تامرجتا والناس ديل اجمل ناس في الدنيا دي وفي بلدهم راقيين علي مستوي عالي واي زيارة لاندية اديس ابابا ولياليها المدهشة بتكون رحلة صوب حكاية كده تجنن... وبمجرد ملاحظة بانك سوداني وموجود بينهم تبداء الفرقة في غناء الحان سودانية مثل القمر بوبا واغاني الحقيبة بطريقة حبشية مثل طعم البن الاديسي... ... وبالله شفت عزاز علينا دي بغنوها بادب واريحية كيف..
مركيتو...السوق الافريقي العظيم....ايامي في اديس هلا يا ابوكدوك وسبحان الله السنة الفاتت في نفس المواعيد اخوك كان معيد في تلكم البلاد الحبشية واديس تمارس فينا العزف علي اوتار افريقية من الزمن البعيد ترسل قمة تمازجها الديني والعرقي في ساحة (صلاة عيد الاضحي)وتقاطر الجموع المسلمة بكل خشوع في اكبر تجمع للصلاة شهدته عيني اذ توافد ما يقارب المليون مصلي اثيوبي للصلاة في ساحة واحدة ضخمة كبيرة واسعة مجهزة بكل بساطة وكانها في انتظار عودة التاريخ..وترفرف فيها ارواح المهاجرين الاوائل الذين هربوا بدعواتهم سرا الي الملك النجاشي.. اكثر ما يلفت الانظار في اطراف هذه الساحة هو التواجد الكثيف لغابة من الفقراء المتسولين الصعبي المراس وكثيري الحرفنة والمقدرة علي انتزاع الصدقات بكل الحاح ومهنية عالية..لنشهد ايضا اكبر تجمع للمتسولين يمكن ان تراه عينك ذات يوم.. ليمتزج هذا الكرنفال الصاخب مع ابناء اديس من المسلمين اصحاب الملابس البيضاء الذاهبين الي الصلاة في كل تسامح وحب كبير لكل وطنهم واخوتهم في الديانات الاخري ودون ادني تعصب او تشنج ديني بغيض..
ابو كدوك الله يجازيك ياخي الليلة عذبتنا عذاب قبورة باهلي الحبشكو ديل احن كثيرا الان الي ليالي اديس الي فندق المرديان ذلك المشيد بديكور جله من المواد المحلية البسيطة ..لنذهب اولا الي صالة (روها) وصالة اخري اكثر دهشة واثارة... الفن الاثيوبي حنين التون والموسيقي والكلمات تتنوع والرقص جانب اساسي باشكال وانواع مختلفة.. فهولا القوم يتساوون في كل الاشياء حتي في فواصل الغناء الذي يعبر عن كل القوميات الاثيوبية الامهراء _التقراي وقوميات صغيرة تجد ايضا فنها في هذه الصاله الرائعة.. التي تسقبلك بتفتيش مرح للجيوب ولكل اشيائك من (البودي قارد ) المبتسم دوما... لتصطدم قبل الدخول براكوبة صغيرة بها فتاة رائعة الجمال والابتسامة تدعوك لتناول واحتساء البن وما ادراك ما البن الحبشي له غرام خاص وطقوس رائعة ويخلدونه في الغناء والمووايل ..... لنذهب الان الي صالة الاحلام والترم ترم..صالة مليئة في جنباتها بالحضور المختلف الجنسيات موظفي المنظمات الدولية ..صغار موظفي السفارات العديدة وكبارها في بعض الاحيان _خواجات اسيوييين وخليجيين بازياء افنجرية وهنود وبعض من جنسيات صعب تفريزها في زمن الاختلاط الجيني هذا,,,بجانب اولاد اديس الرائعي الرقص عندما تذهب الفودكا الروسية بهم بعيدا... فارقص راقص راته عيني الي الان هو (تسفا) صديقي لليلة واحدة فقد كان يجلس وحيدا وامامه (بيرة) تسفا محبا للرقص والبيرة.... ونواصل,,ونحن لازلنا جلوسا علي تلكم الكراسي المشيدة من الخشب والسعف واشياء موغلة في البساطة والمحلية...نواصل وصدي المغنية (استير اواكي) لازال يملاء الصالة.......!!
