Post: #1
Title: المجانين في نعيم !!!!
Author: عواطف ادريس اسماعيل
Date: 12-28-2007, 10:04 AM
أعزائي في كل مكان جمعتكم مباركة و ليحفظكم الله من كل شر ,,,
عام ينقضي ويجيء آحر وجميع الأعضاء والقراء بخير وعافية ..
خلال وجودي في هذا المنبر لاحظت أشياء كثيرة أهمها أن للناس فيما يعشقون مذاهب أوكل يغني على ليلاه فهناك
من هم مهوسون لدرجة الجنون بمواضيع معينة والبعض الآخر لا يقل هوسا في الدخول على البوستات بطريقتة
الخاصة لذلك وجب تصنيف أتواع الجنون والجنون كما يقولون فنون لذلك ارجو من بعض المجانين الذين تتشابه
شحصياتهم مع بعض مجانين هذا البوست خصوصا مجانين الشكل أن لا يسيئوا الظن فقد تكون الشحصية إفتراضية ولا
وجود لها ومن ثم يجب عليهم عدم الاقتراب والتصوير ..
* مجانين الكي بورد : هؤلاء يجلسون أمام الكمبيوتر لأكثر من أربعة وعشرين ساعة ويمكنك المراهنة على
وجودهم لا يقومون من أمام الكمبيوتر إلا للشديد القوي الحمام أو عمل ساندوتش سريع والعودة مرة ثاتيا
وهم أكثر نشاطا وحيوية .
مجانين الأعضاء الجدد * هؤلاء أناس طيبون يرشحون .. يرحبون طيلة العام ومن ثم يتركون العضو الجديد لايص
في البورد .
مجانين المناسيات السعيدة * هؤلاء لهم علاقات مباشرة مع متعهدي الحفلات ومكاتب التزويج والخاطبات والفنانات
يأتونك بالأخبار الجميلة جمال روحهم وبعد إنتهاء المناسبة لا يعرفون ماذا حدث للعروسين هل هم سعداء فعلا
ولا راحوا لآخر عبس ,
مجانين الأمراض والمستشفيات : هؤلاء أناس في قلوبهم رحمة ومودة يهتمون بأخبار المرضى وكأن لهم صلة مباشرة
بكاونترات المستشفيات وموظفي تسجيل المرضى .
مجانين الوفيات * هؤلاء استطاعوا بقدرة قادر أن يحولوا المنبر إلى مقابر أحمد شرفي والبوستات إلى حمد وخوجلي
والمداخلات إلى حمد النيل ربنا يكفيكم شر أيام في حياتنا !!!
مجانين : الكورة * هؤلاء المهوسون بكرة القدم جعلوا من المنبر مربع أخضر له حراس مرمى ولاعبون وحكام و
رجال خط ومحللون ومشجعون لدرجة الهوس ,, هلال مريخ وما عداه باطل .
مجانين الشعر : أناس حالمون يعيشون في عالمهم الخاص يتنفسون شعرا يأكلون شعرا ويحلمون شعرا ولا علاقة لهم
بما يحدث في البورد لم يسمعوا بالمشاكل في المنبر ولا الضرابات كما يقول أهل الخليج لا يهمهم إذا تداخل
الأعضاء معهم أو لم يتداخلوا ,, الشعر واحتهم وما عداه أضغاث أحلام.
مجانين المواضيع السياسية * هؤلاء يعيشون على السياسة ويموتون عليها وأي موضوع آخر غير السياسة يعتبرونه
باطل ولا يحرك في ر أسهم شعرة .
مجانين المواضيع الاجتماعية * زي حالاتي ,, هؤولاء يحبون مجتمعهم لدرجة الجنون يتابعون أخباره وشماراته
يطرحون موضوعاتهم من وجهة نظرهم الخاصة لذلك يكونون أكثر عرضة لسهام حزب المعارضة المرابط في المنبر
ويا ويلهم ولو جابوا موضوع لا يتناسب وهوى الجندريات !!
مجانين المواضيع الجنسية والمشاهد العاطفية * ديل لو شافوا كلب وكديسة واقفين وقفة حميمة جاد لهم خيالهم
الخصب بخلق مشهد عاطفي ساخن أو قصة حب عاصفة بين الاثنين وأي موضوع آخر يخرج عن هذا السياق لا يهمهم.
مجانين الشكل * يقميون عدوات اسفيرية مع بعض أو كل الأعضاء بلا سبب , نادرا ما يكتبون وكثيرا ما
يتداخلون ليخلقوا مشكلة من العدم لهم أساليبهم الخاصة في الرد على الخصم من منطلق العيار الما بيصيب
بيدوش لذا تلاحخظ أن عيارهم الناري نت النوع الثقيل ,, يفترون على الخصم ويشككونه في نفسه وفي قدراته
دون سابق معرفة وبا ويلك لو حاولت الدفاع عن نفسك .
مجانين تشتيت البوستات* لا هم لهم سوى تشتيت المواضيع , لا تعرف دوافعهم ولا أجندتهم الخفية ولكن لا يصمد
أي بوست أمامهم سوى لحظات ويكون في خبر كان .
مجانين قولة الحق * لا هم لهم سوى فض النزاعات الإسفيرية ولا يخشون في الحق لومة لائم وهم اشجع الناس في هذا
المنبر .
وأخيرا مجانين المجاملات * هؤولاء أناس أخلاقهم عالية .. طيبون لدرجة الجنون يدخلون في كل المواضيع يمدحون
كاتب البوست ويشدون من أزره ولكنه لو وقع في زنقة ولا مصيبة يقفون بعيدا لكي لا يزعل منهم أحد الطرفين
ومع ذلك وجودهم ضروريا في المنبر.
خارج النص ) أطلب من الله عز وجل الرجمة والمغفرة للسيدة بنايز بوتو بقدر محبتي لها . وفتكم بعافية بس
عايزة رايكم وكل عام والمجانين في نعيم .
|
Post: #2
Title: Re: المجانين في نعيم !!!!
Author: Abdulrahman Eldaw
Date: 12-28-2007, 10:19 AM
Parent: #1
الاخت عواطف
كل عام وانت بخير
انا طبعا جديد لنج
لكن ما عندك امثلة او بوستات مصاحبة للمجانين؟
الناس المجانين بي كم حاجة مثلا كورة و اجتماعيات ديل مجانين تربيع؟
|
Post: #3
Title: Re: المجانين في نعيم !!!!
Author: هاشم أحمد خلف الله
Date: 12-28-2007, 11:36 AM
Parent: #2
عطوووووووووووووووووفة !!!
صبحك الله بالخير يا عسل انا هسع مع منو ؟؟
ولا أحسن لي اكون مع المجانين في نعيم
|
Post: #4
Title: Re: المجانين في نعيم !!!!
Author: Shahd Ahmed
Date: 12-28-2007, 11:43 AM
Parent: #3
مفيش مجانين يقرو السنة كلها و يكتبو مرة في السنة ؟
|
Post: #5
Title: Re: المجانين في نعيم !!!!
Author: عبدالكريم الامين احمد
Date: 12-28-2007, 11:58 AM
Parent: #4
Quote: مجانين الشكل * يقميون عدوات اسفيرية مغ بعض أو كل الأعضاء بلا سبب , نادرا ما يكتبون وكثيرا ما
يتداخلون ليخلقوا مشكلة من العدم لهم أساليبهم الخاصة في الرد على الخصم من منطلق العيار الما بيصيب
بيدوش لذا تلاحخظ أن عيارهم الناري نت النوع الثقيل ,, يقترون على الخصم ويشككونه في نفسه وفي قدراته
دون سابق معرفة وبا ويلك لو حاولت الدفاع عن نفسك . |
ديل يا عواطف جنهم (كلكي ولابس كبك ملكي)..
ومجنون زي ده علاجو تلبد ليهو في زقاق اسفيري ضيق وانت حاملا بيدك (مرق)
تكبعوا كبيعة لمن (يااامن) ذااتو
ولو قالوا ليهو تعال تاني
بيقول ليك (بررررررري)
|
Post: #6
Title: Re: المجانين في نعيم !!!!
Author: رأفت ميلاد
Date: 12-28-2007, 12:27 PM
Parent: #5
سلام يا عطوفة
مرحب بيك فى آخرجمعة فى 2007
نتمنى ليك عبور ساخن كما يقول الألمان للسنة الجديدة
كان إستشرتبنى فى إسم البوست دة كنت إقترحت ليك تسميه "كل زول بى جنو"
وى فيها طرفة حقيقية فى "إحدى الدول العربية"
ودى داخلة فى كلام النسوان
قالوا فى سودانيتين واحدة زوجها بتاع كشتينة والتانى بتاع ذكر .. الإتنبن برجعوا البيت مع هبايب الصباح .. زولة الكشتينة بدت تتزمر وتشتكى .. بتاعة الذكر ما بتقدر تنتقد يعنى .. فإكتفت بقولا "يختى الحال من بعضو .. وكل زول بى جنو"
وإنتى الله يستر عليكى بعد ما هابشتى المجانين ديل كلهم
مودتى
|
Post: #7
Title: Re: المجانين في نعيم !!!!
Author: saif massad ali
Date: 12-28-2007, 12:44 PM
Parent: #6
وانا مجننك ومجنونك
|
Post: #8
Title: Re: المجانين في نعيم !!!!
Author: الطاهر ساتي
Date: 12-28-2007, 01:44 PM
Parent: #7
اختنا عواطف ... كل سنة وانت طيبة
وربنا يديك الفي مرادك
ياخى الرسالة دى جاتنى قبل العيد باسبوع من قارئ
وفى تقديرى انها تصلح للنشر تحت عنوان بوستك ده
( مجانين في نعيم )
نص الرسالة ( طبعا حذفت منها الاسم وارقام الهواتف )
...
