Post: #1
Title: سقط (ام شولة) الحمي العجوز (البولة)
Author: khaleel
Date: 12-23-2007, 10:47 AM
انعل ابو الشتاء محل ما افبل
الحمام مجازفات
البول مجازفات
الضحك مجازفات
بشقق الشلاليف والكرعين وبعمل (الغبشة)
تلات مرات نزلات
ما عائزين شتاء اصلو ما عائزين شتاء مع اعتذاري للاغنية
|
Post: #2
Title: Re: سقط (ام شولة) الحمي العجوز (البولة)
Author: عبدالكريم الامين احمد
Date: 12-23-2007, 10:53 AM
Parent: #1
| Quote: بشقق الشلاليف والكرعين وبعمل (الغبشة) |
السقط اتلوم والله
الكبر خشي يا خليل ولا ايييه
ناس كرجول كانو سقط زي ده مرايس ساااكت ياكلوا ليك زي السم..
قبل شوية كنت بتكلم مع حيدر ميرغني في اليابان وعندهم سقط مبالغة
وضحكني جد لمن قال السقط ما عندوشغلة بباقي الجسم شغال (اظافر واطراف بس)
قلت ليهو ده سقط بتاع مهمشين..(الاطراف)
|
Post: #3
Title: Re: سقط (ام شولة) الحمي العجوز (البولة)
Author: khaleel
Date: 12-23-2007, 11:07 AM
Parent: #2
| Quote: الكبر خشي يا خليل ولا ايييه |
كرمة انا عندي دواء (سقط)
وعندي سخان
لكن ناس قدوم الابريق وبت منفلة بستحموا في الترعة عشان كدة متضامن معاهم
|
Post: #5
Title: Re: سقط (ام شولة) الحمي العجوز (البولة)
Author: عبدالكريم الامين احمد
Date: 12-23-2007, 11:15 AM
Parent: #3
Quote: كرمة انا عندي دواء (سقط)
وعندي سخان |
احلق شنبي لو ترجع انت يا خلي تاني
تفوت دواء السقط مفلع انت يا بتاع وصال نورالدين انت
كنت تقول لصحبك داك (اسمها وصال نور الميتين)
ياخي الناس الغلابة عندهم دواء مدهش للسقط لقط ده
دخان طلح وعصيدة بوخها بخليك تقيف (زنبارة)
ونصية من النوع (حواء ليمون)
|
Post: #4
Title: Re: سقط (ام شولة) الحمي العجوز (البولة)
Author: هاشم أحمد خلف الله
Date: 12-23-2007, 11:12 AM
Parent: #1
خليل العسل كل سنة وانت بألف خير وعافية وكل من تحب
والله نحنا نسينا حاجة إسمها صقط لكن لين يومين والله
الكلام ذاتو بقي مجازفة اها الحل شنو يا خلو ؟؟
اول امبارح السخان بتاع المطبخ ماشغال ام احمد
قالت لي والله ما تصلح السخان بتاع المطبخ دا إلا تاكلوا من المطعم
اليومين دي نحنا في إجازة العيد المشكلة لمن تفتح المدارس
تصحي من الساعة 5:30 صباحاً تقول مؤذن وعين مفتحة وعين مغمضة
يا زول الله يكون في العون . هسع العصر آذن انقوم إتيمم ّّّ!!!
|
Post: #6
Title: Re: سقط (ام شولة) الحمي العجوز (البولة)
Author: khaleel
Date: 12-23-2007, 11:18 AM
Parent: #4
Quote: تصحي من الساعة 5:30 صباحاً تقول مؤذن وعين مفتحة وعين مغمضة
يا زول الله يكون في العون . هسع العصر آذن انقوم إتيمم ّّّ!!! |
هاشم
كل سنة وانت طيب
وربنا احقق الاماني واجيب ناس اماني
غايتو حمام خمسة ونص انا (عودي فيهو عود مرة)
مش لو عندي سخان ما بعملوا
|
Post: #7
Title: Re: سقط (ام شولة) الحمي العجوز (البولة)
Author: حبيب نورة
Date: 12-29-2007, 07:42 PM
Parent: #6
خليل
بيك كانت لاقيت دسامة البدايات الختام
وليك منتهي الأشياء تبتدي عند السلام
شكرن كتيرن!
