سودانى ضابط بالجيش الامريكى وعضو فى المنبر

مواصلة لسودانية بالجيش الامريكى يوجد معنا فى البورد سودانى جورج بوك(المعروف فى البورد بدينق)
من جنوبنا الحبيب ويعمل ضابط بالجيش الامريكى على حسب افادة اخونا بكرى ابوبكر

طيب وبنتكلم ليه عن اخونا جمعة وكونه ضابط بالمخابرات السودانية؟؟؟؟؟؟؟؟

ابحث عن صورة عن الاخ دينق لعلى اجدها بالجوار

شفتا ليك سوداني عادي كدة شكا من ضابط في الجيش الأمريكي؟
أنا شفت عالمين سودانيين شاكين من ضباط الأمن والمخابرات السودانيين؟

دا الرابط العجيب ؟؟

Quote: شفتا ليك سوداني عادي كدة شكا من ضابط في الجيش الأمريكي؟ أنا شفت عالمين سودانيين شاكين من ضباط الأمن والمخابرات السودانيين؟ دا الرابط العجيب ؟؟

ماشفتا لى سودانى بيشتكى من ضابط امريكى انما فى القريب العاجل رايح اشوف
انما شفتا دول بحالها تشتكى من الضباط الامريكان وكيف انهم ظلمة وقتالين قتله
ومغتصبين ووووو الائحه بكبر هذا البورد يا سيدى العزيز

انا شفت شعب بكامله يا سيدى يشكى من هولاء الاوغاد

وده الرابط الاعجب من عجيب

يازول شوف لك شغله
اولا صورة جورج تلقاه عند فردته تمبس اصلا
بيموت فيه عشان كده كان حايم بيها.

Quote: ابحث عن صورة عن الاخ دينق لعلى اجدها بالجوار

بعدين يا زول فكنا بنقوم نطرشه هنا كله....
انت عارف كم الكيزان الشغالين بيعلموا في الامريكان لغة عربيه؟؟؟؟وعارف
انه بعض الشيوعين طبعوا مع الكيزان عشان يتوسطوا ليهم يلقوا
فرقه معاهم في الوظائف دي؟؟؟؟ وانه كلهم من اهل الشمال؟؟؟؟


يازول شوف في منبرك ده انا بعرف انه حلفاوي واحد بس هو الزول
الجاته فرصه ورفض يشتغل بهناك بل بيقاضي في الشركه الحاولت
تورطه في شغلانه ظاهره الكويت وباطنها العراق تبع الجيش الامريكي.

واكرر اغلبهم يسارين وكمان كيزان
و القاسم المشترك كلهم شمالين,يعني آخر ناس لحقول المولد ده الجنوبيبن
واحتمال قريبا الدارفورين كان بيقنا شطار زي اخونا الجلابه
ففكنا بالله وشوف لك شغله.

والنزيدك علم اول ناس التحقولوا بالجيش الامريكي هم الفلسطينين وبعدهم اللبنانين ومن ثم المصرين....والقوائم طويله.....

تحياتى تراجى

دعنى ارد عليك من اخر سطر الى اول سطر كعادتى فى قراءة الجرايد
من اخر صفحة الى اول صفحة

Quote: والنزيدك علم اول ناس التحقولوا بالجيش الامريكي هم الفلسطينين وبعدهم اللبنانين ومن ثم المصرين....والقوائم طويله.....

ديل نحن ما عندنا بيهم قضيه نحن البهمنا كل سودانى اصيل

Quote: بعدين يا زول فكنا بنقوم نطرشه هنا كله.... انت عارف كم الكيزان الشغالين بيعلموا في الامريكان لغة عربيه؟؟؟؟وعارف انه بعض الشيوعين طبعوا مع الكيزان عشان يتوسطوا ليهم يلقوا فرقه معاهم في الوظائف دي؟؟؟؟ وانه كلهم من اهل الشمال؟؟؟؟

شوفى والله انا ما بعرف كيزان ولا بعشومات اى حد اى كان بيتعامل مع الناس ديل
فهو عميل ابن عميل سوا كان كيزان ولا خلافهم جنوبى ولا شمالى غرباوى ولا حلفاوى انا بتكلم عن سودانيين ولا بهمنى الى اى قبيلة بينتسبو شغلة القبايل دى فى تفكيركم انتم فقط لا غير لا فرق عندنا بين سودانى واخر


