شباب الله هوووى... جحاب الله هوووى... بنات الله هوووى... عيال الله هوووى..خردة بس.

لعشاق الشمار المدقوق مغربل بنقل ليكم حفلة واشنطون وبالتفاصيل المملة.

اولا بالتبادى.

الاعمى شال المكسر وجاء . امة محمد وعيسى الفى واشنطون على صمتم فى الحفلة.

يسعلنى الله كان رشيلت الملح ماينزل الواطة.

تانيا بالتبادى برضو.

الناس نضاف ومستحميين واخر عطور وجكتات وملمعين الجزم غايتو اخر قشرة.

يعلم الله التياب دى والكيزان والضحب ( الدهب ) مايدوك الدرب.نويت نهاية الحفلة اجيب

اتنين فتوات اوقفهم خشم الباب وادخل بشوال طبعا بعد ماالبس قناع واشيل مسدس مويه.

اطلع الرجال برا واقلع الدهب.

الكيزان ديل جمع كوز بس مش الكيزان البنعرفم انحنا كمصطلح سياسى. دا دهب ياخونا

اول مرة اشوفوا. عاينت لى واحدة جاية من السودان لابسة ليها نصيبة ذى العلبة المفتوحة من

الطرفين سألتها دا شنو ياختى الابسهومن عظمة الرسغ لحدى كوع الشيطان دا؟ قالت دا اسمو

الكوز .

قولت ليهايعلم الله الكوز ماهين دا كلو ضحب .

اها اكلمكم عن سماحة البنوت باختصار شديد.عشان ما يجونى

ناس حقوق المثلثين يقولوا لى بتاعينى فى البنات ليه؟ غايتو ياعذابة واشنطون الما خطب

امبارح الله معاهو. اها و الونسة بالتنقليزى دا ماتسمع غير يو ويظ ويظ وشنو كدا ايشن

شلت هم على وليداتنا الفى السودان والعقد النفسية البتجيهم من البنوت ديل.

اها بجيكم للقطيعة فى البورداب والرقيص والحت.بالدور من العمدة الخردة

قبل البورداب كان حضور الحلفاويين والمحسى طاغى وطبعا ماقصرو مع البلابل والطار .

دقيقة قبل ماانسى لما غنوا قطار الشوق كان عندى رغبة اقلب هوبة بس مافى حتة.

اها بكرة بتم ليكم الباقى.

لغاية ما تجى راجعة وتنزلى صور واغانى ...
نصرف للجماعة مرطبات...........



======================================================================================