الاخ الاستاذ الطاهر ساتى
تحية طيبة وبعد
بدون مقدمات اشرح لك مشكلتى الخاصة جدا
واسف جدا على طرحى عبركم ولكننى تاذيت منها ولولا ذلك ما كان طرحتها
انا شاب في العقد الثالث من عمري ( 35 سنة ) والحمد لله ميسور الحال واعمل في شركة خاصة محترمة براتب محترم
تزوجت قبل سنتين ولكن لسوء تفاهم بينى وبينها طلقتها باحسان والان بينى وبينها احترام وتقدير
التكافؤ الاجتماعى والثقافي ماكان متوفر بيننا وزواجنا تم بالطريقة بالبلدية ( غطى قدحك )
بناء على رغبة الاهل والاسرة
وتم الطلاق قبل سنة تقريبا والحمد لله على حال ( كل شي قسمة ونصيب )
الان فكرت في الزواج ولكن فشلت في الاختيار ولم اجد التي تناسبنى حتى الان
علاقاتى محدودة جدا و عندى نوع من الخجل واحتمال هذا سبب مشكلتى في عدم العثور على بنت الحلال المناسبة
ساعدنى يا اخى بالبحث والاختيار وانا اؤمن بنظرية تزوج من يحبك ولا تتزوج من تحبه
ويا ريت تتقدم لى واحدة بتحبنى لكن المجتمع لايرحم وبيفتكر ان الشاب هو من يتقدم للشابة وليس العكس
انا اثق ان في بلدنا شابات متفهمات وفاهمات وعلى قدر كبير من العلم والمعرفة
وعشان كدة طرحت مشكلتى
والمواصفات التي اتمناها في صاحبة القسمة هى
ان تكون جميلة وبيضاء او قمحية
ان يكون لها قوام متناسق طويل ومقسم ورياضي وياريت لو بتمارس الرياضة بانتظام التنس او الطاولة او السباحة
شعرها طويل وناعم
عمرها يكون بين 20 و 27 سنة
مثقفة وواعية ومحافظة و زولة حبوبة بتاعت فرفشة وضحك انا جني وجن المرة المكرضمة البتصحى مادة بوظا مترين لازم تكون رومانسية و لطيفة تحب الناس والاهل و ماتتزهج فينا بدون سبب
تكون كريمة ومضيافة لى ضيوفها وضيوفى البخيلة بتقطع الرزق
شغالة ولا ماشغالة ما مشكلة وما بنختلف لو شغالة زيادة الخير خيرين
حتى لو طالبة انا مستعد اصبر عليها بعد الزواج حتى تتخرج ولا امنعها من مواصلة الدراسة لحد الدكتوراة لو هى عايزة
تقدس الحياة الزوجية وترضى بالمقسوم وماتملانا ديون وهموم
واشكركم كتيروعليك الله بعد ماتنشر احتفظ برقمى وبريدى عندك
أى بنت حلال فيها المواصفات القلتها وعندها ارغبة خليها طوالى ترسل ليها عنوانها
وتلفونها اهم شئ يا استاذ انا اشوفها - ولو في صورة - وهى تشوفنى عشان نقتنع ببعض
ولو حصل النصيب اتصل بى وانا جادى جدا ولو ربنا سهل ممكن شهرين تلاتة بالكتير نكمل مراسم زواجنا انا جاهز و زول سترة
عليك الله يا استاذ اهتم بموضوعى ده والله شاغلنى شديد خالص
وما تنسانى من دعواتكم
...................( انتهت )
أها ... فى جن أكتر من كدة ..؟؟؟؟
|
Post: #9
Title: Re: المجانين في نعيم !!!!
Author: Alsa7afa_30
Date: 12-28-2007, 01:56 PM
Parent: #8
الطاهر أنداندي
Quote: ان تكون جميلة وبيضاء او قمحية
ان يكون لها قوام متناسق طويل ومقسم ورياضي وياريت لو بتمارس الرياضة بانتظام التنس او الطاولة او السباحة
شعرها طويل وناعم
عمرها يكون بين 20 و 27 سنة
مثقفة وواعية ومحافظة و زولة حبوبة بتاعت فرفشة وضحك انا جني وجن المرة المكرضمة البتصحى مادة بوظا مترين لازم تكون رومانسية و لطيفة تحب الناس والاهل و ماتتزهج فينا بدون سبب
تكون كريمة ومضيافة لى ضيوفها وضيوفى البخيلة بتقطع الرزق
شغالة ولا ماشغالة ما مشكلة وما بنختلف لو شغالة زيادة الخير خيرين
حتى لو طالبة انا مستعد اصبر عليها بعد الزواج حتى تتخرج ولا امنعها من مواصلة الدراسة لحد الدكتوراة لو هى عايزة
تقدس الحياة الزوجية وترضى بالمقسوم وماتملانا ديون وهموم |
بالله خليهم اتنين ..
|
Post: #10
Title: Re: المجانين في نعيم !!!!
Author: الطاهر ساتي
Date: 12-28-2007, 02:04 PM
Parent: #9
صحافة .. أمبس
اربعة ... فيصلقون ودكينقون برضو تبيرا ..........
|
Post: #11
Title: Re: المجانين في نعيم !!!!
Author: تماضر الخنساء حمزه
Date: 12-28-2007, 02:08 PM
Parent: #10
28 مالا يعني؟
ساتينتود خليهم خمسةماتنسى روحك
عواطف صباحاتك ورد
هو في أحلى من الجنون ؟
|
Post: #14
Title: Re: المجانين في نعيم !!!!
Author: الطاهر ساتي
Date: 12-28-2007, 02:13 PM
Parent: #11
جلت بي سنة ولا شنو ..؟؟
| Quote: ساتينتود خليهم خمسةماتنسى روحك |
مكتفى وبالزيادة كمان
ولو كانت بالمواصفات ديك كنت اتنازلت ليهو ....
|
Post: #15
Title: Re: المجانين في نعيم !!!!
Author: doma
Date: 12-28-2007, 02:14 PM
Parent: #11
|
Post: #19
Title: Re: المجانين في نعيم !!!!
Author: تماضر الخنساء حمزه
Date: 12-28-2007, 02:20 PM
Parent: #15
دوما أتاريهم ضالتين أنا وانتي
|
Post: #26
Title: Re: المجانين في نعيم !!!!
Author: doma
Date: 12-28-2007, 02:32 PM
Parent: #19
|
Post: #41
Title: Re: المجانين في نعيم !!!!
Author: عواطف ادريس اسماعيل
Date: 12-28-2007, 04:00 PM
Parent: #19
يا اخواني مالكم جهجهتوني وطرطشتو لي البوست ؟؟
غايتو جنس جن !
|
Post: #40
Title: Re: المجانين في نعيم !!!!
Author: عواطف ادريس اسماعيل
Date: 12-28-2007, 03:57 PM
Parent: #11
الشاعرة الرقيقة تماضر الخنساء!!!
أبدا والله وياريت لو الناس كلها جنونها شعر كان انصلح حالنا ,,,
ودي ,,
|
Post: #12
Title: Re: المجانين في نعيم !!!!
Author: Alsa7afa_30
Date: 12-28-2007, 02:10 PM
Parent: #10
|
Post: #13
Title: Re: المجانين في نعيم !!!!
Author: saif massad ali
Date: 12-28-2007, 02:10 PM
Parent: #10
الطاهر ساتي
العيد امبارك عليك
اعمل ليك مكتب زواج 25في المية من المال
الحكاية دي ماشة
|
Post: #16
Title: Re: المجانين في نعيم !!!!
Author: Rawia
Date: 12-28-2007, 02:16 PM
Parent: #13
وصاك
|
Post: #18
Title: Re: المجانين في نعيم !!!!
Author: doma
Date: 12-28-2007, 02:19 PM
Parent: #16
ا
|
Post: #23
Title: Re: المجانين في نعيم !!!!
Author: الطاهر ساتي
Date: 12-28-2007, 02:25 PM
Parent: #18
خالة كل عام وانت بالف خير
واسف جدا لعدم تمكنى من ملاقاتك
كنت فى دنقلا لسوء الحظ
وربنا يجمعنا في ساعة خير
|
Post: #42
Title: Re: المجانين في نعيم !!!!
Author: عواطف ادريس اسماعيل
Date: 12-28-2007, 04:03 PM
Parent: #18
يا دوما يا بت أمي ألحقيني البوست وينو ؟
|
Post: #113
Title: Re: المجانين في نعيم !!!!
Author: Muna Khugali
Date: 12-30-2007, 08:50 PM
Parent: #42
| Quote: يا دوما يا بت أمي ألحقيني البوست وينو ؟ |
البوست وينو..
اكلو الدودو
البوست وينو...
أكلو الدودو
البوست اتغير اسمه ل..
(عدل بواسطة on 28-12-2007, 03:13 Muna Khugali)
|
Post: #20
Title: Re: المجانين في نعيم !!!!
Author: الطاهر ساتي
Date: 12-28-2007, 02:21 PM
Parent: #16
راوية .. انت ورجاء والاسرة عيكم سعيد
وربنا يحقق امانيكم
( الحال باين من بوستاتو .. )
|
Post: #17
Title: Re: المجانين في نعيم !!!!
Author: الطاهر ساتي
Date: 12-28-2007, 02:17 PM
Parent: #13
الناظر ازيك
كدى نشوف مشروع صاحبنا ده
لونجح ممكن نوسع الشغلة ونفتح لينا مكتب
ببقيك وكيل فرع كندا .......
انت والاسرة ربنا يحققك امانيكم
وعيدكم سعيد
|
Post: #22
Title: Re: المجانين في نعيم !!!!
Author: doma
Date: 12-28-2007, 02:23 PM
Parent: #17
عطووفه كل سنه وانت طيبه ومتالقه .
. غايتو مسحت كل مداخلاتي اها ان شاء الله كدا يكون البوست رجع تمام . وحقك علي يا ستي
|
Post: #39
Title: Re: المجانين في نعيم !!!!
Author: عواطف ادريس اسماعيل
Date: 12-28-2007, 03:54 PM
Parent: #9
الصحافة أربعين أقصد تلتين !!!
سلامات ,,,
أول يوم أعرف إنه جنك كلكي ولابس ملكي !!!
|
Post: #38
Title: Re: المجانين في نعيم !!!!
Author: عواطف ادريس اسماعيل
Date: 12-28-2007, 03:52 PM
Parent: #8
ود ساتي !!!
تحية حارة ومن الأعماق كمان ,,,
بصراحة زولك دة مجنون بحق و حقيقي لكن جنو عسل ودمه شربات بس شروطو جميلة ومستحيلة ,,
ودي ,,,
|
Post: #37
Title: Re: المجانين في نعيم !!!!
Author: عواطف ادريس اسماعيل
Date: 12-28-2007, 03:47 PM
Parent: #7
بالله أتاريك إنت الكتبت غنية وردي أنا مجنونك ؟؟؟
|
Post: #36
Title: Re: المجانين في نعيم !!!!
Author: عواطف ادريس اسماعيل
Date: 12-28-2007, 03:45 PM
Parent: #6
ريري !!!
سلامات يا سيد الكل ,,,
غايتو عندك جتس نكات لو كنت قاعد في السودان ما عارفين حيحصل أيه ؟
طبعا أنا قلت أكتب البوست دة الحي الله والكاتل الله وطبعا ما خفت عشات وراي رجالة بس أو تطلعوا زي
مجانين المجاملات ,,!!!
|
Post: #34
Title: Re: المجانين في نعيم !!!!
Author: عواطف ادريس اسماعيل
Date: 12-28-2007, 03:42 PM
Parent: #5
عبوووودي !!!
والله ضحكتني لامن قالو علي مجنونة ,,,
لكن ما تقول لي العلاج عندك ,,,
خلاص نفتح ليك عيادة في المنبر عسى ولعل ؟؟؟
|
Post: #33
Title: Re: المجانين في نعيم !!!!
Author: عواطف ادريس اسماعيل
Date: 12-28-2007, 03:38 PM
Parent: #4
|
Post: #68
Title: Re: المجانين في نعيم !!!!
Author: Shahd Ahmed
Date: 12-29-2007, 12:28 PM
Parent: #33
عُذرا فليس بيننا من الود ما يمنحك حق مناداتي بهكذا القاب
عليه الرجاء التكرم بمناداتي بالاسم يمين الشاشة امامك
تودد من لا يعرفونك و يدعونه هو احد اسباب قلة مشاركاتي
|
Post: #32
Title: Re: المجانين في نعيم !!!!