الشى العاوز اعرفو مثل دينق ده اكيد بيكون ادا قسم بان يخدم امريكا ويقدم
كامل الولاء الى امريكا فى حالة تداخل الامر بالسودان قسمو ده ببلو وبيشرب مويتو ولا بعمل شسنو ولا اصلا ما عندو قسم لو قسم او لم يقسم؟؟؟؟؟


وهنالك ائلة كتير تدور فى راسى لو ظهر هذا المدعو ة دينك واجاب عليها

المصيبه عاملين لينا فلقة الراس السودان والكيزان وهلما جرا وهم مجرد عملاء.......

الثاني انكر علاقته بجهاز الامن
وسخر من الذين وصفوه بذلك.

ان ينكر المرء وظيفة يعملها فلابد ان
تكون هذه الوظيفة ( مش ولابد).

ممكن تعمل لينا بوست بالسودانيين الحاملين
جنسية امريكية / كندية / غربية
وبيعملوا وزراء او في مناصب حساسة
في الدولة

قوش : علاقتنا بـ(CIA)حمت السودان


مدير جهاز الأمن والمخابرات الفريق صلاح عبدالله




سرت: الأحداث

كشف مدير جهاز الأمن والمخابرات الفريق صلاح عبدالله "قوش" عن تمتع السودان بعلاقات ممتازة بنحو (57) من الاجهزة المخابراتية في العالم بينها أمريكا وبريطانيا وفرنسا والصين والهند وايران واسبانيا، وان العديد من ضباط الجهاز يتلقون دورات تدريبية فى تلك البلدان، وأكد لـ" الأحداث" فى ليبيا أمس ان الصلات المخابراتية المتينة بأجهزة الـ"FBI " و"CIA " اضافة الى البنتاغون حالت دون اتخاذ مواقف واجراءات مدمرة ضد السودان، ونفى فى سياق ثان اعتقال الاجهزة الامنية لنشطاء سياسيين، لكنه أقر بالتحفظ على بضع عشرات لدواعي أمنية لكنهم ليسوا من السياسيين، وقال الفريق صلاح بان ملف معتقلي المحاولة التخريبية أحيل الى النيابة ولم يعد لجهاز الأمن علاقة بتفاصيله سيما وان المحتجزين غادروا حراسات الأمن، وأشار الى ان نائب رئيس الحزب الاتحادي علي محمود حسنين أعيد اعتقاله بعد شهادة اربعة من المتهمين بضلوعه فى تمويل المحاولة. وبشأن التعاون الاستخباراتي مع امريكا قال مدير الجهاز "ندرك ان التعاون كان له ثمن" لكنه استدرك بان الثمن لم يكن خسارة الرأي العام الاسلامي فى السودان وأقر بوجود خلافات مع الـ(CIA ) حول مكافحة الارهاب، مردفاً بان السودان يعول على العمل الفكري والثقافي، كاشفاً عن نشاط ينهض به جهاز المخابرات داخل المعتقلات بالتعاون مع الأئمة والدعاة وسط المجموعات التكفيرية بما أسهم فى تغيير مفاهيم العديد منهم، مشيراً التى تمتع المخابرات السودانية بعلاقات متميزة بنظيرتها المصرية، وان الجهاز كان له دور مقدر فى إنهاء التوتر بين الخرطوم وأسمرا

Zoal Wahid
تحياتى

Quote: الثاني انكر علاقته بجهاز الامن وسخر من الذين وصفوه بذلك. ان ينكر المرء وظيفة يعملها فلابد ان تكون هذه الوظيفة ( مش ولابد).

