النشوق عند أهل البطانة

النشوق أومايعرف بالمرحال عند البعض ، عبارة عن رحلة توثيق لجغرافية المنطقة من دار الدّمر وصولا ً لمناطق الكلأ والماء مع وصف دقيق كامل وشامل للحالة التي كانوا عليها والوضع الذي ينشدونه ، وصورة متكاملة للطبيعة ووصف الدواب وفخر بأنفسهم ( ودارالدمر هي منطقة مصيف البدو التي يهجرونها مع بداية الخريف نسبة لتغير طبيعتها طلبا ً لمناطق أكثر عفاءً ) ... كما أبان ودالشلهمة :ــ;
قاموا الليلة من دار الدّمر وانقلـّوا
حازمة ضعينتم منجمعة مابنفلـّوا
سقـّد مايقي روقة الغمدة مابتطلـّو
قلبي مع الجراسة البنقرن قام كلـّو
لكلٍ وجهة يقصدها وينشق إليها . ومسدار النشوق لودالشريقاوي والذي نحن بصدده يبدأ فجرا ً بتهديم المساكن وحملها على الضعائن (الدّواب) قاصدين المقيل في (أمـّات دروع ) . ..
أصحاب الرجالة الكاملة ماهن عيـِّل
عزموا الشـّيل وجابولو القفاهو منيـِّل
عقيدتن قالهن بدري الضعينة تشيـِّل
قبـّال السحاب في أمـّات دروع بنقيـِّل
حيث نزلوا بجوار ( جبل كوفار ) والذي بجواره مسيد أحد الأولياء الصالحين حيث ذهب كبارهم لزيارته ، والمنطقة التي أمامهم بها قلع ( أماكن مرتفعة ) غمـّاها السماء حينما جال وتحركت سحبه وغطتها ...
السما جال وقلعات الطوال أنغمّن
والكانن عُجاف فوق المِمِخات لمّن
ليالي الرحمة عادت والغرايز رَمّن
ضعاين البادية فوق ضهر العواتي أنخمّن
وفي مسيرهم قطعوا وادي ( أب سعنة ) حيث كان مبيتهم ( في أمـّات قماري )
رحلوا وقالوا يالجيلاني من العاقة
قطعوا أبسَعَنة بي جيهة المخادة شفاقا
وصلوا أمات قماري وختوا في الدقداقة
عشاهم بالعتيم ماكشّنوا الفرطاقة
وفي الصباح توجـّه الظعن جهة ( الفويل ) حيث أمر عقيدهم ببجل أو إنزال الشيل ليستريحوا أيام ...
من أمات قماري صباح ضعنهم قام
ودايرين النزول سدر الفويل قِدَّام
عقيدتـّن قالهم : لازم يكون في مقام
أبجلوا الشيل وخلـّونا أنقنـِّب أيام
وفي صباح اليوم الرابع عزموا الرّحيل وشيـّلوا الزوامل ومرّوا بوادي ( الحمار) في وقت باكر وفي نيّتهم المبيت بالقرب من( أم متيلة )
يوم الرابعة عزموا الشيل مع الشهلال
ولقوا مقلب جراد شابك قِعور النال
أبت ترضابو بت اللي الرميم شيّال
بتدور رتعة الحدبة الورا الجبّال

فوق وادي الحمار قطع الضعن باكرية
وقالوا مبيتنا في صلب أم متيلة عشية
اللوب المفرق وببسُط الحورية
دشنبو الحُنان عِن رتعة الضهرية
وفي صبيحة اليوم التالي رحلوا عن ( أم متيلة ) وساروا حتى قاربوا ( ريرة ) ونزل الضعن شمال ( أمـّات سيوف ) فأرسل الباشندي وهو برم الكتر رائحته الزكيـّة وكان هنا المستقر .
شالوا الليلة من رِد أم متيلة صباح
مسافات ريرة قِربن وعمّت الأفراح
سافل أمات سيوف بلج الضعن وأرتاح
والباشندى أرسل عنبرو الفوّاح

ما اجمل هذه الطلة الخريفية

وإليكم المسدار كاملاً لمافيه من وصف وفخر ومعان تستحق الوقوف عندها إضافة لوصف طريق النشوق ..
الليلة المزرقن ختـّا غادي وبيـَّت
ماخد الليل صبيب واصبح سماهو مخيـَّت
الباشندي أرسل زعفرانو وظيـَّت
ضفدع ريدا في موج المرانع عيـَّط

ودعلي كرَّب المن الرُباط قام مارح
واتوجه صبيب تِعلا ًً بشوفو البارح
صيَّا ً موجو بالعـُلـُو والهباطاط سارح
لفـّا بدري بى تور أم حقيبة القارح

قبل النجمة لزّوا علي الدُقاقة سُغارُن
وشايلين قـلـّة مارجعوا القلب لديارن
الماتعشـّا بى الضيم والمغايس جارُن
بتبـّوا سريع علي صيحة المروّة كبارُن

أصحاب الرجالة الكاملة ماهن عيـِّل
عزموا الشـّيل وجابولو القفاهو منيـِّل
عقيدتن قالهن بدري الضعينة تشيـِّل
قبـّال السحاب في أمـّات دروع بنقيـِّل

حزموا النـّوق يعجـّن ويمصع الهدّار
وحور أم دِرعة لولاهو الخبيبو كبار
ضقل الضيف وركـّازة العشير والجّار
ختفوبهن لـُبد قشـّا ً بقوم قـُمبـــار

يوسف كرّب الحوري السنابو مردّم
قال الرحمة عمـّت والحريحير قدّم
قبـّال شقـّة البيـّاح فريكـُن هدّم
الزّين درّج الفوق الجديـّن حـُدّم

كوفار الجبل نزلوا العزاز بجوارو
ركبوا جماعة للشايب المزكك زاروا
أهل المكرمة الفوق العشير بضـّاروا
دوب لى ليمُن أولاد البيفقد جارو

السما جال وقلعات الطوال أنغمّن
والكانن عُجاف فوق المِمِخات لمّن
ليالي الرحمة عادت والغرايز رَمّن
ضعاين البادية فوق ضهر العواتي أنخمّن

رحلوا وقالوا يالجيلاني من العاقة
قطعوا أبسَعَنة بي جيهة المخادة شفاقا
وصلوا أمات قماري وختوا في الدقداقة
عشاهم بالعتيم ماكشّنوا الفرطاقة

برّاق العِيَن قلـّع سحاباً سود
غاس الأرض وسخّاها أم هبج للجود
نحمد ربنا البيهو النِّعَم بتعود
الطوفان طلع عمّ العزاز والفود

من أمات قماري صباح ضعنهم قام
ودايرين النزول سدر الفويل قِدَّام
عقيدتـّن قالهم : لازم يكون في مقام
أبجلوا الشيل وخلـّونا أنقنـِّب أيام

يوم الرابعة عزموا الشيل مع الشهلال
ولقوا مقلب جراد شابك قِعور النال
أبت ترضابو بت اللي الرميم شيّال
بتدور رتعة الحدبة الورا الجبّال

فوق وادي الحمار قطع الضعن باكرية
وقالوا مبيتنا في صلب أم متيلة عشية
اللوب المفرق وببسُط الحورية
دشنبو الحُنان عِن رتعة الضهرية

شالوا الليلة من رِد أم متيلة صباح
مسافات ريرة قِربن وعمّت الأفراح
سافل أمات سيوف بلج الضعن وأرتاح
والباشندى أرسل عنبرو الفوّاح

مرحب بطلة الملكه من أرض البطانه ..........

Quote: عشاهم بالعتيم ماكشّنوا الفرطاقة

ده كلام زولا مِستَقِيم !! خليتو النشوق ولا كيفَنْ؟؟


لي مع (الصديق الشيخ الطيب) قصة في موضوع (الكُشنة) ده..


وحتما ساعود

ثم

بعدين

ده ود الشريقاوي الاب ام الابن؟

Quote: ده ود الشريقاوي الاب ام الابن؟

على الطلاق يا ود اب حريره ايا كان الاب او الابن فقد ابدع غاية الابداع.

بت طلحة الله يديك العافية
وشكرا على هذه الروائع والتوثيق لها.
بعدين خليتينا انا واخوى دا نفكر فى الرحيل والنجعة قبال الاوان!! كيف لا والبطانة قعويها بقى يتربش !!

عاطر التحايا

Quote: يوم الرابعة عزموا الشيل مع الشهلال ولقوا مقلب جراد شابك قِعور النال أبت ترضابو بت اللي الرميم شيّال بتدور رتعة الحدبة الورا الجبّال

الأخت - سمية - تحياتي .. دلفت على هذا
البوست لإستعيد (زعفران) البطانـة
من ذاكرة ثقبتها المهاجر.. وقلت
في نفسي .. أن ما تقوم به سمية
عن النشوق بعد سفرها إشارة قويـة
أن إستواء أرض البطانة جعلهـــا
تستقبل المطر المنهمــر بلا وجــل
ليحيلها خضرة تبعث الطمأنينـــة
والمسادير طازجة من وحي واقـــع
طبيعة الأراضي البكر .. ونحــــن
نتابع هذه الأيام والخريف يطلــق
تعاسة أهل الطين في مجاري السيل
فنشقى بما كنا ننتظره لنسعد..
واصلي كلام البطانة ..

التعديل أقتضته:
ذاكرة ثقبتها المهاجر

الأديب الشاعر د. محمد حسن
ماأجمل أن تكون أول من ألقى نظرة علي الظعن وهوادج الحسان تتمايل مع الدعاش
شكرا لطلتك البهية

الأستاذ بشير حسن بشير
مرحبا بك في دارك وبين أهلك ...
مرة كنا في طريقنا من الفعج لودساقرتة ، وحلنا وحلة شينة خلاس ، ما أنسندنا إلا لمن طلعنا بالحديبة
لك أطيب التحايا .

أحمد يوسف أبوحريرة كيفنك ...
ده الجونيور ياسيدى
نحنا ناس علي قدر حالنا

... مترقن ... ولاشنو ؟
!!! ؟؟؟
شكرا لمرورك العجيب ده .

الأخ الكريم / ود النعيم
ربنا يرفع مقدار ويعلي شأنك ويجمع شملك ويرد غربتك
دعوات صادقة من قلب مخلص لأخ وفي مخلص ..
لك كل الود .

أخي وأستاذى / محمد عبد الجليل
حضورك يجلب كل زعفران الكون والباشندى والبرم وبحديثك يطيب المكان والخاطر ، منك نتعلم ، أهلنا رغم الشقاء أسعد حالا ممن هم في غربة العناء ... فلا تبتئس ولاتحزن لأجلهم ..
أدام الله عليك العافية والسعادة

اختي الحبيبة سمية سموك ملكة وانتي الملك وارثاهو أيه الجديد في القول وانتي الفعل تاماهو .

حضور ومتابعة ومعليش اليومين ديل المشغولية كتيرة لزوم التحضير للسفر , وربنا يهون القواسي .

أخي الحبيب هاشم سافر نا وأتلاقينا ورجعنا تانى
إنشاء الله تكون أتفرغت لأنو أمي حدثتني عن دروب نشوق كتيرة وجميلة كانت في البطانة بقولا ليكم
وربنا يهون القواسي .

سلِمت اليد التي تكتُب عن أهلنا الطيبين في الأرياف ،
فمن زادهم كانت الدولة تنفق .
لاخير فينا إن لم نوثق
شكراً لكِ يا سيدة الرفقة الحانية :
الأستاذة / سمية الحسن

الليلة المزرقن ختـّا غادي وبيـَّت
ماخد الليل صبيب واصبح سماهو مخيـَّت
الباشندي أرسل زعفرانو وظيـَّت
ضفدع ريدا في موج المرانع عيـَّط


ريحانة الحسن ود طلحة سلام
مشتاق لي رقدتن فوق حوشاً وسيع غطاي نجوم ... واسرح بعيد اعد واعد وانسى العدد .. يشلهت نومي برقاً يخلفو رعيد .. ينقسم نومي بين دخول ومروق ....

هنئاً لك ... وانت بين رهطك وربعك في البطانة ام خير وعمار

ولك التحية والاحترام

خالد

Quote: عشاهم بالعتيم ماكشّنوا الفرطاقة

والله يا اخوانا قالوا خير الزاد عاجله والفرطاقة دى هي خير الزاد وعاجل الزاد .

أختي الحبيبة سمية

السلام عليك وعلى كل شبر من أرض البطانة ومفازاتها.. السلام على روحك النقية التي كانت تؤنس وحشتنا في المنافي والمُغتربات .. السلام عليك وقد حملنا ريح الصبا تحايانا لروح جاءتنا بكل خير ونقاء أهل الصفة .. السلام عليك وقد نشقتِ إلى أرض البطانة .. وكما أعرض لك ما سمعته من شيخنا الصالح الورع والدك: ( الصُلاّح ليهم نشوق ) وفي أحد مداخلاتي إليك ذكرت لك هذا التعبير ( النشوق في وقت السحر للصلاة) من قرية ليس فيها مسجد إلى أخرى بها مسجد سيراً على الأقدام في وقت يتجلى المولى بنزولٍ يليق بجلاله في هذا الوقت .. أسأل الله أن يسقيك من عارض يماني تهب ريحه الطيبة بإتجاه روحك النقية فتدعوك للدعاء لنا من داخل مساجد وقباب أضرحة الأولياء الذين لا خوفٌ عليهم .. لك التحية العطرة والدعاء المتواتر بالصحة والعافية الوافية.

وما حنثت ريح الصبا حين أقسمت أن تتطوف بمضاربكم
وتتعطر من فيوضات السحر وتتخذ مبخراً من طاقة المناجاة
فتتغمد روحي بعاطر تحاياكم .. وتتمادى الروح في نشوقها
لايردها إلي الجسد سوى السلام القادم من صوبكم ..
يحمل هتون من عوارضكم تخضر له اليابسات وتنجلي العتمات
وتدر له العجاف..وبالإستغفار في الأسحار تنزل الرحمة مدرارا
وأنا والله قرأت مداخلتك هذه وقت السحر وأنك لأدرى بكنوز الأسحار
فدعوت الحق جل علاه بحق حبيبه صاحب المعجزات أن يحفظكم من كل سوء
أخي الحبيب د.أبوبكر يوسف
أدام الله عافيتك وتقبل منك ومناالدعاء.

والله ياشيقوق ...
تأخد الأجر
ضحكتنى ضحكة نسيتا مما فارقت البطانة

Quote: والله يا اخوانا قالوا خير الزاد عاجله والفرطاقة دى هي خير الزاد وعاجل الزاد

Quote: يشلهت نومي برقاً يخلفو رعيد .. ينقسم نومي بين دخول ومروق ....

ياسلام علي الشلهتة دي ياخالد
والله أنا كنت معاهم ومشتاقة ليهم
وهسع رجعت وبقيت زيك في الهوى سوا
وأشتقت للبروق والدخول والمروق

تربت يمينا لم تخط حرفا في حق أولئك الذين يثرون عقولنا
وتبت يدا لم تنفط غبارا عن هذا الإرث من ثقافتنا
أستاذى / عبد الله الشقليني
شكرا لك فقد ملكتني مصادر الفخر والإعتزاز من القيم والإمكانات
رفقتك زاد يفوق طاقة البقاء ويوجب السرمدية

النشوق يابت الحسن تحول من من الحوش الحجر والبيت الى بيوت برش وبيوت شعر ترركزن شعبه فى النص معاهن شوية معزى وابل وبقرات برعن فى طرف البيت المذكور ومعاهن كل الكرم والشاى على شوية حطب او
وكسرة لى ناس الوادى وسيد الوادى جاهز بى شهامه وكرم لكل من ياتى والمرة وراه تسد الواجب لى عابر السبيل. الغنم والبل من طرف البيت شبعاناب من خير البطانه . وكل خشم بيت مبرز من اولاد اعمو هناك
والشعراء فى الكلام قالو كتير ادينا منهم شويه........