Post: #20 Title: Re: حبشى رهيب Author: Nader Abu Kadouk Date: 12-19-2007, 00:09 AM Parent: #19
Post: #21 Title: Re: حبشى رهيب Author: Nader Abu Kadouk Date: 12-19-2007, 00:12 AM Parent: #20
Post: #22 Title: Re: حبشى رهيب Author: Tragie Mustafa Date: 12-19-2007, 01:33 AM Parent: #21
غايتو يا ود ابو كدوك فعلا حبشي صاح الله يديك العافيه ابهجتنا على هذا العيد. التحيه للشعب الاثيوبي الشقيق ومبدعيه.
Post: #23 Title: Re: حبشى رهيب Author: Nader Abu Kadouk Date: 12-19-2007, 09:44 AM Parent: #22
الله يديك العافيه يا تراجي كل عام انت و الاسره بالف خير ودابكدوك
Post: #24 Title: Re: حبشى رهيب Author: Nader Abu Kadouk Date: 12-19-2007, 11:44 AM Parent: #23
كل عام و الجميع بالف خير
التحيه للمناضلين خلف القضبان
ودابكدوك
Post: #25 Title: Re: حبشى رهيب Author: عبدالكريم الامين احمد Date: 12-19-2007, 11:48 AM Parent: #24
هلا يا نادر ودستورك الحبشي لسع عامل فينا العمايل وقبل شوية (كمال كيلا) تم الناقصة بغنوة حبشية مع مطرب اثيوبي فقلت في سري انها امتداد لحبشي رهيب بتاعة ابوكدوك التي حمتنا النوم وخلتنا نحلم بجناح طائر يحملنا الي مركاتو وصالة روها واديس الساحرة حتي نرتشف رحيق البن وغناوي اثيوبيا الطاعمة... وعيد سعيد يا نادر
وفعلا الشعب الاثيوبي جدير بالاحترام والتقدير العالي وتاكد انني اكن كل احترام وتقدير لكل الشعوب الافريقية فهي عمقنا وجذورنا .. لذا ستري هنا كيف ان تلكم النظرة الدونية التي سادت في بعض العقل السوداني بالتحديد تجاه هذه الشعب العظيم لامكان لها تماما... فالمتجول بين هولا القوم لابد له الا احترام ثقافتهم وارثهم العميق الذي اعتنوا به كثير وشيدوا له المتاحف التي تضعك علي مقرية من كل الحقب والفترات النشطة من التاريخ الافريقي...
Post: #28 Title: Re: حبشى رهيب Author: Nader Abu Kadouk Date: 12-20-2007, 10:02 AM Parent: #27
دفره قبل الارشفه لزوم السكسكه وكده
Post: #29 Title: Re: حبشى رهيب Author: عبد الناصر الخطيب Date: 12-20-2007, 06:48 PM Parent: #1
العزيز / نادر أبو كدوك
طيب الله اوقاتك ,,,
وعيد سعيد ,,, ______________________________________________________________
Post: #31 Title: Re: حبشى رهيب Author: عبد الناصر الخطيب Date: 12-20-2007, 07:57 PM Parent: #1
تشكر ياود أبوكدوك على التحية ولك خالص الود,,, وربنا يعيدوا عليك بأتم الصحة والعافية والقابله تتحقق كل أمانيك
_________________________________________________
كتبت :
Quote: لذا ستري هنا كيف ان تلكم النظرة الدونية التي سادت في بعض العقل السوداني بالتحديد تجاه هذه الشعب العظيم لامكان لها تماما...
يانادر مافي روح جميلة أو أصيلة ممكن تكون فيها نظرة عنصرية أو تعالى أو أحتقار للناس بسبب أصل أو عرق أو دين ممكن الجهل بالشي يتسبب في حساسية أو توجس ,,, ما ببري السودانيين من نظرة زي دي للأثيوبيين .. الاقرب ود لهم وأكتر الناس البعاملوا السودانيين بود وأخوه لكين تقول شنو أمراضنا الاجتماعية أكتر من أن تحصي ..
لك الود على هذا الذوق السليم والفهم العالي
غنية ( تجراوية )
معايدة لصديقي / محمد عبد الوهاب أبراهيم أمان في مقّلى
ود الخطيب بدوري بحيي صديقك محمد عبدالوهاب وبهديه هذا الكم الهائل من الإبداع والجمال
Post: #33 Title: Re: حبشى رهيب Author: عبد الناصر الخطيب Date: 12-20-2007, 08:57 PM Parent: #1
تشكر يا نادر محمد عبد الوهاب ( أبو النسب )... من أجمل الناس الذين عرفتهم خلقاً وتعاملا يستحق التحية ,,, بس ( طبزتها ) ياصاحبي !!!!!!!
