نادي الزهاجه ..مني خوجلي...عضويه فخريه....

Post: #1
Title: نادي الزهاجه ..مني خوجلي...عضويه فخريه....
Author: Mohamed Ahmaed Olyesh
Date: 11-24-2007, 01:07 AM
Parent: #0

نحن الفنانيين ديل وبالاخص الممثلين الحيكومه طردتنا من دارنا وبقوها مدرسه ثانويه وبقي ماعندنا مكان نتلم فيهو لكن ربك رب الخير الهمنا بفكرة انشاء نادي سميناهو وقتها (نادي الزهاجه) وبقي معلم بارز لك الزهجانيين الفنان وغير الفنان وبقي عندنا جد نادي خطير وستات الشاي هبطرش والاكل متوفر وبقينا نتلاقي هناك ولو في اي زول بفتش لي زول بعلق ليهو مذكرة في البورت اي في حيطه الدكان ولو في مخرج بفتش لي ممثل بجيهو في نادي الزهاجه وبتفق معاهو علي العمل الفني وعييييييييك الحكايه جرت بقي الصحفيين زاتهم بجو يقعدو معانا للحوارات وغيرو .
والزهجه الاكبر من كده جات الحيكومه ونفس الحيكومه طردت نفس الناس الحلوين ديل من النادي التعبنا في تاسيسو
ومن ديك ولليله انا مرقت من البلد مودعا كل الزهاجه اصحابي وانا من هنا بفتح ليكم العضويه
الزهجان كلمو,,,,
الحردان كلمو
القرفان افتحو لي اضانو انو نحن عندنا نادي الزهاج بحتو كل الناس بدون فرز
ومرحب بيك بت خوجلي في النادي كاول عضو من المنبر يمنح عضويه نادي الزهاجه
الزهجان خالسسس
عليش

Post: #2
Title: Re: نادي الزهاجه ..مني خوجلي...عضويه فخريه....
Author: Mohamed Ahmaed Olyesh
Date: 11-24-2007, 01:24 AM
Parent: #1

فكرة تاسيس النادي:
الجو العام للنادي عدد 8 ازيار (تيبار) زي مابقولو اهلي ناس العوض . تخيلو معاي الازيار البارده مع حر السودان البولول داك وتخيلو معاي طيبه صاحب الدكان (العم عبده)صاحب اقدم دكان بشارع الاذاعه السودانيه .وحنفتح مساحه خاصه للعم عبده وكيف كان بتعامل مع الوسط الفني (الحيشان التلاته )زي ما بسموها الرواد لهم التحيه. النادي كان عباره عن احتفال شعبي ملي بالطاقه الابداعيه مليئ بالحيويه والضحكه. كنت افكر دائما في لونيه هذه الضحكه الممزوجه بالالم والحسرة علي وجودنا خارج اربعه حيطان تمكننا من انتاج افكار جيده تري النور.وبرغم هذا كله نجد مثل الفنان السيد عبدالله صوصل قادر علي انتاج افكاره العبثيه المليئه بشخصيات معقده تشبه شخصيات الكاتب صمويل بيكت وبالمناسبه صوصل من مؤسسي النادي هو والشاب الممثل الخلاق محمد تروس(اخو علي تروس)لمن لا يعرف.
كان الجميع ياتي بصورة يوميه منذ الصباح الباكر ونلتقي عند البنابر الحجريه التي كنا نراها اجمل من كراسي المكاتب الوسيره وزي ما قال صوصل في افتتاحنا للنادي الرسمي (اننا لا نعترف بالكراسي الوسيرة وربطات العنق الفخمه)هذه الحجارة قادره علي تحملنا وتحمل ماسينا العظيمه.
بدينا تكوين النادي حبه حبه وابتدينا المشروع بتلاته حجارة كبيرة اخترنا اصغرها للمفوض السامي لنادي الزهاجه..والكبار لمكاتب التنفيذ(ديمقراطيه).
ونواصل.....
عليش

Post: #3
Title: Re: نادي الزهاجه ..مني خوجلي...عضويه فخريه....
Author: Mohamed Ahmaed Olyesh
Date: 11-24-2007, 01:28 AM
Parent: #2

فكرنا انا والصديقه مني خوجلي تاسيس نادي الزهاجه هنا في المنبر ومن هنا اعلان واضح وصريح لكل من يري في نفسه احساس بالزهج او الاحباط فعليه التقديم فورا لعضويه النادي والفرص غير محدودة...
عندنا شعار للنادي
وهناك مواصلات بعد العرض الذي لم يعرض حتي الان
سارع في الانضمام
عليش

Post: #4
Title: Re: نادي الزهاجه ..مني خوجلي...عضويه فخريه....
Author: سلمى الشيخ سلامة
Date: 11-24-2007, 06:05 AM
Parent: #3

عنى شخصيا ما زهجانه
لكن اجمل ندوة عملتها فى حياتى كانت فى نادى الزهاجة
تعرف جينا ليك الساعة تسعة للندوة انتهت الساعة اتنين
لكن النادى زاتو ما شالوه (للصالح العام )
ودكان عم عبده بقى محله (عساكر ساكنين )
والشجرة تحتها فى دبابة
ستات الشاى مافى ولا واحدة
والمحلة (خلا )
وصوصل بقى زهجان مربع مليار لكنه بضحك وبكتب وبعمل (تمسيليات )
اجمل ما يكون

Post: #5
Title: Re: نادي الزهاجه ..مني خوجلي...عضويه فخريه....
Author: محمد سنى دفع الله
Date: 11-24-2007, 08:15 AM
Parent: #4

النادي إتحول إسمو لي
شجرة الزهاجة
شجرة حنينة
لامه الخلق بي حنية عجيبة
بعدين بقى ليها إمتداد لي جوة حوش البول بتاع عربات الإذاعة
وإتقسموا الناس كيمان
ناس جمال حسن سعيد لي جوة
عندهم ست شاي 0 دهاباية ) وكده
ناس صوصل مرابطين في صخورهم الجرية لحدي ما سلمو العهده
لي حراس الشجرة الجدد
وصاحو صيحتهم الشهيرة
ياحراس الشجرة
افتحوا الأبواب
للخارج اليك
يا مدينة ألأحلام
وماعارفين ناس الشجرة الجدد اللعنة الساكنة الشجرة
قالوك الزهجة الضربتهمدخلت في عضامهم لمن سموها
شجرة الجنود الزهاجة
يعني هسي عملوا شنو
ما كان اخلوها بياسمه وفي حتته
ياول يا عليش المسرحية على وشك النهاية
والماسنجر ما في رسل على عنواني الجديد
[email protected]
مودتي

Post: #9
Title: Re: نادي الزهاجه ..مني خوجلي...عضويه فخريه....
Author: Mohamed Ahmaed Olyesh
Date: 11-24-2007, 03:35 PM
Parent: #5

السني
الشجرة اسم تالت للمكان ولكن
الصديق صوصل طبعاكان مهتم جدا بقصه الورق والاعلانات وكان بختار الوان لكل مناسبه وكل اعلان
الاجتماع المستعجل ورق احمر
الاجتماع للعرض ورق بنفسجي
والاجتماع لي مشكله بالنادي ورق اصفر
ويالسني طمني
الشجرة اسم له معني كبير
والزهاجه برضو ليه معني كبير
الامتداد الحصل للشجرة ما داخل الاذاعه وبس حتي طلبة كليه التقانه ومدرسة المليك بقو يكملو اجتماعتهم بالشجره
وفي ناس ما اعضاء بالشجره لكن تسمع الواحد في التلفون خلاس نتلاقي في الشجره الساعه 4 لو مالقيتني خت لي ورقه مع ست الشاي (جواهر) يا سلام علي جواهر ودي دايرة بوست براهو من الجمال والتقنيه المتوفرة في طريقه التعامل مع الزباين خاصه ناس الشجرة الاصليين
ويالسني الكيمان دي فعل مقصود من الحيكومه تفرق الناس خاصه الفنانين وحتي اذكر كمان مدير التلفزيون في اجتماع معاهو قال (انتو مافاضين من الشجرة) لنو كان بجي ماري الساعه تلاته بالعربيه الكامري المضلله وبشوف زي ود المهدي متفن في الشجرة ومعاهو محمد نعيم بستغرب انو فنانين كبار قاعدين في الصقيع ليه؟ وماسال نفسو انو نفس الفنانين ديل ماعندهم دار يحتويهم ليه؟
السني يا اخوي
احسن نفتح نادينا دا هنا ونحكي للتاريخ
عليش
مكتب الاعلانات والتوثيق
المفوضيه اساميه لنادي الزهاجه2007

Post: #6
Title: Re: نادي الزهاجه ..مني خوجلي...عضويه فخريه....
Author: Siham Elmugammar
Date: 11-24-2007, 09:32 AM
Parent: #4

محمد سلام
سلمى سلام
Quote: عنى شخصيا ما زهجانه

طيب !!!!
عنى شخصيا زهجانه الف
و اها دى حجارتى (حجر واحد ما بقدر اشيل زهجى و كده)

Post: #7
Title: Re: نادي الزهاجه ..مني خوجلي...عضويه فخريه....
Author: Muna Khugali
Date: 11-24-2007, 02:31 PM
Parent: #6

نادي الزهاجه ..مني خوجلي...عضويه فخريه....

يالفرحي ..فهذا نادي موعود بالكثير من العضويه وتفريغ شحنات الزهج..

سأرجع لكم مساءا..فهناك بوستات كالفساتين والقمصان..لها توقيتات عند الأرتداء او الكتابه..
هذا البوست تصلح الكتابه فيه بالنسبه لي مساءا..
وحتي ذلك الوقت..
لكم التحايا والشكر أهل دار الزهاجه وومثلهم الزهجان عليش علي منحي العضويه الفخريه..

Post: #8
Title: Re: نادي الزهاجه ..مني خوجلي...عضويه فخريه....
Author: Mohamed Ahmaed Olyesh
Date: 11-24-2007, 03:17 PM
Parent: #7

سلمي بت سلامه
الفكرة ما الزهج في حد نفسو لكن في حاجه اسمها الروتين الممل يعني حتي الكتابه هنا مرات بتبقي ممله
اما النادي سابقا
فالعساكر كانو يعشقون النادي ولكن لا يستطيعون التعبير بفكرة انو العسكري(ماعندو احساس جمالي)لازم يكون ناشف ومعارض فكرة الحب فكانو دايما يا يظهرو في الشجرة (بالسفنجات الخدراء النضييييفه ديك) وهم اكثر ما صاريين وشهم لينا باعتبار بجي يومكم وكان معي محمد حنفي وقت هذا المشهد وقلت:
انت يا كابو العساكر دي بي سفنجاتهم دي شكلهم مطوليييييين هنا.
سلمي
تعالي نحتحت الصفق ونحول النادي دي فكره لجميع الناس نحتوي كل زهجان ونديهو نصايح طبيه ونفسيه(طبيبك الخاص) اما الحلتهم صعبه وماقادرين يعرفو كيف التصرف ممكن نملاهم نكت لما يقعو في الواطه...اصلو الضحك اليومين دي عمله نادرة
تحياتي وماوريتيني تفاصيل الندوة
قبلنا عضويتك بلا شك
عليش
مكتب الاعلانات(المفوضيه الساميه لنادي الزهاجه)

Post: #12
Title: Re: نادي الزهاجه ..مني خوجلي...عضويه فخريه....
Author: عبدالله شمس الدين مصطفى
Date: 11-24-2007, 03:53 PM
Parent: #8

Quote: نادي خطير وستات الشاي هبطرش والاكل متوفر وبقينا نتلاقي هناك ولو في اي زول بفتش لي زول بعلق ليهو مذكرة في البورت اي في حيطه الدكان ولو في مخرج بفتش لي ممثل بجيهو في نادي الزهاجه وبتفق معاهو علي العمل الفني وعييييييييك الحكايه جرت بقي الصحفيين زاتهم بجو يقعدو معانا للحوارات وغيرو .
.

عليش يا أخوي إنتو كنتوا فى الجنة ولا شنو ؟

Quote: القرفان افتحو لي اضانو
.

وبعدين يا عليش يا أخوى ، القرفان ده أفتحوا
ليه نفسو باللوال ، وقبل أضانوا عشان يعرف
يسمعكم كويس .

سلمى الودودة ، حب وشوق والله .

Quote: والشجرة تحتها فى دبابة
.

لا وإنتى الصادقة ، البلد كلوا تحت الدبابة .

السنى ، سلامات وشوية حب .

Quote: ياول يا عليش المسرحية على وشك النهاية
.

نقدر نعتبر ده نبوءة سياسية يا السنى ،
اصلوا الناس البرّه دى عندها "بركات" ، يعنى
جمع بركة ، مش بركات جمع برك ، من برك الجمل ،
عموماً برضك حتكون اقوى من فكى لتلج داك ، فكرنه ؟؟؟

سهام المجمر ، حب خصوصى كده .

Quote: و اها دى حجارتى
.

حجر شنو يا سهام والبلد كلوا "لساتك" ياخى؟؟
(إتنين فى واحد) ، منها تقعدى ، ومنها تحرقى
لو ما نفعت ، قالت حجارة قال .

معليش يا عليش (ده ينفع بداية قصيدة) ،
معليش أصلو أنا محوص اكلت كباب بوستك ،
فياخى أعذرنى ، أعذرنى دايماً وإبتسم

Post: #13
Title: Re: نادي الزهاجه ..مني خوجلي...عضويه فخريه....
Author: Mohamed Ahmaed Olyesh
Date: 11-24-2007, 03:58 PM
Parent: #12

عبد الله
ياخي مرحب بيك معان برغم شكلك مازهجان
لكن لو قريت البوست دي بتحس بي زهجنا ده
وبجيك راجـــــــــــــع ومبتسم (,^^)
عليش

Post: #11
Title: Re: نادي الزهاجه ..مني خوجلي...عضويه فخريه....
Author: Mohamed Ahmaed Olyesh
Date: 11-24-2007, 03:43 PM
Parent: #7

المديرة مني خوجلي
بعد لتحيه والاحترام
يعني اعمل اعلان من هسه لموعد معك شخصيا مع الاعضاء الجدد لنقاش الدستور ولا شنو؟
كلنا ندري انك دايما ما ترتدين الفستان المناسب في الجو المناسب
يلا منتظرينك
مكتب الاعلان والتوثيق
عليش

Post: #10
Title: Re: نادي الزهاجه ..مني خوجلي...عضويه فخريه....
Author: Mohamed Ahmaed Olyesh
Date: 11-24-2007, 03:40 PM
Parent: #6

الاخت ولا العضو الجديد سهام المجمر
لك الف تحيه اونت هنا في دارك وناديك السامي
ومرحب بيك معانا في المفوضيه الساميه لنادي الزهاجه
الحجار دي من هسه بتاعتك بس هناك معاينه قبل كل شي عشان نحدد نوعيه الزهجه وعلي ضمنها تقعدي في اي حجر ما مشكله
المدير العام حا يحدد معاك مواعيد للنقاش(طبعا النقاش والمعاينات بتم اما الجمهور علانيه ماعندنا مكتب بتقفل وسكرتيرات وكلام من النوع ده
عليش
مكتب الاعلانات والتوثيق
المفوضيه الساميه لنادي الزهاجه
2007

Post: #14
Title: Re: نادي الزهاجه ..مني خوجلي...عضويه فخريه....
Author: سلمى الشيخ سلامة
Date: 11-24-2007, 04:34 PM
Parent: #10

يا عليش
ياالسنى
وااااااااااااحلالى
الليلة ضحكت لمن دايرة اموت
كان معاى قاسم نصر الجنرال فى التلفون
يا سلام يا سنى لمن قال لى انه برسم فى اكبر جريدة فى السويد
ما دموعى جرت
واخر زهجة طارت
فرحت فرح
ما بعده
يا خى
واتذكرنا المعهد والايام الندية
وضل سلمى
والحزب الجمالى

Post: #15
Title: Re: نادي الزهاجه ..مني خوجلي...عضويه فخريه....
Author: Mohamed Ahmaed Olyesh
Date: 11-24-2007, 04:45 PM
Parent: #14

يا سلام يا سلمي
كلام جميل وحقو تكتبي لينا عن ضل سلمي لانو جزء من فكرة الشجرة
يلا اكتب انا قاعد افرح لما سلمي تنشرح وتكتب تجارب عظيمه
عليش

Post: #39
Title: Re: نادي الزهاجه ..مني خوجلي...عضويه فخريه....
Author: Muna Khugali
Date: 11-25-2007, 08:11 PM
Parent: #4

عنى شخصيا ما زهجانه
لكن اجمل ندوة عملتها فى حياتى كانت فى نادى الزهاجة
تعرف جينا ليك الساعة تسعة للندوة انتهت الساعة اتنين
لكن النادى زاتو ما شالوه (للصالح العام )
ودكان عم عبده بقى محله (عساكر ساكنين )
والشجرة تحتها فى دبابة
ستات الشاى مافى ولا واحدة
والمحلة (خلا )
وصوصل بقى زهجان مربع مليار لكنه بضحك وبكتب وبعمل (تمسيليات )
اجمل ما يكون

مش هم شالوه يا سلمي.زربنا يشيلهم؟

خلاص نحنا نعمل حقنا ده وان كان فالحين اليجوا يشيلوه شالهم الله تاني..

..............

..............
الأولاد ديل كلهم حايمين دايرين ينضفوا احية منو؟
والعنده قروش ذاتو يدفعها ليهم منو؟

ولد يا بكري..تعال هنا!
بكري جه جاري وشايل شنطته الخشبيه فيها ورنيش من الفحم ..سواه براه الله يسألني..الدور الفات بهدلوا لي جزمتي..ورنيش من الفحم المدقوه ومعجون بزيت!
يسوا شنو مساكين!!

آآي..جيتك..انضف ليك شبطك؟
شبط شنو!
انت اتغديت ولا لأ؟
بكري سريع جدا رد..

لالا لسه..
سمح هاك دي قروش ..امشي سوق معاك علي وامشوا اتغدوا وبعد ماتتغدوا تعال لي طوالي..تلقاني في
الحوش هنا قاعد..سمعت الكلام ده كويس؟؟
هوا...

بكري نزل صندوقه سريع جنب ازهار ونادي علي...
ومرقوا الأتنين جاريين وهم بيضحكوا..

ياحليلهم..كانوا جعانين!

Post: #160
Title: Re: نادي الزهاجه ..مني خوجلي...عضويه فخريه....
Author: نادر محمد الراضي
Date: 12-09-2007, 07:01 PM
Parent: #4

بدووور أنضم يا خوانا في فرقة ولا كيف ؟!!! ...

Post: #161
Title: Re: نادي الزهاجه ..مني خوجلي...عضويه فخريه....
Author: Mohamed Ahmaed Olyesh
Date: 12-09-2007, 07:26 PM
Parent: #160

ياااااااانادر
اولا مرحب بيك في النادي ده
تانيا
لقيت صورة عوض شكسبير دي وين؟
عليش

Post: #29
Title: Re: نادي الزهاجه ..مني خوجلي...عضويه فخريه....
Author: Muna Khugali
Date: 11-25-2007, 02:44 AM
Parent: #3

Quote: فكرنا انا والصديقه مني خوجلي تاسيس نادي الزهاجه هنا في المنبر ومن هنا اعلان واضح وصريح لكل من يري في نفسه احساس بالزهج او الاحباط فعليه التقديم فورا لعضويه النادي والفرص غير محدودة...
عندنا شعار للنادي
وهناك مواصلات بعد العرض الذي لم يعرض حتي الان
سارع في الانضمام
عليش

ودستورنا ساهل وحلو..زي شروط العضويه..
نهدف الي لم زهجة المتعوس علي زهجة خيب الرجا..علشان نضحك كلنا علي نفسنا ونفك كربتنا..
الشروط..
عايز تتطلع من الزهج..
عايز تخلي الدنيا حلوه وليك وللحواليك
عايز تشرب شاي وقهوه وتقعد في بنبر ولا علي الأرض تاكل لقيمات..
مابتحب الشكل حتي وانت زهجان..
ان تشارك في هذا النادي بنكته..بزهجه..بحكايه..أو حتي بالحضور والتوقيع..
أن تحب لغيرك ماتحبه لنفسك..
....
.....

أرجو الأضافه..

نرجو فعلا ان تلتحقوا بالنادي..لأنه الزهج عمره مابيغادركم للأبد..يعني يغادركم كيف؟
ويغادركم يمشي وين؟
هو في مكان أحسن منكم منا علشان الزهج يفوت منه لمكان تاني؟؟

Post: #28
Title: Re: نادي الزهاجه ..مني خوجلي...عضويه فخريه....
Author: Muna Khugali
Date: 11-25-2007, 02:24 AM
Parent: #2

Quote: فكرة تاسيس النادي:
الجو العام للنادي عدد 8 ازيار (تيبار) زي مابقولو اهلي ناس العوض . تخيلو معاي الازيار البارده مع حر السودان البولول داك وتخيلو معاي طيبه صاحب الدكان (العم عبده)صاحب اقدم دكان بشارع الاذاعه السودانيه .وحنفتح مساحه خاصه للعم عبده وكيف كان بتعامل مع الوسط الفني (الحيشان التلاته )زي ما بسموها الرواد لهم التحيه. النادي كان عباره عن احتفال شعبي ملي بالطاقه الابداعيه مليئ بالحيويه والضحكه. كنت افكر دائما في لونيه هذه الضحكه الممزوجه بالالم والحسرة علي وجودنا خارج اربعه حيطان تمكننا من انتاج افكار جيده تري النور.وبرغم هذا كله نجد مثل الفنان السيد عبدالله صوصل قادر علي انتاج افكاره العبثيه المليئه بشخصيات معقده تشبه شخصيات الكاتب صمويل بيكت وبالمناسبه صوصل من مؤسسي النادي هو والشاب الممثل الخلاق محمد تروس(اخو علي تروس)لمن لا يعرف.
كان الجميع ياتي بصورة يوميه منذ الصباح الباكر ونلتقي عند البنابر الحجريه التي كنا نراها اجمل من كراسي المكاتب الوسيره وزي ما قال صوصل في افتتاحنا للنادي الرسمي (اننا لا نعترف بالكراسي الوسيرة وربطات العنق الفخمه)هذه الحجارة قادره علي تحملنا وتحمل ماسينا العظيمه.
بدينا تكوين النادي حبه حبه وابتدينا المشروع بتلاته حجارة كبيرة اخترنا اصغرها للمفوض السامي لنادي الزهاجه..والكبار لمكاتب التنفيذ(ديمقراطيه).
ونواصل.....
عليش

عندناكشك مهكع..تعرف مهكع يعني شنو؟

يعني قديم و جوانبه الخشبيه مترمه...يخيل لي الأرضه أكلت منه!
نخته كده في ركن حوش واسع..والحوش بالجنبه اليمين منه فيه شجره كبيره ضلها يشيل كل الناس..
ويقول عايز زياده..وفي ركن غير بعيد..تراصت اربعه ازيار كبيره..علي جانب كل زير حبل طويل تدلي "كوز"..وتقسمت الأزيار بين اللون البني المعهود.. واللون الأسود الغامق..يشرب الزهجانين
من هذه الأزيار بروح مختلفه..روح شابهت مزاجاتهم الزهجانه والقرفانه وايضا الخاليه من أي أحساس
له طعم..

الكشك زي دكان البيع.. وممكن نخلي واحد اسمه عم وديع ولا ربيع يبيع فيه الحاجات العايزنها....
بدل زولنا ده..طبعا اساسا هي حاجات رخيصه..فول حاجات..بسكويت وحلاوه..ما اساسا الناس البتجي
هناك أغلبها مفلس..ما ده كمان واحد من أسباب الزهج..موش؟؟

طيب الشجره تقعد تحتها أزهار وأمها..يعملوا الشاي والقهوه..وجنبهم فاطمه وسعاد..برضه ستات شاي..
البنابر كتيره عندهم..مالزهجانين الخرمانين للشاي والقهوه كتار..والشاي والقهوه براهم موضوع فك زهجه..لكن كمان عواطف قاعده ترمي في لقيمات تمد الطبق لأحمد وسلمي وتقول لعليش وهي مبتسمه ..
دقيقه جايبه ليك لقيماتك..نظام اشتري مني أنا بس يعني!
أول ما السني سمعها قالت كده جه طاير..
وانا مالي يا عواطف ناسياني ما من قبيل منتظر لقيماتي..ولا عشان لسه مادفعت ليك باقي قروشك؟؟
عواطف ضحكت وعاينت لأزهار بخباثه وقالت وهي تواصل تجفيف صينية الشاي..

انت ماقلت عايز الشاي واللقيمات من أهلك ديلك..واشارت لأزهار بعيونها..قالتها في لهجة لوم خفيف..
ماكان امام السني الا أن يجلس علي الأرض بجانبها..محاولة تأكيد بأنه يشتري منها هي فقط..علي الرغم أنه اشتري قهوته بالأمس القريبه من أزهار الجميله..

Post: #16
Title: Re: نادي الزهاجه ..مني خوجلي...عضويه فخريه....
Author: sanaa gaffer
Date: 11-24-2007, 05:40 PM
Parent: #1

Quote: لكل من يري في نفسه احساس بالزهج او الاحباط فعليه التقديم فورا لعضويه النادي والفرص غير محدودة
...

الاخ عليش ...

والله ناديك دة وقع لي في جرح ...

بس خايفة عليهو من كمية الزهج الجواي ..يمكن تكون اكبر من طاقته الاستيعابية...

عندي طلب : عليكم الله اعملوا في النادي اوضة بجدران عازلة للصوت ... عشان الواحد لمن يغلبوا يمشي هناك ويصرخ لمن صوتوا يروح ...

عسى ولعل الصراخ يخفف عن الروح اذى كبت الحزن وتزايد الاحباط ويمتص شوية من صدماتنا في البشر البتخلينا نكره الدنيا وما فيها ..

اعاهدكم اني حاكون عضوة مخلصة وفعالة ومداومة على الحضور ..

تحياتي ..

Post: #17
Title: Re: نادي الزهاجه ..مني خوجلي...عضويه فخريه....
Author: Mohamed Ahmaed Olyesh
Date: 11-24-2007, 05:50 PM
Parent: #16

سناء جعفر ياخي الف مرحب بيك وانت تواجهين الزهج بشجاعه ونحن هنا في هذا النادي لدينا الكثير من البرامج للترفيه وتجاوز الحالات العرضيه البتجي للزول متلبه فجأة
يبدو انك فعاله ومتخيله شكل البرامج لانو من هسه وعرفت تصور النادي الحقيقي مثل ما قلت غرفه للصراخ الحاااااااار(الجعير)
ونحن كما قالت مني خوجلي(فستان الكتابه)انوفي كل حاله يمكننا ان نخلق حاله اخري موازيه للزهج
وكل ما نجي نكتب بكون عندنا المزاج المختلف حسب مانريد
منعطف...
........
الحاله دي من متين معاك عشان نحدد ليك العضويه لانو لو بقت حالت اكبر زي ماقلت ممكن نمنحك عضويه في اي بي او ممكن تبقي المدير العام في الشرق الاوسط للمفوضيه الساميه لحقوق الزهجانين(,^^)
عليش
المكتب الاعلامي للمفوضيه الساميه لنادي الزهاجه
برجع ليك تاني للانترفيو الاول يا سناء

Post: #19
Title: Re: نادي الزهاجه ..مني خوجلي...عضويه فخريه....
Author: Mohamed Ahmaed Olyesh
Date: 11-24-2007, 06:08 PM
Parent: #17

العـــــــــــــــــم عبده
هذا الرجل الطيب الذي منحنا احساس رب المنزل,كان عادة ما يفتح دكانه الساعه 5 صباحا واول ما يبدا اليوم يعطي نظرة للازيار ان كانت مليئه ام لا والناقص بتمو. كان الدكان عبارة عن عن سوق فيهو كلو مالذ وطاب وفيهو كل شي حتي الهدوم والجزم والات موسيقيه برضو كان التعامل راقيا جدا معه تشيل وتكتب في الكراس او لا تكتب المهم لما تصرف تجي وفعلا كان الناس نهايه الشهر يترصو صفوف لسداد ما عليهم.
التلفون....
كان التلفون بتاع عم عبده هو تلفون المفوضيه الساميه لنادي الزهاجه وبين الحين والحين تسمع صوت عم عبده(يا صوصل التلفون) يا ابرهيم كومك التلفون....يا محمود كابو..(وحتي المرحوم مجدي النور)تسمع ان له مكالمه....ومحمود عباللطيف كابو كان من اوائل الناس البشرفو الحضور وبصورة يوميه..والشاعر العم حدق وهو من الشعراء المميزين الكبار تجده متوفر بالحضور..
فالتلفون كان مفتوح يستقبل كل مكالمات النادي قبل انتشار الموبايل..
ونواصل...
عليش

Post: #18
Title: Re: نادي الزهاجه ..مني خوجلي...عضويه فخريه....
Author: Ahmed musa
Date: 11-24-2007, 06:02 PM
Parent: #1

(عليش) ... والله أنا شدة ما زهجان قلت بس أتلصص على المنبر ... ياخ انا موضوعاتي بقت زي (طشامة) ما قبل 1983 (صديقة للخور) ... لكن (هبشتني) الفكرة زي ما بقولوا (المسقفاتية) ...أها أزيدك في الفهم بيتاً ... (نادي الزهاجة) بدايتوا (الرِنق) ... بين (صوصل) و المخرج الصادق (عبدالعظيم محمد الطيب) وهو لمن لا يعرفونه شقيق (مريم محمدالطيب)...إبن خالة (آل شيخ الدين) ... خال كل من (سالي خطاب حسن أحمد) وشقيقتها (عزة ــ أظن؟؟ــ خطاب حسن أحمد) ... ويقام المأتم بالثورات ....
...
...
...
أها (الرينق ) بدأ بالمعهد العالي للموسيقى والمسرح ... (المرحلة السرية) ثُم تطور لشجرة الزهاجة والتي تطور لنادي الزهاجة والذي صار (نادي الجياشة الطردوا ناس نادي الزهاجة)...
...
...
(عليش) : أنا مادير عضوية لكن بجي وكت أكون زهجان (معارض وكدا) ... أها شنوا ليك؟؟!!