Author: عواطف ادريس اسماعيل
Date: 12-28-2007, 03:36 PM
Parent: #3
هشوووومي !!!
يسعد مساك ,,,
إنت يا بعد عمري مصتف مع مجانين الشعر .. كل قصيدة وأنت بألف خير ..
|
Post: #31
Title: Re: المجانين في نعيم !!!!
Author: عواطف ادريس اسماعيل
Date: 12-28-2007, 03:33 PM
Parent: #2
عبودي !!!
مرحب بيك وكل عام و أنت بخير ,,,
ما تنسى في ناس مجانين تكعيب ,, عموما عايزين نشوف جنونك مع بداية السنة الجديدة ,,,
شكرا على الدخلة الجنونية دي ...
|
Post: #21
Title: Re: المجانين في نعيم !!!!
Author: تماضر الخنساء حمزه
Date: 12-28-2007, 02:21 PM
Parent: #1
عطوفة آسفين يظهر لميتي نوع المجانين البغيروا اتجاه البوســ(ط)ــات
|
Post: #24
Title: Re: المجانين في نعيم !!!!
Author: doma
Date: 12-28-2007, 02:28 PM
Parent: #21
|
Post: #25
Title: Re: المجانين في نعيم !!!!
Author: الطاهر ساتي
Date: 12-28-2007, 02:31 PM
Parent: #24
اجي يا الطاهر مالك ابعدتني من المنافسه ارسل ليك الصوره ولا شنو ؟؟
ياخالة العليك ما شوية .. دايرة بيهو شنو المجنون ده ..؟
|
Post: #28
Title: Re: المجانين في نعيم !!!!
Author: doma
Date: 12-28-2007, 02:49 PM
Parent: #25
|
Post: #27
Title: Re: المجانين في نعيم !!!!
Author: Rawia
Date: 12-28-2007, 02:34 PM
Parent: #24
| Quote: الحال باين من بوستاتو |
صراحة جرسته زي العسل
وانت طيب وتسلم انت والمعاك
|
Post: #29
Title: Re: المجانين في نعيم !!!!
Author: doma
Date: 12-28-2007, 02:52 PM
Parent: #27
|
Post: #50
Title: Re: المجانين في نعيم !!!!
Author: عواطف ادريس اسماعيل
Date: 12-29-2007, 08:09 AM
Parent: #29
يا دومة يا بت أمي أنا بمزح معاك مالك مسحتي المداخلات !!!
والله إنت حساسة لدرجة الجنون !!!
ليه كدا يا بت أمي ؟؟؟
آسفة ما بقص حاجة والله ...
|
Post: #43
Title: Re: المجانين في نعيم !!!!
Author: عواطف ادريس اسماعيل
Date: 12-28-2007, 04:05 PM
Parent: #21
والل يا توتو البوست لحق التيجاني الماحي !!!
ما دام الأسف يا يختي ,,,
|
Post: #30
Title: Re: المجانين في نعيم !!!!
Author: M A Muhagir
Date: 12-28-2007, 03:27 PM
Parent: #1
عواطف سلامات
كل سنة وانت طيبة
دا مرور ح اجيكى راجع
محمد مهاجر
|
Post: #44
Title: Re: المجانين في نعيم !!!!
Author: عواطف ادريس اسماعيل
Date: 12-28-2007, 04:07 PM
Parent: #30
حمودي سلامات !!!
غايتو كان ما جيت راجع بصنفك من مجانين المجاملات ,,,
|
Post: #35
Title: Re: المجانين في نعيم !!!!
Author: سيف الدين مصطفى كرار
Date: 12-28-2007, 03:44 PM
Parent: #1
مساء الفل
كلام موزون ومنطق فى محلة وما اقدرش اقول حاجة عنة.
|
Post: #45
Title: Re: المجانين في نعيم !!!!
Author: عواطف ادريس اسماعيل
Date: 12-28-2007, 04:09 PM
Parent: #35
سيف !!!
سلامات ,,,
شكرا على الكلمات الجميلة ما تنقطع !!!
|
Post: #46
Title: Re: المجانين في نعيم !!!!
Author: AMNA MUKHTAR
Date: 12-28-2007, 05:01 PM
Parent: #1
عطووووف..
كل سنة وانتى طيبة
وأسرتك الكريمة كمان.
أسلوبك فى الكتابة هو السهل الممتنع نفسه..
وصفك صادق ..وفعلا الجنون فنون.
انا غايتو جنى مركب ...وشفت نفسى فى مجانينك ديل كللللهم..
ما عدا ناس الكورة.
|
Post: #49
Title: Re: المجانين في نعيم !!!!
Author: عواطف ادريس اسماعيل
Date: 12-29-2007, 08:06 AM
Parent: #46
أمون !!!
الدر المكنون ,,,
صباحاتك سعيدة !!!
وكل سنة وأنت أكثر تألقا..
والله يا ريت لو كل المجانين زيك كان البوست دة بقى في غاية العقلانية ,,
شكرا على هذا الشعر أقصد الكلام الغجري المجنون !!! طبعا دا مدح على قولة نزار قباني !!
|
Post: #47
Title: Re: المجانين في نعيم !!!!
Author: محمد البشرى الخضر
Date: 12-28-2007, 09:34 PM
Parent: #1
سلامات أستاذة عواطف
أزيدك في الجنون صنف
مجانين الـ(أنا)
ديل كمان ممكن يركبوا أي من أصناف الجنون التانية وبقدرة قادر يحول الموضوع لـ(أنا)
يعني مع مجانين الكورة يقول ليهم زمان لما كنت باك لفت في المنتخب
ومع ناس السياسة يجيب ليك تاريخه في المعتقل و الأركان و المناظرات
وهكذا دلاليك
وفي صنف آخر
هو مجانين الصفحة الأولى
دا أحد أعراض جنون الأنا, اليوم كلو شغال يجيب عناوين ما انزل الله بها من سلطان
ولا بتشبه متن المقال المهم تجيب الزوار و الردود
وبلا خجلة يرفع فيها كل ما تقع بالنقطة و الـ(UP)
حتما جاي راجع
مواضيع شيل الحال دي بتكيفني جدا
|
Post: #48
Title: Re: المجانين في نعيم !!!!
Author: baha eassa
Date: 12-28-2007, 11:43 PM
Parent: #47
الصديفة العزيزة .. عواطف
تحية معطرة ..
فلياتي العام الجديد .. والجميع اكثر
اشراقا .. واكثر وعيا .. والعافية
|
Post: #52
Title: Re: المجانين في نعيم !!!!
Author: عواطف ادريس اسماعيل
Date: 12-29-2007, 08:14 AM
Parent: #48
بهاء صالح ,,,
يا سيد البهاء وملك الحضور ...
ألف حمد لله على سلامة العودة ...
كل سنة وأنت أكثر تألقا ,,,
|
Post: #67
Title: Re: المجانين في نعيم !!!!
Author: دينا خالد
Date: 12-29-2007, 12:24 PM
Parent: #52
اكعب حاجة جنون البقر !!
انتى مش قلتى لى بهاء صالح دا براهو
وبهاء عيسى براهو ؟؟؟؟
طلعو شخصية واااااااااااحدة وياهو ذاتو الباسويردو كان رايح !!
ياقول عثمان محمد صالح (الله يطراهو بالخير)
متى ينضج عقلك ؟؟؟؟؟؟
|
Post: #70
Title: Re: المجانين في نعيم !!!!
Author: عواطف ادريس اسماعيل
Date: 12-29-2007, 09:10 PM
Parent: #67
حسبي الله ونعم الوكيل !!!
ربنا يسامحك ,,,
|
Post: #51
Title: Re: المجانين في نعيم !!!!
Author: عواطف ادريس اسماعيل
Date: 12-29-2007, 08:13 AM
Parent: #47
حمودي !!!
سلام ليك وللواد العسل دة ,,
وكل سنة و إنتو طيبين ..
مجانين الأنا ديل لو شفت بعضهم يقرب يقول ليك أنا ربكم الأعلى غايتو بعرف لي واحد كدا كرهني أبوظبي
كل ساعة يقول لي أنا لمن كنت في المعتقل الفلاني ولمن كنت بدرس وين وين ولمن كنت بمثل ولمن كنت
برسم ولمن كنت بعزف ولمن كنت بلعب كورة ولمن ولمن وآخرتها يرجع يقول سبعة صنايع والبخت ضايع
في إنتظارك !!!
|
Post: #53
Title: Re: المجانين في نعيم !!!!
Author: اسعد الريفى
Date: 12-29-2007, 08:21 AM
Parent: #1
عواطف العطوفة
اول حاجة دى فرصة نقول ليكى كل سنة و انتى طيبة ..
تانى حاجة .. مرات الجن رحمة ..
و لحظات الجنون .. هروب مريح .. و فيها سعادة ما بعدها سعادة ..
عليك الله شفتى ليكى مجنون (تعيس و لا صارى وشو) ..!!
|
Post: #54
Title: Re: المجانين في نعيم !!!!
Author: ترهاقا
Date: 12-29-2007, 08:31 AM
Parent: #53
Quote: مجانين المواضيع السياسية * هؤلاء يعيشون على السياسة ويموتون عليها وأي موضوع آخر غير السياسة يعتبرونه
باطل ولا يحرك في ر أسهم شعرة |
ست اللهيج السكرى ، زى ما بتقول اختنا بيان
اها نوع الناس الفوق دييل رايحة ليهم كل حاجة
وسنة حلوة وجديدة
|
Post: #60
Title: Re: المجانين في نعيم !!!!
Author: عواطف ادريس اسماعيل
Date: 12-29-2007, 11:38 AM
Parent: #54
ترهاقا !!!
محبتي وكل عام وأنت بخير وصحة وعافية ,,,
ديل يا عزيزي مش رايحة ليهم حاجة وبس ديل حيروحونا معاهم وربنا يستر !!!
وسنة حلوة يا جميل ...
|
Post: #59
Title: Re: المجانين في نعيم !!!!
Author: عواطف ادريس اسماعيل
Date: 12-29-2007, 11:33 AM
Parent: #53
أسعد !!!
ربنا يسعدك ويديك الصحة والعافية ,,,
أبدا والله ما لقيت أي مجنون زعلان ولا صاري وشه مما يؤكد إنهم في نعيم ...
شكرا على هذا الجنون الجميل ...
|
Post: #55
Title: Re: المجانين في نعيم !!!!
Author: EMU إيمو
Date: 12-29-2007, 08:58 AM
Parent: #1
وأنصاف المجانين مساكين
لا نعيم لا جحيم
تحياتي عواطف
|
Post: #63
Title: Re: المجانين في نعيم !!!!
Author: عواطف ادريس اسماعيل
Date: 12-29-2007, 12:10 PM
Parent: #55
إيمو !!!
عيدك سعيد زكل عام وأنت بخير ,,,
شكلك كدا كلك أنصاص يعني حتى الكباية بتاعتك الفي بروفايل نص ما يؤكد إنك نصف مجنون ونصف عاقل
وبرضك في نعيم !!!
|
Post: #56
Title: Re: المجانين في نعيم !!!!