الأخت الحبيبة
سمية

بوست يحمل عبق الصباح
ويظلل عليك بسحاب يحميك هجير النهار
سأعيد قراءته مرة أخرى

كامل المودة
غادة

سميه السلام عليك وآلك أجمعين وأنت تفتقين صمت الباديه بصوت يراعك الباهر وتفتقين فى أرجائها شتول باشنديها وكمتر محريبها وشيحها والنال
لتنال رضاء من لم يرتادها حقيقه ويروض ذاته على جنان رياضها...فذلك المسدار يخرج صورا متحركه كإخراج التوثيق السينمائى لروائع الطبيعه وتتبعها فى مختلف البيئات ومن خلال المسدار ندرك ببصر زرقة السماء الشائله لحيران سحبها تنتظر المخاض سارية لا هجسة فيها وفوح الباشندى يعبق فوحه فى ربعها كطلح الخريف فى فرقان الدمره وأصوات الضفادع بعد خروجها من بياتها بالرواء عند ميع الشخاتير والمحابس وعلى مخلوفة ذلك القارح الأصهب يخترق البطانات من بعث لمعرفة أخبار البلل وصيها إنسرفت قيعانه ووديانه والرهيدات حيث يرجع بالبشاره من على ذلـك الأصهب ليشير إلى مراتع الدمر المرتقبه ومن تتبع المسدار يتفاعل صخب الوصف وإيقاع الحركه لركب ذلك النشوق بدوزنة سباعية السلالم قحطانية السلاله تطرب لها دواخل مدركها بزهو وإرتياح....................................



منصور

العزيزة /غادة
مرحبا بك في رحلة تجوال يأخذ منك فيها السحر كل مأخذ ، وينال منك الهوا / الهوى نائل
بسحر الطبيعة وسحر ساكنيها ، وأتمنى عودتك فعليا ومرافقتنا للتعرف علي
علي إرث ضخم .. خليك قريبة
لك الشكر حبيبتي

خالد المحرب أديتنا صورة جميلة وصفها الشعراء :
عرب الفي المقاطع بشبه الجديان
توتلو فوق ضهور من مسيل الوديان
عدو الضحوة عزيل في البهم والضان
ألبل راتعة شول تتمارح الحيران

Quote: وتفتقين فى أرجائها شتول باشنديها وكمتر محريبها وشيحها والنال

المحريب فتق سيد الضعاين يكش
يقرقر كيرو يمصع وفوق قفاه يرش
الأرض خدراء والسما فوقا باهل بشش
السعن أب ودع لا النافلة ستو تخش

ذهبت في سياحة جميلة إلي ( الفتاقة )
قضيت فيها أمتع الأوقات بين أروقة مكتبتك العامرة
منصور المفتاح
لك من الود أخلصه .

ألبل راتعة شول تتمارح الحيران


بطلحة يطول عمرك فقد تفرق ابناء البطانة ايدى سبأ وعشمى ان تجمعهم هنا عودتك الى الكتابة - فما يكتب عن البطانة واهلنا ليس امرا سهلا وانما توثيق لاجيالنا القادمة

تحية لك ايها الملكة
والتحية للاخ خالد المحرب وبقية العقد الفريد

شيقوق

خيرك عم ياأم هبج الفصاح شعراك
خدارك قام منوع يالبشيقني هواك
الصيد فيك مقاشر حايمة الشراك
نوقك حن ضايق المجدة في مرعاك

شكرا الأخ شيقوق
أفتقد أناس كثير آمل أن تجمعنا بهم دروب النشوق هنا .

سماك زرقن مهيطل وبالصبيب والاك
عربك ناشقة ديكورم كدام وشباك
خدارك قام منوع ياالمرية كساك
ضرع الشولة من الحينة جابلو تواك

قريرك فى الملاين دافقه فوقو أراك
وبريبك سرب عقب الشخاتير جاك
مرحات البكار بى حنهن حاوياك
ولايكات عود شفاك ياالشافيه درنا شفاك



منصور

نِقـُوُعْ سَهَلْ(الابيْرِقْ) سَوَّنْ الْ مُوُصَاح(*)
سَمَاحْ قـَشَّاً عَليهُ تـْمَـرِّغ الاصْفـَاحْ(*)
رِتـُوعْ نوقـُو ورفِيِفْ بَرْقـُو الدَّومْ لَفـَاحْ

سِكُوُنْ الجَنـَّة بـ ذَاتـْهَا امْ نـَسِيِمَاً فـَاحْ

وعلى مخلوفة ذلك القارح الأصهب يخترق البطانات من بعث لمعرفة أخبار البلل وصيها إنسرفت قيعانه ووديانه والرهيدات حيث يرجع بالبشاره من على ذلـك الأصهب ليشير إلى مراتع الدمر المرتقبه ومن تتبع المسدار يتفاعل صخب الوصف وإيقاع الحركه لركب ذلك النشوق بدوزنة سباعية السلالم قحطانية السلاله تطرب لها دواخل مدركها بزهو وإرتياح....................................

لله درك يا المنصور ود المفتاح

والله يا المنصور اخوى هيجت فيني ذكريات طفولة ولحظات ما زالت خالدة في الذكرة
المخلوفة والحوية والرسن والقيد والسرحة والدفرة والعقلة وكمان الجرة


تسلم يا الحبيب

نِقـُوُعْ سَهَلْ(الابيْرِقْ) سَوَّنْ الْ مُوُصَاح(*)
سَمَاحْ قـَشَّاً عَليهُ تـْمَـرِّغ الاصْفـَاحْ(*)
رِتـُوعْ نوقـُو ورفِيِفْ بَرْقـُو الدَّومْ لَفـَاحْ
سِكُوُنْ الجَنـَّة بـ ذَاتـْهَا امْ نـَسِيِمَاً فـَاحْ
شكرا وليد علي هذه اللوحة الناطقة .

ا ننننننننننننننننننننننننننننننننننننننننننننننننننا
اسو يييييييييييييييييييييييييييييييييييييييييييييييييييييي
شنو يابنتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتت
العزاز وكرام
هوني لي لي القيد حلل
اعرف زي خلق الله اخد وادي معاك
في الكلام
ادب حد الخشوع لي البجيب طاريكم
يخليك الله يا ريحانة الحسن
وهل بعد ذلك كلام

وهل بعد ذلك كلام

عفاف بت ابو حريرة

الكلام هنا ورد الميس

دحين أسالي اب احمد يوريك شنو الميس

حشمة لابس توب العفاف
ياأب كلامن خاتي الجفاف
الشباب ليك أعترف
ياعفاف دا كلو من زوقك ..أمس في زول جميل جاب لي سيرتك وأعترف بجمالك الفات الحدود في الكلام الزوق الأدب الخلقة والأخلاق..
ماكم ناشقين السنة دى ؟ دحين عامن أول نشقتوا ؟
المحجور في الزرايب
حارسو كبير وشايب
قتلو بندور شوفة الحبايب
قالي عجيبة أم غرايب
( طبعا بكون حمر ليه وقال ليه أما والله عجيبة وغريبة )
كل عام وأنتم بخير .

الاستاذة سمية
تحية طيبة
النشوق والمواطاة هذه الكلمات دائماً ما تكون متلازمتان في باديتنا
والثانية تعني رحلة الاياب، شكراً يا أستاذة على صحو هذه المفردات
التي كادت ان تنسى بسبب ابتعادنا من تلك البقاع الطيبة

Quote: يقرقر كيرو يمصع وفوق قفاه يرش

دي مشهد رهيب وصورة بديعة ذكرتني الخريف والسافل وجملة أشياء

الأستاذ/عبده عبدالحميد جاد
حياك الله وبياك
مفردة المواطاة معلومة جديدة وإضافة مهمة لاتقدر بثمن
ومعناها الإياب.. جميل جدا .. خطرت ببالي مفردة ( ا########## )
ربما هي العودة للأرض الأم ..
وكلمة السافل تثير بداخلي شجون المتلازمتان السافل والصعيد
والصعيد هو الجنوب ( الصعايدة ) والسافل الشمال الذي دأئما مايوصف بالرخاء.
لك الشكر الجزيل مع الرجاء أن تمدنا بهذه الثقافة النادرة ندرة الدرر .

Quote: قاموا الليلة من دار الدّمر وانقلـّوا حازمة ضعينتم منجمعة مابنفلـّوا سقـّد مايقي روقة الغمدة مابتطلـّو قلبي مع الجراسة البنقرن قام كلـّو

Quote: قاموا الليلة من دار الدّمر وانقلـّوا
حازمة ضعينتم منجمعة مابنفلـّوا
سقـّد مايقي روقة الغمدة مابتطلـّو
قلبي مع الجراسة البنقرن قام كلـّو
طه ودالشلهمة

فيـك ســماح مناظراً يجـدب الناظرين
فيـك ناس بلا كحـله ودلال سمحين
شــفت جَمَـال عــرباً بجــوك ناشقين
يتـمثـل على حــور الجـنـان العـيــن
ودالشلهمة

كنت جالسة تحت تلك الشجيرات قرب هذا المراح ورنين أجراسه يدغدق مسامعي
تمنيت أن يكون بقربي كل الأحباب رغم إحاطة جلهم بي حينها...
ولكن كان هناك شيء يشغل بالي هو أن موسم النشوق بصادف وقت الدراسة
مما يؤدي لتخلف كثير من الطلاب والطالبات عن مسيرة التعليم.. وهذا مايؤرقني.

Quote: ولكن كان هناك شيء يشغل بالي هو أن موسم النشوق بصادف وقت الدراسة مما يؤدي لتخلف كثير من الطلاب والطالبات عن مسيرة التعليم.. وهذا مايؤرقني.

والله يا سميةاختى يا ريت لو ما قرينا اصلا وبقينا ناس سرحة ساااااااى

والله ياالطيب أخوي أنا مصدقاك في كلامك دا
حكي أن أحد البدو تزوج من الحضر وكانت زوجته تدعي ( دقاقة )
وفي موسم النشوق حن للرجوع للبادية
ولكن دقاقة تريده أن يحضر موسم الخريف معها
فما كان منه إلا أن شد جمله وهو ينشد :
حليل أهلي العلي جيهة الدعين نزال
حليل أهلي اللي عشاهم لملمولن نال
رزمي الشول بعد سدر العشا مازال
أحسن من دقاقة ورقها البنجال

....والنشوق هى رحلة العربان للمناطق التى وقع فيها المطر...ويستخدمها كذلك البقاره فى سيرهم والشوقاره الرجوع إلى المناطق التى يتأخر عليها المطر...وتقل فيها الذبابه ويقل فيها المجخ.....

منقول من ( دراويش في بوادي الكبابيش ) لكاتبه/ منصور المفتاح

وصدق شاعرهم حين قال :
مع بداية الشوقارة
أنا قايم زيارة
الزول كواني بناره
الله لي
ياالفكي وحيرانه
جيبوا المحاي بجيزانه
الله لي

الـملـكـة جـاءت بـمـهـل تـسـقـي الـمـراح وتـحـلـب بـراهـا ضـرع الـبـقـر

... قوليهم علي العهد مازلنا
ذكراهم أنفاسنا ومشاغلنا ...

أخي الحبيب هاشم سمعت الأغنية أكتر من3مرات متواصلة
تلفت يمنة ويسرة علي أجدكم بجواري
فلم أجد طائر ولاريح تجيبي فتكفلت الدموع بالرد تعبيرا عن الشوق
( بكيت عيني اليسرى فلما زجرتها علي الجهل بعد الحلم أسبلتا معا)
تذكرت يوم كنا بربوع أهلناأخوة مجتمعين أهلكم أهلي وداركم داري
واليوم أضحينا كحال صويحب ريا.. أشتات نتلفت للحي خلفنابعد مغادرته
فهل نشقنا نحن أم هم نشقوا ؟
لك الود ماحيينا باقيا إلي يوم الدين أيها الصدوق .

Quote: واليوم أضحينا كحال صويحب ريا.. أشتات نتلفت للحي خلفنابعد مغادرته فهل نشقنا نحن أم هم نشقوا ؟

جنح الخيال في بطانتكم زمن النشوق
خضرة لون مدادي تستشف من من حُلة كست أرض البطانة عُقب خريفاً دام وهدّم وبنقول خيراً جانّا
ريحة التراب .. ريحة البراح والشيح وحتى البروس تداعب نفيس السمحة في البنوت مرقت بدري
عين في الأرض .. ويد تتناول من خالاتها الضيق روب

والقوام من طبعوا مايل
والصدير رمانّو شايل
والزمام غير رشمه خايل
والعسل من شفايفو سايل

رتعت بدري وقبل الدنيا تغيّم بَعدْ بِعِد البهم كاسحة من فوق الحدبه الصعيد الحلّه صادا مقبلّه .. كنت أتوارى اختلس النظر علّي أفوز بنظرة تبل الشوق ولا علي تهون.

أنتِ يا دهب الخزائن
بتشبهي الموز في الجناين
تهموني بيك وقالوا خاين
أنا قصّو دربي لِقوهو باين
أنا ماسرقتا أنا جيت أعاين

من جمال البطانة وأركانه مجتمعة أهديك يا سمية تلك الشذرات الملتهبة .. اعرف كيف حار بالحيل فراق الزول بعد ما يوالف
ولك التحية والاحترام

الزمام والرشمة .. أشياء جميلة
لم يترك أهل البادية جزء من الجسد إلا وخصوه بما يليق به من أدوات الزينة
بدءا من الهامة وحتي أخمص الفدمين
الطاقية من الدهب تتدلي فوق الجبهة : ستة وسبعة فوق جبهتا وأبوقجيجة في شنطتا
الرشمة والزمام لزينة الأنف
الشف والتيلة والنقار والمطارق لزينة العنق
الخواتم والخلخال والعاجات لزينة اليدين
الحجول لزينة الرجلين
شكرا خالد لشذراتك الملتهبة التي حرقت القلب بوهج الذكرى الجميلة.

الله عليك يابت الحسن
والله يخليك يابت الحسن
والله يزيدك يابت الحسن

اللهم آمين
ربنا يسمع منك
ولك مني مثله وأكثر
الفنان الرائع / الموصلي
لك أطيب التحايا

الأتقسو ياطه وقلبنا بريدن
نووا المرقة بالسافل وأبوه صعيدن
الشرك الفماح قجيتو وأبا ما يصيدن
حزموا النوق وأزعج نوم عيوني ضجيجن
ودالشريقاوي

النشوق .. وقالوا أهلنا الرحول عز العرب
حرك النشوق فينا نغيمات أوتار خبأ رينينها ردحاً. علماً إننا سكان حضر ما جربنا النشوق.
من قومة الجهل ويداعب خيالي الحل والترحال حياة البادية ونشوقها عشقت مع نعومة أظافري كل كلمة تمت للريف .. البطانة.. السهول بنغمة ورنة

يا ريح الصبا الجيتينا من أبوسالف
وكيف حال خيولّن سيدها عباد وكالف
الخلاني فوق نيران جهنم خالف
حار بالحيل فراق الزول بعدما يوالف

Quote: يا ريح الصبا الجيتينا من أبوسالف وكيف حال خيولّن سيدها عباد وكالف الخلاني فوق نيران جهنم خالف حار بالحيل فراق الزول بعدما يوالف

حار بالحيل فراق الزول بعد ما يوالف
شكرا خالد المنسي
أيها الهاوي بحسك العاشق بخيالك الملتهب
لك أعذب التحايا.
ليــه ياقـلبـي المنــزّه كــاره الفـُرّيـق
والدش المعــاي لاعب بصرتي حريق
تعـبــان روحي تـتـقطـّف من العـُشريق
ياحليـل النّـزيـه المونـتـي فـي أبودليق
الشيخ عبد العزيز

أرييييييييييييييتك يا سمية كان جيتي أيامي الـrelevant
هسع يا حليلي قالوا بقيت Irrelevant

يا ربي Irrelevant دي حاجة كويسة ولا كعبة





نفتقدك كثير يا بدر الدين كل عام و انتم بخير و الوطن بخير

يا خلي البرق نفض السحاب الداكن
أخبـار الظريف قطعن علينا أسلاكن
السلبت عـقولنـا وودّرت إدراكن
رحلوبا المنالا بعـد وحبها ساكن

ودالشريقاوي

وكأني اراها قيلت في ابيك الذي عرفته من خلال كتابات شيخ العرب ود المحرب ابوأحمد

عينيك يا الصقر في الحارة ما بتنوم
صدرك في الصعاب دايماً بعرف العوم
في جوه الفريق لفارغة مابتحوم
لا بتّلام ولا بتعرف تجيب اللوم
ود ناساً عزاز جمعوا المكارم كوم
تفخر بيك بنات البادية والخرتوم

وكأني أراها تخرج من ذات المشكاة التي خرج منها قول ودالشلهمة لأبي :
حِكمة الصوّرك فارق فعايلك ورسمك
ماركبت بالفريق تسأل تكوس لى وسمك
خربتا عمارا ياالعند الله وافر قسمك
حسّنت البتمشي عليها ياالحسن إسمك
طه ودالشلهمة

كم أنا فخورة بهذا الوطن
المعطاء سماءً
الودود الولود أرضا
مصنع الأماجد
ومتن سير الخوالد
وبكم سلافة فطاحل وخرائد
فتقبل ماتنوء بحمله الإبل
من وداد فائض وشكر زائد
لك ياخالد .