Post: #24
Title: Re: نادي الزهاجه ..مني خوجلي...عضويه فخريه....
Author: Mohamed Ahmaed Olyesh
Date: 11-24-2007, 08:00 PM
Parent: #18

احمـــــــــــــــــــد موسي عديل كده
اول اتفضل اشرب ليك شاي بي نعناااع حااااااار يبل الاشواق
وين يا راجل يا جميل
حقيقه سقط سهو عبد العظيم محمد الطيب والاخ عبد المجيد حسن بهولندا وكل من شمت محمد نور وبهنس والاغنيه الجايه مهداة للجده بطه بالسعوديه والاخت مريم بالصحافه شرق ومحمد ابكر بالقضارف وست النفر الباقر بطيبه الحسناب ريف تمبول
المهم يا ابو احميد
النادي فاتح اليوم كلو وكان جيت متاخر شديد بعد الونسه مع ناس طارق وربيع وتحياتي ليهم ممكن تلقي المفتاح بتاع الباب تحت الكانون(المنقد)لمن لا يعرف المصطلح
تعال
تعال وفتح مساحات غصبا عن الدياشه القفلو لينا الفرحه وختو دباباتم محلها
تخريمه...
حااتكلم عن (باكمبا)الاكله المفضله لاعضاء النادي (و ام جنقر برضو) وبهديها لك الاعضاء مجـــــــــــــــــانا
تخصم من الميزانيه العامه يا حافظ العشا
عليش

Post: #20
Title: Re: نادي الزهاجه ..مني خوجلي...عضويه فخريه....
Author: حافظ العشا
Date: 11-24-2007, 06:28 PM
Parent: #1

Quote: الزهجان كلمو,,,,
الحردان كلمو
القرفان افتحو لي اضانو انو نحن عندنا نادي الزهاج بحتو كل الناس بدون فرز

اخ عليش
انا عايز عضوية
ومش عضوية وبس
وكمان دور اداري
في النادي ممكن

Post: #21
Title: Re: نادي الزهاجه ..مني خوجلي...عضويه فخريه....
Author: Mohamed Ahmaed Olyesh
Date: 11-24-2007, 06:41 PM
Parent: #20

ياسلام يا حافظ العشا
مرحب بيك في المفوضيه الساميه لنادي الزهاجه
يشرفنا انك تكون عضو وطموح للادارة
اختر اي منصب يعجبك وانا بدوري بقوم بي رفعو للاستاذه مني خوجلي واكيد حاتلقي نفسك من الادارة والمكتب التنفيذي(طبعا ماعندنا ليك عربيه وسكرتيرة وكلام من النوع ده
لكن اول شي مقدم ليك مرتب مقدم حب واحترام
وتلاجه ماركه لتبريد الاعصاب ولو كمان عايز الغرفه الحمراء ممكن تشرف عليها
المهم لينا حوار معاك قريب بس مني تفض لينا شويه
عليش

Post: #22
Title: Re: نادي الزهاجه ..مني خوجلي...عضويه فخريه....
Author: Mohamed Ahmaed Olyesh
Date: 11-24-2007, 07:17 PM
Parent: #21

ازيك يا حافظ..

ده مزع حركة تغيير من الزهج زالقرف..
مرات كده مش بتكون داير تغير جلدك ذاته؟؟
طبعا ما بتقدر..تقزم تغير صورتك..أضعف الأيمان..

دكتور عادل أو سيجيمان مافاضي لينا..
بيرد علي الجماعه في الجرايد هناك..قبيل قريت كده في بوست الأخ بهاء عيسي..

.....

.....

انت الزهج معاك كيف؟؟
الحاصل شنو؟
الكلام ما يتحول مكان تاني يا جماعه من شروط الزهج نفكها هنا

Post: #23
Title: Re: نادي الزهاجه ..مني خوجلي...عضويه فخريه....
Author: سلمى الشيخ سلامة
Date: 11-24-2007, 07:59 PM
Parent: #22

يا عليش مابقدر اكتب ليك القصة كلها اخترت اقصر طريق انى انقل ليك ما كتبته عن الضل فى بوست السنى
رسالة خاصة في نافذة عامة ... للأخ محمد السني دفع الله

Post: #25
Title: Re: نادي الزهاجه ..مني خوجلي...عضويه فخريه....
Author: Mohamed Ahmaed Olyesh
Date: 11-24-2007, 08:29 PM
Parent: #23

سلمي الجميله
الواحد بغرق مع حكاياتك واحتمال الحاله من زهج تتحول لي جن احمر كلكي عديل..
والماعاجبو....يشتري خدرة وكسرة
عليش
شكرا للتوصيله

Post: #26
Title: Re: نادي الزهاجه ..مني خوجلي...عضويه فخريه....
Author: سلمى الشيخ سلامة
Date: 11-24-2007, 09:02 PM
Parent: #25

حكاية عجيبة
انت عرفت من وين انى ما بحب الاتنين ديل؟
وما باكلن زاتو
تانى اصلو ما بحكى ليك
عشان تقول انى زهجت جدجد

Post: #27
Title: Re: نادي الزهاجه ..مني خوجلي...عضويه فخريه....
Author: Muna Khugali
Date: 11-25-2007, 00:44 AM
Parent: #26

هوووووووي يا زهجانين..أنا جيت

Post: #30
Title: Re: نادي الزهاجه ..مني خوجلي...عضويه فخريه....
Author: Mohamed Ahmaed Olyesh
Date: 11-25-2007, 11:12 AM
Parent: #26

بت سلامه
انا زاتي ما بحب لا الكسرة ولا الخدرة وان بقي الكلام ده بجيب الزعل بنحزف ليك هسه
علا كان داير السبب عشان ما تحكي لينا الحكاوي الجميله دي شوفي ليك سببا تاني
اها شن القول
عليش

Post: #31
Title: Re: نادي الزهاجه ..مني خوجلي...عضويه فخريه....
Author: Mohamed Ahmaed Olyesh
Date: 11-25-2007, 11:22 AM
Parent: #30

مني خوجلي
كمان ماتنس ماسحو الاحذيه هؤلاء المغلوب علي امرهم غصبا
يجلسون علي الارض البكر بكل حب ويمسحون احزانهم واحزاننا بكل احترام وصمت

Post: #32
Title: Re: نادي الزهاجه ..مني خوجلي...عضويه فخريه....
Author: Mohamed Ahmaed Olyesh
Date: 11-25-2007, 12:45 PM
Parent: #31

[object width="425" height="355">

بهديكم اول هديه للزهجانين او ابناء السبيل المارين من هنا مرور الكرام
عليش

Post: #33
Title: Re: نادي الزهاجه ..مني خوجلي...عضويه فخريه....
Author: Mohamed Ahmaed Olyesh
Date: 11-25-2007, 12:53 PM
Parent: #32

وهناك يقال:
ن شر.........الزهج ما يضحك
هناك حلات يمكن ان نتطرق لها بامثله حيه تعكس مدي زهج الناس بيقود الي افعال غير منطقيه وغير منضبطه لكن لكل منا رد فعل خاص يمكنه من التنفييييث عن زهجته (وله حريه في التعبير ..وان يفكها فينا نحن)
ونحن فاتحين النادي ده ليه؟
ما للحالات دي
عليش

[object width="425" height="355">]

Post: #34
Title: Re: نادي الزهاجه ..مني خوجلي...عضويه فخريه....
Author: Mohamed Ahmaed Olyesh
Date: 11-25-2007, 01:36 PM
Parent: #33

الاجتماع الليـــــــــــــله والغايب يكلم الحاضر
كل الاعضاء والزوار حضوركم بتحف النادي
ويمكن اصطحاب الاطفال..
(ام جنقر هي البوفيه المفتوح لليوم)
حانتفاكر في تاسيس اليوم العالمي للزهاجه
مفتوح الاقتراح

عليش
المكتب الاعلامي للمفوضيه الساميه لنادي الزهاجه
وين مني خوجلي؟؟

Post: #35
Title: Re: نادي الزهاجه ..مني خوجلي...عضويه فخريه....
Author: عمرو كمال ابراهيم
Date: 11-25-2007, 02:13 PM
Parent: #34

والناس المفلسين ... كيف!!!

فى طريقة؟؟

...............

سناء كيفنك ؟

Post: #36
Title: Re: نادي الزهاجه ..مني خوجلي...عضويه فخريه....
Author: Mohamed Ahmaed Olyesh
Date: 11-25-2007, 07:31 PM
Parent: #35

ابراهيم
شكرا للمرور والاحساس بالفلس اول خطوات الزهج
يعني عاجلا او اجلا بجيك الزهج فاحسن من هسه تحجز حجرك قبل ما كمان النادي يدخل عليهو الهكر ويبقي نادي مخيف
(الهكروك علي)
عليش
انت معانا يازول بدون شك وعضو بس املا البيانات ورسل لينا صورتين و100 جنيه رسوم دخول وماف مشكله
الاجتماع في الضل ماتنسي وابقي مارق

Post: #38
Title: Re: نادي الزهاجه ..مني خوجلي...عضويه فخريه....
Author: عبد المنعم ابراهيم الحاج
Date: 11-25-2007, 07:54 PM
Parent: #36

سلام ياشباب..

انت عارف الزهجة براك ياعليش ..

انا غايتو باقي علي حكاية التمساح القارش ليمونة

Post: #62
Title: Re: نادي الزهاجه ..مني خوجلي...عضويه فخريه....
Author: sanaa gaffer
Date: 11-27-2007, 11:50 AM
Parent: #35

Quote: سناء كيفنك ؟

عمرو كيفنك ؟؟ انت وين مشيت وشلت معاك حكاوي القاهرة بايامها ولياليها ؟؟

هسة انا باقي ونسة الشوارع دي اتمها وين ؟؟

انت لسة راسك ما وجعك من السقف المستعار بتاع عصام عبد الحفيظ دة ؟؟

انا وجعني ليك ..

اها شفت زهج اكتر من كدة .. واحد شايل سقفه .. التاني تعبان ليه ؟؟ دي فكة زهج ساكت .. والله السقف حلو وملولو

Post: #37
Title: Re: نادي الزهاجه ..مني خوجلي...عضويه فخريه....
Author: Muna Khugali
Date: 11-25-2007, 07:51 PM
Parent: #34

Quote: (ام جنقر هي البوفيه المفتوح لليوم)

فوتها قبيل..لكن اسه ما بفوتها..

ام جنقز دي شنو؟؟

Post: #40
Title: Re: نادي الزهاجه ..مني خوجلي...عضويه فخريه....
Author: Mohamed Ahmaed Olyesh
Date: 11-25-2007, 08:23 PM
Parent: #37

اول شي يا مني خوجلي
انت مفروض تكوني عارفه المواد التكوينيه لنادي الزهاجه
تانيا:
ام جنقر دي اكله محببه جدا كانت لاعضاء النادي بالشجرة القوميه للنادي الزهاجي الاصلي وهي تعتبر اكله من الغرب بتتكون من القمح والدقيق والسكر ولعلي اعتقد بان بها نشادر لخاصيه لونها الابيض الناصع ويسطو فوق السطح هذا القمح البني اللون وهي بطعم السكر الحلو وكنا دايما ما نفتتح بيها اليوم الصباحي لما فيها من طاقه ولدسامتها فالاكله يا مني خوجلي جديرة بالتذوق وجديره ببعث الروح المعنويه لاعضاء الجسم.
عرفتيها؟؟؟
ام جنقر دي زي ام درمان كيف؟
امدرمان لما تطلع منها تفكر متين ماتوصل متين تجي راجع ليها تحن ليها وتهاتي بيها فكان انا والاصدقاء بالنادي نلتقي عند ام الجنقر
وكان اذا كنت عايز الاقي زول بدري شديد بقول ليهو نتلاقي الساعه ام جنقر (يعني 8 شوكه)وناس كانو بقولو نتلاقي الساعه 8 ام جنقر يعني شوكه برضو.
اما الاكله التانيه فهي (باكمبا)ودي كمان ادسم من ديك بمراحل باعتبارها تحتوي علي السمن البلدي الطازة والعجب لما يخلطا بالطحنيه ام فزدق ديك وحبه جوز هند في الوش وتقول كده تجيب ليك تلاته معالق يشيشيشيشيشش(هسه في داعي ...الرياله ما سالت يامني .)
كنا والله نتقاسم حتي التحليه مثل باكمبا بالصحن الكبير وبقت وجبه اكتر من انها تحليه لانو كانت بالصحن الطلس الكبير او اكبر كورة المونيوم عند جواهر ست الشاي لغايه ما سميناها بدلا من اسمها الحقيقي(جواهر)سميناها باكمبا
وبحكي ليك لما اجي راجع كيف في خلال 6 شهور البت جواهر سمنت وحركتها بقت تقيلــــــــــــلا كيف؟؟
في داعي هسه تذكرونا الكلام البجيب لينا الزهج تاني؟ ولا الواحد لازم يتذكر طوالي انو في نادي الزهاجه بتاعكم ده وخاتي البنبر اليوم كلو مرابط
عليش

Post: #41
Title: Re: نادي الزهاجه ..مني خوجلي...عضويه فخريه....
Author: Mohamed Ahmaed Olyesh
Date: 11-25-2007, 08:27 PM
Parent: #40

عبد المنعم
اول سلامات
وتاني مرحب بيك في نادي الزهاجه
وتالتا والاهم
لقيت الليمونه وين؟
بجيك لكن

عليش

Post: #42
Title: Re: نادي الزهاجه ..مني خوجلي...عضويه فخريه....
Author: معتصم ود الجمام
Date: 11-25-2007, 11:21 PM
Parent: #41

اها جيتك بالباب عديل
عليش اخوي
انت عندك سلمى الشيخ
وتسالني انا من ابراهيم الكاشف
سلمى لو سالتها تحيرك وربما يكون عندها مستندات
نحن ناس طقش لقش ساي جمب الناس الحضرو زمن الاذاعه زينه ديل
نحن كل ما وجدناهو هناك شجرة عم عبدو ( وفسيخ كارب ) وبعض من حجارة
لك الود

Post: #43
Title: Re: نادي الزهاجه ..مني خوجلي...عضويه فخريه....
Author: Mohamed Ahmaed Olyesh
Date: 11-25-2007, 11:40 PM
Parent: #42

سلمي الشييييييييييييييخ تعالي جاي الليله يوم الكاشف
يلا
عليش

Post: #44
Title: Re: نادي الزهاجه ..مني خوجلي...عضويه فخريه....
Author: عثمان حسن الزبير
Date: 11-26-2007, 06:59 AM
Parent: #43

عليش

تقبلوني معاكم كعضو زهجان وبكاي؟؟ أصلوا أنا كنت صديق دائم للشجرة؟؟؟ طبعاً ظهروا فطاحلة نقدر نسميهم أعضاء مؤسسين للنادي..
وأنصحك ما تمشي تشوفه لمن ترجع بالسلامة ما حا تلقى زول من الناس الجميلين...

Post: #45
Title: Re: نادي الزهاجه ..مني خوجلي...عضويه فخريه....
Author: Mohamed Ahmaed Olyesh
Date: 11-26-2007, 11:17 AM
Parent: #44

عثمان حسن مرحب بيك فى النادي وبنعتبر انضمامك مفيد باعنبار عندك الخبرة
كم سنه وانت خبرة بالشجرة؟
برجع ليك
عليش

Post: #49
Title: Re: نادي الزهاجه ..مني خوجلي...عضويه فخريه....
Author: سلمى الشيخ سلامة
Date: 11-26-2007, 12:11 PM
Parent: #42

عارف يا معتصم وعليش دى حالة من حالات الاذاعة زمان
شيخنا صلاح الفاضل ، كان يسميني ابو الدقيق لحماقتي ، وسرعة انفعالي ، وهذا ما وددت التخلص منه طوال حياتي ، وكثيرا ، حتي ان شقيقي الكبير كان يقول لي دائما
ـ سلمي اختي ، الدنيا دي فيها الوان كتيرة غير الاسود والابيض ، في الوان تانية
لكني لا اراها ، غالبا ، لحظة انفعالي ، علي اية حال ، استدعاني صلاح الفاضل ذات صباح ، المكتب كان مكتظا بالحضور ، ضمنهم كان فراج الطيب ، والذي كان تقدم بشكوي ضدي لصلاح الفاضل ، مفادها انني اغفلت امر مسا بقة ما كان المجلس القومي للثقافة والفنون بصددها ، حين احسست بالسخرية في طريقة الكلام الصادرة عن صلاح الفاضل امام الحاضرين ، غضبت وخرجت لا الوي علي شئ سوي المغادرة الكلية للاذاعة ، دخلت الي المكتب هناك وقفت امام دولاب الاشرطة مفرغة كل المحتويات من اشرطة كانت تخص البرامج التي كنت اقوم باخراجها ، منها ما خص الاستاذ علم الدين حامد وبرنامجيه (صالة العرض ، وحروف ) لابراهيم البزعي ( كاريكاتير ) لصلاح الفاضل نفسه المسلسل اليومي الذي كنت اؤدي بطولته ، برنامجي صباح الخير ومساء الخير ، المفكرة ، وغيرها من البرامج التي تصل الي خمسة عشر برنامجا ، وكنت اذ ذاك اهم بالخروج ، فاذا بخطاب والعميري في مواجهتي ، وهما يلوحان لي :
ـ بت الشيخ شوفي تمرقي حنمرق معاك ، دي مسئولية كبيرة ، وانتي في اول السكة ، صلاح الفاضل حنخليهو يعتذر ليك ، اها ، تاني شنو ؟
اخذني العميري الي (ركن ) من اركان المكتب ، حدثني عن ضغوط العمل ، ورمضان ،
ـ ياخي زول زيك بشتغل ليهو كم برنامج من الصباح لحدي بالليل ، انتي مجنونة ؟ ولا شنو ؟ بقيتي اشهر مننا ، بعرفك يا بت الشيخ سلامه ، يا بلال عليا ، آي ياخي اضحكي كده ، ( هيع ) عليك الله في احلي من الضحك دا؟ (ايا) هسي اخونا حيقوم يلقط الشرايط (والدبابير ) كلها ، و... اتجه بي الي مكتب صلاح الفاضل وضحكنا مما اسماه صلاح ابو الدقيق وكان يعنيني ، قال لي صلاح لحظتها :
ـ تعرف يا ابو الدقيق ، العمل الاذاعي عمل جماعي ، ولا ما كده يا عميري؟ وانه الجماعة ما زي الزول براه ، صحي الزول وسط الجماعة ما بكون ظاهر ، لكين انت يا ابو الدقيق ، زول بحب شغلو ، يلا امشي شوفي شغلك .

Post: #59
Title: Re: نادي الزهاجه ..مني خوجلي...عضويه فخريه....
Author: Mohamed Ahmaed Olyesh
Date: 11-27-2007, 02:40 AM
Parent: #49

بت سلامه
انتي عارفو لو الناس كانو ابو الدقيق زيك كده كان طلعو حاجات جميله وغريبه
بلا تعالي هنا وحلقي بانفعالك ده زاتو وانفعلي زول هنا بسالك ماف
انفعلي
عليش

Post: #91
Title: Re: نادي الزهاجه ..مني خوجلي...عضويه فخريه....
Author: Muna Khugali
Date: 11-29-2007, 02:01 AM
Parent: #20

Quote: اخ عليش
انا عايز عضوية
ومش عضوية وبس
وكمان دور اداري
في النادي ممكن

توصيتنا لقبول العضويه..
تعمل لينا كل يوم لمده 3 يوم..
صحن بوش كبير..وتدفع انت قروشه..اصله نحنا مفلسييييين!
وبعدين ما يكون فيه زيت سمسم علشان اقدر آكل معاهم..

سمح حافط أخوي؟؟

Post: #46
Title: Re: نادي الزهاجه ..مني خوجلي...عضويه فخريه....
Author: fadlabi
Date: 11-26-2007, 11:36 AM
Parent: #1

يا سلام على نادي الزهاجة و يا حليل أيامه
و الله يا عليش ديك أيام عجيبة
بحكومة السجم دي كان الواحد بتنفس هناك
يا الله على الأيام ديك

Post: #47
Title: Re: نادي الزهاجه ..مني خوجلي...عضويه فخريه....
Author: Mohamed Ahmaed Olyesh
Date: 11-26-2007, 11:43 AM
Parent: #46

شكرا فاضلابي
ويا ريتك تحطكي تجربتك مع النادي وكيف كنت بترتاح فيهو ولو بي قصيده صغيرة كتبتها فيهو بيكون اجمل
منتظرنك
عليش

تخريمه:
ماترسم لينا نادي الشجزاهاجه
(سرياليه بس)(,^^)

Post: #48
Title: Re: نادي الزهاجه ..مني خوجلي...عضويه فخريه....
Author: محمد سنى دفع الله
Date: 11-26-2007, 11:59 AM
Parent: #47

عليش
الأيام دي الظاهر قافلة معاك
المهم في الموضوع
انو حنستفيد من كل التداعي الهنا
للمسرحية
الخاصة بك
(( حـــنــيــن ))
الحكايات والقصص
والشخصيات
مودتي

Post: #54
Title: Re: نادي الزهاجه ..مني خوجلي...عضويه فخريه....
Author: Mohamed Ahmaed Olyesh
Date: 11-27-2007, 02:10 AM
Parent: #48

السني انا زهجان لمن غلط ويبدو انو المسرحيه دي لما اشتغلها الستارة دي الا تشوف لليها حته تانيه الكواليس ولا غرفه الميكياج
لانو حاتجيب ليها بكاء اب مخاخيت داك الحاااااار اب جاعورة
اذن نلتقي بالحنين
ومنتظرك
عليش

Post: #50
Title: Re: نادي الزهاجه ..مني خوجلي...عضويه فخريه....
Author: سليمان عبد الغني
Date: 11-26-2007, 01:46 PM
Parent: #1

مع إنو أنا ما كنت عضو أساسي بالنادي ..
وما كنت بحتك بشلة الفنانيين ..
وده شئ حأندم عليه عمري كلو ..

لكن رضو أيامي القضيتها في النادي بحكم دراستي بكلية علوم التقانة لن أنساها ..

أم جنقر .. من (سعدية) أو (سعاد) لا أذكر إسمها .. والقهوة الفرنسية ..

صوت الجابري من مسجل عم عبده ..

(تعال يا رشا .. يا راحة الحشا .. تعال بالعشا يا قمر العشا)

ما عارف عم عبده ليه جنو كان يشغل الأغنية دي ...

وعمري ما حأنسا البرلمة الإتبرلمتهاأول أيامي في الكلية .. كان في نادي الزهاجة ..

علقت ورقة كتبت فيها .. أبيات من شعر حميد (باقي الدين يا الزين خلصتو .. قدر الفاضل مصروف راشد والتومات) .. ونط لي واحد سنير عمل لي فيها بتاع أمن ..
وممنوع كتابة الأشعار في الحيط .. وكلام كتير .. سل روحي بيه..

وأنبل موقف مريت بيه برضو ليه علاقة بنادي الزهاجة ..

والموقف ده .. بعد ما خلصت الكلية .. وخليت نادي الزهاجة ..
بكم سنة .. ونسيت الناس الكان بقعدو في النادي كلو كلو ..
وأثناء ما أنا راكب لي حافلة ماشي من بحري لأم درمان .. وقاعد آخر صف ..
وجيت أدفع للكمساري .. قال لي في واحدة دفعت ليك قدام .. قدرت ماعاينت لي قدام ..
والناس القاعدين في الكراسي قدام .. ما القى زول بعرفو ..
ولمن جيت نازل أشوف ليك واحدة .. جات تسلم علي ..
وبعد سلام وحق الله بق الله .. إكتشفت إنها كانت بتبيع شاي في نادي الزهاجة..
ومذكرانا لغاية حسع .. ونحن أولاد اللذين نسينا العشرة ..

فيا ريت يا أخ عليش تكتب لينا أكتر عن النادي ..

Post: #51
Title: Re: نادي الزهاجه ..مني خوجلي...عضويه فخريه....
Author: Muna Khugali
Date: 11-26-2007, 02:24 PM
Parent: #50

ياخ ممكن الزهج ده!!
الساعه بعد 2 الظهر والسخانه تقتل..وأسه المفروض أمشي أم درمان..العربيه سخنت ورادياترها ضرب
وخليتها في السجانه عند الميكانيكي..عندي مواعيد الساعه اتنين ونص في نادي الزهاجه..والزول الفقري المواعدني ده ماجه..
واسه ذاته انا انتظره لمتين؟
عارفه زايغ من قروشي العنده..أعمل شنو انا بدون عربيه؟
التصليح كرهنا حياتنا ذاته...
وجعان انا لا فطور لا شاي..

قلنا ليكم بالنهار ذاته ما بنحب الجيه بي جاي!
حر..وعرق هدوم تقول الزول لآبسها ليه 10 أيام مش قبل ساعات بس!

Post: #56
Title: Re: نادي الزهاجه ..مني خوجلي...عضويه فخريه....
Author: Mohamed Ahmaed Olyesh
Date: 11-27-2007, 02:30 AM
Parent: #51

مني خوجلي
نحن متفقين علي انو مركزك بالنادي حساس ولازم يتم اخطار المكتب باي مواعيد خارجيه عشان نجهز ليك وش الزهج تشيلي معاك.
اما موضوع العربيه والسخانه امشي علي الازيار واشربي ليك عدد تلاته كيزان باررررددده والحقيها بي بيزيانوس باررررد
موضوع الراديتر ده اكتبي لينا حجمو شنو ونحن نقوم بالواجب لانو في ناس كمان عاملين علي خدمه الزهاجه وتوفير اللازم ليهم .
الزول المواعداهو ده اذا موضوع خسوسي يبقي نرسل معاك موظف ازهج مننا عشان يرفع راس النادي
اما اذا موضوع بخص النادي فكلنا ماشين معاك
برجع ليك
عليش

Post: #52
Title: Re: نادي الزهاجه ..مني خوجلي...عضويه فخريه....
Author: د.نبراس
Date: 11-26-2007, 10:41 PM
Parent: #1

والله غايتو زهجانين زهج ,,
اها هسا الواحد لو داير عضويه يعمل شنو ؟
غايتو زهج ,,

انا نادي الزهاجه الاصلي داك ماشفتو ,,
مع انو قالو كان من تصميم عبدالعظيم محمد الطيب ,,
ود خالة ناس شيخ الدين ,,
وانا بت ناس شيخ الدين ,,
لكن النادي الاصلي ما شفتو ,,
وده المزهجني زاتو ,,

اها هسا الاوضه الطلبتا استاذه سناء دي ,
العازله للصوت , لزوم التنفيس عن النفس وكده ,
الاوضه دي موجوده ؟
عشان تاني نكتر الجيه ,
والله غايتو لو قبلتوني انا حاكون ازهج زول ,
لمن ازهجكم زاتو ,
ولمن تزهجو مني وتخلو لي نادي الزهج زاتو ,
غايتو زهج ,,

Post: #53
Title: Re: نادي الزهاجه ..مني خوجلي...عضويه فخريه....
Author: Muna Khugali
Date: 11-26-2007, 10:57 PM
Parent: #52

Quote: ولمن تزهجو مني وتخلو لي نادي الزهج زاتو ,
غايتو زهج ,,

يا شباب هوي ورونا..
في جندرة زهج ولا لأ؟

علشان نعرف نعبر بزهجنا بمزاج..
يعني الغرفه نحنا صممناهامانعه للصوت..زي استوديوهات التسجيل..والزول البدخل فيها بيلقي الوان وحاجات عجيبه كده تخليه يصرخ ..ويصرخ لامن شيطانه يمرق منه!
اسه سؤالي عن الجندره ده علشان نشوف وسائل العلاج دي..عامله حساب لفصل النساء من الرجال ولا لأ؟
يعني ما ممكن كمان الواحده تكون في الغرفه ويكون معاها واحد..الناس يعني ناقصه زياده تهم
وبلاوي؟
يبقي اذن لازم يكون في فصل لمكان فك الزهج عن طريق الصراخ..

يا خوانا عايزيين كمان نعمل حاجه تانيه..
شوفتوا الكيزان المعلقه في الأزيار دي..
عندي احساس هي ذاتها زايده زهجنا..نعمل ليها شنو؟

منتظراكم..

Post: #55
Title: Re: نادي الزهاجه ..مني خوجلي...عضويه فخريه....
Author: Mohamed Ahmaed Olyesh
Date: 11-27-2007, 02:14 AM

سليمان عبد الغني
انا سعيد القي زول ليهو تاريخ بالنادي
وسعيد جدا كمان لما لقيتك هنا وانت بتحكي لينا عن تجربتك في النادي
اولا انا بمنحك العضويه بدون الرجوع للساده الاعضاء مع الاعتذار للاعضاء
وانا حا احكي ليك كل الاشياء الجميله البتعكس ليك صورة نادي الزهاجه المخفيه والناس ما عارفاها
كدي اول عازمك ام جنقر بالكورة الكبيرة من جواهر لو متذكرها
وبجيك راجع قبل ما تبرد
عليش

Post: #58
Title: Re: نادي الزهاجه ..مني خوجلي...عضويه فخريه....
Author: Mohamed Ahmaed Olyesh
Date: 11-27-2007, 02:36 AM

مني خوجلي
اتفاقنا ماف كيزان كبـــــــــــــــابي بس
وفصل النساء من الرجال في غرفه الصوت دي معناته فصل الدين عن الدوله ولا شيتا تاني؟؟؟
عليش

Post: #57
Title: Re: نادي الزهاجه ..مني خوجلي...عضويه فخريه....
Author: Mohamed Ahmaed Olyesh
Date: 11-27-2007, 02:34 AM
Parent: #52

نبراس
اولا تم قبولك بالنادي
والغرفه من ما سناء جعفر طلبتها ودينا التصميم لاخوانا الصينيين عشان اليومين دي قالو انتشرو بالبلد وهسه الخشب الصيني جاي في المينا يعني تلاته يوم والغرفه جاهزه
بس انت جهزي صوتك للجاعورة
تعالي باكر بدري وجيبي معاك حكاويك وسبب الزهج ومن متين معاك؟
عليش

Post: #60
Title: Re: نادي الزهاجه ..مني خوجلي...عضويه فخريه....
Author: Mohamed Ahmaed Olyesh
Date: 11-27-2007, 03:39 AM
Parent: #57

لغاية الان ماف زول حكي الزهجه الحقيقيه
تعالو نلون الدنياء بالوان عشوائيه ونشسوف بتدينا شنو؟
زهج ازرق
زهج رمادي
زهج الزهج
وكل الالوان
عليش

Post: #61
Title: Re: نادي الزهاجه ..مني خوجلي...عضويه فخريه....
Author: Mohamed Ahmaed Olyesh
Date: 11-27-2007, 11:36 AM
Parent: #60

؟؟؟؟؟
؟؟؟؟

Post: #63
Title: Re: نادي الزهاجه ..مني خوجلي...عضويه فخريه....
Author: sanaa gaffer
Date: 11-27-2007, 12:05 PM
Parent: #1

Quote: زهج الزهج

سلامات يا عليش ...
زهج الزهج دي بتشمل كل الالوان الحالكة بما فيها تدرجات الرمادي
وبعدين الاوضة بتاعتي اتاخرتوا ليه في البنا ؟؟؟ يعني منتظرني اطرشق ولا شنو ؟؟
لاحظ بتاعتي دي ... حقوق الملكية وكدة يعني .. عشان انا اول زول اقترح وجودها ..
وبعدين انا من المؤيدين لفكرة انو تكون مفصولة عن غرفة الرجال .. لازم تكون خاصة بالحريم بس ...
باقي ساعة الزهجة الشديدة الزول بيقول كلام لو سمعوا الجنس الآخر بتبقى مشكلة
ويلا يا د. نبراس .. منتظرة رفقتك في اوضة الصراخ ...