Author: د.محمد حسن
Date: 12-29-2007, 09:42 AM
Parent: #1
في مجاني غبد القادر
وفي مجانين امجانين
وبالمناسبة
المجانين احدى قبائل السودان باقليم كردفان الغرة
الكان خيرها جوة وبرة
في مجانين الصور بالبدا والمكاتب الفخمة الفاتوا ناس شوفوني بي هناااااااااااااك
|
Post: #65
Title: Re: المجانين في نعيم !!!!
Author: عواطف ادريس اسماعيل
Date: 12-29-2007, 12:14 PM
Parent: #56
د. محمد حسن !!!
ما تنسى كمان مجانين الشعر يتبعهم الغاوون وأنهم في كل واد يهيمون وأنهم يقولون ما لا يفعلون .
|
Post: #57
Title: Re: المجانين في نعيم !!!!
Author: maia
Date: 12-29-2007, 09:47 AM
Parent: #1
العزيزة عواطف
سنة جديدة وحلوة عليكي واسرتك يارب
والله يا عواطف صراحة كدا كلو كوم وجنون المصطلحات الحايمة في البورد هنا كوم تاني
وااي ثم وااي مرتين من تلك المصطلحات التي تجلب الجلطة في التو واللحظة
يعني الموضوع بيتعدى مرحلة الجنون للحمى النزفية
وشكرا للبوست الجميل كعادتك دوما
|
Post: #58
Title: Re: المجانين في نعيم !!!!
Author: محمد مختار جعفر
Date: 12-29-2007, 11:11 AM
Parent: #57
عواطف / سلامات.. وتحيه
والله بوست المجانين ده جاب ليه إعلانات زواج وإن شاء الله
يتطور لعرس جماعى .. مالو ، برضو فكره .. جن وزواج !!!
لكن بعد قراءتى للأنواع قلت هذا ( قلق ) وليس جنون ..
لذلك أقترح تعديل المسمى الى ( القلقين فى نعيم )
فهناك ممن ذكرت بأن جنونهم حميد فلا يمكن وصفهم بمجانين
فهم قلقين لكل ماهو سلبى فى المنبر وغير سار بالنسبة لهم ،
لكن معظم ما تقدم فى طرحك فهم مجانين تربيع ..
لك التحية وأنت داخل الشبكة ..
محمد مختار جعفر
|
Post: #62
Title: Re: المجانين في نعيم !!!!
Author: ابوبكر يوسف إبراهيم
Date: 12-29-2007, 12:05 PM
Parent: #58
الأخت الحبيبة عواطف
سلامٌ على روحك الطيبة
يكفيك هذا النوع من الجنون ( الإجتماعي) فهو سام على صدرك فأنت دائماً هناك بين السطور تحركين الحروف بخفة نارية فوق أوتار نخجل من عزفها، تكهربين الكلمات و تُُفعلين كيمياء اللغة بكفاءة عالية و بين تضاريس الأبجدية الوعرة كنت تشعلين الماء تارة و تسيلين النار و تحرثين الهواء و تنفخين الطين ، فتدب الحياة حتى لنظن أن حروفك من لحم و دم. بين كلمة و أخرى نعايش خفوت الهمس في قلمك ، كما نعايش تمرد البراكين فيها ، تلامسين ألسنة النار و أنت تشرئبين في رقصاتك المتحدية حتى أقاصي الكبرياء ، وحتى حين تتطرقين لموضوعات بعينها وحين تلامسين نسائم الأنوثة الناعسة و الرومانسية الحالمة تمايلتِ خجلا و انحنيت رقة في حضرة الهدف النبيل..فإن هاجمك البعض فقولي لهم سلاما!!
|
Post: #75
Title: Re: المجانين في نعيم !!!!
Author: عواطف ادريس اسماعيل
Date: 12-29-2007, 10:04 PM
Parent: #62
أخي الحبيب د. أبوبكر !!!
سلام عليك يوم ولدت ويوم أتيت إلى هذا المنبر بوهج الشعر ورهافة الحس وشفافية الروح .. وسلام عليك يوم
أمتحنك الله ثم عافاك برحمة منه ولا يبتلي الله من عباده سوى الصالحين الطيبيبن فما أسعدنا بعودتك ووجودك
بيننا مع أنك لم تغب يوما عن فكرنا ولا منبرنا ,, ألف حمد لله على السلامة ونحنا مشتاقين وحاتك نحنا مشتافين
كتير وما تشوف شر بإذن الواحد الأحد ...
|
Post: #73
Title: Re: المجانين في نعيم !!!!
Author: عواطف ادريس اسماعيل
Date: 12-29-2007, 09:42 PM
Parent: #58
حمادة !!!
يبدو إنو حالات الجنان في زيادة ,,,
ربنا يستر وبعدين عرس جماعي شنو يا ود الناس عايز تجيب لي بكري الهوا وهو ناقص بالله ؟
بالفعل في ناس جنهم حميد ومقبول وفي ناس يا لطيف ألطف !!!
|
Post: #66
Title: Re: المجانين في نعيم !!!!
Author: عواطف ادريس اسماعيل
Date: 12-29-2007, 12:16 PM
Parent: #57
ماية الحلوة ضحكتيني بالجد عشان كدا بجيك راجعة في واحد مجنون إسمه إيهاب عايزني في الإرشيف عليكم
الله انتظروني لامن أجيكم راجعة .. ما تمشوا سمح ؟
|
Post: #71
Title: Re: المجانين في نعيم !!!!
Author: عواطف ادريس اسماعيل
Date: 12-29-2007, 09:14 PM
Parent: #57
ميوية !!!
سلام يا ست الكل ,,,
إنت في المصطلحات البتجيب الجلطة ولا الناس البجيبوا الجلطة ؟ ديل ربنا خلقهم عشان يجننوا خلق الله ويجيبوا
ليهم الضغط والسكري فعلا عالم مجنون وينزف ليل نهار بأشياء أسوأ من الحمى النزفية زاتها ..
تسلمي من كل جلطة ويكفيك شر خلقه !!!
|
Post: #61
Title: مجانين ساس
Author: lana mahdi
Date: 12-29-2007, 11:55 AM
Parent: #1
سلامات حبيبة
مجانين السياسة الزي حلاتنا أسغل نوع
كلامهم كلو أثبت لي و برهن لي
أما المفردات ففي الغالب لابسة بدلة و كرفتة و معسمة جنس تعسّم
هذه الفئة من المجانين تنتهي بهم الامور غالبا ل:
خمسمية تجعيدة على الوش و نضارة قعر كباية و بضعة شعرات على الرأس و مخ طارت معظم أبراجه
|
Post: #76
Title: Re: مجانين ساس
Author: عواطف ادريس اسماعيل
Date: 12-29-2007, 10:09 PM
Parent: #61
مساء الخير يا أحلى سياسية !!!
كنت حأصدقك لو ماشفتك ولكن عندما رأيتك غيرت رأي في السياسة والساسة أيتها اللطيفة العفيفة صاحبة
الفكر الثاقب والقلم الرصين .. جنونك من النوع الهاديء هدوء نفسك وروحك الطيبة يا ريت لو كل
السياسيين زي حضرتك كان السودان بقى الفاتيكان !!!
|
Post: #64
Title: Re: المجانين في نعيم !!!!
Author: نهلة عمر
Date: 12-29-2007, 12:13 PM
Parent: #1
سلامات استاذة عواطف
نسيت اهم نوع من المجانين
مجانين اللغة العربية البعرفوها براهم- المثقفاتية و ناس شوفو لغتى خطيرة كيف
الواحد تقرى مداخلتو 7 مرات و ما بتطلعى منها بى اى معلومة مفيدة غير وجع القلب
|
Post: #77
Title: Re: المجانين في نعيم !!!!
Author: عواطف ادريس اسماعيل
Date: 12-29-2007, 10:12 PM
Parent: #64
نهولة !!!
والله إنت ألذ زولة ,,,
أنا قايلة روحي ما بفهم أتاري في ناس زيي بتصدقي ديل عندهم لغة قاطعنها من راسهم وبعرفوها براهم
أحيانا زي ما قالت مايا بجيبو الجلطة ,, تسلمي يا ست البنات .
|
Post: #69
Title: Re: المجانين في نعيم !!!!
Author: Kamal Karrar
Date: 12-29-2007, 12:31 PM
Parent: #1
أختي عواطف...
ما عارف أنا مع ياتو مجانين .. لكن لو تركت لي المجال.. أنا مع اللعبة الحلوة.. (مصطلح كورنجي)... بس كورك (من الكورة) كلها حلوة.. لأنها ملعوبة من كل الزوايا الإجتماعية.. ودائما ضربات معلم..بس ما شرط تسجيل الأهداف..وده طبعا مطلب بعض المتفرجين.. وبينسوا إن مرات اللعبة بتكون وسط جمهور غير الجمهور...والحكم بيكون متحيز..وبيكون في أمطار نازلة أثناء المباراة..ويكثر التزلق ويستحيل تسجيل الأهداف..أوع أكون من مجانين كرة القدم مع أنو ما بحبها...
عواطف يديك العافية.. ويكملنا وإياك بعقلنا..قولي آمين.. وكل سنة وأنت طيبة
|
Post: #72
Title: Re: المجانين في نعيم !!!!
Author: خالد علي محجوب المنسي
Date: 12-29-2007, 09:27 PM
Parent: #69
الأخت الفاضلة/ عواطف
كل سنة وانت طيبة والسنة الجايّا معيدّا في بيت الله
( الجن بداوّا كعبا الإندراوّا )
والله حتى جنك في تحليل وتفنيد الجنون جني بجنن ولذيذ
عافانا الله وإياكم من الإندراوّا الجن هين.
تحياتي واحترامي
|
Post: #74
Title: Re: المجانين في نعيم !!!!
Author: محمد على طه الملك
Date: 12-29-2007, 10:00 PM
Parent: #72
الأخت عواطف ..
كل عام أنت وأسرتك بخير ..
فضينا وجينا نشوف تشخيصك ..
اها عنبري مع الغاوون ديل ..
كان شعر كان سياسة كان إجتماعيات كان أدب وأي كتابة دمها خفيف ..
يعني مش غاوون (أوي كدا ) ذي الجماعة البتوسدو الكي بورد ديلك ..
|
Post: #81
Title: Re: المجانين في نعيم !!!!
Author: عواطف ادريس اسماعيل
Date: 12-29-2007, 10:24 PM
Parent: #74
الملك !!!
كيفك ؟؟؟
ما غويتك إنت الغويتني وما نسيتك أنت النسيتني في جن أكتر من كدة ؟؟ بالمناسبة إنت غاوي لطيف جدا بس
لما تتبع الشعراء أبعد من هاشم خلف الله ود. محمد حسن ديل حيودوك في ستين داهية عشان جنهم من نوع آخر
موديل 2008 و قوة 15 حصان !!!
|
Post: #79
Title: Re: المجانين في نعيم !!!!
Author: عواطف ادريس اسماعيل
Date: 12-29-2007, 10:20 PM
Parent: #72
خلودي !!!