محمد ده ( تجرنجه ) أثيوبي وغنيتك ( تقراى ) أرتريا .. ممكن أصل واحد بس (ذكرياتو) مع التقراى الارتريين ما حلوه ولحدي كم شهر لى وراء عندو عم طلع من ( أسمرة ) عن طريق ( الصليب الاحمر ) بعد ما أعدموا لى ولد وولدوا التاني لسه مسجون عند الناس ديل ...
الغنية حلوه بس ما بتصلح كتحية لصاحبي ,,, والناس ديل في المسائل دي ( حساسين ) زيادة ... وعندهم ( أحمد ما زي حاج أحمد )
اهل الحضرة الاكثومية الكوشية سلام الاعزاء ود ابكدوك و كيكي و عبدالناصر حب اهلنا الاثيوبيين و الارتريين بسميهو بالحب الدلفيني حبهم لينا حاجة كدا ما بقدروا يتخلصوا منها و نغلط يجونا بالاعذار.. الدلافين بتنقذ الانسان الغريق و واحدة من الامور المحيرة بتحصل علي شواطئ مورتانيا,, الصيادين يضربوا علي سطح المياه باخشاب تستجيب الدلافين بان تنتظم في صف و تدفع امامها كميات مهولة من الاسماك ناحية الشاطئ لتقع فريسة سهلة في شباك و ايادي الصيادين!!.. عشت فترة جميلة في اديس عايشت فيها هذا الشعب العظيم المحب لنا بلا حدود اكرمونا و انطوي علينا في افئدتهم الحنونة و هذا امر لن انساه ما حييت و اتمني ان اتمكن من رد بعض جميلهم و انا مؤمن بان القرن الافريقي هو امتدادنا الطبيعي و عمقنا الانساني و لابد من اقامة الامور علي نصابها بعد ما تهنا عهود طويل.. لكم الشكر الجزيل
Post: #39 Title: Re: حبشى رهيب Author: عبد الناصر الخطيب Date: 12-20-2007, 10:54 PM Parent: #1
اخي الجميل عبدالناصر عيد سعيد وكل سنةوانت بالف خير والف شكر علي هذه السياحة الطاعمة في حقول الوجدان الاثيوبي الراقي دوما بسيرة الدهشة... وانا يا اخي اري انني اهوي الفن في كل جزئياته تعبيرا بالجسد او تجسيد ملحمي لسيرة الابطال واجترار احزان واري ان الفن في قمته هو ذلك الذي يجسد النضال ويصبح احدي ادواته من اجل الوطن الفقراء وصيحة ضد الظلم.. وكل الود
اخي الجميل عبدالناصر عيد سعيد وكل سنةوانت بالف خير والف شكر علي هذه السياحة الطاعمة في حقول الوجدان الاثيوبي الراقي دوما بسيرة الدهشة... وانا يا اخي اري انني اهوي الفن في كل جزئياته تعبيرا بالجسد او تجسيد ملحمي لسيرة الابطال واجترار احزان واري ان الفن في قمته هو ذلك الذي يجسد النضال ويصبح احدي ادواته من اجل الوطن الفقراء وصيحة ضد الظلم.. وكل الود
اخي الجميل عبدالناصر عيد سعيد وكل سنةوانت بالف خير والف شكر علي هذه السياحة الطاعمة في حقول الوجدان الاثيوبي الراقي دوما بسيرة الدهشة... وانا يا اخي اري انني اهوي الفن في كل جزئياته تعبيرا بالجسد او تجسيد ملحمي لسيرة الابطال واجترار احزان واري ان الفن في قمته هو ذلك الذي يجسد النضال ويصبح احدي ادواته من اجل الوطن الفقراء وصيحة ضد الظلم.. وكل الود
Post: #41 Title: Re: حبشى رهيب Author: عبد الناصر الخطيب Date: 12-20-2007, 11:39 PM Parent: #1
الشباب الحلوين / نادر نصار وكيكي الجميل مساء الورد ,,, __________________________________________________________ يمكن هرر معروفه لينا بالبن ( الهررى )
أها ياشباب رأئكم شنو في الناس ( البنحاسهم ) ديل ونسوانهم لبسهم مختلف عن الزوريا الاثيوبية البيضاء ورجالهم بجلاليب قريبه لجلاليبنا ....