جمال كهذا مكانه في الباحة مقبل البيت الكبير
مش الصفحة السادسة يا ريحانة

تحياتي

خالد

قلبي مع أم غراما ساهرتبو همومو
شب نجم سعادتو وراحت أيام شومو
جنيات مجلسو الفاهمين معاني علومو
طلبوه الإذن رايحين محل ماينوموا

ود شوراني

شكرا خالد المنسي مانا ناسيين الجمال ده ولدينا مزيد .

حقيقة قصد الشيخ بخروجنا للنشوق وهى الرحله الى مناطق هطول المطر وعادة تكون جنوبا...وهى رحله لها طقوسها حيث يخرج الناس من دمرتهم...ولا يتم الخروج عفو الخاطر ولكن العربان يبعثون من الشباب بكرائم الإبل وارد دار صباح لحاقات بعيد...يتسابق الشباب فى إتجاه الدعاش وخرائط علماء التنجيم الذين يحددون إتجاه المطره وربما يحددون مسافاتها بالشربه.... وكل من الشباب يسعى للحاق بخطف الفال من أصدقائه بأن ينيخ بكرته أوقعوده برهيد مزموم بالماء وماتزال الشخاتير والإيديات يحلبن زلالا سائغا للشاربين من السعيه وأهلها الأماجد...ومن ثم يعرض الشباب عرضات الفرح ويحددون أماكن تأسيس الفريق وكل أسباب الحياة الآتيه الى ذلك المكان...ومن ثم يقف راجعا ذلك الركب الإستكشافى بالتباشير وتحديد عدد المطرات وسعة البلل مع دعائهم المتواصل جيدلنا بالمطرر جيدلنا بالخير...ففى الخريف تتناسل الأرض ويأتى خراجها للناس ولسعيتهم وتتناسل سعيتهم فتتضاعف أضعافا مضاعفه لا بل فى البلل الإستجمامه حتى البذوره بتفرك...وعندما يرجع الشباب تلتقيهم الفرقان قناصى النشوق ويستفسرونهم عن المطر مو زين دحين....ولكنهم يتوجهون مباشرة إلى الشيخ وإعطائه التفاصيل الكامله عن رؤيتهم....ومن ثم يجتمع الشيخ بالأكابر والأعيان ويحدون الوقت العاجل للقيام....فتوضع الهوادج للنساء وتحقن الأغراض بعنايه فائقه...ثم تجهز كل مستلزمات البيوت الشمال ولأكاليم الوبريه والبروش ومن ثم تطوى سرائر الحصير إن كانت من جريد النخل أو الدوم...لا بل كامل الإحتياجات لزمن الرعى الشيق....ثم تعاس المطاله أم نارين وتجفف وتحمل زواده لطريق....ثم الإكثار من الروب فترى عشرات البخس والسعون تهز وتوضع فى قرب أكبر سعة....ورحلة النشوق هى رحلة للرعى ولورود ساهل للماء ليس نشلا من عد أو جر من بئر....وفى اليوم المحدد هنالك عدة طقوس وإحتفالات وفرح شيق يشترك فيه الجميع حتى الشيخ والأكابر...فيكون هنالك سباق بالبكار الكريمه والتى جلبت من دار صباح...البل بشاريه آكلة الأراك والأكسير بيضاء ناصعه لها دومات تعلو دقنوسها تقطر عرقا أسودا كعسل الجبال ولذلك يعشقونها العربان عشقا خرافيا....وفى الزمن المحدد يبدأ الركب يتحرك ويبدأ ثانية سباق البل... الذى يحددون به جودة كل واحد منها وجودة ركيبيها والذى ربما يقود الى عشق عفيف ينتهى بزيجة مباركه...لا بل الشيخ نفسه يشترك فى ذلك السباق... والنسوة يغنين للنشوق وللفال الحسن...وتستمر رحلتهم حتى يصلوا الى المكان المحدد والذى سيبنون فيه بنيانهم لا على شفا جرف هار ولكن على قيزان تقترب من الشقيلات والرهيدات ومروج العشب....
ومن بعد ذلك جئ بالشاى وتوابله من حبهان وجنزبيل وقرنفل وكذلك التمر الخاص والمعطون فى سمن بالقرب من سرير الشيخ....تلك سويعات لها جمالها ومتعتها حيث طلب مننا الشيخ أن نستعد لنذهب فى نشوق مع البل حتى نتعرف على تلك الطبيعه وتلك المهنه....فوافقنا وودعنا الشيح بعد أن أسدينا له شكرا.............
وصل ركب النشوق ونيخت الإبل بحملها بالقرب من شخيتير تنساب فيه الماء من حدب علت قيزانه وتفرعت منه الوديان دافقة فى رهيدات وحفائر...إحتضنتها كالثوب القشيب أشجار السدر والقفل والطلح....ومن تحتها بدات تتسلق زواحف المتسلقات من علق وغيره خالقة من الظلال ما ينزع التعب من ظهور العربان حينما يستجمون...إختار الشيخ تاية أسرته بين سيال ليس بالمسن ولكنه شاهق معلف....بدأت النساء فى تعليق وجبات الفرح بالبلل وصاموتى الشاهى والشباب يشرعون البيوت ويسندونها على شعب من السلم قوية لائقة لذلك...والأطفال والكلاب يتفقدون الأطلال...ومن ثم الذكريات الشيقه تتوارد للبعض الذين شاء لهم زمانهم السابق النزول فى نفس التايه...لا بل يتذكرون من ولد فيها ومن قبر...فالكل فى حركة دوءبة حتى الشيخ يشارك بفعالية عاليه فى حمل الأغراض من ظهور الدواب... والفرح الذى تراه فى وجوه الناس تمسكه بيدك على خدود الجمال والدواب الأخرى... الدجاج والبهم أطلق لها العنان لتمرح خالقة حياة فوق روعة الحياة التى تلبست الكل....وبدأ بعض المسنات والمسنين فى نشاطات يجيدونها فمنهم من بدأ ينجر الخلالات للبهم الذى سيولد...ومنهم من يعرك القرض لدباغة السعون والقرب والخرجه...ومنهم من أخرج منجور حواياه وقدها ليشغلها...جرس وإيقاع شجى لكل المناشط...وصغير السعيه رتعت تحت السيال النابت على كتوف الوديان...وكأن من تحتها تجرى الأنهار وتدنو قطوف الرغبة علفا وبرما وخريما وغيرها مما يسيل له لعابها فى أزمنة المحل والدرت...كل شئ يزداد بقدر فى هذا الموسم حيث جعل الله من الماء كل الأشياء الحيه...فالحيوية تتفتق فى كل شئ....وبينما الإيقاعات تتثاءب متوائمه جاء صوت من النسوة أن الوجبه ذهبت أى جهزت فيتتالب الجناييت لحملها حيث جلس الشيخ وبعض الأعيان ووضعت بالتساوى قداحة من الداقريس عليها إدام مما يحبون وسمن من ذاكى ما يحفظون لخاصة وجباتهم....وجلست النسوة والأطفال كذلك يقتاتون فى فرح أخضر خضرة ربعهم الذى حلوا به من توهم......



منصور عبدالله المفتاح


(دراويش فى بوادى الكبابيش (6


الأخ عصمت سلام من الله عليك وبعض الأسئله تحتاج أن تختمر الإجابات أو تتخمر حتى تمشى بزهو جاذب...فآتيك آتيك...وقبل ذلك وبعد إستقرار العربان بعد أن شيدوا بيوتهم ونصبوا أثافيهم وبدأوا يتعرفون على ملامح الفريق وملامح المراعى على مد البصر حيث الأنعام بين راتع وراع فى العشب والشقل والأشجار...فمنها ما هو واقف على الأرض ومن هو قافز فوق شقل مخطه متسلق علقا كان أم حميض برى....والأطفال فى سباق مع العتاب والجراد...وأحيانا أخرى يتشاغبون مع الجرابيع التى تحفر فى الأرض من إتجاهات متعدده فأحيانا يصبون الماء فى الجحر...وأخري يدخلون مطرقا من السلم أو القفل ذات خاصية الخيذران فى اللين...فتتلوى كما يتلوى الجحر حتى يخرج الجربوع منفردا أو فى مجموعه فى إتجاه آخر فيتسابقون ورائه حتى يتثاءب فى جحر أخر...وهكذا دواليك حتى يتملكهم العطش فيمدوا إلى الفريق ويرضعون من سعن موكى بوكاء يجيدون التعامل معه ويتدفق فى جوفهم القارص حليبا كان أم رائبا....ولأن الجو لا يعنى إلا الحياة ولا يعنى إلا الفاقه إلا ما يتخللها من كس وكسع للسعية والأنعام....حتى لا تبتعد من الفريق ومن ثم حليب الموجبات وتخليل البهم الذى قرم العشب حتى لا يكثر الرضاعه...فالنساء يتفنن فى أساليب الجمال والزينه وأساليب أسبابها فيفلخن الطلح والشاف ويجهزن حفر الدخان والشمال ويعطن الحناء ويتنادين فى مكان واحد يتقاسمن الخاص والعام... ويتقاسمن البسمات والضحكات والحكاوى الشيقه... على أن تقوم مجموعة منهن بعد أن زرعن الفتريته أو عيش البلد بحرك الزريعه ثم كوجانتها بعد إضافة كل المستلزمات من زنجبيل أو جنزبيل كما يقولون وتوابل أخر ثم يسنسننها فى سناسن بحجم واحد...ومن ثم يحقننها فى برام تغطى بقطعه من القماش حتى تتخمر بقنية حالية قارصه...ثم يقمن بتصفيتها بعد إضافة الماء إليها ومرسها بأنمالهن المضمخة المخضبة المبوخه بروائع الطلح والشاف وبخور الصندل...ومن ثم يصفنها بمصفاية من قماش ساكوبيس أو غيره ناعم النسيج...فيقدمنها فى دلق من القرع أو من الفخار....ويضعن عليها قرعة ترعى...ويأخذنها أجمل النساء ذوات الحذاذات والحجول والفدو وذوات الطلعات البهيه....ويضعنها وسط الرجال فى مجالسهم فى دانوب معلوم...وهى من شراك النساء وكجاماتهن التى لاتخطئ فريستها...فيكون كل من الطرفين حارى وفى عرفهم الحاري أفضل من المتعشى....فيحتسى الرجال تلك البقنيه التى يسمونها بأم الفقرا فيعسلون ويصير حديثهم عسلا فيتجادعون فى الدوبيت ويسترسلون فى الحكاوى حتى يمخطهم الليل بسواده....فيتفرقون ليلتقوا غدا والكل ينضح بما تسرب فيه من الكجامات...هذه لحيظات من حياتهم فأتنى بمثلها إذا جمعتنا يا جرير المجامع.....

دوماً فوق لحين ميسرة
يا ريحانة البطانة

الاخت بت طلحة

الاخ منصور المفتاح
الاخ ود المنسي

هلا هلا انا اليوم منتكي تحت ضل الراكوبة وبعاين على النياق راجعة من البطانة للدندر والايام دى مسار الابل مليان زراعة والرعيان بالايل بيدخلوا في مزارع الناس وجنس بلاغات وتقبض في المساكين .

اكتبوا ساى انا بعاين ليكم هنا ومتابع العطف قادلة قدامي وكلما اسمع كشكوش عطفة بتذكر النشوق عند اهل البطانة .

لكم خالص الود

مع خالص التحايا للاخ الزبير ود الشيخ الطيب

Quote: الاخت بت طلحة الاخ منصور المفتاح الاخ ود المنسي هلا هلا انا اليوم منتكي تحت ضل الراكوبة وبعاين على النياق راجعة من البطانة للدندر والايام دى مسار الابل مليان زراعة والرعيان بالايل بيدخلوا في مزارع الناس وجنس بلاغات وتقبض في المساكين

.

الحبيب الجميل الطيب ود شيقوق
تقبل الله منا ومنكم صيام شهر رمضان الكريم
وجعلنا من المعتوقين فيه من النار
اسهب واسرح وانت متكي تحت سيالة ضرية
مد بصرك الخضرة والجمال
يداعب مسامعك صوت ربابة من بعيد حاملها
النسيم في الغش البدري
صوت عبور تحنو لصغيرها ترشده لمكان الكلاء والعشب
صياح وليدات يتلافون حاشى صعب المساك بها
وانت بين ذاك الجمال مناي ان توجود علينا
ريحانة البطانة بنمة تصور ذلك كله
ما ابدعها حين يكون البال منها رائق

لك تحياتي اخي الطيب

خالد

Quote: الحبيب الجميل الطيب ود شيقوق تقبل الله منا ومنكم صيام شهر رمضان الكريم وجعلنا من المعتوقين فيه من النار اسهب واسرح وانت متكي تحت سيالة ضرية مد بصرك الخضرة والجمال يداعب مسامعك صوت ربابة من بعيد حاملها النسيم في الغش البدري صوت عبور تحنو لصغيرها ترشده لمكان الكلاء والعشب صياح وليدات يتلافون حاشى صعب المساك بها وانت بين ذاك الجمال مناي ان توجود علينا ريحانة البطانة بنمة تصور ذلك كله ما ابدعها حين يكون البال منها رائق

يطول عمرك يا ود المنسي اخوى وربنا يتقبل صيامنا

بكرة عندنا عرس حاااااااااار وقطع شك اخوك داقي كراعو جوة الدلوكة ومشمر للبطان بالسوط عديل .

Quote: يطول عمرك يا ود المنسي اخوى وربنا يتقبل صيامنا بكرة عندنا عرس حاااااااااار وقطع شك اخوك داقي كراعو جوة الدلوكة ومشمر للبطان بالسوط عديل .

ادام الله أفراحكم جعل كل يامكم فرح وعديل وزين
الدلوكة لمّا تهبق الصوف بقيف ومابرقد من غير البطان

ودق الرجال متنّى
بدورك كان حضر صديقي الجميل للعرس ( أيمن الصادق سليمان ) تدي صوتين

لك التحية

خالد

Quote: بدورك كان حضر صديقي الجميل للعرس ( أيمن الصادق سليمان ) تدي صوتين

حرم زولك ده من اسمه ده ماهاو ساتر حاله لكن اكان جاء تاوق بعتقو ليك طااااااااااااااااب

Quote: حرم زولك ده من اسمه ده ماهاو ساتر حاله

يازول هييي دا ود رئيس مجلس إدارة ناديكم ياناس مسقط
الناس ديل وزنهم تقيل بلحيل
أصحاب الرجالة الكاملة ماهن عيـِّل
عزموا الشـّيل وجابولو القفاهو منيـِّل
عقيدتن قالهن بدري الضعينة تشيـِّل
قبـّال السحاب في أمـّات دروع بنقيـِّل

Quote: صياح وليدات يتلافون حاشى صعب المساك بها

ودعلي كرَّب المن الرُباط قام مارح
واتوجه صبيب تِعلا ًً بشوفو البارح
صيَّا ً موجو بالعـُلـُو والهباطاط سارح
لفـّا بدري بى تور أم حقيبة القارح

عبدالله ودالشريقاوي

الأخت الفاضل سمية

هو مرور للسلام ومتابعة لتيك الرحلة الجميلة والسرد الجميل..