Post: #64
Title: Re: نادي الزهاجه ..مني خوجلي...والجندره
Author: Muna Khugali
Date: 11-27-2007, 12:37 PM
Parent: #63

Quote: مني خوجلي
اتفاقنا ماف كيزان كبـــــــــــــــابي بس
وفصل النساء من الرجال في غرفه الصوت دي معناته فصل الدين عن الدوله ولا شيتا تاني؟؟؟
عليش

Quote: سلامات يا عليش ...

زهج الزهج دي بتشمل كل الالوان الحالكة بما فيها تدرجات الرمادي
وبعدين الاوضة بتاعتي اتاخرتوا ليه في البنا ؟؟؟ يعني منتظرني اطرشق ولا شنو ؟؟
لاحظ بتاعتي دي ... حقوق الملكية وكدة يعني .. عشان انا اول زول اقترح وجودها ..
وبعدين انا من المؤيدين لفكرة انو تكون مفصولة عن غرفة الرجال .. لازم تكون خاصة بالحريم بس ...
باقي ساعة الزهجة الشديدة الزول بيقول كلام لو سمعوا الجنس الآخر بتبقى مشكلة
ويلا يا د. نبراس .. منتظرة رفقتك في اوضة الصراخ ...

طيب يا شباب سريع كده قبال حالة الزهج ما تسري فيني وتلخبط علي يومي البراهو ملخبط ده...
احسن حل نجيب طبيب نفسي..يقسم حالات الزهج علي حسب مستوياتها واسبابها.. ليه؟؟

علشان كلام سناء وعليش ده عن غرفه الصريخ..تكون واحده ولا منفصلات..
انا أعتقد..ومعاها وقفه معووجه وحكه في شعر منكوش.. انه احتمال كبير لو واحده فينا من النساء عايزه تصرخ وتخبط متل اكنها مجنونه..يكون سبب الحاله الهي فيها دي راجل!
اها مش ممكن المتل اكنها مجنونه دي..تقوم تنتقم من الرجال المعاها في الغرفه؟؟؟

خليكم حساسين يا جماعه في القضيه دي..اذا ماحليتو الموضوع ده بغرفتين من نفسكم نجيب اسه طبيب يقنعكم....

والفصل ذاته ليه فوائد أخري..عندكم فكره عنها؟؟؟

Post: #65
Title: Re: نادي الزهاجه ..مني خوجلي...عضويه فخريه....
Author: sanaa gaffer
Date: 11-27-2007, 01:27 PM
Parent: #1

Quote: علشان كلام سناء وعليش ده عن غرفه الصريخ..تكون واحده ولا منفصلات..
انا أعتقد..ومعاها وقفه معووجه وحكه في شعر منكوش.. انه احتمال كبير لو واحده فينا من النساء عايزه تصرخ وتخبط متل اكنها مجنونه..يكون سبب الحاله الهي فيها دي راجل!
اها مش ممكن المتل اكنها مجنونه دي..تقوم تنتقم من الرجال المعاها في الغرفه؟؟؟

خليكم حساسين يا جماعه في القضيه دي..اذا ماحليتو الموضوع ده بغرفتين من نفسكم نجيب اسه طبيب يقنعكم....

والفصل ذاته ليه فوائد أخري..عندكم فكره عنها؟؟؟

يا منى كيفنك ؟؟
غايتو واحد في الاتنين يا نفصل ... يا نجيب معانا اكياس بلاستيك سودا ... وسواطير ...
ووبعد داك كل زول يشوف الطريقة المثلى لفش الزهج ...
حالة متاخرة شديد ... غايتو القنعان من رويحتو يدخل معانا ...
هسة يا منى انا باكتب في كلامي دة وقاعدة معووجة وشعري منكوش .. وشايلة مبرد اضافر سنين

Post: #66
Title: Re: نادي الزهاجه ..مني خوجلي...عضويه فخريه....
Author: Mohamed Ahmaed Olyesh
Date: 11-27-2007, 11:47 PM
Parent: #65

بشـــــــــــــــــــــــــري يا سناء جعفر ومني خوجلي
اثناء البحث عن الغرفه وامكانية تصميمه وجدت علي الانترنت غرفه في المزاد العلني:
لكن مستعمله شويه(مامشكله) بنضفها ونعمرها ولا شنو؟
المهم يا جماعه الغرفه دي برغم انها مستعمله الا انها بتخدم الغرض المطلوب:
اولا:
المتزوجــــــــــــــــــــــات (وده قسم براهو)والمتزوجات كميه من الانواع ممكن نشرح جزء جزء
المتزوجات وزهجانات(وماف داعي نسال عن السبب جعييير بس من دون دموع)
المامتزوجات.(وديل نديهم الجزء الكبير من الغرفه بشرط يكون في احواض اسمنت زي بتاعت الغسيل والاسباب معروف.....!!!)
الموظفيييين(ديل غرفتهم براها وكلهم ما محتاجين مناديل ورقولا محتاجين عزومه للغرفه)يدخلو ساكت بس لازم نسجل الاسم والعنوان قبل الدخول لانو الظروف ما معروفه.
الطلبه: وديل بنشرح حالتهم براها
المغتربيين
غرفه رقم 0
ودي مخصوصه لي ناس سناء جعفر باعتبار الاقدميه ولا بعاتبار الحاله المتاخرة ماعارف المهم الغرفه ده ليكم يا دفعه
اسمعو بجيكم راجع لاني هسه زاتو زهجت لامن غلط
مع تحياتي
زهيش

Post: #67
Title: Re: نادي الزهاجه ..مني خوجلي...عضويه فخريه....
Author: Muna Khugali
Date: 11-27-2007, 11:57 PM
Parent: #66

Quote: المتزوجــــــــــــــــــــــات (وده قسم براهو)والمتزوجات كميه من الانواع ممكن نشرح جزء جزء
المتزوجات وزهجانات(وماف داعي نسال عن السبب جعييير بس من دون دموع)
المامتزوجات.(وديل نديهم الجزء الكبير من الغرفه بشرط يكون في احواض اسمنت زي بتاعت الغسيل والاسباب معروف.....!!!)

بالله كدي خلينا بلا متزوجات بلا ما متزوجات معاك..
ما تزهجنا كده..
اسه اشوت ليك البوست ده لغاية مايتعور؟!

Post: #68
Title: Re: نادي الزهاجه ..مني خوجلي...عضويه فخريه....
Author: Mohamed Ahmaed Olyesh
Date: 11-28-2007, 00:05 AM
Parent: #67

مني خوجلي!!!
يبدو علينا مفروض نفتتح الغرفه دي سريع ولا شنو؟؟؟
ادعمـــــــــــــــــــــونا ياناس
زهيش ظاتو

Post: #69
Title: Re: نادي الزهاجه ..مني خوجلي...عضويه فخريه....
Author: Muna Khugali
Date: 11-28-2007, 00:17 AM
Parent: #68

انا غايتو ماعايزه اوضه ولا حركات معاكم...

انا عايزه ادق في ناديكم ده ظار عديييييل كده!

Post: #70
Title: Re: نادي الزهاجه ..مني خوجلي...عضويه فخريه....
Author: Muna Khugali
Date: 11-28-2007, 00:22 AM
Parent: #68

انا غايتو ماعايزه اوضه ولا حركات معاكم...

انا عايزه ادق في ناديكم ده ظار عديييييل كده!

Post: #74
Title: Re: نادي الزهاجه ..مني خوجلي...عضويه فخريه....
Author: Mohamed Ahmaed Olyesh
Date: 11-28-2007, 03:23 AM
Parent: #70

يامني خوجلي
الغرفه جاهزة وسناء جعفر دي قافله الباب عليها ومامنها خبر ..شيلي عدة الظار ودقدقي ليها كان تسمعك

Post: #71
Title: Re: نادي الزهاجه ..مني خوجلي...عضويه فخريه....
Author: د.نبراس
Date: 11-28-2007, 02:25 AM
Parent: #1

غايتو زهج ,,
وكت ما يدونا عضوية نادي الزهج , يزهجونا ,,
يشبكونا ليك , دايرين غرفة الصينيين ,
ولا غرفة الكيزان ,
ولا غرفة الطبيب النفسي ,
غايتو زهج ,,
انا غايتو متفقه مع استاذه سناء ,
من حيث السواطير والاكياس السود ,,
عشان كده ما من انصار الفصل , ولا السواطير
دي نعمل بيها شنو كان فصلنا ؟
وبقترح انو اي زول يجيب ادوات التعزيب البتناسبو
وبتكمل احتياجاتو , يعني الساطور مسموح ,
(الشاكوش) مسموح !! ناس الزرديات والمفكات ينفعو ,
ونطالب بوجود الطبيب النفسي ,,
وكامل المسؤليه القانونيه يتحملا عليش ,
بما انو هو صاحب البوست اولا , وبما انو رجل ثانيا ,,
ولا رايكم شنو يا نساء نادي الزهج ؟؟
غايتو زهج ,,

Post: #72
Title: Re: نادي الزهاجه ..مني خوجلي...عضويه فخريه....
Author: Mohamed Ahmaed Olyesh
Date: 11-28-2007, 03:15 AM
Parent: #71

هوووووي يا نبراس
ماتزهجي لي في راسي من هسه
الحاله واحده بدون فرز
كان راجل ولا بت
الكل زهجااااااااااان ومسخن
ومفلس
ومهترش
وناس عاملين فيها زهجانين وهم ولا زهجانين ولا حاجه
وناس عامله فيها الزهج ده ما بعرفو معناتو وهم بي جوة عيزين مش غرفه عايزين صالون وغرفتين خلف خلاف ومطبخ بي فرن بدون غاز
والشي التاني:
انت عارفه انو الزهج بتكاثر طرديا كلما كترت عدد لفات التوب حولين جسم المرأة؟
المهم مازالت الحاله:::حاله بلد بي حالو لكن صمت...صمت عبيط
يحي فضل الله العوض كان بقول لينا دايما: (لماذا هذا الصمت الرهيب ونحن اشد حوجة للصراخ)
فحقو ما نتكابر علي الزهج ونغش نفسنا
بيني وبينك المابزهج شنو ؟؟؟؟
اذا كان المنفث الوحيد سودانيزنا دا وبعد ده ما دايرين يريحونا فيهو (ورانا ورانا الناس ديل)
اربطو الاحزمه
عليش

Post: #73
Title: Re: نادي الزهاجه ..مني خوجلي...عضويه فخريه....
Author: Mohamed Ahmaed Olyesh
Date: 11-28-2007, 03:18 AM
Parent: #72

يانبراس
الغرفه جاااهزة والمفتاح تلقيهو تحت المنقد بتاع الشاي
او لو مالقيتيهو
دقي الباب شديد ناس سناء ديل بيكونو جــــــــــــــوة ما سامعينك واحتمال ما يسمعوك(ممكن ترسلي ليهم مسج ولا مس كووول)
عليش

Post: #75
Title: Re: نادي الزهاجه ..مني خوجلي...عضويه فخريه....
Author: Mohamed Ahmaed Olyesh
Date: 11-28-2007, 11:27 AM
Parent: #73

من تأثرات الزهج

....

بجيكم
عليش

Post: #76
Title: Re: نادي الزهاجه ..مني خوجلي...عضويه فخريه....
Author: WadAker
Date: 11-28-2007, 11:42 AM
Parent: #1

ود الخاله والخال .... انا زهجان لامن قرفان وقرفان نامن زهجان ... ومن قرف الغربه نسيت ملامح امى والخالات ... وعضويتكم ظااطتا مادايرا .......... اووووووووووووووووووووف..... سلام

Post: #77
Title: Re: نادي الزهاجه ..مني خوجلي...عضويه فخريه....
Author: عمرو كمال ابراهيم
Date: 11-28-2007, 01:56 PM
Parent: #76

Quote: انا وجعني ليك ..

وانا عجبنى ليك................

سناء .. وينك كده؟؟ ناس منى ديل شكلهم مروقين،، قلنا اقبلو ناس مفلسين عملو رايحين!!!

حقو نبلغ ناس الضرائب

...........................

بالمناسبة ... حارفع البوست حسه... يلا تمى الونسة

تحياتى

Post: #79
Title: Re: نادي الزهاجه ..مني خوجلي...عضويه فخريه....
Author: Muna Khugali
Date: 11-28-2007, 04:03 PM
Parent: #77

Quote: سناء .. وينك كده؟؟ ناس منى ديل شكلهم مروقين،، قلنا اقبلو ناس مفلسين عملو رايحين!!!

حقو نبلغ ناس الضرائب

القال ليك منو؟
فكرتكم الغلط دي هي ذاتها المكرهانا!
هو ذاته الزول كان عنده قروش ومروق..ناس افواه وارانب الفي السودان ديل بيخلوه في حاله؟؟
عليك الله يا عمرو ياخ ما تكرهنا حياتنا..
نحنا ناس كروت تمرق القروش من الحيط..وتقعد تبكي مع كل فاتوره!

امشي كده ولا كده عامل اسمك السمح ده!

Post: #78
Title: Re: نادي الزهاجه ..مني خوجلي...عضويه فخريه....
Author: د.نبراس
Date: 11-28-2007, 03:43 PM
Parent: #1

غايتو زهج ,,
عليش ,,
انا جيت الليله جاهزه للاوضه دي وقلت يا انا يا الزهج ده ,,
لقيت الاوضه متكيه ,, قالوا استازه منى شاتتا ,,
والحاله استازه سناء بي جوه ,,
يعني الاوضه متكيه ,, واستازه سناء بي جوه بتضبح ليها في
(شخص ما) !!
غايتو زهج ,,
وتقول لي صمت ؟؟ دي حاله بينفع فيها صمت ؟؟
دي حالة سواطير ساااااااااي !!
خلاص انا بجي تاني لما استازه سناء تخلص على الباشمهندس
الاتضبح ده ,, وياريت لو الجلسه الجايه تكون ظار !!
غايتو زهج ,,

Post: #80
Title: Re: نادي الزهاجه ..مني خوجلي...عضويه فخريه....
Author: Muna Khugali
Date: 11-28-2007, 05:23 PM
Parent: #78

واقول ليكم كلام؟

انا بيت زار زاتو ماني دايراه..وغرفه يا سناء دي ماني دايراها..
بس بجي المنبر ده اخش اي بوست مودر..وماشاء الله ..حلاتي عليهن يا خياني..كتارالمودرات..
كان دايره اقطع لي لحم زول وهو حي..بلقي..
وان دايره اشنفكم يا شماليين..بلقي..
وان كاندايره اسمع نبذ فيني ..برضه بلقي..
وكان دايره افنجط وارمي بلاويني زيهم فوق الغير..بمشي وأفنجط معاهم..
وهي اصلها الفنجطه دي ألات زول؟
ماياهو بس تكون قاعد جوه الحوش الكبير ده وتسوي الدايره..

والنادي دي ترفيه زهجانييييييييم..وبس

هاك يا ولد خيط لي شيطي المقطوع ده!

Post: #81
Title: Re: نادي الزهاجه ..مني خوجلي...عضويه فخريه....
Author: Mohamed Ahmaed Olyesh
Date: 11-28-2007, 07:29 PM
Parent: #80

د/نبراس
الاوضه دي شكلها بالاسبقيه الدخل اول يمرق الله تاني وبيني وبنك انا زاتي مالاقي لي طريقه في الاوضه دي دايرين نكوووووورك يا ناس
دايرن نجعرررررر يا ناس
افتحو البيبان دي
زهج
زهج
زهج
وكمان زهج
والغريبه ماف زول حاسي بالموضوع الناس ديل شبعانين ولا شنو؟فرحانين ولا شنو؟
الكورااااك ال......امشوا كده ولا كده دي نظام مكابرة سااكت
الخبر البفلوس
بكرة ببلاش
اومال ايه يا قدع
تعرفو شده ما قفلة معاي بقيت بتابع نشرة الطقس بي شقف زي الحلقه الاخيرة وكده بقيت اشيل الشبط البني الواحد اديهو اورنيش اسود وكمان لما اتذكر انو انا في الملايات المتحده دي عييييييييييك
كان ما جيتك راجع
افقدوني
زهيش

Post: #82
Title: Re: نادي الزهاجه ..مني خوجلي...عضويه فخريه....
Author: قاسم المهداوى
Date: 11-28-2007, 08:22 PM
Parent: #1

عليش
او حرف العين
الخطاف ابو تاج
طبعا الناس لا يعلمون اى شى عن هذه الاقصوصة واعنى اقصوصة
الخطاف ابو تاج ؟؟؟
رايك شنو احكى ليهم هنا !!!
وبحكى ليكم يا صحابى عن حكاية !!!!

يا صديق حابب اقول سلااااااااام وعوافى

وايضا لضيوف نادى الزهاجة( الحلوين )

قاسم او بالقاء

Post: #84
Title: Re: نادي الزهاجه ..مني خوجلي...عضويه فخريه....
Author: Muna Khugali
Date: 11-28-2007, 08:45 PM
Parent: #82

ونطالب بوجود الطبيب النفسي ,,

قلت ليكم وما سمعتوا كلامي..

باكر القريييييبه دي..بتعرفوا كلامي كان صح كيف..
وما تجوا تقولوا الكبري كان زحمه ووصلنا متأخرين..
ولا قروشي اتسرقت ماقدرت احضر الدكتور../font>

Post: #83
Title: Re: نادي الزهاجه ..مني خوجلي...عضويه فخريه....
Author: sanaa gaffer
Date: 11-28-2007, 08:40 PM
Parent: #1

ناس النادي هووي ...سلام ...
منى ... نبراس ... عليش .. عمرو ...

كنت حايمة بافرق في زهجي على الشوارع والبيوت ...

في النواصي .. وفي البحر ...

تعرفوا اجمل علاج للزهج شنو ؟؟ وحدة .. وبحر ...

القال الزهج عاوز رفقة زول مستجد وما بيعرف اصول الاحساس دة ولا كيف يتعامل معاهو ...

لمن ازهج جد ... بامشي الخليج ... باختار ابعد مكان عن الناس ... باقعد براي ...باضحك ... بابكي ... باصرخ ... وممكن اتدردق في الرملة كمان ... باغسل وشي بموية الملح .. باتعمد اخلي جرعة منو تدخل خشمي .. لذعتو ومرارته بتريحني .. نوع من تعذيب الذات .. باجمع قواقع كتيرة .. اشكال والوان ... باشيلها وادخل جوة البحر ... وارميها هناك ... باقيف جوة الموية لمن جلدي يتكرفس والملح يقرصني .... لحظتها باعرف انو آن اوان الرحيل ...
كدة جربوا وصفتي ... وحدة وبحر وطعم ملح ...

منى ...
لو دقيتي ظار كلميني ... باجيب بالطو الحكيم وفستان لولية الاحمر .. وجلد نمر الكندو ... عصاية الخواجة وسيف احمد البشير ...

نبراس ...
بقيتي على شنو ... الصراخ ولا الاكياس والسواطير ؟؟؟

عمرو ..
جاياك يا ابشرا ...

عليش ...
الزهجة وصلت وين ؟؟...

Post: #85
Title: Re: نادي الزهاجه ..مني خوجلي...عضويه فخريه....
Author: Mohamed Ahmaed Olyesh
Date: 11-29-2007, 00:06 AM
Parent: #83

مني.....
فتشت الدليل عشان اشوف اسم دكتور نفساوي لكن الحظ ما كعب خلاس....
لقيت دكتور اطفال بس الفاضي....قلت ما مشكله نكلمو يجي النادي ونبقي شفع...نلعب بالتراب ..ونلبس الشراب ...
امكن لو رجعنا شفع ننسي الزهج...
ولو رجعنا شفع يمكن نتوة في عالم جديد لافيهو صرة وش ولا زول ينبزك ويفلقك بي سمو الاسود داك...
يمكن لو بقينا شفع نغسل الاحزان ونحلم ثم نكبر بالنظر...
ونعيد الكون طفلا..
في انامله صور...
ولا رايكم شنو؟نبقي شفع ولا نكبر بي الزهج ده؟
عليش

Post: #88
Title: Re: نادي الزهاجه ..مني خوجلي...عضويه فخريه....
Author: Amiral
Date: 11-29-2007, 00:40 AM
Parent: #85

ازيكم يا زهجانين

لو دايرين تعرفوا الناس الما بيعرفو الزهج اعفصوا اللنك دا

http://www.geocities.com/johnniemccoy/elasticbaby

Post: #90
Title: Re: نادي الزهاجه ..مني خوجلي...عضويه فخريه....
Author: Mohamed Ahmaed Olyesh
Date: 11-29-2007, 01:19 AM
Parent: #88

amerra
ده البجيب الزهج زاتو
شكرا علي الزهج
عليش
قبولك تم

Post: #86
Title: Re: نادي الزهاجه ..مني خوجلي...عضويه فخريه....
Author: Mohamed Ahmaed Olyesh
Date: 11-29-2007, 00:19 AM
Parent: #83

سناء....
حقو نمشي البحر....
حقو ننزل خطوة خطوة جـــــــــــــــــــــوانا...
امكن نسمع صدي...وامكن نسمع....نا....
حقو...
حقو نشرب جرعه منو ....امكن الحل ابتعادنا عنو...
حقو نوصل الشوق للقمر...والسحابات الليهو غنو...
حقو....

انت عارفه من الزهج الواحد بقي يكتب شعر عديل كده
بعدين يا سناء لافي زول عبرك في مشيتك براك البحر دي ولا يحزنون؟؟
ماف زول شالتو الهاشميه قدمك للبحر ...ورجع فاضي الكلام
ولا مستجد البحر اب ريحه تدق في القلب...
الخليج
وما الخليج
ويابحر مين نطاك
غير المركب الفاتت وجات
وفي ديلو سبع اللفات
نحن كان لقينا الوحده يا سناء نلقي البحر وييييييييييييين؟
امكن الكباري الطايرة والبيت الابيض ديل زاتهم سبب الزهج..بين قوسين ..سياسه..كويس؟
تعالو نحوم
عليش

Post: #87
Title: Re: نادي الزهاجه ..مني خوجلي...عضويه فخريه....
Author: Mohamed Ahmaed Olyesh
Date: 11-29-2007, 00:22 AM
Parent: #86

تعالو نعمل صنووووووووق
(ختـــــــــــــــــه)
رايكم شنو؟؟
والصرفه الاولي نديها لي............
..................
بجيكم بي زهجه تاني

Post: #89
Title: Re: نادي الزهاجه ..مني خوجلي...عضويه فخريه....
Author: Muna Khugali
Date: 11-29-2007, 00:51 AM
Parent: #87

Quote: تعالو نعمل صنووووووووق
(ختـــــــــــــــــه)
رايكم شنو؟؟
والصرفه الاولي نديها لي............
..................
بجيكم بي زهجه تاني

شوف حلاتك والله..عامل فيها شاطر؟

انا موافقه علي الصندوق بشرط..تدوني الأولي وباقي الصرفات كلها!

Post: #92
Title: Re: نادي الزهاجه ..مني خوجلي...عضويه فخريه....
Author: Mohamed Ahmaed Olyesh
Date: 11-29-2007, 02:53 AM
Parent: #89

ود عكــــــــــــــر
يبدو انو الزهج بقي عائلي
بجيك بي رواقه
عليش

Post: #93
Title: Re: نادي الزهاجه ..مني خوجلي...عضويه فخريه....
Author: قاسم المهداوى
Date: 11-29-2007, 03:10 AM
Parent: #92

اها مهداوى ده مالو ,,,,,,,,,,,,,
مافى رد ولا شنو

قا

Post: #94
Title: Re: نادي الزهاجه ..مني خوجلي...عضويه فخريه....
Author: Mohamed Ahmaed Olyesh
Date: 11-29-2007, 03:21 AM
Parent: #93

قا

احكــــــــــــــــي
عليش

Post: #95
Title: Re: نادي الزهاجه ..مني خوجلي...عضويه فخريه....
Author: sanaa gaffer
Date: 11-29-2007, 02:20 PM
Parent: #1

Quote: نحن كان لقينا الوحده يا سناء نلقي البحر وييييييييييييين؟
امكن الكباري الطايرة والبيت الابيض ديل زاتهم سبب الزهج..بين قوسين ..سياسه..كويس؟
تعالو نحوم

تعرف يا عليش اجمل حاجة عندنا هنا الشواطئ المفتوحة ( الطبيعية ) ...

مويتها تجيك دافرة تباري بعض .. وترجع بخفر كانها بتناديك ...

ودة شئ مفتقد فيالبحيرات الصناعية الملوا بيها الدنيا ...

تخريمة زهج ساكت :

عليش انت مريخابي ؟؟..

Post: #96
Title: Re: نادي الزهاجه ..مني خوجلي...عضويه فخريه....
Author: Mohamed Ahmaed Olyesh
Date: 11-29-2007, 03:02 PM
Parent: #95

snaa
aaay ly?

Post: #97
Title: Re: نادي الزهاجه ..مني خوجلي...عضويه فخريه....
Author: Mohamed Ahmaed Olyesh
Date: 11-29-2007, 10:10 PM
Parent: #96

ياسناء
اول حاجه انا مريخابي نزلت معاش زمــــــــــــــانك....
لانو كنت بتعصب في الكورة لما بعض لساني
لكن هسه كورة امبارح كانت بين منو ومنو ماعارف

تخريمه
علاقتو شنو؟
بالمناسبه:انا بحب اللون الازرق من زمان وكمان للمعلوميه انا لعبت في الهلال زمان عملو حاجه اسمها مدرسه براعم الهلال وانا كنت ضمن البراعم وكان مدربنا اسمو ميرسلاف لو انت عارفه التاريخ وفوزي المرضي ولما اتخرجنا عملو لينا لعبه بينا وبين الفريق الكبير وقتها وكان كابتن الهلال طارق احمد ادم ولما اتخرجت ابوى منعني امشي عشان هو مريخابي....هسه كمان لاقيت جمال الثعلب هنا في فرجينيا ولما قلت ليهو كده زعل شديد لانو حس بالكبر وكده.....
عرفت سر اللون....
عليش

Post: #98
Title: Re: نادي الزهاجه ..مني خوجلي...عضويه فخريه....
Author: Muna Khugali
Date: 11-29-2007, 11:03 PM
Parent: #97

قلت مريخابي؟؟

Post: #99
Title: Re: نادي الزهاجه ..مني خوجلي...عضويه فخريه....
Author: Mohamed Ahmaed Olyesh
Date: 11-29-2007, 11:08 PM
Parent: #98

برضو يا مني مابفسد الود
(,&&)
عليش

Post: #100
Title: Re: نادي الزهاجه ..مني خوجلي...عضويه فخريه....
Author: ahmed khidir
Date: 11-30-2007, 04:13 AM
Parent: #99

عليش
ســــــــلامات
انت ومنى خوجلى وضيوفك الكرام والزول الرائع محمد السنى دفع الله بدعوكم لى نادى البهجة الواحد بعيش قدر كيف عشان يعملة كلها زهج
شروط العضوية متطابقة عليكم والرسوم ملح
لكن بنقبل التبرعات من جهات مشروعة غير مشروطة
اهم حاجة ما فى زول يسالنى من الميزانية
والوارد والمنصرف
يلا علينا جاى
ومرحبتين حبابكم

احمــد خضــر

Post: #103
Title: Re: نادي الزهاجه ..مني خوجلي...عضويه فخريه....
Author: Mohamed Ahmaed Olyesh
Date: 11-30-2007, 11:33 AM
Parent: #100

والله كتر الف خيرك احمد خدر
اما مساله البهجه دي كان عندنا زمان حزب سميناهو(حسبالبهجه)
لكن كنا عارفين الميزانيه جايه من وين؟؟
المهم يا زول
بعد نحن نطلع من زهجتنا دي بنجيك ما للبهجه (للميزانيه طبعا)

مايكون تحت شعار السودانين لانو من ورانا ناس بنوها فوق(والرهيفه التنقد) فاهمني ؟؟
عليش

Post: #113
Title: Re: نادي الزهاجه ..مني خوجلي...عضويه فخريه....
Author: قاسم المهداوى
Date: 12-02-2007, 07:32 PM
Parent: #103

Quote: مايكون تحت شعار السودانين لانو من ورانا ناس بنوها فوق(والرهيفه التنقد) فاهمني ؟؟
عليش

يا شاب ده كلام خطير جدا
(واينما نكون يشرق السودان)
شعار مركز الثقافات السودانية بالقاهرة سابقا
طبعا يا عليش الاصح هى اينما نكون نسرق السودان
او نسرق باسم السودان .... ولا كــــــــيف !!!!

قاسم المهداوى

Post: #105
Title: Re: نادي الزهاجه ..مني خوجلي...عضويه فخريه....
Author: Muna Khugali
Date: 11-30-2007, 10:44 PM
Parent: #100

Quote: شروط العضوية متطابقة عليكم والرسوم ملح
لكن بنقبل التبرعات من جهات مشروعة غير مشروطة

تقولا أحمد خدر ملح...بس الزول يجيكم هناك تقعدوا قداموا تعملوا حركات..
مره بالله عايزين تبرعات..ومره تقعدوا تشتكوا من الظروف المهببه!
والنكلمك كمان ..شوفت البهجه ذاتها بتفون من يجي فيها كلام عن الأحتياج لقروش..

ياخ انا عربيتي عايزة لساتك وبطاريه..ودوبي اول امس غيرت ليها الرادييتر..كمان عايزن تزهجونا بكلمة تبرعات؟

انتو النادي ده الليله دمه تقيل كده ماله؟؟

سناء وينا؟
والجماعه الباقيين ديل قايلنه بوست ساكت جو مره وفاتوا بوشيهم؟

ده نادي ياخوانا..ادعمونا بالحضور...

انا جيت اسه دي داخله..كنت في المظاهرات ضد المدرسه..مرقنا بعد صلاة الجمعه بعد الأمام ما حرشنا..

