Post: #1
Title: مرحبا بالشفيف.........الرائع محمد أحمد (كوستي)
Author: Salih Merghani
Date: 12-28-2007, 12:07 PM
ازدان المنبر بقبول عضوية الوريف كوستي
كوستي اضافة حقيقية للمنبر بمعرفته الكونية في مجالات التمنية و حقوق الأنسان
الشكر للمهندس بكري ابوبكر علي منحنا الفرصة ليكون كوستي بين ظهرانينا
كوستي
المنبر ينتظر منك الكثير في قضايا حقوق الأنسان و الشأن السوداني ، نتطلع بشغف الي مساهماتك الثرة
|
Post: #2
Title: Re: مرحبا بالشفيف.........الرائع محمد أحمد (كوستي)
Author: رقم صفر
Date: 12-28-2007, 12:10 PM
Parent: #1
طالما (كوستي ) فمرحبا بكم بيننا ,,,
ولي قدام
|
Post: #10
Title: Re: مرحبا بالشفيف.........الرائع محمد أحمد (كوستي)
Author: محمد أحمد محمود
Date: 12-29-2007, 00:36 AM
Parent: #2
شكرا يارقم صفر وكوستي الجابت (خيتك) دي عطر الله اياما وجمّل ناسا....
مدينه (بت لذينه) مافي مدينه بتتوهط مكانا وكوستي كلاما كتر (بنتر) نسجها
ونغزل ليالي انسها...سوا كان مدا في العمر
|
Post: #3
Title: Re: مرحبا بالشفيف.........الرائع محمد أحمد (كوستي)
Author: Sahar Yousif
Date: 12-28-2007, 12:25 PM
Parent: #1
العزيزي محمد احمد كوستي.. 
الف مرحب بيك في بيتنا العامر سودانيز اون لاين ..
انا في يثقة بانك سوف تدينا دفعة قوية
اه شد حيلك و يلا ابدا سريع .. كعادتك دوماً
تخريمة
تفاصيل راس السنة كيف يا ناس شكلنا راس السنة حيكون بجاي في سودانيز اون لاين ... قال حفلة قال  ... محمد احمد قلت حفلة لنانسي عجاج .و الله بختكم شديد
|
Post: #4
Title: Re: مرحبا بالشفيف.........الرائع محمد أحمد (كوستي)
Author: محمد أحمد محمود
Date: 12-28-2007, 12:53 PM
Parent: #3
سلام وإزيكم جت رغم اني كنت اخطط لغير هذا المدخل-والذي اتمنى ان يكون مدخل صدق- لكن اهو صالح بادر وخلع علينامن الالقاب مالا احب لكن شكرا للجميع للبجي والمابجي(مقدر الظروف) وطالما المقام مقام عرفان وشكر اسمحوا لي ان اشكر (كل من جعل هذا ممكنا)صديقاتي واصدقائي معتزشم ودوماوبيان وصالح ومحمدحسبووبالضرورة المهندس بكري ابوبكر
|
Post: #5
Title: Re: مرحبا بالشفيف.........الرائع محمد أحمد (كوستي)
Author: doma
Date: 12-28-2007, 01:05 PM
Parent: #4
وااااااااو محمد احمد زولي مره واحده كدا ما معقول كل الهناء دا دفعه واحده
|
Post: #6
Title: Re: مرحبا بالشفيف.........الرائع محمد أحمد (كوستي)
Author: doma
Date: 12-28-2007, 01:16 PM
Parent: #5
سعيده بدخولك المنبر وتواجدك بيننا
شكرا جزيلا ابو بيان
|
Post: #12
Title: Re: مرحبا بالشفيف.........الرائع محمد أحمد (كوستي)
Author: محمد أحمد محمود
Date: 12-29-2007, 01:23 AM
Parent: #5
ست الحبايب والناس اجمعين دوما
انت عارفاني بجيز من القراءة الاولى....
اها الخرطوم بوراك قمحانه وبتتلفت ، عموما نحن نصاح انتو كيف بهناك؟
وبعدين البيت ده ياخ انتو ما ناسو ماناسو الى اخر الاغنية...
وطبعا انا اصلا كنت داير اكلمك اقول ليك خلاص بقينا بجاي، اذا بي شفتي كيف اشوف ليك ناس صالح
ديل منزلين البوست ده وشابكني ليك ياشفيف ياوريف وحاجات بالشكل ده... نمطوناانتهو من شبابنالكن مابيناتنا....