تقديري دوماً

Quote: يازول هييي دا ود رئيس مجلس إدارة ناديكم ياناس مسقط الناس ديل وزنهم تقيل بلحيل أصحاب الرجالة الكاملة ماهن عيـِّل عزموا الشـّيل وجابولو القفاهو منيـِّل عقيدتن قالهن بدري الضعينة تشيـِّل قبـّال السحاب في أمـّات دروع بنقيـِّل

يا ود شقوق هويييي
الناس ديل اصحابي
يعني كان حالن مايل انا حالي مايل ونصف
والطيور دوما على اشكالها تقع


شفته ريحانة البطانة جابت فيهم النضم البعدل الحيل كيف

دحين آ زول سو لك نضم تاني

ناسي ديل ناس عدال

خالد

العزيزة/ سلمى صبحي
وفي مرورك خلال رحلة النشوق هذه سترين الآتي :ـ

فيـك ســماح مناظراً يجـدب الناظرين
فيـك ناس بلا كحـله ودلال سمحين
شــفت جَمَـال عــرباً بجــوك ناشقين
يتـمثـل على حــور الجـنـان العـيـن

ودالشلهمة

الأخت الفاضلة سمية

جاءنا منك عذوبة رد يسكر السامعين
فدعونا لك بالخير ورددنا ثلاثاً آمين


كل سنة وانت طيبة

[B]حقيقة قصد الشيخ بخروجنا للنشوق وهى الرحله الى مناطق هطول المطر وعادة تكون جنوبا...وهى رحله لها طقوسها حيث يخرج الناس من دمرتهم...ولا يتم الخروج عفو الخاطر ولكن العربان يبعثون من الشباب بكرائم الإبل وارد دار صباح لحاقات بعيد...يتسابق الشباب فى إتجاه الدعاش وخرائط علماء التنجيم الذين يحددون إتجاه المطره وربما يحددون مسافاتها بالشربه.... وكل من الشباب يسعى للحاق بخطف الفال من أصدقائه بأن ينيخ بكرته أوقعوده برهيد مزموم بالماء وماتزال الشخاتير والإيديات يحلبن زلالا سائغا للشاربين من السعيه وأهلها الأماجد...ومن ثم يعرض الشباب عرضات الفرح ويحددون أماكن تأسيس الفريق وكل أسباب الحياة الآتيه الى ذلك المكان...ومن ثم يقف راجعا ذلك الركب الإستكشافى بالتباشير وتحديد عدد المطرات وسعة البلل مع دعائهم المتواصل جيدلنا بالمطرر جيدلنا بالخير...ففى الخريف تتناسل الأرض ويأتى خراجها للناس ولسعيتهم وتتناسل سعيتهم فتتضاعف أضعافا مضاعفه لا بل فى البلل الإستجمامه حتى البذوره بتفرك...
للنشوق وهى الرحله الى مناطق هطول المطر وعادة تكون جنوبا..
الأتقسو ياطه وقلبنا بريدن
نووا المرقة بالسافل وأبوه صعيدن
الشرك القماح قجيتو وأبا ما يصيدن
حزموا النوق وأزعج نوم عيوني ضجيجن
ودالشريقاوي
يتسابق الشباب فى إتجاه الدعاش وخرائط علماء التنجيم الذين يحددون إتجاه المطره وربما يحددون مسافاتها بالشربه.... وكل من الشباب يسعى للحاق بخطف الفال من أصدقائه بأن ينيخ بكرته أوقعوده برهيد مزموم بالماء وماتزال الشخاتير والإيديات يحلبن زلالا سائغا للشاربين من السعيه وأهلها الأماجد...حزموا النـّوق يعجـّن ويمصع الهدّار
وحور أم دِرعة لولاهو الخبيبو كبار
ضقل الضيف وركـّازة العشير والجّار
ختفوبهن لـُبد قشـّا ً بقوم قـُمبـــار
...ومن ثم يقف راجعا ذلك الركب الإستكشافى بالتباشير وتحديد عدد المطرات وسعة البلل مع دعائهم المتواصل جيدلنا بالمطرر جيدلنا بالخير...ففى الخريف تتناسل الأرض ويأتى خراجها للناس ولسعيتهم وتتناسل سعيتهم فتتضاعف أضعافا مضاعفه لا بل فى البلل الإستجمامه حتى البذوره بتفرك...يوسف كرّب الحوري السنابو مردّم
قال الرحمة عمـّت والحريحير قدّم
قبـّال شقـّة البيـّاح فريكـُن هدّم
الزّين درّج الفوق الجديـّن حـُدّم

الأديب / منصور المفتاح
أضحي الحديث عن النشوق معسولا فعسّل الفكر ودب في الأعضاء سحره
شكرا لهذا السرد الرائع والصور الحية

Quote: الشرك الفماح قجيتو وأبا ما يصيدن

هادي الشورة يا الريحانة الغلبنا دليها
إستعصت على عقولنا المحدودة الزخيرة كلمة ( الفماح )
نرجو الشرح ..

لك التحية والاحترام

خالد

العزيزة / سلمي صبحي
سمع الله منك
ولك من الدعاء مثلها
مقبول بإذن الله
كما أخبرنا الحبيب المصطفي
مادعا غائب لغائب إلا كان له مثلما دعا له به
أرجك يضوع بما يثمل العقلاء
لك المودة

خالد محجوب المنسي
ياصاحب العين الفاحصة والبصيرة الصائبة
ماكنت قايلة الشرك بصيدني
لاحظت الخطأ المطبعي وتجاهلته
لعلمكم أن الشرك ياربحان ياقمحان
ثقتكم المفرطة بي تجعلكم لاتتوقعون مني الخطأ
هي شرك القماح ...
نسأل الله لكم النجاح والفلاح والرباح

بت الحسن طلحه
ما داير آمرق بره لكن الشاعر الجميل عبد العال السيد
في قصيدته الجميله
موال علي درب النخيل قال
==============
موسم طلاقات (بضم الطا) للربيع
لهلابه والشتا آربعاني
============
آها انا داير آعرف طلاقات دي صاح
تحياتي

Quote: خالد محجوب المنسي ياصاحب العين الفاحصة والبصيرة الصائبة ماكنت قايلة الشرك بصيدني لاحظت الخطأ المطبعي وتجاهلته لعلمكم أن الشرك ياربحان ياقمحان ثقتكم المفرطة بي تجعلكم لاتتوقعون مني الخطأ هي شرك القماح ... نسأل الله لكم النجاح والفلاح والرباح

بت البيوت المن بعيد معنية
ريحانة البطانة
عهدي بك ودوماً تزودينا بالمفردة
ما مررت على بيت شعر ألا وأجهدت نفسي لتفسير معانيه
لم يخطر ببالي أنها زلة كي بورد ابداً يا رئعة
يا ريحانة انا أقرأ ما تكتبين حتى التعقيب على المتداخلين لاني عن جد
أجد الفائد في كل حرف تكتبنيه انت ورفاقك الكرام أمثال منصور وغيرهم
من زوار حوش ودمفتاح

لك التحية يا ريحانة

خالد

أدباء البادية
الأستاذة سمية
والأستاذ منصور المفتاح
كل عام وأنتم وبوادينا بخير ..

Quote: ....والنشوق هى رحلة العربان للمناطق التى وقع فيها المطر...ويستخدمها كذلك البقاره فى سيرهم والشوقاره الرجوع إلى المناطق التى يتأخر عليها المطر...وتقل فيها الذبابه ويقل فيها المجخ.....

صدقتم!
أه لقد شممت رائحة دعاش البادية مع بداية الرشاش ..

لكم مساحات من التقدير لهذه الاضاءة النيرة

بريمة البقارى

بريمة البقارى
كل سنة وأنت طيب
حال كل سكان ومحبي البوادي من بعضها
فما أروع تلك البوادي وريحة دعاشاتها

سـماك زُرقتو زي الطاجـن الممسوح
واتـَّكل سـحابك زي سـطـور اللوح
أتحليتي بى طيبـاً روايحو تـفوح
وفيـك ريحـة دُعاشاتـاً تـردالروح


ودالشلهمة

مفقـودن مرادتن في الضمير مختصّـة
جـرحاتــو البيـاذن جـوّه عملن قصّة
البسـعلني أهـوِّد منـّو وآخـد حِـصــّة
لخبط كيف كيان مُخِّي وخربلـو الرصّة
ود الشلهمة

خالد علي محجوب المنسي
تجدني أغبط الكلمات التي تحظي بمتابعتك وإهتمامك
فهلا تجد لي العذر وتتجاوز عن هفواتي وزلاتي ؟
أقرأ بالعقل الباطن فهو أسلم
وتقبل كل الإحترام.

Quote: موسم طلاقات (بضم الطا) للربيع لهلابه والشتا آربعاني

الفنان الجميل / الموصلي
كل سنة وأنت طيب
كلمة طلق (بضم الطاء) تطلق على البهيمة السائبة
أي المفكوكة والغير مقيدة (أوغير مكتفة )
وقد ذكر ود الشلهمة نفس المعني : فكَّ أي أطلق
بالصورة التي تفضلت بإرادها أعلاه في قوله :
إتحلـّيتي بى طيباً وطاكي عريــس
مرقــن فوقـــك المتحزِّمَات بالدِيس
فكـّن فيك بخور واتمطـَّرن بالسيس
خلـّن عاشِقِن يابسـاً لهاتــو بَسِيـس

أتسمحتي من صيفـة وسمومـاً قالية
واتلاقت سواريك ياأم صبيب متـوالية
فكيتي الدُعاشـات والنسايم الحالية
عربك ختـّو بى نيب الضهــور العالية

ويندرج المعني على كل شيء حر الحركة كالنسائم مثلاّ
وللكلمة عدة معاني عندما تكون بفتح الطاء واللام (طَلَق )
وهو دخول المواشي للمزرعة بعد حصاد المحصول
وطلِق ( بفتح الطاء وكسر اللام )
تعني آلام أو وجع الولادة

وتقبلوا طُلاقات التحايا .

كل الحب وهذا يزيدنا طمعا في المعرفه


وكذلك قوله

Quote: اها لهلابه والشتا اربعاني؟

وقوله ايضا

Quote: وهواكي زي نار السلم

لك المحبه ومانكون تقلنا عليك

الرائع في زمن اليباب / يوسف الموصلي
لهلابة والشتا أربعاني
يبدو لي أن مافتحه الربيع على شاعرنا الجميل
من نار ولهيب.. لهلاب رغم برد الشتاء
ففي الربيع تتفتق الأفكار وتنطلق كما تتفتح الأزهار
فتلهب مشاعره وهو في عز الشتاء وربما كانت أربعاني صفة أوعِينة
من العِيَن مثل :عريج ( قارصة الزيفة والبرد ) ، الطرفة ( غزيرة المطر )
أرجو أن تتكرم بإراد القصيدة حتى نتمكن من فهم متكامل للمعنى
أما هواكِ زي نار السلم :
( تعبير عن عشق ملتهب )
السلم نوع من الأشحار
ونار حطب السلم شديدة الحرارة
وجمرها لا يخمد بسهولة
وتنتشر أشجار السلم بمنطقة شرق النيل
من عد بابكر إلي أبودليق مرورأ بمناطق علوان وأب زليق والسلمة
وقد تغني الكثيرون :
ياغزال السلم في بُعدك زاد الألم
قاسي قلبك مارحم ..
وكذلك :
ليالي الأُنس لذاذ بالحيل رجوع للساحة الخاتية رحيل
ياأم ضمير ضعنك شدّا وختم أب زليق بلد العمدة
ياودعطشان ماقلت خبير
وين السلمة ووين درب البير
ياشيخنا كمان الشفقة تطير
هداك الوادي وداك درب البير

ونسأل الله أن يجنبنا وإياكم حر النار وشر السؤال .

الحبيبة بت الحسن طلحه
حرم انا مقيل هنا وبشرب من كآس الاصالة
وهاك القصيده
=================


موال على درب النخيل
شعر عبد العال السيد
+++++++++

سنة اربعين في قريه في جوف الشمال
كانت بيوتا مشتته
وكان الزمن لسع صبي
وكان الليالي عقاب شتا
وكانت رياح الليل تعربد تمشي بينات النخيل
والجو مغبر والرياح والضفه والموج في كتال
وما في شي يجرح نعاس الليل بلا حس الرواويس
والمراكب شارده من برد الشمال
ونباح كلاب نص الليالي الصاحيات
والقمره شالعه
على التلال
وفانوس يبقبق من على شباك قديم
واطياف حريم
متلفعات خايفات من الليل والسديم
والحان بتطلع من حلق وترا على وش الفجر
مبحوح بعد راح النديم
وهواكي بطلع من عبير نفس الشجر
من هدأت الليل البهيم
ومن سواليف السحر
ومن ترانيم البحر
يفرط عقد ايامي في طبق النسيم
يا مهره من بر الصحاري الكبرى يام ديسا
مهدل في الكتوف زي غيمه في آخر الليالي
زحمة مكاتيب بيني ما بينك قمر
نايم على حضن الدوالي
موال على درب النخيل والريح مغارب
في شتا البر الشمالي
دوباي وترنيمة لبيب حادي القوافل
والقمر صحيان يلالي
موسم طلاقات للربيع ومدن مسوره باللآلي
واعراس تقج فيها الزغاريد والدلاليك في السحر
مخنوقه تهبك كل ليله على التوالي
رمشك مظلات من حمو الشمس المداريه
وعيونك طاقه للغنا والسحاب
نفسك نسيم ليل الخريف والقبلي شايل
في الصعيد بعد اليباب
زولك حزين محقت سنين الغربه عمرو
وعده خلالهو الشباب
قاعد على قهوة محطات العمر
يحسب سنين عمرو المضت من غير اياب
والليل مواكب ضجه والشارع ضلام
لا همسه لا خطوات بتعبر لا كلام
غير نهنهات صوت البكا الموجوع
بتمرق من شبابيك البيوت آهات تؤثر في العظام
بيني ما بينك ممالك من سراديب
سيف وتفاحه وخيول
صيف مروح غيمه في آخر الفصول
ناي حزين فاتح شبايبك حسره للمندب
على ريح السهول
طفله ترقص في المدى المشحون بايقاع الطبول
غابه في نص المدار وقمر على طاقة الافول
بيني ما بينك معاني
وكلام قديم يا عمري ما سووهو في كتب الاغاني
وهواكي زي نار " السلم " موقوده في جوفي
وحشاي لهلابه والشتا اربعاني
بيني ما بينك مصير
مسرجات الليل ومركب في رياح موسم مطير
صرخه في الجبانه تسرح في حشا الليل الاخير
بيني ما بينك وطن
غابه للشوق والعصافير والشجن
ريح بتمرق من جدار الليل تغربل زي طواحين الزمن

بت ود طلحة ..وضيوفها الاعزاء..
سلام من الله عليكم ..
النشوق ..
نعم رحلة بداية الخريف نحو المرتع ..من مكان الدمر مكان الإستقرار..الذي غالباً ما يكون حول موارد المياه ..حفائر كانت أو آبار..(مثل آبار أم شديدة فيما يخص شمال البطانة وآبار الصُباغ في الجزء الوسطاني وأبو دليق في الجزء الغربي..وكذلك آبار أم حطب في الكوع الشمالي الغربي)..كذلك الدمر يمكن ان يكون على ضفاف الانهار ..(كما نهر عطبرة في شمال البطانة)..فالدمر بمثابة مصيف يقضون فيه فصول الجفاف..
بالتأكيد لكل قبيلة أماكن دمرها واماكن سروب سعيتها ..وأماكن زراعتها ووديانها..
فرحلةالنشوق طالما هي رحلة نحو المرتع ..ونحو شبع السعية وعيشتها..فهي رحلة تصحبها التمنيات والدعوات ..واهل البادية بشكل عام حياتهم هي حياة بهائمهم ..فإن إنبسطت إنبسطوا ..وإن مِحِلت أصابهم الكثير ..لذلك نجد ان رحلة النشوق ينتظرونها بفارغ الصبر ..وكما ورد في مداخلة اخونا منصور المفتاح الضافية..فللرحلة طقوس منذ الإستعداد لها وحتى السفر والوصول ..
مشهد "الظعينة" او الرحيل نشوقاً ..لا أظن يمكن مشاهدته في وقتنا الحالي في منطقة البطانة –ربما فقط في الجزء الجنوبي ؟؟- ربما أو بعض تنقلات الرشايدة في أقصى الشرق ، ولكن حسب ظني ان البطانة حاصرتها البنادر بمدنيتها ، وبالتالي حتى ولو إحتفظت بعض القبائل بعادة التنقل فإن المشهد ستختفي منه كثير من الجماليات وأعني جمال أدوات البدو الرُحّل ، فالقِرَب والسِعُون مثلاً تبدلت بالباغات وجركانات البلاستيك ، والشِمال المنسوجة من الوبر تبدلت بالبلاستيكية أيضاً، كما ان بيت البرش بكل تحفه تبدل الى الخيمة المصنوعة او الجاهزة وهكذا، غير ان البادية الغربية تظل هي الأكثر إحتفاظاً بأدواتها وتراثها فهي ما زالت غنية – وهذا رأي ادعمه بمشاهداتي وتصوير فوتوغرافي كنا قد أجريناه عندما زرنا مناطق جنوب كردفان وكذلك منطقة جبل مرة، في منتصف التسعينات ونحن طلاب بكلية الفنون.فمشهد الرحيل او الظعينة هناك أكثر جمالاً ومليء بالتفاصيل سوى كان على ظهر الثور او على ظهر الإبل.
هسع عليكي الله يا بت ود طلحة ..حكاية "البقنية" دي الذكرها اخونا منصور في مداخلتو..هل البقنية في يومنا دا ناس البطانة بسووها؟؟
بالمناسبة دي مرة شاهدتا في تلفزيون السودان برنامج عن البطانة،ومن ضمن ذلك فقرة تخص تفاصيل الزواج وتحدث البرنامج عن عادة الزواج هناك ، غير ان المشهد المصور لا يفرق كثيراً عن اي زواج في أي حي من أحياء الخرطوم، الصفرة فيها ما يقارب العشرة أصناف، والناس لابسة هدوم بيضااااااء، والبيوت من الطوب..وحتى قعدة الجبنة عبارة عن تمثيل ..ولا أدري إن كان المخرج يقصد إظهار طابع المدنية في البطانة غير أن اسم البرنامج لا يقول ذلك..!!!!!!

