البشـير .. أنا مقصــٌر ... !!

..
.

أقُر رئيس الجمهوريةالمشير عمر البشير بالتقصير
فى حقوق الشعب السودانى ، مشيراً أن الشعب يستحق أكثر مما قدم له
خلال العشرين عاماً الماضية .
وقال فى اول ظهور عقب إجماع أحزاب الحكومة على ترشيحه فى الإنتخابات المقبلة
" مع انى أعلم ما انجز خلال الاعوام الماضية ، وإدرك حجم الانجازات والإخفاقات إلا
ان الشعب السودانى يستحق المزيد "

( كما جاء بصحيفة الأحداث عدد اليوم 799 - 14 يناير 2010 )

________

معقولة يا ريس تكتشف الموضوع دا بعد 20 سنة
كلكم راع وكلكم مسئول عن رعيته

Quote: معقولة يا ريس تكتشف الموضوع دا بعد 20 سنة كلكم راع وكلكم مسئول عن رعيته

والله لكن ده إكتشاف ختري عديييييل كده...










سلام يا تبلدينا...

..
.
سلام يا معاوية

حقيقة هذا ان يكتشف السيد الرئيس هذاالامر بعد 20 عاماً
تجاه هذا الشعب المطحون ..
فهذه طامه كبري ..

_____

لك الود باق

..
.
ولقد اضاف الرئيس :
( ان المسؤولية التى وضعنى فيها الشعب كبيرة وتشعرنى بالخوف من نفسي )

( كما جاء بصحيفة الراى العام عدد اليوم 4414 - 14 يناير 2010)

________

مع اننا نعلم ان هذه المسؤؤولية
وضعته فيها الجبهة القومية الاسلامية
التى انبثق منها الانقاذيون
ثم انبثق منهم المؤتمر الوطنى ..
ولا نزال ننتظر انبثاقات
وليس للشعب ناقة فيها ولا جمل ..

سلام صالح

طبعا مقصر دي بقولا الواحد لاصحابو لاولادو لاهلو

لكن يقولا رئيس جمهورية يطرشنا ما سمعناها

الموضوع هو بكا ما جيت عزيتنا فيهو ولا فرح ما جيت دفعت في كشفو

دي مسؤولية شعب ما قدرت علىها تستقيل طوالى وقشة ما تعتر ليك

..
.
سلام يا محمد

Quote: دي مسؤولية شعب ما قدرت عليها تستقيل طوالى وقشة ما تعتر ليك

بلد يا محمد ما ليها دستور ..
ولا محكمة تحاسب وزير او مسؤول
وومجموعة افراد تسمى حزب تسيطر على مقاليد الامور
فهل تنتظر استقالة رئيس بعد مضى ربع قرن من الدهور :)

_________

انه وطن بلا مواطن جسور
بلد يفتقد لللوائح وقلة الشعور ..

يا اخوي حمدلاك بالسلامة

وبركة الاكتشف وبقي يحس
بعد اكتشافو ده مفروض
طوالي يتنحي من المسولية
وقبل يتنحي يعلن بيان بحل
الحكومة واقامة حكومة قومية.

تبلدينا !!!!!
والله لقيتك احسن من اصحابك بفراسخ عددا !!
كنت قايلاك بشيراوى صدق ؟

لكن اقول ليك ما تاخدو راحتكم خالص ....

هو قال مقصر .. يعنى بسييييييته كدا ,,
ما قال

اخفقت ..
ولا قال
فشلت ..
ولاقال ما
نافع ..
ولا قال ما
رحيم
ولا قال ما
محمود
ولا قال ما
حربى
ولا قال ما
محمدا بالحيل ..
فقط مقصر اى يكسو الشىء مع قليل من النقصان كما جلباب اهل السنة
وفى هذا استحباب .... هو ذاك هو ذاك يا فرده فلا تتعجل الاحكام والحلول
نحن يحلنا بلة يايابا .. هو مقصر الليلة ولا امس يا قولك ..
دى من باب والله انتو كناخبين حلوين احلى منى وتستاهلو اكتر من كدا !!