تاني شنو ايواا الصوره اللفي البروفايل دي اصلية ولاتقليد
سلام من هنايصادفك طيبه ويقالدك
|
Post: #11
Title: Re: مرحبا بالشفيف.........الرائع محمد أحمد (كوستي)
Author: محمد أحمد محمود
Date: 12-29-2007, 00:52 AM
Parent: #3
ازيك ياسحر انت برضو هنا يعني الواحد اخر من يعلم ؟!! عشان كدا الدنيا خلا
وانتو بربطة المعلم هنا وسايبين ارض الواقع براها(وش ضاحك) طيب ماكان تكوركوا لينا
على العموم حصلناكم ... وراس السنه واعياد(ما عارف ليه ما عيد واحد)الاستقلال ربتا في السما تعالي استقلي معانا هنافي الخرطوم اخير ليك
|
Post: #7
Title: Re: مرحبا بالشفيف.........الرائع محمد أحمد (كوستي)
Author: محمد اشرف
Date: 12-28-2007, 02:06 PM
Parent: #1
مرحب كتير يا محمد احمد
وفي انتظار المفيد
|
Post: #8
Title: Re: مرحبا بالشفيف.........الرائع محمد أحمد (كوستي)
Author: نهال الطيب
Date: 12-28-2007, 02:53 PM
Parent: #7
ياسلام
ده نسيم عليل
وريحة دعاش خلابة
محمد أحمد كوستي
شرفت كتير
|
Post: #9
Title: Re: مرحبا بالشفيف.........الرائع محمد أحمد (كوستي)
Author: doma
Date: 12-28-2007, 02:59 PM
Parent: #8
اجي يا ناس كوستي الزول سيد الحفله بيمرق ويخلي الضيوف قاعدين ؟؟؟
البيت محروس وسيدو يكوس
|
Post: #14
Title: Re: مرحبا بالشفيف.........الرائع محمد أحمد (كوستي)
Author: محمد أحمد محمود
Date: 12-29-2007, 01:43 AM
Parent: #8
نهال الدعاش والنسيم من تالاك
شكرا على الترحيب والود
انت لسه في اليمن السعيد؟ولا مع الخيانه في السودان الوطن والواحد
عموما محل ماكنتي سلام كبير
|
Post: #13
Title: Re: مرحبا بالشفيف.........الرائع محمد أحمد (كوستي)
Author: محمد أحمد محمود
Date: 12-29-2007, 01:32 AM
Parent: #7
ودالاشرف ازيك ياخ وحبابك
المفيد ده عندكم وعند الناس الهنا ديل، نحن جهدنا فيهو جهد المقل
|
Post: #15
Title: Re: مرحبا بالشفيف.........الرائع محمد أحمد (كوستي)
Author: نهال الطيب
Date: 12-29-2007, 11:42 AM
Parent: #13
كوستى
اليمن السعيد خليناها توزع إبتساماتها لروحها
جينا نحصل لينا كرسي في الخامس ده
عشان شايفاك قلت ناس الخارج يختوا ليهم كرسي جنب خشم الباب
ولسه رايحة في السودان الوطن الما واحد
مودتي عميقاً
|
Post: #16
Title: Re: مرحبا بالشفيف.........الرائع محمد أحمد (كوستي)
Author: أبو ساندرا
Date: 12-29-2007, 11:49 AM
Parent: #1
محمد أحمد همتك ؟
أهلآ وسهلآ
جئت أنت فإذا المنبر زانه الجمال والروح الوثابة
والحضور الطاغي
أهلآ بيك
وأهلآ بالوجيه صالح ميرغني
أها تاني فضل منو ؟
|
Post: #17
Title: Re: مرحبا بالشفيف.........الرائع محمد أحمد (كوستي)
Author: Ishraga Mustafa
Date: 12-29-2007, 12:06 PM
Parent: #16
الف مرحب بالاخ كوستى