الشى البعرفو عن الثانى هو صحفى علاقته بالامن لا علم لنا بها
قد يكون قال الحقيقه ولم تصدقه انت ولو سمعتو انا قال ذلك لصدقته
بدون توجس لانه رجل صادق مع نفسه ومع غيره

Quote: ممكن تعمل لينا بوست بالسودانيين الحاملين جنسية امريكية / كندية / غربية وبيعملوا وزراء او في مناصب حساسة في الدولة

نحن ما عندنا مانع فى انك تحمل جنسيه غربيه امريكيه كانت او كنديه لكن اعمل
بشرف وما تخون بلدك الام ده كل ما اود ايصله اقصد لا تشتغل قاتل
للابرياء وما العراق ببعيده

Quote: وعارف انه بعض الشيوعين طبعوا مع الكيزان عشان يتوسطوا ليهم يلقوا فرقه معاهم في الوظائف دي؟؟؟؟ وانه كلهم من اهل الشمال؟؟؟؟

انت قاصده شنو يا تراجي بكلامك ده؟؟؟؟
في ريحة ما كويسة فوق.

أخ وليد
الإسترزاق والعماله لأمريكا أصبحت أمر عادي لدى البعض وواأسفي على وطني من مناضلي الغفلة هؤلاء الذين يريدون تدمير كل قيمنا الجميلة .

السيد جورك بوك كما سمعت عمل بالعراق إذاُ هو مشترك في كل الجرائم التي إرتكبت بحق إخواننا العراقيين إبتداءً بأبوغريب وفضائح الإغتصاب وكل القتل والدمار الذي حدث بالعراق بأيدي الأمريكان وبمساعدة اليهود الذين كوفئوا قبل عدة أيام بأن مدت أمريكا أنبوب نفط لإسرائيل
تخيل ياأخي الكريم نفطنا العربي الآن يصدر لتحريك مركبات العدو الصهيوني ليقتلوا الفلسطينيين .

نحن للأسف في زمن الغفلة والجميع الآن يهللون للغرب ويعملون كأبواق له من أجل حفنات بائسه من الدولارات لاتسمن ولاتغني من جوع .

نقول فقط حسبنا الله ونعم الوكيل .

سيد الخطيب لاعلامى الكوز جوازو امريكيى يا فردة يا وردة الدب انتيتوا منوا قبلتوا على الجنسيات

Quote: سيد الخطيب لاعلامى الكوز جوازو امريكيى يا فردة يا وردة الدب انتيتوا منوا قبلتوا على الجنسيات

ومنو القال نحن بنتكلم عن حاملى الجواز الامريكى؟؟؟؟؟؟؟؟؟؟؟

طيب امريكا بتحصل على الاسرار كيف يا معلم من الدولة والتعاون الامن الامريكى السودانى وقنا شر ضربة امريكا .. يا استاذ مافى داعى لبوست زى دة لانوا انته وحكومتك الخسرانين جساسوس امريكا فى السودان معروف ..
(( ما زلت اذكر هتاف اعضاء المؤتمر الشعبى عقب المفاصلة وفى دارهم داون داون usa لن تحمنا cia والترابى فى حديثوا (( رجالت cia بيننا ونحنوا نعرفهم ))

Quote: طيب امريكا بتحصل على الاسرار كيف يا معلم من الدولة والتعاون الامن الامريكى السودانى وقنا شر ضربة امريكا .. يا استاذ مافى داعى لبوست زى دة لانوا انته وحكومتك الخسرانين جساسوس امريكا فى السودان معروف ..

بتحصل على الاسرار من اى عميل باع نفسه من اجل بضع دولارات
سوا كان العميل حكومى او مثل صديقا دينق ان لا يهمنى من يكون الشى
البهمنى هو اصبح عميل وسوا كان كوز او خلافه حريقه تحرقه
فهمت على يا سيدى العزيز؟؟؟؟؟؟؟

يا فردة يا وردة الدب انتيتوا منوا
<<<<<<<<<<<<<<<<<<<<<<<<<<<<<<<<<<<<<<<
ما فهمت حاجه؟؟؟؟؟
ترجم يا حبيب

What is the problem if working with US Army or not?.. sheeee ajeeeeeeeeeeeeb

Quote: ابحث عن صورة عن الاخ دينق لعلى اجدها بالجوار

By the way where is your picture

Lutfi

تحياتى اخى محمد فرح

Quote: أخ وليد الإسترزاق والعماله لأمريكا أصبحت أمر عادي لدى البعض وواأسفي على وطني من مناضلي الغفلة هؤلاء الذين يريدون تدمير كل قيمنا الجميلة .

