المتواجدون الآن.. مية مسا

Quote: الحضور الان بالمنتدى العام لسودانيز أون لاين دوت كوم 995 شخص » (62 )عضو و (933) زائرا »ABDELMAGID ABDELMAGID »Abdelrahman Elegeil »abraham deng »Abubaker Ahmed »abubakr »Adil Ali »Ahmed Abdallah »Amin Elsayed »amir jabir »AMNA MUKHTAR »Asskouri »Atif Makkawi »b_bakkar »elhilayla »Elkalakla_sanga3at »Haitham Elsiddiq »Haydar Badawi Sadig »Imad Khalifa »jini »Lily Akol »Mohamed Elbashir »Mohamed Elboshra »mohamed kabbar »Muna Khugali »Munir »Mutwali Malik »nabielo »Nasr »Raja »Shams eldin Alsanosi »waw »yasiko »Zakaria Joseph »الجيلى أحمد »الفاتح يوسف جبرا »بشير جبريل علي »بكرى ابوبكر »بكري الصايغ »بهاء بكري »تاج السر حسن »ثروت سوار الدهب »خالد العبيد »خالد حاكم »سمندلاوى »صلاح الفكي »طارق جبريل »عبدالأله زمراوي »عبدالغني بريش فيوف »عبّاس الوسيلة عبّاس »علاء الدين حيموره »عمار عبدالله عبدالرحمن »غادة عبدالعزيز خالد »غباشي »فيصل عثمان الحسن »فيصل محمد خليل »فيصل محمد رشوان »محمد البشرى الخضر »محمد على حسن »محمود الدقم »مصدق مصطفى حسين »مكي ابراهيم مكي »نجوان »يوسف السماني يوسف هذه الصفحة يعاد تحديثها كل 120 ثانية.

حمد لله ألف على السلامة..

الأحباب جميعا..
زملاء وقراء

سلامات ومحبات وكل عام وأنتم جميعا ومن معكم بألف خير

كانت مفاجأة حلوة أن وجدت أيقونة "الحضور" منوًرة اليوم

عقبال المسينجر ..

ودي للكل

العزيزة رجاء عيد سعيد , وربنا يحقق كل أمانيك .

الراقي العزيز فيصل..

عيدك سعيد وكل يوم وإنت وأسرتك بسعد وهناء..

وربي يحقق كل المنى

تسلمي يا رايعة
وكل لحظة وانت بخير

العزيزة رجوية.... سلام وكل عام وانت بالف عافية ومنورة البورد

الحبيب صاحب الإسم الأحب بهاء..

حمد لله على سلامتك إنت.. وبركة الرجعتا ونوًرت البورد وريًحتا قلوبنا وأسعدتها

كل عام وأنت بخير.. وإن شا الله الجاي أحلى

ودي لأولادك وأمهم

امك ..... رجاء بقيتى هكر ولا شنوا ديل جبتيم ومن وين .... والله انا لسع متزكر بوست الجوابات داك بكرى دى بقى عندوا ناسات ولا شنوا يعلمهم فن المنتدى ...


عموما _____________________________

كل سنه وانتى طيب والسنه الجايه (( عريس )) ووين الحى بيكى لسع من بلد لى بلد والبى بى سى وكده

تحياتى

هههههههههههه

الغالي العزيز عامر..
كل عام وأنت ومن معاك بخير..

تصدق ولا هكر ولا شئ.. دخلتا أهنئ بمولودة صلاح عبدالله.. وبعد ما رسلتا البوست لقيت ليك "الحضور" قااااعدة..
طبعا مافي زول حيصدق إنو كان عندي مسينجر حتى الأسبوع الفات..
السر ده بيعرفوه 2 غيري.. عادل عثمان وراوية اختي..
قبل اسبوع لقيت بكري شالو برضو..

الآن أنا موجودة في الأردن.. والدنيا تشيل وتخت فينا في مكانات يعلمها الله وحده..

تحاياي.. وإن شا الله الدنيا تجمعنا تاني

how did you get
that list!

I wasn't here
so I just came to say
happy holidays and
and let us make it
a happy new year
....
miss you alot

الحبيبة الرقيقة صفاء..
كل يوم وأنت ونصك الحلو وورودكما بألف خير..