والف مرحب بكوستى
وناسها
وحنينها
وترابها
وجميلها
وميرفتها
واناشيد صغارها
الف مرحب وكل فوانيس قلبى لتلك المدينة التى أهدتنى قيمة ان اكون
|
Post: #18
Title: Re: مرحبا بالشفيف.........الرائع محمد أحمد (كوستي)
Author: محمد أحمد محمود
Date: 12-29-2007, 01:35 PM
Parent: #17
ابوساندرا يا هلت الانوار ياخ.... العيون كيفنها؟
ياخ من ديك وعيك متوحشين بزاف للمة في صالونك العامر في دارك البرحه
اها ياداب الله رفع القلم وجينا نخت ايدنا مع ايدكم الخدرا
سلم على المعاك جمله ونتلا قى في الافراح
|
Post: #19
Title: Re: مرحبا بالشفيف.........الرائع محمد أحمد (كوستي)
Author: محمد أحمد محمود
Date: 12-29-2007, 02:01 PM
Parent: #18
اشراقه كيفنك يافخر كوستي والسودان
كوستي غير انها مسقط الراس وملاعب الصبا ومحل الحبيبه تراعي الغرام-
تعرفي من احب الالقاب لنفسي كوستي وده من ايام الجامعة طبعا وارتبط بالزول في حله وترحاله
سمعتو من اصوات وسحنات وملامح عديده وكل مره اسمع كوستي انطرب مزيكا ياخ مزيكا
ثم ان كوستي ادبتنا فاحسنت .... وطلما هي مرتبطه بأسمنا تكون تميمه ضد القبح وما بنجيب ليها الشين...
ولنا فيكم اسوة حسنه يا اشراقة
|
Post: #20
Title: Re: مرحبا بالشفيف.........الرائع محمد أحمد (كوستي)
Author: nadus2000
Date: 12-29-2007, 05:15 PM
Parent: #19
أهلا محمد
وانت حتما شقيقي ما دام حملتك تلك المدينة الأم الرؤوم وهنا على وهنا كما حملتني وشقيقيتي اشراقة ورقم صفر وآخرين كثر تجدهم بين ازقة هذا المنبر...حملوا عصاة الترحال، ولكن يبدو يا صديقي ان القابلة قد نست ان تفصم الحبل السري الذي ما زال مربوطا بشرايين المدينة الأم.
أهلا محمد كوستي
لأنك ابن كوستي
وأهلا لأن الخالة دومة والعزيزة اشراقة كانوا قد اصطفوا عند الكوبري...بوابة هذا المنبر ليحيوا قدومك الميمون....
|
Post: #21
Title: Re: مرحبا بالشفيف.........الرائع محمد أحمد (كوستي)
Author: محمد أحمد محمود
Date: 12-30-2007, 03:55 PM
Parent: #20
| Quote: وأهلا لأن الخالة دومة والعزيزة اشراقة كانوا قد اصطفوا عند الكوبري |
ياسلام يانادوس عليك وعلى الكلام الفوق ده وناسوا والكوبري القديم بالذات كبري الحديد لاحولااا انت اسي بتكون شفتو والصورة الرسمتها فوق دي ما غبتني الامهات والاخوات والحبايب لفحو التوب المنشى والمنقوع في المسك داك توب المناسبات ومنتظرين قادم جاي من الخرطوم وغالباجاي من الحج لانو الباصات (الاكسبرس الاحمر) في اول عهدها وقبل ماالكبري الجديد يكون بتقيف في الناحية التانية من البحر(النيل) جهة ربك بتمشي عربية اوعربتين (بوكس عمك تايوتا موديل السبعينات بحالة جيده) عشان يجيب القادم من الخرطوم وتلقى الحلة كلها منتظره جنب الكبري راكبين باص ظهري كبير(السوق ابوشريف) وكل