتلفت باسطة كفها فوق عينيها، قبل أن تصيح بصوتها المتحشرج:

ـ "منو؟! برادلي؟! بعرفو والله مِمِّا كان في الكليَّة .. كسول ومتعصِّب وسُكرجي كمان! ده غير إنو أفشل محامي في البلد، وإنسان غير قادر على إقامة علاقة سويَّة مع الآخرين! أما خياناتو المتكررة لزوجتو .. فخليها ساكت"!

شحب وجه محامي الدفاع، وغاص في مقعده يكاد يموت من هول الصعقة! وفجأة، قبل أن ينطق محامي الاتهام بكلمة أخرى، أمر القاضي كلا المحاميين بالاقتراب من منصته، ليهمس لهما بصوت مرعوب وعينين جَّاحظتين:

ـ "إسمعا جيِّداً أيُّها الوغدان .. إعملا حسابكما! إذا سأل أيٌّ منكما هذه الشاهدة إن كانت تعرفني، فليكن متأكداً من أنني سأرمي به في السجن، لا محالة، بتهمة .. إهانة المحكمة"!

الله لاتكسبك ياأبوساندرا كتلت لينا كيكى .

الشينه منكوره ,

القريش وكيكي..
انتو لسه حايمين بى جاي!

____
من الحاجات المضحكة جدا في البوست ده..

د. مصطفى محمود (معليش يا دوك) اجتهد وجاب الصورة..
بعدها سأل تراجي بكل براءة who is she by the way
ومعتز يقول زوجة هناي..
وناس فاكرة هناي ده -لا سمح الله- زميل في البورد ولا حاجة..




____
على قول الفنان..
أرمي الملامة على شيطان ..ملكة سبأ

ابوساندرا مسيكين.. جاء في
wrong place at the wrong time
بس الناس -الزي تراجي- ما بترحم

Quote: ابوساندرا مسيكين.. جاء في wrong place at the wrong time ب

يديك العافية يا نجوان
وكل سنة وانت زي ما عايزة
بس التبرير أعلاه لم يخطر ببالي

الله يجازي تراجي ورفيقتها حجة آمنة
بالخير

Quote: من الحاجات المضحكة جدا في البوست ده..

للاسف شئ واااحد مضحك مافي كلو قرف في قرف وتناقض في تناقض