I missed u soooooo much,
I missed those lovely times
I missed us,

Ustaza Safa, you got there first because I was going for the same question.
Ustaza Raja
Merry X''Mass and happy New Year.
I hve just gotten a way with it. I was planning to e-mail a friend who is a habitual reader of this forum to tell him that I was going to a sport complex for an afternoon workout but I felt guilty and gave my lie a second thought. I saw your post, and here we go, my name is on the list. We can't hide nomore !! Can we?
I would have been caught red-handed.

الفاضل العزيز زكريا..

Merry Xsmas & Happy New Year to you too

أسمح لي بأن ارحب بمقدمك وتشريفك للمنبر..

بعد عودة "الحضور" يبقى من الصعب أن ندًعي بأننا في مكان آخر..

مرحب بيك تاني وتالت..

..
..
الملك "مخفى"


عمتى مساءً,,,رجاء وكل سنة وانتى طيبة

"كرفس أين أنت"؟!!

ناجي يا ملك..

سلاماااات ومشتاقون بجد جد..

في الفترة الفاتت "المظلمة" الما كان في حضور ظاهر.. كنت بعمل اللستة برااي..
أشوف الردود وبالتالي (حلوة بالتالي دي ) أعرف المتواجد منو..
مرات مرات بكون عايزة راوية اختي في حاجة.. أتلفت ما الاقي اي رد ليها.. فأترحم على المتواجدون الآن ..

معاوية مشى وين..؟ طبعا حيكون لسة بيجي المنبر الساعة 3 صباحا

سلامي لكل الخرطوم.. من الشجرة وحتى مرزوق

وكل عام وأنت بخير

استاذة رجاء عيد سعيد.. واحزان اقل.. فتحت الجسر ما زالت المياه راكضة.. فقط ارتفعت اصوات الضفادع.. مساءك جمال وشموع.

الراقي الجميل د. مصطفى..

مساء الخير وكل عام وأنت أنت.. كريم، هميم وناثرا للورود..

رايت بوستك الخاص بالتهاني بالعيد السعيد.. فتحته لأهنئ واجهت مشكلة فنية في الجهاز..
كررت التجربة مرتين ففشلت.. كان بودي ان اعيًد عليك وضيوفك..

كل عام وانت بخير.. وكل المنى بأن يكون القادم اجمل.. اجمل

والله يا رجاء لو ما البوست حقك ده ما ألاحظ انه الحضور رجع....

وا شفاوتنا نبدا تاني في الفيلم من جديد..فلان اتهكر..والباسوورد اتسرق!!


كل سنه وانت طيبه وسعيده..

مع الحب والحركات..

منًوية يا عسل..
كل يوم وأنت وماما جارة وكل آل عوض خوجلي بألف خير..

تعرفي أنا من كم يوم كده شفتا الأيقونة.. لما فتحتها جاني كلامات بكري العجيبة ديك ..
رجعت قافلة (حلوة قافلة دي ) للمنبر والشيًة والكمونية الحاصلة فيهو ..

سلاماتي وسؤالاتي وإشتياقي

الفاضل محمود الدقم..

كل عام وأنت بخير.. ومساءك أكتر خيرا..

فهمت كل كلماتك.. فقد عبًرت عما أحسه حقيقة..

أتمنى الخير.. لبلدنا.. ولنا.. وللمنبر

دمت

سلامات يا رجاء يا اخت (تارا) ما (راويه) !!
وكل سنه وانت طيبه
تعرفى (المتواجدين الآن) .. دى بتذكرنى أغنية المرحوم ابراهيم عوض:-
(بنشتاق ليك وانتى معانا يا ملاذ افكارنا الهيمانه).

اختنا الحبيبة الغائبة رجا كل سنة وانتي ومن تحبي بألف خير وعافية
والله ليك وحشة شديد يا رجا ويا حليل الحضور والمسنجر

الصديق الفاضل هاشم..

كل عام وأنت وأسرتك بألف هناء..

أيضا افتقدتكم كثيرا.. وحاولت قدر جهدي "الحضور" ولكن إيقاع المنبر وكتاباته جعلتا التواجد اليومي صعبا للغاية..
يعني يا دوب تجي تشوف منو الجابو ليهو وليد ولا بنيًة.. ومنو العيان ومنو العندو عزاء..

أهو الحضور وصل.. عقبال المسينجر..

ودي

سلامات يا تاج السر..

كل عام وأنت بخير..






رجاء.. اخت راوية وتارا..

سنة سعيدة
وامنيات قلبية بالفرح

وين ناس العراق؟؟؟

حالتك لابسه نضارة
و عيونك زي الصقر

تسلمي يا المليحة

و كل عام و انت بخير
و عام حافل بالانجاز و تحقيق المارد.