سلامات ,,,
غايتو الحن دة عرفناه الإندراوة الما بتتداوى دي ما عرفناها شنو ؟؟
وبعدين ما تنسى في ناس جنهم كلكي و لابس ملكي زي ناس حبيب نورة كدا والله ليه وحشة شديدة لكن شايفاه
بدا يظهر من بعيد لبعيد .. إنشاء الله ما في عوجة .!!!
|
Post: #78
Title: Re: المجانين في نعيم !!!!
Author: عواطف ادريس اسماعيل
Date: 12-29-2007, 10:16 PM
Parent: #69
كيمو !!!
يسعد مساك ,,,
بتصدق لمن كتبت عن مجانين الكورة طوالي اتذكرتك قلت يا ربي كيمو قاعد في ياتو استاد ؟
شكرا على التعليق الكروي المجنون دي على وزن الشعر الغجري المجنون وسلام للولد الحلو دة شكله كدة ظهير
أيسر ربنا يحفظه !!
|
Post: #80
Title: Re: المجانين في نعيم !!!!
Author: Kamal Karrar
Date: 12-29-2007, 10:21 PM
Parent: #1
ويحفظ العندك يا عطوفة...
لو يدري الآخرون كم تسهرين إخلاصا لعملك حتى ولو كان ما تكتبيه في هذا المنبر
كم أنت رائعة يا عواطف...
يديك العافية,,أطنان ...أطنان
وتصبحي على ألف خير
|
Post: #83
Title: Re: المجانين في نعيم !!!!
Author: خالد علي محجوب المنسي
Date: 12-29-2007, 10:42 PM
Parent: #80
| Quote: غايتو الحن دة عرفناه الإندراوة الما بتتداوى دي ما عرفناها شنو ؟؟ |
الإندراوّا دي حالة من الزوزوا ... يقال فلان مزوزّو
ممكن أقرب لك المعنى اكثر من قصيدة الشاعر الكبير عليه رحمة الله سماعين ودحسن في رد خطاب بت ودخير لابنها في مصر .... الأبن يحكي حاله لامه
بقول ليها :
وأنا قعدتّا زي فاقدن مزوزّو
أجرجر في التراب ودر حجابي
مشاكل الدنيا مما فتّا مِنك
وإلى هذا الوكت وأيضاً إلى مابعدو
ضددي مبشتنابي
لا مالاً لقيتو شان أجيك أقدل
مع الجِنيات تجيك العافّي
بس فضّل شبابي
عواطف لا جف حبر مدادك أبدا ... دوما نجد الهدوء في تناولك للمواضيع تعلوه مسحة خفيفة الدم من أسلوبك الخاص
متعك الله بالصحة والعافية دوما
|
Post: #89
Title: Re: المجانين في نعيم !!!!
Author: عواطف ادريس اسماعيل
Date: 12-30-2007, 08:45 AM
Parent: #83
خلودي !!!
شكرا على التوضيح الجميل ,,, الأغنية دي كاسرة فيني ضلعة والله وكمان اسماعين أحد الأصدقاء الأعزاء
الذين أفتقدهم جدا ربنا يرحمه بقدر ما أسعدنا بهذا الشعر الجميل ويحفظ عثمان اليمني بقدر ما
أستطاع أن يوصل إلينا هذا الكلام الحنين الممهور بالعواطف الجياشة ,,, شكرا خالد ربنا يسعدك ,,,
|
Post: #88
Title: Re: المجانين في نعيم !!!!
Author: عواطف ادريس اسماعيل
Date: 12-30-2007, 08:41 AM
Parent: #80
كيمو !!!
صباحك سعيد,,,
تسعدني شفافيتك وتحلق بي روحك الطيبة في فضاءات لا متناهية فشكرا لك ولروحك الطيبة ,,,
|
Post: #82
Title: Re: المجانين في نعيم !!!!
Author: Kamal Karrar
Date: 12-29-2007, 10:33 PM
Parent: #1
عطوفة...
أنا شبهت كتاباتك بماتش الكورة.. والذي تلعبين فيه بكل مهارة.. ولم أشترط تسجيل الأهداف.. وعرجت على توقعات القراء وهي غير واقعية في بعض الأحيان..ودائما ما تتوقع أهداف بمعزل عن الظروف المحيطة..
أرجو أن أكون وفقت في ذلك..
|
Post: #85
Title: Re: المجانين في نعيم !!!!
Author: علاء الدين حيموره
Date: 12-29-2007, 11:27 PM
Parent: #82
الاستاذة /عواطف
كل سنة وانتي بالف خير
عمنا دخل مسجد لانصار السنة وصلى معهم صلاة الجمعة وعندما سلم الامام مد يده ليصافح الذي بيمينه فرد الجالس بيمينه ان هذه المصافحة ليست من السنة ... فرد عمنا اها مساختك دي من السنة ؟؟؟
دحين في مجانين المساخة والرد الجارح وهذا ما لمسته في رد شهد :
Quote: عُذرا فليس بيننا من الود ما يمنحك حق مناداتي بهكذا القاب
عليه الرجاء التكرم بمناداتي بالاسم يمين الشاشة امامك
تودد من لا يعرفونك و يدعونه هو احد اسباب قلة مشاركاتي |
وقلت في نفسي الحمد لله انها في سنة كاملة ما كتبت الا 26 مداخلة ...
اختنا عطوفة دي بتحب تنادي كل الاخوة والاخوات في هذا المنبر باسماء دلع .. وهي يا شهد ما جاتك في بوست فتحتيه .. انتي الجيتي فدحين لزوم المساخة شنو آخر السنة ؟؟؟
ولا ده جن مساخة ؟
|
Post: #91
Title: Re: المجانين في نعيم !!!!
Author: عواطف ادريس اسماعيل
Date: 12-30-2007, 08:57 AM
Parent: #85
علاوي !!!
نهارك سعيد ,,,
مجانين المساخة ديل عندهم قصص كتيرة ومسيخة زيهم بتذكر واحد من أجداد أولادي الشوايقة قالو مسيخ
جدا مرة زوجته زعلت منه جنب البحر وقالت ليه ماشة أقع في البحر وارتاح منك وكانت فاكرة حيرجعها
ماشة وتتلفت وما فيش فايدة قامت جات راجعة قالت ليه أمسكلي حجباتي ديل عشان ما أقع بيهن في البحر
طبعا عايزة تحننو ويقوم يحلف عليها قام بكل مساخة قال ليها أقعي بي حجباتك .. أقعي بي حجباتك !!!
تصور كل المجانين ممكن يكونو في نعيم ما عدا مجانين المساخة !!!
|
Post: #90
Title: Re: المجانين في نعيم !!!!
Author: عواطف ادريس اسماعيل
Date: 12-30-2007, 08:49 AM
Parent: #82
كيمو !!!
يا سلام عليك ,, كله ساعة بتثبت لي أنه المجانين في نعيم بس جن الكورة من النوع البتحب يعني ممكن
الواحد يقعد جنب مجنون كورة للصباح وما يزهج ,, شكرا ربنا يحفظك ,,,
|
Post: #84
Title: Re: المجانين في نعيم !!!!
Author: emad altaib
Date: 12-29-2007, 11:23 PM
Parent: #1
كل عام وانت بخير
استاذه /عواطف
والله ما قلت الا الحق
بس في فئة ماذكرتيها
المجانين البره( الزوار)
والله انا كنت منهم وبديل زماااااااااان سنة2006 اخذت جوالك من البرفايل
واتصل عليك
كنت مفتكرك واحده زميلتنانفس الاسم ثلاثي
والان اشكرك علي الاستقبال وحسن الرد .. ومتاسف اذا كنت ازعجتك
ودمت بود استاذه عواطف
|
Post: #92
Title: Re: المجانين في نعيم !!!!
Author: عواطف ادريس اسماعيل
Date: 12-30-2007, 09:04 AM
Parent: #84
عمودي !!!
ألف أهلا بيك ,,,
منور المنبر ,,,
تصور مجانين قراية المنبر ديل لذيذين جدا كلما يقروا موضوع يتصلو بيك إنشاء الله لو كانو في جزر
الواق واق يعني أنا عندي إتنين أشد جنا من غيرهم واحد إسمه عادل في بريطانيا دة بتصل بمعدل مرتين
في الأسبوع ما يؤكد إهتمامه بما يكتب فشكرا له وعندي سعاد من أمريكا دي بتتكلم بالساعات لمن أقول
ليها نعمل ليك عضوية بتقول لا بحب أقرا بس مع إنه في كتير من مجانين القراية اتحولوا إلى أعضاء
شكرا عماد كلك ذوق ,, سعيدة بوجودك بيننا ...
|
Post: #86
Title: Re: المجانين في نعيم !!!!
Author: ماجدة عوض خوجلى
Date: 12-30-2007, 00:33 AM
Parent: #1
ومجانين بوشين
عطوف انتى قدر كلام المجانيين ده
مشتااقين احنا
|
Post: #87
Title: Re: المجانين في نعيم !!!!
Author: abdelkhalig elgamri
Date: 12-30-2007, 06:21 AM
Parent: #86
سيدتى المتجددة،،
بعيدا عن عناوين الجنون التى ذهبتى إليها هناك جنون خطير كم كان ودى ان تناقشيه بلغتك البسيطة (المريحة) لانها مباشرة جدا
هذا الجنون هو :
جنون الشك ، المناهض تماما للثقة , المربك لاى علاقة , ذلك الشك اللاإنسانى ، الذى من خلاله يمكن ان (تنسف) سنوات طويلة من مرارة وآسى وتضحية ,,
هل يمكن أن تحدثينا عن جنون الشك سيدتى؟؟؟
|
Post: #93
Title: Re: المجانين في نعيم !!!!
Author: مجدي عبدالرحيم فضل
Date: 12-30-2007, 09:04 AM
Parent: #87
يا نااااااااااااس خلوني الأصنقر جنبه!!!
مرفوع عني القلم حتي أفيق (...........)
،،،،أبوقصى،،،،
|
Post: #96
Title: Re: المجانين في نعيم !!!!
Author: عواطف ادريس اسماعيل
Date: 12-30-2007, 09:22 AM
Parent: #93
أدوني لي شربه ...
خلوني انقص دربه ...
بريد زولي ...
أبو قصي يا أروع مجانين المنبر كل قصيدة وإنت بألف خير ,,, أنتم تهيمون ونحن نتبعكم .. إلى أين
لا ندري !! ربنا يسهل ,, لا يزال القلم مرفوعا عنك حتى تستفيق !!! جناهنيئا واحلام سعيدة !!!
|
Post: #95
Title: Re: المجانين في نعيم !!!!
Author: عواطف ادريس اسماعيل
Date: 12-30-2007, 09:18 AM
Parent: #87
أخي الحبيب الجمري !!!
ربنا يحفظك من كل شر ,,,
دائما تقلب المواجع وتتطرق لحالات مستعصية مثل الشك وهو مرض نفسي خطير جدا يوصل صاحبه إلى مرحلة
الجنون المؤذي والمدمر.. لم أتطرق إليه لأن أصحابه ليسوا في نعيم بل في جحيم دائم لأنه يتشككون حتى
في أنفسهم ... كم هدم جنون الشك بيوتا آمنة وكم عصف بنفوس مطمئنة وكم دمر أروحا تهفو وتتوق إلى
غرس الجمال في كل ركن من أرجاء المنبر .. قاتل الله الشك والمتشككين وكل عام وأنت بألف خير أيها
الكاتب الجميل ...
|
Post: #94
Title: Re: المجانين في نعيم !!!!