أهل هرر بقولو عليهم ( نوبيين ) ونحنه بذكرونا بسودانيين طشوا مننا القرن القبل الماضي أبان حملات الدفتردار الانتقامية ودخلوا الهضبة الحبشية خالطوا اهله بس فضلت ملامح كتيره بتشير لاصولهم
مشاهد من حفل زواج ( هررى ) :
يارسول الله خير خلق الله صلى الله عليك ,,,
ولكم ودي ,,,
Post: #45 Title: Re: حبشى رهيب Author: عبد الناصر الخطيب Date: 12-20-2007, 11:56 PM Parent: #1
Quote: وانا يا اخي اري انني اهوي الفن في كل جزئياته تعبيرا بالجسد او تجسيد ملحمي لسيرة الابطال واجترار احزان واري ان الفن في قمته هو ذلك الذي يجسد النضال ويصبح احدي ادواته من اجل الوطن الفقراء وصيحة ضد الظلم.. وكل الود
كيكي الجميل ولك الود والامنيات ,,,
ماجاء من قبيل المزاح ما القصد منو أثقل خاطرك في هذا المساء الجميل
ولك العتبي لاجل رضا ,,,,
ولك خالص الود,,,
Post: #46 Title: Re: حبشى رهيب Author: عبدالكريم الامين احمد Date: 12-21-2007, 08:27 AM Parent: #45
Quote: كيكي الجميل ولك الود والامنيات ,,,
ماجاء من قبيل المزاح ما القصد منو أثقل خاطرك في هذا المساء الجميل
ولك العتبي لاجل رضا ,,,,
كل الود وسلام اخي الجميل عبدالناصر وعيد سعيد ولا اثقال للخاطر يا عبد الناصر وانت تمارس التحليق بنا صوب اهل الهضبة الاثيوبية الرائعين وحديث موغل في المتعة وعالي الفائدة والاريحية..فاتمني ان تواصل الحديث لكي نرد ولو القليل لذلك الشعب الذي يكن محبة خاص لاهل السودان... وكل الود والتقدير
Post: #47 Title: Re: حبشى رهيب Author: عبدالكريم الامين احمد Date: 12-21-2007, 09:02 AM Parent: #46
ودي هدية خاصة ليك يا عبدالناصر بصوت استير اويكي الاسطورية
Quote: الاخوه الحلوين كيكي ود الخطيب و الرائع نادر الرضي البوست ده واامنبر امانه عندكم لحدي اجي راجع ماشي السودان لمدة شهر
والله حكايتكم حكاية انت والصاوي الصاوي يمسكني الزول داك امانة..وانت بجاي بوست قدر الضربة وملان وهج وخبورات الله يعينك يا ابو الكيك كل الود يا نادر واجازة سعيد وعودة وريفة للوطن.. والبوست مادام فيهو زول بقامة الاخ عبد الناصر (خت في بطنك بتيخ لندني) وتجي تلقاهو مجيه (جيهة قبورة)
Post: #53 Title: Re: حبشى رهيب Author: عبد الناصر الخطيب Date: 12-21-2007, 10:10 PM Parent: #1
الاكارم / نادر أبو كدوك كيكي الجميل نصار أسعد الله مساءكم بكل خير ,,,, ____________________________________________________________
عودة للبوست ( الجميل )
نادر حلو الامانيات باجازة سعيدة بالسودان الحبيب
كيكي الجميل تحية خاصة مع التقدير
لكم خالص الود ,,,
Post: #54 Title: Re: حبشى رهيب Author: عبد الناصر الخطيب Date: 12-21-2007, 11:31 PM Parent: #1
المكرم / أدم عمر مساء الخير ,,, ___________________________________________
المصريون أخوان دم ومصير وووووو ( كلام يردد عن العلاقات الازلية حفظناه عن ظهر قلب ) لكن لن تجد منهم من يغني وجدانك مثلما غناه الاثيوبيين تحية لك وعزه في هواك ( تلهون جوسيوس ) تسجيل قديم مطلع الثمانينات قد يكون موجود حتى الان بمكتبه التلفزيون السوداني ....
العزيز نادر أبو كدوك ...
شايفك مركز انو الناس ديل بتاعين ( جبنات ) وبس في لمحات من تاريخ إثيوبيا الحديث الاستعمار الايطالي قعد في الساحل ( أرتريا ) لكين لما دخل الامبراطورية الشعب كلو حارب مع الجيش الامبراطوري وماخلوا الطليان يرتاحوا يوم واحد لحدي ما طلعوهم في ست سنوات من المعارك المستمرة حرروا بلدهم ( قتلا ) ورجعوا الامبراطور ....