يا جماعة هوي الدنيا عيد كل سنة وإنتو طيبين ..

***********

قال:
السما جال وقلعات الطوال أنغمّن
والكانن عُجاف فوق المِمِخات لمّن
ليالي الرحمة عادت والغرايز رَمّن
ضعاين البادية فوق ضهر العواتي أنخمّن

ليالي الرحمة عادت والغرايز رمّن ..

********
اخونا وأستاذنا الموصلي ..
سلام وعيدك مبارك..
"الطُلاقات" حسب علمي هي فترة ما بعد الحصاد ، حيث تصبح الزراعة خلاص أتت أكلها ، وليس هناك من داعي لحراستها فيتم إطلاق البهائم عليها ، فبعد ان كانت محروسة أصبحت مطلوقة ساكت ..أو طلقيت ..فيقولون خلاص بقت طُلاق ..يعني خلاص اخدوا منها الفيهو فايدة والباقي أصبح مفتوح للرعي لا حسيب ولا رقيب ..!!

مع خالص تحياتي للجميع ..

gessan
كل عام وأنتم بخير
شكراً لهذا المرور الهطول ونرجو أن لا تحرمنا صدقة هذا الثراء الفائض

Quote: فرحلةالنشوق طالما هي رحلة نحو المرتع ..ونحو شبع السعية وعيشتها..فهي رحلة تصحبها التمنيات والدعوات

يقول ودالشريقاوي :
رحلوا وقالوا يالجيلاني من العاقة
قطعوا أبسَعَنة بي جيهة المخادة شفاقا
وصلوا أمات قماري وختوا في الدقداقة
عشاهم بالعتيم ماكشّنوا الفرطاقة

Quote: مشهد "الظعينة" او الرحيل نشوقاً ..لا أظن يمكن مشاهدته في وقتنا الحالي في منطقة البطانة –ربما فقط في الجزء الجنوبي ؟؟

في إجازتي قبل شهرين شاهدت الظعائن ناشقة من المناطق حول أبودليق
وحزنت لأنهم أخذوا بناتهم وأولادهم من المدارس وقد سجلت هذه الخاطرة
فيما سبق بجوار صورة المراح والنعاج حيث كنت هناك بوادي أب ريش

Quote: هسع عليكي الله يا بت ود طلحة ..حكاية "البقنية" دي الذكرها اخونا منصور في مداخلتو..هل البقنية في يومنا دا ناس البطانة بسووها؟؟

والله عاد سعلتني ! يازول ديل بسوو المريسة ! البقنية دي شن بتسيلم ؟
ولابتغلِت عليهم ولا بتوسِخ إيديهم ، قدريشِنّها عند البعرفولا متل شراب العُكارة
في المناسبات بتفضل كِسار كتيرة( جمع كِسرة ) الناس العندهم بهايم بموصوها
ويسقوها لبها يمن والما عندهم سعية بسووها بقنية ويشربوها لي رقبتن ...
( ياجماعة دي مجرد مزحة وخيال ... والله ماشفت عندهم بقنية الزمن دا تب أبرأ من حقهم ماببهتم ، البهيتة أحر من الميتة ) أستغفر الله العظيم وأتوب إليه
البقنية دي بقت ماضي لاوجود له إلا في الخيال ( زي ماقلت السعن تغير للباقة والجركانة )
ممكن تكون تغيرت للشربوت عند الحضر زي ما أتغيرت مظاهر الزواج .. ولكن قعدة الجبنة ظلت محافظة عندنا في البادية علي الأقل لازال تدار فيها الأحاديث والسمر والدوبيت والحكاوي والحكم وهذا ما وجدته ولمسته أيضا .

Quote: اخونا وأستاذنا الموصلي .. سلام وعيدك مبارك.. "الطُلاقات" حسب علمي هي فترة ما بعد الحصاد ، حيث تصبح الزراعة خلاص أتت أكلها ، وليس هناك من داعي لحراستها فيتم إطلاق البهائم عليها ، فبعد ان كانت محروسة أصبحت مطلوقة ساكت ..أو طلقيت ..فيقولون خلاص بقت طُلاق ..يعني خلاص اخدوا منها الفيهو فايدة والباقي أصبح مفتوح للرعي لا حسيب ولا رقيب ..!!

الحبيب غسان
وانت طيب ياعزيزي
وشكرا لهذا المدد
الغريبه انا رعيت الغنم في صغري وابوي كان كان بقول لي
ياولد اطلق البهايم ديل من الزريبه
بس ما انتبهت للتعبير كويس
لك الحب انت وبت الحسن وكل المشاركين هنا

اختي الحبيبة سمية بحثت كثيراً لكي اهديك شئ جميل ونادر ولم أجد أجمل من هذه الوردة آمل ان تعجبك وتسرك .

تتعدد الكلمات والمعنى واحد
على وزن
تتعدد الأسباب والموت واحد

مناطق شندي وماجاورها فيها يكون النشوق والذي يسمى
( السدور )
سدر الخلاء تبدأ الرحلة في قبل الخريف حيث يقل الكلاء في المناطق حول المدينة والقرى
ومع بشائر الخريف يجمع الناس البهائم وعادة يسدر بها الصبيان الساوين، ومن كان لا صبي
له عادة يعطي بهائمه لقريب أو أحد ابناء الفريق يسدر بها.
قد تكون حياة الحضر والاستقرار في تلك المناطق قد أثرت في النشوق وحورت منه المعنى والكلمة
فصارت سدور والله أعلم.
وكما جرت العادة أن يقولوا
فلان مندلي : إذا كان ذاهب للزراعة تماشياً مع وجود الزراعة دوماً جنب النيل.
وفلان سادر : إذا كان راجع من الزراعة للبيوت

أزهاري اليانعة فتّقت الدميلة
فاح عبّق شذاها بيهو الروح ثميلة
كل ما إستقامت النسّام يميلا
كيف أحصر محاسِنا في الجمل القليلة

أسباب إرتياحي زهورك تفهميلا
ليك عفاف مزامل وليّاَ سِقام زميلة
بتكسير قوامك أحشاي أفرميلا
بالتيه والتدلل نيراني أضرِميلا

من قلبي السعادة يامناي أحرميلا
من نظرات عيونك عينيَّ أرحميلا
جاهد وطرفي ساهر بالدمعة الهميلة
من أنوار سناكِ ياالدُّرة الماك عميلة

خطرت بين أعطافا تتخازز وجيلا
ممتلكة العواطف ملكة كلِ جيلا
يانسمات بسلامي سَحَراً عرِّجيلا
أعملي إحتياطي قبل دخول حَجيلا

أزهاري اليانعة في داخل خميلة
فتحت عن أكماما بألوان جميلة
أخي الحبيب / هاشم كم تمنيت أيها الشاعر الشفيف
لو كنت أمتلك تسجيل لهذه الأغنية التي تشبه وردتك
لأهديه لك فالكلمات تتقاصر دون شممك .

شكراً خالد المنسي
النشوق عندنا لموسم كامل أي أكثر من 3 شهور تقريباً
نشوقكم قريب خلاص كان بقى سدور و ورود وقد قيل
في المدح :
ونشرب إن وردنا الماء صفواً ويشرب غيرنا كدراً وطينا
في الذم :
ولايردون الماء إلا عشية بعد أن صدر الورّاد عن كل منهل

فالورود هو الذهاب لمصدر الماء والسدور هو الرجوع منه
كما تفضلت وقد يكون الشرب : ـ
يوت أي يومياً
أو
غِب وهو يوم بعد يوم

أو
رِبِع وهو بعد ثلاتة أيام أي في اليوم الرابع

والتحية لبريمة البقاري
و
الجات واردة رهيدا
النديان خديدا
كيفن مابريدا
أشيل عمري وأزيدا


جات واردة القميرة
كاسرة الليل مسيرة
ريحة الشاف عبيرا
ووين عيني أديرا
وياتومي طرينا دقات النقارة
ياتومي طرينا صفقات الطمبارة
ياتومي طرينا رقصات البقارة
الحلوات بريدن بنات البقارة

عبدالله الكاظم

الملكة

الفنان التشكيلي الفائق حدود الروعة / نور الهادي عوض
كل عام وأنتم والجمال بألف خير
بطاقة معايدتك تفردت بحيازتها لإعجاب الجميع هنا
أما أنا فقد اُخذت بها أخذاً جميلا ...
وطفقت أهيم معها وبها وأمحص وأتخيّل أن : ـ
المعوز ديل كسلاويات ومقرنات بحبل واحد إما مجلوبات أو جايبهن يدوعلوهن ويسوموهن في الضحية
وكمان سيدن مو واحد أسيادن مختلفين لأني لاحظت إختلاف الوسم
واحدات وسِمِن قَطفَة وواحدات موسمات خُرُس وواحدات ماهن موسمات ( قُفُل ) ساكت .. والزول المقابلاتني نعلاتو دا ظنيتو داير يحلب ليهو طنوب لبن يشربو
والأرض دي تشبه وطات الشرق وأقرب ماتكون للمنطقة مابين قيلِي و ودحسونة
لأني لاحظت نبات يشبه الجُببين البقوم عادة في التروس
دحين القلع الفوق داك على يمين الصورة ... ديل إبقي ماهن جبال قيلِي ياربي؟ ؟؟؟
الليلة المعوز إجاككن ياسِغيِّر
علي شيلة البرِق عِترنلهن في خِدَيِّر
الخلاَّني من دون الخلق مِتغيِّر
طاقة المِنتَني أنسّاجا ماهو كِبيِّر

دمت ودام مرورك كما الصباحات الندية نترقبه بالفأل الحسن والخضرة والنماء .

تلك ملاحظات بدوى قح معرفتة للمكان بمعرفة مكوناته ومعرفة السعية وملاحظة ما يغيب على مجمل الصوره لغير البدوى ولكن معرفةالتفاصيل كما فعلتى وزكرتى الوسم وحددتى تعدد الملكيه ولحظتى من قنص لطنوب لمطالته وأجملتى القرين إما جليب وإما سعية مشهاد أو دعول للضحايا وأنها كسلاويه وحددتى المكان بنوع النبات وبى قيزانو فتلك على تجميع الأشتات وتوحيدها فى زهن البدوى والتى أشبه بالإستدلال والإستقراء والبيان والتجريب لا بل الإستغراق كما عند الفلاسفه كوسائل لتحقيق المعرفه العلميه طربت لمن ترك تلك الأماكن منذ أمد ولم يبق فيها ليجود خصائصها ولكنك عينك نجيضه وأنا قايل أكان دا ود رحمه أكان قال ديل غنم فلان ودى بلاد علان لإعتقادى بانه المتشرب لمعارفها إلا إذا كانت قد حرمته الأفندية ذلك الجمال ولكنى أحسبه ملم عارف فلله دركم والصغار ودوهم الأماكن دى هكذا كانت تفعل العرب ليتعلمون الشده والحنكه والصبر والشهامه وأثق فى ما عندهم وصورة المعيز مدهشه جبلاويات من أخلاط صيد فى البر المعافى.............................

Quote: المعوز ديل كسلاويات ومقرنات بحبل واحد إما مجلوبات أو جايبهن يدوعلوهن ويسوموهن في الضحية وكمان سيدن مو واحد أسيادن مختلفين لأني لاحظت إختلاف الوسم واحدات وسِمِن قَطفَة وواحدات موسمات خُرُس وواحدات ماهن موسمات ( قُفُل ) ساكت .. والزول المقابلاتني نعلاتو دا ظنيتو داير يحلب ليهو طنوب لبن يشربو والأرض دي تشبه وطات الشرق وأقرب ماتكون للمنطقة مابين قيلِي و ودحسونة لأني لاحظت نبات يشبه الجُببين البقوم عادة في التروس دحين القلع الفوق داك على يمين الصورة ... ديل إبقي ماهن جبال قيلِ

يا ســــلام يا ريحانة البطانة
الفراسة هي سمة كل أهل البادية ومو شي غريب عليكم
أثر البادية في تركيبة أذهانكم وتوقد الذكاء واضح
تحضرني قصة للفحل طه الضرير

حب أن يختبر صحبه مرة مدى فراسته .. وهم راجعون من سوق الدامر حملوا معهم
بعض من تراب الدامر في جِرباتهم وعندما شارفوا على مقارب خشم القربة قالوا له
يا طه ضليناالطريق ... فقال لهم ( أدوني قبضة من تراب أكرفها )
فأعطوه تراب الدامر من جرباتهم ... وبعدها كان يشم ويركف في النسيم
وقال لهم ( هلا هلا التراب تراب الدامر والنسايم نسايم خشم القربة )

Quote: حرم انا مقيل هنا وبشرب من كآس الاصالة وهاك القصيده

سقاني الهوى كأساً من الحب مترعاً
فياليته لمّا سقاني سقاكمو

الأصيل / الموصلي
نسعد بصحبة الأماجد
شكراً لك وأسمح لي بنقل أجزاء من القصيدة
لبوستات أخر لتعم الفائدة قراء أكثر

Quote: لاتحتاجين ياعزيزتي يسعدني ذلك كثيرا

خذيها حيثما تريدين

Quote: والصغار ودوهم الأماكن دى هكذا كانت تفعل العرب ليتعلمون الشده والحنكه والصبر والشهامه

ليس لناسوي هذه الأماكن وساكنيهامعين معرفة يامنصور
وكما قال ودالشلهمة :
بــارد ضُلــّهم مهـلة ومـِتـلــِّج هيف
براهم ماأتـلقـالنـا نشوق ومدمر صيف
زمن النـاقة ترمِي الجـرعلى العـُلـِّيف
براهــم مافي رفعة راس وتمـّة كيف

شكرا لك كثيرا وتقبل السلام من ود رحمة والصغار المهمشين في مدن الإغتراب .