فالحه يا عليش..موش؟

Post: #109
Title: Re: نادي الزهاجه ..مني خوجلي...عضويه فخريه....
Author: Mohamed Ahmaed Olyesh
Date: 12-01-2007, 08:20 PM
Parent: #105

مني
نادي البهجه ده نظام معارضه ولا شنو؟؟

اخبار الامام الحرشكم شنو؟؟علو طيب ؟
عليش

Post: #165
Title: Re: نادي الزهاجه ..مني خوجلي...عضويه فخريه....
Author: Khalid Saeed
Date: 12-09-2007, 09:25 PM
Parent: #99

زعيم الزهجانين عليش
نائبة الزعيم منى الزهجانة
صورة: مع التحية إلى كل الزهاجة ..
بعد التحية ،
أتقدم إليكم بطلبي هذا وأنا في أقصى حالات الزهج الغير معلومة الأسباب ..
مرفق صورتين من قصار الصور .
وكذلك سيرة ذاتية ودلوكــه وشخصية
الإسم : زهجان باكي فاقد
السكن : زهجـــونة
الهواية: الزهج
الآمنية : نفسي أشوف لي جبهجي زهجان
اللون السياسي : المؤتمر الزهجي التقدمي
حكمة أؤمن بها : زهجــة وتفوت محدش بيموت
أكتر موقف زهجني في حياتي :
مره كنته في عرس وفي واحدة تغني بالدلوكة [ عمار نادوه ليه .. عمار وب عليه ..
الغريبة مافي زول أسمه عمار في الحفلة كلها .. بالله ماحاجة تزهج ] ..
أها في حاجة تاني ..
أحكي ليكم نكـــته :
كان في واحد زهجان زهج شديد .. ماشي في الصحراء ..
فجـــــأة طلح ليهو تمســــــــــاح ..
التمساح قال ليهو عندك معجـــون أسنان ...
الزهجان قال للتمساح لي قايلـــني محـــــامي ..

مع السلامة ..
وده حجري ختيته هنــا .. ولو زول حركه بعــوقــه ..

الأرباب الزهجان

Post: #101
Title: Re: نادي الزهاجه ..مني خوجلي...عضويه فخريه....
Author: د.نبراس
Date: 11-30-2007, 05:05 AM
Parent: #1

احمد خضر ,,
غايتو بهجه ,,
الواحد قدر ما يجي يمعن في الزهج , يطلع ليهو زول ابن حلال زيك كده
يخليهو يستغفر ويفكر يمعن في البهجه تاني ,,
غايتو بهجه ,,
الغريب موقفي من البهجه , وتحولي السريع والمتطرف من اقصى الزهج
لاقصى البهجه ,, والاغرب من كده انو ده موقفي حقيقة ,,
يعني فجأه بتحول من اقصى الزهج لاقصى البهجه خلال يومي , عدة مرات ,,
مش معناها لسا محتاجه لطبيب نفسي ؟؟
وتقول لي نادي البهجه ؟ بالله بهجة شنو ؟؟
غايتو زهجه (هجين الزهج والبهجه) !!
احسن منها الواحد يعمل صندوق براهو ويدفع للخته الاولى ويزوغ !!!
شوفو دايرينو يكون نادي شنو واعملو لي (مسكول) ,,
ولو ما رديت على التلفون اعرفوني بكتب في (مسج) !!
غايتو حاله صعبه ,,,

Post: #102
Title: Re: نادي الزهاجه ..مني خوجلي...عضويه فخريه....
Author: Mohamed Ahmaed Olyesh
Date: 11-30-2007, 11:29 AM
Parent: #101

احسن منها الواحد يعمل صندوق براهو ويدفع للخته الاولى ويزوغ !!!

هههههههههههههههههههههههههههههههههههههههه
والله يا د/نبراس الليله ضحكتيني لما وقعت بي كلامك ده..
شكرا ليك
وبرضو رجعت زهجان
عليش

Post: #104
Title: Re: نادي الزهاجه ..مني خوجلي...عضويه فخريه....
Author: حسين محي الدين
Date: 11-30-2007, 02:04 PM
Parent: #1

عليش
تحية عطرة
وأسمح لي أقدم طلب عضوية
ولو أني كنت ي تلك الشجرة قبل أن تحل عليها اللعنة أقصد (اللجنة)
ويا أسفي على الثقافة عندنا وعلى المثقفين
ويا جماعة حقو تعملو مسجل ومقرر للجنة
خالص الود

Post: #106
Title: Re: نادي الزهاجه ..مني خوجلي...عضويه فخريه....
Author: Mohamed Ahmaed Olyesh
Date: 11-30-2007, 11:22 PM
Parent: #104

ياجماعه هووووووي انا جيت ليكم تاني
بعدين نحن اعضاء بالنادي ده ومن المؤسسين كمان وعندنا اسمنا في السوق وبقينا نادي ليه اعتبارات واي زول داير معانا يعني بالعربي كده الناس زهجانه ومحتاحه لينا...
خلاس...
نحن قررنا انو ندخل كل طلبات الناس عشان ما نفقدهم وبي كده نفتح باب الترشيح لعام 2008
وشكل النادي حايكون كيف؟
البرنامج المصاحب
الجانب الثقافي
لجنه اللجان
لجنه تنظيم الاسرة
لجنه الرياضه
اما انا بقترح وبي شخصي الضعيف
فتح كافتيريا النادي بالاضافه للشيشه (خسوسا بقت موضه للستات اليومين دي )
تاني شي انا حا اكتب ليكم تجربه فريده من نوعها: (تجربه الغربه في امريكا وهلم جررررا)
هي في الحقيق زي ماقلت ليكم طلعت فيلم اجنبي مترجم والبطل ماااات زمااااااان(قاصد امريكا طبعا)
يلا تعالو نحكي الغربه واسباب الزهج
الفي الخليج يخلج لينا
والفي بريطانيا يبرطن لينا برضو (الفرق شن يا جماعه)
وياحسين محي الدين
انت عضو من الليله وممكن تضيف معاك نفرين وطفل لا يتجاوز عمرة 6 شهور عشان تشمله فترة الحضانه بالنادي
عليش

Post: #107
Title: Re: نادي الزهاجه ..مني خوجلي...عضويه فخريه....
Author: Muna Khugali
Date: 12-01-2007, 10:15 AM
Parent: #106

السلام عليكم..

بس!

بريطانيه وببرطم براي!

Post: #108
Title: Re: نادي الزهاجه ..مني خوجلي...عضويه فخريه....
Author: Mohamed Ahmaed Olyesh
Date: 12-01-2007, 12:52 PM
Parent: #107

مني
برطمي يلا
.....
....
....
عليش

بالجد والله انا زهجان من البلد دي لامن بقيت اضحك براي....اركب العربيه اكون ماشي حته القي نفسي مشيت حته ولا في بالي....
اقول امشي اشرب قهوة ..اشتري مناديل ورق وعلبه سجاير واطلع وبعد ما اصل البيت اكتشف انو انا ما بدخن خالس...شفتي يامني
مره لقيت لي علبه الوان قعدت اشخبت ووهمت نفسي باني رسام زي ناس الفاضلابي لاما انتهيت عرفت انو دي ما الوان دي علبه روووووووووووووج ولا شنو ده مازهج بضحك يامني
عليش برضو

Post: #110
Title: Re: نادي الزهاجه ..مني خوجلي...عضويه فخريه....
Author: Mohamed Ahmaed Olyesh
Date: 12-02-2007, 02:51 PM
Parent: #108

مالكم الزهجه فكت ولا شنو الحاصل بي
والحاصل بيك
عليش

Post: #111
Title: Re: نادي الزهاجه ..مني خوجلي...عضويه فخريه....
Author: Mohamed Ahmaed Olyesh
Date: 12-02-2007, 06:48 PM
Parent: #110

الليله البرد بدا ينزل وبي شده
وما اتعس احساسي بالبرد
الناس بيفترو انو البرد فيهو احساس غريب..
احساس بالدفو والطمانينه...
لكن مازلت اخاف البرد ..
ارتاح مع المطر..
والزهجه تكبر وتكبر
يبدو انو الناس رحلت مع احساس جديد
كيف لي ان اجلس وحيدا بهذا النادي ؟
لا اعضاء يبادلوك التحيه ولا يحزنون
لا ادري كيف اترجم لكم احساسي بالمكان
كل ستات الشاي رحلن بحيث لا عودة
الباعه المتجولون كذلك
ماسحو الاحذيه
كلهم رحلوا ولن يعودو
لم يترك اي احدا منك رساله بالبريد
ولكن..!!
سازرع لي وردا وياسمين بالجوانب ليك اشتم العبير
سارقص لوحدي لحن الحياة بدون سيمفونيه تذكر
فالقوس قد انكسر الان
الاشجار ذبلت الي حين اشعار اخر
حتي هنا في الغربه
الاشجار تذبل وتعود بعد فترة لا بالطويله متجددة وتبدا الاخضرار
كنت احسب اننا لن نكون هناك بالميعاد
كنت سعيد والطقس مازال دافئا شتاءا
الدار خلا
والسمحه قالو مرحلا
بعد الفريق اصبح خلا
ممكن كبايه شاي منعنعه يا جواهر؟
لارد
لا صوت
حتي الطير رحل خلاني
ما اتعس الشتاء
ما اتعس الهدوء والزيفه
حتما ساكون متواجدا اكتب لكم واغنيكم كل الحاني
ساعود قريبا
وسافتح المجاري لتسيل المياه جاريه وبجريانها نتطهر من الخطايا
ساعود
(لحظه)
هل اضع المفتاح كما المعتاد للذين يتاخرون في المجيئ؟؟؟
عليش

Post: #112
Title: Re: نادي الزهاجه ..مني خوجلي...عضويه فخريه....
Author: sanaa gaffer
Date: 12-02-2007, 07:07 PM
Parent: #1

Quote: والزهجه تكبر وتكبر
يبدو انو الناس رحلت مع احساس جديد
كيف لي ان اجلس وحيدا بهذا النادي ؟

عليش ...

انا من شدة الزهج ...

كضمت ...

اتدمدمت ... وقبلت الحيطة ...

Post: #114
Title: Re: نادي الزهاجه ..مني خوجلي...عضويه فخريه....
Author: قاسم المهداوى
Date: 12-02-2007, 07:55 PM
Parent: #112

واينما نكون يشرق السودان)
شعار مركز الثقافات السودانية بالقاهرة سابقا
طبعا يا عليش الاصح هى اينما نكون نسرق السودان
او نسرق باسم السودان .... ولا كــــــــيف !!!!

قاسم المهداوى

Post: #115
Title: Re: نادي الزهاجه ..مني خوجلي...عضويه فخريه....
Author: Mohamed Ahmaed Olyesh
Date: 12-02-2007, 08:04 PM
Parent: #112

قا
سنا
كل الالوان اصبحت لون واحد ...كيف؟لا ادري!!
ليست من الزهج والاحباط فحسب...وانما من كل ما تشاهده عينينك يوميا في هذه الكرة الارضيه..
زهجت وزهجت حتي تجاوزت المدي المعقول لمعني الزهج
قد تجدين يا سناء من يخفف عليك حينا
ولكن هل ستجدين من يشاركك زهجك ويقودك الي بر الامان ؟
قاسم
كلهم كذلك
اخذو كل شيئ ولم يعطونا حتي الان..اوصافهم كما ذكرت
يظنون انا لا تعي بما يفعلون مطلقا
ولكنا ....اجمل منهم...اروع منهم....بصدق.
كن صادقا تري الوجود صادقا وباسما
سنا
وين البحر؟
وين الخليج وحكاويك الخليجيه؟
مازلت بالنادي انتظر عودة الاصدقاء....
عليش

Post: #120
Title: Re: نادي الزهاجه ..مني خوجلي...عضويه فخريه....
Author: Mohamed Ahmaed Olyesh
Date: 12-03-2007, 12:05 PM
Parent: #112

انا من شدة الزهج ...

كضمت ...

اتدمدمت ... وقبلت الحيطة
اها وبعدين؟
عليش

Post: #116
Title: Re: نادي الزهاجه ..مني خوجلي...عضويه فخريه....
Author: sanaa gaffer
Date: 12-02-2007, 09:08 PM
Parent: #1

Quote: سنا
وين البحر؟

تصدق يا عليش قبيل كنت في البحر ...

لكن البحر ما كان حقي ... ملان ناس وضجيج والوان ...

الليلة يصادف الذكرى 36 للعيد الوطني لدولة الامارات ...

دنيا وعالمين هايصين ولايصين ...

حسيت بحزن اناني ... حسيت بانو مكاني اتلوث بالضوضاء وما بيصلح للمسامرة ...

مش قلت ليك من الاول الزهج ما بيحب الرفقة ؟؟؟ الزهج احساس متوحد ... يتفاقم وسط الزحام ...

ويسعد مساك ...

Post: #118
Title: Re: نادي الزهاجه ..مني خوجلي...عضويه فخريه....
Author: Mohamed Ahmaed Olyesh
Date: 12-03-2007, 04:51 AM
Parent: #116

Quote:
حسيت بحزن اناني ... حسيت بانو مكاني اتلوث بالضوضاء وما بيصلح للمسامرة ...

مش قلت ليك من الاول الزهج ما بيحب الرفقة ؟؟؟ الزهج احساس متوحد ... يتفاقم وسط الزحام ...

سناء
مالم يكن يتوقع ..
من اين اتو االناس؟؟ده عيد وطني ولا مهرجان سباحه؟؟ البجيب الناس ديل شنو في البحر؟حتي الوحده شاركوك فيها؟والله البحر مسكين شايل هموم البشر كلها
انا جيت دابي من الشغل
برجع ليك واوريك الشغل البزهج
يلا نزهج جميعنا بدون فرز
عليش

Post: #117
Title: Re: نادي الزهاجه ..مني خوجلي...عضويه فخريه....
Author: د.نبراس
Date: 12-03-2007, 03:07 AM
Parent: #1

عليش ,, وباقي الاعضاء الزهجانين ,,
عدنا ,,
محملين ومثقلين بالزهج والخواء ,,
رغم اني كنت بفتكر الزهج ده شعور صحي ,,
لان المعاناه تولد الابداع , والزهج ده واحد
من انواع المعاناه المفترض تولد ابداع ,,
تفتكروا نوع الابداع ممكن يكون شنو المتوقع من زول زهجان ؟؟

انا بقول :
ممكن يرسم او يشخبط اي شكل ,,
او يكتب يوصف شعورو ويشبه زهجتو بأي حاجه ,,
او يجرب يدندن بلحن محبب لنفسو ,, حتى لو كان صوتو شين ,,

وحبذا لو سمعنا اي مقترحات عشان نوظف زهجنا صح ,,
لان اي حاجه جربناها ما جابت نتيجه !!

غايتو زهج ,,

Post: #119
Title: Re: نادي الزهاجه ..مني خوجلي...عضويه فخريه....
Author: Mohamed Ahmaed Olyesh
Date: 12-03-2007, 04:55 AM
Parent: #117

Quote: لان اي حاجه جربناها ما جابت نتيجه

د/نبراس
جربت طلوع راس البيت؟؟؟
برجع ليك بي زهجه ابو كديس
عليش

Post: #121
Title: Re: نادي الزهاجه ..مني خوجلي...عضويه فخريه....
Author: Mohamed Ahmaed Olyesh
Date: 12-03-2007, 08:44 PM
Parent: #119

اقتراااااح
قررنا نحن بانشاء موقع خاص بالزهج تحت اسم
www.sudanese-nervus-clube

Post: #122
Title: Re: نادي الزهاجه ..مني خوجلي...عضويه فخريه....
Author: محمد سنى دفع الله
Date: 12-03-2007, 09:06 PM
Parent: #121

كل ما أجي القى النادي مقفل
هسي الزهجة دي افكها وين ؟؟

انعل ابو الزهج زاتووووو

Post: #127
Title: Re: نادي الزهاجه ..مني خوجلي...عضويه فخريه....
Author: Mohamed Ahmaed Olyesh
Date: 12-04-2007, 05:40 AM
Parent: #122

السني
اوعك تقول زهجان
انا طيب اعمل شنو؟
لي تلاته شهور داير امثل نص امثا مسرحيه من فصل واحد او من قصلين اوفصل ومكتب وبرنده اعمل شنو يا ناس؟؟
كلما اشوف لي زول قدامي اتخيل انو ده بخزنو في الذاكرة عشان بحتاج لي شخصيه زيو بالضبط
اشوف لي شحات ادقق في طريقه الشحته والتفاصيل عشان برضو ستانسلافسكي
والله عمانا فينا الروسي ده ومات خلانا لسه في التغمص المسرحي
تقول لي شنو؟
قال يفكها قال!!
منتظرك والله وراك وراك يالسني
ممثل في محطه الانتظار
عليش

Post: #123
Title: Re: نادي الزهاجه ..مني خوجلي...عضويه فخريه....
Author: رأفت ميلاد
Date: 12-03-2007, 09:09 PM
Parent: #121

يا جماعة داخل بالعرض

نحن فى ديسمبر .. شهر الفواتير

التأمينات بأنواعها كوم وتأمين العربية كوم

وصل التأمين (2) + ضريبة الأرض + ضريبة الخط السريع + تأمين أعطال الطريق (محلى براه ودولى براه) = تمن عربية

وصلتنى معاها رسالة من البوليس للفحص . بما أنه العربية مكعكعة (فى بلادنا فارهة) تقييم الصيانة قبل الفحص = تمن عربية تانية

قررت بيعها لم أجد مشترى .. قررت منحها لجماعة التصدير (سوريين ولبنانيين يصدروا تشاد ) رفضوها مجانآ لأنها أتماتيك .

ما على إلا "جدعها" فى القمامة وأدفع رسوم .

هل عضويتى مفبولة ولا أحتاج تزكية ??????

Post: #124
Title: Re: نادي الزهاجه ..مني خوجلي...عضويه فخريه....
Author: Muna Khugali
Date: 12-03-2007, 09:20 PM
Parent: #123

تعالوا نعمل عصابه..والمسدسات علي رأفت!

مني في حالة قرف شديد!

Post: #129
Title: Re: نادي الزهاجه ..مني خوجلي...عضويه فخريه....
Author: Mohamed Ahmaed Olyesh
Date: 12-04-2007, 05:51 AM
Parent: #123

رافت

جبت المسدسات القالتها مني؟
بجيك بي روااااقه
عليش

انت لسه مابقيت عضو؟؟ بي حالتك دي بنسجلك بدون عوايد ورسوم عتب ودمغة جريح كيف معاك؟؟

Post: #125
Title: Re: نادي الزهاجه ..مني خوجلي...عضويه فخريه....
Author: Mohamed Ahmaed Olyesh
Date: 12-03-2007, 10:08 PM
Parent: #1

مني
اكيد انا ما رافت؟؟

ازهج منك دوسو (مثل شبه صيني)

عليش

Post: #126
Title: Re: نادي الزهاجه ..مني خوجلي...عضويه فخريه....
Author: سلمى الشيخ سلامة
Date: 12-04-2007, 00:33 AM
Parent: #125

يا عليش
عارف ازهج زول منو ؟
قسم نصر
ياخ دا ازهجن زول فى الدنيا
قاعد فى السويد ومن شدة الزهج بعمل التمباك براهو
قبيل قام ضرب لى عشان يقول لى مبروك على عزة
اها جات سيرة الكورة طبعا هو مريخابى لمن عنده علم
قال لى شفت الاقوان التلاته
ماعرفت امشى وين ؟
رسمت
ونضفت البيت
وقربت امشى اشرب من البحر
طبعا زهجان من الغلب بتاع الهلال للمريخ
تلاته
عليك الله ما بزهج
مرة قال كان الهلال برضو غالب المريخ وكان هو فى السودان
قال لى بعد ما طلعت من الاستاد ماعرفت امشى وين ؟
مشيت البحر
قاعد قدام البحر عطشت
قمت شربت
قلت هى يعنى الغلب ما عاجبنى قدر كده؟
شفت الزهجة دى كيف
طبعا قاسم دا انت ما حضرتو فى المعهد
اجمل زول فى العالم
وشدة ما زهج لمن حول من الموسيقى للرسم التشكيلى وبقى هسى برسم فى اكبر المجلات فى السويد
قال لى يوم مقداد شيخ الدين قال ليهو ادينا سفة
قام لف السفة كده وقال لقاسم
ـ انت عارف لو ما التمباك دا كان الواحدمات من الجوع
شفت ليك زهجة زى دى ؟

Post: #128
Title: Re: نادي الزهاجه ..مني خوجلي...عضويه فخريه....
Author: Mohamed Ahmaed Olyesh
Date: 12-04-2007, 05:49 AM
Parent: #126

سلمي
المعهد هسه بقي روضه وده البزهج اكتر
برجع ليك

عزوز كيفنها؟؟

عليش

Post: #130
Title: Re: نادي الزهاجه ..مني خوجلي...عضويه فخريه....
Author: Mohamed Ahmaed Olyesh
Date: 12-04-2007, 05:53 AM
Parent: #128

..................................

...........................

Post: #131
Title: Re: نادي الزهاجه ..مني خوجلي...عضويه فخريه....
Author: Mohamed Ahmaed Olyesh
Date: 12-04-2007, 11:01 PM
Parent: #1

لي ساعه بفتش في البوست
دي حاله دي؟
ازهج وين انا تاني لو البوست مالقيتو؟
عليش

Post: #132
Title: Re: نادي الزهاجه ..مني خوجلي...عضويه فخريه....
Author: Mohamed Ahmaed Olyesh
Date: 12-05-2007, 10:21 PM
Parent: #131

بالمناسبه
فتحت كل المواقع الموجوده في الصفحه الرئيسيه
مواقع الزواج
موقع زيادة الطول
قريت البوستات كلها
موقع الوظايف في دبي
الوسترن يونين
موقع التعارف
اللوتري
قدمت للوتري وانا مقيم في امريكا دي
قريت العنوان الجديد لجريدة الراي العام
كتبت الشعر
زعلت من السني دفع الله
اتذكرت مسرحيه انتظار جودو
رجعت سنين ورا ايام المعهد
قريت الردود في البوست كلها
شربت الشيشه
مازلت اكتب ليكم افتقدكم في تمام الزهجه حسب التوقيت المحلي
السنه الجديده جاتكم جاريه
ياناااااس الحله هوي
اتخيلت البحر بتاع سناء جعفر الماشفناهو ده
كتبت مذكرة لكل اعضاء نادي الزهاجه
(حضرت ولم اجدكم)
وبعدين؟؟
عليش

Post: #133
Title: Re: نادي الزهاجه ..مني خوجلي...عضويه فخريه....
Author: Mohamed Ahmaed Olyesh
Date: 12-05-2007, 10:44 PM
Parent: #132

الحوار ده تم بيني وبين محمد السني هذا الفنان الجميل ودايما مادي يدو للفرح

بنحب من بلدنا مابرة البلد ..سودانيه تهوي عاشق ودبلد says:
تجلس المراه في الصاله بعد هاء العرض بالمسرح وبعد تحيه الجمهور وتبدا في الاستذكار وتسرح تدخل الخشبه وتتفقد الديكور هي مشاهده عاديه تجب المسرح والعرض كان مسرحيه هاملت وتبدا باستخدام ازياء الممثلين وتقول:هسه انا مابمثل احسن من الممثلين ديل لكن الظروف منعتني التمثيل
بنحب من بلدنا مابرة البلد ..سودانيه تهوي عاشق ودبلد says:
بدايه العرض
mohamedalsonni says:
hالقصة بقت ليها علاقة بالمسرح وبيك انت بالذات يعني الحكاية زي ماتقول حكايتك ياعليش من ماقررت تهاجر الى يوم تفكيرك في الرجوع للأجازة
بنحب من بلدنا مابرة البلد ..سودانيه تهوي عاشق ودبلد says:
جميل
mohamedalsonni says:
عارف حكاية مربوطةبي الجوابات البتصلك والهدايا الشايلة للناس وعلاقتك بالجدة والأهل القراب والبعاد
mohamedalsonni says:
والحبيبة المثال والبعيدة المنال والحلم والطموح
بنحب من بلدنا مابرة البلد ..سودانيه تهوي عاشق ودبلد says:
الحبيبه البعيده تشتهيها...وحينما تكون لديك تمل...اهكذا هي الحياة شمس وظل؟؟
بنحب من بلدنا مابرة البلد ..سودانيه تهوي عاشق ودبلد says:
الحب حسب التوقيت المحلي
بنحب من بلدنا مابرة البلد ..سودانيه تهوي عاشق ودبلد says:
الحب قبل الاستقلال كان جنس حب؟
بنحب من بلدنا مابرة البلد ..سودانيه تهوي عاشق ودبلد says:
حب احمر ومفرهد وناصيه
mohamedalsonni says:
حكايتك مع التمثيل القربت تنساه والحنين الطاغي جواك وما جايب ليه خبر والتحولات الخايف منها تشيل اجمل حاجة جواك بالمناسبة لقيت ليك مداخلة في بوست نادي الزهاجة فيها شجن عجيب
بنحب من بلدنا مابرة البلد ..سودانيه تهوي عاشق ودبلد says:
كتبتها هسه والله
بنحب من بلدنا مابرة البلد ..سودانيه تهوي عاشق ودبلد says:
تعرف يالسن الغربه دي ماعمارات ودولارات
بنحب من بلدنا مابرة البلد ..سودانيه تهوي عاشق ودبلد says:
الغربه دي زي الشبشب الجديد كلما تلبسو ويقدم يكون قوي وملمسو مريح
mohamedalsonni says:
الغربةتعلمك كيف تصاحب جد وكيف تعرف الناس الحقيقية والناس الزايفة والناس النص نص
بنحب من بلدنا مابرة البلد ..سودانيه تهوي عاشق ودبلد says:
مريح حد ينسيك الشباشب العندك
بنحب من بلدنا مابرة البلد ..سودانيه تهوي عاشق ودبلد says:
انا خايف انسي
بنحب من بلدنا مابرة البلد ..سودانيه تهوي عاشق ودبلد says:
خايف الذاكرة تتملي بما لا اريد
بنحب من بلدنا مابرة البلد ..سودانيه تهوي عاشق ودبلد says:
وسعه الذاكرة محدوده تتجدد كلما تدخل عليها اضافه جديدة وتجربه جديده
mohamedalsonni says:
ارجوك انقل الكلام البنكتب فيهو ده برة في اقرب ورقة
بنحب من بلدنا مابرة البلد ..سودانيه تهوي عاشق ودبلد says:
حفظتو
بنحب من بلدنا مابرة البلد ..سودانيه تهوي عاشق ودبلد says:
كنت بتمني اشوف الشيخ البرعي وامشي الزريبه لانو بحب المديح
بنحب من بلدنا مابرة البلد ..سودانيه تهوي عاشق ودبلد says:
كمان تعرف المحيرني في البلاد الاجنبيه دي؟
بنحب من بلدنا مابرة البلد ..سودانيه تهوي عاشق ودبلد says:
انو الناس بتلاقيك مبتسمه دايما
بنحب من بلدنا مابرة البلد ..سودانيه تهوي عاشق ودبلد says:
ابتسامه باهته لكن احسن من عدمها
mohamedalsonni says:
اديك العافية ما تتخيل انا سعيد قدر شنو بالتجربة دي اتمنى بعد تصلك نتبادل الكتابة لانو النوع ده من العروض التداعي فيهو امر حيوي وضروري
بنحب من بلدنا مابرة البلد ..سودانيه تهوي عاشق ودبلد says:
لما تمشي الشغل البلاقيك كلو مبتسم هو علي العموم احسن من صرة الوش
بنحب من بلدنا مابرة البلد ..سودانيه تهوي عاشق ودبلد says:
عارف انا حانزل الحوار ده في البوست عشان يكون ممتع اكتر والناس تقارهو معانا
بنحب من بلدنا مابرة البلد ..سودانيه تهوي عاشق ودبلد says:
رايك شنو؟
mohamedalsonni says:
بالمناسبة انا مشيت للبرعي ابوي وشيخي وكنت من ايام مصر بتمنى امشي ليهو وفعلا في ايام عروض لمسرحية المدرسة المختلطة في الأبيض قدرت وصلتو وكانت حكاية سوف احكيها ليك في وقت تاني

Post: #134
Title: Re: نادي الزهاجه ..مني خوجلي...عضويه فخريه....
Author: Mohamed Ahmaed Olyesh
Date: 12-05-2007, 10:47 PM
Parent: #133

الفنان دايما ليهو مثال ونموذج لي شوفو للجمال لمن نكون في الغربة بكون عندك حشا كبير بقران ودايما قلبك بيوجعك ليه بلدنا ما تكون كده سؤال فلسفي والإجابة ليهو (...)

Post: #135
Title: Re: نادي الزهاجه ..مني خوجلي...عضويه فخريه....
Author: Muna Khugali
Date: 12-06-2007, 00:43 AM
Parent: #134

انت اكتب في فنك وانا خليني أكتب في زهجي..

اسه عليك الله الخرفان العويره دي..
مالقت تمرض الا قبل العيد الكبير؟؟

حتي الحيوانات اتعلمت توقت غتاتها!