ــــــــــــــــ
والله كان مقصر ما عارفه .. فعلا نستاهل اكتر من كدا !!
تبلدينا ياخ ما تقول لى قوم لف وتوديها لى ناس الراى العام
ينشروها ليك فى نفس المكان بكرة .. مش الدنيا حريات وكدا ؟ لوووووووب .

..
.
سلام يا ستيف

Quote: وقبل يتنحي يعلن بيان بحل الحكومة واقامة حكومة قومية.

لا تحلموا بوطن ديمقراطى

_________

عارف يا صاحب بقولو حواء والده
ولكن يبدو انها فى هذا الوطن وبنظره للساحة
الوطنية قد ( عَقرت )

تصحيح كلمة

يا صالح سلامات ..
خليني الحق اخت لي سؤال لاخوانا مؤيدي البشير الحيجو هسه ..
سؤال ذمة و الله و انا قبلان ذمتم ..
لو كان صالح عبد الرحمن المعروف بتبلدينا فتح بوست امبارح قال فيه ان البشير مقصر في حق الشعب السوداني و ان الشعب يستحق اكثر .. كان حتقولوا شنو لصالح ؟


ـــــــــ
مضطر اشرح مغزى السؤال :
كلما اقرت الحكومة باخفاق كان يحدث ( بيوت الاشباح مثالا ) صفق لها المؤيدون لهذا السمو .. رغم انهم اليوم الذي قبله كانوا ينكرون هذا الاخفاق و يدافعون عن كمال التجربة.

بالنسبة للسيد الرئيس :
ممكن سعادتك تخلي زول غيرك يكمل التقصير ؟
انت ماك مجبور علينا .. و و الله نحن ما مجبورين عليك.

Quote: ان المسؤولية التى وضعنى فيها الشعب كبيرة وتشعرنى بالخوف من نفسي

انتو يا جماعة الانقاذ دي جات بانقلاب عسكري وله الواحد فينا كبر و بقى يتخيل ليو ؟

اتوقع ان يخرج علينا د. نافع يوما ليقول ان الشعب اختاره لرئاسة جهاز الامن.

Quote: وقال فى اول ظهور عقب إجماع أحزاب الحكومة على ترشيحه فى الإنتخابات المقبلة " مع اانى أعلم ما انجز خلال الاعوام الماضية ، وإدرك حجم الانجازات والإخفاقات إلا ان الشعب السودانى يستحق المزيد "

** الباشمهندس صالح..
** مساءك خير..
## نحمد له إكتشافه الرهيب بعد مرور العشرين سنه الاولى ,, مُش برضو كان ممكن الإكتشاف دا يكون خافى عنو ويظهر فى العشرين سنه التانيه!!!!!!!!!!

** أها نساعدو فى إكتشافو دا:-

** مُنذ 1997 لم يقدم مسوؤلاً بحكومته إقراراً للذمه ... (وكلهم ذمتم لستك)..
** هنالك قانونيين هما:- الثراء الحرام ,, ومن أن لك هذا ..
(مشوا يجيبوا تلج ومارجعو)..
** هنالك قرارات جمهوريه أصدرتها والجهاز التنفيذى لم يقم بتنفيذها..
(إلغاء تأشيرة الخروج "مثال") (وقف الجبايات ...........الخ.............)

## (اها ياريس فُتك بعافيه للإكتشاف القادم)!!!!!!!!!!!!!
(واحد من الشعب الفضل المافضلتو ليهو حاجه)

Quote: ان المسؤولية التى وضعنى فيها الشعب كبيرة وتشعرنى بالخوف من نفسي

يا ريسنا قـدُر مِدَيرَك فك الدفـة وأدها غيرك
طـاوع شعبك وارضى ضـميرك وقف اوع تواصل سيـرك
لو طـاوعتنا شِن بيضيـرك عرض اكتافك وفك البيـرك
ولا هنا شكـراً وكتر خيرك وكل انسان فى الأرض خليـفة..!!