تحضرني قصة للفحل طه الضرير
حب أن يختبر صحبه مرة مدى فراسته ..
خالد ياخالد
شكرا لك ياعظيم لجلبك سيرة هؤلاء العظماء

نحنا جـدودنا يـاأم خـدّاد قِبيـل دِيــدَان
وأولاد ريشَة نَحَسِـب لاالحسين فرسان
مانا عِـريـــب بننـقـَــاد للدُنا وننهـــان
وصقـّـار مِيتـَرا وافلـَـح من الغربــان

نحن جـدودنـا أظهــر مـن عَـلـَم بَـينِيـن
ونحن قـلوبنا في البـُولاد حَدِيدَا مَتِيـن
نحن العِـن عُـرُوضـنا لُـئـَام وجَبّاريـن
وبعـرفنـا الصـبــر ياالملكـــــة صَبّارين

لا تـْـهـِدّونـــا نـابَا الـمــوت
ونحن قـَدرنــا في كـل القِبَـل مَثبُـــوت
نحن الفرسَــة نَبنِيها ونَسِــيها بيــوت
ونحنا ورانا ناس مَارح فضِـلة الحُـوت

الفنجري

يختلف مسمى النشوق في كل البوادي من بادية لأخرى كما تختلف مسميات أخر
أهلنا البدو بدارفور في منطقة وادي آزوم يطلقون على النشوق إسم المسيار
ويكون فوق الثيران التي تحمل أسماء مثل :
الأبرق : وهو ماخالط لونه بقع بيضاء
الأدهس : وهو الأحمر المائل للسواد أو الكُميت
( كميت يزل اللبد عن حال متنه كما زلّت الصفوان بالمتنزل )
و ودحَمرة و ود غَبشة : نسبة للون أمه الحمراء أو الغبشاء .

يا خلي البرق نفض السحاب الداكن
أخبـار الظريف قطعن علينا أسلاكن
السلبت عـقولنــا وودّرت إدراكن
رحلوبـا المنالا بعيـد وحبها ساكن

قلبي الليلة أمسـى مِكتـِّـر الأفــــلام
سِــمعلي تكيـك وشُف برقاً بِلوح قدام
عرب الدرّعتـنـي النـار وسم الهام
نـزلوا نقيـب وقـفـرن عادم الحوام

عبدالله الشريقاوي

Quote: قلبي الليلة أمسـى مِكتـِّـر الأفــــلام سِــمعلي تكيـك وشُف برقاً بِلوح قدام عرب الدرّعتـنـي النـار وسم الهام نـزلوا نقيـب وقـفـرن عادم الحوام

لكم الحق ان تنثروا فى البطانة مثل هذه الدرر:

إتكل سحاب وابل المنازل وبيت
تكيك الضهرى معجبو أب مصاعاً زيط
الإنقيب جمع شايل المساند وعيط
حرقوص أم رويق رفّ وسماهو إتخيط

ومزيد من جمال البادية ..

بريمة

مرحبا علي أحمد النعيم العائد من البطانة
أرجو أن تواصل لنا مشوار رحلتك للبطانة لأول مرة وبالتفصيل
عليك الله يا أحمد في مرورك علي الهواد والمخشرف مالاقوك ناساً ناشقين ؟
وما شفت كيف العطفة أو الحور أو الهودج حسب إختلاف ألسن البدو الرُحّل
أود أن أورد فيما بعد مسدار يتحدث عن تحور أو تطور أساليب الحياة
من النشوق حتى السفر بالطائرة ... قريباً بإذن الله .

والتحية لبريمة البقاري
و

الجات واردة رهيدا
النديان خديدا
كيفن مابريدا
أشيل عمري وأزيدا


جات واردة القميرة
كاسرة الليل مسيرة
ريحة الشاف عبيرا
ووين عيني أديرا
وياتومي طرينا دقات النقارة
ياتومي طرينا صفقات الطمبارة
ياتومي طرينا رقصات البقارة
الحلوات بريدن بنات البقارة

كما أرجو أن تزودنا ببعض المسميات مثلاً وجدت عندكم الطبق له أسماء حسب الوظيفة
الطبق الكبير يسمى البرتال والمتوسط يسمى الجلوال ويستخدم في تنظيف حبوب الذرة
من الشرا ونضها أو نسفها وجوالتها أو تجويلها لفصلها عن الحصحاص والدُراب
والطبق الصغير بما يكفي لغطاء الصحن يسمى الطبق .

عرب المنو كاتم لي ألم جواني
رحلوا مصبحين فوق الضراعو بداني
البيت شُقّة ما سوّلوا طابق تاني
فوق عالي وهواه مكندشو الرباني

الليلة البرق نفض السحاب وأتعمّر
ومطّر ديرة البي الطيب قرينو مخمّر
البيت لي هواه وراحتو كلو مشمّر
فحل ألبل هدر وبدا بالهياج وأتضمّر

كل عام والبطانة وأهل البطانة بألف خير




قلبي الليلة راحل من مساكنو الفيها
فاقدالعكّرت دمي وصفاي بي تيها
إن جلست إمامةً بنظروه مجيها
مي أم بوص التقرِِّم في الحديث غير جيهة

الشيخ عبد العزيز

الملكةأريتك طيبة
في البدن والخاطر

وعيدك مبارك آآالمبروكة
وخيرك دافر
كل سنة إنتي وناسك بسط



ومجلسكم عامر و زين
و يـقج بالخــير
مودتي



نور

كيف حالك يانور الهادي
سماحة المعور البُرُق ديل
دحين انت ضقت نشقت مرة في حياتك ؟
ولا شفت ناس ناشقين
أنا مرة شفت ناس في التبت ناشقين!!
كل حركة معاها بركة وكل منزل جديد فيه الرحمة
وأعتقد ناس كتيرين بمارسوا النشوق حول العالم

Quote: قلبي الليلة راحل من مساكنو الفيها فاقدالعكّرت دمي وصفاي بي تيها إن جلست إمامةً بنظروه مجيها مي أم بوص التقرِِّم في الحديث غير جيهة الشيخ عبد العزيز

لا تعقيب في حضور كل هذا الجمال من الكلم

http://www.9m.com/preview/45742395/IMG_0147.JPG.html

Quote: البيت شُقّة ما سوّلوا طابق تاني

يطول عمرك بت طلحة كلمة شقة الفوق دى هل مقصود بيها شقة ناس البندر ولا مقصود بيها الشقاق ( بضم الشين) ؟ . الكلمة دى انا بالحيل ازعجتني اشرحيها لي عشان اجيك صاد تاني .

يا بت عزاز الناس
البيك الكلام مختوم
الما زار بلودكم
لا يشوف لايزورو النوم
كلاما سمح بالجمال مخدوم
وقولا يرد عافية المحروم

دى قاطعاها من راسى المقودس دا
لكن الكلام ما بسر
والنضم حبال السمح والسر (بضم السين )
ياقوتا مترتر ودهبا نضيف وحر

تسلمى يا ست الجمال والادب والقول
تسلمى ويسلم فاهك المعسول
للنضم السمح تلقاهو يوت مجبول
وللعلم الغزير خاتياهو تب القول

قولى وعيدى ياالملكة
اقعدى فى ضرى النعيم يبقالك بيت ومقام

يا بت عزاز الناس
البيك الكلام مختوم
الما زار بلودكم
لا يشوف لايزورو النوم
كلاما سمح بالجمال مخدوم
وقولا يرد عافية المحروم

دى قاطعاها من راسى المقودس دا

سلمي الشيخ سلامة ( قطع خصيصاً لك من راسي ما من كراسي )
يسلم لينا راسك ضمة حاوي علوم
ويسلم لينا ساسك قوي مو مهدوم
بالحق التقيفي حداهو مو مهضوم
قمرية فروع وزينة ضافرة العوم
سمية الحسن طلحة
تسلمى يا ست الجمال والادب والقول
تسلمى ويسلم فاهك المعسول
للنضم السمح تلقاهو يوت مجبول
وللعلم الغزير خاتياهو تب القول
سلمي الشيخ سلامة
ياست الجمال الصافي مو مزغول
نورك لاح بدرك ما خفاهو إفول
كلامك هادا لديار أهلي البدو منقول
ومنهم السلام لدياركم كمان مشيول
سمية الحسن طلحة

مقصود بيها الشقاق ( بضم الشين)

شيقوق منور زي نورة العريس الساير
ياها ذاااتا كتلتها تب
جك وقطع الشك
دحين مافرزت ألبل الفي الصورة ديل هيل منو في الأهل؟

خالد صباح الدعاش والخريف والمراح الوارد
أسعد الله أوقاتك ومتعك بالنعم
ليس أجمل من حضورك البهي إلا حروفك أيها الوفي
لك خالص الود

Quote: دحين مافرزت ألبل الفي الصورة ديل هيل منو في الأهل؟

يطول عمرك بت طلحة

والله اول مرة افتح الرابط بتاع البل واعادنى لايام الطفولة يا سمية

كنا ننسحب خلسة من اهلنا لنذهب للعوم في النهر الجاف وكانت تنمو على شاطئه اشجار السدر وكنا بعد العوم نتجه للقيط النبق الكبار وبعد نملأ جيوبنا نمشى نجلس مع الابالة ويحلبوا لينا النياق ونشرب زيييييييييييييين لحدى نترع والواحد يعود للحلة بطنو منفوخة !!

الابل دى ما شفت لى فيها وسم لا طباعة ولا محارة ولا شخلوب لكن من شجر النخل النامي على القيف ده غالبا تكون ابل شكرية على العطبراوي .

الابل دى ما شفت لى فيها وسم لا طباعة ولا محارة ولا شخلوب لكن من شجر النخل النامي على القيف ده غالبا تكون ابل شكرية على العطبراوي
مهما ما تقول الإبل هيل نفري وتيراب بلاد أهلي
جاي حول بي وجاي جول بي
شكرية بطاحين جعليين ... ألخ
كلللهم ناسي

Quote: كلللهم ناسي

حتى الرطانة ؟

ديل فيهم واحد كان جاى جديد اندنا في الدندر وشافني راكب في سنكيت الجمل والجمل بارك وقمت اديت ليك الجمل سوط والجمل قام هابر انقري الرطاني قال لي شنو ؟ لا لا لا طبّق الجمل زى قبيل يا اخوى .

هيييييييييييع ات قايلو مسطرة نجارين

حتى الرطانة ؟

ديل أعز الناس وأحن الناس
العمر زادت غلاوتو معاهم
وصالحنا الزمان
عاد مالك ماشفت ناسنا المعانا هنا والفي مسقط فيهم كلام
التحية للمهندس / أبوبكر سيد أحمد

تنادت الأسرة البارحة لشم أي إستنشاق الدعاش وسحب سماء مسقط هتون
أشتعل الجوف بالوجد رغم إرتعاش الأطراف ببرودة الجو تذكرت النشوق
بكسر النون مدار حديثي ومدلول كلمة النشوق بفتح النون وهي المادة المستنشقة
وأثر البيئة في معاني ونطق بعض الكلمات وأخذني الحنين من بيئة أعيش فيها لأخرى تعيش في داخلي : ( أحن إليك حنين العجول إذا ما الحمامة ناحت هديلا )
النوق معروف عنها الحنين الشديد ويظهر ذلك في صوتها حينما ترزم أو تحن لصغارها
ضرب كثير من الشعراء المثل بذلك كقول ودنايل :
يحن قلبي الكان بولاد
كحنين الوالدة على الأولاد
كحنين النوق بُكّر تيلاد
لي النفسو مسك وعرقو جلاد
يطلق على الناقة التي فقدت ولدها العَجُول وجمعهاالعُجُل
قال الفرزدق :
تحن بزوراء المدينة ناقتي حنين عجول تبتقي البو رائم
والبو هو جلد يحشي بتبن فتشمه الناقة وتعطف عليه وتريم أي لاتنفر
ولاتنكر فتدر حتى لاينقطع لبنها
قالت الخنساء :
فما عجول على بو تطيف به قد ساعدتها على التحنان أظآر
يوماً بأوجد مني يوم فارقني صخر وللدهر إحلاء وإمرار
والظئر هي التي تعطف على ولد ليس لها وجمعها أظآر ويقال فلان بو أي ذو جسم وطلل وليس له باطن ولاعقل .

هييييييييييييييع

Quote: هييييييييييييييع

شكرا شيقوق لوضع ماركتك المسجلة هنا في النشوق

وضعتُ رحليَ منها بالكرامة في دارِ ابنِ بَجْدتِها نصرِ بنِ شدّاد
فاقتادتِ اللبَّ مني قَوْدَ ذي رسنٍ ورقاءَ أهدتْ لنا لحناً بتَرداد
هاتي الحديثَ رعاكِ اللهُ مسعفةً وأَسْعدي فكلانا ذو هوًى باد
فحرّكتْ لهوى الأوطانِ أفئدةً وأحرقتْ نِضوَ أحشاءٍ وأكباد
مليط / محمد سعيد العباسي

عهــد جــيرون

أرقت من طول هم بات يعرونى
يثير من لاعج الذكرى ويشجونى
منيت نفسى آمالا يماطلنى
بها زمانى من حين الى حين
ألقى بصبرى جسام الحادثات ولى
عزم أصد به ما قد يلاقينى
ولا أتوق لحال لا تلائمها
حالى ، ولا منزل اللذات يلهينى
ولست أرضى من الدنيا وإن عظمت
إلا الذى بجميل الذكر يرضينى
وكيف أقبل أسباب الهوان ولى
آباء صدق من الغر الميامين
النازلين على حكم العلا أبداً
من زينوا الكون منهم أى تزيين
من كل أروع فى أكتاده لبد
كالليث والليث لا يغضى على هون
وقد سلا القلب عن سلمى وجارتها
وربما كنت أدعوه فيعصينى
ما عذر مثلى فى استسلامه لهوى
يا حالة النقص ما بى حاجة بينى
ما أنس لا أنس إذ جاءت تعاتبنى
فتانة اللحظ ذات الحاجب النونى
يا بنت عشرين والأيام مقبلة
ماذا تريدين من موعود خمسين؟
قد كان لى قبل اليوم فيك هوى
أطيعه ، وحديث ذو أفانين
ولا منى فيك والاشجان زائدة
قوم وأحرى بهم ألا يلومونى
أزمان أمرح فى برد الشباب على
مراسح اللهو بين الخرد العين
والعود أخضر وألايام مشرقة
وحالة الأنس تغرى بى وتغرينى
فى ذمة الله محبوب كلفت به
كالريم جيدا وكالخيروز فى اللين
أفديه فاتر ألحاظ وتل له
"أفديه" حين سعى نحوى يفدينى
يقول لى وهو يحكى البرق مبتسما
"يا أنت يا ذا" وعمدا لا يسمينى
أنشأت أُسمعه الشكوى ويسمعنى
أدنيه من كبدى الحرى ويدنينى
أذر فى سمعه شيئا يلذ له
قد زانه فضل إبداعى وتحسينى
فبات طوع مرادى طول ليلته
من خمر دارين أسقيه ويسقينى
يا عهد جيرون كم لى فيك من شجن
باد سقاك الرضا يا عهد جيرون
ولا يزال النسيم الطلق يحمل لى
ريا الجناب ويرويه فيروينى
واليوم مذ جذبت عنى أعنتها
هذى الظباء وولت وجهها دونى
وعارض العارضين الشيب قلت له
أهلاً بمن رجحت فيه موازينى
كففت غرب التصابى والتفت الى
حلمى ، ولم أك فى هذا بمغبون
وصرت لا أرتضى إلا العلا أبداً
ما قد لقيتُ من التبريح يكفينى