Post: #136
Title: Re: نادي الزهاجه ..مني خوجلي...عضويه فخريه....
Author: Mohamed Ahmaed Olyesh
Date: 12-06-2007, 06:02 AM
Parent: #135

Quote: مالقت تمرض الا قبل العيد الكبير؟؟

انت عارفه يامني الخرفان دي اخير ليهاالمرضت عشان اهلنا يلقو سبب كفي لعدم الضحيه وسبب مقنع
موش احسن من الفلس
زمان لما العيد يقرب الناس بتدسه
هسه تعالي شوفي البوبار

البقول ليك: والله كنت ناوي السنه دي اضحي بي خروفين لكن نسوي شنو؟
والبغلق ليك: انت عارف الخرفان دي خاافت ساي وعملت اضراب بي قصه الحمي دي
والبقول لي جارو: الخروف الجاي انا بجيب عيد كبير وسمين
والجارات بالحيطه:وب علي من السسنه دي ام فت فت ماف؟؟الله يجازي محنك ياخرفان الزمن ده
ونحن البرة البلد:اسمع ياحاج كنت داير ارسل ليكم قروش الضحيه لكن طالما كده كده في مرض برسل ليكم بعد الضحيه
وهوانم قاردن سيتي: نحن دادي قال حا شيب خروفين كبار وحا يوديهم لي الدكتور يفحصم قبل الضبح ...حاتشو تفطرو معانا؟
بجيك يامني وشايل مرارتي في يدي
عليش

Post: #137
Title: Re: نادي الزهاجه ..مني خوجلي...عضويه فخريه....
Author: العوض المسلمي
Date: 12-06-2007, 03:01 PM
Parent: #1

ناديكم ده صعب الانضمام اليه وبصراحه نادي كله زهجانين انا ما بنضم اليه

يعني فوق

Post: #138
Title: Re: نادي الزهاجه ..مني خوجلي...عضويه فخريه....
Author: Muna Khugali
Date: 12-06-2007, 04:25 PM
Parent: #137

Post: #139
Title: Re: نادي الزهاجه ..مني خوجلي...عضويه فخريه....
Author: Mohamed Ahmaed Olyesh
Date: 12-06-2007, 09:55 PM
Parent: #138

المسلمي
اكان ما زهجان ابقي شاهد عيان ساكت لو زول حصل ليهو شي من الزهج ده ابقي بلغ واتصل لمن يهمهم الامر

اللهم بلغت فاشهد
عليش

Post: #148
Title: Re: نادي الزهاجه ..مني خوجلي...عضويه فخريه....
Author: العوض المسلمي
Date: 12-07-2007, 02:33 PM
Parent: #139

يا عليش
انا جاهز للاسعاف
ولكن يوم واحد مالقيت واحد زهجان مات
كلهم زهجانين ومبسوطين
كيف
انا ما عارف
الظاهر انه الزهج حاجه كويسه
خليتونا نفكر فيه
الله يستر عليكم
اذا انا خشيت
البكلم من يهمهم الامر منو
دي المشكله

العوض

Post: #151
Title: Re: نادي الزهاجه ..مني خوجلي...عضويه فخريه....
Author: Mohamed Ahmaed Olyesh
Date: 12-07-2007, 10:55 PM
Parent: #148

Quote: خليتونا نفكر فيه

هو انت لسه بتفكر؟؟
الناس في النادي ده متطورة خالص وكلو يوم ماشه لي قدام ده ان دل انما يدل علي التطور الزايد وبرضو من شعارنا انو نعمل علي تطوير افكار النادي وتطوير ادء الاعضاء لاستيعابهم فكرة كيف يعبر عن زهجم بطريقه مختلفه مش زيهم وزي اي زول عادي ممكن يزهج ويفكها بي سفه او سجارة او .....
الزهج ده يا العوض مولود معانا بدليل انو الانسان لما يتولد بصرخ صرختين وده بتمثل في الصورة المنزلاها العضو مني خوجلي وده من اميز الصور عندنا في النادي.
بعدين زمان (اي في تعريفنا للزهج ببدايه البوست ) قسمنا نحن المذكورين اعلاه الزهج الي الوان مش انواع فزي زهجك ده لونو مبتسم ومنفجر في نفس الوكت (لون سيريازهجي) وده نحن بنشوفو عادي لكن لا ..وحسب تحليل زهجكوف ده بتمرحل بي هدوء اغايه ما يلصق في الهدوم (كدي شوف قميصك لو في لون ما ياهو تكون الحاله بدت )وممكن نرحب بيك من اوسع ابواب النادي وبطاقتك تستلمها من مني علي طول
ع/ المفوضيه الساميه لنادي الزهاجه 2020
عليش

Post: #140
Title: Re: نادي الزهاجه ..مني خوجلي...عضويه فخريه....
Author: Mohamed Ahmaed Olyesh
Date: 12-06-2007, 10:03 PM
Parent: #138

مني خوجلي
الصورة دي كان بتحلك انا زاتي بنزل ليك صورة

وين د- نبراس
سناء جعفر
الناس الزهجانه
عليش

Post: #141
Title: Re: نادي الزهاجه ..مني خوجلي...عضويه فخريه....
Author: Muna Khugali
Date: 12-06-2007, 11:17 PM
Parent: #140

Quote: مني خوجلي
الصورة دي كان بتحلك انا زاتي بنزل ليك صورة

كويس لكن عندي شرط..ممكن؟

لوفاتح خشمه وبيصرخ لازم سنونه ماتكون مسوسه..سمح؟؟

Post: #142
Title: Re: نادي الزهاجه ..مني خوجلي...عضويه فخريه....
Author: عبد العظيم احمد
Date: 12-06-2007, 11:45 PM
Parent: #141

سلام يامني انا نفسي يوم ازهج عشان اعرف بس كيف يكون الزهج...

المرض ح يطول...

Quote: انت اكتب في فنك وانا خليني أكتب في زهجي..

اسه عليك الله الخرفان العويره دي..
مالقت تمرض الا قبل العيد الكبير؟؟

حتي الحيوانات اتعلمت توقت غتاتها

مرض حامد ...اعراضو الاولية حالة زهج

مرض حامد ولا مرض الخرفان...
علي فكرة مراتي حبيبتي بتقرأ الكلام ده...لها تحياتي من علي البعد..في قاهرة المعز

عبد العظيم

Post: #146
Title: Re: نادي الزهاجه ..مني خوجلي...عضويه فخريه....
Author: Mohamed Ahmaed Olyesh
Date: 12-07-2007, 11:55 AM
Parent: #141

هووووووووووي يامني
شكلك قاصداني عديل كدي بالسنون مسوسه ومكسره دي
دايرة تعقدينا ولا شنو ما كفايه زهجتنا دي

تخريمات
طبعا زي الواحد فاقد ليهو سن قدام وكده اششششششش (غير قابل للنشر يامني الخبر ده)مع انو كلمت اربعه فقط بالمنبر
عليش

Post: #147
Title: Re: نادي الزهاجه ..مني خوجلي...عضويه فخريه....
Author: العوض المسلمي
Date: 12-07-2007, 01:35 PM
Parent: #138

مني
لكي تحيه
الصورة دي صعبه شوية علي
وناديكم ده زي ما قلت صعب علي
انا فووووووووووووووووق

Post: #170
Title: Re: نادي الزهاجه ..مني خوجلي...عضويه فخريه....
Author: Muna Khugali
Date: 12-10-2007, 01:52 AM
Parent: #137

مرحب بك عوض المسلمي في نادي الزهاجه..

ماعندنا لا اكل لا حاجه يشربوها..حقه تاني لما تجي تجيب لينا حاجه معاك..
وانا ماعارفه الناس الفنانين مع عليش ديل ليه بطلوا يحكوا لينا قصصهم!

Post: #143
Title: Re: نادي الزهاجه ..مني خوجلي...عضويه فخريه....
Author: د.نبراس
Date: 12-07-2007, 02:57 AM
Parent: #1

عدنا تااااااني للزهج ,,
عليش ,, ايا صديق الزهج ,,
وباقي الزهاجى المبتهجين ,,
متابعه معاكم في صمت , اصلو الزهج مراحل وانا بعيشو بكل مراحلو ,,
وقربت استمتع بيهو ,,
وانا هسا في مرحلة الزهج الصامت , حيث لا تحرك ساكنا ,,
يرموني في نص البحر ,, مااااااا مشكله ,,
وما يجيبوا لي الناس خبر ,, ماااااااا مشكله ,,

وطبعا لما تصل مرحلة ال(ماااااااامشكله) دي , بتكون بقيت احلى زول !!!
الخرفان تطلع عويره ,, ماااااااامشكله ,,
وبركه الجات من الخرفان ,, ماااااااا مشكله ,,
وانشالله نبقى نباتيين زاتو ,, ماااااااامشكله ,,

المشكله في الحرامي السرق الساوند من الحفله والحفله شغاله ؟؟؟
سرقو كيف ؟؟؟
غايتو الحرامي ,,,

Post: #145
Title: Re: نادي الزهاجه ..مني خوجلي...عضويه فخريه....
Author: Mohamed Ahmaed Olyesh
Date: 12-07-2007, 11:49 AM
Parent: #143

Quote: المشكله في الحرامي السرق الساوند من الحفله والحفله شغاله ؟؟؟
سرقو كيف ؟؟؟
[/QUOT
مااااااااااااامشكله

عليش
برجع
ماتخريمه ولا حاجه:
______________________
انت مكانك وين من العالم دي؟

Post: #144
Title: Re: نادي الزهاجه ..مني خوجلي...عضويه فخريه....
Author: على عمر على
Date: 12-07-2007, 04:51 AM
Parent: #1

السلآلآلآلآلآلآلآلآلآلآلآم عليكن ورحمة الله وبركاتو

Post: #149
Title: Re: نادي الزهاجه ..مني خوجلي...عضويه فخريه....
Author: sanaa gaffer
Date: 12-07-2007, 06:23 PM
Parent: #1

Quote: اللوتري
قدمت للوتري وانا مقيم في امريكا دي

اها يا عليش عشان اوريك الزهج وصل بي وين .. السنة دي حردت تقديم اللوتري !!!!

حلفت ايمان مغلظة اني اللوتري دي لو جاتني بيجاي ماني مقدمة ليها ...

صديقتي في آخر يوم للتقديم تشيل وتضرب في التلفونات .. وما عندها غير جملة واحدة ... سناء ما تنسي تقدمي الليلة آخر يوم !!! ..

لكن ابيت اكسر حلفي .. وامريكا تطير عيشتها ... زهج ساكت ما دايراها ...

سؤال : مافي حريم في الاون لاين دة زهجانين غيرنا انا ومني ونبراس ؟؟!! ...

Post: #150
Title: Re: نادي الزهاجه ..مني خوجلي...عضويه فخريه....
Author: Mohamed Ahmaed Olyesh
Date: 12-07-2007, 10:15 PM
Parent: #149

والله يا سناء ضحكتيني الليله وعازمك قهوة علي الريحه

قدمي عشان تعلرفي قصة امريكا دي

طلعت فيلم ببببااااااااااااااااااااااااااايخ وما مترجم كمان
عليش

Post: #152
Title: Re: نادي الزهاجه ..مني خوجلي...عضويه فخريه....
Author: Mohamed Ahmaed Olyesh
Date: 12-08-2007, 05:47 AM
Parent: #150

وكمان رحل الصديق بشار الكتبي

اللهم لا اعتراض في حكمك يا الله

من هنا امكن اقدر ابوح بالمي الخاص

لك الرحمه

Post: #153
Title: Re: نادي الزهاجه ..مني خوجلي...عضويه فخريه....
Author: Mohamed Ahmaed Olyesh
Date: 12-08-2007, 02:12 PM
Parent: #152

Mohamed Ahmaed Olyesh
سلمى الشيخ سلامة
محمد سنى دفع الله
Siham Elmugammar
Muna Khugali
عبدالله شمس الدين مصطفى
sanaa gaffer
Ahmed musa
حافظ العشا
عمرو كمال ابراهيم
عبد المنعم ابراهيم الحاج
معتصم ود الجمام
عثمان حسن الزبير
fadlabi
سليمان عبد الغني
د.نبراس
قاسم المهداوى
Amiral
ahmed khidir
حسين محي الدين
رأفت ميلاد
العوض المسلمي
عبد العظيم احمد
على عمر على

واخيــــــــــــرا بهديكم كل الامنيات الجميلات بحلول عيد الاضحي المبارك وعلي المذكورين اعلاه وبدون فرز التبرع بجلود الاضحيه وذلك لاكتمال بناء النادي
واحتسبوها...
كل عام وانت جميعا بالف خير
عليش

Post: #154
Title: Re: نادي الزهاجه ..مني خوجلي...عضويه فخريه....
Author: Muna Khugali
Date: 12-08-2007, 02:54 PM
Parent: #153

البقول ليك: والله كنت ناوي السنه دي اضحي بي خروفين لكن نسوي شنو؟
والبغلق ليك: انت عارف الخرفان دي خاافت ساي وعملت اضراب بي قصه الحمي دي
والبقول لي جارو: الخروف الجاي انا بجيب عيد كبير وسمين
والجارات بالحيطه:وب علي من السسنه دي ام فت فت ماف؟؟الله يجازي محنك ياخرفان الزمن ده
ونحن البرة البلد:اسمع ياحاج كنت داير ارسل ليكم قروش الضحيه لكن طالما كده كده في مرض برسل ليكم بعد الضحيه
وهوانم قاردن سيتي: نحن دادي قال حا شيب خروفين كبار وحا يوديهم لي الدكتور يفحصم قبل الضبح ...حاتشو تفطرو معانا؟
بجيك يامني وشايل مرارتي في يدي
عليش

.....................

وفي الجماعه الكضابين ديلك..مفلسين وعاملين فيها ضابحين بالكضب..يمشوا يشتروا جلد وراس من أي جزار ويقولوا ليه عليك الله بالمره جيب لينا كباية دم..نكبها قدام الباب..
يعلقوا الراس والجلد في خشم الباب ..نوع ده خروفنا الضبحناه...
لكن هم في الحقيقه ضابحين غنمايه صغيره بالدس جوه البيت..

ويللا التانيين برضه يعلقوا الراس والجلد..
وبعدين يقولوا كده...

بعد ما ضبحنا..قلنا نضمن كيف الخروف التعيس ده ماكان عنده المرض؟؟
نحنا صحيح اشتريناه مخصوص أغلي من الخرفان التانيه لأنه قالوا خرفان نضيفه..لكن برضه مابيمنع
العدوي الأيام دي يا لطيف..تجيك من وين ماتعرف!
قمنا كدي ياولاد امي بعد ضبحناه..شلنا لحمته أعدمناها..علشان كده فطورنا الليله فول!

Post: #155
Title: Re: نادي الزهاجه ..مني خوجلي...عضويه فخريه....
Author: Mohamed Ahmaed Olyesh
Date: 12-08-2007, 03:08 PM
Parent: #154

يكــــــــــــــون الخفان دي ضربها ليك (الهكري) هكر البهايم ولا شنو

مني عساك بخير

عليش

Post: #156
Title: Re: نادي الزهاجه ..مني خوجلي...عضويه فخريه....
Author: Mohamed Ahmaed Olyesh
Date: 12-08-2007, 07:31 PM
Parent: #155

زهجة الموسم

جايكم احكي
عليش

Post: #157
Title: Re: نادي الزهاجه ..مني خوجلي...عضويه فخريه....
Author: عبد العظيم احمد
Date: 12-08-2007, 07:33 PM
Parent: #156

سيدة السودان الاولي..ست المقام العالي....

Post: #158
Title: Re: نادي الزهاجه ..مني خوجلي...عضويه فخريه....
Author: Muna Khugali
Date: 12-09-2007, 02:32 AM
Parent: #157

انت فعلا زهجان يا عبد العظيم..
وعايز تفش زهجك فينا!
يللا..جات عليك يعني؟!

Post: #159
Title: Re: نادي الزهاجه ..مني خوجلي...عضويه فخريه....
Author: Mohamed Ahmaed Olyesh
Date: 12-09-2007, 06:50 PM
Parent: #158

الليله الاحد وبكرة الشغل
تاني بدايه اسبوع جديد
هو في الاصل لا جديد فالاسبوع اسبوع
والايام نفسها
تعالو نعيد ترتيب الاسبوع من جديد ونبقي زي الحبش لسه هم في سنة 1999
حسب توقيتهم الخاص
بدون وقفه واعادة للايام والاسماء
كان الليله الاحد الاسبوع الجاي ما يكون الاحد
نسلسلو كدا لحدي ما يكرهنا او نخليها ونمشي بهدوء
عليش

Post: #164
Title: Re: نادي الزهاجه ..مني خوجلي...عضويه فخريه....
Author: عبد العظيم احمد
Date: 12-09-2007, 08:16 PM
Parent: #158

Quote: انت فعلا زهجان يا عبد العظيم..
وعايز تفش زهجك فينا!
يللا..جات عليك يعني؟!

بت خوجلي.... الزومة ضايقي

والله انا قلت افرق ليك زهجك...

حلوة صاح

مسـألة تفريق الزهج....

Post: #162
Title: Re: نادي الزهاجه ..مني خوجلي...عضويه فخريه....
Author: خضر حسين خليل
Date: 12-09-2007, 07:47 PM
Parent: #1

ياعليش ياخ أنا عايز معاكم

والله أخوك سيدنا (زهج) عديل

مني خوجلي ممكن تثني الطلب دة ؟

Post: #169
Title: Re: نادي الزهاجه ..مني خوجلي...عضويه فخريه....
Author: Muna Khugali
Date: 12-09-2007, 10:42 PM
Parent: #162

خضر انت ما محتاج تزكيه..
انت ليك 3 سنوات وانا مراقبه..
زهجان بدون توقف..
مرحب بك..

Post: #175
Title: Re: نادي الزهاجه ..مني خوجلي...عضويه فخريه....
Author: Mohamed Ahmaed Olyesh
Date: 12-10-2007, 09:50 PM
Parent: #162

Quote: ياعليش ياخ أنا عايز معاكم

والله أخوك سيدنا (زهج) عديل

مني خوجلي ممكن تثني الطلب دة ؟

نحن زاتنا عايزين معاك لكن!!!!
قبل ماتزكيك مني خوجلي كلمني حاول حس بي انت الزهجه دي طويلة المدي ولا زهجه يومين وبتفك ...لانو نحن هنا محتاجين لي نوع الزهجه المابتخليك ديك...
انا غايتو قبلت العضويه لكن نستشير الاعضاء المعانا وما بجو
السني دفع الله
سناء جعفر
د/نبراس
وكان ردوا لينا سريع ابقي مارق ساكت وحضر نفسك لي صرة الوش (قصدي المعاينه)
عليش

Post: #181
Title: Re: نادي الزهاجه ..مني خوجلي...عضويه فخريه....
Author: خضر حسين خليل
Date: 12-11-2007, 06:39 PM
Parent: #175

Quote: خضر انت ما محتاج تزكيه..
انت ليك 3 سنوات وانا مراقبه..
زهجان بدون توقف..
مرحب بك..

نبيهة كالعادة يامني والله بالجد
كدة قصة الزهج دي مدورة معاي
ليها كمين سنة كدة (غايتو أكتر
من تلات) وتزكيتك دي سنضعها قلادة
علي جبيننا الصاري .

وربك يكون في العون

.........................

عليش ياخينا

والله زهجتي دي زي ماقلت مني (طويلة التيلة) قدر ما حاولنا
معاها مافكت يعني ياخينا سيك سيك معلق في ناديك .
بعدين ياعليش حكاية المعاينة دي أعفوني منها صدقني (لن
يستطيع الزهاجة معي صبراً) ياخ أنا بقول ليك طويل التيلة
تقول لي معاينة ياخينا أنا زاتي ماراضي كان فيها معاينة
هو بلاهي غير المعاينات الكتيرة دي المزهجنا شنو في دنيتنا
بمعني (الفلس وإنعدام الفرص) علي قول الكاتب عبد الله علي إبراهيم
في مقال كدة قريتو زمان سنة شختك .
غايتو متأكد إنو السني طمني دة ما حيرفض لينا طلب
ونبراس بت شيخ الدين أظنها شافت فاصل بسيط من زهجي

ويلا ورونا حاصل الحاصل

اسمع ياعليش .... إنت صورتك دي مابتعبر عن الزهج
ولا حاجة شيلا ياخ خت لينا سفة ولا أي حاجة يائسة بدلها

خضر

Post: #163
Title: Re: نادي الزهاجه ..مني خوجلي...عضويه فخريه....
Author: إيمان صالح
Date: 12-09-2007, 07:59 PM
Parent: #1

عليش
كيفنك؟
انا النصيحة لا زهجانة ولا بزهج
لكن جاية اعرض خدماتي
عشان كان في زول زيي ما زهجان ازهجه ليكم

ايمان

Post: #166
Title: Re: نادي الزهاجه ..مني خوجلي...عضويه فخريه....
Author: Khalid Saeed
Date: 12-09-2007, 09:55 PM
Parent: #163

Quote: Mohamed Ahmaed Olyesh
سلمى الشيخ سلامة
محمد سنى دفع الله
Siham Elmugammar
Muna Khugali
عبدالله شمس الدين مصطفى
sanaa gaffer
Ahmed musa
حافظ العشا
عمرو كمال ابراهيم
عبد المنعم ابراهيم الحاج
معتصم ود الجمام
عثمان حسن الزبير
fadlabi
سليمان عبد الغني
د.نبراس
قاسم المهداوى
Amiral
ahmed khidir
حسين محي الدين
رأفت ميلاد
العوض المسلمي
عبد العظيم احمد
على عمر على

الزعيمين / عليش ومنــى
زهجتي ماعجبتكم ولا شنــو ..
مالكم فطيتوني ..
يعني الواحد يقطع نفسه من الزهج ..
أعملوا حسابكم ..
زكرتوني صاحبتنا البتغني بالدلوكة ديك .. متزكرنها ولا المداخله زاته ماشفتهوها بالزهج ..
مره برضوا لقيته بتغني :
زهجونا .. جننونا .. راحــو مدني ما غشونـــا . وين سنى ياولد ..
علماً بأن الحفلة كانت في عطبرة .. والزمن داك طريق التحدي ماكن معمول .. وأفرض حتى كان معمول كان حيغشونا كيف في عطبرة وهم ماشين مدني ..
والله حاجة تزهج ..
أسع إنتوا رديتوا على القدامي وقبلي .. وعلى الكبار والقدري ..
وفطيتوني .. خليتوال الزهجــة ربطت معاي ..
وأسع أنا قاعد أغني ..
زهجونا .. فطونا .. وراحو مدني ما غشونا وين ..سنه يالزهج ..
وعشان أوريكم أنوا أنا زهجان ..
ما أحتكب ليكم إسمي

Post: #167
Title: Re: نادي الزهاجه ..مني خوجلي...عضويه فخريه....
Author: Muna Khugali
Date: 12-09-2007, 10:09 PM
Parent: #166

عليش ياخ ماتزهجنا اكتر مما احنا زهجانين!
اسه كاتب الأسماء دي مالك وقت بتنسي كده؟
تفط لينا خالد الزهجان؟
ياخ ده من شدة مازهجان من يوم ولدوه اهله سموه خالد..عارفينه بيخلد الزهج..
تاني ما تعمل كده..وكمان العضويه دي دايره ليها رسوم من الزهج..
كل زول يجيب زهجته هنا وبعد كده يمدد اقامته..

اسه اليوم ده من الصباح ابي يكمل..سمح العمر ده بيجري كيف؟
مش حاجه تزهج؟؟

Post: #168
Title: Re: نادي الزهاجه ..مني خوجلي...عضويه فخريه....
Author: عبد العظيم احمد
Date: 12-09-2007, 10:19 PM
Parent: #166

خالد سعيد..سلام..
انت فايق ...ولا رايق... ولا مضايق,,ولا سايق

زهجك دا ..داير ...تزكية من مني خوجلي...

خاصة بعد نظام المشاركة السياسية..

معقول في فلس في اوربا

Post: #171
Title: Re: نادي الزهاجه ..مني خوجلي...عضويه فخريه....
Author: Mohamed Ahmaed Olyesh
Date: 12-10-2007, 04:58 AM
Parent: #168

انت عارف يا خالد انا من شده الزهج بقيت ماشايف مرات بمشي المحل بتاع القهوة اكب القهوة واصلحا تمام التمام ولما اجي مارق القي نفسي اشتريت علبه سجاير احمر واركب العربيه وانا ماشي اتذكر اني مابدخن (تقولي لي فطونا)
انا ذاتي الازهج من مني زاتو وبعدين ياخي انت ماعلااف مني دي بتبقي لي شنو؟؟(اختي الازهج مني بي سنه بس)
عليش

Post: #172
Title: Re: نادي الزهاجه ..مني خوجلي...عضويه فخريه....
Author: Muna Khugali
Date: 12-10-2007, 04:33 PM
Parent: #168

غايته الزهج ده الزول ماعارف يعمل فيه ايه..
كنت قاعده زهجانه قمت اتذكرت كيف مره كنت ماشيه في واحد من شوارع مصر ولقيت اتنين بيتشاكلوا..
واحد فيهم قال للتاني..

انت حمار ولا عبيط ولا جنسية أهلك ايه!
بس ضحكت والزهجه حقتي فكت

Post: #173
Title: Re: نادي الزهاجه ..مني خوجلي...عضويه فخريه....
Author: Khalid Saeed
Date: 12-10-2007, 08:03 PM
Parent: #172

عبد العظيم أحمد
تحياتي يازهجــــان .. والشوق لي مدني مزهجــــك .. أوعى يكون ناس مدني ماغشوكم إنتوا كمان .. والله يكونوا بالغــوا ..
تعرف أنا كنته زول مبســــوط بسطة شديدة .. عامل فيها زول تفتيحة ومثقف وعازف فلوت .. وشنوا كمان وعملته أنصار سنــة سنتين وفي أقرب فك تسجيلات سجلوني ناس شلت المزيكاتيه والبهجة .. ومغترب .. أه عليك الله ده مايخلي الزول مبسوط ..
قمتــه إتشالقته وإشتركته في سودانيز أون لاين .. والغريبة رسلته الساعة 12 ظهر .. الباسويرد وصلنا الساعة 12:30 .. مالي حق أكون مبسوط ..
رحته إتشالقته مرة تانية وتوش دخلته سودانيز أون لاين وعينك ماتشوف إلا الزهج ..
لقيت الغربة الكنته فرحان بيهــا .. الناس تشتم فيها وطلعته لي من نفسي ..
لقيت العرس العرستوا وكنته فرحان بيهو .. الناس تقول ليك مافي حب بعد الزواج .. خلوني زهجت من مرتي ..
لقيت العيال الماصدقته جوني .. الناس تقول ليك الظروف في السودان زي الزفت وكان ما عشان عيالنا ماكنا إنجبرنا على العيشة زاتو ..والمستقبل مظلم .. والعيال ماعرفين نأمن ليهم مستقبلهم .. الزهجة ربطة معاي ..
دخلته في طور زول زهجان وحزين ومهموم بالوطن .. بقيت أتابع أخبار الوطن .. وعيييييييك .. أتورطه في الزهج .. بقت شيكات البهجة مرتدة .. ورصيد الفرحة فاضي .. وعليك أمان الله ناس بنك الزهج .. إعتبروني عميل مميز .. والدنيا مسخت علي .. وبقيت أخش البيت صاري .. وأمشي الشغل صاري ..
بقيت ذي الزول الزوجتوا بتجيه في مكان الزراعة [ الحواشات ] ..
يسأله الحاصل في الحلة شـــنو .. تقول ليهو ناس فلان حيطتهم وقعت ..
يحرد الأكل يقول ليها الماكلين ليها شنو ..
أسع أنا بعد ماكنته مرتاح أمشي إجازة .. وبنيت بيت .. ومبسوط وكنته شايف نفسي أحسن زول ..
بقيت أدخل المنبر العام .. ألقى مكتوب [ الحكومة والحركة الشعبية إتشاكلوا ] أقرب أبكي .. أقول الماكلين ليها شنو .
أقر مكتوب [ الترابي مشى دار الحزب الشيوعي .. وشتم ناس البشير .. وقال لي نقد ياخي تعال نلعب ديمقراطية ديمقراطية ] أقعد أبكي .. وأقول المغتربين ليها شنو ..
ألقى ود الباوقــه كاتب [ الكاروري يبري قطيعنا من الحمى النزفيه ] .. أقعد أجعر ..أقول المصليين ليها شنو ..
أقراء هشام آدم [ كاتب ليهو قصة جميلة .. مع إني قريتها قبل كده ] أدخل أقراءها .. واصفق ليهو وأكتب ليهو يارايع .. عيييييييييك .. يفتح لي ويرد على عوض المسلمي مرتين ] .. أقول القارين ليها شنو ..
والله أقول ليك حاجة حقوا الواحد يضيع الباص ويرد بتاعه .. ويضيع كمبيوتروا زاتو .. ويرجع ذي زمان زول مبسوط بدل الزهجــــة الأسع أنا فيها دي ..
وأسع إنته ياعبد العظيم مالك ومالي .. جاي مذكرني الزهج ده كله ..
والله أكلم ليك عليش زعيم الزهجانين .. ومنـــى زعيمة الزهاجة .. يدخلوك الغرفة ويخلوك تكورك مافي زول يسمعك .. وكمان أخلي الجماعة ديك يقطعوك بالساطور .. يخلوك كل سطــر براهــو .
مع السلامة ياخي ..
الزهجان زهج شديد ولضيض .. ألله يسلمكم ..

الأرباب
عامل فيها زهجان ومثقف ومهموم بالوطن [ بلا وطن .. بلا جريدة الرأي العام ] ..

Post: #176
Title: Re: نادي الزهاجه ..مني خوجلي...عضويه فخريه....
Author: Mohamed Ahmaed Olyesh
Date: 12-10-2007, 09:56 PM
Parent: #173

Quote: لقيت العرس العرستوا وكنته فرحان بيهو .. الناس تقول ليك مافي حب بعد الزواج .. خلوني زهجت من مرتي ..

يعني الواحد كان بفكر بطريقه جادة ينتهي من مشروع الارتباط ده ويتزوج عشان غير حاجه من الروتين الممل ده تجي تقول لي الكلام ده يعني اقيف واتريس قبل ما اتخذ القرار ولا شنو؟؟
نحن طبعا شعب يحترف المحاكاة
البعمل كشك يعمل جمبو جارو كشك ونفس المواد بس يغير اللون والاسم ولاحظ السودان والمحاكاة
عشان كده انا كنت عايز احاكي واتزوج لكن بلا عرس بلا بتاع
بيني وبينك العرس بزهج ولا شيتا تاني؟؟
عليش

Post: #177
Title: Re: نادي الزهاجه ..مني خوجلي...عضويه فخريه....
Author: Mohamed Ahmaed Olyesh
Date: 12-10-2007, 10:05 PM
Parent: #173

Quote: عامل فيها زول تفتيحة ومثقف وعازف فلوت

قالو بي مناسبه الالات دي واحد بدرس موسيقي واتخصص في كونرباص الكبيييير داك كلو يوم يشيلو ويمشي البيت لكن الباب بتاعم قصير خالص يحاول بي جاي بي جاي عشان يدخل الكونرباص ده ما يلقي طريقه يوم جا من حفلة عرس صاحبو..قدر ما وزن البتاعه دي ما قدر واخر كركبه ابوة صحي من النوم قال ليه ياولدي ...يا ولدي..انت ما لقيت ليك اله غير دي تدرسها؟؟؟ما كان تشيل ليك فلوت ولا صفارة؟؟
اها..
انا زاتي من زهجت المعهد ديك وانا طالب..
ما خليت من الزهج اله ما عزفتها
فلوت
جيتار
بيانو
شيلو
عود
طرمبه
وبالعكس

قال فلوت قال؟؟؟؟؟
اللوز كيف هسه؟؟
عليش

Post: #174
Title: Re: نادي الزهاجه ..مني خوجلي...عضويه فخريه....
Author: Mohamed Ahmaed Olyesh
Date: 12-10-2007, 09:43 PM
Parent: #163

ايمــــــــــــــــان
عرفت انك كاوايه
وعرفت برضو انك في الزهج اقل درجه منا
وعرفت برضو اقول ليك مرحب بيك ولو في فكرة تزهجي لينا زول اقول ليك منو؟؟؟

راجل المرة بس كان عرفت تزهجو بقتنع بيك
عليش

شكرا للحضور وعلمت شنو في النيل الازرق والبوست

Post: #178
Title: Re: نادي الزهاجه ..مني خوجلي...عضويه فخريه....
Author: Muna Khugali
Date: 12-11-2007, 00:58 AM
Parent: #174

هو الزول براه في رقبته دي زهجان..كمان يمشي يعرس يجيب زول تاني يملاه فقر؟

عليش ياخ اقعد ساكت ياخ..
اسه انا فتحت التلفزيون زهجت..فتحت البورد زهجت زياده..
قلت أكوي..كويت دستة جلاليب زهجت!
جبت كتاب وقبل ما افتحه غيرت رايي منه..بلا قرايه بلا فقر!
اسه جيت البوست قريت كلام خالد سعيد واستغربت..هو وطن ذاته يعني شنو؟
ولما ما فهمت زهجت..ولمعلوميتك يا عليش انا ازهج منك بأكتر من زهجه..
وايمان صالح العامله فيها مازهجانه دي..تكون هي ذاتها المزهجانا..واقول ليك كلام؟؟
مكاواتها دي ذاتها تخصص الزهجانين..