و عقبال المسنجر

هههههههههه ياثروت

يا حبيب الناس اللابسين نضارات ديل ما تستهونو بيهم..
بيقولو مرات مرات بيشوفوا ببعد تالت هههههههههه

كل عام وإنت ووليداتك بخير وصحة وستر وهناء

رجوية الحبيبة

العيد الجاب الناس لينا ماجابك !!

عايني

انتي تحت الشال ده لابسة واقي من الرصاص صاح ؟!!

خلي بالك من روحك شديد وموفقة وناجحة دائما باذن الله يابت العباسي وان شاء الله ماتشوفي شر قولي آآآآآآآآآآآآآآآآآآآآآمين..

رجوية
روحي فيك

لاولا يا حبيبة..

ما قدر شوقي..
ويا بركة الأعياد ربنا يفتحها في وشك ويديك قدر نيتك يا بنت أمي وأبوي

see yaa

نادية يا حبيبة..

كل يوم وأنت وإيمان بنتي بألف خير..
وتشوفي نجاحها وفرحها ووليداتها

تضافرت عدة عوامل (حلوة دي.. مش ) منعتني من النزول لمصر وحضور العيد
لكن بإذن الله ح أنزل قريب ولازم نتلاقى

تحياتي وطمنيني على أخبارك

ودي

ندًوية..
نسيت اقول ليك تحت الشال ده (الحطًة) في شنطة المفروض تكون خفيفة.. لكنها بقدرة قادر بقت زي طن كده..

واقي الرصاص ده ما بثق فيهو.. تقوم تجي ضربة زي بتاعت العظيمة بوتو في الرقبة..

ح أعمل زي بلدياتنا الكان بيعمل حارس في الغابة ومشى لفكي عشان يعمل لييهو حجاب يحفظه من الأسد.
أها الفكي قام اداهو حجاب وقال ليهو:
ده حجاب الأتاتاكا
لو مشيت غابة اسد ما يشوفاكا..
لو شافاكا ما يجري وراكا..
لو جرى وراكا ما يحصلاكا..
لو حصًلاكا ما ياكلاكا..
لو أكلاكا إن شا الله ما تنفعاهو..




ودي

رجوية ياعسسسسسسسسسسسسسسسسسسل

Quote: ح أعمل زي بلدياتنا الكان بيعمل حارس في الغابة ومشى لفكي عشان يعمل لييهو حجاب يحفظه من الأسد. أها الفكي قام اداهو حجاب وقال ليهو: ده حجاب الأتاتاكا لو مشيت غابة اسد ما يشوفاكا.. لو شافاكا ما يجري وراكا.. لو جرى وراكا ما يحصلاكا.. لو حصًلاكا ما ياكلاكا.. لو أكلاكا إن شا الله ما تنفعاهو

وحاة الله كان رأسي واجعني ومدبرسة و(زحجانة جنس زحج ) علا نكتتك دي ضحكتني من قلبي في باقي الليل ده ياغالية ..تسلمي بت أمي .. والرسول فيك ياعسللي تخلي بالك منك وتتحصّني بأية الكرسي بتحفظك اكتر من واقي الرصاص زاتو سمح؟؟

بالمناسبة لما تتصلي بتارا حبيبو قولي ليه نادية قالت ليك الشوق بحر لكن تلفونها ضائع مني ..!!

الغالي عوض.. أووووبس طارق

كل سنة وأنت ووليداتك بخير..
مشتاقووووون بجد

ناس العراق قااااعدين..
أنظر حولك..

ودي

Dear Raja,

في داعى تشهرى بينا ----- انا طبعا جديدة على المنبر – مسطحة يعنى - هو الحضور بيشوفو من وين و الما عايز يظهر يعمل شنو

Thanks for this nice gesture and hope you are enjoying the holidays

Lily

الحبيبة لي لي (كتبتها كده عشان تكون صاح)..

ألف مرحب بيك زميلة وأخت وحبيبة جديدة في المنبر..
وكل المنى بأن يكون مقدمك إشارة لإستعادة الزمن الجميل


* أمشي فوق في المكان المكتوب فيه: المنبر العام، أبحث، أكواد..... حتلاقي الأيقونة على الشمال في الصف الأول
طبعا لو كنت بعرف في التكنولوجيا زي تمبس كنتا جبتها ليك لغاية عندك


Merry Xmas & Happy New Year


ومرحبابك تاني

على العيون .. المدعبسة

بت العباسى ..