مليط

حياك مليط صوب العارض الغادى
وجاد واديك ذا الجنات من واد
فكم جلوت لنا من منظر عجب
يشجى الخلىّ ويروى غلة الصادى
أنسيتنى برح آلامى وما أخذت
منّا المطايا بايحاف وايخاد
كثبانك العفر ما أبهى مناظرها
أنس لذى وحشة رزق لمرتاد
فباسق النخل ملء الطرف يلثم من
ذيل السحاب بلا كد واجهاد
كأنه ورمالاً حوله ارتفعت
اعلام جيش بناها فوق أطواد
وأعين الماء تجرى من جداولها
صوارما عرضوها غير أغماد
والورق تهتف والأظلال وارفة
والريح تدفع ميادا لمياد
لو استطعت لأهديت الخلود لها
لو كان شىء على الدنيا لإخلاد
أنت المطيرة فى ظل وفى شجر
فقدت أصوات رهبان وعباد
أعيذ حسنك بالرحمن مبدعه
يا غرة العين من عين وحساد
وضعت رحلى منها بالكرامة فى
دار ابن بجدتها "نصر بن شداد"
فاقتادت اللب منى قود ذى رسن
ورقاءُ أهدت لنا لحناً بترداد
هاتى الحديث رعاك الله مسعفة
وأسعدى ، فكلانا ذو هوى بادى
فحركت لهوى الأوطان أفئدةً
وأحرقت نضو أحشا وأكباد
هوىً إلى النيل يصبينى وساكنه
أجله اليوم عن حصر وتعداد
وحاجة ما يعنينى تطالبها
لولا زمانى ولو لا ضيق أصفادى
يا سعد سعد بنى وهب أرى ثمرا
فجد فديتك للعافى بعنقاد
وإن فى بعض ما قد عاف شاربكم
إعتاب ذى الفضل يحيى وابن عباد
ورقاء إنك قد أسمعتنى حسناً
هيا اسمعى فضل إنشائى وإنشادى
إنا نديمان فى شرع النوى فخذى
يا بنت ذى الطوق لحناً من بنى الضاد
فربما تجمع الآلأم إن نزلت
ضدين فى الشكل والأخلاق والعاد
لا تنكرينى فحالى كلها كرم
ولا يريبك إتهامى وإنجادى
وأنت يا عيد ليت الله أبدلنى
منك الغداة بعواد وأعواد
مالى وللعيد والدنيا وبهجتها
وقد مضى أمس أترابى وأندادى
أولئك الغر إخوانى ومن ذهبت
بهم مواسم أفراحى وأعيادى
مضوا فهل علموا أنى شقيت بمن
ألبسته ثوب إعزاز وإسعاد
لم يحزنى لا جزاه الله صالحة
براً ببر وإرفاداً بارفاد
لقيته أمس فى طمرين مقتحما
دواً بلا مركب فيه ولا زاد
فظللت أوسعه براً وتكرمه
حتى غدا وهو ذو وشى وأبراد
وحينما قلت إنى قد ملأت يدى
إذ غرنى صوت إبراق وإرعاد
تحول الحال عما كنت أسمع من
وعد المثوبة والزلفى لايعاد
أبحت منى حمى قد كان ممتنعاً
حمى البهاليل : آبائى وأجدادى
صيرته بعد ذاك الأمن مسبعة
تحمى مرشة أطيار وآساد
إن ترض بالحكم فالقرآن ذا حكم
وها أُولوا العلم والتاريخ أشهادى
هاد يضل وحيران يدل وما
طول البلية إلا حيرة الهادى
أغرقتها إن كنت اللبيب ولا
أراك تسلم من بحر وازباد
واصبر تذق مر ما ذاق الذين بغوا
من قبل والله للباغى بمرصاد
لا تخدعنك نعمى قد حبوك بها
ولا الزعانف من رهط وأجناد
فلست أيأس من عدل المليك بأن
يخنى عليهم كما أخنى على عاد
لثمت كفاً ولا أدرى الذى اشتملت
أصابع الصيد أم أشراك صياد!؟
وليت شعرى هل عرف السماحة ما
أشم أم عرف دارينا وبغداد!؟
مهامه غرنى لمع السراب بها
ومذهب لم أكن فيه بنقاد
أستودع الله سادات فقدتهم
حدى بهم حيث لا ألقاهم الحادى
تحية الله يا أيام ذى سلم
أيام لم نخش بأس القاهر العادى
أيام كنا وكان الشمل مجتمعا
وحينا حى طلاب وقصاد
فإن جرى ذكر أرباب السماحة
أو نادى الكرام فإنا بهجة النادى
لنا الكؤوس ونحن المنتشون بها
منا السقاة ومنا الصادح الشادى
واليوم أبدت لنا الدنيا عجائبها
بما نقاسية من حرب وأحقاد
وما رمى الدهر وادينا بداهية
مثل الأليمين : تفريق وإبعاد
لم نجن ذنباً ففيم الحيف مقترف
وما لنا اليوم فى سد وإيصاد
ما نحن ياجوج بل قوم ذوو أرب
فى الصالحات ولسنا قوم افساد
بنى أبى أنتم زيد على مائة
وما عدمتم أخا هدى وإرشاد
عزّ النصير وقلّ المستعان به
ومن يهبُ إذا يدعى لانجاد
سيروا كراما على اسم الله لا تهنوا
فدهركم دهر إصدار وإيراد
فما الفلاح وما سعى الشعوب له
لدى الحقيقة إلا سعى أفراد
إن يرسل الله من عليائه فرجا
ندرك ، وإلأ فكل رهن ميعاد

أستاذي منصور المفتاح
كالصبح تنفرج له الأسارير
وتتفتح لمقدمه الأزاهر
وكالبرق تتهيبه الصحارى الجدباء
مقدمك جناح نطوف به العلا
ومواطن النجوم
لا بل يملكنا الدرر
ويجلب إلينا وهجها
لا أملك إلا أن أقول لك ما قاله
أستاذي البروفيسورالحبر يوسف نور الدايم
إبن السروراب البار لأستاذي
بروفيسور عبدالله الطيب طيب الله ثراه
إنك بحر لاتكدره الدلاء

تقبل السلام والإحترام

Quote: إنك بحر لاتكدره الدلاء

صدقت يا بت طلحة الاخ المنصور واحد من فحول ادب الدوبيت في بلادنا

ربنا يخليك

الاخت العالية بت طلحة
سلامات واسعد الله ايامك ولياليك.

اظن ما سوف اذكره يعد من بوادر النشوق وهو لشاعر من شعرائكم الفحول ياريت تورينى اسمو لانو مبدع.

رزاها الضل واسياد البهايم ساقو
أرعد ودودى فوق سهم العنابطة زراقو
يا مولاى ارحم ها العباد الضاقو
بالرهب المتل جلد ام عوينة دفاقو


وهذه ايضا:

الليلة السحاب على البطانة اتزحم
بخت الماخد ام ضرعاً مبين ولحم
ابشرى ان شاء الله صنقور العقيد اترحم
الهنقيلة تنتهى والحبار اتوحم

كما ارجو ان تقربى المعنى شويه بالشرح الموجز والتصحيح.


عاطر التحايا والود

وبعدين ابو حريره الايام دى مدى كل شئ ام صفيحة ولا ادرى لماذا؟؟؟

منتظر ردك الطيب يا بت طلحة

التحيات الزاكيات بلا حدود

الزبير ود الشيخ الطيب

Quote: أرعد ودودى فوق سهم العنابطة زراقو

ات متابع ولا مشغول ؟

الأخ الكريم / علي أحمد النعيم
سلام الله عليك وكيف حال شقيقك نسأل الله أن يتم نعمته عليكم
والله العظيم أنا ماشفت البوست دا ولاقريت كلامك إلا هذا المساء
منور والله كيف يجهلوك وطلتك بالدنيا لكن ناس ود شيقوق ديل
مابدوا خبر بقت عليهم حكاية الجماعة السبعة العور عينيهم فد غصن
مافيهم من لكز أخوانو قالهم بي قفاكم

Quote: اظن ما سوف اذكره يعد من بوادر النشوق وهو لشاعر من شعرائكم الفحول ياريت تورينى اسمو لانو مبدع.

أخي على سؤالك هو السؤال الذي ظل يشغلني منذ أمد وسيظل السؤال الحائر
أنا في اللحظة دي بتألم وتتجدد لدي مواجع نحو هذا التراث الضائع
دائماً أربط الدوبيت وشعرائه بالأندلس والفردوس المفقود
ياما وياما عشرات الأعمال دفنت مع أصحابها و جل المحفوظ مجهول أصحابه

أستأذنك لألقي نظرة في النجوم كما نصح علماء الفلك في مثل هذه الأحوال
ربما نشتكي أو نشهدها على تنهداتنا كما قال سليل آل الكتيابي
إنما أنا أفعل ذلك تأسياً بأبينا إبراهيم عليه السلام

أبو عبدالله لعلك بخير
بارك الله فيك ورفع مقامك
والله ماكنت لأعرف مادار هنا
لولا حملك للبوست
النت معكنن معاي اليومين ديل
عترت فيه مصادفة
وبمناسبة العترة دي أحكي لك
حكاية واحد حلب الناقة وجاب
اللبن لي بت أعمو النفساء قال لها
قومي أتعشي لبن حار من الحالب للشارب
وقالت بسم الله ناولتو الكورة فاضية
رجع يصرر الناقة مالقى الصرار
جاها راجع قال ليها مالاقاك صرار
دحين آبت أعمي في قعر الكورة ؟
قالتلو والله عترتلي حُترُبة
علا بلعتها ساك ...

شكرا لك وأنت من اهل الفضل
الذين يشهدون لأهل الفضل
والأديب الشاعر منصور المفتاح
رجل موسوعي شامل نادر المثال

حفظكم الله

بت شيوخ البطانة

Quote: حُترُبة

يبدو ان كبير المهندسين المعماريين الباشمهندس ابو بكر سيد احمد الملقّب اسفيريا بالرطاني يبدو ان كلمة حتربة دى بتلوعو مرة واحدة من بوست النشوق عند اهل البطانة.

الاخت الملكة سمية الحسن طلحة نرجو مراعاة حقوق الناطقين بغيرها وذلك باستعمال كلمات جاذبة للوحدة

Quote: سلام الله عليك وكيف حال شقيقك نسأل الله أن يتم نعمته عليكم والله العظيم أنا ماشفت البوست دا ولاقريت كلامك إلا هذا المساء منور والله كيف يجهلوك وطلتك بالدنيا لكن ناس ود شيقوق ديل مابدوا خبر بقت عليهم حكاية الجماعة السبعة العور عينيهم فد غصن مافيهم من لكز أخوانو قالهم بي قفاكم

بت العزاز بت طلحة...

سلامات وعدوك مات ... والله انا واب خريره عرفناك مشغولة.. وحمداً لله على طلتك البهيه. شكرا جزيلا على سؤالك عن صحة اخى وهو الان بخير وسوف يغادرنا الى السودان يوم السبت الموافق 2/2 2008.
وبعدين ود شيقوق غلطان ما كلمك رغم انى منتظر ردك على احر من الجمر.

الغالية بت طلحة واصلى فى مشوار نشوقك وسوف نتابع وكلنا شغف. وبعدين ادى اب حريره لكزه!!

تحياتى بلا حدود

Quote: جاها راجع قال ليها مالاقاك صرار دحين آبت أعمي في قعر الكورة ؟ قالتلو والله عترتلي حُترُبة علا بلعتها ساك ...

الكوفارلـ

سلام ياملكة

Quote: والله انا واب خريره

سلام يا فردة
(وش الباقية عليهو مي معروفة!)

Quote: الكوفار

العيمة ...

مرحب ياود ملوك النيل

رزاها الضل واسياد البهايم ساقو
أرعد ودودى فوق سهم العنابطة زراقو
يا مولاى ارحم ها العباد الضاقو
بالرهب المتل جلد ام عوينة دفاقو


وهذه ايضا:

الليلة السحاب على البطانة اتزحم
بخت الماخد ام ضرعاً مبين ولحم
ابشرى ان شاء الله صنقور العقيد اترحم
الهنقيلة تنتهى والحبار اتوحم

الأح/ علي أحمد النعيم لولا خاطرك الغالي أنت عارف رأيي المخالف لمن يقول بشرح الدوبيت
الأشياء دي من مكوناتنا وليست ثقافة مكتسبة وطعمها بختلف بعد الشرح زي الطمستها موية
المهم أنا بديك من راسي ودا من عيوبي حيت لاأقتنع بما يخالف مخيلتي ولا أرجع لكراس
رزاها الضل واسياد البهايم ساقو: رزا من رزية وهي البهيمة المعكية العجوف كشاة أم معبد
ويقولوا الزول دا رزانا رزية أي بقالنا في رقبتناتابكنا ...الضل : خت السحاب
يبقى المعنى واضح أن الضل رزاها أي لم يفارقها ولازمها ... وتوجه إلبها أسياد البهايم( النشوق)
أرعد ودودى فوق سهم العنابطة زراقو: الضمير راجع للضل حيث لونه الأزرق ودوي رعده فوق سهم
جمع والمفرد سهمة أي جهة .. وكلمةالعنابطة أعتقد أنها غير صحيحة
يا مولاى ارحم ها العباد الضاقو ( آمين )
بالرهب المتل جلد ام عوينة دفاقو:الرهب نوع من السحاب شبه الرهاب يوشل متل القربة
الليلة السحاب على البطانة اتزحم
بخت الماخد ام ضرعاً مبين ولحم
ابشرى ان شاء الله صنقور العقيد اترحم
الهنقيلة تنتهى والحبار اتوحم
لايوجد غموض هنا غير أنني أجد أن كلمة تنتهي
حديثة بعض الشي ولا تلاءم السياق ...

وتقبل كل التقدير

الأستاذة الفاضل سمية...
هو مرور لإلقاء التحية...
وسؤال عنك وعن أحوالك.....

كوني بألف خير

ودشيقوق
الزبير قالك متابع كاس أفريقيا
لآخر قطرة بعدما رشفنا جرعتين مرات
راجين الليلة يعقبن الحلو

أما ...
( زراقو ) برضو ما لفقت

وأنا بقولكم إلا يبقى الحلو مر الذي يعقب اللوبا...
تحياتي

العزيزة سلمى صبحي
حياك الله وبياك
ما سألتي عن سوء
مررت بجامعتك وأنت تجمعين كل طيب
ومالي في الطيب نصيب لم أستطع الدخول
لعلة في الجهاز فعلقت (بين الدخول وحومل)
فيادار ( سلمى ) بالجوى تكلمي
وعم صباحاً دار ( سلمى) وأنعمي

الخير حالك وفالك

ودشيقوق
الزبير قالك متابع كاس أفريقيا
لآخر قطرة بعدما رشفنا جرعتين مرات
راجين الليلة يعقبن الحلو

أما ...
( زراقو ) برضو ما لفقت

وأنا بقولكم إلا يبقى الحلو مر الذي يعقب اللوبا...
تحياتي

العزيزة سلمى صبحي
حياك الله وبياك
ما سألتي عن سوء
مررت بجامعتك وأنت تجمعين كل طيب
ومالي في الطيب نصيب لم أستطع الدخول
لعلة في الجهاز فعلقت (بين الدخول وحومل)
فيادار ( سلمى ) بالجوى تكلمي
وعم صباحاً دار ( سلمى) وأنعمي

الخير حالك وفالك

وهذه ايضاً يا بت طلحة اظنها من بوادر النشوق.
اشرحى واسهبى لله درك


العجمية من بحر المحيط إنجرت
يومين بالسيول قارعة النعم ما فرت
بطانة اب سن رمت توب الحزن وانسرت
البل حاشن الكترة وعجوفهن درت

وانا والله لا انكرك القول باننى انحبست اكثر من يومين فى بطانة اب سن ويا الطفه من محبس!!!! السحب فى متناول اليد وكأنها امل اليائس .... نعم ويالها من نعم.... كنت فيها يا بت طلحة ومعى نفر كريم ويا ريت الاخ البا شمهندس بكرى يعيد لى بوستى (سياحة فى ارض البطانة) لاروى تلك المشاهد.