Author: عواطف ادريس اسماعيل
Date: 12-30-2007, 09:09 AM
Parent: #86
ماجي !!!
شوقي إليك طال ,,,
بي وشين بس ؟ في واحدين بعشرة وشوش ديل مرة معاك ومرة مع الخصم ومرة ضدك ومرة ضد الخصم ومرة معاك
ومرة مع الخصم في الوقت نفسه يا ربي دة من شنو ؟؟
تلفونك الجديد راح مني أعذريني برضه النسيان أحد مراحل الجنان ,, ممكن أطلبه تاني ؟؟؟
|
Post: #97
Title: Re: المجانين في نعيم !!!!
Author: امير عوض الجمري
Date: 12-30-2007, 09:55 AM
Parent: #1
عواطف
ازيك وكل سنة وانتي طيبة
| Quote: مجانين : الكورة * هؤلاء المهوسون بكرة القدم جعلوا من المنبر مربع أخضر |
ديل نحن يا تيفة وبيني بينك الكورة دي جنها لذيذ وما بعوّق وشفتي براك قلتي مربع أخضر
يعني منتهى الجمال .. واحسن من الجنون التانية البتجيب الهواء ..
| Quote: مريخ وما عداه باطل |
شنو ليك اها قلت اخفف عليك وخليتها ليك مريخ بس وما عداه باااااااااااااااااااااطل.
| Quote: يتابعون أخباره وشماراته |
ده برضو لذيذ .. وبمناسبة الشمارات ياعواطف عندي بتي عمرها تسعة شهور بس وتحب الشمارات زي عيونها
امبارح قاعدة في السرير وتتشمر في عمها داير يولع الشيشة اتفنقلت طقت جبهتها بي طرف السرير.
| Quote: مجانين المواضيع الجنسية والمشاهد العاطفية |
ده .. استمارات العضوية خلّصت والصف لسة طويييييييييييييييل وقالوا رسّلوا يجيبوا استمارات جديدة
| Quote: أطلب من الله عز وجل الرجمة |
عواطف!!! بالغتي لكن مع بناظير
|
Post: #99
Title: Re: المجانين في نعيم !!!!
Author: عواطف ادريس اسماعيل
Date: 12-30-2007, 10:27 AM
Parent: #97
أمير !!!
ألف أهلا بالأمير ,,,
مشتاقين ليك ولي جنك اللذيذ خصوصا جن الكورة لأنه لا بغلط عليك لا بوسخ إيديك ,,, مربع أخضر وفنايل
حمرا وصفرا وعينك ما تشوف إلا النور ...
شكرا على مريخ وما عداه باطل دة من ذوقك ...
بتك الحلوة بتاعة الشمارات دي تنفع معاي خالص بالله رسلها لي في أقرب طيارة والمهر مدفوع مقدم
باليورو ... عندي أربعة أولاد وجوكر !!!
استمارات العضوية الجديدة في الطريق خلي الأعضاء المعنيين يجهزوا شعورهم ...
أما الأخيرة فدي غلطة مطبعية ما بلاحظها إلا مجنون تدقيق ...
|
Post: #98
Title: Re: المجانين في نعيم !!!!
Author: امير عوض الجمري
Date: 12-30-2007, 10:18 AM
Parent: #1
Quote: سيدتى المتجددة،،
بعيدا عن عناوين الجنون التى ذهبتى إليها هناك جنون خطير كم كان ودى ان تناقشيه بلغتك البسيطة (المريحة) لانها مباشرة جدا
هذا الجنون هو :
جنون الشك ، المناهض تماما للثقة , المربك لاى علاقة , ذلك الشك اللاإنسانى ، الذى من خلاله يمكن ان (تنسف) سنوات طويلة من مرارة وآسى وتضحية ,,
هل يمكن أن تحدثينا عن جنون الشك سيدتى؟؟؟ |
اهليييييييييييييييييييييييييين
يا جماعة ود عمي لزم عبد الخالق محمد حامد الجمري معانا هنا وانا ما عارف والله لوم العدو
ازيك يا ابن عمي .. والله المنبر منوووووووووور
|
Post: #115
Title: Re: المجانين في نعيم !!!!
Author: Muna Khugali
Date: 12-30-2007, 09:55 PM
Parent: #98
آخر السنه وموسم الجنون..واليوم هو الذروه وكذلك غدا..
|
Post: #117
Title: Re: المجانين في نعيم !!!!
Author: عواطف ادريس اسماعيل
Date: 12-31-2007, 10:14 AM
Parent: #115
موني !!!
محبتي ,,,
كل عام وأنت بخير ,,,
أجمل حاجة عندك جنون الحالات .. زهجانين .. قرفانين .. وحالة حب ,,,
|
Post: #100
Title: Re: المجانين في نعيم !!!!
Author: sama7
Date: 12-30-2007, 10:30 AM
Parent: #1
السلاااااااااام عليكم
غايتو يا أستاذة عواطف بوستك دا بتابع فيه من الجمعة وأخيرا قررت أشارك وأعترف
أنا جنى من نوع حب البوستات الساخنة ومتابعة الناس تابحبو الشكل مع تحفظى ب(بعاين بعيونى)
غايتو فى أسامى كدا ما أشوفا كاتبة بوست أو معلقة عليه إلا وأجرى عليه جرى
وبفضل ونستى من زهج الشغل طول اليوم
دى متابعتها أحلى من متابعة action movie
مشكورة
وكالعادة بوست عجيب
عجيب دى شكر طبعا (بخاف من الفهم غلط) ما منك يا أستاذة طبعا لكن جماعة الخير كتار
تخريمة(عجبنى تصنيف جنون المساخة دا)
مودتى
سماح
|
Post: #101
Title: Re: المجانين في نعيم !!!!
Author: عواطف ادريس اسماعيل
Date: 12-30-2007, 10:46 AM
Parent: #100
سماح !!!
ياغالية يا نبع الحنان ..
يا درة يا ست الحسان ..
تعجبني صراحتك الشديدة أوعك تكوني بتقلبي الشبشب ؟؟ أتاري في بوستات بتتحول لداحس والغبراء ؟؟؟
أكشن موفي شنو يا بت أمي الأكشن عندنا واللي ما يشتري يتفرج !!! بعدين بعاين بعيوني دي بتصنفك مع
مجانين المجاملات تلقيهم في كل البوستات أول الناطين ولمن يكون في شكل تلقيهم بعيد قاعدين !!!
العبارة دي ذكرتني واحد شعراء حلمنتيش في الجامعة قام نعى ليه واحد رفدوه وقعد يوصف فيه قال :
في بصات الرحل أول الناطين ..
وإن جات سيرة السكر تلقاه زي الطين ...
سماح لك ودي ...
|
Post: #112
Title: Re: المجانين في نعيم !!!!
Author: abdelkhalig elgamri
Date: 12-30-2007, 08:22 PM
Parent: #100
Quote: اهليييييييييييييييييييييييييين
يا جماعة ود عمي لزم عبد الخالق محمد حامد الجمري معانا هنا وانا ما عارف والله لوم العدو
ازيك يا ابن عمي .. والله المنبر منوووووووووور |
امير عوض حامد الجمرى
دم واحد , ود عمى لزم ذى ما قال لابوين شقيقين,, والاتنين انا وهو مريخاب , لو رسمت انا السماء برسمه بلون احمر ولو جيت ارسم اللبن فى (كوز) مصنفر من الصدأ برضو برسم اللبن بلون احمر ... وكل حياتنا بنحبها حمممممممممممممممممممممرة
انا كويس جدا يا امير عيدك رايق وراس سنة مروق وجميل ليك وللاسرة الجميلة ,, انت انسان فعلا مندى بالأدب,, ود عمى وبرضو بقول انك رائع وخلوق ,, يا اخى ما تجى تزور قايلنا بنحرش ليك (الكلبة)؟؟؟
|
Post: #102
Title: Re: المجانين في نعيم !!!!
Author: امير عوض الجمري
Date: 12-30-2007, 11:01 AM
Parent: #1
عواطف اللذيذة
Quote: مشتاقين ليك ولي جنك اللذيذ خصوصا جن الكورة لأنه لا بغلط عليك لا بوسخ إيديك ,,, مربع أخضر وفنايل
حمرا وصفرا وعينك ما تشوف إلا النور ... |
الللللللللللله بالله يا تيفا انتي مريخابية ؟ يا سلاااااام وانا اقول الطعامة دي شنو!!!! غظنا الزرق!
| Quote: شكرا على مريخ وما عداه باطل دة من ذوقك ... |
وهو غيرنا عنده ذوق !! المريخ العظيم احبه واحب البحبه.
Quote: بتك الحلوة بتاعة الشمارات دي تنفع معاي خالص بالله رسلها لي في أقرب طيارة والمهر مدفوع مقدم
باليورو ... عندي أربعة أولاد وجوكر !!! |
اسمعي هن اتنين ناخد منك واحدة والتانية سميها جوكر وبننزل ونشيلها والمهر مرجوع والشحن علينا.
| Quote: استمارات العضوية الجديدة في الطريق خلي الأعضاء المعنيين يجهزوا شعورهم ... |
شعورهم جاهزة واقلامهم جاهزة عشان يملو الاستمارات وكلمي الجماعة يزيدوا الاستمارات عشان الصف بقى طويل خالص ولو ما عندهم استمارات خليهم يعتمدوا صور الاستمارات لأنه الجماعة مستعدين يجيبوا ماكينة تصوير ويجيبوا الورق بس الاستمارات دي ما تأخرهم؟!
أما الأخيرة فدي غلطة مطبعية ما بلاحظها إلا مجنون تدقيق ...
معليش الشهيدة مسامحاك وربنا ومجانين التدقيق برضم مسامحنك وربنا ينتقم لها وبرضو بقدر محبتنا جميعاً لها.
عواطف !! انتي مالك ما قلتي لي عبد الخالق ود عمك معانا بي هني!!
|
Post: #103
Title: Re: المجانين في نعيم !!!!
Author: عواطف ادريس اسماعيل
Date: 12-30-2007, 11:19 AM
Parent: #102
ود الجمري !!!
كيفك يا بعد عمري ,,,
بالله هو عبدالخالق ود عمك ؟؟ عشان كدة مشتركين في الذوق والأخلاق والأدب يا سلام عليكم ياولاد !!!
طبعا ميرخابية ونص كمان وما عدانا شوية عيال بيلعبوا كورة شراب في الحارة ...
حاضرين يا سيد الحبايب نحن في الإنتظار على المدار وفرشنا ليهن البساط الأحمر !!!
مجانين البوستات العاطفية ,, بشرهم و قول ليهم الإستمارات جاهزة والفتوكوبي كمان ... بس الصف مالو
زي صف الرغيف طبعا عيب أقول ليك زي صف البنزين ونحنا دولة نفطية وبنصدر بترول للدول الغنية
كمان !!
|
Post: #105
Title: Re: المجانين في نعيم !!!!