تزهجوا علي خير الوقت اتأخر!

Post: #179
Title: Re: نادي الزهاجه ..مني خوجلي...عضويه فخريه....
Author: Mohamed Ahmaed Olyesh
Date: 12-11-2007, 05:14 PM
Parent: #178

مني
انا تاكدت تماما انك ازهج مني بي سنتين وده من الصوره بتاعتك
كلو يوم تغيري لينا صورة
زي المثل البقول
عينك في الزهج....تغير صورك؟؟؟
والله زهجتك فاتتك وعايز الشيوخ لانو احسن من الدكتور النفساوي (النفساوي دي جايه من النمساوي)
اقعو الفقـــــــــــــــــــــــــراء والشيخ ابكرونه البفك العين وبمسح الرموش
يلا
نتزاهج المساء في نفس المواعيد

Post: #180
Title: Re: نادي الزهاجه ..مني خوجلي...عضويه فخريه....
Author: عبد العظيم احمد
Date: 12-11-2007, 06:11 PM
Parent: #179

يالزهاجة براكم جبتو سيرة العرس واول ماجبتو سيرة العرس .. مني خوجلي غيرت صورتها .. اكثر شبابا ورونق.. ماشاء الله

خالد السعيد..الزواج يطرد الزهج والفلس..وحاجات تانية
......................................................
اهديك هذه القصيدة

لما تلقي زول يحبك
وزول تحبو
وتسمع بالزهج سمع
في مشاويرك لا تلاقيهو لايلمك
زول تعزو لانو زول يهمك

وتبقي في دوامة حيانك شايل الريد حقيقة وصورة
والسعادة بست حياتك يكتمل حضوره
ومن ابو الزهج
تبقي ابو الحلم الطفولة
وتجيك هبة واحمد .. وضحي .. ونورة
وتطلع من نادي .. مني
وتمشي لنادي.. ناس مسرورة
.......................

هذه القصيدة وليدة اللحظة مهداه للخالد السعيد
عبد العظيم..11.12.2007 اوسلو

Post: #182
Title: Re: نادي الزهاجه ..مني خوجلي...عضويه فخريه....
Author: Khalid Saeed
Date: 12-11-2007, 07:22 PM
Parent: #180

الزهجانين .. إزيكم لعلكم طيبين في حييكم ..
Quote: لما تلقي زول يحبك
وزول تحبو
وتسمع بالزهج سمع
في مشاويرك لا تلاقيهو لايلمك
زول تعزو لانو زول يهمك

الشاعر العظيم ود أحمــد
شكراً على الإهداء والقصيدة الجميلة بت لحظة جارتنا ..
تعرف الحب ده زهجنا وحيرنا ..
زوجتي دايراني طوالي قاعد جنبها .. ومتأثرة بالمسلسلات المصرية ..
دايرنا طول اليوم ياحبيبتي وياروحي .. وياعيوني ..
ونحنا الجعليين ديل بيني وبيك .. مرات قلبنا حار ... أقوم أزهج ليك فيها ..
وأكورك معها طوالي وأقول ليها نحنا مصريين .. البلد في شنو ونحنا في شنو ..
الحمه النزفيه .. حرمت الناس اللحمة المنتظرنها ليهم 11 شهر .. يلموا في حق الخروف..
زوجتي تقول لي والله ياراجل إنته جنيت .. مالنا بالسودان وخرفانه العيانة ..
ياراجل قول بسم الله والعن الزهج .. الزيك منوا .. مالك شبعان وسمين .. داوش راسك مالك .. والله صحي الفاضي يعمل قاضي .. أسع إنته كان سألوك مالك .. كل يوم متغضبن وشايل أخلاقك في مناخيرك .. ياراجل أخير ليك أخته الناس النضمهم كتر كتر ديل والله خربوك من يوم ماباريتهم وجبته ليك كمبيوتر وقعده مصاقروا .. حالك ماعاجبني .. الله يلعن الثقافة ويلعن سنينه مسخت علينا الغربة زهجتنــا زاتــو .
عليك الله دي ماحاله تحنن وتزهج ..

أه أسع إنته من الزهج نسيتني أردعلى عليش ..
والله أنا الفلوت جنن لي اللوز جن .. والحكمة كمان بقيت مشترك في فرقة عزة الموسيقية .. وكل يوم يومين بروفة .. وبالمناسبة .. صاحبك بتاع المصيبة الكبيرة المابتدخل بالباب ديك .. عمل زي واحد قريبنا .. الجماعة عندهم عرس والمطرة صابه .. وهم يغنو ..
القربوا يجنن والبعدو يحنن ..
قريبنا زهج منهم وقال ليهم بدل ما تدعو الله ..شابكننا القربو يحنن والبعدوا يجنن ..
ألله ينعل أبو الهين ولين زاتو ..
تعرف زولك طلع زهجان وحافظ الغنية .. مبالغـــة ...
وبالمناسبة مرة تانية ... المرة دي لي الزعيمة منى كبيرة الزهجانين ..
والله تغيري الصورة .. والا تغيرة عملــة زاتــو الزهجة مابتفك .. ونحنا الإتشبكنا في العرس بي قلوبنا وجيوبنا يحلنا الحله بله ..شفتي كيف ..
أه مع السلامة المرة جات ماتشوفني بكتب تقوم تزهجني تاني ..

خالد الزهجاب أقصد الأرباب

Post: #183
Title: Re: نادي الزهاجه ..مني خوجلي...عضويه فخريه....
Author: عبد العظيم احمد
Date: 12-11-2007, 07:54 PM
Parent: #182

ود السعيد الزيك منو.. نحن الشوايقة ناس حنان وريادين وبكايين...ونسبة الزهج عندنا...شبه معدومة..العند مني دا عدوة من جعلي
ولا بقت..مني لندن..

Post: #186
Title: Re: نادي الزهاجه ..مني خوجلي...عضويه فخريه....
Author: Mohamed Ahmaed Olyesh
Date: 12-11-2007, 10:26 PM
Parent: #182

Quote: أه أسع إنته من الزهج نسيتني أردعلى عليش ..

والله لكن !!!!
شايفكن بقي النادي ده حقكن براكن ولا جايبين لينا خبر
عبد العظيم يرد علي مني ومني ترد لي خالد والدنيا جايطه بي ورانا
ده نوع جديد من الزهج ما حاقاسمكن فيهو وماف زول يسالني انا زهجان
والعرس خليتو
وحااشرب ليكن سجاير في النادي وامكن حاجات تانيه...
وماف زول يسالني ويقول لي دستور النادي وكلام القانون ده

العندو باقي سجارة يمدها لي سريع ولا بمشي ال............واقعد هناك وانبز ليكم الوضع الحالي في البلد وانعل ابو .....البتاع ودي حاله اخير منها ........
والله الليله افتح ليكم تلفزيون السودان عقابا لي وليكم والخير بخص
مع زهجتي
عليش

Post: #184
Title: Re: نادي الزهاجه ..مني خوجلي...عضويه فخريه....
Author: د.نبراس
Date: 12-11-2007, 09:24 PM
Parent: #1

زهيج ,, اقصد عليش ,,

انا داخله بس عشان ازكي ليك اخونا خضر ,,
ياخ ده والله ازهج زول ,,
ده اول مره اشوفو قعد يحكي لي انو بيحب يسمع الاغاني الهابطه !!
عليك الله الزول ده ما زهجان شديد ؟؟
والليله شايفاهو قال بقى ينزل عليهو الوحي !!
ياخي الزول ده لازم نقبلو في النادي ده , يمكن يزهجنا شويه ,,

خلاص انا بجي بعدين اشوفكم عملتو فيهو شنو ,,
بس ما القاهو كمان بعمل ليكم في محايات ,, اصلو شايفاهو قال
بقى بعالج !!

يالمهدي تلحقنا ما تسختنا !!

زهجاس ,, اقصد نبراس ,,

Post: #185
Title: Re: نادي الزهاجه ..مني خوجلي...عضويه فخريه....
Author: Mohamed Ahmaed Olyesh
Date: 12-11-2007, 10:18 PM
Parent: #184

Quote: والليله شايفاهو قال بقى ينزل عليهو الوحي !!

د/ نبراس
اولا عشان نحن قبلناهو لكن::::
انت مسجله غياب وما دفعت رسوم الاشتراكات اكتر من تلاته بوستات مرت علينا وبي كدي لمفعول لديك شارف علي الانتهاء يجب الشحن الفوري لكي لا تفقدي الطاقه هنا بالنادي.
اما الوحي؟؟؟؟؟
حانقوم باختبار الاخ خضر لكي يثبت وحيهو ده ؟؟ان بقي وحي موديل الفين ممكن نقبلو لو بقي موديل تسعينات ودبل قبينه كمان يبقي نوديهو لتعديل المكنه والشاسي تمام؟
شكلك اخدت الصرفه من مني خوجلي وزوغتي ولا شنو؟؟؟اظهري وباني ياعين ياعنيه ياكافرة ونصرانيه...
عليش

Post: #187
Title: Re: نادي الزهاجه ..مني خوجلي...عضويه فخريه....
Author: Mohamed Ahmaed Olyesh
Date: 12-11-2007, 10:56 PM
Parent: #185

الليله ضحكني ابوي شديد قال لي:
لو اشترينا الخروف ده حا ارسل ليك finger print
في الاول مافهمت قاصد شنو قلت امكن الوالد قرر يجي امريكا وعايزني اعمل ليهو الواجب
لما قلت ليهو فنقر برينت لي شنو يا حاج؟؟
قال لي:
للخروف طبعا.......قبل ما نضبحو مفروض نتاكد من سلامتو الصحيه.....(احتمال الفيروس ده مخطط امريكي يا ولدي عايزين يكتلونا بيهو بطريقه مدروسه....العيد بقي مخيف ما معروف يحصل شنو يوم الوقفه بين قوسين وبي صوت واطي خالس قال لي الود صدام لاعب العراق موش اعدموهو يوم الوقفه؟ اشششششششش اشششششششششش
طبعا التلفون قطع بعد الحوار ده
ههههههههه
بجيكم كان التلفون خش معاي تاني
عليش

Post: #188
Title: Re: نادي الزهاجه ..مني خوجلي...عضويه فخريه....
Author: Mohamed Ahmaed Olyesh
Date: 12-12-2007, 12:03 PM
Parent: #187

الزول بقي لو ما حصل النادي دي بي خمسه دقايق يمين بالله تلم فيهو في الصفحه الاخيرة
برجع

زهاج الخير ياوطني

Post: #189
Title: Re: نادي الزهاجه ..مني خوجلي...عضويه فخريه....
Author: sanaa gaffer
Date: 12-12-2007, 01:35 PM
Parent: #1

عليش ... زح من البنبر بتاعي ... ومنى رجعي لي بنستي الاستلفتيها لمن جيتيني في بيتنا ...

وانتي يا ايمان مش قلتي ما زهجانة ؟؟؟ الجابك هنا شنو ؟؟ ...وانت يا خالد مالك عامل زي جدادة الخلا الطردت جدادة البيت ؟؟

طبعا دة نظام جر شكل وكدة يعني ... زمان واحدة صحبتي ادتني نصيحة وقالت لي لمن تزهجي شديد شوفي ليك زول شاكليهو وفشي غلك فيهو ...

والله قاعدة احضر في مسلسل ( ذا يونت ) .. كمية من التعذيب والدموم لمن جاتني حالة نفسية ..

خليته مشيت احضر ( انسايد ايديشن ) لقيت المرة المجنونة الاسمها هيلاري كلنتون ماسكة يد راجها المهووس داك وبتضحك ... يا ربي بتضحك على شنو ؟؟؟ لحقت نست مونيكا ؟؟ وهسة الولية دي لو مسكت حكم امريكا حتكون متسامحة كدة مع كل الاعداء ولا المسالة مصالح ؟؟

غايتو من الزهج بقيت امشي شمال ويمين .. اخير اتخارج من هنا قبل ما ابدا الخرمجة البتجيب الهوا البارد ..

عليش ... الحرية اجمل شئ في الوجود ... اوعى تفرط فيها .. بعدين بتندم ..

النصيحة دي بمناسبة اني فتحت ام بي سي 2 ولقيت فيها فلم بايخ اسمو ( جوود ادفايس ) ...

Post: #193
Title: Re: نادي الزهاجه ..مني خوجلي...عضويه فخريه....
Author: Mohamed Ahmaed Olyesh
Date: 12-12-2007, 09:55 PM
Parent: #189

Quote: عليش ... الحرية اجمل شئ في الوجود ... اوعى تفرط فيها .. بعدين بتندم ..

سناء
الحريه دي بلقوها وين؟
لو الواحد اتورط بالزواج ماحيلقي حريه
ولو ما اتزوج برضو حريه ماف
نقبل وين نحن؟؟
شلتي بنبر منو وقعدتي هسه؟؟مني عارفه انك جيتي؟
انا

Post: #190
Title: Re: نادي الزهاجه ..مني خوجلي...عضويه فخريه....
Author: خضر حسين خليل
Date: 12-12-2007, 04:42 PM
Parent: #1

والله الواحد من الزهج مفكر ياعليش ينتج ليهو مسلسل يسميهو (رأفت الزهجان)
ياخ لي يومين مقدم طلبي لي هسي مادايرين تحسموا الموضوع دة بعدين يا عليش إنت
قصة المهدي المنتظر مابزهج عليك الله . ياخ قدر ما أقول
جاتني رسالة من حبيبتي ألقا ليك الزول دة شابكني ليك تجهز لليهود والنصاري
ياخ أسوي شنو هسي أنا ....

...............

نبراس

شايفك آمنتي سريع ....... عندي صاحبي زهجان شديد أنا مسميهو ( سويتش)
لأنو بدور سريع ..... يعني نقرة مفتاح .... مرة ماشي في الشارع لقي ليهو
شحاد شبكوا ليك .... لله لله يامحسنين لله .
عاين ليهو كدة قال ليه ياخينا والله فايتنك بالصبر
والشحاد من النوع اليعجبك داك
إتلصق ليك فيهو

صاحبي عاين ليهو كدة قال ليهو ياخ إنت عايز مني شنو ؟ نهايتو يعني ؟
قروش عندي وما حأديك أها رأيك شنو؟

المهم والله أنا من الزهج نسيت باقي القصة

.................

مني خوجلي :
إزيك ( الزيك يعيش)

اليومين ديل في مصري كدة (صعيدي) بوديني الشغل وبجيبني أها أنا
من أجي أركب العربية دي صاحبنا يقوم في الردحي (ودددك ودددك
واك واك واك ) الليلة قلت ليهو ياخ نغشي محل التمباك ... وصاحبنا
ششغال (وووووك ورروووك) مرات كدة بيجيني إحساس إنو المخلوق
القدامي دة عقاب رباني أقوم أرضي بالمقسوم .
ياخ الزول دة برااااااااي ومابسكت كلو كلو وعندو مزاج عجيب
في الأكل يعني بياكل في أي زمن قبل صلاة الضهر ممكن ياكل
بعد الصلاة برضو ممكن ياكل قبل العصر ممكن وبعد العصر ممكن
قبل المغرب ممكن ياكل بعد المغرب ممكن ياكل بعد العشاء ممكن ياكل
لالالالا قبل العشاء ممكن ياكل بعد العشاء ممكن ياكل .
الساعة تسعة ممكن ياكل تسعة وسبعة دقايق ممكن ياكل

عليكم الله دي ماحاجة تزهج ؟

......................

هسي أنا كان مازهجان ساي موش كان ممكن أقول الزول دة بياكل
في أي مكان وأي زمان ؟

بطنو غايتو عاملة زي دعاية (موبيتل) زمان
قبل ماتبقي (زين) (موبيتل أي مكان أي زمان ).

عليش الله ماشقالو حنكاً زهجو

كرهتونا حياتنا

..........................................................................

Post: #191
Title: Re: نادي الزهاجه ..مني خوجلي...عضويه فخريه....
Author: Mohamed Ahmaed Olyesh
Date: 12-12-2007, 06:40 PM
Parent: #190

Quote:
والله الواحد من الزهج مفكر ياعليش ينتج ليهو مسلسل يسميهو (رأفت الزهجان)
ياخ لي يومين مقدم طلبي لي هسي مادايرين تحسموا الموضوع دة بعدين يا عليش إنت
قصة المهدي المنتظر مابزهج عليك الله . ياخ قدر ما أقول

Post: #192
Title: Re: نادي الزهاجه ..مني خوجلي...عضويه فخريه....
Author: عبد العظيم احمد
Date: 12-12-2007, 07:59 PM
Parent: #191

عليش الزهجان دوما ودواما..

انا وخالد سعيد برالمة في النادي.....مني قالت لي الحكاية بايظة..

Post: #194
Title: Re: نادي الزهاجه ..مني خوجلي...عضويه فخريه....
Author: Mohamed Ahmaed Olyesh
Date: 12-12-2007, 10:01 PM
Parent: #1

الموضوع ما البرالمه
طالما اتورطت بالعضويه يجب عليك ان تزهج حتي الزهج وده من اسهاماتك بالنادي
احكي
ابكي
اقلب هوبه
دخن سيجارات (حمراء شراب ما لون تاني) الالوان في الدخان ممنوع بالنادي
اعمل اي شي فتو لينا
اكتب شعرك الجميل
لو في بوست ماعاجبك اكتب هنا
اشرب شاي بدون سكر مرة في حياتك
اشرب قهوي بي طحنيه ومويه جبنه
لخبتها
صوتها
ياخ اكتر من كده مابديك سر الزهج
كان عندك شفع دربهم كراتيه
قول رايك
عبر عن دواخلك
هشم الصمت
احرق اعصابك بعد المغرب وقبل الشمس ماتقع
كووووووووورك
اها تاني شنو؟
عليش

Post: #195
Title: Re: نادي الزهاجه ..مني خوجلي...عضويه فخريه....
Author: معتصم ود الجمام
Date: 12-12-2007, 10:29 PM
Parent: #194

تعرفوا انا زهجان ليه
انا عامل التماس خطير ( كهربائي )
وابني مرهف مصر انو يعمل الارضي برجلوا اما انا
اتحداكم جميعا ( لو تفهموا )
انعل ابو الزهج البصيب الاطفـــــــــــــــــال

Post: #196
Title: Re: نادي الزهاجه ..مني خوجلي...عضويه فخريه....
Author: Mohamed Ahmaed Olyesh
Date: 12-12-2007, 11:15 PM
Parent: #195

دي اقوي شحنه كهربائيه يا ود البلد

احيك انت ومرهف شديد

الناس بتفتش لي فولت واحد ما لاقياهو انت عندك كبينه كهربه عديل حقو تحمد ربك يامان

انا اليومين دي ضاربني سلك شكلو عريان

تخريمه
واحد مسلم خااااااااااالس في اجتماع لمسلمين خالس قام نص الاجتماع يهبش ضربو ليك سلك(عريان) الجماعه اقامو الحد علي السلك (العريان)واحتسبو الاجتماع....(,^^)
عليش

Post: #197
Title: Re: نادي الزهاجه ..مني خوجلي...عضويه فخريه....
Author: محمد سنى دفع الله
Date: 12-12-2007, 11:21 PM
Parent: #195

احمد خضر ايز يشيل الميزانية بدون اتحاسب
ويقول ليك نادي البهجة
وديك تقول ليك رجع البينسة
وداك جايب بنبر
واحد عامل عنتر
والجمام الزهج وصل ولدو
ومنو ما عارف عايز اعمل مسلسل
رأفت الزهجان
وعليش بمضى اسمو تحت البوست
وليهو صورة قدر الليلة وبكرة
بالجنبة
والجنبة دي ما أهم شئ
ياخي دي حلة تزهج
ما زهجتونا وكده

Post: #198
Title: Re: نادي الزهاجه ..مني خوجلي...عضويه فخريه....
Author: Muna Khugali
Date: 12-13-2007, 01:20 AM
Parent: #197

كمان ماكفايه زهجتونا..كرهتونا..
ومش بنستك يا سناء؟؟
اسه ماشيه اختها في النار واعاين ليها كده لغاية ماتروح في داهيه!
عشان مادايره معاك علاقات بنسيه!

Post: #199
Title: Re: نادي الزهاجه ..مني خوجلي...عضويه فخريه....
Author: د.نبراس
Date: 12-13-2007, 01:51 AM
Parent: #1

عليك الله يااستاذه منى ماتزهجينا ساي ,,
لو ما دايره البينسه دي اديني ليها , انا شعري منكش !!
وبقول لاستاذه سناء استاذه منى حرقتا ,,
عليك الله الواحد يزهج لما شعرو يتنكش ,, دي حاله دي ؟
وبينسه ما يدوك ليها ,,

Post: #200
Title: Re: نادي الزهاجه ..مني خوجلي...عضويه فخريه....
Author: Mohamed Ahmaed Olyesh
Date: 12-13-2007, 05:40 AM
Parent: #199

يا د/ نبراس
عندي ليك مشبك غسيل محترم ولونو اخضر مايل للبني الفاقع من السواد
مني شكلها بترتب في زهجه جديده لانها ليها كم يوم ما مرت من هنا ولا تركت رساله
ولا قاعده ليها فوق راي
يا جماعه انا عازمكن شاي بي لبن مقنن وتقيل البجيب البسكويت يرفع ايدو والبجيب السكر والشاي برضو يرفع ايدو اما البجيب اللبن يقوم علي حيلو عديل
والله الدنيا دي
بجيكم او نتلاقي عندي الشاي باللبن مع المغرب
عليش
بالمناسبه:::
شايف النسوان بتونسو هنا براهم ده نظام اتحاد للمرأه الزهجانه ولا شنو؟؟ولا حقوق زهج المرأه؟

Post: #208
Title: Re: نادي الزهاجه ..مني خوجلي...عضويه فخريه....
Author: Mohamed Ahmaed Olyesh
Date: 12-15-2007, 06:03 AM
Parent: #200

وكت الناس زهجانه ما تعمل ليها رحله...
زمان الناس لما يزهجو بمشو رحله الخوجلاب ولا الفكي هاشم
الساوند نخليهو لي د/نبراس
الاكل والبارد مني خوجلي
ايجار الحافله رافت الزهجان
الفنان وصاحب الفنان عبد العظيم
وبتاع الفلوت معانا ماتغشانا
الايقاعات انا بجضمها ليكم(مليجي بس )
باقي الكراسي والجكس
والدعوة خاصع لاصحاب العضويه لانها رحله دكاكينيه
عليش

Post: #283
Title: Re: نادي الزهاجه ..مني خوجلي...عضويه فخريه....
Author: Mohamed Ahmaed Olyesh
Date: 01-09-2008, 10:59 PM
Parent: #208

[]اووووووووف ياخ

Post: #201
Title: Re: نادي الزهاجه ..مني خوجلي...عضويه فخريه....
Author: د.نبراس
Date: 12-13-2007, 05:01 PM
Parent: #1

زهيش ,, انا جيت وجبت ليك معاي البراد والكبايات ,,
قصرت معاك ؟؟
مواد التموين عليكم ,,
وبنس الشعر على استاذه سناء ,,
وناديكم ده حار كده مالو ؟؟

Post: #202
Title: Re: نادي الزهاجه ..مني خوجلي...عضويه فخريه....
Author: د.نبراس
Date: 12-13-2007, 05:06 PM
Parent: #1

وفتحت ليك الصفحه التالته ,,
دايرين حقنا بالله ,,
ما دايرين معاكم اي استهبال !!!

Post: #203
Title: Re: نادي الزهاجه ..مني خوجلي...عضويه فخريه....
Author: Mohamed Ahmaed Olyesh
Date: 12-13-2007, 09:59 PM
Parent: #202

Quote: وفتحت ليك الصفحه التالته

حاتكون صفحه بيضاء وفيها كل انواع الزهج بي الوانه المتفق عليها في النادي.
العمر جري
والكبر حصل
مابعد الاربعين
مابعده؟؟
الاحساس بالكبر يتزايد علينا ويركض
يقال انو الاربعين عمر النبؤه
كيف ؟؟
عمر الحكمه
في هذا الوقت يصل الانسان مرحله الحكمه
يجب علينا ان نكرم احدا ما...
في وقت ما
ليس لانه تجاوز عمر الحكمه فحسب ..بل لانه مازال يرفس ويركض في هذا العالم
ماذا فعلنا في هذا العمر المتاخر
الكبر حصل
حصل الكبر
ومازلنا نعيش فيها
نفس طالع ونازل

تعالي بي بنابرك وختيها قصادنا
نحكي
نتكلم عن التجربه الان
كلنا
بدون فرز
والشعر المنكوش اخبارو شنو نبراس ؟
عليش
او زهيج

Post: #204
Title: Re: نادي الزهاجه ..مني خوجلي...عضويه فخريه....
Author: Muna Khugali
Date: 12-13-2007, 10:56 PM
Parent: #203

عليش انت مالك بقيت زيي وأكعب؟
ما بتعرف تنقل عنوان البوست؟
ياخ انما الماحيه خالص اتعلمت..بكري قال لو ما ختيت العنوان زي ماهو لا بيشتغل بيك ولا حاجه..وقد أعذر من أنذر..
كدي خليني استعرض عليك شويه..

شوفت فوق في اعلي كل صفحه مش في http//www.sudaneseon معاها باقي العنوان؟
اها في البوست بتاعك ده بعد ماتفتحه..تمشي تعمل كوبي للعنوان كامل ماتنقص ولا حرف..
وتمشي بوست بكري بتاع الأرشفه وتعمل لصق او بيست ..
بيتكتب العنوان زي مانقلته..لكن بعد ماترسله بيظهر الأسم بس!
واللي تزرعه بطيخ يطرح عنب!

زهجتونا الزول يلاحق وين ولا وين...
واسمعي يا نبراس انتي وسناء..انا قررت اعمل ازمه من حكاية البنسه دي..ومابديها ليكم كلو كلو!

Post: #205
Title: Re: نادي الزهاجه ..مني خوجلي...عضويه فخريه....
Author: رأفت ميلاد
Date: 12-13-2007, 11:04 PM
Parent: #204

Quote: زهجتونا الزول يلاحق وين ولا وين...
واسمعي يا نبراس انتي وسناء..انا قررت اعمل ازمه من حكاية البنسه دي..ومابديها ليكم كلو كلو!

جنس حالة

إمكن أستقيل من ناديكم ده

ده مابجيب ده بودر خالص

Post: #206
Title: Re: نادي الزهاجه ..مني خوجلي...عضويه فخريه....
Author: Mohamed Ahmaed Olyesh
Date: 12-13-2007, 11:06 PM
Parent: #205

رافت
انت قايل دخول الحمام زي مروقو؟
كان غيرك اشطر

مني اعمليها انت كدي غلبتني والله

عليش

Post: #207
Title: Re: نادي الزهاجه ..مني خوجلي...عضويه فخريه....
Author: خضر حسين خليل
Date: 12-14-2007, 02:38 PM
Parent: #1

أف

Post: #211
Title: Re: نادي الزهاجه ..مني خوجلي...عضويه فخريه....
Author: Mohamed Ahmaed Olyesh
Date: 12-15-2007, 01:42 PM
Parent: #207

اف ؟؟؟؟

يادابك وصلت مرحلت الاوف دي؟؟

اتاخرت شديد
انا قبل افتح النادي دي بي سنين بديت بي اوف دي
وبرضو ماجابت نتيجه
الي الان

اووووووووووووووووووووووووووووووووف
و اووووووووووووووووووف
الكورة كيف؟؟
اوف سايد ولا شنو؟؟
عليش زاتو ياخ

Post: #209
Title: Re: نادي الزهاجه ..مني خوجلي...عضويه فخريه....
Author: sanaa gaffer
Date: 12-15-2007, 06:37 AM
Parent: #1

Quote: يقال انو الاربعين عمر النبؤه
كيف ؟؟
عمر الحكمه
في هذا الوقت يصل الانسان مرحله الحكمه

قلت كدة ؟؟!!

يعني هسة انا لي اسبوع كدة بقيت حكيمة ؟؟

حكمة والله وحكاية !!!

اها يا منى .. شفتي موضوع البينسة دة حاوصلوا الحد .. بس انا عاوزة بنستي زاتها بصفاتها ... ما عاوزة واحدة غيرها ..

بنستي لونها برتقالي بالليموني وفيها خطوط بمبي حلاوة وطرفها بالاسود ... شوفي وديتيها وين ؟؟

نبراس ؟؟ انتي زاتك منكوشة ؟؟ ايه رايك نخلي نادي عليش وناديه بتاع الزهاجة دة ونعمل نادي المنكوشات ؟؟

على شرط منى بشعرها السمح الغايظنا دة ما تدخل فيهو ...

عليش ... البحر بيسلم عليك ...

Post: #210
Title: Re: نادي الزهاجه ..مني خوجلي...عضويه فخريه....
Author: Mohamed Ahmaed Olyesh
Date: 12-15-2007, 01:38 PM
Parent: #209

قال البحر بسلم علي قال؟؟

انت البحر ده ما ما حكيتي لينا عنو كتير
والله البحر ده لو قال كده واتكلم!!!!!في ناس اتكشفو سااااااااكت

انت ياسنا علاقة البحر بالشعر شنو؟؟الشعر قاصد الابداع ما الشعر بتاع الراس (قلت اذكرك البينسه بتاعتك)
عملتي فيها شنو؟لانو مني خوجلي دي كضمت خالس تكون المبارة وفوز المريخ عامل ليها كضمه ...حقو ماتجيبي سيرة البينسه دي في الوكت ده بالذات تمام؟؟

التحكيم فاشل
التحكيم فاشل

Post: #212
Title: Re: نادي الزهاجه ..مني خوجلي...عضويه فخريه....
Author: Mohamed Ahmaed Olyesh
Date: 12-15-2007, 01:47 PM
Parent: #209

Quote: يعني هسة انا لي اسبوع كدة بقيت حكيمة ؟؟

انت اسبوع بتفتشي في البينسه بتاعتك
تكون الحكمه دي جات بي وين؟

Post: #213
Title: Re: نادي الزهاجه ..مني خوجلي...عضويه فخريه....
Author: Khalid Saeed
Date: 12-15-2007, 07:50 PM
Parent: #212

الزهجانين ..
كيفنكم .. طيبين الله يسلمكم .. الله يعافيكم .. الله يسلمكم .. الله يعافيكم ..
طيبين .. الله يسلمكم .. الله يعافيكم .. [ تعرفوا في واحدة جنها سلام ذي سلامي ده ركبت الباص أبورجيله داك الزمان .. أسع أظنه عمل ليه رجل تانية عشان كده ماظاهر .. ماعلينا نرجع للنكته .. أه ركبت من الباب الوراني .. وشبكت ليك الناس أزيكم .. الله يسلمكم واحد واحد لقايت ماوصلت للسواق .. حتين قعدت في كرسيها ... رفعت راسها لقت ليك السواق مركب ليهو مراية متر بس وشافت ليك الناس في المراية .. كوركت ليهم .. ناس جواه كيفنكم الله يسلمكم .. كيفنكم ...الخ ... بالله المره دي ماتزهج أبورجيله زاتو ..