مشتاقووون والله

دكتورنا الغالي مهدي محمد خير..

كل يوم وانت ومن معك بألف سلامة وهناء

يعلم الله كم أفتقدكم وكم افتقد تواصلنا هنا..

أتمنى ان بكون عام 2008 عاما سعيدا يحمل البشرى والأمل للقادم

استاذه رجاء
كل سنة وانت بخير
متابع

مع ودي وتقديري
ابوتسابيح

الفاضل الكريم العوض المسلمي..

كل عام وأنت وتسابيح ووالدتها ومن معكم بألف خير..

ومرحبا بك في المنبر أخا كريما وزميلا نتبادل معه الإحترام والمعرفة..

مرة اخرى.. كل الأمنيات بعام مليئ بالجديد والمفيد

الرجاء الصالح
نصبناك صحفية بدرجة جاسوسة
قبل كدا برضو لقطت رجعة الماسنجر
انا تاني شهر ما كنت بفكر للشغلانة
دي
كيفك و كيف الحزين?? ا

عيدك مبارك والعاقبه الفرح الأكبر
وكل سنه وأنتى بألف خير


منصور

الصديق الفاضل منصور..

ألف حمد لله على سلامتك.. وبركة في الرجعة بسلامة

وكل يوم وانت بألف صحة وخير وسعد

وفي إنتظار الفرح الأكبر..

ياااا رب

نصار يا حبيب..

كل يوم وإنتا وبنيتك وامها بعافية وسعد..

كتير ما سمعتا إنو الصحفي والمخبر بيشبهو بعض مع إختلاف نهايات معلوماتهم ..

عاصم عاد للبلد فجر الجمعة وهو بألف خير..

قلت ليهو تاني ما بقول ليك شغالة وين عشان ما تعيا .. لووووووووول

ودي وسنة سعيدة

العزيزة رجاء..
كل سنة وانتى طيبة ببركة الأعياد التلاتة.

الاعز بت العباسي كل السنه وانت طيبه وحمدالله علي السلامه

رجوية...

كل عام وأنت بألف خير يا صديقة

لك باقات من المودة

محبتي

غادة

Quote: بالمناسبة لما تتصلي بتارا حبيبو قولي ليه نادية قالت ليك الشوق بحر لكن تلفونها ضائع مني

ندوية هدى في مصر اليومين ديل
اديك التلفون كيف ماعارفة
ولا اقول ليك
شيليهو من الغالية صباح موسى لو موجودة في مصر

كل سنة وأنت طيبة رجاء العباسي

،،،،أبوقصى،،،،

الغالي أبو الغالي قصي..

كل يوم وانت واسرتك الحبيبة بخير وصحة وسعادة..

مفتقدة كل أبناء الإمتداد.. ومفتقدة كل الكتابات الحنينة..

تحياتي وودي الوافر

وربي يجعل 2008 هانية وسعيدة لك ولكل من حولك

راوية ياعسللي

فرحتيني طالما تارا هنا تلفونها بجيبو ان شاء الله من صباح وكتاااااااااار غيرها انتي عارفة تارا وشعبيتها وجماهيريتها الكبيييييييييييرة في البلد دي ربنا يحفظها ويحفظكم كلكم بنات العباسي ويغطيكم من العين قولي آآآآآآآآآآآآمين

غادة ياحبيبة
كل سنة وانت وابو اولادك واولادك تامين ولامين
وكل اسرتك يارب

والله ياغادة بوست لوس انجلس ماقادرة ادخله عشان اعيد عليك
غايتو ربك يسهلها لي لاني بريد احمد باص دا

ندًوية ولاولا..

يا ربي 2008 تكون سنة خير وهناء عليكم الإتنين

الحبيبة الغالية غادة..
كل يوم وأنت ومعز وقمرينكم بألف سعد وهناء وعافية

مشتاقة بجد و"متقريفة" لبوست كاااارب نقعد نفتي فيهو

أتمنى عام 2008 يحمل ليك كل النجاح والإزدهار في عملك وفي حياتك

تحياتي لصديقي معز.. وسنة سعيدة على أسرتينك الصغيرة والكبيرة

الفنان الحبيب كوجان..
كل يوم وأنت بألف سعادة..

شوقي للحروف والتصاوير لا يمكن وصفه..
أتمنى ان يكون القادم اروع

كل عام وأنت بخير

الراقية الحبيبة آمنة..