المصيبه يا سيدى العزيز عاملين فيها مناضلين وهم فى الاصل عملاء ومعاهم طولة لسان كمان......

Quote: ] السيد جورك بوك كما سمعت عمل بالعراق إذاُ هو مشترك في كل الجرائم التي إرتكبت بحق إخواننا العراقيين إبتداءً بأبوغريب وفضائح الإغتصاب وكل القتل والدمار الذي حدث بالعراق بأيدي الأمريكان وبمساعدة اليهود الذين كوفئوا قبل عدة أيام بأن مدت أمريكا أنبوب نفط لإسرائيل

ياخى والله يفقعو المرارة امثال الجورج ده ومصيبه كبيره كونهم يقولو نحن سودانيين..............ياخى لو هم عاوزين دولارات الجنوب الايام دى كلو دولارات

مئات من السودانيين في الجيش الامريكي اليوم في العراق لحماية العالم من الارهاب والارهابيين..

في شهور الماضي استشهد واحد منهم في حرب ضد الارهاب والارهابيين.
نحن نريد ايضا حرب على الارهاب والارهابيين الموجودين هنا على سودانيزاونلاين...

JOK BIONG
تحياتى

Quote: مئات من السودانيين في الجيش الامريكي اليوم في العراق لحماية العالم من الارهاب والارهابيين..

يا ولدى كلامك ده امشى قولو لى واحد خارج من الغابه ليه ثلاثه ايام

اى ارهاب واى ارهابين البتتكلم عنهم ولا البدافع عن وطنه فى مفهومكم ارهابى

اهلا وسهلا بهكذا ارهاب

Quote: في شهور الماضي استشهد واحد منهم

قلت لى فى شهور الماضى استشهد واحد منهم استشهد وراح وين يا بابا

Quote: نحن نريد ايضا حرب على الارهاب والارهابيين الموجودين هنا على سودانيزاونلاين...

ثكلتك امكه اين هم هولاء الارهابيين يا هذا......

Mr. Waleed500
I think one day we may agree to run a thorough sobriety test on ourselves to see exactly what kind of substance we are addicted to. By "We', I mean us as sudanese people. Apart of being cronic amnesia sufferes, we lack courage, gratitute and pride. Not so long ago Wadi Halfa with a 5000 yeas-old human civilization went beneath a tiny lake and it was to be followed by Haliab on the Red Sea. I know a family of a very powerful NCP hawk which lives in Montreal on social assisstence, the wife of that individual raises 4 mentally challenged children. He is wanted in Canada because of his role in torturing political descenters. You see, you or your NCP has no moral ground to judge anyone.

محمد فرح

Quote: الإسترزاق والعماله لأمريكا أصبحت أمر عادي لدى البعض وواأسفي على وطني من مناضلي الغفلة هؤلاء الذين يريدون تدمير كل قيمنا الجميلة . السيد جورك بوك كما سمعت عمل بالعراق إذاُ هو مشترك في كل الجرائم التي إرتكبت بحق إخواننا العراقيين إبتداءً بأبوغريب وفضائح الإغتصاب وكل القتل والدمار الذي حدث بالعراق بأيدي الأمريكان وبمساعدة اليهود الذين كوفئوا قبل عدة أيام بأن مدت أمريكا أنبوب نفط لإسرائيل تخيل ياأخي الكريم نفطنا العربي الآن يصدر لتحريك مركبات العدو الصهيوني ليقتلوا الفلسطينيين . نحن للأسف في زمن الغفلة والجميع الآن يهللون للغرب ويعملون كأبواق له من أجل حفنات بائسه من الدولارات لاتسمن ولاتغني من جوع . نقول فقط حسبنا الله ونعم الوكيل

.

الاخ محمد فرح :سلامات
ما رايك اعيد كتابة مداخلتك


الإسترزاق والعماله( للصين) أصبحت أمر عادي لدى البعض وواأسفي على وطني من (مجاهدي سرقة المال العام) الغفلة هؤلاء الذين يريدون تدمير كل قيمنا الجميلة .