|
Post: #8
Title: Re: سقط (ام شولة) الحمي العجوز (البولة)
Author: Saifeldin Gibreel
Date: 12-29-2007, 08:02 PM
Parent: #7
وبعدين.. يا خليل مع ابلوست الجميل.. ودمو خفيف.... من اسامى ومسطلحات السقط.. سقطيبا.... وبرد... بردلوبا.... لكن تعرف السقط بشقق... والبرد بكرمش... كل الاجهزة التى بها ثقب.. فى جسم الانسان...
خالص مودتى... ويا حبيب نورة.... متحكر وقاعد..
|
Post: #9
Title: Re: سقط (ام شولة) الحمي العجوز (البولة)
Author: Ahmed Abdallah
Date: 12-30-2007, 00:01 AM
Parent: #8
يا يابا حلييييل بت الجزيرة وبت احيمر
فد كباية تخليكـ زي ديكـ الحلب ......
الله يطراكـ بالخير يا ودالبلال كلو من راسكـ ..
|
Post: #10
Title: Re: سقط (ام شولة) الحمي العجوز (البولة)
Author: Muna Khugali
Date: 12-30-2007, 00:21 AM
Parent: #9
ازيك يا خليل ..
كل سنه وانت طيب ..كوم بتاع اعياد ماشاء الله وماشوفناك فيها..
|
Post: #12
Title: Re: سقط (ام شولة) الحمي العجوز (البولة)
Author: khaleel
Date: 01-06-2008, 03:57 PM
Parent: #10
Quote: ازيك يا خليل ..
كل سنه وانت طيب ..كوم بتاع اعياد ماشاء الله وماشوفناك فيها.. |
مني خوجلي
علك تقضين ليلة شتاء دافئة
وكل شتاء وانتي طيبة
|
Post: #14
Title: Re: سقط (ام شولة) الحمي العجوز (البولة)
Author: khaleel
Date: 01-06-2008, 04:12 PM
Parent: #9
Quote: فد كباية تخليكـ زي ديكـ الحلب ......
الله يطراكـ بالخير يا ودالبلال كلو من راسكـ |
احمد عبدالله
عليك بتمباك الدمك شائل للصقط مقلاع
|
Post: #13
Title: Re: سقط (ام شولة) الحمي العجوز (البولة)
Author: khaleel
Date: 01-06-2008, 04:10 PM
Parent: #8
Quote: وبعدين.. يا خليل مع ابلوست الجميل.. ودمو خفيف.... من اسامى ومسطلحات السقط.. سقطيبا.... وبرد... بردلوبا.... لكن تعرف السقط بشقق... والبرد بكرمش... كل الاجهزة التى بها ثقب.. فى جسم الانسان...
|
سيف جبريل
لكن صقط امريكا الله يكفينا شره
|
Post: #11
Title: Re: سقط (ام شولة) الحمي العجوز (البولة)
Author: khaleel
Date: 12-30-2007, 03:17 PM
Parent: #7
Quote: بيك كانت لاقيت دسامة البدايات الختام
وليك منتهي الأشياء تبتدي عند السلام
|
winter winter
iwill be vback
|
Post: #15
Title: Re: سقط (ام شولة) الحمي العجوز (البولة)
Author: khaleel
Date: 01-06-2008, 04:20 PM
Parent: #7
Quote: بيك كانت لاقيت دسامة البدايات الختام
وليك منتهي الأشياء تبتدي عند السلام |
ابو نورة
زمان كان بقولو
الصقط جاء (سجم ) العندو (فتاة)
|
Post: #16
Title: Re: سقط (ام شولة) الحمي العجوز (البولة)
Author: khaleel
Date: 01-14-2008, 07:01 PM
Parent: #15
عصيدة دخن
بطانية دبل كبينة
كلها مضادات حيوية ضد البرد
وبالعدم ممكن كاس بتاع (شربات) بكرية
|
|