يا السني دفع الله أجيك أنـــــا المرة دي

أستاذنا وحبيبنا
كل سنة وانت أنضر وأجمل ..... وأسمن
دي مواصلة للبوست التمت أرشفته مع الدفعة الفاتت جبتو حميتو ومسحتو وسرحت شعرو وريحتو وطلقتو مع بوستات الكريسماس وراس السنة كان يلقى ليهو ود حلال والله يكفينا البوستات البثبتوها فوق



مودتي

يا السني دفع الله تعال لي بي جاي

وانا كنت قاعد بيمزاج
خاتي القهوة والبخور وراجيك
صحيت الصباح لقيتو حلم
تعال نحلم من جديد

كلما أتذكر حكايتك مع المدام وسودانيزأونلاين الحكيتها يوم جلسة بكري أبوبكر وأتخيل تعليقا لما شافت صورة بكري الصلعة أفطس من الضحك لحد ما أدمع والمشكلة أني من النوع اللو ضحك ما بقيف وكل دقيقتين بتطلع واحدة وتلاقيني اتخج كلي زي اللوري في الدقداق

مودتي

عارف اخر تعليق لزوجتنا الحنون
كل ماتنهي اخر لقمة في الغدا
تقول الحمد الله
اقول ليها هنيئا لمن حمد بعد كم يوم
قمت انا من الأكل قبلها وقلت الحمدلله
راحت منها الجملةرفعت راسها بكل ثقة قالت لي
تـسـتـاهـل الحـمـد
**
مرة مشت لي زميلة ليها في الشغل امها ماتت
وبعدين كان اول مرة تطلع مع ناس المكتب
عارف حكاية زميل تجاملو والمكتب كلو اطلع وضياع زمن
اها لمن وصلت هناك مابتعرف ولا كلمة في المجاملةوبعدين اول ما دخلت بيت البكا لقت ليك كل العيون
على موظفات الحكومة اها بعد الفاتحة والونسة بدت مجاملة كل واحدة من زميلات بت المرحومة جاملتها بي كلمة اه جا الدور على زولتنا قامت بت المرحومة اتلفتت عليها وهي بتتكلم عن اللحظات الأخيرة
عن موت امها وكيف ماتت بهدؤ بعد المرض العانت منو طويل نظرت اليها زوجتي وقالت (( سـلامـتـه ))
وهنا ما كان من المجموعة الا وانجرن من الضحك على التعليق المشاتر

النقي السني دفع الله

بعد ترتيب أول لقاء ، جلست للشفيف مصطفى أحمد الخليفة الذي إستلم زمام المبادرة وبدأ يرتب لورشة عمل صغيرة قوامها بعض الكتاب والدراميين والشاعر محجوب شريف الذي أضاف عدداً من أسماء المشاركين وقدم هدية العمل بأن رشح بطلة لهذا العمل - نغم حسني - وستسمع عن هذا الإسم الكثير ....


دم طيبا
وعد سالما


مودتي