السيد (محمد فرح) كما سمعت عمل (بالجنوب و الشرق ) إذاُ هو مشترك في كل الجرائم التي إرتكبت بحق إخواننا (الجنوبيين) إبتداءً ( بضرب كنيسة جوبا بالمدرعات و ذبح النساء اللائ كن يحتجن من اجل ازواجهن المتحصين بداخل الكنيسة) وفضائح الإغتصاب وكل القتل والدمار الذي حدث (بالجنوب و جبال النوبة و انقسنا) بأيدي (الانقاذيين) وبمساعدة (الايرانيين) الذين كوفئوا قبل عدة أيام بأن( يفتحوا مشاريع ضخمة منها ايران غاز و نشر المذهب الشيعي )
تخيل ياأخي الكريم نفطنا (السوداني) الآن يصدر لتحريك مركبات و( طائرات الانتنوف ) ليقتلوا (اطفال دارفور) .

نحن للأسف في زمن الغفلة والجميع الآن يهللون (للانقاذ) ويعملون كأبواق له من أجل حفنات بائسه من (الجنيهات) لاتسمن ولاتغني من جوع .

نقول فقط حسبنا الله ونعم الوكيل .




كدا كيف

الاخ بكري بشير...
هو في ريحه اسوء من ريحةشويعي ولسه بيدعي
انه شيوعي ويكون مطبع مع الكيزان؟؟؟

Quote: انت قاصده شنو يا تراجي بكلامك ده؟؟؟؟ في ريحة ما كويسة فوق.

ولا مزعلك انه اتقال كلهم من الشمال؟؟؟

Quote: وعارف انه بعض الشيوعين طبعوا مع الكيزان عشان يتوسطوا ليهم يلقوا فرقه معاهم في الوظائف دي؟؟؟؟ وانه كلهم من اهل الشمال؟؟؟؟

عاد لكن كان كلهم من الشمال ماشين نكذب وبنقول بعضهم؟؟

بعدين لما تقعدوا متفرجين هنا
وليد 500 وغيره كل يوم ناتفين ريش دينق وشايلين حاله
وكأنهم يرغبون تصوريه بعميل لانه جنوبي وربما لانه مسيحي
فمن باب اولى ان يذكركم الواحد ان بعضهم مسلمين وبعضهم اولاد عرب
وداخلين مع دينق...يبقى الدجل لزومه شنو؟؟؟

Quote: كما سمعت

الكيزان محمد فرح وليد500.

يا لكم من خيابة فارغين.



دينق.

Quote: الكيزان محمد فرح وليد500. يا لكم من خيابة فارغين

نحن خيابه وفارغين ولكننا ليس بعملاء يا صبى الامريكان

ومهنتنا ليس القتل ....

قول لى قتلت كم واحد فى العراق؟؟؟؟؟

وعندك نيه تقتل كم فى درافور؟؟؟؟؟؟؟

Quote: تخيل ياأخي الكريم نفطنا العربي

اخونا محمد فرح
مسكاقمى
افتكر اللغة دى لغة (مسكاقمى) هى لغة اهلك الام؟ صح والا انا غلطان؟
طيب فى الكلام الفوق داك الضمير راجع ليك من النفط والا من اللى جنبو؟
مجرد سؤال , عشان نفهم حاجة!!

Quote: طيب فى الكلام الفوق داك الضمير راجع ليك من النفط والا من اللى جنبو؟ مجرد سؤال , عشان نفهم حاجة!!

خالد حاكم
مسكاقمي
سؤالك زاتو ملخبط وجايط
المهم أنا قاصد إنو أمريكا مدت أنبوب لإسرائيل يمدها ببترول العراق الـ(عربي) اللي هو حقي أنا وإنت وكل العرب والمسلمين .
الآن هذا الوقود يغذي آلة القتل الصهيونيه .

ورغم كل هذا تجد هنا بعض من يطبل لماما أمريكا التي سمعت أنها بصدد إرسال قوات لأفريقيا تسمى أفريكوم ماهي إلا واجهة لإستعمار جديد لأفريقيا ولكن نحمد الله أن الرئيس النيجيري تنبه لهذه المخططات الأمريكيه ورفض أن تستضيف بلاده هذه القوات .