تحياتى بلا حدود

العجمية من بحر المحيط إنجرت
يومين بالسيول قارعة النعم ما فرت
بطانة اب سن رمت توب الحزن وانسرت
البل حاشن الكترة وعجوفهن درت

ود النعيم لعلك بخير
البطاين لاهن واحدة لاهن إتنين بوثائق ممضية ومختومة
ياريت تتطلع لنا بوستك في الدورة الجاية نتابع فيه

Quote: اشرحى واسهبى

مابشوف شيتاً يشرحوه كان جبتلك عجمي بفهمن
إلا يبقى العجمية دي السحابة البتترطن
والمطرة منعت السعية من الفرة
البطانة عمتها الخضرة والسرور
والإبل ألتفن حول أشجار الكتر
ودرت الغارز اللبن

الله يديك العافية ويجزيك خير علي تفعيل البوست

وهذه يا بت طلحة عاجبانى جدا وخاصة البيت الاخير:


براق المشابك لم سحابو وكرا
اخد الليل وباكر فوق شريط جرا
السيل والغرق منع السعية الفرا
حنتوت ام هبج لبس العمم وانشرا


تحياتى بلا حدود

سلام يا ملكة
ود النعيم رأى هذه اللوحات رأي العين ولم يستطع الفكاك من سحرهاحتى يوم الناس هذا، والرجل لا يزال تحت تخدير ام هبج يحن إليها (حنين الفاقد البتعج).
ظنيتو قُبال يشوفها كان في سدرو راي !
يعني كان قايل ناس ود الشلهمة وودجماع وود شوراني (على سبيل المثال لا الحصر) ناس شعراء ساكت يقولون ما لا يفعلون ويتبعهم الغاوون من امثالنا.
اها لامن شاف بي عينو وجد انهم لم يقولوا الا صدقا وواقع وانهم لم يفعلوا وهم من هم بادواتهم وامكانياتهم الأدبية الرفيعة سوى عكس تلك الصور البهية بلسان الشعر الصادق وريشة الفنان الحاذق.

وليس من راى كمن سمع... وللا هنو؟

كتب الاستاذ شوقي بدري
ما يلي

Quote: نحن السودانيون نصر ان نعيش فى اى مكان بمفاهيمنا وقوانينا وطريقه حياتنا . واى حاجه ما بتناسبنا بنعتبرها غلط ونصر اننا نعيش فى اى حته فى العالم ذى كأنه نحنا لسه فى السودان . والما عاجبه الكلام ده نقد ليه عينو . مرات تلاقى سودانى زعلان وقد يسب ويشاكل خواجه لانه مره عليه وما سلم . والخواجه يكون ما بفكر فى اى شئ خطاء والخواجه قد يمر على اخوه ود امو وابوه بدون ما يسلم عليه وبدون ما يشوف فى غلط الاخ سيد ساجد من اهلنا فى القويلد تقاعد رحمه الله عليه فى الثمانينات واخذ معاشه البحرى كبحار . وسكن فى مالمو وشاركه فى الشقه الاخ احمد مجذوب من كسلا الذى انتقل بجوار ربه هذا الصيف . كما شاركهم السكن فاروق الحلفاوى الذى كان يعيش فى فترة ما بين عملين بين وظيفتين وتتكفل النقابه بدفع مرتبه . وكان كالعاده يزورهم كثير من الاخوان . والحله والونسه والموسيقى مدوره . وبعد فتره يستدعى البوليس الاخ سيد صاحب الشقه للتحقيق معه . لان جارهم السويدى وجد ميتاً فى شقته وخطاب يقول انه قد كره الدنيا بسبب جيرانه السود وقرر الانتحار ونفذ عمليه الانتحار . السويدى كان يمر بفترة احباط وطلاق وظروف نفسيه ضاغطه . وكان يحاول الخلود الى الراحه والاستجمام . الا ان جيرانه السود يعزفون موسيقى واغانى رتيبه لمده اربعه وعشرين ساعه ونغمات لا تتغير . ويهمهمون كل اليوم بكلام غريب ثم يرتفع صوتهم . وهم يتنقلون كل اليوم بملابسهم الفضفاضه البيضاء مما يجعله يحس بانه فى الجحيم وان هؤلاء الناس لا بد انهم يكونوا ملائكه فى الجحيم لتعذيبه . وحتى بعد ان يأخذ حبه منومه ليرتاح يستيغظ على صوت خبط شديد . واخيراً قرر السويدى ان يرتاح من الدنيا ومن السود اللذين يشاهدهم من بلكونته التى تواجه بلكونتهم ويفصلهم عدة امتار . البوليس كان يعرف ان هؤلاء الناس لم يقابلوا السويدى ولم يحسوا به والقانون لا يعاقبهم ولكن حسب اللوائح كان من المفروض ان يستفسر الامر . وبعد ان تناولت الموضوع مع الاخوه وبقيه الزوار . عرفت ان للاخ سيد رحمه الله عليه طقوس خاصه فى الاكل . فعندما ذهب بعض الشباب الجدد لاخذ الاخ الريح البلوله لمأدبه غداء عند الاخ سيد وجدوه قد وضع الطعام على الطاوله فى شقته وطلب منهم الاكل . لان الاخ سيد لا يبداء فى طهى الاكل الا بعد حضور الضيوف . والحله توضع على نمره واحد لكى تأخد اربعه الى سته ساعات فى النار . فى هذه الفتره يكون النقاش والموسيقى السودانيه والغلاط وقد ترتفع الاصوات . وبالسؤال عن الخبيط الذى اقلق منام السويدى كان الرد ما انا كل ربع ساعه بدى الحله صوطه وبدى الحله طقه طقتين بالكمشه . شنو يعنى ما نطبخ كمان , ده سويدى مجنون ياخ . فانا مثلا بالرغم من اربعه عقود في بلاد الفرنجه اظلمهم في بعض الاحيان و اخذ الجميع بجريرة البعض . قبل سبعه سنين ، انعقد مؤتمر عالمي في جامعة لوند لمناقشة مشاكل القرن الافريقي و دعيت له شخصيات عالميه و بروفيسرات .و صار هذا تقليدا يحدث كل سنه . كان المتحدث الاول عمدة مدينة لوند . و وزير التعليم السويدي . و مسئول العلاقات الافريقيه في البرلمان الاوربي اولا اشميتس . فبدأ اولا شميتس حديثه بانه ابن فلاح و لم يكن يعرف الكثير عن السود و الافارقه و انه درس في جامعة لوند في نهاية الستينات و بداية السبعينات . و يسكن الان كجار لاحد الافارقه . عندما كان ابني فقوق في دار الحضانه كنت اشاهد سويدي يأتي لاخذ ابنه . ثم بدأت اشاهده عندما بدأ ابني المدرسه و في المعسكرات الصيفيه . و تمارين كرة القدم و الهوكي . و الدورات الرياضيه التي تأخذ عدة ايام و معسكرات التدريب . و بالرغم من انني كنت احيي والد فريدريك زميل ابني فقوق الا انني كما كنا نقول في السودان ( استبوخه ) و ارد عليه باقتضاب . و اقول لزوجتي ( الراجل ده مضيقها و طوالي مستعجل و عامل مهم . و مره مره بربط ليه كرفته ) و الكرفتات دي في السويد ما عاديه . قبل فتره في التلفزيون السويدي اشوف ليك اولا شميتس في اجتماع البرلمان السويدي مطير شكله مع رئيس الوزراء و الاثتين من مدينة مالمو . و كان يتكلم بصفته احد زعماء الحزب الليبرالي .و ده جاري والد فريدريك . في دوره تنافسيه لكرة القدم استمرت ثلاثه ايام في مدينة هلسنبورج علي بعد سبعين كيلومتر من مالمو كنت اشاهد جاري اولا شميتس طيلة اليوم لان ابنه حارس المرمي . و في المباراة النهائيه انتقلنا الي مدينه علي بعد عشرين كيلومتر لاكتشف ان ابني فقوق قد نسي الكداره في هلسنبورج . فاقترح اولا شميتس ان ياخذ فقوق لاحضار الكداره . فقلت له بتأفف ( و ليه تمشي انته ؟ ) فقال ( لان فقوق لاعب مهم و هو يعرف طريق قصير و له درايه بالمنطقه ) فقلت له ( هذا ابني انا ، و انا اعرف المنطقه ) . و النتيجه انني ضعت و عندما رجعت كان الماتش قد انتهي و النتيجه الهزيمه لان فقوق لم يكن موجودا . و لم يقل اي شخص اي شئ . وده لو كنت انا او اى واحد سودانى تانى لكان الكلام ما قلنا ليك وفهمناكم وما بتعرفوا وما بتفهموا . . قبل سبعه سنوات المت بنا عاصفه قويه و عندما حضرت في الصباح الي المنزل، لاحظت ان بعضا من بلاط السقف ( مارسيليا ) قد اختفي . فقالت زوجتي ( انته زايع و البيت عاوز يطير ، العربيه الواقفه في اخر الشارع دي بتصلح البيوت . امشي اتكلم معاهم ) . و وجدت شاحنه صغيره عليها اسم شركه . فابتدرني صاحب العربه ( انته البيت الفي الزاويه . عندك زي عشرين بلاطه طاروا من الجزء الشمالي و زي اربعتاشر بلاطه من الجزء الجنوبي . دي المنطقه فوق البلكونه . لانو كان في ضغط علي السقف عن طريق ا لبلكونه . عندنا بيتين حنخلصهم و نجيك ) فقلت له ( انته طبعا كل يوم بتصحي من النوم و تتمني حاجه زي دي تحصل للناس ) . فلم يرد علي . و بعد ساعتين طرق الباب ثلاثه اشخاص و طلبوا مني ان احضر لهم السلم و بلاط اسبير لان كل البيوت عندها بلاط اسبير . فاعطيتهم البلاط و انا اتحسس الخمسمائه دولار التي في جيبي و اتمني ان تكفي لان اليوم احد . و لان المطر كان يصب في شكل رذاذ متواصل و الريح البارده تصفع الوجه فذهبت لاستلقي علي الاريكه . و حضر المهندس و طلب شاكوشا من المطاط . فقلت له و انا لا ازال اتحسر علي الخمسمائه دولار ( انتو حكايتكم شنو ، عده ما عندكم ؟ ) . و بعد ساعتين من العمل المتواصل في البرد و المطر كان السقف قد اكتمل . فسالت عن الاجر و كان الجواب ( اي اجر نحن جيرانك ) و بالرغم من اصراري رفضوا ان يقبلوا اي شئ . بل رفضوا صندوقين من المشروبات ودى كانت طبظه اكبر كلما اتذكرها اخجل . اكتشفت فيما بعد ان احدهم طبيب و الاخر مهندس و الشاحنه تخص شركته ، و جار ثالث . في بعض الاحيان افكر . اولا شميتس الذي يسكن علي بعد خمسين متر مني يمر امام بيتي عدة مرات في اليوم . و لاننا ازلنا السور المكون من النباتات المتشابكه و جعلناه قصيرا فهو يشاهدنا طيلة الصيف بالسراويل و العراريق و جلاليب و طواقي و ناس سافه و ناس راقده و شيه و كترابه و صحانة باشري و مفروكه و الناس تاكل بايدينا . و شفعنا و شفع اصحابنا جايطين المنطقه كلها . لدرجة انه احد الاخوه قال لي ( انته يا شوقي اولادك ديل اليوم كلو في الشارع عجلات و كوره و جري و كوراك ، ما بتخاف ) فقلت له ( بخاف جدا ، بخاف علي الشارع و الناس منهم ) . حسي لو جاء هندى او كنقولي او خواجه و سكن وسطنا في امدرمان و سقفو طار ، في دكتور بمشي يعزيهو خليه يصلح ليهو بيتو !! و لا في زعيم حزب بقول ليهو امشي اجيب جزمة ولدك !! و الغريبه انا مستبوخو و ما عارف ليه ، الراجل ده ما عمل لي اي حاجه بطالا . بسلم و مرته بتسلم و بتتكلم بأدب . و قبل فتره لمن مشيت المطار استقبل بنتي الجات من شمال السويد شفته زوجة جاري ده مقابلنها بي ليموزين و هيلمانه ، الظاهر برضو عندها وظيفه كبيره .

Quote: العجمية من بحر المحيط إنجرت يومين بالسيول قارعة النعم ما فرت بطانة اب سن رمت توب الحزن وانسرت البل حاشن الكترة وعجوفهن درت

البشاير جات والنجعة زمانها حان

هلا هلا والخلا ولع

تحياتي سمية

لحين ميسرة من الله
ترجع صاحبة الكلم الطيب

تحياتي

Quote: لحين ميسرة من الله

السلام عليكم خالد لك كل التقدير
فعلا لدي مشكلة فنية
لم أستطع سوى قراءة آخر مداخلة

تقبل السلام

يا أبو عمر فكاك السواجير
وينو البهوش قلب البواجير
الداير الحليب كيف تدو جرجير
والكان ملك ما بصبح أجير




حلها يا ود حلال المشبوك ولكم السلام



منصور

السلام عليكم خالد لك كل التقدير
فعلا لدي مشكلة فنية
لم أستطع سوى قراءة آخر مداخلة

تقبل السلام


تعرفي بكري دا مشى طبز لي شي في الداهي دا ( المنبر )
أنا والله لي يومين مني قادر أقتبس أو أعرض الخط بقيت أخت إقتباسي زي الويكا المفروشة في شان تنشف

حلَّ الله المشكلة الفنية ومشكلتنا
ولك التحية ريحانة الحسن ودطلحة

Quote: مازالت العديد من المناطق في الشرق الأوسط تشهد أعطالا ضخمة في شبكة الانترنت نتيجة الذي لحق بالكابل الرئيسي المغذي للمنطقة والممتد عبر البحر المتوسط. وقال مسؤول حكومي مصري إن 70% من الشبكة الوطنية تعطلت عن العمل في مصر. وقالت وزارة الاتصالات وتكنولوجيا المعلومات المصرية إن عودة خدمات الإنترنت للعمل بشكل عادي قد يتطلب أياما. وقد دعا المسؤولون المصريون متصفحو الانترنت عبر الشركات الخاصة الى تجنب تحميل الأفلام والمواد الثقيلة لأن الأولوية حاليا للجهات التي تعتمد على الانترنت في إدارة أعمالها. ولا يعرف بعد السبب الفعلي للضرر الذي تعرض له الكابل الممتد بين ايطاليا ومصر ولكن الخبراء يقولون إن إصلاحه قد يتطلب اسبوعا. اشتكى الأفراد والصناعات من بطء وتوقف خدمات الإنترنت في الشرق الأوسط ولم يقتصر الضرر على مصر فقط ولكنه امتد لعدد من دول الخليج. وأفادت الأنباء بأن خدمات الإنترنت في كل من الإمارات العربية والكويت والسعودية تعطلت أيضا. وفي الكويت، بعثت شركة "جولف نت" التي تقدم خدمات الإنترنت رسائل بالبريد الإلكتروني لزبائنها تعتذر فيها عن " الأداء السيء عند تصفح الإنترنت". واشتكى مستخدمو الإنترنت في السعودية من بطء الخدمات أو توقفها تماما عن العمل، بينما اشتكى متصفحو الإنترنت في البحرين وقطر من بطء الخدمات. الهند وفي الهند تشير التقارير الى ان شبكة الانترنت فيها تضررت بشدة حيث وصلت نسبة الضرر الى 50 بالمئة. وقالت هيئة صناعية في الهند لوكالة رويترز للأنباء إن 60% من خدمات الإنترنت في الهند تعطلت

الملكة بت الشيخ
العزيز خالد محجوب

شايفكم شاكيين من النت قلت النطمئنكم وابرئ ساحة المنبر وصاحبه..
المشكلة عالمية وقد يتطلب اصلاحها اسبوع حسب الخبر اعلاه..
اصطبروا وخلونا البوست ده نسوقو ليكم لمن ترجعو بالسلامة

الأخ ود أب حريرة
( الليلة السوق ياسواق )
شكراً لإيراد النبأ وقد علمت به لحظة وقوع الخلل في البحر الأبيض المتوسط
ولكن شايفة ناس عمان بوستاتهم ماشة فوق وفي مكالمة مع الشاعر فضيلي جماع
أبلغني أن شبكة النت هنا على مايرام ولذلك أتهمت الجهاز عندي
ولم أتهم المنبر ولا صاحبه
( ما تدخلنا في أتعاب براءة ساحة مالبنا فبها ناقة ولا جمل)

كل الود

Quote: وقوع الخلل في البحر الأبيض المتوسط

بقيتي تجيبي الخبر من ام سقط لقط .

كدى ورينا اخبار تشاد سرييييييييييييييع .