Author: امير عوض الجمري
Date: 12-30-2007, 11:46 AM
Parent: #103
عطفطف (انا اقعد ادلع فيك لمن يجي واحد من اصحابنا بمد لي الاستمارة يقول لي هاك املأ ساكت)!
| Quote: بالله هو عبدالخالق ود عمك ؟؟ |
هو عبد الخالق محمد حامد الجمري وانا امير عوض حامد الجمري (يا ربي ده تشابه اسماء ساكت) !!
وحاتك انتي ود عمي ونديدي ومريخابي ..
| Quote: عشان كدة مشتركين في الذوق والأخلاق والأدب يا سلام عليكم ياولاد !!! |
سنة يا انا ويا ود عمي !!
| Quote: طبعا ميرخابية ونص كمان وما عدانا شوية عيال بيلعبوا كورة شراب في الحارة ... |
ارروووووووووووووووووك الله اكبر الله اكبر ومريخنا فووووووووووووووق ..
Quote: مجانين البوستات العاطفية ,, بشرهم و قول ليهم الإستمارات جاهزة والفتوكوبي كمان ... بس الصف مالو
زي صف الرغيف |
جماعة الهنايات العاطفية مبسوطين منك بالحيل وبيدعوا ليك وجابوا ماكينة التصوير .. والصف وحاتك زي صف الاستاد يوم مباراة (مريخ - هلال) .
|
Post: #125
Title: Re: المجانين في نعيم !!!!
Author: عواطف ادريس اسماعيل
Date: 12-31-2007, 11:00 AM
Parent: #105
أموري !!!
أنا برضه بدلعك عشان بكرة يجوا ناس الهنايات يخلوا الصف ويجوا جارين باعتبار إنه لقوا ليهم موضوع
ساخن ومشاهد أسخن !!!
لكن ما تقول لي ود العم عندك وبس !!!
سلملي عالطابور الطويل .. خليهم يمشوا راس السنة ويجوا راجعين للصف مفيش مشكلة ...
|
Post: #104
Title: Re: المجانين في نعيم !!!!
Author: sama7
Date: 12-30-2007, 11:41 AM
Parent: #1
أستاذة عواطف
Quote: بعدين بعاين بعيوني دي بتصنفك مع
مجانين المجاملات |
وفى المجاملات إذا صحت كلمة مجاملات هنا بالتحديد فى بوستات البهجة والمواضيع الحلوة
بوستاتك وبوستات الرائعة نهى محسن ابو راس والناس الحلوين ناس رأفت وقرشو وناس تانين
بس بالجد ما بتكون مجاملة عشان انا جنى بجيبنى البورد دا هروب من جنون تانية محيطة
بجى أفرق على روحى ناس السياسة والمواضيع المأساوية دى فى الأخبار مبكيانا
بس قصة قلبة الشبشب دى لو لقيتا live ما باباها دا يكون أحلى تشجيع
والله فى ناس فى البورد دا لو اتلاقو صدفة فى الشارع ساى يحصل قتل قبل ما يتعارفو
انتو بس ما تحرمونا من مواضيعكم
مودتى
سماح
|
Post: #118
Title: Re: المجانين في نعيم !!!!
Author: عواطف ادريس اسماعيل
Date: 12-31-2007, 10:20 AM
Parent: #104
سماح السمحة !!!
مداخلاتك بتعجبني بجد لأنه بحس فيها روح عالية وشخصية فاهمة جدا ,,,
بس االمجننك ومطفشك دة أديني الحرف الأول من إسمه/ ها و خلي الباقي علي !!!
يا بتي هسة شكل البورد دة ما أشد من الخناقات اللايف عاد ديل لو لقوا نفسهم لايف الدم حيسيل للركب
الحمد لله بكري عرف ليهم وخلاهم معلبين ,, تسلمي يا ست الكل ...
|
Post: #106
Title: Re: المجانين في نعيم !!!!
Author: معتصم عبدالحفيظ
Date: 12-30-2007, 12:17 PM
Parent: #1
الاخت عواطف
ياخي انا بعرف انو هناك 4 انواع من الجنون
1- مجنون المال : ده الذى يكنز المال بالحرام والحلال
2- مجنون الحسان : ده الجكس جننه
3- مجنون المجنون : ده ضربه شيطان
4- مجنون المكان : ده الغربه جننته
ورايك شــنو
معتصم عثمان عبدالحفيظ
الخرطوم - الشجرة
|
Post: #119
Title: Re: المجانين في نعيم !!!!
Author: عواطف ادريس اسماعيل
Date: 12-31-2007, 10:26 AM
Parent: #106
عصومي !!!
أجمل تحية ليك ولناس الشجرة الحلوين ,,,
والله عاد المجانين عندك ,,,
كمان في مجانين الإتجاه المعاكس ديل عايزين يختلفو معاك حتى في إسمك يقولو ليك دة ما أسمك لأنهم حزب
خالف تذكر !!!
في مجانين الطرح والتياب : الواحد ما يشوف ليه طرف توب ولا ضل طرحة ويسك ليك الواحدة لمن يفتر
ياربي دة من شنو ؟؟
|
Post: #107
Title: Re: المجانين في نعيم !!!!
Author: Mohammed Haroun
Date: 12-30-2007, 01:20 PM
Parent: #1
الأخت عواطف - كل سنة وإنت طيبة.
بوستك ظريف جداَ - يعني كل واحد فينا أصبح يفكر في تشخيص حالته الجنونيه. غايتو أخطر حالات الجنون في رأي جنون العظمة وجنون السلطة.
|
Post: #120
Title: Re: المجانين في نعيم !!!!
Author: عواطف ادريس اسماعيل
Date: 12-31-2007, 10:29 AM
Parent: #107
حمودي !!!
كل سنة وإنت طيب ...
فعلا جنون العظمة والسلطة ديل مدمرين خفت واحد يقراها جنون السلطة بفتح السين يقوم يجيب ليك خيار
وطماطم وليمون ديل مجانين اللفح الواحد يقرا الكلمة الأولى من العنوان ويجيك ناطي ,, تسلم ,,
|
Post: #108
Title: Re: المجانين في نعيم !!!!
Author: ماجدة عوض خوجلى
Date: 12-30-2007, 02:01 PM
Parent: #1
حبيبتى ده كده اسمه جنون النسيان وهو من نوع الجنون الذى يتالف معه الانسان
فى بعض حلات الاستكارية المجديه فتتكون بعض الفقاعات التى يكون من شائنها ان تودى الى طريق
معاير ممكايسبب حالات عديدة من الارق والانفصام فتتكون من كل ذلك حاله جماعية تتشكل من جميع
انواع الاشياء الغير مرئية لذلك نشتطيع ان نراها بكل وضوح فى حالة تعذر غياب الشمس اوالاضاءه
وفى بعض الحلات التى تكون الارض على مستوى القاعدة فى امكان الجميع ان يتحولو الى الادوار التى ليس عليها قاعدة ويكون هذا هو النتاج الطبيعى لكل الذى سبق من دراسات الجدوى الغير مجدية والعده فى هذا المقام ليست على الراوى الذى تعمد اخفاء كل ماله علاقة بامر حيوى يهم الانسان والحيوان فى اطار واحد متتداخل ليس لى منهم علاقة بالاخر الا فقط فى الخطوط المتداخله والتى لانستطيع ان نفص بينهم لما لهم من تشابه فى كل شى وكل حرف ممايثبت ان الامور لاتؤخد بمثل هذا البساطة التى تنعم عن فهم عميق بكل شى
بضرب ليك بعدين اديك ليها
|
Post: #109
Title: Re: المجانين في نعيم !!!!
Author: د.محمد حسن
Date: 12-30-2007, 02:20 PM
Parent: #108
| Quote: بضرب ليك بعدين اديك ليها B] |
وحي انا الجنيت قلت هو
|
Post: #110
Title: Re: المجانين في نعيم !!!!
Author: ماجدة عوض خوجلى
Date: 12-30-2007, 03:12 PM
Parent: #109
| Quote: وحي انا الجنيت قلت هو |
تبرا انشالله من الجن انت ؟!!
لكن اول مرة اعرف انو المجانين بيقولو هو كمان مع عو
|
Post: #121
Title: Re: المجانين في نعيم !!!!
Author: عواطف ادريس اسماعيل
Date: 12-31-2007, 10:39 AM
Parent: #108
أها عاد يا ماجي يا اختي مداخلتك دي تتصنف مع مجانين الفلسفة عشان جنس كلامك الإفلاطوني دة ما كل
الناس في المنبر دة بيفهموه ليك .. شوية شوية يا ست البنات يا أم دم شربات ,, بتصدقي إنك وحشتيني
لدرجة أن الشوق اللامرئي والحب المنبثق من جزيئيات الشعور الحي الممهور بالدم المنسكب من أعماق
الشرايين خلاني أصاب بداء الزهايمر المؤدي إلى السنيان وبالفعل نسيت أمبارح جواز سفري المستخرج
من بدل الضائع قبل ما أجيكم في لندن على الطاولة في المكتب ومشيت البيت واليوم والحمد لله وجدته في
المكان نفسه !!!
ماجي : لا زلت مشتاقة بلا حدود ( ليه خليتني أحبك ؟؟ روح منك لله !!! )
|
Post: #111
Title: Re: المجانين في نعيم !!!!
Author: Mohamed Omer
Date: 12-30-2007, 03:15 PM
Parent: #1
Malaria kills 4,000 people in Sudan each month
|
Post: #122
Title: Re: المجانين في نعيم !!!!
Author: عواطف ادريس اسماعيل
Date: 12-31-2007, 10:43 AM
Parent: #111
آآآآآآآآآآآآخ يا محمد من جنون الباعوض وجنون اللامبالاة وجنون الإهمال !!!
|
Post: #114
Title: Re: المجانين في نعيم !!!!
Author: Kamal Karrar
Date: 12-30-2007, 09:27 PM
Parent: #1
خير يا دكتور... المقام مقام زقزقة وشقشقة وحفيف..وهديل.. حتى لو الموضوع عن الجنون ماهو مقام هوهوا..الهوهوا هناك في البيطري..
ماجدة..مسجلة غياب,, ولا نحن غائبين مش عارف..المهم سعدنا بيك
|
Post: #116
Title: Re: المجانين في نعيم !!!!
Author: غادة عبدالعزيز خالد
Date: 12-30-2007, 10:29 PM
Parent: #114
عطوفة...
كيفنك.....
هذا البوست من منبر سودانييز أونلاين
وعلى السرايا الصفراء على طووووول
(على قول أخوانا المصريين )
كل عام وأنت وأسرتك بألف خير
محبتي
غادة
|
Post: #124
Title: Re: المجانين في نعيم !!!!
Author: عواطف ادريس اسماعيل
Date: 12-31-2007, 10:49 AM
Parent: #116
غادة الحلوة !!!
كل عام وأنت وأولادك الحلوين بألف خير ,,,
السرايا الصفرا و بس ؟ والله دة يكونأضافوا ليه التيجاني الماحي والطب النفسي في أبوظبي ...