الباص ده قطع شك عندو هدية اها نحن ان بقينا ما ركبنا في البكاسي وده البحصل في الغالب لانو نحن(شفع) بنكون الكشفين ندخل جوه في الكبري ونأتي بالبشاره يهدييييييييك العربيه جات وده تكون ضربة البداية لطقوس تبدأ بالزغاريد وتنتهي بالنسبة لنا بأن تكون محمولا على اي من الاكتاف الحنينه وانت متشبس بهديتك وفي سابع نومه .. تقول لي عند الكوبري وتجمَُل للحزن ممشى يانادوس يا اخي ونص وخمسه
|
Post: #22
Title: Re: مرحبا بالشفيف.........الرائع محمد أحمد (كوستي)
Author: خضر حسين خليل
Date: 01-29-2008, 01:09 AM
Parent: #1
والله يا محمد أحمد شوفتنا ليك في بوست المؤتمر
ياخ الواحد مايقابلك إلا في القصص ديك
عشان ماتقول رفعنا القزاز وما إلي ذلك أهو جينا نقص أترك بي جاي
إزيك ياخ والله غايتو إنت متلوم معاي خالص لو (متزكر)
ثم : المنبر نور يازميل وكتر خيرك ياصالح ياصالح ياخ
محمد أحمد والله مشتاقين
|
Post: #23
Title: Re: مرحبا بالشفيف.........الرائع محمد أحمد (كوستي)
Author: أبو ساندرا
Date: 01-29-2008, 05:31 AM
Parent: #1
شايفك بتتنطط في المركز اليومين ديل
وساكن في نمرة 2 عديل
أها ، منتظرين منك التقارير والمشاهدات
يا محمد أحمد
|
Post: #24
Title: Re: مرحبا بالشفيف.........الرائع محمد أحمد (كوستي)
Author: خالد ماسا
Date: 01-29-2008, 06:21 AM
Parent: #1
طـــق خاااااص
تعرف يا وريف .. وجود زول زي محمد احمد ده بيخلي الزول
مطمئن علي البلد دي وعلي المنبر ده ..
الزول سريرته نقية كما النيل الابيض في كوستي .. فيهو ريحة ناس كوستي
زمااان ..ايام " الميناء ومشاريع النيل الابيض " .. ولا بفوتك بانه ينتمي
الي فصيلة الجميلين " ملح الارض وصناع الحياه اليوماتي "
وينتمي الي هذه الارض ..
تصدق يا وريف من النادر ان اقيم طقوس احتفالية في فصل الشتاء ... الا هذا الشتاء
فهو جدير بالاحتفاء به وبحضورة
|
Post: #25
Title: Re: مرحبا بالشفيف.........الرائع محمد أحمد (كوستي)
Author: عمرو كمال ابراهيم
Date: 01-29-2008, 08:03 AM
Parent: #24
وأنا آخر من يعلم ؟؟
كده يا سحر ولا حتى تكلمينى!!
نرحب بصديق وحبيب
أخو أخوان
فردة صاقعة
عمل محمد بمراكز بحثية وتنويرية
وأهتم بمجال حقوق الإنسان
,آخرها بمركز القاهرة
يقضى وقته بين خدمة برامج السودان بالمراكز.. وأهل السودان بالقاهرة
لا يقتطع من يومه سوى ما يكفيه لقليل من النوم
وكثيرا ما يشاركه فيه اصدقائه واحبابه
وحين قرر العودة للخرطوم..طاف يجول يتفقد الجميع، أول ما بدء به
الأسكندرية
صيف 2007
|
Post: #26
Title: Re: مرحبا بالشفيف.........الرائع محمد أحمد (كوستي)
Author: محمد أحمد محمود
Date: 01-29-2008, 11:10 AM
Parent: #25
خدر حسين ازيك..... يا اصلي وشكرا على الترحيب هنا مع انو هناك اوقع ...