قبل التهاني.. أسمحي لي أن احيي روحك وقلمك..
أتابعك وأقرأ كل حرف تكتبيه.. ولدي مداخلة مؤجلة في بوستك عن مصطلح العنصرية المضادة..
لأنه يهمني شخصيا أن نتوصل لتحديد بعض المفاهيم التي تطلق في المنابر، ليس عن علم ودراية وإنما لمجرد إختلافاتنا الفكرية وللأسف الجهوية وفي كثير من الأحايين.. المزاجاتية

كل يوم وأنت بألف خير. وكل المنى والدعاء لك بالتوفيق في كل خطواتك وحياتك

ودي

( الزلمة ) رجاء الغالية
كل سنة وأنت كما نود لك
مشتاقين وإنتي عارفة

بطلي ( الحندكة )* دي
تظهري وتعودينا عليك
وفجأة تختفي لا إحم ولا دستور


___________________

هسع يا ربي أختنا العزيزة نادية مختار بتعرف ( الحندكة )* ؟؟؟

يفرحنى ... إطلالتك من كوتنا الإسفيرية هذه,
فيما تعتمر القلوب كل محبة ... ولأجل إنسان
يستحق.

منقوص عالما السايبري هذا بدونك, لأنك ...
آهلة بطعم الناس ... وبكل الطيبوبة.

فكوني ... بخير ... رجوية ... المدروعة فى
شغاف قلوبنا والموصولة بكل المحبة.

Quote: هسع يا ربي أختنا العزيزة نادية مختار بتعرف ( الحندكة )* ؟؟؟

كيفن مابعرفها عاد ؟!!

دي موش ياها القرية الفي طريق البشاقرة شرق وانت جاي من كوستي بطريق زالنجي وربك ؟!!

Quote: كيفن مابعرفها عاد ؟!! دي موش ياها القرية الفي طريق البشاقرة شرق وانت جاي من كوستي بطريق زالنجي وربك ؟!!

برااااااافو عليك يا نادية

أنا كنت خايفك ( تخلطي ) بينها وبين ( الحندكة ) الوجبة الشعبية الأولى في موريتانيا الباسيفكية درة جزر المالديف

صديقي الغالي عاطف..

كل يوم وأنت وسعدية وبناتي والأمين بخير وصحة وسعادة
والله ما حندكة.. لكن ظروفي صعبة بجد..
في الخاطر الكثير. وفي الواقع أكثر
تأكد من كتابتي في أقرب وقت

أفتقدكم وأفتقد أشياء جميلة كتييييرة

ودي الدائم

رجاء العباسى
كل سنة و انتى طيبة
و كل الحضور ..
بالمناسبة بسأل عن زميلتى فى زراعة القاهرة ..
تحياتى لها

Quote: رجاء العباسى كل سنة و انتى طيبة و كل الحضور .. بالمناسبة بسأل عن زميلتى فى زراعة القاهرة .. تحياتى لها

اسعد ياجميل

كل سنة وانت واسرتك بخير وعافية

عن هدى الحنينة بتسأل
هدى مقيمة في لندن والان في اجازة العيد في القاهرة مع الوالدة
تحياتك توصل .



بالمناسبة انا لما ركزت (ودا بيحصل لماما) اتذكرتك
وحتى بالامارة كنت خـــــــلاط

وحتى متذكرة your partner

راوية
كل سنة و انتى طيبة
و يا حليلك .. (خلاط) و حياتك هسع راقد (بلاط) !!
و يا حليل الزمن الجميل
على العموم ايميلى [email protected]
اديهو لرجاء العزيزة التى اشتاق لها كثيرا .
لكى خالص مودتى و يا حليل ال partner

رجوية

كل سنة وانتي طيبة وربنا يديك على قدر نيتك يا اميرة ..

عارفة والمسنجر .. تيمان (بلس)

مشتاقيين

الامور عندكم كيف ؟؟

أستاذة Raja متين مساء وكل الحضور

Quote: أهو الحضور وصل.. عقبال المسينجر..