Quote: وانت يا خالد مالك عامل زي جدادة الخلا الطردت جدادة البيت ؟؟

أول بالتبادي سنا جعفر كيفنك .. مالك جايبة سيرت الجداد ماكفاية الزهج .. دايره تجيبي لينا زهجت الطيور .. إنتي ماعارفه أنفلونزا الطيور حايمه .. تعرفي أنا المحيرني في أنفلونزا الطيور دي جات كيف للطيور .. يكونوا قاعدين يشربوا موية صاقته .. ولا بعد ما يستحموا في البحر ويتبلبلو ويعوموا زاتو بيجوا يقعدوا تحت المروحة .. والله الجداد والطيور ديل دايرين زول يوعيهم.. البعملوا فيه ده غلـــــــــــــــــــــط .. ويزهج الزول عديل كده ..
Quote: والله لكن !!!!
شايفكن بقي النادي ده حقكن براكن ولا جايبين لينا خبر
عبد العظيم يرد علي مني ومني ترد لي خالد والدنيا جايطه بي ورانا
ده نوع جديد من الزهج ما حاقاسمكن فيهو وماف زول يسالني انا زهجان
والعرس خليتو
وحااشرب ليكن سجاير في النادي وامكن حاجات تانيه...
وماف زول يسالني ويقول لي دستور النادي وكلام القانون ده

العندو باقي سجارة يمدها لي سريع ولا بمشي ال............واقعد هناك وانبز ليكم الوضع الحالي في البلد وانعل ابو .....البتاع ودي حاله اخير منها ........
والله الليله افتح ليكم تلفزيون السودان عقابا لي وليكم والخير بخص
مع زهجتي
عليش

والله ياعليش السجاير مشكلة .. وكان قعدته تنبز لينا كمان مشكلتين يجونا الجماعة ويشبوكنه ده نادي الزهجانين المعارضة .. وعشان يشقونا يقوموا يعملوا نادي زهجانين توالي .. وبعد شوية ينبثق منه نادي زهجانين وطني .. ونادي زهجانين شعبي . ولوج .. وعييك ..
عشان كده أخف الضررين تشغل لينا تلفزيون السودان .. يزهجنا زيادة .. بس راعي مشاعرنا إختار لينا برامج سهلة الزهج .. وأوعك من حمزة عوض الله .. ده أخير منوا تشتم البتاع حق قسيم البتاع ...
وبالمناسبة موضوع الرحلة .. أنا عأمل ليكم البرنامج .. والله مبالغة بس إنته أنقل البوست ده عند الريس بكري .. أنقله صاح عشان مايزهج ويقوم يودينا في ستين دهية ..
ركز مع الزهجانة منى خوجلي توريك تنقله كيف ..
بالمناسبة التانية : في مسلسل رأفت الزهجان .. من أسع أنا البطل .. ولا بقوم أعمل ليكم شكلة ..
أه بالمناسبة التالتة : كيفك ياعبد العظيم .. الشايقي الحنين .. تعرف الشايقي والجعلي دايرين يحكموا عليهم إعدام .. سألوهم أمنيتكم شنو .. الشايقي بكي وقال داير أشوف أمي ..
قالو للجعلي وإنته داير شنو [ قال ليهم الشايقي ده مايشوف أمه .. هيييييييييع تقول لي حبكانه ] ..
مع السلامة .. وصية أخيرة بالمناسبة رقم أربعة [ زعيمة الزهجانين منى .. البينسة خبره شنو ]
خالد الأرباب
في لحظة تجلي زهجي

Post: #214
Title: Re: نادي الزهاجه ..مني خوجلي...عضويه فخريه....
Author: Mohamed Ahmaed Olyesh
Date: 12-15-2007, 08:33 PM
Parent: #213

العجب يا خالد برنامج الاطفال البيجيبوهو الساعه واحده صباحا عندنا هنا مبالغه وشفعنا هنا افلاز اكبادنا بيكونو في سابع نــــــــــــومه
انا مركز علي الاخبار
والاعلانات
ونشرة الطقس
برضو زهجان
اتكلمت مع السني عن المسرح والمشاكل هسه ....زهجني شديد وزهجتو
خلو لينا باب النادي فاتح نحن جاين بالليل لانو ماف نوم
عليش

اوف.....

Post: #215
Title: Re: نادي الزهاجه ..مني خوجلي...عضويه فخريه....
Author: Mohamed Ahmaed Olyesh
Date: 12-15-2007, 08:43 PM
Parent: #214

تعالو نرشح واحد فينا يتخاطب مع الحيكومه السودانيه بخصوص انشاء نادي للزهاجه والدعم يكون من برة لانو حايكون التبرير لعدم القبول هو الميزانيه
فالميزانيه ما مشكله نبيع عربيه مني خوجلي التعبانه ديك ونطلع ليها دعايه انو العربيه دي ساقتها برايت ايام الحرب علي العراق او نقول انها عربيه بيضاء مكويه
وباقي القروش نشيل بينسة سناء ونعمل ليها مزاد علني والبجي منها نعمل بيهو الساس ونعرش علي كده طوالي ...
ونفتح انتخابات نزيهه

عليش

Post: #216
Title: Re: نادي الزهاجه ..مني خوجلي...عضويه فخريه....
Author: Khalid Saeed
Date: 12-15-2007, 09:33 PM
Parent: #215

زعيم الزهجانين عليش ..
تعرف تلفزيون السودان ده .. حقوا نخصص ليهو ركن زهج كامل .. يوم الزهج التلفزيوني .. ذي يوم الخدمة .. أو أي يوم من الطلعت جديدة دي ..
نحدد فيه ركن نقعد نفضفض من المغس اللامي فينا من التلفزيون الواحد يجي من الشغل مشتاق يحضر ليهو سهرة .. يجيك واحد شبكوا نضمك نضمك نضمك نضمك .. ولا يجيبوا ليك المجلة العلمية .. ولا يجيك مزيع الأخبار يشبكك أآآآآآآآآآآآ زي التقول بتمتم .. بعدك تكتشف أنه بقلد في مزيع بتاع الجزيرة ولا قناة عربية .. والله مشكلة فعلية حقوا ندرجة في جدول أعمالنا الزهجية .
Quote: ونفتح انتخابات نزيهه

أيوه عليك نور .. نزيهه .. نعمله الليلة ويكون الفرز بكره .. والصناديق تبيت عندي في البيت .. يعني بالواضح أنا الأفوز .. وتبيعوا عربية الزهجانة منى خوجلي .. وتشتروا لي عربية بالأقساط .. ونعمل ندوه عن زهج الأقساط .. وزهج الكاش ..
ماتنسيني عملة الرابط ووديته لي سيد الحوش بكري .. ولا لسع ..
والرحلة عملتوا شنوا حددتوا زمنه ولا لسع ..
والبرنامج .. وبينسة سناء جعفر .. وكبابي د. نبراس .. والمهدي بتاع خضر ظهر ولا لسع ..
مع السلامة ،
الأرباب

Post: #217
Title: Re: نادي الزهاجه ..مني خوجلي...عضويه فخريه....
Author: Mohamed Ahmaed Olyesh
Date: 12-17-2007, 09:56 PM
Parent: #216

جينــــــــــــــــــــــــــاكم ياحبايبنــــــــا
وينكم؟
فوق

Post: #218
Title: Re: نادي الزهاجه ..مني خوجلي...عضويه فخريه....
Author: Muna Khugali
Date: 12-17-2007, 11:26 PM
Parent: #217

جبت ليكم خروف مرضان..علشان تعملوه وأي زول زهجانين منه تدوه ياكل من لحمه...

كل عيد وانتم........

Post: #219
Title: Re: نادي الزهاجه ..مني خوجلي...عضويه فخريه....
Author: Mohamed Ahmaed Olyesh
Date: 12-18-2007, 05:45 AM
Parent: #218

مني جايك بي رواقه للشربوت
عليش

Post: #220
Title: Re: نادي الزهاجه ..مني خوجلي...عضويه فخريه....
Author: Muna Khugali
Date: 12-18-2007, 01:53 PM
Parent: #219

اسمعوا..
انا دايره أشيل خروفي ده منكم..
اسه ده خروف يضبحوه؟؟
وبنسه مافي ليك يا سناء ولا لنبراس..
بنسه ملونه بتاعة شنو؟؟
هي ذاتها كانت بنسه سودا وشينه ومصديه من ناحيه..وانا لولا الضروره ذاتها ماكان شلتها منك..
اسه هي اتحرفت وراحت في ستين داهيه زي ناس كانوا كعبين في الدنيا وربنا وداهم جهنم!
وشكلكم كده بتاكلوا المراره والكمونيه..بطريقتكم علاقه معاكم في العيد ما دايره..
ونشوف خالد الأرباب يجينا بياتو قصص في العيد..
أما عني..

مافيش حكاوي!

Post: #223
Title: Re: نادي الزهاجه ..مني خوجلي...عضويه فخريه....
Author: Mohamed Ahmaed Olyesh
Date: 12-18-2007, 09:58 PM
Parent: #220

Quote: انا دايره أشيل خروفي ده منكم..

يامني دي حركه ما جميله منك ونحن كزهاجه ما بنتمني ليك تمرضي بالخروف براك
نحن كلنا حانتقاسم معاك الخروف والرهيفه التنقد يعني شنو كان اتقاسمنا الحمي سوي انعل ابوها زاتو ..كده كده مانافعه

انا بشيل المرارة بي الحمي بتاعتها فداء للنادي (شهيد الزهاجه الاول)

ومنها كمان نحتفل بعرس الزهيج
عليش

Post: #255
Title: Re: نادي الزهاجه ..مني خوجلي...عضويه فخريه....
Author: Mohamed Ahmaed Olyesh
Date: 12-27-2007, 12:31 PM
Parent: #216

Quote: نزيهه

نزيهه من السكه..................ههههه

Post: #221
Title: Re: نادي الزهاجه ..مني خوجلي...عضويه فخريه....
Author: خضر حسين خليل
Date: 12-18-2007, 08:28 PM
Parent: #1

كل سنة وإنتو زهجانين

بأي حال عدت ياعيد

(إفترح أن يكون شعارنا لحدي ما العيد يمر وكدة)

Post: #222
Title: Re: نادي الزهاجه ..مني خوجلي...عضويه فخريه....
Author: خضر حسين خليل
Date: 12-18-2007, 08:32 PM
Parent: #1

كل سنة وإنتو زهجانين

بأي حال عدت ياعيد

(إفترح أن يكون شعارنا لحدي ما العيد يمر وكدة)

Post: #224
Title: Re: نادي الزهاجه ..مني خوجلي...عضويه فخريه....
Author: Mohamed Ahmaed Olyesh
Date: 12-18-2007, 10:02 PM
Parent: #222

Quote: كل سنة وإنتو زهجانين

بأي حال عدت ياعيد

(إفترح أن يكون شعارنا لحدي ما العيد يمر وكدة)

اؤيدك يازهيجي بالنادي
اتخيات شكل الناس مارقه بيوت الجيران وبتهني الناس بالعيد اما الاستاذ الخروف فهو متحكر وجالس يشرب في الشيشه ويضحك علينا(وهم...كرووور...وهم...قال ضحيه قال ...)
تهانينا بالخروف...اقصد بالعيد
عليش

Post: #225
Title: Re: نادي الزهاجه ..مني خوجلي...عضويه فخريه....
Author: د.نبراس
Date: 12-18-2007, 10:41 PM
Parent: #1

كل سنه وانتوا طيبييييييين ,,
وزهجانيييييييييين ,,
وانا كده ما بتمنى ليكم حاجه كعبه والله , بالعكس ,,
انا ادمنت الزهج ده وعرفت اتعايش معاهو ,,وقدرت ليكم عليهو قدره ,,
(وختيت ليهو القدرو ) ,,
واكتشفت ليكم انو الزهج ده زول طيب جدا جدا ,,
بس زهجان حبتين ,, عشان كده بزهجنا ,,

وبعدين احنا مفروض نمتن ليهو ,, مش كفايه اننا اسسنا النادي ده على راسو
واستحملنا طيلة تلات صفحات بي زهجا وفلسا ,, ونكيش شعرا كمان !!
مش كده وبس ,, واستازه منى كمان ودت البينسه في ستين داهيه
وخلتنا منكشين والدنيا عيد !! وانا واستازه سناء بالطريقه دي مافي لينا
اي طريقة عيد !! غايتو يا استازه سناء ,, الجاتك من استازه منى ,,
نتحملا انا وانتي ,, والخروف ,, القلعتو بعد جهزنا شعورنا,,

انشاء الله السنه الجايه متلميين نفس اللمه دي ,, في رحاب نفس النادي الزهجان ده ,,
وتاميين وسالميين ,,
وزهجانييييييييين ,,
وفي مقولة اخرى ,,
مفلسييييييييييييين ,,
والما داير ما يقول امين ,,

بمناسبة الخروف القلعتو استازه منى والضباح واقف قدام خشم الباب ,,
جبتوا ليمون للشطه دي ؟؟؟

Post: #226
Title: Re: نادي الزهاجه ..مني خوجلي...عضويه فخريه....
Author: Muna Khugali
Date: 12-18-2007, 10:52 PM
Parent: #225

Quote: انشاء الله السنه الجايه متلميين نفس اللمه دي ,, في رحاب نفس النادي الزهجان ده ,,
وتاميين وسالميين ,,
وزهجانييييييييين ,,
وفي مقولة اخرى ,,
مفلسييييييييييييين ,,
والما داير ما يقول امين ,,

يعني عايزه تعملي انتي الدعيتي للفلس يجي؟
ماهو اصله قاعد..هي خلقنا دي خلق قروش؟
ماخلق فلس وزهج..ينعل ابباديء ذاتها!

وخروفي شلته لأنه بي مرضه ده اخير من لبني آدمين ..وامشوا شوفوا ليكم حاجه تانيه
تاكلوا الشطه معاها..
انشالله حتي تبش!
ناكشين شعركم زي المجانين كيف!

عيد زهيج ليكم وعليكم!

Post: #227
Title: Re: نادي الزهاجه ..مني خوجلي...عضويه فخريه....
Author: Mohamed Ahmaed Olyesh
Date: 12-19-2007, 02:59 PM
Parent: #226

Quote: عيد زهيج ليكم وعليكم

oleysh

Post: #228
Title: Re: نادي الزهاجه ..مني خوجلي...عضويه فخريه....
Author: Mohamed Ahmaed Olyesh
Date: 12-19-2007, 09:35 PM
Parent: #225

Quote: واكتشفت ليكم انو الزهج ده زول طيب جدا جدا

ياداب يا د/ نبراس
انا والزهج ده من الابتدائي سوا
من زمن الاستاذ بجي داخل بي سوط العنج بي حجه الليله يوم التسميع
من زمن استاذ التربيه الاسلاميه بجينا طاشم وبيقول انو نكون علي خلق
ولا كمان استاذ الرياضيات مرات يقيف جمب السبورة وتقلبو المسالة ويسرح يحكي لينا ليه الحساب صعب
من زمن المدير شخشيا بيجري ويفلق الطلبه بالحجار وانعل ابهاتنا(استاذ بوب اسمو)
والحكايه هسه كمان
العيد جانا ولا همانا
والعيد الجاب الناس ليك ماجانا (هو وينو العيد زاتو)
عليك يا ستي قمت من الصباح فاكيها في روحي قلت العيد الليله ...استحميت ليك ساعه في الحمام...ماف زول عبرني وقال لي الصلاة ما بتفوتنا...ولا في زول جاء دق الباب وقال لي ما تطلع ياخ اتاخرنا....والعجب الوالده...ماجات قالت لي الضيوف بيجو ولا حاجه..المهم قلت اتخيل انو في عيد...الساعه الاسمع ليك (صوت طرق علي الباب بي شدة) اجري وانبرش في الواطه من الفرحه اذا به هذا الذي نعرفه كلنا جميعنا..يرتدي ثياب الواعظين ولا شنو ما عارف(انه الزهج)ضيفا حلا علينا فاهلا وسهلا بك اول زائر لنا بالعيد
...
....
...
ومن هنا بهدي ليكم الاغنيه بي مناسبة العيد
انا بلدي
بلد الخير والطيبه
فيهو جناين
فيهو خزاين
الخ
الخ
الخ
قال غربه قال؟؟؟؟؟
حليل العيد ولمه الناس
في داعي هسه ذكرتونا الشغل
انا ماش الشغل
والبيجي قبالي يكتب لي مذكرة اعرف انو جاء

تلقو الحلاوة والكعك في الديوان ما تخجلو...شيلو ليكم ولي اولادكم
تمام
عليش

Post: #229
Title: Re: نادي الزهاجه ..مني خوجلي...عضويه فخريه....
Author: Mohamed Ahmaed Olyesh
Date: 12-20-2007, 06:10 AM
Parent: #228

ماف زول جاء؟؟
الناس دي ضربت لحم الحمي (اقصد لحم الخروف)ونامو بالشربوت ولا شنو؟؟
عالم جبانات والله
نحن ما معاكم في النادي ده!!
العاجبو كلامي ده عاجبو والماعاجبو اشوف بينستو وين؟؟
عليش

Post: #230
Title: Re: نادي الزهاجه ..مني خوجلي...عضويه فخريه....
Author: Mohamed Ahmaed Olyesh
Date: 12-21-2007, 06:12 AM
Parent: #229

الزهاااااااااااااااااااج عليكم

وعليكم الزهااااااج

عليش

Post: #231
Title: Re: نادي الزهاجه ..مني خوجلي...عضويه فخريه....
Author: Muna Khugali
Date: 12-21-2007, 11:30 AM
Parent: #230

مش في اغنيه كده حقت حمد الريح بيقول فيها..

زهج زهجين دي تالت زهجه...
زهجججججججه اهاهاهاها اها زهجججججججججا اهاهاها اها

يللا فتش لي كلام الأغنيه شنو علشان انا مامتذكره غير اللحنّ!

Post: #232
Title: Re: نادي الزهاجه ..مني خوجلي...عضويه فخريه....
Author: sanaa gaffer
Date: 12-21-2007, 12:52 PM
Parent: #1

Quote: 15-12-2007, 05:37 ص

sanaa gaffer

ياااااااااااهـ بلاهي الزهجة مسكتني منكم قدر دة ؟؟؟

طيب ياخ كل سنة وانتو طيبين .. تامين .. لامين .. حتى لو زهجانين !!!! ...

الاعضاء الدايمين بالنادي .. ناس عليش ومنينةالشايلة بنستي ونبراس وخالد .. احييكم على الصمود ..

اها يا عليش العيد عندنا في الخليج امسخ من لسان الرباطابي

الخروف بيجيك مقطع جااااااهز ... لا بنسمع باع ولا بنشوف دم ولا بنلم البعر ...

لا باب بيدق ولا زول بيتاوق ولا صحن ماشي ولا صحن جاي ...

كل سنة وانت طيب الا من الليك شديد وبالتلفون ولا يمكن اضعف الايمان .. مسج متداول يتكرر عندك عشرة مرات ...

لا مرارة بالاتي( مع تشديد التاء ) ولا شية جمر ولا كمونية ...

ومن تاني يوم كابسنا مطاعم البتزا والكنتاكي ...

لا امي تنقنق فيني .. يابت ولعي الصندل وشدي الملايات وجهزي الشيالة .. ولا اخوات يناكفوك في غسيل العدة .. ولا صحبات يدوك الشمار ..

العيد هنا شقة مقفولة وتلفزيون وتلفون .. زيارات نادرة .. وحميمية اندر ...

العيد هنا يوم اجازة عادي زي باقي الايام ..بدون خصوصية ولا ريحة ولا طعم مميز ...

اها تاني زهج شنو اكتر من كدة ؟؟!! ... ياخي احنا لولا بعض الصداقات مع ناس لسة فيهم ريحة بلدنا كنا جنينا عديل ...

ويا منى البينسة دي حردتها ليك ... وحاقعد منكوشة الى اجل غير مسمى ..

اها ودعتكم الله والرسول .. عيدكم مبارك ..وينعاد عليكم بالخير ...

Post: #233
Title: Re: نادي الزهاجه ..مني خوجلي...عضويه فخريه....
Author: Mohamed Ahmaed Olyesh
Date: 12-21-2007, 11:24 PM
Parent: #232

بجي احكي ليك العيد في امريكا يا سنا (وهمزة علي السطر)
عليش

Post: #234
Title: Re: نادي الزهاجه ..مني خوجلي...عضويه فخريه....
Author: Muna Khugali
Date: 12-22-2007, 10:50 PM
Parent: #233

دمكم تقيل!

حقو الزول يكشح فيكم مويه حاره!

Post: #235
Title: Re: نادي الزهاجه ..مني خوجلي...عضويه فخريه....
Author: Mohamed Ahmaed Olyesh
Date: 12-23-2007, 08:55 AM
Parent: #234

مني
كلمناكم قلنا الزول لوداير افتح بوست من شروطنا يساذن من الاعضاء
ولا انت قايله الحكايه سايبه؟
العاجبو عاجبو وما العاجبو يشيل بينستو ويمشي (ده كان لاقيها زاتو)

عن اذنكم عاوز افتح بوست جديد

امشي ولا لسه؟
عضو وصل قمه الزهج المتدني

Post: #236
Title: Re: نادي الزهاجه ..مني خوجلي...عضويه فخريه....
Author: Siham Elmugammar
Date: 12-23-2007, 12:25 PM
Parent: #235

يا عليش ياخ انا فى قدمت اول زول لنادى الزهاجه ده
لكن لقيت رقبتى فتكم لانى ضربت الدبريشن
اها لما تصلو المرحله دى قولو لى عوووووك
بس خايفه تلقو الدبريشن ضربنى لغم
اوفففففففففففففففففففففففففففففففففففففففففففففففف و احىىىىىىىىىىىىىىىىىىىىىىىىىىىىىىىىىىىىا

Post: #237
Title: Re: نادي الزهاجه ..مني خوجلي...عضويه فخريه....
Author: Muna Khugali
Date: 12-23-2007, 12:35 PM
Parent: #236

سهام كل سنه وانتي طيبه..
يعني انت ماعضوه من ساعة ماقدمتي للعضويه..
تكوني عايزانا نعمل بطاقه وعليها صورتك؟
خلاص كويس.. جيبي صورتك وعليش حالا يصمم بطاقه يديكي واحده ويديني خمسمايه..لأنه الزهج عندي
عنده خمسمايه شكل!!
وعلي فكره يا عليش أعمل بطاقه سناء مرسوم عليها بنسه مصديه..

عارفه الليله انا حالتي كيف؟؟

انا عندي لوعتن!

من لوعه..

Post: #238
Title: Re: نادي الزهاجه ..مني خوجلي...عضويه فخريه....
Author: Siham Elmugammar
Date: 12-23-2007, 01:02 PM
Parent: #237

منى كل سنه و انتى طيبه
اها صورتى و انا زهجانه مافى تنفع وانا مدبرسه؟؟؟

هوىىىى اللوعه دى بتجيب ليك الهوا

Post: #239
Title: Re: نادي الزهاجه ..مني خوجلي...عضويه فخريه....
Author: Muna Khugali
Date: 12-23-2007, 02:38 PM
Parent: #238

Quote: منى كل سنه و انتى طيبه
اها صورتى و انا زهجانه مافى تنفع وانا مدبرسه؟؟؟

هوىىىى اللوعه دى بتجيب ليك الهوا
المشكله مش انها تجيب لي الهوا..
المشكله هي اللوعه ذاتها بتجي من شنو؟
اسه انا زهجت من اول جديد..لأني اكتشفت انه اللوعه دي مافي ليها سبب!
زهجتيني انتي يا سهام ما كان تسكتي تخليني عايشه في لوعتن حقتي..
اسه اقضي باقي اليوم ده كيف؟؟

فقاره خلاص انتو..لازم تزهجو الزول شديد!

Post: #240
Title: Re: نادي الزهاجه ..مني خوجلي...عضويه فخريه....
Author: Mohamed Ahmaed Olyesh
Date: 12-23-2007, 05:46 PM
Parent: #236

سهام المجمر
والله نحن كنا حانطلع اعلان عن خرجت ولم تعد حتي الان
الاوصاف
زهجـــــــــــــــــــــــــــــــــــــــــــــــــانه

وينك انت والدبرسه وصلت فيها وين؟
عموما عليك اشتراكات متاخرة حقو تدفعيها وماتقول لي دبرسه وكلام من النوع ده
تدفعي يعني تدفعي انشاء الله بي تعليق

عليش
يامني يامني

Post: #241
Title: Re: نادي الزهاجه ..مني خوجلي...عضويه فخريه....
Author: Mohamed Ahmaed Olyesh
Date: 12-24-2007, 09:55 PM
Parent: #240

[object width="425" height="355">

اهديـــــــــــــــــــــــــــــــــكم كل ابتساماتي
واشكركم جميلا علي مساندة بعضنا في اشد اوقات الضيق والزهج
احبكم جميعا بدون فرز والعاقبة عنكم في المسرات
كنتم جميعا اصدقاء وبلا حدود
كل عام وانت بخير
كل عام وانت هكذا كما عودتمونا
كونوا اروع منا
اجمل منا
بصدق

عليش

Post: #242
Title: Re: نادي الزهاجه ..مني خوجلي...عضويه فخريه....
Author: sanaa gaffer
Date: 12-24-2007, 10:26 PM
Parent: #1

في زهج اكتر من انو الزول يساهر لغاية الوقت دة وعندو شغل الصباح بدري ؟؟

ياخي الليلة الكريسماس ؟؟!!! ...

طيب كل سنة واخوانا المسيحيين بخير ... المجد لله في الاعالي وبالناس المسرة وعلى الارض السلام ...

سبحان الله الكريسماس دة في السودان زمان كان ليهو شنة ورنة ... حفلات خاصة وعامة ... تجهيزات استثنائية ... خياطة فساتين !! ..

هسة بقى زي كل المناسبات البتمر بدون ما تجي جنبنا .. نعاين ليها من بعيد بدون ما تلمس اي شئ فينا ...

ما عارفة احنا الاتغيرنا واصبنا ببرودة في المشاعر وصلابة في التجاوب وكساد في الانفعال ؟؟؟ ولا الزمن هو الاتغير وفقد خواصه ؟؟!!..

يا منى خلصتي المكوة ولا لسة ؟؟؟

ونبراس دي مشت وين ؟؟

عليش انت في الاستيت مافي كريسماس ؟؟ مالك قاعد هنا ؟؟ .. ما تتخارج ...

سهام ..حياك الله في نادينا .. انضمي لاكبر تجمع زهجي اسفيري بقيادة الوجيه عليش ..

عندي نزلة ... نخرتي مقفولة .. وراسي تقيل .. وما قادرة انوم .. اها الحل شنو ؟؟!! .. غايتو جنس زهج !!....

Post: #243
Title: Re: نادي الزهاجه ..مني خوجلي...عضويه فخريه....
Author: Muna Khugali
Date: 12-24-2007, 10:42 PM
Parent: #242

كل كرسماس وانتو بخير..
حتي من غير فساتين سهره او بدل..
ومن غير نادي كاثوليكي ولا ايطالي ولا غيره..
يكفي ان نتذكر ونفرح بالذكري القديمه..
وأن نراهم هنا يغنون لميلاد المسيح عليه السلام..
وا نستمتع بمنظر الهدايا وهي تتكوم تحت الشجره المزينه..
وأن نشاهد معهم الهدايا وهي تفتح..
فالفرح ايضا مفرح عندما نراه في عيون الآخرين..

الزهج الليله أديناه اجازه..
كل سنه وانتي طيبه يا سناء..
يا نبراس
يا سهام
ويا حبيب الكل عليش..
ولخالد الأرباب الذي اكل الخروف ثم داخ..
لكم جميعا زوار وقراء هذا البوست..
عيد سعيد..

Post: #244
Title: Re: نادي الزهاجه ..مني خوجلي...عضويه فخريه....
Author: Mohamed Ahmaed Olyesh
Date: 12-25-2007, 05:01 AM
Parent: #243

الكرسماس

عيد المسيحيين

وكلنا محبه
وقلب مفتوح شوارع

ياقلبي عنوان للمحبه...
وزع الفرح المخبأ...
وعطر الكون الفسيح..

لو قلت ليكم انا شغال بتصدقو؟؟؟

معليش والله..
تسلمي مني خوجلي
سناء
خالد
نبراس

تخريمه لي نبراس

رشا شيخ الدين دي ما معانا وكده...اها شنو ليك؟
وحفله البلابل وعمر بانقا وعاطف انيس وماهر تاج السر الليله
حندكه...........

Post: #245
Title: Re: نادي الزهاجه ..مني خوجلي...عضويه فخريه....
Author: د.نبراس
Date: 12-25-2007, 06:56 AM
Parent: #1

merry christmas ,,

والله ناديكم ده انا بقيت احبو عديييييييل كده ,,
هو زاتو بطل الزهج والحركات بتاعتو ديك ,, وبقى ظريف وكلو معايدات
وتهنئات , وتيتدي القصه بأجازات من الزهج , وعيييييك ,,
نلقى القصه بقت نادي الناس المهججين ,,
انشالله الكريسماس الجاي يلقاكم مهججين ,,

والله يا استازه سناء انا قلت اغتس شويه , شايفه استازه منى كانت
مهدده الناس بي مويه حاره كده وبتاع ,, قلت ارجع لما الاوضاع تهدأ ,,
والحمد لله الكريسماس ده نساها حكاية المويه الحاره دي ,,
الله يسترنا من موية النار بس ,,

وبالنسبه لعليش ,,
فياسيدي الفيك اتعرفت ,,
يعني انا سامعه بي رشا المعاكم دي وعامله نايمه ,,
واقول لي نفسي هسا تلقاهم مع (عذارى الحي) ,, وارجع تاني اقول وشنو يعني ؟؟
ومرات تانيه اقول الجماعه يتلقي هسا مع (سالب فؤادي) ,,
وبرضو ارجع اقول بلا فؤادي بلا حركات معاهم ,,
وعايشه المأساه دي في صمت , واشيل وارضي في روحي ,,
تجي انت هسا تقول كلامك ده ؟؟
والله هسا ادفق ليكم جك المويه ده كلو ,,
وافتفت ليكم خبيزكم العاجبكم ده ,, واقلع بينستي وامشي ,,

........