ايوه بالحيل متزكر كلامك ده كان في (فرح) ناس بكري النحات وداليا بتنا
وياللحزن دي كان اول و اخر مره اشوف فيها مجدي النور الذي رحل خلسة
لكن منو بالله المتلوم مع التاني في القصه دي
ابقى مارق من صحاري نجد دي بل ريقك وراجع صاد
ابوساندرا العزيز والركيزه
ياخ نحن بتاعيين ام درمان، ناس نمره 2 ديل قارشين ملحتنا
لكن بالنسبه للتقارير والمشاهدات وصلتا تب ، انا افضلها وشا لوش
ما عندك خفسه هنا ؟؟؟ ان تعذر حنفرد بوستا لذلك
انت بس طب نفسا وسلامي للمدام والاخوات
خالد ماسا
ياخ توصف روحك وتقول ده انا ، وبعدين النكلمك ماشجعني على طلب العضويه هنا
هو انو الزول شافك وشاف همتك خارج المنبر ده وداخله من ايام الامل العام البي مجهودك واخرين
بقى املنا كلنا في زمن عبوس وقمطرير انتو بمجهودكم خليتو مزاجو زنجبيلا
ياخ اقول ليك كلام انا معاك من طق طق لسلمو عليكو
عمرو كمال
ياخ تفكوها في الزول لمن يقعد يتمتم ، شاكر فضل ياصديقي وصديق ليل صيف الاسكندريه
وثرثرات قهاويها ولكنة صباياها البحريات ... حال اي مدينه ع البحر انك لاتحس بالغربة فيها
هو ذا سر مدن البحر وبنات البحر ، كنت كلما اتغظت من القاهره (المدينه التي لم احب)
امشي الاسكندريه كمان وكمان ... اركب القطر وانزل اقضي فيها يوم ونص متجولا لا اتوقف الا عند قهوه
اتزود بما تيسر.... او عند البحر... او عند اسكندرانيه... وفي رأي الاسكندريه لن تفك لك جدائلها مالم تعش فيها بمزاج بحار ... المهم بعد الصوره دي توجهت شطر البحر ولو قلبتا الصوره دي بتلقى الساعه كانت الثانيه بعد منتصف الليل ... ويا ليل ابقالي شاهد ... ماتجيب سيرة البحر ياعمرو بنفك اخرنا
بجيك بالدرب
|
Post: #27
Title: Re: مرحبا بالشفيف.........الرائع محمد أحمد (كوستي)
Author: abubakr salih
Date: 01-29-2008, 11:30 AM
Parent: #26
محمد كوستى!!
شكيت محنك ياخ بقيت وريف كمان ؟؟؟ و الله دى قصة عجيبة
بكلم ليك عبد الوهاب بوب و اقول و الله كوستى بقا يقولوا ليهو الوريف!!
و الله ح يضحك فيك للاخـــر!! المهم يا حبيبنا الشوق الواحد وحاة الله
ما عارف تكون عرفتنى و لا بكرى ابوبكر ضيع لى اسمى فى دوكة
المنبر منور يا حبيبنا!
|
Post: #28
Title: Re: مرحبا بالشفيف.........الرائع محمد أحمد (كوستي)
Author: عمرو كمال ابراهيم
Date: 01-29-2008, 11:33 AM
Parent: #26
| Quote: ويا ليل ابقالي شاهد ... ماتجيب سيرة البحر ياعمرو بنفك اخرنا |
عشان كده ابيت اكتر الكلام
والله كان نزلت باقى صور الاسكندرية... ورارووووووووك
بجيك هارت طوالى
تعال بالدرب عديل
|
Post: #29
Title: Re: مرحبا بالشفيف.........الرائع محمد أحمد (كوستي)
Author: سمرية
Date: 01-29-2008, 12:14 PM
Parent: #1
محمد أحمد محمود .. يا اروع صديق واخ في الدنيا دي كلها ....
ازيك يا( راشد) .. ويا كوستي ... ياخ انا من زمان بقول ليه انت ما معانا هنا ، ورغم انك اتاخرت شديد لكن بركة الجيت .. ( ومبسوطابك يا المبسوط )... !!
تعرف كل يوم بتذكر وعدي ليك بالزيارة في منزلكم العامر ونشرب سوا شاي المغرب .. ونقعد ندردش شوية في الادب والشعر والسياسة ... واحلامنا بوطن معافي .. !!
اكيد ما ناسية الوعد وقريب جدا حنتقابل :
( ونرسم في حشا الأيام تصاويرنا
نضيع في زحمة الدنيا
وتحس بالألفة ناس غيرنا
مع ضوء الشمس تشرق ملامحنا وتعابيرنا
صحي الايام مشت لكن انحنا اليله موجودين ,
لا بنتعب ولا كملت ... مشاويرنا ! )
ويلا ورينا همتك ... يا بطل !!