دي الكلام المفيد دعواتكم معانا عشان المسنجر

ايقونة الحضور براها المنورة ؟!!!
نوراً ختاك ضلام يعلم الله

مشتاقين يا رجوية
وكل سنة وانت على امنياتك

Quote: وكل سنة وانت على امنياتك

اماني الجندرية
الجب والشوق والاحترام ليكم انت وعثمان وقبل ود للصغار
كل سنة وانتو جميعا سالمين

الغالية راوية

وانت بالصحة والسلامة
وسنة سعيدة ليك ولكل حبانك
تقبلي سلام وتحيات الصغار

عزيزتي رجاء

كل عام وأنت والأسرة الكريمة بألف خير وعافية

ايناس

الاخت العزيزة رجاء العباسي ..
والاخت الاخري الحاضرة راوية
و الغائبة تارا ليتها تعود
بصورة بروفايلها المميز ..
كل عام و انتم و العائلة بألف خير ..

Quote: والاخت الاخري الحاضرة راوية

الاخ الغالي ومحترم جدا
محمدين
كل سنة وانت طيب واسرتك بهنا وعافية

دي فرصة كويسة اني اقول ليك اتابع ماتكتب
ولك عندي ود لاينقطع

كل عام وانتى بالف خير وصحة وسعادة يارجاء ..

ربنا يحقق جميع امنياتك ..

كل سنة وانت طيبة يا عزيزة...

Malaria kills 4,000 people in Sudan each month

شكرا محمد عمر على التذكير بالملاريا

لكن لا ارى لهذا التذكير اى علاقة بالبوست

هل بنات العباسى ليهم علاقة نسب ببنات الانفوليس

على حد علمى لا

الاثنين بنات رقيقات

وما بقرصن ابدا

ليهن التحية

ولكل اسرة العباسى الجميلة

بدا من رجاء صاحبة البوست

و راوية الزميلة و الصديقة العزيزة

وهدى و سارة

وكمان تحياتى للأخوان بهاء ومحمد

وقبلهم كلهم الوالدة

كل سنة وهم طيبين

و يجعل العام القادم عالم هناء و سعادة ليهم كلهم

Quote: الاثنين بنات رقيقات وما بقرصن ابدا

انت ادرى







_________________________


الاخ ما قصد البوست دا براهو وحتلاحظ انه مر على بوستات تانية كتيرة

القدرو على الله كله والايدو لحقتو من يات بوست دخلو

شكرا هشام طه على المشاعر الطيبة

وكل سنة وانت بخير

مية فُل وأربعتاشر

تيسير حبيبة قساي


كل سنة وانتو جميعا زي ما انتو
مليانين حب

العزيزة الرافد الآخر للعباسي راوية

فاتني أن أرسل لك تحياتي بالعيد السعيد ويارب أيامك كلها أعياد

أعذريني وأقبليها مني .

،،،،أبوقصى،،،،

بت العباسي
سلام وشوق
وينك انتي الطال غيابك ؟
كل الامنيات والتهاني بكل الاعياد
سلام يا راويه
وكونوا بخير
ايمن

العزيزة رجاء

كل سنة و أنت بألف خير و اسنة الجاية ( البعد بكرة دي) على أمانيك إنشاء الله

خالد

رجوية

كل سنة وانتي طيبة

بنات العباسي

كل سنة والجميع بألف خير


_______________

Quote: (62 )عضو

المكتوبين 63

الماظـــــاهر ده يا ربي منوووووو؟؟؟؟

>>> غايتو جنس غايتو

الاخت العزيزة رجاء العباسى

كل سنة و انت طيبة و بالف خير

ميرى كريسماس اند هابى نيو يير

تسلمى كتير و تحياتى للاخت راوية

رجاء وراوية وكل آل العباسى
كل سنة وانتم بالف خير
لكم ولكل من مر/ت من هنا محبتى

بالمناسبة هذا فى الدقيقة العاشرة فى العام 2008

اعياد سعيدة

يارجاء

والجميع بالف الف خير

سلام رجاء
و كل سنه و انتي
اكثر
بهاء
و ضياء
و عافيه

و ياريت نشوفك هنا قريب

الأحباب جميعا



2008 سعيدة

غالية البورد رجاء..

طولت الغيلب هذه المرة على غير العدة، لعلك بخير وحياتك تمام التمام. أتمنى
من كل قلبي ذلك. كل سنة وانت بألف خير وانشاء
الله تتحقق كل الأماني المستحيلة في هذا العام الجديد.

رجاء كل عام وانت بخير
كان نفسنا نشوفك في عيد رمضان في القاهرة
بس ربك حكم
معتصم واريج ومرهف
لك الود
ولراويه الشكر على الشوفه

سلام للكل..

اسمى مكتوب ؟
طيب
ازيك يا حبيبة ومشتاقين