ولانقول إلا حسبنا الله ونعم الوكيل

Quote: الكيزان محمد فرح وليد500. يا لكم من خيابة فارغين.

الجنرال جوك
ياأخوي إنت خلاص مافي أمل منك ... إنت غرقت في المستنقع خلاص
الأمريكان أنفسهم لايدافعون عن جرائم حكومتهم بالعراق .
الخائبين هم المرتزقين أمثالك الذين لاولاء لهم سوى للمال فقط .

Quote: وبمساعدة اليهود الذين كوفئوا قبل عدة أيام بأن مدت أمريكا أنبوب نفط لإسرائيل

يا لكم من كيزان تعيسين و سذج.


دينق.

Quote: ماشفتا لى سودانى بيشتكى من ضابط امريكى انما فى القريب العاجل رايح اشوف

طيب ما تنتظر القريب العاجل بعد داك تجي تتكلم
ما عيب عليك تحاسب الراجل علي جريمة لم تحدث بعد.. وربما لن تحدث ابدآ
أن بعض الظن أثم
حكمة اليوم
كراهية الظلم ولا ظلم الكراهية

الاخوان وليد ومحمد فرح

بكل اسف انتوا بتعرفوا الامريكان من الميديا فقط وماعندكم
اي اختلاط بهم وبتحاولوا اقناع الناس بهذا المفهوم

والله يا تراجي الجيش الامريكي البنعرفو عنه بس لا يتعدي المارينز ومشاة البحريه ودي فرقه واحده بس مرتبطه باذهاننا بحربهم القذره في العراق وافغانستان مع انو وحدات تانيه خطيره جدأ" وشغلها متعلق بابحاث الفضاء والتكنلوجيا والمعلوماتيه حتي الانترنت اختراع فريد للجيش الامريكي واول شبكه انترنت في العالم الاسمها ((ARPANET)) كانت تابعه للبنتاغون غير الوحده المدمجه مع وحده في FBI مختصه بالملفات الغامضه والجرائم الفريده من نوعها وانشأت ايام ظاهرة الاطباق الطائره وكلها وحدات تابعه للجيش الامريكي لكن ما عندها اي علاقه بالمتغيرات السياسيه لا من قريب ولا من بعيد بل وحدات علميه خدمت الانسانيه جمعاءومفروض يعني نحن ابعدناهم من جرائم المارينز ضد ابرياء العراق وافغانستان حاليا" وهيروشيما ونجازاكي سابقا".

وانتي تراجي ماياختي قالو علاقتك بالجماعه ديل 100 100 ما تدخلي لينا راسنا هناك تكوني قدمت خدمه كبيره لمهمش اكبر ونكون شكرناك دنيا واخره بس عليك الله ابعدينا من المارينز ديل.

Eng.Mohammed
Hydrabad India

Quote: سودانى ضابط بالجيش الامريكى وعضو فى المنبر

لا اعرف مدى صحة هذا الخبر لكن الذي نعرفه المئات من اعضاء هذا المنبر من عائلات مرتزقة عمل اباؤهم او اجدادهم ضد الشعب السوداني - استقبلوا المستعمر البريطاني على الحدود المصرية و انخرطوا في الجيش الانجليزي و كانوا عاملا حاسما في هزيمة الجيش الوطني بقيادة الدولة المهدية - ثم عملوا على اخضاع اطراف السودان للمستعمر - جواسيس-خدم- سجانين
نظير تلك العمالة و الفواحش تلقى ابناؤهم التعليم و الفرص التي نراها اليوم- و لان دماء الارتزاق و اخضاع الاخر مازالت في عروقهم نجد نزعة قتل الابرياء من ابناء الوطن مستمرة حتى اليوم

Quote: وانه كلهم من اهل الشمال؟؟؟؟

أمووووووووووووووووت

يا تراجي

وأعرف مشكلتك مع الناس ديل؟؟؟؟؟؟
خاصة منحنى النيل زي ما قال الطيب صالح!!!!!!