والشكر العميق .. للاخ صالح ميرغني وهو يقود ركب الاحتفال بــ محمد احمد !
|
Post: #30
Title: Re: مرحبا بالشفيف.........الرائع محمد أحمد (كوستي)
Author: Salih Merghani
Date: 01-29-2008, 02:20 PM
Parent: #29
صديقنا الشفيف كوستي من المع الأصدقاء ، تأتيه الركبان في الليل تسعي
كوستي يحمل روحا بحجم هذا الوطن
رجل مهموم و مأزوم بقضايا الوطن
كوستي (اخو الكل) و صديق الجميع
ادعوا الجميع للاحتفاء بكوستي الجميل الوريف
بالله عليك الله يا سمرية و خالد ماسا و عمرو كمال حدثونا عن كوستي خلي الناس تعرف شفافية الأنسان ممكن تصل وين
|
Post: #31
Title: Re: مرحبا بالشفيف.........الرائع محمد أحمد (كوستي)
Author: محمد أحمد محمود
Date: 01-31-2008, 12:53 PM
Parent: #30
بكري كيفنك ياخ ماك طيبه من السقط
وبعدين اسمع النحدثك انت ياخ الوداك من مرابيع وداللبيح لاعند السويد ما بخليني
ابقى وريف وشفيف... مستكترا علي ياخ؟؟ اسحكتا من كترة المشي في مناكبها فشفيت
وورفت وكده تصريف ربك عجيب يا صاحب
اها قرايتك ماشه كيف ومحمد اسماعيل بطرفكم عامل شنو الزول ده اتيم خلي بالك منو
اقروا وتعالوا صادين بتلقونا نحن يانا نحن
سلام حار
|
Post: #32
Title: Re: مرحبا بالشفيف.........الرائع محمد أحمد (كوستي)
Author: محمد أحمد محمود
Date: 01-31-2008, 01:11 PM
Parent: #31
سمحه وسمريه شكرا ياأخيه على حسن ظنك وعشمك في اخوك
لاشك ياسمريه ككل خلق الله يطربني الشكر، كما وككل السودانيين
بدخلني في حته ضيقه وعادة بقعد اشخت في الارض بكرعيني واتكشم
زي نار القصب ... الخ من احوال المشكر على وزن المحرش
فالمشكر بغلبو النضم وكده ، انشا الله تكوني فهمتي قلة حيلتي في الاحاطه
والرد على حرفك الندي ده
تعالي يشيلك الراس قبل المطرح نتونس في الزايله دي
تسلمي ياصاحبه
|
Post: #33
Title: Re: مرحبا بالشفيف.........الرائع محمد أحمد (كوستي)
Author: abubakr salih
Date: 01-31-2008, 02:46 PM
Parent: #32
كوستى يا صديقنا
التحايا يا اخى و المودة
و الله تعرف انا جيتى السويد دى زاتى محيرانى!! و الله كل ما اتلفّت و القا روحى فى وسط الخواجات ديل
اقول و لله فى خلقه شئون عجيبة. بالله انحنا من ما دخلنا المدرسة الابتدائية قاعدين فى الارض لمن
مرقنا منها. و عيال الارستقراطية فى حلتنا بيدوه شوال فاضى يجى يقعد فيهو فى الفصل و يسطفى بعض اصحابه و يمنحهم الفرصة لمشاركته فى ذلك المجلس العظيم شفتا كيف؟؟ موش قلت ليك عندو شئون!
انا فى الحقيقة ما مستكتر على الوريف و الله انا مستكترك على الورافة التى تعرف!! و تبعاتها و ما يأتى من بعدها و كل نظر يا حبيب. عشان ما تجى بكره تشوف ود ابرق تقول يا ســـلام عاين عصفور جميل.
اما صديقنا عريق و الله فى حدق العيون!! و ضحكتنى مليون على قصة اليتم دى، بالله كل ما نلاقيهو نمسح على شعره املا فى الاجر و الثواب، قال بعد شوية ح يعمل القصة بى رسوم عشان المصاريف و كده
الشوق بحر يا حبيب
|
Post: #34
Title: Re: مرحبا بالشفيف.........الرائع محمد أحمد (كوستي)
Author: سمرية
Date: 02-04-2008, 08:36 AM
Parent: #32
Quote: لاشك ياسمريه ككل خلق الله يطربني الشكر، كما وككل السودانيين
بدخلني في حته ضيقه وعادة بقعد اشخت في الارض بكرعيني واتكشم
زي نار القصب ... الخ من احوال المشكر على وزن المحرش
فالمشكر بغلبو النضم وكده |
تشخت في الارض بكرعينك ؟
ياخ ما تبالغ لانو المنظر دا ما بحصل عليك الا في حالين :
الحال الاول : غياب الحبيبة والحال التاني غياب الوطن !