اها بعد الزعله فكت ,,
ياجماعه كلو كريسماس وانتوا احلى ناس زهجانه ,,
انتوا يا احلى ناس بتفهم الزهج ,,
وبتعرف تعمل منو نكته ,,
اجمل حاجه حصلت لي اني عرفتكم ,,
الله يخليكم ياخ ,, تقعدوا بس تملوا علينا الدنيا زهج ,,
وتضحكونا بعد حين ,,

بجيكم تاني ,,
لما تكون موية استازه منى دي بقت (صااااقطه) ,,
بالله كلمة صاقطه دي مش اكتر كلمه بتزهج في الدنيا ؟؟؟؟
غايتو صقط ,,

Post: #246
Title: Re: نادي الزهاجه ..مني خوجلي...عضويه فخريه....
Author: Mohamed Ahmaed Olyesh
Date: 12-26-2007, 04:38 AM
Parent: #245

نبراس
اها شنو ليك!!
لاقينا رشا
واحتفلنا احتفال كبيرة مسافه حول كده

والبينسه كان فكيتيها ولا مافكيتيها برضو لاقيناها
انت ماكان تجي

ولا الشغل الجاب الناس لينا ماجابك تم ترم ترم تم تم

والله النادي ده بقي صاقط جنس صقط الله يكفينا شر مويه الجك وموية مني الحارة دي
وهو عليك الله مع البرد بتاعنا ده موية مني دي كان انكشحت ما الا نلقطها مكعبات ساكت من بردنا ده

الكرسماس الجاي..........
وصلح السراير حديــــــــــــــــــــــــــــــــد..(,^^)
عليش

Post: #247
Title: Re: نادي الزهاجه ..مني خوجلي...عضويه فخريه....
Author: Siham Elmugammar
Date: 12-26-2007, 07:36 AM
Parent: #246

عليش والله كان خرج و لم يعد ما بعرف!!! اولا: خرجت ولم تعد والا انت داير ناس ندى مصطفى يجو يودرو لينا قدر الفينا
وبعدين الدفع ده ذااااااتو ما المدبرس بينا دحين كان فيها دفع يانى الخرجت و لم تعد...

منى خوجلى ما تتشبكى فينى ساى ازهجى زهجك ساااااااكت

Post: #248
Title: Re: نادي الزهاجه ..مني خوجلي...عضويه فخريه....
Author: Khalid Saeed
Date: 12-26-2007, 09:10 AM
Parent: #247

الزعيمة منى والزعيم عليش
وكل الزهجانين .. الفي القليب ساكنين ..
كل سنة وإنتوا طيبين .. والخروف كملتوهو ولا لسع ..
عيد ميلاد مجيد .. وكل كريسمس وإنتم بخير ..
أما إذا طاب لكم السؤال عني ...
فأنا أكتب إليكم من داخل الحجز الإجباري الذي تفرضه عليــه زوجتي العزيزة ..
بمناسبة إجازة العيد الإجبارية .. حيث أنني موضوع رهن الإقامة الجبرية بمنزلنا ... ومسحوب مني كل أدوات النت .. وذلك حتى يطيب لزوجتي أن أجالسها دون أن يتدخل السودان بيننا .. وكما ذكرت لكم من قبل فإنها متيقنة من أنه هو سبب نفور الحب من عشنا الزوجي .. لذا فإن زوجتي عملت بنصيحت جارتنا التي خرجت من السودان زمن عبود ولم تعد حتى الآن .. حيث أخبرتها أن سر سعادتها أن زوجها لايتعاطى الجرائد ولايجدد معلوماته.. وعندما يغضب من الغربة .. يقول الله ينعل أكريتك ياعبــــود ...
أما عن الخروف .. فحصل عندنا فصل بايخ جداً .. حيث أن الخراف المصابه بالحمى لم تأتي إلينا بحكم منع الإستيراد والتصدير .. مما جعل الخراف المعافاة .. تتمنع وتتدلل بل يصل سعر شبكتها إلى 1200 ريال .. ريال ينطح خروف .. ولما كان لابد مما ليس له بد .. تحايلت على هذا الموقف المحرج بأن إشتريت هيكل خروف .. من غير جلد وحيث كان يوجد لدى رأس من بواقي سماية قديمة .. فإكتمل بذلك شكل الخروف الخارجي .. وإنطلت هذه الحيلة على الجيران حيث دعمتها بي فحم وكانون وجلست أشوى على السطح مفاخراً بجودة خروفي الذي قيمته 1200 ريال .. مما أصابهم بالدهشــــة .. ولكن كانت المشكلة الكبري في إبني سعيد الذي مازال يصر حتى الآن أن هذا الخروف غير حقيقي لأنه لم يشاهد ذبحــــــه ... ومازلت أحاول إقناع إبني دون جدوى ... والله ذي ماقال المثل .. أهل الدار إستغفروا والمعازيم كفروا .. أسع كما ساي ولدي مالو ومال الضبح .. حاج تزهج عيال آخر زمن ..
كل سنــه وإتنوا تيبيييييييين

أخوكم الأرباب

Post: #249
Title: Re: نادي الزهاجه ..مني خوجلي...عضويه فخريه....
Author: Mutwali Malik
Date: 12-26-2007, 08:10 PM
Parent: #248

عليش يا اخوي
الليلة انا زهجان زهج قافلة معاي قفلة تصور قزازة دم بي مائة وخمسون الف جنيه سوداني والدم منك ياجماعة بس وروني الكلام دا بيخش دماغ زول
والحكاية دي حقيقية حصلت اليوم
من اين اتي هؤلاء
حسبي الله ونعم الوكيل
راجع الرابط
قزازة دم

Post: #250
Title: Re: نادي الزهاجه ..مني خوجلي...عضويه فخريه....
Author: نادية عثمان
Date: 12-26-2007, 10:18 PM
Parent: #249

ممكن (اتزهّج) فيكم ..اقصد معاكم شوية ؟!!

Post: #252
Title: Re: نادي الزهاجه ..مني خوجلي...عضويه فخريه....
Author: Mohamed Ahmaed Olyesh
Date: 12-27-2007, 04:36 AM
Parent: #250

Quote: (اتزهّج)

انت لسه ما اتزهجتي؟؟

تعرفي ياناديه قالو واحد عندو مرض الزهج حماك الله كمو....كان يقوم من الصباح اوووووف...كان اكل يزهج...اووووف...كان اتكلم مع زول يزهج يقول اوووووووف...يشوف التلفزيون ...اوووووف...يشرب من الزير ...اوووووف...يقعد في الركن بتاع الحله..الماش والجاي يسلمو عليهو يرد عليهم ...اوووووف..الجماعه اتفقو يعالجوه...ودوهو لي دكتور اخساوي....قال ليهم ماعندكم اي مشكله...انا علاجو عندي...الزول ده امرو مقضي....قام عمل معاو جلسه واحده بس ....قال ليهو تاني ما حاتزهج خااااالس خااااالس...صاحبنا الزهجان سابقا مشي البيت اساس انو اتعالج من الزهج....وناااااااااااام...اول ما قام الصباح لقي نفسو ما زهجان....قال....اوووووووووووووووووووووووف

ههههه
تعالي يا ناديه ومقدما اقول ليك اووووف
عليش

Post: #253
Title: Re: نادي الزهاجه ..مني خوجلي...عضويه فخريه....
Author: Mohamed Ahmaed Olyesh
Date: 12-27-2007, 04:44 AM
Parent: #249

Quote: قزازة دم بي مائة وخمسون الف جنيه سوداني والدم منك

؟؟؟

؟؟؟

؟؟؟؟
اوووووووووووووف
طيب الدم منك والقزازة منك والسرير من منو؟
الواحد لو قال لي نقل كلي برضو الدم والكلي منو؟؟
اللهم اشفي يارب
متولي نديك رئاسه النادي ياخوي حالتك مستعجله وخطيرة انا بزكيك غايتو مني كيف الكلام ده؟؟
عليش

Post: #254
Title: Re: نادي الزهاجه ..مني خوجلي...عضويه فخريه....
Author: Mohamed Ahmaed Olyesh
Date: 12-27-2007, 04:52 AM
Parent: #248

Quote: فأنا أكتب إليكم من داخل الحجز الإجباري الذي تفرضه عليــه زوجتي العزيزة

والله زمان لما كنا بنمثل في تلفزيون السجم والرماد داك كنا بنعالج ظاهرة تبديل العدة بي الهدوم...وفي واحده من حلقاتنا كنا عرضنا مشكله الزوجه البتفرض الحصار شديد ديك ...ولما صاحبنا ماقدر يزوغ برغم المحاولات والتشاورات الديمقراطيه قرر المذكور اعلاه تبديل الزوجه بعدد 2 دستة كبابي شربات فاخرة وكان القرار غيابيا(ده ما تحريض طبعا-لفت نظر بس)
غايتو كان المدام بتقرا معاك البوست ده انا حقو اقدم لجوء الصين ولا شنو؟
بنكرك بعدين...
اما الخروف فدي عمليه احسن من الناس القامو بتأجير الخروف بالليل وارجاعو بعد الرجل ماخفت والضيوف مشو

عليش

Post: #251
Title: Re: نادي الزهاجه ..مني خوجلي...عضويه فخريه....
Author: Mohamed Ahmaed Olyesh
Date: 12-27-2007, 04:25 AM
Parent: #247

Quote: خرجت ولم تعد والا انت داير ناس ندى مصطفى يجو يودرو لينا قدر الفينا

انتو ناس ناس ندي ديل كان زهجانين مرحب بيهم هنا ده اما اذا بهجانين (علي وزن شبعنين وفرحانين وماف مشكله )
فديل حقو يمشو ليهم بوست تاني انشاء الله بتاع البتاعات داك..
اولا..
انتي مفروض عليك الحصر ما عارف كتبت رد كيف؟اما الدفع لسه مطالب بيهو ..او تحليها مع ندي ولا اخوات كان المهم القروش وين؟الحيطه بتاعت النادي ده مالت خلاس وعايزة ليها سنده والمواسير شخرت....وكروت الكهرباء كلهاانتهت ...والقصه جايطه شديد

يا سهام ياخ ادفعي خلينا نشوف البعدك منو؟
بجيك هسه
عليش زاتو...

Post: #256
Title: Re: نادي الزهاجه ..مني خوجلي...عضويه فخريه....
Author: Mohamed Ahmaed Olyesh
Date: 12-27-2007, 12:41 PM
Parent: #251

اووووووووووووووووووووف
والله حاجه غريبه خالس
الواحد الليله ماشغال برضو يقوم بدري في نفس المواعيد................
نفس انوم لحدي ما تزهج من النوم زاتو....
بالله الساعه ما اشرت زاتو الخامسه الا الربع تيب تريب صنقرت في نصص السرير قلت لي نفسي ...
انشاء الله يرقوك...
غايتو...
روتين ممل لحدي المرض
...
المزهجني اكتر كمان....وينها مني ياجمــــــــــــــاعه ؟؟؟؟ ماشفتو مني..؟؟؟
تكون (....) زرزرتها في موضوع البينسه؟؟
اتفضلو قهوة الصباح ياجماعه؟
عليش

Post: #257
Title: Re: نادي الزهاجه ..مني خوجلي...عضويه فخريه....
Author: Mohamed Ahmaed Olyesh
Date: 12-27-2007, 01:12 PM
Parent: #256

محمد السني...................

لا المسرحيه جهزت ولا انت بقيت تجي...
خليها المسرحيه تعال ساكت ياخ..
زمان في دكان الحلة مكتوب ...(الدين ممنوع....فالدين يمنعنا ويحرمنا من شوفة الزباين المستمرة...)

Post: #258
Title: Re: نادي الزهاجه ..مني خوجلي...عضويه فخريه....
Author: Mohamed Ahmaed Olyesh
Date: 12-27-2007, 01:50 PM
Parent: #257

ــــــــــــــــ
ــــــــــــــ
ــــــــــــ

بس

Post: #259
Title: Re: نادي الزهاجه ..مني خوجلي...عضويه فخريه....
Author: Mutwali Malik
Date: 12-27-2007, 04:48 PM
Parent: #258

عليش
تعرف عضوية النادي دا خلتني اكتشف انو ممكن اكتب زهج اقصد شعر
وبس
قمت الصباح والحالة ديك متعكرا
حاولت اعمل اي حاجة بس ما ارجع ورا
قفلت معاي عاينت جاي واتلزمت الضرا
دنيا عجيبة حاجة غريبة مين بستحملا
بس الفضل انو نغني ووب علي والمقدرة وراجل المرا
شوفته في كم بس هنا
اوع يكون بس بيت المال الشالا وهيج علي شجوني

Post: #260
Title: Re: نادي الزهاجه ..مني خوجلي...عضويه فخريه....
Author: Mohamed Ahmaed Olyesh
Date: 12-27-2007, 05:11 PM
Parent: #259

لحقت ربيع طه يا متولي

مع زهجتي..
عليش

Post: #261
Title: Re: نادي الزهاجه ..مني خوجلي...عضويه فخريه....
Author: Mutwali Malik
Date: 12-27-2007, 05:33 PM
Parent: #260

تعرف ياعليش البوست دا جاء في وقتو تماما وحا افك زهجتي فيهو يعني حا افكهاوانا الليلة من شدة مازهجان ماماشي الشغل ذاتو خليهو يرفدوني هي فارقة رفدوني ما رفدوني
اقعد انت في رفدوني ما رفدوني لما الموضوع يبقي زي الاسكوني فروني - دا اسم الدلع لسجائر البرنجي

Post: #262
Title: Re: نادي الزهاجه ..مني خوجلي...عضويه فخريه....
Author: Muna Khugali
Date: 12-28-2007, 04:42 PM
Parent: #261

والله مافي احسن من الوقت البايخ ده علشان الواحد يوريكم زهجه!!!

شوف عاملين كيف!

Post: #263
Title: Re: نادي الزهاجه ..مني خوجلي...عضويه فخريه....
Author: Mohamed Ahmaed Olyesh
Date: 12-28-2007, 11:24 PM
Parent: #262

انا الليـــــــــــــــــــــــــــــــله مش زهجان والله سيد الزهج مابلحقني
هو سيد الزهج منو؟
يا منــــــــــــــــــــــــــــــــــــــــــــي
انت يامتولي حكايه الرفد دي شنو اليومين دي

نشوف لينا فورمات نعبيها

والله لكن غايتو

اووووووووووووووف
اوووووف

ا
و
و
و
و
ف زاــــــــــــــــــــــــــــــتو
شليع يامان

اي شليع والماعاجبو يشيل بينستو ويمشي نادي الزهاجه

Post: #264
Title: Re: نادي الزهاجه ..مني خوجلي...عضويه فخريه....
Author: Mohamed Ahmaed Olyesh
Date: 12-29-2007, 05:14 AM
Parent: #263

حليل الماسنجر

حليلو

Post: #265
Title: Re: نادي الزهاجه ..مني خوجلي...عضويه فخريه....
Author: sanaa gaffer
Date: 12-29-2007, 05:25 AM
Parent: #1

Quote: انا الليـــــــــــــــــــــــــــــــله مش زهجان والله سيد الزهج مابلحقني
هو سيد الزهج منو؟

اها يا عليش انا الليلة وخلافا للعادة ما زهجانة ... ودي طبعا حاجة غريبة ..

لكن لو عرف السبب بطل العجب ...

بس لانو بكري اخيرا ادى صاحبتي باسوورد وبقت معاي هنا في الحوش الكبير ...

يا أعضاء القبيلة .. رحبوا معي بصديقتي الجميلة .. منى علي الحسن

غايتو كم يوم كدة لمن تنتهي رقشة وجودها بارجع ازهج تاني...

اقعد بزهجك براك الليلة ...

Post: #266
Title: Re: نادي الزهاجه ..مني خوجلي...عضويه فخريه....
Author: Mohamed Ahmaed Olyesh
Date: 12-29-2007, 04:12 PM
Parent: #265

انا زاتي برحب

برحب ...برحب...برحب

بس
عليش

Post: #267
Title: Re: نادي الزهاجه ..مني خوجلي...عضويه فخريه....
Author: Mohamed Ahmaed Olyesh
Date: 12-29-2007, 06:05 PM
Parent: #266

في تمام الزهجه المتاخرة من الليل صحيت....كابوس ماعارفو...حلم...الله يعلم....
كباية مويه صااااقطه......كديسه عيونا خدرا....صوت...بحر ولا ماسورة مكسورة الله يعلم...
المهم قمت من النوم...والمؤثرات الصوتيه ملانه لاعن حدي.....ياربي يكون شنو الحلم ده في هذا الوقت المتأخر من الزهج...
ممكن اجد حل؟؟؟

المعزب..
م/ع
الملايات المتحده

Post: #268
Title: Re: نادي الزهاجه ..مني خوجلي...عضويه فخريه....
Author: sanaa gaffer
Date: 12-29-2007, 06:17 PM
Parent: #267

Quote: الملايات المتحده

دة اكيد كابوس الخلاك تفكر في الملايات ... ولا تكون قررت تتاجر في ملايات الكانون .. باقي بقت تجارة مربحة شديد ...

خلاص تعال فكة زهج كدة نعمل مشروع لدعم استثمارات النادي ... نبيع الملايات الكانون ...

بس على شرط منى خوجلي اصلها ما تشاركنا ... باقي هي خرخارة .. كفاية بنستي الابت ترجعها لي ...

فكر بعد النومة الطارت دي ورد علي ...

Post: #269
Title: Re: نادي الزهاجه ..مني خوجلي...عضويه فخريه....
Author: Mohamed Ahmaed Olyesh
Date: 12-29-2007, 09:37 PM
Parent: #268

والله القصه شكلها مربح لكن فيها بيع لي ناس مني

المهم برجع تاني ليك

ياسناء

عليش

Post: #270
Title: Re: نادي الزهاجه ..مني خوجلي...عضويه فخريه....
Author: Muna Khugali
Date: 01-02-2008, 01:37 AM
Parent: #269

ده شنو ده؟؟
انتو انتحرتوا من الزهج ولا شنو؟؟؟

غايتو كان عملتوها تكونوا حلوين خلاص..
احوم في البوست ده براي..أخبط الحاجات وأغني بصوتي الشين ده..
اشاكلهم حتي وانتو منتحرين..وبعد ده امشي بيتنا...

كان مافي زول فيكم كلكم ظهر لي بكره..بعمل اعلان ورثه!

Post: #271
Title: Re: نادي الزهاجه ..مني خوجلي...عضويه فخريه....
Author: د.نبراس
Date: 01-02-2008, 02:51 AM
Parent: #1

انا جييييييت ,,

كده معناها انا واستاذه منى الورثا الشرعيين ,,
مخصوم من الورثه حق البينسه طبعا ,,
ما عارفه لصالح منو ,, لأنو لغاية هسا ما في زول عايز يعترف
ويقول انو البينسه دي اصلا حقت نبراس !!
لكن الله في ,,

سؤال لاستاذه منى بالجنبه كده :
الصوره بتاعة البروفايل بتاعتك دي فيها حاجه زهجانه كده !!
السؤال : معانا منو ؟؟
استاذه منى ولا استاذه سلمى بت الشيخ ؟؟
عشان خفتها تكون دخلت باسمك ولا حاجه !!
وتكون هي الكتبت كلام الورثه ده وتجوا بعد شويه تقولوا ما في زول
حيورث في النادي ده ,,

الواحد على الزهج العليهو يختوا ليهو صورتين في بروفايل ,,
لما بقيت ما عارفه اي حاجه !!
هسا انا منو ؟؟
وعليش زااااااتو منو ؟؟
وانتوا منو ؟؟
انا تااااااااااني بطالب بالطبيب النفسي !!
وسندوتش فول !!

Post: #272
Title: Re: نادي الزهاجه ..مني خوجلي...عضويه فخريه....
Author: Mohamed Ahmaed Olyesh
Date: 01-02-2008, 09:14 AM
Parent: #271

الطبيب النفسي هين...بتلقي في لقرب اجزخانه(صيدليه يعني)
المشكله في الفول.....
عليش

اف

Post: #273
Title: Re: نادي الزهاجه ..مني خوجلي...عضويه فخريه....
Author: Mohamed Ahmaed Olyesh
Date: 01-03-2008, 09:23 PM
Parent: #272

الليله موش زهجان وبس......عيـــــــــــــــــــــــــــــــان..ونخريني مقفله مرة واحدة....ماقادر اشم....ولا حتي ريحة الاكل زاتو...اكل شنو هو انا باكل ؟؟والله قال اكل قال...حاولت اقوم ماقدرت...حاولت اقدر ماقمت....قريت الجريدة اليكترونيا..برضو مانفعني غير التوشوس(اي المناديل الورقيه) فكرت اعمل لي شاي بي ليمون ...سعيلك الله ذادني وعطسني ياخ العيون يا حلاتن....الفكرة غبيه وااحساس بالنوم اغبي منو ....
السنه الجديده جات ولافي زول قال سنه حلوة ياجميل..النادي مالو بقي زي ماقالت مني (كعب كدي)الناس بقت مابتهتم بيهو ولا جايبه خبرو ليه؟ماناديكم وانتو قمتو بي تأسيسو...الحاصل شنو.؟ وين الخته عشان شكلها قربت لي شديد....الصرفه الجديدة دي مالها طويله كده الواحد عايز علاجات...حبة حبوب....ناس البينسه وينهم ماشايفهم ولا شايف الشعر المنكش....يربي في السنه الجديده دي في نكيش شعر معانا؟؟حقو نحدد جميعيه المنكشات وغير المنكشات والعاملين عليها وبنات السبيل(ديل الماشغاليين بالشعر من اساسو وتحت تحت كده ماعندهم شعر زاتو)...
ياجماعه وجع الراس اعمل ليهو شنو؟النادي خلا..................
فتكم بي عافيه وكل سنه وانتو طيبين وتامين وسالمين وغانمين
عليش

Post: #274
Title: Re: نادي الزهاجه ..مني خوجلي...عضويه فخريه....
Author: Muna Khugali
Date: 01-03-2008, 09:41 PM
Parent: #273

اولا بالتبادي تبري من المرض..ومافي داعي توصف لينا اسه نخريني بالوصيف ساكت انقفلن!

سنه عديله عليك اخوي..والناس دي كلها غايبه في شان طلبك للشتراكات..هو ذاته الناس المنكشه دي حقو يفعوها اشتراك أعلي زي نوع تعويض كده يعني لباقي اعضاء النادي..
وانا ماشيه أحلق صلعه علشان سنويه دي ذاتها ما تقدر تسألني عن البنسه..
زنبراس العاجباها البنسه برضه تشوف ليها موضوع تاني..
وانا النادي ده وارثاه كان انتو في ولا مافي..ونبراس ماعندك ميراث هنا الا تتفقي معاي!!

قوم سريع اخوي من المرض...دايرين نفتح غرفة الزار!

اسمع الزير نمره تلاته داك الكسره منو؟؟

Post: #275
Title: Re: نادي الزهاجه ..مني خوجلي...عضويه فخريه....
Author: Mohamed Ahmaed Olyesh
Date: 01-04-2008, 03:46 AM
Parent: #274

اعذروني يا جماعه اكان عاديت زول بالنخراباتزم اي (قفيل المناخير)نظام ثقافه
بني خوجلي سلامات(طبعا بني دي معناها مني بس لو سمعتيها بعد قفيل النخرين بيكون نفس النطق)الميم بتتنطق با
قالو لي لشرب شاي تقيــــــــــــل بس ليمون تقيل برضو
انتو قالو ليكم مابشربو؟
اكان زول قال لي سف تمباك بي قرض برضو بسف
واحد قال لي اشرب حاجات دافيه
واحد قال لي :شفت البصل الابيض المتوسط(قاصد البصل طبعا) جيب ليك ملوة بصل وقطعها كبـــــــــــــــــار وجيب ليك حبه ملح واقعد اقروش البصل ده...
واحد جاب لي عديل صحن ليمون وفتلتين شاي ليبتون وبدا يسخن في المويه ..نظام البيان بالعمل...
الغريبه ماف زول قال لي اقع الدواء ولا امش الدكتور....
تقافه بلديه محليه ميه الميه
ودكاترة تعبانين 6 سنه دراسه تجو تقول لي اقع البصل؟؟!!!
ارفعو البينسه دي من الواطه عشان العدوي ماتصيبكم
اعفو لي كان مرضتو بي سببي كويس؟
سوقو الشفع ديل من قدامي
يامني عايني تحتك ناتكشحي صحن البصل ده
نزليش
مع نزلتي الحارة والتهاني بالعيد
قال بصل قال هسه خشمي مابقدر ادخل فيهو شي من كترت الليمون

Post: #276
Title: Re: نادي الزهاجه ..مني خوجلي...عضويه فخريه....
Author: Mohamed Ahmaed Olyesh
Date: 01-04-2008, 05:45 PM
Parent: #275

Quote: اسمع الزير نمره تلاته داك الكسره منو؟؟

الضيوف ديل تبع منو يا اخوانا
النادي ده براهو مكسر ولاحق الصح
ابعدو لي قدام من الازيار دي!

Post: #277
Title: Re: نادي الزهاجه ..مني خوجلي...عضويه فخريه....
Author: Muna Khugali
Date: 01-04-2008, 06:26 PM
Parent: #276

ياخ والله ناس المعاضه ديل كرهونا العيشه!
ياخ عرفنا الكيزان شالوها وطفقوها..
الزير ذنبه شنو؟؟

انشالله تكون سفيت المابعرف شنو داك بالقرض؟!

Post: #278
Title: Re: نادي الزهاجه ..مني خوجلي...عضويه فخريه....
Author: Mohamed Ahmaed Olyesh
Date: 01-07-2008, 00:06 AM
Parent: #277

البقول ليك والله اليومين ديل الفيروس ده حايم...
والبقول ليك القحه دي حارة والله انا السنة الفاتت....
اما العلماء..
طبعا فيروس البرد ده حايم بعداك بستوطن زي شهر كامل داخل الخلايا...(بدون مقاطعه-او هو في الحقيقه مقاطعه عديل كده)
فيروس شنو ووهم شنو ياخوانا القصه انا نزلت في البرد والهبوبو البارده ديك ولفحتني ليك شويه نزله...الله...

Post: #279
Title: Re: نادي الزهاجه ..مني خوجلي...عضويه فخريه....
Author: Mohamed Ahmaed Olyesh
Date: 01-08-2008, 09:44 PM
Parent: #278

والله عالم غريب
الناس مشغوله بي شنو؟
عيينا لامن بقينا كويسين والحمد لله
ماف زول اداني وصفه علاج
مالكم يا ناس النادي كعبين كده
انا زاتي حاقفلو النادي ده واقنب فيهو براي
لانو زهجتي مافكت لاعن هسه
والمابزهجني شنو
الجاليه تشيل وتاكل في قروشنا ونحن قاعدين ماجايبن خبر
والبرد نزل
وبرد الجو وبرد
وامل ما وجدت القلم
بدر زهج وقرف من امل
بدر شاكل امل
امل ما ردت لي بدر
وبدر عفصها في شبطها الجديد
امل بكت وادردقت بالواطه
بدر شرد ولعب في الشارع
.......
....ياامل وبدر ماترووقو ساكت (ده والد امل وبدر)
عليش رئيس النادي الجديد

Post: #280
Title: Re: نادي الزهاجه ..مني خوجلي...عضويه فخريه....
Author: Muna Khugali
Date: 01-08-2008, 10:52 PM
Parent: #279

ديل وليداتك؟؟

Post: #281
Title: Re: نادي الزهاجه ..مني خوجلي...عضويه فخريه....
Author: Mohamed Ahmaed Olyesh
Date: 01-08-2008, 10:58 PM
Parent: #280

وليداتك؟؟؟
يامني ارجع افكر في العرس تاني ولا شنو؟؟
انا جنس الاولاد الهاديين ديل ما بنفعو معاي
عايز شفع يملو البيت ضجه بي حضور الوالد او غيابو
شفع يقعدوك في الواطه من الغلبه والخيال
شفع يسئلوك سؤال الجن
شفع قيامه
تقولي لي شنو؟؟
عليش

وشكرا للجيه والحضور(شايف صورك في مصر مع ناس اسماء الحسين)

Post: #282
Title: Re: نادي الزهاجه ..مني خوجلي...عضويه فخريه....
Author: Mohamed Ahmaed Olyesh
Date: 01-09-2008, 09:27 PM
Parent: #281

اوووووووف

هي مالها ماشه الدنيا دي بالقلبه
خالك يكتلوهو بدون ذنب
لا شيوعي..
لا كوز
لا سياسي...
كل همو انو طلع فنان...
ودي مشكله كبيرة زاتو..
اووووف
اووووف بالجد
حاله من التوتر ولا الزهج ماعارف
المهم....اووووف

Post: #284
Title: Re: نادي الزهاجه ..مني خوجلي...عضويه فخريه....
Author: Mohamed Ahmaed Olyesh
Date: 01-28-2008, 11:00 PM
Parent: #282

Quote: قمت الصباح والحالة ديك متعكرا
حاولت اعمل اي حاجة بس ما ارجع ورا
قفلت معاي عاينت جاي واتلزمت الضرا
دنيا عجيبة حاجة غريبة مين بستحملا
بس الفضل انو نغني ووب علي والمقدرة وراجل المرا

Post: #285
Title: Re: نادي الزهاجه ..مني خوجلي...عضويه فخريه....
Author: Muna Khugali
Date: 01-28-2008, 11:28 PM
Parent: #284

وغني معاي من غلبك... اغنيه جديده...

زاجل المرتين حلو حلا!

Post: #286
Title: Re: نادي الزهاجه ..مني خوجلي...عضويه فخريه....
Author: Mutwali Malik
Date: 01-28-2008, 11:47 PM
Parent: #285

الاخت مني
تحياتي
راجل المرتين بروح في الرجلين وحقو نخلي بالنا من الدبش اللفي شلك

Post: #287
Title: Re: نادي الزهاجه ..مني خوجلي...عضويه فخريه....
Author: Mohamed Ahmaed Olyesh
Date: 01-29-2008, 04:56 AM
Parent: #286

بجيكم راجع
عليش

Post: #288
Title: Re: نادي الزهاجه ..مني خوجلي...عضويه فخريه....
Author: Mutwali Malik
Date: 01-29-2008, 07:49 PM
Parent: #287

[object width="425" height="355">

الهوبا لا لا عشان تفكو زهجتكم شوية الاهداء الي عليش ومني خوجلي

Post: #289
Title: Re: نادي الزهاجه ..مني خوجلي...عضويه فخريه....
Author: Muna Khugali
Date: 01-29-2008, 11:02 PM
Parent: #288

شكرا يا متولي.. فيديو ظريف فرق علينا في ايام الوجع والتوجع مع التجبص..