والله نحن زاتنا مقصرين معاهو

كونو نكون خالينو يشتغل المده دي كلها بدون راحه

يللا .... لو ممكن

ادي غيرك فرصه

..
.

Quote: وأكّد البشير أنّ الإنقاذ حركة تحرر وستظل تعمل على بناء أمة معتزة بنفسها وبناء بلد يشبه أهل السودان

صحيفة الراى العام نفس العدد اعلاه والرابط :
http://www.rayaam.info/News_view.aspx?pid=498&id=37218

__________

ولتعلم سيدى الرئيس ان تلك التركيبة التى
تكونت خلال 21 عاما الماضية تحت مظلة الانقاذ
تركيبة لا تشبه اهل السودان ..

فهل تسائلت عن السبب ..!!

..
.

Quote: وقال: نسألكم الدعاء بأن اكون على قدر الأمانة والثقة التي قال منحنى لها الشعب.

قال تعالى فى محكم تنزيله
{إِنَّا عَرَضْنَا الْأَمَانَةَ عَلَى السَّمَاوَاتِ وَالْأَرْضِ وَالْجِبَالِ فَأَبَيْنَ أَن يَحْمِلْنَهَا
وَأَشْفَقْنَ مِنْهَا وَحَمَلَهَا الْإِنسَانُ إِنَّهُ كَانَ ظَلُوماً جَهُولاً }الأحزاب72 - صدق الله العظيم

________

وحيث اننا نعلم انك ستأتى الى دورة رئاسية جديدة
فنتمنى ان تكون هذه الامانة لهذا الشعب هى دوما امام ناظريك ..

المقصر يتخارج طوالى والمشتهى الحنيطير يطير

لملم عددك وشيل معاك ولدك ( نافع) وشعب السودان يكفى لى سددك


يلالالالالالالا

..
.
سلام يا حمور

Quote: كان حتقولوا شنو لصالح ؟

حيقولو شنو ياحمور ؟؟
غير ان هذاا الشخص معارض وضد الوطن ومصلحته
لا يعلمون اين هى مصلحة الوطن ..
هل فى التوارى ام فى الدتدارى والنفاق

نحن شعب _ مؤسف ان نقول _
بيعت ذممنا وقتلت ضمائرنا
ووصرنا نبحث فقط عن مصالحنا الشخصية نفكر فى انفسنا
ومصلحتنا الخاصة اولا ثم الحزبية ثم القبلية

_____________

نحن مجبورين نتحمل
ما لا نود سواء حاليا او مستقبلا ..
فانه يعطى الملك لمن يشاء وينزعه ممن يشاء

الأخ تبلدينا سلامات

Quote: بلد يا محمد ما ليها دستور .. ولا محكمة تحاسب وزير او مسؤول وومجموعة افراد تسمى حزب تسيطر على مقاليد الامور فهل تنتظر استقالة رئيس بعد مضى ربع قرن من الدهور :) _________ انه وطن بلا مواطن جسور بلد يفتقد لللوائح وقلة الشعور ..

ودا الكلام البيزعل ودالباوقة ويفرح حمور

ما مقصر آل أغلف انت قايلة عرسو مثنى وثلاث ورباع وأنكحو ما طاب لكم وألا شنو ؟؟

هنافى حديد يلاقى حديد وشد حيلك ساهى والداخرنو ليك بركة من جعل محمد نبى يلاقيك انت والمعاك

الليلة قبلى بكرة

Quote: حقيقة هذا ان يكتشف السيد الرئيس هذاالامر بعد 20 عاماً

يا تبلدينا

هــو عمرنا فيهو كم عشرين سنة ؟


مش بيقولو في المثل ( نص عمركـ ضايع ) أها

يعني انا نص عـمري ضـــاع مع الناس ديل !!

عمري هسع فيهو 2 عشرين سنه ! نص قبل البشير ونص في عهد البشير


وحا يظل أثر النكبة دي 80 سنة لتزول أو تتمحــي !!






هشام

عادي يا جماعة ....

مش قبل كدة (فجأة) بعد 15 سنة إكتشف إنو قرنق وحدوي وما إنفصالي؟