Post: #1
Title: عمر الفاروق!!!!!!!!!!!!!
Author: سامى عبد الوهاب مكى
Date: 12-27-2007, 10:55 AM
يا رااااجل
تعال يا أخي على الاقل قول بااااااااااااع عشان نطمئن عليك!
قول باص القصير ما بتقلع!!
قول الممتاز للمرة الخامسة والسادسة في الطريق!!
قول سيد البلد!!
قول كبد الحقيقة ولا امفتفت الحقيقة!!
قول يا اخي شفقتنا عليك!!
وين رسائلك الجميلة ديك البتجينا شايله ريحة الشمشرة الجوية قاطعة بحر من السعودية!!
حرام عليك يا ايداهور طفشت علينا الزول!!
معاً يا شباب للمطالبة بعمر الفاروق الرياضي!!
لاننا لو خلينا عمر يواصل في النقد نبقى ادينا فرصة لانفسنابالتمعن في مساحات التمدد على إضاءات النصوص وإظلام الهواجس الكامنة ما بين جوانح الطير البهيم!!
|
Post: #2
Title: Re: عمر الفاروق!!!!!!!!!!!!!
Author: حسين يوسف احمد
Date: 12-27-2007, 11:43 AM
Parent: #1
وقبل كل شئ عايزين توضيح لتلك الكلمات القبيحة
التي قالها بحق الزعيم من عينة مستراح وطوووت
وبعيوات ..
|
Post: #3
Title: Re: عمر الفاروق!!!!!!!!!!!!!
Author: نادر محمد الراضي
Date: 12-27-2007, 12:19 PM
Parent: #2
حسين يوسف ....
ياكا الطيرت الجنى .. آخد ليك لفة وتعال 
=========
يا ود الفاروووق
تعال ياااخ .. اهااا زحينا ليك حسين .. تعال 
|
Post: #4
Title: Re: عمر الفاروق!!!!!!!!!!!!!
Author: سامى عبد الوهاب مكى
Date: 12-27-2007, 12:52 PM
Parent: #1
هييييييييييه دنيا مافيها خير!!
حبيبنا عمر الفاروق كان رياضي بقى ناقد فني!!
حقو نعمل ليه حفلة وداع وتكون منقولة على الهواء جلسة ومعاها فنان والفنان علاء الدين!!
ما قتو هيك وهيك وهيك!!
أيش صار؟؟
|
Post: #5
Title: Re: عمر الفاروق!!!!!!!!!!!!!
Author: نادر محمد الراضي
Date: 12-27-2007, 01:04 PM
Parent: #4
انا بقترح يا سامي (ماتش إعتزال) على حق ربنا
ومتبرع من حسي بدعوة الضباح المسماري (إيداهوري)
وما عندنا مانع لو إتلعبت المباراة في الزريبة
ومااالو نتحمل الغبار وريحة الكسبرة هو نحنا
عندنا زي ود الفاروووق .........
|
Post: #6
Title: Re: عمر الفاروق!!!!!!!!!!!!!
Author: سامى عبد الوهاب مكى
Date: 01-07-2008, 08:29 AM
Parent: #1
فووووووووووووق
|
Post: #7
Title: Re: عمر الفاروق!!!!!!!!!!!!!
Author: عمر الفاروق
Date: 01-07-2008, 08:48 AM
Parent: #1
حبيبنا ابو السيم سفير فيتنام في حي السيد المكّي والقرى المجاورة:
| Quote: لاننا لو خلينا عمر يواصل في النقد نبقى ادينا فرصة لانفسنابالتمعن في مساحات التمدد على إضاءات النصوص وإظلام الهواجس الكامنة ما بين جوانح الطير البهيم!! |
ونسيت كمان إسترسال المراكب في شواطئ الغيم المسافر وهدير الزحام في وجع كل البيوت الطالّة من جوة المواجع الحارقة من مسمار إسفينو مدقوق في الضحيّة ..
والله يا سامي العملا فيني إيداهور وصلتي حد التدهور والتهور وهور ودينموز هراري ..
طبعاً هراري دي بتصرف عشان ما تدخل ضمن الممنوع في قواميس الكلام الفارغ ..
أها طبعاً انا عندي عقدة من الموكيت والنجيل الصناعي ده وجني وجن الكورة البتختخ تخ تخ ومحب وموزة وعاطف والشاويش فرقع ..
بالمناسبة المغامرين الخمسة صحي كرنقو بقا منهم ؟
وعشان تعرف يا سامي الهلالاب ديل صفوة كيف فقد ضحّى عنهم البشير النذير وقال هذا عني وهذا عن أمتي وإنتو ضحّى عنكم إيداهور فرحانين وبتقولوا إيداهور ضحّى عنكم ..
أخوك في الضحية ضغط المفتاح Alt+Shift وبقا نباتي فجعتاً كده وزاغ من الخروف أبو 1000 ريال في السعودية !!!
أول مرة الواحد يشتري ليهو حاجة من السودان تكون أرخص من السعودية ..
رسلت لي ناس البيت جابو لي خروف مع واحد جاي الرياض دفعت ليهو حق الإستقدام والفحص الطبي من الإيدز لحدي الفيش والتشبيه وطلعت ليهو ترخيص من السفارة هنا بعدم الممانعة وجبتو بي فيزا سائق خاص ..
تخريمة :
عبد الزهرة كيف ؟ الزول ده قالوا قدر ما يشوف ليهو وردة بيسجد صحي؟
يا ربي يكون زهرة الخليج ؟
|
Post: #8
Title: Re: عمر الفاروق!!!!!!!!!!!!!
Author: سامى عبد الوهاب مكى
Date: 01-07-2008, 09:08 AM
Parent: #1
ما تلف وتدور في الفاضي كنت وين؟؟؟
|
Post: #9
Title: Re: عمر الفاروق!!!!!!!!!!!!!
Author: عمر الفاروق
Date: 01-07-2008, 03:56 PM
Parent: #1
سامي الخصال:
| Quote: ما تلف وتدور في الفاضي كنت وين؟؟؟ |
شغلتنا أموالنا وأهلونا ..
|
|