اما فيما يتعلق بالتكشم بلحيل انت كشام .. وكان ما شكروك انت يشكروا منو ؟؟
نار القصب دي طوالي ذكرتني بيتكم في كوستي .. ما عارفة ليه ؟!
عليك الله يا صالح ميرغني زول الله خلقو ولقى بيتم فاتح في نهر النيل .. حيطلع شنو غير .. محمد احمد !!
اتخيلت طوالي كل الحكايات التي كان يرويها ليك النيل كل صباح وانت ماشي المدرسة ، بتخيله حكي ليك عن الجنوب وسحره ، وعن جبال الانقسنا .. وعن اعالي النيل .. وخضرتها .. وعن( ود بحر )!
طبعن ما في زول بعرف ( ود بحر ) فهو طفل من جنوب السودان .. جرفه النيل على جذع شجرة حتى وصل منطقة قريبة من كوستي على النيل الابيض .. فانقذه الاهالي هناك فعاش هناك مع احد الاسر فاطلقوا عليه اسم ( ود بحر ) .. !
اها انا يا صالح ما بحب كوستي دي كلو كلو .. الا عشان حاجات معينة .. اول هام( ناسها الحلوين بالتأكيد ) وأجمل الناس الانا عرفتهم كانوا من كوستي ..
ارتبطت بكوستي وجدانيا .. وعرفت عنها الكثير ..
بحب في كوستي هدوئها .. وبكره فيها .. انتظار المواصلات ! معقول بس يا عالم .. كوستي كلها يكون عندها ( بص واحد ) ... يودي ناس حي النصر .. وبعدين يرجع يودي ناس 27 و 28 ... ويقوم تاني يرجع يودي ناس الحلة الجديدة و29 والرديف ...!
اها الناس الماشين السوق الشعبي الا يرجو القطر !!
بحب في كوستي ... المثقفاتية .. ناس نادي الخريجين .. ورابطة كوستي بالجامعات والمعاهد العليا ..
وبكره فيها ... كدايس المستشفى ووطاويط الداخليات ..
بحب في كوستي .. اهلها الشامخين ، المناضلين ، أصحاب المباديء .. ( أهل الحفرة الابت تندفن )
وبكره في كوستي .. المتخاذلين !
بحب في كوستي الاشتراكية وتراحم الفقراء ، وبكره فيها الرأسمالية المتعجرفة واللامبالاية ..
بحب تلفزيون كوستي .. واخبار المشاريع الزراعية والحقول ..
بحب أشاهد عمال ( Cut out) وهم في طريق الرحلة الموسمية الى كنانة ...
بحب فيها الخضرة حول البيوت ايام الخريف ... ياخ كوستي دي جميلة خلااااااااااااااس !
وبكره فيها .. الحشرات المخيفة .. !
دي كوستي الانا عرفتها ... وبحبها ..!
| Quote: تعالي يشيلك الراس قبل المطرح نتونس في الزايله دي |
عما قريب الهمبريب يفتح شبابيك الحبيب
والحال يطيب يا محمد احمد تستجم
البيت يتم تتلم تلم
تفرح فرح تحلم حلم
كم تطمئن !
|
Post: #35
Title: Re: مرحبا بالشفيف.........الرائع محمد أحمد (كوستي)
Author: سمرية
Date: 02-04-2008, 01:19 PM
Parent: #1
و..... كلمتك يا صالح عن كوستي ..( الام ) ، اوعى تكون راجيني أكلمك عن كوستي (الابن)؟؟!!
|
Post: #36
Title: Re: مرحبا بالشفيف.........الرائع محمد أحمد (كوستي)
Author: Salih Merghani
Date: 02-04-2008, 01:46 PM
Parent: #35
والله يا سمرية كلامك عن كوستي عاجبني بالحيل لكن كمان راجي الكلام عن كوستي الأبن و هو بالأهمية بما يكون
امكن كلامك يكون دافع عشان آخرين يكتبوا عن محمد احمد برضو
راجيك
|
Post: #37
Title: Re: مرحبا بالشفيف.........الرائع محمد أحمد (كوستي)
Author: Khalid Merghani
Date: 02-05-2008, 03:13 PM
Parent: #36
كوستي الشفيف الرفيف.... والله ليك وحشه
اعجبني الكلام عن كوستي الام.. كوستي الابن.. ومازلنا في انتظار من يحدثنا عن كوستي الاسفيري
|
|