ودي ,,,
|
Post: #123
Title: Re: المجانين في نعيم !!!!
Author: امير عوض الجمري
Date: 12-31-2007, 10:48 AM
Parent: #1
Quote: لدرجة أن الشوقي اللامرئي والحب المنبثق من جزيئيات الشعور الحي الممهور بالدم المنسكب من أعماق
الشرايين خلاني أصاب بداء الزهايمر المؤدي إلى السنيان وبالفعل نسيت أمبارح جواز سفري المستخرج
من بدل الضائع قبل ما أجيكم في لندن على الطاولة في المكتب ومشيت البيت واليوم والحمد لله وجدته في
المكان نفسه !!! |
ده الجن الكلكي اللابس ملكي البغني ليهو ابوعركي (ما عرفتها اعمل شنو!!!!!)
|
Post: #126
Title: Re: المجانين في نعيم !!!!
Author: عواطف ادريس اسماعيل
Date: 12-31-2007, 11:02 AM
Parent: #123
أبو عركي قال لو كنت ناكر للهوى زيك كنت غفرت ليك !!!
ما ياهو الجنون زاتو ؟؟؟
|
Post: #127
Title: Re: المجانين في نعيم !!!!
Author: امير عوض الجمري
Date: 12-31-2007, 11:43 AM
Parent: #1
عوااااطف !!!
جنيتي يا اختي
(اموري وعصومي وحمودي ) وكمان معاها دي :
| Quote: لكن ما تقول لي ود العم عندك وبس !!! |
الطابور حا يتحوّل لمكاتب زهرة الخليج ..
واعملي حسابك البسي تقيل (السقط شديد)
|
Post: #128
Title: Re: المجانين في نعيم !!!!
Author: عواطف ادريس اسماعيل
Date: 12-31-2007, 11:58 AM
Parent: #127
السقط جا !!!
والله فعلا يا أموري الأيام دي البرد بدا وبدينا نطلع من حلة البريستو ديك القعدنا فيها 9 شهور و9 يوم
و9 ساعات و9 دقايق و9 ثواني ,, إنشاء الله الطابور يكون 9 صفوف كمان كل سنة و إنت طيب ...
|
Post: #129
Title: Re: المجانين في نعيم !!!!
Author: ماجدة عوض خوجلى
Date: 12-31-2007, 01:41 PM
Parent: #1
عطوف انشالله السه الفاتت تحقق ليك فى كل الامنيات وترجع عليك بكل ماهو جميل
ليك وللمامعاك هنا ولامعاك هناك تهانينا بالسنه الفاتت والقبلها
|
Post: #130
Title: Re: المجانين في نعيم !!!!
Author: ابوبكر يوسف إبراهيم
Date: 01-01-2008, 11:34 AM
Parent: #129
الأخت عواطف
والحجية
سنة وشها حلو إنشاء الله على الجميع وتتحقق فيها الأماني
|
Post: #132
Title: Re: المجانين في نعيم !!!!
Author: عواطف ادريس اسماعيل
Date: 01-01-2008, 08:59 PM
Parent: #130
حاج بكري !!!
كل عام وأنت بألف صحة وعافية وربنا يحقق أمانيك كلها قادر يا كريم يا رب ,,,
|
Post: #131
Title: Re: المجانين في نعيم !!!!
Author: عواطف ادريس اسماعيل
Date: 01-01-2008, 08:56 PM
Parent: #129
ماجي الحلوة !!!
كل عام وأنت بألف خير مع أجمل الأماني بحياة حافلة بالنجاحات والسعادة لك ولكل أحبائك وأهلك
وأصدقائك .
|
Post: #133
Title: Re: المجانين في نعيم !!!!
Author: عبد الدائم سيد أحمد
Date: 01-02-2008, 11:05 AM
Parent: #1
اضمن حاجة الواحد يمشى خلف المجانين
عشان كده كنت براقب فى مجانين البورد ده بيقولوا فى شنو
ولما شفت الجو رايق شوية من امس قلت ادخل اسلم .
|
Post: #135
Title: Re: المجانين في نعيم !!!!
Author: عواطف ادريس اسماعيل
Date: 01-03-2008, 09:18 AM
Parent: #133
عبودي !!!
سلامات ,,,
ليك وحشة .. أتاريك مدسي خايف من المجانين .. فعلا والله أسلم حاجة تمشي وراهم عشان لو مشيت قدامهم
بفلقوك بالحجار !!!
فعلا الجو رايق شوية عشان المجانين الخطرين جدا كافوا شرهم بخيرهم شرهم ,,, كل سنة وإنت طيب .
|
Post: #134
Title: Re: المجانين في نعيم !!!!
Author: Mohammed Ibrahim Othman
Date: 01-02-2008, 11:41 AM
Parent: #1
Quote: مجانين قولة الحق * لا هم لهم سوى فض النزاعات الإسفيرية ولا يخشون في الحق لومة لائم وهم اشجع الناس في هذا
المنبر . |
وجنونك أختي عواطف ايضاً ...حسنة في هذا المنبر ...
وكلمتك الطيبة تذوب الثلوج ...
ياريت عام 2008 يكون عام جنون قبول الاخر ...
جنون تعمير البلد ولا هد البلد ...
جنون رجوع المغتربين ...
|
Post: #136
Title: Re: المجانين في نعيم !!!!
Author: عواطف ادريس اسماعيل
Date: 01-03-2008, 09:26 AM
Parent: #134
حمودي !!!
ألف أهلا ومرحبا ,,,
تسعدني مداخلاتك بقدر ما تسعدني مكالماتك وربنا يسعدك ,,,
شكرا على على هذا الإطراء الرقيق ,,,
وأنا برضو بتمنى معاك نفس الأمنية التي أصبحت صعبة المنال ,, يا ريت عام الفين وتمانية تكون عام
الأدب والتهذيب والمداخلاتك الراقية وإن إختلفنا في جوهر المواضيع ..
جنون هدم البلد دا عيز ليه وقفة ونظرة تأمل ,,,
جنون رجوع المغتربين ( حلم الجيعان عيش ) !!!
|
Post: #137
Title: Re: المجانين في نعيم !!!!
Author: sama7
Date: 01-03-2008, 09:56 AM
Parent: #1
الجميلة أستاذة عواطف
عارفة أحلى تعليق هنا أرشحه تعليق نهلة عمر
Quote: نسيت اهم نوع من المجانين
مجانين اللغة العربية البعرفوها براهم- المثقفاتية و ناس شوفو لغتى خطيرة كيف
الواحد تقرى مداخلتو 7 مرات و ما بتطلعى منها بى اى معلومة مفيدة غير وجع القلب |
عارفة المداخلة دى عالجتنى من جن ال (أنا مالى)
كنت قايلة عندى مشكلة فى الفهم وما عارفة الحاصل لى شنو لكن اتارى المشكلة طلعت فى الناس البتكتب زااااااتا لوووووووول
بالله يا جماعة ما تشطحو بينا وتوهمونا فى روحنا
وكمان تعليق مايا بتاع المصطلحات
والله ديل ألذ ناس والغريبة انهم متماشين مع المصطلحات دى بس فى كل مداخلة بتحسى المعنى مختلف هاهاها
طبعا يا أستاذة عواطف صعب الواحد يخمن بوست يوم الجمعة المقبل بتاعك بس خليك دائما على كدا
مودتى
سماح
|
Post: #139
Title: Re: المجانين في نعيم !!!!
Author: عواطف ادريس اسماعيل
Date: 01-03-2008, 10:32 AM
Parent: #137
سماح !!!
بالجد اشتقت ليك ,,,
وما خيبتي ظني !!!
بتصدقي نهلة ومايا ديل رغم إنهن بنات ملتزمات و حلوات لكن تعليقاتن جميلة ولطيفة جدا وبتحمل في
طياتها ألف معنى وأنا برضه كلام المقثفاتية دا ما قاعده أفهمه لكن بعمل نفسي فاهمة وبدخل من باب
المجاملة وليس النقاش طبعا اذا ما كنت فاهمة حأناقش أيه ؟؟؟
شكرا سموحة ,, يوم الجمعة مفاجأة بس حضري شعورك ومداخلاتك الموضوع شبابي وبهمك إنت ومايا ونهلة ..
|
Post: #138
Title: Re: المجانين في نعيم !!!!
Author: خالد العبيد
Date: 01-03-2008, 10:12 AM
Parent: #1
عواطف
تحياتي
اسمعي دي
في مستشفى المجانين سمع الطبيب المجانين يرددون:
37....37....37....
من أعلى الطابق الخامس
فذهب ليرى ما الامر فرموه من النافذه ورددوا:
38....38...38...
ودي برضو مجنونة:
واحد ذهب الى السوق ليشتري قرد لأولاده ليلعبوا معه.
فسأل بائع الحيوانات ما ثمن القرود التي لديك.
قال هذا القرد الأول ب 1500 دولار لأنه يعرف العمل على الكمبيوتر.
و هذا الثاني ب 2000 دولار بالاضافه لمعرفته على الكمبيوتر يعرف غزف الموسيقى.
و هذا الاخير ب 3000 دولار.
فقال الزبون و لماذا؟ و ماذا يفعل هذا القرد.
قال البائع بصراحه لم أره يفعل اي شئ حتى الآن،
و لكن هذان القردان ينادوه (ياطويل العمر)
وخليتكم بي عافية
|
Post: #140
Title: Re: المجانين في نعيم !!!!
Author: عواطف ادريس اسماعيل
Date: 01-03-2008, 10:36 AM
Parent: #138
خلودي !!!
ليك وحشة ,,,
نكاتك بالفعل من النوع المجنون بحق وحقيقي .. ضحكتني من أعماقي ,,,
بالفعل إنه المجانين في نعيم !!!
شكرا على مرورك الحلو ...
|
Post: #141
Title: Re: المجانين في نعيم !!!!
Author: baha eassa
Date: 01-03-2008, 02:55 PM
Parent: #140
الرائعة عواطف .. .. .. تحية طيبة :
بديتي العام الجديد بالجنون مالك ؟؟
المنبر مليء بكل الاشياء ولكن جنون الكتابة هو اقوي جنون
منتشر في المنبر ويمكن ينافس جنون البقر كمان الله بستر نشوف
دكاترة مختصين في هذه الشئون .. .. .. .. .. .. .. ..
|
Post: #142
Title: Re: المجانين في نعيم !!!!
Author: abdelkhalig elgamri
Date: 01-03-2008, 07:25 PM
Parent: #141
طبعا يا سيدتى ..
طبعا ما فيش واحد بقول انا مجنون بكدة وكدة
حا احاول انا اقول مجنون بى شنو قبل ان يحكم على بوستك الجميل ده بالنسيان , والغريبة انو القاضى الحا يحكم عليهو هو البوست الخاصى بيك بالجمعة الحا يكون بكره ,
انا مجنون بالقهوة طيب ومالو ما كل الناس بتشرب قهوة الجن وينو عشان يكون نعيم ولا جحيم؟؟؟ انا مجنون بالقهوة برغم نصائح الدكاترة البقولو انو انا بشرب القهوة اكتر من الموية,
وامكن مريت بس عشان ارتاح شوية هنا ,, ,,
|
|