الشايقي

فاوضني بلا زعل

كم ضابط سوداني بالجيش المصري الذي يحتل (ال حلايب ) اليوم ؟


لكن لا ادري ان كانوا اعضاءا بالمنبر ام لا

Ustaz Hamid
I do not like to stereotype, but I think this brahohaha from Waleed5000 is becuase Deng is from the South Sudan. There are more Northern Sudanese in the US army than Southerners. Did you see Bakri's post on a young aspiring South Sudanses University of North dakota student who enlisted in the US army so that she can ease the burden on her family with the tuition fees. Did you see how shocking the comments from her countrymen were on this Board. It is a shame.

العزيز زكريا
سلامات(لفائدة البعض اكتب بالعربي)


يا اخي نحن لا نحتاح ابدا الي تبرير سبب التحاق تلك السودانية بالجيش الامريكي اطلاقا
يا اخي لو لا الله ثم الولايات المتحدة الامريكية لما كنا انت و انا بهذا المنبر لقتلتنا الحكومة السودانية منذ سنوات و مسحت اقاليمنا من اي كائن حي

من يطعم اهلنا و يداوي جراحهم في تشاد - افريقيا الوسطى- كينيا - اريتريا- ز داخل السودان؟........ المعونة الامريكية من الذي يمنع الحكومة السودانية من اتمام ذبح اهلنا ؟؟ الحكومة الامريكية

امريكا بتلك القيم تستحق ان يدافع عنها ( هذا رغم اعتراضناعلى بعض سياساتها الخارجية )
الاف السودانيين عملوا بالجيش المصري قديما و حديثا - و كان الجيش المصري يحتل السودان - و الان يحتل ارضا بمساحة دولة الكويت

منذ الستينيات عمل الاف السودانيين بالجيوش الخليجية لماذا لم نجد من اعترض على ذلك؟ بل ان المقربين من الضباط كانوا يرسلوا الي الخليج للعمل بتلك الجيوش من اجل تحسين اوضاعهم (وكثير من العمارات التي نراها اليوم بالخرطوم نتائج ذلك العمل المشروع ... (بالتاكيد هنالك عمارات من اموال الشعب السوداني)...


اخي زكريا لا تلتفت الي هذا السخف

بل نبههم الي الغضب القادم من قبل ايتام معسكرات النزوح

دعهم يرتجفون بلا سبب

Quote: سودانى ضابط بالجيش الامريكى وعضو فى المنبر

ليس في ضابط واحد يعمل بالجيش الامريكي( بافتراض ان الخبر صحيح)

لكن استعدوا للدهشة التي سوف تأتيكم من صغار ضحاياكم الذين قتلتم اهلهم و اقرانهم و دفعتم بهم الي المعسكرات - في (تشاد - افريقيا الوسطى- كينيا- اثيوبيا و دول اخرى عوضا عن النزوح الداخلى المهين)

الشايقي
كيفنك؟؟؟
وعايز تركب الموجه دي مالك؟؟؟؟

Quote: أمووووووووووووووووت يا تراجي وأعرف مشكلتك مع الناس ديل؟؟؟؟؟؟ خاصة منحنى النيل زي ما قال الطيب صالح!!!!!! الشايقي

يازول انا ما عندي اي مشكلة معاهم
بس اولا :
بعرفهم اكثر من ناس كثر هنا من الهمشين.
عرفوا اليهود قبلنا ولبدوا عملوا اضن الحامل طرشاء.
وعرفوا الجيش قبل دينق ولابدين بيخلوا الكيزان الجهوين ينتفوا في ريش دينق
ومافي زول عايز يدخل ويدافع,ول حصل عليهم الهجوم ده كان تلقة دينق بيدافع عنهم.
ناقشوا المثليين قبلنا وكتلوها نقاشاا ولما فتحنا موضوعها لبدوا ايضا
وعملوا فيها (شريفه فاضل) ولسه تقولي عندك معاهم شنو؟؟؟

Brother Hamid
Yes, you can response to me in Arabic. What bothers me the most is this kind of judgemental mentality. Half of Bashir's NCP ministers have dual citizenships and most of them would kiss monkeys rears to keep these documents. And then they have the audacity to post something like this with straight face. It makes one really sick. What a bunch of hypocrats.